စောင့်လုကာ 9
9
ဟောင့် (၉)
ပွယ်အောင်းသာဝက ဆစ်ပ်ဆောင်န်ကော့်
(စောင့်မဿဲ ၁၀:၅-၁၅။ စောင့်မာကု ၆:၇-၁၃)
1နောက်လောင်နော့် စောင့်ယေရှုလ အောင်းသာဝကဆစ်ပ်ဆောင်န်ကော့် ဟောင့်ဆီ ဟစူးရောင့်ဝ် အောင်းဖီမနီးလေ ဟပေါဟော့်အောက်ပဲ့တောင်း အောင်းအနာရောဂါလေ အောင်းဟိုင်ပဲ့ အခွင့်အာဏာတောင်း အစွမ်းလေဟောင့်ဝ်ကော်ဝိုက်။ 2နောက်လောင်နော့် မွန်းစောင့်န အောင်းစမနော် ဟပေါနယ့်ဟောပြား အကြောင်းသာသနာတော်စောင့်ဖလားတောင်း ဟပေါနယ့်ရား အောင်းအနာရောဂါလေ ပွယ်ကော်ဝိုက်။ 3စောင့်ယေရှုကော့် အောင်းစမနော် “မဆူဟောင်ပေါကွာ တောင်းမဆူတောင်း အဟောင်းကော့် ပီအောင်းဝ်ကော်။ ခေါန့်တောင့်၊ ထုန်ဝ်၊ ခေါင်ကျဉ်း၊ ငွန်း၊ ဆေအောင်းပိုလေ ပီအောင်းဝ်ကော်။ 4ဟုန်းအောင်းဟပ်အောင်းစမဆူ ရာဟုန်းထောကော့်ခရောင့်ဝ် ဆီမေရာဟောန့် ကာမအောက်လ ရာဟုန်းဟောန့် ဆောင်းဝ်ဟင်း။ 5တော်နယ်ဆီ ကွန်းမှိန်းဟောန့်လေန ဟောင်ပေါမဟပ်အောင်းမဆူလော့် ဆီမေမှိန်းဟောန့် ဟောင်ပေါအောက်ပေါက်လော့် အောင်းစမနော် အနေဟောင့်ဝ်ဆတိတောင်း ဖွန်အောင်းရောင်းရာတဉ်းမဆူ ဆောန်တိုဝိုက်ဟင်း#9:5 ဖွန်အောင်းရောင်းရာတဉ်းမဆူ ဆောန်တိုဝိုက်ဟင်း အောင်းစကွန်းဂျူးလေပေါဝါလော့် “အောင်းစပ်ဝိုက်ရာတဉ်း ဖွန်အောင်းရာတီဟောန့်လေ ဆောန်တိုကော” ဝါလ မွန်းန တောင်းကွန်းအောင်းရောင်းရာတီဟောန့်လေတောင်း အောင်းပတ်သက်လေမရောင်းဆီ အဓိပ္ပါယ်နွိုက်ဝိုက်။ ရာတီဟိုက် နောင်နယ့်ဆီ နယ့်ဟေလ အောင်းကွန်းအူရာမှိန်းဟိုက်လေ အောင်းစောင့်ဖလားဟောင့်ဝ်အပြစ်လ တောင်းတပဲ့တော်လေတောင်း နောင်နူးကော့် မဆိုင်ဝါလ ပြားဝိုက်ဝိုက်။ အောင်းခို့ကျမ်းအောင်းတူလ ကျမ်းပိုဒ် ၁၀း၁၁ ကော့် ကွာတွဲပဲ့။ကော်” ဆီ ဝါကော်ဝိုက်။ 6နောက်လောင်နော့် တပဲ့မွန်းစောင့်လေန အောက်ဟင်းမားကော်ဆီ မန့်နိမ်ရောင့်ဝ်မန့်နိမ် ကွာဟင်းကော်ဝိုက်။ မနော်လေန ရာတီတောင်းလုန် အောင်းသတင်းနီးလေ ဟောပြားဟင်းဆီ အောင်းကွန်းမအူနီးလေကော့် ရားဟောင့်ဝ်ဟင်းကော်ဝိုက်။
သောက ဟေရုဒ်
(စောင့်မဿဲ ၁၄:၁-၁၂။ စောင့်မဿဲ ၆:၁၄-၂၉)
7မေအချီန်ဟောန့် အောင်းအုပ်ချုပ်အောင်းမှိန်းဂါလိလဲ ဟေရုဒ်လ ကာအောင်းစောင့်ယေရှုဟေလေတောင်းလုန် နယ့်ဟဉ်းကော်လော့် စောဝ်ယွန့်ကော်ဝိုက်။ ဟေဟောင်းဆီပေါဝါလော့် ကွန်းကန့်ဖောင်လေန “ဆရာရေနစ်မင်္ဂလာယောဟန်လ အဆတ်ခွန်းပေါက်မား” ဆီ ဝါဟင်းဝိုက်။ 8ကွန်းအောင်းကမ့်ဖောင်ပေါဝါလော့် “နောက်လောင်ဟာနိမ် ပရောဖက်ဧလိယကြွပေါက်မားဟွန်းကော်” ဆီကော့် ဝါဟင်းဝိုက်။ ကွန်းအောင်းကန့်ဖောင်ပေါဝါလော့် “မေတန်ဟာပွန့် အောင်းရောင်းမား ဆီမေပရောဖက်လေန ပရောဖက်ပါးနိမ် အဆတ်ခွန်းပေါက်မားကော်” ဆီ ဝါဟင်းညော့ဝိုက်။ 9တော်နယ်ကော့် ဟေရုဒ်လ “ကော အောင်းဟိုရေနှစ်မင်္ဂလာဆရာယောဟန် ဟတက်ပ်မားရောင့်ဝ်ကော်ညော့ ကွန်းဟိုက်လ ရေနှစ်မင်္ဂလာဆရာယောဟန်မပေးပဲ့။ အောင်းကောနယ့်ဟဉ်းသတင်းလေ အောင်းအောက်လ ဖောတပေး” ဆီ ဝါဆီ အောင်းစောင့်ယေရှု အိုက်ခခေါက်ပ်ကော်ဝိုက်။
လိမ့်ခေါင်ကျဉ်း အောင်းကွန်းဟာ့ဟိန်
(စောင့်မဿဲ ၁၄:၁၃-၂၁။ စောင့်မာကု ၆:၃၀-၄၄။ စောင့်ယောဟန် ၆:၁-၁၄)
10နောက်လောင်နော့် သာဝကလေ ထီန်ပေါက်ဟင်းမားလော့် ကာအောင်းမနော်ဟေမားလေ လောင်ဝ်ပြားအောင်းစောင့်ယေရှုဟင်းကော်ဝိုက်။ မေနယ့်လော့် စောင့်ယေရှုလ အောင်းစမနော် ဟောင့်ကွာကော်ဆီ ရာခန့်မှိန်းဗက်ဇဲဒ ရာရိန်းစန့်စန့်တီနိမ် တောင်းမနော်တောင်း ကြွကွာကော်ဝိုက်။ 11ကွန်းတောင်းလုန်န အောင်းအကြောင်းဟိုင့်လေ ဟုဟင်းကော်လော့် စောင်းမ်ဟင်းမားခလောင်စောင့်ယေရှုဟင်းကော်ဝိုက်။ စောင့်ယေရှုကော့် အောင်းစမနော် ဟပ်ထဆီ အကြောင်းသာသနာတော်စောင့်ဖလား ဟောပြားဆီ အောင်းကွန်းမအူနီးလေကော့် ဟဟိုင်ကော်ဝိုက်။ 12ဝမ်းစိုင့်မားကော်လော့် သာဝကဆစ်ပ်ဆောင်န်ကော့်လ မားရာမွန်းစောင့်ဆီ “စောင့်၊ ရာတီဟိုင့်န ပေးရာတီတောင်းကွန်းလေတောင်းကိုင်းညော့ အောင်းစကွန်းဖွန် ရာမန့်အောင်းရောင်းရာခန့်ဟိုင့်လေတောင်း ရာတုန်နားလေ ပွယ်ကော်။ အောင်းစမနော် အောင်းစဆောင်းဝ်တောင်းအောင်းစကျဉ်း လိုစောင့်” ဆီ ဟောင့်ဝ်အကြမ်ဆီ ဝါကော်ဝိုက်။ 13မေနယ့်လော့် မွန်းစောင့်န “အောင်းမနော် ခေါင်ကျဉ်းတူးနိမ်မတူးနိမ်ဟောင့်ဝ်ကော်” ဆီ အောင်းသာဝကလေ ဝါကော်လော့် မနော်ကော့် “ရာဟော ခေါင့်ဝ်မွန်းအောင်းဆေး ဟာ့ဟွေတောင်း ပါးဆောင်န်တူးနဲဟော်ရောင်းဟော။ ပေါတလိမ့်အောင်းကွန်းဟိုက်လေတောင်းလုန်ပေါလော့် ခေါင်ကျဉ်းလေ တနယ့်ကွာဆေ့” ဆီ ဝါကော်ဝိုက်။ 14ဟေဟောင်းဆီပေါဝါလော့် ခနောဝ်ဖွန်ကွန်းလေန ကော့်စိုင်းဟူကော့်မွန်း ဟာ့ဟိန်တရောင်းညော့ဝိုက်။ မွန်းစောင့်ကော့် အောင်းတပဲ့မွန်းလေ “ကွန်းရေမွတ် ဟာ့ဆစ်ပ်စူးဆီ ဟနောင်ကော်” ဆီ ဝါကော်ဝိုက်။ 15တပဲ့လေကော့် နောင်မွန်းစောင့်ဝါညော့ အောင်းကွန်းတောင်းလုန် ဟနောင်ကော်ဝိုက်။ 16နောက်လောင်နော့် မွန်းစောင့်န အောင်းခေါင့်ဝ်မွန်းဟာ့ဟွေတောင်း အောင်းပါးဆောင်န်တိုး တောင်းမေးမွန်းစောင့်တောင်း ကန်းမ်ဆီ တော်တောင့်ဖပွန့်မျှော်တွဲဆီ အောင်းကျေးဇူးတော်စောင့်ဖလား ချီးမွမ်းရောင့်ဝ် အောင်းခေါင့်ဝ်မွန်းဟာ့ဟွေတောင်း အောင်းပါးလေ ရာဆီ ဆီမေတပဲ့မွန်းလေ အောင်းကွန်းလေ ဟမိုင်ဟောင့်ဝ်ကော်ဝိုက်။ 17ကွန်းတောင်းလုန်ကော့် တော်ပေါအိဉ်မ်တော်ပေါတေမ်း ကျဉ်းဆီမကား အောင်းမနော်ကျဉ်းဆီအောင်းပိုလေ တပဲ့လေကျေပ်ဆီဆိဉ်းကော်လော့် ဟူမွန်းဆစ်ပ်ဆောင်န်မွန်းပွန့် တော်ပေါတေးမ် နွိုက်ဝိုက်။
ပေတရုကြော်ငြာ အကြောင်းစောင့်ယေရှုပေးမေရှိယ
(စောင့်မဿဲ ၁၆:၁၃-၂၀။ စောင့်မာကု ၈:၂၇-၃၀)
18ဝမ်းနိမ်လော့် စောင့်ယေရှုန မွန်းစောင့်ပါးနိမ်အင် ဟပေါနယ့်ရောန်းဆု ဆီမေဖွန်ကွန်းလ အောက်ကွာကော်ဝိုက်။ တပဲ့မွန်းစောင့်လေနဲဟော် တောင်းမွန်းစောင့်တောင်း ရောင်းဝိုက်။ မွန်းစောင့်လ အောင်းမနော် “ကွန်းလေန အောင်းစကော ဖောဆီ ဝါဟင်း” ဆီ ထန်မ်ကော်ဝိုက်။ 19မေနယ့်လော့် မနော်လေကော့် “ကွန်းကန့်ဖောင်လေန အောင်းမောစောင့် ရေနှစ်မင်္ဂလာဆရာယောဟန်လ အဆတ်ခွန်းပေါက်မား။ ကွန်းအောင်းကန့်ဖောင်ပေါဝါလော့် ပရောဖက်ဧလိယကြွပေါက်မားဟွန်းကော်ဆီကော့် ဝါဟင်း။ ကွန်းအောင်းကန့်ဖောင်ပေါဝါလော့် မေတန်ဟာပွန့် အောင်းရောင်းမား ဆီမေပရောဖက်လေန ပရောဖက်ပါးနိမ် အဆတ်ခွန်းပေါက်မားကော်ဆီကော့် ဝါဟင်း” ဆီ ဝါပေါက်ကော်ဝိုက်။ 20မေနယ့်လော့် မွန်းစောင့်လ “မဆူပဲ အောင်းကော ဖောဆီထန်ဟင်း” ဆီ ထန်မ်ကော်လော့် ပေတရုလ “မောစောင့်လ ကွန်းစောင့်ဖလားပွယ်မား ပေးမေရှိယ” ဆီ ဝါပေါက်ကော်ဝိုက်။ 21မွန်းစောင့်ကော့် အောင်းအကြောင်းဟိုက် အောင်းဖောကော့် ပီကွာလောင်ဝ်ဟင်းဆီ ဟောင့်ဝ်အမိန့်ကော်ဝိုက်။
အောင်းဝါထ အကြောင်းအောင်းတနယ့်သိုင်း
(စောင့်မဿဲ ၁၆:၂၀-၂၈။ စောင့်မာကု ၈:၃၀-၉:၁)
22နောက်လောင်နော့် မွန်းစောင့်လ အောင်းတပဲ့မွန်းလေ “အောင်းပေးလူ့သားတော် ကောလ ဒုက္ခလုန် ဟပေါနယ့်ခမ် လိုညော့ ကွန်းဂျူးအောင်းရောင်ဝ်လေ၊ ပုရောဟိတ်အောင်းရောင်ဝ်လေတောင်း ဆရာကျမ်းစန်လေန အောင်းစကော ဝေဆီ ကောလ အောင်းအောင်းဝ်သိုင်းနယ့်ခမ်ဆီ ဆမ်ဝမ်းပေါထိန့်ကော်လော့် အဆတ်တခွန်းပေါက်မား” ဆီ ဝါကော်ဝိုက်။
အောင်းစောင်းမ်ခလောင်စောင့်ယေရှု
23နောက်လောင်နော့် မွန်းစောင့်လ အောင်းကွန်းဖွန်လေ “ဖောကော့်ခရောင့်ဝ် ဟောင်ပေါခစောင်းမ်ခလောင်ကောလော့် မဆူလေန အောင်းအလိုစောင့်ကောင်ဝ် ဝေဆီ ဟောင်ပေါထီန်ရာအောင်းသိုင်းကိုးသကော့် အောင်းအမိန့်ကောလေ ကူဝမ်းကူဝမ်း တနယ့်စောင်းမ်ဟေ။ နောင်နယ့်ဟောင်ဝါမှ ခလောင်ကော တပေးကွန်းစောင်းမ်ပဲ့အောင်းတဲ့တဲ့။ 24အကြောင်းလ အောင်းအဆတ်စောင့်ကောင်ဝ် ကွန်းခကယ်လေန တနယ့်ဆွန်းမ်။ တော်နယ်ကော့် ကောပ့်ကောတောင်း အောင်းအဆတ်စောင့်ကောင်ဝ် ကွန်းဝေလေပေါဝါလော့် အောင်းကယ်တနယ့်ခမ်။ 25ကွန်းကော်နိမ်န ရာလောကဟိုက် စည်းစိမ်ဥစ္စာလေတောင်းလုန် နွိုက်မေကော့် အောင်းအဆတ်ထာဝရ ဟပေါနယ့်လက်ခမ် ပေါမနယ့်ခမ်လော့် အကျိုးအဟောင်းတရောင်း။ 26မဆူလေန ကောပ့်အောင်းကောဆောန်တောင်း ပေါနီးအိုင်းလော့် အောင်းပေးလူ့သားတော် ကောကော့် အစွမ်းစောင့်ဖလားတောင်း ဆီမေမှိန်းခမ်း တောင်းဖီဒေဝါအောင်းမြတ်လေတောင်း ရာလောကဟိုက် ဟောင်ပေါကြွပေါက်မားလော့် မဆူလေန တပဲ့ကောလေမစော်ဝါလ ကောတငြင်း။ 27အောင်းမဆူ ကောဟောင်တနယ့်ဝါအောင်းစော်ပေါဝါလော့် ကွန်းစိန်ရာတီဟိုင့် အောင်းကမ်ဖောင်လ အောင်းသာသနာတော်စောင့်ဖလား မဟောန်ကောင်ဝ်ဆီ တနယ့်သိုင်းမစော်” ဆီ ဝါကော်ဝိုက်။
တပဲ့ဆမ်ကော့် နယ့်ဟောန် အောင်းအစွမ်းလုန်စောင့်ယေရှု
(စောင့်မဿဲ ၁၇:၁-၈။ စောင့်မာကု ၉:၂-၈)
28နောင်နောင့်ဆီဝါရောင့်ဝ် ပက်ဝမ်းတကောင့်ဝ်ရောင်းကော့်လော့် မွန်းစောင့်လ အောင်းပေတရုရယ်၊ အောင်းယောဟန်တောင်း အောင်းယာကုပ်ရယ် ဟောင့်ဆီ ဟပေါနယ့်ရောန်းဆု ကြွကွာခနေနွဲဟင်းကော်ဝိုက်။ 29မေမွန်းစောင့်ရောန်းဆုလ နာ့မွန်းစောင့်လ ပြောင်းကော်ဆီ ဆေမွန်းစောင့်ကော့် ပေးအောင်းခေါင်ဝ်ဆီ အရောင်လိန်းမားကော်ဝိုက်။ 30နောက်လောင်နော့် မောရှေတောင်းဧလိယကော့် ချရှ်ချန်း ပေါ်မားဆီ တောင်းမွန်းစောင့်တောင်း တန့်ခွမ်းဟင်းကော်ဝိုက်။ 31မနော်လေန အစွမ်းလေလိန်းဆီ ရာမှိန်းဂျေရုဆလင် အနေအလိုတော်စောင့်ဖလားတောင်း အောင်းတပေး အကြောင်းမွန်းစောင့် အောင်းတနယ့်သိုင်း တန့်ဟင်းကော်ဝိုက်။ 32မေအချီန်ဟောန့် ပေတရုတောင်း အောင်းကျန်သာဝကဆောင်န်ကော့်လ နွမ်းနောက်ဟင်းကော်ဝိုက်။ မနော်လုမားလော့် အစွမ်းလေတောင်းအောင်းတေးမ်ဆီအူ အောင်းစောင့်ယေရှု နယ့်ဟောန်ဟင်းကော်ဝိုက်။ မနော်လ အောင်းတောင်းစောင့်ယေရှုတောင်း စိန်ဆီအူဟင်း အောင်းကွန်းဆောင်န်ကော့်ပါ နယ့်ဟောန်ကော်ဝိုက်။ 33နောက်လောင်နော့် မောရှေတောင်းဧလိယဟော် အောက်ကွာကော်လော့် ပေတရုလ အောင်းမွန်းစောင့် “စောင့်၊ ရာတီဟိုက်လ ခနီးခအူအင်ညော့ အောင်းစမောစောင့် ဆွုမ့်ဆွုမ့်နိမ်၊ အောင်းဧလိယ ဆွုမ့်ဆွုမ့်နိမ်၊ အောင်းမောရှေကော့် ဆွုမ့်ဆွုမ့်နိမ် ဟောခ ဟနယ့်တောင့်ဟောင့်ဝ်အီ့အွန်” ဆီ ဝါကော်ဝိုက်။ တော်နယ်ကော့် မွန်းန အောင်းမွန်းတောင်းမွန်း တန့်အဟောင်းကော်ဝါလ မဟုဝိုက်။ 34တကြားပေတရုဝါနောင်နယ့်ကော်လ ချီဖလုန်တူးနိမ်လ ရာခနေမနော် အုဝိုက်ကော်ဝိုက်။ မနော်လေကော့် အရိချီဖလုန်န အုဝိုက်ခနေမနော်ညော့ အိုက်နီးကိုးဟင်းကော်ဝိုက်။ 35မေနယ့်လော့် ဆီမေချီဖလ “မွန်းန ပေးလုစိုင်းအောင်းကောလိတ်ဝိုက်။ အောင်းခွမ်းမွန်း ထောင်မ်ဟင်း” ဆီ အောင်းဆိန်ဆိန်နိမ် နယ့်ဟဉ်းဟင်းကော်ဝိုက်။ 36ဆိန်ဟောန့်အောက်ရောင့်ဝ်လော့် ပေတရု၊ ယောဟန်တောင်း ယာကုပ်ဟော်လ အောင်းစောင့်ယေရှုပါးနိမ်နဲဟော် နယ့်ဟောန်ဟောဝိုက်။ မနော်လေန အကြောင်းမနော်ဟောန်လေ အောင်းဖောကော့် မလောင်ဝ်ဆီ ရိန်းစမ့်စမ့်အင် အူဟင်းကော်ဝိုက်။
အောင်းဟော့်အောက်အောင်းဖီမနီး
(စောင့်မဿဲ ၁၇:၁၄-၁၈။ စောင့်မာကု ၉:၁၄-၂၇)
37နောက်လောင်ဝမ်းနိမ်လော့် မွန်းစောင့်တောင်းတပဲ့မွန်းဆမ်ကော့်လ ဆီမေခနေနွဲ လုန်းဟင်းမားလော့် ကွန်းဖွန်လေန ဟပေါနယ့်ခေါက်ပ်အောင်းစောင့်ယေရှု ထီန်ဟင်းမားဝိုက်။ 38ဆီမေခနောဝ်ဖွန်ကွန်းဟောန့်န အောင်းကော်နိမ်လ “စောင့်၊ အောင်းလုစိုင်းကောခ အီနူအွန်စောင့်။ မွန်းန ပေးလုစိုင်းကောခအောင်းကော်နိမ်အင်စောင့်။ 39အောင်းမွန်း ဖီမနီးပူးဆီနိစတ်ညော့ တွန်ဆီဟယ်ဆီ စေစောင့်။ တောင်းတိုးတိုးဆောန်ဆီ ဆီမေပါတ်ကော့် ပန့်ပိုလေ စန်အောက်မားစောင့်။ ဖီမနီးဟောန့်လ အောင်းစမွန်း ဟမွယ်၊ ဟစေပ်။ ဆီမေမွန်း ဟပေါအောက်ကော့် အိုက်ယပ်။ 40ကောလ အောင်းတပဲ့မောစောင့်လေ တောင်းပန်ဆီ ဟဟော့်ဝေကော့် အောင်းဖီမနီးဟိုက် မနော်မဟော့်အောက်ပဲ့” ဆီ စေဆီ ဝါကော်ဝိုက်။ 41အောင်းအကြောင်းဟောန့် မွန်းစောင့်နယ့်ဟဉ်းကော်လော့် အောင်းကွန်းဖွန်လေ “မဆူလေန အောင်းစောင့်ဖလား အောင်းယွန်မ်အောင်းတဲ့တဲ့မရောင်းဆီ ပေးကွန်းအပြစ်ရောင်းလေ။ ကောလ တောင်းမဆူတောင်း အချီန်ဟူဟူအူမားမေကော့် မဆူလေန အောင်းစကော မယွန်မ်ဟင်းအွန်” ဆီ ဝါရောင့်ဝ် “အောင်းလုစိုင်းမော ကွာဟောင့်မားရာကော” ဆီ အောင်းကွန်းဟောန့် ဝါကော်ဝိုက်။ 42မေကွန်းဆေးအင်ဟောန့်မားလော့် ဖီမနီးလ အောင်းစမွန်း ခနေနောင်နဉ်း ဟလုမ့်တိုဆီ ကြမ်းကြမ်းဟဆောန်ကော်ဝိုက်။ တော်နယ် စောင့်ယေရှုန အောင်းဖီမနီး ဆီမေကွန်းဆေးအင်ဟောန့် ဟပေါအောက် ဟောင့်ဝ်အမိန့်ကော်ဝိုက်။ မွန်းစောင့်လ အောင်းလအောင်အင် ရားဟောင့်ဝ်ရောင့်ဝ် အပ်ပေါက်ရာပေါ်မွန်းကော်ဝိုက်။
အကြောင်းအောင်းတနယ့်သိုင်း ဒုတိယဟာနိမ် စောင့်ယေရှုဝါ
(စောင့်မဿဲ ၁၇:၂၂-၂၃။ စောင့်မာကု ၉:၃၀-၃၂)
43ကွန်းတောင်းလုန်န အောင်းအစွမ်းစောင့်ဖလား နယ့်ဟောန်ဟင်းကော်လော့် အမ်းဟင်းကော်ဝိုက်။ အောင်းစောင့်ယေရှုဟေလေတောင်းလုန် မေကွန်းတောင်းလုန်အမ်းဟင်းန မွန်းစောင့်လ အောင်းတပဲ့မွန်းလေ 44“အောင်းကောဝါပြား အောင်းမဆူလေန နီးနီးငမ်းငမ်း ထောင်မ်ဟင်း။ အောင်းပေးလူ့သားတော် ကောလ မဟူခွေတ် ခနောဝ်မေးရန်ဆူ အောင်းအပ်တနယ့်ခမ်ကော့်” ဆီ ဝါကော်ဝိုက်။ 45တပဲ့စောင့်ယေရှုလေန မွန်းစောင့်ခဝါအဟောင်းဝါလ မဟုဟင်းဝိုက်။ ဟေဟောင်းဆီပေါဝါလော့် မနော်တော်ပေါမဟုထောင်မ် မွန်းစောင့်လ လောက်ဆိဉ်ဝိုက်ညော့ဝိုက်။ တော်နယ်ကော့် မနော်လေန အောင်းအကြောင်းဟောန့် ဟပေါနယ့်ချန်းပြား အောင်းစောင့်ယေရှု ဟပေါနယ့်ထန်မ်ကော့် နီးကိုးဟင်းဝိုက်။
ကွန်းအောင်းချဉ်းအရေးပါလ ဖော
(စောင့်မဿဲ ၁၈:၁-၅။ စောင့်မာကု ၉:၃၃-၃၇)
46နောက်လောင်နော့် တပဲ့လေန ခနောဝ်မနော် ဖောပေးအောင်းချဉ်းအရေးပါဝါလ အချန်းချန်း ထိန်တော်ဟင်းကော်ဝိုက်။ 47တော်နယ် စောင့်ယေရှုလ ခနောဝ်စောဝ်မနော် တွေးနောင်နူးဝါလ ဟုညော့ အောင်းလအောင်အင်ကော်နိမ် ဟောင့်ဆီ ရာဟဉ်းမွန်းစောင့် ဟစိန်ကော်ဝိုက်။ 48နောက်လောင်နော့် မွန်းစောင့်လ အောင်းတပဲ့လေ “ကောပ့်အောင်းစကောတောင်း နောင်နယ့်ဆီ အောင်းလအောင်ဆေးအင် ကွန်းလက်ခမ်န ဖောကော့်ခရောင့်ဝ် ကွန်းလက်ခမ်အောင်းကောကျဉ်းနော့်။ အောင်းစကော ကွန်းစောင့်လက်ခမ်ကော့် ကွန်းလက်ခမ် အောင်းစောင့်ပွယ်မားအောင်းကော အောင်းစောင့်ဖလားကျဉ်းနော့်။ ဆီမေခနောဝ်မဆူလ အောင်းစောင့်ဝ်တောင်းကောင်ဝ် ကွန်းအောင်းချဉ်းနှိမ်ချလ ရာခနာ့စောင့်ဖလား ပေးကွန်းအောင်းချဉ်းအရေးပါ” ဆီ ဝါကော်ဝိုက်။
ကွန်းမဆန့်ကျင်အောင်းမဆူလ ကွန်းပါ့မဆူ
(စောင့်မာကု ၉:၃၈-၄၀)
49နောက်လောင်နော့် ယောဟန်လ “စောင့်၊ တောင်းနာမယ်မောစောင့်တောင်း ဆွန်းဆီ ဆီမေကွန်းအောင်းဖီမနီးပူးလ ကွန်းစောင့်ဟော့်အောက်ကော်နိမ် ဟောခေါက်ပ်မားစောင့်။ မွန်းန တောင်းဟောတောင်း ကွန်းစောင်းမ်မားမစော်ညော့ အောင်းမွန်း ဟောဆီးမားအွန်” ဆီ ဝါကော်ဝိုက်။ 50မွန်းစောင့်လ “အောင်းမွန်း ပီဆီးဟင်း။ အောင်းမဆူ ကွန်းမဆန့်ကျင်လ ကွန်းပါ့မဆူကျဉ်းနော့်” ဆီ ဝါကော်ဝိုက်။
ကွန်းအောင်းရောင်းရာမန့်ရှမာရိလေ လက်မခံဟင်းအောင်းစောင့်ယေရှု
51နောက်လောင်နော့် မွန်းစောင့်လ ဟပေါနယ့်ခွန့်ရာမှိန်းခမ်း မဟူကော့်ညော့ တကွာမှိန်းဂျေရုဆလင်ဆီ ဆုံးဖြတ်ကော်ဝိုက်။ 52မွန်းစောင့်န အောင်းတပဲ့မောင်းဖောင် ဟကွာအောင်းတိုင်းဆီ ရာမှိန်းရှမာရိ ရာမန့်မန့်နိမ် ထီန်ဟင်းကော်လော့် စောင့်ယေရှုတောင်းကွန်းတန်းတီလေ ဟပေါနယ့်ဆောင်းဝ် ဟကွာမဲထကော်ဝိုက်။ 53တော်နယ်ကော့် မွန်းစောင့်န ကွာမှိန်းဂျေရုဆလင်ညော့ ကွန်းမန့်ရှမာရိလေန အောင်းစမွန်းစောင့် မဟပ်ဟင်းမားဝိုက်။ 54အောင်းပေးတပဲ့မွန်းစောင့် ယာကုပ်တောင်းယောဟန်#9:54 ယာကုပ်တောင်းယောဟန် ယာကုပ်တောင်းယောဟန်ဟော်လေန ခနောဝ်သာဝကဆစ်ပ်ဆောင်န်ကော့်န တောင်းစောင့်ယေရှုတောင်း အောင်းချဉ်းအူကောင့်ဝ်ဆောင်န်ကော့်ဝိုက်။လ ဟောန်အောင်းအဖြစ်ပျက်ဟောန့်ကော်လော့် “စောင့်၊ မေတန်ဟာ နောင်ပရောဖက်ဧလိယ ဟေမားညော့ ဆီးမေခနေတောင့်ဖ အောင်းဖိုင်းလေ ဟတိုဆီ မနော်တော်ပေါပျတ်စီး ရာစောင့်ဖလား ဟောခတနယ့်ရောန်းကော်လေး” ဆီ ဝါဟင်းကော်လော့် 55မွန်းစောင့်လ လှည့်ပေါက်ပါ့မနော်ဆီ ဆုံးမကော်ဝိုက်။ 56နောက်လောင်နော့် မနော်လေန အောက်ကွာမန့်တန်းတီမန့်နိမ်ကော်ဝိုက်။#9:56 နောက်လောင်နော့် မနော်လေန အောက်ကွာမန့်တန်းတီမန့်နိမ်ကော်ဝိုက်။ ရာလိကျမ်းဂရိမောင်းဖောင်လော့် “လူသားတော်န အောင်းစောဝ်ကွန်းလေ ဟပေါနယ့်ဖျတ်စီးမစော်ဆီ ဟပေါနယ့်ကယ်နဲဟော် ကြွမားညော့ဝိုက်” ဆီ ပြားဝိုက်။
ကွန်းအောင်းခပေးတပဲ့ ဆမ်ကော့်
(စောင့်မဿဲ ၈:၁၉-၂၂)
57မွန်းစောင့်တောင်းတပဲ့မွန်းလေ ရာခွန်တန်းကွာဟောန့် ကွန်းကော်နိမ်လ မားစူးရာမွန်းစောင့်ဆီ “ရာမောစောင့်ကွာ ရာထောကော့်ခရောင့်ဝ် ကောခတစောင်းမ်” ဆီ ဝါကော်ဝိုက်။ 58မွန်းစောင့်န “မာနဉ်းလေန ခွန်မ်လေရောင်း။ နုတ်လေကော့် ဟမ်းမွန်းရောင်း။ တော်နယ်ကော့် ကော လူ့သားတော်န ဟုန်းမရောင်း” ဆီ ဝါကော်ဝိုက်။ 59နောက်လောင်နော့် မွန်းစောင့်န အောင်းကွန်းတန်းတီကော်နိမ် “စောင်းမ်မား” ဆီ ဟောင့်ကော်လော့် ကွန်းဟောန့်န “စောင့်၊ အောင့်အောင့်အင်ထအီ့။ အောင်းအလောင်းပေါ်ကော ကွာဆီခဖောင်အောင်းတိုင်းအွန်” ဆီ ဝါပေါက်ကော်ဝိုက်။ 60တော်နယ်ကော့် မွန်းစောင့်န “ကွန်းမထောင်မ်အောင်းခွမ်းစောင့်လေန တောင်းကွန်းသိုင်းတောင်းတူ။ အောင်းကွန်းတိုးသိုင်းဟိုက် ကွန်းသိုင်းလေ တဖောင်ကော်ကျဉ်း။ မောလ အကြောင်းသာသနာတော်စောင့်ဖလားနဲဟော် အောင်းကွန်းလေ တနယ့်ဟောပြား” ဆီ ဝါကော်ဝိုက်။ 61အောင်းကျန်ကွန်းကော်နိမ်ကော့် “စောင့်၊ ကောခလ တစောင်းမ်ခလောင်မောစောင့်။ တော်နယ်ကော့် ပေါက်ဟုန်းအောင်းတိုင်းဆီ တောင်းစောင့်ဟုန်းဟောလေတောင်း ဟနယ့်နှုတ်ဆက်အီ့အွန်” ဆီ ဝါကော်ဝိုက်။ 62မွန်းစောင့်ကော့် “ထိုင်ယ်ကမ်းဆီ ကွန်းစန်လှည့်ပေါက်ပါ့ခလောင်လ တောင်းသာသနာတော်စောင့်ဖလားတောင်း မတန်” ဆီ ဝါကော်ဝိုက်။
Právě zvoleno:
စောင့်လုကာ 9: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 9
9
ဟောင့် (၉)
ပွယ်အောင်းသာဝက ဆစ်ပ်ဆောင်န်ကော့်
(စောင့်မဿဲ ၁၀:၅-၁၅။ စောင့်မာကု ၆:၇-၁၃)
1နောက်လောင်နော့် စောင့်ယေရှုလ အောင်းသာဝကဆစ်ပ်ဆောင်န်ကော့် ဟောင့်ဆီ ဟစူးရောင့်ဝ် အောင်းဖီမနီးလေ ဟပေါဟော့်အောက်ပဲ့တောင်း အောင်းအနာရောဂါလေ အောင်းဟိုင်ပဲ့ အခွင့်အာဏာတောင်း အစွမ်းလေဟောင့်ဝ်ကော်ဝိုက်။ 2နောက်လောင်နော့် မွန်းစောင့်န အောင်းစမနော် ဟပေါနယ့်ဟောပြား အကြောင်းသာသနာတော်စောင့်ဖလားတောင်း ဟပေါနယ့်ရား အောင်းအနာရောဂါလေ ပွယ်ကော်ဝိုက်။ 3စောင့်ယေရှုကော့် အောင်းစမနော် “မဆူဟောင်ပေါကွာ တောင်းမဆူတောင်း အဟောင်းကော့် ပီအောင်းဝ်ကော်။ ခေါန့်တောင့်၊ ထုန်ဝ်၊ ခေါင်ကျဉ်း၊ ငွန်း၊ ဆေအောင်းပိုလေ ပီအောင်းဝ်ကော်။ 4ဟုန်းအောင်းဟပ်အောင်းစမဆူ ရာဟုန်းထောကော့်ခရောင့်ဝ် ဆီမေရာဟောန့် ကာမအောက်လ ရာဟုန်းဟောန့် ဆောင်းဝ်ဟင်း။ 5တော်နယ်ဆီ ကွန်းမှိန်းဟောန့်လေန ဟောင်ပေါမဟပ်အောင်းမဆူလော့် ဆီမေမှိန်းဟောန့် ဟောင်ပေါအောက်ပေါက်လော့် အောင်းစမနော် အနေဟောင့်ဝ်ဆတိတောင်း ဖွန်အောင်းရောင်းရာတဉ်းမဆူ ဆောန်တိုဝိုက်ဟင်း#9:5 ဖွန်အောင်းရောင်းရာတဉ်းမဆူ ဆောန်တိုဝိုက်ဟင်း အောင်းစကွန်းဂျူးလေပေါဝါလော့် “အောင်းစပ်ဝိုက်ရာတဉ်း ဖွန်အောင်းရာတီဟောန့်လေ ဆောန်တိုကော” ဝါလ မွန်းန တောင်းကွန်းအောင်းရောင်းရာတီဟောန့်လေတောင်း အောင်းပတ်သက်လေမရောင်းဆီ အဓိပ္ပါယ်နွိုက်ဝိုက်။ ရာတီဟိုက် နောင်နယ့်ဆီ နယ့်ဟေလ အောင်းကွန်းအူရာမှိန်းဟိုက်လေ အောင်းစောင့်ဖလားဟောင့်ဝ်အပြစ်လ တောင်းတပဲ့တော်လေတောင်း နောင်နူးကော့် မဆိုင်ဝါလ ပြားဝိုက်ဝိုက်။ အောင်းခို့ကျမ်းအောင်းတူလ ကျမ်းပိုဒ် ၁၀း၁၁ ကော့် ကွာတွဲပဲ့။ကော်” ဆီ ဝါကော်ဝိုက်။ 6နောက်လောင်နော့် တပဲ့မွန်းစောင့်လေန အောက်ဟင်းမားကော်ဆီ မန့်နိမ်ရောင့်ဝ်မန့်နိမ် ကွာဟင်းကော်ဝိုက်။ မနော်လေန ရာတီတောင်းလုန် အောင်းသတင်းနီးလေ ဟောပြားဟင်းဆီ အောင်းကွန်းမအူနီးလေကော့် ရားဟောင့်ဝ်ဟင်းကော်ဝိုက်။
သောက ဟေရုဒ်
(စောင့်မဿဲ ၁၄:၁-၁၂။ စောင့်မဿဲ ၆:၁၄-၂၉)
7မေအချီန်ဟောန့် အောင်းအုပ်ချုပ်အောင်းမှိန်းဂါလိလဲ ဟေရုဒ်လ ကာအောင်းစောင့်ယေရှုဟေလေတောင်းလုန် နယ့်ဟဉ်းကော်လော့် စောဝ်ယွန့်ကော်ဝိုက်။ ဟေဟောင်းဆီပေါဝါလော့် ကွန်းကန့်ဖောင်လေန “ဆရာရေနစ်မင်္ဂလာယောဟန်လ အဆတ်ခွန်းပေါက်မား” ဆီ ဝါဟင်းဝိုက်။ 8ကွန်းအောင်းကမ့်ဖောင်ပေါဝါလော့် “နောက်လောင်ဟာနိမ် ပရောဖက်ဧလိယကြွပေါက်မားဟွန်းကော်” ဆီကော့် ဝါဟင်းဝိုက်။ ကွန်းအောင်းကန့်ဖောင်ပေါဝါလော့် “မေတန်ဟာပွန့် အောင်းရောင်းမား ဆီမေပရောဖက်လေန ပရောဖက်ပါးနိမ် အဆတ်ခွန်းပေါက်မားကော်” ဆီ ဝါဟင်းညော့ဝိုက်။ 9တော်နယ်ကော့် ဟေရုဒ်လ “ကော အောင်းဟိုရေနှစ်မင်္ဂလာဆရာယောဟန် ဟတက်ပ်မားရောင့်ဝ်ကော်ညော့ ကွန်းဟိုက်လ ရေနှစ်မင်္ဂလာဆရာယောဟန်မပေးပဲ့။ အောင်းကောနယ့်ဟဉ်းသတင်းလေ အောင်းအောက်လ ဖောတပေး” ဆီ ဝါဆီ အောင်းစောင့်ယေရှု အိုက်ခခေါက်ပ်ကော်ဝိုက်။
လိမ့်ခေါင်ကျဉ်း အောင်းကွန်းဟာ့ဟိန်
(စောင့်မဿဲ ၁၄:၁၃-၂၁။ စောင့်မာကု ၆:၃၀-၄၄။ စောင့်ယောဟန် ၆:၁-၁၄)
10နောက်လောင်နော့် သာဝကလေ ထီန်ပေါက်ဟင်းမားလော့် ကာအောင်းမနော်ဟေမားလေ လောင်ဝ်ပြားအောင်းစောင့်ယေရှုဟင်းကော်ဝိုက်။ မေနယ့်လော့် စောင့်ယေရှုလ အောင်းစမနော် ဟောင့်ကွာကော်ဆီ ရာခန့်မှိန်းဗက်ဇဲဒ ရာရိန်းစန့်စန့်တီနိမ် တောင်းမနော်တောင်း ကြွကွာကော်ဝိုက်။ 11ကွန်းတောင်းလုန်န အောင်းအကြောင်းဟိုင့်လေ ဟုဟင်းကော်လော့် စောင်းမ်ဟင်းမားခလောင်စောင့်ယေရှုဟင်းကော်ဝိုက်။ စောင့်ယေရှုကော့် အောင်းစမနော် ဟပ်ထဆီ အကြောင်းသာသနာတော်စောင့်ဖလား ဟောပြားဆီ အောင်းကွန်းမအူနီးလေကော့် ဟဟိုင်ကော်ဝိုက်။ 12ဝမ်းစိုင့်မားကော်လော့် သာဝကဆစ်ပ်ဆောင်န်ကော့်လ မားရာမွန်းစောင့်ဆီ “စောင့်၊ ရာတီဟိုင့်န ပေးရာတီတောင်းကွန်းလေတောင်းကိုင်းညော့ အောင်းစကွန်းဖွန် ရာမန့်အောင်းရောင်းရာခန့်ဟိုင့်လေတောင်း ရာတုန်နားလေ ပွယ်ကော်။ အောင်းစမနော် အောင်းစဆောင်းဝ်တောင်းအောင်းစကျဉ်း လိုစောင့်” ဆီ ဟောင့်ဝ်အကြမ်ဆီ ဝါကော်ဝိုက်။ 13မေနယ့်လော့် မွန်းစောင့်န “အောင်းမနော် ခေါင်ကျဉ်းတူးနိမ်မတူးနိမ်ဟောင့်ဝ်ကော်” ဆီ အောင်းသာဝကလေ ဝါကော်လော့် မနော်ကော့် “ရာဟော ခေါင့်ဝ်မွန်းအောင်းဆေး ဟာ့ဟွေတောင်း ပါးဆောင်န်တူးနဲဟော်ရောင်းဟော။ ပေါတလိမ့်အောင်းကွန်းဟိုက်လေတောင်းလုန်ပေါလော့် ခေါင်ကျဉ်းလေ တနယ့်ကွာဆေ့” ဆီ ဝါကော်ဝိုက်။ 14ဟေဟောင်းဆီပေါဝါလော့် ခနောဝ်ဖွန်ကွန်းလေန ကော့်စိုင်းဟူကော့်မွန်း ဟာ့ဟိန်တရောင်းညော့ဝိုက်။ မွန်းစောင့်ကော့် အောင်းတပဲ့မွန်းလေ “ကွန်းရေမွတ် ဟာ့ဆစ်ပ်စူးဆီ ဟနောင်ကော်” ဆီ ဝါကော်ဝိုက်။ 15တပဲ့လေကော့် နောင်မွန်းစောင့်ဝါညော့ အောင်းကွန်းတောင်းလုန် ဟနောင်ကော်ဝိုက်။ 16နောက်လောင်နော့် မွန်းစောင့်န အောင်းခေါင့်ဝ်မွန်းဟာ့ဟွေတောင်း အောင်းပါးဆောင်န်တိုး တောင်းမေးမွန်းစောင့်တောင်း ကန်းမ်ဆီ တော်တောင့်ဖပွန့်မျှော်တွဲဆီ အောင်းကျေးဇူးတော်စောင့်ဖလား ချီးမွမ်းရောင့်ဝ် အောင်းခေါင့်ဝ်မွန်းဟာ့ဟွေတောင်း အောင်းပါးလေ ရာဆီ ဆီမေတပဲ့မွန်းလေ အောင်းကွန်းလေ ဟမိုင်ဟောင့်ဝ်ကော်ဝိုက်။ 17ကွန်းတောင်းလုန်ကော့် တော်ပေါအိဉ်မ်တော်ပေါတေမ်း ကျဉ်းဆီမကား အောင်းမနော်ကျဉ်းဆီအောင်းပိုလေ တပဲ့လေကျေပ်ဆီဆိဉ်းကော်လော့် ဟူမွန်းဆစ်ပ်ဆောင်န်မွန်းပွန့် တော်ပေါတေးမ် နွိုက်ဝိုက်။
ပေတရုကြော်ငြာ အကြောင်းစောင့်ယေရှုပေးမေရှိယ
(စောင့်မဿဲ ၁၆:၁၃-၂၀။ စောင့်မာကု ၈:၂၇-၃၀)
18ဝမ်းနိမ်လော့် စောင့်ယေရှုန မွန်းစောင့်ပါးနိမ်အင် ဟပေါနယ့်ရောန်းဆု ဆီမေဖွန်ကွန်းလ အောက်ကွာကော်ဝိုက်။ တပဲ့မွန်းစောင့်လေနဲဟော် တောင်းမွန်းစောင့်တောင်း ရောင်းဝိုက်။ မွန်းစောင့်လ အောင်းမနော် “ကွန်းလေန အောင်းစကော ဖောဆီ ဝါဟင်း” ဆီ ထန်မ်ကော်ဝိုက်။ 19မေနယ့်လော့် မနော်လေကော့် “ကွန်းကန့်ဖောင်လေန အောင်းမောစောင့် ရေနှစ်မင်္ဂလာဆရာယောဟန်လ အဆတ်ခွန်းပေါက်မား။ ကွန်းအောင်းကန့်ဖောင်ပေါဝါလော့် ပရောဖက်ဧလိယကြွပေါက်မားဟွန်းကော်ဆီကော့် ဝါဟင်း။ ကွန်းအောင်းကန့်ဖောင်ပေါဝါလော့် မေတန်ဟာပွန့် အောင်းရောင်းမား ဆီမေပရောဖက်လေန ပရောဖက်ပါးနိမ် အဆတ်ခွန်းပေါက်မားကော်ဆီကော့် ဝါဟင်း” ဆီ ဝါပေါက်ကော်ဝိုက်။ 20မေနယ့်လော့် မွန်းစောင့်လ “မဆူပဲ အောင်းကော ဖောဆီထန်ဟင်း” ဆီ ထန်မ်ကော်လော့် ပေတရုလ “မောစောင့်လ ကွန်းစောင့်ဖလားပွယ်မား ပေးမေရှိယ” ဆီ ဝါပေါက်ကော်ဝိုက်။ 21မွန်းစောင့်ကော့် အောင်းအကြောင်းဟိုက် အောင်းဖောကော့် ပီကွာလောင်ဝ်ဟင်းဆီ ဟောင့်ဝ်အမိန့်ကော်ဝိုက်။
အောင်းဝါထ အကြောင်းအောင်းတနယ့်သိုင်း
(စောင့်မဿဲ ၁၆:၂၀-၂၈။ စောင့်မာကု ၈:၃၀-၉:၁)
22နောက်လောင်နော့် မွန်းစောင့်လ အောင်းတပဲ့မွန်းလေ “အောင်းပေးလူ့သားတော် ကောလ ဒုက္ခလုန် ဟပေါနယ့်ခမ် လိုညော့ ကွန်းဂျူးအောင်းရောင်ဝ်လေ၊ ပုရောဟိတ်အောင်းရောင်ဝ်လေတောင်း ဆရာကျမ်းစန်လေန အောင်းစကော ဝေဆီ ကောလ အောင်းအောင်းဝ်သိုင်းနယ့်ခမ်ဆီ ဆမ်ဝမ်းပေါထိန့်ကော်လော့် အဆတ်တခွန်းပေါက်မား” ဆီ ဝါကော်ဝိုက်။
အောင်းစောင်းမ်ခလောင်စောင့်ယေရှု
23နောက်လောင်နော့် မွန်းစောင့်လ အောင်းကွန်းဖွန်လေ “ဖောကော့်ခရောင့်ဝ် ဟောင်ပေါခစောင်းမ်ခလောင်ကောလော့် မဆူလေန အောင်းအလိုစောင့်ကောင်ဝ် ဝေဆီ ဟောင်ပေါထီန်ရာအောင်းသိုင်းကိုးသကော့် အောင်းအမိန့်ကောလေ ကူဝမ်းကူဝမ်း တနယ့်စောင်းမ်ဟေ။ နောင်နယ့်ဟောင်ဝါမှ ခလောင်ကော တပေးကွန်းစောင်းမ်ပဲ့အောင်းတဲ့တဲ့။ 24အကြောင်းလ အောင်းအဆတ်စောင့်ကောင်ဝ် ကွန်းခကယ်လေန တနယ့်ဆွန်းမ်။ တော်နယ်ကော့် ကောပ့်ကောတောင်း အောင်းအဆတ်စောင့်ကောင်ဝ် ကွန်းဝေလေပေါဝါလော့် အောင်းကယ်တနယ့်ခမ်။ 25ကွန်းကော်နိမ်န ရာလောကဟိုက် စည်းစိမ်ဥစ္စာလေတောင်းလုန် နွိုက်မေကော့် အောင်းအဆတ်ထာဝရ ဟပေါနယ့်လက်ခမ် ပေါမနယ့်ခမ်လော့် အကျိုးအဟောင်းတရောင်း။ 26မဆူလေန ကောပ့်အောင်းကောဆောန်တောင်း ပေါနီးအိုင်းလော့် အောင်းပေးလူ့သားတော် ကောကော့် အစွမ်းစောင့်ဖလားတောင်း ဆီမေမှိန်းခမ်း တောင်းဖီဒေဝါအောင်းမြတ်လေတောင်း ရာလောကဟိုက် ဟောင်ပေါကြွပေါက်မားလော့် မဆူလေန တပဲ့ကောလေမစော်ဝါလ ကောတငြင်း။ 27အောင်းမဆူ ကောဟောင်တနယ့်ဝါအောင်းစော်ပေါဝါလော့် ကွန်းစိန်ရာတီဟိုင့် အောင်းကမ်ဖောင်လ အောင်းသာသနာတော်စောင့်ဖလား မဟောန်ကောင်ဝ်ဆီ တနယ့်သိုင်းမစော်” ဆီ ဝါကော်ဝိုက်။
တပဲ့ဆမ်ကော့် နယ့်ဟောန် အောင်းအစွမ်းလုန်စောင့်ယေရှု
(စောင့်မဿဲ ၁၇:၁-၈။ စောင့်မာကု ၉:၂-၈)
28နောင်နောင့်ဆီဝါရောင့်ဝ် ပက်ဝမ်းတကောင့်ဝ်ရောင်းကော့်လော့် မွန်းစောင့်လ အောင်းပေတရုရယ်၊ အောင်းယောဟန်တောင်း အောင်းယာကုပ်ရယ် ဟောင့်ဆီ ဟပေါနယ့်ရောန်းဆု ကြွကွာခနေနွဲဟင်းကော်ဝိုက်။ 29မေမွန်းစောင့်ရောန်းဆုလ နာ့မွန်းစောင့်လ ပြောင်းကော်ဆီ ဆေမွန်းစောင့်ကော့် ပေးအောင်းခေါင်ဝ်ဆီ အရောင်လိန်းမားကော်ဝိုက်။ 30နောက်လောင်နော့် မောရှေတောင်းဧလိယကော့် ချရှ်ချန်း ပေါ်မားဆီ တောင်းမွန်းစောင့်တောင်း တန့်ခွမ်းဟင်းကော်ဝိုက်။ 31မနော်လေန အစွမ်းလေလိန်းဆီ ရာမှိန်းဂျေရုဆလင် အနေအလိုတော်စောင့်ဖလားတောင်း အောင်းတပေး အကြောင်းမွန်းစောင့် အောင်းတနယ့်သိုင်း တန့်ဟင်းကော်ဝိုက်။ 32မေအချီန်ဟောန့် ပေတရုတောင်း အောင်းကျန်သာဝကဆောင်န်ကော့်လ နွမ်းနောက်ဟင်းကော်ဝိုက်။ မနော်လုမားလော့် အစွမ်းလေတောင်းအောင်းတေးမ်ဆီအူ အောင်းစောင့်ယေရှု နယ့်ဟောန်ဟင်းကော်ဝိုက်။ မနော်လ အောင်းတောင်းစောင့်ယေရှုတောင်း စိန်ဆီအူဟင်း အောင်းကွန်းဆောင်န်ကော့်ပါ နယ့်ဟောန်ကော်ဝိုက်။ 33နောက်လောင်နော့် မောရှေတောင်းဧလိယဟော် အောက်ကွာကော်လော့် ပေတရုလ အောင်းမွန်းစောင့် “စောင့်၊ ရာတီဟိုက်လ ခနီးခအူအင်ညော့ အောင်းစမောစောင့် ဆွုမ့်ဆွုမ့်နိမ်၊ အောင်းဧလိယ ဆွုမ့်ဆွုမ့်နိမ်၊ အောင်းမောရှေကော့် ဆွုမ့်ဆွုမ့်နိမ် ဟောခ ဟနယ့်တောင့်ဟောင့်ဝ်အီ့အွန်” ဆီ ဝါကော်ဝိုက်။ တော်နယ်ကော့် မွန်းန အောင်းမွန်းတောင်းမွန်း တန့်အဟောင်းကော်ဝါလ မဟုဝိုက်။ 34တကြားပေတရုဝါနောင်နယ့်ကော်လ ချီဖလုန်တူးနိမ်လ ရာခနေမနော် အုဝိုက်ကော်ဝိုက်။ မနော်လေကော့် အရိချီဖလုန်န အုဝိုက်ခနေမနော်ညော့ အိုက်နီးကိုးဟင်းကော်ဝိုက်။ 35မေနယ့်လော့် ဆီမေချီဖလ “မွန်းန ပေးလုစိုင်းအောင်းကောလိတ်ဝိုက်။ အောင်းခွမ်းမွန်း ထောင်မ်ဟင်း” ဆီ အောင်းဆိန်ဆိန်နိမ် နယ့်ဟဉ်းဟင်းကော်ဝိုက်။ 36ဆိန်ဟောန့်အောက်ရောင့်ဝ်လော့် ပေတရု၊ ယောဟန်တောင်း ယာကုပ်ဟော်လ အောင်းစောင့်ယေရှုပါးနိမ်နဲဟော် နယ့်ဟောန်ဟောဝိုက်။ မနော်လေန အကြောင်းမနော်ဟောန်လေ အောင်းဖောကော့် မလောင်ဝ်ဆီ ရိန်းစမ့်စမ့်အင် အူဟင်းကော်ဝိုက်။
အောင်းဟော့်အောက်အောင်းဖီမနီး
(စောင့်မဿဲ ၁၇:၁၄-၁၈။ စောင့်မာကု ၉:၁၄-၂၇)
37နောက်လောင်ဝမ်းနိမ်လော့် မွန်းစောင့်တောင်းတပဲ့မွန်းဆမ်ကော့်လ ဆီမေခနေနွဲ လုန်းဟင်းမားလော့် ကွန်းဖွန်လေန ဟပေါနယ့်ခေါက်ပ်အောင်းစောင့်ယေရှု ထီန်ဟင်းမားဝိုက်။ 38ဆီမေခနောဝ်ဖွန်ကွန်းဟောန့်န အောင်းကော်နိမ်လ “စောင့်၊ အောင်းလုစိုင်းကောခ အီနူအွန်စောင့်။ မွန်းန ပေးလုစိုင်းကောခအောင်းကော်နိမ်အင်စောင့်။ 39အောင်းမွန်း ဖီမနီးပူးဆီနိစတ်ညော့ တွန်ဆီဟယ်ဆီ စေစောင့်။ တောင်းတိုးတိုးဆောန်ဆီ ဆီမေပါတ်ကော့် ပန့်ပိုလေ စန်အောက်မားစောင့်။ ဖီမနီးဟောန့်လ အောင်းစမွန်း ဟမွယ်၊ ဟစေပ်။ ဆီမေမွန်း ဟပေါအောက်ကော့် အိုက်ယပ်။ 40ကောလ အောင်းတပဲ့မောစောင့်လေ တောင်းပန်ဆီ ဟဟော့်ဝေကော့် အောင်းဖီမနီးဟိုက် မနော်မဟော့်အောက်ပဲ့” ဆီ စေဆီ ဝါကော်ဝိုက်။ 41အောင်းအကြောင်းဟောန့် မွန်းစောင့်နယ့်ဟဉ်းကော်လော့် အောင်းကွန်းဖွန်လေ “မဆူလေန အောင်းစောင့်ဖလား အောင်းယွန်မ်အောင်းတဲ့တဲ့မရောင်းဆီ ပေးကွန်းအပြစ်ရောင်းလေ။ ကောလ တောင်းမဆူတောင်း အချီန်ဟူဟူအူမားမေကော့် မဆူလေန အောင်းစကော မယွန်မ်ဟင်းအွန်” ဆီ ဝါရောင့်ဝ် “အောင်းလုစိုင်းမော ကွာဟောင့်မားရာကော” ဆီ အောင်းကွန်းဟောန့် ဝါကော်ဝိုက်။ 42မေကွန်းဆေးအင်ဟောန့်မားလော့် ဖီမနီးလ အောင်းစမွန်း ခနေနောင်နဉ်း ဟလုမ့်တိုဆီ ကြမ်းကြမ်းဟဆောန်ကော်ဝိုက်။ တော်နယ် စောင့်ယေရှုန အောင်းဖီမနီး ဆီမေကွန်းဆေးအင်ဟောန့် ဟပေါအောက် ဟောင့်ဝ်အမိန့်ကော်ဝိုက်။ မွန်းစောင့်လ အောင်းလအောင်အင် ရားဟောင့်ဝ်ရောင့်ဝ် အပ်ပေါက်ရာပေါ်မွန်းကော်ဝိုက်။
အကြောင်းအောင်းတနယ့်သိုင်း ဒုတိယဟာနိမ် စောင့်ယေရှုဝါ
(စောင့်မဿဲ ၁၇:၂၂-၂၃။ စောင့်မာကု ၉:၃၀-၃၂)
43ကွန်းတောင်းလုန်န အောင်းအစွမ်းစောင့်ဖလား နယ့်ဟောန်ဟင်းကော်လော့် အမ်းဟင်းကော်ဝိုက်။ အောင်းစောင့်ယေရှုဟေလေတောင်းလုန် မေကွန်းတောင်းလုန်အမ်းဟင်းန မွန်းစောင့်လ အောင်းတပဲ့မွန်းလေ 44“အောင်းကောဝါပြား အောင်းမဆူလေန နီးနီးငမ်းငမ်း ထောင်မ်ဟင်း။ အောင်းပေးလူ့သားတော် ကောလ မဟူခွေတ် ခနောဝ်မေးရန်ဆူ အောင်းအပ်တနယ့်ခမ်ကော့်” ဆီ ဝါကော်ဝိုက်။ 45တပဲ့စောင့်ယေရှုလေန မွန်းစောင့်ခဝါအဟောင်းဝါလ မဟုဟင်းဝိုက်။ ဟေဟောင်းဆီပေါဝါလော့် မနော်တော်ပေါမဟုထောင်မ် မွန်းစောင့်လ လောက်ဆိဉ်ဝိုက်ညော့ဝိုက်။ တော်နယ်ကော့် မနော်လေန အောင်းအကြောင်းဟောန့် ဟပေါနယ့်ချန်းပြား အောင်းစောင့်ယေရှု ဟပေါနယ့်ထန်မ်ကော့် နီးကိုးဟင်းဝိုက်။
ကွန်းအောင်းချဉ်းအရေးပါလ ဖော
(စောင့်မဿဲ ၁၈:၁-၅။ စောင့်မာကု ၉:၃၃-၃၇)
46နောက်လောင်နော့် တပဲ့လေန ခနောဝ်မနော် ဖောပေးအောင်းချဉ်းအရေးပါဝါလ အချန်းချန်း ထိန်တော်ဟင်းကော်ဝိုက်။ 47တော်နယ် စောင့်ယေရှုလ ခနောဝ်စောဝ်မနော် တွေးနောင်နူးဝါလ ဟုညော့ အောင်းလအောင်အင်ကော်နိမ် ဟောင့်ဆီ ရာဟဉ်းမွန်းစောင့် ဟစိန်ကော်ဝိုက်။ 48နောက်လောင်နော့် မွန်းစောင့်လ အောင်းတပဲ့လေ “ကောပ့်အောင်းစကောတောင်း နောင်နယ့်ဆီ အောင်းလအောင်ဆေးအင် ကွန်းလက်ခမ်န ဖောကော့်ခရောင့်ဝ် ကွန်းလက်ခမ်အောင်းကောကျဉ်းနော့်။ အောင်းစကော ကွန်းစောင့်လက်ခမ်ကော့် ကွန်းလက်ခမ် အောင်းစောင့်ပွယ်မားအောင်းကော အောင်းစောင့်ဖလားကျဉ်းနော့်။ ဆီမေခနောဝ်မဆူလ အောင်းစောင့်ဝ်တောင်းကောင်ဝ် ကွန်းအောင်းချဉ်းနှိမ်ချလ ရာခနာ့စောင့်ဖလား ပေးကွန်းအောင်းချဉ်းအရေးပါ” ဆီ ဝါကော်ဝိုက်။
ကွန်းမဆန့်ကျင်အောင်းမဆူလ ကွန်းပါ့မဆူ
(စောင့်မာကု ၉:၃၈-၄၀)
49နောက်လောင်နော့် ယောဟန်လ “စောင့်၊ တောင်းနာမယ်မောစောင့်တောင်း ဆွန်းဆီ ဆီမေကွန်းအောင်းဖီမနီးပူးလ ကွန်းစောင့်ဟော့်အောက်ကော်နိမ် ဟောခေါက်ပ်မားစောင့်။ မွန်းန တောင်းဟောတောင်း ကွန်းစောင်းမ်မားမစော်ညော့ အောင်းမွန်း ဟောဆီးမားအွန်” ဆီ ဝါကော်ဝိုက်။ 50မွန်းစောင့်လ “အောင်းမွန်း ပီဆီးဟင်း။ အောင်းမဆူ ကွန်းမဆန့်ကျင်လ ကွန်းပါ့မဆူကျဉ်းနော့်” ဆီ ဝါကော်ဝိုက်။
ကွန်းအောင်းရောင်းရာမန့်ရှမာရိလေ လက်မခံဟင်းအောင်းစောင့်ယေရှု
51နောက်လောင်နော့် မွန်းစောင့်လ ဟပေါနယ့်ခွန့်ရာမှိန်းခမ်း မဟူကော့်ညော့ တကွာမှိန်းဂျေရုဆလင်ဆီ ဆုံးဖြတ်ကော်ဝိုက်။ 52မွန်းစောင့်န အောင်းတပဲ့မောင်းဖောင် ဟကွာအောင်းတိုင်းဆီ ရာမှိန်းရှမာရိ ရာမန့်မန့်နိမ် ထီန်ဟင်းကော်လော့် စောင့်ယေရှုတောင်းကွန်းတန်းတီလေ ဟပေါနယ့်ဆောင်းဝ် ဟကွာမဲထကော်ဝိုက်။ 53တော်နယ်ကော့် မွန်းစောင့်န ကွာမှိန်းဂျေရုဆလင်ညော့ ကွန်းမန့်ရှမာရိလေန အောင်းစမွန်းစောင့် မဟပ်ဟင်းမားဝိုက်။ 54အောင်းပေးတပဲ့မွန်းစောင့် ယာကုပ်တောင်းယောဟန်#9:54 ယာကုပ်တောင်းယောဟန် ယာကုပ်တောင်းယောဟန်ဟော်လေန ခနောဝ်သာဝကဆစ်ပ်ဆောင်န်ကော့်န တောင်းစောင့်ယေရှုတောင်း အောင်းချဉ်းအူကောင့်ဝ်ဆောင်န်ကော့်ဝိုက်။လ ဟောန်အောင်းအဖြစ်ပျက်ဟောန့်ကော်လော့် “စောင့်၊ မေတန်ဟာ နောင်ပရောဖက်ဧလိယ ဟေမားညော့ ဆီးမေခနေတောင့်ဖ အောင်းဖိုင်းလေ ဟတိုဆီ မနော်တော်ပေါပျတ်စီး ရာစောင့်ဖလား ဟောခတနယ့်ရောန်းကော်လေး” ဆီ ဝါဟင်းကော်လော့် 55မွန်းစောင့်လ လှည့်ပေါက်ပါ့မနော်ဆီ ဆုံးမကော်ဝိုက်။ 56နောက်လောင်နော့် မနော်လေန အောက်ကွာမန့်တန်းတီမန့်နိမ်ကော်ဝိုက်။#9:56 နောက်လောင်နော့် မနော်လေန အောက်ကွာမန့်တန်းတီမန့်နိမ်ကော်ဝိုက်။ ရာလိကျမ်းဂရိမောင်းဖောင်လော့် “လူသားတော်န အောင်းစောဝ်ကွန်းလေ ဟပေါနယ့်ဖျတ်စီးမစော်ဆီ ဟပေါနယ့်ကယ်နဲဟော် ကြွမားညော့ဝိုက်” ဆီ ပြားဝိုက်။
ကွန်းအောင်းခပေးတပဲ့ ဆမ်ကော့်
(စောင့်မဿဲ ၈:၁၉-၂၂)
57မွန်းစောင့်တောင်းတပဲ့မွန်းလေ ရာခွန်တန်းကွာဟောန့် ကွန်းကော်နိမ်လ မားစူးရာမွန်းစောင့်ဆီ “ရာမောစောင့်ကွာ ရာထောကော့်ခရောင့်ဝ် ကောခတစောင်းမ်” ဆီ ဝါကော်ဝိုက်။ 58မွန်းစောင့်န “မာနဉ်းလေန ခွန်မ်လေရောင်း။ နုတ်လေကော့် ဟမ်းမွန်းရောင်း။ တော်နယ်ကော့် ကော လူ့သားတော်န ဟုန်းမရောင်း” ဆီ ဝါကော်ဝိုက်။ 59နောက်လောင်နော့် မွန်းစောင့်န အောင်းကွန်းတန်းတီကော်နိမ် “စောင်းမ်မား” ဆီ ဟောင့်ကော်လော့် ကွန်းဟောန့်န “စောင့်၊ အောင့်အောင့်အင်ထအီ့။ အောင်းအလောင်းပေါ်ကော ကွာဆီခဖောင်အောင်းတိုင်းအွန်” ဆီ ဝါပေါက်ကော်ဝိုက်။ 60တော်နယ်ကော့် မွန်းစောင့်န “ကွန်းမထောင်မ်အောင်းခွမ်းစောင့်လေန တောင်းကွန်းသိုင်းတောင်းတူ။ အောင်းကွန်းတိုးသိုင်းဟိုက် ကွန်းသိုင်းလေ တဖောင်ကော်ကျဉ်း။ မောလ အကြောင်းသာသနာတော်စောင့်ဖလားနဲဟော် အောင်းကွန်းလေ တနယ့်ဟောပြား” ဆီ ဝါကော်ဝိုက်။ 61အောင်းကျန်ကွန်းကော်နိမ်ကော့် “စောင့်၊ ကောခလ တစောင်းမ်ခလောင်မောစောင့်။ တော်နယ်ကော့် ပေါက်ဟုန်းအောင်းတိုင်းဆီ တောင်းစောင့်ဟုန်းဟောလေတောင်း ဟနယ့်နှုတ်ဆက်အီ့အွန်” ဆီ ဝါကော်ဝိုက်။ 62မွန်းစောင့်ကော့် “ထိုင်ယ်ကမ်းဆီ ကွန်းစန်လှည့်ပေါက်ပါ့ခလောင်လ တောင်းသာသနာတော်စောင့်ဖလားတောင်း မတန်” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.