Matius 5
5
Yèsus nabetènglèkh èn tangkòl
(Luk 6:20-23)
1Bil Yèsus nanéh ma sènꞌòy jajéh naꞌtèk rik umhèh-hoh ma Rik Nak, dak Rik Nak natagoh ma tangkòl dak nagel untok nambetènglèkh ma umnak. Hèhoh-hèhoh Eh umbekumpol èn keliling Eh, 2dak Yèsus natekèd nabetènglèkh, bok nachal:
3“Beꞌadés lah sènꞌòy rik hèl-hal èn kelòj ruway um bok umꞌès-as ma Allah hék,
sebab umnak lah rik Allah naterime ma kelòj Kerajaꞌan Eh.
4Beꞌadés lah sènꞌòy rik sèhdéh hup puꞌdoh, #Yès 61:2.
sebab Allah akal natèrlos enadés umnak.
5Beꞌadés lah sènꞌòy rik lènmun hup um,#En 37:11.
sebab Allah akal naꞌog kenèmbek bumi jakal ma umnak.
6Beꞌadés lah sènꞌòy rik kemën-kemën umchèn ilok rik kènmën,
gerèk sènꞌòy chèꞌrok umchèn mugéy ròb sènꞌòy rik umbesagòl umchèn muꞌòng.
Allah akal natèrsey ma umnak!#Yès 55:1,2.
7Beꞌadés lah sènꞌòy rik bekalõn ma sènꞌòy gèhnih,
sebab Allah keꞌjèk akal nakalõn ma umnak.
8Beꞌadés lah sènꞌòy rik hup um kemën-kemën méj èn mad Tuhan, #En 24:3,4.
sebab umnak akal umnéh ma Allah!
9Beꞌadés lah sènꞌòy rik betulong ma sènꞌòy mòy muma-méj èn kaban rik,
sebab Allah akal nadéh umnak lah kuwòt Eh!
10Beꞌadés lah sènꞌòy rik umderite bil sènꞌòy mòy umkeseh ma umnak sebab umteꞌèl ilok rik kènmën, #1 Ptr 3:14.
sebab umnak lah rik Allah naterime ma kelòj Kerajaꞌan Eh!
11Beꞌadés lah nyob bil sènꞌòy umpègyog, umkeseh, dak umsèꞌlok umchal hal-hal jèdhad tentang nyob sebab nyob hèhoh Yék. #1 Ptr 4:14. 12#2 Sej 36:16; Tèn 7:52. Belekh lah, nòm nèng-nèng tòp mok sènꞌòy umkeseh ma nabi-nabi Tuhan gerèk nak keꞌjèk. Jadik, beꞌadés geb lah, sebab Allah hòj natabéh upah rik rayak untok nyob èn sorga.”
Hèhoh Yèsus gerèk garam ròb chènlakh
(Mrk 9:50; 4:21; Luk 14:34-35; 8:16)
13Yèsus nachal wèl, “Nyob rik hèh-hoh ma Yék gerèk garam rik méj èn duniak doh. Tapik kalòw garam nak hòj nabelap, pastik tok dapad nambechuny wèl. Garam bèmlap nak hòj tok begunak wèl, had umbes dak sènꞌòy umjelog. Jadik agok gos gerèk garam rik tok begunak nak! #Mrk 9:50; Luk 14:34,35.
14Dak nyob gerèk chènlakh èn duniak rik rèhngah doh — gerèk néy kote èn balikh tangkòl, rik tok dapad mukèrdëk. #Yoh 8:12; 9:5. 15Tok mèk-mok néy sènꞌòy pon namchakat peliteh dak namchèrkeb èn dadak bèldi. Tapik rik nak akal nadol peliteh nak èn balikh, supaye namchelakh ma kenèmbek sènꞌòy èn dékh nak. #Mrk 4:21; Luk 8:16; 11:33. 16#1 Ptr 2:12.Gerèk nak keꞌjèk, nòm chare nèsgos nyob haros lah nyomjadik chènlakh ma sènꞌòy mòy. Maksod eh, bil sènꞌòy umnéh ma hal méj rik nyob teꞌèl, umnak akal umꞌèhmah ma Apak nyob èn sorga.”
Yèsus nabetènglèkh tentang Hukom Tuhan
17“Agok lah sabok Yék ilãj untok imtèrhõy ma Hukom Tuhan ròb tenènglèkh nabi-nabi. Yék tok ilèj-lãj untok imtèrhõy eh, tapik Yék ilãj supaye kenèmbek tenènglèkh nak nambelakuk. 18Kemën Yék ichal ma nyob: sampéy langid ròb bumi namsèj-sòj, tok mèk-mok ilok-ilok — kedak néy titik atòw hurop rik paléng ajok pon — namhõy nòm Hukom Tuhan nak, sampéy kenèmbek eh hòj nabelakuk. #Luk 16:17. 19Jadik chok rik tok hèh-hoh ma Hukom Tuhan nak, yab hukom rik paléng amès pon, dak nabetènglèkh ma sènꞌòy mòy keꞌjèk supaye tok muhoh, rik nak akal Allah nadéh sènꞌòy rik paléng tok bepenting èn kelòj Kerajaꞌan Allah. Tapik chok rik hèh-hoh ma Hukom Tuhan bok nabetènglèkh ma sènꞌòy mòy supaye muhoh keꞌjèk, rik nak akal Allah nadéh sènꞌòy rik rayak èn Kerajaꞌan Allah. 20Jadik Yék imbèrleng ma nyob: haros lah nyomgos lebéh kemën nòm mèn guruk agama ròb sènꞌòy Parisi. Kalòw hõy, nyob pastik tok dapad nyommòj ma Kerajaꞌan Allah.”
Yèsus nabetènglèkh tèꞌlalah tentang chare èmhoh ma Hukom Tuhan
21“Nyob hòj nyob keyòkh ilok rik Musa natèrlòy ma yak dòt bej èk: ‘Agok cheleg’ bok ‘Chok rik chègleg ma sènꞌòy, akal hakim naꞌadil bok nahukom ma rik nak.’ #Her 20:13; Ter 5:17. 22Tapik Yék ichal ma nyob, chok rik èl-õl ma sènꞌòy mòy pon, akal Allah naꞌadil eh! Chok rik kèw-kòw ma sènꞌòy mòy, ‘Òy yayéw!’ akal umꞌèn ma Majlis Agama. Dak chok rik chèl-chal ma sènꞌòy mòy, ‘Hèmpog hãh!’ sènꞌòy nak hòj nabahaye, mungkin Allah nabes eh ma kelòj os nerake. 23Sebab nak, kalòw hãk haꞌèg-og jenamuk ma Allah èn tempad jenamuk, bok tok-tok hãk habelekh ma kéy hãh rik tik naꞌèl-õl ma hãk, 24perak lah nèng-nèng ilok rik hãk hamjamuk èn sòy tempad jenamuk nak. Pas nak, wèk lah ma kéy hãh nak bok bema-méj lah kaꞌan nèng-nèng. Dak nòm kerek nak, halos bok hajamuk ma Allah.
25Dak kalòw mok sènꞌòy nachèn namtanas ma hãk èn makamah, bema-méj hãh lah lulòw ma rik nak èn gagid tèk. Kalòw hõy, rik betanas nak akal naꞌog hãk ma hakim, dak hakim akal naꞌog hãk ma polis, dak polis akal natèrmòj hãk ma kelòj jél. 26Dak Yék kemën ichal ma hãk, hãk tok hahèlwòl nòm jél nak sampéy hãk habayar kenèmbek utang hãh.”
Yèsus nabetènglèkh tentang bènjhéj
27“Dak nyob hòj nyob keyòkh ilok rik Musa natènglèkh: ‘Agok bebènjhéj.’ #Her 20:14; Ter 5:18. 28Tapik Yék ichal ma nyob: chok rik nèh-néh ma babok dak nachèn namselòg samak rik nak, nanak hòj nabebènjhéj ma babok nak èn kelòj hup eh. 29Jadik, kalòw mad tep hãh natèdꞌéd hãk bedose, kèrlok lah mad hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake. #Mat 18:9; Mrk 9:47. 30#Mat 18:8; Mrk 9:43. Dak kalòw tikh tep hãh natèdꞌéd hãk bedose, chòkh lah tikh hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake.”
Yèsus nabetènglèkh supaye sènꞌòy agok muperak ma léh ròb tòw um
(Mat 19:9; Mrk 10:11-12; Luk 16:18)
31“Dak mok keꞌjèk Musa natènglèkh, ‘Chok rik pèꞌrak ma léh eh, haros lah naꞌog surad pènrak ma rik nak.’ #Ter 24:1-4; Mat 19:7; Mrk 10:4. 32#Mat 19:9; Mrk 10:11,12; Luk 16:18; 1 Kor 7:10,11. Tapik Yék ichal ma nyob: tok boléh babeh nak naperak ma léh eh. Had kalòw léh eh nak hòj nabebènjhéj, bok boléh naperak. Chok rik pèꞌrak ma léh eh sebab hal mòy, rik nak naꞌuy ma léh eh pon nabebènjhéj, kalòw léh eh nak naselòg ma babeh mòy. Dak chok rik sèglòg ma babok rik tòw eh hòj naperak, rik nak pon nabebènjhéj keꞌjèk.”
Yèsus nabetènglèkh tentang senumpah ròb perènhod
33“Bok nyob hòj nyob keyòkh keꞌjèk ilok Musa natènglèkh ma yak dòt bej èk nak: ‘Kalòw hãk hapèrhod hapantakh ma Tuhan, haros lah hãk hateꞌèl ilok rik hapèrhod nak.’ #Im 19:12; Ken 30:2; Ter 23:21. 34Tapik Yék ichal ma nyob: agok lah bepantakh bok beperèdhod ilok-ilok! Agok lah déh kenëh sorga untok namkèrwad perènhod nyob nak, sebab sorga nak tempad Allah nagel bok naperintah. #Yak 5:12; Yès 66:1; Mat 23:22. 35Agok déh kenëh bumi pon, sebab bumi nak milik Allah keꞌjèk — gerèk tempad tenandak jukh Eh. Bok agok lah bepantakh bok déh kenëh Yèrusalèm, sebab Yèrusalèm nak kote milik Allah, Rajak rik Paléng Rayak. #Yès 66:1; En 48:3. 36Bok agok lah déh ma kuy rik nyob pon untok nyomkèrwad perènhod nyob! Sebab nyob nak tok bekuwase nyomꞌuy ma néy sog pon namjadik rengah atòw beyug. 37Tapik kalòw maksod nyob ‘Hek,’ chal lah ‘Hek.’ Kalòw ‘Hõy,’ chal lah ‘Hõy.’ Ilok-ilok wèl rik nyob tabeh nyomchal nak nalãj nòm Iblis.”
Teꞌèl méj ma sènꞌòy rik bemès-mus ma èk
(Luk 6:29-30)
38“Dak nyob hòj nyob keyòkh ilok rik Musa natènglèkh nak: ‘Kalòw sènꞌòy naperèdjèd ma mad atòw mòny sènꞌòy mòy, tèrlos lah nyob pèrjèd ma mad atòw mòny rik nak keꞌjèk.’#5:38 Tèks asli Kitab: “Mad untok mad, mòny untok mòny.”#Her 21:24; Im 24:20; Ter 19:21. 39Tapik Yék ichal ma nyob: agok lah lawan ma sènꞌòy rik tèlꞌèl jèdhad ma nyob. Kalòw mok sènꞌòy nalepag ma kapõk tep hãh, perak lah namlepag kapõk yèl hãh keꞌjèk. 40Dak kalòw mok sènꞌòy nachèn namtanas ma hãk èn makamah supaye namkod bajuk hãk, og lah bajuk kèbꞌub hãh keꞌjèk ma rik nak. 41Kalòw mok néy askah napakse ma hãk hamꞌèn barang eh jènrok eh nak néy kilomiter, èn lah barang eh nak nar kilomiter. 42Kalòw mok sènꞌòy nasemany ilok-ilok nòm hãk, og lah ilok rik nasemany nak. Dak kalòw mok sènꞌòy nachèn nampinjam nòm hãk, og lah agok gèl.”
Sayèkh lah ma mèsmus nyob
(Luk 6:27-28,32-36)
43“Nyob hòj nyob keyòkh hukom rik Musa natènglèkh nak, ‘Sayèkh lah ma kéy-kéy nyob,’ bok cheꞌẽs lah ma mèsmus nyob.#Im 19:18. 44Tapik Yék imchal ma nyob: sayèkh lah ma mèsmus nyob, dak bepèꞌtak lah untok sènꞌòy rik kèhseh ma nyob. 45Gerèk nak lah nyob jadik kemën-kemën kuwòt Apak nyob èn sorga. Sebab Allah naꞌuy mad is nachelakh ma sènꞌòy jèdhad bok ma sènꞌòy rik méj-méj, dak Nanak nabèrtaw tèhteh ma sènꞌòy rik kènmën bok ma sènꞌòy rik tok kènmën keꞌjèk. 46Kalòw nyob had nyob sayèkh ma sènꞌòy rik besayèkh ma nyob, agok lah ès-as Allah namteꞌèl méj ma nyob sebab nyob teꞌèl gerèk nak! Sènꞌòy bedose rik bechatuk duid chukay nak pon umsayèkh ma sènꞌòy rik besayèkh ma umnak keꞌjèk. 47Kalòw nyob had nyob lènybãny ma kéy-kéy nyob hék, agok lah bèdlod nyob lebéh méj nòm sènꞌòy gèhnih! Kaum mòy rik tok umkèlnal ma Allah pon umteꞌèl gerèk nak. 48#Im 19:2; Ter 18:13. Haros lah nyob besayèkh ma kenèmbek sènꞌòy! Dak gerèk nak lah nyob akal nyomjadik kemën-kemën méj èn kenèmbek hal, samak gerèk Apak nyob èn sorga kemën-kemën méj èn kenèmbek hal.”
Právě zvoleno:
Matius 5: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 5
5
Yèsus nabetènglèkh èn tangkòl
(Luk 6:20-23)
1Bil Yèsus nanéh ma sènꞌòy jajéh naꞌtèk rik umhèh-hoh ma Rik Nak, dak Rik Nak natagoh ma tangkòl dak nagel untok nambetènglèkh ma umnak. Hèhoh-hèhoh Eh umbekumpol èn keliling Eh, 2dak Yèsus natekèd nabetènglèkh, bok nachal:
3“Beꞌadés lah sènꞌòy rik hèl-hal èn kelòj ruway um bok umꞌès-as ma Allah hék,
sebab umnak lah rik Allah naterime ma kelòj Kerajaꞌan Eh.
4Beꞌadés lah sènꞌòy rik sèhdéh hup puꞌdoh, #Yès 61:2.
sebab Allah akal natèrlos enadés umnak.
5Beꞌadés lah sènꞌòy rik lènmun hup um,#En 37:11.
sebab Allah akal naꞌog kenèmbek bumi jakal ma umnak.
6Beꞌadés lah sènꞌòy rik kemën-kemën umchèn ilok rik kènmën,
gerèk sènꞌòy chèꞌrok umchèn mugéy ròb sènꞌòy rik umbesagòl umchèn muꞌòng.
Allah akal natèrsey ma umnak!#Yès 55:1,2.
7Beꞌadés lah sènꞌòy rik bekalõn ma sènꞌòy gèhnih,
sebab Allah keꞌjèk akal nakalõn ma umnak.
8Beꞌadés lah sènꞌòy rik hup um kemën-kemën méj èn mad Tuhan, #En 24:3,4.
sebab umnak akal umnéh ma Allah!
9Beꞌadés lah sènꞌòy rik betulong ma sènꞌòy mòy muma-méj èn kaban rik,
sebab Allah akal nadéh umnak lah kuwòt Eh!
10Beꞌadés lah sènꞌòy rik umderite bil sènꞌòy mòy umkeseh ma umnak sebab umteꞌèl ilok rik kènmën, #1 Ptr 3:14.
sebab umnak lah rik Allah naterime ma kelòj Kerajaꞌan Eh!
11Beꞌadés lah nyob bil sènꞌòy umpègyog, umkeseh, dak umsèꞌlok umchal hal-hal jèdhad tentang nyob sebab nyob hèhoh Yék. #1 Ptr 4:14. 12#2 Sej 36:16; Tèn 7:52. Belekh lah, nòm nèng-nèng tòp mok sènꞌòy umkeseh ma nabi-nabi Tuhan gerèk nak keꞌjèk. Jadik, beꞌadés geb lah, sebab Allah hòj natabéh upah rik rayak untok nyob èn sorga.”
Hèhoh Yèsus gerèk garam ròb chènlakh
(Mrk 9:50; 4:21; Luk 14:34-35; 8:16)
13Yèsus nachal wèl, “Nyob rik hèh-hoh ma Yék gerèk garam rik méj èn duniak doh. Tapik kalòw garam nak hòj nabelap, pastik tok dapad nambechuny wèl. Garam bèmlap nak hòj tok begunak wèl, had umbes dak sènꞌòy umjelog. Jadik agok gos gerèk garam rik tok begunak nak! #Mrk 9:50; Luk 14:34,35.
14Dak nyob gerèk chènlakh èn duniak rik rèhngah doh — gerèk néy kote èn balikh tangkòl, rik tok dapad mukèrdëk. #Yoh 8:12; 9:5. 15Tok mèk-mok néy sènꞌòy pon namchakat peliteh dak namchèrkeb èn dadak bèldi. Tapik rik nak akal nadol peliteh nak èn balikh, supaye namchelakh ma kenèmbek sènꞌòy èn dékh nak. #Mrk 4:21; Luk 8:16; 11:33. 16#1 Ptr 2:12.Gerèk nak keꞌjèk, nòm chare nèsgos nyob haros lah nyomjadik chènlakh ma sènꞌòy mòy. Maksod eh, bil sènꞌòy umnéh ma hal méj rik nyob teꞌèl, umnak akal umꞌèhmah ma Apak nyob èn sorga.”
Yèsus nabetènglèkh tentang Hukom Tuhan
17“Agok lah sabok Yék ilãj untok imtèrhõy ma Hukom Tuhan ròb tenènglèkh nabi-nabi. Yék tok ilèj-lãj untok imtèrhõy eh, tapik Yék ilãj supaye kenèmbek tenènglèkh nak nambelakuk. 18Kemën Yék ichal ma nyob: sampéy langid ròb bumi namsèj-sòj, tok mèk-mok ilok-ilok — kedak néy titik atòw hurop rik paléng ajok pon — namhõy nòm Hukom Tuhan nak, sampéy kenèmbek eh hòj nabelakuk. #Luk 16:17. 19Jadik chok rik tok hèh-hoh ma Hukom Tuhan nak, yab hukom rik paléng amès pon, dak nabetènglèkh ma sènꞌòy mòy keꞌjèk supaye tok muhoh, rik nak akal Allah nadéh sènꞌòy rik paléng tok bepenting èn kelòj Kerajaꞌan Allah. Tapik chok rik hèh-hoh ma Hukom Tuhan bok nabetènglèkh ma sènꞌòy mòy supaye muhoh keꞌjèk, rik nak akal Allah nadéh sènꞌòy rik rayak èn Kerajaꞌan Allah. 20Jadik Yék imbèrleng ma nyob: haros lah nyomgos lebéh kemën nòm mèn guruk agama ròb sènꞌòy Parisi. Kalòw hõy, nyob pastik tok dapad nyommòj ma Kerajaꞌan Allah.”
Yèsus nabetènglèkh tèꞌlalah tentang chare èmhoh ma Hukom Tuhan
21“Nyob hòj nyob keyòkh ilok rik Musa natèrlòy ma yak dòt bej èk: ‘Agok cheleg’ bok ‘Chok rik chègleg ma sènꞌòy, akal hakim naꞌadil bok nahukom ma rik nak.’ #Her 20:13; Ter 5:17. 22Tapik Yék ichal ma nyob, chok rik èl-õl ma sènꞌòy mòy pon, akal Allah naꞌadil eh! Chok rik kèw-kòw ma sènꞌòy mòy, ‘Òy yayéw!’ akal umꞌèn ma Majlis Agama. Dak chok rik chèl-chal ma sènꞌòy mòy, ‘Hèmpog hãh!’ sènꞌòy nak hòj nabahaye, mungkin Allah nabes eh ma kelòj os nerake. 23Sebab nak, kalòw hãk haꞌèg-og jenamuk ma Allah èn tempad jenamuk, bok tok-tok hãk habelekh ma kéy hãh rik tik naꞌèl-õl ma hãk, 24perak lah nèng-nèng ilok rik hãk hamjamuk èn sòy tempad jenamuk nak. Pas nak, wèk lah ma kéy hãh nak bok bema-méj lah kaꞌan nèng-nèng. Dak nòm kerek nak, halos bok hajamuk ma Allah.
25Dak kalòw mok sènꞌòy nachèn namtanas ma hãk èn makamah, bema-méj hãh lah lulòw ma rik nak èn gagid tèk. Kalòw hõy, rik betanas nak akal naꞌog hãk ma hakim, dak hakim akal naꞌog hãk ma polis, dak polis akal natèrmòj hãk ma kelòj jél. 26Dak Yék kemën ichal ma hãk, hãk tok hahèlwòl nòm jél nak sampéy hãk habayar kenèmbek utang hãh.”
Yèsus nabetènglèkh tentang bènjhéj
27“Dak nyob hòj nyob keyòkh ilok rik Musa natènglèkh: ‘Agok bebènjhéj.’ #Her 20:14; Ter 5:18. 28Tapik Yék ichal ma nyob: chok rik nèh-néh ma babok dak nachèn namselòg samak rik nak, nanak hòj nabebènjhéj ma babok nak èn kelòj hup eh. 29Jadik, kalòw mad tep hãh natèdꞌéd hãk bedose, kèrlok lah mad hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake. #Mat 18:9; Mrk 9:47. 30#Mat 18:8; Mrk 9:43. Dak kalòw tikh tep hãh natèdꞌéd hãk bedose, chòkh lah tikh hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake.”
Yèsus nabetènglèkh supaye sènꞌòy agok muperak ma léh ròb tòw um
(Mat 19:9; Mrk 10:11-12; Luk 16:18)
31“Dak mok keꞌjèk Musa natènglèkh, ‘Chok rik pèꞌrak ma léh eh, haros lah naꞌog surad pènrak ma rik nak.’ #Ter 24:1-4; Mat 19:7; Mrk 10:4. 32#Mat 19:9; Mrk 10:11,12; Luk 16:18; 1 Kor 7:10,11. Tapik Yék ichal ma nyob: tok boléh babeh nak naperak ma léh eh. Had kalòw léh eh nak hòj nabebènjhéj, bok boléh naperak. Chok rik pèꞌrak ma léh eh sebab hal mòy, rik nak naꞌuy ma léh eh pon nabebènjhéj, kalòw léh eh nak naselòg ma babeh mòy. Dak chok rik sèglòg ma babok rik tòw eh hòj naperak, rik nak pon nabebènjhéj keꞌjèk.”
Yèsus nabetènglèkh tentang senumpah ròb perènhod
33“Bok nyob hòj nyob keyòkh keꞌjèk ilok Musa natènglèkh ma yak dòt bej èk nak: ‘Kalòw hãk hapèrhod hapantakh ma Tuhan, haros lah hãk hateꞌèl ilok rik hapèrhod nak.’ #Im 19:12; Ken 30:2; Ter 23:21. 34Tapik Yék ichal ma nyob: agok lah bepantakh bok beperèdhod ilok-ilok! Agok lah déh kenëh sorga untok namkèrwad perènhod nyob nak, sebab sorga nak tempad Allah nagel bok naperintah. #Yak 5:12; Yès 66:1; Mat 23:22. 35Agok déh kenëh bumi pon, sebab bumi nak milik Allah keꞌjèk — gerèk tempad tenandak jukh Eh. Bok agok lah bepantakh bok déh kenëh Yèrusalèm, sebab Yèrusalèm nak kote milik Allah, Rajak rik Paléng Rayak. #Yès 66:1; En 48:3. 36Bok agok lah déh ma kuy rik nyob pon untok nyomkèrwad perènhod nyob! Sebab nyob nak tok bekuwase nyomꞌuy ma néy sog pon namjadik rengah atòw beyug. 37Tapik kalòw maksod nyob ‘Hek,’ chal lah ‘Hek.’ Kalòw ‘Hõy,’ chal lah ‘Hõy.’ Ilok-ilok wèl rik nyob tabeh nyomchal nak nalãj nòm Iblis.”
Teꞌèl méj ma sènꞌòy rik bemès-mus ma èk
(Luk 6:29-30)
38“Dak nyob hòj nyob keyòkh ilok rik Musa natènglèkh nak: ‘Kalòw sènꞌòy naperèdjèd ma mad atòw mòny sènꞌòy mòy, tèrlos lah nyob pèrjèd ma mad atòw mòny rik nak keꞌjèk.’#5:38 Tèks asli Kitab: “Mad untok mad, mòny untok mòny.”#Her 21:24; Im 24:20; Ter 19:21. 39Tapik Yék ichal ma nyob: agok lah lawan ma sènꞌòy rik tèlꞌèl jèdhad ma nyob. Kalòw mok sènꞌòy nalepag ma kapõk tep hãh, perak lah namlepag kapõk yèl hãh keꞌjèk. 40Dak kalòw mok sènꞌòy nachèn namtanas ma hãk èn makamah supaye namkod bajuk hãk, og lah bajuk kèbꞌub hãh keꞌjèk ma rik nak. 41Kalòw mok néy askah napakse ma hãk hamꞌèn barang eh jènrok eh nak néy kilomiter, èn lah barang eh nak nar kilomiter. 42Kalòw mok sènꞌòy nasemany ilok-ilok nòm hãk, og lah ilok rik nasemany nak. Dak kalòw mok sènꞌòy nachèn nampinjam nòm hãk, og lah agok gèl.”
Sayèkh lah ma mèsmus nyob
(Luk 6:27-28,32-36)
43“Nyob hòj nyob keyòkh hukom rik Musa natènglèkh nak, ‘Sayèkh lah ma kéy-kéy nyob,’ bok cheꞌẽs lah ma mèsmus nyob.#Im 19:18. 44Tapik Yék imchal ma nyob: sayèkh lah ma mèsmus nyob, dak bepèꞌtak lah untok sènꞌòy rik kèhseh ma nyob. 45Gerèk nak lah nyob jadik kemën-kemën kuwòt Apak nyob èn sorga. Sebab Allah naꞌuy mad is nachelakh ma sènꞌòy jèdhad bok ma sènꞌòy rik méj-méj, dak Nanak nabèrtaw tèhteh ma sènꞌòy rik kènmën bok ma sènꞌòy rik tok kènmën keꞌjèk. 46Kalòw nyob had nyob sayèkh ma sènꞌòy rik besayèkh ma nyob, agok lah ès-as Allah namteꞌèl méj ma nyob sebab nyob teꞌèl gerèk nak! Sènꞌòy bedose rik bechatuk duid chukay nak pon umsayèkh ma sènꞌòy rik besayèkh ma umnak keꞌjèk. 47Kalòw nyob had nyob lènybãny ma kéy-kéy nyob hék, agok lah bèdlod nyob lebéh méj nòm sènꞌòy gèhnih! Kaum mòy rik tok umkèlnal ma Allah pon umteꞌèl gerèk nak. 48#Im 19:2; Ter 18:13. Haros lah nyob besayèkh ma kenèmbek sènꞌòy! Dak gerèk nak lah nyob akal nyomjadik kemën-kemën méj èn kenèmbek hal, samak gerèk Apak nyob èn sorga kemën-kemën méj èn kenèmbek hal.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.