Matius 22
22
Chenal tentang kenurik benabéy
(Luk 14:15-24)
1Yèsus nagunak chenal ròb chòntoh mòy bok nabetènglèkh wèl ma mèn pemimpin Yahudi ròb sènꞌòy jajéh nak. 2Nanak nachal, “Kerajaꞌan Allah nak gerèk chenal doh:
Mok néy rajak rik nateꞌèl kenurik benabéy untok kuwòt babeh eh. 3Rajak nak naꞌor ma kuli eh muwèk bok muꞌoglèkh ma kenèmbek sènꞌòy rik hòj nasèryéh supaye mulãj ma jamuwan eh nak. Tapik umnak umjèk tok umlèj-lãj! 4Jadik rajak nak naꞌor ma kuli mòy muwèk, dak nachal, ‘Oglèkh lah ma umnak rik isèryéh nak: Keyòkh lah! Yék hòj itabéh jamuwan yék. Ibuk lembu yéh ròb kuwòt lembu rik lèsꞌos hòj umged bok umpegoh, kenèmbek nak hòj siyab. Jok lah, lãj ma kenurik benabéy nak!’ 5Tapik sènꞌòy rik umsèryéh nak had tok umbegorgèr. Umnak umwèk umteꞌèl hal mòy: mok rik wèk-wèk ma selay um, mok wèl rik wèk-wèk beꞌuros kedéy um. 6Mok sènꞌòy gèhnih rik umrèn-ròt ma kuli rajak nak, dak umteboh bok umcheleg. 7Bil rajak nak nakeyòkh gah nak, nanak naꞌõl geb. Rik nak naꞌor ma askah eh mukèrbes ma sènꞌòy rik umchègleg nak bok muchur ma kote umnak. 8Nòm kerek nak, rajak nak nakòw ma mèn kuli eh dak nachal, ‘Jamuwan benabéy doh hòj siyab, tapik sènꞌòy rik yék isèryéh nak tok behakak muhoh ma kenurik doh. 9Jadik puꞌdoh wèk lah ma lok-lok chèntag nòng èn kote doh, dak chok-chok pon rik nyob tèrbuk, sèryéh lah mulãj ma jamuwan idoh.’ 10Dak kuli eh nak umwèk ma nòng-nòng nak dak umkumpol kenèmbek sènꞌòy rik umtèrbuk anak, sènꞌòy rik méj ròb sènꞌòy rik jèdhad, sampéy lah tebikh mèn tamu èn baléy kenurik benabéy nak.
11Tapik bil rajak nak namòj untok namtèrbuk ma mèn tamu nak, nanak nanéh mok néy sènꞌòy tok nalèg-lòg bajuk rik ngèm-ngam ma kenurik benabéy nak. 12Dak rajak nachal ma sènꞌòy nak, ‘Kéy, hãk tok halèg-lòg nèglòg untok kenurik benabéy doh. Hãk tok patod hammòj ma doh!’ Dak sènꞌòy nak tok dapad namsaꞌod néy nyag pon. 13Dak anak rajak naꞌor ma mèn kuli eh, ‘Beg lah jukh ròb tikh sènꞌòy doh dak suwèd lah ma béng, ma tempad rik paléng rengah. Èn anak sènꞌòy akal umyam umꞌarew bok mòny um kenèjrej sebab umderite geb.’” #Mat 8:12; 25:30; Luk 13:28.
14Yèsus natèrsòj chenal Eh nak dak nachal, “Jajéh sènꞌòy rik Allah nakòw, tapik had amès hék sènꞌòy rik Allah napili.”
Sènꞌòy Parisi umtanyak ma Yèsus tentang duid chukay
(Mrk 12:13-17; Luk 20:20-26)
15Nòm kerek hòj umkeyòkh ma chenal-chenal Yèsus naꞌtèk, sènꞌòy Parisi umperak nòm nak dak umbepakad untok mukèrnak ma Yèsus nòm nèlchal Eh. 16Umnak umtèrꞌèn maròp-maròp hèhoh um samak hèhoh-hèhoh Rajak Hèrodès untok mutèrbuk ma Yèsus. Dak umnak umchal, “Guruk, kandék kilèkh Hãk nak sènꞌòy rik kènmën, bok hatènglèkh tèꞌlalah tentang nòng nènchèn Allah. Hãk tok habeꞌinchéh, bok tok hatèng-tukh ma benèdlod sènꞌòy mòy. 17Jadik, chal lah ma kandék ilok benèdlod Hãk: kalòw èhoh ma Hukom Tuhan, boléh bayar ke chukay nak ma Rajak Rayak èn Roma atòw hõy?”#22:17 Sènꞌòy Yahudi umjèk ma kerajaꞌan Roma nak. Jadik, kalòw Yèsus nachal haros umbayar chukay nak ma Rajak Rayak èn Roma, sènꞌòy Yahudi akal umjèk ma Rik Nak. Tapik kalòw Yèsus nachal tok payah mubayar, mèn pemimpin Yahudi nak boléh umripod ma kerajaꞌan Roma supaye muròt ma Yèsus.
18Tapik Yèsus nalèkh ma enampèk jèdhad umnak. Nanak nachal ma umnak, “Nyob sènꞌòy bemèrhĩr! Nahey inyob bechubak nyomkèrnak ma Yék? 19Pèrnéh ma Yék néy kupang rik nyob gunak untok bayar chukay nak.” Dak umnak pon umꞌèn kupang pèrak nak ma Yèsus.
20Yèsus natanyak ma umnak, “Gambah ròb kenëh chok rik umtulis èn kupang doh?”
21Umnak umsaꞌod, “Rajak Roma.”
Dak anak Yèsus nachal ma umnak, “Jadik, og lah milik rajak Roma nak ma rajak Roma, bok milik Allah ma Allah.”
22Umnak umbèlꞌih geb bil umkeyòkh ma nèlchal Yèsus nak, dak pas nak umperak Eh dak umwèk.
Sènꞌòy Saduki umtanyak ma Yèsus tentang nègwòg sènꞌòy kèsbes
(Mrk 12:18-27; Luk 20:27-40)
23Bil is nak keꞌjèk mok umlãj ma Yèsus maròp-maròp sènꞌòy nòm pitak Saduki, guruk agama Yahudi rik tok umpechaye sènꞌòy kèsbes akal mulos muwòg wèl.#Tèn 23:8. 24Umnak umchal ma Yèsus, “Guruk, èn Hukom Tuhan Musa nabetènglèkh ma èk: ‘Kalòw néy babeh nakebes èn tèk-tik tok bekuwòt, mèrpek babeh eh haros naselòg ma balakh eh nak supaye namdapad waris untok sènꞌòy rik kèsbes nak.’ #Ter 25:5. 25Nak, hatòp mok èn anuh tujoh sènꞌòy mèrpek bèhbeh. Rik mulak long nak nababéy ma babok, tapik nakebes èn tèk-tik tok bekuwòt. Jadik pek eh rik kedua nak nababéy ma balakh eh nak. 26Tapik rik kedua nak pon nakebes èn tèk-tik tok bekuwòt. Hal chachod keꞌjèk nabelakuk ma pek rik tenigak. Dak gerèk nak keꞌjèk nabelakuk ma kenèmbek mèrpek bèhbeh gèhnih, sampéy rik tenujoh. 27Dak sèj-sòj eh nak, babok nak nakebes keꞌjèk. 28Jadik, kalòw kemën sènꞌòy kèsbes nak akal umwòg wèl, dak léh chok lah babok nak? Sebab tujoh mèrpek bèhbeh nak hòj umbabéy ma rik nak.”
29Yèsus nasaꞌod ma umnak, “Nyob doh silab lah! Nyob tok nyob lèng-lèkh ma Kitab atòw pon ma kuwase Allah. 30Bil Allah natèrwòg ma sènꞌòy kèsbes, akal umjadik gerèk melaykat èn sorga: bèhbeh ròb bèꞌbok tok umsèglòg wèl. 31Dak pastik lah kemën sènꞌòy kèsbes akal umwòg wèl. Nyob hòj nyob bache lah èn kelòj Kitab ilok rik Allah nachal nak: 32‘Yék lah Allah Abraham, Isak, ròb Yakob.’ #Her 3:6. Yab mase nak tòp tigak yak dòt bej èh nak hòj umkebes manah, tapik Allah nachal umnak tik umgès-gos bok umsindol ma Rik Nak. Jadik, Nanak kedak lah Allah sènꞌòy kèsbes, tapik Nanak Allah sènꞌòy gès-gos.”
33Dak sènꞌòy jajéh rik umkèngyòkh ma Yèsus nak umbèlꞌih geb ma tenènglèkh Eh nak.
Nèrꞌor Allah rik paléng penting
(Mrk 12:28-34; Luk 10:25-28)
34Pas nak sènꞌòy Parisi umkeyòkh Yèsus hòj nakèrlah ma sènꞌòy Saduki naꞌtèk sampéy umkedëk sengẽk. Jadik sènꞌòy Parisi nak umbekumpol untok mutèrbuk wèl ma Yèsus. 35Dak èn umnak mok néy sènꞌòy guruk Hukom Tuhan, rik nak nachubak namkèrnak ma Yèsus nòm tenanyak doh: 36“Guruk, nèrꞌor naꞌlok rik paléng penting èn Hukom Tuhan?”
37Yèsus nasaꞌod ma rik nak, “‘Haros lah kemën-kemën hasayèkh ma Tuhan Allah hãk: nòm hup hãk, nòm ruway hãk, bok nòm benèdlod hãk.’#Ter 6:5. 38Unak lah nèrꞌor Allah rik mulak bok paléng penting. 39Dak rik kedua doh pon penting, samak gerèk rik mulak atèk: ‘Sayèkh lah ma sènꞌòy mòy gerèk hasayèkh rik ma rik hãh.’#Im 19:18. 40Kenèmbek Hukom Tuhan ròb tenènglèkh mèn nabi umkod nòm nar nèrꞌor Allah doh.” #Luk 10:25-28.
Yèsus, Mèsias, lebéh rayak nòm Rajak Daud
(Mrk 12:35-37; Luk 20:41-44)
41Bil sènꞌòy Parisi tik umbekumpol èn anak, Yèsus natanyak ma umnak, 42“Rèk lok ma benèdlod nyob tentang Mèsias nak? Nòm waris chok Rik Nak?”
Umnak umsaꞌod, “Nòm waris Rajak Daud.”
43Dak Yèsus natanyak wèl ma umnak, “Jadik nahey Rajak Daud nakòw ma Mèsias nak, ‘Tuhan yék?’ Sebab bil Ruway Kudus napimpin ma Rajak Daud manah tòp, Daud nachal:
44‘TUHAN Allah nachal ma Tuhan yék:
“Gel lah èn tempad paléng hormad ènlẽng tep Yéh,
sampéy Yék imkèrlah ma mèsmus Hãh,
dak imdol èn tèk jukh Hãh.”’ #En 110:1.
45Yab Mèsias nak nalãj nòm waris Rajak Daud, Rajak Daud irik nakòw ma Rik Nak, ‘Tuhan yék.’ Jadik maksod eh Mèsias nak pastik lebéh rayak nòm Rajak Daud! Rèk lok bok rèk nak?”
46Èn sènꞌòy Parisi naꞌtèk tok mèk-mok néy sènꞌòy pon dapad namsaꞌod ma tenanyak Yèsus nak. Dak nòm is nak hòj tok mèk-mok chok-chok rik belamid mutanyak ma Yèsus wèl.
Právě zvoleno:
Matius 22: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 22
22
Chenal tentang kenurik benabéy
(Luk 14:15-24)
1Yèsus nagunak chenal ròb chòntoh mòy bok nabetènglèkh wèl ma mèn pemimpin Yahudi ròb sènꞌòy jajéh nak. 2Nanak nachal, “Kerajaꞌan Allah nak gerèk chenal doh:
Mok néy rajak rik nateꞌèl kenurik benabéy untok kuwòt babeh eh. 3Rajak nak naꞌor ma kuli eh muwèk bok muꞌoglèkh ma kenèmbek sènꞌòy rik hòj nasèryéh supaye mulãj ma jamuwan eh nak. Tapik umnak umjèk tok umlèj-lãj! 4Jadik rajak nak naꞌor ma kuli mòy muwèk, dak nachal, ‘Oglèkh lah ma umnak rik isèryéh nak: Keyòkh lah! Yék hòj itabéh jamuwan yék. Ibuk lembu yéh ròb kuwòt lembu rik lèsꞌos hòj umged bok umpegoh, kenèmbek nak hòj siyab. Jok lah, lãj ma kenurik benabéy nak!’ 5Tapik sènꞌòy rik umsèryéh nak had tok umbegorgèr. Umnak umwèk umteꞌèl hal mòy: mok rik wèk-wèk ma selay um, mok wèl rik wèk-wèk beꞌuros kedéy um. 6Mok sènꞌòy gèhnih rik umrèn-ròt ma kuli rajak nak, dak umteboh bok umcheleg. 7Bil rajak nak nakeyòkh gah nak, nanak naꞌõl geb. Rik nak naꞌor ma askah eh mukèrbes ma sènꞌòy rik umchègleg nak bok muchur ma kote umnak. 8Nòm kerek nak, rajak nak nakòw ma mèn kuli eh dak nachal, ‘Jamuwan benabéy doh hòj siyab, tapik sènꞌòy rik yék isèryéh nak tok behakak muhoh ma kenurik doh. 9Jadik puꞌdoh wèk lah ma lok-lok chèntag nòng èn kote doh, dak chok-chok pon rik nyob tèrbuk, sèryéh lah mulãj ma jamuwan idoh.’ 10Dak kuli eh nak umwèk ma nòng-nòng nak dak umkumpol kenèmbek sènꞌòy rik umtèrbuk anak, sènꞌòy rik méj ròb sènꞌòy rik jèdhad, sampéy lah tebikh mèn tamu èn baléy kenurik benabéy nak.
11Tapik bil rajak nak namòj untok namtèrbuk ma mèn tamu nak, nanak nanéh mok néy sènꞌòy tok nalèg-lòg bajuk rik ngèm-ngam ma kenurik benabéy nak. 12Dak rajak nachal ma sènꞌòy nak, ‘Kéy, hãk tok halèg-lòg nèglòg untok kenurik benabéy doh. Hãk tok patod hammòj ma doh!’ Dak sènꞌòy nak tok dapad namsaꞌod néy nyag pon. 13Dak anak rajak naꞌor ma mèn kuli eh, ‘Beg lah jukh ròb tikh sènꞌòy doh dak suwèd lah ma béng, ma tempad rik paléng rengah. Èn anak sènꞌòy akal umyam umꞌarew bok mòny um kenèjrej sebab umderite geb.’” #Mat 8:12; 25:30; Luk 13:28.
14Yèsus natèrsòj chenal Eh nak dak nachal, “Jajéh sènꞌòy rik Allah nakòw, tapik had amès hék sènꞌòy rik Allah napili.”
Sènꞌòy Parisi umtanyak ma Yèsus tentang duid chukay
(Mrk 12:13-17; Luk 20:20-26)
15Nòm kerek hòj umkeyòkh ma chenal-chenal Yèsus naꞌtèk, sènꞌòy Parisi umperak nòm nak dak umbepakad untok mukèrnak ma Yèsus nòm nèlchal Eh. 16Umnak umtèrꞌèn maròp-maròp hèhoh um samak hèhoh-hèhoh Rajak Hèrodès untok mutèrbuk ma Yèsus. Dak umnak umchal, “Guruk, kandék kilèkh Hãk nak sènꞌòy rik kènmën, bok hatènglèkh tèꞌlalah tentang nòng nènchèn Allah. Hãk tok habeꞌinchéh, bok tok hatèng-tukh ma benèdlod sènꞌòy mòy. 17Jadik, chal lah ma kandék ilok benèdlod Hãk: kalòw èhoh ma Hukom Tuhan, boléh bayar ke chukay nak ma Rajak Rayak èn Roma atòw hõy?”#22:17 Sènꞌòy Yahudi umjèk ma kerajaꞌan Roma nak. Jadik, kalòw Yèsus nachal haros umbayar chukay nak ma Rajak Rayak èn Roma, sènꞌòy Yahudi akal umjèk ma Rik Nak. Tapik kalòw Yèsus nachal tok payah mubayar, mèn pemimpin Yahudi nak boléh umripod ma kerajaꞌan Roma supaye muròt ma Yèsus.
18Tapik Yèsus nalèkh ma enampèk jèdhad umnak. Nanak nachal ma umnak, “Nyob sènꞌòy bemèrhĩr! Nahey inyob bechubak nyomkèrnak ma Yék? 19Pèrnéh ma Yék néy kupang rik nyob gunak untok bayar chukay nak.” Dak umnak pon umꞌèn kupang pèrak nak ma Yèsus.
20Yèsus natanyak ma umnak, “Gambah ròb kenëh chok rik umtulis èn kupang doh?”
21Umnak umsaꞌod, “Rajak Roma.”
Dak anak Yèsus nachal ma umnak, “Jadik, og lah milik rajak Roma nak ma rajak Roma, bok milik Allah ma Allah.”
22Umnak umbèlꞌih geb bil umkeyòkh ma nèlchal Yèsus nak, dak pas nak umperak Eh dak umwèk.
Sènꞌòy Saduki umtanyak ma Yèsus tentang nègwòg sènꞌòy kèsbes
(Mrk 12:18-27; Luk 20:27-40)
23Bil is nak keꞌjèk mok umlãj ma Yèsus maròp-maròp sènꞌòy nòm pitak Saduki, guruk agama Yahudi rik tok umpechaye sènꞌòy kèsbes akal mulos muwòg wèl.#Tèn 23:8. 24Umnak umchal ma Yèsus, “Guruk, èn Hukom Tuhan Musa nabetènglèkh ma èk: ‘Kalòw néy babeh nakebes èn tèk-tik tok bekuwòt, mèrpek babeh eh haros naselòg ma balakh eh nak supaye namdapad waris untok sènꞌòy rik kèsbes nak.’ #Ter 25:5. 25Nak, hatòp mok èn anuh tujoh sènꞌòy mèrpek bèhbeh. Rik mulak long nak nababéy ma babok, tapik nakebes èn tèk-tik tok bekuwòt. Jadik pek eh rik kedua nak nababéy ma balakh eh nak. 26Tapik rik kedua nak pon nakebes èn tèk-tik tok bekuwòt. Hal chachod keꞌjèk nabelakuk ma pek rik tenigak. Dak gerèk nak keꞌjèk nabelakuk ma kenèmbek mèrpek bèhbeh gèhnih, sampéy rik tenujoh. 27Dak sèj-sòj eh nak, babok nak nakebes keꞌjèk. 28Jadik, kalòw kemën sènꞌòy kèsbes nak akal umwòg wèl, dak léh chok lah babok nak? Sebab tujoh mèrpek bèhbeh nak hòj umbabéy ma rik nak.”
29Yèsus nasaꞌod ma umnak, “Nyob doh silab lah! Nyob tok nyob lèng-lèkh ma Kitab atòw pon ma kuwase Allah. 30Bil Allah natèrwòg ma sènꞌòy kèsbes, akal umjadik gerèk melaykat èn sorga: bèhbeh ròb bèꞌbok tok umsèglòg wèl. 31Dak pastik lah kemën sènꞌòy kèsbes akal umwòg wèl. Nyob hòj nyob bache lah èn kelòj Kitab ilok rik Allah nachal nak: 32‘Yék lah Allah Abraham, Isak, ròb Yakob.’ #Her 3:6. Yab mase nak tòp tigak yak dòt bej èh nak hòj umkebes manah, tapik Allah nachal umnak tik umgès-gos bok umsindol ma Rik Nak. Jadik, Nanak kedak lah Allah sènꞌòy kèsbes, tapik Nanak Allah sènꞌòy gès-gos.”
33Dak sènꞌòy jajéh rik umkèngyòkh ma Yèsus nak umbèlꞌih geb ma tenènglèkh Eh nak.
Nèrꞌor Allah rik paléng penting
(Mrk 12:28-34; Luk 10:25-28)
34Pas nak sènꞌòy Parisi umkeyòkh Yèsus hòj nakèrlah ma sènꞌòy Saduki naꞌtèk sampéy umkedëk sengẽk. Jadik sènꞌòy Parisi nak umbekumpol untok mutèrbuk wèl ma Yèsus. 35Dak èn umnak mok néy sènꞌòy guruk Hukom Tuhan, rik nak nachubak namkèrnak ma Yèsus nòm tenanyak doh: 36“Guruk, nèrꞌor naꞌlok rik paléng penting èn Hukom Tuhan?”
37Yèsus nasaꞌod ma rik nak, “‘Haros lah kemën-kemën hasayèkh ma Tuhan Allah hãk: nòm hup hãk, nòm ruway hãk, bok nòm benèdlod hãk.’#Ter 6:5. 38Unak lah nèrꞌor Allah rik mulak bok paléng penting. 39Dak rik kedua doh pon penting, samak gerèk rik mulak atèk: ‘Sayèkh lah ma sènꞌòy mòy gerèk hasayèkh rik ma rik hãh.’#Im 19:18. 40Kenèmbek Hukom Tuhan ròb tenènglèkh mèn nabi umkod nòm nar nèrꞌor Allah doh.” #Luk 10:25-28.
Yèsus, Mèsias, lebéh rayak nòm Rajak Daud
(Mrk 12:35-37; Luk 20:41-44)
41Bil sènꞌòy Parisi tik umbekumpol èn anak, Yèsus natanyak ma umnak, 42“Rèk lok ma benèdlod nyob tentang Mèsias nak? Nòm waris chok Rik Nak?”
Umnak umsaꞌod, “Nòm waris Rajak Daud.”
43Dak Yèsus natanyak wèl ma umnak, “Jadik nahey Rajak Daud nakòw ma Mèsias nak, ‘Tuhan yék?’ Sebab bil Ruway Kudus napimpin ma Rajak Daud manah tòp, Daud nachal:
44‘TUHAN Allah nachal ma Tuhan yék:
“Gel lah èn tempad paléng hormad ènlẽng tep Yéh,
sampéy Yék imkèrlah ma mèsmus Hãh,
dak imdol èn tèk jukh Hãh.”’ #En 110:1.
45Yab Mèsias nak nalãj nòm waris Rajak Daud, Rajak Daud irik nakòw ma Rik Nak, ‘Tuhan yék.’ Jadik maksod eh Mèsias nak pastik lebéh rayak nòm Rajak Daud! Rèk lok bok rèk nak?”
46Èn sènꞌòy Parisi naꞌtèk tok mèk-mok néy sènꞌòy pon dapad namsaꞌod ma tenanyak Yèsus nak. Dak nòm is nak hòj tok mèk-mok chok-chok rik belamid mutanyak ma Yèsus wèl.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.