Matius 1
1
Senaray yak dòt bej Yèsus Kristus
(Luk 3:23-38)
1Doh lah senaray yak dòt bej Yèsus Kristus. Yèsus nalãj nòm waris Rajak Daud bok nòm waris Abraham. Mok empad belas waris nòm Abraham ma Rajak Daud, kenëh umnak gerèk doh:
2-6aAbraham apak Isak,
Isak nak apak Yakob,
Yakob nak apak Yèhudah ròb mèrpek eh,
Yèhudah nak apak Pèrès ròb Sèrah (amèk wèh nak rik bekenëh Tamar),
Pèrès nak apak Hèsron,
Hèsron nak apak Ram,
Ram nak apak Aminadab,
Aminadab nak apak Nahasòn,
Nahasòn nak apak Salmòn,
Salmòn nak apak Boas (amèk eh nak Rahab),
Boas nak apak Obèd (amèk eh nak Rut),
Obèd nak apak Isay,
Isay nak apak Rajak Daud.
6b-11Nòm mase Rajak Daud nak, mok empad belas waris wèl sampéy ma mase sènꞌòy mèsmus umròt ma sènꞌòy Israꞌèl dak umꞌèn ma tèk Babèl. Kenëh umnak gerèk doh:
Rajak Daud apak Salomo (amèk eh nak léh Uriya),
Salomo nak apak Rèhoboam,
Rèhoboam nak apak Abiya,
Abiya nak apak Asa,
Asa nak apak Yosapat,
Yosapat nak apak Yoram,
Yoram nak apak Usiya,
Usiya nak apak Yotam,
Yotam nak apak Ahas,
Ahas nak apak Hiskiya,
Hiskiya nak apak Manaseh,
Manaseh nak apak Amon,
Amon nak apak Yosiya,
Yosiya nak apak Yoyakhin ròb mèrpek eh. #2 Raj 24:14,15; 2 Sej 36:10; Yèr 27:20.
12-16Nòm mase sènꞌòy mèsmus umròt ma sènꞌòy Israꞌèl dak umꞌèn ma tèk Babèl, mok empad belas waris wèl sampéy ma nèsyos Yèsus. Kenëh umnak gerèk doh:
Yoyakhin nak apak Sèaltièl,
Sèaltièl nak apak Sèrubabèl,
Sèrubabèl nak apak Abihud,
Abihud nak apak Èlyakim,
Èlyakim nak apak Asor,
Asor nak apak Sadok,
Sadok nak apak Akim,
Akim nak apak Èliyud,
Èliyud nak apak Èliyésar,
Èliyésar nak apak Matan,
Matan nak apak Yakob,
Yakob nak apak Yusop,
Yusop nak tòw Maria.
Dak Maria lah irik yès-yos ma Yèsus, rik umdéh Kristus.
17Jadik, mok empad belas waris nòm jaman Abraham sampéy ma jaman Daud. Dak mok keꞌjèk empad belas waris nòm Daud sampéy ma mase mèsmus umꞌèn kaum Israꞌèl ma tèk Babèl. Dak mok keꞌjèk empad belas waris nòm mase nak sampéy lah ma nèsyos Yèsus, Kristus.
Nèsyos Yèsus Kristus
(Luk 2:1-7)
18Gerèk doh lah kisah nèsyos Yèsus Kristus. Amèk Eh, Maria, hòj napèrhod nambabéy ma Yusop. Tapik èn wènar nak tèk-tik tok wèsèglòg, Maria nak nakayod nòm kuwase Ruway Kudus. #Luk 1:27. 19Yusop nabèdlod Maria nak hòj naselòg ma babeh mòy. Tapik Yusop nak néy sènꞌòy rik kènmën; rik nak tok nachèn namsèrngẽny ma Maria èn mad sènꞌòy jajéh. Sebab nak rik nak naꞌampèk nambatal perènhod benabéy wèh nak nòm chare sengẽk. 20Tapik bil Yusop tik nabebèdlod ma hal nak, mok melaykat Tuhan nalãj ma rik nak èn nèꞌpòk eh. Melaykat nak nachal, “Yusop, nòm waris Rajak Daud, agok lah tukh hambabéy ma Maria nak namjadik léh hãh, sebab kuwòt eh rik nakayod nak nòm kuwase Ruway Kudus. 21Maria akal nayos néy kuwòt babeh. Dak hãk haros hatèrjal kenëh Eh Yèsus,#1:21 Kenëh Yèsus bemaksod “Tuhan naterèsgos ma sènꞌòy.” sebab Rik Nak lah rik terèsgos ma kaum Eh nòm dose umnak.” #Luk 1:31.
22Kenèmbek nak nabelakuk supaye nambelakuk Gah Tuhan rik nabi Yèsaya natèrlòy nèng-nèng tòp:
23“Keyòkh lah! Mok néy babok benaléh akal nakayod dak nayos néy kuwòt babeh, dak Kuwòt nak akal umdéh kenëh Eh Imanuèl — rik bemaksod ‘Allah mok samak èk.’” #Yès 7:14.
24Bil Yusop nawòg nòm sènlòg eh, dak nateꞌèl ilok rik melaykat Tuhan nak naꞌor ma rik nak. Dak rik nak nababéy ma Maria, 25tapik Yusop tok nasèglòg samak Maria sampéy Maria hòj nayos kuwòt babeh eh nak. Dak Yusop natèrjal kenëh Kuwòt nak Yèsus. #Luk 2:21.
Právě zvoleno:
Matius 1: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 1
1
Senaray yak dòt bej Yèsus Kristus
(Luk 3:23-38)
1Doh lah senaray yak dòt bej Yèsus Kristus. Yèsus nalãj nòm waris Rajak Daud bok nòm waris Abraham. Mok empad belas waris nòm Abraham ma Rajak Daud, kenëh umnak gerèk doh:
2-6aAbraham apak Isak,
Isak nak apak Yakob,
Yakob nak apak Yèhudah ròb mèrpek eh,
Yèhudah nak apak Pèrès ròb Sèrah (amèk wèh nak rik bekenëh Tamar),
Pèrès nak apak Hèsron,
Hèsron nak apak Ram,
Ram nak apak Aminadab,
Aminadab nak apak Nahasòn,
Nahasòn nak apak Salmòn,
Salmòn nak apak Boas (amèk eh nak Rahab),
Boas nak apak Obèd (amèk eh nak Rut),
Obèd nak apak Isay,
Isay nak apak Rajak Daud.
6b-11Nòm mase Rajak Daud nak, mok empad belas waris wèl sampéy ma mase sènꞌòy mèsmus umròt ma sènꞌòy Israꞌèl dak umꞌèn ma tèk Babèl. Kenëh umnak gerèk doh:
Rajak Daud apak Salomo (amèk eh nak léh Uriya),
Salomo nak apak Rèhoboam,
Rèhoboam nak apak Abiya,
Abiya nak apak Asa,
Asa nak apak Yosapat,
Yosapat nak apak Yoram,
Yoram nak apak Usiya,
Usiya nak apak Yotam,
Yotam nak apak Ahas,
Ahas nak apak Hiskiya,
Hiskiya nak apak Manaseh,
Manaseh nak apak Amon,
Amon nak apak Yosiya,
Yosiya nak apak Yoyakhin ròb mèrpek eh. #2 Raj 24:14,15; 2 Sej 36:10; Yèr 27:20.
12-16Nòm mase sènꞌòy mèsmus umròt ma sènꞌòy Israꞌèl dak umꞌèn ma tèk Babèl, mok empad belas waris wèl sampéy ma nèsyos Yèsus. Kenëh umnak gerèk doh:
Yoyakhin nak apak Sèaltièl,
Sèaltièl nak apak Sèrubabèl,
Sèrubabèl nak apak Abihud,
Abihud nak apak Èlyakim,
Èlyakim nak apak Asor,
Asor nak apak Sadok,
Sadok nak apak Akim,
Akim nak apak Èliyud,
Èliyud nak apak Èliyésar,
Èliyésar nak apak Matan,
Matan nak apak Yakob,
Yakob nak apak Yusop,
Yusop nak tòw Maria.
Dak Maria lah irik yès-yos ma Yèsus, rik umdéh Kristus.
17Jadik, mok empad belas waris nòm jaman Abraham sampéy ma jaman Daud. Dak mok keꞌjèk empad belas waris nòm Daud sampéy ma mase mèsmus umꞌèn kaum Israꞌèl ma tèk Babèl. Dak mok keꞌjèk empad belas waris nòm mase nak sampéy lah ma nèsyos Yèsus, Kristus.
Nèsyos Yèsus Kristus
(Luk 2:1-7)
18Gerèk doh lah kisah nèsyos Yèsus Kristus. Amèk Eh, Maria, hòj napèrhod nambabéy ma Yusop. Tapik èn wènar nak tèk-tik tok wèsèglòg, Maria nak nakayod nòm kuwase Ruway Kudus. #Luk 1:27. 19Yusop nabèdlod Maria nak hòj naselòg ma babeh mòy. Tapik Yusop nak néy sènꞌòy rik kènmën; rik nak tok nachèn namsèrngẽny ma Maria èn mad sènꞌòy jajéh. Sebab nak rik nak naꞌampèk nambatal perènhod benabéy wèh nak nòm chare sengẽk. 20Tapik bil Yusop tik nabebèdlod ma hal nak, mok melaykat Tuhan nalãj ma rik nak èn nèꞌpòk eh. Melaykat nak nachal, “Yusop, nòm waris Rajak Daud, agok lah tukh hambabéy ma Maria nak namjadik léh hãh, sebab kuwòt eh rik nakayod nak nòm kuwase Ruway Kudus. 21Maria akal nayos néy kuwòt babeh. Dak hãk haros hatèrjal kenëh Eh Yèsus,#1:21 Kenëh Yèsus bemaksod “Tuhan naterèsgos ma sènꞌòy.” sebab Rik Nak lah rik terèsgos ma kaum Eh nòm dose umnak.” #Luk 1:31.
22Kenèmbek nak nabelakuk supaye nambelakuk Gah Tuhan rik nabi Yèsaya natèrlòy nèng-nèng tòp:
23“Keyòkh lah! Mok néy babok benaléh akal nakayod dak nayos néy kuwòt babeh, dak Kuwòt nak akal umdéh kenëh Eh Imanuèl — rik bemaksod ‘Allah mok samak èk.’” #Yès 7:14.
24Bil Yusop nawòg nòm sènlòg eh, dak nateꞌèl ilok rik melaykat Tuhan nak naꞌor ma rik nak. Dak rik nak nababéy ma Maria, 25tapik Yusop tok nasèglòg samak Maria sampéy Maria hòj nayos kuwòt babeh eh nak. Dak Yusop natèrjal kenëh Kuwòt nak Yèsus. #Luk 2:21.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.