စောင့်လုကာ 5
5
ဟောင့် (၅)
တပဲ့ပထမလေ
(စောင့်မဿဲ ၄:၁၈-၂၂။ စောင့်မာကု ၁:၁၆-၂၀)
1ဝမ်းနိမ်လော့် မွန်းစောင့်ကော့် ရာခန့်ဟဉ်းမ်နောင်ဂင်္နေသရက်#5:1 နောင်ဂင်္နေသရက် နောင်ဂင်္နေသရက်ဝါလ နာမယ်နောင်ဂါလိလဲ အောင်းတန်းတီတူးနိမ်ဝိုက်။ စိန်ဆီအူလော့် ကွန်းလေန အောင်းမွန်းစောင့်ဟော နှုတ်ကပတ်တော်စောင့်ဖလားလေ ဟပေါနယ့်ထောင်မ် ရာဟဉ်းမ်မွန်းစောင့် မားစူးစပ်ဟင်းကော်ဝိုက်။ 2နောက်လောင်နော့် မွန်းစောင့်န အောင်းဟေးခါပါးဆောင်န်စင်း ကပ်ဝိုက်ရာဟဉ်းဖန်လာလ ဟောန်ကော်ဝိုက်။ ကွန်းခါပါးလေန ဆီမေဟေးမနော် လုန်းဆီ ကွာဆွတ်ပိုက်မနော်ဟင်းကော်ဝိုက်။ 3မေနယ့်လော့် စောင့်ယေရှုန ခနောဝ်ဟေးဆောင်န်စင်းန ခနေဟေးရှိမုန်နဲဟော် ခွန့်ဆီ အောင်းစဟေး တောင်းဖန်လာတောင်း စောင်နိန်အင် ဟခိုက်အောက်ကော်ဝိုက်။ နောက်လောင်နော့် မွန်းစောင့်ကော့် ခနေဟေး နှောင်ဆီ အောင်းစကွန်းဖွန်လေ ဟောပြားဆောန်ပြားကော်ဝိုက်။ 4ဟောပြားဆောန်ပြားဆီရောင့်ဝ်ကော်လော့် မွန်းစောင့်လ အောင်းရှိမုန် “ဟေးမော ကွဲကော်ပါ့နမ့်လိဆီ ဟပေါနယ့်ဝမ့်ပါး အောင်းပိုက်မော ချားတိုကော်” ဆီ ဝါကော်ဝိုက်။ 5ရှိမုန်ကော့် “စောင့်၊ ဟောတောင်းခမ်ခမ် စမ်းစောဝ်စမ်းခေါ ခါမေကော့် ပါးတူးနိမ်ကော့်မနွိုက်မား။ တော်နယ်ကော့် နောင်မောစောင့်ဝါဆီ အောင်းပိုက်ဟော နောက်လောင်ဟာနိမ် ဟောတချားတိုကော်” ဆီ ဝါပေါက်ကော်ဝိုက်။ 6နောင်နယ့်ဆီ အောင်းပိုက်လေ ချားတိုကော်လော့် မနော်လေန ပိုက်လေနောင်တစိုက်ကော် ပါးလေနွိုက်ဟင်းကော်ဝိုက်။ 7ကောပ့်နယ့်ညော့ မနော်ကော့် အောင်းလကော့်မွတ်ကွန်းခါပါးတန်းတီ တောင်းမေးတောင်းဖိုင်းဆီ ဟောင့်ကော်ဝိုက်။ ကွန်းခါပါးဟောန့်လေ ထီန်မားဆီ အောင်းပါးလေ ဆောင်ဝ်ဟင်းကော်လော့် ဟေးတောင်းဆောင်န်စင်း နောင်တနေ့နမ့်ဟောကော့်ဝိုက်။ 8အောင်းအဖြစ်အပျက်ဟိုက် ဟောန်ကော်လော့် ရှိမုန်ပေတရု#5:8 ရှိမုန်ပေတရု အောင်းရှိမုန် စောင့်ယေရှုန ပေတရုဆီအောင်းဟောင့်ဝ်နာမယ်ဝိုက်ဆီ တောင်းခွမ်းဟေဘရူးတောင်းပေါဝါလော့် (Cephas) ကောင့်ဟဉ်ဆီ အဓိပ္ပါယ်နွိုက်ဝိုက်။န ခတောင့်တဉ်းစောင့်ယေရှု တောင့်ဝ်ခေါင်ဝ်#5:8 တောင့်ဝ်ခေါင်ဝ် အောင်းတောင့်ခေါင်ဝ်ရာဟိုက်လ အောင်းတောင့်ခေါင်ဝ်အင်မစော်ဆီ တော်ဟူခေါင်ဝ်စောင့်ယေရှုပွန့် အောင်းဟိုမွန်း ကုမ့်တိုကော်ဝိုက်။ဆီ “စောင့်၊ ကောလ ပေးကွန်းအပြစ်နမ်ညော့ အောင်းကော ဝိုင့်ဝိုက်ဆီ အောက်ကွာကော်” ဆီ ဝါကော်ဝိုက်။ 9ဟေဟောင်းဆီနယ့်ဝါနောင်နယ့်လပေါဝါလော့် မွန်းတောင်းကွန်းတန်းတီလေန ပါးအောင်းခါဆီနွိုက်လေ နမ်အားကြီးကောညော့ အမ်းမဆိဉ့်ဟင်းကော့်ညော့ဝိုက်။ 10ခနောဝ်မွတ်မနော် အောင်းပေးလကော့်ရှိမုန် အောင်းပေးလုစိုင်းဇေဗေဒဲဆောင်န်ကော့် ယာကုပ်တောင်း ယောဟန်ကော့်ပါဝိုက်။ နောက်လောင်နော့် စောင့်ယေရှုန အောင်းရှိမုန် “ပီကိုး ဆီမေအစောင်စဆီ မဆူန အစားပါး အောင်းကွန်းလေ ဟောင့်ဆီ ဟပေါပေးတပဲ့ကော တနယ့်ဟေဟင်း#5:10 အောင်းကွန်းလေ ဟောင့်ဆီ ဟပေါပေးတပဲ့ကော တနယ့်ဟေဟင်း ရာဖွန်လိငေါင့်ကျမ်းပေါဝါလော့် တနယ့်ဝမ့်အောင်းကွန်းလေဆီ တင့်မ်ဝိုက်။” ဆီ ဝါကော်ဝိုက်။ 11နောက်လောင်နော့် မနော်လေန အောင်းဟေးမနော်လေ ဆွဲခွန့်ခနေကွန်းဆီ ကာအောင်းရောင်းရာမနော်လေတောင်းလုန် ဝေဝိုက်ဆီ တောင်းမွန်းစောင့်တောင်း စောင်းမ်ကွာဟင်းကော်ဝိုက်။
ရောဂါဟဟိုင် အောင်းကွန်းပေးဆမန်ကော်နိမ်
(စောင့်မဿဲ ၈:၁-၄။ စောင့်မာကု ၁:၄၀-၄၅)
12ဝမ်းနိမ်လော့် စောင့်ယေရှုန တကြားအူရာမှိန်းမှိန်းနိမ်လော့် ရာတီဟောန့် ကွန်းပေးဆမန် ကော့်စိုင်းကော်နိမ်ရောင်းဝိုက်။ မွန်းန ဟောန်အောင်းမွန်းစောင့်ကော်နွေ့ဆတ် ရာခနာ့မွန်းစောင့် အိုပို့ဆီ “စောင့်၊ မောအလိုပေါရောင်း အောင်းရောဂါကော ဟဟိုင်ပဲ့ညော့ အောင်းကော ရားဟောင့်ဝ်အီ့” ဆီ ဝါကော်ဝိုက်။ 13ကောပ့်နယ့်ညော့ မွန်းစောင့်န အောင်းမေးမွန်း ရောန်းအောက်ဆီ အောင်းကွန်းဟောန့် ထိဆီ “ကောအလိုရောင်း။ ဟိုင်ကော်” ဆီ ဝါရောင့်ဝ်ကော်လော့် ဆမန်ကွန်းဟောန့်န ချရှ်ချန်း ဟိုင်ကော်ဝိုက်။ 14နောက်လောင်နော့် မွန်းစောင့်န အောင်းကွန်းဟောန့် နောင်နယ့်ဆီ အောင်းအကြောင်းရောဂါဟိုင်ကော်လ အောင်းဖောကော့် ပီကွာလောင်ဝ်ပြားဆီ ဆောင်ရောင့်ဝ် “ကွာရာဂျူးပုရောဟိတ်ဆီ အောင်းမောတောင်းမော ပြားကော်။ ပေါရောင့်ဝ် အောင်းရောဂါမောဟိုင်ကော်လ အောင်းစကွန်းလေ ဟပေါပေးသက်သေ ရာပညတ်ကျမ်းမောရှေ နောင်ပြားဝိုက်ညော့ လောင်အောင်းတနယ့်ကပ်လေ ကွာဟေကော်” ဆီ ဝါကော်ဝိုက်။ 15တော်နယ် သတင်းစောင့်ယေရှုန ဆာဆီပျံ့ကော်ညော့ ကွန်းတောင်းလုန်န ဟပေါနယ့်ထောင်မ် အောင်းမွန်းစောင့်ဟော၊ အောင်းမွန်းစောင့်ဆောန်လေတောင်း ဟပေါနယ့်ရားအောင်းရောဂါမနော်လေညော့ စူးဆီ မားဟင်းဝိုက်။ 16တော်နယ်ကော့် မွန်းစောင့်လ ဟပေါနယ့်ရောန်းဆု ရာတီတောင်းကွန်းလေတောင်းကိုင်းန ကွာဆီ မွန်းစောင့်ပါးနိမ်အင် စန်အောက်ကွာကျဉ်းဝိုက်။
အောင်းအပြစ်လေ ခွင့်လွှတ်ဆီ အောင်းရောဂါလေ အောင်းဟဟိုင်
(စောင့်မဿဲ ၉:၁-၈။ စောင့်မာကု ၂:၁-၁၂)
17ဝမ်းနိမ်လော့် တကြားစောင့်ယေရှုဆောန်ပြားန ဆီမေမန့်အောင်းရောင်း ရာမှိန်းဂါလိလဲ၊ ရာမှိန်းယုဒတောင်း ဆီမေရာမှိန်းဂျေရုဆလင် အောင်းမားဟင်း ဖာရိရှဲ#5:17 ဖာရိရှဲ ဖာရိရှဲဝါလ တောင်းခွမ်းဂရိတောင်း (Pharisaios-ကွန်းခွဲဆီအူလေ)၊ တောင်းခွမ်းဟေဘရူးတောင်းပေါဝါလော့် ကွန်းခွဲဆီအူ၊ ကွန်းအူသီးသန့်ဆီ အဓိပ္ပါယ်နွိုက်။ မေခေတ်စောင့်ယေရှုလ မနော်လေန အနေမွတ်ဘာသာရေးအာဏာရောင်းမွတ်နိမ်တောင်း ကွဉ်းမ်ကွဉ်းမ်အူဆီ တောင်းတန်းမေစောင့်တောင်း လွဲဆီ နောက်လောင်နော့် ပေးကွန်းဟန်ဆောင်ကွန်းဝိုင်ယ်ကွန်းကပ်စောင့်ဖလားလေဟင်းကော်ဝိုက်။လေတောင်း ဆရာကျမ်းစန်လေန ရာခန့်ဟောန့် နှောင်ဆီအူဟင်းဝိုက်။ မေအချီန်ဟောန့် စောင့်ဖလားန အောင်းစောင့်ယေရှု အနာရောဂါကွန်းလေ ဟပေါဟိုင် အစွမ်းလေ ဟောင့်ဝ်ဝိုက်ရောင့်ဝ်ကော်ဝိုက်။ 18မေနယ့်လော့် ကွန်းမောင်းဖောင်လေန အောင်းကွန်းဆိုင်လုမ်းခတ်ကော်နိမ် ခနေဖုတန်ဆီ ဟမ်ဟင်းမားဝိုက်။ မနော်လေန အောင်းကွန်းဟောန့် အောဝ်ခေါင့်ဝ်ခနောဝ်ဟုန်းဆီ ခနာ့စောင့်ယေရှု ဟပေါနယ့်ဝိုင့် ဟေဟင်းဝိုက်။ 19တော်နယ်ကော့် ကွန်းလေနမ်အားကြီးကော်ညော့ ဟပေါနယ့်ခေါင့်ဝ်ခနောဝ်ဟုန်း ခွန်တန်းခါမဟောန်ကော့်ညော့ ခွန့်ခနေခေါင်ဆီ အောင်းမွန်းမ်ဝိုက်လေ ခွာဝေကော်ဆီ အောင်းကွန်းဟောန့်တောင်းအောင်းဖု တောင်းဆိုင်တောင်းမောက်ဆီ အောင်းရောင်းရာခနောဝ်ကြားကွန်းလေ ရာခနာ့စောင့်ယေရှုပွန့် ဆွတ်တိုဟင်းကော်ဝိုက်။ 20အောင်းမနော်ယွန်မ်လ နောင်နယ့်ပွန့်ရောင်ဝ်ဝါလ မွန်းစောင့်ဟောန်ကော်လော့် အောင်းကွန်းဟောန့် “အိုက်ကော့် အောင်းအပြစ်မော ကောခွင့်လွှတ်ကော်” ဆီ ဝါကော်ဝိုက်။ 21မေနယ့်လော့် ဖာရိရှဲလေတောင်း ဆရာကျမ်းစန်လေန “ကွန်းဟိုက်လ အောင်းမွန်းတောင်းမွန်း ဖောဆီထန်ဆီ နောင်နယ့်ဆီ ခွမ်းအောင်းစော်ကားအောင်းစောင့်ဖလားလေ နယ့်တန့်လ။ အောင်းမွန်းတောင်းမွန်း စောင့်ဖလားဆီ ထန်ကျေ့။ ဟေဟောင်းဆီပေါဝါလော့် အောင်းအပြစ်လေ ခွင့်လွှတ်ပဲ့လ စောင့်ဖလားလလွှဲဆီ ဖောကော့်အောင်းဟေပဲ့ မရောင်း” ဆီ စဉ်းစားဟင်းကော်ဝိုက်။ 22တော်နယ်ကော့် မွန်းစောင့်န ခနောဝ်စောဝ်မနော် ထန်နောင်နယ့်ဝါလ ဟုညော့ အောင်းစမနော်လေ “ခနောဝ်စောဝ်မဆူ ဟေဟောင်းဆီ ထန်နောင့်နယ့်လ။ 23‘အောင်းအပြစ်မော ခွင့်လွှတ်ကော်’ ဆီ အောင်းဝါတောင်း၊ ‘မောလုဆီပိုင်းကော်’ ဆီ အောင်းဝါလ အောင်းထောချဉ်းတလွယ်။ 24တော်နယ်ကော့် ကော လူ့သားတော်#5:24 လူ့သားတော် လူ့သားတော်ဝါလ ခရစ်တော်န အောင်းမွန်းတောင်းမွန်း အောင်းစေ နာမယ်။န အောင်းရောင်းခနေကမ္ဘာနောင်နဉ်းဟိုက် အပြစ်တောင်းလုန် အောင်းခွင့်လွှတ်ပဲ့ အာဏာရောင်းဝါလ မဆူတော်ပေါဟု ကောတပြား” ဆီ ဝါကော်ဝိုက်။ နောက်လောင်နော့် မွန်းစောင့်ကော့် အောင်းကွန်းဟောန့် “အောင်းမောကောတဝါ၊ လု၊ အောင်းဖုမောအောင်းဝ်ဆီ ပေါက်ဟုန်းကော်” ဆီ ဝါကော်ဝိုက်။ 25နောင်နယ့်ဆီဝါကော်နွေ့ဆတ် ချရှ်ချန်း ကွန်းဟောန့်န ခနာ့ကွန်းလေ စိန်ကော်ဝိုက်။ မွန်းန အောင်းဖုမွန်း ကျေပ်ရောင့်ဝ် အောင်းစောင့်ဖလား ချီးမွမ်းဆီ ပေါက်ဟုန်းကော်ဝိုက်။ 26ကွန်းတောင်းလုန်ကော့် အိုက်အမ်းဟင်းဟင်းကော်ဆီ “ဝမ်းနယ့် အောင်းခနီးအမ်းလေ ဟောနယ့်ဟောန်မားကော်” ဆီ ဝါဟင်းရောင့်ဝ် အောင်းစောင့်ဖလား ချီးမွမ်းဟင်းကော်ဝိုက်။
လိတ်အောင်းလေဝိ
(စောင့်မဿဲ ၉:၉-၁၃။ စောင့်မာကု ၂:၁၃-၁၇)
27အဖြစ်ပျက်ဟောန့်လေ ပေးရောင့်ဝ်ကော့်လော့် စောင့်ယေရှုလ ဆီမေတီဟောန့် အောက်မားကော်ဆီ လေဝိ#5:27 လေဝိ နာမည်မွန်း အောင်းတန်းတီန “မဿဲ” ဆီ စေဝိုက်။ဆီအောင်းစေ ကွန်းကျေပ်ကာကော်နိမ် နှောင်ဝိုက်ရာခနောဝ်ထိန်ကျေပ်ကာလ ဟောန်ကော့်လော့် အောင်းကွန်းဟောန့် “အနေတပဲ့ကောတောင်း စောင်းမ်မားခလောင်ကော” ဆီ ဝါကော်ဝိုက်။ 28မေနယ့်လော့် လေဝိလ ကာအောင်းရောင်းလေဝေဆီ စောင်းမ်ကော်ခလောင်စောင့်ယေရှုကော်ဝိုက်။ 29နောက်လောင်နော့် လေဝိန ရာဟုန်းမွန်း အောင်းစစောင့်ယေရှုတောင်း အောင်းစတပဲ့မွန်းလေ ပွဲကျဉ်းခေါင်ဝ်မားခမ်လုန် မဲဟောင့်ဝ်ကော်ဝိုက်။ အောင်းကျန်ကွန်းကျေပ်ကာလေတောင်း စောင့်ချိုက်လေကော့် ရာပွဲကျဉ်းခေါင့်ဝ်မားခမ် ထီန်ဟင်းမားဆီ ကျဉ်းနွေ့ဟင်းကော်ဝိုက်။ 30မေနယ့်လော့် ဖာရိရှဲလေတောင်း ဆရာကျမ်းစန်လေန “မဆူလေန တောင်းကွန်းကျေပ်ကာလေတောင်း၊ အောင်းကျန်ကွန်းအပြစ်ရောင်းလေတောင်း ဟေဟောင်းဆီ နယ့်ကျဉ်းနွေ့ဟင်းန” ဆီ အောင်းစောင့်ယေရှုတောင်း အောင်းတပဲ့မွန်းစောင့်လေ တန်အပြစ်ဆီ ကဲ့ရဲ့ဟင်းဝိုက်။ 31မွန်းစောင့်ဖြေပေါက်ကော်လ “ကွန်းအူနီးလ အောင်းစောင့်ထိုးရ သလိုမစော်။ ကွန်းမအူနီးနဲဟော် သလိုဟော။ 32နောင်နယ့်ကျဉ်းနော့် ကောလ အောင်းစောင့်ကောင်ဝ်တောင်းကောင်ဝ် ကွန်းနီးဆီ အောင်းကွန်းစောင့်ထန်လေ ဟပေါနယ့်ဟောင့်ဆီ ကောမားမစော်။ အစားအနယ့်လ အောင်းစောင့်ကောင်ဝ်တောင်းကောင်ဝ် ပေးကွန်းအပြစ်ရောင်းဆီ အောင်းကွန်းစောင့်ဟုလေနဲဟော် ဟပေါနယ့်ဟောင့် ကောမား” ဆီ ဝါကော်ဝိုက်။
တောင်းရှောင်အောင်းကျဉ်းတောင်းအောင်းဆိုင် မေးခွန်းတူးနိမ်
(စောင့်မဿဲ ၉:၁၄-၁၇။ စောင့်မာကု ၂:၁၈-၂၂)
33နောက်လောင်နော့် မနော်လေန အောင်းမွန်းစောင့် “ရေနှစ်မင်္ဂလာဆရာယောဟန်တောင်း တပဲ့မွန်းလေန အောင်းကျဉ်းရှောင်ဆီ အကျင်မ်ကျင်မ် ရောန်းဆုဟင်း။ တပဲ့ဖာရိရှဲလေကော့် နောင်နယ့်ကျဉ်းနော့် ဟေဟင်း။ တော်နယ်ကော့် တပဲ့မောစောင့်လေန ကျဉ်းကော်ဆို့ကော် အူဟင်းဆီ နောင်ပွန်ဆီ ဟေဟောင်းဆီ အောင်းကျဉ်းမရှောင်ဟင်းန” ဆီ ထန်မ်ဟင်းကော်ဝိုက်။ 34မွန်းစောင့်ကော့် “စောင့်ချိုက်အောင်းမားရာပွဲခေါင်းချိုက်လေန မေတောင်းမောဝ်ထောင့်ဝ်မောဝ်တောင်း မေအူနွေ့ဟင်းန အောင်းကျဉ်းတဟရှောင်ဟင်းလေး။ နောင်နယ့်ဆီ ဖောကော့် အောင်းတဟေဟင်းမစော်။ 35တော်နယ် အောင်းမောဝ်ထောင့်ဝ်မောဝ်ဟောန့် ဆီမေမနော် အချီန်ဟောင့်ထီန်မားကော်လော့် မနော်လေန အောင်းကျဉ်းတရှောင်ဟင်း” ဆီ ဝါကော်ဝိုက်။ 36နောက်လောင်နော့် မွန်းစောင့်လ အောင်းစမနော် ပွန်ဥပမာတောင်း လောင်ဝ်ပြားကော်လ “ဖောကော့် ပဉ်ဖအောင်းမောဝ်စိုက်ဆီ ရာဖအောင်းကောင်ဝ် ရာအောင်းစိုက် အောင်းတစပ်ဟင်းမစော်။ နောင်နယ့်ဆီပေါစပ်ကော်ကော့် ပဉ်ဖအောင်းမောဝ်လ စိုက်ဆီမကား ပဉ်ဖအောင်းမောဝ်အောင်းစပ်ဝိုက်ကော့် တောင်းပဉ်ဖအောင်းကောင်ဝ်တောင်း တလိုက်ကော့်မစော်။ 37ဖောကော့် အောင်းဝိုင်အစ်အောင်းမောဝ် အောင်းတောင်းနောင်တောင်းဟေဝိုက် ခနောဝ်အိအောင်းကောင်ဝ် တဆောင်ဝ်ဟင်းမစော်။ ဟောင်ပေါဆောင်ဝ်နောင်နယ့်လော့် ဝိုင်အစ်အောင်းမောဝ်လ အောင်းတောင်းနောင်တောင်းဟေဝိုက် အောင်းအိကောင်ဝ်ဟိုက် ဟပေါင်ဆီ ဝိုင်အစ်ကော့် မာဆီ အောင်းတောင်းနောင်တောင်းဟေဝိုက် အိကောင်ဝ်ကော့် တပျတ်စီးဝိုက်။ 38ကောပ့်နောင်နယ့်ညော့ အောင်းဝိုင်အစ်အောင်းမောဝ် အောင်းတောင်းနောင်တောင်းဟေဝိုက် ခနောဝ်အိအောင်းမောဝ်နဲဟော် ဆောင်ဝ်ဟော။ 39ကွန်းဆို့ရောင့်ဝ်အောင်းဝိုင်အစ်ကောင်ဝ်လ ‘ဝိုင်အစ်အောင်းကောင်ဝ်နဲဟော် ဆာဆီနီး’ ဆီ ဝါဆီ အောင်းဝိုင်အစ်အောင်းမောဝ် တခဆို့ကော့်မစော်” ဆီ ဝါကော်ဝိုက်။
Právě zvoleno:
စောင့်လုကာ 5: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 5
5
ဟောင့် (၅)
တပဲ့ပထမလေ
(စောင့်မဿဲ ၄:၁၈-၂၂။ စောင့်မာကု ၁:၁၆-၂၀)
1ဝမ်းနိမ်လော့် မွန်းစောင့်ကော့် ရာခန့်ဟဉ်းမ်နောင်ဂင်္နေသရက်#5:1 နောင်ဂင်္နေသရက် နောင်ဂင်္နေသရက်ဝါလ နာမယ်နောင်ဂါလိလဲ အောင်းတန်းတီတူးနိမ်ဝိုက်။ စိန်ဆီအူလော့် ကွန်းလေန အောင်းမွန်းစောင့်ဟော နှုတ်ကပတ်တော်စောင့်ဖလားလေ ဟပေါနယ့်ထောင်မ် ရာဟဉ်းမ်မွန်းစောင့် မားစူးစပ်ဟင်းကော်ဝိုက်။ 2နောက်လောင်နော့် မွန်းစောင့်န အောင်းဟေးခါပါးဆောင်န်စင်း ကပ်ဝိုက်ရာဟဉ်းဖန်လာလ ဟောန်ကော်ဝိုက်။ ကွန်းခါပါးလေန ဆီမေဟေးမနော် လုန်းဆီ ကွာဆွတ်ပိုက်မနော်ဟင်းကော်ဝိုက်။ 3မေနယ့်လော့် စောင့်ယေရှုန ခနောဝ်ဟေးဆောင်န်စင်းန ခနေဟေးရှိမုန်နဲဟော် ခွန့်ဆီ အောင်းစဟေး တောင်းဖန်လာတောင်း စောင်နိန်အင် ဟခိုက်အောက်ကော်ဝိုက်။ နောက်လောင်နော့် မွန်းစောင့်ကော့် ခနေဟေး နှောင်ဆီ အောင်းစကွန်းဖွန်လေ ဟောပြားဆောန်ပြားကော်ဝိုက်။ 4ဟောပြားဆောန်ပြားဆီရောင့်ဝ်ကော်လော့် မွန်းစောင့်လ အောင်းရှိမုန် “ဟေးမော ကွဲကော်ပါ့နမ့်လိဆီ ဟပေါနယ့်ဝမ့်ပါး အောင်းပိုက်မော ချားတိုကော်” ဆီ ဝါကော်ဝိုက်။ 5ရှိမုန်ကော့် “စောင့်၊ ဟောတောင်းခမ်ခမ် စမ်းစောဝ်စမ်းခေါ ခါမေကော့် ပါးတူးနိမ်ကော့်မနွိုက်မား။ တော်နယ်ကော့် နောင်မောစောင့်ဝါဆီ အောင်းပိုက်ဟော နောက်လောင်ဟာနိမ် ဟောတချားတိုကော်” ဆီ ဝါပေါက်ကော်ဝိုက်။ 6နောင်နယ့်ဆီ အောင်းပိုက်လေ ချားတိုကော်လော့် မနော်လေန ပိုက်လေနောင်တစိုက်ကော် ပါးလေနွိုက်ဟင်းကော်ဝိုက်။ 7ကောပ့်နယ့်ညော့ မနော်ကော့် အောင်းလကော့်မွတ်ကွန်းခါပါးတန်းတီ တောင်းမေးတောင်းဖိုင်းဆီ ဟောင့်ကော်ဝိုက်။ ကွန်းခါပါးဟောန့်လေ ထီန်မားဆီ အောင်းပါးလေ ဆောင်ဝ်ဟင်းကော်လော့် ဟေးတောင်းဆောင်န်စင်း နောင်တနေ့နမ့်ဟောကော့်ဝိုက်။ 8အောင်းအဖြစ်အပျက်ဟိုက် ဟောန်ကော်လော့် ရှိမုန်ပေတရု#5:8 ရှိမုန်ပေတရု အောင်းရှိမုန် စောင့်ယေရှုန ပေတရုဆီအောင်းဟောင့်ဝ်နာမယ်ဝိုက်ဆီ တောင်းခွမ်းဟေဘရူးတောင်းပေါဝါလော့် (Cephas) ကောင့်ဟဉ်ဆီ အဓိပ္ပါယ်နွိုက်ဝိုက်။န ခတောင့်တဉ်းစောင့်ယေရှု တောင့်ဝ်ခေါင်ဝ်#5:8 တောင့်ဝ်ခေါင်ဝ် အောင်းတောင့်ခေါင်ဝ်ရာဟိုက်လ အောင်းတောင့်ခေါင်ဝ်အင်မစော်ဆီ တော်ဟူခေါင်ဝ်စောင့်ယေရှုပွန့် အောင်းဟိုမွန်း ကုမ့်တိုကော်ဝိုက်။ဆီ “စောင့်၊ ကောလ ပေးကွန်းအပြစ်နမ်ညော့ အောင်းကော ဝိုင့်ဝိုက်ဆီ အောက်ကွာကော်” ဆီ ဝါကော်ဝိုက်။ 9ဟေဟောင်းဆီနယ့်ဝါနောင်နယ့်လပေါဝါလော့် မွန်းတောင်းကွန်းတန်းတီလေန ပါးအောင်းခါဆီနွိုက်လေ နမ်အားကြီးကောညော့ အမ်းမဆိဉ့်ဟင်းကော့်ညော့ဝိုက်။ 10ခနောဝ်မွတ်မနော် အောင်းပေးလကော့်ရှိမုန် အောင်းပေးလုစိုင်းဇေဗေဒဲဆောင်န်ကော့် ယာကုပ်တောင်း ယောဟန်ကော့်ပါဝိုက်။ နောက်လောင်နော့် စောင့်ယေရှုန အောင်းရှိမုန် “ပီကိုး ဆီမေအစောင်စဆီ မဆူန အစားပါး အောင်းကွန်းလေ ဟောင့်ဆီ ဟပေါပေးတပဲ့ကော တနယ့်ဟေဟင်း#5:10 အောင်းကွန်းလေ ဟောင့်ဆီ ဟပေါပေးတပဲ့ကော တနယ့်ဟေဟင်း ရာဖွန်လိငေါင့်ကျမ်းပေါဝါလော့် တနယ့်ဝမ့်အောင်းကွန်းလေဆီ တင့်မ်ဝိုက်။” ဆီ ဝါကော်ဝိုက်။ 11နောက်လောင်နော့် မနော်လေန အောင်းဟေးမနော်လေ ဆွဲခွန့်ခနေကွန်းဆီ ကာအောင်းရောင်းရာမနော်လေတောင်းလုန် ဝေဝိုက်ဆီ တောင်းမွန်းစောင့်တောင်း စောင်းမ်ကွာဟင်းကော်ဝိုက်။
ရောဂါဟဟိုင် အောင်းကွန်းပေးဆမန်ကော်နိမ်
(စောင့်မဿဲ ၈:၁-၄။ စောင့်မာကု ၁:၄၀-၄၅)
12ဝမ်းနိမ်လော့် စောင့်ယေရှုန တကြားအူရာမှိန်းမှိန်းနိမ်လော့် ရာတီဟောန့် ကွန်းပေးဆမန် ကော့်စိုင်းကော်နိမ်ရောင်းဝိုက်။ မွန်းန ဟောန်အောင်းမွန်းစောင့်ကော်နွေ့ဆတ် ရာခနာ့မွန်းစောင့် အိုပို့ဆီ “စောင့်၊ မောအလိုပေါရောင်း အောင်းရောဂါကော ဟဟိုင်ပဲ့ညော့ အောင်းကော ရားဟောင့်ဝ်အီ့” ဆီ ဝါကော်ဝိုက်။ 13ကောပ့်နယ့်ညော့ မွန်းစောင့်န အောင်းမေးမွန်း ရောန်းအောက်ဆီ အောင်းကွန်းဟောန့် ထိဆီ “ကောအလိုရောင်း။ ဟိုင်ကော်” ဆီ ဝါရောင့်ဝ်ကော်လော့် ဆမန်ကွန်းဟောန့်န ချရှ်ချန်း ဟိုင်ကော်ဝိုက်။ 14နောက်လောင်နော့် မွန်းစောင့်န အောင်းကွန်းဟောန့် နောင်နယ့်ဆီ အောင်းအကြောင်းရောဂါဟိုင်ကော်လ အောင်းဖောကော့် ပီကွာလောင်ဝ်ပြားဆီ ဆောင်ရောင့်ဝ် “ကွာရာဂျူးပုရောဟိတ်ဆီ အောင်းမောတောင်းမော ပြားကော်။ ပေါရောင့်ဝ် အောင်းရောဂါမောဟိုင်ကော်လ အောင်းစကွန်းလေ ဟပေါပေးသက်သေ ရာပညတ်ကျမ်းမောရှေ နောင်ပြားဝိုက်ညော့ လောင်အောင်းတနယ့်ကပ်လေ ကွာဟေကော်” ဆီ ဝါကော်ဝိုက်။ 15တော်နယ် သတင်းစောင့်ယေရှုန ဆာဆီပျံ့ကော်ညော့ ကွန်းတောင်းလုန်န ဟပေါနယ့်ထောင်မ် အောင်းမွန်းစောင့်ဟော၊ အောင်းမွန်းစောင့်ဆောန်လေတောင်း ဟပေါနယ့်ရားအောင်းရောဂါမနော်လေညော့ စူးဆီ မားဟင်းဝိုက်။ 16တော်နယ်ကော့် မွန်းစောင့်လ ဟပေါနယ့်ရောန်းဆု ရာတီတောင်းကွန်းလေတောင်းကိုင်းန ကွာဆီ မွန်းစောင့်ပါးနိမ်အင် စန်အောက်ကွာကျဉ်းဝိုက်။
အောင်းအပြစ်လေ ခွင့်လွှတ်ဆီ အောင်းရောဂါလေ အောင်းဟဟိုင်
(စောင့်မဿဲ ၉:၁-၈။ စောင့်မာကု ၂:၁-၁၂)
17ဝမ်းနိမ်လော့် တကြားစောင့်ယေရှုဆောန်ပြားန ဆီမေမန့်အောင်းရောင်း ရာမှိန်းဂါလိလဲ၊ ရာမှိန်းယုဒတောင်း ဆီမေရာမှိန်းဂျေရုဆလင် အောင်းမားဟင်း ဖာရိရှဲ#5:17 ဖာရိရှဲ ဖာရိရှဲဝါလ တောင်းခွမ်းဂရိတောင်း (Pharisaios-ကွန်းခွဲဆီအူလေ)၊ တောင်းခွမ်းဟေဘရူးတောင်းပေါဝါလော့် ကွန်းခွဲဆီအူ၊ ကွန်းအူသီးသန့်ဆီ အဓိပ္ပါယ်နွိုက်။ မေခေတ်စောင့်ယေရှုလ မနော်လေန အနေမွတ်ဘာသာရေးအာဏာရောင်းမွတ်နိမ်တောင်း ကွဉ်းမ်ကွဉ်းမ်အူဆီ တောင်းတန်းမေစောင့်တောင်း လွဲဆီ နောက်လောင်နော့် ပေးကွန်းဟန်ဆောင်ကွန်းဝိုင်ယ်ကွန်းကပ်စောင့်ဖလားလေဟင်းကော်ဝိုက်။လေတောင်း ဆရာကျမ်းစန်လေန ရာခန့်ဟောန့် နှောင်ဆီအူဟင်းဝိုက်။ မေအချီန်ဟောန့် စောင့်ဖလားန အောင်းစောင့်ယေရှု အနာရောဂါကွန်းလေ ဟပေါဟိုင် အစွမ်းလေ ဟောင့်ဝ်ဝိုက်ရောင့်ဝ်ကော်ဝိုက်။ 18မေနယ့်လော့် ကွန်းမောင်းဖောင်လေန အောင်းကွန်းဆိုင်လုမ်းခတ်ကော်နိမ် ခနေဖုတန်ဆီ ဟမ်ဟင်းမားဝိုက်။ မနော်လေန အောင်းကွန်းဟောန့် အောဝ်ခေါင့်ဝ်ခနောဝ်ဟုန်းဆီ ခနာ့စောင့်ယေရှု ဟပေါနယ့်ဝိုင့် ဟေဟင်းဝိုက်။ 19တော်နယ်ကော့် ကွန်းလေနမ်အားကြီးကော်ညော့ ဟပေါနယ့်ခေါင့်ဝ်ခနောဝ်ဟုန်း ခွန်တန်းခါမဟောန်ကော့်ညော့ ခွန့်ခနေခေါင်ဆီ အောင်းမွန်းမ်ဝိုက်လေ ခွာဝေကော်ဆီ အောင်းကွန်းဟောန့်တောင်းအောင်းဖု တောင်းဆိုင်တောင်းမောက်ဆီ အောင်းရောင်းရာခနောဝ်ကြားကွန်းလေ ရာခနာ့စောင့်ယေရှုပွန့် ဆွတ်တိုဟင်းကော်ဝိုက်။ 20အောင်းမနော်ယွန်မ်လ နောင်နယ့်ပွန့်ရောင်ဝ်ဝါလ မွန်းစောင့်ဟောန်ကော်လော့် အောင်းကွန်းဟောန့် “အိုက်ကော့် အောင်းအပြစ်မော ကောခွင့်လွှတ်ကော်” ဆီ ဝါကော်ဝိုက်။ 21မေနယ့်လော့် ဖာရိရှဲလေတောင်း ဆရာကျမ်းစန်လေန “ကွန်းဟိုက်လ အောင်းမွန်းတောင်းမွန်း ဖောဆီထန်ဆီ နောင်နယ့်ဆီ ခွမ်းအောင်းစော်ကားအောင်းစောင့်ဖလားလေ နယ့်တန့်လ။ အောင်းမွန်းတောင်းမွန်း စောင့်ဖလားဆီ ထန်ကျေ့။ ဟေဟောင်းဆီပေါဝါလော့် အောင်းအပြစ်လေ ခွင့်လွှတ်ပဲ့လ စောင့်ဖလားလလွှဲဆီ ဖောကော့်အောင်းဟေပဲ့ မရောင်း” ဆီ စဉ်းစားဟင်းကော်ဝိုက်။ 22တော်နယ်ကော့် မွန်းစောင့်န ခနောဝ်စောဝ်မနော် ထန်နောင်နယ့်ဝါလ ဟုညော့ အောင်းစမနော်လေ “ခနောဝ်စောဝ်မဆူ ဟေဟောင်းဆီ ထန်နောင့်နယ့်လ။ 23‘အောင်းအပြစ်မော ခွင့်လွှတ်ကော်’ ဆီ အောင်းဝါတောင်း၊ ‘မောလုဆီပိုင်းကော်’ ဆီ အောင်းဝါလ အောင်းထောချဉ်းတလွယ်။ 24တော်နယ်ကော့် ကော လူ့သားတော်#5:24 လူ့သားတော် လူ့သားတော်ဝါလ ခရစ်တော်န အောင်းမွန်းတောင်းမွန်း အောင်းစေ နာမယ်။န အောင်းရောင်းခနေကမ္ဘာနောင်နဉ်းဟိုက် အပြစ်တောင်းလုန် အောင်းခွင့်လွှတ်ပဲ့ အာဏာရောင်းဝါလ မဆူတော်ပေါဟု ကောတပြား” ဆီ ဝါကော်ဝိုက်။ နောက်လောင်နော့် မွန်းစောင့်ကော့် အောင်းကွန်းဟောန့် “အောင်းမောကောတဝါ၊ လု၊ အောင်းဖုမောအောင်းဝ်ဆီ ပေါက်ဟုန်းကော်” ဆီ ဝါကော်ဝိုက်။ 25နောင်နယ့်ဆီဝါကော်နွေ့ဆတ် ချရှ်ချန်း ကွန်းဟောန့်န ခနာ့ကွန်းလေ စိန်ကော်ဝိုက်။ မွန်းန အောင်းဖုမွန်း ကျေပ်ရောင့်ဝ် အောင်းစောင့်ဖလား ချီးမွမ်းဆီ ပေါက်ဟုန်းကော်ဝိုက်။ 26ကွန်းတောင်းလုန်ကော့် အိုက်အမ်းဟင်းဟင်းကော်ဆီ “ဝမ်းနယ့် အောင်းခနီးအမ်းလေ ဟောနယ့်ဟောန်မားကော်” ဆီ ဝါဟင်းရောင့်ဝ် အောင်းစောင့်ဖလား ချီးမွမ်းဟင်းကော်ဝိုက်။
လိတ်အောင်းလေဝိ
(စောင့်မဿဲ ၉:၉-၁၃။ စောင့်မာကု ၂:၁၃-၁၇)
27အဖြစ်ပျက်ဟောန့်လေ ပေးရောင့်ဝ်ကော့်လော့် စောင့်ယေရှုလ ဆီမေတီဟောန့် အောက်မားကော်ဆီ လေဝိ#5:27 လေဝိ နာမည်မွန်း အောင်းတန်းတီန “မဿဲ” ဆီ စေဝိုက်။ဆီအောင်းစေ ကွန်းကျေပ်ကာကော်နိမ် နှောင်ဝိုက်ရာခနောဝ်ထိန်ကျေပ်ကာလ ဟောန်ကော့်လော့် အောင်းကွန်းဟောန့် “အနေတပဲ့ကောတောင်း စောင်းမ်မားခလောင်ကော” ဆီ ဝါကော်ဝိုက်။ 28မေနယ့်လော့် လေဝိလ ကာအောင်းရောင်းလေဝေဆီ စောင်းမ်ကော်ခလောင်စောင့်ယေရှုကော်ဝိုက်။ 29နောက်လောင်နော့် လေဝိန ရာဟုန်းမွန်း အောင်းစစောင့်ယေရှုတောင်း အောင်းစတပဲ့မွန်းလေ ပွဲကျဉ်းခေါင်ဝ်မားခမ်လုန် မဲဟောင့်ဝ်ကော်ဝိုက်။ အောင်းကျန်ကွန်းကျေပ်ကာလေတောင်း စောင့်ချိုက်လေကော့် ရာပွဲကျဉ်းခေါင့်ဝ်မားခမ် ထီန်ဟင်းမားဆီ ကျဉ်းနွေ့ဟင်းကော်ဝိုက်။ 30မေနယ့်လော့် ဖာရိရှဲလေတောင်း ဆရာကျမ်းစန်လေန “မဆူလေန တောင်းကွန်းကျေပ်ကာလေတောင်း၊ အောင်းကျန်ကွန်းအပြစ်ရောင်းလေတောင်း ဟေဟောင်းဆီ နယ့်ကျဉ်းနွေ့ဟင်းန” ဆီ အောင်းစောင့်ယေရှုတောင်း အောင်းတပဲ့မွန်းစောင့်လေ တန်အပြစ်ဆီ ကဲ့ရဲ့ဟင်းဝိုက်။ 31မွန်းစောင့်ဖြေပေါက်ကော်လ “ကွန်းအူနီးလ အောင်းစောင့်ထိုးရ သလိုမစော်။ ကွန်းမအူနီးနဲဟော် သလိုဟော။ 32နောင်နယ့်ကျဉ်းနော့် ကောလ အောင်းစောင့်ကောင်ဝ်တောင်းကောင်ဝ် ကွန်းနီးဆီ အောင်းကွန်းစောင့်ထန်လေ ဟပေါနယ့်ဟောင့်ဆီ ကောမားမစော်။ အစားအနယ့်လ အောင်းစောင့်ကောင်ဝ်တောင်းကောင်ဝ် ပေးကွန်းအပြစ်ရောင်းဆီ အောင်းကွန်းစောင့်ဟုလေနဲဟော် ဟပေါနယ့်ဟောင့် ကောမား” ဆီ ဝါကော်ဝိုက်။
တောင်းရှောင်အောင်းကျဉ်းတောင်းအောင်းဆိုင် မေးခွန်းတူးနိမ်
(စောင့်မဿဲ ၉:၁၄-၁၇။ စောင့်မာကု ၂:၁၈-၂၂)
33နောက်လောင်နော့် မနော်လေန အောင်းမွန်းစောင့် “ရေနှစ်မင်္ဂလာဆရာယောဟန်တောင်း တပဲ့မွန်းလေန အောင်းကျဉ်းရှောင်ဆီ အကျင်မ်ကျင်မ် ရောန်းဆုဟင်း။ တပဲ့ဖာရိရှဲလေကော့် နောင်နယ့်ကျဉ်းနော့် ဟေဟင်း။ တော်နယ်ကော့် တပဲ့မောစောင့်လေန ကျဉ်းကော်ဆို့ကော် အူဟင်းဆီ နောင်ပွန်ဆီ ဟေဟောင်းဆီ အောင်းကျဉ်းမရှောင်ဟင်းန” ဆီ ထန်မ်ဟင်းကော်ဝိုက်။ 34မွန်းစောင့်ကော့် “စောင့်ချိုက်အောင်းမားရာပွဲခေါင်းချိုက်လေန မေတောင်းမောဝ်ထောင့်ဝ်မောဝ်တောင်း မေအူနွေ့ဟင်းန အောင်းကျဉ်းတဟရှောင်ဟင်းလေး။ နောင်နယ့်ဆီ ဖောကော့် အောင်းတဟေဟင်းမစော်။ 35တော်နယ် အောင်းမောဝ်ထောင့်ဝ်မောဝ်ဟောန့် ဆီမေမနော် အချီန်ဟောင့်ထီန်မားကော်လော့် မနော်လေန အောင်းကျဉ်းတရှောင်ဟင်း” ဆီ ဝါကော်ဝိုက်။ 36နောက်လောင်နော့် မွန်းစောင့်လ အောင်းစမနော် ပွန်ဥပမာတောင်း လောင်ဝ်ပြားကော်လ “ဖောကော့် ပဉ်ဖအောင်းမောဝ်စိုက်ဆီ ရာဖအောင်းကောင်ဝ် ရာအောင်းစိုက် အောင်းတစပ်ဟင်းမစော်။ နောင်နယ့်ဆီပေါစပ်ကော်ကော့် ပဉ်ဖအောင်းမောဝ်လ စိုက်ဆီမကား ပဉ်ဖအောင်းမောဝ်အောင်းစပ်ဝိုက်ကော့် တောင်းပဉ်ဖအောင်းကောင်ဝ်တောင်း တလိုက်ကော့်မစော်။ 37ဖောကော့် အောင်းဝိုင်အစ်အောင်းမောဝ် အောင်းတောင်းနောင်တောင်းဟေဝိုက် ခနောဝ်အိအောင်းကောင်ဝ် တဆောင်ဝ်ဟင်းမစော်။ ဟောင်ပေါဆောင်ဝ်နောင်နယ့်လော့် ဝိုင်အစ်အောင်းမောဝ်လ အောင်းတောင်းနောင်တောင်းဟေဝိုက် အောင်းအိကောင်ဝ်ဟိုက် ဟပေါင်ဆီ ဝိုင်အစ်ကော့် မာဆီ အောင်းတောင်းနောင်တောင်းဟေဝိုက် အိကောင်ဝ်ကော့် တပျတ်စီးဝိုက်။ 38ကောပ့်နောင်နယ့်ညော့ အောင်းဝိုင်အစ်အောင်းမောဝ် အောင်းတောင်းနောင်တောင်းဟေဝိုက် ခနောဝ်အိအောင်းမောဝ်နဲဟော် ဆောင်ဝ်ဟော။ 39ကွန်းဆို့ရောင့်ဝ်အောင်းဝိုင်အစ်ကောင်ဝ်လ ‘ဝိုင်အစ်အောင်းကောင်ဝ်နဲဟော် ဆာဆီနီး’ ဆီ ဝါဆီ အောင်းဝိုင်အစ်အောင်းမောဝ် တခဆို့ကော့်မစော်” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.