Matius 18
18
Chok rik rèꞌyak èn Kerajaꞌan Allah
(Mrk 9:33-37; Luk 9:46-48)
1Bil mase nak mèn hèhoh Yèsus umlãj ma Rik Nak dak umtanyak, “Chok rik paléng rayak èn Kerajaꞌan Allah?” #Luk 22:24.
2Yèsus nakòw ma néy sayẽd ajok dak nabèrted èn gagid umnak. 3Dak Yèsus nachal, “Kemën Yék ichal ma nyob: nyob kenak nyomtukar perangéy nyob bok jadik gerèk sèdyẽd jèꞌjok. Kalòw hõy, nyob akal tok pernah dapad nyommòj ma Kerajaꞌan Allah. #Mrk 10:15; Luk 18:17. 4Jadik, chok rik najadik gerèk sayẽd doh bok nabebèdlod rik eh nak tok bepenting, unak lah sènꞌòy rik paléng rayak èn Kerajaꞌan Allah. 5Dak kalòw nyob terime ma sayẽd ajok gerèk doh sebab nyob hoh ma Yék, maksod eh nyob terime ma Yék keꞌjèk.”
Yèsus naberèngleng tentang tenarèk rik tèdꞌéd ma sènꞌòy bedose
(Mrk 9:42-48; Luk 17:1-2)
6“Tapik agok lah tèdꞌéd ma sènꞌòy jèꞌjok nak rik hèh-hoh ma Yék sampéy umbedose! Terok geb lah henukom Allah ma sènꞌòy rik tèlꞌèl hal nak. Lebéh méj kalòw sènꞌòy umbeg batuk rayak èn geloh eh, dak umtèrlũd eh ma kelòj òng laud rik jèꞌrok! 7Kalõn geb lah ma sènꞌòy èn duniak doh sebab mok hal-hal rik betenèdꞌéd umnak umbedose. Hal-hal gerèk nak pastik nabelakuk, tapik terok geb lah untok sènꞌòy rik tèdꞌéd ma sènꞌòy mòy sampéy umbedose!
8 #
Mat 5:30. Kalòw jukh atòw tikh hãh natèdꞌéd hãk bedose, chòkh lah dak bes! Lebéh méj hammòj ma nèsgos jalꞌéng ènlẽng jukh atòw ènlẽng tikh hãh hék, nòm nar jukh ròb nar tikh Allah nabes hãk ma os nerake rik tok pèd-ped. 9#Mat 5:29. Bok kalòw mad hãh natèdꞌéd hãk bedose, kèrlok lah mad hãh nak dak bes! Lebéh méj hãk mok ènlẽng mad hãh hék bok hamòj ma nèsgos jalꞌéng, nòm nar mad hãh nak Allah nabes hãk ma os nerake.”
Allah tok nachèn-chèn néy hèhoh Eh pon namruj
(Luk 15:3-7)
10 #
Luk 19:10. “Bejagak-jagak lah bok agok bebèdlod hèhoh Yéh rik jèꞌjok doh tok bepenting. Sebab kemën lah Yék imchal ma nyob: Apak Yék èn sorga hòj naꞌor ma mèn melaykat mujagak ma umnak, dak melaykat umnak selaluk mok samak Rik Nak.
[11Yék, Sènꞌòy Nòm Sorga, ilãj imkèk bok imtèrgos ma sènꞌòy rèj-ruj.”]#18:11 Ènsekh tèks Yunani umtabeh ayad doh nòm Lukas 19:10.
12“Dak rèk lok benèdlod nyob: kalòw néy sènꞌòy mok seratos ikor kambikh biri, tapik néy ikor kambikh biri nak naruj, dak ilok rik nak namhey? Pastik lah nanak naperak ma sembilan puloh sembilan rik gèhnih èn tangkòl-tangkòl, dak nawèk nakèk rik rèj-ruj nak. 13Bok kemën Yék ichal ma nyob, kalòw hòj mok natèrbuk eh, pastik lah sènꞌòy nak lebéh naꞌadés wèl tentang néy ikor kambikh biri eh nak nòm sembilan puloh sembilan ikor gèhnih rik tok umrèj-ruj. 14Gerèk nak keꞌjèk Apak nyob èn sorga: Rik Nak tok nachèn-chèn néy hèhoh Yéh rik jèꞌjok pon namruj.”
Yèsus nabetènglèkh rèk lok èk haros èmteꞌèl kalòw kéy rik bepechaye nateꞌèl dose
15 #
Luk 17:3. “Kalòw kéy hãh rik bepechaye nateꞌèl dose ma hãk, wèk lah ma rik nak kaꞌan dèꞌrik dak oglèkh ilok salah rik nak nateꞌèl. Kalòw nanak nakeyòkh ma hãk, kaꞌan hòj dapad kaꞌan bema-méj wèl. 16Tapik kalòw nanak najèk tok nakèngyòkh ma hãk, éd lah néy atòw nar sènꞌòy mòy dak tèrbuk ma rik nak wèl, supaye mok sènꞌòy rik kèngyòkh bok bebukti ilok rik hãk hachal nak kemën. #Ter 19:15. 17Tapik kalòw nanak tik najèk tok nakèngyòkh ma sènꞌòy mòy naꞌtèk nak, oglèkh lah hal nak ma kenèmbek kewarge Tuhan. Dak kalòw rik nak tetab najèk tok nakèngyòkh ma kenèmbek kewarge Tuhan, anggap lah sènꞌòy nak gerèk sènꞌòy rik tok nakèlnal ma Allah atòw pon sènꞌòy rik umbechatuk duid chukay.
18 #
Mat 16:19; Yoh 20:23. Yék kemën ichal ma nyob: nyob akal nyob oglèkh ma sènꞌòy rik bepechaye ma Yék èn duniak doh ilok umnak boléh muteꞌèl, dak ilok rik tok boléh muteꞌèl. Dak ilok rik nyob chal nak, Allah èn sorga pon nasetujuk, sebab Nanak naꞌog hak nak ma nyob.
19Dak mok wèl Yék imchal ma nyob: kalòw mok nar sènꞌòy èn nyob wèsetujuk wèmpèꞌtak èn duniak doh untok ilok-ilok, dak Apak Yék èn sorga akal nasaꞌod ilok rik nyob pèꞌtak nak. 20Sebab bil mok nar atòw tigak sènꞌòy umbekumpol sebab umpechaye ma Yék, èn anak Yék pon mok èn gagid umnak.”
Yèsus naꞌoglèkh chenal tentang pegaway rik najèk tok nabeꞌampon ma sènꞌòy mòy
21 #
Luk 17:3,4. Pas nak Pètrus nalãj dak natanyak ma Yèsus, “Yãng, kalòw kéy yék sejèkh natèlꞌèl dose ma yék, maròp kalik yék haros imꞌampon ma rik nak? Ke sampéy tujoh kalik?”
22 #
Jen 4:24. Yèsus nasaꞌod, “Yék ichal ma nyob, kedak tujoh kalik hék, tapik tujoh puloh tujoh kalik!#18:22 tujoh puloh tujoh kalik atòw èn versi mòy, “70x7.” Maksod eh, ampon lah selaluk bok agok kirak! 23Yék imchal ma nyob tèꞌlalah. Kerajaꞌan Allah gerèk chenal doh:
Mok néy rajak nachèn namchèkh utang rik mèn pegaway eh hòj umpinjam nòm rik nak. 24Bil rajak nak natekèd namnéh utang umnak, mèn kuli eh umꞌéd ma rik nak néy sènꞌòy pegaway rik beꞌutang ibuk geb — lènbéh eh tok boléh èk èmkirak!#18:24 lènbéh eh tok boléh èk èmkirak! Tèks asli: “sepuloh ribuk talènta.” Èn jènman Kitab, “talènta” nak duid rik paléng rayak. Dak bil umkirak, “sepuloh ribuk” nak nòmbòr rik paléng rayak. Jadik, maksod eh lènbéh duid rik paléng rayak. 25Dak pegaway nak tok dapad nambayar utang eh nak. Jadik rajak nak naꞌor supaye mujuwal pegaway nak samak léh ròb mèn kuwòt eh bok kenèmbek harte eh nak ma sènꞌòy mòy, supaye rajak namkod duid nak. 26Dak pegaway nak natud èn sòy rajak dak naseꞌëd, ‘Yãng, kalõn lah che yék! Kalòw lah hasabah, yék akal ibayar kenèmbek utang inak!’ 27Rajak nak nagahmak nakalõn ma rik nak, dak natèrhõy kenèmbek utang eh nak dak nabébas ma rik nak.
28Tapik bil pegaway nak nahuwòl nòm nak, nanak natèrbuk ma néy pegaway mòy rik beꞌutang ma rik nak had amès hék.#18:28 had amès hék. Tèks asli: “100 duid pèrak.” Néy duid pèrak nak nilay eh gerèk gajik sènꞌòy rik kerèꞌjak néy arik, jadik utang eh nak gerèk gajik empad bulan. Dak nanak naròt bok nachegég dak nachal, ‘Tèrmak lah duid ihatòp!’ 29Dak kéy eh nak natud dak naseꞌëd, ‘Kalõn lah che yék! Kalòw lah hasabah, yék akal ibayar utang inak!’ 30Tapik rik nak najèk. Dak nawèk naripod sènꞌòy nak supaye mutèrmòj eh ma kelòj jél sampéy nanak hòj nabayar natèrsòj kenèmbek utang eh. 31Bil mèn pegaway rik gèhnih umnéh ilok rik belakuk nak, umnak umgahmak umkalõn geb dak umripod gah nak ma rajak. 32Pas nak rajak nak nakòw ma pegaway rik mulak naꞌtèk dak nachal, ‘Hãk pegaway rik jèdhad! Yék hòj itèrhõy kenèmbek utang hãh sebab hãk haseꞌëd ma yék! 33Patod eh nak hãk hamkalõn ma kéy hãh nak, gerèk yék hòj ikalõn ma hãk!’ 34Rajak nak naꞌõl geb sampéy naꞌor supaye mutèrmòj pegaway rik jèdhad nak ma kelòj jél dak mupèrjèd ma rik nak sampéy nanak nabayar kenèmbek utang eh.”
35Yèsus natèrsòj cherite eh dak nachal, “Gerèk nak lah Apak Yék èn sorga akal nateꞌèl ma nyob, kalòw èn hup nyob tok nyob ampon kemën-kemën ma kéy-kéy rik besalah ma nyob.”
Právě zvoleno:
Matius 18: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 18
18
Chok rik rèꞌyak èn Kerajaꞌan Allah
(Mrk 9:33-37; Luk 9:46-48)
1Bil mase nak mèn hèhoh Yèsus umlãj ma Rik Nak dak umtanyak, “Chok rik paléng rayak èn Kerajaꞌan Allah?” #Luk 22:24.
2Yèsus nakòw ma néy sayẽd ajok dak nabèrted èn gagid umnak. 3Dak Yèsus nachal, “Kemën Yék ichal ma nyob: nyob kenak nyomtukar perangéy nyob bok jadik gerèk sèdyẽd jèꞌjok. Kalòw hõy, nyob akal tok pernah dapad nyommòj ma Kerajaꞌan Allah. #Mrk 10:15; Luk 18:17. 4Jadik, chok rik najadik gerèk sayẽd doh bok nabebèdlod rik eh nak tok bepenting, unak lah sènꞌòy rik paléng rayak èn Kerajaꞌan Allah. 5Dak kalòw nyob terime ma sayẽd ajok gerèk doh sebab nyob hoh ma Yék, maksod eh nyob terime ma Yék keꞌjèk.”
Yèsus naberèngleng tentang tenarèk rik tèdꞌéd ma sènꞌòy bedose
(Mrk 9:42-48; Luk 17:1-2)
6“Tapik agok lah tèdꞌéd ma sènꞌòy jèꞌjok nak rik hèh-hoh ma Yék sampéy umbedose! Terok geb lah henukom Allah ma sènꞌòy rik tèlꞌèl hal nak. Lebéh méj kalòw sènꞌòy umbeg batuk rayak èn geloh eh, dak umtèrlũd eh ma kelòj òng laud rik jèꞌrok! 7Kalõn geb lah ma sènꞌòy èn duniak doh sebab mok hal-hal rik betenèdꞌéd umnak umbedose. Hal-hal gerèk nak pastik nabelakuk, tapik terok geb lah untok sènꞌòy rik tèdꞌéd ma sènꞌòy mòy sampéy umbedose!
8 #
Mat 5:30. Kalòw jukh atòw tikh hãh natèdꞌéd hãk bedose, chòkh lah dak bes! Lebéh méj hammòj ma nèsgos jalꞌéng ènlẽng jukh atòw ènlẽng tikh hãh hék, nòm nar jukh ròb nar tikh Allah nabes hãk ma os nerake rik tok pèd-ped. 9#Mat 5:29. Bok kalòw mad hãh natèdꞌéd hãk bedose, kèrlok lah mad hãh nak dak bes! Lebéh méj hãk mok ènlẽng mad hãh hék bok hamòj ma nèsgos jalꞌéng, nòm nar mad hãh nak Allah nabes hãk ma os nerake.”
Allah tok nachèn-chèn néy hèhoh Eh pon namruj
(Luk 15:3-7)
10 #
Luk 19:10. “Bejagak-jagak lah bok agok bebèdlod hèhoh Yéh rik jèꞌjok doh tok bepenting. Sebab kemën lah Yék imchal ma nyob: Apak Yék èn sorga hòj naꞌor ma mèn melaykat mujagak ma umnak, dak melaykat umnak selaluk mok samak Rik Nak.
[11Yék, Sènꞌòy Nòm Sorga, ilãj imkèk bok imtèrgos ma sènꞌòy rèj-ruj.”]#18:11 Ènsekh tèks Yunani umtabeh ayad doh nòm Lukas 19:10.
12“Dak rèk lok benèdlod nyob: kalòw néy sènꞌòy mok seratos ikor kambikh biri, tapik néy ikor kambikh biri nak naruj, dak ilok rik nak namhey? Pastik lah nanak naperak ma sembilan puloh sembilan rik gèhnih èn tangkòl-tangkòl, dak nawèk nakèk rik rèj-ruj nak. 13Bok kemën Yék ichal ma nyob, kalòw hòj mok natèrbuk eh, pastik lah sènꞌòy nak lebéh naꞌadés wèl tentang néy ikor kambikh biri eh nak nòm sembilan puloh sembilan ikor gèhnih rik tok umrèj-ruj. 14Gerèk nak keꞌjèk Apak nyob èn sorga: Rik Nak tok nachèn-chèn néy hèhoh Yéh rik jèꞌjok pon namruj.”
Yèsus nabetènglèkh rèk lok èk haros èmteꞌèl kalòw kéy rik bepechaye nateꞌèl dose
15 #
Luk 17:3. “Kalòw kéy hãh rik bepechaye nateꞌèl dose ma hãk, wèk lah ma rik nak kaꞌan dèꞌrik dak oglèkh ilok salah rik nak nateꞌèl. Kalòw nanak nakeyòkh ma hãk, kaꞌan hòj dapad kaꞌan bema-méj wèl. 16Tapik kalòw nanak najèk tok nakèngyòkh ma hãk, éd lah néy atòw nar sènꞌòy mòy dak tèrbuk ma rik nak wèl, supaye mok sènꞌòy rik kèngyòkh bok bebukti ilok rik hãk hachal nak kemën. #Ter 19:15. 17Tapik kalòw nanak tik najèk tok nakèngyòkh ma sènꞌòy mòy naꞌtèk nak, oglèkh lah hal nak ma kenèmbek kewarge Tuhan. Dak kalòw rik nak tetab najèk tok nakèngyòkh ma kenèmbek kewarge Tuhan, anggap lah sènꞌòy nak gerèk sènꞌòy rik tok nakèlnal ma Allah atòw pon sènꞌòy rik umbechatuk duid chukay.
18 #
Mat 16:19; Yoh 20:23. Yék kemën ichal ma nyob: nyob akal nyob oglèkh ma sènꞌòy rik bepechaye ma Yék èn duniak doh ilok umnak boléh muteꞌèl, dak ilok rik tok boléh muteꞌèl. Dak ilok rik nyob chal nak, Allah èn sorga pon nasetujuk, sebab Nanak naꞌog hak nak ma nyob.
19Dak mok wèl Yék imchal ma nyob: kalòw mok nar sènꞌòy èn nyob wèsetujuk wèmpèꞌtak èn duniak doh untok ilok-ilok, dak Apak Yék èn sorga akal nasaꞌod ilok rik nyob pèꞌtak nak. 20Sebab bil mok nar atòw tigak sènꞌòy umbekumpol sebab umpechaye ma Yék, èn anak Yék pon mok èn gagid umnak.”
Yèsus naꞌoglèkh chenal tentang pegaway rik najèk tok nabeꞌampon ma sènꞌòy mòy
21 #
Luk 17:3,4. Pas nak Pètrus nalãj dak natanyak ma Yèsus, “Yãng, kalòw kéy yék sejèkh natèlꞌèl dose ma yék, maròp kalik yék haros imꞌampon ma rik nak? Ke sampéy tujoh kalik?”
22 #
Jen 4:24. Yèsus nasaꞌod, “Yék ichal ma nyob, kedak tujoh kalik hék, tapik tujoh puloh tujoh kalik!#18:22 tujoh puloh tujoh kalik atòw èn versi mòy, “70x7.” Maksod eh, ampon lah selaluk bok agok kirak! 23Yék imchal ma nyob tèꞌlalah. Kerajaꞌan Allah gerèk chenal doh:
Mok néy rajak nachèn namchèkh utang rik mèn pegaway eh hòj umpinjam nòm rik nak. 24Bil rajak nak natekèd namnéh utang umnak, mèn kuli eh umꞌéd ma rik nak néy sènꞌòy pegaway rik beꞌutang ibuk geb — lènbéh eh tok boléh èk èmkirak!#18:24 lènbéh eh tok boléh èk èmkirak! Tèks asli: “sepuloh ribuk talènta.” Èn jènman Kitab, “talènta” nak duid rik paléng rayak. Dak bil umkirak, “sepuloh ribuk” nak nòmbòr rik paléng rayak. Jadik, maksod eh lènbéh duid rik paléng rayak. 25Dak pegaway nak tok dapad nambayar utang eh nak. Jadik rajak nak naꞌor supaye mujuwal pegaway nak samak léh ròb mèn kuwòt eh bok kenèmbek harte eh nak ma sènꞌòy mòy, supaye rajak namkod duid nak. 26Dak pegaway nak natud èn sòy rajak dak naseꞌëd, ‘Yãng, kalõn lah che yék! Kalòw lah hasabah, yék akal ibayar kenèmbek utang inak!’ 27Rajak nak nagahmak nakalõn ma rik nak, dak natèrhõy kenèmbek utang eh nak dak nabébas ma rik nak.
28Tapik bil pegaway nak nahuwòl nòm nak, nanak natèrbuk ma néy pegaway mòy rik beꞌutang ma rik nak had amès hék.#18:28 had amès hék. Tèks asli: “100 duid pèrak.” Néy duid pèrak nak nilay eh gerèk gajik sènꞌòy rik kerèꞌjak néy arik, jadik utang eh nak gerèk gajik empad bulan. Dak nanak naròt bok nachegég dak nachal, ‘Tèrmak lah duid ihatòp!’ 29Dak kéy eh nak natud dak naseꞌëd, ‘Kalõn lah che yék! Kalòw lah hasabah, yék akal ibayar utang inak!’ 30Tapik rik nak najèk. Dak nawèk naripod sènꞌòy nak supaye mutèrmòj eh ma kelòj jél sampéy nanak hòj nabayar natèrsòj kenèmbek utang eh. 31Bil mèn pegaway rik gèhnih umnéh ilok rik belakuk nak, umnak umgahmak umkalõn geb dak umripod gah nak ma rajak. 32Pas nak rajak nak nakòw ma pegaway rik mulak naꞌtèk dak nachal, ‘Hãk pegaway rik jèdhad! Yék hòj itèrhõy kenèmbek utang hãh sebab hãk haseꞌëd ma yék! 33Patod eh nak hãk hamkalõn ma kéy hãh nak, gerèk yék hòj ikalõn ma hãk!’ 34Rajak nak naꞌõl geb sampéy naꞌor supaye mutèrmòj pegaway rik jèdhad nak ma kelòj jél dak mupèrjèd ma rik nak sampéy nanak nabayar kenèmbek utang eh.”
35Yèsus natèrsòj cherite eh dak nachal, “Gerèk nak lah Apak Yék èn sorga akal nateꞌèl ma nyob, kalòw èn hup nyob tok nyob ampon kemën-kemën ma kéy-kéy rik besalah ma nyob.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.