Matius 2
2
Sènꞌòy rik umbekaji pèrlòy umgagoh ma Yèsus
1Amèk Eh nayos ma Yèsus èn kote Bètlehèm èn negerik Yudéya, bil mase Rajak Hèrodès nabeperintah èn anak. Hòj lamad nòm kerek nayos nak, mok maròp-maròp sènꞌòy rik umbekaji tande pèrlòy umlãj nòm sòy is dak umlòy ma kote Yèrusalèm. 2Umnak umtanyak, “Èn lok lah Sayẽd chènglèkh nak, Rajak sènꞌòy Yahudi? Kandék kinéh pèrlòy Eh nahuwòl nòm sòy is, dak kandék kilãj untok kimhormad ma Rik Nak.”
3Bil Rajak Hèrodès nakeyòkh gah nak, nanak nasuwéh geb, bok gerèk nak keꞌjèk kenèmbek sènꞌòy rik umgèl-gel èn Yèrusalèm. 4Rajak Hèrodès naꞌor kenèmbek ketuwe imam ròb guruk agama Yahudi mubekumpol. Dak natanyak ma umnak, “Èn lok lah akal nambelakuk nèsyos Mèsias rik Allah napèrhod nak?”
5Dak umnak umsaꞌod, “Èn kote Bètlehèm èn negerik Yudéya. Sebab gerèk nak lah hòj natulis néy sènꞌòy nabi:
6‘Nyob sènꞌòy rik gèl-gel èn Bètlehèm, èn tèk Yudéya,#2:6 Yudéya Tèks asli: “Yèhudah.” Nak lah kenëh negerik nak manah tòp, èn Kitab Perènhod Manah. #Mi 5:1.
kote nyob nak kote rik penting geb èn Yudéya.
Sebab nòm kote nyob akal nalãj néy Pemimpin,
rik akal napimpin bok najagak ma kaum penili Yék, Israꞌèl, gerèk sènꞌòy rik bejagak ma kambikh biri.’”
7Nòm kerek nak, Rajak Hèrodès naꞌor sènꞌòy namdalag julak-julak ma sènꞌòy rik umbekaji pèrlòy naꞌtèk, supaye namtèrbuk ma umnak. Dak umnak umꞌoglèkh ma rajak bil taréh umnéh ma pèrlòy nak nahuwòl. 8Pas nak Rajak Hèrodès naꞌor ma sènꞌòy rik umbekaji pèrlòy nak muwèk ma Bètlehèm, dak nachal, “Wèk lah dak kèk kemën-kemën ma Sayẽd nak. Dak bil nyob tèrbuk ma Rik Nak, los lah ma doh bok oglèkh ma yék supaye yék pon imwèk imsindol ma Rik Nak keꞌjèk.”
9-10Nòm kerek umkeyòkh ma nèlchal rajak nak, umnak pon umwèk. Dak umnak umnéh pèrlòy chachod rik hòj umnéh hatòp èn sòy is. Umnak umꞌadés geb bil umnéh ma pèrlòy nak! Pèrlòy nak nador nèng-nèng nòm umnak, dak nagëb èn balikh tempad Sayẽd nak. 11Umnak ummòj ma kelòj dékh nak, dak umnak umnéh Sayẽd nak samak amèk Eh, Maria. Umnak umtud dak umsindol ma Yèsus, dak umpog hadiah mèlhal rik umꞌèn dak umꞌog ma Rik Nak: mas, nèschos, ròb binyak mur rik chèsngẽs. 12Nòm kerek nak, Allah naꞌoglèkh ma umnak èn kelòj nèꞌpòk um supaye agok mulos ma Rajak Hèrodès. Jadik umnak umwad nòng mòy dak ummak ma tèk rik um.
Yusop naꞌéd Yèsus ròb Maria umda-dok ma tèk Mesir
13Nòm kerek sènꞌòy rik umbekaji pèrlòy nak hòj ummak, mok néy melaykat Tuhan napèrnéh rik eh ma Yusop èn nèꞌpòk eh dak nachal, “Wòg lah! Éd lah Sayẽd nak ròb amèk Eh bok da-dok ma tèk Mesir, sebab Rajak Hèrodès akal nakèk ma Sayẽd nak untok namcheleg. Gel lah èn anak sampéy yék iꞌor ma hãk untok nyob nyommak wèl.”
14Jadik Yusop nawòg, dak layèg nak keꞌjèk naꞌéd Sayẽd nak ròb amèk Eh ma Mesir. 15Dak umnak umgel èn anak sampéy Rajak Hèrodès hòj nakebes. Gerèk nak lah nabelakuk ilok rik Tuhan hòj nachal ma nabi Eh, “Yék ikòw ma Kuwòt Yék nahuwòl nòm Mesir.” #Hos 11:1.
Rajak Hèrodès naꞌor mèn askah untok mucheleg sèdyẽd bèhbeh èn Bètlehèm
16Bil sènꞌòy rik umbekaji pèrlòy nak tok umlès-los ma Rajak Hèrodès, rajak nak nabèdlod umnak hòj umsèꞌlok eh, dak rik nak naꞌõl geb. Dak sebab sènꞌòy rik umbekaji pèrlòy nak hòj umꞌoglèkh ma rik nak bil umnéh pèrlòy nak nahuwòl hatòp, Rajak Hèrodès naꞌor ma mèn askah eh muwèk ma kote Bètlehèm ròb kenèmbek kawasan nak untok mucheleg kenèmbek sèdyẽd bèhbeh rik umor um tik chelèkh sampéy nar tawon.
17Gerèk nak lah nabelakuk Gah Allah rik Nabi Yèremiah naterèylòy:
18“Mok chëh berawong èn kote Ramah,#Yèr 31:15.
sènꞌòy umyèm-yam bok umhèg-hõg,
waris Rahèl#2:18 waris Rahèl Tèks asli “Rahèl.” Rahèl nak léh Yakob, yak dòt bej kaum Israꞌèl manah tòp. umyèm-yam ma kuwòt um,
dak umjèk chok-chok namchèrmun ma umnak,
sebab mèn kuwòt um hòj umkebes.”
Yusop naꞌéd Yèsus ròb Maria umgel èn Nasarèt
19Bil nak Yusop ròb kewarge eh tik umgel èn tèk Mesir. Dak nòm kerek Rajak Hèrodès hòj nakebes, melaykat Tuhan nalãj ma Yusop èn kelòj nèꞌpòk eh wèl. 20Dak melaykat nak nachal, “Wòg lah dak éd Sayẽd nak ròb amèk Eh dak los lah ma tèk Israꞌèl, sebab sènꞌòy rik chèn-chèn mucheleg ma Sayẽd nak hòj umkebes.” 21Yusop pon nawòg dak naꞌéd Yèsus ròb Maria umlos ma Israꞌèl.
22Tapik bil nak Yusop nakeyòkh gah Arkelaus, kuwòt Hèrodès, hòj najadik rajak èn negerik Yudéya, nagantik nòm kerek dok eh. Jadik Yusop natukh namlos ma nak. Dak Tuhan nabèrleng ma Yusop wèl èn nèꞌpòk eh, jadik Yusop pon naꞌéd kewarge eh nak ma belah Galiliya. 23Dak umnak umgel èn kampong rik bekenëh Nasarèt. Gerèk nak lah nabelakuk ilok rik mèn nabi hòj umramal nèng-nèng tòp tentang Sayẽd nak: “Sayẽd nak akal umdéh ‘Sènꞌòy Nasarèt.’” #Mrk 1:24; Luk 2:39; Yoh 1:45.
Právě zvoleno:
Matius 2: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 2
2
Sènꞌòy rik umbekaji pèrlòy umgagoh ma Yèsus
1Amèk Eh nayos ma Yèsus èn kote Bètlehèm èn negerik Yudéya, bil mase Rajak Hèrodès nabeperintah èn anak. Hòj lamad nòm kerek nayos nak, mok maròp-maròp sènꞌòy rik umbekaji tande pèrlòy umlãj nòm sòy is dak umlòy ma kote Yèrusalèm. 2Umnak umtanyak, “Èn lok lah Sayẽd chènglèkh nak, Rajak sènꞌòy Yahudi? Kandék kinéh pèrlòy Eh nahuwòl nòm sòy is, dak kandék kilãj untok kimhormad ma Rik Nak.”
3Bil Rajak Hèrodès nakeyòkh gah nak, nanak nasuwéh geb, bok gerèk nak keꞌjèk kenèmbek sènꞌòy rik umgèl-gel èn Yèrusalèm. 4Rajak Hèrodès naꞌor kenèmbek ketuwe imam ròb guruk agama Yahudi mubekumpol. Dak natanyak ma umnak, “Èn lok lah akal nambelakuk nèsyos Mèsias rik Allah napèrhod nak?”
5Dak umnak umsaꞌod, “Èn kote Bètlehèm èn negerik Yudéya. Sebab gerèk nak lah hòj natulis néy sènꞌòy nabi:
6‘Nyob sènꞌòy rik gèl-gel èn Bètlehèm, èn tèk Yudéya,#2:6 Yudéya Tèks asli: “Yèhudah.” Nak lah kenëh negerik nak manah tòp, èn Kitab Perènhod Manah. #Mi 5:1.
kote nyob nak kote rik penting geb èn Yudéya.
Sebab nòm kote nyob akal nalãj néy Pemimpin,
rik akal napimpin bok najagak ma kaum penili Yék, Israꞌèl, gerèk sènꞌòy rik bejagak ma kambikh biri.’”
7Nòm kerek nak, Rajak Hèrodès naꞌor sènꞌòy namdalag julak-julak ma sènꞌòy rik umbekaji pèrlòy naꞌtèk, supaye namtèrbuk ma umnak. Dak umnak umꞌoglèkh ma rajak bil taréh umnéh ma pèrlòy nak nahuwòl. 8Pas nak Rajak Hèrodès naꞌor ma sènꞌòy rik umbekaji pèrlòy nak muwèk ma Bètlehèm, dak nachal, “Wèk lah dak kèk kemën-kemën ma Sayẽd nak. Dak bil nyob tèrbuk ma Rik Nak, los lah ma doh bok oglèkh ma yék supaye yék pon imwèk imsindol ma Rik Nak keꞌjèk.”
9-10Nòm kerek umkeyòkh ma nèlchal rajak nak, umnak pon umwèk. Dak umnak umnéh pèrlòy chachod rik hòj umnéh hatòp èn sòy is. Umnak umꞌadés geb bil umnéh ma pèrlòy nak! Pèrlòy nak nador nèng-nèng nòm umnak, dak nagëb èn balikh tempad Sayẽd nak. 11Umnak ummòj ma kelòj dékh nak, dak umnak umnéh Sayẽd nak samak amèk Eh, Maria. Umnak umtud dak umsindol ma Yèsus, dak umpog hadiah mèlhal rik umꞌèn dak umꞌog ma Rik Nak: mas, nèschos, ròb binyak mur rik chèsngẽs. 12Nòm kerek nak, Allah naꞌoglèkh ma umnak èn kelòj nèꞌpòk um supaye agok mulos ma Rajak Hèrodès. Jadik umnak umwad nòng mòy dak ummak ma tèk rik um.
Yusop naꞌéd Yèsus ròb Maria umda-dok ma tèk Mesir
13Nòm kerek sènꞌòy rik umbekaji pèrlòy nak hòj ummak, mok néy melaykat Tuhan napèrnéh rik eh ma Yusop èn nèꞌpòk eh dak nachal, “Wòg lah! Éd lah Sayẽd nak ròb amèk Eh bok da-dok ma tèk Mesir, sebab Rajak Hèrodès akal nakèk ma Sayẽd nak untok namcheleg. Gel lah èn anak sampéy yék iꞌor ma hãk untok nyob nyommak wèl.”
14Jadik Yusop nawòg, dak layèg nak keꞌjèk naꞌéd Sayẽd nak ròb amèk Eh ma Mesir. 15Dak umnak umgel èn anak sampéy Rajak Hèrodès hòj nakebes. Gerèk nak lah nabelakuk ilok rik Tuhan hòj nachal ma nabi Eh, “Yék ikòw ma Kuwòt Yék nahuwòl nòm Mesir.” #Hos 11:1.
Rajak Hèrodès naꞌor mèn askah untok mucheleg sèdyẽd bèhbeh èn Bètlehèm
16Bil sènꞌòy rik umbekaji pèrlòy nak tok umlès-los ma Rajak Hèrodès, rajak nak nabèdlod umnak hòj umsèꞌlok eh, dak rik nak naꞌõl geb. Dak sebab sènꞌòy rik umbekaji pèrlòy nak hòj umꞌoglèkh ma rik nak bil umnéh pèrlòy nak nahuwòl hatòp, Rajak Hèrodès naꞌor ma mèn askah eh muwèk ma kote Bètlehèm ròb kenèmbek kawasan nak untok mucheleg kenèmbek sèdyẽd bèhbeh rik umor um tik chelèkh sampéy nar tawon.
17Gerèk nak lah nabelakuk Gah Allah rik Nabi Yèremiah naterèylòy:
18“Mok chëh berawong èn kote Ramah,#Yèr 31:15.
sènꞌòy umyèm-yam bok umhèg-hõg,
waris Rahèl#2:18 waris Rahèl Tèks asli “Rahèl.” Rahèl nak léh Yakob, yak dòt bej kaum Israꞌèl manah tòp. umyèm-yam ma kuwòt um,
dak umjèk chok-chok namchèrmun ma umnak,
sebab mèn kuwòt um hòj umkebes.”
Yusop naꞌéd Yèsus ròb Maria umgel èn Nasarèt
19Bil nak Yusop ròb kewarge eh tik umgel èn tèk Mesir. Dak nòm kerek Rajak Hèrodès hòj nakebes, melaykat Tuhan nalãj ma Yusop èn kelòj nèꞌpòk eh wèl. 20Dak melaykat nak nachal, “Wòg lah dak éd Sayẽd nak ròb amèk Eh dak los lah ma tèk Israꞌèl, sebab sènꞌòy rik chèn-chèn mucheleg ma Sayẽd nak hòj umkebes.” 21Yusop pon nawòg dak naꞌéd Yèsus ròb Maria umlos ma Israꞌèl.
22Tapik bil nak Yusop nakeyòkh gah Arkelaus, kuwòt Hèrodès, hòj najadik rajak èn negerik Yudéya, nagantik nòm kerek dok eh. Jadik Yusop natukh namlos ma nak. Dak Tuhan nabèrleng ma Yusop wèl èn nèꞌpòk eh, jadik Yusop pon naꞌéd kewarge eh nak ma belah Galiliya. 23Dak umnak umgel èn kampong rik bekenëh Nasarèt. Gerèk nak lah nabelakuk ilok rik mèn nabi hòj umramal nèng-nèng tòp tentang Sayẽd nak: “Sayẽd nak akal umdéh ‘Sènꞌòy Nasarèt.’” #Mrk 1:24; Luk 2:39; Yoh 1:45.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.