Matius 11
11
Yohanès Pembaptis ròb Yèsus
(Luk 7:18-35)
1Nòm kerek Yèsus hòj sòj napesat ma nar belas hèhoh Eh ilok rik haros muteꞌèl, Nanak naperak nòm nak dak nawèk ma kote-kote èn tèk Galiliya untok nambetènglèkh bok namꞌèg-oglèkh Gah Allah.
2Bil nak Yohanès Pembaptis hòj èn kelòj jél, dak nanak nakeyòkh tentang ilok rik Yèsus Mèsias nateꞌèl nak. Jadik Yohanès naꞌor ma mèn hèhoh eh muwèk 3bok mutanyak ma Yèsus, “Hãk ke Mèsias rik Allah napèrhod, atòw tik kimpòj sènꞌòy mòy?”
4Yèsus nasaꞌod, “Mak lah ma Yohanès dak oglèkh ma rik nak ilok nyob hòj nyob keyòkh bok nyob yad: 5Sènꞌòy bebèybëy umnéh, sènꞌòy bekantem umchèb-chib, sènꞌòy bechenèk sèmpok umjadik méj wèl, sènꞌòy tèb-tãb umkeyòkh, sènꞌòy kèsbes umwòg wèl, dak iꞌoglèkh Gah Méj nòm Allah ma sènꞌòy hèl-hal. #Yès 35:5,6; Yès 61:1. 6Bok chal lah ma Yohanès: ‘Beꞌadés lah sènꞌòy rik umpechaye ma Yék bok tok umꞌèd-id!’”
7Bil mèn hèhoh Yohanès Pembaptis nak ummèk-mak, Yèsus natekèd nabecharak tentang Yohanès ma sènꞌòy jajéh: “Bil Yohanès naꞌèg-oglèkh Gah Allah èn pantil gurun, nahey nyob wèk ma rik nak? Pastik nyob tok nyob wèk-wèk untok nyomnéh sènꞌòy rik naꞌèd-id, rik nawèk dak nalos gerèk rambang bil beꞌawéh nahũb tènghõng! 8Jadik nahey nyob wèk? Pastik nyob tok nyob wèk-wèk untok nyomnéh sènꞌòy rik benèglòg mèlhal! Hõy, sènꞌòy rik benèglòg mèlhal nak tok umgèl-gel èn pantil gurun, tapik umgel èn istane rajak. 9Jadik, nahey nyob wèk? Pastik lah nyob wèk sebab nyob chèn nyomnéh ma néy sènꞌòy nabi. Kemën, Yohanès nak nabi. Dak Yék ichal ma nyob, rik nak lebéh rayak nòm nabi gèhnih. 10Sebab èn kelòj Kitab manah tòp Allah nachal tentang Yohanès: ‘Néh lah! Yék yimtèrꞌèn sènꞌòy nèng-nèng rik namtèrlòy gah Yék, supaye namtabéh nòng èn sòy Hãk.’ #Mal 3:1. 11Yék kemën ichal ma nyob, Yohanès Pembaptis nak lebéh rayak nòm kenèmbek sènꞌòy rik pernah gès-gos èn bumi. Tapik kenèmbek sènꞌòy èn kelòj Kerajaꞌan Allah, yab sènꞌòy rik paléng ajok pon, lebéh rayak nòm Yohanès. 12Nòm mase Yohanès Pembaptis natekèd naꞌèg-oglèkh Gah Allah sampéy lah ma puꞌdoh, mèsmus hòj umserang ma Kerajaꞌan Allah. Bok nòm chare pakse umnak umkèrdakh untok murus Kerajaꞌan nak.#Luk 16:16. 13Èn tèk-tik Yohanès tok nalèj-lãj, kenèmbek nabi ròb Hukom Tuhan umterèylòy Gah Allah, dak umramal nabi Èliya akal namlãj wèl. 14Dak kalòw nyob pechaye ma ilok rik umchal nak, nyob hòj nyob lèkh Yohanès Pembaptis nak lah nabi Èliya rik umramal nak. #Mal 4:5; Mat 17:10-13; Mrk 9:11-13. 15Chok rik begèntòkh, keyòkh lah méj-méj!”
16Yèsus nachal wèl, “Gerèk lok Yék imbanding ma nyob sènꞌòy jaman puꞌdoh rik jèk-jèk ma Yohanès bok ma Yék? Nyob doh gerèk sèdyẽd rik umgèl-gel umjèhwah èn pantil. Kumpolan rik néy umꞌabad ma rik gèhnih, 17‘Nahey nyob jèk nyob tok nyob bejogèd bil kandék kijèhwah laguk untok nyob? Dak kandék kijèhwah berawong, tapik nyob tok nyob yèm-yam!’ 18Sebab bil Yohanès Pembaptis nalãj, rik nak naꞌòd dak tok naꞌèng-òng, dak nyob jèk bok nyob chal, ‘Rik nak nasid yel jèdhad!’ 19Tapik puꞌdoh Yék, Sènꞌòy Nòm Sorga, ilãj, dak igèy-géy bok iꞌèng-òng. Dak nyob jèk bok nyob chal, ‘Néh lah ma sènꞌòy doh! Rik Nak bèngbokh, beloyẽj, bok nabarkéy ma sènꞌòy rik bechatuk duid chukay ròb sènꞌòy mòy rik bedose!’ Tapik yab mok sènꞌòy umjèk, kenèmbek sènꞌòy rik umhoh ma chare cherèndìk Allah umpèrnéh nòm tènꞌèl um unak lah chare rik kènmën.”
Allah akal nahukom ma sènꞌòy rik umjèk ma Yèsus
(Luk 10:13-15)
20Bil nak Yèsus natekèd natèdchod ma sènꞌòy rik umgèl-gel èn maròp-maròp kote, sebab èn tempad nak Rik Nak hòj nateꞌèl paléng ibuk tènꞌèl kuwase Eh, tapik umnak tik umjèk tok umpèꞌrak ma dose um. 21Yèsus nachal, “Terok geb lah Allah akal nahukom ma nyob rik gèl-gel èn kote Korasin! Bok terok geb keꞌjèk ma nyob èn kote Bètsayda! Yék hòj iteꞌèl ibuk tènꞌèl kuwase èn kote nyob. Kalòw lah Yék iteꞌèl tènꞌèl kuwase gerèk nak èn kote Tirus ròb kote Sidon manah tòp,#11:21 kote Tirus ròb kote Sidon manah tòp Nar kote nak èn negerik mòy, dak sènꞌòy rik gèl-gel èn kote nak kaum kedak Yahudi. Èn jènman anin tòp, kenèmbek sènꞌòy umlèkh sènꞌòy rik gèl-gel èn nar-nar kote nak jèdhad geb, sebab umjèk ma Allah dak umsindol ma alëj bèj-bòj. pastik sènꞌòy èn kote nak hòj umsisal nòm dose um, dak umlòg abat uchang bok umchub èn kuy um habog nòm os untok mupèrnéh umchèn muperak nòm dose bok mulos ma Tuhan. #Yès 23:1-18; Yeh 26:1—28:26; Yl 3:4-8; Am 1:9,10; Sak 9:2-4. 22Yék kemën ichal ma nyob: sènꞌòy èn nar kote nak tok umnéh ma kuwase Yék dak tok umpechaye ma Yék, tapik bil èn arik Allah nahukom ma kenèmbek sènꞌòy, umnak akal umterime henukom rik lebéh hanyõk nòm henukom nyob, sènꞌòy Korasin ròb Bètsayda! 23Dak nyob sènꞌòy Kapernaum wèl! Ke nyob bèdlod Allah akal namꞌangkìd ma nyob ma sorga? Hõy! Nyob akal nabes ma nerake! Kalòw lah mok tènꞌèl kuwase rik Yék iteꞌèl untok nyob nak nabelakuk èn kote Sòdom manah tòp, pastik lah sènꞌòy Sòdom nak hòj umperak ma dose um dak kote nak tik mok sampéy puꞌdoh. #Yès 14:13-15; Jen 19:24-28. 24#Mat 10:15; Luk 10:12.Jadik Yék ichal ma nyob: bil èn arik Allah nahukom ma kenèmbek sènꞌòy, Allah akal nahukom ma nyob lebéh ènjoh nòm henukom sènꞌòy èn kote Sòdom nak.”
Lãj lah ma Yèsus dak betarak
(Luk 10:21-22)
25Dak bil nak Yèsus nachal, “Yah Apak, Tuhan langid ròb bumi! Yék ibeterime kaséh ma Hãk sebab tenènglèkh Kerajaꞌan Hãk hakèrdëk nòm sènꞌòy rik chèrdìk ròb sènꞌòy rik ibuk nènglèkh um. Tapik Hãk hapèrnéh tèꞌlalah ma sènꞌòy biyase rik tok umlèng-lèkh ibuk, gerèk sèdyẽd jèꞌjok. 26Hek, Apak, gerèk nak lah chare Hãk hachèn.”
27Yèsus nachal wèl, “Apak Yék hòj naꞌog kenèmbek nak ma Yék. Had Apak hék rik nakenal ma Yék, Kuwòt Eh. Dak had Yék hék ikenal ma Apak, sebab Yék Kuwòt Eh. Dak had ma sènꞌòy rik Yék ipili iꞌoglèkh tentang Apak Yék. #Yoh 3:35; Yoh 1:18; 10:15.
28Lãj lah ma Yék, nyob kenèmbek rik begahèl bok bepègdug ibuk hal ènjoh, dak Yék akal iꞌog tenarak ma nyob. 29Hoh lah ma nènchèn Yék#11:29 Hoh lah ma nènchèn Yék Tèks asli mok chòntoh èn anuh: “Gulap lah ad rik ibeg ma nyob.” Chòntoh doh tentang lembu rik hèr-hér èn selay. Gerèk lembu nak nahoh ma nènchèn kël eh, èk haros èmhoh ma nènchèn Yèsus. bok terime tenènglèkh Yék. Sebab Yék doh lemun hup bok tok ibelalay, dak èn Yék nyob akal nyomtèrbuk tenarak untok ruway nyob. #Yèr 6:16. 30Ilok rik Yék iꞌor ma nyob nak senang, dak ilok rik Yék iꞌog nak hanyõk untok nyob nyomteꞌèl.”
Právě zvoleno:
Matius 11: KKT
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.
Matius 11
11
Yohanès Pembaptis ròb Yèsus
(Luk 7:18-35)
1Nòm kerek Yèsus hòj sòj napesat ma nar belas hèhoh Eh ilok rik haros muteꞌèl, Nanak naperak nòm nak dak nawèk ma kote-kote èn tèk Galiliya untok nambetènglèkh bok namꞌèg-oglèkh Gah Allah.
2Bil nak Yohanès Pembaptis hòj èn kelòj jél, dak nanak nakeyòkh tentang ilok rik Yèsus Mèsias nateꞌèl nak. Jadik Yohanès naꞌor ma mèn hèhoh eh muwèk 3bok mutanyak ma Yèsus, “Hãk ke Mèsias rik Allah napèrhod, atòw tik kimpòj sènꞌòy mòy?”
4Yèsus nasaꞌod, “Mak lah ma Yohanès dak oglèkh ma rik nak ilok nyob hòj nyob keyòkh bok nyob yad: 5Sènꞌòy bebèybëy umnéh, sènꞌòy bekantem umchèb-chib, sènꞌòy bechenèk sèmpok umjadik méj wèl, sènꞌòy tèb-tãb umkeyòkh, sènꞌòy kèsbes umwòg wèl, dak iꞌoglèkh Gah Méj nòm Allah ma sènꞌòy hèl-hal. #Yès 35:5,6; Yès 61:1. 6Bok chal lah ma Yohanès: ‘Beꞌadés lah sènꞌòy rik umpechaye ma Yék bok tok umꞌèd-id!’”
7Bil mèn hèhoh Yohanès Pembaptis nak ummèk-mak, Yèsus natekèd nabecharak tentang Yohanès ma sènꞌòy jajéh: “Bil Yohanès naꞌèg-oglèkh Gah Allah èn pantil gurun, nahey nyob wèk ma rik nak? Pastik nyob tok nyob wèk-wèk untok nyomnéh sènꞌòy rik naꞌèd-id, rik nawèk dak nalos gerèk rambang bil beꞌawéh nahũb tènghõng! 8Jadik nahey nyob wèk? Pastik nyob tok nyob wèk-wèk untok nyomnéh sènꞌòy rik benèglòg mèlhal! Hõy, sènꞌòy rik benèglòg mèlhal nak tok umgèl-gel èn pantil gurun, tapik umgel èn istane rajak. 9Jadik, nahey nyob wèk? Pastik lah nyob wèk sebab nyob chèn nyomnéh ma néy sènꞌòy nabi. Kemën, Yohanès nak nabi. Dak Yék ichal ma nyob, rik nak lebéh rayak nòm nabi gèhnih. 10Sebab èn kelòj Kitab manah tòp Allah nachal tentang Yohanès: ‘Néh lah! Yék yimtèrꞌèn sènꞌòy nèng-nèng rik namtèrlòy gah Yék, supaye namtabéh nòng èn sòy Hãk.’ #Mal 3:1. 11Yék kemën ichal ma nyob, Yohanès Pembaptis nak lebéh rayak nòm kenèmbek sènꞌòy rik pernah gès-gos èn bumi. Tapik kenèmbek sènꞌòy èn kelòj Kerajaꞌan Allah, yab sènꞌòy rik paléng ajok pon, lebéh rayak nòm Yohanès. 12Nòm mase Yohanès Pembaptis natekèd naꞌèg-oglèkh Gah Allah sampéy lah ma puꞌdoh, mèsmus hòj umserang ma Kerajaꞌan Allah. Bok nòm chare pakse umnak umkèrdakh untok murus Kerajaꞌan nak.#Luk 16:16. 13Èn tèk-tik Yohanès tok nalèj-lãj, kenèmbek nabi ròb Hukom Tuhan umterèylòy Gah Allah, dak umramal nabi Èliya akal namlãj wèl. 14Dak kalòw nyob pechaye ma ilok rik umchal nak, nyob hòj nyob lèkh Yohanès Pembaptis nak lah nabi Èliya rik umramal nak. #Mal 4:5; Mat 17:10-13; Mrk 9:11-13. 15Chok rik begèntòkh, keyòkh lah méj-méj!”
16Yèsus nachal wèl, “Gerèk lok Yék imbanding ma nyob sènꞌòy jaman puꞌdoh rik jèk-jèk ma Yohanès bok ma Yék? Nyob doh gerèk sèdyẽd rik umgèl-gel umjèhwah èn pantil. Kumpolan rik néy umꞌabad ma rik gèhnih, 17‘Nahey nyob jèk nyob tok nyob bejogèd bil kandék kijèhwah laguk untok nyob? Dak kandék kijèhwah berawong, tapik nyob tok nyob yèm-yam!’ 18Sebab bil Yohanès Pembaptis nalãj, rik nak naꞌòd dak tok naꞌèng-òng, dak nyob jèk bok nyob chal, ‘Rik nak nasid yel jèdhad!’ 19Tapik puꞌdoh Yék, Sènꞌòy Nòm Sorga, ilãj, dak igèy-géy bok iꞌèng-òng. Dak nyob jèk bok nyob chal, ‘Néh lah ma sènꞌòy doh! Rik Nak bèngbokh, beloyẽj, bok nabarkéy ma sènꞌòy rik bechatuk duid chukay ròb sènꞌòy mòy rik bedose!’ Tapik yab mok sènꞌòy umjèk, kenèmbek sènꞌòy rik umhoh ma chare cherèndìk Allah umpèrnéh nòm tènꞌèl um unak lah chare rik kènmën.”
Allah akal nahukom ma sènꞌòy rik umjèk ma Yèsus
(Luk 10:13-15)
20Bil nak Yèsus natekèd natèdchod ma sènꞌòy rik umgèl-gel èn maròp-maròp kote, sebab èn tempad nak Rik Nak hòj nateꞌèl paléng ibuk tènꞌèl kuwase Eh, tapik umnak tik umjèk tok umpèꞌrak ma dose um. 21Yèsus nachal, “Terok geb lah Allah akal nahukom ma nyob rik gèl-gel èn kote Korasin! Bok terok geb keꞌjèk ma nyob èn kote Bètsayda! Yék hòj iteꞌèl ibuk tènꞌèl kuwase èn kote nyob. Kalòw lah Yék iteꞌèl tènꞌèl kuwase gerèk nak èn kote Tirus ròb kote Sidon manah tòp,#11:21 kote Tirus ròb kote Sidon manah tòp Nar kote nak èn negerik mòy, dak sènꞌòy rik gèl-gel èn kote nak kaum kedak Yahudi. Èn jènman anin tòp, kenèmbek sènꞌòy umlèkh sènꞌòy rik gèl-gel èn nar-nar kote nak jèdhad geb, sebab umjèk ma Allah dak umsindol ma alëj bèj-bòj. pastik sènꞌòy èn kote nak hòj umsisal nòm dose um, dak umlòg abat uchang bok umchub èn kuy um habog nòm os untok mupèrnéh umchèn muperak nòm dose bok mulos ma Tuhan. #Yès 23:1-18; Yeh 26:1—28:26; Yl 3:4-8; Am 1:9,10; Sak 9:2-4. 22Yék kemën ichal ma nyob: sènꞌòy èn nar kote nak tok umnéh ma kuwase Yék dak tok umpechaye ma Yék, tapik bil èn arik Allah nahukom ma kenèmbek sènꞌòy, umnak akal umterime henukom rik lebéh hanyõk nòm henukom nyob, sènꞌòy Korasin ròb Bètsayda! 23Dak nyob sènꞌòy Kapernaum wèl! Ke nyob bèdlod Allah akal namꞌangkìd ma nyob ma sorga? Hõy! Nyob akal nabes ma nerake! Kalòw lah mok tènꞌèl kuwase rik Yék iteꞌèl untok nyob nak nabelakuk èn kote Sòdom manah tòp, pastik lah sènꞌòy Sòdom nak hòj umperak ma dose um dak kote nak tik mok sampéy puꞌdoh. #Yès 14:13-15; Jen 19:24-28. 24#Mat 10:15; Luk 10:12.Jadik Yék ichal ma nyob: bil èn arik Allah nahukom ma kenèmbek sènꞌòy, Allah akal nahukom ma nyob lebéh ènjoh nòm henukom sènꞌòy èn kote Sòdom nak.”
Lãj lah ma Yèsus dak betarak
(Luk 10:21-22)
25Dak bil nak Yèsus nachal, “Yah Apak, Tuhan langid ròb bumi! Yék ibeterime kaséh ma Hãk sebab tenènglèkh Kerajaꞌan Hãk hakèrdëk nòm sènꞌòy rik chèrdìk ròb sènꞌòy rik ibuk nènglèkh um. Tapik Hãk hapèrnéh tèꞌlalah ma sènꞌòy biyase rik tok umlèng-lèkh ibuk, gerèk sèdyẽd jèꞌjok. 26Hek, Apak, gerèk nak lah chare Hãk hachèn.”
27Yèsus nachal wèl, “Apak Yék hòj naꞌog kenèmbek nak ma Yék. Had Apak hék rik nakenal ma Yék, Kuwòt Eh. Dak had Yék hék ikenal ma Apak, sebab Yék Kuwòt Eh. Dak had ma sènꞌòy rik Yék ipili iꞌoglèkh tentang Apak Yék. #Yoh 3:35; Yoh 1:18; 10:15.
28Lãj lah ma Yék, nyob kenèmbek rik begahèl bok bepègdug ibuk hal ènjoh, dak Yék akal iꞌog tenarak ma nyob. 29Hoh lah ma nènchèn Yék#11:29 Hoh lah ma nènchèn Yék Tèks asli mok chòntoh èn anuh: “Gulap lah ad rik ibeg ma nyob.” Chòntoh doh tentang lembu rik hèr-hér èn selay. Gerèk lembu nak nahoh ma nènchèn kël eh, èk haros èmhoh ma nènchèn Yèsus. bok terime tenènglèkh Yék. Sebab Yék doh lemun hup bok tok ibelalay, dak èn Yék nyob akal nyomtèrbuk tenarak untok ruway nyob. #Yèr 6:16. 30Ilok rik Yék iꞌor ma nyob nak senang, dak ilok rik Yék iꞌog nak hanyõk untok nyob nyomteꞌèl.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2025 Wycliffe Bible Translators, Inc.