Matius 9
9
Yèsus natèrhakh ma sènꞌòy bekantem
(Mrk 2:1-12; Luk 5:17-26)
1Nòm kerek nak Yèsus ròb hèhoh Eh umꞌòj ma perahuk dak umlos ma lantiw, ma kote Yèsus nagel. 2Èn anak mok maròp-maròp sènꞌòy umkanar néy sènꞌòy bekantem rik nasèglòg èn apil ma Yèsus. Bil Yèsus nanéh umnak umpechaye geb, Nanak nachal ma sènꞌòy bekantem nak, “Kéy, beꞌadés lah hup hãh! Dose hãk hòj iꞌampon.”
3Tapik mok maròp-maròp guruk agama umchèl-chal èn kelòj hup um, “Sènꞌòy doh nabemèhnah ma Allah!”
4Yèsus nalèkh ma benèdlod umnak, bok nachal, “Nahey inyob bok nyob bèdlod rik jèdhad èn kelòj hup nyob gerèk nak? 5Malok rik lebéh mudah: yimchal, ‘Dose hãh hòj iꞌampon’, atòw ‘Wòg lah, dak chib?’ 6Nak, Yék impèrnéh ma nyob Yék, Sènꞌòy Nòm Sorga, ibekuwase imꞌampon dose èn bumi doh.” Dak bil nak Yèsus naꞌor ma sènꞌòy bekantem naꞌtèk, “Wòg lah, tayod apil hãh, dak mak ma dékh hãh.”
7Dak sènꞌòy bekantem nak pon nawòg dak namak ma dékh eh! 8Bil sènꞌòy jajéh nak umnéh ma hal nak, umnak umtukh bok umbèlꞌih. Dak umꞌèhmah ma Allah sebab hòj naꞌog kuwase gerèk nak ma sènꞌòy.
Yèsus nasayèkh ma sènꞌòy bedose
(Mrk 2:13-17; Luk 5:27-32)
9Bil Yèsus naperak nòm tempad nak, Rik Nak nanéh mok néy sènꞌòy rik bekenëh Matius nagèl-gel èn tempad chenatuk duid chukay. Yèsus nachal ma rik nak, “Jok lah hoh ma Yék!”
Dak Matius pon nated dak nahoh ma Yèsus.
10Nòm kerek nak, Yèsus nagèy-géy èn dékh Matius. Jajéh sènꞌòy rik umbechatuk duid chukay ròb sènꞌòy mòy rik bedose umga-géy samak Yèsus ròb hèhoh Eh. #Luk 15:1,2. 11Tapik mok maròp-maròp guruk agama nòm pitak Parisi umnéh ma hal nak, dak umtanyak ma mèn hèhoh Yèsus, “Nahey Guruk nyob nagèy-géy samak sènꞌòy rik bechatuk duid chukay ròb sènꞌòy bedose? Tok méj lah hal nak!”
12Yèsus nakeyòkh ma tenanyak umnak, dak Nanak nasaꞌod, “Sènꞌòy rik tok jèk-jik nahey namꞌèn ma dukteh? Had sènꞌòy rik umjèk-jik hék bok umꞌèn ma dukteh. 13#Mat 12:7; Hos 6:6.Wèk lah puꞌdoh bok belajar maksod ayad Kitab nak, bil Allah nachal: ‘Yék tok ichèn jenamuk nyob hék, tapik ichèn nyob nyomkalõn ma sènꞌòy mòy.’ Dak Yék ilãj kedak imkèw-kòw ma sènꞌòy rik umbèdlod rik umnak kemën, tapik ilãj imkòw ma sènꞌòy rik umbedose.”
Sènꞌòy rik hèh-hoh ma Yèsus tok boléh muhoh ma adad ròb chare nèsgos manah wèl
(Mrk 2:18-22; Luk 5:33-39)
14Bil néy arik mèn hèhoh Yohanès Pembaptis umlãj ma Yèsus dak umtanyak, “Kandék ròb sènꞌòy Parisi lèjgéj kiꞌa-òd. Tapik nahey hèhoh Hãk hõy tok umꞌèd-òd?”
15Yèsus nasaꞌod ma umnak naꞌog néy chòntoh: “Mok ke mèn tamu èn kenurik benabéy nak umsedéh mase abéy babeh nak tik mok samak umnak? Pastik lah hõy! Tapik chubak nyob bèdlod kalòw mèsmus umròt abéy babeh nak nòm kéy-kéy eh. Nak lah akal nabelakuk ma Yék, dak bil nak mèn hèhoh Yék umsedéh dak umꞌòd.”
16Yèsus naꞌog chòntoh mòy wèl, “Tok mok sènꞌòy nampìd abat pay ma nèglòg rik manah. Sebab abat pay rik natapìd nak akal naserob, bok nèglòg nak natabeh nacha-chèg lebéh rayak wèl. 17Gerèk nak keꞌjèk, tok mok sènꞌòy namsèd òng anggor rik pay ma kelòj jòkh sèmpok kambikh rik manah. Sebab bil òng anggor nak chas eh nahas tok boléh nahuwòl, jòkh sèmpok nak akal nacha-chèg, òng anggor nak naka-koh, dak jòkh sèmpok nak hòj tok begunak wèl. Òng anggor pay nak kenak lah sèd ma kelòj jòkh sèmpok kambikh rik pay keꞌjèk, supaye kenèmbek wèh nak boléh dol méj.”
Yèsus natèrhakh ma babok rik jèk-jik dak natèrwòg ma sayẽd rik kèsbes
(Mrk 5:21-43; Luk 8:40-56)
18Mase Yèsus tik nabecharak hal naꞌtèk, nalãj lah néy sènꞌòy ketuwe dékh senindol sènꞌòy Yahudi. Nanak natud èn sòy Yèsus dak nasemany lèdbëd, “Kuwòt babok yék pay nakebes. Tapik tulong lah lãj ma dékh yék bok pek lah tikh Hãh ma rik nak, dak pastik nanak akal nalos nagos wèl.”
19Dak Yèsus pon nated, dak samak mèn hèhoh Eh umhoh ma sènꞌòy nak.
20-21Mase Yèsus nachèb-chib, mok néy babok nalãj tilok nòm kerek Yèsus. Babok nak hòj nar belas tawon najèk-jik tènlak bèjruj geb. Dak rik nak nabèdlod èn kelòj hup eh, “Kalòw yék had ipek ma nèglòg Eh hék, pastik yihakh.” Jadik, babok nak napèk-pek ma sòy nèglòg Yèsus.
22Yèsus nawãr dak nanéh ma babok nak, dak nachal, “Kéy Yék, beꞌadés lah hup hãh! Sebab hãk hòj hapechaye ma Yék, hãk hòj hahakh.” Dak bil nak keꞌjèk nanak hòj nahakh!
23Nòm kerek nak, bil Yèsus nabeleh ma dékh ketuwe senindol naꞌtèk, Rik Nak nanéh hòj mok sènꞌòy rik umjèhwah laguk berawong bok jajéh sènꞌòy rik bèlhég umya-yam ma sayẽd nak. 24Dak Yèsus naꞌor, “Huwòl lah nyob nòm doh! Sayẽd doh tok nakèsbes, had nasèglòg hék.” Tapik umnak umlèg-lug ma Yèsus.
25Dak bil sènꞌòy jajéh nak hòj umhuwòl, Yèsus namòj ma dékh dak nakuwòp tikh sayẽd nak. Dak sayẽd nak pon nawòg! 26Pas nak sènꞌòy umtèrjekh gah nak ma kenèmbek kawasan nak.
Yèsus natèrhakh ma nar sènꞌòy bebèybëy
27Nòm kerek Yèsus naperak nòm nak, bil nachèb-chib nak mok nar sènꞌòy bebèybëy wèhoh ma Yèsus dak wèꞌèh-éh, “Waris Rajak Daud,#9:27 Waris Rajak Daud nak néy nèwkòw has sènꞌòy Yahudi umdéh untok Mèsias, sebab nèng-nèng tòp Allah hòj napèrhod Mèsias nak akal namlãj nòm waris Rajak Daud. kalõn lah che yar!”
28Bil Yèsus namòj ma néy dékh, nar sènꞌòy bebèybëy naꞌtèk wèlãj ma Rik Nak. Yèsus natanyak ma wènar nak, “Kaꞌan pechaye ke Yék boléh itèrhakh ma kaꞌan?”
Wènar nak wèsaꞌod, “Hek, Yãng!”
29Dak anak Yèsus napèk-pek ma mad wèh nak, dak nachal, “Sebab kaꞌan hòj pechaye, nabelakuk lah.” 30Dak wènar nak pon hòj boléh wènéh!
Pas nak Yèsus nahuwok padat ma wènar nak, “Agok oglèkh gah doh ma chok-chok pon!” 31Tapik wènar nak wèwèk dak wètèrjekh gah tentang Yèsus ma kenèmbek belah nak.
Yèsus natèrhakh ma sènꞌòy beꞌawak
32Bil nar sènꞌòy bebèybëy naꞌtèk tik wèwa-wèk, mok sènꞌòy mòy umlãj umꞌèn néy sènꞌòy beꞌawak ma Yèsus. Rik nak tok boléh nabecharak sebab nasid yel jèdhad. 33Jadik Yèsus nakiron yel jèdhad nak, dak sènꞌòy rik beꞌawak naꞌtèk natekèd nabecharak! Sènꞌòy jajéh umbèlꞌih dak umchal, “Èk tok pernah ènéh hal gerèk doh èn tèk Israꞌèl!”
34 #
Mat 10:25; 12:24; Mrk 3:22; Luk 11:15. Tapik mok guruk agama nòm pitak Parisi rik chèl-chal, “Rik Nak nakiron yel jèdhad nòm kuwase Iblis, ketuwe yel jèdhad.”
Yèsus nakalõn ma sènꞌòy jajéh
35Yèsus nachèb-chib ma lok-lok tèk dak nagagoh ma kenèmbek kote ròb kampong èn belah nak. Nanak nabetènglèkh èn dékh senindol umnak dak naterèylòy Gah Méj tentang Kerajaꞌan Allah. Dak Nanak keꞌjèk natèrhakh ma sènꞌòy nòm kenèmbek jenis chenèk um. #Mat 4:23; Mrk 1:39; Luk 4:44. 36Bil Yèsus nanéh ma sènꞌòy jajéh, Nanak nakalõn ma umnak, sebab umnak umꞌèd-id bok umperlu tenulong, gerèk kambikh biri rik tok mèk-mok sènꞌòy namjagak. #Ken 27:17; 1 Raj 22:17; 2 Sej 18:16; Yeh 34:5; Mrk 6:34. 37Bil nak Yèsus nachal ma mèn hèhoh Eh, “Umnak gerèk nègtòg èn selay rik ibuk geb, tapik tèk-tik tok benègtòg. Tapik sènꞌòy rik kerèꞌjak untok mukod hasil nak amès hék. #Luk 10:2. 38Sebab nak bepèꞌtak lah ma Tuhan namtèrꞌèn sènꞌòy untok mukod hasil nak, sebab kenèmbek nègtòg nak milik Eh.”
Právě zvoleno:
Matius 9: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 9
9
Yèsus natèrhakh ma sènꞌòy bekantem
(Mrk 2:1-12; Luk 5:17-26)
1Nòm kerek nak Yèsus ròb hèhoh Eh umꞌòj ma perahuk dak umlos ma lantiw, ma kote Yèsus nagel. 2Èn anak mok maròp-maròp sènꞌòy umkanar néy sènꞌòy bekantem rik nasèglòg èn apil ma Yèsus. Bil Yèsus nanéh umnak umpechaye geb, Nanak nachal ma sènꞌòy bekantem nak, “Kéy, beꞌadés lah hup hãh! Dose hãk hòj iꞌampon.”
3Tapik mok maròp-maròp guruk agama umchèl-chal èn kelòj hup um, “Sènꞌòy doh nabemèhnah ma Allah!”
4Yèsus nalèkh ma benèdlod umnak, bok nachal, “Nahey inyob bok nyob bèdlod rik jèdhad èn kelòj hup nyob gerèk nak? 5Malok rik lebéh mudah: yimchal, ‘Dose hãh hòj iꞌampon’, atòw ‘Wòg lah, dak chib?’ 6Nak, Yék impèrnéh ma nyob Yék, Sènꞌòy Nòm Sorga, ibekuwase imꞌampon dose èn bumi doh.” Dak bil nak Yèsus naꞌor ma sènꞌòy bekantem naꞌtèk, “Wòg lah, tayod apil hãh, dak mak ma dékh hãh.”
7Dak sènꞌòy bekantem nak pon nawòg dak namak ma dékh eh! 8Bil sènꞌòy jajéh nak umnéh ma hal nak, umnak umtukh bok umbèlꞌih. Dak umꞌèhmah ma Allah sebab hòj naꞌog kuwase gerèk nak ma sènꞌòy.
Yèsus nasayèkh ma sènꞌòy bedose
(Mrk 2:13-17; Luk 5:27-32)
9Bil Yèsus naperak nòm tempad nak, Rik Nak nanéh mok néy sènꞌòy rik bekenëh Matius nagèl-gel èn tempad chenatuk duid chukay. Yèsus nachal ma rik nak, “Jok lah hoh ma Yék!”
Dak Matius pon nated dak nahoh ma Yèsus.
10Nòm kerek nak, Yèsus nagèy-géy èn dékh Matius. Jajéh sènꞌòy rik umbechatuk duid chukay ròb sènꞌòy mòy rik bedose umga-géy samak Yèsus ròb hèhoh Eh. #Luk 15:1,2. 11Tapik mok maròp-maròp guruk agama nòm pitak Parisi umnéh ma hal nak, dak umtanyak ma mèn hèhoh Yèsus, “Nahey Guruk nyob nagèy-géy samak sènꞌòy rik bechatuk duid chukay ròb sènꞌòy bedose? Tok méj lah hal nak!”
12Yèsus nakeyòkh ma tenanyak umnak, dak Nanak nasaꞌod, “Sènꞌòy rik tok jèk-jik nahey namꞌèn ma dukteh? Had sènꞌòy rik umjèk-jik hék bok umꞌèn ma dukteh. 13#Mat 12:7; Hos 6:6.Wèk lah puꞌdoh bok belajar maksod ayad Kitab nak, bil Allah nachal: ‘Yék tok ichèn jenamuk nyob hék, tapik ichèn nyob nyomkalõn ma sènꞌòy mòy.’ Dak Yék ilãj kedak imkèw-kòw ma sènꞌòy rik umbèdlod rik umnak kemën, tapik ilãj imkòw ma sènꞌòy rik umbedose.”
Sènꞌòy rik hèh-hoh ma Yèsus tok boléh muhoh ma adad ròb chare nèsgos manah wèl
(Mrk 2:18-22; Luk 5:33-39)
14Bil néy arik mèn hèhoh Yohanès Pembaptis umlãj ma Yèsus dak umtanyak, “Kandék ròb sènꞌòy Parisi lèjgéj kiꞌa-òd. Tapik nahey hèhoh Hãk hõy tok umꞌèd-òd?”
15Yèsus nasaꞌod ma umnak naꞌog néy chòntoh: “Mok ke mèn tamu èn kenurik benabéy nak umsedéh mase abéy babeh nak tik mok samak umnak? Pastik lah hõy! Tapik chubak nyob bèdlod kalòw mèsmus umròt abéy babeh nak nòm kéy-kéy eh. Nak lah akal nabelakuk ma Yék, dak bil nak mèn hèhoh Yék umsedéh dak umꞌòd.”
16Yèsus naꞌog chòntoh mòy wèl, “Tok mok sènꞌòy nampìd abat pay ma nèglòg rik manah. Sebab abat pay rik natapìd nak akal naserob, bok nèglòg nak natabeh nacha-chèg lebéh rayak wèl. 17Gerèk nak keꞌjèk, tok mok sènꞌòy namsèd òng anggor rik pay ma kelòj jòkh sèmpok kambikh rik manah. Sebab bil òng anggor nak chas eh nahas tok boléh nahuwòl, jòkh sèmpok nak akal nacha-chèg, òng anggor nak naka-koh, dak jòkh sèmpok nak hòj tok begunak wèl. Òng anggor pay nak kenak lah sèd ma kelòj jòkh sèmpok kambikh rik pay keꞌjèk, supaye kenèmbek wèh nak boléh dol méj.”
Yèsus natèrhakh ma babok rik jèk-jik dak natèrwòg ma sayẽd rik kèsbes
(Mrk 5:21-43; Luk 8:40-56)
18Mase Yèsus tik nabecharak hal naꞌtèk, nalãj lah néy sènꞌòy ketuwe dékh senindol sènꞌòy Yahudi. Nanak natud èn sòy Yèsus dak nasemany lèdbëd, “Kuwòt babok yék pay nakebes. Tapik tulong lah lãj ma dékh yék bok pek lah tikh Hãh ma rik nak, dak pastik nanak akal nalos nagos wèl.”
19Dak Yèsus pon nated, dak samak mèn hèhoh Eh umhoh ma sènꞌòy nak.
20-21Mase Yèsus nachèb-chib, mok néy babok nalãj tilok nòm kerek Yèsus. Babok nak hòj nar belas tawon najèk-jik tènlak bèjruj geb. Dak rik nak nabèdlod èn kelòj hup eh, “Kalòw yék had ipek ma nèglòg Eh hék, pastik yihakh.” Jadik, babok nak napèk-pek ma sòy nèglòg Yèsus.
22Yèsus nawãr dak nanéh ma babok nak, dak nachal, “Kéy Yék, beꞌadés lah hup hãh! Sebab hãk hòj hapechaye ma Yék, hãk hòj hahakh.” Dak bil nak keꞌjèk nanak hòj nahakh!
23Nòm kerek nak, bil Yèsus nabeleh ma dékh ketuwe senindol naꞌtèk, Rik Nak nanéh hòj mok sènꞌòy rik umjèhwah laguk berawong bok jajéh sènꞌòy rik bèlhég umya-yam ma sayẽd nak. 24Dak Yèsus naꞌor, “Huwòl lah nyob nòm doh! Sayẽd doh tok nakèsbes, had nasèglòg hék.” Tapik umnak umlèg-lug ma Yèsus.
25Dak bil sènꞌòy jajéh nak hòj umhuwòl, Yèsus namòj ma dékh dak nakuwòp tikh sayẽd nak. Dak sayẽd nak pon nawòg! 26Pas nak sènꞌòy umtèrjekh gah nak ma kenèmbek kawasan nak.
Yèsus natèrhakh ma nar sènꞌòy bebèybëy
27Nòm kerek Yèsus naperak nòm nak, bil nachèb-chib nak mok nar sènꞌòy bebèybëy wèhoh ma Yèsus dak wèꞌèh-éh, “Waris Rajak Daud,#9:27 Waris Rajak Daud nak néy nèwkòw has sènꞌòy Yahudi umdéh untok Mèsias, sebab nèng-nèng tòp Allah hòj napèrhod Mèsias nak akal namlãj nòm waris Rajak Daud. kalõn lah che yar!”
28Bil Yèsus namòj ma néy dékh, nar sènꞌòy bebèybëy naꞌtèk wèlãj ma Rik Nak. Yèsus natanyak ma wènar nak, “Kaꞌan pechaye ke Yék boléh itèrhakh ma kaꞌan?”
Wènar nak wèsaꞌod, “Hek, Yãng!”
29Dak anak Yèsus napèk-pek ma mad wèh nak, dak nachal, “Sebab kaꞌan hòj pechaye, nabelakuk lah.” 30Dak wènar nak pon hòj boléh wènéh!
Pas nak Yèsus nahuwok padat ma wènar nak, “Agok oglèkh gah doh ma chok-chok pon!” 31Tapik wènar nak wèwèk dak wètèrjekh gah tentang Yèsus ma kenèmbek belah nak.
Yèsus natèrhakh ma sènꞌòy beꞌawak
32Bil nar sènꞌòy bebèybëy naꞌtèk tik wèwa-wèk, mok sènꞌòy mòy umlãj umꞌèn néy sènꞌòy beꞌawak ma Yèsus. Rik nak tok boléh nabecharak sebab nasid yel jèdhad. 33Jadik Yèsus nakiron yel jèdhad nak, dak sènꞌòy rik beꞌawak naꞌtèk natekèd nabecharak! Sènꞌòy jajéh umbèlꞌih dak umchal, “Èk tok pernah ènéh hal gerèk doh èn tèk Israꞌèl!”
34 #
Mat 10:25; 12:24; Mrk 3:22; Luk 11:15. Tapik mok guruk agama nòm pitak Parisi rik chèl-chal, “Rik Nak nakiron yel jèdhad nòm kuwase Iblis, ketuwe yel jèdhad.”
Yèsus nakalõn ma sènꞌòy jajéh
35Yèsus nachèb-chib ma lok-lok tèk dak nagagoh ma kenèmbek kote ròb kampong èn belah nak. Nanak nabetènglèkh èn dékh senindol umnak dak naterèylòy Gah Méj tentang Kerajaꞌan Allah. Dak Nanak keꞌjèk natèrhakh ma sènꞌòy nòm kenèmbek jenis chenèk um. #Mat 4:23; Mrk 1:39; Luk 4:44. 36Bil Yèsus nanéh ma sènꞌòy jajéh, Nanak nakalõn ma umnak, sebab umnak umꞌèd-id bok umperlu tenulong, gerèk kambikh biri rik tok mèk-mok sènꞌòy namjagak. #Ken 27:17; 1 Raj 22:17; 2 Sej 18:16; Yeh 34:5; Mrk 6:34. 37Bil nak Yèsus nachal ma mèn hèhoh Eh, “Umnak gerèk nègtòg èn selay rik ibuk geb, tapik tèk-tik tok benègtòg. Tapik sènꞌòy rik kerèꞌjak untok mukod hasil nak amès hék. #Luk 10:2. 38Sebab nak bepèꞌtak lah ma Tuhan namtèrꞌèn sènꞌòy untok mukod hasil nak, sebab kenèmbek nègtòg nak milik Eh.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.