စောင့်လုကာ 7
7
ဟောင့် (၇)
အောင်းဖုကောန်းဆစ်ရောမကော်နိမ် ယွန်မ်
(စောင့်မဿဲ ၈:၅-၁၃)
1နောက်လောင်နော့် စောင့်ယေရှုလ အောင်းကွန်းဖွန် လောင်ဝ်ပြားဆောန်ပြားရောင့်ဝ်ကော်လော့် ပေါက်မှိန်းကပေရနောင်ကော်ဝိုက်။ 2ရာမှိန်းဟောန့် ဖုကောန်းဆစ်#7:2 ဖုကောန်းဆစ် ဖုကောန်းဆစ်ဝါလ အောင်းစစ်သားပတ်နိမ် ကွန်းနယ့်အုပ်ချုပ်ဝိုက်။ရောမကော်နိမ်ရောင်းဝိုက်။ ရာမွန်း အောင်းမွန်းချဉ်းနယ်အားကိုး ခကော်နိမ်ရောင်းဝိုက်။ ခဟိုက်လ ခိုင့်နောင်ဝ်ဆီ လာကောင့်ဝ်သိုင်းကော်ဝိုက်။ 3ဖုကောန်းဆစ်ဟောန့်လ အကြောင်းစောင့်ယေရှု နယ့်ဟဉ်းကော်လော့် အောင်းအမျိုးကွန်းဂျူးအောင်းရောင်ဝ်မောင်းဖောင်လေ ပွယ်ကော်ရာစောင့်ယေရှုဆီ အောင်းခမွန်း တော်ပေါနယ့်ရား အောင်းမွန်းစောင့် ဟကွာပမ်းမားကော်ဝိုက်။ 4ကွန်းဟောန့်လေန ကွာရာမွန်းစောင့်ဆီ ဟပေါနယ့်စွယ်ဟောင့်ဝ်အောင်းဖုကောန်းဆစ် ကွာတန်ပြားကော်ဝိုက်။ အမျိုးကွန်းဂျူးအောင်းရောင်ဝ်ဟောန့်လေကော့် “ဖုကောန်းဆစ်ဟိုက်လ အောင်းမောစောင့်ကယ်န ခမ်သင့်စောင့်။ 5ဟေဟောင်းဆီပေါဝါလော့် မွန်းန အောင်းကွန်းအမျိုးဟော ဟောက်ဆီ တလားစလပ်ဆောင်နိမ်ကော့် တောင့်ဆီ မွန်းလှူမားအွန်” ဆီ တန်ပြားကော်ဝိုက်။ 6ကောပ့်နယ့်ညော့ စောင့်ယေရှုလ တောင်းမနော်တောင်း ကြွမားကော်ဝိုက်။ တောင်းဟုန်းဖုကောန်းဆစ်ဟောန့်တောင်း မကောင့်ဝ်မကိုင်းအင် ထီန်မားကော်လော့် ဖုကောန်းဆစ်ဟောန့်န အောင်းတကော့်မွန်းမောင်းဖောင် ပွယ်ဆီ အောင်းမွန်းစောင့် “စောင့်၊ ဟုန်းကောခလ မောစောင့်ဟပေါနယ့်ကြွမား မတန်ညော့ မောစောင့်လ အတွိုက်ကောတောင်း ဒုက္ခခမ်ဆီ ပီကြွမားစောင့်” 7နောင်နယ့်မကား “ရာမောစောင့် ကောဟပေါနယ့်ကွာခေါက်ပ်ကော့် တောင်းကောတောင်း မတန်။ မောစောင့်ဟောင့်ဝ်အမိန့်အင်တောင်း ခကောလ ရောဂါဟိုင်ပဲ့စောင့်။ 8ဟေဟောင်းဆီပေါဝါလော့် ခနေကော နောင်ကွန်းရောင်ဝ်လေရောင်းညော့ ခတောင့်ကောကော့် စစ်သားလေ မကျေးမလေမစော်ရောင်းဆီ မနော်ကော့် နောင်ကောဝါညော့ နယ့်ဟေစောင်းမ်ဟင်း။ ကောလ အောင်းစစ်သားကော်နိမ် ‘ကွာ’ ဆီ ဟောင်ပေါဝါကော် မွန်းနယ့်ကွာ။ နောက်လောင်နော့် အောင်းစစ်သားတန်းတီကော်နိမ် ‘မား’ ဆီ ဟောင်ပေါဝါကော် မွန်းနယ့်မား။ ကောလ အောင်းခကောလေ ‘အောင်းထိုင့်ဟေ’ ဆီ ပေါဝါကော် မနော်နယ့်ဟေစောင့်” ဆီ ဟကွာတန်ပြားကော်ဝိုက်။ 9အောင်းဝါနောင်နယ့်လ မွန်းစောင့်နယ့်ဟဉ်းကော်လော့် အမ်းကော်ဆီ အောင်းကွန်းစောင်းမ်မားခလောင်မွန်းလေတောင်းလုန် တွဲပေါက်ဆီ “ကောခဝါအောင်းမဆူလ ရာခနောဝ်ကွန်းအစ္စရေးလေ ကွန်းအောင်းယွန်မ်နောင်နယ့်လုန်ပွန့် ကောမဟောန်ကောင်ဝ်အွန်” ဆီ ဝါကော်ဝိုက်။ 10တကော့်ဖုကောန်းဆစ်လေ ထိန်ပေါက်ဟုန်းကော်လော့် ခဖုကောန်းဆစ်လ အူနီးကော်ဝါလ မနော်နယ့်ဟောန်ဟင်းကော်ဝိုက်။
အဆတ်ဟခွန်းပေါက် အောင်းလုစိုင်းမယ်ဟန့်ကော်နိမ်
11နောက်လောင်ဝမ်းနိမ်လော့် စောင့်ယေရှုလ တောင်းတပဲ့မွန်းလေတောင်း ကြွကွာမှိန်းနာဣနကော်လော့် ကွန်းဖွန်လေကော့် စောင်းမ်ဟင်းမားကော်ဝိုက်။ 12ရာခန့်ဟဉ်းမ်နာ့ဆွတ်တူးမှိန်း ထီန်ကော်လော့် စအလောင်းကွန်းသိုင်းကော်နိမ် ကွန်းကမ်ဖောင်လေန လာတဖောင်န်ဆီ တောင်းထန်းစန်တောင်း ဟမ်အောက်မားရာခနောက်မှိန်းဟင်းကော်ဝိုက်။ ကွန်းသိုင်းဟောန့်န ပေးလုစိုင်းမယ်ဟန့် အောင်းကော်နိမ်အင်ဆီ ကွန်းမန့်ကွန်းမှိန်းလေကော့် တောင်းမယ်ဟန့်တောင်း စောင်းမ်ဆုန်ဟင်းဝိုက်။ 13မွန်းစောင့်လ ဟောန်အောင်းမယ်ဟန့်ဟောန့်ကော်လော့် အိုက်အီနူကော်ညော့ အောင်းစမွန်း “ပီဟိုင့်” ဆီ ဝါကော်ဝိုက်။ 14နောင်လောင်နော့် မွန်းစောင့်ကော့် အောင်းကွန်းလေဟမ်မား ရာခန့်ကွန်းသိုင်းဟောန့် ကွာစူးဆီ အောင်းထန်းစန် တောင်းမေးမွန်းစောင့်တောင်း ထိကော်ဝိုက်။ မေနယ့်လော့် ကွန်းစောင့်ဟမ်ထန်းစန်လေကော့် ရပ်ဟောင့်ဝ်ဆီ မွန်းစောင့်ကော့် “အိုက်နိုင်း၊ အောင်းမောကောတဝါ လု” ဆီ ဝါကော်ဝိုက်။ 15မေနယ့်လော့် ချရှ်ချန်း ကော့်စိုင်းအောင်းသိုင်းဟောန့်န နှောင်ဆီ စဆီတန့်ခွမ်းမားကော်ဝိုက်။ နယ့်ရောင့်ဝ် မွန်းစောင့်လ အောင်းကော့်စိုင်းဟောန့် အပ်ပေါက်ရာမယ်မွန်းကော်ဝိုက်။ 16ကွန်းတောင်းလုန်ကော့် အမ်းဟင်း၊ နီးကိုးဟင်းကော်ဆီ “ရာခနောဝ်ကြားဟော ပရောဖက်အောင်းအစွမ်းရောင်ဝ်ပါးနိမ် ပေါ်မားကော်။ စောင့်ဖလားလ ဟပေါနယ့်စွယ်အောင်းစဟော ကြွမားကော်” ဆီ ချီးမွမ်းအောင်းစောင့်ဖလားဟင်းကော်ဝိုက်။ 17နောက်လောင်နော့် သတင်းအောင်းတောင်းစောင့်ယေရှုတောင်းဆိုင်လ ရာမှိန်းယုဒတောင်းလုန်တောင်း ရာမန့်အောင်းကောင့်ဝ်လေပါ ပျံ့ကော်ဝိုက်။
စောင့်ယေရှုလောင်ဝ်ပြား အကြောင်းရေနှစ်မင်္ဂလာဆရာယောဟန်
(စောင့်မဿဲ ၁၁:၂-၁၉)
18နောက်လောင်နော့် တပဲ့ရေနှစ်မင်္ဂလာဆရာယောဟန်လေကော့် အောင်းစောင့်ယေရှုဟေမားလေတောင်းလုန် အောင်းစယောဟန် လောင်ဝ်ပြားဟင်းကော်လော့် ယောဟန်န အောင်းတပဲ့မွန်းဆောင်န်ကော့် ဟောင့်ကော်ဆီ 19“မောစောင့်လ တကြွမားဆီ အောင်းစောင့်ဖလားဟောင့်ဝ်ကတိဝိုက် မေရှိယလေး၊ နယ့်ပေါမစော် ဟောတနယ့်ထအောင်းတန်းတီပါးနိမ်အွန်လေး” ဆီ ဟပေါနယ့်ကွာထန်မ် အောင်းစမနော် ပွယ်ကော်ရာစောင့်ယေရှုကော်ဝိုက်။ 20တပဲ့ဟောန့်လေကော့် ရာစောင့်ယေရှု ထီန်ဟင်းကော်လော့် “ရေနှစ်မင်္ဂလာဆရာယောဟန်န အောင်းစဟော ရာမောစောင့်ပွယ်ဆီ ‘မောစောင့်လ တကြွမားဆီ အောင်းစောင့်ဖလားဟောင့်ဝ်ကတိဝိုက် မေရှိယလေး နယ့်ပေါမစော် ဟောတနယ့်ထအောင်းတန်းတီပါးနိမ်အွန်လေး’ ဆီ ဟမားထန်မ်အောင်းမောစောင့်” ဆီ တန်ပြားဟင်းကော်ဝိုက်။ 21မေအချီန်ဟောန့် စောင့်ယေရှုန အောင်းကွန်းမအူနီးလေ ရားဟောင့်ဝ်ဆီ ဆီမေအောင်းကွန်းဖီမနီးပူးလေကော့် အောင်းဖီမနီးလေ ဟော့်အောက်ဆီမကား မွန်းန အောင်းကွန်းဟွေတားမဟောန်လေကော့် ဟွေတားဟဟောန်ပေါက်ဝိုက်။ 22နောက်လောင်နော့် မွန်းစောင့်ကော့် အောင်းတပဲ့ယောဟန်လေ “အောင်းမဆူနယ့်ဟောန်လေတောင်းလုန် အောင်းစယောဟန် ကွာလောင်ဝ်ပြားကော်။ ကွန်းဟွေတားမဟောန်လေကော့် ဟောန်မားကော်၊ ကွန်းမေးမခွန်တဉ်းမခွန်လေကော့် ပိုင်းပဲ့မားကော်၊ ကွန်းပေးဆမန်လေကော့် ဟိုင်ဟင်းကော်၊ ကွန်းပဉ်ဟူမနယ့်ဟဉ်းလေကော့် နယ့်ဟဉ်းမားကော်၊ ကွန်းသိုင်းလေကော့် ခွန်းပေါက်ဟင်းမားကော်၊ ကွန်းဖန်လေကော့် ဆီမေစောင့်ဖလား အောင်းသတင်းနီးလေ နယ့်ဟဉ်းဟင်းကော်။ 23ကွန်းဆက်ဆီယွန်မ်အောင်းကောလေန ကမ်နီးဟင်း” ဆီ ဝါကော်ဝိုက်။ 24တပဲ့ယောဟန်လေ ပေါက်ကွာကော်ရောင့်ဝ် မွန်းစောင့်လ အောင်းကွန်းဖွန်လေတောင်းလုန် အကြောင်းယောဟန် လောင်ဝ်ပြားကော်လ “မဆူလေ ကွာရာတီတောင်းကွန်းလေတောင်းကိုင်းဆီ ကွာတွဲအဟောင်းဟင်း။ နောင်ဖလုမ်းညော့ အောင်းဟေစောင်းမ် အောင်းတိန့်မိုင့်အော့ဆွန်လေလေး။ 25နောင်နယ့်ပေါဝါလော့် မဆူလေန ခဟောန်အဟောင်းဆီ အောက်ခနောက်ဟင်းန၊ ခဟောန်အောင်းစကွန်းနွန်ဆေဖအောင်းနီးလေလေး၊ အောင်းခေါန်နောက် ဆေနီးဖနီးနွန်ဆီ ကွန်းခမ်စည်းစိမ်လေန ခနောဝ်ဟော်စောင့်ခွန်ဟော်ခမ်းနဲဟော် တနယ့်ဟောန်ဟော။ 26နောင်နယ့်ပေါဝါလော့် ခခေါက်ပ်အောင်းကွန်းနောင်နူးဆီ မဆူကွာဟင်းန။ ယောဟန်န ပေးပရောဖက်ပါးနိမ်ညော့ မဆူလေန ခခေါက်ပ်အောင်းစမွန်းလေး။ စော်ကျဉ်းနော့်။ တော်နယ်ကော့် ကောဟောင်တနယ့်ဝါအောင်းမဆူပေါဝါလော့် ယောဟန်န နောင်ပညာရောင်းပရောဖက်လေမကား ပေးကွန်းမြတ်။ 27ဟေဟောင်းဆီပေါဝါလော့် မေတန်ဟာ ပရောဖက်ပါးနိမ်လ အောင်းအကြောင်းယောဟန် တင့်မ်ဝိုက်န စောင့်ဖလားလ အောင်းမေရှိယ နောင်နယ့်ဆီဝါမား။ အောင်းဟောန့်န
‘အောင်းမော မေမပွယ်ခွေတ် ကောလ အောင်းစေတမန်ကော တပွယ်အောင်းတိုင်း။
မွန်းန အောင်းခွန်တန်းမော တမဲဟောင့်ဝ်’ ဆီ ပေးဝိုက်။
28ကောပ့်နယ့်ညော့ အောင်းစမဆူ ကော်တဝါ။ ဆီမေကော့်ယဉ်း ကွန်းအောင်းလိမ့်မာလေန ဆာဆီယောဟန်အောင်းမြတ် မရောင်း။ တော်နယ် ခနောဝ်သာသနာတော်စောင့်ဖလားန ကွန်းအောင်းချဉ်းအရေးမပါလ ဆာဆီယောဟန်မကား မြတ်” ဆီ ဝါကော်ဝိုက်။ 29မေနယ့်လော့် ဆီမေကွန်းကျေပ်ကာလစဆီ ကွန်းလေတောင်းလုန်န ရာယောဟန် ခမ်ရေနှစ်မင်္ဂလာဟင်းမားညော့ အောင်းခွမ်းဟောန့် နယ့်ဟဉ်းဟင်းကော်လော့် စောင့်ဖလားလ စော်ဝါလ ဝန်ခမ်ဟင်းကော်ဝိုက်။ 30တော်နယ်ကော့် ဖာရိရှဲလေတောင်းဆရာကျမ်းစန်လေန မနော်ကိုယ်တိုင် ရာယောဟန် ဟပေါနယ့်ခမ်ရေနှစ်မင်္ဂလာ မနာခမ်ဟင်းမားညော့ အောင်းအလိုစောင့်ဖလားလေကော့် ပေးကွန်းမနာခမ်ဟင်းမားဝိုက်။
မျိုးဆတ်အောင်းမဟေပေါက်
31နောက်လောင်နော့် မွန်းစောင့်လ ဆက်ဆီ “ကွန်းပေးခေတ်အစောင် မဆူလေန တောင်းအဟောင်းတောင်းတူ၊ ပေးကွန်းနောင်နူးလေဝါလ 32မဆူလေန
‘ဟောပေါင်ဝ်ပီမေကော့်
မကဟင်း။
ဟောမောတေးချမ်းအောင်းခနီးခဟိုင်မေကော့်
မဟိုင့်ဟင်း’ ရာခနောဝ်ဈေး နှောင်ဆီ နောင်လအောင်ဆေးလေအချန်းချန်း စေဟင်းတောင်း တူ။
33ဟေဟောင်းဆီပေါဝါလော့် ရေနှစ်မင်္ဂလာဆရာယောဟန်လ ခေါင်ကျဉ်းလေကော့်မကျဉ်း#7:33 ခေါင်ကျဉ်းလေကော့်မကျဉ်း အောင်းနမ့်ဖွန်တောင်း အောင်းနန်းတီးလေနဲဟော် ကျဉ်းဟောဝိုက်။၊ အောင်းစန်မူးဝိုင်အစ်လေကော့် မဆို့ဆီ ပေါအောက်ခရီးလော့် မဆူလေန ‘ယောဟန်လ ဖီမနီးပူးကော်’ ဆီ ဝါဟင်း။ 34နောင်နယ့်မကား ကော လူ့သားတော်လ ခေါင်ကျဉ်းလေကျဉ်းဆီ ဟောင်ပေါအူကော့် မဆူလေန ‘စောင့်ယေရှုလ ပေးကွန်းကျဉ်းဟစ်ကျဉ်းရောင်ဝ်ဆီ ကွန်းကျေပ်ကာလေ၊ ကွန်းမနီးလေတောင်း ဟေလကော့်ဆီ ကျဉ်းနွေ့ဟင်း’ ဆီ တဝါဟင်းဟွန်း။ 35တော်နယ်ကော့် လအောင်စောင့်ဖလားဟောင်ပေါစော်လော့် အောင်းကောတောင်းယောဟန်ဟေလေန အကြောင်းစော်လ မဆူတဟုထောင်မ်ဟင်းမား” ဆီ ဝါကော်ဝိုက်။
အောင်းခွင့်လွှတ်ဟောင့်ဝ် အောင်းကော့်ယဉ်းအပြစ်နမ်
36နောက်လောင်နော့် ဖာရိရှဲကော်နိမ်န ရာဟုန်းမွန်း အောင်းစောင့်ယေရှု ဟမားကျဉ်းခေါင့်ဝ်မားခမ်ဆီ ပန်းကော်ဝိုက်။ ကောပ့်နယ့်ညော့ မွန်းစောင့်လ ရာဟုန်းဖာရိရှဲဟောန့် ကွာဆီ စကွာကျဉ်းခေါင့်ဝ်မားခမ် ကွာနှောင်ရာစားပွဲ#7:36 နှောင်ရာစားပွဲ ရာငေါင့်ကျမ်း “အောင်းပင်” ဆီ နယ့်ခေါက်။ မေခေတ်သမ္မာလိကျမ်းလ ဟောင်ပေါကျဉ်းခေါင်ကျဉ်းလော့် ရာခနာ့စပွဲ နှောင်ဆီ မကျဉ်းဟင်းဝိုက်။ ခနေတူးနိမ်မတူးနိမ် နောင်နယ့်ပေါမစော် ခနေကော်နိမ်မကော်နိမ် အဉ်းဆီ တောင်းမေးကန့်ခွာတောင်း မေကျဉ်းခေါင်ကျဉ်းန အောင်းမေးကန့်ဆိုင့်မနော်တောင်းအောင်းတဉ်းမနော်လေ တောင်းစပွဲတောင်း ရာအောင်းကိုင်း ရောန်းအောက်ကော်ဝိုက်။ကော်ဝိုက်။ 37မေနယ့်လော့် ရာမှိန်းဟောန့် ကော့်ယဉ်းအပြစ်နမ်ကော်နိမ် ရောင်းဝိုက်။ မွန်းန ရာဟုန်းဖာရိရှဲ အကြောင်းစောင့်ယေရှုကျဉ်းခေါင့်ဝ်မားခမ် ဟုညော့ အောင်းခေါန်နှောက် တောင့်ဝ်နမ့်ဟောမ်တောင့်ဝ်နိမ် အောင်းဝ်မားဆီ မားရာတီဟောန့်ဝိုက်။ 38နောက်လောင်နော့် ကော့်ယဉ်းအပြစ်နမ်လ ခလောင်စောင့်ယေရှု မားစိန်ရောင့်ဝ် တောင့်ခေါင်ဝ်ဆီ ရာခတောင့်တဉ်းမွန်းစောင့် ဟိုင့်ကော်ညော့ နမ့်တားကော့်ယဉ်းန အောင်းတဉ်းမွန်းစောင့် ဟယမ်းကော်ညော့ တောင်းခေါင်ဟိုမွန်းတောင်း တော်ပေါဟိုင့် စေ့ဟောင့်ဝ်ကော်ဝိုက်။ နောက်လောင်နော့် အောင်းတဉ်းမွန်းစောင့် ကော့်ယဉ်းလ နွုမ်းဆီ တောင်းနမ့်ဟောမ်တောင်း တားဟောင့်ဝ်ကော်ဝိုက်။ 39တော်နယ်ကော့် ဖာရိရှဲအောင်းပန်းမား အောင်းစအောင်းမွန်းစောင့်န ဟောန်အောင်းအကြောင်းဟိုင့်ကော်လော့် “ကွန်းဟိုက်လ ပရောဖက်ပညာရောင်းဟောင်ပေါစော် ကွန်းထိအောင်းမွန်းလ ပေးကော့်ယဉ်းနောင်နူးဝါလ တနယ့်ဟုဆီ ကော့်ယဉ်းအပြစ်နမ်ဝါလကော့် တနယ့်ဟု” ဆီ ခနောဝ်စောဝ်မွန်း တွေးကော်ဝိုက်။ 40နောက်လောင်နော့် မွန်းစောင့်ကော့် အောင်းဖာရိရှဲ “ရှိမုန် အောင်းစမော ကောစနီးဝါရောင်း” ဆီ ဝါကော်ရောင့်ဝ် ရှိမုန်လ “စောင့်၊ ဝါမေစောင့်” ဆီ ဝါပေါက်ကော်ဝိုက်။ 41မွန်းစောင့်ကော့် “ရာကွန်းကူ့ငွန်းကော်နိမ်န ကွန်းဆောင်န်ကော့် မားကူ့ငွန်းဟင်း။ ကော်နိမ်လ ဒေနာရီဒင်္ဂါး#7:41 ဒေနာရီဒင်္ဂါး ရာတီဟိုက် ဒေနာရီဒင်္ဂါးဝါလ မေခေတ်ဟောန့် ဖိုင်းငွန်းချက်ပ်နိမ်န ကွန်းဟေနေ့စားကော်နိမ် တောင်းငွန်းရီဝမ်းဟေလောင်ဆီနွိုက်တောင်းတူဝိုက်။ဟာ့ပတ်၊ အောင်းကျန်ကော်နိမ်လ ဒေနာရီဒင်္ဂါးဟာ့ဆစ်ပ် အကြွေးတန်ဟင်းကော်ဝိုက်။ 42မနော်လေ အောင်းစောင့်အကြွေးဟိုက် မဆိုင့်ပဲ့ညော့ စောင့်အကြွေးလ ‘အကြွေးမဆူဆောင်န်ကော့် စနီးဆိုင့်ပေါက်မလိုကော့်’ ဆီ ဟောင်ပေါဝါ အောင်းစောင့်အကြွေးဟိုက် ဖောချဉ်းတဟောက်” ဆီ အောင်းဖာရိရှဲ ထန်မ်ကော်ဝိုက်။ 43မေနယ့်လော့် ရှိမုန်လ “ကောထန်လ ကွန်းကူ့ငွန်းချဉ်းနမ်တပေး” ဆီ ဝါကော်ဝိုက်။ စောင့်ယေရှုကော့် “အောင်းမောဝါ စော်ကျဉ်းနော့်” ဆီ ဝါပေါက်ကော်ဝိုက်။ 44နောက်လောင်နော့် မွန်းစောင့်လ ပါ့ကော့်ယဉ်းဟောန့် တွဲပေါက်ဆီ အောင်းရှိမုန် “မောဟောန်လေးအောင်းမွန်း။ ကောထီန်မားရာဟုန်းမောလော့် မော အောင်းစဆွတ်တဉ်းကော နမ့်အင်ကိုးမဟောင့်ဝ်မား။ တော်နယ် ကော့်ယဉ်းဟိုင့်လ အောင်းတဉ်းကော တောင်းနမ့်တားမွန်းတောင်း ဆွတ်ဆီ တော်ပေါဟိုင့် တောင်းခေါင်ဟိုမွန်းတောင်း စေ့ဟောင့်ဝ်မား။ 45မောလ မေကောကြွမား နွုမ်းဆီမဟတ်ပ်ထမေကော့် ကော့်ယဉ်းဟိုင့်ပေါဝါလော့် နွုမ်းအောင်းတဉ်းကောလ မရပ်မား။ 46မောလ အောင်းဟိုကော တောင်းနမ့်မောန်းတောင်း မတားဟောင့်ဝ်မားမေကော့် မွန်းန အောင်းခေါန်နောက် တောင်းနမ့်ဟောမ်တောင်း အောင်းတဉ်းကော တားဟောင့်ဝ်မား။ 47ကောပ့်နယ့်ညော့ အောင်းမောကောခဝါလ အောင်းအပြစ်ကော့်ယဉ်းဟိုင့်လေတောင်းလုန် အောင်းခွင့်လွှတ်နယ့်ခမ်လ မေတ္တာအောင်းမွန်းဟောက်န နမ်ညော့။ တော်နယ်ကော့် အပြစ်စောင်နိန်အင် ကွန်းနယ့်ခမ်အောင်းခွင့်လွှတ်န မေတ္တာအောင်းဟောက် စောင်နိန်နဲဟော် တပြားဟော” ဆီ ဝါကော်ဝိုက်။ 48နောက်လောင်နော့် မွန်းစောင့်လ အောင်းကော့်ယဉ်းဟောန့် “အောင်းအပြစ်မောတောင်းလုန် ခွင့်လွှတ်ကော်” ဆီ ဝါကော်ဝိုက်။ 49မေနယ့်လော့် တောင်းစောင့်ယေရှုတောင်းအောင်းကျဉ်းနွေ့ဟင်း စောင့်ချိုက်မောင်းဖောင်လေကော့် “အောင်းအပြစ်လေကိုးသကော့် ခွင့်လွှတ်ပဲ့ဆီအောင်းဝါလ ကွန်းနောင်နူးကျေ့” ဆီ မနော်အချန်းချန်း တန့်ဟင်းကော်ဝိုက်။ 50တော်နယ် စောင့်ယေရှုကော့် အောင်းကော့်ယဉ်းဟောန့် “အောင်းမောယွန်မ်န ကယ်ကော်အောင်းစမော။ မော ဟူရိန်းစောဝ်ရိန်း ကွာမေ” ဆီ ဝါကော်ဝိုက်။
Právě zvoleno:
စောင့်လုကာ 7: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 7
7
ဟောင့် (၇)
အောင်းဖုကောန်းဆစ်ရောမကော်နိမ် ယွန်မ်
(စောင့်မဿဲ ၈:၅-၁၃)
1နောက်လောင်နော့် စောင့်ယေရှုလ အောင်းကွန်းဖွန် လောင်ဝ်ပြားဆောန်ပြားရောင့်ဝ်ကော်လော့် ပေါက်မှိန်းကပေရနောင်ကော်ဝိုက်။ 2ရာမှိန်းဟောန့် ဖုကောန်းဆစ်#7:2 ဖုကောန်းဆစ် ဖုကောန်းဆစ်ဝါလ အောင်းစစ်သားပတ်နိမ် ကွန်းနယ့်အုပ်ချုပ်ဝိုက်။ရောမကော်နိမ်ရောင်းဝိုက်။ ရာမွန်း အောင်းမွန်းချဉ်းနယ်အားကိုး ခကော်နိမ်ရောင်းဝိုက်။ ခဟိုက်လ ခိုင့်နောင်ဝ်ဆီ လာကောင့်ဝ်သိုင်းကော်ဝိုက်။ 3ဖုကောန်းဆစ်ဟောန့်လ အကြောင်းစောင့်ယေရှု နယ့်ဟဉ်းကော်လော့် အောင်းအမျိုးကွန်းဂျူးအောင်းရောင်ဝ်မောင်းဖောင်လေ ပွယ်ကော်ရာစောင့်ယေရှုဆီ အောင်းခမွန်း တော်ပေါနယ့်ရား အောင်းမွန်းစောင့် ဟကွာပမ်းမားကော်ဝိုက်။ 4ကွန်းဟောန့်လေန ကွာရာမွန်းစောင့်ဆီ ဟပေါနယ့်စွယ်ဟောင့်ဝ်အောင်းဖုကောန်းဆစ် ကွာတန်ပြားကော်ဝိုက်။ အမျိုးကွန်းဂျူးအောင်းရောင်ဝ်ဟောန့်လေကော့် “ဖုကောန်းဆစ်ဟိုက်လ အောင်းမောစောင့်ကယ်န ခမ်သင့်စောင့်။ 5ဟေဟောင်းဆီပေါဝါလော့် မွန်းန အောင်းကွန်းအမျိုးဟော ဟောက်ဆီ တလားစလပ်ဆောင်နိမ်ကော့် တောင့်ဆီ မွန်းလှူမားအွန်” ဆီ တန်ပြားကော်ဝိုက်။ 6ကောပ့်နယ့်ညော့ စောင့်ယေရှုလ တောင်းမနော်တောင်း ကြွမားကော်ဝိုက်။ တောင်းဟုန်းဖုကောန်းဆစ်ဟောန့်တောင်း မကောင့်ဝ်မကိုင်းအင် ထီန်မားကော်လော့် ဖုကောန်းဆစ်ဟောန့်န အောင်းတကော့်မွန်းမောင်းဖောင် ပွယ်ဆီ အောင်းမွန်းစောင့် “စောင့်၊ ဟုန်းကောခလ မောစောင့်ဟပေါနယ့်ကြွမား မတန်ညော့ မောစောင့်လ အတွိုက်ကောတောင်း ဒုက္ခခမ်ဆီ ပီကြွမားစောင့်” 7နောင်နယ့်မကား “ရာမောစောင့် ကောဟပေါနယ့်ကွာခေါက်ပ်ကော့် တောင်းကောတောင်း မတန်။ မောစောင့်ဟောင့်ဝ်အမိန့်အင်တောင်း ခကောလ ရောဂါဟိုင်ပဲ့စောင့်။ 8ဟေဟောင်းဆီပေါဝါလော့် ခနေကော နောင်ကွန်းရောင်ဝ်လေရောင်းညော့ ခတောင့်ကောကော့် စစ်သားလေ မကျေးမလေမစော်ရောင်းဆီ မနော်ကော့် နောင်ကောဝါညော့ နယ့်ဟေစောင်းမ်ဟင်း။ ကောလ အောင်းစစ်သားကော်နိမ် ‘ကွာ’ ဆီ ဟောင်ပေါဝါကော် မွန်းနယ့်ကွာ။ နောက်လောင်နော့် အောင်းစစ်သားတန်းတီကော်နိမ် ‘မား’ ဆီ ဟောင်ပေါဝါကော် မွန်းနယ့်မား။ ကောလ အောင်းခကောလေ ‘အောင်းထိုင့်ဟေ’ ဆီ ပေါဝါကော် မနော်နယ့်ဟေစောင့်” ဆီ ဟကွာတန်ပြားကော်ဝိုက်။ 9အောင်းဝါနောင်နယ့်လ မွန်းစောင့်နယ့်ဟဉ်းကော်လော့် အမ်းကော်ဆီ အောင်းကွန်းစောင်းမ်မားခလောင်မွန်းလေတောင်းလုန် တွဲပေါက်ဆီ “ကောခဝါအောင်းမဆူလ ရာခနောဝ်ကွန်းအစ္စရေးလေ ကွန်းအောင်းယွန်မ်နောင်နယ့်လုန်ပွန့် ကောမဟောန်ကောင်ဝ်အွန်” ဆီ ဝါကော်ဝိုက်။ 10တကော့်ဖုကောန်းဆစ်လေ ထိန်ပေါက်ဟုန်းကော်လော့် ခဖုကောန်းဆစ်လ အူနီးကော်ဝါလ မနော်နယ့်ဟောန်ဟင်းကော်ဝိုက်။
အဆတ်ဟခွန်းပေါက် အောင်းလုစိုင်းမယ်ဟန့်ကော်နိမ်
11နောက်လောင်ဝမ်းနိမ်လော့် စောင့်ယေရှုလ တောင်းတပဲ့မွန်းလေတောင်း ကြွကွာမှိန်းနာဣနကော်လော့် ကွန်းဖွန်လေကော့် စောင်းမ်ဟင်းမားကော်ဝိုက်။ 12ရာခန့်ဟဉ်းမ်နာ့ဆွတ်တူးမှိန်း ထီန်ကော်လော့် စအလောင်းကွန်းသိုင်းကော်နိမ် ကွန်းကမ်ဖောင်လေန လာတဖောင်န်ဆီ တောင်းထန်းစန်တောင်း ဟမ်အောက်မားရာခနောက်မှိန်းဟင်းကော်ဝိုက်။ ကွန်းသိုင်းဟောန့်န ပေးလုစိုင်းမယ်ဟန့် အောင်းကော်နိမ်အင်ဆီ ကွန်းမန့်ကွန်းမှိန်းလေကော့် တောင်းမယ်ဟန့်တောင်း စောင်းမ်ဆုန်ဟင်းဝိုက်။ 13မွန်းစောင့်လ ဟောန်အောင်းမယ်ဟန့်ဟောန့်ကော်လော့် အိုက်အီနူကော်ညော့ အောင်းစမွန်း “ပီဟိုင့်” ဆီ ဝါကော်ဝိုက်။ 14နောင်လောင်နော့် မွန်းစောင့်ကော့် အောင်းကွန်းလေဟမ်မား ရာခန့်ကွန်းသိုင်းဟောန့် ကွာစူးဆီ အောင်းထန်းစန် တောင်းမေးမွန်းစောင့်တောင်း ထိကော်ဝိုက်။ မေနယ့်လော့် ကွန်းစောင့်ဟမ်ထန်းစန်လေကော့် ရပ်ဟောင့်ဝ်ဆီ မွန်းစောင့်ကော့် “အိုက်နိုင်း၊ အောင်းမောကောတဝါ လု” ဆီ ဝါကော်ဝိုက်။ 15မေနယ့်လော့် ချရှ်ချန်း ကော့်စိုင်းအောင်းသိုင်းဟောန့်န နှောင်ဆီ စဆီတန့်ခွမ်းမားကော်ဝိုက်။ နယ့်ရောင့်ဝ် မွန်းစောင့်လ အောင်းကော့်စိုင်းဟောန့် အပ်ပေါက်ရာမယ်မွန်းကော်ဝိုက်။ 16ကွန်းတောင်းလုန်ကော့် အမ်းဟင်း၊ နီးကိုးဟင်းကော်ဆီ “ရာခနောဝ်ကြားဟော ပရောဖက်အောင်းအစွမ်းရောင်ဝ်ပါးနိမ် ပေါ်မားကော်။ စောင့်ဖလားလ ဟပေါနယ့်စွယ်အောင်းစဟော ကြွမားကော်” ဆီ ချီးမွမ်းအောင်းစောင့်ဖလားဟင်းကော်ဝိုက်။ 17နောက်လောင်နော့် သတင်းအောင်းတောင်းစောင့်ယေရှုတောင်းဆိုင်လ ရာမှိန်းယုဒတောင်းလုန်တောင်း ရာမန့်အောင်းကောင့်ဝ်လေပါ ပျံ့ကော်ဝိုက်။
စောင့်ယေရှုလောင်ဝ်ပြား အကြောင်းရေနှစ်မင်္ဂလာဆရာယောဟန်
(စောင့်မဿဲ ၁၁:၂-၁၉)
18နောက်လောင်နော့် တပဲ့ရေနှစ်မင်္ဂလာဆရာယောဟန်လေကော့် အောင်းစောင့်ယေရှုဟေမားလေတောင်းလုန် အောင်းစယောဟန် လောင်ဝ်ပြားဟင်းကော်လော့် ယောဟန်န အောင်းတပဲ့မွန်းဆောင်န်ကော့် ဟောင့်ကော်ဆီ 19“မောစောင့်လ တကြွမားဆီ အောင်းစောင့်ဖလားဟောင့်ဝ်ကတိဝိုက် မေရှိယလေး၊ နယ့်ပေါမစော် ဟောတနယ့်ထအောင်းတန်းတီပါးနိမ်အွန်လေး” ဆီ ဟပေါနယ့်ကွာထန်မ် အောင်းစမနော် ပွယ်ကော်ရာစောင့်ယေရှုကော်ဝိုက်။ 20တပဲ့ဟောန့်လေကော့် ရာစောင့်ယေရှု ထီန်ဟင်းကော်လော့် “ရေနှစ်မင်္ဂလာဆရာယောဟန်န အောင်းစဟော ရာမောစောင့်ပွယ်ဆီ ‘မောစောင့်လ တကြွမားဆီ အောင်းစောင့်ဖလားဟောင့်ဝ်ကတိဝိုက် မေရှိယလေး နယ့်ပေါမစော် ဟောတနယ့်ထအောင်းတန်းတီပါးနိမ်အွန်လေး’ ဆီ ဟမားထန်မ်အောင်းမောစောင့်” ဆီ တန်ပြားဟင်းကော်ဝိုက်။ 21မေအချီန်ဟောန့် စောင့်ယေရှုန အောင်းကွန်းမအူနီးလေ ရားဟောင့်ဝ်ဆီ ဆီမေအောင်းကွန်းဖီမနီးပူးလေကော့် အောင်းဖီမနီးလေ ဟော့်အောက်ဆီမကား မွန်းန အောင်းကွန်းဟွေတားမဟောန်လေကော့် ဟွေတားဟဟောန်ပေါက်ဝိုက်။ 22နောက်လောင်နော့် မွန်းစောင့်ကော့် အောင်းတပဲ့ယောဟန်လေ “အောင်းမဆူနယ့်ဟောန်လေတောင်းလုန် အောင်းစယောဟန် ကွာလောင်ဝ်ပြားကော်။ ကွန်းဟွေတားမဟောန်လေကော့် ဟောန်မားကော်၊ ကွန်းမေးမခွန်တဉ်းမခွန်လေကော့် ပိုင်းပဲ့မားကော်၊ ကွန်းပေးဆမန်လေကော့် ဟိုင်ဟင်းကော်၊ ကွန်းပဉ်ဟူမနယ့်ဟဉ်းလေကော့် နယ့်ဟဉ်းမားကော်၊ ကွန်းသိုင်းလေကော့် ခွန်းပေါက်ဟင်းမားကော်၊ ကွန်းဖန်လေကော့် ဆီမေစောင့်ဖလား အောင်းသတင်းနီးလေ နယ့်ဟဉ်းဟင်းကော်။ 23ကွန်းဆက်ဆီယွန်မ်အောင်းကောလေန ကမ်နီးဟင်း” ဆီ ဝါကော်ဝိုက်။ 24တပဲ့ယောဟန်လေ ပေါက်ကွာကော်ရောင့်ဝ် မွန်းစောင့်လ အောင်းကွန်းဖွန်လေတောင်းလုန် အကြောင်းယောဟန် လောင်ဝ်ပြားကော်လ “မဆူလေ ကွာရာတီတောင်းကွန်းလေတောင်းကိုင်းဆီ ကွာတွဲအဟောင်းဟင်း။ နောင်ဖလုမ်းညော့ အောင်းဟေစောင်းမ် အောင်းတိန့်မိုင့်အော့ဆွန်လေလေး။ 25နောင်နယ့်ပေါဝါလော့် မဆူလေန ခဟောန်အဟောင်းဆီ အောက်ခနောက်ဟင်းန၊ ခဟောန်အောင်းစကွန်းနွန်ဆေဖအောင်းနီးလေလေး၊ အောင်းခေါန်နောက် ဆေနီးဖနီးနွန်ဆီ ကွန်းခမ်စည်းစိမ်လေန ခနောဝ်ဟော်စောင့်ခွန်ဟော်ခမ်းနဲဟော် တနယ့်ဟောန်ဟော။ 26နောင်နယ့်ပေါဝါလော့် ခခေါက်ပ်အောင်းကွန်းနောင်နူးဆီ မဆူကွာဟင်းန။ ယောဟန်န ပေးပရောဖက်ပါးနိမ်ညော့ မဆူလေန ခခေါက်ပ်အောင်းစမွန်းလေး။ စော်ကျဉ်းနော့်။ တော်နယ်ကော့် ကောဟောင်တနယ့်ဝါအောင်းမဆူပေါဝါလော့် ယောဟန်န နောင်ပညာရောင်းပရောဖက်လေမကား ပေးကွန်းမြတ်။ 27ဟေဟောင်းဆီပေါဝါလော့် မေတန်ဟာ ပရောဖက်ပါးနိမ်လ အောင်းအကြောင်းယောဟန် တင့်မ်ဝိုက်န စောင့်ဖလားလ အောင်းမေရှိယ နောင်နယ့်ဆီဝါမား။ အောင်းဟောန့်န
‘အောင်းမော မေမပွယ်ခွေတ် ကောလ အောင်းစေတမန်ကော တပွယ်အောင်းတိုင်း။
မွန်းန အောင်းခွန်တန်းမော တမဲဟောင့်ဝ်’ ဆီ ပေးဝိုက်။
28ကောပ့်နယ့်ညော့ အောင်းစမဆူ ကော်တဝါ။ ဆီမေကော့်ယဉ်း ကွန်းအောင်းလိမ့်မာလေန ဆာဆီယောဟန်အောင်းမြတ် မရောင်း။ တော်နယ် ခနောဝ်သာသနာတော်စောင့်ဖလားန ကွန်းအောင်းချဉ်းအရေးမပါလ ဆာဆီယောဟန်မကား မြတ်” ဆီ ဝါကော်ဝိုက်။ 29မေနယ့်လော့် ဆီမေကွန်းကျေပ်ကာလစဆီ ကွန်းလေတောင်းလုန်န ရာယောဟန် ခမ်ရေနှစ်မင်္ဂလာဟင်းမားညော့ အောင်းခွမ်းဟောန့် နယ့်ဟဉ်းဟင်းကော်လော့် စောင့်ဖလားလ စော်ဝါလ ဝန်ခမ်ဟင်းကော်ဝိုက်။ 30တော်နယ်ကော့် ဖာရိရှဲလေတောင်းဆရာကျမ်းစန်လေန မနော်ကိုယ်တိုင် ရာယောဟန် ဟပေါနယ့်ခမ်ရေနှစ်မင်္ဂလာ မနာခမ်ဟင်းမားညော့ အောင်းအလိုစောင့်ဖလားလေကော့် ပေးကွန်းမနာခမ်ဟင်းမားဝိုက်။
မျိုးဆတ်အောင်းမဟေပေါက်
31နောက်လောင်နော့် မွန်းစောင့်လ ဆက်ဆီ “ကွန်းပေးခေတ်အစောင် မဆူလေန တောင်းအဟောင်းတောင်းတူ၊ ပေးကွန်းနောင်နူးလေဝါလ 32မဆူလေန
‘ဟောပေါင်ဝ်ပီမေကော့်
မကဟင်း။
ဟောမောတေးချမ်းအောင်းခနီးခဟိုင်မေကော့်
မဟိုင့်ဟင်း’ ရာခနောဝ်ဈေး နှောင်ဆီ နောင်လအောင်ဆေးလေအချန်းချန်း စေဟင်းတောင်း တူ။
33ဟေဟောင်းဆီပေါဝါလော့် ရေနှစ်မင်္ဂလာဆရာယောဟန်လ ခေါင်ကျဉ်းလေကော့်မကျဉ်း#7:33 ခေါင်ကျဉ်းလေကော့်မကျဉ်း အောင်းနမ့်ဖွန်တောင်း အောင်းနန်းတီးလေနဲဟော် ကျဉ်းဟောဝိုက်။၊ အောင်းစန်မူးဝိုင်အစ်လေကော့် မဆို့ဆီ ပေါအောက်ခရီးလော့် မဆူလေန ‘ယောဟန်လ ဖီမနီးပူးကော်’ ဆီ ဝါဟင်း။ 34နောင်နယ့်မကား ကော လူ့သားတော်လ ခေါင်ကျဉ်းလေကျဉ်းဆီ ဟောင်ပေါအူကော့် မဆူလေန ‘စောင့်ယေရှုလ ပေးကွန်းကျဉ်းဟစ်ကျဉ်းရောင်ဝ်ဆီ ကွန်းကျေပ်ကာလေ၊ ကွန်းမနီးလေတောင်း ဟေလကော့်ဆီ ကျဉ်းနွေ့ဟင်း’ ဆီ တဝါဟင်းဟွန်း။ 35တော်နယ်ကော့် လအောင်စောင့်ဖလားဟောင်ပေါစော်လော့် အောင်းကောတောင်းယောဟန်ဟေလေန အကြောင်းစော်လ မဆူတဟုထောင်မ်ဟင်းမား” ဆီ ဝါကော်ဝိုက်။
အောင်းခွင့်လွှတ်ဟောင့်ဝ် အောင်းကော့်ယဉ်းအပြစ်နမ်
36နောက်လောင်နော့် ဖာရိရှဲကော်နိမ်န ရာဟုန်းမွန်း အောင်းစောင့်ယေရှု ဟမားကျဉ်းခေါင့်ဝ်မားခမ်ဆီ ပန်းကော်ဝိုက်။ ကောပ့်နယ့်ညော့ မွန်းစောင့်လ ရာဟုန်းဖာရိရှဲဟောန့် ကွာဆီ စကွာကျဉ်းခေါင့်ဝ်မားခမ် ကွာနှောင်ရာစားပွဲ#7:36 နှောင်ရာစားပွဲ ရာငေါင့်ကျမ်း “အောင်းပင်” ဆီ နယ့်ခေါက်။ မေခေတ်သမ္မာလိကျမ်းလ ဟောင်ပေါကျဉ်းခေါင်ကျဉ်းလော့် ရာခနာ့စပွဲ နှောင်ဆီ မကျဉ်းဟင်းဝိုက်။ ခနေတူးနိမ်မတူးနိမ် နောင်နယ့်ပေါမစော် ခနေကော်နိမ်မကော်နိမ် အဉ်းဆီ တောင်းမေးကန့်ခွာတောင်း မေကျဉ်းခေါင်ကျဉ်းန အောင်းမေးကန့်ဆိုင့်မနော်တောင်းအောင်းတဉ်းမနော်လေ တောင်းစပွဲတောင်း ရာအောင်းကိုင်း ရောန်းအောက်ကော်ဝိုက်။ကော်ဝိုက်။ 37မေနယ့်လော့် ရာမှိန်းဟောန့် ကော့်ယဉ်းအပြစ်နမ်ကော်နိမ် ရောင်းဝိုက်။ မွန်းန ရာဟုန်းဖာရိရှဲ အကြောင်းစောင့်ယေရှုကျဉ်းခေါင့်ဝ်မားခမ် ဟုညော့ အောင်းခေါန်နှောက် တောင့်ဝ်နမ့်ဟောမ်တောင့်ဝ်နိမ် အောင်းဝ်မားဆီ မားရာတီဟောန့်ဝိုက်။ 38နောက်လောင်နော့် ကော့်ယဉ်းအပြစ်နမ်လ ခလောင်စောင့်ယေရှု မားစိန်ရောင့်ဝ် တောင့်ခေါင်ဝ်ဆီ ရာခတောင့်တဉ်းမွန်းစောင့် ဟိုင့်ကော်ညော့ နမ့်တားကော့်ယဉ်းန အောင်းတဉ်းမွန်းစောင့် ဟယမ်းကော်ညော့ တောင်းခေါင်ဟိုမွန်းတောင်း တော်ပေါဟိုင့် စေ့ဟောင့်ဝ်ကော်ဝိုက်။ နောက်လောင်နော့် အောင်းတဉ်းမွန်းစောင့် ကော့်ယဉ်းလ နွုမ်းဆီ တောင်းနမ့်ဟောမ်တောင်း တားဟောင့်ဝ်ကော်ဝိုက်။ 39တော်နယ်ကော့် ဖာရိရှဲအောင်းပန်းမား အောင်းစအောင်းမွန်းစောင့်န ဟောန်အောင်းအကြောင်းဟိုင့်ကော်လော့် “ကွန်းဟိုက်လ ပရောဖက်ပညာရောင်းဟောင်ပေါစော် ကွန်းထိအောင်းမွန်းလ ပေးကော့်ယဉ်းနောင်နူးဝါလ တနယ့်ဟုဆီ ကော့်ယဉ်းအပြစ်နမ်ဝါလကော့် တနယ့်ဟု” ဆီ ခနောဝ်စောဝ်မွန်း တွေးကော်ဝိုက်။ 40နောက်လောင်နော့် မွန်းစောင့်ကော့် အောင်းဖာရိရှဲ “ရှိမုန် အောင်းစမော ကောစနီးဝါရောင်း” ဆီ ဝါကော်ရောင့်ဝ် ရှိမုန်လ “စောင့်၊ ဝါမေစောင့်” ဆီ ဝါပေါက်ကော်ဝိုက်။ 41မွန်းစောင့်ကော့် “ရာကွန်းကူ့ငွန်းကော်နိမ်န ကွန်းဆောင်န်ကော့် မားကူ့ငွန်းဟင်း။ ကော်နိမ်လ ဒေနာရီဒင်္ဂါး#7:41 ဒေနာရီဒင်္ဂါး ရာတီဟိုက် ဒေနာရီဒင်္ဂါးဝါလ မေခေတ်ဟောန့် ဖိုင်းငွန်းချက်ပ်နိမ်န ကွန်းဟေနေ့စားကော်နိမ် တောင်းငွန်းရီဝမ်းဟေလောင်ဆီနွိုက်တောင်းတူဝိုက်။ဟာ့ပတ်၊ အောင်းကျန်ကော်နိမ်လ ဒေနာရီဒင်္ဂါးဟာ့ဆစ်ပ် အကြွေးတန်ဟင်းကော်ဝိုက်။ 42မနော်လေ အောင်းစောင့်အကြွေးဟိုက် မဆိုင့်ပဲ့ညော့ စောင့်အကြွေးလ ‘အကြွေးမဆူဆောင်န်ကော့် စနီးဆိုင့်ပေါက်မလိုကော့်’ ဆီ ဟောင်ပေါဝါ အောင်းစောင့်အကြွေးဟိုက် ဖောချဉ်းတဟောက်” ဆီ အောင်းဖာရိရှဲ ထန်မ်ကော်ဝိုက်။ 43မေနယ့်လော့် ရှိမုန်လ “ကောထန်လ ကွန်းကူ့ငွန်းချဉ်းနမ်တပေး” ဆီ ဝါကော်ဝိုက်။ စောင့်ယေရှုကော့် “အောင်းမောဝါ စော်ကျဉ်းနော့်” ဆီ ဝါပေါက်ကော်ဝိုက်။ 44နောက်လောင်နော့် မွန်းစောင့်လ ပါ့ကော့်ယဉ်းဟောန့် တွဲပေါက်ဆီ အောင်းရှိမုန် “မောဟောန်လေးအောင်းမွန်း။ ကောထီန်မားရာဟုန်းမောလော့် မော အောင်းစဆွတ်တဉ်းကော နမ့်အင်ကိုးမဟောင့်ဝ်မား။ တော်နယ် ကော့်ယဉ်းဟိုင့်လ အောင်းတဉ်းကော တောင်းနမ့်တားမွန်းတောင်း ဆွတ်ဆီ တော်ပေါဟိုင့် တောင်းခေါင်ဟိုမွန်းတောင်း စေ့ဟောင့်ဝ်မား။ 45မောလ မေကောကြွမား နွုမ်းဆီမဟတ်ပ်ထမေကော့် ကော့်ယဉ်းဟိုင့်ပေါဝါလော့် နွုမ်းအောင်းတဉ်းကောလ မရပ်မား။ 46မောလ အောင်းဟိုကော တောင်းနမ့်မောန်းတောင်း မတားဟောင့်ဝ်မားမေကော့် မွန်းန အောင်းခေါန်နောက် တောင်းနမ့်ဟောမ်တောင်း အောင်းတဉ်းကော တားဟောင့်ဝ်မား။ 47ကောပ့်နယ့်ညော့ အောင်းမောကောခဝါလ အောင်းအပြစ်ကော့်ယဉ်းဟိုင့်လေတောင်းလုန် အောင်းခွင့်လွှတ်နယ့်ခမ်လ မေတ္တာအောင်းမွန်းဟောက်န နမ်ညော့။ တော်နယ်ကော့် အပြစ်စောင်နိန်အင် ကွန်းနယ့်ခမ်အောင်းခွင့်လွှတ်န မေတ္တာအောင်းဟောက် စောင်နိန်နဲဟော် တပြားဟော” ဆီ ဝါကော်ဝိုက်။ 48နောက်လောင်နော့် မွန်းစောင့်လ အောင်းကော့်ယဉ်းဟောန့် “အောင်းအပြစ်မောတောင်းလုန် ခွင့်လွှတ်ကော်” ဆီ ဝါကော်ဝိုက်။ 49မေနယ့်လော့် တောင်းစောင့်ယေရှုတောင်းအောင်းကျဉ်းနွေ့ဟင်း စောင့်ချိုက်မောင်းဖောင်လေကော့် “အောင်းအပြစ်လေကိုးသကော့် ခွင့်လွှတ်ပဲ့ဆီအောင်းဝါလ ကွန်းနောင်နူးကျေ့” ဆီ မနော်အချန်းချန်း တန့်ဟင်းကော်ဝိုက်။ 50တော်နယ် စောင့်ယေရှုကော့် အောင်းကော့်ယဉ်းဟောန့် “အောင်းမောယွန်မ်န ကယ်ကော်အောင်းစမော။ မော ဟူရိန်းစောဝ်ရိန်း ကွာမေ” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.