ܣܶܦܪܳܐ ܕܡܰܦܩܳܢܳܐ 6
6
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܐ݄ܥܕܳܐ ܓܚܳܙܰܬ ܗ̄ܽܘ ܡܶܕܶܐ ܕ݄ܓܣܳܝܰܡ ܐ̱ܢܳܐ ܠܦܶܪܥܽܘܢ. ܡܺܐܝܕ̥ܶܗ ܕܒܺܐܝܕ̥ܳܐ ܚ݄ܨܬܳܐ (ܥ݄ܠ ܡܶܢܶܗ) ܓ݄ܡܫܰܕܰܪّܶܗ، ܘܒ݄ܕܪܳܥܳܐ ܥܶܠܳܝܳܐ ܓܡܰܘܦܰܩّܶܗ ܡܺܗ̄ܝ ܐܰܪܥܰܝܕ̥ܶܗ.“ 2ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: ”ܐܳܢܳܐ ܐ̱ܢܳܐ ܡܳܪܝܳܐ. 3ܕ݄ܓܠܶܐ ܐ̱ܢܳܐ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ ܒܐܺܝܠܫܰܕܰܝ ܐܰܠܳܗܳܐ، ܘ݄ܐܫܡܶܗ ܕܡܳܪܝܳܐ ܐܰܠّܶܗ ܠܳܐ ܡܰܚܘܶܐ ܠܺܝ. 4ܘܡܰܩ݄ܡ ܠܺܝ ܗ̄ܽܘ ܩܝܳܡܰܝܕ̥ܺܝ ܐܰܥܡܰܝّܶܗ ܕܳܗ̄ܒܶܢܰܢّܶܗ ܗ̄ܺܝ ܐܰܪܥܳܐ ܕ݄ܟܢܰܥܢ، ܗ̄ܺܝ ܐܰܪܥܳܐ ܕܺܗ̄ܝ ܢܽܘܟ̥ܪܳܝܽܘܬ̥ܰܬّ̥ܶܗ ܕܝܰܬܺܝܒ̥ܺܝ ܐܶܒܰܗ. 5ܘܳܐܢܳܐ ܣܬܶܝ ܫܰܡ݄ܥ ܐ̱ܢܳܐ ܗ̄ܽܘ ܬܶܢܺܝܢܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܰܢ̱ ܡّܶܨܪ̈ܳܝܶܐ ܕܟܳܡܫܰܥܒܕ݄ܢّܶܗ، ܘ݄ܕ̥ܟ݄ܪ ܠܺܝ ܗ̄ܽܘ ܩܝܳܡܰܝܕ̥ܺܝ. 6ܡܰܗ̄ܘܟ̥ܰܐ ܐܰܡܰܪ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ: ܐܳܢܳܐ ܐ̱ܢܳܐ ܡܳܪܝܳܐ ܐܰܠܳܗܳܐ. ܘ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ، ܘܟ݄ܡܦܰܨܶܐ ܐ̱ܢܳܐ ܠܟ̥ܽܘ ܡܽܗ̄ܘ ܥܒ̥ܳܕܰܬّ̥ܶܗ، ܘܦܽܘܪܩܳܢܳܐ ܓܦܳܪܰܩ ܐ̱ܢܳܐ ܠܟ̥ܽܘ ܒܺܐܝܕ̥ܳܐ ܚ݄ܨܬܳܐ ܘܒ݄ܕܪܳܥܳܐ ܥܶܠܳܝܳܐ، ܘ݄ܒܕ̈ܺܝܢܶܐ ܪ̈ܰܒܶܐ. 7ܘ݄ܓܡܳܝܰܕܢܰܢܟ̥ܽܘ ܥܰܡܳܐ ܐܶܠܺܝ. ܘ݄ܓܕܳܗ̄ܘܶܐ ܐ̱ܢܳܐ ܠܟ̥ܽܘ ܐܰܠܳܗܳܐ. ܘ݄ܓܕ݄ܐܕ̥ܥܺܝܬܽܘ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬ̥ܟ̥ܽܘ ܕ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ. 8ܘ݄ܓܡܰܝܬܶܢܰܢܟ̥ܽܘ ܠܺܗ̄ܝ ܐܰܪܥܳܐ ܕܡܰܥܠܶܐ ܠܺܝ ܐܺܝܕ̥ܺܝ ܕܳܗ̄ܒܶܢܰܗ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ. ܘ݄ܓܕܳܗ̄ܒܶܢܰܢܟ̥ܽܘ ܝܳܐ ܝܳܪܬܽܘܬ̥ܳܐ، ܐܳܢܳܐ ܡܳܪܝܳܐ.“ 9ܘܗܰܘܟ̥ܰܐ ܐܡ݄ܪ ܠܶܗ ܡܽܘܫܶܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܠܳܐ ܫܰܡܺܝܥܺܝ ܠܡܽܘܫܶܐ ܡܽܗ̄ܘ ܟܶܐܒ̥ܳܐ ܕܢܰܦܫ̈ܰܝّܶܗ ܘܡܽܗ̄ܘ ܫܽܘܥܒܳܕ̥ܳܐ ܩܰܫܝܳܐ.
10ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ: 11”ܙܳܟ̥ ܐܰܡܰܪ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ، ܕ݄ܡܫܰܕ݄ܪ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ.“ 12ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܟܰܐܠ݄ܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܠ݄ܐ ܓܫܳܡܥܺܝ ܠܺܝ، ܐܰܝܕܰܪܒܳܐ ܦܶܪܥܽܘܢ ܓ݄ܕܫܳܡܰܥ ܠܺܝ، ܘܠܶܫܳܢܺܝ ܠܰܥܓܳܐ ܝܳܐ؟“ 13ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܥܰܡ ܐܰܗܪܽܘܢ، ܘܗܽܒ̥ ܠܰܗ ܠّܶܗ ܦܽܘܩܕܳܢܳܐ (ܘ݄ܡܫܰܕܪܺܝ ܠܶܗ) ܓܰܒ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘܓܰܒ ܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܕܡܰܘܦܩܺܝ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ.
ܗ̄ܰܒّܰܒܳܢ̈ܶܐ ܕܡܽܘܫܶܐ ܘܰܐܗܪܽܘܢ
14ܘܗܰܢܺܝ ܢܶܝ ܗ̄ܰܪّܺܝܫ̈ܶܐ ܕܰܒّܳܬ̈ܶܐ ܕܰܒّܰܒܳܢ̈ܰܬّ̥ܶܗ: ܗ̄ܰܢ ܐܰܒܢ̈ܶܐ ܕܪܽܘܒܶܝܠ، ܗ̄ܽܘ ܒܽܘܟ̥ܪܳܐ ܕܺܐܝܣܪܳܐܶܝܠ: ܚܢܽܘܟ̥، ܘܦܰܠܽܘ، ܘܚܶܨܪܽܘܢ، ܘܟܰܪܡܺܝ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܪܽܘܒܶܝܠ. 15ܘܰܗ̄ܢ ܐܰܒܢ̈ܶܐ ܕܫܶܡܥܽܘܢ: ܝܰܡܽܘܐܶܝܠ، ܘܝܳܡܺܝܢ، ܘܳܐܗܳܪ، ܘܝܳܟܺܝܢ، ܘܨܳܚܳܪ، ܘܫܳܐܘܳܠ ܗ̄ܽܘ ܐܰܒܪܳܐ ܕܺܗ̄ܝ ܟܢܰܥܢܰܝܬܳܐ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܫܶܡܥܽܘܢ. 16ܘܗܰܢܺܝ ܢܶܝ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܠܶܘܺܝ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ: ܓܶܪܫܽܘܢ، ܘܩܳܗܳܬ̥، ܘ݄ܡܪܳܪܺܝ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܠܶܘܺܝ ܡܳܐܐ ܘ݄ܫܒ̥ܰܥ ܘ݄ܬܠܶܬ̥ܺܝ ܐ݄ܫܢ̈ܶܐ. 17ܘܰܗ̄ܢ ܐܰܒܢ̈ܶܐ ܕܓܶܪܫܽܘܢ: ܠܰܒܢܺܝ، ܘܫܰܡܥܺܝ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 18ܘܰܗ̄ܢ ܐܰܒܢ̈ܶܐ ܕܩܳܗܳܬ: ܥܰܡܪܰܡ، ܘܝܰܨܗܳܪ، ܘܚܶܒܪܽܘܢ، ܘܥܽܘܙܶܝܠ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܩܳܗܳܬ ܡܳܐܐ ܘ݄ܬܠ݄ܬ̥ ܘ݄ܬܠܶܬ̥ܺܝ ܐ݄ܫܢ̈ܶܐ. 19ܘܰܗ̄ܢ ܐܰܒܢ̈ܶܐ ܕ݄ܡܪܳܪܺܝ: ܡܰܚܠܺܝ، ܘܡܽܘܫܺܝ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܰܠّܶܘܳܝ̈ܶܐ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 20ܘܡ݄ܕ ܠܶܗ ܥܰܡܪܰܡ ܐܰܢ̱ܬ̥ܬܳܐ ܠܝܽܘܟ̥ܳܒܳܪ، ܗ̄ܺܝ ܒܰܪܬ̥ܳܐ ܕܽܗ̄ܘ ܥܰܡّܰܝܕ̥ܶܗ. ܘܡܰܘܠܰܕ ܠܰܗ ܠܶܗ ܐܰܗܪܽܘܢ ܘܡܽܘܫܶܐ ܘܡܰܪܝܰܡ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܥܰܡܪܰܡ ܡܳܐܐ ܘ݄ܫܒ̥ܰܥ ܘ݄ܬܠܶܬ̥ܺܝ ܐ݄ܫܢ̈ܶܐ. 21ܘܰܗ̄ܢ ܐܰܒܢ̈ܶܐ ܕܝܰܨܗܳܪ: ܩܽܘܪܳܚ، ܘ݄ܢܦܳܓ̥، ܘܙܰܟܪܺܝ. 22ܘܰܗ̄ܢ ܐܰܒܢ̈ܶܐ ܕܥܽܘܙܺܝܶܠ: ܡܰܢܫܳܐܶܝܠ، ܘܶܐܠܺܝܨܦܳܢ، ܘܣܰܬܪܺܝ. 23ܘܡ݄ܕ ܠܶܗ ܐܰܗܪܽܘܢ ܐܰܢ̱ܬ̥ܬܳܐ ܐܶܠܺܝܫܒܰܥ ܗ̄ܺܝ ܒܰܪܬ̥ܳܐ ܕܥܰܡܺܝܢܳܕܳܒ، ܗ̄ܺܝ ܚܳܬ̥ܳܐ ܕܢܰܚܫܽܘܢ. ܘܡܰܘܠܰܕ ܠܰܗ ܠܶܗ ܢܳܕܳܒ، ܘܰܐܒܺܝܗܽܘ، ܘܶܐܠܺܝܥܳܙܳܪ، ܘܺܐܝܬ̥ܳܡܳܪ. 24ܘܰܗ̄ܢ ܐܰܒܢ̈ܶܐ ܕܩܽܘܪܳܚ: ܐܳܣܺܝܪ، ܘܗܰܠܩܳܢܳܐ، ܘܰܐܟܶܢܣܳܦ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܩܽܘܪܳܚ. 25ܘܶܐܠܺܝܥܳܙܳܪ، ܗ̄ܽܘ ܐܰܒܪܳܐ ܕܰܐܗܪܽܘܢ، ܡ݄ܕ ܠܶܗ ܐܰܢ̱ܬ̥ܬܳܐ ܡܰܢ̱ ܒܢ̈ܳܬ̥ܳܐ ܕܦܰܢܛܶܝܠ. ܘܡܰܘܠܰܕ ܠܰܗ ܠܶܗ ܦܺܝܢܚܶܣ. ܗܰܢܺܝ ܢܶܝ ܗ̄ܰܪّܺܝܫ̈ܶܐ ܕܰܫّܰܪ̈ܒܳܬ̥ܳܐ ܕܰܠّܶܘܳܝ̈ܶܐ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 26ܗܰܢܳܐ ܝܳܐ ܡܽܘܫܶܐ، ܘܗܰܢܳܐ ܝܳܐ ܐܰܗܪܽܘܢ ܕܐܡ݄ܪ ܠܰܗ ܠّܶܗ ܡܳܪܝܳܐ: ”ܡܰܘܦܶܩܽܘ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ،“ ܟܽܘܠّܶܗ ܗ̄ܰܚّܰܝ̈ܠܰܬّ̥ܶܗ. 27ܗܰܢܺܝ ܢܶܝ ܕܐܡ݄ܪّܶܗ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܕܡܰܘܦ݄ܩ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ: ܡܽܘܫܶܐ ܘܰܐܗܪܽܘܢ.
ܐܰܗܪܽܘܢ ܟܡ݄ܫܓ̥݄ܠ ܡܶܢ̱ ܚܠܳܦ ܕܡܽܘܫܶܐ
28ܘܗܰܘܺܝ ܒܽܗ̄ܘ ܝܰܘܡܳܐ ܕܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܒܺܗ̄ܝ ܐܰܪܥܳܐ ܕܡܶܨܪܶܝܢ، 29ܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ: ”ܐܳܢܳܐ ܐ̱ܢܳܐ ܡܳܪܝܳܐ. ܐܰܡܰܪ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܟܘ̇ܠ ܡܶܕܶܐ ܕܳܐܡܰܪ ܐ̱ܢܳܐ ܠܳܟ̥.“ 30ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܠܶܫܳܢܺܝ ܠܰܥܓܳܐ ܝܳܐ، ܐܰܝܕܰܪܒܳܐ ܓ݄ܕܫܳܡܰܥ ܠܺܝ ܦܶܪܥܽܘܢ؟“
Právě zvoleno:
ܣܶܦܪܳܐ ܕܡܰܦܩܳܢܳܐ 6: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 6
6
1ܘܐܡ݄ܪ ܠܶܗ ܡܳܪܝܳܐ ܠܡܽܘܫܶܐ: ”ܐ݄ܥܕܳܐ ܓܚܳܙܰܬ ܗ̄ܽܘ ܡܶܕܶܐ ܕ݄ܓܣܳܝܰܡ ܐ̱ܢܳܐ ܠܦܶܪܥܽܘܢ. ܡܺܐܝܕ̥ܶܗ ܕܒܺܐܝܕ̥ܳܐ ܚ݄ܨܬܳܐ (ܥ݄ܠ ܡܶܢܶܗ) ܓ݄ܡܫܰܕܰܪّܶܗ، ܘܒ݄ܕܪܳܥܳܐ ܥܶܠܳܝܳܐ ܓܡܰܘܦܰܩّܶܗ ܡܺܗ̄ܝ ܐܰܪܥܰܝܕ̥ܶܗ.“ 2ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ ܠܶܗ: ”ܐܳܢܳܐ ܐ̱ܢܳܐ ܡܳܪܝܳܐ. 3ܕ݄ܓܠܶܐ ܐ̱ܢܳܐ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ ܒܐܺܝܠܫܰܕܰܝ ܐܰܠܳܗܳܐ، ܘ݄ܐܫܡܶܗ ܕܡܳܪܝܳܐ ܐܰܠّܶܗ ܠܳܐ ܡܰܚܘܶܐ ܠܺܝ. 4ܘܡܰܩ݄ܡ ܠܺܝ ܗ̄ܽܘ ܩܝܳܡܰܝܕ̥ܺܝ ܐܰܥܡܰܝّܶܗ ܕܳܗ̄ܒܶܢܰܢّܶܗ ܗ̄ܺܝ ܐܰܪܥܳܐ ܕ݄ܟܢܰܥܢ، ܗ̄ܺܝ ܐܰܪܥܳܐ ܕܺܗ̄ܝ ܢܽܘܟ̥ܪܳܝܽܘܬ̥ܰܬّ̥ܶܗ ܕܝܰܬܺܝܒ̥ܺܝ ܐܶܒܰܗ. 5ܘܳܐܢܳܐ ܣܬܶܝ ܫܰܡ݄ܥ ܐ̱ܢܳܐ ܗ̄ܽܘ ܬܶܢܺܝܢܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܰܢ̱ ܡّܶܨܪ̈ܳܝܶܐ ܕܟܳܡܫܰܥܒܕ݄ܢّܶܗ، ܘ݄ܕ̥ܟ݄ܪ ܠܺܝ ܗ̄ܽܘ ܩܝܳܡܰܝܕ̥ܺܝ. 6ܡܰܗ̄ܘܟ̥ܰܐ ܐܰܡܰܪ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ: ܐܳܢܳܐ ܐ̱ܢܳܐ ܡܳܪܝܳܐ ܐܰܠܳܗܳܐ. ܘ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ، ܘܟ݄ܡܦܰܨܶܐ ܐ̱ܢܳܐ ܠܟ̥ܽܘ ܡܽܗ̄ܘ ܥܒ̥ܳܕܰܬّ̥ܶܗ، ܘܦܽܘܪܩܳܢܳܐ ܓܦܳܪܰܩ ܐ̱ܢܳܐ ܠܟ̥ܽܘ ܒܺܐܝܕ̥ܳܐ ܚ݄ܨܬܳܐ ܘܒ݄ܕܪܳܥܳܐ ܥܶܠܳܝܳܐ، ܘ݄ܒܕ̈ܺܝܢܶܐ ܪ̈ܰܒܶܐ. 7ܘ݄ܓܡܳܝܰܕܢܰܢܟ̥ܽܘ ܥܰܡܳܐ ܐܶܠܺܝ. ܘ݄ܓܕܳܗ̄ܘܶܐ ܐ̱ܢܳܐ ܠܟ̥ܽܘ ܐܰܠܳܗܳܐ. ܘ݄ܓܕ݄ܐܕ̥ܥܺܝܬܽܘ ܕܳܐܢܳܐ ܐ̱ܢܳܐ ܡܳܪܝܳܐ ܐܰܠܳܗܰܬ̥ܟ̥ܽܘ ܕ݄ܟܡܰܘܦܰܩ ܐ̱ܢܳܐ ܠܟ̥ܽܘ ܡܽܗ̄ܘ ܫܽܘܥܒܳܕ̥ܳܐ ܕܰܡّܶܨܪ̈ܳܝܶܐ. 8ܘ݄ܓܡܰܝܬܶܢܰܢܟ̥ܽܘ ܠܺܗ̄ܝ ܐܰܪܥܳܐ ܕܡܰܥܠܶܐ ܠܺܝ ܐܺܝܕ̥ܺܝ ܕܳܗ̄ܒܶܢܰܗ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ. ܘ݄ܓܕܳܗ̄ܒܶܢܰܢܟ̥ܽܘ ܝܳܐ ܝܳܪܬܽܘܬ̥ܳܐ، ܐܳܢܳܐ ܡܳܪܝܳܐ.“ 9ܘܗܰܘܟ̥ܰܐ ܐܡ݄ܪ ܠܶܗ ܡܽܘܫܶܐ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܘܠܳܐ ܫܰܡܺܝܥܺܝ ܠܡܽܘܫܶܐ ܡܽܗ̄ܘ ܟܶܐܒ̥ܳܐ ܕܢܰܦܫ̈ܰܝّܶܗ ܘܡܽܗ̄ܘ ܫܽܘܥܒܳܕ̥ܳܐ ܩܰܫܝܳܐ.
10ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ: 11”ܙܳܟ̥ ܐܰܡܰܪ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ، ܕ݄ܡܫܰܕ݄ܪ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܰܝܕ̥ܶܗ.“ 12ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܟܰܐܠ݄ܢ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܠ݄ܐ ܓܫܳܡܥܺܝ ܠܺܝ، ܐܰܝܕܰܪܒܳܐ ܦܶܪܥܽܘܢ ܓ݄ܕܫܳܡܰܥ ܠܺܝ، ܘܠܶܫܳܢܺܝ ܠܰܥܓܳܐ ܝܳܐ؟“ 13ܘܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܥܰܡ ܐܰܗܪܽܘܢ، ܘܗܽܒ̥ ܠܰܗ ܠّܶܗ ܦܽܘܩܕܳܢܳܐ (ܘ݄ܡܫܰܕܪܺܝ ܠܶܗ) ܓܰܒ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘܓܰܒ ܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܕܡܰܘܦܩܺܝ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ.
ܗ̄ܰܒّܰܒܳܢ̈ܶܐ ܕܡܽܘܫܶܐ ܘܰܐܗܪܽܘܢ
14ܘܗܰܢܺܝ ܢܶܝ ܗ̄ܰܪّܺܝܫ̈ܶܐ ܕܰܒّܳܬ̈ܶܐ ܕܰܒّܰܒܳܢ̈ܰܬّ̥ܶܗ: ܗ̄ܰܢ ܐܰܒܢ̈ܶܐ ܕܪܽܘܒܶܝܠ، ܗ̄ܽܘ ܒܽܘܟ̥ܪܳܐ ܕܺܐܝܣܪܳܐܶܝܠ: ܚܢܽܘܟ̥، ܘܦܰܠܽܘ، ܘܚܶܨܪܽܘܢ، ܘܟܰܪܡܺܝ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܪܽܘܒܶܝܠ. 15ܘܰܗ̄ܢ ܐܰܒܢ̈ܶܐ ܕܫܶܡܥܽܘܢ: ܝܰܡܽܘܐܶܝܠ، ܘܝܳܡܺܝܢ، ܘܳܐܗܳܪ، ܘܝܳܟܺܝܢ، ܘܨܳܚܳܪ، ܘܫܳܐܘܳܠ ܗ̄ܽܘ ܐܰܒܪܳܐ ܕܺܗ̄ܝ ܟܢܰܥܢܰܝܬܳܐ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܫܶܡܥܽܘܢ. 16ܘܗܰܢܺܝ ܢܶܝ ܗ̄ܰܢ ܐ݄ܫܡܳܢ̈ܶܐ ܕܰܗ̄ܢ ܐܰܒܢ̈ܶܐ ܕܠܶܘܺܝ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ: ܓܶܪܫܽܘܢ، ܘܩܳܗܳܬ̥، ܘ݄ܡܪܳܪܺܝ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܠܶܘܺܝ ܡܳܐܐ ܘ݄ܫܒ̥ܰܥ ܘ݄ܬܠܶܬ̥ܺܝ ܐ݄ܫܢ̈ܶܐ. 17ܘܰܗ̄ܢ ܐܰܒܢ̈ܶܐ ܕܓܶܪܫܽܘܢ: ܠܰܒܢܺܝ، ܘܫܰܡܥܺܝ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 18ܘܰܗ̄ܢ ܐܰܒܢ̈ܶܐ ܕܩܳܗܳܬ: ܥܰܡܪܰܡ، ܘܝܰܨܗܳܪ، ܘܚܶܒܪܽܘܢ، ܘܥܽܘܙܶܝܠ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܩܳܗܳܬ ܡܳܐܐ ܘ݄ܬܠ݄ܬ̥ ܘ݄ܬܠܶܬ̥ܺܝ ܐ݄ܫܢ̈ܶܐ. 19ܘܰܗ̄ܢ ܐܰܒܢ̈ܶܐ ܕ݄ܡܪܳܪܺܝ: ܡܰܚܠܺܝ، ܘܡܽܘܫܺܝ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܰܠّܶܘܳܝ̈ܶܐ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 20ܘܡ݄ܕ ܠܶܗ ܥܰܡܪܰܡ ܐܰܢ̱ܬ̥ܬܳܐ ܠܝܽܘܟ̥ܳܒܳܪ، ܗ̄ܺܝ ܒܰܪܬ̥ܳܐ ܕܽܗ̄ܘ ܥܰܡّܰܝܕ̥ܶܗ. ܘܡܰܘܠܰܕ ܠܰܗ ܠܶܗ ܐܰܗܪܽܘܢ ܘܡܽܘܫܶܐ ܘܡܰܪܝܰܡ. ܘܰܗ̄ܢ ܐ݄ܫܢ̈ܶܐ ܕܰܚّܰܝ̈ܶܐ ܕܥܰܡܪܰܡ ܡܳܐܐ ܘ݄ܫܒ̥ܰܥ ܘ݄ܬܠܶܬ̥ܺܝ ܐ݄ܫܢ̈ܶܐ. 21ܘܰܗ̄ܢ ܐܰܒܢ̈ܶܐ ܕܝܰܨܗܳܪ: ܩܽܘܪܳܚ، ܘ݄ܢܦܳܓ̥، ܘܙܰܟܪܺܝ. 22ܘܰܗ̄ܢ ܐܰܒܢ̈ܶܐ ܕܥܽܘܙܺܝܶܠ: ܡܰܢܫܳܐܶܝܠ، ܘܶܐܠܺܝܨܦܳܢ، ܘܣܰܬܪܺܝ. 23ܘܡ݄ܕ ܠܶܗ ܐܰܗܪܽܘܢ ܐܰܢ̱ܬ̥ܬܳܐ ܐܶܠܺܝܫܒܰܥ ܗ̄ܺܝ ܒܰܪܬ̥ܳܐ ܕܥܰܡܺܝܢܳܕܳܒ، ܗ̄ܺܝ ܚܳܬ̥ܳܐ ܕܢܰܚܫܽܘܢ. ܘܡܰܘܠܰܕ ܠܰܗ ܠܶܗ ܢܳܕܳܒ، ܘܰܐܒܺܝܗܽܘ، ܘܶܐܠܺܝܥܳܙܳܪ، ܘܺܐܝܬ̥ܳܡܳܪ. 24ܘܰܗ̄ܢ ܐܰܒܢ̈ܶܐ ܕܩܽܘܪܳܚ: ܐܳܣܺܝܪ، ܘܗܰܠܩܳܢܳܐ، ܘܰܐܟܶܢܣܳܦ. ܗܰܢܺܝ ܢܶܝ ܗ̄ܰܫّܰܪ̈ܒܳܬ̥ܳܐ ܕܩܽܘܪܳܚ. 25ܘܶܐܠܺܝܥܳܙܳܪ، ܗ̄ܽܘ ܐܰܒܪܳܐ ܕܰܐܗܪܽܘܢ، ܡ݄ܕ ܠܶܗ ܐܰܢ̱ܬ̥ܬܳܐ ܡܰܢ̱ ܒܢ̈ܳܬ̥ܳܐ ܕܦܰܢܛܶܝܠ. ܘܡܰܘܠܰܕ ܠܰܗ ܠܶܗ ܦܺܝܢܚܶܣ. ܗܰܢܺܝ ܢܶܝ ܗ̄ܰܪّܺܝܫ̈ܶܐ ܕܰܫّܰܪ̈ܒܳܬ̥ܳܐ ܕܰܠّܶܘܳܝ̈ܶܐ ܐܟ̥ ܕܰܫّܰܪ̈ܒܳܬ̥ܰܬّ̥ܶܗ. 26ܗܰܢܳܐ ܝܳܐ ܡܽܘܫܶܐ، ܘܗܰܢܳܐ ܝܳܐ ܐܰܗܪܽܘܢ ܕܐܡ݄ܪ ܠܰܗ ܠّܶܗ ܡܳܪܝܳܐ: ”ܡܰܘܦܶܩܽܘ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ،“ ܟܽܘܠّܶܗ ܗ̄ܰܚّܰܝ̈ܠܰܬّ̥ܶܗ. 27ܗܰܢܺܝ ܢܶܝ ܕܐܡ݄ܪّܶܗ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܕܡܰܘܦ݄ܩ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܡܺܗ̄ܝ ܐܰܪܥܳܐ ܕܡܶܨܪܶܝܢ: ܡܽܘܫܶܐ ܘܰܐܗܪܽܘܢ.
ܐܰܗܪܽܘܢ ܟܡ݄ܫܓ̥݄ܠ ܡܶܢ̱ ܚܠܳܦ ܕܡܽܘܫܶܐ
28ܘܗܰܘܺܝ ܒܽܗ̄ܘ ܝܰܘܡܳܐ ܕܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܒܺܗ̄ܝ ܐܰܪܥܳܐ ܕܡܶܨܪܶܝܢ، 29ܡ݄ܫܓ̥ܶܠ ܠܶܗ ܡܳܪܝܳܐ ܥܰܡ ܡܽܘܫܶܐ ܘܐܡ݄ܪ ܠܶܗ: ”ܐܳܢܳܐ ܐ̱ܢܳܐ ܡܳܪܝܳܐ. ܐܰܡܰܪ ܠܦܶܪܥܽܘܢ ܗ̄ܽܘ ܡܰܠܟܳܐ ܕܡܶܨܪܶܝܢ ܟܘ̇ܠ ܡܶܕܶܐ ܕܳܐܡܰܪ ܐ̱ܢܳܐ ܠܳܟ̥.“ 30ܘܐܡ݄ܪ ܠܶܗ ܡܽܘܫܶܐ ܠܡܳܪܝܳܐ: ”ܠܶܫܳܢܺܝ ܠܰܥܓܳܐ ܝܳܐ، ܐܰܝܕܰܪܒܳܐ ܓ݄ܕܫܳܡܰܥ ܠܺܝ ܦܶܪܥܽܘܢ؟“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation