Matius 10
10
Yèsus napili nar belas rasul
(Mrk 3:13-19; Luk 6:12-16)
1Pas nak Yèsus nakòw ma nar belas hèhoh Eh, dak naꞌog kuwase ma umnak untok mukiron yel jèdhad bok mutèrhakh kenèmbek chenèk. 2Doh lah kenëh nar belas rasul nak:
rik mulak nak Simon, rik umkòw Pètrus;
Andréas, mèrpek Simon;
Yakobus, kuwòt Sèbedius;
Yohanès, mèrpek Yakobus;
3Pilipus,
Bartoloméus,
Tòmas,
Matius, sènꞌòy rik bechatuk duid chukay;
Yakobus, kuwòt Alpius,
Tadius,
4Simon sènꞌòy Zèlot;
ròb Yudas Iskariot, rik betulong jakal ma mèsmus muròt ma Yèsus.
Yèsus naꞌor ma nar belas rasul untok muteꞌèl kèrjak Eh
(Mrk 6:7-13; Luk 9:1-6)
5Bil nak Yèsus natèrꞌèn nar belas rasul Eh nak, dak Rik Nak nachal ma umnak nèng-nèng, “Agok wèk ma tèk kaum kedak Yahudi, bok agok mòj ma kote-kote sènꞌòy Samariya. 6Tapik wèk lah ma sènꞌòy Israꞌèl — umnak gerèk kambikh biri Allah rik hòj umrèj-ruj. 7Wèk lah dak oglèkh ma umnak: ‘Kerajaꞌan Allah hòj tilok.’ 8Tèrhakh lah ma sènꞌòy jèk-jik, tèrwòg ma sènꞌòy kèsbes, tèrhakh ma sènꞌòy rik bechenèk sèmpok supaye mujadik méj wèl, bok kiron lah yel-yel jèdhad. Nyob hòj nyob terime kuwase doh bok tok nyob bebayar ilok-ilok pon, jadik bil nyob teꞌèl hal nak untok sènꞌòy mòy, agok lah nyob semany ma umnak untok mubayar. 9Agok lah èn ilok-ilok duid#10:9 ilok-ilok duid Tèks asli Kitab: “mas, pèrak, atòw pon kupang tembaga.” èn kelòj puchòs nyob. 10Èn nèbchib nyob nak agok lah èn apek, sepèh bajuk ròb kasod, atòw pon ad nènchòt. Sebab nyob teꞌèl kèrjak Tuhan, jadik nyob patod nyomterime ilok rik nyob perlu. #1 Kor 9:14; 1 Tim 5:18. #10:10 Tèks asli Kitab: “Sènꞌòy rik kerèꞌjak patod naterime upah eh.”
11Ma lok pon nyob wèk, ma kote atòw pon ma kampong, kèk lah sènꞌòy rik méj hup bok nachèn namterime nyob, dak gel lah samak sènꞌòy nak sampéy nyob perak nòm tempad nak. 12Bil nyob nyommòj ma dékh sènꞌòy, og lah senalam bok chal, ‘Tuhan namtèrméj ma nyob.’ 13Kalòw sènꞌòy èn dékh nak umterime ma nyob, Tuhan akal natèrméj ma umnak. Tapik kalòw umjèk, semany ma Tuhan supaye nambatal ma senalam nyob nak, dak Tuhan tok naterèjméj ma umnak. 14Dak kalòw sènꞌòy umjèk ma nyob bok tok umchèn mukeyòkh ma tenènglèkh nyob, ratòh lah habog nòm jukh nyob bil nyob perak dékh atòw kote umnak, gerèk tande Allah akal nahukom ma umnak. #Tèn 13:51. 15#Mat 11:24; Jen 19:24-28.#Luk 10:4-12.Dak Yék ichal kemën ma nyob: bil èn arik Allah nahukom ma kenèmbek sènꞌòy, pastik Allah akal nahukom ma sènꞌòy èn kote nak, bok henukom sènꞌòy rik jèk-jèk ma nyob nak akal lebéh ènjoh nòm henukom sènꞌòy èn kote Sòdom ròb Gomora#10:15 kote Sòdom ròb Gomora nar kote èn Perènhod Manah. Allah natëh os nòm balikh dak natèrhõy ma kote nak, sebab sènꞌòy èn kote nak jèdhad geb, dak umjèk ma Allah bok umjèk ma melaykat rik Allah natèrꞌèn ma umnak. manah tòp.”
Yèsus naberèngleng ma hèhoh-hèhoh Eh tentang senikse rik nalãj
(Mrk 13:9-13; Luk 21:12-17)
16Yèsus nachal, “Keyòkh lah! Yék itèrꞌèn nyob ma sènꞌòy rik jèdhad, gerèk kambikh biri rik umchèb-chib èn gagid chuwòk mènghòng. Jadik nyob haros lah chèrdìk, bok haros lah méj hup keꞌjèk.#10:16 Tèks asli Kitab: “chèrdìk gerèk tajuk, bok méj hup gerèk chèp kukur.” #Luk 10:3. 17Bejagak-jagak lah, sebab sènꞌòy akal umròt umꞌèn nyob ma makamah, dak akal umhemẽd nyob èn dékh senindol umnak. #Mrk 13:9-11; Luk 12:11,12; 21:12-15. 18Bok akal umꞌèn nyob untok nyomtèrbuk ma sènꞌòy rik umbeperintah ròb rajak-rajak untok musak ma nyob sebab nyob hèhoh Yék. Dak nyob akal nyob oglèkh gah tentang Yék ma umnak bok ma kaum mòy rik tok umkèlnal ma Allah. 19Tapik bil umròt ma nyob, agok id lah ilok rik nyob nyomchal atòw gerèk lok chare nyob haros nyomchal. Sebab bil nalòy mase eh, Ruway Kudus akal naꞌoglèkh ma nyob ilok rik haros nyob nyomchal. 20Dak che kènmën eh nak, nèlchal rik nyob chal nak kedak nòm rik nyob, tapik nòm Ruway Allah Apak nyob rik mok èn nyob.
21Sènꞌòy akal umꞌog mèrpek rik um ma sènꞌòy bekuwase supaye mucheleg. Apak pon akal umꞌog kuwòt rik um supaye mucheleg. Bok kuwòt-kuwòt keꞌjèk akal umlawan ma amèk ròb apak um, dak umꞌog supaye mucheleg. #Mrk 13:12; Luk 21:16. 22Kenèmbek sènꞌòy akal umcheꞌẽs ma nyob sebab nyob hoh ma Yék. Tapik chok rik setiye ma sèj-sòj, akal Tuhan natèrgos. #Mat 24:9; Mrk 13:13; Luk 21:17; Mat 24:13; Mrk 13:13. 23Bil umkeseh ma nyob èn néy kote nak, da-dok lah ma kote mòy. Dak Yék ichal kemën ma nyob: èn tèk-tik nyob tok terèylòy tenènglèkh Yék ma kenèmbek kote èn Israꞌèl, Yék, Sènꞌòy Nòm Sorga, akal ilãj wèl.
24 #
Luk 6:40;
Yoh 13:16; 15:20. #
Mat 9:34; 12:24; Mrk 3:22; Luk 11:15. Tok mèk-mok hèhoh rik namlèkh lebéh nòm guruk eh, bok tok mèk-mok kuli rik lebéh rayak nòm tuwan eh. 25Jadik hèhoh nak haros lah sey hup eh kalòw sènꞌòy umteꞌèl ma rik nak samak gerèk umteꞌèl ma guruk eh, dak kuli haros lah sey hup eh kalòw umteꞌèl ma rik nak samak gerèk tuwan eh. Yék doh ketuwe kewarge èk, dak hòj mok sènꞌòy umkòw ma Yék Iblis, ketuwe yel jèdhad.#10:25 Iblis Tèks asli: Bèlsebul, kenëh mòy sènꞌòy Yahudi umkòw ma Iblis. Jadik pastik lah ma nyob, kewarge Yék, akal umpègyog lebéh laꞌes wèl!”
Tukh lah ma Allah bok pechaye lah ma Rik Nak
(Luk 12:2-7)
26Yèsus nachal wèl, “Tapik agok lah tukh ma umnak rik umbelawan ma nyob! Kenèmbek kerèndëk rik sènꞌòy tok dapad munéh puꞌdoh, jakal Allah napèrnéh tèꞌlalah supaye munéh. Dak kenèmbek hal rik umnak tok umlèng-lèkh puꞌdoh, jakal pastik Allah naꞌoglèkh, sampéy kenèmbek sènꞌòy umlèkh. #Mrk 4:22; Luk 8:17. 27Jadik ilok rik Yék ichal ma nyob julak-julak, oglèkh lah tèꞌlalah ma kenèmbek sènꞌòy. Dak ilok rik Yék ichehor ma gèntòkh nyob, èh-éh lah nòm balikh renabong supaye kenèmbek sènꞌòy mukeyòkh! 28Agok lah tukh ma sènꞌòy, sebab umnak had boléh kèrbes ma esik nyob hék, tapik tok dapad mukèrbes ma ruway nyob. Tapik tukh lah ma Allah hék, sebab Rik Nak bekuwase namkèrbes ma esik sènꞌòy, bok ma ruway eh keꞌjèk èn kelòj nerake.
29Bèdlod lah chòntoh doh: nar ikor chèp hẽj nak umjuwal hèrgak néy kupang hék. Yab gerèk nak, tok mèk-mok néy ikor chèp nak pon namkelek ma tèk èn Allah tok nalèng-lèkh. 30-31Bok èn mad Allah nyob jerok lebéh penting nòm ibuk chèp hẽj nak! Hek, sog èn kuy nyob pon Allah hòj nalèkh lènbéh kenèmbek um. Sebab nak, agok lah tukh ma sènꞌòy rik belawan ma nyob!”
Akuk lah Tuhan Yèsus èn mad sènꞌòy
(Luk 12:8-9)
32“Chok rik beꞌakuk ma rik eh hèhoh Yék èn mad sènꞌòy, akal Yék keꞌjèk iꞌakuk sènꞌòy nak hèhoh Yék èn mad Apak Yék rik èn sorga. 33#2 Tim 2:12.Tapik chok rik tok beꞌakuk ma rik eh hèhoh Yék èn mad sènꞌòy, akal Yék ichal sènꞌòy nak kedak hèhoh Yék èn mad Apak Yék rik èn sorga.”
Sènꞌòy akal umbelawan tentang Yèsus
(Luk 12:51-53; 14:26-27)
34“Agok lah nyob bebèdlod Yék ilãj ma bumi doh untok imꞌuy sènꞌòy mubema-méj! Hõy, Yék ilãj kedak imꞌuy ma sènꞌòy mubema-méj, tapik mubera-rok.#10:34 mubera-rok. Tèks asli: “Yék iꞌèn juwòj.” Èn budaye Yahudi, “èn juwòj” nak bemaksod beperang atòw belawan. 35Bok sebab Yék ilãj, kuwòt babeh akal nalawan ma apak eh, kuwòt babok akal nalawan ma amèk eh, dak mènsaw babok akal nalawan ma belok babok eh. #Mi 7:6. 36Jadik, èn kewarge rik nyob pon akal umbemès-mus ma nyob keꞌjèk.
37Chok rik besayèkh ma amèk atòw apak eh lebéh nòm Yék, nanak tok behakak namjadik hèhoh Yék. Dak chok rik besayèkh ma kuwòt babeh atòw kuwòt babok eh lebéh nòm Yék, nanak tok behakak namjadik hèhoh Yék, 38Dak chok rik jèk-jèk namgulap palok salib eh dak tok nasanggob namderite bok namkebes sebab nahoh ma Yék, sènꞌòy nak tok behakak namjadik hèhoh Yék.#Mat 16:24; Mrk 8:34; Luk 9:23. 39#Mat 16:25; Mrk 8:35; Luk 9:24; 17:33; Yoh 12:25.Chok rik kerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal nadapad nèsgos rik jalꞌéng.”
Tuhan naꞌog upah ma sènꞌòy rik beterime ma hèhoh Eh
(Mrk 9:41)
40Yèsus nachal wèl ma mèn hèhoh Eh, “Chok rik beterime ma nyob, umnak umterime ma Yék. Bok chok rik beterime ma Yék, umnak umterime ma Apak rik terèn-èn ma Yék keꞌjèk. #Luk 10:16; Yoh 13:20; Mrk 9:37; Luk 9:48. 41Chok rik beterime ma nabi Tuhan sebab nalèkh rik nak nabi, rik nak pon akal naterime upah gerèk rik Allah naꞌog ma mèn nabi. Dak chok rik beterime ma sènꞌòy rik kènmën sebab nanak nalèkh sènꞌòy nak kemën, rik nak pon akal naterime upah gerèk rik Allah naꞌog ma sènꞌòy rik kènmën. 42Dak Yék kemën ichal ma nyob: chok rik èg-og òng sèꞌjuk néy kuléh pon ma hèhoh Yék rik tok bepenting doh, sènꞌòy rik betulong nak pastik akal naterime upah eh.”
Právě zvoleno:
Matius 10: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 10
10
Yèsus napili nar belas rasul
(Mrk 3:13-19; Luk 6:12-16)
1Pas nak Yèsus nakòw ma nar belas hèhoh Eh, dak naꞌog kuwase ma umnak untok mukiron yel jèdhad bok mutèrhakh kenèmbek chenèk. 2Doh lah kenëh nar belas rasul nak:
rik mulak nak Simon, rik umkòw Pètrus;
Andréas, mèrpek Simon;
Yakobus, kuwòt Sèbedius;
Yohanès, mèrpek Yakobus;
3Pilipus,
Bartoloméus,
Tòmas,
Matius, sènꞌòy rik bechatuk duid chukay;
Yakobus, kuwòt Alpius,
Tadius,
4Simon sènꞌòy Zèlot;
ròb Yudas Iskariot, rik betulong jakal ma mèsmus muròt ma Yèsus.
Yèsus naꞌor ma nar belas rasul untok muteꞌèl kèrjak Eh
(Mrk 6:7-13; Luk 9:1-6)
5Bil nak Yèsus natèrꞌèn nar belas rasul Eh nak, dak Rik Nak nachal ma umnak nèng-nèng, “Agok wèk ma tèk kaum kedak Yahudi, bok agok mòj ma kote-kote sènꞌòy Samariya. 6Tapik wèk lah ma sènꞌòy Israꞌèl — umnak gerèk kambikh biri Allah rik hòj umrèj-ruj. 7Wèk lah dak oglèkh ma umnak: ‘Kerajaꞌan Allah hòj tilok.’ 8Tèrhakh lah ma sènꞌòy jèk-jik, tèrwòg ma sènꞌòy kèsbes, tèrhakh ma sènꞌòy rik bechenèk sèmpok supaye mujadik méj wèl, bok kiron lah yel-yel jèdhad. Nyob hòj nyob terime kuwase doh bok tok nyob bebayar ilok-ilok pon, jadik bil nyob teꞌèl hal nak untok sènꞌòy mòy, agok lah nyob semany ma umnak untok mubayar. 9Agok lah èn ilok-ilok duid#10:9 ilok-ilok duid Tèks asli Kitab: “mas, pèrak, atòw pon kupang tembaga.” èn kelòj puchòs nyob. 10Èn nèbchib nyob nak agok lah èn apek, sepèh bajuk ròb kasod, atòw pon ad nènchòt. Sebab nyob teꞌèl kèrjak Tuhan, jadik nyob patod nyomterime ilok rik nyob perlu. #1 Kor 9:14; 1 Tim 5:18. #10:10 Tèks asli Kitab: “Sènꞌòy rik kerèꞌjak patod naterime upah eh.”
11Ma lok pon nyob wèk, ma kote atòw pon ma kampong, kèk lah sènꞌòy rik méj hup bok nachèn namterime nyob, dak gel lah samak sènꞌòy nak sampéy nyob perak nòm tempad nak. 12Bil nyob nyommòj ma dékh sènꞌòy, og lah senalam bok chal, ‘Tuhan namtèrméj ma nyob.’ 13Kalòw sènꞌòy èn dékh nak umterime ma nyob, Tuhan akal natèrméj ma umnak. Tapik kalòw umjèk, semany ma Tuhan supaye nambatal ma senalam nyob nak, dak Tuhan tok naterèjméj ma umnak. 14Dak kalòw sènꞌòy umjèk ma nyob bok tok umchèn mukeyòkh ma tenènglèkh nyob, ratòh lah habog nòm jukh nyob bil nyob perak dékh atòw kote umnak, gerèk tande Allah akal nahukom ma umnak. #Tèn 13:51. 15#Mat 11:24; Jen 19:24-28.#Luk 10:4-12.Dak Yék ichal kemën ma nyob: bil èn arik Allah nahukom ma kenèmbek sènꞌòy, pastik Allah akal nahukom ma sènꞌòy èn kote nak, bok henukom sènꞌòy rik jèk-jèk ma nyob nak akal lebéh ènjoh nòm henukom sènꞌòy èn kote Sòdom ròb Gomora#10:15 kote Sòdom ròb Gomora nar kote èn Perènhod Manah. Allah natëh os nòm balikh dak natèrhõy ma kote nak, sebab sènꞌòy èn kote nak jèdhad geb, dak umjèk ma Allah bok umjèk ma melaykat rik Allah natèrꞌèn ma umnak. manah tòp.”
Yèsus naberèngleng ma hèhoh-hèhoh Eh tentang senikse rik nalãj
(Mrk 13:9-13; Luk 21:12-17)
16Yèsus nachal, “Keyòkh lah! Yék itèrꞌèn nyob ma sènꞌòy rik jèdhad, gerèk kambikh biri rik umchèb-chib èn gagid chuwòk mènghòng. Jadik nyob haros lah chèrdìk, bok haros lah méj hup keꞌjèk.#10:16 Tèks asli Kitab: “chèrdìk gerèk tajuk, bok méj hup gerèk chèp kukur.” #Luk 10:3. 17Bejagak-jagak lah, sebab sènꞌòy akal umròt umꞌèn nyob ma makamah, dak akal umhemẽd nyob èn dékh senindol umnak. #Mrk 13:9-11; Luk 12:11,12; 21:12-15. 18Bok akal umꞌèn nyob untok nyomtèrbuk ma sènꞌòy rik umbeperintah ròb rajak-rajak untok musak ma nyob sebab nyob hèhoh Yék. Dak nyob akal nyob oglèkh gah tentang Yék ma umnak bok ma kaum mòy rik tok umkèlnal ma Allah. 19Tapik bil umròt ma nyob, agok id lah ilok rik nyob nyomchal atòw gerèk lok chare nyob haros nyomchal. Sebab bil nalòy mase eh, Ruway Kudus akal naꞌoglèkh ma nyob ilok rik haros nyob nyomchal. 20Dak che kènmën eh nak, nèlchal rik nyob chal nak kedak nòm rik nyob, tapik nòm Ruway Allah Apak nyob rik mok èn nyob.
21Sènꞌòy akal umꞌog mèrpek rik um ma sènꞌòy bekuwase supaye mucheleg. Apak pon akal umꞌog kuwòt rik um supaye mucheleg. Bok kuwòt-kuwòt keꞌjèk akal umlawan ma amèk ròb apak um, dak umꞌog supaye mucheleg. #Mrk 13:12; Luk 21:16. 22Kenèmbek sènꞌòy akal umcheꞌẽs ma nyob sebab nyob hoh ma Yék. Tapik chok rik setiye ma sèj-sòj, akal Tuhan natèrgos. #Mat 24:9; Mrk 13:13; Luk 21:17; Mat 24:13; Mrk 13:13. 23Bil umkeseh ma nyob èn néy kote nak, da-dok lah ma kote mòy. Dak Yék ichal kemën ma nyob: èn tèk-tik nyob tok terèylòy tenènglèkh Yék ma kenèmbek kote èn Israꞌèl, Yék, Sènꞌòy Nòm Sorga, akal ilãj wèl.
24 #
Luk 6:40;
Yoh 13:16; 15:20. #
Mat 9:34; 12:24; Mrk 3:22; Luk 11:15. Tok mèk-mok hèhoh rik namlèkh lebéh nòm guruk eh, bok tok mèk-mok kuli rik lebéh rayak nòm tuwan eh. 25Jadik hèhoh nak haros lah sey hup eh kalòw sènꞌòy umteꞌèl ma rik nak samak gerèk umteꞌèl ma guruk eh, dak kuli haros lah sey hup eh kalòw umteꞌèl ma rik nak samak gerèk tuwan eh. Yék doh ketuwe kewarge èk, dak hòj mok sènꞌòy umkòw ma Yék Iblis, ketuwe yel jèdhad.#10:25 Iblis Tèks asli: Bèlsebul, kenëh mòy sènꞌòy Yahudi umkòw ma Iblis. Jadik pastik lah ma nyob, kewarge Yék, akal umpègyog lebéh laꞌes wèl!”
Tukh lah ma Allah bok pechaye lah ma Rik Nak
(Luk 12:2-7)
26Yèsus nachal wèl, “Tapik agok lah tukh ma umnak rik umbelawan ma nyob! Kenèmbek kerèndëk rik sènꞌòy tok dapad munéh puꞌdoh, jakal Allah napèrnéh tèꞌlalah supaye munéh. Dak kenèmbek hal rik umnak tok umlèng-lèkh puꞌdoh, jakal pastik Allah naꞌoglèkh, sampéy kenèmbek sènꞌòy umlèkh. #Mrk 4:22; Luk 8:17. 27Jadik ilok rik Yék ichal ma nyob julak-julak, oglèkh lah tèꞌlalah ma kenèmbek sènꞌòy. Dak ilok rik Yék ichehor ma gèntòkh nyob, èh-éh lah nòm balikh renabong supaye kenèmbek sènꞌòy mukeyòkh! 28Agok lah tukh ma sènꞌòy, sebab umnak had boléh kèrbes ma esik nyob hék, tapik tok dapad mukèrbes ma ruway nyob. Tapik tukh lah ma Allah hék, sebab Rik Nak bekuwase namkèrbes ma esik sènꞌòy, bok ma ruway eh keꞌjèk èn kelòj nerake.
29Bèdlod lah chòntoh doh: nar ikor chèp hẽj nak umjuwal hèrgak néy kupang hék. Yab gerèk nak, tok mèk-mok néy ikor chèp nak pon namkelek ma tèk èn Allah tok nalèng-lèkh. 30-31Bok èn mad Allah nyob jerok lebéh penting nòm ibuk chèp hẽj nak! Hek, sog èn kuy nyob pon Allah hòj nalèkh lènbéh kenèmbek um. Sebab nak, agok lah tukh ma sènꞌòy rik belawan ma nyob!”
Akuk lah Tuhan Yèsus èn mad sènꞌòy
(Luk 12:8-9)
32“Chok rik beꞌakuk ma rik eh hèhoh Yék èn mad sènꞌòy, akal Yék keꞌjèk iꞌakuk sènꞌòy nak hèhoh Yék èn mad Apak Yék rik èn sorga. 33#2 Tim 2:12.Tapik chok rik tok beꞌakuk ma rik eh hèhoh Yék èn mad sènꞌòy, akal Yék ichal sènꞌòy nak kedak hèhoh Yék èn mad Apak Yék rik èn sorga.”
Sènꞌòy akal umbelawan tentang Yèsus
(Luk 12:51-53; 14:26-27)
34“Agok lah nyob bebèdlod Yék ilãj ma bumi doh untok imꞌuy sènꞌòy mubema-méj! Hõy, Yék ilãj kedak imꞌuy ma sènꞌòy mubema-méj, tapik mubera-rok.#10:34 mubera-rok. Tèks asli: “Yék iꞌèn juwòj.” Èn budaye Yahudi, “èn juwòj” nak bemaksod beperang atòw belawan. 35Bok sebab Yék ilãj, kuwòt babeh akal nalawan ma apak eh, kuwòt babok akal nalawan ma amèk eh, dak mènsaw babok akal nalawan ma belok babok eh. #Mi 7:6. 36Jadik, èn kewarge rik nyob pon akal umbemès-mus ma nyob keꞌjèk.
37Chok rik besayèkh ma amèk atòw apak eh lebéh nòm Yék, nanak tok behakak namjadik hèhoh Yék. Dak chok rik besayèkh ma kuwòt babeh atòw kuwòt babok eh lebéh nòm Yék, nanak tok behakak namjadik hèhoh Yék, 38Dak chok rik jèk-jèk namgulap palok salib eh dak tok nasanggob namderite bok namkebes sebab nahoh ma Yék, sènꞌòy nak tok behakak namjadik hèhoh Yék.#Mat 16:24; Mrk 8:34; Luk 9:23. 39#Mat 16:25; Mrk 8:35; Luk 9:24; 17:33; Yoh 12:25.Chok rik kerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal nadapad nèsgos rik jalꞌéng.”
Tuhan naꞌog upah ma sènꞌòy rik beterime ma hèhoh Eh
(Mrk 9:41)
40Yèsus nachal wèl ma mèn hèhoh Eh, “Chok rik beterime ma nyob, umnak umterime ma Yék. Bok chok rik beterime ma Yék, umnak umterime ma Apak rik terèn-èn ma Yék keꞌjèk. #Luk 10:16; Yoh 13:20; Mrk 9:37; Luk 9:48. 41Chok rik beterime ma nabi Tuhan sebab nalèkh rik nak nabi, rik nak pon akal naterime upah gerèk rik Allah naꞌog ma mèn nabi. Dak chok rik beterime ma sènꞌòy rik kènmën sebab nanak nalèkh sènꞌòy nak kemën, rik nak pon akal naterime upah gerèk rik Allah naꞌog ma sènꞌòy rik kènmën. 42Dak Yék kemën ichal ma nyob: chok rik èg-og òng sèꞌjuk néy kuléh pon ma hèhoh Yék rik tok bepenting doh, sènꞌòy rik betulong nak pastik akal naterime upah eh.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.