စောင့်လုကာ 10
10
ဟောင့် (၁၀)
ပွယ်အောင်းတပဲ့ စေဆစ်ပ်ပိုင်းဆောင်န်ကော့်
1နောက်လောင်နော့် မွန်းစောင့်န အောင်းတပဲ့တန်းတီစေဆစ်ပ်ပိုင်းဆောင်န်ကော့်#10:1 စေဆစ်ပ်ပိုင်းဆောင်န်ကော့် ရာလိကျမ်းအောင်းကန့်ဖောင်ပေါဝါလော့် စေဆစ်ပ်ဆီ ဝါဟင်းဝိုက်။ လိတ်ရောင့်ဝ် ဆောင်န်ကော့်စီ ဟတွဲဆီ အောင်းမွန်းစောင့်တကြွကော်ဆီ အောင်းဟေဝိုက် တော်မန့်တောင်းလုန်၊ မှိန်းတောင်းလုန်ပွန့် ဆီမေခနာ့မွန်းစောင့် ဟာကွာထကော်ဝိုက်။ 2အောင်းတပဲ့လေ တကြားမပွယ်ခွေတ် မွန်းစောင့်လ အောင်းစမနော် နောင်နယ့်ဆီ ဝါကော်ဝိုက်။ “အောင်းစကော ဟပေါနယ့်ယွန်မ် ကွန်းပေးအဆင်သင့်လေ မကျေးမလေရောင်းမေကော့် ရာကွန်းဟောန့်လေ သတင်းနီးလေ ဟပေါနယ့်ဟောပြား ကွန်းလေပေါဝါလော့် အီ့အီ့အင်ဟော်။ ကွန်းဟောန့်လေန ဟပေါနယ့်ပတ် အဆင်သင့်အောင်းပေး တောင်းလောက်နားကွမ့်တောင်း တူ။ ကောပ့်နယ့်ညော့ အောင်းစောင့်ပတ် ရာစောင့်ဖလား ဟပေါနယ့်ပတ် ကွန်းလေ နမ်နမ် ဟပေါပွယ်မား ရောန်းဟင်း။ 3အစောင် မဆူလေန ဟေအလေးဆီ ကွာဟင်း။ ဟေဟောင်းဆီပေါဝါလော့် နောင်တိုးအင်အောင်းစွယ်မရောင်းညော့ အောင်းမဆူ နောင်မာနဉ်လေဆီ အောင်းစမဆူ ရာကွန်းတဆန့်ကျင်လေ ကောပွယ်ကော်ညော့။ 4ငွန်း၊ ထုန်ဝ်၊ ချက်ပ်တဉ်းလေ ပီအောင်းဝ်ဟင်းကော်။ ရာခွန်တန်းရပ်ဆီ အောင်းကွန်းလေနှုတ်ဆက်ဆီ အချီန်ပီဖြုန်းဟင်း။ 5မဆူဟောင်ပေါခေါင့်ဝ်ဟုန်းဟုန်းနိမ်လော့် ‘ကွန်းအူရာဟုန်ဟိုက်လေတောင်းလုန် အောင်းငြိမ်းချမ်းလေ ဟရောင်းအီ့အွန်’ ဆီ ဝါအောင်းတိုင်းကော်။ 6ကွန်းစောင့်အူရာဟုန်းဟောန့်လေန ဟောင်ပေါပေး ကွန်းခနွိုက်အောင်းငြိမ်းချမ်းလေပေါဝါလော့် မနော်တနွိုက်ဟင်း။ တော်နယ်ကော့် မနော်ဟောင်ပေါမခနွိုက်လော့် အောင်းမောဟောင့်ဝ် အောင်းငြိမ်းချမ်းလေန မနော်တနွိုက်ဟင်းမစော်။ 7ဟုန်းဟုန်းနိမ်တောင်းအူနွေ့ဟင်းဆီ အောင်းစောင့်ဟုန်းလိမ့်လ ကျဉ်းဟင်းကော်။ ဟေဟောင်းဝါလ ကွန်းစောင့်ဟေလောင်န ကာအောင်းမွန်းဟေလောင်လေ တနယ့်နွိုက်ညော့။ ဟုန်းနိမ်ရောင့်ဝ်ဟုန်းနိမ် ပီကွာဟင်း။ 8ဟောင်ပေါခေါင့်ဝ်ခနောဝ်မှိန်းမှိန်းနိမ်လော့် ကွန်းမှိန်းဟောန့်လေန အောင်းစမဆူ ဟောင်ပေါဟပ်လော့် ကာအောင်းမနော်လိမ့်လေ ကျဉ်းဟင်းကော်။ 9အောင်းကွန်းမအူနီးလေ ဟအူနီးပေါက်ဟွန်းဆီ ‘သာသနာတော်စောင့်ဖလားလ ထီန်မားခန့်မောကော်’ ဆီ အောင်းစမနော် ဝါဟင်းကော်။ 10တော်နယ်ကော့် ရာမှိန်းမှိန်းနိမ် မေမဆူခေါင့်ဝ်တိုင်း ကွန်းရောင်းရာမှိန်းဟောန့်လေန အောင်းစမဆူ ဟောင်ပေါလက်မခမ်လော့် မဆူလ ရာခွန်တန်းလေ အောက်ဆီ ကွန်းလေဟပေါနယ့်ဟဉ်း ဟောပြားကော်။ 11‘စောင့်ဖလားလ အောင်းစမဆူ အကြောင်းတစီရင် အနေဟောင့်ဝ်ဆတိတောင်း ဖွန်အောင်းရောင်းရာမှိန်းမဆူ အောင်းစပ်ဝိုက်ရာတဉ်းဟောလေကိုးသကော့် ဟောတဆောန်ဝေဝိုက်။ တော်နယ် သာသနာတော်စောင့်ဖလား အကြောင်းတကောင့်ဝ်ပေါ်မားကော့်ဝါလ မဆူဟုဟင်းမေ’ ဆီ ဝါဟင်းကော်။ 12အောင်းမဆူ ကောဟောင်တနယ့်ဝါပေါဝါလော့် ဝမ်းစီရင်တလား ပေါထီန်ကော်လော့် ကွန်းအူရာမှိန်းဟိုက်လေန ဆာဆီကွန်းရောင်းရာမှိန်းသောဒုံ#10:12 မှိန်းသောဒုံ မှိန်းသောဒုံလ တောင်းပါ့တီခနာ့ဟွေ့လုန်ဂျော်ဒန်ဝိုက်၊ ကမ္ဘာဦးကျမ်း ၁၉း၁-၂၈ (မှိန်းသောဒုံတောင်းမှိန်းဂေါမောရဟော်န မနီးဟင်းညော့ မှိန်းအောင်းစောင့်ဖလားဖျတ်စီးမား ဆောင်န်မှိန်းဝိုက်)မကား အပြစ်လေဆာဆီတနယ့်ခမ်” ဆီ ဝါကော်ဝိုက်။
မှိန်းအောင်းနောင်တမနွိုက်လေ
(စောင့်မဿဲ ၁၁:၂၀-၂၄)
13နောက်လောင်ဟာနိမ် မွန်းစောင့်လ “အို ကွန်းမှိန်းခေါရာဇိန်တောင်း ကွန်းမှိန်းဗက်ဇဲဒလေ မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် ရာမှိန်းမဆူ အောင်းကောဟေမား နိမိတ်လက္ခဏာအောင်းခနီးအမ်းလေ အောင်းပေးကွန်းမှိန်းတန်းတီ ရာမှိန်းတုရုတောင်း ရာမှိန်းဇိဒုန်#10:13 မှိန်းတုရုတောင်း ရာမှိန်းဇိဒုန် မှိန်းတုရုတောင်းမှိန်းဇိဒုန်ဟော်န တောင်းပါ့နာ့ဟောန်မှိန်းအစ္စရေးရောင်းဆီ ကွန်းမှိန်းတန်းတီလေအူဝိုက်။နဲဟော် ဟောင်ပေါဟေမားလော့် ကွန်းမှိန်းဟောန့်လေန ဆေဖအောင်းကြမ်းလေနွန်ဆီ ခနောဝ်ဖွန်တောင်ဝ်နှောင်ဆီ#10:13 ဆေဖအောင်းကြမ်းလေနွန်ဆီ ခနောဝ်ဖွန်တောင်ဝ်နှောင်ဆီ ဆေဖအောင်းကြမ်းလေနွန်ဆီ နှောင်ခနောဝ်ဖွန်တောင်ဝ်ဝါလ မေခေတ်ဟောန့် ကွန်းလေန ကောပ်အပြစ်မနော်လေညော့ အောင်းနွိုက်နောင်တဟင်း (နောင်နယ့်ပေါမစော်) အောင်းနယ့်စောဝ်မနီးလေ အနေပြားတောင်း အောင်းဆေဖကြမ်းလေ နွန်ဆီ ဆီမေခနေဟိုမနော်လေ၊ ဆီမေခနေမောင်မာမနော်လေ တောင်းဖွန်တောင်ဝ်တောင်း လော်ဆီ ဓလေ့ထွန်းစံအောင်းနှောင်ခနောဝ်ဖွန်တောင်ဝ်တိုးနိမ်ဝိုက်။ ကောပ့်အပြစ်မနော်လေညော့ တနွိုက်နောင်တဟင်း။ 14ကောပ့်နယ့်ညော့ အချီန်စီရင်တလားလော့် မဆူလေန ဆာဆီကွန်းမှိန်းတုရုတောင်း ကွန်းမှိန်းဇိဒုန်မကား ဆာဆီအောင်းဟောင့်ဝ်အပြစ်တနယ့်ခမ်။ 15ကွန်းမှိန်းကပေရနောင်လေ၊ အောင်းစမဆူလေကော့် စောင့်ဖလားလ ရာမှိန်းခမ်း တချီးမြှင့်ဆီပီထန်ဟင်း။ အောင်းအစားဟောန့် မဆူလေန ရာငလိုင်းနဲဟော် အောင်းဟွတ်ခေါင့်ဝ်တနယ့်ခမ်” ဆီ ဝါကော်ဝိုက်။ 16နောက်လောင်နော့် မွန်းစောင့်န အောင်းတပဲ့မွန်းလေ “ကွန်းထောင်မ်ခွမ်းမဆူလေန ပေးကွန်းထောင်မ်ခွမ်းကောကျဉ်းနော့်။ ကွန်းလက်မခမ်အောင်းမဆူလေကော့် ပေးကွန်းလက်မခမ်အောင်းကောကျဉ်းနော့်။ ကွန်းလက်မခမ်အောင်းကောကော့် ပေးကွန်းလက်မခမ် စောင့်ပွယ်မားအောင်းကော အောင်းစောင့်ဖလားကျဉ်းနော့်” ဆီ ဝါကော်ဝိုက်။
အောင်းတပဲ့စေဆစ်ပ်ပိုင်းဆောင်န်ကော့် ထီန်ပေါက်မား
17တပဲ့စေဆစ်ပ်ပိုင်းဆောင်န်ကော့် ထီန်ပေါက်မားကော်လော့် မနော်လေန အိုက်စွုမ်းဟင်းဆီ “စောင့်၊ ဟောလေန အောင်းဖီမနီးလေ အောင်းနာမယ်မောစောင့်ဆွန်းဆီ ဟောင့်ဝ်အမိန့်ကော်လော့် မနော်လေ စောင်းမ်ဟေဟင်းစောင့်” ဆီ တန်းပြားကော်ဝိုက်။ 18စောင့်ယေရှုလ အောင်းစမနော် “ဖီမနီးလေ ဟောင်ပေါထောင်မ်အောင်းခွမ်းမဆူလော့် မာရ်နတ်လ ဆီမေတောင့်ဖ နောင်ဖမက်ညော့ ချချန်း အောင်းချားတိုမား ကောနယ့်ဟောန်။ 19ထောင်မ်ဟင်း။ ကောစောင့်လ အောင်းမဆူ အောင်းငူးမနီးလေတောင်းအောင်းမိုင်းငေါလေ ဟပေါရေခွန့်ပဲ့တောင်း အောင်းပေးရန်ဆူဟော အောင်းအစွမ်းမာရ်နတ်လေတောင်းလုန် အောင်းပဲ့ပဲ့ အစွမ်းလေကော့် ကောဟောင့်ဝ်ဝိုက်ရောင့်ဝ်ကော်ညော့ အောင်းထောကော့်ခရောင့်ဝ် အောင်းစမဆူ တဟစေပ်မစော်။ 20တော်နယ်ကော့် မဆူလေန အောင်းဖီမနီးလေ ဟော့်အောက်ပဲ့အင်တောင်း ပီစွုမ်းဟင်း။ အောင်းနာမယ်မဆူလေ ရာမှိန်းခမ်းဟောန့် တင့်မ်ဝိုက်ရောင့်ဝ်ကော်ညော့ စွုမ်းဟင်း” ဆီ ဝါကော်ဝိုက်။
အောင်းစောင့်ယေရှုစွုမ်း
(စောင့်မဿဲ ၁၁:၂၅-၂၇၊ ၁၃:၁၆-၁၇)
21မေအချီန်ဟောန့် ရာမွန်းစောင့်လ ဉာဏ်အလင်းတော်လုန်းမားညော့ စွုမ်းဆီ “စောင့်ပိုင်အောင်းကမ္ဘာနောင်နဉ်းဟိုက်တောင်း အောင်းမှိန်းခမ်း စောင့်ဖလားခ။ စောင့်ဖလားလ ဉာဏ်ပညာရောင်ဝ်ဆီ အောင်းစောင့်ကောင်ဝ်တောင်းကောင်ဝ် ပညာရောင်းဆီ အောင်းကွန်းထန်လေ အောင်းတလားအောင်းစော်ဟိုက်လေ အောင်းဟုအောင်းဟောန် အောင်းမပေါရောင်းအွန် အောင်းနောင်ကွန်းလအောင်ဆေးအင်လေနဲဟော် ဟဟုဟဟောန်ညော့ အောင်းကျေးဇူးတော်မောစောင့် ချီးမွမ်းစောင့်။ အောင်းဟိုက်လေန ပေးအောင်းစောင့်ဖလားကြိုက်ဝါလ ကောဟုစောင့်” ဆီ အောင်းစောင့်ဖလား ချီးမွမ်းကော်ဝိုက်။ 22နောက်လောင်နော့် မွန်းစောင့်လ အောင်းကွန်းရောင်းရာဟောန့်လေ “စောင့်ဖလားလ အောင်းစကော အောင်းရောင်းတောင်းလုန် အခွင့်အာဏာအောင်းအုပ်ချုပ်ပဲ့ ဟောင့်ဝ်ဝိုက်ရောင့်ဝ်ကော်။ လုစိုင်းန ဖောဝါလ စောင့်ဖလားပါးနိမ်နဲဟော် ဟုဟော။ စောင့်ဖလားန ဖောဝါလ လုစိုင်းတောင်း ကွန်းလုစိုင်းခဟဟုဆီ အောင်းလိတ်ဝိုက်နဲဟော် ဟုဟော။ အောင်းကျန်ဖောကော့် မဟု” ဆီ ဝါကော်ဝိုက်။ 23နောက်လောင်နော့် စောင့်ယေရှုလ လှည့်ပေါက်ပါ့တပဲ့မွန်းလေဆီ “အောင်းထိုင့်လေ မဆူနယ့်ဟောန်ကော်ညော့ အစော်နော့် ပေးကွန်းကမ်နီးဟင်းကော်။ 24အောင်းမဆူ ကောဟောင်တနယ့်ဝါအောင်းစော်ပေါဝါလော့် ပရောဖက်လေတောင်း စောင့်ခွန်ဟော်ခမ်းလေကိုးသကော့် နောင်မဆူနယ့်ဟောန်ဆီ မနော်မနယ့်ဟောန်ဟင်း။ အောင်းမဆူနယ့်ဟဉ်းလေကော့် မနော်မနယ့်ဟဉ်းဟင်း” ဆီ ဝါကော်ဝိုက်။
ကွန်းရှမာရိအောင်းနီးကော်နိမ်
25ဝမ်းနိမ်လော့် မွန်းစောင့်လ အောင်းကွန်းဖွန်လေ တကြားဟောပြားဆောန်ပြားလော့် ဆရာကျမ်းစန်ကော်နိမ်လ ခစမ်းအောင်းမွန်းစောင့်ညော့ “စောင့်၊ အဆတ်ထာဝရဟပေါနွိုက်#10:25 အဆတ်ထာဝရဝါလ ဟာနိမ်အောင်းလိမ့်ပေါက်ဟွန်းမရောင်းဆီ ဆီမေသံသရာဝဋ်ဆင်းရဲန အောင်းလောက်ဝိုက်။ တနယ့်ဟေနောင်နူး” ဆီ လုဆီ ထန်မ်ကော်ဝိုက်။ 26မေနယ့်လော့် မွန်းစောင့်လ “ရာခနောဝ်မောရှေပညတ်ကျမ်း တင့်မ်ဝိုက်နောင်နူး။ အောင်ဟောန့်လေ မောဟုထောင်မ်နောင်နူး” ဆီ ထန်မ်ပေါက်ကော်လော့် 27ကွန်းဟောန့်လ “ရာလိကျမ်း အောင်းပေးစောင့်မော အောင်းစောင့်ဖလား တိုးပါစောဝ်ပါနှလုံးပါ တောင်းဆမ်ပါးတောင်း ထုတ်အောက်ပြားဆီ ကာအသိဉာဏ်မဆူရောင်းတောင်းလုန် တနယ့်ဟောက်။ နောင်နယ့်မကားအွန် အောင်းစကွန်းဟဉ်းမ်ဟုန်းမောကော့် နောင်ဟောက်အောင်းစောင့်ကောင်ဝ်တောင်းကောင်ဝ်ညော့ တနယ့်ဟောက်ဆီ တင့်မ်ဝိုက်” ဆီ ဝါပေါက်ကော်ဝိုက်။ 28မွန်းစောင့်ကော့် “စော်။ နောင်နယ့်ဆီဟောင်ပေါဟေ မောလ အဆတ်ထာဝရတနွိုက်” ဆီ ဝါပေါက်ကော်ဝိုက်။ 29တော်နယ်ကော့် ဆရာကျမ်းစန်န အောင်းစောင့်ကောင်ဝ်တောင်းကောင်ဝ် စော်ဝါလ ခပြားညော့ အောင်းစစောင့်ယေရှု “နောင်နယ့်ပေါဝါလော့် ကွန်းဟဉ်းမ်ဟုန်းကော အောင်းနီးလ ဖော” ဆီ ထန်မ်ကော်လော့် 30မွန်းစောင့်န “ကွန်းကော်နိမ်လ ဆီမေမှိန်းဂျေရုဆလင် ရာခွန်တန်းကွာမှိန်းဂျေရိခေါဟောန့် တောင်းဓါးပြလေတောင်းခေါက်ပ်ဆီ ဓါးပြဟောန့်လေန အောင်းမွန်း တော်လာကောင့်ဝ်သိုင်းပွန့် တင်ဟင်းရောင့်ဝ် အောင်းဆေဖမွန်းလေ လောင့်လ်ဆီ အောင်းဝ်ကွာဟင်းကော်ဝိုက်။ 31နောက်လောင်နော့် ဂျူးပုရောဟိတ်ပါးနိမ်န နောင်ခွန်တန်းဟောန့်အတိုင်း မားဆီ တောင်းအောင်းစေပ်လေတောင်း အောင်းကွန်းလုမ့်ဝိုက်ဟောန့် ဟောန်ကော်လော့် ဝယ်ကွာပါ့ခွန်တန်းပါ့နိမ်ကော်ဝိုက်။ 32နောင်နယ့်ကျဉ်းနော့် ကွန်းအမျိုးလေဝိ#10:32 ကွန်းအမျိုးလေဝိ ကွန်းအမျိုးလေဝိလေန ခနောဝ်ကွန်းအမျိုးဂျူးဆစ်ပ်ဆောင်န်မျိုး ပေးကွန်းအောင်းလုန်းမားလေဝိုက်။ မနော်လေန အောင်းတော့တဲလေ၊ အောင်းထီန်းအောင်းဟုန်းလေတောင်း အောင်းထီန်းတီအောင်းမြတ်လေပါ တာဝန်ပေးမျိုးပေးမျိုးရောင်းဟင်းဝိုက်။ကော်နိမ်ကော့် ထိန်မားရာဟောန့်ဟွန်းဆီ အောင်းကွန်းလုမ့်ဝိုက် ဟောန်မေကော့် ဝယ်ကွာပါ့ခွန်တန်းပါ့နိမ်ဟွန်းကော်ဝိုက်။ 33အောင်းဆွတ်လော့် ကော့်စိုင်းကွန်းမှိန်းရှမာရိကော်နိမ်လ ထီန်မားဟွန်းရာဟောန့်ကော်လော့် မွန်းန အောင်းကွန်းလုမ့်ဝိုက်ဟောန့် ဟောန်ကော်နွေ့ဆတ် အီနူကော်ဆီ 34ကွာစူးရာကွန်းဟောန့်ကော်ဝိုက်။ အောင်းကွန်းစေပ်ဟောန့် ဝိုင်အစ်လေတောင်း ဆွတ်ဝေဆီ တောင်းနမ့်မောန်းလေတောင်း တားဟောင့်ဝ်ရောင့်ဝ်#10:34 တောင်းနမ့်မောန်းလေတောင်း တားဟောင့်ဝ်ရောင့်ဝ် မေခေတ်ဟောန့် ကွန်းလေန အောင်းဝိုင်အစ်လေ ရာအောင်းဝ်သိုင်းမုန့်လေမိုင်းလေ ဆွန်းဟင်းဆီ အနာဟပေါဆတ်ဆာ အောင်းနမ့်မောင်း ဆွန်းဟင်းဝိုက်။ တောင်းဖာ့တောင်း မောက်ဟောင့်ဝ်ကော်ရောင့်ဝ် အောင်းကွန်းဟောန့် တန်ခွန့်ခနေမြည်းဆီ ဟောင့်ကော်ရာဟုန်းဆောင်းဝ်ကော်ဝိုက်။ ထီန်ရာဟုန်းဆောင်းဝ်ကော်လော့် အောင်းကွန်းဟောန့် နီးနီးငမ်းငမ်းအင် ဟေဟောင့်ဝ်ကော်ဝိုက်။ 35နောက်လောင်ဝမ်းနိမ် ဖလိန်းမားကော်လော့် မွန်းလ အောင်းစောင့်ပိုင်ဟုန်းဆောင်းဝ်ဟောန့် ငွန်းဆောင်န်ဖတ် ဟောင့်ဝ်ဆီ ‘အောင်းကွန်းစေပ်ဟိုက် တွဲနွေ့အီ့အွန်။ ရားအောင်းမွန်းဆီ နောင်နယ့်မကား ငွန်းလေဟောင်ပေါလိုကော့် ကောဟောင်ပေါပေါက်မား ကောသမားဟောင့်ဝ်’ ဆီ ဝါဝိုက်ကော်ဝိုက်” ဆီ ပေးဝိုက်။ 36နောက်လောင်နော့် စောင့်ယေရှုလ “ခနောဝ်ကွန်းဟောန့်ဆမ်ကော့်လ ကွန်းဟဉ်းမ်ဟုန်းအစစ် ကွန်းဓါးပြလေမောန်းလ ဖောတပေး” ဆီ ထန်မ်ကော်ဝိုက်။ 37မေနယ့်လော့် ဆရာကျမ်းစန်ဟောန့်ကော့် “ခနေကွန်းစေပ် မေတ္တာဝိုက်ဆီ ကွန်းစွယ်ဟောင့်ဝ်စောင့်” ဆီ ဝါပေါက်ကော်လော့် စောင့်ယေရှုလ “မောကော့် နောင်နောင့်ဆီ စောင်းမ်ဟေ” ဆီ ဝါကော်ဝိုက်။
မာသတောင်းမာရိ
38နောက်လောင်နော့် စောင့်ယေရှုလ တောင်းတပဲ့မွန်းလေတောင်း တကြားဆက်ဆီအောက်ပိုင်းတန်းလ ထီန်ကော်ရာမန့်မန့်နိမ်ကော်ဝိုက်။ ရာမန့်ဟောန့် မာသဆီအောင်းစေ ကော့်ယဉ်းကော်နိမ်လ အောင်းစောင့်ယေရှုတောင်း အောင်းတပဲ့မွန်းလေ ပန်းကော်ရာဟုန်းမွန်းကော်ဝိုက်။ 39ရာမွန်း မာရိဝါလ နောင့်ဆောင်ဝ်ကော်နိမ်ရောင်းဝိုက်။ မာရိန ခတောင့်တဉ်းစောင့်ယေရှု နှောင်ဆီ အောင်းမွန်းစောင့်ဆောန်လေ ထောင်မ်ဆီအူဝိုက်။ 40မာသလ စဟပ်အောင်းစောင့်ချိုက်လေတောင်း လောင်နမ်ဆီအူဝိုက်။ နောက်လောင်နော့် မွန်းန ကောင်ဝ်စူးရာစောင့်ယေရှုဆီ “စောင့်၊ နောင့်ဆောင်ဝ်ကောလ အောင်းလောင်တန်းဟုန်းလေ မစွယ်ဟေညော့ ကောကော်နိမ်အင်ဟော် နယ့်ဟေ။ အောင်းစကော မွန်းတော်ပေါမားစွယ်ဟေ မောစောင့် အောင်းနောင့်ဆောင်ဝ်ကော လောင်ဝ်ဟောင့်ဝ်အွန်” ဆီ ဝါကော်ဝိုက်။ 41မေနယ့်လော့် မွန်းစောင့်လ “မာသ၊ မာသ မောလ ကာအောင်းရောင်းလေတောင်းလုန် ကြာပါဆီ လောင်နမ်မေကော့် 42အစော်လော့် အောင်းလိုတိုးနိမ်ရောင်းအွန်။ မာရိန အောင်းဟောန့် လိတ်ဝိုက်ရောင့်ဝ်ကော်။ ကောပ့်နယ့်ညော့ အောင်းအနယ့်လ ဆီမေမွန်း ဖောကော့် အောင်းဝ်ကွာဆီ မနွိုက်ကော့်” ဆီ ဝါကော်ဝိုက်။
Právě zvoleno:
စောင့်လုကာ 10: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 10
10
ဟောင့် (၁၀)
ပွယ်အောင်းတပဲ့ စေဆစ်ပ်ပိုင်းဆောင်န်ကော့်
1နောက်လောင်နော့် မွန်းစောင့်န အောင်းတပဲ့တန်းတီစေဆစ်ပ်ပိုင်းဆောင်န်ကော့်#10:1 စေဆစ်ပ်ပိုင်းဆောင်န်ကော့် ရာလိကျမ်းအောင်းကန့်ဖောင်ပေါဝါလော့် စေဆစ်ပ်ဆီ ဝါဟင်းဝိုက်။ လိတ်ရောင့်ဝ် ဆောင်န်ကော့်စီ ဟတွဲဆီ အောင်းမွန်းစောင့်တကြွကော်ဆီ အောင်းဟေဝိုက် တော်မန့်တောင်းလုန်၊ မှိန်းတောင်းလုန်ပွန့် ဆီမေခနာ့မွန်းစောင့် ဟာကွာထကော်ဝိုက်။ 2အောင်းတပဲ့လေ တကြားမပွယ်ခွေတ် မွန်းစောင့်လ အောင်းစမနော် နောင်နယ့်ဆီ ဝါကော်ဝိုက်။ “အောင်းစကော ဟပေါနယ့်ယွန်မ် ကွန်းပေးအဆင်သင့်လေ မကျေးမလေရောင်းမေကော့် ရာကွန်းဟောန့်လေ သတင်းနီးလေ ဟပေါနယ့်ဟောပြား ကွန်းလေပေါဝါလော့် အီ့အီ့အင်ဟော်။ ကွန်းဟောန့်လေန ဟပေါနယ့်ပတ် အဆင်သင့်အောင်းပေး တောင်းလောက်နားကွမ့်တောင်း တူ။ ကောပ့်နယ့်ညော့ အောင်းစောင့်ပတ် ရာစောင့်ဖလား ဟပေါနယ့်ပတ် ကွန်းလေ နမ်နမ် ဟပေါပွယ်မား ရောန်းဟင်း။ 3အစောင် မဆူလေန ဟေအလေးဆီ ကွာဟင်း။ ဟေဟောင်းဆီပေါဝါလော့် နောင်တိုးအင်အောင်းစွယ်မရောင်းညော့ အောင်းမဆူ နောင်မာနဉ်လေဆီ အောင်းစမဆူ ရာကွန်းတဆန့်ကျင်လေ ကောပွယ်ကော်ညော့။ 4ငွန်း၊ ထုန်ဝ်၊ ချက်ပ်တဉ်းလေ ပီအောင်းဝ်ဟင်းကော်။ ရာခွန်တန်းရပ်ဆီ အောင်းကွန်းလေနှုတ်ဆက်ဆီ အချီန်ပီဖြုန်းဟင်း။ 5မဆူဟောင်ပေါခေါင့်ဝ်ဟုန်းဟုန်းနိမ်လော့် ‘ကွန်းအူရာဟုန်ဟိုက်လေတောင်းလုန် အောင်းငြိမ်းချမ်းလေ ဟရောင်းအီ့အွန်’ ဆီ ဝါအောင်းတိုင်းကော်။ 6ကွန်းစောင့်အူရာဟုန်းဟောန့်လေန ဟောင်ပေါပေး ကွန်းခနွိုက်အောင်းငြိမ်းချမ်းလေပေါဝါလော့် မနော်တနွိုက်ဟင်း။ တော်နယ်ကော့် မနော်ဟောင်ပေါမခနွိုက်လော့် အောင်းမောဟောင့်ဝ် အောင်းငြိမ်းချမ်းလေန မနော်တနွိုက်ဟင်းမစော်။ 7ဟုန်းဟုန်းနိမ်တောင်းအူနွေ့ဟင်းဆီ အောင်းစောင့်ဟုန်းလိမ့်လ ကျဉ်းဟင်းကော်။ ဟေဟောင်းဝါလ ကွန်းစောင့်ဟေလောင်န ကာအောင်းမွန်းဟေလောင်လေ တနယ့်နွိုက်ညော့။ ဟုန်းနိမ်ရောင့်ဝ်ဟုန်းနိမ် ပီကွာဟင်း။ 8ဟောင်ပေါခေါင့်ဝ်ခနောဝ်မှိန်းမှိန်းနိမ်လော့် ကွန်းမှိန်းဟောန့်လေန အောင်းစမဆူ ဟောင်ပေါဟပ်လော့် ကာအောင်းမနော်လိမ့်လေ ကျဉ်းဟင်းကော်။ 9အောင်းကွန်းမအူနီးလေ ဟအူနီးပေါက်ဟွန်းဆီ ‘သာသနာတော်စောင့်ဖလားလ ထီန်မားခန့်မောကော်’ ဆီ အောင်းစမနော် ဝါဟင်းကော်။ 10တော်နယ်ကော့် ရာမှိန်းမှိန်းနိမ် မေမဆူခေါင့်ဝ်တိုင်း ကွန်းရောင်းရာမှိန်းဟောန့်လေန အောင်းစမဆူ ဟောင်ပေါလက်မခမ်လော့် မဆူလ ရာခွန်တန်းလေ အောက်ဆီ ကွန်းလေဟပေါနယ့်ဟဉ်း ဟောပြားကော်။ 11‘စောင့်ဖလားလ အောင်းစမဆူ အကြောင်းတစီရင် အနေဟောင့်ဝ်ဆတိတောင်း ဖွန်အောင်းရောင်းရာမှိန်းမဆူ အောင်းစပ်ဝိုက်ရာတဉ်းဟောလေကိုးသကော့် ဟောတဆောန်ဝေဝိုက်။ တော်နယ် သာသနာတော်စောင့်ဖလား အကြောင်းတကောင့်ဝ်ပေါ်မားကော့်ဝါလ မဆူဟုဟင်းမေ’ ဆီ ဝါဟင်းကော်။ 12အောင်းမဆူ ကောဟောင်တနယ့်ဝါပေါဝါလော့် ဝမ်းစီရင်တလား ပေါထီန်ကော်လော့် ကွန်းအူရာမှိန်းဟိုက်လေန ဆာဆီကွန်းရောင်းရာမှိန်းသောဒုံ#10:12 မှိန်းသောဒုံ မှိန်းသောဒုံလ တောင်းပါ့တီခနာ့ဟွေ့လုန်ဂျော်ဒန်ဝိုက်၊ ကမ္ဘာဦးကျမ်း ၁၉း၁-၂၈ (မှိန်းသောဒုံတောင်းမှိန်းဂေါမောရဟော်န မနီးဟင်းညော့ မှိန်းအောင်းစောင့်ဖလားဖျတ်စီးမား ဆောင်န်မှိန်းဝိုက်)မကား အပြစ်လေဆာဆီတနယ့်ခမ်” ဆီ ဝါကော်ဝိုက်။
မှိန်းအောင်းနောင်တမနွိုက်လေ
(စောင့်မဿဲ ၁၁:၂၀-၂၄)
13နောက်လောင်ဟာနိမ် မွန်းစောင့်လ “အို ကွန်းမှိန်းခေါရာဇိန်တောင်း ကွန်းမှိန်းဗက်ဇဲဒလေ မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် ရာမှိန်းမဆူ အောင်းကောဟေမား နိမိတ်လက္ခဏာအောင်းခနီးအမ်းလေ အောင်းပေးကွန်းမှိန်းတန်းတီ ရာမှိန်းတုရုတောင်း ရာမှိန်းဇိဒုန်#10:13 မှိန်းတုရုတောင်း ရာမှိန်းဇိဒုန် မှိန်းတုရုတောင်းမှိန်းဇိဒုန်ဟော်န တောင်းပါ့နာ့ဟောန်မှိန်းအစ္စရေးရောင်းဆီ ကွန်းမှိန်းတန်းတီလေအူဝိုက်။နဲဟော် ဟောင်ပေါဟေမားလော့် ကွန်းမှိန်းဟောန့်လေန ဆေဖအောင်းကြမ်းလေနွန်ဆီ ခနောဝ်ဖွန်တောင်ဝ်နှောင်ဆီ#10:13 ဆေဖအောင်းကြမ်းလေနွန်ဆီ ခနောဝ်ဖွန်တောင်ဝ်နှောင်ဆီ ဆေဖအောင်းကြမ်းလေနွန်ဆီ နှောင်ခနောဝ်ဖွန်တောင်ဝ်ဝါလ မေခေတ်ဟောန့် ကွန်းလေန ကောပ်အပြစ်မနော်လေညော့ အောင်းနွိုက်နောင်တဟင်း (နောင်နယ့်ပေါမစော်) အောင်းနယ့်စောဝ်မနီးလေ အနေပြားတောင်း အောင်းဆေဖကြမ်းလေ နွန်ဆီ ဆီမေခနေဟိုမနော်လေ၊ ဆီမေခနေမောင်မာမနော်လေ တောင်းဖွန်တောင်ဝ်တောင်း လော်ဆီ ဓလေ့ထွန်းစံအောင်းနှောင်ခနောဝ်ဖွန်တောင်ဝ်တိုးနိမ်ဝိုက်။ ကောပ့်အပြစ်မနော်လေညော့ တနွိုက်နောင်တဟင်း။ 14ကောပ့်နယ့်ညော့ အချီန်စီရင်တလားလော့် မဆူလေန ဆာဆီကွန်းမှိန်းတုရုတောင်း ကွန်းမှိန်းဇိဒုန်မကား ဆာဆီအောင်းဟောင့်ဝ်အပြစ်တနယ့်ခမ်။ 15ကွန်းမှိန်းကပေရနောင်လေ၊ အောင်းစမဆူလေကော့် စောင့်ဖလားလ ရာမှိန်းခမ်း တချီးမြှင့်ဆီပီထန်ဟင်း။ အောင်းအစားဟောန့် မဆူလေန ရာငလိုင်းနဲဟော် အောင်းဟွတ်ခေါင့်ဝ်တနယ့်ခမ်” ဆီ ဝါကော်ဝိုက်။ 16နောက်လောင်နော့် မွန်းစောင့်န အောင်းတပဲ့မွန်းလေ “ကွန်းထောင်မ်ခွမ်းမဆူလေန ပေးကွန်းထောင်မ်ခွမ်းကောကျဉ်းနော့်။ ကွန်းလက်မခမ်အောင်းမဆူလေကော့် ပေးကွန်းလက်မခမ်အောင်းကောကျဉ်းနော့်။ ကွန်းလက်မခမ်အောင်းကောကော့် ပေးကွန်းလက်မခမ် စောင့်ပွယ်မားအောင်းကော အောင်းစောင့်ဖလားကျဉ်းနော့်” ဆီ ဝါကော်ဝိုက်။
အောင်းတပဲ့စေဆစ်ပ်ပိုင်းဆောင်န်ကော့် ထီန်ပေါက်မား
17တပဲ့စေဆစ်ပ်ပိုင်းဆောင်န်ကော့် ထီန်ပေါက်မားကော်လော့် မနော်လေန အိုက်စွုမ်းဟင်းဆီ “စောင့်၊ ဟောလေန အောင်းဖီမနီးလေ အောင်းနာမယ်မောစောင့်ဆွန်းဆီ ဟောင့်ဝ်အမိန့်ကော်လော့် မနော်လေ စောင်းမ်ဟေဟင်းစောင့်” ဆီ တန်းပြားကော်ဝိုက်။ 18စောင့်ယေရှုလ အောင်းစမနော် “ဖီမနီးလေ ဟောင်ပေါထောင်မ်အောင်းခွမ်းမဆူလော့် မာရ်နတ်လ ဆီမေတောင့်ဖ နောင်ဖမက်ညော့ ချချန်း အောင်းချားတိုမား ကောနယ့်ဟောန်။ 19ထောင်မ်ဟင်း။ ကောစောင့်လ အောင်းမဆူ အောင်းငူးမနီးလေတောင်းအောင်းမိုင်းငေါလေ ဟပေါရေခွန့်ပဲ့တောင်း အောင်းပေးရန်ဆူဟော အောင်းအစွမ်းမာရ်နတ်လေတောင်းလုန် အောင်းပဲ့ပဲ့ အစွမ်းလေကော့် ကောဟောင့်ဝ်ဝိုက်ရောင့်ဝ်ကော်ညော့ အောင်းထောကော့်ခရောင့်ဝ် အောင်းစမဆူ တဟစေပ်မစော်။ 20တော်နယ်ကော့် မဆူလေန အောင်းဖီမနီးလေ ဟော့်အောက်ပဲ့အင်တောင်း ပီစွုမ်းဟင်း။ အောင်းနာမယ်မဆူလေ ရာမှိန်းခမ်းဟောန့် တင့်မ်ဝိုက်ရောင့်ဝ်ကော်ညော့ စွုမ်းဟင်း” ဆီ ဝါကော်ဝိုက်။
အောင်းစောင့်ယေရှုစွုမ်း
(စောင့်မဿဲ ၁၁:၂၅-၂၇၊ ၁၃:၁၆-၁၇)
21မေအချီန်ဟောန့် ရာမွန်းစောင့်လ ဉာဏ်အလင်းတော်လုန်းမားညော့ စွုမ်းဆီ “စောင့်ပိုင်အောင်းကမ္ဘာနောင်နဉ်းဟိုက်တောင်း အောင်းမှိန်းခမ်း စောင့်ဖလားခ။ စောင့်ဖလားလ ဉာဏ်ပညာရောင်ဝ်ဆီ အောင်းစောင့်ကောင်ဝ်တောင်းကောင်ဝ် ပညာရောင်းဆီ အောင်းကွန်းထန်လေ အောင်းတလားအောင်းစော်ဟိုက်လေ အောင်းဟုအောင်းဟောန် အောင်းမပေါရောင်းအွန် အောင်းနောင်ကွန်းလအောင်ဆေးအင်လေနဲဟော် ဟဟုဟဟောန်ညော့ အောင်းကျေးဇူးတော်မောစောင့် ချီးမွမ်းစောင့်။ အောင်းဟိုက်လေန ပေးအောင်းစောင့်ဖလားကြိုက်ဝါလ ကောဟုစောင့်” ဆီ အောင်းစောင့်ဖလား ချီးမွမ်းကော်ဝိုက်။ 22နောက်လောင်နော့် မွန်းစောင့်လ အောင်းကွန်းရောင်းရာဟောန့်လေ “စောင့်ဖလားလ အောင်းစကော အောင်းရောင်းတောင်းလုန် အခွင့်အာဏာအောင်းအုပ်ချုပ်ပဲ့ ဟောင့်ဝ်ဝိုက်ရောင့်ဝ်ကော်။ လုစိုင်းန ဖောဝါလ စောင့်ဖလားပါးနိမ်နဲဟော် ဟုဟော။ စောင့်ဖလားန ဖောဝါလ လုစိုင်းတောင်း ကွန်းလုစိုင်းခဟဟုဆီ အောင်းလိတ်ဝိုက်နဲဟော် ဟုဟော။ အောင်းကျန်ဖောကော့် မဟု” ဆီ ဝါကော်ဝိုက်။ 23နောက်လောင်နော့် စောင့်ယေရှုလ လှည့်ပေါက်ပါ့တပဲ့မွန်းလေဆီ “အောင်းထိုင့်လေ မဆူနယ့်ဟောန်ကော်ညော့ အစော်နော့် ပေးကွန်းကမ်နီးဟင်းကော်။ 24အောင်းမဆူ ကောဟောင်တနယ့်ဝါအောင်းစော်ပေါဝါလော့် ပရောဖက်လေတောင်း စောင့်ခွန်ဟော်ခမ်းလေကိုးသကော့် နောင်မဆူနယ့်ဟောန်ဆီ မနော်မနယ့်ဟောန်ဟင်း။ အောင်းမဆူနယ့်ဟဉ်းလေကော့် မနော်မနယ့်ဟဉ်းဟင်း” ဆီ ဝါကော်ဝိုက်။
ကွန်းရှမာရိအောင်းနီးကော်နိမ်
25ဝမ်းနိမ်လော့် မွန်းစောင့်လ အောင်းကွန်းဖွန်လေ တကြားဟောပြားဆောန်ပြားလော့် ဆရာကျမ်းစန်ကော်နိမ်လ ခစမ်းအောင်းမွန်းစောင့်ညော့ “စောင့်၊ အဆတ်ထာဝရဟပေါနွိုက်#10:25 အဆတ်ထာဝရဝါလ ဟာနိမ်အောင်းလိမ့်ပေါက်ဟွန်းမရောင်းဆီ ဆီမေသံသရာဝဋ်ဆင်းရဲန အောင်းလောက်ဝိုက်။ တနယ့်ဟေနောင်နူး” ဆီ လုဆီ ထန်မ်ကော်ဝိုက်။ 26မေနယ့်လော့် မွန်းစောင့်လ “ရာခနောဝ်မောရှေပညတ်ကျမ်း တင့်မ်ဝိုက်နောင်နူး။ အောင်ဟောန့်လေ မောဟုထောင်မ်နောင်နူး” ဆီ ထန်မ်ပေါက်ကော်လော့် 27ကွန်းဟောန့်လ “ရာလိကျမ်း အောင်းပေးစောင့်မော အောင်းစောင့်ဖလား တိုးပါစောဝ်ပါနှလုံးပါ တောင်းဆမ်ပါးတောင်း ထုတ်အောက်ပြားဆီ ကာအသိဉာဏ်မဆူရောင်းတောင်းလုန် တနယ့်ဟောက်။ နောင်နယ့်မကားအွန် အောင်းစကွန်းဟဉ်းမ်ဟုန်းမောကော့် နောင်ဟောက်အောင်းစောင့်ကောင်ဝ်တောင်းကောင်ဝ်ညော့ တနယ့်ဟောက်ဆီ တင့်မ်ဝိုက်” ဆီ ဝါပေါက်ကော်ဝိုက်။ 28မွန်းစောင့်ကော့် “စော်။ နောင်နယ့်ဆီဟောင်ပေါဟေ မောလ အဆတ်ထာဝရတနွိုက်” ဆီ ဝါပေါက်ကော်ဝိုက်။ 29တော်နယ်ကော့် ဆရာကျမ်းစန်န အောင်းစောင့်ကောင်ဝ်တောင်းကောင်ဝ် စော်ဝါလ ခပြားညော့ အောင်းစစောင့်ယေရှု “နောင်နယ့်ပေါဝါလော့် ကွန်းဟဉ်းမ်ဟုန်းကော အောင်းနီးလ ဖော” ဆီ ထန်မ်ကော်လော့် 30မွန်းစောင့်န “ကွန်းကော်နိမ်လ ဆီမေမှိန်းဂျေရုဆလင် ရာခွန်တန်းကွာမှိန်းဂျေရိခေါဟောန့် တောင်းဓါးပြလေတောင်းခေါက်ပ်ဆီ ဓါးပြဟောန့်လေန အောင်းမွန်း တော်လာကောင့်ဝ်သိုင်းပွန့် တင်ဟင်းရောင့်ဝ် အောင်းဆေဖမွန်းလေ လောင့်လ်ဆီ အောင်းဝ်ကွာဟင်းကော်ဝိုက်။ 31နောက်လောင်နော့် ဂျူးပုရောဟိတ်ပါးနိမ်န နောင်ခွန်တန်းဟောန့်အတိုင်း မားဆီ တောင်းအောင်းစေပ်လေတောင်း အောင်းကွန်းလုမ့်ဝိုက်ဟောန့် ဟောန်ကော်လော့် ဝယ်ကွာပါ့ခွန်တန်းပါ့နိမ်ကော်ဝိုက်။ 32နောင်နယ့်ကျဉ်းနော့် ကွန်းအမျိုးလေဝိ#10:32 ကွန်းအမျိုးလေဝိ ကွန်းအမျိုးလေဝိလေန ခနောဝ်ကွန်းအမျိုးဂျူးဆစ်ပ်ဆောင်န်မျိုး ပေးကွန်းအောင်းလုန်းမားလေဝိုက်။ မနော်လေန အောင်းတော့တဲလေ၊ အောင်းထီန်းအောင်းဟုန်းလေတောင်း အောင်းထီန်းတီအောင်းမြတ်လေပါ တာဝန်ပေးမျိုးပေးမျိုးရောင်းဟင်းဝိုက်။ကော်နိမ်ကော့် ထိန်မားရာဟောန့်ဟွန်းဆီ အောင်းကွန်းလုမ့်ဝိုက် ဟောန်မေကော့် ဝယ်ကွာပါ့ခွန်တန်းပါ့နိမ်ဟွန်းကော်ဝိုက်။ 33အောင်းဆွတ်လော့် ကော့်စိုင်းကွန်းမှိန်းရှမာရိကော်နိမ်လ ထီန်မားဟွန်းရာဟောန့်ကော်လော့် မွန်းန အောင်းကွန်းလုမ့်ဝိုက်ဟောန့် ဟောန်ကော်နွေ့ဆတ် အီနူကော်ဆီ 34ကွာစူးရာကွန်းဟောန့်ကော်ဝိုက်။ အောင်းကွန်းစေပ်ဟောန့် ဝိုင်အစ်လေတောင်း ဆွတ်ဝေဆီ တောင်းနမ့်မောန်းလေတောင်း တားဟောင့်ဝ်ရောင့်ဝ်#10:34 တောင်းနမ့်မောန်းလေတောင်း တားဟောင့်ဝ်ရောင့်ဝ် မေခေတ်ဟောန့် ကွန်းလေန အောင်းဝိုင်အစ်လေ ရာအောင်းဝ်သိုင်းမုန့်လေမိုင်းလေ ဆွန်းဟင်းဆီ အနာဟပေါဆတ်ဆာ အောင်းနမ့်မောင်း ဆွန်းဟင်းဝိုက်။ တောင်းဖာ့တောင်း မောက်ဟောင့်ဝ်ကော်ရောင့်ဝ် အောင်းကွန်းဟောန့် တန်ခွန့်ခနေမြည်းဆီ ဟောင့်ကော်ရာဟုန်းဆောင်းဝ်ကော်ဝိုက်။ ထီန်ရာဟုန်းဆောင်းဝ်ကော်လော့် အောင်းကွန်းဟောန့် နီးနီးငမ်းငမ်းအင် ဟေဟောင့်ဝ်ကော်ဝိုက်။ 35နောက်လောင်ဝမ်းနိမ် ဖလိန်းမားကော်လော့် မွန်းလ အောင်းစောင့်ပိုင်ဟုန်းဆောင်းဝ်ဟောန့် ငွန်းဆောင်န်ဖတ် ဟောင့်ဝ်ဆီ ‘အောင်းကွန်းစေပ်ဟိုက် တွဲနွေ့အီ့အွန်။ ရားအောင်းမွန်းဆီ နောင်နယ့်မကား ငွန်းလေဟောင်ပေါလိုကော့် ကောဟောင်ပေါပေါက်မား ကောသမားဟောင့်ဝ်’ ဆီ ဝါဝိုက်ကော်ဝိုက်” ဆီ ပေးဝိုက်။ 36နောက်လောင်နော့် စောင့်ယေရှုလ “ခနောဝ်ကွန်းဟောန့်ဆမ်ကော့်လ ကွန်းဟဉ်းမ်ဟုန်းအစစ် ကွန်းဓါးပြလေမောန်းလ ဖောတပေး” ဆီ ထန်မ်ကော်ဝိုက်။ 37မေနယ့်လော့် ဆရာကျမ်းစန်ဟောန့်ကော့် “ခနေကွန်းစေပ် မေတ္တာဝိုက်ဆီ ကွန်းစွယ်ဟောင့်ဝ်စောင့်” ဆီ ဝါပေါက်ကော်လော့် စောင့်ယေရှုလ “မောကော့် နောင်နောင့်ဆီ စောင်းမ်ဟေ” ဆီ ဝါကော်ဝိုက်။
မာသတောင်းမာရိ
38နောက်လောင်နော့် စောင့်ယေရှုလ တောင်းတပဲ့မွန်းလေတောင်း တကြားဆက်ဆီအောက်ပိုင်းတန်းလ ထီန်ကော်ရာမန့်မန့်နိမ်ကော်ဝိုက်။ ရာမန့်ဟောန့် မာသဆီအောင်းစေ ကော့်ယဉ်းကော်နိမ်လ အောင်းစောင့်ယေရှုတောင်း အောင်းတပဲ့မွန်းလေ ပန်းကော်ရာဟုန်းမွန်းကော်ဝိုက်။ 39ရာမွန်း မာရိဝါလ နောင့်ဆောင်ဝ်ကော်နိမ်ရောင်းဝိုက်။ မာရိန ခတောင့်တဉ်းစောင့်ယေရှု နှောင်ဆီ အောင်းမွန်းစောင့်ဆောန်လေ ထောင်မ်ဆီအူဝိုက်။ 40မာသလ စဟပ်အောင်းစောင့်ချိုက်လေတောင်း လောင်နမ်ဆီအူဝိုက်။ နောက်လောင်နော့် မွန်းန ကောင်ဝ်စူးရာစောင့်ယေရှုဆီ “စောင့်၊ နောင့်ဆောင်ဝ်ကောလ အောင်းလောင်တန်းဟုန်းလေ မစွယ်ဟေညော့ ကောကော်နိမ်အင်ဟော် နယ့်ဟေ။ အောင်းစကော မွန်းတော်ပေါမားစွယ်ဟေ မောစောင့် အောင်းနောင့်ဆောင်ဝ်ကော လောင်ဝ်ဟောင့်ဝ်အွန်” ဆီ ဝါကော်ဝိုက်။ 41မေနယ့်လော့် မွန်းစောင့်လ “မာသ၊ မာသ မောလ ကာအောင်းရောင်းလေတောင်းလုန် ကြာပါဆီ လောင်နမ်မေကော့် 42အစော်လော့် အောင်းလိုတိုးနိမ်ရောင်းအွန်။ မာရိန အောင်းဟောန့် လိတ်ဝိုက်ရောင့်ဝ်ကော်။ ကောပ့်နယ့်ညော့ အောင်းအနယ့်လ ဆီမေမွန်း ဖောကော့် အောင်းဝ်ကွာဆီ မနွိုက်ကော့်” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.