Matius 8
8
Yèsus natèrhakh ma sènꞌòy rik bechenèk sèmpok
(Mrk 1:40-45; Luk 5:12-16)
1Bil Yèsus nataw nòm tangkòl naꞌtèk, jajéh sènꞌòy umhoh ma Rik Nak. 2Bil nak mok néy sènꞌòy rik bechenèk sèmpok nalãj dak natud èn sòy Yèsus, dak nachal, “Yãng, kalòw hachèn, boléh lah hamtèrhakh ma yék supaye yék imjadik méj wèl èn mad Tuhan!”#8:2 jadik méj wèl èn mad Tuhan Èn adad sènꞌòy Yahudi, sènꞌòy rik kenak chenèk sèmpok gerèk nak umdéh “laꞌes èn mad Tuhan,” dak umpèrmòy sènꞌòy nak nòm sènꞌòy mòy. Jadik bil Yèsus natèrhakh ma sènꞌòy nak, chenèk eh nak nahakh bok najadik méj wèl èn mad Tuhan keꞌjèk.
3Dak Yèsus natadok tikh Eh dak napèk-pek ma sènꞌòy nak dak nachal, “Yék ichèn, hakh lah bok jadik méj wèl èn mad Tuhan!” Bil nak keꞌjèk chenèk sèmpok eh sejèkh nahakh. 4#Im 14:1-32. Dak Yèsus nachal ma sènꞌòy nak, “Agok lah haꞌoglèkh gah doh ma chok-chok pon, tapik wèk lah ma imam bok pèrnéh esik hãh nak hòj kemën-kemën nahakh. Dak og lah jenamuk ma Allah, gerèk Musa naꞌor èn Hukom Tuhan, supaye kenèmbek sènꞌòy mulèkh hãk hòj kemën-kemën hòj méj wèl.”
Yèsus natèrhakh ma kuli ketuwe askah Roma
(Luk 7:1-10)
5Nòm kerek nak, bil Yèsus namòj ma kote Kapernaum, mok néy sènꞌòy ketuwe askah Roma nalãj dak nasemany lèdbëd ma Yèsus, 6“Yãng, kuli yéh najèk-jik rebah geb. Nanak nasèglòg èn dékh, kenèmbek esik eh hòj nabekantem bok rik nak napejèd geb.”
7Yèsus nachal, “Nak, akal bok Yék ilãj bok itèrhakh ma rik nak.”
8Tapik ketuwe askah nak nasaꞌod, “Yãng, yék tok behakak imsambud ma Hãk bok hammòj ma dékh yék. Tapik or hék lah supaye kuli yék namhakh, dak pastik lah nanak akal nahakh. 9Yék ilèkh, sebab yék pon ihoh ma sènꞌòy rik lebéh rayak nòm yék, dak yék keꞌjèk mok jajéh askah rik umhoh ma yék. Bil yék iꞌor ma askah, ‘Wèk!’ rik nak pon nawèk. Bil yék iꞌor ma askah mòy, ‘Chib ma doh!’ nanak pon nalãj. Dak kalòw yék iꞌor ma kuli yék, ‘Teꞌèl lah naꞌdoh!’ rik nak pon nateꞌèl.”
10Bil Yèsus nakeyòkh ma nèlchal ketuwe askah nak, Nanak nabèlꞌih geb. Dak nachal ma sènꞌòy rik hèh-hoh ma Rik Nak, “Kemën Yék ichal ma nyob, tok pernah iterèꞌbuk che Yék sènꞌòy rik kuwad napechaye gerèk doh, èn sènꞌòy Israꞌèl pon hõy! 11Bok Yék imchal ma nyob keꞌjèk: jajéh sènꞌòy nòm kaum mòy akal umlãj nòm kenèmbek bumi — nòm kèd is bok nòm sòy is. Umnak kenèmbek akal umgel umgéy jamuwan èn Kerajaꞌan Allah samak Abraham, Isak, ròb Yakob. #Luk 13:29. 12Tapik jajéh sènꞌòy Israꞌèl, rik patod ummòj ma Kerajaꞌan Allah nak, akal Tuhan nabes umnak ma béng, ma kelòj rèhngah kerèmlam. Dak èn anak akal umnak umyam umꞌarew bok mòny um kenèjrej sebab umderite geb.” #Mat 22:13; 25:30; Luk 13:28. 13Dak Yèsus nachal ma ketuwe askah nak, “Mak lah! Ilok rik hapechaye nak akal nabelakuk.”
Bil nak keꞌjèk, kuli ketuwe askah nak nahakh.
Yèsus natèrhakh ma belok babok Pètrus bok ma sènꞌòy jajéh
(Mrk 1:29-34; Luk 4:38-41)
14Nòm kerek nak Yèsus nawèk ma dékh Pètrus. Dak anak Nanak nanéh ma belok babok Pètrus nasèglòg sebab najèk-jik nabèd-bëd esik eh. 15Yèsus napèk-pek ma tikh rik nak, dak sejèkh bèd-bëd eh hòj hõy. Dak nanak nawòg dak nabejamuk ma Yèsus.
16Bil is hòj nambelayèg, sènꞌòy umꞌéd jajéh sènꞌòy rik umsèd-sid yel jèdhad ma Yèsus. Dak nòm nèlchal Eh hék, Yèsus nakiron ma yel-yel jèdhad nak, dak natèrhakh ma kenèmbek sènꞌòy rik umjèk-jik. 17#Yès 53:4.Yèsus nateꞌèl kenèmbek hal nak supaye nambelakuk ilok rik nabi Yèsaya hòj naramal:
“Rik Nak nakod nèꞌjik èk,
bok natèrhakh ma chenèk èk.”
Sènꞌòy rik umchèn muhoh ma Yèsus
(Luk 9:57-62)
18Bil Yèsus nanéh ma sènꞌòy jajéh umhèr-huk èn chening Eh, Nanak nachal ma mèn hèhoh Eh, “Jok lah, èk èwèk ma lantiw pang tuy.” 19Tapik bil nak mok néy sènꞌòy guruk agama nalãj dak nachal ma Yèsus, “Guruk, yék akal ihoh ma Hãk, ma lok pon Hãk hawèk!”
20Yèsus nasaꞌod ma rik eh nak, “Lèdlèd mok tabòh eh, chèp mok sòm eh, tapik Yék, Sènꞌòy Nòm Sorga, tok mèk-mok tempad untok imselòg bok imbetarak.”
21Mok néy hèhoh mòy wèl nachal, “Yãng, yék ichèn imhoh ma Hãk. Tapik or lah yék immak nèng-nèng untok imkep mayad apak yék.”
22Tapik Yèsus nasaꞌod ma rik nak, “Hoh lah ma Yék puꞌdoh. Sènꞌòy rik umjèk tok umhèh-hoh ma Yék gerèk sènꞌòy kèsbes. Perak lah umnak mukep ma sènꞌòy kèsbes.”
Yèsus natèrgëb ma tèrhòr ròb umbak
(Mrk 4:35-41; Luk 8:22-25)
23Pas nak, Yèsus naꞌòj ma perahuk samak mèn hèhoh Eh, dak umwèk. 24Tok-tok natehòr kelibuy ma òng pang nak, sampéy umbak rayak kèskelus dak òng natèrbikh ma perahuk um. Tapik Yèsus nasèglòg. 25Dak mèn hèhoh Eh umwèk umtèrꞌih ma Rik Nak dak umchal, “Yãng, tèrgos lah ma kandék! Èk hòj èmlèd-lũd!”
26Dak Yèsus nasaꞌod ma umnak, “Nahey bok nyob tukh? Nahey inyob tik tok nyob pechaye ma Yék?” Yèsus nawòg dak natèdchod ma tèrhòr ròb umbak. Tok-tok tèrhòr nak hòj sengẽk, dak òng nak pon hòj sèngring geb.
27Umnak umbèlꞌih dak umchal, “Ayah, chok sènꞌòy doh?! Tèrhòr ròb umbak pon umhoh ma nèlchal Rik Nak!”
Yèsus natèrhakh ma nar sènꞌòy rik sèd-sid yel jèdhad
(Mrk 5:1-20; Luk 8:26-39)
28Bil Yèsus hòj nabeleh ma lantiw pang, ma tèk sènꞌòy Gadara, mok nar sènꞌòy rik sèd-sid yel jèdhad wèlãj nòm guwok kubor dak wètèrbuk ma Yèsus. Wènar nak jehad geb, sampéy tok mok néy sènꞌòy pon namlamid namwad nòm tempad nak. 29Dak tok-tok nar sènꞌòy nak wèꞌèh-éh, “Yèsus, Kuwòt Allah! Ilok Hãk hamhey ma yar? Ke halãj untok hamsikse ma kandék, èn tèk-tik tok nalèy-lòy mase eh?”
30Tok jèꞌrok nòm nak mok jajéh taꞌòng rik umga-géy. 31Jadik yel jèdhad nak umseꞌëd ma Yèsus, “Kalòw Hãk hamkiron ma kandék kimhuwòl nòm sènꞌòy doh, or lah kimmòj ma kelòj taꞌòng nak!”
32Dak Yèsus nachal, “Nak, wèk lah!” Jadik yel nak pon umhuwòl nòm nar sènꞌòy nak dak ummòj ma kelòj taꞌòng nak. Dak tok-tok kenèmbek taꞌòng nak umda-dok ma terab dak umtaw ma òng pang, dak umlũd bok umkebes.
33Sènꞌòy rik umbejagak taꞌòng nak umdabal ma kote, dak umꞌoglèkh kenèmbek gah nak bok ilok rik hòj nabelakuk ma wènar nak sènꞌòy rik sèd-sid yel jèdhad atèk. 34Jadik kenèmbek sènꞌòy rik umgèl-gel èn kote nak umhuwòl untok mutèrbuk ma Yèsus. Bil umnéh ma Rik Nak, umnak umsemany lèdbëd supaye Yèsus namperak nòm tèk umnak.
Právě zvoleno:
Matius 8: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 8
8
Yèsus natèrhakh ma sènꞌòy rik bechenèk sèmpok
(Mrk 1:40-45; Luk 5:12-16)
1Bil Yèsus nataw nòm tangkòl naꞌtèk, jajéh sènꞌòy umhoh ma Rik Nak. 2Bil nak mok néy sènꞌòy rik bechenèk sèmpok nalãj dak natud èn sòy Yèsus, dak nachal, “Yãng, kalòw hachèn, boléh lah hamtèrhakh ma yék supaye yék imjadik méj wèl èn mad Tuhan!”#8:2 jadik méj wèl èn mad Tuhan Èn adad sènꞌòy Yahudi, sènꞌòy rik kenak chenèk sèmpok gerèk nak umdéh “laꞌes èn mad Tuhan,” dak umpèrmòy sènꞌòy nak nòm sènꞌòy mòy. Jadik bil Yèsus natèrhakh ma sènꞌòy nak, chenèk eh nak nahakh bok najadik méj wèl èn mad Tuhan keꞌjèk.
3Dak Yèsus natadok tikh Eh dak napèk-pek ma sènꞌòy nak dak nachal, “Yék ichèn, hakh lah bok jadik méj wèl èn mad Tuhan!” Bil nak keꞌjèk chenèk sèmpok eh sejèkh nahakh. 4#Im 14:1-32. Dak Yèsus nachal ma sènꞌòy nak, “Agok lah haꞌoglèkh gah doh ma chok-chok pon, tapik wèk lah ma imam bok pèrnéh esik hãh nak hòj kemën-kemën nahakh. Dak og lah jenamuk ma Allah, gerèk Musa naꞌor èn Hukom Tuhan, supaye kenèmbek sènꞌòy mulèkh hãk hòj kemën-kemën hòj méj wèl.”
Yèsus natèrhakh ma kuli ketuwe askah Roma
(Luk 7:1-10)
5Nòm kerek nak, bil Yèsus namòj ma kote Kapernaum, mok néy sènꞌòy ketuwe askah Roma nalãj dak nasemany lèdbëd ma Yèsus, 6“Yãng, kuli yéh najèk-jik rebah geb. Nanak nasèglòg èn dékh, kenèmbek esik eh hòj nabekantem bok rik nak napejèd geb.”
7Yèsus nachal, “Nak, akal bok Yék ilãj bok itèrhakh ma rik nak.”
8Tapik ketuwe askah nak nasaꞌod, “Yãng, yék tok behakak imsambud ma Hãk bok hammòj ma dékh yék. Tapik or hék lah supaye kuli yék namhakh, dak pastik lah nanak akal nahakh. 9Yék ilèkh, sebab yék pon ihoh ma sènꞌòy rik lebéh rayak nòm yék, dak yék keꞌjèk mok jajéh askah rik umhoh ma yék. Bil yék iꞌor ma askah, ‘Wèk!’ rik nak pon nawèk. Bil yék iꞌor ma askah mòy, ‘Chib ma doh!’ nanak pon nalãj. Dak kalòw yék iꞌor ma kuli yék, ‘Teꞌèl lah naꞌdoh!’ rik nak pon nateꞌèl.”
10Bil Yèsus nakeyòkh ma nèlchal ketuwe askah nak, Nanak nabèlꞌih geb. Dak nachal ma sènꞌòy rik hèh-hoh ma Rik Nak, “Kemën Yék ichal ma nyob, tok pernah iterèꞌbuk che Yék sènꞌòy rik kuwad napechaye gerèk doh, èn sènꞌòy Israꞌèl pon hõy! 11Bok Yék imchal ma nyob keꞌjèk: jajéh sènꞌòy nòm kaum mòy akal umlãj nòm kenèmbek bumi — nòm kèd is bok nòm sòy is. Umnak kenèmbek akal umgel umgéy jamuwan èn Kerajaꞌan Allah samak Abraham, Isak, ròb Yakob. #Luk 13:29. 12Tapik jajéh sènꞌòy Israꞌèl, rik patod ummòj ma Kerajaꞌan Allah nak, akal Tuhan nabes umnak ma béng, ma kelòj rèhngah kerèmlam. Dak èn anak akal umnak umyam umꞌarew bok mòny um kenèjrej sebab umderite geb.” #Mat 22:13; 25:30; Luk 13:28. 13Dak Yèsus nachal ma ketuwe askah nak, “Mak lah! Ilok rik hapechaye nak akal nabelakuk.”
Bil nak keꞌjèk, kuli ketuwe askah nak nahakh.
Yèsus natèrhakh ma belok babok Pètrus bok ma sènꞌòy jajéh
(Mrk 1:29-34; Luk 4:38-41)
14Nòm kerek nak Yèsus nawèk ma dékh Pètrus. Dak anak Nanak nanéh ma belok babok Pètrus nasèglòg sebab najèk-jik nabèd-bëd esik eh. 15Yèsus napèk-pek ma tikh rik nak, dak sejèkh bèd-bëd eh hòj hõy. Dak nanak nawòg dak nabejamuk ma Yèsus.
16Bil is hòj nambelayèg, sènꞌòy umꞌéd jajéh sènꞌòy rik umsèd-sid yel jèdhad ma Yèsus. Dak nòm nèlchal Eh hék, Yèsus nakiron ma yel-yel jèdhad nak, dak natèrhakh ma kenèmbek sènꞌòy rik umjèk-jik. 17#Yès 53:4.Yèsus nateꞌèl kenèmbek hal nak supaye nambelakuk ilok rik nabi Yèsaya hòj naramal:
“Rik Nak nakod nèꞌjik èk,
bok natèrhakh ma chenèk èk.”
Sènꞌòy rik umchèn muhoh ma Yèsus
(Luk 9:57-62)
18Bil Yèsus nanéh ma sènꞌòy jajéh umhèr-huk èn chening Eh, Nanak nachal ma mèn hèhoh Eh, “Jok lah, èk èwèk ma lantiw pang tuy.” 19Tapik bil nak mok néy sènꞌòy guruk agama nalãj dak nachal ma Yèsus, “Guruk, yék akal ihoh ma Hãk, ma lok pon Hãk hawèk!”
20Yèsus nasaꞌod ma rik eh nak, “Lèdlèd mok tabòh eh, chèp mok sòm eh, tapik Yék, Sènꞌòy Nòm Sorga, tok mèk-mok tempad untok imselòg bok imbetarak.”
21Mok néy hèhoh mòy wèl nachal, “Yãng, yék ichèn imhoh ma Hãk. Tapik or lah yék immak nèng-nèng untok imkep mayad apak yék.”
22Tapik Yèsus nasaꞌod ma rik nak, “Hoh lah ma Yék puꞌdoh. Sènꞌòy rik umjèk tok umhèh-hoh ma Yék gerèk sènꞌòy kèsbes. Perak lah umnak mukep ma sènꞌòy kèsbes.”
Yèsus natèrgëb ma tèrhòr ròb umbak
(Mrk 4:35-41; Luk 8:22-25)
23Pas nak, Yèsus naꞌòj ma perahuk samak mèn hèhoh Eh, dak umwèk. 24Tok-tok natehòr kelibuy ma òng pang nak, sampéy umbak rayak kèskelus dak òng natèrbikh ma perahuk um. Tapik Yèsus nasèglòg. 25Dak mèn hèhoh Eh umwèk umtèrꞌih ma Rik Nak dak umchal, “Yãng, tèrgos lah ma kandék! Èk hòj èmlèd-lũd!”
26Dak Yèsus nasaꞌod ma umnak, “Nahey bok nyob tukh? Nahey inyob tik tok nyob pechaye ma Yék?” Yèsus nawòg dak natèdchod ma tèrhòr ròb umbak. Tok-tok tèrhòr nak hòj sengẽk, dak òng nak pon hòj sèngring geb.
27Umnak umbèlꞌih dak umchal, “Ayah, chok sènꞌòy doh?! Tèrhòr ròb umbak pon umhoh ma nèlchal Rik Nak!”
Yèsus natèrhakh ma nar sènꞌòy rik sèd-sid yel jèdhad
(Mrk 5:1-20; Luk 8:26-39)
28Bil Yèsus hòj nabeleh ma lantiw pang, ma tèk sènꞌòy Gadara, mok nar sènꞌòy rik sèd-sid yel jèdhad wèlãj nòm guwok kubor dak wètèrbuk ma Yèsus. Wènar nak jehad geb, sampéy tok mok néy sènꞌòy pon namlamid namwad nòm tempad nak. 29Dak tok-tok nar sènꞌòy nak wèꞌèh-éh, “Yèsus, Kuwòt Allah! Ilok Hãk hamhey ma yar? Ke halãj untok hamsikse ma kandék, èn tèk-tik tok nalèy-lòy mase eh?”
30Tok jèꞌrok nòm nak mok jajéh taꞌòng rik umga-géy. 31Jadik yel jèdhad nak umseꞌëd ma Yèsus, “Kalòw Hãk hamkiron ma kandék kimhuwòl nòm sènꞌòy doh, or lah kimmòj ma kelòj taꞌòng nak!”
32Dak Yèsus nachal, “Nak, wèk lah!” Jadik yel nak pon umhuwòl nòm nar sènꞌòy nak dak ummòj ma kelòj taꞌòng nak. Dak tok-tok kenèmbek taꞌòng nak umda-dok ma terab dak umtaw ma òng pang, dak umlũd bok umkebes.
33Sènꞌòy rik umbejagak taꞌòng nak umdabal ma kote, dak umꞌoglèkh kenèmbek gah nak bok ilok rik hòj nabelakuk ma wènar nak sènꞌòy rik sèd-sid yel jèdhad atèk. 34Jadik kenèmbek sènꞌòy rik umgèl-gel èn kote nak umhuwòl untok mutèrbuk ma Yèsus. Bil umnéh ma Rik Nak, umnak umsemany lèdbëd supaye Yèsus namperak nòm tèk umnak.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.