Matius 20
20
Yèsus nabetènglèkh chenal tentang hup Allah rik mènhãr
1Yèsus nabetènglèkh wèl, “Kerajaꞌan Allah nak gerèk chòntoh doh: Mok néy sènꞌòy rik beselay anggor. Bil yèhyah tik chup, nanak nawèk nakèk-kèk sènꞌòy untok mukèrjak èn selay anggor eh nak. 2Bil hòj natèrbuk maròp-maròp sènꞌòy, rik nak nasetujuk nambayar ma umnak néy duid pèrak, gajik biyase untok sènꞌòy rik kerèꞌjak néy is. Dak nanak naꞌor umnak muwèk mukèrjak selay anggor eh nak. 3Kirak-kirak jam sembilan yèhyah, nanak nawèk wèl dak nanéh mok maròp-maròp sènꞌòy umtèd-ted èn pasah bok tok bekèrjak um. 4Jadik nanak nachal ma umnak, ‘Wèk lah dak kèrjak èn selay anggor yék. Yék akal ibayar ma nyob gajik rik adil.’ 5Dak umnak pon umwèk umkèrjak.
Nòm kerek nak, bil ès-is rik beselay nak nawèk wèl, dak jam tigak lèngꞌakh pon nawèk wèl dak nateꞌèl hal rik chachod gerèk nateꞌèl atèk. 6Kirak-kirak jam limak lèngꞌakh, nanak nawèk wèl ma pasah dak nanéh tik mok maròp-maròp sènꞌòy mòy wèl umtèd-ted tok bekèrjak um. Dak nanak natanyak ma umnak, ‘Nahey inyob beꞌidéh néy is bok nyob tèd-ted èn anuh tok nyob bekerèꞌjak ilok-ilok pon?!’ 7Dak umnak umsaꞌod, ‘Tok mèk-mok sènꞌòy muꞌog ma kandék kimkèrjak.’ Jadik rik beselay nak nachal, ‘Wèk lah nyob dak kèrjak èn selay anggor yék keꞌjèk.’
8Bil is eh hòj nambelayèg, rik beselay nak naꞌor ma ketuwe rik umkerèꞌjak nak, ‘Kòw lah ma rik umkerèꞌjak nak dak bayar lah gajik umnak, tekèd nòm sènꞌòy rik pèy-pay kerèꞌjak nak, sampéy lah ma rik umkerèꞌjak nòm mulak.’ #Im 19:13; Ter 24:15. 9Dak umlãj lah nèng-nèng rik umkerèꞌjak nòm jam limak lèngꞌakh naꞌtèk. Dak umnak kenèmbek umterime gajik néy duid pèrak. 10Jadik bil sènꞌòy rik umkerèꞌjak nòm yèhyah naꞌtèk umlãj, dak umnak umbèdlod akal umdapad lebéh nòm sènꞌòy gèhnih nak. Tapik umnak pon umdapad néy duid pèrak keꞌjèk. 11Jadik bil umbeterime gajik umnak, umnak umtekèd umꞌabad ma rik beselay anggor nak. 12Umnak umchal, ‘Sènꞌòy rik pèy-pay lèj-lãj nak had umkèrjak néy jam hék! Dak kandék doh hòj kikèrjak kuwad nòm yèhyah atèk èn is bèd-bëd. Tapik hãk habayar ma umnak samak ma kandék!’
13Tapik rik beselay anggor nak nasaꞌod ma néy sènꞌòy nòm umnak, ‘Kéy, yék tok ibesèꞌlok ma nyob! Bok naꞌtèk èk hòj èbesetujuk, hek? Gajik nyob nak néy duid pèrak. 14Jadik puꞌdoh kod lah duid hãh nak dak wèk lah. Yék ichèn imbayar ma sènꞌòy rik lèj-lãj kerèꞌjak nòm yek nak samak gajik eh gerèk nyob nak. 15Yék pastik mok hak yéh imteꞌèl ilok rik yék ichèn ma duid rik inak! Ke hãk hatehak lah sebab yék doh mènhãr?’”
16 #
Mat 19:30; Mrk 10:31; Luk 13:30. Dak Yèsus naꞌoglèkh tèꞌlalah maksod chenal Eh nak: “Jadik, sènꞌòy rik tok bepenting puꞌdoh èn mad sènꞌòy akal umjadik rayak èn mad Tuhan, bok sènꞌòy rik rayak èn mad sènꞌòy akal umjadik tok bepenting èn mad Tuhan.”
Yèsus nachal wèl tentang kènbes Eh
(Mrk 10:32-34; Luk 18:31-34)
17Yèsus ròb hèhoh-hèhoh Eh umwèk ma Yèrusalèm. Èn nèbchib umnak, Yèsus naꞌéd nar belas hèhoh Eh ma béng dèꞌrik um dak nachal ma umnak, 18“Keyòkh lah: èk puꞌdoh èwèk ma Yèrusalèm, dak èn anak Yék, Sènꞌòy Nòm Sorga, akal umꞌog ma mèn ketuwe imam ròb guruk agama. Umnak akal umkèrlek henukom kènbes ma Yék. 19Dak akal umꞌog Yék ma sènꞌòy kedak Yahudi. Umnak akal umchetẽk, umhemẽd dak umkèrbes ma Yék èn palok salib. Tapik bil èn arik tenigak, akal ilos iwòg wèl.”
Sènmãny amèk Yakobus ròb Yohanès
(Mrk 10:35-45)
20Pas nak amèk Yakobus ròb Yohanès, wènar nak kuwòt Sèbedius, nalãj ma Yèsus samak nar kuwòt eh nak. Rik nak natud èn sòy Yèsus untok namsemany néy hal ma Rik Nak.
21Yèsus natanyak ma rik nak, “Amok, ilok hãk hachèn?”
Rik nak nasaꞌod, “Bil Hãk hajadik Rajak èn Kerajaꞌan Hãk akal, dak yék ichèn nar kuwòt idoh wèmgel èn tempad hormad ènlẽng tep bok ènlẽng yèl Hãk.”
22Tapik Yèsus nachal ma Yakobus ròb Yohanès, “Kaꞌan tok lèng-lèkh ilok rik kaꞌan semany nak. Kaꞌan sanggob ke untok derite gerèk Yék iderite akal?”#20:22 derite gerèk Yék iderite akal Tèks asli mok kata kiasan anuh: “òng nòm kuléh rik Yék iꞌòng”
Wènar nak wèsaꞌod, “Hek! Yasanggob.”
23Dak Yèsus nachal ma wènar nak, “Mémang akal kaꞌan derite gerèk Yék iderite. Tapik Yék tok behak impili sènꞌòy rik namgel ènlẽng tep bok ènlẽng yèl Yék. Apak Yék hòj natabéh tempad nak untok sènꞌòy rik hòj napili.”
24Bil sepuloh hèhoh Yèsus rik gèhnih umkeyòkh ma gah nak, umnak umꞌõl ma Yakobus ròb Yohanès. 25Jadik Yèsus nakòw ma umnak kenèmbek dak nachal, “Nyob lèkh sènꞌòy rik beperintah èn kaum mòy mok tebikh kuwase um, dak sènꞌòy rèꞌyak umbeperintah keras dak umpakse ma sènꞌòy mòy supaye muhoh ma nèrꞌor rik umnak. #Luk 22:25,26. 26Tapik èn nyob tok boléh gerèk nak. Chok rik nachèn namjadik rayak èn nyob mestik najadik kuli bok nakèrdakh namtulong ma sènꞌòy gèhnih. #Mat 23:11; Mrk 9:35; Luk 22:26. 27Chok rik nachèn namjadik nèng-nèng mestik lah najadik kuli ma nyob kenèmbek. 28Jadik lah samak gerèk Yék, Sènꞌòy Nòm Sorga. Yék pon tok ilãj ma duniak doh supaye sènꞌòy mòy mukèrjak untok Yék. Tapik Yék ilãj untok imkèrdakh imtulong ma sènꞌòy mòy, bok imꞌog nèsgos Yék untok imbébas bok imtèrgos ma jajéh sènꞌòy.”
Yèsus natèrhakh ma nar sènꞌòy bebèybëy
(Mrk 10:46-52; Luk 18:35-43)
29Nòm kerek nak, bil Yèsus ròb hèhoh-hèhoh Eh umperak nòm kote Yèrikho, jajéh sènꞌòy umhoh ma umnak. 30Dak anak mok nar sènꞌòy bebèybëy wègel èn béng nòng, dak wèkeyòkh Yèsus nahawul nòm nak. Wènar nak wèꞌèh-éh, “Yãng, Waris Rajak Daud, kalõn lah che yar!”
31Sènꞌòy jajéh umtèdchod ma wènar nak bok umꞌor wèmsengẽk. Tapik wènar nak had wèbeꞌèh-éh lebéh kuwad wèl, “Yãng, Waris Rajak Daud! Kalõn lah che yar!”
32Yèsus nated gëb dak nakòw ma wènar nak. Dak natanyak, “Ilok kaꞌan chèn Yék imteꞌèl untok kaꞌan?”
33Wènar nak wèsaꞌod, “Yãng, yar yachèn yamnéh!”
34Yèsus nakalõn ma wènar nak dak napèk-pek ma mad wèh, dak bil nak keꞌjèk wènar nak hòj boléh wènéh bok wèhoh ma Yèsus!
Právě zvoleno:
Matius 20: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 20
20
Yèsus nabetènglèkh chenal tentang hup Allah rik mènhãr
1Yèsus nabetènglèkh wèl, “Kerajaꞌan Allah nak gerèk chòntoh doh: Mok néy sènꞌòy rik beselay anggor. Bil yèhyah tik chup, nanak nawèk nakèk-kèk sènꞌòy untok mukèrjak èn selay anggor eh nak. 2Bil hòj natèrbuk maròp-maròp sènꞌòy, rik nak nasetujuk nambayar ma umnak néy duid pèrak, gajik biyase untok sènꞌòy rik kerèꞌjak néy is. Dak nanak naꞌor umnak muwèk mukèrjak selay anggor eh nak. 3Kirak-kirak jam sembilan yèhyah, nanak nawèk wèl dak nanéh mok maròp-maròp sènꞌòy umtèd-ted èn pasah bok tok bekèrjak um. 4Jadik nanak nachal ma umnak, ‘Wèk lah dak kèrjak èn selay anggor yék. Yék akal ibayar ma nyob gajik rik adil.’ 5Dak umnak pon umwèk umkèrjak.
Nòm kerek nak, bil ès-is rik beselay nak nawèk wèl, dak jam tigak lèngꞌakh pon nawèk wèl dak nateꞌèl hal rik chachod gerèk nateꞌèl atèk. 6Kirak-kirak jam limak lèngꞌakh, nanak nawèk wèl ma pasah dak nanéh tik mok maròp-maròp sènꞌòy mòy wèl umtèd-ted tok bekèrjak um. Dak nanak natanyak ma umnak, ‘Nahey inyob beꞌidéh néy is bok nyob tèd-ted èn anuh tok nyob bekerèꞌjak ilok-ilok pon?!’ 7Dak umnak umsaꞌod, ‘Tok mèk-mok sènꞌòy muꞌog ma kandék kimkèrjak.’ Jadik rik beselay nak nachal, ‘Wèk lah nyob dak kèrjak èn selay anggor yék keꞌjèk.’
8Bil is eh hòj nambelayèg, rik beselay nak naꞌor ma ketuwe rik umkerèꞌjak nak, ‘Kòw lah ma rik umkerèꞌjak nak dak bayar lah gajik umnak, tekèd nòm sènꞌòy rik pèy-pay kerèꞌjak nak, sampéy lah ma rik umkerèꞌjak nòm mulak.’ #Im 19:13; Ter 24:15. 9Dak umlãj lah nèng-nèng rik umkerèꞌjak nòm jam limak lèngꞌakh naꞌtèk. Dak umnak kenèmbek umterime gajik néy duid pèrak. 10Jadik bil sènꞌòy rik umkerèꞌjak nòm yèhyah naꞌtèk umlãj, dak umnak umbèdlod akal umdapad lebéh nòm sènꞌòy gèhnih nak. Tapik umnak pon umdapad néy duid pèrak keꞌjèk. 11Jadik bil umbeterime gajik umnak, umnak umtekèd umꞌabad ma rik beselay anggor nak. 12Umnak umchal, ‘Sènꞌòy rik pèy-pay lèj-lãj nak had umkèrjak néy jam hék! Dak kandék doh hòj kikèrjak kuwad nòm yèhyah atèk èn is bèd-bëd. Tapik hãk habayar ma umnak samak ma kandék!’
13Tapik rik beselay anggor nak nasaꞌod ma néy sènꞌòy nòm umnak, ‘Kéy, yék tok ibesèꞌlok ma nyob! Bok naꞌtèk èk hòj èbesetujuk, hek? Gajik nyob nak néy duid pèrak. 14Jadik puꞌdoh kod lah duid hãh nak dak wèk lah. Yék ichèn imbayar ma sènꞌòy rik lèj-lãj kerèꞌjak nòm yek nak samak gajik eh gerèk nyob nak. 15Yék pastik mok hak yéh imteꞌèl ilok rik yék ichèn ma duid rik inak! Ke hãk hatehak lah sebab yék doh mènhãr?’”
16 #
Mat 19:30; Mrk 10:31; Luk 13:30. Dak Yèsus naꞌoglèkh tèꞌlalah maksod chenal Eh nak: “Jadik, sènꞌòy rik tok bepenting puꞌdoh èn mad sènꞌòy akal umjadik rayak èn mad Tuhan, bok sènꞌòy rik rayak èn mad sènꞌòy akal umjadik tok bepenting èn mad Tuhan.”
Yèsus nachal wèl tentang kènbes Eh
(Mrk 10:32-34; Luk 18:31-34)
17Yèsus ròb hèhoh-hèhoh Eh umwèk ma Yèrusalèm. Èn nèbchib umnak, Yèsus naꞌéd nar belas hèhoh Eh ma béng dèꞌrik um dak nachal ma umnak, 18“Keyòkh lah: èk puꞌdoh èwèk ma Yèrusalèm, dak èn anak Yék, Sènꞌòy Nòm Sorga, akal umꞌog ma mèn ketuwe imam ròb guruk agama. Umnak akal umkèrlek henukom kènbes ma Yék. 19Dak akal umꞌog Yék ma sènꞌòy kedak Yahudi. Umnak akal umchetẽk, umhemẽd dak umkèrbes ma Yék èn palok salib. Tapik bil èn arik tenigak, akal ilos iwòg wèl.”
Sènmãny amèk Yakobus ròb Yohanès
(Mrk 10:35-45)
20Pas nak amèk Yakobus ròb Yohanès, wènar nak kuwòt Sèbedius, nalãj ma Yèsus samak nar kuwòt eh nak. Rik nak natud èn sòy Yèsus untok namsemany néy hal ma Rik Nak.
21Yèsus natanyak ma rik nak, “Amok, ilok hãk hachèn?”
Rik nak nasaꞌod, “Bil Hãk hajadik Rajak èn Kerajaꞌan Hãk akal, dak yék ichèn nar kuwòt idoh wèmgel èn tempad hormad ènlẽng tep bok ènlẽng yèl Hãk.”
22Tapik Yèsus nachal ma Yakobus ròb Yohanès, “Kaꞌan tok lèng-lèkh ilok rik kaꞌan semany nak. Kaꞌan sanggob ke untok derite gerèk Yék iderite akal?”#20:22 derite gerèk Yék iderite akal Tèks asli mok kata kiasan anuh: “òng nòm kuléh rik Yék iꞌòng”
Wènar nak wèsaꞌod, “Hek! Yasanggob.”
23Dak Yèsus nachal ma wènar nak, “Mémang akal kaꞌan derite gerèk Yék iderite. Tapik Yék tok behak impili sènꞌòy rik namgel ènlẽng tep bok ènlẽng yèl Yék. Apak Yék hòj natabéh tempad nak untok sènꞌòy rik hòj napili.”
24Bil sepuloh hèhoh Yèsus rik gèhnih umkeyòkh ma gah nak, umnak umꞌõl ma Yakobus ròb Yohanès. 25Jadik Yèsus nakòw ma umnak kenèmbek dak nachal, “Nyob lèkh sènꞌòy rik beperintah èn kaum mòy mok tebikh kuwase um, dak sènꞌòy rèꞌyak umbeperintah keras dak umpakse ma sènꞌòy mòy supaye muhoh ma nèrꞌor rik umnak. #Luk 22:25,26. 26Tapik èn nyob tok boléh gerèk nak. Chok rik nachèn namjadik rayak èn nyob mestik najadik kuli bok nakèrdakh namtulong ma sènꞌòy gèhnih. #Mat 23:11; Mrk 9:35; Luk 22:26. 27Chok rik nachèn namjadik nèng-nèng mestik lah najadik kuli ma nyob kenèmbek. 28Jadik lah samak gerèk Yék, Sènꞌòy Nòm Sorga. Yék pon tok ilãj ma duniak doh supaye sènꞌòy mòy mukèrjak untok Yék. Tapik Yék ilãj untok imkèrdakh imtulong ma sènꞌòy mòy, bok imꞌog nèsgos Yék untok imbébas bok imtèrgos ma jajéh sènꞌòy.”
Yèsus natèrhakh ma nar sènꞌòy bebèybëy
(Mrk 10:46-52; Luk 18:35-43)
29Nòm kerek nak, bil Yèsus ròb hèhoh-hèhoh Eh umperak nòm kote Yèrikho, jajéh sènꞌòy umhoh ma umnak. 30Dak anak mok nar sènꞌòy bebèybëy wègel èn béng nòng, dak wèkeyòkh Yèsus nahawul nòm nak. Wènar nak wèꞌèh-éh, “Yãng, Waris Rajak Daud, kalõn lah che yar!”
31Sènꞌòy jajéh umtèdchod ma wènar nak bok umꞌor wèmsengẽk. Tapik wènar nak had wèbeꞌèh-éh lebéh kuwad wèl, “Yãng, Waris Rajak Daud! Kalõn lah che yar!”
32Yèsus nated gëb dak nakòw ma wènar nak. Dak natanyak, “Ilok kaꞌan chèn Yék imteꞌèl untok kaꞌan?”
33Wènar nak wèsaꞌod, “Yãng, yar yachèn yamnéh!”
34Yèsus nakalõn ma wènar nak dak napèk-pek ma mad wèh, dak bil nak keꞌjèk wènar nak hòj boléh wènéh bok wèhoh ma Yèsus!
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.