Matius 6
6
Yèsus nabetènglèkh tentang chare nègꞌog ma sènꞌòy hèl-hal
1Yèsus nachal wèl, “Bejagak-jagak lah! Agok teꞌèl méj èn mad sènꞌòy hék, supaye munéh ma nyob. Kalòw nyob teꞌèl gerèk nak, nyob akal tok nyob terime upah nòm Apak nyob èn sorga. #Mat 23:5.
2Jadik, bil nyob nyomꞌog ma sènꞌòy hèl-hal, agok lah beperèngnèng ma tènꞌèl nyob nak, gerèk sènꞌòy rik umbegèw-gòw méj. Umnak umchèn umꞌèg-og èn dékh senindol bok èn nòng, supaye sènꞌòy mòy munéh bok muꞌèhmah ma umnak. Yék kemën ichal ma nyob: had unak hék lah upah rik umnak umdapad. 3-4Tapik bil nyob nyomꞌog ma sènꞌòy hèl-hal, og lah julak-julak, sampéy tok mèk-mok chok-chok pon namlèkh ilok rik nyob teꞌèl nak.#6:3-4 Tèks asli: “sampéy tikh yèl nyob tok nalèng-lèkh ilok rik tikh tep nyob nateꞌèl.” Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”
Yèsus nabetènglèkh tentang pèntak
(Luk 11:2-4)
5“Bil nyob bepèꞌtak, agok lah bepèꞌtak gerèk sènꞌòy rik umbegèw-gòw méj. Umnak umchèn muperèngnèng, dak umbepèꞌtak èn dékh senindol bok èn chèntag nòng supaye sènꞌòy mòy munéh. Yék kemën ichal ma nyob, had unak hék lah upah rik umnak umdapad. #Luk 18:10-14. 6Tapik bil nyob bepèꞌtak, mòj lah ma bilik dèꞌrik, chèrtekh lah rèngkak dak bepèꞌtak lah ma Apak nyob. Rik Nak mok keꞌjèk èn tempad kerèndëk nak, dak nanéh ilok rik nyob teꞌèl julak nak, bok akal naꞌog upah ma nyob.
7Dak bil nyob bepèꞌtak, agok lah becharak lègbòg hék, gerèk kaum mòy rik tok umkèlnal ma Allah. Umnak umbèdlod alëj umnak akal umkeyòkh ma sènymany umnak sebab umpèꞌtak jerok-jerok. 8Agok lah bepèꞌtak gerèk umnak! Apak nyob hòj nalèkh ilok rik nyob perlu, èn tèk-tik nyob tok nyob sènymany. 9Jadik, bepèꞌtak lah gerèk doh:
Yah Apak kandék rik mok èn sorga,
had Hãk hék lah Allah.
Tulong lah supaye kenèmbek sènꞌòy muhormad ma Hãk.
10Kandék kiꞌas Hãk hamlãj hamjadik Rajak,
dak nènchèn Hãk nambelakuk èn bumi bok gerèk èn sorga.
11Og lah che kandék nèygéy rik kiperlu is doh.
12Ampon lah dose kandék,
gerèk kandék keꞌjèk kiꞌampon ma sènꞌòy rik umbetès-dos ma kandék.
13Dak agok lah perak kandék ma kelòj tenarèk,
tapik tèrgos lah kandék nòm kuwase Iblis.
[Sebab Hãk lah Rajak rik bekuwase, rayak bok terkenal sampéy bilok-bilok. Amin.]#6:13 Had ènsekh tèks asli Yunani umtabeh ayad doh.
14Dak kalòw nyob ampon ma sènꞌòy rik betès-dos ma nyob, Apak nyob èn sorga pon akal naꞌampon ma nyob keꞌjèk. #Mrk 11:25,26. 15Tapik kalòw nyob tok beꞌampon ma sènꞌòy mòy, Apak nyob pon akal tok nabeꞌampon ma dose nyob keꞌjèk.”
Yèsus nabetènglèkh tentang chare nèdꞌòd
16“Dak bil nyob beꞌa-òd supaye nyompèꞌtak ma Allah, agok lah uy mad nyob lèꞌjãk, gerèk sènꞌòy rik had umbegèw-gòw méj. Umnak umꞌuy mad umnak rèmnyom untok mupèrnéh umnak umꞌa-òd, supaye sènꞌòy mòy muꞌèhmah ma umnak. Yék kemën ichal ma nyob, had unak hék lah upah rik umdapad. 17Tapik bil nyob beꞌa-òd bok bepèꞌtak ma Allah, lab lah mad nyob nak, dak ma-muh binyak èn sog nyob bok sikad lah gerèk biyase. 18Teꞌèl hal nak supaye tok mok chok namlèkh nyob beꞌa-òd, had Allah, Apak nyob hék. Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”
Dol lah harte èn sorga
(Luk 12:33-34)
19“Agok lah chatuk harte rik ma rik nyob èn duniak doh. Sebab èn anuh garuj ròb karad nalèrꞌes ma harte nyob nak, dak sènꞌòy rik sèjyèj akal umsered mumòj untok museyèj harte nyob nak. #Yak 5:2,3. 20Tapik chatuk lah harte èn sorga. Èn anak garuj ròb karad tok dapad namlèrꞌes ma harte nyob nak, dak sènꞌòy sèjyèj tok dapad musered mumòj untok museyèj ma harte nak. 21Èn lok nyob chatuk harte nyob, èn anak lah nènchèn hup nyob keꞌjèk.”
Yèsus nabetènglèkh tentang chènlakh ròb rengah
(Luk 11:34-36)
22“Mad nyob gerèk peliteh untok esik nyob. Bil mad nyob boléh néh tèꞌlalah, kenèmbek nèsgos nyob tebikh nòm chènlakh. 23Tapik bil mad nyob sèrbër, kenèmbek nèsgos nyob pon najadik rengah kerèmlam. Dak kalòw èn nèsgos nyob tok mèk-mok chènlakh wèl, had rengah hék, pastik hup nyob kemën-kemën tebikh nòm rèhngah!”
Agok èd-id tentang nèsgos doh, tapik kèk lah Kerajaꞌan Allah
(Luk 16:13; 12:22-31)
24“Tok mèk-mok néy sènꞌòy pon dapad namkèrjak untok nar tuwan eh mase rik chachod. Sebab nanak akal nacheꞌẽs ma naꞌnéy tuwan eh, dak nasayèkh ma tuwan rik gèhnih. Nanak akal lebéh nasetiye ma néy tuwan eh, dak najèk ma rik gèhnih. Gerèk nak keꞌjèk lah ma nyob: nyob tok dapad nyomkèrjak untok Allah ròb untok kenaye keꞌjèk.
25Sebab nak Yék ichal ma nyob: agok lah èd-id tentang nèsgos nyob, tentang ilok rik nyob nyomgéy bok nyomꞌòng. Dak agok lah èd-id tentang esik nyob bok ilok nyob nyomlòg. Nèsgos nak lebéh penting nòm nèygéy, dak esik nak lebéh penting nòm nèglòg. 26Néh lah ma mèn chèp èn langid. Chèp nak tok umtèm-tap menéh, tok umbechatuk nègtòg, dak tok mèk-mok dékh nèldol untok mudol nèygéy um. Tapik Apak nyob èn sorga naꞌog nèygéy ma umnak. Dak nyob jerok lebéh penting èn mad Allah nòm chèp nak! 27Bok tok mèk-mok sènꞌòy èn nyob rik dapad namjerok nèsgos eh néy jam pon sebab selaluk naꞌèd-id.
28-30Jadik pechaye lah ma Allah! Rik Nak nalèkh ilok nyob perlu. Dak agok lah èd-id tentang nèglòg. Néh lah ma bungak rik hèn-hin èn béng: bungak nak tok kerèꞌjak bok tok tèlyèl. Tapik Yék ichal ma nyob: yab Rajak Salomo nak kaye geb, tapik tok nalèg-lòg méj gerèk bungak nak. #1 Raj 10:4-7; 2 Sej 9:3-6. Allah nahiyas rambang èn pantil nak, rik mok is doh tapik ma is jakal eh sènꞌòy nachòkh dak nachur ma os. Jadik, pastik lah Nanak akal najagak ma nyob bok naꞌog nèglòg ma nyob! 31Jadik agok lah èd-id bok chèl-chal, ‘Ilok èmgéy?’ atòw ‘Ilok èmꞌòng?’ atòw ‘Ilok èmlòg?’ 32Kaum-kaum mòy rik tok umkèlnal ma Allah selaluk umꞌèd-id hal-hal gerèk doh. Tapik Tuhan Apak nyob èn sorga hòj nalèkh ma nyob nyomperlu kenèmbek nak. 33Jadik, bèdlod lah nèng-nèng ma Kerajaꞌan Allah bok hoh lah ma nènchèn Rik Nak, dak kenèmbek rik nyob perlu nak akal Allah natabeh keꞌjèk ma nyob. 34Jadik agok lah èd-id ma is jakal eh nak, sebab is jakal nak mok enèdꞌid rik mòy wèl. Senusah is doh hòj adik lah untok is doh.”
Právě zvoleno:
Matius 6: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 6
6
Yèsus nabetènglèkh tentang chare nègꞌog ma sènꞌòy hèl-hal
1Yèsus nachal wèl, “Bejagak-jagak lah! Agok teꞌèl méj èn mad sènꞌòy hék, supaye munéh ma nyob. Kalòw nyob teꞌèl gerèk nak, nyob akal tok nyob terime upah nòm Apak nyob èn sorga. #Mat 23:5.
2Jadik, bil nyob nyomꞌog ma sènꞌòy hèl-hal, agok lah beperèngnèng ma tènꞌèl nyob nak, gerèk sènꞌòy rik umbegèw-gòw méj. Umnak umchèn umꞌèg-og èn dékh senindol bok èn nòng, supaye sènꞌòy mòy munéh bok muꞌèhmah ma umnak. Yék kemën ichal ma nyob: had unak hék lah upah rik umnak umdapad. 3-4Tapik bil nyob nyomꞌog ma sènꞌòy hèl-hal, og lah julak-julak, sampéy tok mèk-mok chok-chok pon namlèkh ilok rik nyob teꞌèl nak.#6:3-4 Tèks asli: “sampéy tikh yèl nyob tok nalèng-lèkh ilok rik tikh tep nyob nateꞌèl.” Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”
Yèsus nabetènglèkh tentang pèntak
(Luk 11:2-4)
5“Bil nyob bepèꞌtak, agok lah bepèꞌtak gerèk sènꞌòy rik umbegèw-gòw méj. Umnak umchèn muperèngnèng, dak umbepèꞌtak èn dékh senindol bok èn chèntag nòng supaye sènꞌòy mòy munéh. Yék kemën ichal ma nyob, had unak hék lah upah rik umnak umdapad. #Luk 18:10-14. 6Tapik bil nyob bepèꞌtak, mòj lah ma bilik dèꞌrik, chèrtekh lah rèngkak dak bepèꞌtak lah ma Apak nyob. Rik Nak mok keꞌjèk èn tempad kerèndëk nak, dak nanéh ilok rik nyob teꞌèl julak nak, bok akal naꞌog upah ma nyob.
7Dak bil nyob bepèꞌtak, agok lah becharak lègbòg hék, gerèk kaum mòy rik tok umkèlnal ma Allah. Umnak umbèdlod alëj umnak akal umkeyòkh ma sènymany umnak sebab umpèꞌtak jerok-jerok. 8Agok lah bepèꞌtak gerèk umnak! Apak nyob hòj nalèkh ilok rik nyob perlu, èn tèk-tik nyob tok nyob sènymany. 9Jadik, bepèꞌtak lah gerèk doh:
Yah Apak kandék rik mok èn sorga,
had Hãk hék lah Allah.
Tulong lah supaye kenèmbek sènꞌòy muhormad ma Hãk.
10Kandék kiꞌas Hãk hamlãj hamjadik Rajak,
dak nènchèn Hãk nambelakuk èn bumi bok gerèk èn sorga.
11Og lah che kandék nèygéy rik kiperlu is doh.
12Ampon lah dose kandék,
gerèk kandék keꞌjèk kiꞌampon ma sènꞌòy rik umbetès-dos ma kandék.
13Dak agok lah perak kandék ma kelòj tenarèk,
tapik tèrgos lah kandék nòm kuwase Iblis.
[Sebab Hãk lah Rajak rik bekuwase, rayak bok terkenal sampéy bilok-bilok. Amin.]#6:13 Had ènsekh tèks asli Yunani umtabeh ayad doh.
14Dak kalòw nyob ampon ma sènꞌòy rik betès-dos ma nyob, Apak nyob èn sorga pon akal naꞌampon ma nyob keꞌjèk. #Mrk 11:25,26. 15Tapik kalòw nyob tok beꞌampon ma sènꞌòy mòy, Apak nyob pon akal tok nabeꞌampon ma dose nyob keꞌjèk.”
Yèsus nabetènglèkh tentang chare nèdꞌòd
16“Dak bil nyob beꞌa-òd supaye nyompèꞌtak ma Allah, agok lah uy mad nyob lèꞌjãk, gerèk sènꞌòy rik had umbegèw-gòw méj. Umnak umꞌuy mad umnak rèmnyom untok mupèrnéh umnak umꞌa-òd, supaye sènꞌòy mòy muꞌèhmah ma umnak. Yék kemën ichal ma nyob, had unak hék lah upah rik umdapad. 17Tapik bil nyob beꞌa-òd bok bepèꞌtak ma Allah, lab lah mad nyob nak, dak ma-muh binyak èn sog nyob bok sikad lah gerèk biyase. 18Teꞌèl hal nak supaye tok mok chok namlèkh nyob beꞌa-òd, had Allah, Apak nyob hék. Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”
Dol lah harte èn sorga
(Luk 12:33-34)
19“Agok lah chatuk harte rik ma rik nyob èn duniak doh. Sebab èn anuh garuj ròb karad nalèrꞌes ma harte nyob nak, dak sènꞌòy rik sèjyèj akal umsered mumòj untok museyèj harte nyob nak. #Yak 5:2,3. 20Tapik chatuk lah harte èn sorga. Èn anak garuj ròb karad tok dapad namlèrꞌes ma harte nyob nak, dak sènꞌòy sèjyèj tok dapad musered mumòj untok museyèj ma harte nak. 21Èn lok nyob chatuk harte nyob, èn anak lah nènchèn hup nyob keꞌjèk.”
Yèsus nabetènglèkh tentang chènlakh ròb rengah
(Luk 11:34-36)
22“Mad nyob gerèk peliteh untok esik nyob. Bil mad nyob boléh néh tèꞌlalah, kenèmbek nèsgos nyob tebikh nòm chènlakh. 23Tapik bil mad nyob sèrbër, kenèmbek nèsgos nyob pon najadik rengah kerèmlam. Dak kalòw èn nèsgos nyob tok mèk-mok chènlakh wèl, had rengah hék, pastik hup nyob kemën-kemën tebikh nòm rèhngah!”
Agok èd-id tentang nèsgos doh, tapik kèk lah Kerajaꞌan Allah
(Luk 16:13; 12:22-31)
24“Tok mèk-mok néy sènꞌòy pon dapad namkèrjak untok nar tuwan eh mase rik chachod. Sebab nanak akal nacheꞌẽs ma naꞌnéy tuwan eh, dak nasayèkh ma tuwan rik gèhnih. Nanak akal lebéh nasetiye ma néy tuwan eh, dak najèk ma rik gèhnih. Gerèk nak keꞌjèk lah ma nyob: nyob tok dapad nyomkèrjak untok Allah ròb untok kenaye keꞌjèk.
25Sebab nak Yék ichal ma nyob: agok lah èd-id tentang nèsgos nyob, tentang ilok rik nyob nyomgéy bok nyomꞌòng. Dak agok lah èd-id tentang esik nyob bok ilok nyob nyomlòg. Nèsgos nak lebéh penting nòm nèygéy, dak esik nak lebéh penting nòm nèglòg. 26Néh lah ma mèn chèp èn langid. Chèp nak tok umtèm-tap menéh, tok umbechatuk nègtòg, dak tok mèk-mok dékh nèldol untok mudol nèygéy um. Tapik Apak nyob èn sorga naꞌog nèygéy ma umnak. Dak nyob jerok lebéh penting èn mad Allah nòm chèp nak! 27Bok tok mèk-mok sènꞌòy èn nyob rik dapad namjerok nèsgos eh néy jam pon sebab selaluk naꞌèd-id.
28-30Jadik pechaye lah ma Allah! Rik Nak nalèkh ilok nyob perlu. Dak agok lah èd-id tentang nèglòg. Néh lah ma bungak rik hèn-hin èn béng: bungak nak tok kerèꞌjak bok tok tèlyèl. Tapik Yék ichal ma nyob: yab Rajak Salomo nak kaye geb, tapik tok nalèg-lòg méj gerèk bungak nak. #1 Raj 10:4-7; 2 Sej 9:3-6. Allah nahiyas rambang èn pantil nak, rik mok is doh tapik ma is jakal eh sènꞌòy nachòkh dak nachur ma os. Jadik, pastik lah Nanak akal najagak ma nyob bok naꞌog nèglòg ma nyob! 31Jadik agok lah èd-id bok chèl-chal, ‘Ilok èmgéy?’ atòw ‘Ilok èmꞌòng?’ atòw ‘Ilok èmlòg?’ 32Kaum-kaum mòy rik tok umkèlnal ma Allah selaluk umꞌèd-id hal-hal gerèk doh. Tapik Tuhan Apak nyob èn sorga hòj nalèkh ma nyob nyomperlu kenèmbek nak. 33Jadik, bèdlod lah nèng-nèng ma Kerajaꞌan Allah bok hoh lah ma nènchèn Rik Nak, dak kenèmbek rik nyob perlu nak akal Allah natabeh keꞌjèk ma nyob. 34Jadik agok lah èd-id ma is jakal eh nak, sebab is jakal nak mok enèdꞌid rik mòy wèl. Senusah is doh hòj adik lah untok is doh.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.