Matius 3
3
Yohanès Pembaptis naꞌèg-oglèkh Gah Allah
(Mrk 1:1-8; Luk 3:3-9,15-17; Yoh 1:19-28)
1Hòj lamad nòm kerek nak, Yohanès Pembaptis nalãj èn pantil gurun èn Yudéya dak natekèd naꞌèg-oglèkh Gah Allah. 2Nanak nachal, “Perak lah nòm dose nyob dak los lah ma Allah, sebab Kerajaꞌan Allah#3:2 Kerajaꞌan Allah Tèks asli: ‘Kerajaꞌan Sorga’ hòj tilok geb!” #Mat 4:17; Mrk 1:15. 3Yohanès nak lah sènꞌòy rik nabi Yèsaya namaksod bil naterèylòy Gah Allah manah tòp:#Yès 40:3.
“Mok sènꞌòy rik beꞌèh-éh èn pantil gurun:
‘Tabéh lah nòng untok Tuhan!
Sèrjèkh lah nòng untok Rik Nak!’”
4Nèglòg Yohanès nak rik umteꞌèl nòm sog unta, dak talik wakh eh nòm sèmpok. Bok nèygéy eh beralang ròb madu seròkh. #2 Raj 1:8. 5Sènꞌòy nòm Yèrusalèm bok nòm kenèmbek negerik Yudéya ròb kenèmbek kawasan Òng Tibok Yordan umlãj untok mukeyòkh ma tenènglèkh Yohanès. 6Dak umnak umꞌakuk dose um, dak Yohanès nabaptis ma umnak èn kelòj Òng Tibok Yordan.
7Jajéh guruk agama nòm pitak Parisi ròb pitak Saduki umlãj keꞌjèk supaye Yohanès nambaptis ma umnak. Tapik bil Yohanès nanéh ma umnak, rik nak natèdchod ma umnak, “Nyob sènꞌòy jèdhad gerèk tajuk èmpĩd! Agok lah nyob bèdlod nyob boléh da-dok nòm nèlꞌõl Allah rik akal nalãj bok nahukom ma nyob! #Mat 12:34; 23:33. 8Tapik pèrnéh lah nòm chare nèsgos nyob nak nyob kemën-kemën hòj nyomperak nòm dose bok los ma Allah. 9Dak agok lah chal èn kelòj hup nyob, ‘Abraham yak dòt bej èk, jadik Allah tok nabehukom ma èk.’ Sebab yék ichal kemën ma nyob, Allah boléh namjadik waris Abraham nòm batuk-batuk doh! #Yoh 8:33. 10Dak puꞌdoh Allah hòj natabéh untok namhukom ma sènꞌòy, gerèk kapok nèꞌguk jehuk sampéy ma chantèng eh. Tiyab-tiyab jehuk rik kebek eh tok méj akal naguk dak nabes ma kelòj os. #Mat 7:19. 11Yék ibaptis nòm òng ma sènꞌòy rik pèꞌrak nòm dose bok lès-los ma Allah. Tapik nòm kerek yék akal nalãj Rik lebéh rayak nòm yék — dak yék tok behakak imꞌèn-èn kasod Eh pon. Nanak akal nabaptis ma nyob nòm Ruway Kudus ròb os. 12Rik Nak gerèk sènꞌòy rik napegakh gadang èn tikh eh untok nampèrmòy bak rik méj nòm sèngkok. Dak Nanak akal napèrmòy sènꞌòy rik umpechaye ma Allah nòm sènꞌòy mòy, gerèk sènꞌòy naꞌtèk nakumpol bak rik méj èn tempad nèldol bak eh. Tapik akal nahukom ma sènꞌòy mòy nak rik umjèk ma Allah, gerèk sènꞌòy naꞌtèk nachur sèngkok, èn kelòj os rik tok dapad naped.”
Yohanès nabaptis ma Yèsus
(Mrk 1:9-11; Luk 3:21-22)
13Bil mase nak Yèsus nalãj nòm tèk Galiliya ma Òng Tibok Yordan, dak nasemany Yohanès nambaptis ma Rik Nak. 14Tapik Yohanès tok nasetujuk bok nachal, “Bok nahey Hãk hachèn imbaptis ma Hãk? Che patod eh yék iperlu Hãk hambaptis ma yék!”
15Tapik Yèsus nasaꞌod, “Perak lah hal nak nambelakuk. Ar haros amteꞌèl hal nak supaye amhoh ma kenèmbek nènchèn Allah.” Jadik Yohanès pon nasetujuk dak nabaptis ma Yèsus.
16Nòm kerek hòj nabaptis, Yèsus sejèkh nahuwòl nòm òng nak. Tok-tok langid napa-pog, dak Yèsus nanéh ma Ruway Allah nataw gerèk chèp kukur dak nabekabed ma Rik Nak. 17Dak anak mok kuy nòm sorga rik nachal, “Udoh lah Kuwòt Yék rik isayèkh geb. Rik Nak nasèrnang ma hup Yék.” #Jen 22:2; En 2:7; Yès 42:1; Mat 12:18; 17:5; Mrk 1:11; Luk 9:35.
Právě zvoleno:
Matius 3: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 3
3
Yohanès Pembaptis naꞌèg-oglèkh Gah Allah
(Mrk 1:1-8; Luk 3:3-9,15-17; Yoh 1:19-28)
1Hòj lamad nòm kerek nak, Yohanès Pembaptis nalãj èn pantil gurun èn Yudéya dak natekèd naꞌèg-oglèkh Gah Allah. 2Nanak nachal, “Perak lah nòm dose nyob dak los lah ma Allah, sebab Kerajaꞌan Allah#3:2 Kerajaꞌan Allah Tèks asli: ‘Kerajaꞌan Sorga’ hòj tilok geb!” #Mat 4:17; Mrk 1:15. 3Yohanès nak lah sènꞌòy rik nabi Yèsaya namaksod bil naterèylòy Gah Allah manah tòp:#Yès 40:3.
“Mok sènꞌòy rik beꞌèh-éh èn pantil gurun:
‘Tabéh lah nòng untok Tuhan!
Sèrjèkh lah nòng untok Rik Nak!’”
4Nèglòg Yohanès nak rik umteꞌèl nòm sog unta, dak talik wakh eh nòm sèmpok. Bok nèygéy eh beralang ròb madu seròkh. #2 Raj 1:8. 5Sènꞌòy nòm Yèrusalèm bok nòm kenèmbek negerik Yudéya ròb kenèmbek kawasan Òng Tibok Yordan umlãj untok mukeyòkh ma tenènglèkh Yohanès. 6Dak umnak umꞌakuk dose um, dak Yohanès nabaptis ma umnak èn kelòj Òng Tibok Yordan.
7Jajéh guruk agama nòm pitak Parisi ròb pitak Saduki umlãj keꞌjèk supaye Yohanès nambaptis ma umnak. Tapik bil Yohanès nanéh ma umnak, rik nak natèdchod ma umnak, “Nyob sènꞌòy jèdhad gerèk tajuk èmpĩd! Agok lah nyob bèdlod nyob boléh da-dok nòm nèlꞌõl Allah rik akal nalãj bok nahukom ma nyob! #Mat 12:34; 23:33. 8Tapik pèrnéh lah nòm chare nèsgos nyob nak nyob kemën-kemën hòj nyomperak nòm dose bok los ma Allah. 9Dak agok lah chal èn kelòj hup nyob, ‘Abraham yak dòt bej èk, jadik Allah tok nabehukom ma èk.’ Sebab yék ichal kemën ma nyob, Allah boléh namjadik waris Abraham nòm batuk-batuk doh! #Yoh 8:33. 10Dak puꞌdoh Allah hòj natabéh untok namhukom ma sènꞌòy, gerèk kapok nèꞌguk jehuk sampéy ma chantèng eh. Tiyab-tiyab jehuk rik kebek eh tok méj akal naguk dak nabes ma kelòj os. #Mat 7:19. 11Yék ibaptis nòm òng ma sènꞌòy rik pèꞌrak nòm dose bok lès-los ma Allah. Tapik nòm kerek yék akal nalãj Rik lebéh rayak nòm yék — dak yék tok behakak imꞌèn-èn kasod Eh pon. Nanak akal nabaptis ma nyob nòm Ruway Kudus ròb os. 12Rik Nak gerèk sènꞌòy rik napegakh gadang èn tikh eh untok nampèrmòy bak rik méj nòm sèngkok. Dak Nanak akal napèrmòy sènꞌòy rik umpechaye ma Allah nòm sènꞌòy mòy, gerèk sènꞌòy naꞌtèk nakumpol bak rik méj èn tempad nèldol bak eh. Tapik akal nahukom ma sènꞌòy mòy nak rik umjèk ma Allah, gerèk sènꞌòy naꞌtèk nachur sèngkok, èn kelòj os rik tok dapad naped.”
Yohanès nabaptis ma Yèsus
(Mrk 1:9-11; Luk 3:21-22)
13Bil mase nak Yèsus nalãj nòm tèk Galiliya ma Òng Tibok Yordan, dak nasemany Yohanès nambaptis ma Rik Nak. 14Tapik Yohanès tok nasetujuk bok nachal, “Bok nahey Hãk hachèn imbaptis ma Hãk? Che patod eh yék iperlu Hãk hambaptis ma yék!”
15Tapik Yèsus nasaꞌod, “Perak lah hal nak nambelakuk. Ar haros amteꞌèl hal nak supaye amhoh ma kenèmbek nènchèn Allah.” Jadik Yohanès pon nasetujuk dak nabaptis ma Yèsus.
16Nòm kerek hòj nabaptis, Yèsus sejèkh nahuwòl nòm òng nak. Tok-tok langid napa-pog, dak Yèsus nanéh ma Ruway Allah nataw gerèk chèp kukur dak nabekabed ma Rik Nak. 17Dak anak mok kuy nòm sorga rik nachal, “Udoh lah Kuwòt Yék rik isayèkh geb. Rik Nak nasèrnang ma hup Yék.” #Jen 22:2; En 2:7; Yès 42:1; Mat 12:18; 17:5; Mrk 1:11; Luk 9:35.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.