Matius 7
7
Agok betanas salah ma sènꞌòy mòy
(Luk 6:37-38,41-42)
1Yèsus nachal, “Agok lah tanas salah ma sènꞌòy gèhnih, supaye Allah tok nabetanas salah ma nyob. 2Sebab gerèk lok nyob tanas salah ma sènꞌòy, gerèk nak keꞌjèk Allah akal natanas salah ma nyob. Bok chènwoh rik nyob gunak untok sènꞌòy mòy, gerèk nak keꞌjèk Allah akal nachuwoh ma nyob. #Mrk 4:24. 3Dak nahey ihãk hayad ma chèmrèm palok èn mad kéy hãh, bok tok hayèd-yad lah ma palok èn mad rik hãh? 4Gerèk lok ihãk hamchal ma kéy hãh, ‘Perak lah yék imtèrwòl chèmrèm nak nòm mad hãk,’ yab èn mad rik hãh pon tèk-tik mok palok? 5Sènꞌòy rik bemèrhĩr! Tèrwòl lah nèng-nèng palok nòm mad rik hãh, bok boléh hanéh tèꞌlalah untok hamtèrwòl chèmrèm naꞌtèk nòm mad kéy hãh.
6Agok og ilok rik kudus ma chuwòk, sebab akal umwãr dak umserang ma nyob. Dak agok bes manìk rik mèlhal nak ma taꞌòng, sebab akal had umjelog èn tèk.”#7:6 Sènꞌòy Yahudi umbèdlod chuwòk ròb taꞌòng nak laꞌes èn mad Tuhan. Jadik, èn chòntoh Yèsus doh chuwòk ròb taꞌòng nak bemaksod sènꞌòy rik belaꞌes èn mad Tuhan sebab hòj umjèk ma Gah Tuhan dak tok umlèng-lèkh hèrgak eh.
Yèsus nabetènglèkh wèl tentang chare pèntak
(Luk 11:9-13)
7“Oj lah ma Allah, dak akal nyob terime. Kèk lah, dak akal nyob tèrbuk. Tãnggõh lah ma rèngkak, dak akal Tuhan napog rèngkak untok nyob. 8Sebab tiyab-tiyab sènꞌòy rik èj-oj akal naterime, tiyab-tiyab sènꞌòy rik kèk-kèk akal natèrbuk, dak tiyab-tiyab sènꞌòy rik betãnggõh, akal Tuhan napog rèngkak untok rik nak. 9Kalòw kuwòt nyob umsemany nèygéy, pastik lah nyob tok èg-og batuk ma umnak. 10Atòw kalòw umsemany kak, pastik lah nyob tok èg-og tajuk ma umnak! 11Yab nyob sènꞌòy rik jèdhad, nyob lèkh nyomꞌog rik méj ma kuwòt nyob. Tabeh wèl Apak nyob rik èn sorga akal naꞌog rik méj-méj ma sènꞌòy rik umsènymany ma Rik Nak!
12 #
Luk 6:31. Jadik, ilok rik nyob chèn sènꞌòy mòy muteꞌèl ma nyob, teꞌèl lah hal nak untok umnak. Unak lah maksod kenèmbek tenènglèkh èn Hukom Tuhan ròb kitab-kitab mèn nabi.”
Susah sènꞌòy mumòj ma Kerajaꞌan Allah
(Luk 13:24)
13-14“Mòj lah ma rèngkak rik èdngẽd untok nyommòj ma Kerajaꞌan Allah. Pastik senang sènꞌòy ummòj ma nerake, gerèk umhoh ma nòng rayak rik sèngnang, dak ummòj ma rèngkak gerbang rik rayak. Jajéh sènꞌòy umhoh ma nòng nak. Tapik susah geb sènꞌòy mumòj ma nèsgos rik jalꞌéng samak Allah: gerèk umhoh ma nòng ajok rik susah, dak umtasik mumòj ma rèngkak rik èdngẽd. Had amès hék sènꞌòy rik terèꞌbuk ma nòng nak.”
Chòntoh jehuk ròb kebek
(Luk 6:43-44)
15“Bejagak-jagak lah ma nabi rik bèj-bòj! Umnak umlãj ma nyob bok umbegèw-gòw méj gerèk kambikh biri rik lènmun, tapik che kènmën eh nak umnak gerèk chuwòk mènghòng rik jèdhad. 16Nyob akal nyob kenal ma umnak nòm hasil tènꞌèl umnak. Tok mèk-mok sènꞌòy pon mutelèh kebek anggor atòw kebek ilok pon#7:16 kebek ilok pon Tèks asli Kitab: “kebek ara.” Kebek ara nak gerèk kebek kèlpong, tapik selèp bok boléh géy. Kebek nak penting geb èn tèk Israꞌèl, dak sènꞌòy Yahudi ibuk umgéy kebek nak. nòm bèrher rik bejalak, hek? 17Tapik tiyab jehuk rik méj pastik lah kebek eh méj, dak tiyab jehuk rik laꞌes pastik lah kebek eh pon laꞌes. 18Jehuk rik méj tok mèk-mok kebek eh nak laꞌes, dak jehuk rik laꞌes tok mèk-mok kebek eh nak méj. 19Dak tiyab jehuk rik tok bekèꞌbek eh méj akal umguk dak umbes ma os. #Mat 3:10; Luk 3:9. 20#Mat 12:33.Gerèk nak keꞌjèk lah nyob akal nyob kenal ma mèn nabi bèj-bòj nòm tènꞌèl umnak.”
Agok bechèl-chal hék tapik teꞌèl lah kèrjak Tuhan
(Luk 13:25-27)
21“Mok sènꞌòy umkèw-kòw ma Yék, ‘Tuhan, Tuhan!’ Tapik kedak kenèmbek sènꞌòy nak akal mumòj ma Kerajaꞌan Allah, had sènꞌòy rik umhèh-hoh ma nènchèn Apak Yék èn sorga. 22Bil èn arik Allah nahukom ma kenèmbek sènꞌòy, jajéh sènꞌòy akal umchal ma Yék, ‘Tuhan, Tuhan! Nòm kuwase kenëh Hãk kandék hòj kitèrlòy gah nòm Hãk. Bok kikiron ma yel jèdhad nòm kuwase kenëh Hãk. Bok kiteꞌèl jajéh tènꞌèl kuwase nòm kuwase kenëh Hãk keꞌjèk!’ 23#En 6:9.Tapik bil is nak akal Yék ichal tèꞌlalah ma umnak, ‘Yék tok pernah ikèlnal ma nyob. Wèk lah nòm Yék, nyob rik tèlꞌèl jèdhad!’”
Chenal nar sènꞌòy rik tèlꞌèl dékh
(Luk 6:47-49)
24“Jadik, chok rik kèngyòkh ma tenènglèkh Yék dak nahoh, rik nak gerèk sènꞌòy chèrdìk rik nateꞌèl dékh eh èn batuk. 25Pas nak nateh rayak, òng tibok nabeꞌag, dak natehòr kelibuy natimpak ma dékh eh nak. Tapik dékh nak tok nakèl-kel, sebab sènꞌòy nak nateꞌèl èn batuk.
26Tapik chok rik kèngyòkh ma tenènglèkh Yék dak tok nahèh-hoh, rik nak gerèk sènꞌòy beyayéw rik nateꞌèl dékh eh èn pantéy. 27Pas nak nateh, òng tibok nabeꞌag, dak natehòr kelibuy natimpak ma dékh eh nak, dak dékh nak sejèkh nakel dak narònggẽk!”
Yèsus behak bok bekuwase
28Bil Yèsus hòj natèrsòj tenènglèkh Eh nak, sènꞌòy jajéh rik umkèngyòkh nak umbèlꞌih geb ma chare natènglèkh nak. #Mrk 1:22; Luk 4:32. 29Sebab Yèsus nabetènglèkh gerèk sènꞌòy rik behak bok bekuwase, tok samak gerèk mèn guruk agama umnak.
Právě zvoleno:
Matius 7: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 7
7
Agok betanas salah ma sènꞌòy mòy
(Luk 6:37-38,41-42)
1Yèsus nachal, “Agok lah tanas salah ma sènꞌòy gèhnih, supaye Allah tok nabetanas salah ma nyob. 2Sebab gerèk lok nyob tanas salah ma sènꞌòy, gerèk nak keꞌjèk Allah akal natanas salah ma nyob. Bok chènwoh rik nyob gunak untok sènꞌòy mòy, gerèk nak keꞌjèk Allah akal nachuwoh ma nyob. #Mrk 4:24. 3Dak nahey ihãk hayad ma chèmrèm palok èn mad kéy hãh, bok tok hayèd-yad lah ma palok èn mad rik hãh? 4Gerèk lok ihãk hamchal ma kéy hãh, ‘Perak lah yék imtèrwòl chèmrèm nak nòm mad hãk,’ yab èn mad rik hãh pon tèk-tik mok palok? 5Sènꞌòy rik bemèrhĩr! Tèrwòl lah nèng-nèng palok nòm mad rik hãh, bok boléh hanéh tèꞌlalah untok hamtèrwòl chèmrèm naꞌtèk nòm mad kéy hãh.
6Agok og ilok rik kudus ma chuwòk, sebab akal umwãr dak umserang ma nyob. Dak agok bes manìk rik mèlhal nak ma taꞌòng, sebab akal had umjelog èn tèk.”#7:6 Sènꞌòy Yahudi umbèdlod chuwòk ròb taꞌòng nak laꞌes èn mad Tuhan. Jadik, èn chòntoh Yèsus doh chuwòk ròb taꞌòng nak bemaksod sènꞌòy rik belaꞌes èn mad Tuhan sebab hòj umjèk ma Gah Tuhan dak tok umlèng-lèkh hèrgak eh.
Yèsus nabetènglèkh wèl tentang chare pèntak
(Luk 11:9-13)
7“Oj lah ma Allah, dak akal nyob terime. Kèk lah, dak akal nyob tèrbuk. Tãnggõh lah ma rèngkak, dak akal Tuhan napog rèngkak untok nyob. 8Sebab tiyab-tiyab sènꞌòy rik èj-oj akal naterime, tiyab-tiyab sènꞌòy rik kèk-kèk akal natèrbuk, dak tiyab-tiyab sènꞌòy rik betãnggõh, akal Tuhan napog rèngkak untok rik nak. 9Kalòw kuwòt nyob umsemany nèygéy, pastik lah nyob tok èg-og batuk ma umnak. 10Atòw kalòw umsemany kak, pastik lah nyob tok èg-og tajuk ma umnak! 11Yab nyob sènꞌòy rik jèdhad, nyob lèkh nyomꞌog rik méj ma kuwòt nyob. Tabeh wèl Apak nyob rik èn sorga akal naꞌog rik méj-méj ma sènꞌòy rik umsènymany ma Rik Nak!
12 #
Luk 6:31. Jadik, ilok rik nyob chèn sènꞌòy mòy muteꞌèl ma nyob, teꞌèl lah hal nak untok umnak. Unak lah maksod kenèmbek tenènglèkh èn Hukom Tuhan ròb kitab-kitab mèn nabi.”
Susah sènꞌòy mumòj ma Kerajaꞌan Allah
(Luk 13:24)
13-14“Mòj lah ma rèngkak rik èdngẽd untok nyommòj ma Kerajaꞌan Allah. Pastik senang sènꞌòy ummòj ma nerake, gerèk umhoh ma nòng rayak rik sèngnang, dak ummòj ma rèngkak gerbang rik rayak. Jajéh sènꞌòy umhoh ma nòng nak. Tapik susah geb sènꞌòy mumòj ma nèsgos rik jalꞌéng samak Allah: gerèk umhoh ma nòng ajok rik susah, dak umtasik mumòj ma rèngkak rik èdngẽd. Had amès hék sènꞌòy rik terèꞌbuk ma nòng nak.”
Chòntoh jehuk ròb kebek
(Luk 6:43-44)
15“Bejagak-jagak lah ma nabi rik bèj-bòj! Umnak umlãj ma nyob bok umbegèw-gòw méj gerèk kambikh biri rik lènmun, tapik che kènmën eh nak umnak gerèk chuwòk mènghòng rik jèdhad. 16Nyob akal nyob kenal ma umnak nòm hasil tènꞌèl umnak. Tok mèk-mok sènꞌòy pon mutelèh kebek anggor atòw kebek ilok pon#7:16 kebek ilok pon Tèks asli Kitab: “kebek ara.” Kebek ara nak gerèk kebek kèlpong, tapik selèp bok boléh géy. Kebek nak penting geb èn tèk Israꞌèl, dak sènꞌòy Yahudi ibuk umgéy kebek nak. nòm bèrher rik bejalak, hek? 17Tapik tiyab jehuk rik méj pastik lah kebek eh méj, dak tiyab jehuk rik laꞌes pastik lah kebek eh pon laꞌes. 18Jehuk rik méj tok mèk-mok kebek eh nak laꞌes, dak jehuk rik laꞌes tok mèk-mok kebek eh nak méj. 19Dak tiyab jehuk rik tok bekèꞌbek eh méj akal umguk dak umbes ma os. #Mat 3:10; Luk 3:9. 20#Mat 12:33.Gerèk nak keꞌjèk lah nyob akal nyob kenal ma mèn nabi bèj-bòj nòm tènꞌèl umnak.”
Agok bechèl-chal hék tapik teꞌèl lah kèrjak Tuhan
(Luk 13:25-27)
21“Mok sènꞌòy umkèw-kòw ma Yék, ‘Tuhan, Tuhan!’ Tapik kedak kenèmbek sènꞌòy nak akal mumòj ma Kerajaꞌan Allah, had sènꞌòy rik umhèh-hoh ma nènchèn Apak Yék èn sorga. 22Bil èn arik Allah nahukom ma kenèmbek sènꞌòy, jajéh sènꞌòy akal umchal ma Yék, ‘Tuhan, Tuhan! Nòm kuwase kenëh Hãk kandék hòj kitèrlòy gah nòm Hãk. Bok kikiron ma yel jèdhad nòm kuwase kenëh Hãk. Bok kiteꞌèl jajéh tènꞌèl kuwase nòm kuwase kenëh Hãk keꞌjèk!’ 23#En 6:9.Tapik bil is nak akal Yék ichal tèꞌlalah ma umnak, ‘Yék tok pernah ikèlnal ma nyob. Wèk lah nòm Yék, nyob rik tèlꞌèl jèdhad!’”
Chenal nar sènꞌòy rik tèlꞌèl dékh
(Luk 6:47-49)
24“Jadik, chok rik kèngyòkh ma tenènglèkh Yék dak nahoh, rik nak gerèk sènꞌòy chèrdìk rik nateꞌèl dékh eh èn batuk. 25Pas nak nateh rayak, òng tibok nabeꞌag, dak natehòr kelibuy natimpak ma dékh eh nak. Tapik dékh nak tok nakèl-kel, sebab sènꞌòy nak nateꞌèl èn batuk.
26Tapik chok rik kèngyòkh ma tenènglèkh Yék dak tok nahèh-hoh, rik nak gerèk sènꞌòy beyayéw rik nateꞌèl dékh eh èn pantéy. 27Pas nak nateh, òng tibok nabeꞌag, dak natehòr kelibuy natimpak ma dékh eh nak, dak dékh nak sejèkh nakel dak narònggẽk!”
Yèsus behak bok bekuwase
28Bil Yèsus hòj natèrsòj tenènglèkh Eh nak, sènꞌòy jajéh rik umkèngyòkh nak umbèlꞌih geb ma chare natènglèkh nak. #Mrk 1:22; Luk 4:32. 29Sebab Yèsus nabetènglèkh gerèk sènꞌòy rik behak bok bekuwase, tok samak gerèk mèn guruk agama umnak.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.