ܣܶܦܪܳܐ ܕܡܰܦܩܳܢܳܐ 3
3
1ܘܡܽܘܫܶܐ ܡܰܪܥܶܐ ܗ̄ܘܰܐ ܗ̄ܰܥܘܳܢ̈ܶܐ ܕܝܰܬ̥ܪܽܘܢ ܗ̄ܽܘ ܚܶܡܝܳܢܳܐ، ܗ̄ܽܘ ܟܽܘܡܪܳܐ ܕܡܶܕܝܰܢ. ܘܡܰܘܒܶܠ ܠܶܗ ܗ̄ܰܥܘܳܢ̈ܶܐ ܠܽܗ̄ܘ ܡܰܕ̥݄ܒܪܳܐ، ܘܰܐܬ̥ܺܝ ܠܽܗ̄ܘ ܛܽܘܪܳܐ ܕܰܐܠܳܗܳܐ، ܠܚܽܘܪܺܝܒ. 2ܘ݄ܚܙܶܐ ܐܶܠܶܗ ܗ̄ܽܘ ܡܰܠܰܐܟ̥ܳܐ ܕܡܳܪܝܳܐ ܒܫܰܠܗܶܒܺܝܬ̥ܳܐ ܕܢܽܘܪܳܐ ܡܶܢ̱ ܓܰܘܶܗ ܕܽܗ̄ܘ ܣܰܠܽܘܢܳܐ، ܘ݄ܚܙܶܐ ܠܶܗ ܗ̄ܽܘ ܣܰܠܽܘܢܳܐ ܟܳܡܺܝܫܰܠ݄ܗܒܳܐ ܐܶܒܰܗ ܗ̄ܺܝ ܢܽܘܪܳܐ، ܘܽܗ̄ܘ ܣܰܠܽܘܢܳܐ ܠ݄ܐ ܟܝܳܩ݄ܕ̥. 3ܘܐܡ݄ܪ ܠܶܗ ܡܽܘܫܶܐ: ”ܓܕ݄ܐܙّܺܝ ܚܳܙܶܐ ܐ̱ܢܳܐ ܗ̄ܺܝ ܚܙܰܝܬܰܬ̥ܶܐ ܗ̄ܺܝ ܪܰܒܬ̥ܳܐ. ܠܡ݄ܢ ܠ݄ܐ ܟܝܳܩ݄ܕ̥ ܗ̄ܽܘ ܣܰܠܽܘܢܳܐ؟“ 4ܘ݄ܚܙܶܐ ܠܶܗ ܡܳܪܝܳܐ ܕܰܐܬ̥ܺܝ ܕܚܳܙܶܐ، ܘ݄ܩܪܶܐ ܠܶܗ ܐܰܠܳܗܳܐ ܡܶܢ̱ ܓܰܘܶܗ ܕܽܗ̄ܘ ܣܰܠܽܘܢܳܐ ܘܐܡ݄ܪ ܠܶܗ: ”ܡܽܘܫܶܐ ܡܽܘܫܶܐ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 5ܘܐܡ݄ܪ ܠܶܗ ܠܶܗ: ”ܠܳܐ ܡܩܰܪܒ̥ܰܬ ܠܰܗ̄ܪܟܶܐ. ܫܠܰܚ ܗ̄ܰܡܣܳܢ̈ܰܝܕ̥ܳܟ̥ ܡܶܢ̱ ܪ̈ܰܓ̥ܠܳܬ̥ܳܟ̥، ܥܰܠ ܕܽܗ̄ܘ ܐܰܬ̥ܪܳܐ ܕܟܳܩܰܝܡܰܬ ܐܰܥܠܶܗ ܐܰܬ̥ܪܳܐ ܡܩܰܕܫܳܐ ܝܳܐ.“
6ܘܐܡ݄ܪ ܠܶܗ: ”ܐܳܢܳܐ ܐ̱ܢܳܐ ܐܰܠܳܗܳܐ ܕܒܰܒܳܟ̥، ܐܰܠܳܗܳܐ ܕܰܐܒܪܳܗܳܡ، ܐܰܠܳܗܳܐ ܕܺܐܝܣܚܳܩ، ܐܰܠܳܗܳܐ ܕܝܰܥܩܽܘܒ.“ ܘܡܽܘܫܶܐ ܡܟܰܣܶܐ ܠܶܗ ܦܳܬ̥ܶܗ، ܥܰܠ ܕܙܰܝ݄ܥ ܕܚܳܝ݄ܪ ܠܰܐܦ ܐܰܠܳܗܳܐ. 7ܘܐܡ݄ܪ ܠܶܗ ܡܳܪܝܳܐ: ”ܚܙܳܝܳܐ ܚܙܶܐ ܠܺܝ ܗ̄ܺܝ ܓܪܰܥܝܽܘܬ̥ܳܐ ܕܽܗ̄ܘ ܥܰܡܰܝܕ̥ܺܝ ܕ݄ܒܡܶܨܪܶܝܢ. ܘܫܰܡ݄ܥ ܐ̱ܢܳܐ ܗ̄ܺܝ ܓܥܰܝܬܰܬّ̥ܶܗ ܡܰܗ̄ܢ݄ܟ ܕܟܳܡܰܥܽܒ̥ܕ݄ܢّܶܗ ܓܪ̈ܶܝܥܶܐ. ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܗ̄ܽܘ ܟܶܐܒ̥ܰܬّ̥ܶܗ. 8ܘܢܰܚ݄ܬ ܐ̱ܢܳܐ ܕ݄ܡܦܰܨܶܢܰܢّܶܗ ܡܺܗ̄ܝ ܐܺܝܕ̥ܳܐ ܕܰܡّܶܨܪ̈ܳܝܶܐ، ܘ݄ܕܡܰܣܠܰܩܢܰܢّܶܗ ܡܺܗ̄ܝ ܐܰܪܥܰܝܳܐ ܠܺܗ̄ܝ ܐܰܪܥܳܐ ܕܟ݄ܬ ܝܳܐ ܪܘܺܝܚ ܘܛܰܒ̥، ܠܺܗ̄ܝ ܐܰܪܥܳܐ ܕܟܳܩܳܠܥܳܐ ܚܰܠܒ̥ܳܐ ܘܕܰܒ̥ܫܳܐ، ܠܺܗ̄ܝ ܐܰܪܥܳܐ ܕܰܟܢܰܥܢܳܝ̈ܶܐ ܘܕܰܚّܺܝܬ̥ܳܝ̈ܶܐ ܘܕܰܗ̄ܢ ܐܳܡܽܘܪ̈ܳܝܶܐ ܘܕܰܦّܰܪ̈ܙܳܝܶܐ ܘܕܰܚّܰܘܳܝ̈ܶܐ ܘܕܰܝّܳܒܽܘܣܳܝ̈ܶܐ. 9ܘܳܐܥܕܳܐ ܟܰܐܠܰܗ ܗ̄ܺܝ ܓܥܰܝܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܥܰܒܺܝܪܳܐ ܣܺܝܕܺܝ. ܘ݄ܚܙܶܐ ܠܺܝ ܣܬܶܝ ܗ̄ܺܝ ܡܰܥܺܝܩܽܘܬ̥ܳܐ ܕ݄ܟܡܰܥܺܝܩ݄ܢّܶܗ ܗ̄ܰܡّܶܨܪ̈ܳܝܶܐ. 10ܐܳܥܕܳܐ ܬܳܟ̥ ܕ݄ܡܫܰܕܰܪܢܳܟ̥ ܠܓܰܒ ܦܶܪܥܽܘܢ. ܘܡܰܘܦ݄ܩ ܗ̄ܽܘ ܥܰܡܰܝܕ̥ܺܝ، ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܡܶܢ̱ ܡܶܨܪܶܝܢ.“
11ܘܐܡ݄ܪ ܠܶܗ ܡܽܘܫܶܐ ܠܰܐܠܳܗܳܐ: ”ܡܰܢ ܐ̱ܢܳܐ ܐܳܢܳܐ ܕ݄ܐܙّܺܝ ܐ̱ܢܳܐ ܠܓܰܒ ܦܶܪܥܽܘܢ، ܘܡܰܘܦܰܩ ܐ̱ܢܳܐ ܠܒܶܝ ܐܺܝܣܪܳܐܶܝܠ ܡܶܢ̱ ܡܶܨܪܶܝܢ؟“ 12ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܐܳܢܳܐ ܓܕܳܗ̄ܘܶܐ ܐ̱ܢܳܐ ܐܰܥܡܳܟ̥. ܘܗܰܬ̥ܶܐ ܗ̄ܺܝ ܐܳܬ̥ܳܐ (ܕܟܳܡܰܘܕ̥ܥܳܐ) ܕܳܐܢܳܐ ܡܫܰܕܰܪ ܠܺܝ ܠܳܟ̥: ܡ݄ܐ ܕܡܰܘܦܰܩ ܠܳܟ̥ ܗ̄ܽܘ ܥܰܡܳܐ ܡܶܢ̱ ܡܶܨܪܶܝܢ ܓ݄ܕܥܳܒܕܺܝܬܽܘ ܩ݄ܕ̱ܡ ܐܰܠܳܗܳܐ ܥܰܠ ܗ̄ܽܘ ܛܽܘܪܰܢܳܐ.“ 13ܘܐܡ݄ܪ ܠܶܗ ܡܽܘܫܶܐ ܠܰܐܠܳܗܳܐ: ”ܟܰܐܠܶܗ ܐܳܢܳܐ ܓܕ݄ܐܙّܺܝ ܓܰܒ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘ݄ܓܕܳܐܡܰܪܢܰܢّܶܗ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ. ܘ݄ܓܕ݄ܐܡّܺܪ̱ܝ ܠܺܝ ܡ݄ܢܝܳܐ ܐ݄ܫܡܶܗ؟ ܡ݄ܢ ܐܳܡܰܪܢܰܢّܶܗ؟“ 14ܘܐܡ݄ܪ ܠܶܗ ܐܰܠܳܗܳܐ ܠܡܽܘܫܶܐ: ”ܐܶܗܝܰܗ ܐܰܫܶܪ ܐܶܗܝܰܗ“ (ܐܳܬ̥ܝܳܐ ܡܬ̥ܽܘܡܳܝܳܐ ܐ̱ܢܳܐ) ܘܐܡ݄ܪ ܠܶܗ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܐܶܗܝܰܗ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ.“
15ܘܕܰܥ݄ܪ ܐܰܠܳܗܳܐ ܐܡ݄ܪ ܠܶܗ ܠܡܽܘܫܶܐ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ، ܐܰܠܳܗܳܐ ܕܰܐܒܪܳܗܳܡ، ܐܰܠܳܗܳܐ ܕܺܐܝܣܚܳܩ، ܐܰܠܳܗܳܐ ܕܝܰܥܩܽܘܒ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ. ܗܰܢܳܐ ܝܳܐ ܐ݄ܫܡܺܝ ܠܥܳܠܰܡ. ܘܗܰܢܳܐ ܝܳܐ ܗ̄ܽܘ ܕܽܘܟ̥ܪܳܢܰܝܕ̥ܺܝ ܠܕܳܪ̈ܶܐ ܘܕܳܪ̈ܶܐ. 16ܙܳܟ̥ ܡܰܠ݄ܡ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܐܡܰܪ ܐܰܠّܶܗ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ ܓܠܶܐ ܐܰܥܠܺܝ، ܐܰܠܳܗܳܐ ܕܰܐܒܪܳܗܳܡ ܘܕܺܐܝܣܚܳܩ ܘ݄ܕܝܰܥܩܽܘܒ ܐܳܡ݄ܪ: ܒܒܳܠܺܝ ܗܰܬܽܘ ܘܠܳܐ ܛܰܥܺܝ ܐ̱ܢܳܐ ܠܟ̥ܽܘ ܘܽܗ̄ܘ ܡܶܕܶܐ ܕܣܺܝܡ ܐܰܒܟ̥ܽܘ ܒܡܶܨܪܶܝܢ. 17ܘܐܡ݄ܪ ܠܺܝ: ܓܡܰܣܠܰܩܢܰܢܟ̥ܽܘ ܡܺܗ̄ܝ ܓܪܰܥܝܽܘܬ̥ܳܐ ܕܰܡّܶܨܪ̈ܳܝܶܐ ܠܺܗ̄ܝ ܐܰܪܥܳܐ ܕܰܟܢܰܥܢܳܝ̈ܶܐ ܘܕܰܚّܺܝܬ̥ܳܝ̈ܶܐ ܘܕܰܗ̄ܢ ܐܳܡܽܘܪ̈ܳܝܶܐ ܘܕܰܦّܰܪ̈ܙܳܝܶܐ ܘܕܰܚّܰܘܳܝ̈ܶܐ ܘܕܰܝّܳܒܽܘܣܳܝ̈ܶܐ، ܠܺܗ̄ܝ ܐܰܪܥܳܐ ܕܟܳܩܳܠܥܳܐ ܚܰܠܒ̥ܳܐ ܘܕܰܒ̥ܫܳܐ. 18ܘ݄ܓܫܳܡܥܺܝ ܠܽܗ̄ܘ ܡܰܐܡܪܰܝܕ̥ܳܟ̥. ܘܓ݄ܕܥܳܒܪܰܬ ܗܰܬ ܘܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܓܰܒ ܗ̄ܽܘ ܡܰܠܟܳܐ ܕܡܶܨܪܶܝܢ. ܘ݄ܓܕ݄ܐܡّܺܪ̱ܝܬܽܘ ܠܶܗ: ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܓܠܶܐ ܐܰܥܠܰܢ. ܐܳܥܕܳܐ ܛܪܰܝ ܠܰܢ ܕ݄ܐܙّܰܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ ܒܽܗ̄ܘ ܡܰܕ̥݄ܒܪܳܐ، ܘܕܳܒܚܺܝܢܰܐ ܕܶܒܚ̈ܶܐ ܠܡܳܪܝܳܐ ܐܰܠܳܗܰܝܕ̥ܰܢ. 19ܘܳܐܢܳܐ ܟܳܐܕ̥ܰܥ ܐ̱ܢܳܐ ܕܠ݄ܐ ܓܛܳܪܰܠܟ̥ܽܘ ܗ̄ܽܘ ܡܰܠܟܳܐ ܕܡܶܨܪܶܝܢ ܕ݄ܐܙّܳܟ̥ܽܘ. ܐܶܠܳܐ ܠܰܝ̱ܬܝܳܐ ܒܺܐܝܕ̥ܶܗ ܗ̄ܺܝ ܚ݄ܨܬܳܐ. 20ܓ݄ܕܦܳܫܰܛ ܐ̱ܢܳܐ ܐܺܝܕ̥ܺܝ ܘ݄ܓܡܳܚܶܐ ܐ̱ܢܳܐ ܠܰܡّܶܨܪ̈ܳܝܶܐ ܒܬܶܕ݄ܡܪ̈ܳܬ̥ܳܐ ܕ݄ܓܣܳܝܰܡ ܐ̱ܢܳܐ ܒܰܝܢܳܬ̥ܰܝّܶܗ، ܘܒ݄ܬ̥݄ܪܟܶܐ ܓ݄ܡܫܰܕܰܪܟ̥ܽܘ. 21ܘ݄ܓܕܳܗ̄ܒܶܐ ܐ̱ܢܳܐ ܪ̈ܰܚܡܶܐ ܠܽܗ̄ܘ ܥܰܡܳܐ (ܕܺܐܝܣܪܳܐܶܝܠ) ܒܥܰܝܢ̈ܶܐ ܕܰܡّܶܨܪ̈ܳܝܶܐ. ܘܺܗ̄ܝ ܢܰܩܠܐ ܕ݄ܐܙّܳܟ̥ܽܘ ܠ݄ܐ ܐܙّܳܟ̥ܽܘ ܣܦܺܝܩܳܝ̈ܶܐ (ܕܠܳܐ ܡܶܕܶܐ ܐܰܥܡܰܝܟ̥ܽܘ). 22ܛܪܳܐ ܗ̄ܺܝ ܐܰܢ̱ܬ̥ܬܳܐ ܐܳܒܥܳܐ ܡܺܗ̄ܝ ܫܒܳܒܬܰܝܕ̥ܰܗ ܘܡܺܗ̄ܝ ܢܽܘܟ̥ܪܰܝܬܳܐ ܕܽܗ̄ܘ ܒܰܝܬܰܝܕ̥ܰܗ ܣܶܦܳܩ̈ܶܐ ܕܕܰܗܒ̥ܳܐ ܘܣܶܦܳܩ̈ܶܐ ܕܣܶܐܡܳܐ ܘ݄ܠܒܽܘܫ̈ܶܐ، ܘܡܰܠܒ̥ܶܫܽܘ ܠܰܗ̄ܢ ܐܰܒܢ̈ܰܬ̥ܟ̥ܽܘ ܘܠܰܒܢ̈ܳܬ̥ܰܬ̥ܟ̥ܽܘ، ܘܡܰܫܠܶܚܽܘ ܗ̄ܰܡّܶܨܪ̈ܳܝܶܐ.“
Právě zvoleno:
ܣܶܦܪܳܐ ܕܡܰܦܩܳܢܳܐ 3: ܟܬܒܐ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation
ܣܶܦܪܳܐ ܕܡܰܦܩܳܢܳܐ 3
3
1ܘܡܽܘܫܶܐ ܡܰܪܥܶܐ ܗ̄ܘܰܐ ܗ̄ܰܥܘܳܢ̈ܶܐ ܕܝܰܬ̥ܪܽܘܢ ܗ̄ܽܘ ܚܶܡܝܳܢܳܐ، ܗ̄ܽܘ ܟܽܘܡܪܳܐ ܕܡܶܕܝܰܢ. ܘܡܰܘܒܶܠ ܠܶܗ ܗ̄ܰܥܘܳܢ̈ܶܐ ܠܽܗ̄ܘ ܡܰܕ̥݄ܒܪܳܐ، ܘܰܐܬ̥ܺܝ ܠܽܗ̄ܘ ܛܽܘܪܳܐ ܕܰܐܠܳܗܳܐ، ܠܚܽܘܪܺܝܒ. 2ܘ݄ܚܙܶܐ ܐܶܠܶܗ ܗ̄ܽܘ ܡܰܠܰܐܟ̥ܳܐ ܕܡܳܪܝܳܐ ܒܫܰܠܗܶܒܺܝܬ̥ܳܐ ܕܢܽܘܪܳܐ ܡܶܢ̱ ܓܰܘܶܗ ܕܽܗ̄ܘ ܣܰܠܽܘܢܳܐ، ܘ݄ܚܙܶܐ ܠܶܗ ܗ̄ܽܘ ܣܰܠܽܘܢܳܐ ܟܳܡܺܝܫܰܠ݄ܗܒܳܐ ܐܶܒܰܗ ܗ̄ܺܝ ܢܽܘܪܳܐ، ܘܽܗ̄ܘ ܣܰܠܽܘܢܳܐ ܠ݄ܐ ܟܝܳܩ݄ܕ̥. 3ܘܐܡ݄ܪ ܠܶܗ ܡܽܘܫܶܐ: ”ܓܕ݄ܐܙّܺܝ ܚܳܙܶܐ ܐ̱ܢܳܐ ܗ̄ܺܝ ܚܙܰܝܬܰܬ̥ܶܐ ܗ̄ܺܝ ܪܰܒܬ̥ܳܐ. ܠܡ݄ܢ ܠ݄ܐ ܟܝܳܩ݄ܕ̥ ܗ̄ܽܘ ܣܰܠܽܘܢܳܐ؟“ 4ܘ݄ܚܙܶܐ ܠܶܗ ܡܳܪܝܳܐ ܕܰܐܬ̥ܺܝ ܕܚܳܙܶܐ، ܘ݄ܩܪܶܐ ܠܶܗ ܐܰܠܳܗܳܐ ܡܶܢ̱ ܓܰܘܶܗ ܕܽܗ̄ܘ ܣܰܠܽܘܢܳܐ ܘܐܡ݄ܪ ܠܶܗ: ”ܡܽܘܫܶܐ ܡܽܘܫܶܐ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“ 5ܘܐܡ݄ܪ ܠܶܗ ܠܶܗ: ”ܠܳܐ ܡܩܰܪܒ̥ܰܬ ܠܰܗ̄ܪܟܶܐ. ܫܠܰܚ ܗ̄ܰܡܣܳܢ̈ܰܝܕ̥ܳܟ̥ ܡܶܢ̱ ܪ̈ܰܓ̥ܠܳܬ̥ܳܟ̥، ܥܰܠ ܕܽܗ̄ܘ ܐܰܬ̥ܪܳܐ ܕܟܳܩܰܝܡܰܬ ܐܰܥܠܶܗ ܐܰܬ̥ܪܳܐ ܡܩܰܕܫܳܐ ܝܳܐ.“
6ܘܐܡ݄ܪ ܠܶܗ: ”ܐܳܢܳܐ ܐ̱ܢܳܐ ܐܰܠܳܗܳܐ ܕܒܰܒܳܟ̥، ܐܰܠܳܗܳܐ ܕܰܐܒܪܳܗܳܡ، ܐܰܠܳܗܳܐ ܕܺܐܝܣܚܳܩ، ܐܰܠܳܗܳܐ ܕܝܰܥܩܽܘܒ.“ ܘܡܽܘܫܶܐ ܡܟܰܣܶܐ ܠܶܗ ܦܳܬ̥ܶܗ، ܥܰܠ ܕܙܰܝ݄ܥ ܕܚܳܝ݄ܪ ܠܰܐܦ ܐܰܠܳܗܳܐ. 7ܘܐܡ݄ܪ ܠܶܗ ܡܳܪܝܳܐ: ”ܚܙܳܝܳܐ ܚܙܶܐ ܠܺܝ ܗ̄ܺܝ ܓܪܰܥܝܽܘܬ̥ܳܐ ܕܽܗ̄ܘ ܥܰܡܰܝܕ̥ܺܝ ܕ݄ܒܡܶܨܪܶܝܢ. ܘܫܰܡ݄ܥ ܐ̱ܢܳܐ ܗ̄ܺܝ ܓܥܰܝܬܰܬّ̥ܶܗ ܡܰܗ̄ܢ݄ܟ ܕܟܳܡܰܥܽܒ̥ܕ݄ܢّܶܗ ܓܪ̈ܶܝܥܶܐ. ܡܺܐܝܕ̥ܶܗ ܕܟܳܐܕ̥ܰܥ ܐ̱ܢܳܐ ܗ̄ܽܘ ܟܶܐܒ̥ܰܬّ̥ܶܗ. 8ܘܢܰܚ݄ܬ ܐ̱ܢܳܐ ܕ݄ܡܦܰܨܶܢܰܢّܶܗ ܡܺܗ̄ܝ ܐܺܝܕ̥ܳܐ ܕܰܡّܶܨܪ̈ܳܝܶܐ، ܘ݄ܕܡܰܣܠܰܩܢܰܢّܶܗ ܡܺܗ̄ܝ ܐܰܪܥܰܝܳܐ ܠܺܗ̄ܝ ܐܰܪܥܳܐ ܕܟ݄ܬ ܝܳܐ ܪܘܺܝܚ ܘܛܰܒ̥، ܠܺܗ̄ܝ ܐܰܪܥܳܐ ܕܟܳܩܳܠܥܳܐ ܚܰܠܒ̥ܳܐ ܘܕܰܒ̥ܫܳܐ، ܠܺܗ̄ܝ ܐܰܪܥܳܐ ܕܰܟܢܰܥܢܳܝ̈ܶܐ ܘܕܰܚّܺܝܬ̥ܳܝ̈ܶܐ ܘܕܰܗ̄ܢ ܐܳܡܽܘܪ̈ܳܝܶܐ ܘܕܰܦّܰܪ̈ܙܳܝܶܐ ܘܕܰܚّܰܘܳܝ̈ܶܐ ܘܕܰܝّܳܒܽܘܣܳܝ̈ܶܐ. 9ܘܳܐܥܕܳܐ ܟܰܐܠܰܗ ܗ̄ܺܝ ܓܥܰܝܬܳܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܥܰܒܺܝܪܳܐ ܣܺܝܕܺܝ. ܘ݄ܚܙܶܐ ܠܺܝ ܣܬܶܝ ܗ̄ܺܝ ܡܰܥܺܝܩܽܘܬ̥ܳܐ ܕ݄ܟܡܰܥܺܝܩ݄ܢّܶܗ ܗ̄ܰܡّܶܨܪ̈ܳܝܶܐ. 10ܐܳܥܕܳܐ ܬܳܟ̥ ܕ݄ܡܫܰܕܰܪܢܳܟ̥ ܠܓܰܒ ܦܶܪܥܽܘܢ. ܘܡܰܘܦ݄ܩ ܗ̄ܽܘ ܥܰܡܰܝܕ̥ܺܝ، ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ، ܡܶܢ̱ ܡܶܨܪܶܝܢ.“
11ܘܐܡ݄ܪ ܠܶܗ ܡܽܘܫܶܐ ܠܰܐܠܳܗܳܐ: ”ܡܰܢ ܐ̱ܢܳܐ ܐܳܢܳܐ ܕ݄ܐܙّܺܝ ܐ̱ܢܳܐ ܠܓܰܒ ܦܶܪܥܽܘܢ، ܘܡܰܘܦܰܩ ܐ̱ܢܳܐ ܠܒܶܝ ܐܺܝܣܪܳܐܶܝܠ ܡܶܢ̱ ܡܶܨܪܶܝܢ؟“ 12ܘܐܡ݄ܪ ܠܶܗ ܠܶܗ ܐܰܠܳܗܳܐ: ”ܐܳܢܳܐ ܓܕܳܗ̄ܘܶܐ ܐ̱ܢܳܐ ܐܰܥܡܳܟ̥. ܘܗܰܬ̥ܶܐ ܗ̄ܺܝ ܐܳܬ̥ܳܐ (ܕܟܳܡܰܘܕ̥ܥܳܐ) ܕܳܐܢܳܐ ܡܫܰܕܰܪ ܠܺܝ ܠܳܟ̥: ܡ݄ܐ ܕܡܰܘܦܰܩ ܠܳܟ̥ ܗ̄ܽܘ ܥܰܡܳܐ ܡܶܢ̱ ܡܶܨܪܶܝܢ ܓ݄ܕܥܳܒܕܺܝܬܽܘ ܩ݄ܕ̱ܡ ܐܰܠܳܗܳܐ ܥܰܠ ܗ̄ܽܘ ܛܽܘܪܰܢܳܐ.“ 13ܘܐܡ݄ܪ ܠܶܗ ܡܽܘܫܶܐ ܠܰܐܠܳܗܳܐ: ”ܟܰܐܠܶܗ ܐܳܢܳܐ ܓܕ݄ܐܙّܺܝ ܓܰܒ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܘ݄ܓܕܳܐܡܰܪܢܰܢّܶܗ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ. ܘ݄ܓܕ݄ܐܡّܺܪ̱ܝ ܠܺܝ ܡ݄ܢܝܳܐ ܐ݄ܫܡܶܗ؟ ܡ݄ܢ ܐܳܡܰܪܢܰܢّܶܗ؟“ 14ܘܐܡ݄ܪ ܠܶܗ ܐܰܠܳܗܳܐ ܠܡܽܘܫܶܐ: ”ܐܶܗܝܰܗ ܐܰܫܶܪ ܐܶܗܝܰܗ“ (ܐܳܬ̥ܝܳܐ ܡܬ̥ܽܘܡܳܝܳܐ ܐ̱ܢܳܐ) ܘܐܡ݄ܪ ܠܶܗ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ، ܐܶܗܝܰܗ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ.“
15ܘܕܰܥ݄ܪ ܐܰܠܳܗܳܐ ܐܡ݄ܪ ܠܶܗ ܠܡܽܘܫܶܐ: ”ܗܰܘܟ̥ܰܐ ܓܕ݄ܐܡّܰܪ̱ܬ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ، ܐܰܠܳܗܳܐ ܕܰܐܒܪܳܗܳܡ، ܐܰܠܳܗܳܐ ܕܺܐܝܣܚܳܩ، ܐܰܠܳܗܳܐ ܕܝܰܥܩܽܘܒ ܡܫܰܕܰܪ ܠܶܗ ܠܺܝ ܓܰܒܰܝܟ̥ܽܘ. ܗܰܢܳܐ ܝܳܐ ܐ݄ܫܡܺܝ ܠܥܳܠܰܡ. ܘܗܰܢܳܐ ܝܳܐ ܗ̄ܽܘ ܕܽܘܟ̥ܪܳܢܰܝܕ̥ܺܝ ܠܕܳܪ̈ܶܐ ܘܕܳܪ̈ܶܐ. 16ܙܳܟ̥ ܡܰܠ݄ܡ ܗ̄ܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܐܡܰܪ ܐܰܠّܶܗ: ܡܳܪܝܳܐ ܐܰܠܳܗܳܐ ܕܰܒّܰܒܳܢ̈ܰܬ̥ܟ̥ܽܘ ܓܠܶܐ ܐܰܥܠܺܝ، ܐܰܠܳܗܳܐ ܕܰܐܒܪܳܗܳܡ ܘܕܺܐܝܣܚܳܩ ܘ݄ܕܝܰܥܩܽܘܒ ܐܳܡ݄ܪ: ܒܒܳܠܺܝ ܗܰܬܽܘ ܘܠܳܐ ܛܰܥܺܝ ܐ̱ܢܳܐ ܠܟ̥ܽܘ ܘܽܗ̄ܘ ܡܶܕܶܐ ܕܣܺܝܡ ܐܰܒܟ̥ܽܘ ܒܡܶܨܪܶܝܢ. 17ܘܐܡ݄ܪ ܠܺܝ: ܓܡܰܣܠܰܩܢܰܢܟ̥ܽܘ ܡܺܗ̄ܝ ܓܪܰܥܝܽܘܬ̥ܳܐ ܕܰܡّܶܨܪ̈ܳܝܶܐ ܠܺܗ̄ܝ ܐܰܪܥܳܐ ܕܰܟܢܰܥܢܳܝ̈ܶܐ ܘܕܰܚّܺܝܬ̥ܳܝ̈ܶܐ ܘܕܰܗ̄ܢ ܐܳܡܽܘܪ̈ܳܝܶܐ ܘܕܰܦّܰܪ̈ܙܳܝܶܐ ܘܕܰܚّܰܘܳܝ̈ܶܐ ܘܕܰܝّܳܒܽܘܣܳܝ̈ܶܐ، ܠܺܗ̄ܝ ܐܰܪܥܳܐ ܕܟܳܩܳܠܥܳܐ ܚܰܠܒ̥ܳܐ ܘܕܰܒ̥ܫܳܐ. 18ܘ݄ܓܫܳܡܥܺܝ ܠܽܗ̄ܘ ܡܰܐܡܪܰܝܕ̥ܳܟ̥. ܘܓ݄ܕܥܳܒܪܰܬ ܗܰܬ ܘܰܣّܳܒ̥̈ܶܐ ܕܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܓܰܒ ܗ̄ܽܘ ܡܰܠܟܳܐ ܕܡܶܨܪܶܝܢ. ܘ݄ܓܕ݄ܐܡّܺܪ̱ܝܬܽܘ ܠܶܗ: ܡܳܪܝܳܐ ܐܰܠܳܗܳܐ ܕܰܥّܶܒܪ̈ܳܝܶܐ ܓܠܶܐ ܐܰܥܠܰܢ. ܐܳܥܕܳܐ ܛܪܰܝ ܠܰܢ ܕ݄ܐܙّܰܢ ܗܰܠܟ̥ܳܐ ܕ݄ܬܠܳܬ̥ܳܐ ܝܰܘܡ̈ܶܐ ܒܽܗ̄ܘ ܡܰܕ̥݄ܒܪܳܐ، ܘܕܳܒܚܺܝܢܰܐ ܕܶܒܚ̈ܶܐ ܠܡܳܪܝܳܐ ܐܰܠܳܗܰܝܕ̥ܰܢ. 19ܘܳܐܢܳܐ ܟܳܐܕ̥ܰܥ ܐ̱ܢܳܐ ܕܠ݄ܐ ܓܛܳܪܰܠܟ̥ܽܘ ܗ̄ܽܘ ܡܰܠܟܳܐ ܕܡܶܨܪܶܝܢ ܕ݄ܐܙّܳܟ̥ܽܘ. ܐܶܠܳܐ ܠܰܝ̱ܬܝܳܐ ܒܺܐܝܕ̥ܶܗ ܗ̄ܺܝ ܚ݄ܨܬܳܐ. 20ܓ݄ܕܦܳܫܰܛ ܐ̱ܢܳܐ ܐܺܝܕ̥ܺܝ ܘ݄ܓܡܳܚܶܐ ܐ̱ܢܳܐ ܠܰܡّܶܨܪ̈ܳܝܶܐ ܒܬܶܕ݄ܡܪ̈ܳܬ̥ܳܐ ܕ݄ܓܣܳܝܰܡ ܐ̱ܢܳܐ ܒܰܝܢܳܬ̥ܰܝّܶܗ، ܘܒ݄ܬ̥݄ܪܟܶܐ ܓ݄ܡܫܰܕܰܪܟ̥ܽܘ. 21ܘ݄ܓܕܳܗ̄ܒܶܐ ܐ̱ܢܳܐ ܪ̈ܰܚܡܶܐ ܠܽܗ̄ܘ ܥܰܡܳܐ (ܕܺܐܝܣܪܳܐܶܝܠ) ܒܥܰܝܢ̈ܶܐ ܕܰܡّܶܨܪ̈ܳܝܶܐ. ܘܺܗ̄ܝ ܢܰܩܠܐ ܕ݄ܐܙّܳܟ̥ܽܘ ܠ݄ܐ ܐܙّܳܟ̥ܽܘ ܣܦܺܝܩܳܝ̈ܶܐ (ܕܠܳܐ ܡܶܕܶܐ ܐܰܥܡܰܝܟ̥ܽܘ). 22ܛܪܳܐ ܗ̄ܺܝ ܐܰܢ̱ܬ̥ܬܳܐ ܐܳܒܥܳܐ ܡܺܗ̄ܝ ܫܒܳܒܬܰܝܕ̥ܰܗ ܘܡܺܗ̄ܝ ܢܽܘܟ̥ܪܰܝܬܳܐ ܕܽܗ̄ܘ ܒܰܝܬܰܝܕ̥ܰܗ ܣܶܦܳܩ̈ܶܐ ܕܕܰܗܒ̥ܳܐ ܘܣܶܦܳܩ̈ܶܐ ܕܣܶܐܡܳܐ ܘ݄ܠܒܽܘܫ̈ܶܐ، ܘܡܰܠܒ̥ܶܫܽܘ ܠܰܗ̄ܢ ܐܰܒܢ̈ܰܬ̥ܟ̥ܽܘ ܘܠܰܒܢ̈ܳܬ̥ܰܬ̥ܟ̥ܽܘ، ܘܡܰܫܠܶܚܽܘ ܗ̄ܰܡّܶܨܪ̈ܳܝܶܐ.“
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Suryoyo Bible © 2024 Aramaic Bible Translation