Matius 13
13
Chenal tentang sènꞌòy rik narèy-ruy menéh
(Mrk 4:1-9; Luk 8:4-8)
1Bil arik chachod nak, Yèsus naperak dékh naꞌtèk dak nawèk nagèl-gel èn béng Òng Pang Galiliya. 2Jajéh geb sènꞌòy umherimung untok mukeyòkh ma Yèsus, sampéy Rik Nak naꞌòj ma perahuk. Dak anak Yèsus nagel dak nabetènglèkh ma sènꞌòy jajéh rik tèd-ted èn béng nak. #Luk 5:1-3. 3Yèsus nabetènglèkh jajéh hal ma umnak nòm chenal ròb chòntoh, gerèk chenal doh:
“Keyòkh lah méj-méj! Mok néy sènꞌòy rik besèylay nawèk ma selay eh untok namrèy-ruy menéh. 4Bil narèy-ruy nak, mok menéh rik kèꞌlek èn nòng. Dak mèn chèp umlãj bok umchòh sòj kenèmbek menéh nak. 5Mok wèl rik kèꞌlek èn tèk bebatuk rik tok beꞌibuk tèk eh. Sebab èn anak mok tèk amès, menéh nak napelad géj. 6Tapik èryès nak tok belèb-lab ma kelòj tèk, jadik bil mad is nachelakh bëd, lènlut nak umselah dak umkaréh. 7Mok keꞌjèk rik kèꞌlek èn gagid bèrher bejalak. Bèrher bejalak nalut dak natèrdug ma lènlut nak. 8Tapik mok menéh rik kèꞌlek èn tèk méj-méj dak nabekèꞌbek ibuk. Mok rik dapad seratos mad gandum, mok rik dapad enam puloh, dak mok wèl rik dapad tigak puloh.”
9Dak Yèsus nachal, “Chok rik begèntòkh, keyòkh lah méj-méj!”
Nahey Yèsus nabetènglèkh nagunak chenal ròb chòntoh
(Mrk 4:1-9; Luk 8:4-8)
10Hòj nòm kerek nak, hèhoh Yèsus umlãj ma Rik Nak dak umtanyak, “Yãng, nahey Hãk hagunak chenal ròb chòntoh bil habetènglèkh ma sènꞌòy jajéh nak?”
11Yèsus nasaꞌod, “Allah hòj naꞌog ma nyob nènglèkh tentang kerèndëk Kerajaꞌan Eh, tapik ma umnak hõy. 12Dak sènꞌòy rik umlèkh ma tenènglèkh Yék, akal Allah natabeh naꞌog nènglèkh rik beduyon-duyon ma umnak. Tapik ma sènꞌòy rik tok umlèng-lèkh ma tenènglèkh Yék, akal Allah nakod nènglèkh amès rik hòj mok èn umnak pon. #Mat 25:29; Mrk 4:25; Luk 8:18; 19:26. 13Umnak umnéh tapik tok umbèk-buk, bok umnak umkeyòkh tapik tok umlèng-lèkh. Jadik Yék ibetènglèkh ma umnak nòm chenal ròb chòntoh. 14Dak gerèk nak lah nabelakuk Gah Allah rik nabi Yèsaya naramal manah tòp nak tentang umnak: #Yès 6:9,10.
‘Nyob akal nyob keyòkh had nyob kèngyòkh,
tapik tok nyob lèng-lèkh;
nyob akal nyob néh had nyob nèh-néh,
tapik tok nyob bèk-buk.
15Sènꞌòy kaum doh sèlsadel hup#13:15 sèlsadel hup chegod hup, tengin. um,
gèntòkh umnak hòj umtãb,
dak mad umnak keꞌjèk umchekẽb,
sampéy tok dapad munéh nòm mad um,
atòw mukeyòkh nòm gèntòkh um,
atòw mulèkh nòm hup um.
Sebab kalòw umlèkh, umnak akal umlos ma Yék,
dak Yék itèrhakh ma umnak.’”
16Yèsus nachal wèl, “Tapik Allah hòj nateꞌèl méj ma nyob, sebab mad nyob boléh néh bok gèntòkh nyob boléh keyòkh. #Luk 10:23,24. 17Dak Yék kemën ichal ma nyob: jajéh nabi ròb sènꞌòy kènmën jènman anin tòp umchèn geb munéh ilok rik hòj nyob néh puꞌdoh, tapik umnak tok dapad munéh. Dak umchèn mukeyòkh ilok rik hòj nyob keyòkh, tapik tok dapad mukeyòkh.”
Yèsus naꞌoglèkh tèꞌlalah maksod chenal sènꞌòy rik narèy-ruy menéh
(Mrk 4:13-20; Luk 8:11-15)
18Dak anak Yèsus nachal, “Jadik, keyòkh lah ma maksod chenal tentang sènꞌòy rik narèy-ruy naꞌtèk: 19Menéh rik kèꞌlek èn nòng nak gerèk sènꞌòy rik kèngyòkh ma gah tentang Kerajaꞌan Allah, tapik tok umlèng-lèkh. Dak Iblis, Rik Jèdhad nak, nalãj dak narus gah rik hòj umruy èn kelòj hup umnak. 20Menéh rik kèꞌlek èn tèk bebatuk nak gerèk sènꞌòy rik umkèngyòkh gah nak dak sejèkh umterime nòm enadés. 21Tapik umnak tok umpèꞌrak Gah Allah nak namlab ma kelòj hup, jadik umnak had umtehan agat hék. Bil mok senusah atòw sènꞌòy mòy umkeseh ma umnak sebab umpechaye ma gah nak, pechaye umnak hòj hõy bok géj umperak ma Allah. 22Dak menéh rik kèꞌlek èn gagid bèrher bejalak nak gerèk sènꞌòy rik kèngyòkh gah nak, tapik umꞌèd-id ibuk tentang nèsgos um èn duniak doh bok umhoh ma senèꞌlok kenaye, sampéy tok umbegorgèr wèl ma Gah Allah nak bok gah nak tok nabekèꞌbek èn nèsgos um. 23Tapik menéh rik kèꞌlek èn tèk méj-méj nak gerèk sènꞌòy rik kèngyòkh Gah Allah nak bok umlèkh. Umnak umtèrwòl hasil rik méj-méj èn kelòj nèsgos um, gerèk lènlut rik bekèꞌbek ibuk nak: mok rik dapad seratos mad gandum, mok rik dapad enam puloh, dak mok wèl rik dapad tigak puloh.”
Chenal tentang rambang ròb gandum
24Nòm kerek nak, Yèsus naꞌoglèkh chenal mòy wèl ma umnak: “Kerajaꞌan Allah nak gerèk néy sènꞌòy rik narèy-ruy menéh rik méj èn selay eh. 25Tapik ma layèg eh nak, bil kenèmbek sènꞌòy umsèglòg, nalãj lah mèsmus eh. Mèsmus eh nak narèy-ruy menéh rambang èn selay eh nak samak menéh gandum, dak pas nak nawèk. 26Jadik bil menéh gandum nak nahin dak natekèd nabekèꞌbek, dak umnéh ma rambang nak pon nahin keꞌjèk. 27Dak kuli rik umkerèꞌjak èn selay nak umwèk ma rik bemilik selay nak dak umtanyak, ‘Yãng, hãk hatòp haruy menéh rik méj-méj èn selay hãh nak, tapik puꞌdoh mok ibuk rambang èn anak! Nòm lok lah rambang nak?’ 28Dak rik bemilik selay nak nasaꞌod, ‘Pastik kèrjak mèsmus yék!’
Dak mèn kuli eh umtanyak wèl ma rik nak, ‘Bok hachèn lah kandék kimròd ma rambang nak?’ 29Tapik rik beselay nak nasaꞌod, ‘Hõy. Kalòw nyob nyomròd ma rambang nak puꞌdoh, akal nyob ròd ma gandum nak keꞌjèk. 30Perak lah rambang nak namhin samak gandum sampéy ma musim nègtòg. Dak bil musim nègtòg, yék akal ichal ma sènꞌòy rik tèg-tòg selay nak: chatuk lah dak chekòd kenèmbek rambang nak nèng-nèng, dak chur eh. Dak pas nak dol lah gandum nak èn dékh nèldol yék.’”
Kerajaꞌan Allah naberayak gerèk menéh ajok nahin najadik jehuk rik rayak
(Mrk 4:30-32; Luk 13:18-19)
31Yèsus naꞌoglèkh ma umnak chòntoh doh wèl: “Kerajaꞌan Allah namulak nòm ajok, gerèk mad menéh sawik rik sènꞌòy natap èn selay eh. 32Menéh sawik nak rik paléng ajok nòm kenèmbek jenis menéh. Tapik bil nahin, najadik nèmtap rik lebéh rayak nòm kenèmbek nèmtap mòy èn selay nak. Bok akal najadik jehuk rik rayak, sampéy chèp umlãj dak umteꞌèl sòm umbetèmsòm èn tabak eh nak.”
Kerajaꞌan Allah gerèk ibu ruti
(Luk 13:20-21)
33Dak Yèsus naꞌog chòntoh rik mòy ma umnak, nachal, “Kerajaꞌan Allah namulak nòm amès, gerèk ibu ruti rik néy babok nachèhruh ma kelòj tepong. Yab ibu ruti nak amès hék dak chenèhruh tepong eh ibuk, tapik kenèmbek eh napukh, sampéy boléh najadik ruti.”
Yèsus nabetènglèkh nagunak chenal ròb chòntoh supaye Gah Allah nambelakuk
(Mrk 4:33-34)
34Kenèmbek hal tentang Kerajaꞌan Allah nak Yèsus natènglèkh ma sènꞌòy jajéh nòm chenal ròb chòntoh gerèk nak. Rik Nak selaluk nagunak chenal ròb chòntoh hék bil nabetènglèkh ma umnak. 35Yèsus nateꞌèl gerèk nak supaye nambelakuk Gah Allah rik nabi Eh naterèylòy manah tòp: #En 78:2.
“Yék akal ibecharak ma umnak nòm chenal ròb chòntoh,
Yék akal iꞌoglèkh ma umnak hal-hal rik hòj ikèrdëk nòm mase Yék ipèrhéj bumi.”
Yèsus naꞌoglèkh tèꞌlalah maksod chenal tentang rambang ròb gandum
36Yèsus naperak sènꞌòy jajéh naꞌtèk, dak namòj ma kelòj dékh. Dak mèn hèhoh Eh umlãj dak umtanyak ma Rik Nak, “Guruk, tulong lah oglèkh ma kandék, ilok maksod chenal tentang rambang rik èn selay gandum naꞌtèk?”
37Yèsus nachal, “Sènꞌòy rik rèy-ruy menéh méj-méj nak Yék, Sènꞌòy Nòm Sorga. 38Selay nak gerèk duniak doh. Menéh rik méj-méj nak gerèk mèn kuwòt Kerajaꞌan Allah, dak rambang nak gerèk mèn kuwòt Iblis, Rik Jèdhad nak. 39Mèsmus rik narèy-ruy menéh rambang nak gerèk Iblis. Bil nalòy ma musim nègtòg nak, unak gerèk arik Allah nahukom ma kenèmbek sènꞌòy, dak kuli rik umtèg-tòg nak gerèk melaykat Tuhan. 40Jadik samak gerèk umròd bok umpèrmòy rambang nak dak umchur ma os, gerèk nak lah akal nabelakuk ma sèj-sòj duniak jakal. 41Yék, Sènꞌòy Nòm Sorga, akal itèrꞌèn melaykat Yék, dak umnak akal umtèrwòl nòm Kerajaꞌan Yék kenèmbek sènꞌòy rik umtèdꞌéd ma sènꞌòy gèhnih umbedose ròb kenèmbek sènꞌòy rik umtèlꞌèl jehad. 42Dak akal umbes umnak ma kelòj os rik belèny-lany, dak èn anak umnak akal umyam umꞌarew bok mòny um kenèjrej sebab umderite geb. 43Dak bil nak sènꞌòy rik kènmën akal umchelakh bedeyãr gerèk mad is bok umterime hormad rik rayak èn Kerajaꞌan Allah, Apak umnak. Nak, chok rik begèntòkh, keyòkh lah méj-méj!”
Kerajaꞌan Allah méj bok behèrgak
44Yèsus nachal wèl, “Kerajaꞌan Allah nak gerèk harte karon rik sènꞌòy nakèrdëk èn kelòj tèk èn néy selay. Bil néy is, mok néy sènꞌòy natèrbuk harte karon nak. Rik nak nakèrdëk wèl harte karon nak, dak nòm enadés eh nawèk najuwal kenèmbek harte eh nak supaye nambelik selay nak.
45Dak Kerajaꞌan Allah nak gerèk chòntoh doh: mok néy sènꞌòy rik jèlwal nakèk-kèk manìk rik méj-méj bok mehal. 46Bil hòj natèrbuk ma manìk rik behèrgak geb, nanak nawèk najuwal kenèmbek harte eh nak supaye nambelik manìk nak.”
Chenal tentang sènꞌòy rik dèg-dèg jaréng
47Yèsus nachal wèl, “Kerajaꞌan Allah nak gerèk chòntoh doh: sènꞌòy umdèg-dèg jaréng ma òng pang dak umdapad beragik-ragik kak. 48Dak bil jaréng nak hòj naseg jerègsũg, sènꞌòy rik kerèꞌjak kak nak umjéng jaréng nak ma béng. Dak umnak umgel dak umruwòs bok umpèrmòy kak nak. Kak rik méj-méj nak umchor èn kelòj bèldi, dak kak rik tok méj untok mugéy nak umbes. 49Gerèk nak lah akal nabelakuk bil ma sèj-sòj duniak jakal. Mèn melaykat Tuhan akal umlãj dak umpèrmòy sènꞌòy rik jèdhad nòm sènꞌòy rik kènmën. 50Dak sènꞌòy rik umjèdhad nak akal umbes ma kelòj os belèny-lany, dak èn anak umnak umyam umꞌarew bok mòny um kenèjrej sebab umderite geb.”
Tenènglèkh pay ròb tenènglèkh manah
51Dak Yèsus natanyak ma mèn hèhoh Eh, “Ke hòj nyob lèkh lah maksod kenèmbek hal naꞌtèk?”
Dak umnak umsaꞌod, “Hek, kandék kilèkh.”
52Dak Yèsus nachal, “Jadik, nyob hòj nyob lèkh Hukom Tuhan, dak nyob hòj nyob belajar keꞌjèk tenènglèkh Yék tentang Kerajaꞌan Allah. Puꞌdoh nyob ròb kenèmbek hèhoh Yék haros nyob betènglèkh kenèmbek nak ma sènꞌòy mòy, gerèk tuwan dékh rik natèrwòl barang pay ròb manah nòm kelòj setòh eh.”
Sènꞌòy umjèk ma Yèsus èn kampong rik Eh
(Mrk 6:1-6; Luk 4:16-30)
53Nòm kerek Yèsus hòj sòj nabetènglèkh kenèmbek chenal ròb chòntoh naꞌtèk, Nanak naperak ma tempad nak. 54Kerek nak Yèsus namak ma kampong rik Eh, Nasarèt. Èn anak Yèsus nabetènglèkh èn dékh senindol, dak sènꞌòy rik umkeyòkh nak umbèlꞌih. Umnak umtanyak, “Nòm lok Nanak nadapad nènglèkh gerèk doh? Bok rèk lok Nanak dapad kuwase untok namteꞌèl tènꞌèl kuwase? 55Kemoh Rik Nak had kuwòt Yusop, rik betukang palok nak. Amèk Eh nak Maria, dak pek bèhbeh Eh nak Yakobus, Yosès, Simon, ròb Yudas. 56Bok pek bèꞌbok Eh pon umgel anuh keꞌjèk. Jadik nòm lok Nanak nadapad kenèmbek nènglèkh ròb kuwase doh?”
57 #
Yoh 4:44. Dak sebab nak umnak umjèk tok umpechaye ma Rik Nak. Tapik Yèsus nachal ma umnak, “Sènꞌòy selaluk umhormad ma nabi èn lok-lok tèk, tapik èn kampong rik um bok èn kewarge rik um hõy tok umbehormad.” 58Dak Yèsus tok natèlꞌèl ibuk tènꞌèl kuwase èn anak, sebab umnak tok umpechaye ma Rik Nak.
Právě zvoleno:
Matius 13: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 13
13
Chenal tentang sènꞌòy rik narèy-ruy menéh
(Mrk 4:1-9; Luk 8:4-8)
1Bil arik chachod nak, Yèsus naperak dékh naꞌtèk dak nawèk nagèl-gel èn béng Òng Pang Galiliya. 2Jajéh geb sènꞌòy umherimung untok mukeyòkh ma Yèsus, sampéy Rik Nak naꞌòj ma perahuk. Dak anak Yèsus nagel dak nabetènglèkh ma sènꞌòy jajéh rik tèd-ted èn béng nak. #Luk 5:1-3. 3Yèsus nabetènglèkh jajéh hal ma umnak nòm chenal ròb chòntoh, gerèk chenal doh:
“Keyòkh lah méj-méj! Mok néy sènꞌòy rik besèylay nawèk ma selay eh untok namrèy-ruy menéh. 4Bil narèy-ruy nak, mok menéh rik kèꞌlek èn nòng. Dak mèn chèp umlãj bok umchòh sòj kenèmbek menéh nak. 5Mok wèl rik kèꞌlek èn tèk bebatuk rik tok beꞌibuk tèk eh. Sebab èn anak mok tèk amès, menéh nak napelad géj. 6Tapik èryès nak tok belèb-lab ma kelòj tèk, jadik bil mad is nachelakh bëd, lènlut nak umselah dak umkaréh. 7Mok keꞌjèk rik kèꞌlek èn gagid bèrher bejalak. Bèrher bejalak nalut dak natèrdug ma lènlut nak. 8Tapik mok menéh rik kèꞌlek èn tèk méj-méj dak nabekèꞌbek ibuk. Mok rik dapad seratos mad gandum, mok rik dapad enam puloh, dak mok wèl rik dapad tigak puloh.”
9Dak Yèsus nachal, “Chok rik begèntòkh, keyòkh lah méj-méj!”
Nahey Yèsus nabetènglèkh nagunak chenal ròb chòntoh
(Mrk 4:1-9; Luk 8:4-8)
10Hòj nòm kerek nak, hèhoh Yèsus umlãj ma Rik Nak dak umtanyak, “Yãng, nahey Hãk hagunak chenal ròb chòntoh bil habetènglèkh ma sènꞌòy jajéh nak?”
11Yèsus nasaꞌod, “Allah hòj naꞌog ma nyob nènglèkh tentang kerèndëk Kerajaꞌan Eh, tapik ma umnak hõy. 12Dak sènꞌòy rik umlèkh ma tenènglèkh Yék, akal Allah natabeh naꞌog nènglèkh rik beduyon-duyon ma umnak. Tapik ma sènꞌòy rik tok umlèng-lèkh ma tenènglèkh Yék, akal Allah nakod nènglèkh amès rik hòj mok èn umnak pon. #Mat 25:29; Mrk 4:25; Luk 8:18; 19:26. 13Umnak umnéh tapik tok umbèk-buk, bok umnak umkeyòkh tapik tok umlèng-lèkh. Jadik Yék ibetènglèkh ma umnak nòm chenal ròb chòntoh. 14Dak gerèk nak lah nabelakuk Gah Allah rik nabi Yèsaya naramal manah tòp nak tentang umnak: #Yès 6:9,10.
‘Nyob akal nyob keyòkh had nyob kèngyòkh,
tapik tok nyob lèng-lèkh;
nyob akal nyob néh had nyob nèh-néh,
tapik tok nyob bèk-buk.
15Sènꞌòy kaum doh sèlsadel hup#13:15 sèlsadel hup chegod hup, tengin. um,
gèntòkh umnak hòj umtãb,
dak mad umnak keꞌjèk umchekẽb,
sampéy tok dapad munéh nòm mad um,
atòw mukeyòkh nòm gèntòkh um,
atòw mulèkh nòm hup um.
Sebab kalòw umlèkh, umnak akal umlos ma Yék,
dak Yék itèrhakh ma umnak.’”
16Yèsus nachal wèl, “Tapik Allah hòj nateꞌèl méj ma nyob, sebab mad nyob boléh néh bok gèntòkh nyob boléh keyòkh. #Luk 10:23,24. 17Dak Yék kemën ichal ma nyob: jajéh nabi ròb sènꞌòy kènmën jènman anin tòp umchèn geb munéh ilok rik hòj nyob néh puꞌdoh, tapik umnak tok dapad munéh. Dak umchèn mukeyòkh ilok rik hòj nyob keyòkh, tapik tok dapad mukeyòkh.”
Yèsus naꞌoglèkh tèꞌlalah maksod chenal sènꞌòy rik narèy-ruy menéh
(Mrk 4:13-20; Luk 8:11-15)
18Dak anak Yèsus nachal, “Jadik, keyòkh lah ma maksod chenal tentang sènꞌòy rik narèy-ruy naꞌtèk: 19Menéh rik kèꞌlek èn nòng nak gerèk sènꞌòy rik kèngyòkh ma gah tentang Kerajaꞌan Allah, tapik tok umlèng-lèkh. Dak Iblis, Rik Jèdhad nak, nalãj dak narus gah rik hòj umruy èn kelòj hup umnak. 20Menéh rik kèꞌlek èn tèk bebatuk nak gerèk sènꞌòy rik umkèngyòkh gah nak dak sejèkh umterime nòm enadés. 21Tapik umnak tok umpèꞌrak Gah Allah nak namlab ma kelòj hup, jadik umnak had umtehan agat hék. Bil mok senusah atòw sènꞌòy mòy umkeseh ma umnak sebab umpechaye ma gah nak, pechaye umnak hòj hõy bok géj umperak ma Allah. 22Dak menéh rik kèꞌlek èn gagid bèrher bejalak nak gerèk sènꞌòy rik kèngyòkh gah nak, tapik umꞌèd-id ibuk tentang nèsgos um èn duniak doh bok umhoh ma senèꞌlok kenaye, sampéy tok umbegorgèr wèl ma Gah Allah nak bok gah nak tok nabekèꞌbek èn nèsgos um. 23Tapik menéh rik kèꞌlek èn tèk méj-méj nak gerèk sènꞌòy rik kèngyòkh Gah Allah nak bok umlèkh. Umnak umtèrwòl hasil rik méj-méj èn kelòj nèsgos um, gerèk lènlut rik bekèꞌbek ibuk nak: mok rik dapad seratos mad gandum, mok rik dapad enam puloh, dak mok wèl rik dapad tigak puloh.”
Chenal tentang rambang ròb gandum
24Nòm kerek nak, Yèsus naꞌoglèkh chenal mòy wèl ma umnak: “Kerajaꞌan Allah nak gerèk néy sènꞌòy rik narèy-ruy menéh rik méj èn selay eh. 25Tapik ma layèg eh nak, bil kenèmbek sènꞌòy umsèglòg, nalãj lah mèsmus eh. Mèsmus eh nak narèy-ruy menéh rambang èn selay eh nak samak menéh gandum, dak pas nak nawèk. 26Jadik bil menéh gandum nak nahin dak natekèd nabekèꞌbek, dak umnéh ma rambang nak pon nahin keꞌjèk. 27Dak kuli rik umkerèꞌjak èn selay nak umwèk ma rik bemilik selay nak dak umtanyak, ‘Yãng, hãk hatòp haruy menéh rik méj-méj èn selay hãh nak, tapik puꞌdoh mok ibuk rambang èn anak! Nòm lok lah rambang nak?’ 28Dak rik bemilik selay nak nasaꞌod, ‘Pastik kèrjak mèsmus yék!’
Dak mèn kuli eh umtanyak wèl ma rik nak, ‘Bok hachèn lah kandék kimròd ma rambang nak?’ 29Tapik rik beselay nak nasaꞌod, ‘Hõy. Kalòw nyob nyomròd ma rambang nak puꞌdoh, akal nyob ròd ma gandum nak keꞌjèk. 30Perak lah rambang nak namhin samak gandum sampéy ma musim nègtòg. Dak bil musim nègtòg, yék akal ichal ma sènꞌòy rik tèg-tòg selay nak: chatuk lah dak chekòd kenèmbek rambang nak nèng-nèng, dak chur eh. Dak pas nak dol lah gandum nak èn dékh nèldol yék.’”
Kerajaꞌan Allah naberayak gerèk menéh ajok nahin najadik jehuk rik rayak
(Mrk 4:30-32; Luk 13:18-19)
31Yèsus naꞌoglèkh ma umnak chòntoh doh wèl: “Kerajaꞌan Allah namulak nòm ajok, gerèk mad menéh sawik rik sènꞌòy natap èn selay eh. 32Menéh sawik nak rik paléng ajok nòm kenèmbek jenis menéh. Tapik bil nahin, najadik nèmtap rik lebéh rayak nòm kenèmbek nèmtap mòy èn selay nak. Bok akal najadik jehuk rik rayak, sampéy chèp umlãj dak umteꞌèl sòm umbetèmsòm èn tabak eh nak.”
Kerajaꞌan Allah gerèk ibu ruti
(Luk 13:20-21)
33Dak Yèsus naꞌog chòntoh rik mòy ma umnak, nachal, “Kerajaꞌan Allah namulak nòm amès, gerèk ibu ruti rik néy babok nachèhruh ma kelòj tepong. Yab ibu ruti nak amès hék dak chenèhruh tepong eh ibuk, tapik kenèmbek eh napukh, sampéy boléh najadik ruti.”
Yèsus nabetènglèkh nagunak chenal ròb chòntoh supaye Gah Allah nambelakuk
(Mrk 4:33-34)
34Kenèmbek hal tentang Kerajaꞌan Allah nak Yèsus natènglèkh ma sènꞌòy jajéh nòm chenal ròb chòntoh gerèk nak. Rik Nak selaluk nagunak chenal ròb chòntoh hék bil nabetènglèkh ma umnak. 35Yèsus nateꞌèl gerèk nak supaye nambelakuk Gah Allah rik nabi Eh naterèylòy manah tòp: #En 78:2.
“Yék akal ibecharak ma umnak nòm chenal ròb chòntoh,
Yék akal iꞌoglèkh ma umnak hal-hal rik hòj ikèrdëk nòm mase Yék ipèrhéj bumi.”
Yèsus naꞌoglèkh tèꞌlalah maksod chenal tentang rambang ròb gandum
36Yèsus naperak sènꞌòy jajéh naꞌtèk, dak namòj ma kelòj dékh. Dak mèn hèhoh Eh umlãj dak umtanyak ma Rik Nak, “Guruk, tulong lah oglèkh ma kandék, ilok maksod chenal tentang rambang rik èn selay gandum naꞌtèk?”
37Yèsus nachal, “Sènꞌòy rik rèy-ruy menéh méj-méj nak Yék, Sènꞌòy Nòm Sorga. 38Selay nak gerèk duniak doh. Menéh rik méj-méj nak gerèk mèn kuwòt Kerajaꞌan Allah, dak rambang nak gerèk mèn kuwòt Iblis, Rik Jèdhad nak. 39Mèsmus rik narèy-ruy menéh rambang nak gerèk Iblis. Bil nalòy ma musim nègtòg nak, unak gerèk arik Allah nahukom ma kenèmbek sènꞌòy, dak kuli rik umtèg-tòg nak gerèk melaykat Tuhan. 40Jadik samak gerèk umròd bok umpèrmòy rambang nak dak umchur ma os, gerèk nak lah akal nabelakuk ma sèj-sòj duniak jakal. 41Yék, Sènꞌòy Nòm Sorga, akal itèrꞌèn melaykat Yék, dak umnak akal umtèrwòl nòm Kerajaꞌan Yék kenèmbek sènꞌòy rik umtèdꞌéd ma sènꞌòy gèhnih umbedose ròb kenèmbek sènꞌòy rik umtèlꞌèl jehad. 42Dak akal umbes umnak ma kelòj os rik belèny-lany, dak èn anak umnak akal umyam umꞌarew bok mòny um kenèjrej sebab umderite geb. 43Dak bil nak sènꞌòy rik kènmën akal umchelakh bedeyãr gerèk mad is bok umterime hormad rik rayak èn Kerajaꞌan Allah, Apak umnak. Nak, chok rik begèntòkh, keyòkh lah méj-méj!”
Kerajaꞌan Allah méj bok behèrgak
44Yèsus nachal wèl, “Kerajaꞌan Allah nak gerèk harte karon rik sènꞌòy nakèrdëk èn kelòj tèk èn néy selay. Bil néy is, mok néy sènꞌòy natèrbuk harte karon nak. Rik nak nakèrdëk wèl harte karon nak, dak nòm enadés eh nawèk najuwal kenèmbek harte eh nak supaye nambelik selay nak.
45Dak Kerajaꞌan Allah nak gerèk chòntoh doh: mok néy sènꞌòy rik jèlwal nakèk-kèk manìk rik méj-méj bok mehal. 46Bil hòj natèrbuk ma manìk rik behèrgak geb, nanak nawèk najuwal kenèmbek harte eh nak supaye nambelik manìk nak.”
Chenal tentang sènꞌòy rik dèg-dèg jaréng
47Yèsus nachal wèl, “Kerajaꞌan Allah nak gerèk chòntoh doh: sènꞌòy umdèg-dèg jaréng ma òng pang dak umdapad beragik-ragik kak. 48Dak bil jaréng nak hòj naseg jerègsũg, sènꞌòy rik kerèꞌjak kak nak umjéng jaréng nak ma béng. Dak umnak umgel dak umruwòs bok umpèrmòy kak nak. Kak rik méj-méj nak umchor èn kelòj bèldi, dak kak rik tok méj untok mugéy nak umbes. 49Gerèk nak lah akal nabelakuk bil ma sèj-sòj duniak jakal. Mèn melaykat Tuhan akal umlãj dak umpèrmòy sènꞌòy rik jèdhad nòm sènꞌòy rik kènmën. 50Dak sènꞌòy rik umjèdhad nak akal umbes ma kelòj os belèny-lany, dak èn anak umnak umyam umꞌarew bok mòny um kenèjrej sebab umderite geb.”
Tenènglèkh pay ròb tenènglèkh manah
51Dak Yèsus natanyak ma mèn hèhoh Eh, “Ke hòj nyob lèkh lah maksod kenèmbek hal naꞌtèk?”
Dak umnak umsaꞌod, “Hek, kandék kilèkh.”
52Dak Yèsus nachal, “Jadik, nyob hòj nyob lèkh Hukom Tuhan, dak nyob hòj nyob belajar keꞌjèk tenènglèkh Yék tentang Kerajaꞌan Allah. Puꞌdoh nyob ròb kenèmbek hèhoh Yék haros nyob betènglèkh kenèmbek nak ma sènꞌòy mòy, gerèk tuwan dékh rik natèrwòl barang pay ròb manah nòm kelòj setòh eh.”
Sènꞌòy umjèk ma Yèsus èn kampong rik Eh
(Mrk 6:1-6; Luk 4:16-30)
53Nòm kerek Yèsus hòj sòj nabetènglèkh kenèmbek chenal ròb chòntoh naꞌtèk, Nanak naperak ma tempad nak. 54Kerek nak Yèsus namak ma kampong rik Eh, Nasarèt. Èn anak Yèsus nabetènglèkh èn dékh senindol, dak sènꞌòy rik umkeyòkh nak umbèlꞌih. Umnak umtanyak, “Nòm lok Nanak nadapad nènglèkh gerèk doh? Bok rèk lok Nanak dapad kuwase untok namteꞌèl tènꞌèl kuwase? 55Kemoh Rik Nak had kuwòt Yusop, rik betukang palok nak. Amèk Eh nak Maria, dak pek bèhbeh Eh nak Yakobus, Yosès, Simon, ròb Yudas. 56Bok pek bèꞌbok Eh pon umgel anuh keꞌjèk. Jadik nòm lok Nanak nadapad kenèmbek nènglèkh ròb kuwase doh?”
57 #
Yoh 4:44. Dak sebab nak umnak umjèk tok umpechaye ma Rik Nak. Tapik Yèsus nachal ma umnak, “Sènꞌòy selaluk umhormad ma nabi èn lok-lok tèk, tapik èn kampong rik um bok èn kewarge rik um hõy tok umbehormad.” 58Dak Yèsus tok natèlꞌèl ibuk tènꞌèl kuwase èn anak, sebab umnak tok umpechaye ma Rik Nak.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.