Matius 12
12
Is Tenarak Yèsus bekuwase keꞌjèk
(Mrk 2:23-28; Luk 6:1-5)
1Bil mase nak, mok néy Is Tenarak Yèsus ròb hèhoh-hèhoh Eh umcha-chib èn selay gandum. Dak mèn hèhoh Eh umcherok, jadik umtekèd umtelèh mad gandum nak dak umgéy. #Ter 23:25. 2Maròp-maròp guruk agama nòm pitak Parisi umnéh ma hal nak dak umchal ma Yèsus, “Néh lah! Mèn hèhoh Hãh nak tok umhèh-hoh ma hukom agama èk, dak umteꞌèl ilok rik tok boléh èteꞌèl èn Is Tenarak!”
3Yèsus nasaꞌod, “Pastik nyob hòj nyob bache èn kelòj Kitab ilok rik Rajak Daud nateꞌèl, mase nanak ròb hèhoh eh umcherok tok benèygéy? #1 Sam 21:1-6. 4Rajak Daud namòj ma Dékh Allah dak nagéy ruti rik umjamuk ma Allah, dak naꞌog keꞌjèk ma mèn hèhoh eh. Tapik èn hukom agama èk, had mèn imam hék rik boléh umgéy ruti nak. #Im 24:9. 5Bok pastik nyob hòj nyob bache èn Hukom Tuhan tentang mèn imam: tiyab-tiyab Is Tenarak umnak umkèrjak èn Dékh Tuhan bok tok umhèh-hoh ma hukom tentang Is Tenarak nak, tapik umnak tok besalah. #Ken 28:9,10. 6Dak Yék ichal ma nyob: hòj mok èn anuh rik lebéh bepenting nòm Dékh Tuhan nak! 7Bok èn kelòj Kitab, Allah nachal, ‘Yék tok ichèn jenamuk nyob hék, tapik ichèn nyob nyomkalõn ma sènꞌòy mòy.’ Kalòw nyob lèkh maksod ayad nak, pastik nyob tok nyob betanas salah ma hèhoh Yék rik tok umbesalah! #Mat 9:13; Hos 6:6. 8Dak Yék, Sènꞌòy Nòm Sorga, ibekuwase bok behak imchal ilok rik boléh èmteꞌèl èn Is Tenarak.”
Yèsus natèrhakh sènꞌòy rik bekantem èn Is Tenarak
(Mrk 3:1-6; Luk 6:6-11)
9Yèsus naperak nòm selay naꞌtèk, dak namòj ma dékh senindol Yahudi. 10Dak èn anak mok néy sènꞌòy rik bekantem ènlẽng tikh eh. Sènꞌòy Parisi umkèk nòng untok mutanas ma Yèsus, jadik umnak umtanyak ma Rik Nak, “Èn Hukom Tuhan, boléh ke èmtèrhakh sènꞌòy èn Is Tenarak?”
11Dak Yèsus nasaꞌod ma umnak, “Kalòw nyob mok kambikh biri rik nakelek ma kelòj jehòl bil èn Is Tenarak, mok ke nyomperak eh èn jehòl nak? Hõy! Pastik sejèkh nyob wèk dak nyob tayod eh nòm jehòl nak! #Luk 14:5. 12Dak sènꞌòy pastik lebéh behèrgak nòm kambikh biri nak! Jadik pastik lah èn Hukom Tuhan èk boléh èmteꞌèl méj ma sènꞌòy èn Is Tenarak.” 13Pas nak Yèsus nachal ma sènꞌòy bekantem naꞌtèk, “Tadok tikh hãh nak.” Sènꞌòy nak pon naꞌuy gerèk nak, dak bil nak keꞌjèk tikh eh pon nahakh, hòj méj gerèk ènlẽng tikh eh.
14Tapik sènꞌòy Parisi naꞌtèk umhuwòl nòm dékh senindol nak, dak umnak umꞌachag untok mukèrbes ma Yèsus.
Yèsus nateꞌèl ilok Allah napèrhod manah tòp
15Tapik Yèsus nalèkh ma enachag sènꞌòy Parisi nak, jadik Rik Nak nawèk nòm tempad nak. Jajéh sènꞌòy umhoh ma Rik Nak, dak Yèsus natèrhakh ma kenèmbek sènꞌòy rik umjèk-jik èn umnak. 16Tapik Yèsus nahuwok ma umnak agok muꞌoglèkh ma sènꞌòy mòy chok Rik Nak. 17Yèsus nateꞌèl gerèk nak supaye nambelakuk Gah Allah rik nabi Yèsaya naterèylòy manah tòp:
18“Néh lah, udoh Sènꞌòy penili Yéh rik nahèh-hoh ma nènchèn Yék. #Yès 42:1-4.
Yék isayèkh ma Rik Nak, bok Rik Nak nasèrnang ma hup Yék.
Yék akal iꞌog Ruway Yék ma Rik Nak,
dak Rik Nak akal naꞌoglèkh tentang enadil Yék ma kenèmbek kaum.
19Nanak akal tok naberèk-rok bok tok nabekaraw,
dak tok nabecharak rèꞌyak-rèꞌyak èn nòng supaye sènꞌòy mukeyòkh.
20Nanak tok naperèdjèd ma sènꞌòy rik tok baryog,
dak Rik Nak méj hup ma sènꞌòy rik hòj mòg jèk-jèk.#12:20 Tèks asli mok chòntoh èn anuh: “Rik Nak tok naperègleg ma awèn rik napãj jès-jas, dak Rik Nak tok naterèdped ma peliteh rik tilok nampèd-ped.”
Rik Nak akal namèrnang bok nateꞌèl rik adil ma lok-lok tèk.
21Dak kenèmbek kaum akal umꞌès-as ma Rik Nak.”
Yèsus lebéh bekuwase nòm Iblis
(Mrk 3:20-30; Luk 11:14-23)
22Nòm kerek nak mok sènꞌòy umꞌèn ma Yèsus néy babeh. Babeh nak nabebèybëy bok nabeꞌawak sebab hòj nasid yel jèdhad. Dak Yèsus natèrhakh ma rik nak, supaye boléh namnéh bok namcharak. 23Sènꞌòy jajéh rik nèh-néh ma hal nak umbèlꞌih dak umchal, “Kah Rik doh Mèsias, Waris Rajak Daud rik Allah napèrhod nak?”
24Tapik sènꞌòy Parisi umkeyòkh tentang hal nak, dak umnak umchal, “Yèsus nak had boléh nakiron yel jèdhad sebab Iblis,#12:24 Iblis Tèks asli nak Bèlsebul, kenëh mòy sènꞌòy Yahudi umkòw ma Iblis. ketuwe yel jèdhad, naꞌog kuwase ma Rik Nak.” #Mat 9:34; 10:25.
25Tapik Yèsus nalèkh ma benèdlod sènꞌòy Parisi nak, dak nachal ma umnak, “Kalòw kaban rik umbema-mus èn néy negerik, kerajaꞌan nak akal berachuy. Bok kalòw sènꞌòy èn néy kote atòw èn néy kewarge umbemès-mus kaban rik um, umnak pon akal berachuy. 26Gerèk nak keꞌjèk, kalòw Iblis nakiron ma yel jèdhad eh, maksod eh nabemès-mus rik ma rik eh! Bok kerajaꞌan eh nak pastik akal berachuy. 27Dak kalòw nyob nyomchal Yék ikiron yel-yel jèdhad nòm kuwase Iblis, bok nòm kuwase chok wèl hèhoh nyob umkiron yel-yel jèdhad? Kalòw hèhoh nyob boléh umkiron yel jèdhad nòm kuwase Allah, pastik nyob sèk bil nyob chal kuwase Yék nòm Iblis! 28Tapik bil Yék ikiron yel jèdhad nòm kuwase Ruway Allah, hal doh napèrnéh Allah hòj natekèd nabeperintah èn nyob.”
29Yèsus naꞌog chòntoh mòy wèl, nachal, “Iblis nak gerèk sènꞌòy kèdwad: tok mok sènꞌòy namlamid nammòj ma dékh sènꞌòy kèdwad nak untok namseyèj harte eh. Pastik had sènꞌòy rik lebéh kèdwad wèl, rik dapad nabeg nèng-nèng ma sènꞌòy rik kèdwad naꞌtèk bok namrus harte eh.#12:29 Maksod Yèsus èn chòntoh doh: Yèsus lah sènꞌòy rik lebéh kuwad nòm Iblis. Unak lah sebab eh Yèsus dapad nabekiron ma yel jèdhad.
30Chok rik tok bepihak ma Yék nabelawan ma Yék. Dak chok rik tok kerèꞌjak samak Yék untok namꞌéd sènꞌòy ma Allah, nanak naꞌuy sènꞌòy umda-dok nòm Allah! #Mrk 9:40. 31Sebab nak Yék ichal ma nyob: bil sènꞌòy umteꞌèl dose dak umbemèhnah ma Allah, Allah sanggob naꞌampon ma kenèmbek nak. Tapik bil mok sènꞌòy nabemèhnah ma Ruway Kudus, Allah tok nabeꞌampon dose eh! 32#Luk 12:10.Chok rik chèl-chal belawan ma Yék, Sènꞌòy Nòm Sorga, Allah dapad naꞌampon. Tapik chok rik bepègyog ma Ruway Kudus, Allah tok nabeꞌampon, èn duniak doh atòw pon èn duniak pay jakal.”
Chòntoh jehuk ròb kebek
(Luk 6:43-45)
33Yèsus nachal wèl, “Kalòw èchèn kebek rik méj, èkod kebek nak nòm jehuk rik méj. Kalòw jehuk nak tok méj, pastik lah kebek eh pon tok méj. Sebab jehuk nak èk èkenal nòm kebek eh. #Mat 7:20; Luk 6:44. 34Nyob sènꞌòy jèdhad, gerèk tajuk èmpĩd! Pastik nyob doh tok dapad nyomchal hal rik méj! Sebab ilok rik sènꞌòy umchal nòm nyag umnak, unak lah nahuwòl nòm kelòj hup um. #Mat 3:7; 23:33; Luk 3:7; Mat 15:18; Luk 6:45. 35Sènꞌòy rik méj-méj umtèrwòl hal rik méj, sebab hòj umdol ibuk hal méj èn kelòj hup um. Tapik sènꞌòy jèdhad umtèrwòl rik jèdhad, sebab èn kelòj hup um hòj umdol ibuk jènhad.
36Tapik Yék ichal ma nyob: bil èn arik Allah nahukom ma kenèmbek sènꞌòy, tiyab sènꞌòy haros nasaꞌod rik eh ma Allah untok tiyab nèlchal eh rik tok begunak nak. 37Bok nòm nèlchal rik nyob nak Allah akal nahakim ma nyob kemën atòw salah.”
Sènꞌòy Parisi umsemany Yèsus namteꞌèl tande untok nampèrnéh kuwase Eh
(Mrk 8:11-12; Luk 11:29-32)
38Pas nak maròp-maròp sènꞌòy Parisi ròb guruk agama mòy umchal ma Yèsus, “Guruk, kandék kichèn Hãk hamteꞌèl tande, supaye kimnéh bok kimlèkh Hãk nak kemën-kemën nòm Allah.” #Mat 16:1; Mrk 8:11; Luk 11:16.
39Tapik Yèsus nasaꞌod ma umnak, “Nyob sènꞌòy jaman doh jehad geb bok tok nyob setiye ma Allah, sebab nak lah nyob semany tande kuwase. Tapik Yék tok iꞌèg-og néy tande pon ma nyob, had nyob néh akal tande gerèk ilok rik nabelakuk ma nabi Yunus manah tòp. #Mat 16:4; Mrk 8:12. 40Sebab gerèk Yunus nagel èn kelòj éj kak rayak selamak tigak arik tigak layèg, gerèk nak keꞌjèk Yék, Sènꞌòy Nòm Sorga, akal mok èn kelòj kubor selamak tigak arik tigak layèg. #Yun 1:17. 41Dak bil Yunus naꞌèg-oglèkh gah nòm Allah ma sènꞌòy èn kote Niniwéh, umnak umperak dose um dak umlos ma Allah. Jadik, bil arik Allah nahukom ma kenèmbek sènꞌòy, dak sènꞌòy Niniwéh nak akal umwòg samak nyob sènꞌòy jaman doh bok umtanas ma nyob. Sebab néh lah: Yék, rik lebéh rayak nòm Yunus, hòj mok èn anuh — tapik nyob jèk tok nyob pèꞌrak ma dose nyob! #Yun 3:5. 42#1 Raj 10:1-10; 2 Sej 9:1-12. Dak bil jènman Rajak Salomo manah tòp, ratu negerik Siba nalãj nòm hawëj belèl untok namkeyòkh tenènglèkh Rajak Salomo rik chèrdìk geb. Bil sèj-sòj akal, èn arik Allah nahukom kenèmbek sènꞌòy, ratu Siba nak pon akal nawòg dak natanas ma nyob sènꞌòy jaman puꞌdoh. Sebab nanak nakeyòkh ma Rajak Salomo. Tapik néh lah, Yék doh lebéh rayak nòm Rajak Salomo. Dak Yék mok èn anuh, tapik nyob jèk tok nyomkèngyòkh!”
Yèsus nachèl-chal tentang yel jèdhad rik nalos wèl ma sènꞌòy rik chachod
(Luk 11:24-26)
43Yèsus nachal wèl naꞌog néy chòntoh: “Bil yel jèdhad naperak néy sènꞌòy, yel nak akal nachèb-chib ma tempad rik karéh untok namkèk tempad pay namgel. Tapik bil yel jèdhad nak tok naterèꞌbuk tempad namgel, 44yel nak akal nachal, ‘Yék imlos hék ma dékh rik yék iperak nak.’ Dak bil yel nak nalos, natèrbuk sènꞌòy rik naperak hatòp nak gerèk dékh tènghũng, hòj bekènwãj bok besenèbyab. 45Jadik yel nak akal nawèk nakòw tujoh yel jèdhad gèhnih rik lebéh jèdhad nòm rik eh nak. Dak kenèmbek yel nak akal ummòj ma sènꞌòy nak dak umgel èn anak. Sèj-sòj eh, nèsgos sènꞌòy nak najadik lebéh laꞌes nòm mulak hatòp. Unak lah akal nabelakuk ma nyob sènꞌòy jèdhad jaman puꞌdoh.”
Kewarge Yèsus
(Mrk 3:31-35; Luk 8:19-21)
46Bil Yèsus tik nabecharak ma sènꞌòy jajéh nak, amèk ròb pek Yèsus umlãj. Umnak umtèd-ted èn béng umchèn mucharak ma Yèsus. 47Dak mok sènꞌòy nachal ma Yèsus, “Hanéh lah, amèk ròb mèrpek Hãk mok umta-ted èn béng tuy. Umnak umchèn mucharak ma Hãk.”
48Tapik Yèsus nasaꞌod, “Yék imchal ma nyob chok amèk ròb mèrpek Yék rik kènmën.” 49Nanak natilèk ma mèn hèhoh Eh dak nachal, “Doh um doh lah amèk ròb mèrpek Yék. 50Chok rik tèlꞌèl nènchèn Apak Yék èn sorga, umnak lah pek bèhbeh, pek bèꞌbok, ròb amèk Yék.”
Právě zvoleno:
Matius 12: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 12
12
Is Tenarak Yèsus bekuwase keꞌjèk
(Mrk 2:23-28; Luk 6:1-5)
1Bil mase nak, mok néy Is Tenarak Yèsus ròb hèhoh-hèhoh Eh umcha-chib èn selay gandum. Dak mèn hèhoh Eh umcherok, jadik umtekèd umtelèh mad gandum nak dak umgéy. #Ter 23:25. 2Maròp-maròp guruk agama nòm pitak Parisi umnéh ma hal nak dak umchal ma Yèsus, “Néh lah! Mèn hèhoh Hãh nak tok umhèh-hoh ma hukom agama èk, dak umteꞌèl ilok rik tok boléh èteꞌèl èn Is Tenarak!”
3Yèsus nasaꞌod, “Pastik nyob hòj nyob bache èn kelòj Kitab ilok rik Rajak Daud nateꞌèl, mase nanak ròb hèhoh eh umcherok tok benèygéy? #1 Sam 21:1-6. 4Rajak Daud namòj ma Dékh Allah dak nagéy ruti rik umjamuk ma Allah, dak naꞌog keꞌjèk ma mèn hèhoh eh. Tapik èn hukom agama èk, had mèn imam hék rik boléh umgéy ruti nak. #Im 24:9. 5Bok pastik nyob hòj nyob bache èn Hukom Tuhan tentang mèn imam: tiyab-tiyab Is Tenarak umnak umkèrjak èn Dékh Tuhan bok tok umhèh-hoh ma hukom tentang Is Tenarak nak, tapik umnak tok besalah. #Ken 28:9,10. 6Dak Yék ichal ma nyob: hòj mok èn anuh rik lebéh bepenting nòm Dékh Tuhan nak! 7Bok èn kelòj Kitab, Allah nachal, ‘Yék tok ichèn jenamuk nyob hék, tapik ichèn nyob nyomkalõn ma sènꞌòy mòy.’ Kalòw nyob lèkh maksod ayad nak, pastik nyob tok nyob betanas salah ma hèhoh Yék rik tok umbesalah! #Mat 9:13; Hos 6:6. 8Dak Yék, Sènꞌòy Nòm Sorga, ibekuwase bok behak imchal ilok rik boléh èmteꞌèl èn Is Tenarak.”
Yèsus natèrhakh sènꞌòy rik bekantem èn Is Tenarak
(Mrk 3:1-6; Luk 6:6-11)
9Yèsus naperak nòm selay naꞌtèk, dak namòj ma dékh senindol Yahudi. 10Dak èn anak mok néy sènꞌòy rik bekantem ènlẽng tikh eh. Sènꞌòy Parisi umkèk nòng untok mutanas ma Yèsus, jadik umnak umtanyak ma Rik Nak, “Èn Hukom Tuhan, boléh ke èmtèrhakh sènꞌòy èn Is Tenarak?”
11Dak Yèsus nasaꞌod ma umnak, “Kalòw nyob mok kambikh biri rik nakelek ma kelòj jehòl bil èn Is Tenarak, mok ke nyomperak eh èn jehòl nak? Hõy! Pastik sejèkh nyob wèk dak nyob tayod eh nòm jehòl nak! #Luk 14:5. 12Dak sènꞌòy pastik lebéh behèrgak nòm kambikh biri nak! Jadik pastik lah èn Hukom Tuhan èk boléh èmteꞌèl méj ma sènꞌòy èn Is Tenarak.” 13Pas nak Yèsus nachal ma sènꞌòy bekantem naꞌtèk, “Tadok tikh hãh nak.” Sènꞌòy nak pon naꞌuy gerèk nak, dak bil nak keꞌjèk tikh eh pon nahakh, hòj méj gerèk ènlẽng tikh eh.
14Tapik sènꞌòy Parisi naꞌtèk umhuwòl nòm dékh senindol nak, dak umnak umꞌachag untok mukèrbes ma Yèsus.
Yèsus nateꞌèl ilok Allah napèrhod manah tòp
15Tapik Yèsus nalèkh ma enachag sènꞌòy Parisi nak, jadik Rik Nak nawèk nòm tempad nak. Jajéh sènꞌòy umhoh ma Rik Nak, dak Yèsus natèrhakh ma kenèmbek sènꞌòy rik umjèk-jik èn umnak. 16Tapik Yèsus nahuwok ma umnak agok muꞌoglèkh ma sènꞌòy mòy chok Rik Nak. 17Yèsus nateꞌèl gerèk nak supaye nambelakuk Gah Allah rik nabi Yèsaya naterèylòy manah tòp:
18“Néh lah, udoh Sènꞌòy penili Yéh rik nahèh-hoh ma nènchèn Yék. #Yès 42:1-4.
Yék isayèkh ma Rik Nak, bok Rik Nak nasèrnang ma hup Yék.
Yék akal iꞌog Ruway Yék ma Rik Nak,
dak Rik Nak akal naꞌoglèkh tentang enadil Yék ma kenèmbek kaum.
19Nanak akal tok naberèk-rok bok tok nabekaraw,
dak tok nabecharak rèꞌyak-rèꞌyak èn nòng supaye sènꞌòy mukeyòkh.
20Nanak tok naperèdjèd ma sènꞌòy rik tok baryog,
dak Rik Nak méj hup ma sènꞌòy rik hòj mòg jèk-jèk.#12:20 Tèks asli mok chòntoh èn anuh: “Rik Nak tok naperègleg ma awèn rik napãj jès-jas, dak Rik Nak tok naterèdped ma peliteh rik tilok nampèd-ped.”
Rik Nak akal namèrnang bok nateꞌèl rik adil ma lok-lok tèk.
21Dak kenèmbek kaum akal umꞌès-as ma Rik Nak.”
Yèsus lebéh bekuwase nòm Iblis
(Mrk 3:20-30; Luk 11:14-23)
22Nòm kerek nak mok sènꞌòy umꞌèn ma Yèsus néy babeh. Babeh nak nabebèybëy bok nabeꞌawak sebab hòj nasid yel jèdhad. Dak Yèsus natèrhakh ma rik nak, supaye boléh namnéh bok namcharak. 23Sènꞌòy jajéh rik nèh-néh ma hal nak umbèlꞌih dak umchal, “Kah Rik doh Mèsias, Waris Rajak Daud rik Allah napèrhod nak?”
24Tapik sènꞌòy Parisi umkeyòkh tentang hal nak, dak umnak umchal, “Yèsus nak had boléh nakiron yel jèdhad sebab Iblis,#12:24 Iblis Tèks asli nak Bèlsebul, kenëh mòy sènꞌòy Yahudi umkòw ma Iblis. ketuwe yel jèdhad, naꞌog kuwase ma Rik Nak.” #Mat 9:34; 10:25.
25Tapik Yèsus nalèkh ma benèdlod sènꞌòy Parisi nak, dak nachal ma umnak, “Kalòw kaban rik umbema-mus èn néy negerik, kerajaꞌan nak akal berachuy. Bok kalòw sènꞌòy èn néy kote atòw èn néy kewarge umbemès-mus kaban rik um, umnak pon akal berachuy. 26Gerèk nak keꞌjèk, kalòw Iblis nakiron ma yel jèdhad eh, maksod eh nabemès-mus rik ma rik eh! Bok kerajaꞌan eh nak pastik akal berachuy. 27Dak kalòw nyob nyomchal Yék ikiron yel-yel jèdhad nòm kuwase Iblis, bok nòm kuwase chok wèl hèhoh nyob umkiron yel-yel jèdhad? Kalòw hèhoh nyob boléh umkiron yel jèdhad nòm kuwase Allah, pastik nyob sèk bil nyob chal kuwase Yék nòm Iblis! 28Tapik bil Yék ikiron yel jèdhad nòm kuwase Ruway Allah, hal doh napèrnéh Allah hòj natekèd nabeperintah èn nyob.”
29Yèsus naꞌog chòntoh mòy wèl, nachal, “Iblis nak gerèk sènꞌòy kèdwad: tok mok sènꞌòy namlamid nammòj ma dékh sènꞌòy kèdwad nak untok namseyèj harte eh. Pastik had sènꞌòy rik lebéh kèdwad wèl, rik dapad nabeg nèng-nèng ma sènꞌòy rik kèdwad naꞌtèk bok namrus harte eh.#12:29 Maksod Yèsus èn chòntoh doh: Yèsus lah sènꞌòy rik lebéh kuwad nòm Iblis. Unak lah sebab eh Yèsus dapad nabekiron ma yel jèdhad.
30Chok rik tok bepihak ma Yék nabelawan ma Yék. Dak chok rik tok kerèꞌjak samak Yék untok namꞌéd sènꞌòy ma Allah, nanak naꞌuy sènꞌòy umda-dok nòm Allah! #Mrk 9:40. 31Sebab nak Yék ichal ma nyob: bil sènꞌòy umteꞌèl dose dak umbemèhnah ma Allah, Allah sanggob naꞌampon ma kenèmbek nak. Tapik bil mok sènꞌòy nabemèhnah ma Ruway Kudus, Allah tok nabeꞌampon dose eh! 32#Luk 12:10.Chok rik chèl-chal belawan ma Yék, Sènꞌòy Nòm Sorga, Allah dapad naꞌampon. Tapik chok rik bepègyog ma Ruway Kudus, Allah tok nabeꞌampon, èn duniak doh atòw pon èn duniak pay jakal.”
Chòntoh jehuk ròb kebek
(Luk 6:43-45)
33Yèsus nachal wèl, “Kalòw èchèn kebek rik méj, èkod kebek nak nòm jehuk rik méj. Kalòw jehuk nak tok méj, pastik lah kebek eh pon tok méj. Sebab jehuk nak èk èkenal nòm kebek eh. #Mat 7:20; Luk 6:44. 34Nyob sènꞌòy jèdhad, gerèk tajuk èmpĩd! Pastik nyob doh tok dapad nyomchal hal rik méj! Sebab ilok rik sènꞌòy umchal nòm nyag umnak, unak lah nahuwòl nòm kelòj hup um. #Mat 3:7; 23:33; Luk 3:7; Mat 15:18; Luk 6:45. 35Sènꞌòy rik méj-méj umtèrwòl hal rik méj, sebab hòj umdol ibuk hal méj èn kelòj hup um. Tapik sènꞌòy jèdhad umtèrwòl rik jèdhad, sebab èn kelòj hup um hòj umdol ibuk jènhad.
36Tapik Yék ichal ma nyob: bil èn arik Allah nahukom ma kenèmbek sènꞌòy, tiyab sènꞌòy haros nasaꞌod rik eh ma Allah untok tiyab nèlchal eh rik tok begunak nak. 37Bok nòm nèlchal rik nyob nak Allah akal nahakim ma nyob kemën atòw salah.”
Sènꞌòy Parisi umsemany Yèsus namteꞌèl tande untok nampèrnéh kuwase Eh
(Mrk 8:11-12; Luk 11:29-32)
38Pas nak maròp-maròp sènꞌòy Parisi ròb guruk agama mòy umchal ma Yèsus, “Guruk, kandék kichèn Hãk hamteꞌèl tande, supaye kimnéh bok kimlèkh Hãk nak kemën-kemën nòm Allah.” #Mat 16:1; Mrk 8:11; Luk 11:16.
39Tapik Yèsus nasaꞌod ma umnak, “Nyob sènꞌòy jaman doh jehad geb bok tok nyob setiye ma Allah, sebab nak lah nyob semany tande kuwase. Tapik Yék tok iꞌèg-og néy tande pon ma nyob, had nyob néh akal tande gerèk ilok rik nabelakuk ma nabi Yunus manah tòp. #Mat 16:4; Mrk 8:12. 40Sebab gerèk Yunus nagel èn kelòj éj kak rayak selamak tigak arik tigak layèg, gerèk nak keꞌjèk Yék, Sènꞌòy Nòm Sorga, akal mok èn kelòj kubor selamak tigak arik tigak layèg. #Yun 1:17. 41Dak bil Yunus naꞌèg-oglèkh gah nòm Allah ma sènꞌòy èn kote Niniwéh, umnak umperak dose um dak umlos ma Allah. Jadik, bil arik Allah nahukom ma kenèmbek sènꞌòy, dak sènꞌòy Niniwéh nak akal umwòg samak nyob sènꞌòy jaman doh bok umtanas ma nyob. Sebab néh lah: Yék, rik lebéh rayak nòm Yunus, hòj mok èn anuh — tapik nyob jèk tok nyob pèꞌrak ma dose nyob! #Yun 3:5. 42#1 Raj 10:1-10; 2 Sej 9:1-12. Dak bil jènman Rajak Salomo manah tòp, ratu negerik Siba nalãj nòm hawëj belèl untok namkeyòkh tenènglèkh Rajak Salomo rik chèrdìk geb. Bil sèj-sòj akal, èn arik Allah nahukom kenèmbek sènꞌòy, ratu Siba nak pon akal nawòg dak natanas ma nyob sènꞌòy jaman puꞌdoh. Sebab nanak nakeyòkh ma Rajak Salomo. Tapik néh lah, Yék doh lebéh rayak nòm Rajak Salomo. Dak Yék mok èn anuh, tapik nyob jèk tok nyomkèngyòkh!”
Yèsus nachèl-chal tentang yel jèdhad rik nalos wèl ma sènꞌòy rik chachod
(Luk 11:24-26)
43Yèsus nachal wèl naꞌog néy chòntoh: “Bil yel jèdhad naperak néy sènꞌòy, yel nak akal nachèb-chib ma tempad rik karéh untok namkèk tempad pay namgel. Tapik bil yel jèdhad nak tok naterèꞌbuk tempad namgel, 44yel nak akal nachal, ‘Yék imlos hék ma dékh rik yék iperak nak.’ Dak bil yel nak nalos, natèrbuk sènꞌòy rik naperak hatòp nak gerèk dékh tènghũng, hòj bekènwãj bok besenèbyab. 45Jadik yel nak akal nawèk nakòw tujoh yel jèdhad gèhnih rik lebéh jèdhad nòm rik eh nak. Dak kenèmbek yel nak akal ummòj ma sènꞌòy nak dak umgel èn anak. Sèj-sòj eh, nèsgos sènꞌòy nak najadik lebéh laꞌes nòm mulak hatòp. Unak lah akal nabelakuk ma nyob sènꞌòy jèdhad jaman puꞌdoh.”
Kewarge Yèsus
(Mrk 3:31-35; Luk 8:19-21)
46Bil Yèsus tik nabecharak ma sènꞌòy jajéh nak, amèk ròb pek Yèsus umlãj. Umnak umtèd-ted èn béng umchèn mucharak ma Yèsus. 47Dak mok sènꞌòy nachal ma Yèsus, “Hanéh lah, amèk ròb mèrpek Hãk mok umta-ted èn béng tuy. Umnak umchèn mucharak ma Hãk.”
48Tapik Yèsus nasaꞌod, “Yék imchal ma nyob chok amèk ròb mèrpek Yék rik kènmën.” 49Nanak natilèk ma mèn hèhoh Eh dak nachal, “Doh um doh lah amèk ròb mèrpek Yék. 50Chok rik tèlꞌèl nènchèn Apak Yék èn sorga, umnak lah pek bèhbeh, pek bèꞌbok, ròb amèk Yék.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.