စောင့်လုကာ 8
8
ဟောင့် (၈)
ကော့်ယဉ်းအောင်းစွယ်ဟောင့်ဝ်အောင်းစောင့်ယေရှု
1အချီန်စောန်နိန်ဟူကော်လော့် မွန်းစောင့်ကော့် တောင်းသာဝကမွန်းစောင့်ဆစ်ပ်ဆောင်န်ကော့်တောင်း မှိန်းမန့်တော်ပေါစောက် ကွာဆီ အကြောင်းသာသနာတော်စောင့်ဖလား အောင်းသတင်းနီးလေ ဟောပြားဆောန်ပြားကော်ဝိုက်။ 2မေကွာနောင်နယ့်လ ကွန်းအနာရောဂါဟိုင်မားကောင်ဝ်လေတောင်း ဆီမေကွန်းဖီမနီးပူးနယ့်ခမ်န အောင်းဟဟိုင်မားကောင်ဝ် ကော့်ယဉ်းကမ်ဖောင်ကော့် တောင်းမွန်းစောင့်တောင်း စောင်းမ်ဟင်းမားဝိုက်။ ရာခနောဝ်ကော့်ယဉ်းဟောန့်လေန ကော့်ယဉ်းအောင်းဖီမနီးစေတူးပူးနယ့်ခမ်မား ကွန်းမှိန်းမာဂဒလ မာရိ၊ 3အောင်းပေးခစောင့်ခွန်ဟော်ငွန်းဟေရုဒ် ပရခုဇ ယောဟန္န၊ ရှုရှန္နဟော်ကော့် ပါဝိုက်။ မနော်လေတောင်း ကော့်ယဉ်းအောင်းတန်းတီတောင်းလုန်န စရိတ်ဖော်စရိတ်မွန်းတောင်း ထောက်ပံ့ဟင်း အောင်းစောင့်ယေရှုတောင်း အောင်းတပဲ့မွန်းလေဝိုက်။
ပွန်ဥပမာအောင်းကွန်းဝမ်ကာ
(စောင့်မဿဲ ၁၃:၁-၉။ စောင့်မာကု ၄:၁-၉)
4အောင်းရောင်းမှိန်းမန့်တောင်းလုန် ကွန်းတောင်းလုန်ကော့် စူးဟင်းဆီ စောင်းမ်ဟင်းမား ခလောင်စောင့်ယေရှုကော်ဝိုက်။ နောက်လောင်နော့် မွန်းစောင့်ကော့် အောင်းကွန်းဖွန် တောင်းပွန်ဥပမာပုဒ်နိမ်တောင်း လောင်ဝ်ပြားကော်ဝိုက်။ 5“ကွန်းဟေနားကော်နိမ်လ ခနောဝ်လောက်နားမွန်း ဟပေါနယ့်ဝမ်ကာ့ အောက်ကွာကော်ဝိုက်။ စောင့်နားဟောန့် ဝမ်းကာ့ကော်လော့် ကာ့အောင်းကမ့်ဖောင်လေန ချားတိုခနေခွန်တန်းကော်ဝိုက်။ အောင်းကာ့ဟောန့်လေန ကွန်းလေ ရေ့ပ်ခွန့်ဆီ နုတ်လေ ကျဉ်းကော်ဝိုက်။ 6ကာ့အောင်းကမ့်ဖောင်ပေါဝါလော့် ချားတို ခနေနောင်နဉ်းကောင့်ဟဉ်ခမ်ကော်ဆီ ပေးတိန့်မားကော်ဝိုက်။ တော်နယ် နမ့်တော်ပေါအဉ်မ်မနွိုက်ညော့ ဟိုင်ဆီ သိုင်းပေါက်ဟွန်းကော်ဝိုက်။ 7ကာ့အောင်းကန့်ဖောင်ပေါဝါလ ချားခေါင့်ဝ်ခနောဝ်ယွန်းမ်နမ်ကော်ဝိုက်။ တိန့်အောက်မားမေကော့် ယွန်းမ်နမ်လေန တောင်းတိန့်အောက်မားလေတောင်း ရောင်ဝ်နွေ့ဟင်းမားညော့ အောင်းတိန့်ဟောန့် ဟုမ်ဝိုက်ကော်ဝိုက်။ 8ကာ့အောင်းကမ်ဖောင်ပေါဝါလော့် ချားတိုရာအော်နီးကော်လော့် တိန့်အောက်ဆီ ဆာဆီအောင်းဝမ်ဝိုက်မကား ဆူဆမွန်းပတ်နိမ် မတ်မွန်းလေ စန်မတ်ဟင်း” ဆီ ဝါကော်ဝိုက်။ နောင်နယ့်ဆီ မွန်းစောင့်ဝါရောင့်ဝ်ကော်လော့် “ကွန်းပဉ်ဟူပါဆီ ကွန်းစောင့်နယ့်ဟဉ်းလေ အာရုံစိုက်ဆီ ထောင်မ်ဟင်း” ဆီ တောင်းဆိန်ကြမ်းကြမ်းတောင်း ဝါကော်ဝိုက်။
ချန်းပြား အကြောင်းပွန်ဥပမာကွန်းဝမ်ကာ
(စောင့်မဿဲ ၁၃:၁၀-၁၇။ စောင့်မာကု ၄:၁၀-၁၂)
9နောက်လောင်နော့် တပဲ့မွန်းစောင့်လေန အောင်းစောင့်ယေရှု ပွန်ဥပမာဟိုက် ခဝါအဟောင်းဝါလ ထန်မ်ဟင်းကော်ဝိုက်။ 10မေနယ့်လော့် စောင့်ယေရှုန “စောင့်ဖလားလ အောင်းစမဆူ တောင်းသာသနာတော်စောင့်ဖလားတောင်းအောင်းဆိုင် မေစောင့်အောင်းမဟုမား တလားအောင်းစော်လေ အခွင့်အောင်းဟုထောင်မ်ပဲ့လေ ဟောင့်ဝ်ဝိုက်ရောင့်ဝ်ကော်။ တော်နယ်ကော့် ကွန်းမောင်းဖောင်လေန
တွဲကော့်မဟောန်ပဲ့၊
နယ့်ဟဉ်းကော့် မဟုထောင်မ်ပဲ့ဟင်းညော့ ဟပေါဟုထောင်မ် အောင်းပွန်ဥပမာလေဆွန်းဆီ နယ့်ချန်းပြားအောင်းမနော်” ဆီ ဝါကော်ဝိုက်။
အဓိပ္ပါယ်ပွန်ဥပမာကွန်းဝမ်ကာ
(စောင့်မဿဲ ၁၃:၁၈-၂၇။ စောင့်မာကု ၄:၁၃-၂၀)
11မွန်းစောင့်န “ပွန်ဥပမာအောင်းဝမ်းကာ့ခဝါလ ဖောင်းခေါင့်ဝ်န နှုတ်ကပါတ်တော်စောင့်ဖလား။ 12ဖောင်းခေါင့်ဝ်အောင်းချားတိုရာနာ့ခွန်တန်းန အောင်းနှုတ်ကပါတ်တော်စောင့်ဖလားလေ နယ့်ဟဉ်းကော်လော့် ယွန်မ်ဆီ အောင်းကယ်ဟပေါမနယ့်ခမ် မာရ်နတ်တ မားဆီ အောင်းမနော်ယွန်မ်လေ ဟပေါပျတ် ဆီမေခနောဝ်စောဝ်မနော် အောင်းနှုတ်ကပတ်တော်စောင့်ဖလားလေ ကွန်းအောင်းဆွဲအောက်နယ့်ခမ်လေ။ 13ဖောင်းခေါင့်ဝ်အောင်းချားတိုခနေနောင်နဉ်းကောင့်ဟဉ်ခမ်ဝါလ အောင်းနှုတ်ကပတ်တော်စောင့်ဖလားလေ နယ့်ဟဉ်းကော်လော့် ဟောန်မ်ဟောန်မ်စွုမ်းစွုမ်း လက်ခမ်မေကော့် ခနောဝ်စောဝ်မနော် ဟတ်မွန်းမကွန်းမ်လော့် ဟူဟူမခမ်ဆီ မနော်လ ရီအောင်းနဲဟော် လက်ခမ်ပဲ့ဟော။ ဘဝမနော် အောင်းယပ်လေ၊ အောင်းကြမ်းလေတောင်း ပေါခေါက်ပ်ကော်လော့် အောင်းမနော်ယွန်မ်လေန ချရှ်ချန်း ပေးကွန်းစန်ရပ်လေ။ 14ဖောင်းခေါင့်ဝ်အောင်းချားတိုခနောဝ်ယွန်းမ်နမ်ကော်ဝါလ အောင်းနှုတ်ကပက်တော်တလားလေ နယ့်ဟဉ်းမေကော့် အောင်းကြာပါလေ၊ အောင်းချမ်းသာလေတောင်း အောင်းနယ့်ခံစားကာမဂုဏ်လေန အုဆီ ပိဝိုက်ညော့ ပေးကွန်းအောင်းမမောက်အောင်းမမတ်လေ။ 15ဖောင်းခေါင့်ဝ်အောင်းချားတိုခနောဝ်အော်နီးဝါလ အောင်းနှုတ်ကပတ်တော်စောင့်ဖလားလေ နယ့်ဟဉ်းဆီ ခနောဝ်စောဝ်မနော် ကွန်းမ်ကွန်းမ်ဝိုင့်ဝိုက်ဆီ စောင်းမ်ဟေဟင်းညော့ ပေးကွန်းမောက်ကွန်းမတ်ဟင်း” ဆီ ဝါကော်ဝိုက်။
ကလောက်ဖိုင်းအောင်းအုဝိုင့် တောင်းမွန်းမ်တောင်း
(စောင့်မာကု ၄:၂၁-၂၅)
16နောက်လောင်ဟာနိမ် မွန်းစောင့်န “အောင်းကလောက်ဖိုင်းလ ဖိုင်းစပ်ဆီ တောင်းမွန်းမ်တောင်း ကွန်းစောင့်ခုန့်မ်ဝိုင့် နောင်နယ့်ပေါမစော် ကွန်းစောင့်ဝိုက်ခတောင့်ကတန်ဝါလ မရောင်း။ ကွန်းခေါင့်ဝ်မားခနောဝ်ဟုန်းလေ ဟပေါနယ့်ဟောန်အောင်းလိန်း အောင်းကလောက်ဖိုင်းလ ခနေချိန်မွန်းနဲဟော် စန်တန်ဝိုက်ဟင်း။ 17တော်ပေါခါမခေါက်ပ် အောင်းလောက်ဆိဉ်ဝိုက်ဝါလ မရောင်း။ လျှို့ဝှက်ချက်အောင်းမဟုပဲ့ဝါလကော့် မရောင်း။ 18ကောပ့်နယ့်ညော့ အာရုံစိုက်ဆီ ထောင်မ်ဟင်း။ တူးနိမ်မတူးနိမ် အောင်းကွန်းစောင့်ရောင်းလ တဟောင့်ဝ်။ တော်နယ်ကော့် ဆီမေခနောဝ်ကွန်းအဟောင်းမရောင်းလ အောင်းမွန်းတောင်းမွန်း ရောင်းဆီ အောင်းထန်လေကိုးသကော့် အောင်းဆိဉ်းတနယ့်ခမ်” ဆီ ဝါကော်ဝိုက်။
စောင့်ဟုန်းစောင့်ယေရှုအောင်းစော်
(စောင့်မဿဲ ၁၂:၄၆-၅၀။ စောင့်မာကု ၃:၃၁-၃၅)
19မယ်မွန်းစောင့်တောင်း နောင့်စိုင်းမွန်းစောင့်လေန ဟပေါနယ့်ခေါက်ပ်အောင်းမွန်းစောင့်ဆီ မားဟင်းဝိုက်။ တော်နယ် မနော်လေန ဖွန်ကွန်းလေနမ်အားကြီးကော်ညော့ ရာမွန်းစောင့် မထီန်ပဲ့ဟင်းဝိုက်။ 20ကွန်းကော်နိမ်မကော်နိမ်လ အောင်းမွန်းစောင့် “မယ်မောစောင့်တောင်းနောင့်စိုင်းမောစောင့်လေန ခခေါက်ပ်အောင်းမောစောင့်ညော့ စိန်ဆီ ထဟင်းခနောက်ဟောန့်” ဆီ ဝါကော်ဝိုက်။ 21မေနယ့်လော့် မွန်းစောင့်လ “ကွန်းစောင့်စောင်းမ်ဟေ အောင်းနှုတ်ကပတ်စောင့်ဖလားလေတောင်းလုန်လ မယ်ကော၊ နောင့်စိုင်းကောစောင့်ကျဉ်းနော့်” ဆီ ဝါကော်ဝိုက်။
လှိုင်းတောင်းလုမ်းလေန နယ့်နာခမ်အောင်းမွန်းစောင့်ဝါလေ
(စောင့်မဿဲ ၈:၂၃-၂၇။ စောင့်မာကု ၄:၃၅-၄၁)
22ဝမ်းနိမ်လော့် မွန်းစောင့်လ တောင်းတပဲ့မွန်းလေတောင်း ခွန့်ခနေဟေးစင်းနိမ်ဆီ “ဟောခမ့်တောင်းဖတ်နောင်ပေါန့်ဟင်းစို့” ဆီ ဝါကော်ဝိုက်။ ကောပ့်နယ့်ညော့ မနော်လေန အောင်းနောင်ဟောန့် ခမ့်ကွာဟင်းကော်ဝိုက်။ 23တကြားမနော်ခမ့်နောင်နယ့်လော့် စောင့်ယေရှုန ခနေဟေး နွမ်းနောက်ကော်ဝိုက်။ နောက်လောင်နော့် ချရှ်ချန်း ဖဖုန်လုမ်းန ရာနောင်ဟောန့် တိုက်မားကော်ဆီ ဟေးမနော် စဆီနေ့နမ့်ဆီ တောင်းအန္တရာယ်တောင်း နယ့်ခေါက်ပ်ကော်ဝိုက်။ 24မေနယ့်လော့် တပဲ့လေန အောင်းစောင့်ယေရှု ပုတ်ဆီ “စောင့်၊ စောင့် ဟောတနယ့်သိုင်းကော့်” ဆီ ဝါကော်လော့် မွန်းစောင့်ကော့် ဆီမေနွမ်းလ လုဆီ အောင်းဖဖုန်လုမ်းတောင်း အောင်လှိုင်းနမ့်လုန်လေ ဟပေါရပ် ဟောင့်ဝ်အမိန့်ကော်ဝိုက်။ မေနယ့်လော့် ဖဖုန်လုမ်းတောင်း လှိုင်းနမ့်လုန်လေန ရပ်ဟင်းကော်ဝိုက်။ 25နောက်လောင်နော့် မွန်းစောင့်လ အောင်းတပဲ့မွန်းလေ “အောင်းမဆူယွန်မ်န ရာထော” ဆီ ထန်မ်ကော်လော့် မနော်လေန နီးကိုးဆီ အိုက်အမ်းဟင်းကော်ဝိုက်။ မနော်လေန “ကွန်းဟိုင့်လ ဖော။ လှိုင်းတောင်းလုမ်းလေကိုသကော့် နောင်မွန်းဟောင့်ဝ်အမိန့်ညော့ နယ့်ဟေစောင်းမ်ဟင်း” ဆီ အချန်းချန်း ဝါဟင်းဝိုက်။
ဟော့်အောက်အောင်းဖီမနီးလေ
(စောင့်မဿဲ ၈:၂၈-၃၄။ စောင့်မာကု ၅:၁-၂၀)
26နောက်လောင်နော့် မွန်းစောင့်တောင်းတပဲ့မွန်းလေကော့် အောင်းနောင်ဂါလိလဲခမ့်ဆီ ရာဟဉ်းမှိန်းဂါရစ ရာခန့်ဟဉ်းနမ့် ဆက်ဆီ ခမ့်ကွာဟင်းကော်ဝိုက်။ 27ထီန်ကော်ရာတီဟောန့်ကော်ဆီ မွန်းစောင့်လ စားမေခနေဟေး လုန်းဆီ ခွန့်ခနေကွန်းကော်လော့် ရာမှိန်းဟောန့် ကွန်းဖီမနီးပူးကော်နိမ်လ မားခေါက်ပ်အောင်းမွန်းစောင့်ကော်ဝိုက်။ ရာမွန်း ဖီမနီးပူးလ ဟူမားကော်ညော့ မွန်းလ ရာဟုန်းကော့်မအူ ဆေဖကော့်မနွန်ဆီ ရာဂူအောင်းရောင်း ရာခနောဝ်ချန်းချိန်းညော့ ကွာခွန့်ကွာလောင်ဝိုက်။ 28ကွန်းဟောန့်န ဟောန်အောင်းမွန်းစောင့်ကော်လော့် ကွာခနာ့မွန်းစောင့်ဆီ ကွာတောင့်ဝ်ခေါင်ဝ်ကော်ဝိုက်။ မွန်းန “လုစိုင်းစောင့်ဖလားအောင်းချဉ်းမြတ် ယေရှု မောလာဟေဟောင်း အောင်းစကော၊ အောင်းကော ပီမားနိစတ်၊ အောင်းမော ကောကန်တောစောင့်” ဆီ ကြမ်းကြမ်းစေဆီ ဝါကော်ဝိုက်။ 29ဟေဟောင်းဆီနယ့်ဝါနောင်နယ့်ပေါဝါလော့် မွန်းစောင့်လ အောင်းဖီမနီးဟောန့် ဆီမေကွန်းအောင်းဖီမနီးပူးနယ့်ခမ်ဟောန့် ဟပေါအောက်မား ဟောင့်ဝ်အမိန့်ကော်ညော့ဝိုက်။ အောင်းကွန်းဟောန့် ဖီမနီးဟောန့်လ အကျင်မ်ကျင်မ်နိစပ်ဝိုက်။ ကွန်းလေန အောင်းမေးမွန်း၊ အောင်းတဉ်းမွန်းလေ တောင်းဆိုင်လိတ်လေတောင်း မောက်ဆီ ဝမ့်ဝိုက်ဟင်းမေကော့် မွန်းလ အောင်းဆိုင်လိတ်လေ တက်ပ်ခတ်ဆီ ရာတီတောင်းကွန်းလေတောင်းကိုင်း အောင်းဖီမနီးလေဟောင့် နယ့်ခမ်ကော်ဝိုက်။ 30စောင့်ယေရှုန အောင်းစမွန်း “နာမယ်မောစေဟောင်း” ဆီ ထန်မ်ကော်လော့် ကွန်းဟောန့်ကော့် “ရာတိုးကွန်းဟောန့် ဖီမနီးလေမကျေးလေမစော် ပူးဝိုက်ညော့ ကွန်းဟောန့်န လေဂေါင်#8:30 လေဂေါင် ဖီမနီးလေ နမ်အားကြီးကော်ညော့ လေဂေါင် (Legion) ဆီ ခဝါဝိုက်။” ဆီ ဝါပေါက်ကော်ဝိုက်။ 31ဖီမနီးလေကော့် အောင်းဖီမနီးလေ အောင်းဟောင့်ဝ်အပြစ် ရာခနောဝ်ခွန်မ်လိ အောင်းစမနော် ပီဆုန်အီ့အွန်ဆီ အောင်းစစောင့်ယေရှု ဝါပေါက်ဟင်းကော်ဝိုက်။ 32မေနယ့်လော့် ဖွန်မူဖွန်နိမ်လ ခါကျဉ်းဟင်းခနေနွဲဝိုက်။ ဖီမနီးဟောန့်လေန ခနောဝ်မူဟောန့်လေ ဟပူးအီ့အောင်းဟောဆီ အောင်းမွန်းစောင့် ဝါဟင်းညော့ မွန်းစောင့်ကော့် ဟကွာကော်ဝိုက်။ 33နောက်လောင်နော့် ဖီမနီးလေကော့် စားမေကွန်းဟောန့်အောက်ဆီ ကွာစူးရာဖွန်မူဟင်းကော်ဝိုက်။ မေနယ့်လော့် ဖွန်မူကော့် ရာဖန်လာဟွေ့ဆွန် ပိုင်စူးကျန်ကျန်ဆီ ဝင့်တိုခနောဝ်နောင်ဆီ နေ့နမ့်ဟင်းကော်ဝိုက်။ 34မေနယ့်လော့် ကွန်းစောင့်လိမ့်မူလေကော့် အောင်းမူလေပေးနောင်နယ့်လ မနော်နယ့်ဟောန်ကော်လော့် ပိုင်ပေါက်ဆီ မှိန်းပါမန့်ပါမကျန် အောင်းသတင်းဟောန့် ကွာလောင်ဝ်ပြားကော်ဝိုက်။ 35ကွန်းလေကော့် ဟပေါနယ့်ဟောန်အောင်းအဖြစ်ပျက်ဟောန့် ဆီမေခနောဝ်မှိန်း အောက်ဟင်းမားဆီ ထီန်စူးမားရာစောင့်ယေရှုဟင်းကော်ဝိုက်။ မေနယ့်လော့် ကွန်းဖီမနီးပူးဆီဟိုင်ကော်လ ဆေဖလေနွန်ဆီ ခတောင့်တဉ်းမွန်းစောင့် နောင်ကွန်းနီးညော့ နှောင်ဆီအူလ မနော်ဟောန်ဟင်းကော်လော့် နီးကိုးဆီ အမ်းဟင်းကော်ဝိုက်။ 36မနော်ကိုယ်တိုင် အောင်းအဖြစ်အပျက်ဟောန့် ကွန်းနယ့်ဟောန်လေန အောင်းကွန်းထီန်မားလေ ကွန်းဟောန့် ဆီမေအောင်းဖီမနီးပူးလ ဟိုင်ကော်နောင်နူးဝါလ လောင်ဝ်ပြားဟင်းဝိုက်။ 37ဆီမေခန့်ဟဉ်းမ်မှိန်းဂါရစ ကွန်းစောင့်မားလေတောင်းလုန်န အိုက်ကိုးဟင်းကော်ညော့ အောင်းစောင့်ယေရှု ဆီမေမှိန်းဟောန့် ဟအောက်ကွာကော်ဆီ တောင်းပန်ဟင်းကော်ညော့ စောင့်ယေရှုတောင်းတပဲ့မွန်းစောင့်လေန ခွန့်ခနေဟေးဆီ ဆီမေတီဟောန့် အောက်ကွာဟင်းကော်ဝိုက်။ 38တကြားစောင့်ယေရှုတောင်းတပဲ့မွန်းလေ မအောက်ကွာခွေတ် ကွန်းဖီမနီးပူးဆီ ကွန်းအောင်းဟိုင်ကော်လ တောင်းမွန်းစောင့်တောင်း ခစောင်းမ်ဆီ ဝါကော်ဝိုက်။ မေနယ့်လော့် စောင့်ယေရှုလ အောင်းစမွန်း မဟစောင်းမ်ဆီ 39“စောင့်ဖလားလ ခနေမော အကျိုးအောင်းနီးလေ ဟေဟောင့်ဝ်မားနောင်နူးဝါလ အောင်းစောင့်ဟုန်းမောတောင်း အောင်းကွန်းတောင်းလုန် ကွာလောင်ဝ်ပြားကော်” ဆီ ဆောင်ဝိုက်ကော်ဝိုက်။ နောက်လောင်နော့် ကွန်းဟောန့်လ မှိန်းတော်ပေါစောက် ကွာဆီ အောင်းအဖြစ်ပျက်ဟောန့်လေ လောင်ဝ်ပြားကော်ဝိုက်။
လုဆောင်ဝ်ယာဣရုတောင်း ကော့်ယဉ်းအောင်းရောဂါဟိုင်
(စောင့်မဿဲ ၉:၁၈-၂၆။ စောင့်မာကု ၅:၂၁-၄၃)
40နောက်လောင်နော့် စောင့်ယေရှုတောင်းတပဲ့လေန ကြွပေါက်ပါ့နောင်ဖတ်ပေါန့်ကော်လော့် ကွန်းဖွန်လေန ထဆီ ဟပ်ထဟင်းဝိုက်။ 41ရာတီဟောန့် အောင်းပေးကွန်းဂျူး ယာဣရုဆီအောင်းစေ စောင့်တာဝန်ခမ်တလားစလပ်ကော်နိမ်လ ခနာ့စောင့်ယေရှု တောင့်ဝ်ခေါင်ဝ်ဆီ နှောင်ကော်ဝိုက်။ မွန်းန အောင်းစောင့်ယေရှု ဟကြွမားရာဟုန်းမွန်းဆီ ပန်းကော်ဝိုက်။ 42ဟေဟောင်းဝါလ ရာမွန်း အဆတ်ဆစ်ပ်ဆောင်န်ပီး အောင်းသကောင့်ဝ်သိုင်း လုဆောင်ဝ်ကော်နိမ်ရောင်းဝိုက်။ မွန်းန ပေးလုဆောင်ဝ်ယာဣရု အောင်းကော်နိမ်အင်ဝိုက်။ စောင့်ယေရှုကြွကော်ရာဟုန်းဟောန့်ကော်လော့် ဖွန်ကွန်းလေကော့် ဟီးဟင်းဖွတ်ဟင်းဆီ တောင်းမွန်းစောင့်တောင်း စောင်းမ်ဟင်းမားကော်ဝိုက်။ 43ခနောဝ်ကွန်းဖွန်ဟောန့်လ ဆစ်ပ်ဆောင်န်ပီးလုံးလုံး ကော့်ယဉ်းအောင်းပေးရောဂါနေ့လေ့ထောန်ကော်နိမ်#8:43 ကော့်ယဉ်းအောင်းပေးရောဂါနေ့လေ့ထောန်ကော်နိမ် ရာကျမ်းမောရှေ ကော့်ယဉ်းလေ အချီန်နေ့လေထောန်န မသန့်စင်ဆီ နယ့်ထန်ညော့ အောင်းဖောကော့် မနယ့်ထိ။ (ဝတ်ပြုရာကျမ်း ၁၅း၁၉-၃၀)ကော့် ရောင်းဝိုက်။ ကော့်ယဉ်းဟောန့်လ ရာမွန်း ကာအောင်းရောင်း ငွန်းလေခမ်ဆွန်းမ်ဆီ ရာစောင့်ထိုးရာ့လေ ရားမားမေကော့် စောင့်ထိုးရာ့ထောကော့် တော်ပေါဟိုင် မရားပဲ့ဝိုက်။ 44ကောပ့်နယ့်ညော့ ကော့်ယဉ်းဟောန့်ကော့် ခလောင်စောင့်ယေရှု ကွာဆီ ထိအောင်းဆေလုန်စောင့်ယေရှုကော်လော့် ချရှ်ချန်း ရောဂါမွန်း အောင်းနေ့လေ့ထောန်လ ဟိုင်ကော်ဝိုက်။ 45စောင့်ယေရှုကော့် “ဖောထိမား အောင်းကောလ” ဆီ ထန်မ်ကော်လော့် ဖွန်ကွန်းလေန အောင်းစောင့်ယေရှု အကြောင်းမနော်မထိ ဝါပေါက်ဟင်းကော်ဝိုက်။ မေနယ့်လော့် ပေတရုလ “စောင့်ယေရှု ရာခန့်ဟဉ်းမောစောင့် ဖွန်ကွန်းလုန်န ဟီးတော်ဟင်းဆီအူ#8:45 စောင့်ယေရှု ရာခန့်ဟဉ်းမောစောင့် ဖွန်ကွန်းလုန်န ဟီးတော်ဟင်းဆီအူ ရာကျမ်းမောင်းဖောင် ပေတရုပါ၊ ကွန်းတောင်းပေတရုတောင်း အူနွေ့ဟင်းလေပါဆီ တင့်မ်ဝိုက်။” ဆီ ဝါပေါက်ကော်ဝိုက်။ 46တော်နယ် စောင့်ယေရှုလ “ကော်နိမ်မကော်နိမ် ထိမားအောင်းကော။ ဟေဟောင်းဝါလ ဆီမေကော အစွမ်းလေ အောင်းအောက်ကော်လ ကောဟု” ဆီ ဝါပေါက်ကော်ဝိုက်။ 47ကော့်ယဉ်းဟောန့်ကော့် မအူပဲ့ကော့်ညော့ ဆောန်ယူယူဆီ ရာခနာ့စောင့်ယေရှု တောင့်ဝ်ခေါင်ဝ်ဆီ အောင်းဆေလုန်စောင့်ယေရှု မွန်းထိကော်နွေ့ဆပ် ချရှ်ချန်းကော့် အကြောင်းရောဂါမွန်းဟိုင်ကော်ဝါလ အောင်းကွန်းတောင်းလုန် လော်ဝ်ပြားကော်ဝိုက်။ 48မွန်းစောင့်ကော့် အောင်းကော့်ယဉ်းဟောန့် “အောင်းမောယွန်မ်န အောင်းရောဂါမော ဟဟိုင်ကော်။ ဟူရိန်းစောဝ်ရိန်း ကွာမေ” ဆီ ဝါကော်ဝိုက်။ 49တကြားမွန်းစောင့်ဝါနောင်နယ့်လ ဆီမေရာဟုန်းယာဣရုန ကွန်းကော်နိမ်ထီန်မားဆီ “လုဆောင်ဝ်မောစောင့်လ သိုင်းကော်စောင့်။ အောင်းစစောင့်ယေရှု ပီကွာနှောက်ယှက်ကော့်” ဆီ အောင်းယာဣရု မားဝါကော်ဝိုက်။ 50စောင့်ယေရှုကော့် နယ့်ဟဉ်းခွမ်းဟောန့်ကော်လော့် အောင်းယာဣရု “မောပီကြာပါ။ အောင်းကောနဲဟော် ဆက်ဆီယွန်မ်။ လုဆောင်ဝ်မော တနီးပေါက်မား” ဆီ ဝါကော်ဝိုက်။ 51နောက်လောင်နော့် မွန်းစောင့်လ ခေါင့်ဝ်ဟုန်းယာဣရုကော်လော့် အောင်းပေတရု၊ အောင်းယောဟန်၊ အောင်းယာကုပ်ဟော်တောင်း အောင်းပေါ်မယ်လအောင်ဆောင်န်ကော့်နဲဟော် အောင်းကျန်အောင်းဖောကော့် မဟခေါင့်ဝ်ဝိုက်။ 52ကွန်းတောင်းလုန်ကော့် လအောင်ဟောန့် သိုင်းကော်ညော့ ဟိုင်နာ့စောဝ်ဆီ ဟိုင့်ဟင်းကော်ဝိုက်။ တော်နယ်ကော့် စောင့်ယေရှုလ “ပီဟိုင့်ဟင်း။ လအောင်ဟိုင့် မသိုင်းအွန်။ မွန်းနောင်းနောက်ဆီအူ” ဆီ ဝါကော်လော့် 53ကွန်းလေကော့် အောင်းမွန်းစောင့် မားအောဝ်မောဝ်ဟင်းကော်ဝိုက်။ ဟေဟောင်းဝါလ လအောင်ဟောန့်သိုင်းကော်ဝါလ မနော်ဟုဝိုက်ရောင့်ဝ်ကော်ညော့ဝိုက်။ 54စောင့်ယေရှုန အောင်းမေးလအောင်ဟောန့် ကမ်းဆီ “အီယန် လု” ဆီ ဝါကော်ဝိုက်။ 55နောက်လောင်နော့် လအောင်ဟောန့်ကော့် အဆတ်ခေါင့်ဝ်ပေါက်မားဆီ ချရှ်ချန်း လုမားကော်ဝိုက်။ မေနယ့်လော့် စောင့်ယေရှုကော့် အောင်းပေါ်မယ်လအောင်ဟောန့် ခေါင်ကျဉ်းလေ ဟပေါလိမ့် ဝါကော်ဝိုက်။ 56မေနယ့်လော့် ပေါ်မယ်လအောင်ဟောန့်ကော့် အိုက်အမ်းဟင်းကော်ဝိုက်။ တော်နယ်ကော့် မွန်းစောင့်န အောင်းအဖြစ်ပျက်ဟိုက် အောင်းဖောကော့် ပီလောင်ဝ်ပေါက်ဆီ ဆောင်ဝိုက်ကော်ဝိုက်။
Právě zvoleno:
စောင့်လုကာ 8: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 8
8
ဟောင့် (၈)
ကော့်ယဉ်းအောင်းစွယ်ဟောင့်ဝ်အောင်းစောင့်ယေရှု
1အချီန်စောန်နိန်ဟူကော်လော့် မွန်းစောင့်ကော့် တောင်းသာဝကမွန်းစောင့်ဆစ်ပ်ဆောင်န်ကော့်တောင်း မှိန်းမန့်တော်ပေါစောက် ကွာဆီ အကြောင်းသာသနာတော်စောင့်ဖလား အောင်းသတင်းနီးလေ ဟောပြားဆောန်ပြားကော်ဝိုက်။ 2မေကွာနောင်နယ့်လ ကွန်းအနာရောဂါဟိုင်မားကောင်ဝ်လေတောင်း ဆီမေကွန်းဖီမနီးပူးနယ့်ခမ်န အောင်းဟဟိုင်မားကောင်ဝ် ကော့်ယဉ်းကမ်ဖောင်ကော့် တောင်းမွန်းစောင့်တောင်း စောင်းမ်ဟင်းမားဝိုက်။ ရာခနောဝ်ကော့်ယဉ်းဟောန့်လေန ကော့်ယဉ်းအောင်းဖီမနီးစေတူးပူးနယ့်ခမ်မား ကွန်းမှိန်းမာဂဒလ မာရိ၊ 3အောင်းပေးခစောင့်ခွန်ဟော်ငွန်းဟေရုဒ် ပရခုဇ ယောဟန္န၊ ရှုရှန္နဟော်ကော့် ပါဝိုက်။ မနော်လေတောင်း ကော့်ယဉ်းအောင်းတန်းတီတောင်းလုန်န စရိတ်ဖော်စရိတ်မွန်းတောင်း ထောက်ပံ့ဟင်း အောင်းစောင့်ယေရှုတောင်း အောင်းတပဲ့မွန်းလေဝိုက်။
ပွန်ဥပမာအောင်းကွန်းဝမ်ကာ
(စောင့်မဿဲ ၁၃:၁-၉။ စောင့်မာကု ၄:၁-၉)
4အောင်းရောင်းမှိန်းမန့်တောင်းလုန် ကွန်းတောင်းလုန်ကော့် စူးဟင်းဆီ စောင်းမ်ဟင်းမား ခလောင်စောင့်ယေရှုကော်ဝိုက်။ နောက်လောင်နော့် မွန်းစောင့်ကော့် အောင်းကွန်းဖွန် တောင်းပွန်ဥပမာပုဒ်နိမ်တောင်း လောင်ဝ်ပြားကော်ဝိုက်။ 5“ကွန်းဟေနားကော်နိမ်လ ခနောဝ်လောက်နားမွန်း ဟပေါနယ့်ဝမ်ကာ့ အောက်ကွာကော်ဝိုက်။ စောင့်နားဟောန့် ဝမ်းကာ့ကော်လော့် ကာ့အောင်းကမ့်ဖောင်လေန ချားတိုခနေခွန်တန်းကော်ဝိုက်။ အောင်းကာ့ဟောန့်လေန ကွန်းလေ ရေ့ပ်ခွန့်ဆီ နုတ်လေ ကျဉ်းကော်ဝိုက်။ 6ကာ့အောင်းကမ့်ဖောင်ပေါဝါလော့် ချားတို ခနေနောင်နဉ်းကောင့်ဟဉ်ခမ်ကော်ဆီ ပေးတိန့်မားကော်ဝိုက်။ တော်နယ် နမ့်တော်ပေါအဉ်မ်မနွိုက်ညော့ ဟိုင်ဆီ သိုင်းပေါက်ဟွန်းကော်ဝိုက်။ 7ကာ့အောင်းကန့်ဖောင်ပေါဝါလ ချားခေါင့်ဝ်ခနောဝ်ယွန်းမ်နမ်ကော်ဝိုက်။ တိန့်အောက်မားမေကော့် ယွန်းမ်နမ်လေန တောင်းတိန့်အောက်မားလေတောင်း ရောင်ဝ်နွေ့ဟင်းမားညော့ အောင်းတိန့်ဟောန့် ဟုမ်ဝိုက်ကော်ဝိုက်။ 8ကာ့အောင်းကမ်ဖောင်ပေါဝါလော့် ချားတိုရာအော်နီးကော်လော့် တိန့်အောက်ဆီ ဆာဆီအောင်းဝမ်ဝိုက်မကား ဆူဆမွန်းပတ်နိမ် မတ်မွန်းလေ စန်မတ်ဟင်း” ဆီ ဝါကော်ဝိုက်။ နောင်နယ့်ဆီ မွန်းစောင့်ဝါရောင့်ဝ်ကော်လော့် “ကွန်းပဉ်ဟူပါဆီ ကွန်းစောင့်နယ့်ဟဉ်းလေ အာရုံစိုက်ဆီ ထောင်မ်ဟင်း” ဆီ တောင်းဆိန်ကြမ်းကြမ်းတောင်း ဝါကော်ဝိုက်။
ချန်းပြား အကြောင်းပွန်ဥပမာကွန်းဝမ်ကာ
(စောင့်မဿဲ ၁၃:၁၀-၁၇။ စောင့်မာကု ၄:၁၀-၁၂)
9နောက်လောင်နော့် တပဲ့မွန်းစောင့်လေန အောင်းစောင့်ယေရှု ပွန်ဥပမာဟိုက် ခဝါအဟောင်းဝါလ ထန်မ်ဟင်းကော်ဝိုက်။ 10မေနယ့်လော့် စောင့်ယေရှုန “စောင့်ဖလားလ အောင်းစမဆူ တောင်းသာသနာတော်စောင့်ဖလားတောင်းအောင်းဆိုင် မေစောင့်အောင်းမဟုမား တလားအောင်းစော်လေ အခွင့်အောင်းဟုထောင်မ်ပဲ့လေ ဟောင့်ဝ်ဝိုက်ရောင့်ဝ်ကော်။ တော်နယ်ကော့် ကွန်းမောင်းဖောင်လေန
တွဲကော့်မဟောန်ပဲ့၊
နယ့်ဟဉ်းကော့် မဟုထောင်မ်ပဲ့ဟင်းညော့ ဟပေါဟုထောင်မ် အောင်းပွန်ဥပမာလေဆွန်းဆီ နယ့်ချန်းပြားအောင်းမနော်” ဆီ ဝါကော်ဝိုက်။
အဓိပ္ပါယ်ပွန်ဥပမာကွန်းဝမ်ကာ
(စောင့်မဿဲ ၁၃:၁၈-၂၇။ စောင့်မာကု ၄:၁၃-၂၀)
11မွန်းစောင့်န “ပွန်ဥပမာအောင်းဝမ်းကာ့ခဝါလ ဖောင်းခေါင့်ဝ်န နှုတ်ကပါတ်တော်စောင့်ဖလား။ 12ဖောင်းခေါင့်ဝ်အောင်းချားတိုရာနာ့ခွန်တန်းန အောင်းနှုတ်ကပါတ်တော်စောင့်ဖလားလေ နယ့်ဟဉ်းကော်လော့် ယွန်မ်ဆီ အောင်းကယ်ဟပေါမနယ့်ခမ် မာရ်နတ်တ မားဆီ အောင်းမနော်ယွန်မ်လေ ဟပေါပျတ် ဆီမေခနောဝ်စောဝ်မနော် အောင်းနှုတ်ကပတ်တော်စောင့်ဖလားလေ ကွန်းအောင်းဆွဲအောက်နယ့်ခမ်လေ။ 13ဖောင်းခေါင့်ဝ်အောင်းချားတိုခနေနောင်နဉ်းကောင့်ဟဉ်ခမ်ဝါလ အောင်းနှုတ်ကပတ်တော်စောင့်ဖလားလေ နယ့်ဟဉ်းကော်လော့် ဟောန်မ်ဟောန်မ်စွုမ်းစွုမ်း လက်ခမ်မေကော့် ခနောဝ်စောဝ်မနော် ဟတ်မွန်းမကွန်းမ်လော့် ဟူဟူမခမ်ဆီ မနော်လ ရီအောင်းနဲဟော် လက်ခမ်ပဲ့ဟော။ ဘဝမနော် အောင်းယပ်လေ၊ အောင်းကြမ်းလေတောင်း ပေါခေါက်ပ်ကော်လော့် အောင်းမနော်ယွန်မ်လေန ချရှ်ချန်း ပေးကွန်းစန်ရပ်လေ။ 14ဖောင်းခေါင့်ဝ်အောင်းချားတိုခနောဝ်ယွန်းမ်နမ်ကော်ဝါလ အောင်းနှုတ်ကပက်တော်တလားလေ နယ့်ဟဉ်းမေကော့် အောင်းကြာပါလေ၊ အောင်းချမ်းသာလေတောင်း အောင်းနယ့်ခံစားကာမဂုဏ်လေန အုဆီ ပိဝိုက်ညော့ ပေးကွန်းအောင်းမမောက်အောင်းမမတ်လေ။ 15ဖောင်းခေါင့်ဝ်အောင်းချားတိုခနောဝ်အော်နီးဝါလ အောင်းနှုတ်ကပတ်တော်စောင့်ဖလားလေ နယ့်ဟဉ်းဆီ ခနောဝ်စောဝ်မနော် ကွန်းမ်ကွန်းမ်ဝိုင့်ဝိုက်ဆီ စောင်းမ်ဟေဟင်းညော့ ပေးကွန်းမောက်ကွန်းမတ်ဟင်း” ဆီ ဝါကော်ဝိုက်။
ကလောက်ဖိုင်းအောင်းအုဝိုင့် တောင်းမွန်းမ်တောင်း
(စောင့်မာကု ၄:၂၁-၂၅)
16နောက်လောင်ဟာနိမ် မွန်းစောင့်န “အောင်းကလောက်ဖိုင်းလ ဖိုင်းစပ်ဆီ တောင်းမွန်းမ်တောင်း ကွန်းစောင့်ခုန့်မ်ဝိုင့် နောင်နယ့်ပေါမစော် ကွန်းစောင့်ဝိုက်ခတောင့်ကတန်ဝါလ မရောင်း။ ကွန်းခေါင့်ဝ်မားခနောဝ်ဟုန်းလေ ဟပေါနယ့်ဟောန်အောင်းလိန်း အောင်းကလောက်ဖိုင်းလ ခနေချိန်မွန်းနဲဟော် စန်တန်ဝိုက်ဟင်း။ 17တော်ပေါခါမခေါက်ပ် အောင်းလောက်ဆိဉ်ဝိုက်ဝါလ မရောင်း။ လျှို့ဝှက်ချက်အောင်းမဟုပဲ့ဝါလကော့် မရောင်း။ 18ကောပ့်နယ့်ညော့ အာရုံစိုက်ဆီ ထောင်မ်ဟင်း။ တူးနိမ်မတူးနိမ် အောင်းကွန်းစောင့်ရောင်းလ တဟောင့်ဝ်။ တော်နယ်ကော့် ဆီမေခနောဝ်ကွန်းအဟောင်းမရောင်းလ အောင်းမွန်းတောင်းမွန်း ရောင်းဆီ အောင်းထန်လေကိုးသကော့် အောင်းဆိဉ်းတနယ့်ခမ်” ဆီ ဝါကော်ဝိုက်။
စောင့်ဟုန်းစောင့်ယေရှုအောင်းစော်
(စောင့်မဿဲ ၁၂:၄၆-၅၀။ စောင့်မာကု ၃:၃၁-၃၅)
19မယ်မွန်းစောင့်တောင်း နောင့်စိုင်းမွန်းစောင့်လေန ဟပေါနယ့်ခေါက်ပ်အောင်းမွန်းစောင့်ဆီ မားဟင်းဝိုက်။ တော်နယ် မနော်လေန ဖွန်ကွန်းလေနမ်အားကြီးကော်ညော့ ရာမွန်းစောင့် မထီန်ပဲ့ဟင်းဝိုက်။ 20ကွန်းကော်နိမ်မကော်နိမ်လ အောင်းမွန်းစောင့် “မယ်မောစောင့်တောင်းနောင့်စိုင်းမောစောင့်လေန ခခေါက်ပ်အောင်းမောစောင့်ညော့ စိန်ဆီ ထဟင်းခနောက်ဟောန့်” ဆီ ဝါကော်ဝိုက်။ 21မေနယ့်လော့် မွန်းစောင့်လ “ကွန်းစောင့်စောင်းမ်ဟေ အောင်းနှုတ်ကပတ်စောင့်ဖလားလေတောင်းလုန်လ မယ်ကော၊ နောင့်စိုင်းကောစောင့်ကျဉ်းနော့်” ဆီ ဝါကော်ဝိုက်။
လှိုင်းတောင်းလုမ်းလေန နယ့်နာခမ်အောင်းမွန်းစောင့်ဝါလေ
(စောင့်မဿဲ ၈:၂၃-၂၇။ စောင့်မာကု ၄:၃၅-၄၁)
22ဝမ်းနိမ်လော့် မွန်းစောင့်လ တောင်းတပဲ့မွန်းလေတောင်း ခွန့်ခနေဟေးစင်းနိမ်ဆီ “ဟောခမ့်တောင်းဖတ်နောင်ပေါန့်ဟင်းစို့” ဆီ ဝါကော်ဝိုက်။ ကောပ့်နယ့်ညော့ မနော်လေန အောင်းနောင်ဟောန့် ခမ့်ကွာဟင်းကော်ဝိုက်။ 23တကြားမနော်ခမ့်နောင်နယ့်လော့် စောင့်ယေရှုန ခနေဟေး နွမ်းနောက်ကော်ဝိုက်။ နောက်လောင်နော့် ချရှ်ချန်း ဖဖုန်လုမ်းန ရာနောင်ဟောန့် တိုက်မားကော်ဆီ ဟေးမနော် စဆီနေ့နမ့်ဆီ တောင်းအန္တရာယ်တောင်း နယ့်ခေါက်ပ်ကော်ဝိုက်။ 24မေနယ့်လော့် တပဲ့လေန အောင်းစောင့်ယေရှု ပုတ်ဆီ “စောင့်၊ စောင့် ဟောတနယ့်သိုင်းကော့်” ဆီ ဝါကော်လော့် မွန်းစောင့်ကော့် ဆီမေနွမ်းလ လုဆီ အောင်းဖဖုန်လုမ်းတောင်း အောင်လှိုင်းနမ့်လုန်လေ ဟပေါရပ် ဟောင့်ဝ်အမိန့်ကော်ဝိုက်။ မေနယ့်လော့် ဖဖုန်လုမ်းတောင်း လှိုင်းနမ့်လုန်လေန ရပ်ဟင်းကော်ဝိုက်။ 25နောက်လောင်နော့် မွန်းစောင့်လ အောင်းတပဲ့မွန်းလေ “အောင်းမဆူယွန်မ်န ရာထော” ဆီ ထန်မ်ကော်လော့် မနော်လေန နီးကိုးဆီ အိုက်အမ်းဟင်းကော်ဝိုက်။ မနော်လေန “ကွန်းဟိုင့်လ ဖော။ လှိုင်းတောင်းလုမ်းလေကိုသကော့် နောင်မွန်းဟောင့်ဝ်အမိန့်ညော့ နယ့်ဟေစောင်းမ်ဟင်း” ဆီ အချန်းချန်း ဝါဟင်းဝိုက်။
ဟော့်အောက်အောင်းဖီမနီးလေ
(စောင့်မဿဲ ၈:၂၈-၃၄။ စောင့်မာကု ၅:၁-၂၀)
26နောက်လောင်နော့် မွန်းစောင့်တောင်းတပဲ့မွန်းလေကော့် အောင်းနောင်ဂါလိလဲခမ့်ဆီ ရာဟဉ်းမှိန်းဂါရစ ရာခန့်ဟဉ်းနမ့် ဆက်ဆီ ခမ့်ကွာဟင်းကော်ဝိုက်။ 27ထီန်ကော်ရာတီဟောန့်ကော်ဆီ မွန်းစောင့်လ စားမေခနေဟေး လုန်းဆီ ခွန့်ခနေကွန်းကော်လော့် ရာမှိန်းဟောန့် ကွန်းဖီမနီးပူးကော်နိမ်လ မားခေါက်ပ်အောင်းမွန်းစောင့်ကော်ဝိုက်။ ရာမွန်း ဖီမနီးပူးလ ဟူမားကော်ညော့ မွန်းလ ရာဟုန်းကော့်မအူ ဆေဖကော့်မနွန်ဆီ ရာဂူအောင်းရောင်း ရာခနောဝ်ချန်းချိန်းညော့ ကွာခွန့်ကွာလောင်ဝိုက်။ 28ကွန်းဟောန့်န ဟောန်အောင်းမွန်းစောင့်ကော်လော့် ကွာခနာ့မွန်းစောင့်ဆီ ကွာတောင့်ဝ်ခေါင်ဝ်ကော်ဝိုက်။ မွန်းန “လုစိုင်းစောင့်ဖလားအောင်းချဉ်းမြတ် ယေရှု မောလာဟေဟောင်း အောင်းစကော၊ အောင်းကော ပီမားနိစတ်၊ အောင်းမော ကောကန်တောစောင့်” ဆီ ကြမ်းကြမ်းစေဆီ ဝါကော်ဝိုက်။ 29ဟေဟောင်းဆီနယ့်ဝါနောင်နယ့်ပေါဝါလော့် မွန်းစောင့်လ အောင်းဖီမနီးဟောန့် ဆီမေကွန်းအောင်းဖီမနီးပူးနယ့်ခမ်ဟောန့် ဟပေါအောက်မား ဟောင့်ဝ်အမိန့်ကော်ညော့ဝိုက်။ အောင်းကွန်းဟောန့် ဖီမနီးဟောန့်လ အကျင်မ်ကျင်မ်နိစပ်ဝိုက်။ ကွန်းလေန အောင်းမေးမွန်း၊ အောင်းတဉ်းမွန်းလေ တောင်းဆိုင်လိတ်လေတောင်း မောက်ဆီ ဝမ့်ဝိုက်ဟင်းမေကော့် မွန်းလ အောင်းဆိုင်လိတ်လေ တက်ပ်ခတ်ဆီ ရာတီတောင်းကွန်းလေတောင်းကိုင်း အောင်းဖီမနီးလေဟောင့် နယ့်ခမ်ကော်ဝိုက်။ 30စောင့်ယေရှုန အောင်းစမွန်း “နာမယ်မောစေဟောင်း” ဆီ ထန်မ်ကော်လော့် ကွန်းဟောန့်ကော့် “ရာတိုးကွန်းဟောန့် ဖီမနီးလေမကျေးလေမစော် ပူးဝိုက်ညော့ ကွန်းဟောန့်န လေဂေါင်#8:30 လေဂေါင် ဖီမနီးလေ နမ်အားကြီးကော်ညော့ လေဂေါင် (Legion) ဆီ ခဝါဝိုက်။” ဆီ ဝါပေါက်ကော်ဝိုက်။ 31ဖီမနီးလေကော့် အောင်းဖီမနီးလေ အောင်းဟောင့်ဝ်အပြစ် ရာခနောဝ်ခွန်မ်လိ အောင်းစမနော် ပီဆုန်အီ့အွန်ဆီ အောင်းစစောင့်ယေရှု ဝါပေါက်ဟင်းကော်ဝိုက်။ 32မေနယ့်လော့် ဖွန်မူဖွန်နိမ်လ ခါကျဉ်းဟင်းခနေနွဲဝိုက်။ ဖီမနီးဟောန့်လေန ခနောဝ်မူဟောန့်လေ ဟပူးအီ့အောင်းဟောဆီ အောင်းမွန်းစောင့် ဝါဟင်းညော့ မွန်းစောင့်ကော့် ဟကွာကော်ဝိုက်။ 33နောက်လောင်နော့် ဖီမနီးလေကော့် စားမေကွန်းဟောန့်အောက်ဆီ ကွာစူးရာဖွန်မူဟင်းကော်ဝိုက်။ မေနယ့်လော့် ဖွန်မူကော့် ရာဖန်လာဟွေ့ဆွန် ပိုင်စူးကျန်ကျန်ဆီ ဝင့်တိုခနောဝ်နောင်ဆီ နေ့နမ့်ဟင်းကော်ဝိုက်။ 34မေနယ့်လော့် ကွန်းစောင့်လိမ့်မူလေကော့် အောင်းမူလေပေးနောင်နယ့်လ မနော်နယ့်ဟောန်ကော်လော့် ပိုင်ပေါက်ဆီ မှိန်းပါမန့်ပါမကျန် အောင်းသတင်းဟောန့် ကွာလောင်ဝ်ပြားကော်ဝိုက်။ 35ကွန်းလေကော့် ဟပေါနယ့်ဟောန်အောင်းအဖြစ်ပျက်ဟောန့် ဆီမေခနောဝ်မှိန်း အောက်ဟင်းမားဆီ ထီန်စူးမားရာစောင့်ယေရှုဟင်းကော်ဝိုက်။ မေနယ့်လော့် ကွန်းဖီမနီးပူးဆီဟိုင်ကော်လ ဆေဖလေနွန်ဆီ ခတောင့်တဉ်းမွန်းစောင့် နောင်ကွန်းနီးညော့ နှောင်ဆီအူလ မနော်ဟောန်ဟင်းကော်လော့် နီးကိုးဆီ အမ်းဟင်းကော်ဝိုက်။ 36မနော်ကိုယ်တိုင် အောင်းအဖြစ်အပျက်ဟောန့် ကွန်းနယ့်ဟောန်လေန အောင်းကွန်းထီန်မားလေ ကွန်းဟောန့် ဆီမေအောင်းဖီမနီးပူးလ ဟိုင်ကော်နောင်နူးဝါလ လောင်ဝ်ပြားဟင်းဝိုက်။ 37ဆီမေခန့်ဟဉ်းမ်မှိန်းဂါရစ ကွန်းစောင့်မားလေတောင်းလုန်န အိုက်ကိုးဟင်းကော်ညော့ အောင်းစောင့်ယေရှု ဆီမေမှိန်းဟောန့် ဟအောက်ကွာကော်ဆီ တောင်းပန်ဟင်းကော်ညော့ စောင့်ယေရှုတောင်းတပဲ့မွန်းစောင့်လေန ခွန့်ခနေဟေးဆီ ဆီမေတီဟောန့် အောက်ကွာဟင်းကော်ဝိုက်။ 38တကြားစောင့်ယေရှုတောင်းတပဲ့မွန်းလေ မအောက်ကွာခွေတ် ကွန်းဖီမနီးပူးဆီ ကွန်းအောင်းဟိုင်ကော်လ တောင်းမွန်းစောင့်တောင်း ခစောင်းမ်ဆီ ဝါကော်ဝိုက်။ မေနယ့်လော့် စောင့်ယေရှုလ အောင်းစမွန်း မဟစောင်းမ်ဆီ 39“စောင့်ဖလားလ ခနေမော အကျိုးအောင်းနီးလေ ဟေဟောင့်ဝ်မားနောင်နူးဝါလ အောင်းစောင့်ဟုန်းမောတောင်း အောင်းကွန်းတောင်းလုန် ကွာလောင်ဝ်ပြားကော်” ဆီ ဆောင်ဝိုက်ကော်ဝိုက်။ နောက်လောင်နော့် ကွန်းဟောန့်လ မှိန်းတော်ပေါစောက် ကွာဆီ အောင်းအဖြစ်ပျက်ဟောန့်လေ လောင်ဝ်ပြားကော်ဝိုက်။
လုဆောင်ဝ်ယာဣရုတောင်း ကော့်ယဉ်းအောင်းရောဂါဟိုင်
(စောင့်မဿဲ ၉:၁၈-၂၆။ စောင့်မာကု ၅:၂၁-၄၃)
40နောက်လောင်နော့် စောင့်ယေရှုတောင်းတပဲ့လေန ကြွပေါက်ပါ့နောင်ဖတ်ပေါန့်ကော်လော့် ကွန်းဖွန်လေန ထဆီ ဟပ်ထဟင်းဝိုက်။ 41ရာတီဟောန့် အောင်းပေးကွန်းဂျူး ယာဣရုဆီအောင်းစေ စောင့်တာဝန်ခမ်တလားစလပ်ကော်နိမ်လ ခနာ့စောင့်ယေရှု တောင့်ဝ်ခေါင်ဝ်ဆီ နှောင်ကော်ဝိုက်။ မွန်းန အောင်းစောင့်ယေရှု ဟကြွမားရာဟုန်းမွန်းဆီ ပန်းကော်ဝိုက်။ 42ဟေဟောင်းဝါလ ရာမွန်း အဆတ်ဆစ်ပ်ဆောင်န်ပီး အောင်းသကောင့်ဝ်သိုင်း လုဆောင်ဝ်ကော်နိမ်ရောင်းဝိုက်။ မွန်းန ပေးလုဆောင်ဝ်ယာဣရု အောင်းကော်နိမ်အင်ဝိုက်။ စောင့်ယေရှုကြွကော်ရာဟုန်းဟောန့်ကော်လော့် ဖွန်ကွန်းလေကော့် ဟီးဟင်းဖွတ်ဟင်းဆီ တောင်းမွန်းစောင့်တောင်း စောင်းမ်ဟင်းမားကော်ဝိုက်။ 43ခနောဝ်ကွန်းဖွန်ဟောန့်လ ဆစ်ပ်ဆောင်န်ပီးလုံးလုံး ကော့်ယဉ်းအောင်းပေးရောဂါနေ့လေ့ထောန်ကော်နိမ်#8:43 ကော့်ယဉ်းအောင်းပေးရောဂါနေ့လေ့ထောန်ကော်နိမ် ရာကျမ်းမောရှေ ကော့်ယဉ်းလေ အချီန်နေ့လေထောန်န မသန့်စင်ဆီ နယ့်ထန်ညော့ အောင်းဖောကော့် မနယ့်ထိ။ (ဝတ်ပြုရာကျမ်း ၁၅း၁၉-၃၀)ကော့် ရောင်းဝိုက်။ ကော့်ယဉ်းဟောန့်လ ရာမွန်း ကာအောင်းရောင်း ငွန်းလေခမ်ဆွန်းမ်ဆီ ရာစောင့်ထိုးရာ့လေ ရားမားမေကော့် စောင့်ထိုးရာ့ထောကော့် တော်ပေါဟိုင် မရားပဲ့ဝိုက်။ 44ကောပ့်နယ့်ညော့ ကော့်ယဉ်းဟောန့်ကော့် ခလောင်စောင့်ယေရှု ကွာဆီ ထိအောင်းဆေလုန်စောင့်ယေရှုကော်လော့် ချရှ်ချန်း ရောဂါမွန်း အောင်းနေ့လေ့ထောန်လ ဟိုင်ကော်ဝိုက်။ 45စောင့်ယေရှုကော့် “ဖောထိမား အောင်းကောလ” ဆီ ထန်မ်ကော်လော့် ဖွန်ကွန်းလေန အောင်းစောင့်ယေရှု အကြောင်းမနော်မထိ ဝါပေါက်ဟင်းကော်ဝိုက်။ မေနယ့်လော့် ပေတရုလ “စောင့်ယေရှု ရာခန့်ဟဉ်းမောစောင့် ဖွန်ကွန်းလုန်န ဟီးတော်ဟင်းဆီအူ#8:45 စောင့်ယေရှု ရာခန့်ဟဉ်းမောစောင့် ဖွန်ကွန်းလုန်န ဟီးတော်ဟင်းဆီအူ ရာကျမ်းမောင်းဖောင် ပေတရုပါ၊ ကွန်းတောင်းပေတရုတောင်း အူနွေ့ဟင်းလေပါဆီ တင့်မ်ဝိုက်။” ဆီ ဝါပေါက်ကော်ဝိုက်။ 46တော်နယ် စောင့်ယေရှုလ “ကော်နိမ်မကော်နိမ် ထိမားအောင်းကော။ ဟေဟောင်းဝါလ ဆီမေကော အစွမ်းလေ အောင်းအောက်ကော်လ ကောဟု” ဆီ ဝါပေါက်ကော်ဝိုက်။ 47ကော့်ယဉ်းဟောန့်ကော့် မအူပဲ့ကော့်ညော့ ဆောန်ယူယူဆီ ရာခနာ့စောင့်ယေရှု တောင့်ဝ်ခေါင်ဝ်ဆီ အောင်းဆေလုန်စောင့်ယေရှု မွန်းထိကော်နွေ့ဆပ် ချရှ်ချန်းကော့် အကြောင်းရောဂါမွန်းဟိုင်ကော်ဝါလ အောင်းကွန်းတောင်းလုန် လော်ဝ်ပြားကော်ဝိုက်။ 48မွန်းစောင့်ကော့် အောင်းကော့်ယဉ်းဟောန့် “အောင်းမောယွန်မ်န အောင်းရောဂါမော ဟဟိုင်ကော်။ ဟူရိန်းစောဝ်ရိန်း ကွာမေ” ဆီ ဝါကော်ဝိုက်။ 49တကြားမွန်းစောင့်ဝါနောင်နယ့်လ ဆီမေရာဟုန်းယာဣရုန ကွန်းကော်နိမ်ထီန်မားဆီ “လုဆောင်ဝ်မောစောင့်လ သိုင်းကော်စောင့်။ အောင်းစစောင့်ယေရှု ပီကွာနှောက်ယှက်ကော့်” ဆီ အောင်းယာဣရု မားဝါကော်ဝိုက်။ 50စောင့်ယေရှုကော့် နယ့်ဟဉ်းခွမ်းဟောန့်ကော်လော့် အောင်းယာဣရု “မောပီကြာပါ။ အောင်းကောနဲဟော် ဆက်ဆီယွန်မ်။ လုဆောင်ဝ်မော တနီးပေါက်မား” ဆီ ဝါကော်ဝိုက်။ 51နောက်လောင်နော့် မွန်းစောင့်လ ခေါင့်ဝ်ဟုန်းယာဣရုကော်လော့် အောင်းပေတရု၊ အောင်းယောဟန်၊ အောင်းယာကုပ်ဟော်တောင်း အောင်းပေါ်မယ်လအောင်ဆောင်န်ကော့်နဲဟော် အောင်းကျန်အောင်းဖောကော့် မဟခေါင့်ဝ်ဝိုက်။ 52ကွန်းတောင်းလုန်ကော့် လအောင်ဟောန့် သိုင်းကော်ညော့ ဟိုင်နာ့စောဝ်ဆီ ဟိုင့်ဟင်းကော်ဝိုက်။ တော်နယ်ကော့် စောင့်ယေရှုလ “ပီဟိုင့်ဟင်း။ လအောင်ဟိုင့် မသိုင်းအွန်။ မွန်းနောင်းနောက်ဆီအူ” ဆီ ဝါကော်လော့် 53ကွန်းလေကော့် အောင်းမွန်းစောင့် မားအောဝ်မောဝ်ဟင်းကော်ဝိုက်။ ဟေဟောင်းဝါလ လအောင်ဟောန့်သိုင်းကော်ဝါလ မနော်ဟုဝိုက်ရောင့်ဝ်ကော်ညော့ဝိုက်။ 54စောင့်ယေရှုန အောင်းမေးလအောင်ဟောန့် ကမ်းဆီ “အီယန် လု” ဆီ ဝါကော်ဝိုက်။ 55နောက်လောင်နော့် လအောင်ဟောန့်ကော့် အဆတ်ခေါင့်ဝ်ပေါက်မားဆီ ချရှ်ချန်း လုမားကော်ဝိုက်။ မေနယ့်လော့် စောင့်ယေရှုကော့် အောင်းပေါ်မယ်လအောင်ဟောန့် ခေါင်ကျဉ်းလေ ဟပေါလိမ့် ဝါကော်ဝိုက်။ 56မေနယ့်လော့် ပေါ်မယ်လအောင်ဟောန့်ကော့် အိုက်အမ်းဟင်းကော်ဝိုက်။ တော်နယ်ကော့် မွန်းစောင့်န အောင်းအဖြစ်ပျက်ဟိုက် အောင်းဖောကော့် ပီလောင်ဝ်ပေါက်ဆီ ဆောင်ဝိုက်ကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.