Matius 4
4
Iblis natarèk ma Yèsus èn pantil gurun
(Mrk 1:12-13; Luk 4:1-13)
1Nòm kerek nak Ruway Allah napimpin ma Yèsus ma pantil gurun supaye Iblis namtarèk ma Rik Nak. #Ibr 2:18; 4:15. 2Èn anak Yèsus naꞌòd selamak empad puloh arik empad puloh layèg, dak pas nak Yèsus nagahmak nacherok geb.
3Dak Iblis nalãj untok namtarèk ma Yèsus dak nachal, “Kalòw Hãk Kuwòt Allah, or lah mèn batuk doh mujadik ruti.”
4Tapik Yèsus nasaꞌod, “Èn kelòj Kitab mok nateꞌèl: #Ter 8:3.
‘Sènꞌòy tok dapad mugos nòm nèygéy hék,
tapik umperlu kenèmbek gah rik Allah nachal.’”
5Pas nak, Iblis naꞌéd Yèsus ma Yèrusalèm, kote penili Allah, dak naꞌéd Eh nated èn juhngõd Dékh Tuhan. 6Dak Iblis nachal ma Rik Nak, “Kalòw Hãk Kuwòt Allah, pelaw lah nòm balikh doh ma tèk rèh! Sebab èn kelòj Kitab hòj mok natulis:
‘Allah akal naꞌor mèn melaykat Eh untok mujagak ma Hãk.
Dak umnak akal umtayod ma Hãk nòm tikh um,
supaye jukh Hãh pon tok namchòng ma batuk.’” #En 91:11,12.
7Tapik Yèsus nasaꞌod, “Èn kelòj Kitab mok nateꞌèl, ‘Agok tarèk ma Tuhan, Allah nyob.’” #Ter 6:16.
8Nòm kerek nak Iblis naꞌéd Yèsus ma pok rik balikh geb, dak napèrnéh ma Rik Nak kenèmbek kerajaꞌan èn duniak doh samak kenèmbek kenaye umnak. 9Dak Iblis nachal ma Yèsus, “Kenèmbek doh akal yék iꞌog ma Hãk, kalòw Hãk hatud hasindol ma yék.” 10Tapik Yèsus nasaꞌod, “Iblis, wèk hãh lah! Èn kelòj Kitab hòj natulis: ‘Sindol lah ma Tuhan, Allah nyob, bok og lah rik nyob ma Rik Nak hék!’” #Ter 6:13. 11Dak sèj-sòj eh nak Iblis naperak ma Yèsus. Dak bil nak keꞌjèk mèn melaykat pon umlãj umtulong ma Rik Nak.
Yèsus natekèd kèrjak Eh èn Galiliya
(Mrk 1:14-15; Luk 4:14-15)
12-13Bil Yèsus nakeyòkh gah Rajak Hèrodès hòj najél ma Yohanès Pembaptis, dak Yèsus namak ma kampong Nasarèt èn tèk Galiliya. #Mat 14:3; Mrk 6:17; Luk 3:19,20. Pas nak Yèsus naperak nòm kampong Eh nak dak najog ma kote Kapernaum. Kote nak èn béng Òng Pang Galiliya, èn tèk suku Sèbulòn ròb Naptali. #Yoh 2:12. 14Yèsus nateꞌèl gerèk nak supaye nambelakuk Gah Allah rik nabi Yèsaya hòj natèrlòy:
15“Keyòkh lah, nyob #Yès 8:23; 9:1.
rik gèl-gel èn tèk Sèbulòn ròb tèk Naptali èn béng Òng Pang Galiliya,
èn lantiw Òng Tibok Yordan,
tèk Galiliya nak, tempad sènꞌòy kedak Yahudi umgel!
16Sènꞌòy rik gèl-gel èn kelòj rèhngah
hòj umnéh ma chènlakh rik rayak,
Chènlakh nak hòj bedeyãr ma umnak
rik gèl-gel èn tèk èn kelòj bayakh kènbes nak.”
17 #
Mat 3:2. Nòm kerek nak Yèsus natekèd naꞌèg-oglèkh gah nòm Allah, dak nachal, “Perak lah dose nyob dak los lah ma Allah, sebab Kerajaꞌan Allah hòj tilok!”
Yèsus nakòw empad hèhoh Eh rik mulak
(Mrk 1:16-20; Luk 5:1-11)
18Bil Yèsus nachèb-chib èn béng Òng Pang Galiliya, Nanak nanéh ma wènar mèrpek rik bekenëh Simon (rik umkòw keꞌjèk Pètrus) ròb Andréas. Wènar nak wèsuwar jalok ma òng pang nak, sebab kèrjak wèh nak wèbejalok kak. 19Yèsus nachal ma wènar nak, “Hoh lah ma Yék, bok Yék imtènglèkh ma kaꞌan kaꞌamjalok sènꞌòy supaye muhoh ma Yék.”#4:19 supaye muhoh ma Yék. Tèks asli Kitab: “jalok sènꞌòy” hék. 20Dak sejèkh wènar nak wèperak jalok wèh, dak wèhoh ma Yèsus.
21Yèsus nachèb-chib wèl, dak nanéh mok nar mèrpek wèl, rik wèh nak Yakobus ròb Yohanès, kuwòt Sèbedius. Wènar nak wèbesayab jalok samak apak wèh èn kelòj perahuk. Dak Yèsus nakòw ma wènar nak keꞌjèk. 22Bil nak keꞌjèk wènar nak sejèkh wèperak ma perahuk ròb apak wèh, dak wèhoh ma Yèsus.
Yèsus natèrhakh ma sènꞌòy jajéh nòm beragik-ragik chenèk um
(Luk 6:17-19)
23Kerek nak Yèsus nawèk ma lok-lok tèk èn kenèmbek belah Galiliya, dak nabetènglèkh ma sènꞌòy èn dékh senindol umnak bok naꞌèg-oglèkh Gah Méj tentang Kerajaꞌan Allah. Dak Rik Nak natèrhakh ma jajéh sènꞌòy nòm beragik-ragik chenèk um. #Mat 9:35; Mrk 1:39. 24Dak gah tentang Yèsus nak najekh ma kenèmbek negerik Siriya, sampéy sènꞌòy jajéh nak umꞌèn ma Rik Nak kenèmbek sènꞌòy rik jèk-jik beragik-ragik chenèk. Mok rik pèdjèd geb, bok rik sèd-sid yel jèdhad, mok keꞌjèk chenèk rik bepuchukh, ròb sènꞌòy bekantem. Dak Yèsus natèrhakh ma umnak kenèmbek. 25Bil nak jajéh sènꞌòy umhoh ma Yèsus. Mok rik lèj-lãj nòm tèk Galiliya, nòm kawasan Sepuloh Kote, nòm kote Yèrusalèm, nòm negerik Yudéya, bok nòm belah èn lantiw Òng Tibok Yordan.
Právě zvoleno:
Matius 4: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 4
4
Iblis natarèk ma Yèsus èn pantil gurun
(Mrk 1:12-13; Luk 4:1-13)
1Nòm kerek nak Ruway Allah napimpin ma Yèsus ma pantil gurun supaye Iblis namtarèk ma Rik Nak. #Ibr 2:18; 4:15. 2Èn anak Yèsus naꞌòd selamak empad puloh arik empad puloh layèg, dak pas nak Yèsus nagahmak nacherok geb.
3Dak Iblis nalãj untok namtarèk ma Yèsus dak nachal, “Kalòw Hãk Kuwòt Allah, or lah mèn batuk doh mujadik ruti.”
4Tapik Yèsus nasaꞌod, “Èn kelòj Kitab mok nateꞌèl: #Ter 8:3.
‘Sènꞌòy tok dapad mugos nòm nèygéy hék,
tapik umperlu kenèmbek gah rik Allah nachal.’”
5Pas nak, Iblis naꞌéd Yèsus ma Yèrusalèm, kote penili Allah, dak naꞌéd Eh nated èn juhngõd Dékh Tuhan. 6Dak Iblis nachal ma Rik Nak, “Kalòw Hãk Kuwòt Allah, pelaw lah nòm balikh doh ma tèk rèh! Sebab èn kelòj Kitab hòj mok natulis:
‘Allah akal naꞌor mèn melaykat Eh untok mujagak ma Hãk.
Dak umnak akal umtayod ma Hãk nòm tikh um,
supaye jukh Hãh pon tok namchòng ma batuk.’” #En 91:11,12.
7Tapik Yèsus nasaꞌod, “Èn kelòj Kitab mok nateꞌèl, ‘Agok tarèk ma Tuhan, Allah nyob.’” #Ter 6:16.
8Nòm kerek nak Iblis naꞌéd Yèsus ma pok rik balikh geb, dak napèrnéh ma Rik Nak kenèmbek kerajaꞌan èn duniak doh samak kenèmbek kenaye umnak. 9Dak Iblis nachal ma Yèsus, “Kenèmbek doh akal yék iꞌog ma Hãk, kalòw Hãk hatud hasindol ma yék.” 10Tapik Yèsus nasaꞌod, “Iblis, wèk hãh lah! Èn kelòj Kitab hòj natulis: ‘Sindol lah ma Tuhan, Allah nyob, bok og lah rik nyob ma Rik Nak hék!’” #Ter 6:13. 11Dak sèj-sòj eh nak Iblis naperak ma Yèsus. Dak bil nak keꞌjèk mèn melaykat pon umlãj umtulong ma Rik Nak.
Yèsus natekèd kèrjak Eh èn Galiliya
(Mrk 1:14-15; Luk 4:14-15)
12-13Bil Yèsus nakeyòkh gah Rajak Hèrodès hòj najél ma Yohanès Pembaptis, dak Yèsus namak ma kampong Nasarèt èn tèk Galiliya. #Mat 14:3; Mrk 6:17; Luk 3:19,20. Pas nak Yèsus naperak nòm kampong Eh nak dak najog ma kote Kapernaum. Kote nak èn béng Òng Pang Galiliya, èn tèk suku Sèbulòn ròb Naptali. #Yoh 2:12. 14Yèsus nateꞌèl gerèk nak supaye nambelakuk Gah Allah rik nabi Yèsaya hòj natèrlòy:
15“Keyòkh lah, nyob #Yès 8:23; 9:1.
rik gèl-gel èn tèk Sèbulòn ròb tèk Naptali èn béng Òng Pang Galiliya,
èn lantiw Òng Tibok Yordan,
tèk Galiliya nak, tempad sènꞌòy kedak Yahudi umgel!
16Sènꞌòy rik gèl-gel èn kelòj rèhngah
hòj umnéh ma chènlakh rik rayak,
Chènlakh nak hòj bedeyãr ma umnak
rik gèl-gel èn tèk èn kelòj bayakh kènbes nak.”
17 #
Mat 3:2. Nòm kerek nak Yèsus natekèd naꞌèg-oglèkh gah nòm Allah, dak nachal, “Perak lah dose nyob dak los lah ma Allah, sebab Kerajaꞌan Allah hòj tilok!”
Yèsus nakòw empad hèhoh Eh rik mulak
(Mrk 1:16-20; Luk 5:1-11)
18Bil Yèsus nachèb-chib èn béng Òng Pang Galiliya, Nanak nanéh ma wènar mèrpek rik bekenëh Simon (rik umkòw keꞌjèk Pètrus) ròb Andréas. Wènar nak wèsuwar jalok ma òng pang nak, sebab kèrjak wèh nak wèbejalok kak. 19Yèsus nachal ma wènar nak, “Hoh lah ma Yék, bok Yék imtènglèkh ma kaꞌan kaꞌamjalok sènꞌòy supaye muhoh ma Yék.”#4:19 supaye muhoh ma Yék. Tèks asli Kitab: “jalok sènꞌòy” hék. 20Dak sejèkh wènar nak wèperak jalok wèh, dak wèhoh ma Yèsus.
21Yèsus nachèb-chib wèl, dak nanéh mok nar mèrpek wèl, rik wèh nak Yakobus ròb Yohanès, kuwòt Sèbedius. Wènar nak wèbesayab jalok samak apak wèh èn kelòj perahuk. Dak Yèsus nakòw ma wènar nak keꞌjèk. 22Bil nak keꞌjèk wènar nak sejèkh wèperak ma perahuk ròb apak wèh, dak wèhoh ma Yèsus.
Yèsus natèrhakh ma sènꞌòy jajéh nòm beragik-ragik chenèk um
(Luk 6:17-19)
23Kerek nak Yèsus nawèk ma lok-lok tèk èn kenèmbek belah Galiliya, dak nabetènglèkh ma sènꞌòy èn dékh senindol umnak bok naꞌèg-oglèkh Gah Méj tentang Kerajaꞌan Allah. Dak Rik Nak natèrhakh ma jajéh sènꞌòy nòm beragik-ragik chenèk um. #Mat 9:35; Mrk 1:39. 24Dak gah tentang Yèsus nak najekh ma kenèmbek negerik Siriya, sampéy sènꞌòy jajéh nak umꞌèn ma Rik Nak kenèmbek sènꞌòy rik jèk-jik beragik-ragik chenèk. Mok rik pèdjèd geb, bok rik sèd-sid yel jèdhad, mok keꞌjèk chenèk rik bepuchukh, ròb sènꞌòy bekantem. Dak Yèsus natèrhakh ma umnak kenèmbek. 25Bil nak jajéh sènꞌòy umhoh ma Yèsus. Mok rik lèj-lãj nòm tèk Galiliya, nòm kawasan Sepuloh Kote, nòm kote Yèrusalèm, nòm negerik Yudéya, bok nòm belah èn lantiw Òng Tibok Yordan.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.