စောင့်လုကာ 6
6
ဟောင့် (၆)
စောင့်ဝမ်းဥပု
(စောင့်မဿဲ ၁၂:၁-၈။ စောင့်မာကု ၂:၂၃-၂၈)
1ဝမ်းဥပုဝမ်းနိမ်လော့် စောင့်ယေရှုတောင်းတပဲ့မွန်းလေန အောင်းဆွုန်ခေါင့်ဝ် ခမ့်ဆီ ကွာကော်လော့် တပဲ့မွန်းစောင့်လေန အောင်းမက်ခေါင့်ဝ်လေ အောင်းဝ်ဆီ အောင်းပေမွန်းလေ တောင်းဖာမေးတောင်း ထီတ်ဆီ ဖယ်ဝေရောင့်ဝ် အောင်းမက်ခေါင့်ဝ်ဆန်လေ ကျဉ်းဟင်းကော်ဝိုက်။ 2မေနယ့်လော့် ဖာရိရှဲမောင်းဖောင်န အောင်းစောင့်ယေရှု “မဆူလေ ဝမ်းဥပု အောင်းမဟဟေလေ ဟေဟောင်းဆီ ဟေဟင်းန” ဆီ ဝါကော်ဝိုက်။ 3မေနယ့်လော့် စောင့်ယေရှုလ “ရာလိကျမ်း#6:3 လိကျမ်း ဓမ္မရာဇဝင် ပထမစာစောင် ၂၁း၁-၆၊ ဆီမေခနောဝ်မေးစောင့်ခွန်စောင့်ခွန်ဟော်ခမ်းဒါဝိဒ်န မေပိုင်အောက် ဆီမေမေးစောင့်ခွန်ဟော်ခမ်းရှောလု။ ဒါဝိဒ်တောင်း ကွန်းအောင်းတောင်းမွန်းတောင်းရောင်းလေန ဟောင်ပေါတောင့်မိုက်မား မွန်းဟေမားနောင်နူးဝါလ မဆူမဖတ်ကောင်ဝ်ဟင်းလေး။ 4မွန်းန ခေါင့်ဝ်ခနောဝ်ဟုန်းစောင့်ဖလားဆီ ဂျူးပုရောဟိတ်လေနဲဟော် ကျဉ်းဆီနွိုက်ဆီ အောင်းကျန်ဖောကော့် ကျဉ်းဆီအောင်းမနွိုက် အောင်းစောင့်ဖလားနဲဟော် သီးသန့် အောင်းကပ်ဝိုက် အောင်းခေါင့်ဝ်မွန်းလေ မွန်းကိုယ်တိုင် ကျဉ်းဆီမကား အောင်းကွန်းတောင်းမွန်းတောင်းရောင်းလေပါ လိမ့်ဟောင့်ဝ်ကော်အွန်” ဆီ ဝါရောင့်ဝ် မွန်းစောင့်န ဆက်ဆီ 5“အောင်းပေးလူ့သားတော် ကောန ပေးစောင့်ဝမ်းဥပု” ဆီ ဝါကော်ဝိုက်။
ကွန်းမေးကန့်ခွါ သိုင်းကော်နိမ်
(စောင့်မဿဲ ၁၂:၉-၁၄။ စောင့်မာကု ၃:၁-၆)
6ဝမ်းဥပုတန်းတီဝမ်းနိမ်လော့် စောင့်ယေရှုလ ရာတလားစလပ် ကွာဆီ ဟောပြားဆောန်ပြားဝိုက်။ ရာတီဟောန့် ကွန်းမေးကန့်ခွာသိုင်းကော်နိမ် ရောင်းဝိုက်။ 7ဖာရိရှဲတောင်းဆရာကျမ်းစန်မောင်းဖောင်န ဟပေါနယ့်စွပ်စွဲအောင်းစောင့်ယေရှု ခခါအကြောင်းပြားချက်ညော့ ဝမ်းဥပု မွန်းစောင့်လ အောင်းကွန်းကော်နိမ်မကော်နိမ် တရားဟောင့်ဝ်လေးဝါလ တွဲနွေ့အောင်းကောင့်ဝ်ကော်ဝိုက်။ 8တော်နယ်ကော့် ကွန်ဟောန့်လေ စဉ်းစားနောင်နယ့်ဝါလ ဟုညော့ စောင့်ယေရှုလ အောင်းကွန်းမေးပါ့ကန့်ခွါသိုင်း “လုဆီ ခနာ့ကွန်းတောင်းလုန် စိန်ကော်” ဆီ ဝါကော်လော့် ကွန်းဟောန့်ကော့် စိန်ကော်ဝိုက်။ 9နောက်လောင်နော့် မွန်းစောင့်လ အောင်းကွန်းဖွန်လေ “အောင်းစမဆူ တူးနိမ် ကောတထန်မ်။ ဝမ်းဥပုနောင်နယ့်လ အောင်းနီးလေ ဟေသင့်လေး။ တနယ့်ဟေအောင်းမနီးလေး။ နောင်နယ့်ပေါမစော် အောင်းအဆတ်ကွန်းကော်နိမ် တနယ့်ကယ်လေး။ တနယ့်ဖျတ်စီးလေး” ဆီ ထန်မ်ကော်ဝိုက်။ 10နောက်လောင်နော့် အောင်းကွန်းအူရာခန့်ဟောန့်လေတောင်းလုန် တွဲဆီ အောင်းကွန်းမေးပါ့ကန့်ခွါသိုင်း “မေးမော ယောန်းအောက်ကော်နူ” ဆီ ဝါကော်လော့် ကွန်းဟောန့်ကော့် အောင်းမေးမွန်း ယောန်းအောက်ကော်လော့် မေးမွန်းန နောင်မေစောင့်ကျဉ်းနော့် နီးပေါက်မားကော်ဝိုက်။ 11မေနယ့်လော့် ဖာရိရှဲလေတောင်းဆရာကျမ်းလေန အိုက်ခထားဟင်းဆီ အောင်းစောင့်ယေရှု တနယ့်ဟေနောင်နူးဝါလ အချန်းချန်း တိုင်ပန်ဟင်းကော်ဝိုက်။
သာဝကဆစ်ပ်ဆောင်န်ကော့်
(စောင့်မဿဲ ၁၀:၁-၄။ စောင့်မာကု ၃:၁၃-၁၉)
12မေဝမ်းဟောန့်လေလ စောင့်ယေရှုန ခွန့်ရာခနေနွဲဆီ တောင်းခမ်းခမ် ရာစောင့်ဖလား ရောန်းဆုဆီ အူကော်ဝိုက်။ 13ဖလိမ်းကော်လော့် အောင်းတပဲ့လေ ရာမွန်းစောင့် ဟောင့်စူးကော်ဆီ ဆီမေခနောဝ်မနော်လ အနေသာဝက#6:13 သာဝက သာဝကဝါလ တပဲ့တော်အောင်းစောင့်ယေရှုလိတ်ဝိုက်လေဝိုက်။တောင်း ဆစ်ပ်ဆောင်န်ကော့်နဲဟော် လိတ်အောက်ကော်ဝိုက်။
14ကွန်းဟောန့်လေန ပေတရုဆီ အောင်းမွန်းစောင့်ဟောင့်ဝ်နာမယ်မား ရှိမုန်တောင်း နောင့်စိုင်းပေတရု အန္ဒြေ၊
ယာကုပ်၊
ယောဟန်၊
ဖိလိပ္ပုတောင်း
ဗာသောလမဲ၊
15မဿဲ၊
သောမ၊
လုစိုင်းအာလဖဲ ယာကုပ်၊
ကွန်းအကြီးကျယ်ဟောက် အောင်းကွန်းအမျိုးစောင့်ကောင်ဝ် ရှိမုန်#6:15 ရှိမုန် ရှိမုန်ဟိုက်န ဆီမေခနောဝ်မေးရောမ ကွန်းဂျူးလေဟပေါလောက် အောင်းတူမား ခနောဝ်မွတ်အောင်းကောင်ဝ်လ ပေးမားအောင်းကော်နိမ်ဝိုက်။၊
16လုစိုင်းယာကုပ် ယုဒတောင်း
နောက်လောင် ကွန်းအောင်းသစ္စာတဖောက်အောင်းစောင့်ယေရှု ယုဒရှကာရုတ်ဟော်ဝိုက်။
အောင်းဆောန်ပြားတောင်းအောင်းရား
(စောင့်မဿဲ ၄:၂၃-၂၅)
17နောက်လောင်နော့် မွန်းစောင့်လ တောင်းသာဝကအောင်းမွန်းလိတ်ဝိုက်တောင်း ဆီမေခနေနွဲ လုန်းမားဆီ ထီန်ရာနောင်နဉ်းပြန့်ကော်လော့် ရပ်ကော်ဝိုက်။ ရာတီဟောန့် တောင်းတပဲ့မွန်းစောင့်အောင်းတန်းတီလေတောင်း ကွန်းမှိန်းယုဒလေ၊ ကွန်းမှိန်းဂျေရုဆလင်လေ၊ ကွန်းမှိန်းဇိဒုန်လေတောင်း ကွန်းမှိန်းတုရုလေ၊ ကွန်းအူရာမှိန်းခန့်ဟဉ်းမ်နမ့်လေတောင်းလုန် ထီန်ဟင်းမားဝိုက်။ 18မနော်လေန အောင်းစောင့်ယေရှုဟောပြားဆောန်ပြားလေ ဟပေါနယ့်ထောင်မ်တောင်း ကွန်းရောဂါရောင်းလေကော့် ဟပေါနယ့်ရားဆီ ထီန်ဟင်းမားဝိုက်။ ကွန်းအောင်းဖီမနီးပူးနယ့်ခမ်လေကော့် နောင်မေစောင့်ကျဉ်းနော့် နီးပေါက်ဟင်းကော်ဝိုက်။ 19မွန်းစောင့်လ အစွမ်းလေတောင်း အောင်းအနာရောဂါလေတောင်းလုန် ရားဟောင့်ဝ်ညော့ ကွန်းတောင်းလုန်န အောင်းစောင့်ယေရှု ဟပေါနယ့်ထိ ကျိုးကျားဟင်းဝိုက်။
ကွန်းကမ်နီးလေ
(စောင့်မဿဲ ၅:၁-၁၂)
20နောက်လောင်နော့် မွန်းစောင့်န တောင်းပါ့တပဲ့မွန်းလေ ခွယ်နာ့ဆီ
“သာသနာတော်စောင့်ဖလားန ပေးအောင်းစကွန်းဖန်လေညော့
မဆူလေန ကမ်နီးဟင်း။
21အစောင် ကွန်းစောင့်တောင့်မိုက်လေန ကမ်နီးဟင်း။
ဟေဟောင်းဆီပေါဝါလော့် စောင့်ဖလားလ အောင်းစမဆူ အဉ်မ်အိဉ်မ်တေမ်းတေမ်း တော်ပေါနယ့်ကျဉ်း တဟေဟောင့်ဝ်ညော့။
အစောင် ကွန်းနယ့်ဟိုင့်လေန ကမ်နီးဟင်း။
ဟေဟောင်းဆီပေါဝါလော့် စောင့်ဖလားလ အောင်းစမဆူ တော်ပေါနယ့်စွုမ်း၊ တော်ပေါနယ့်ခို တဟေဟောင့်ဝ်ညော့။
22အောင်းပေးလူ့သားတော် အောင်းကော ကောပ့်မဆူယွန်မ်ညော့ ကွန်းတန်းတီလေန အောင်းမဆူ ဟောင်ပေါစောန်းကော့်ခရောင့်ဝ်၊
ဟောင်ပေါဝေကော့်ခရောင့်ဝ်၊ အောင်းပွန်နိစပ်နယ့်ခမ်ဆီ
အောင်းပေထားအောင်းပေစလေ ဟောင်ပေါနယ့်ခမ်ကော့်ခရောင့်ဝ် မဆူလေန ကမ်နီးဟင်း။ 23ဟောင်ပေါပေးမားနောင်နယ့်လော့် စွုမ်းဆီ ကဟင်းကော်။ ဟေဟောင်းဆီပေါဝါလော့် ရာမှိန်းခမ်း ဆုအောင်းမဆူတနွိုက်လ ရောင်ဝ်ညော့။ မေတန်ဟာပွန့် ပူလဉ်ရာလဉ်မနော်လေကော့် အောင်းပရောဖက်လေ နောင်နယ့်ဆီ ဟေဟင်းမား” ဆီ ဝါကော်ဝိုက်။
ကွန်းတနယ့်ခမ်ဒုက္ခဆင်းရဲလေ
24နောက်လောင်ဟာနိမ် မွန်းစောင့်လ
“တော်နယ်ကော့် ကွန်းချမ်းသာလေ၊ မဆူလေန အောင်းဘဝအောင်းနီးလေ
နယ်အူဟင်းမားညော့ အောင်းစမဆူပေါဝါလော့် တနယ့်ခမ်ဒုက္ခဆင်းရဲလေ။
25အစောင် အိဉ်မ်အိဉ်မ်တေးမ်တေးမ် ကွန်းနယ့်ကျဉ်းလေ မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလော့် မဆူလေန တောင်းအောင်းကိုင့်တောင်း တနယ့်ကြုံဟင်း။
အစောင် ကွန်းနယ့်ခိုလေ မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလော့် မဆူလေန တောင်းအောင်းနယ့်ဟိုင့်တောင်း တနယ့်ကြုံဟင်း။
26ကွန်းတောင်းလုန် အကြောင်းမဆူနီး ဟောင်ပေါဝါကော့် မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလ ပူလဉ်ရာလဉ်မနော်လေကော့် အောင်းကွန်းဟန်ဆောင်ပရောဖက်လေ နောင်နယ့်ကျဉ်းနော့် ဝါဟင်းမား” ဆီ
ဝါကော်ဝိုက်။
အောင်းရန်ဆူလေ ဝိုင့်မေတ္တာ
(စောင့်မဿဲ ၅:၃၈-၄၈။ စောင့်မဿဲ ၇:၁၂)
27မွန်းစောင့်န ဆက်ဆီ “တော်နယ်ကော့် အစောင် အောင်းထောင်မ်ဆီအူ အောင်းစမဆူကောတဝါ။ ခနေရန်ဆူလေ မေတ္တာလေဝိုက်ဟင်း။ အောင်းကွန်းစောန်းအောင်းမဆူလေကော့် အကျိုးမနော် အောင်းနီးလေ ဟေဟောင့်ဝ်ကော်။ 28အောင်းကွန်းဝါအောင်းမနီးမငမ်းအောင်းမဆူလေကော့် စောင့်ဖလားဟပေါဟောင့်ဝ်အောင်းနီးလေ ရောန်းဆုဟောင့်ဝ်ဟင်းကော်။ အောင်းကွန်းနိစတ်အောင်းမဆူလေကော့် ရောန်းဆုဟောင့်ဝ်ဟင်းကော်။ 29ကွန်းကော်နိမ်ကော်နိမ် ဟောင်ပေါတင်အောင်းဖာကျင်မ့်မောပါ့နိမ်လော့် တောင်းပါ့ပါ့နိမ်ပါ ဟတင်ကော်။ ကွန်းကော်နိမ်ကော်နိမ် ဟောင်ပေါရောန်း အောင်းဆေမောခနောက်လော့် အောင်းဆေမောခနောဝ်ပါ ဟောင့်ဝ်ကော်။ 30ဆီမေရာမော တူးနိမ်မတူးနိမ် အောင်းကွန်းစောင့်မားရောန်းလေတောင်းလုန်ကော့် ဟောင့်ဝ်ကော်။ ကွန်းကော်နိမ်မကော်နိမ်န ဟောင်ပေါအောင်းဝ်ဝိုက် အောင်းပစ္စည်းမောလေကော့် ဆီမေကွန်းဟောန့် ပီရောန်းပေါက်။ 31အောင်းစောင့်ကောင်ဝ် နောင်မောခဟဆက်ဆံညော့ ခနေပေကော့် ဆက်ဆံဟင်း။ 32အောင်းကွန်းစောင့်ဝိုက်မေတ္တာအောင်းမောနဲဟော် မောပေါတဝိုက်မေတ္တာပေါက်ဟောပေါဝါလော့် အောင်းစမော စောင့်ဖလားန တချီးမွမ်းနောင်နူး။ ကွန်းဟေအပြစ်လေကိုးသကော့် အောင်းကွန်းဝိုက်မေတ္တာအောင်းမနော်လေ မေတ္တာဝိုက်ပေါက်ဟင်း။ 33အောင်းကွန်းနီးခနေမောနဲဟော် မောန တနီးဟောင့်ဝ်ပေါက်ဟွန်းဟောပေါဝါလော့် ဆီမေစောင့်ဖလား ဆုလေပီမျှော်။ ကွန်းအပြစ်ရောင်းလေကိုးသကော့် နောင်နယ့်ဆီ ဟေပဲ့။ 34တနွိုက်ပေါက်ထန်ဆီ အောင်းပေ မဆူပေါတကူ့ဟောင့်ဝ်ပေါဝါလော့် စောင့်ဖလားန အောင်းစမဆူ တချီးမွမ်းဆီ ထန်ဟင်းလေး။ ကွန်းအပြစ်ရောင်းလေကိုးသကော့် နောင်မနော်ဟောင့်ဝ်ညော့ ဟောင်ပေါတနွိုက်ပေါက်ပေါဝါလော့် မနော်အချန်းချန်း စန်ကူ့ဟင်း။ 35မဆူလေန အောင်းရန်ဆူလေ ဝိုက်မေတ္တာဆီ အောင်းစမနော် အကျိုးအောင်းနီးလေ ဟေဟင်းကော်။ တနွိုက်ပေါက်မထန်ဆီ ကူ့ဟောင့်ဝ်ဟင်း။ စောင့်ဖလားန အောင်းကွန်းကျေးဇူးမဟုတောင်း အောင်းကွန်းမနီးလေကော့် မေတ္တာဝိုက်ဟောင့်ဝ်ညော့ မဆူ နောင်နယ်ဆီဟောင်ပေါဟေလော့် အကျိုးနီးအောင်းရောင်ဝ်နွိုက်ဆီ တပေးလုစိုင်းလုဆောင်စောင့်ဖလားအောင်းချဉ်းမြတ်ဟင်း။ 36စောင့်ဖလားမဆူန ခနေမဆူ မေတ္တာကရုဏာတော်လေ နောင်ဝိုက်ညော့ မဆူလေကော့် ခနေပွန် မေတ္တာကရုဏာတော်လေ ဝိုက်ဟင်း” ဆီ ဝါကော်ဝိုက်။
အောင်းပေပီစီရင်
(စောင့်မဿဲ ၇:၁-၅)
37နောက်လောင် မွန်းစောင့်လ “ခနေပေ ပီစီရင်ဟင်း။ နောင်နယ့်ဟောင်ဝါမှ အောင်းစောင့်ဖလားစီရင်ကော့် မဆူတနယ့်ခမ်ဟင်းမစော်။ အောင်းပေ အပြစ်တန်ဆီ ပီဝေဖန်ဟင်း။ နောင်နယ့်ဟောင်ဝါမှ အောင်းစောင့်ဖလားတန်အပြစ် တနယ့်ခမ်မစော်။ အောင်းပေ ခွင့်လွှတ်ဟင်း။ နောင်နယ့်ဟောင်ဝါမှ စောင့်ဖလားန အောင်းစမဆူ တခွင့်လွှတ်ဟော။ 38အောင်းပေလေ ဟောင့်ဝ်ဟင်း။ ဟောင်ပေါဟေနောင်နယ့်လော့် အောင်းမဆူကော့် တဟောင့်ဝ်ဟင်း။ နောင်မဆူဟောင့်ဝ်အောင်းပေကျဉ်းနော့် တေးမ်ဆီတော်မာတိုပွန့် အောင်းအိမဆူ ခေါင်ဝ်ဆီ တဆောင်ဝ်ပေါက်ဟွန်း။ နောင်မဆူဟောင့်ဝ်အောင်းပွန်ကျဉ်းနော့် စောင့်ဖလားန အောင်းစမဆူ တဟောင့်ဝ်ပေါက်ဟွန်း” ဆီ ဝါကော်ဝိုက်။ 39နောက်လောင်နော့် မွန်းစောင့်န အောင်းစမနော် ပွန်ဥပမာတူးနိမ် ဝါပြားကော်လ “ကွန်းဟွေတားမဟောန်ကော်နိမ်လ အောင်းကျန်အောင်းကွန်းဟွေတားမဟောန်ကော်နိမ် ခွန်တန်းတပြားပဲ့လေး။ မနော်တောင်းဆောင်န်ကော့် ခနောဝ်ဟောင် မဲတိုပဲ့မစော်လေး။ 40ဆာဆီဆရာ တပဲ့အောင်းဆာပဲ့ဝါလ မရောင်း။ တော်နယ်ကော့် အောင်းတပဲ့ နီးနီးငမ်းငမ်း ပေါဆောန်ဟောင့်ဝ်လော့် မွန်းန နောင်ဆရာညော့ တပေးမား။ 41မောန အောင်းတကော့်မောဖစ် အောင်းဆေးဆေးအင်တိုးနိမ်မတိုးနိမ်လ ဟေအလေးဆီ အောင်းခနောဝ်ဟွေတားမော နောင်တောင်မိုက်ပွန့်အောင်းရောင်း အောင်းမောဖစ်အိုက်ခေ့ခေ့ကော့် မဟေအလေးဆီ မအူသင့်။ 42မောန အောင်းမောဖစ်အိုက်ခေ့ခေ့လ မဖြေချန်းအောင်းတိုင်းဆီ အောင်းတကော့်မော ‘အိုက်ကော့်၊ အောင်းမောဖစ်ဆေးဆေးအင်လ ကောတမဲဟောင့်ဝ်’ ဆီ ဟောင်ပေါဝါလော့် ဖစ်။ ဟောင်ပေါဟေနောင်နယ့်လော့် မောလ တပေးကွန်းယောင်ဆောင်ကွန်းနီးကျဉ်းနော့်။ ဟေဟောင်းဆီပေါဝါလော့် အောင်းမောဖစ်လ မဲအောင်းတိုင်းသင့်။ ပေါရောင့်ဝ်မှ အောင်းတကော့်မောဖစ် ဟပေါနယ့်မဲ မောအစောင်တစွယ်ပဲ့” ဆီ ဝါကော်ဝိုက်။
တိန့်မိုက်တောင်း မတ်မိုက်
(စောင့်မဿဲ ၇:၁၆-၂၀၊ ၁၂:၃၃-၃၅)
43နောက်လောင် မွန်းစောင့်လ “တိန့်မိုက်အောင်းနီးလ မတ်အောင်းမနီး နောင်မမတ်ပဲ့ညော့ တိန့်အောင်းမနီးကော့် မတ်အောင်းနီး မမတ်ပဲ့။ 44တွဲမတ်မွန်းဆီ အကြောင်းတိန့်မွန်း ဝါပဲ့။ ဆီမေတိန့်နမ် အောင်းမတ်ဖနေ အောင်းဝ်ဆီ နောင်မနွိုက်ပဲ့ညော့ အောင်းမတ်အစ်ကော့် ဆီမေခနောဝ်ယွန်းမ် အောင်းဝ်ဆီမနွိုက်ပဲ့။ 45နောင်နယ့်ကျဉ်းနော့် ကွန်းအောင်းနီးလေန ဆီမေခနောဝ်စောဝ်မွန်း အောင်းနီးလေနဲဟော် စန်ထုအောက်ဟော။ ကွန်းအောင်းမနီးလေကော့် ဆီမေခနောဝ်စောဝ်မွန်း အောင်းမနီးလေနဲဟော် စန်ထုအောက်ဟော။ ဆီမေပတ်မဆူ အောင်းအောက်မား ခွမ်းမဆူလေန ပြားအောင်းစောဝ်မဆူကျဉ်းနော့်” ဆီ ဝါကော်ဝိုက်။
ကွန်းစောင့်တောင့်ဟုန်း ဆောင်န်ကော့်
(စောင့်မဿဲ ၇:၂၄-၂၇)
46မွန်းစောင့်လ ဆက်ဆီ “မဆူလ အောင်းခွမ်းကောမထောင်မ်ဆီ အောင်းကော ‘စောင့်’ ‘စောင့်’ ဆီ ဟေဟောင်းဆီ ဟောင့်ဟင်းန။ 47ရာကောမားစူးဆီ အောင်းခွမ်းကောလေထောင်မ်ဆီ ကွန်းစောင့်ဟေစောင်းမ်လေန တောင်းကွန်းနောင်နူးတောင်းတူဝါလ အောင်းမဆူ ကောသလောင်ဝ်ပြား။ 48ကွန်းဟောန့်န ရာခနေနောင်နဉ်းကောင့်ဟဉ်ခမ် ခွန်မ်လိလိကွန်ဆီ တောင်းကွန်းတောင့်ဟုန်းတောင်းတူ။ နောက်လောင်နော့် နမ့်ရောင်ဝ်ဆီ လှိုင်းနမ့်လေတိုက်မေကော့် ဟုန်းဟောန့်န နီးနီးငမ်းငမ်းတောင့်ဝိုက်ညော့ မယဉ်းယမ်ဆီ ခမ်ပဲ့။ 49တော်နယ်ကော့် အောင်းခွမ်းကောလေထောင်မ်ဆီ ကွန်းမစောင်းမ်ဟေလေန အုတ်မြစ်မချားဆီ တောင်းအောင်းတောင့်ဟုန်း နေနောင်နဉ်းတောင်တူ။ ဖုန်တိုမားဆီ နမ့်ရောင်ဝ်မားကော်လော့် ဟုန်းဟောန့်လ ချချန်း ပြိုကော်ဆီ တောင်းလုန် တောင်းအောင်းပျတ်စီးတောင်း တနယ့်ကြုံ” ဆီ ဝါကော်ဝိုက်။
Právě zvoleno:
စောင့်လုကာ 6: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 6
6
ဟောင့် (၆)
စောင့်ဝမ်းဥပု
(စောင့်မဿဲ ၁၂:၁-၈။ စောင့်မာကု ၂:၂၃-၂၈)
1ဝမ်းဥပုဝမ်းနိမ်လော့် စောင့်ယေရှုတောင်းတပဲ့မွန်းလေန အောင်းဆွုန်ခေါင့်ဝ် ခမ့်ဆီ ကွာကော်လော့် တပဲ့မွန်းစောင့်လေန အောင်းမက်ခေါင့်ဝ်လေ အောင်းဝ်ဆီ အောင်းပေမွန်းလေ တောင်းဖာမေးတောင်း ထီတ်ဆီ ဖယ်ဝေရောင့်ဝ် အောင်းမက်ခေါင့်ဝ်ဆန်လေ ကျဉ်းဟင်းကော်ဝိုက်။ 2မေနယ့်လော့် ဖာရိရှဲမောင်းဖောင်န အောင်းစောင့်ယေရှု “မဆူလေ ဝမ်းဥပု အောင်းမဟဟေလေ ဟေဟောင်းဆီ ဟေဟင်းန” ဆီ ဝါကော်ဝိုက်။ 3မေနယ့်လော့် စောင့်ယေရှုလ “ရာလိကျမ်း#6:3 လိကျမ်း ဓမ္မရာဇဝင် ပထမစာစောင် ၂၁း၁-၆၊ ဆီမေခနောဝ်မေးစောင့်ခွန်စောင့်ခွန်ဟော်ခမ်းဒါဝိဒ်န မေပိုင်အောက် ဆီမေမေးစောင့်ခွန်ဟော်ခမ်းရှောလု။ ဒါဝိဒ်တောင်း ကွန်းအောင်းတောင်းမွန်းတောင်းရောင်းလေန ဟောင်ပေါတောင့်မိုက်မား မွန်းဟေမားနောင်နူးဝါလ မဆူမဖတ်ကောင်ဝ်ဟင်းလေး။ 4မွန်းန ခေါင့်ဝ်ခနောဝ်ဟုန်းစောင့်ဖလားဆီ ဂျူးပုရောဟိတ်လေနဲဟော် ကျဉ်းဆီနွိုက်ဆီ အောင်းကျန်ဖောကော့် ကျဉ်းဆီအောင်းမနွိုက် အောင်းစောင့်ဖလားနဲဟော် သီးသန့် အောင်းကပ်ဝိုက် အောင်းခေါင့်ဝ်မွန်းလေ မွန်းကိုယ်တိုင် ကျဉ်းဆီမကား အောင်းကွန်းတောင်းမွန်းတောင်းရောင်းလေပါ လိမ့်ဟောင့်ဝ်ကော်အွန်” ဆီ ဝါရောင့်ဝ် မွန်းစောင့်န ဆက်ဆီ 5“အောင်းပေးလူ့သားတော် ကောန ပေးစောင့်ဝမ်းဥပု” ဆီ ဝါကော်ဝိုက်။
ကွန်းမေးကန့်ခွါ သိုင်းကော်နိမ်
(စောင့်မဿဲ ၁၂:၉-၁၄။ စောင့်မာကု ၃:၁-၆)
6ဝမ်းဥပုတန်းတီဝမ်းနိမ်လော့် စောင့်ယေရှုလ ရာတလားစလပ် ကွာဆီ ဟောပြားဆောန်ပြားဝိုက်။ ရာတီဟောန့် ကွန်းမေးကန့်ခွာသိုင်းကော်နိမ် ရောင်းဝိုက်။ 7ဖာရိရှဲတောင်းဆရာကျမ်းစန်မောင်းဖောင်န ဟပေါနယ့်စွပ်စွဲအောင်းစောင့်ယေရှု ခခါအကြောင်းပြားချက်ညော့ ဝမ်းဥပု မွန်းစောင့်လ အောင်းကွန်းကော်နိမ်မကော်နိမ် တရားဟောင့်ဝ်လေးဝါလ တွဲနွေ့အောင်းကောင့်ဝ်ကော်ဝိုက်။ 8တော်နယ်ကော့် ကွန်ဟောန့်လေ စဉ်းစားနောင်နယ့်ဝါလ ဟုညော့ စောင့်ယေရှုလ အောင်းကွန်းမေးပါ့ကန့်ခွါသိုင်း “လုဆီ ခနာ့ကွန်းတောင်းလုန် စိန်ကော်” ဆီ ဝါကော်လော့် ကွန်းဟောန့်ကော့် စိန်ကော်ဝိုက်။ 9နောက်လောင်နော့် မွန်းစောင့်လ အောင်းကွန်းဖွန်လေ “အောင်းစမဆူ တူးနိမ် ကောတထန်မ်။ ဝမ်းဥပုနောင်နယ့်လ အောင်းနီးလေ ဟေသင့်လေး။ တနယ့်ဟေအောင်းမနီးလေး။ နောင်နယ့်ပေါမစော် အောင်းအဆတ်ကွန်းကော်နိမ် တနယ့်ကယ်လေး။ တနယ့်ဖျတ်စီးလေး” ဆီ ထန်မ်ကော်ဝိုက်။ 10နောက်လောင်နော့် အောင်းကွန်းအူရာခန့်ဟောန့်လေတောင်းလုန် တွဲဆီ အောင်းကွန်းမေးပါ့ကန့်ခွါသိုင်း “မေးမော ယောန်းအောက်ကော်နူ” ဆီ ဝါကော်လော့် ကွန်းဟောန့်ကော့် အောင်းမေးမွန်း ယောန်းအောက်ကော်လော့် မေးမွန်းန နောင်မေစောင့်ကျဉ်းနော့် နီးပေါက်မားကော်ဝိုက်။ 11မေနယ့်လော့် ဖာရိရှဲလေတောင်းဆရာကျမ်းလေန အိုက်ခထားဟင်းဆီ အောင်းစောင့်ယေရှု တနယ့်ဟေနောင်နူးဝါလ အချန်းချန်း တိုင်ပန်ဟင်းကော်ဝိုက်။
သာဝကဆစ်ပ်ဆောင်န်ကော့်
(စောင့်မဿဲ ၁၀:၁-၄။ စောင့်မာကု ၃:၁၃-၁၉)
12မေဝမ်းဟောန့်လေလ စောင့်ယေရှုန ခွန့်ရာခနေနွဲဆီ တောင်းခမ်းခမ် ရာစောင့်ဖလား ရောန်းဆုဆီ အူကော်ဝိုက်။ 13ဖလိမ်းကော်လော့် အောင်းတပဲ့လေ ရာမွန်းစောင့် ဟောင့်စူးကော်ဆီ ဆီမေခနောဝ်မနော်လ အနေသာဝက#6:13 သာဝက သာဝကဝါလ တပဲ့တော်အောင်းစောင့်ယေရှုလိတ်ဝိုက်လေဝိုက်။တောင်း ဆစ်ပ်ဆောင်န်ကော့်နဲဟော် လိတ်အောက်ကော်ဝိုက်။
14ကွန်းဟောန့်လေန ပေတရုဆီ အောင်းမွန်းစောင့်ဟောင့်ဝ်နာမယ်မား ရှိမုန်တောင်း နောင့်စိုင်းပေတရု အန္ဒြေ၊
ယာကုပ်၊
ယောဟန်၊
ဖိလိပ္ပုတောင်း
ဗာသောလမဲ၊
15မဿဲ၊
သောမ၊
လုစိုင်းအာလဖဲ ယာကုပ်၊
ကွန်းအကြီးကျယ်ဟောက် အောင်းကွန်းအမျိုးစောင့်ကောင်ဝ် ရှိမုန်#6:15 ရှိမုန် ရှိမုန်ဟိုက်န ဆီမေခနောဝ်မေးရောမ ကွန်းဂျူးလေဟပေါလောက် အောင်းတူမား ခနောဝ်မွတ်အောင်းကောင်ဝ်လ ပေးမားအောင်းကော်နိမ်ဝိုက်။၊
16လုစိုင်းယာကုပ် ယုဒတောင်း
နောက်လောင် ကွန်းအောင်းသစ္စာတဖောက်အောင်းစောင့်ယေရှု ယုဒရှကာရုတ်ဟော်ဝိုက်။
အောင်းဆောန်ပြားတောင်းအောင်းရား
(စောင့်မဿဲ ၄:၂၃-၂၅)
17နောက်လောင်နော့် မွန်းစောင့်လ တောင်းသာဝကအောင်းမွန်းလိတ်ဝိုက်တောင်း ဆီမေခနေနွဲ လုန်းမားဆီ ထီန်ရာနောင်နဉ်းပြန့်ကော်လော့် ရပ်ကော်ဝိုက်။ ရာတီဟောန့် တောင်းတပဲ့မွန်းစောင့်အောင်းတန်းတီလေတောင်း ကွန်းမှိန်းယုဒလေ၊ ကွန်းမှိန်းဂျေရုဆလင်လေ၊ ကွန်းမှိန်းဇိဒုန်လေတောင်း ကွန်းမှိန်းတုရုလေ၊ ကွန်းအူရာမှိန်းခန့်ဟဉ်းမ်နမ့်လေတောင်းလုန် ထီန်ဟင်းမားဝိုက်။ 18မနော်လေန အောင်းစောင့်ယေရှုဟောပြားဆောန်ပြားလေ ဟပေါနယ့်ထောင်မ်တောင်း ကွန်းရောဂါရောင်းလေကော့် ဟပေါနယ့်ရားဆီ ထီန်ဟင်းမားဝိုက်။ ကွန်းအောင်းဖီမနီးပူးနယ့်ခမ်လေကော့် နောင်မေစောင့်ကျဉ်းနော့် နီးပေါက်ဟင်းကော်ဝိုက်။ 19မွန်းစောင့်လ အစွမ်းလေတောင်း အောင်းအနာရောဂါလေတောင်းလုန် ရားဟောင့်ဝ်ညော့ ကွန်းတောင်းလုန်န အောင်းစောင့်ယေရှု ဟပေါနယ့်ထိ ကျိုးကျားဟင်းဝိုက်။
ကွန်းကမ်နီးလေ
(စောင့်မဿဲ ၅:၁-၁၂)
20နောက်လောင်နော့် မွန်းစောင့်န တောင်းပါ့တပဲ့မွန်းလေ ခွယ်နာ့ဆီ
“သာသနာတော်စောင့်ဖလားန ပေးအောင်းစကွန်းဖန်လေညော့
မဆူလေန ကမ်နီးဟင်း။
21အစောင် ကွန်းစောင့်တောင့်မိုက်လေန ကမ်နီးဟင်း။
ဟေဟောင်းဆီပေါဝါလော့် စောင့်ဖလားလ အောင်းစမဆူ အဉ်မ်အိဉ်မ်တေမ်းတေမ်း တော်ပေါနယ့်ကျဉ်း တဟေဟောင့်ဝ်ညော့။
အစောင် ကွန်းနယ့်ဟိုင့်လေန ကမ်နီးဟင်း။
ဟေဟောင်းဆီပေါဝါလော့် စောင့်ဖလားလ အောင်းစမဆူ တော်ပေါနယ့်စွုမ်း၊ တော်ပေါနယ့်ခို တဟေဟောင့်ဝ်ညော့။
22အောင်းပေးလူ့သားတော် အောင်းကော ကောပ့်မဆူယွန်မ်ညော့ ကွန်းတန်းတီလေန အောင်းမဆူ ဟောင်ပေါစောန်းကော့်ခရောင့်ဝ်၊
ဟောင်ပေါဝေကော့်ခရောင့်ဝ်၊ အောင်းပွန်နိစပ်နယ့်ခမ်ဆီ
အောင်းပေထားအောင်းပေစလေ ဟောင်ပေါနယ့်ခမ်ကော့်ခရောင့်ဝ် မဆူလေန ကမ်နီးဟင်း။ 23ဟောင်ပေါပေးမားနောင်နယ့်လော့် စွုမ်းဆီ ကဟင်းကော်။ ဟေဟောင်းဆီပေါဝါလော့် ရာမှိန်းခမ်း ဆုအောင်းမဆူတနွိုက်လ ရောင်ဝ်ညော့။ မေတန်ဟာပွန့် ပူလဉ်ရာလဉ်မနော်လေကော့် အောင်းပရောဖက်လေ နောင်နယ့်ဆီ ဟေဟင်းမား” ဆီ ဝါကော်ဝိုက်။
ကွန်းတနယ့်ခမ်ဒုက္ခဆင်းရဲလေ
24နောက်လောင်ဟာနိမ် မွန်းစောင့်လ
“တော်နယ်ကော့် ကွန်းချမ်းသာလေ၊ မဆူလေန အောင်းဘဝအောင်းနီးလေ
နယ်အူဟင်းမားညော့ အောင်းစမဆူပေါဝါလော့် တနယ့်ခမ်ဒုက္ခဆင်းရဲလေ။
25အစောင် အိဉ်မ်အိဉ်မ်တေးမ်တေးမ် ကွန်းနယ့်ကျဉ်းလေ မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလော့် မဆူလေန တောင်းအောင်းကိုင့်တောင်း တနယ့်ကြုံဟင်း။
အစောင် ကွန်းနယ့်ခိုလေ မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလော့် မဆူလေန တောင်းအောင်းနယ့်ဟိုင့်တောင်း တနယ့်ကြုံဟင်း။
26ကွန်းတောင်းလုန် အကြောင်းမဆူနီး ဟောင်ပေါဝါကော့် မဆူလေန ကွန်းတနယ့်ခမ်ဒုက္ခဆင်းရဲလေ။
ဟေဟောင်းဆီပေါဝါလ ပူလဉ်ရာလဉ်မနော်လေကော့် အောင်းကွန်းဟန်ဆောင်ပရောဖက်လေ နောင်နယ့်ကျဉ်းနော့် ဝါဟင်းမား” ဆီ
ဝါကော်ဝိုက်။
အောင်းရန်ဆူလေ ဝိုင့်မေတ္တာ
(စောင့်မဿဲ ၅:၃၈-၄၈။ စောင့်မဿဲ ၇:၁၂)
27မွန်းစောင့်န ဆက်ဆီ “တော်နယ်ကော့် အစောင် အောင်းထောင်မ်ဆီအူ အောင်းစမဆူကောတဝါ။ ခနေရန်ဆူလေ မေတ္တာလေဝိုက်ဟင်း။ အောင်းကွန်းစောန်းအောင်းမဆူလေကော့် အကျိုးမနော် အောင်းနီးလေ ဟေဟောင့်ဝ်ကော်။ 28အောင်းကွန်းဝါအောင်းမနီးမငမ်းအောင်းမဆူလေကော့် စောင့်ဖလားဟပေါဟောင့်ဝ်အောင်းနီးလေ ရောန်းဆုဟောင့်ဝ်ဟင်းကော်။ အောင်းကွန်းနိစတ်အောင်းမဆူလေကော့် ရောန်းဆုဟောင့်ဝ်ဟင်းကော်။ 29ကွန်းကော်နိမ်ကော်နိမ် ဟောင်ပေါတင်အောင်းဖာကျင်မ့်မောပါ့နိမ်လော့် တောင်းပါ့ပါ့နိမ်ပါ ဟတင်ကော်။ ကွန်းကော်နိမ်ကော်နိမ် ဟောင်ပေါရောန်း အောင်းဆေမောခနောက်လော့် အောင်းဆေမောခနောဝ်ပါ ဟောင့်ဝ်ကော်။ 30ဆီမေရာမော တူးနိမ်မတူးနိမ် အောင်းကွန်းစောင့်မားရောန်းလေတောင်းလုန်ကော့် ဟောင့်ဝ်ကော်။ ကွန်းကော်နိမ်မကော်နိမ်န ဟောင်ပေါအောင်းဝ်ဝိုက် အောင်းပစ္စည်းမောလေကော့် ဆီမေကွန်းဟောန့် ပီရောန်းပေါက်။ 31အောင်းစောင့်ကောင်ဝ် နောင်မောခဟဆက်ဆံညော့ ခနေပေကော့် ဆက်ဆံဟင်း။ 32အောင်းကွန်းစောင့်ဝိုက်မေတ္တာအောင်းမောနဲဟော် မောပေါတဝိုက်မေတ္တာပေါက်ဟောပေါဝါလော့် အောင်းစမော စောင့်ဖလားန တချီးမွမ်းနောင်နူး။ ကွန်းဟေအပြစ်လေကိုးသကော့် အောင်းကွန်းဝိုက်မေတ္တာအောင်းမနော်လေ မေတ္တာဝိုက်ပေါက်ဟင်း။ 33အောင်းကွန်းနီးခနေမောနဲဟော် မောန တနီးဟောင့်ဝ်ပေါက်ဟွန်းဟောပေါဝါလော့် ဆီမေစောင့်ဖလား ဆုလေပီမျှော်။ ကွန်းအပြစ်ရောင်းလေကိုးသကော့် နောင်နယ့်ဆီ ဟေပဲ့။ 34တနွိုက်ပေါက်ထန်ဆီ အောင်းပေ မဆူပေါတကူ့ဟောင့်ဝ်ပေါဝါလော့် စောင့်ဖလားန အောင်းစမဆူ တချီးမွမ်းဆီ ထန်ဟင်းလေး။ ကွန်းအပြစ်ရောင်းလေကိုးသကော့် နောင်မနော်ဟောင့်ဝ်ညော့ ဟောင်ပေါတနွိုက်ပေါက်ပေါဝါလော့် မနော်အချန်းချန်း စန်ကူ့ဟင်း။ 35မဆူလေန အောင်းရန်ဆူလေ ဝိုက်မေတ္တာဆီ အောင်းစမနော် အကျိုးအောင်းနီးလေ ဟေဟင်းကော်။ တနွိုက်ပေါက်မထန်ဆီ ကူ့ဟောင့်ဝ်ဟင်း။ စောင့်ဖလားန အောင်းကွန်းကျေးဇူးမဟုတောင်း အောင်းကွန်းမနီးလေကော့် မေတ္တာဝိုက်ဟောင့်ဝ်ညော့ မဆူ နောင်နယ်ဆီဟောင်ပေါဟေလော့် အကျိုးနီးအောင်းရောင်ဝ်နွိုက်ဆီ တပေးလုစိုင်းလုဆောင်စောင့်ဖလားအောင်းချဉ်းမြတ်ဟင်း။ 36စောင့်ဖလားမဆူန ခနေမဆူ မေတ္တာကရုဏာတော်လေ နောင်ဝိုက်ညော့ မဆူလေကော့် ခနေပွန် မေတ္တာကရုဏာတော်လေ ဝိုက်ဟင်း” ဆီ ဝါကော်ဝိုက်။
အောင်းပေပီစီရင်
(စောင့်မဿဲ ၇:၁-၅)
37နောက်လောင် မွန်းစောင့်လ “ခနေပေ ပီစီရင်ဟင်း။ နောင်နယ့်ဟောင်ဝါမှ အောင်းစောင့်ဖလားစီရင်ကော့် မဆူတနယ့်ခမ်ဟင်းမစော်။ အောင်းပေ အပြစ်တန်ဆီ ပီဝေဖန်ဟင်း။ နောင်နယ့်ဟောင်ဝါမှ အောင်းစောင့်ဖလားတန်အပြစ် တနယ့်ခမ်မစော်။ အောင်းပေ ခွင့်လွှတ်ဟင်း။ နောင်နယ့်ဟောင်ဝါမှ စောင့်ဖလားန အောင်းစမဆူ တခွင့်လွှတ်ဟော။ 38အောင်းပေလေ ဟောင့်ဝ်ဟင်း။ ဟောင်ပေါဟေနောင်နယ့်လော့် အောင်းမဆူကော့် တဟောင့်ဝ်ဟင်း။ နောင်မဆူဟောင့်ဝ်အောင်းပေကျဉ်းနော့် တေးမ်ဆီတော်မာတိုပွန့် အောင်းအိမဆူ ခေါင်ဝ်ဆီ တဆောင်ဝ်ပေါက်ဟွန်း။ နောင်မဆူဟောင့်ဝ်အောင်းပွန်ကျဉ်းနော့် စောင့်ဖလားန အောင်းစမဆူ တဟောင့်ဝ်ပေါက်ဟွန်း” ဆီ ဝါကော်ဝိုက်။ 39နောက်လောင်နော့် မွန်းစောင့်န အောင်းစမနော် ပွန်ဥပမာတူးနိမ် ဝါပြားကော်လ “ကွန်းဟွေတားမဟောန်ကော်နိမ်လ အောင်းကျန်အောင်းကွန်းဟွေတားမဟောန်ကော်နိမ် ခွန်တန်းတပြားပဲ့လေး။ မနော်တောင်းဆောင်န်ကော့် ခနောဝ်ဟောင် မဲတိုပဲ့မစော်လေး။ 40ဆာဆီဆရာ တပဲ့အောင်းဆာပဲ့ဝါလ မရောင်း။ တော်နယ်ကော့် အောင်းတပဲ့ နီးနီးငမ်းငမ်း ပေါဆောန်ဟောင့်ဝ်လော့် မွန်းန နောင်ဆရာညော့ တပေးမား။ 41မောန အောင်းတကော့်မောဖစ် အောင်းဆေးဆေးအင်တိုးနိမ်မတိုးနိမ်လ ဟေအလေးဆီ အောင်းခနောဝ်ဟွေတားမော နောင်တောင်မိုက်ပွန့်အောင်းရောင်း အောင်းမောဖစ်အိုက်ခေ့ခေ့ကော့် မဟေအလေးဆီ မအူသင့်။ 42မောန အောင်းမောဖစ်အိုက်ခေ့ခေ့လ မဖြေချန်းအောင်းတိုင်းဆီ အောင်းတကော့်မော ‘အိုက်ကော့်၊ အောင်းမောဖစ်ဆေးဆေးအင်လ ကောတမဲဟောင့်ဝ်’ ဆီ ဟောင်ပေါဝါလော့် ဖစ်။ ဟောင်ပေါဟေနောင်နယ့်လော့် မောလ တပေးကွန်းယောင်ဆောင်ကွန်းနီးကျဉ်းနော့်။ ဟေဟောင်းဆီပေါဝါလော့် အောင်းမောဖစ်လ မဲအောင်းတိုင်းသင့်။ ပေါရောင့်ဝ်မှ အောင်းတကော့်မောဖစ် ဟပေါနယ့်မဲ မောအစောင်တစွယ်ပဲ့” ဆီ ဝါကော်ဝိုက်။
တိန့်မိုက်တောင်း မတ်မိုက်
(စောင့်မဿဲ ၇:၁၆-၂၀၊ ၁၂:၃၃-၃၅)
43နောက်လောင် မွန်းစောင့်လ “တိန့်မိုက်အောင်းနီးလ မတ်အောင်းမနီး နောင်မမတ်ပဲ့ညော့ တိန့်အောင်းမနီးကော့် မတ်အောင်းနီး မမတ်ပဲ့။ 44တွဲမတ်မွန်းဆီ အကြောင်းတိန့်မွန်း ဝါပဲ့။ ဆီမေတိန့်နမ် အောင်းမတ်ဖနေ အောင်းဝ်ဆီ နောင်မနွိုက်ပဲ့ညော့ အောင်းမတ်အစ်ကော့် ဆီမေခနောဝ်ယွန်းမ် အောင်းဝ်ဆီမနွိုက်ပဲ့။ 45နောင်နယ့်ကျဉ်းနော့် ကွန်းအောင်းနီးလေန ဆီမေခနောဝ်စောဝ်မွန်း အောင်းနီးလေနဲဟော် စန်ထုအောက်ဟော။ ကွန်းအောင်းမနီးလေကော့် ဆီမေခနောဝ်စောဝ်မွန်း အောင်းမနီးလေနဲဟော် စန်ထုအောက်ဟော။ ဆီမေပတ်မဆူ အောင်းအောက်မား ခွမ်းမဆူလေန ပြားအောင်းစောဝ်မဆူကျဉ်းနော့်” ဆီ ဝါကော်ဝိုက်။
ကွန်းစောင့်တောင့်ဟုန်း ဆောင်န်ကော့်
(စောင့်မဿဲ ၇:၂၄-၂၇)
46မွန်းစောင့်လ ဆက်ဆီ “မဆူလ အောင်းခွမ်းကောမထောင်မ်ဆီ အောင်းကော ‘စောင့်’ ‘စောင့်’ ဆီ ဟေဟောင်းဆီ ဟောင့်ဟင်းန။ 47ရာကောမားစူးဆီ အောင်းခွမ်းကောလေထောင်မ်ဆီ ကွန်းစောင့်ဟေစောင်းမ်လေန တောင်းကွန်းနောင်နူးတောင်းတူဝါလ အောင်းမဆူ ကောသလောင်ဝ်ပြား။ 48ကွန်းဟောန့်န ရာခနေနောင်နဉ်းကောင့်ဟဉ်ခမ် ခွန်မ်လိလိကွန်ဆီ တောင်းကွန်းတောင့်ဟုန်းတောင်းတူ။ နောက်လောင်နော့် နမ့်ရောင်ဝ်ဆီ လှိုင်းနမ့်လေတိုက်မေကော့် ဟုန်းဟောန့်န နီးနီးငမ်းငမ်းတောင့်ဝိုက်ညော့ မယဉ်းယမ်ဆီ ခမ်ပဲ့။ 49တော်နယ်ကော့် အောင်းခွမ်းကောလေထောင်မ်ဆီ ကွန်းမစောင်းမ်ဟေလေန အုတ်မြစ်မချားဆီ တောင်းအောင်းတောင့်ဟုန်း နေနောင်နဉ်းတောင်တူ။ ဖုန်တိုမားဆီ နမ့်ရောင်ဝ်မားကော်လော့် ဟုန်းဟောန့်လ ချချန်း ပြိုကော်ဆီ တောင်းလုန် တောင်းအောင်းပျတ်စီးတောင်း တနယ့်ကြုံ” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.