Matius 14
14
Kènbes Yohanès Pembaptis
(Mrk 6:14-29; Luk 9:7-9)
1Bil mase nak Hèrodès, rik beperintah èn tèk Galiliya, nakeyòkh gah tentang Yèsus. 2Hèrodès nachal ma kuli eh, “Yék isabok Sènꞌòy rik umkòw Yèsus nak Yohanès Pembaptis, hòj nalos nagos wèl nòm kènbes eh! Sebab nak lah Rik Nak mok kuwase untok nateꞌèl tènꞌèl kuwase nak.” 3-4Udoh lah sebab eh Hèrodès nasèꞌbok gerèk nak:
Nèng-nèng tòp Hèrodès nak hòj nababéy ma Hèrodias, léh kelok eh Pilipus. Dak Yohanès hòj natèdchod mayek-mayek ma Hèrodès, nachal, “Èn Hukom Tuhan, tok boléh hababéy ma léh kelok hãh!” Jadik, supaye léh eh nak, Hèrodias, namꞌadés, Hèrodès naꞌor askah eh muròt ma Yohanès, dak umbeg bok umtèrmòj ma kelòj jél. #Luk 3:19,20.#Im 18:16; 20:21. 5Dak Hèrodès nachèn namcheleg ma Yohanès keꞌjèk, tapik nanak natukh ma sènꞌòy jajéh, sebab umnak umpechaye Yohanès nak nabi.
6Tapik bil arik jadik Hèrodès, èn jamuwan nak kuwòt babok Hèrodias nabejogèd èn sòy Hèrodès ròb mèn tamu eh. Dak benaléh nak natèrhõg ma hup Hèrodès, 7sampéy rik nak napèrhod napantakh ma benaléh nak untok namꞌog ilok-ilok pon rik nasemany. 8Dak sebab amèk eh naꞌor, benaléh nak nasemany, “Yék ichèn hamꞌog ma yék puꞌdoh kuy Yohanès Pembaptis nak èn hok!”
9Dak anak Hèrodès nasisal geb. Tapik sebab rik nak hòj napèrhod napantakh èn mad kenèmbek tamu, rik nak pon naꞌor supaye benaléh nak namdapad ilok nasemany nak. 10Nanak naꞌor ma askah namwèk ma jél dak nampanychokh ma kuy Yohanès. 11Dak askah nak naꞌèn kuy nak èn hok dak naꞌog ma benaléh nak. Babok nak pon naꞌèn naꞌog kuy Yohanès nak ma amèk eh. 12Nòm kerek nak, mèn hèhoh Yohanès umlãj umkod mayad Yohanès dak umkep. Pas nak umnak umwèk dak umꞌoglèkh ma Yèsus ilok hòj nabelakuk.
Yèsus naꞌog nèygéy ma limak ribuk sènꞌòy
(Mrk 6:30-44; Luk 9:10-17; Yoh 6:1-14)
13Bil Yèsus nakeyòkh gah kènbes Yohanès, Rik Nak naꞌòj ma perahuk samak mèn hèhoh Eh dak umwèk dèꞌrik ma tempad sèꞌngẽk. Tapik bil sènꞌòy jajéh umkeyòkh gah Yèsus hòj nawèk, umnak pon umperak nòm kote-kote um dak umchib nòm béng bok umhoh ma Rik Nak. 14Bil Yèsus nataw nòm perahuk dak nanéh ma sènꞌòy jajéh nak, nagahmak nakalõn ma umnak, dak Rik Nak natèrhakh ma sènꞌòy jèk-jik èn umnak.
15Bil is eh hòj tilok nambelayèg, mèn hèhoh Eh umlãj dak umchal ma Yèsus, “Is eh hòj namrèhngah, bok tempad doh sengẽk. Or lah sènꞌòy jajéh doh muwèk ma kampong-kampong supaye mubelik nèygéy.”
16Tapik Yèsus nasaꞌod, “Umnak tok perlu muwèk. Nyob lah irik èg-og nèygéy ma umnak.”
17Mèn hèhoh Eh umchal, “Tapik kandék had mok limak panggel ruti bok nar ikor kak!”
18Yèsus nachal, “Èn lah ma Yék doh.” 19Dak Yèsus naꞌor ma sènꞌòy jajéh nak mugel èn rambang. Yèsus nakod limak panggel ruti ròb nar ikor kak nak, nabelay ma balikh dak nabeterime kaséh ma Allah. Dak Yèsus nageyèg ruti ròb kak nak, dak naꞌog ma mèn hèhoh Eh supaye musér ma sènꞌòy jajéh nak. 20Kenèmbek sènꞌòy nak umgéy sampéy umbehik. Dak pas nak bil hèhoh Yèsus umchatuk ènsekh umgéy naꞌtèk, tèk-tik mok nar belas ragok. 21Lènbéh rik umga-géy nak limak ribuk sènꞌòy bèhbeh, tik tok umbekirak ma bèꞌbok ròb sèdyẽd.
Yèsus nachèb-chib èn riyap òng
(Mrk 6:45-52; Yoh 6:15-21)
22Pas nak sejèkh Yèsus naꞌor ma hèhoh-hèhoh Eh muꞌòj ma perahuk muwèk nèng-nèng ma lantiw pang, dak agat nak Yèsus naꞌor ma sènꞌòy jajéh nak mumak. 23Nòm kerek sènꞌòy jajéh nak hòj umwèk, Yèsus nawèk natagoh ma pok untok nampèꞌtak dèꞌrik Eh. Dak bil is eh hòj layèg, Rik Nak tik dèꞌrik èn anak. 24Bil nak mèn hèhoh Eh èn perahuk nak hòj umlòy èn gagid pang, jerok nòm béng, dak umbak kèlkeꞌũl ma perahuk um sebab natehòr kelibuy nòm sòy umnak. 25Dak bil rèhngah tèk-tik chup, Yèsus nawèk ma umnak, nachèb-chib èn riyap òng. 26Bil mèn hèhoh Eh umnéh ma Yèsus nachèb-chib èn riyap òng nak, umnak umtukh geb dak umꞌèh-éh, “Utuy gawõs!” Dak umnak umbekaraw sebab umtukh geb.
27Tapik Yèsus sejèkh nachal ma umnak, “Lamid lah hup nyob nak! Udoh Yék. Agok tukh!”
28Dak Pètrus nachal, “Yãng, kalòw Hãk nak kemën-kemën Yèsus, or lah yék imwèk ma Hãk nak imchib èn riyap òng nak.”
29Dak Yèsus nasaꞌod, “Jok lah.”
Jadik Pètrus nataw nòm perahuk dak natekèd nachib èn riyap òng ma Yèsus. 30Tapik bil Pètrus nanéh natehòr kelibuy geb, nanak natukh dak natekèd namlèd-lũd eh. Pètrus naꞌèh-éh, “Yãng, tèrgos lah che yék!” 31Yèsus sejèkh natadok tikh Eh dak nakuwòp ma Pètrus. Yèsus nachal, “Pechaye hãk had amès hék! Nahey hãk haꞌèd-id?”
32Dak Yèsus ròb Pètrus wèꞌòj ma kelòj perahuk, dak tèrhòr nak pon hòj hõy. 33Dak èn perahuk nak mèn hèhoh Yèsus umtud bok umsindol ma Rik Nak, umchal, “Hãk kemën-kemën Kuwòt Allah!”
Yèsus natèrhakh ma sènꞌòy rik umjèk-jik
(Mrk 6:53-56)
34Dak bil umnak hòj umbeleh ma lantiw, umnak umtaw èn tèk Genesarèt. 35Dak bil sènꞌòy èn anak umkenal Rik Nak Yèsus, dak umnak umwèk umꞌoglèkh ma kenèmbek belah nak Yèsus hòj nalãj. Umnak umꞌèn kenèmbek sènꞌòy rik umjèk-jik ma Yèsus, 36dak umnak umseꞌëd supaye mupek ma sòy nèglòg Yèsus hék. Dak kenèmbek sènꞌòy rik umpèk-pek ma Rik Nak umhakh.
Právě zvoleno:
Matius 14: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 14
14
Kènbes Yohanès Pembaptis
(Mrk 6:14-29; Luk 9:7-9)
1Bil mase nak Hèrodès, rik beperintah èn tèk Galiliya, nakeyòkh gah tentang Yèsus. 2Hèrodès nachal ma kuli eh, “Yék isabok Sènꞌòy rik umkòw Yèsus nak Yohanès Pembaptis, hòj nalos nagos wèl nòm kènbes eh! Sebab nak lah Rik Nak mok kuwase untok nateꞌèl tènꞌèl kuwase nak.” 3-4Udoh lah sebab eh Hèrodès nasèꞌbok gerèk nak:
Nèng-nèng tòp Hèrodès nak hòj nababéy ma Hèrodias, léh kelok eh Pilipus. Dak Yohanès hòj natèdchod mayek-mayek ma Hèrodès, nachal, “Èn Hukom Tuhan, tok boléh hababéy ma léh kelok hãh!” Jadik, supaye léh eh nak, Hèrodias, namꞌadés, Hèrodès naꞌor askah eh muròt ma Yohanès, dak umbeg bok umtèrmòj ma kelòj jél. #Luk 3:19,20.#Im 18:16; 20:21. 5Dak Hèrodès nachèn namcheleg ma Yohanès keꞌjèk, tapik nanak natukh ma sènꞌòy jajéh, sebab umnak umpechaye Yohanès nak nabi.
6Tapik bil arik jadik Hèrodès, èn jamuwan nak kuwòt babok Hèrodias nabejogèd èn sòy Hèrodès ròb mèn tamu eh. Dak benaléh nak natèrhõg ma hup Hèrodès, 7sampéy rik nak napèrhod napantakh ma benaléh nak untok namꞌog ilok-ilok pon rik nasemany. 8Dak sebab amèk eh naꞌor, benaléh nak nasemany, “Yék ichèn hamꞌog ma yék puꞌdoh kuy Yohanès Pembaptis nak èn hok!”
9Dak anak Hèrodès nasisal geb. Tapik sebab rik nak hòj napèrhod napantakh èn mad kenèmbek tamu, rik nak pon naꞌor supaye benaléh nak namdapad ilok nasemany nak. 10Nanak naꞌor ma askah namwèk ma jél dak nampanychokh ma kuy Yohanès. 11Dak askah nak naꞌèn kuy nak èn hok dak naꞌog ma benaléh nak. Babok nak pon naꞌèn naꞌog kuy Yohanès nak ma amèk eh. 12Nòm kerek nak, mèn hèhoh Yohanès umlãj umkod mayad Yohanès dak umkep. Pas nak umnak umwèk dak umꞌoglèkh ma Yèsus ilok hòj nabelakuk.
Yèsus naꞌog nèygéy ma limak ribuk sènꞌòy
(Mrk 6:30-44; Luk 9:10-17; Yoh 6:1-14)
13Bil Yèsus nakeyòkh gah kènbes Yohanès, Rik Nak naꞌòj ma perahuk samak mèn hèhoh Eh dak umwèk dèꞌrik ma tempad sèꞌngẽk. Tapik bil sènꞌòy jajéh umkeyòkh gah Yèsus hòj nawèk, umnak pon umperak nòm kote-kote um dak umchib nòm béng bok umhoh ma Rik Nak. 14Bil Yèsus nataw nòm perahuk dak nanéh ma sènꞌòy jajéh nak, nagahmak nakalõn ma umnak, dak Rik Nak natèrhakh ma sènꞌòy jèk-jik èn umnak.
15Bil is eh hòj tilok nambelayèg, mèn hèhoh Eh umlãj dak umchal ma Yèsus, “Is eh hòj namrèhngah, bok tempad doh sengẽk. Or lah sènꞌòy jajéh doh muwèk ma kampong-kampong supaye mubelik nèygéy.”
16Tapik Yèsus nasaꞌod, “Umnak tok perlu muwèk. Nyob lah irik èg-og nèygéy ma umnak.”
17Mèn hèhoh Eh umchal, “Tapik kandék had mok limak panggel ruti bok nar ikor kak!”
18Yèsus nachal, “Èn lah ma Yék doh.” 19Dak Yèsus naꞌor ma sènꞌòy jajéh nak mugel èn rambang. Yèsus nakod limak panggel ruti ròb nar ikor kak nak, nabelay ma balikh dak nabeterime kaséh ma Allah. Dak Yèsus nageyèg ruti ròb kak nak, dak naꞌog ma mèn hèhoh Eh supaye musér ma sènꞌòy jajéh nak. 20Kenèmbek sènꞌòy nak umgéy sampéy umbehik. Dak pas nak bil hèhoh Yèsus umchatuk ènsekh umgéy naꞌtèk, tèk-tik mok nar belas ragok. 21Lènbéh rik umga-géy nak limak ribuk sènꞌòy bèhbeh, tik tok umbekirak ma bèꞌbok ròb sèdyẽd.
Yèsus nachèb-chib èn riyap òng
(Mrk 6:45-52; Yoh 6:15-21)
22Pas nak sejèkh Yèsus naꞌor ma hèhoh-hèhoh Eh muꞌòj ma perahuk muwèk nèng-nèng ma lantiw pang, dak agat nak Yèsus naꞌor ma sènꞌòy jajéh nak mumak. 23Nòm kerek sènꞌòy jajéh nak hòj umwèk, Yèsus nawèk natagoh ma pok untok nampèꞌtak dèꞌrik Eh. Dak bil is eh hòj layèg, Rik Nak tik dèꞌrik èn anak. 24Bil nak mèn hèhoh Eh èn perahuk nak hòj umlòy èn gagid pang, jerok nòm béng, dak umbak kèlkeꞌũl ma perahuk um sebab natehòr kelibuy nòm sòy umnak. 25Dak bil rèhngah tèk-tik chup, Yèsus nawèk ma umnak, nachèb-chib èn riyap òng. 26Bil mèn hèhoh Eh umnéh ma Yèsus nachèb-chib èn riyap òng nak, umnak umtukh geb dak umꞌèh-éh, “Utuy gawõs!” Dak umnak umbekaraw sebab umtukh geb.
27Tapik Yèsus sejèkh nachal ma umnak, “Lamid lah hup nyob nak! Udoh Yék. Agok tukh!”
28Dak Pètrus nachal, “Yãng, kalòw Hãk nak kemën-kemën Yèsus, or lah yék imwèk ma Hãk nak imchib èn riyap òng nak.”
29Dak Yèsus nasaꞌod, “Jok lah.”
Jadik Pètrus nataw nòm perahuk dak natekèd nachib èn riyap òng ma Yèsus. 30Tapik bil Pètrus nanéh natehòr kelibuy geb, nanak natukh dak natekèd namlèd-lũd eh. Pètrus naꞌèh-éh, “Yãng, tèrgos lah che yék!” 31Yèsus sejèkh natadok tikh Eh dak nakuwòp ma Pètrus. Yèsus nachal, “Pechaye hãk had amès hék! Nahey hãk haꞌèd-id?”
32Dak Yèsus ròb Pètrus wèꞌòj ma kelòj perahuk, dak tèrhòr nak pon hòj hõy. 33Dak èn perahuk nak mèn hèhoh Yèsus umtud bok umsindol ma Rik Nak, umchal, “Hãk kemën-kemën Kuwòt Allah!”
Yèsus natèrhakh ma sènꞌòy rik umjèk-jik
(Mrk 6:53-56)
34Dak bil umnak hòj umbeleh ma lantiw, umnak umtaw èn tèk Genesarèt. 35Dak bil sènꞌòy èn anak umkenal Rik Nak Yèsus, dak umnak umwèk umꞌoglèkh ma kenèmbek belah nak Yèsus hòj nalãj. Umnak umꞌèn kenèmbek sènꞌòy rik umjèk-jik ma Yèsus, 36dak umnak umseꞌëd supaye mupek ma sòy nèglòg Yèsus hék. Dak kenèmbek sènꞌòy rik umpèk-pek ma Rik Nak umhakh.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.