Matius 21
21
Yèsus namòj ma Yèrusalèm gerèk Rajak rik Allah napèrhod
(Mrk 11:1-11; Luk 19:28-40; Yoh 12:12-19)
1Bil Yèsus ròb hèhoh Eh hòj tèꞌlok mulèy-lòy ma Yèrusalèm, umnak umbeleh ma kampong Bètpajé èn Pok Sayton. Dak anak Yèsus naꞌor ma nar hèhoh Eh wèmwèk nèng-nèng, 2dak nachal, “Wèk lah ma kampong rik èn sòy nak. Bil kaꞌan mòj ma kampong nak, akal kaꞌan tèrbuk néy ikor kuda kelday rik umbeg samak kuwòt eh. Teg lah nar kuda kelday nak dak èn lah ma Yék. 3Kalòw mok sènꞌòy umtanyak ilok kaꞌan teꞌèl nak, chal lah, ‘Yãng naperlu wèh.’ Dak sènꞌòy nak akal naꞌor kaꞌan èn kuda kelday nak.”
4Gerèk nak lah nabelakuk Gah Allah rik nabi Sakariya natèrlòy manah tòp:
5“Chal lah ma sènꞌòy rik umgèl-gel èn Yèrusalèm,#21:5 sènꞌòy rik umgèl-gel èn Yèrusalèm, Tèks asli: “puteri Zion”
Néh lah, Rajak nyob hòj nalãj ma nyob!
Nanak lemun hup Eh,
dak nabekabed ma kuda kelday,
ma kuwòt kuda kelday.” #Sak 9:9.
6Jadik nar hèhoh Eh nak wèwèk dak wèteꞌèl gerèk Yèsus naꞌor atèk. 7Dak wènar nak wèꞌèn nar kuda kelday nak ma Yèsus, wèdab bajuk kèbꞌub wèh èn kerek kuda kelday, dak Yèsus naꞌòj. 8Jajéh geb sènꞌòy umdab nèglòg èn nòng nak untok muhormad ma Yèsus, dak sènꞌòy rik gèhnih umcha-chòkh tapag nòm jehuk dak umdol sèrgalir èn nòng. 9#En 118:25,26. Dak sènꞌòy jajéh rik umchèb-chib èn sòy Yèsus bok rik umhèh-hoh nòm yek umbeꞌèh-éh:
“Hosana!#21:9 Hosana! kuy Ibrani rik bemaksod “Èhmah ma Tuhan!” Èhmah lah ma Waris Rajak Daud!”
“Allah nateꞌèl méj lah ma Nanak rik nalãj nòm kuwase Tuhan Allah!”
“Hosana! Èhmah lah ma Allah rik Paléng Balikh!”
10Bil Yèsus namòj ma Yèrusalèm, kenèmbek sènꞌòy èn kote nak hòj chèwkalãw dak umbetanyak, “Chok Rik Nak?”
11Dak sènꞌòy jajéh rik umhèh-hoh ma Yèsus nak umsaꞌod, “Nanak nak Yèsus, Nabi rik beꞌasal nòm kampong Nasarèt èn tèk Galiliya!”
Yèsus nakiron ma sènꞌòy rik umjèlwal èn Dékh Tuhan
(Mrk 11:15-19; Luk 19:45-48; Yoh 2:13-22)
12Pas nak Yèsus namòj ma halaman Dékh Tuhan, dak nakiron ma kenèmbek sènꞌòy rik umjèlwal bok rik umbèꞌlik èn anak. Dak Yèsus natulag pantar tenukar duid ròb pantong rik umgel umjèlwal chèp kukur. 13Dak Yèsus nachal ma umnak, “Èn kelòj Kitab mok natulis: Allah nachal, ‘Dékh Yék akal umdéh dékh pèntak.’#Yès 56:7. Tapik nyob doh hòj nyob jadik eh gerèk ‘guwok tempad sènyèj umgel!’” #Yèr 7:11.
14Pas nak jajéh sènꞌòy bebèybëy ròb sènꞌòy bekantem umlãj ma Yèsus èn Dékh Tuhan nak, dak Nanak natèrhakh ma umnak kenèmbek. 15Mèn ketuwe imam ròb guruk agama umnéh tènꞌèl kuwase rik Yèsus nateꞌèl nak. Dak umkeyòkh sèdyẽd èn halaman Dékh Tuhan nak rik umbeꞌèh-éh, “Hosana! Èhmah lah ma Waris Rajak Daud!” Sebab nak umnak umꞌõl 16dak umtèdchod ma Yèsus, “Hãk hakeyòkh ke ma sèdyẽd nak? Nahey Hãk tok hahèꞌwok ma umnak umchal gerèk nak?”
Yèsus nasaꞌod, “Hek, hòj ikeyòkh. Tapik pastik lah nyob hòj nyob bache èn kelòj Kitab: ‘Yah Allah, Hãk hòj hatènglèkh ma sèdyẽd èꞌjok bok rik umchènglèkh untok muꞌèhmah ma Hãk.’” #En 8:3.
17Pas nak Yèsus naperak umnak dak nahuwòl nòm kote Yèrusalèm nak. Rik Nak samak hèhoh Eh umwèk ma kampong Bètania, dak umdep èn anak.
Yèsus napantakh ma jehuk rik tok bekèꞌbek
(Mrk 11:12-14,20-24)
18Dak yèhyah is jakal eh nak, bil Yèsus ròb hèhoh Eh umchèb-chib untok mulos ma Yèrusalèm, Yèsus nagahmak nacherok. 19Nanak nanéh mok néy jehuk kebek#21:19 jehuk kebek Tèks asli: “jehuk ara.” rik èn béng nòng, dak nawèk tilok namnéh kalòw mok kebek eh. Tapik jehuk nak tok nabekèꞌbek eh, had selak hék. Èn anak Yèsus nachal ma jehuk nak, “Hãk akal tok pernah habekèꞌbek wèl!” Bil nak keꞌjèk jehuk nak sejèkh nakaréh.
20Bil mèn hèhoh Eh umnéh ma hal nak, umnak umbèlꞌih dak umbetanyak, “Gerèk lok jehuk nak tok-tok nakaréh gerèk nak?”
21 #
Mat 17:20; 1 Kor 13:2. Yèsus nasaꞌod, “Kemën Yék ichal ma nyob: kalòw nyob pechaye ma Allah bok èn hup nyob tok nyob èd-id, nyob pon boléh teꞌèl gerèk ilok rik Yék hòj iteꞌèl ma jehuk nak. Bok kedak unak hék, nyob boléh or ma pok doh pon, ‘Wèk lah, dak héng ma kelòj òng laud,’ dak akal nabelakuk! 22Kalòw nyob pechaye, akal nyob terime ilok-ilok rik nyob semany èn pèntak nyob.”
Pemimpin Yahudi umtanyak tentang kuwase Yèsus
(Mrk 11:27-33; Luk 20:1-8)
23Nòm kerek nak, Yèsus nalos ma Dékh Tuhan. Asoh Yèsus nabetènglèkh ma sènꞌòy èn anak, mèn ketuwe imam ròb tèꞌtak kaum Yahudi umlãj ma Rik Nak dak umtanyak, “Nòm lok hadapad kuwase hamteꞌèl hal-hal doh? Chok irik èg-og kuwase nak ma Hãk?”
24Tapik Yèsus nachal ma umnak, “Yék keꞌjèk imtanyak néy senuꞌal ma nyob. Saꞌod lah, dak akal Yék iꞌoglèkh ma nyob nòm kuwase chok Yék iteꞌèl hal-hal gerèk doh. 25Chok rik èg-og kuwase ma Yohanès nambaptis ma sènꞌòy? Allah èn sorga ke atòw sènꞌòy hék?”
Umnak pon umcha-chal èn kaban rik um, “Tok boléh èmchal, ‘Allah èn sorga,’ sebab Yèsus pastik nachal, ‘Bok nahey inyob tok nyob pechaye ma Yohanès?’ 26Tapik tok boléh keꞌjèk èmchal ‘Sènꞌòy hék,’ sebab ètukh sènꞌòy jajéh akal umꞌõl! Umnak kenèmbek umpechaye Yohanès nak nabi.” 27Jadik sèj-sòj eh umnak umsaꞌod, “Kandék tok kilèng-lèkh.”
Dak Yèsus nachal, “Kalòw gerèk nak, Yék pon tok iꞌèg-oglèkh ma nyob nòm kuwase ilok Yék iteꞌèl hal-hal doh.”
Mèn pemimpin Yahudi gerèk kuwòt babeh rik najèk tok nahèh-hoh ma nèrꞌor apak eh
28Yèsus nachal wèl ma mèn pemimpin Yahudi naꞌtèk, “Puꞌdoh chal lah ma Yék, gerèk lok benèdlod nyob tentang chenal doh:
Mok néy apak rik mok nar kuwòt bèhbeh eh. Bil néy arik apak nak naꞌor ma kuwòt eh rik mulak long nak, ‘Wèk lah kèrjak ma selay anggor is doh.’ 29Dak kuwòt eh nak nasaꞌod, ‘Yék ijèk!’ Tapik pas nak kuwòt eh nak natukar benèdlod eh dak nawèk nakèrjak ma selay nak. 30Dak apak eh nak nawèk ma kuwòt eh rik kedua nak dak nachal hal rik chachod. Dak kuwòt eh nak nasaꞌod, ‘Nak apak, yék akal iwèk.’ Tapik nanak tok nawèk-wèk. 31-32Èn nar kuwòt eh nak, naꞌlok rik hèh-hoh ma nènchèn apak wèh?”
Dak mèn pemimpin Yahudi nak umsaꞌod, “Kuwòt rik mulak nak.”
Dak anak Yèsus nachal tèꞌlalah ma umnak maksod chenal Eh naꞌtèk: “Yohanès Pembaptis nalãj dak napèrnéh ma kenèmbek sènꞌòy Yahudi gerèk lok chare nèsgos rik kènmën. Dak sènꞌòy bedose, gerèk rik umbechatuk duid chukay ròb bèꞌbok rik umbegalag, umpechaye ma tenènglèkh Yohanès nak, dak umperak ma dose bok umlos ma Allah. Tapik nyob pemimpin nyob jèk tok nyob pechaye ma tenènglèkh eh nak. Yab nyob hòj nyob néh sènꞌòy bedose nak umpechaye, tapik nyob tik tok nyob pèꞌrak ma dose nyob bok tik tok nyob pechaye ma Yohanès pon. Jadik Yék kemën ichal ma nyob: sènꞌòy rik umbechatuk duid chukay ròb rik umbegalag nak akal ummòj ma Kerajaꞌan Allah nèng-nèng nòm nyob.” #Luk 3:12; 7:29,30.
Mèn pemimpin Yahudi gerèk sènꞌòy jèdhad rik umbeséwe selay anggor
(Mrk 12:1-12; Luk 20:9-19)
33 #
Yès 5:1,2. Yèsus nachal wèl ma mèn pemimpin Yahudi naꞌtèk, “Keyòkh lah ma chenal rik mòy doh:
Mok néy sènꞌòy rik bemilik tèk natap selay anggor. Nanak nadèg pagar èn keliling selay eh, nachelòkh jehòl tempad untok jènlog perènlak kebek anggor, dak nacheb dékh néysòy èn balikh namjagak selay eh nak. Kerek nak nanak naꞌog sènꞌòy mòy umséwe selay anggor nak, dak nawèk ma negerik mòy. 34Bil nalòy musim nègtòg, rik beselay natèrꞌèn kuli eh untok mukod ènsekh nòm hasil selay eh nak. 35Tapik sènꞌòy rik umbeséwe selay nak umròt ma mèn kuli eh nak. Rik naꞌnéy kuli eh nak umteboh, bok naꞌnéy umcheleg, bok naꞌnéy wèl umbedal batuk sampéy nakebes. 36Pas nak rik beselay nak natèrꞌèn kuli rik gèhnih, lebéh ibuk nòm mulak eh tèk. Tapik rik umbeséwe selay nak umteꞌèl hal rik chachod ma umnak. 37Sèj-sòj eh nak, rik beselay nak natèrꞌèn kuwòt rik eh ma umnak. Nanak nabèdlod, ‘Pastik umnak akal umhormad ma kuwòt inak.’ 38Tapik bil sènꞌòy rik beséwe selay nak umnéh ma kuwòt eh nak, umchal kaban rik um, ‘Udoh lah kuwòt rik eh. Nanak lah irik bemilik kenèmbek harte eh jakal. Jok lah, èmcheleg ma rik nak supaye selay eh doh namjadik milik èk!’ 39Umnak pon umròt ma kuwòt eh nak, umsuwèd ma béng selay nak bok umcheleg eh.”
40Dak Yèsus natanyak, “Jadik bil sènꞌòy rik beselay nak nalos, dak ilok akal namteꞌèl ma umnak?”
41Umnak umsaꞌod, “Pastik rik nak akal nasikse bok nacheleg ma sènꞌòy rik jèdhad nak. Dak akal naꞌog sènꞌòy mòy muséwe selay anggor eh nak, sènꞌòy rik akal umꞌog ma rik nak nòm hasil selay eh nak bil nalòy ma musim kebek anggor nak.”
42Dak Yèsus nachal ma umnak, “Pastik lah nyob hòj nyob bache ayad doh èn kelòj Kitab, dak nyob patod nyob lèkh maksod eh:
‘Sènꞌòy rik umtèlꞌèl dékh
umbes néy batuk rik umjèk nak.
Batuk nak hòj najadik batuk paléng penting,
batuk betunggol rik nachèrgod ma dékh nak.
Udoh lah tènꞌèl Tuhan,
méj geb èn mad èk!’” #En 118:22,23.
43-45Yèsus nachal wèl, “[Chok rik nakelek ma batuk nak akal napeleg. Dak kalòw batuk nak nakelek ma sènꞌòy, nahapid ma sènꞌòy nak.]”#21:43-45 Ènsekh tèks Yunani tok mèk-mok ayad doh.
Bil nak mèn ketuwe imam ròb sènꞌòy Parisi rik umkèngyòkh nak umlèkh maksod chenal Yèsus naꞌtèk ma umnak — umnak lah gerèk sènꞌòy jèdhad rik beséwe selay nak. Dak Yèsus nachal wèl, “Jadik Yék imchal ma nyob: sebab nyob jèk ma Yék, hak nyob untok nyommòj ma Kerajaꞌan Allah akal Allah nakod nòm nyob, bok akal naꞌog ma sènꞌòy nòm kaum mòy rik umtèlꞌèl nènchèn Allah bok umbehasil èn kelòj Kerajaꞌan Eh.”#21:43-45 Tèks asli mok kiasan èn anuh: “sènꞌòy rik umbekèꞌbek bok umbehasil èn kelòj Kerajaꞌan Allah.”
46Dak mèn pemimpin Yahudi nak umchèn muròt ma Yèsus, tapik umtukh ma sènꞌòy jajéh rik umpechaye Yèsus nak Nabi.
Právě zvoleno:
Matius 21: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 21
21
Yèsus namòj ma Yèrusalèm gerèk Rajak rik Allah napèrhod
(Mrk 11:1-11; Luk 19:28-40; Yoh 12:12-19)
1Bil Yèsus ròb hèhoh Eh hòj tèꞌlok mulèy-lòy ma Yèrusalèm, umnak umbeleh ma kampong Bètpajé èn Pok Sayton. Dak anak Yèsus naꞌor ma nar hèhoh Eh wèmwèk nèng-nèng, 2dak nachal, “Wèk lah ma kampong rik èn sòy nak. Bil kaꞌan mòj ma kampong nak, akal kaꞌan tèrbuk néy ikor kuda kelday rik umbeg samak kuwòt eh. Teg lah nar kuda kelday nak dak èn lah ma Yék. 3Kalòw mok sènꞌòy umtanyak ilok kaꞌan teꞌèl nak, chal lah, ‘Yãng naperlu wèh.’ Dak sènꞌòy nak akal naꞌor kaꞌan èn kuda kelday nak.”
4Gerèk nak lah nabelakuk Gah Allah rik nabi Sakariya natèrlòy manah tòp:
5“Chal lah ma sènꞌòy rik umgèl-gel èn Yèrusalèm,#21:5 sènꞌòy rik umgèl-gel èn Yèrusalèm, Tèks asli: “puteri Zion”
Néh lah, Rajak nyob hòj nalãj ma nyob!
Nanak lemun hup Eh,
dak nabekabed ma kuda kelday,
ma kuwòt kuda kelday.” #Sak 9:9.
6Jadik nar hèhoh Eh nak wèwèk dak wèteꞌèl gerèk Yèsus naꞌor atèk. 7Dak wènar nak wèꞌèn nar kuda kelday nak ma Yèsus, wèdab bajuk kèbꞌub wèh èn kerek kuda kelday, dak Yèsus naꞌòj. 8Jajéh geb sènꞌòy umdab nèglòg èn nòng nak untok muhormad ma Yèsus, dak sènꞌòy rik gèhnih umcha-chòkh tapag nòm jehuk dak umdol sèrgalir èn nòng. 9#En 118:25,26. Dak sènꞌòy jajéh rik umchèb-chib èn sòy Yèsus bok rik umhèh-hoh nòm yek umbeꞌèh-éh:
“Hosana!#21:9 Hosana! kuy Ibrani rik bemaksod “Èhmah ma Tuhan!” Èhmah lah ma Waris Rajak Daud!”
“Allah nateꞌèl méj lah ma Nanak rik nalãj nòm kuwase Tuhan Allah!”
“Hosana! Èhmah lah ma Allah rik Paléng Balikh!”
10Bil Yèsus namòj ma Yèrusalèm, kenèmbek sènꞌòy èn kote nak hòj chèwkalãw dak umbetanyak, “Chok Rik Nak?”
11Dak sènꞌòy jajéh rik umhèh-hoh ma Yèsus nak umsaꞌod, “Nanak nak Yèsus, Nabi rik beꞌasal nòm kampong Nasarèt èn tèk Galiliya!”
Yèsus nakiron ma sènꞌòy rik umjèlwal èn Dékh Tuhan
(Mrk 11:15-19; Luk 19:45-48; Yoh 2:13-22)
12Pas nak Yèsus namòj ma halaman Dékh Tuhan, dak nakiron ma kenèmbek sènꞌòy rik umjèlwal bok rik umbèꞌlik èn anak. Dak Yèsus natulag pantar tenukar duid ròb pantong rik umgel umjèlwal chèp kukur. 13Dak Yèsus nachal ma umnak, “Èn kelòj Kitab mok natulis: Allah nachal, ‘Dékh Yék akal umdéh dékh pèntak.’#Yès 56:7. Tapik nyob doh hòj nyob jadik eh gerèk ‘guwok tempad sènyèj umgel!’” #Yèr 7:11.
14Pas nak jajéh sènꞌòy bebèybëy ròb sènꞌòy bekantem umlãj ma Yèsus èn Dékh Tuhan nak, dak Nanak natèrhakh ma umnak kenèmbek. 15Mèn ketuwe imam ròb guruk agama umnéh tènꞌèl kuwase rik Yèsus nateꞌèl nak. Dak umkeyòkh sèdyẽd èn halaman Dékh Tuhan nak rik umbeꞌèh-éh, “Hosana! Èhmah lah ma Waris Rajak Daud!” Sebab nak umnak umꞌõl 16dak umtèdchod ma Yèsus, “Hãk hakeyòkh ke ma sèdyẽd nak? Nahey Hãk tok hahèꞌwok ma umnak umchal gerèk nak?”
Yèsus nasaꞌod, “Hek, hòj ikeyòkh. Tapik pastik lah nyob hòj nyob bache èn kelòj Kitab: ‘Yah Allah, Hãk hòj hatènglèkh ma sèdyẽd èꞌjok bok rik umchènglèkh untok muꞌèhmah ma Hãk.’” #En 8:3.
17Pas nak Yèsus naperak umnak dak nahuwòl nòm kote Yèrusalèm nak. Rik Nak samak hèhoh Eh umwèk ma kampong Bètania, dak umdep èn anak.
Yèsus napantakh ma jehuk rik tok bekèꞌbek
(Mrk 11:12-14,20-24)
18Dak yèhyah is jakal eh nak, bil Yèsus ròb hèhoh Eh umchèb-chib untok mulos ma Yèrusalèm, Yèsus nagahmak nacherok. 19Nanak nanéh mok néy jehuk kebek#21:19 jehuk kebek Tèks asli: “jehuk ara.” rik èn béng nòng, dak nawèk tilok namnéh kalòw mok kebek eh. Tapik jehuk nak tok nabekèꞌbek eh, had selak hék. Èn anak Yèsus nachal ma jehuk nak, “Hãk akal tok pernah habekèꞌbek wèl!” Bil nak keꞌjèk jehuk nak sejèkh nakaréh.
20Bil mèn hèhoh Eh umnéh ma hal nak, umnak umbèlꞌih dak umbetanyak, “Gerèk lok jehuk nak tok-tok nakaréh gerèk nak?”
21 #
Mat 17:20; 1 Kor 13:2. Yèsus nasaꞌod, “Kemën Yék ichal ma nyob: kalòw nyob pechaye ma Allah bok èn hup nyob tok nyob èd-id, nyob pon boléh teꞌèl gerèk ilok rik Yék hòj iteꞌèl ma jehuk nak. Bok kedak unak hék, nyob boléh or ma pok doh pon, ‘Wèk lah, dak héng ma kelòj òng laud,’ dak akal nabelakuk! 22Kalòw nyob pechaye, akal nyob terime ilok-ilok rik nyob semany èn pèntak nyob.”
Pemimpin Yahudi umtanyak tentang kuwase Yèsus
(Mrk 11:27-33; Luk 20:1-8)
23Nòm kerek nak, Yèsus nalos ma Dékh Tuhan. Asoh Yèsus nabetènglèkh ma sènꞌòy èn anak, mèn ketuwe imam ròb tèꞌtak kaum Yahudi umlãj ma Rik Nak dak umtanyak, “Nòm lok hadapad kuwase hamteꞌèl hal-hal doh? Chok irik èg-og kuwase nak ma Hãk?”
24Tapik Yèsus nachal ma umnak, “Yék keꞌjèk imtanyak néy senuꞌal ma nyob. Saꞌod lah, dak akal Yék iꞌoglèkh ma nyob nòm kuwase chok Yék iteꞌèl hal-hal gerèk doh. 25Chok rik èg-og kuwase ma Yohanès nambaptis ma sènꞌòy? Allah èn sorga ke atòw sènꞌòy hék?”
Umnak pon umcha-chal èn kaban rik um, “Tok boléh èmchal, ‘Allah èn sorga,’ sebab Yèsus pastik nachal, ‘Bok nahey inyob tok nyob pechaye ma Yohanès?’ 26Tapik tok boléh keꞌjèk èmchal ‘Sènꞌòy hék,’ sebab ètukh sènꞌòy jajéh akal umꞌõl! Umnak kenèmbek umpechaye Yohanès nak nabi.” 27Jadik sèj-sòj eh umnak umsaꞌod, “Kandék tok kilèng-lèkh.”
Dak Yèsus nachal, “Kalòw gerèk nak, Yék pon tok iꞌèg-oglèkh ma nyob nòm kuwase ilok Yék iteꞌèl hal-hal doh.”
Mèn pemimpin Yahudi gerèk kuwòt babeh rik najèk tok nahèh-hoh ma nèrꞌor apak eh
28Yèsus nachal wèl ma mèn pemimpin Yahudi naꞌtèk, “Puꞌdoh chal lah ma Yék, gerèk lok benèdlod nyob tentang chenal doh:
Mok néy apak rik mok nar kuwòt bèhbeh eh. Bil néy arik apak nak naꞌor ma kuwòt eh rik mulak long nak, ‘Wèk lah kèrjak ma selay anggor is doh.’ 29Dak kuwòt eh nak nasaꞌod, ‘Yék ijèk!’ Tapik pas nak kuwòt eh nak natukar benèdlod eh dak nawèk nakèrjak ma selay nak. 30Dak apak eh nak nawèk ma kuwòt eh rik kedua nak dak nachal hal rik chachod. Dak kuwòt eh nak nasaꞌod, ‘Nak apak, yék akal iwèk.’ Tapik nanak tok nawèk-wèk. 31-32Èn nar kuwòt eh nak, naꞌlok rik hèh-hoh ma nènchèn apak wèh?”
Dak mèn pemimpin Yahudi nak umsaꞌod, “Kuwòt rik mulak nak.”
Dak anak Yèsus nachal tèꞌlalah ma umnak maksod chenal Eh naꞌtèk: “Yohanès Pembaptis nalãj dak napèrnéh ma kenèmbek sènꞌòy Yahudi gerèk lok chare nèsgos rik kènmën. Dak sènꞌòy bedose, gerèk rik umbechatuk duid chukay ròb bèꞌbok rik umbegalag, umpechaye ma tenènglèkh Yohanès nak, dak umperak ma dose bok umlos ma Allah. Tapik nyob pemimpin nyob jèk tok nyob pechaye ma tenènglèkh eh nak. Yab nyob hòj nyob néh sènꞌòy bedose nak umpechaye, tapik nyob tik tok nyob pèꞌrak ma dose nyob bok tik tok nyob pechaye ma Yohanès pon. Jadik Yék kemën ichal ma nyob: sènꞌòy rik umbechatuk duid chukay ròb rik umbegalag nak akal ummòj ma Kerajaꞌan Allah nèng-nèng nòm nyob.” #Luk 3:12; 7:29,30.
Mèn pemimpin Yahudi gerèk sènꞌòy jèdhad rik umbeséwe selay anggor
(Mrk 12:1-12; Luk 20:9-19)
33 #
Yès 5:1,2. Yèsus nachal wèl ma mèn pemimpin Yahudi naꞌtèk, “Keyòkh lah ma chenal rik mòy doh:
Mok néy sènꞌòy rik bemilik tèk natap selay anggor. Nanak nadèg pagar èn keliling selay eh, nachelòkh jehòl tempad untok jènlog perènlak kebek anggor, dak nacheb dékh néysòy èn balikh namjagak selay eh nak. Kerek nak nanak naꞌog sènꞌòy mòy umséwe selay anggor nak, dak nawèk ma negerik mòy. 34Bil nalòy musim nègtòg, rik beselay natèrꞌèn kuli eh untok mukod ènsekh nòm hasil selay eh nak. 35Tapik sènꞌòy rik umbeséwe selay nak umròt ma mèn kuli eh nak. Rik naꞌnéy kuli eh nak umteboh, bok naꞌnéy umcheleg, bok naꞌnéy wèl umbedal batuk sampéy nakebes. 36Pas nak rik beselay nak natèrꞌèn kuli rik gèhnih, lebéh ibuk nòm mulak eh tèk. Tapik rik umbeséwe selay nak umteꞌèl hal rik chachod ma umnak. 37Sèj-sòj eh nak, rik beselay nak natèrꞌèn kuwòt rik eh ma umnak. Nanak nabèdlod, ‘Pastik umnak akal umhormad ma kuwòt inak.’ 38Tapik bil sènꞌòy rik beséwe selay nak umnéh ma kuwòt eh nak, umchal kaban rik um, ‘Udoh lah kuwòt rik eh. Nanak lah irik bemilik kenèmbek harte eh jakal. Jok lah, èmcheleg ma rik nak supaye selay eh doh namjadik milik èk!’ 39Umnak pon umròt ma kuwòt eh nak, umsuwèd ma béng selay nak bok umcheleg eh.”
40Dak Yèsus natanyak, “Jadik bil sènꞌòy rik beselay nak nalos, dak ilok akal namteꞌèl ma umnak?”
41Umnak umsaꞌod, “Pastik rik nak akal nasikse bok nacheleg ma sènꞌòy rik jèdhad nak. Dak akal naꞌog sènꞌòy mòy muséwe selay anggor eh nak, sènꞌòy rik akal umꞌog ma rik nak nòm hasil selay eh nak bil nalòy ma musim kebek anggor nak.”
42Dak Yèsus nachal ma umnak, “Pastik lah nyob hòj nyob bache ayad doh èn kelòj Kitab, dak nyob patod nyob lèkh maksod eh:
‘Sènꞌòy rik umtèlꞌèl dékh
umbes néy batuk rik umjèk nak.
Batuk nak hòj najadik batuk paléng penting,
batuk betunggol rik nachèrgod ma dékh nak.
Udoh lah tènꞌèl Tuhan,
méj geb èn mad èk!’” #En 118:22,23.
43-45Yèsus nachal wèl, “[Chok rik nakelek ma batuk nak akal napeleg. Dak kalòw batuk nak nakelek ma sènꞌòy, nahapid ma sènꞌòy nak.]”#21:43-45 Ènsekh tèks Yunani tok mèk-mok ayad doh.
Bil nak mèn ketuwe imam ròb sènꞌòy Parisi rik umkèngyòkh nak umlèkh maksod chenal Yèsus naꞌtèk ma umnak — umnak lah gerèk sènꞌòy jèdhad rik beséwe selay nak. Dak Yèsus nachal wèl, “Jadik Yék imchal ma nyob: sebab nyob jèk ma Yék, hak nyob untok nyommòj ma Kerajaꞌan Allah akal Allah nakod nòm nyob, bok akal naꞌog ma sènꞌòy nòm kaum mòy rik umtèlꞌèl nènchèn Allah bok umbehasil èn kelòj Kerajaꞌan Eh.”#21:43-45 Tèks asli mok kiasan èn anuh: “sènꞌòy rik umbekèꞌbek bok umbehasil èn kelòj Kerajaꞌan Allah.”
46Dak mèn pemimpin Yahudi nak umchèn muròt ma Yèsus, tapik umtukh ma sènꞌòy jajéh rik umpechaye Yèsus nak Nabi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.