Matius 15
15
Hukom Tuhan ròb adad yak dòt bej sènꞌòy Yahudi
(Mrk 7:1-13)
1Nòm kerek nak, mok maròp-maròp sènꞌòy Parisi ròb guruk agama mòy umlãj nòm Yèrusalèm untok mutèrbuk ma Yèsus. Umnak umtanyak ma Rik Nak, 2“Nahey mèn hèhoh Hãh tok umhèh-hoh ma adad yak dòt bej èk? Bok bil umgéy umnak tok umsèj-suj tikh um nèng-nèng gerèk adad èh nak!”
3Yèsus nasaꞌod ma umnak, “Bok nahey nyob nak tok nyob hèh-hoh ma nèrꞌor Allah supaye nyomkuwòp ma adad rik nyob? 4Chòntoh eh, Allah naꞌor: ‘Hormad lah ma apak nyob ròb amèk nyob,’ bok ‘Chok rik bepègyog ma apak atòw amèk eh haros nyomkèrbes.’ #Her 20:12; Ter 5:16; Her 21:17; Im 20:9. 5Tapik nyob doh nyob chal sènꞌòy nak boléh nachal ma apak ròb amèk eh, ‘Duid rik imꞌog ma kaꞌan nak hòj yiꞌog ma Allah. Bok rèk lok imtulong ma kaꞌan?’ 6Dak gerèk nak lah nyob betènglèkh ma sènꞌòy nak supaye tok nambetulong ma apak ròb amèk eh nòm duid eh nak. Jadik nyob tok begorgèr ma Gah Allah supaye nyomkuwòp ma adad rik nyob. 7Nyob sènꞌòy rik begèw-gòw méj! Tehad nabi Yèsaya natulis bil naterèylòy gah nòm Allah tentang nyob doh:
8‘Sènꞌòy doh had èn nyag um hék umhormad ma Yék, #Yès 29:13.
kemoh hup um jerok nòm Yék.
9Tok begunak umnak umsindol ma Yék,
sebab umbetènglèkh adad nòm sènꞌòy
gerèk adad nak hukom nòm Yék.’”
Hal-hal rik najadik ma sènꞌòy laꞌes èn mad Tuhan
(Mrk 7:14-23)
10Dak Yèsus nakòw ma sènꞌòy jajéh dak nachal ma umnak, “Keyòkh lah méj-méj ma Yék supaye nyomlèkh! 11Ilok rik sènꞌòy natèrmòj ma nyag eh tok dapad namjadik ma sènꞌòy nak laꞌes èn mad Tuhan. Tapik ilok rik nahuwòl nòm nyag eh, unak lah rik najadik ma sènꞌòy nak laꞌes èn mad Tuhan.”
12Pas nak mèn hèhoh Eh umlãj dak umtanyak ma Yèsus, “Ke Hãk hòj halèkh sènꞌòy Parisi umkod hup ma nèlchal Hãk nak?”
13Tapik Yèsus nasaꞌod ma mèn hèhoh Eh, “Apak Yék èn sorga akal nahukom ma kenèmbek sènꞌòy rik kedak milik rik Eh, gerèk sènꞌòy rik rèd-ròd lènlut rik tok natèm-tap nak sampéy ma èryès eh. 14Jadik agok begorgèr ma sènꞌòy Parisi nak. Umnak gerèk sènꞌòy bebèybëy rik umpeyéng ma sènꞌòy bebèybëy mèy-mòy. Dak bil sènꞌòy bebèybëy napeyéng ma sènꞌòy bebèybëy rik mèy-mòy nak, pastik akal nar-nar wèkelek ma kelòj jehòl!” #Luk 6:39.
15Dak Pètrus nasemany ma Yèsus, “Tulong oglèkh lah ma kandék tèꞌlalah maksod tenènglèkh naꞌtèk, tentang ilok rik belaꞌes èn mad Tuhan.”
16Yèsus nasaꞌod ma mèn hèhoh Eh, “Nyob doh hèhoh Yék, tapik nyob pon tèk-tik tok nyob lèng-lèkh keꞌjèk? 17Pastik nyob lèkh lah, kenèmbek ilok rik sènꞌòy umtèrmòj ma nyag um namòj ma kelòj éj, dak nahuwòl wèl. 18Tapik nèlchal rik nahuwòl nòm nyag bok nalãj nòm kelòj hup, unak lah rik najadik ma sènꞌòy laꞌes èn mad Tuhan. #Mat 12:34. 19Sebab nòm kelòj hup sènꞌòy nalãj benèdlod jèdhad, bechègleg, bebènjhéj, begalag, besèjyèj, besèꞌlok tentang sènꞌòy, bok bepègyog ma sènꞌòy. 20Hal-hal nak lah rik najadik ma sènꞌòy laꞌes èn mad Tuhan. Tapik sènꞌòy tok najadik laꞌes èn mad Tuhan kalòw nagéy nòm tikh tok benèjsuj.”
Yèsus natulong ma babok kedak Yahudi
(Mrk 7:24-30)
21Nòm kerek nak Yèsus naperak tempad nak dak nawèk ma belah rik tèꞌlok ma kote Tirus ròb kote Sidon. 22Dak mok èn anak néy babok kedak Yahudi nòm tèk Kanaꞌan. Babok nak nalãj ma Yèsus dak naꞌèh-éh, “Yãng, Waris Rajak Daud, kalõn lah che yék! Kuwòt babok yék nasid yel jèdhad bok naderite geb.”
23Tapik Yèsus tok nabesaꞌod ilok-ilok ma babok nak, sampéy mèn hèhoh Eh umlãj dak umsemany lèdbëd ma Rik Nak, “Babok nak tik nahèh-hoh dak nabeꞌèh-éh ma èk. Or lah rik nak namwèk!”
24Dak Yèsus nachal, “Allah natèrꞌèn ma Yék had imtulong ma kaum Israꞌèl — umnak gerèk kambikh biri Allah rik hòj umrèj-ruj.”
25Tapik babok nak nalãj natud èn sòy Yèsus dak nachal, “Yãng, tulong lah che yék!”
26Yèsus nasaꞌod naꞌog chòntoh ma babok nak, “Tok patod èmkod nèygéy nòm mèn kuwòt dak èmbes ma mèn chuwòk. Kaum Israꞌèl nak kuwòt Tuhan, jadik Yék patod imtulong ma umnak nèng-nèng. Tapik hãk kedak nòm sènꞌòy Israꞌèl nak, jadik hãk gerèk chuwòk nak hék.”
27Babok nak nachal, “Hek, Yãng. Tapik chuwòk pon dapad umgéy bil nèygéy kël um nak nakelek ma tèk.”#15:27 ma tèk. Tèks asli: “nòm méja.” Sènꞌòy Yahudi umgel èn méja bil umgèy-géy.
28Dak anak Yèsus nasaꞌod, “Ayah, hãk lah babok rik kemën-kemën hapechaye ma Yék! Sebab nak, ilok rik hãk hachèn nak akal nabelakuk.” Dak bil nak keꞌjèk kuwòt babok eh sejèkh nahakh.
Yèsus natèrhakh ma jajéh sènꞌòy rik umjèk-jik
29Yèsus naperak tempad nak dak nawèk ma Òng Pang Galiliya. Rik Nak nachèb-chib èn béng òng, dak pas nak natagoh ma pok dak nagel èn anak. 30Èn anak jajéh geb sènꞌòy umlãj ma Yèsus dak umꞌèn sènꞌòy rik kèlkejil jukh um, sènꞌòy bebèybëy, sènꞌòy bekantem, sènꞌòy beꞌawak, bok jajéh sènꞌòy mòy rik umjèk-jik. Dak umnak umsèrlòg ma sènꞌòy nak èn sòy Yèsus, dak Nanak natèrhakh ma umnak kenèmbek. 31Dak sènꞌòy jajéh nak umbèlꞌih bil umnéh sènꞌòy rik beꞌawak hòj umbecharak, rik bekantem hòj umhakh, rik jukh kèlkejil atèk hòj boléh umchib, dak rik bebèybëy hòj boléh umnéh! Dak umnak kenèmbek umꞌèhmah ma Allah kaum Israꞌèl.
Yèsus naꞌog nèygéy ma empad ribuk sènꞌòy
(Mrk 8:1-10)
32Pas nak Yèsus nakòw ma mèn hèhoh Eh dak nachal, “Yék ikalõn ma sènꞌòy jajéh doh. Hòj tigak arik umnak samak Yék, dak puꞌdoh umnak hòj sòj tok benèygéy. Yék tok ichèn imꞌor umnak mumak nòm éj chèꞌrok, mungkin umsèljok èn nèbchib um nakal.”
33Mèn hèhoh Eh umsaꞌod, “Èn tempad sèꞌngẽk doh, èn lok èmkèk nèygéy rik namtehad untok èmtèrgéy ma sènꞌòy rik jajéh geb gerèk doh?”
34Yèsus natanyak ma umnak, “Maròp panggel ruti rik mok èn nyob nak?”
Umnak umsaꞌod, “Tujoh. Bok mok maròp-maròp ikor kak jèꞌjok.”
35Dak anak Yèsus naꞌor ma sènꞌòy jajéh nak mugel èn tèk. 36Rik Nak nakod tujoh panggel ruti ròb kak nak, dak napèꞌtak nabeterime kaséh. Kerek nak nageyèg dak naꞌog ma hèhoh-hèhoh Eh, dak umnak umpasing nèygéy nak ma sènꞌòy jajéh. 37Umnak kenèmbek umgéy sampéy umbehik. Kerek nak umchatuk ènsekh nèygéy nak, dak umtèrbikh tujoh ragok rik rayak. 38Lènbéh rik umga-géy nak empad ribuk bèhbeh, bok tok umbekirak ma bèꞌbok ròb sèdyẽd.
39Pas nak Yèsus naꞌor sènꞌòy jajéh nak mumak. Yèsus naꞌòj ma perahuk samak mèn hèhoh Eh, dak umwèk ma belah Magadan.
Právě zvoleno:
Matius 15: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 15
15
Hukom Tuhan ròb adad yak dòt bej sènꞌòy Yahudi
(Mrk 7:1-13)
1Nòm kerek nak, mok maròp-maròp sènꞌòy Parisi ròb guruk agama mòy umlãj nòm Yèrusalèm untok mutèrbuk ma Yèsus. Umnak umtanyak ma Rik Nak, 2“Nahey mèn hèhoh Hãh tok umhèh-hoh ma adad yak dòt bej èk? Bok bil umgéy umnak tok umsèj-suj tikh um nèng-nèng gerèk adad èh nak!”
3Yèsus nasaꞌod ma umnak, “Bok nahey nyob nak tok nyob hèh-hoh ma nèrꞌor Allah supaye nyomkuwòp ma adad rik nyob? 4Chòntoh eh, Allah naꞌor: ‘Hormad lah ma apak nyob ròb amèk nyob,’ bok ‘Chok rik bepègyog ma apak atòw amèk eh haros nyomkèrbes.’ #Her 20:12; Ter 5:16; Her 21:17; Im 20:9. 5Tapik nyob doh nyob chal sènꞌòy nak boléh nachal ma apak ròb amèk eh, ‘Duid rik imꞌog ma kaꞌan nak hòj yiꞌog ma Allah. Bok rèk lok imtulong ma kaꞌan?’ 6Dak gerèk nak lah nyob betènglèkh ma sènꞌòy nak supaye tok nambetulong ma apak ròb amèk eh nòm duid eh nak. Jadik nyob tok begorgèr ma Gah Allah supaye nyomkuwòp ma adad rik nyob. 7Nyob sènꞌòy rik begèw-gòw méj! Tehad nabi Yèsaya natulis bil naterèylòy gah nòm Allah tentang nyob doh:
8‘Sènꞌòy doh had èn nyag um hék umhormad ma Yék, #Yès 29:13.
kemoh hup um jerok nòm Yék.
9Tok begunak umnak umsindol ma Yék,
sebab umbetènglèkh adad nòm sènꞌòy
gerèk adad nak hukom nòm Yék.’”
Hal-hal rik najadik ma sènꞌòy laꞌes èn mad Tuhan
(Mrk 7:14-23)
10Dak Yèsus nakòw ma sènꞌòy jajéh dak nachal ma umnak, “Keyòkh lah méj-méj ma Yék supaye nyomlèkh! 11Ilok rik sènꞌòy natèrmòj ma nyag eh tok dapad namjadik ma sènꞌòy nak laꞌes èn mad Tuhan. Tapik ilok rik nahuwòl nòm nyag eh, unak lah rik najadik ma sènꞌòy nak laꞌes èn mad Tuhan.”
12Pas nak mèn hèhoh Eh umlãj dak umtanyak ma Yèsus, “Ke Hãk hòj halèkh sènꞌòy Parisi umkod hup ma nèlchal Hãk nak?”
13Tapik Yèsus nasaꞌod ma mèn hèhoh Eh, “Apak Yék èn sorga akal nahukom ma kenèmbek sènꞌòy rik kedak milik rik Eh, gerèk sènꞌòy rik rèd-ròd lènlut rik tok natèm-tap nak sampéy ma èryès eh. 14Jadik agok begorgèr ma sènꞌòy Parisi nak. Umnak gerèk sènꞌòy bebèybëy rik umpeyéng ma sènꞌòy bebèybëy mèy-mòy. Dak bil sènꞌòy bebèybëy napeyéng ma sènꞌòy bebèybëy rik mèy-mòy nak, pastik akal nar-nar wèkelek ma kelòj jehòl!” #Luk 6:39.
15Dak Pètrus nasemany ma Yèsus, “Tulong oglèkh lah ma kandék tèꞌlalah maksod tenènglèkh naꞌtèk, tentang ilok rik belaꞌes èn mad Tuhan.”
16Yèsus nasaꞌod ma mèn hèhoh Eh, “Nyob doh hèhoh Yék, tapik nyob pon tèk-tik tok nyob lèng-lèkh keꞌjèk? 17Pastik nyob lèkh lah, kenèmbek ilok rik sènꞌòy umtèrmòj ma nyag um namòj ma kelòj éj, dak nahuwòl wèl. 18Tapik nèlchal rik nahuwòl nòm nyag bok nalãj nòm kelòj hup, unak lah rik najadik ma sènꞌòy laꞌes èn mad Tuhan. #Mat 12:34. 19Sebab nòm kelòj hup sènꞌòy nalãj benèdlod jèdhad, bechègleg, bebènjhéj, begalag, besèjyèj, besèꞌlok tentang sènꞌòy, bok bepègyog ma sènꞌòy. 20Hal-hal nak lah rik najadik ma sènꞌòy laꞌes èn mad Tuhan. Tapik sènꞌòy tok najadik laꞌes èn mad Tuhan kalòw nagéy nòm tikh tok benèjsuj.”
Yèsus natulong ma babok kedak Yahudi
(Mrk 7:24-30)
21Nòm kerek nak Yèsus naperak tempad nak dak nawèk ma belah rik tèꞌlok ma kote Tirus ròb kote Sidon. 22Dak mok èn anak néy babok kedak Yahudi nòm tèk Kanaꞌan. Babok nak nalãj ma Yèsus dak naꞌèh-éh, “Yãng, Waris Rajak Daud, kalõn lah che yék! Kuwòt babok yék nasid yel jèdhad bok naderite geb.”
23Tapik Yèsus tok nabesaꞌod ilok-ilok ma babok nak, sampéy mèn hèhoh Eh umlãj dak umsemany lèdbëd ma Rik Nak, “Babok nak tik nahèh-hoh dak nabeꞌèh-éh ma èk. Or lah rik nak namwèk!”
24Dak Yèsus nachal, “Allah natèrꞌèn ma Yék had imtulong ma kaum Israꞌèl — umnak gerèk kambikh biri Allah rik hòj umrèj-ruj.”
25Tapik babok nak nalãj natud èn sòy Yèsus dak nachal, “Yãng, tulong lah che yék!”
26Yèsus nasaꞌod naꞌog chòntoh ma babok nak, “Tok patod èmkod nèygéy nòm mèn kuwòt dak èmbes ma mèn chuwòk. Kaum Israꞌèl nak kuwòt Tuhan, jadik Yék patod imtulong ma umnak nèng-nèng. Tapik hãk kedak nòm sènꞌòy Israꞌèl nak, jadik hãk gerèk chuwòk nak hék.”
27Babok nak nachal, “Hek, Yãng. Tapik chuwòk pon dapad umgéy bil nèygéy kël um nak nakelek ma tèk.”#15:27 ma tèk. Tèks asli: “nòm méja.” Sènꞌòy Yahudi umgel èn méja bil umgèy-géy.
28Dak anak Yèsus nasaꞌod, “Ayah, hãk lah babok rik kemën-kemën hapechaye ma Yék! Sebab nak, ilok rik hãk hachèn nak akal nabelakuk.” Dak bil nak keꞌjèk kuwòt babok eh sejèkh nahakh.
Yèsus natèrhakh ma jajéh sènꞌòy rik umjèk-jik
29Yèsus naperak tempad nak dak nawèk ma Òng Pang Galiliya. Rik Nak nachèb-chib èn béng òng, dak pas nak natagoh ma pok dak nagel èn anak. 30Èn anak jajéh geb sènꞌòy umlãj ma Yèsus dak umꞌèn sènꞌòy rik kèlkejil jukh um, sènꞌòy bebèybëy, sènꞌòy bekantem, sènꞌòy beꞌawak, bok jajéh sènꞌòy mòy rik umjèk-jik. Dak umnak umsèrlòg ma sènꞌòy nak èn sòy Yèsus, dak Nanak natèrhakh ma umnak kenèmbek. 31Dak sènꞌòy jajéh nak umbèlꞌih bil umnéh sènꞌòy rik beꞌawak hòj umbecharak, rik bekantem hòj umhakh, rik jukh kèlkejil atèk hòj boléh umchib, dak rik bebèybëy hòj boléh umnéh! Dak umnak kenèmbek umꞌèhmah ma Allah kaum Israꞌèl.
Yèsus naꞌog nèygéy ma empad ribuk sènꞌòy
(Mrk 8:1-10)
32Pas nak Yèsus nakòw ma mèn hèhoh Eh dak nachal, “Yék ikalõn ma sènꞌòy jajéh doh. Hòj tigak arik umnak samak Yék, dak puꞌdoh umnak hòj sòj tok benèygéy. Yék tok ichèn imꞌor umnak mumak nòm éj chèꞌrok, mungkin umsèljok èn nèbchib um nakal.”
33Mèn hèhoh Eh umsaꞌod, “Èn tempad sèꞌngẽk doh, èn lok èmkèk nèygéy rik namtehad untok èmtèrgéy ma sènꞌòy rik jajéh geb gerèk doh?”
34Yèsus natanyak ma umnak, “Maròp panggel ruti rik mok èn nyob nak?”
Umnak umsaꞌod, “Tujoh. Bok mok maròp-maròp ikor kak jèꞌjok.”
35Dak anak Yèsus naꞌor ma sènꞌòy jajéh nak mugel èn tèk. 36Rik Nak nakod tujoh panggel ruti ròb kak nak, dak napèꞌtak nabeterime kaséh. Kerek nak nageyèg dak naꞌog ma hèhoh-hèhoh Eh, dak umnak umpasing nèygéy nak ma sènꞌòy jajéh. 37Umnak kenèmbek umgéy sampéy umbehik. Kerek nak umchatuk ènsekh nèygéy nak, dak umtèrbikh tujoh ragok rik rayak. 38Lènbéh rik umga-géy nak empad ribuk bèhbeh, bok tok umbekirak ma bèꞌbok ròb sèdyẽd.
39Pas nak Yèsus naꞌor sènꞌòy jajéh nak mumak. Yèsus naꞌòj ma perahuk samak mèn hèhoh Eh, dak umwèk ma belah Magadan.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.