Matius 16
16
Guruk agama umsemany Yèsus namteꞌèl tande untok nampèrnéh kuwase Eh
(Mrk 8:11-13; Luk 12:54-56)
1Bil néy arik maròp-maròp guruk agama nòm pitak Parisi ròb pitak Saduki umlãj untok mutarèk ma Yèsus. Umnak umsemany ma Yèsus nampèrnéh tande kuwase untok nambukti Rik Nak nalãj nòm Allah èn sorga. #Mat 12:38; Luk 11:16. 2Tapik Yèsus nasaꞌod ma umnak, [“Bil mad is najelũd, nyob sènꞌòy Yahudi nyob chal, ‘Langid eh chelekh, is jakal eh méj.’ 3Atòw pon bil yèhyah nyob chal, ‘Langid eh chelekh bok nayòm, is doh akal nadekh.’ Nyob sènꞌòy bemèrhĩr! Bil nyob néh tande gerèk nak èn langid, nyob lèkh rèk lok is nak, tapik nyob tok nyob lèng-lèkh tande-tande rik Tuhan napèrnéh ma nyob puꞌdoh!]#16:3 Ènsekh versi kuy Yunani manah tòp tok mèk-mok ayad 2-3 doh. 4Nyob sènꞌòy jaman doh jehad geb bok tok nyob setiye ma Allah! Nyob semany tande kuwase, tapik Yék tok iꞌèg-og néy tande pon ma nyob, had nyob néh akal tande gerèk ilok rik nabelakuk ma nabi Yunus manah tòp.”
Pas nak Yèsus naperak ma umnak dak nawèk nòm nak. #Mat 12:39; Luk 11:29.
Yèsus naberèngleng ma mèn hèhoh Eh tentang tenènglèkh sènꞌòy Parisi ròb sènꞌòy Saduki
(Mrk 8:14-21)
5Bil Yèsus ròb hèhoh Eh umwèk ma lantiw pang, mèn hèhoh Eh umwel muꞌèn ruti. 6Yèsus nachal ma umnak, “Bejagak-jagak lah! Bok selaluk bebèh-bèh lah supaye agok nyomkenak ma ibu ruti nòm sènꞌòy Parisi ròb Saduki.” #Luk 12:1.
7Pas nak mèn hèhoh Eh umcha-chal kaban rik um tentang maksod nèlchal Yèsus nak, umchal, “Sabok Nanak nachal gerèk nak sebab èk tok èꞌèn-èn ruti!”
8Yèsus nalèkh ilok umnak umbecharak nak, dak nachal, “Pechaye nyob doh had amès hék! Bok nahey inyob becharak kaban rik tentang hal tok beꞌèn-èn ruti? 9Nyob tèk-tik tok nyob lèng-lèkh! Dak hòj nyob wel lah rèk lok Yék igeyèg limak panggel ruti nak untok limak ribuk sènꞌòy? Maròp ragok ènsekh nèygéy nak nyob chatuk? #Mat 14:17-21. 10Dak bil Yék igeyèg tujoh panggel ruti untok empad ribuk sènꞌòy nak wèl? Maròp ragok ènsekh nèygéy nak nyob chatuk? #Mat 15:34-38. 11Jadik nahey nyob tik tok nyob lèng-lèkh maksod Yék? Yék tok ichèl-chal tentang ruti, tapik ichal, ‘Bejagak-jagak lah supaye agok nyomkenak ma ibu ruti nòm sènꞌòy Parisi ròb Saduki!’”
12Dak sèj-sòj eh bok umnak umlèkh ma maksod nèlchal Yèsus atèk: Nanak tok nabecharak tentang ibu ruti rik sènꞌòy umgunak untok muteꞌèl ruti, tapik Nanak nabèrleng ma hèhoh Eh supaye mujagak-jagak ma tenènglèkh sènꞌòy Parisi ròb sènꞌòy Saduki.
Pètrus nachal Yèsus nak Mèsias
(Mrk 8:27-30; Luk 9:18-21)
13Nòm kerek nak, Yèsus ròb hèhoh Eh umwèk ma belah rik tèꞌlok ma kote Kaysariya Pilipi. Dak anak Yèsus natanyak ma umnak, “Bil sènꞌòy umchèl-chal tentang Yék, Sènꞌòy Nòm Sorga, umnak umchal Yék doh chok?”
14Umnak umsaꞌod, “Mok rik chèl-chal Hãk Yohanès Pembaptis. Mok sènꞌòy gèhnih umchal Hãk nabi Èliya. Mok wèl sènꞌòy umchal Hãk nak nabi Yèremiah atòw nabi mòy nòm mèn nabi jènman anin tòp.” #Mat 14:1,2; Mrk 6:14,15; Luk 9:7,8.
15Dak Yèsus natanyak, “Tapik dak rèk lok ma nyob wèl? Chok Yék doh?”
16Simon Pètrus nasaꞌod, “Hãk lah Mèsias, Kuwòt Allah, Allah rik gès-gos!” #Yoh 6:68,69.
17Yèsus nachal, “Simon kuwòt Yunus, ilok hachal nak tok hakèngyòkh nòm sènꞌòy, tapik Apak Yék èn sorga nateꞌèl méj geb ma hãk bok napèrnéh hal nak ma hãk. 18Dak Yék ichal ma hãk: hãk doh Pètrus (rik bemaksod ‘batuk’). Bok gerèk sènꞌòy umteꞌèl dékh èn balikh batuk supaye namchegod, Yék akal ipakéy hãk untok imteꞌèl kewarge Tuhan rik bepechaye ma Yék, dak kenèmbek kuwase nerake#16:18 kuwase nerake Tèks asli: “rèngkak gerbang tempad sènꞌòy kèsbes.” pon tok dapad namkèrlah ma umnak! 19Yék iꞌog ma hãk kuwase èn Kerajaꞌan Allah.#16:19 kuwase èn Kerajaꞌan Allah. Tèks asli mok kiasan èn anuh: “kunchi Kerajaꞌan Allah.” Hãk akal haꞌoglèkh ma sènꞌòy rik bepechaye ma Yék ilok umnak boléh muteꞌèl, dak ilok rik tok boléh muteꞌèl. Dak ilok hãk hachal nak Allah èn sorga pon nasetujuk, sebab Nanak naꞌog hak nak ma hãk.” #Mat 18:18; Yoh 20:23.
20Dak anak Yèsus nahuwok ma hèhoh Eh agok muꞌoglèkh ma chok-chok pon Rik Nak Mèsias.
Yèsus nachal tentang kènbes Eh
(Mrk 8:31—9:1; Luk 9:22-27)
21Nòm mase nak Yèsus natekèd naꞌoglèkh tèꞌlalah ma mèn hèhoh Eh, “Yék haros iwèk ma Yèrusalèm, dak mèn tèꞌtak sènꞌòy Yahudi, ketuwe imam, ròb guruk agama akal umteꞌèl ma Yék iderite ibuk geb. Dak haros lah sènꞌòy umkèrbes ma Yék, tapik bil èn arik tenigak nak akal Allah natèrwòg ma Yék wèl.”
22Tapik Pètrus najéng Yèsus ma béng dak nahuwok ma Rik Nak, “Hõy, Yãng! Tok mungkin lah Allah namperak hal nak nambelakuk ma Hãk!”
23Yèsus nawãr dak natèdchod ma Pètrus, “Iblis, wèk hãh lah nòm Yék! Hãk gerèk batuk; hakèrlakh ma Yék supaye imtades. Hãk tok habebèdlod gerèk benèdlod Allah, tapik gerèk benèdlod sènꞌòy.”
24Pas nak Yèsus nachal ma hèhoh-hèhoh Eh, “Chok rik chèn-chèn namhoh ma Yék, mestik nanak tok nahèh-hoh ma nènchèn rik eh, tapik nanak mestik nagulap palok salib eh — maksod eh, mestik lah nasanggob namderite bok namkebes supaye namhoh ma Yék. #Mat 10:38; Luk 14:27. 25Chok rik chèn-chèn namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal natèrgos nèsgos rik jalꞌéng eh nak. #Mat 10:39; Luk 17:33; Yoh 12:25. 26Tok begunak eh sènꞌòy nak mok kenèmbek harte eh èn duniak doh, tapik naruj nèsgos eh rik jalꞌéng. Tok mèk-mok ilok-ilok pon dapad namgantik nèsgos eh nak. 27Belekh lah: Yék, Sènꞌòy Nòm Sorga, pastik#16:27 pastik atòw mok ènsekh sènꞌòy umbèdlod maksod ayad doh mòy: “tok lamad wèl Yék akal ilãj” akal ilãj nòm kuwase ròb chènlakh Apak Yék, samak mèn melaykat Yék. Dak bil nak Yék akal ihukom atòw iꞌog upah ma tiyab-tiyab sènꞌòy ngam ma tènꞌèl eh. #Mat 25:31; En 62:13; Rm 2:6. 28Kemën Yék ichal ma nyob, mok maròp-maròp sènꞌòy èn anuh rik tok umkèsbes èn tèk-tik tok umnèh-néh ma Yék, Sènꞌòy Nòm Sorga, ilãj gerèk Rajak èn Kerajaꞌan Yék.”
Právě zvoleno:
Matius 16: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 16
16
Guruk agama umsemany Yèsus namteꞌèl tande untok nampèrnéh kuwase Eh
(Mrk 8:11-13; Luk 12:54-56)
1Bil néy arik maròp-maròp guruk agama nòm pitak Parisi ròb pitak Saduki umlãj untok mutarèk ma Yèsus. Umnak umsemany ma Yèsus nampèrnéh tande kuwase untok nambukti Rik Nak nalãj nòm Allah èn sorga. #Mat 12:38; Luk 11:16. 2Tapik Yèsus nasaꞌod ma umnak, [“Bil mad is najelũd, nyob sènꞌòy Yahudi nyob chal, ‘Langid eh chelekh, is jakal eh méj.’ 3Atòw pon bil yèhyah nyob chal, ‘Langid eh chelekh bok nayòm, is doh akal nadekh.’ Nyob sènꞌòy bemèrhĩr! Bil nyob néh tande gerèk nak èn langid, nyob lèkh rèk lok is nak, tapik nyob tok nyob lèng-lèkh tande-tande rik Tuhan napèrnéh ma nyob puꞌdoh!]#16:3 Ènsekh versi kuy Yunani manah tòp tok mèk-mok ayad 2-3 doh. 4Nyob sènꞌòy jaman doh jehad geb bok tok nyob setiye ma Allah! Nyob semany tande kuwase, tapik Yék tok iꞌèg-og néy tande pon ma nyob, had nyob néh akal tande gerèk ilok rik nabelakuk ma nabi Yunus manah tòp.”
Pas nak Yèsus naperak ma umnak dak nawèk nòm nak. #Mat 12:39; Luk 11:29.
Yèsus naberèngleng ma mèn hèhoh Eh tentang tenènglèkh sènꞌòy Parisi ròb sènꞌòy Saduki
(Mrk 8:14-21)
5Bil Yèsus ròb hèhoh Eh umwèk ma lantiw pang, mèn hèhoh Eh umwel muꞌèn ruti. 6Yèsus nachal ma umnak, “Bejagak-jagak lah! Bok selaluk bebèh-bèh lah supaye agok nyomkenak ma ibu ruti nòm sènꞌòy Parisi ròb Saduki.” #Luk 12:1.
7Pas nak mèn hèhoh Eh umcha-chal kaban rik um tentang maksod nèlchal Yèsus nak, umchal, “Sabok Nanak nachal gerèk nak sebab èk tok èꞌèn-èn ruti!”
8Yèsus nalèkh ilok umnak umbecharak nak, dak nachal, “Pechaye nyob doh had amès hék! Bok nahey inyob becharak kaban rik tentang hal tok beꞌèn-èn ruti? 9Nyob tèk-tik tok nyob lèng-lèkh! Dak hòj nyob wel lah rèk lok Yék igeyèg limak panggel ruti nak untok limak ribuk sènꞌòy? Maròp ragok ènsekh nèygéy nak nyob chatuk? #Mat 14:17-21. 10Dak bil Yék igeyèg tujoh panggel ruti untok empad ribuk sènꞌòy nak wèl? Maròp ragok ènsekh nèygéy nak nyob chatuk? #Mat 15:34-38. 11Jadik nahey nyob tik tok nyob lèng-lèkh maksod Yék? Yék tok ichèl-chal tentang ruti, tapik ichal, ‘Bejagak-jagak lah supaye agok nyomkenak ma ibu ruti nòm sènꞌòy Parisi ròb Saduki!’”
12Dak sèj-sòj eh bok umnak umlèkh ma maksod nèlchal Yèsus atèk: Nanak tok nabecharak tentang ibu ruti rik sènꞌòy umgunak untok muteꞌèl ruti, tapik Nanak nabèrleng ma hèhoh Eh supaye mujagak-jagak ma tenènglèkh sènꞌòy Parisi ròb sènꞌòy Saduki.
Pètrus nachal Yèsus nak Mèsias
(Mrk 8:27-30; Luk 9:18-21)
13Nòm kerek nak, Yèsus ròb hèhoh Eh umwèk ma belah rik tèꞌlok ma kote Kaysariya Pilipi. Dak anak Yèsus natanyak ma umnak, “Bil sènꞌòy umchèl-chal tentang Yék, Sènꞌòy Nòm Sorga, umnak umchal Yék doh chok?”
14Umnak umsaꞌod, “Mok rik chèl-chal Hãk Yohanès Pembaptis. Mok sènꞌòy gèhnih umchal Hãk nabi Èliya. Mok wèl sènꞌòy umchal Hãk nak nabi Yèremiah atòw nabi mòy nòm mèn nabi jènman anin tòp.” #Mat 14:1,2; Mrk 6:14,15; Luk 9:7,8.
15Dak Yèsus natanyak, “Tapik dak rèk lok ma nyob wèl? Chok Yék doh?”
16Simon Pètrus nasaꞌod, “Hãk lah Mèsias, Kuwòt Allah, Allah rik gès-gos!” #Yoh 6:68,69.
17Yèsus nachal, “Simon kuwòt Yunus, ilok hachal nak tok hakèngyòkh nòm sènꞌòy, tapik Apak Yék èn sorga nateꞌèl méj geb ma hãk bok napèrnéh hal nak ma hãk. 18Dak Yék ichal ma hãk: hãk doh Pètrus (rik bemaksod ‘batuk’). Bok gerèk sènꞌòy umteꞌèl dékh èn balikh batuk supaye namchegod, Yék akal ipakéy hãk untok imteꞌèl kewarge Tuhan rik bepechaye ma Yék, dak kenèmbek kuwase nerake#16:18 kuwase nerake Tèks asli: “rèngkak gerbang tempad sènꞌòy kèsbes.” pon tok dapad namkèrlah ma umnak! 19Yék iꞌog ma hãk kuwase èn Kerajaꞌan Allah.#16:19 kuwase èn Kerajaꞌan Allah. Tèks asli mok kiasan èn anuh: “kunchi Kerajaꞌan Allah.” Hãk akal haꞌoglèkh ma sènꞌòy rik bepechaye ma Yék ilok umnak boléh muteꞌèl, dak ilok rik tok boléh muteꞌèl. Dak ilok hãk hachal nak Allah èn sorga pon nasetujuk, sebab Nanak naꞌog hak nak ma hãk.” #Mat 18:18; Yoh 20:23.
20Dak anak Yèsus nahuwok ma hèhoh Eh agok muꞌoglèkh ma chok-chok pon Rik Nak Mèsias.
Yèsus nachal tentang kènbes Eh
(Mrk 8:31—9:1; Luk 9:22-27)
21Nòm mase nak Yèsus natekèd naꞌoglèkh tèꞌlalah ma mèn hèhoh Eh, “Yék haros iwèk ma Yèrusalèm, dak mèn tèꞌtak sènꞌòy Yahudi, ketuwe imam, ròb guruk agama akal umteꞌèl ma Yék iderite ibuk geb. Dak haros lah sènꞌòy umkèrbes ma Yék, tapik bil èn arik tenigak nak akal Allah natèrwòg ma Yék wèl.”
22Tapik Pètrus najéng Yèsus ma béng dak nahuwok ma Rik Nak, “Hõy, Yãng! Tok mungkin lah Allah namperak hal nak nambelakuk ma Hãk!”
23Yèsus nawãr dak natèdchod ma Pètrus, “Iblis, wèk hãh lah nòm Yék! Hãk gerèk batuk; hakèrlakh ma Yék supaye imtades. Hãk tok habebèdlod gerèk benèdlod Allah, tapik gerèk benèdlod sènꞌòy.”
24Pas nak Yèsus nachal ma hèhoh-hèhoh Eh, “Chok rik chèn-chèn namhoh ma Yék, mestik nanak tok nahèh-hoh ma nènchèn rik eh, tapik nanak mestik nagulap palok salib eh — maksod eh, mestik lah nasanggob namderite bok namkebes supaye namhoh ma Yék. #Mat 10:38; Luk 14:27. 25Chok rik chèn-chèn namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal natèrgos nèsgos rik jalꞌéng eh nak. #Mat 10:39; Luk 17:33; Yoh 12:25. 26Tok begunak eh sènꞌòy nak mok kenèmbek harte eh èn duniak doh, tapik naruj nèsgos eh rik jalꞌéng. Tok mèk-mok ilok-ilok pon dapad namgantik nèsgos eh nak. 27Belekh lah: Yék, Sènꞌòy Nòm Sorga, pastik#16:27 pastik atòw mok ènsekh sènꞌòy umbèdlod maksod ayad doh mòy: “tok lamad wèl Yék akal ilãj” akal ilãj nòm kuwase ròb chènlakh Apak Yék, samak mèn melaykat Yék. Dak bil nak Yék akal ihukom atòw iꞌog upah ma tiyab-tiyab sènꞌòy ngam ma tènꞌèl eh. #Mat 25:31; En 62:13; Rm 2:6. 28Kemën Yék ichal ma nyob, mok maròp-maròp sènꞌòy èn anuh rik tok umkèsbes èn tèk-tik tok umnèh-néh ma Yék, Sènꞌòy Nòm Sorga, ilãj gerèk Rajak èn Kerajaꞌan Yék.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.