စောင့်လုကာ 12
12
ဟောင့် (၁၂)
အောင်းကွန်းလေ တနယ့်အူနောင်နူးဝါလ စောင့်ယေရှုဆောန်ဟောင့်ဝ်
(စောင့်မဿဲ ၁၀:၂၆-၂၇)
1မေအချီန်ဟောန့် ကွန်းဖွန်မကျေးမလေန စူးဟင်းမားညော့ ကော်နိမ်တောင်းကော်နိမ် နောင်သရေစပ်တော်ဟင်းကော် ပေးဟင်းဝိုက်။ မွန်းစောင့်န အောင်းတပဲ့မွန်းလေ ဝါအောင်တိုင်းကော်လ “နောင်တဆေး#12:1 တဆေး တဆေးဝါလ ဟောင်ပေါဟေခေါင့်ဝ်မွန်း ပေါင်းဆီဟပေါရောင်ဝ် ပေးရာ့အောင်းဆောင်ဝ်မျိုးနိမ်ဆီ ရာတီဟိုက် အောင်းဖာရိရှဲလေယောင်ဆောင်န နောင်တဆေးညော့ အောင်းကွန်းလေ စပ်ဆီအကြောင်းစန်ပြန့် ခဝါဝိုက်။ဆီ အောင်းဖာရိရှဲလေ ယောင်ဆောင်ကွန်းနီးလေ ဟေအလေးဆီ ရှောင်ဟင်း။ 2အောင်းလောက်ဆိဉ်ဆီနွိုက်ဝါလ မရောင်း။ အောင်းဟောန့်လေန ဟာနိမ်မစော်ဟာနိမ် နယ့်ပေါ်အောက်ကျဉ်းနော့်။ 3ကောပ့်နယ့်ညော့ ရိန်းစမ့်စမ့်အင် ကာအောင်းမဆူတန့် ခနောဝ်နပ်ဆိဉ်လေကော့် ခနောဝ်အောင်းလိန်း တနယ့်ဟဉ်းဟင်း။ နာ့ဆတ်ပ်တူးဟုန်း တော်ပေါလွန်အပ်ဆီ ရိန်းစမ့်စမ့်အင် ကာအောင်းတန့်ကော့် ခွန့်ခနေခေါင်ဆီ နောင်စေကျဉ်းနော့်တပေး” ဆီ ဝါကော်ဝိုက်။
ကွန်းအောင်းတနယ့်ကိုး
(စောင့်မဿဲ ၁၀:၂၈-၃၁)
4နောက်လောင်ဟာနိမ် မွန်းစောင့်န “အိုက်ကော့်လေ၊ ကောခဝါအောင်းမဆူလေန အောင်းကွန်းတအောင်းဝ်သိုင်း အောင်းတိုးမဆူလေ စနီးနီးကိုး မလို။ မနော်လေန အောင်းတိုးမဆူနဲဟော် အောင်းဝ်သိုင်းပဲ့မေကော့် အောင်းကျန်အောင်းထောကော့် မနော်မအောင်းဝ်သိုင်းပဲ့။ 5တော်နယ်ကော့် အောင်းမဆူတနယ့်ကိုးလ စောင့်ဖလားပါးနိမ်နဲဟော်။ စောင့်ဖလားလ အောင်းအဆတ်မဆူ အောင်းဝ်သိုင်းပဲ့ဆီမကား တော်ပေါထီန်ငလိုင်းကော့် အခွင့်အာဏာအောင်းဟွတ်ခေါင့်ဝ်ပဲ့လေ ရောင်း။ ကောပ့်နယ့်ညော့ အောင်းစောင့်ဖလားနဲဟော် မဆူတနယ့်ကိုးလ။ 6အောင်းနုတ်ပလီ#12:6 နုတ်ပလီ နုတ်ပလီဝါလ မေခေတ်ဟောန့် အောင်းကွန်းဖန်လေကျဉ်း နုတ်မျိုးနိမ်ဝိုက်။ဟာ့တူး တောင်းအဿရိဒင်္ဂါးဆောင်န်ဖတ်#12:6 အဿရိဒင်္ဂါးဆောင်န်ဖတ် ဝမ်းနိမ်တောင်းကာဟေလောင်တောင်းအောင်းတူ ငွန်း၁၆ပွန်န ပွန်နိမ်တောင်းအောင်းညီ ငွန်းရောမဝိုက်။တောင်း ခိုင်ဟင်းလ မဆူမဟုဟင်းလေး။ တော်နယ်ကော့် စောင့်ဖလားလ အောင်းနုတ်ပလီတူးနိမ်ကိုးသကော့် မလိဉ်းမ်။ 7စောင့်ဖလားလ ခေါင်ဟိုအောင်းခနေဟိုမဆူ ခလောဆိန့်ရောင်းဝါလ ဟုညော့ မဆူပီကိုးဟင်း။ မဆူလေန နောင်နုတ်ပလီလေမကား ခေါန်ရောင်း” ဆီ ဝါကော်ဝိုက်။
ဝန်ခမ် အောင်းခရစ်တော်
(စောင့်မဿဲ ၁၀:၃၂-၃၃။ စောင့်မဿဲ ၁၂:၃၂။ စောင့်မဿဲ ၁၀:၁၉-၂၀)
8မွန်းစောင့်လ ဆက်ဆီ “ကောတဝါအောင်းမဆူ။ အနေတပဲ့ကောတောင်း ရာခနာ့ကွန်းလေ ကွန်းဝန်ခမ်လ အောင်းပေးလူ့သားတော် ကောကော့် ခနာ့ဖီဒေဝါစောင့်ဖလားလေ ကွန်းဟောန့်လ အကြောင်းပေးတပဲ့ကော ကောတဝန်ခမ်။ 9တော်နယ်ကော့် အောင်းကော ခနာ့ကွန်းလေ တပဲ့ကောမစော်ဆီ ဟောင်ပေါဝါလော့် အောင်းကွန်းဟောန့် ခနာ့ဖီဒေဝါစောင့်ဖလား တပဲ့ကောမစော်ဆီ ကောတဝါ။ 10အောင်းလူ့သားတော် ကွန်းစောင့်စော်ကားဆီတန့်လ စောင့်ဖလားန ခွင့်လွှတ်ပဲ့မေကော့် ဟောင်ပေါစော်ကား အောင်းဉာဏ်အလင်းတော်မွန်းစောင့်လော့် အောင်းတခွင့်လွှတ်မစော်။ 11အောင်းစမဆူ ရာတလားစလပ်လေ၊ ရာခနာ့ကွန်းရောင်ဝ်ကွန်းလုန်လေတောင်း ရာခနာ့ကွန်းအုပ်ချုပ်လေ ဟပေါနယ်စီရင်ဆီ အောင်းဟောင့်ဟောင်ပေါနယ့်ခမ်ကော့် တနယ့်တန့်ပေါက်နောင်နူးဝါလ ပီးကြာပါဟင်း။ 12မေအချီန်ဟောန့်န မဆူတနယ့်တန့်ပေါက်နောင်နူးဝါလ ဉာဏ်အလင်းတော်လ တဆောန်ဟောင့်ဝ်” ဆီ ဝါကော်ဝိုက်။
လောဖားဟပေါမရောင်ဝ် စောင့်ယေရှုဆောန်ပြား
13နော်လောင်နော့် ဆီမေခနောဝ်ကွန်းဖွန်လ ကွန်းကော်နိမ်န “ဆရာ၊ အောင်းပေါ်ဟောဝိုင့်ဝိုက် အမွေလေ အောင်းစဟော ဟပေါမိုင်ဟောင့်ဝ် အောင်းစပီစိုင်းကော ကွာဝါဟောင့်ဝ်အီ့” ဆီ အောင်းမွန်းစောင့် ဝါကော်ဝိုက်။ 14မေနယ့်လော့် မွန်းစောင့်န “အိုက်ကော့်၊ အောင်းအမွေမဆူလေ ဟပေါနယ့်မိုင်ဟောင့်ဝ် အောင်းစကော အနေတလားသူကြီးမဆူတောင်း ဖောစောင့်ဝိုက်” ဆီ ဝါပေါက်ကော်ဝိုက်။ 15နောက်လောင်နော့် မွန်းစောင့်လ ဆက်ဆီ အောင်းကွန်းဖွန်လေ “ပီလောဖားဟင်း။ အဆတ်မဆူလ ခနေပစ္စည်းဥစ္စာလေ အခြေခမ်ဝိုက်မစော်ဝါလ ဟေအလေးဟင်း” ဆီ ဝါကော်ဝိုက်။ 16နောက်လောင်နော့် စောင့်ယေရှုလ အောင်းကွန်းဖွန်လေ တောင်းပွန်ဥပမာပုဒ်နိမ်တောင်း လောင်ဝ်ပြားကော်လ “မေဟာနိမ်လော့် ဆဌေးကော်နိမ်လ ရာတုန်နားမွန်း မတ်မိုက်မတ်တောက်လေ အိုက်အောက်ညော့ 17မွန်းန ‘အောင်းမတ်မိုက်မတ်တောက်ဟိုက်လေ စနီးဝိုက်တီကော့်မရောင်းကော့်ညော့ ကောတနယ့်ဟေနောင်နူး’ ဆီ စဉ်းစားဆီအူဝိုက်။ 18နောက်လောင်နော့် မွန်းန ‘ကောတနယ့်ဟေနောင်နူးဝါလ ကောဟုကော်။ အောင်းရေးခေါင့်ဝ်ကောအောင်းကောင်ဝ်လေ ဖျတ်ဆီ အောင်းတအောက်မား ခေါင့်ဝ်လေတောင်း ပစ္စည်းလေတောင်းလုန် ဟပေါနယ့်ဆိဉ်း ဆာဆီရေးခေါင့်ဝ်အောင်းရောင်ဝ် တတောင့်။ 19နောင်နယ့်ပေါဝါလော့် ကောလ အတွုက်ပီးနော်ကော့်ခရောင့်ဝ် အောင်းလိုလေ ဆိဉ်းဝိုက်ရောင့်ဝ်ကော်ညော့ စနီးဟေလောင်မလိုဆီ ဆတ်ဆတ်ဆာဆာ ဆောင်းဝ်ဆီ ကျဉ်းကော်ဆို့ကော်ဆီ ဟောင်မ်ဟောင်မ်စွုမ်းစွုမ်း တအူကော့်’ ဆီ စဉ်းစားကော်ဝိုက်။ 20တော်နယ်ကော့် စောင့်ဖလားလ အောင်းမွန်း ‘မောလ ကွန်းဆောပ်ကျဉ်းနော့်။ ကမ်းခမ်စောင် မောတနယ့်သိုင်းကော့်။ ကောပ့်နယ့်ညော့ အောင်းမောစူးဝိုက်လေ တထီန်ခနောဝ်မေးပွန်ကော့်’ ဆီ ဝါကော်ဝိုက်။ 21အနယ့်လ အောင်းချမ်းသာ ခနာ့စောင့်ဖလားမစော်ဆီ အောင်းစောင့်ကောင်ဝ်နဲဟော် ဥစ္စာပစ္စည်းလေ စူးဆီ အောင်းစောင့်ကောင်ဝ်တောင်းကောင်ဝ် ချမ်းသာဆီ ကွန်းစောင့်ထန်လေ အောင်းတနယ့်ကြုံ” ဆီ ဝါကော်ဝိုက်။
အောင်းကြာပါလေရပ်ဆီ အောင်းစောင့်ဖလား ယွန်မ်ဟင်း
(စောင့်မဿဲ ၆:၂၅-၃၄)
22နောက်လောင်နော့် စောင့်ယေရှုလ အောင်းတပဲ့မွန်းလေ “ကောပ့်နယ့်ညော့ အောင်းမဆူကောခဝါလ အဆတ်မဆူဟပေါခွန်း တနယ့်ကျဉ်းအဟောင်း။ အောင်းစတိုးမဆူ တနယ့်နွန်အဟောင်းဝါလ ပီကြာပါဟင်း။ 23ဟေဟောင်းဆီပေါဝါလော့် အဆတ်န ဆာဆီအောင်းကျဉ်း ချဉ်းအရေးရောင်ဝ်မစော်လေး။ တိုးန ဆာဆီဆေဖ ချဉ်းအရေးရောင်ဝ်မစော်လေး။ 24အောင်းနုတ်လကားလေ တွဲကော်နူ။ မနော်လေန မနယ့်ပွတ်၊ မနယ့်ပတ်ဆီမကား အောင်းစဆောင်ဝ် ရေးခေါင့်ဝ်ကော့်မရောင်း။ နယ့်ကိုးသကော့် စောင့်ဖလားလ အောင်းစမနော် လိမ့်ဟောင့်ဝ်ဝိုက်။ မဆူလေန ဆာဆီနုတ်လေမကား ခေါန်ရောင်းမစော်လေး။ 25ကောပ့်မဆူကြာပါဆီ အဆတ်မဆူမောင်းနိမ် ဆာဆီဟူဟူ နယ့်အူလေး။ 26မဆူလေန လောင်အောင်းဆေးအင်ကော့် ပေါမဟေပဲ့လော့် စလောင်အောင်းတန်းတီလေ ဟေဟောင်းကွာပူပန်ဟင်းန။ 27အောင်းမောက်ရထိန်လေ တွဲကော်နူ။ မနော်လေန လောင်ကော့် မဟေဟင်း။ ဆေလေကော့် မယပ်ဟင်း။ တော်နယ် အောင်းမဆူကောခဝါလ မေတန်ဟာ စည်းစိမ်လေ အောင်းရောင်းမား အောင်းစောင့်ခွန်ဟော်ခမ်းရှောလမုန်နွန် ဆေဖအောင်းနီးလေန နောင်မောက်ရထိန်လေကိုးသကော့် မဆန်း။ 28အို ကွန်းစောင့်ယွန်မ်အိအိအင်လေ၊ စောင့်ဖလားန အချီန်အောင့်အောင့်အင်ဟော် အဆတ်ခွန်းဆီ နောက်လောင်ဝမ်းနိမ်လော့် တနယ့်ခမ်အောင်းဆောင်ဝ်ခေါင့်ဝ်ခနောဝ်ဖိုင်း အောင်းမိရလေကိုးသကော့် ဟပေါဆန်း ဖန်စန်းမားအွန်န အောင်းမဆူပေါဝါလော့် နောင်နယ့်မကား ဆာဆီတဖန်စန်းဟောင့်ဝ်မစော်လေး။ 29တနယ့်ကျဉ်းအဟောင်းဝါလ ပီပူပန်ဟင်း။ 30ကွန်းမဟုအောင်းစောင့်ဖလားလေနဲဟော် နောင်နယ့်ဆီ ကူမေ့ နယ့်ပူဟင်းန။ စောင့်ဖလားအောင်းရာမှိန်းခမ်းလ မဆူလိုအောင်းဟောန့်ဝါလ ဟုညော့ မဆူစနီးပူပန်လို။ 31ကောပ့်နယ့်ညော့ အောင်းသာသနာတော်စောင့်ဖလားနဲဟော် အရေးဝိုက်ဆီ ဟေဟင်း။ နောင်နယ့်ဟောင်ဝါမှ အောင်းမဆူလိုလေတောင်းလုန် စောင့်ဖလားလ တဟေဟောင့်ဝ်” ဆီ ဝါကော်ဝိုက်။
ဘဏ္ဍာတိုက် အောင်းရာမှိန်းခမ်း
(စောင့်မဿဲ ၆:၁၉-၂၁)
32နောက်လောင်ဟာနိမ် မွန်းစောင့်လ “ဖွန်တိုးအောင်#12:32 ဖွန်တိုးအောင် ဖွန်တိုးအောင်ဝါလ ခဝါအောင်းတပဲ့တော်လေဝိုက်။လေ ပီကိုးဟင်း။ ဟေဟောင်းဆီပေါဝါလော့် စောင့်ဖလားန အောင်းသာသနာတော်စောင့်ဖလား ဟပေါနယ့်ဟောင့်ဝ်အောင်းစမဆူ အလိုရောင်း။ 33ပစ္စည်းမဆူ ကာအောင်းရောင်းလေ ခိုင်ဆီ အောင်းကွန်းဖန်လေ ဟောင့်ဝ်ကော်။ ထုန်ဝ်အောင်းမစန်နောက်လေ ဟေဟင်းဆီ အောင်းရတနာပစ္စည်းမဆူလေ ရာဖလောက်လေမထီန်၊ ရာမိုလေမိုင်းလေ အောင်းမဖျတ်ပဲ့ ရာမှိန်းခမ်းဟောန့် ဆိဉ်းဝိုက်ဟင်းကော်။ 34ဟေဟောင်းဆီပေါဝါလော့် စောဝ်မဆူလေကော့် ရာပစ္စည်းမဆူလေရောင်းနဲဟော် စန်ထီန်ဟင်းညော့” ဆီ ဝါကော်ဝိုက်။
ခအောင်း ဆတိရောင်း
35မွန်းစောင့်လ ဆက်ဆီ “မဆူလေန အောင်းဖာ့ဟတ်အိုင် ကွဉ်းမ်ကွဉ်းမ်ဟတ်ဆီ#12:35 အောင်းဖာ့ဟတ်အိုင် ကွဉ်းမ်ကွဉ်းမ်ဟတ်ဆီ ဖာ့ဟတ်အိုင်ကွဉ်းမ်ကွဉ်းမ်ဟတ်ဆီဝါလ မေခေတ်ဟောန့် ကွန်းဂျူးလေန တော်တားတဉ်းပွန့် အောင်းရောင်း ဆေလုန်လေ စန်နွန်ဟင်းဝိုက်။ အောင်းဆေလုန် တော်လောင်အိုင်ပွန့်မတန်ဆီ ဟပေါနယ့်ချိဝိုက် အောင်းဖာ့ဟတ်အိုင် ဆွန်းကော်ညော့ နီးနီးငမ်းငမ်း ကွာပဲ့မားပဲ့ဝိုက်။ အောင်းကလောက်ဖိုင်း အဆင်သင့် စပ်ဆီ အချီန်အောင်းစောင့်သပေါက်မား နောင်ခကော်နိမ်ဆီ ထဆီ အူဟင်း။ 36နောင်နယ့်ဟောင်ဝါမှ စောင့်န ဆီမေပွဲခေါင်းချိုက် ပေါက်မားဆီ ဟောင်ပေါမားခေါက်နာ့ဆပ်တူးလော့် ချရှ်ချန်း လုဆီ တပူဟောင့်ဝ်ပဲ့။ 37စောင့်မနော်လ အောင်းမွန်းပေါက်မား တောင်းဆတိတောင်း အောင်းခအောင်းထထလေ ဟောန်ကော်လော့် ခဟောန့်လ အိုက်တကမ်နီး။ ကောဟောင်တနယ့်ဝါအောင်းစော်ပေါဝါလော့် စောင့်န အောင်းခါးပတ် ပတ်ဆီ အောင်းခဟောန့်လေ ရာစားပွဲဟနှောင်ဆီ ခေါင်ကျဉ်းခေါင်ဝါလေ တလိမ့်ဟောင့်ဝ်။ 38စောင့်န အချီန်ကန်းခွန်းကော့်ခရောင့်ဝ်၊ အချီန်ဖတကောင့်ဝ်လိန်းကော့်ခရောင့်ဝ် ဟောင်ပေါပေါက်မားလော့် အောင်းခအဆင်သင့်ပေးထ စောင့်န ဟောင်ပေါနယ့်ခေါက်ပ်ကော်လော့် ခဟောန့်န အိုက်တကမ်နီး။ 39အောင်းဟိုက်ပါ စမ်းစဉ်းစားနူ။ ဖလောက်မေနောတမားဝါလ ဟောင်ပေါဟုထ စောင့်ဟုန်းန တအူနိုးနိုးကြားကြားညော့ ဖလောက်န ခနောဝ်ဟုန်း ခေါင့်ဝ်ဆီ လောက်ဆီအောင်းတနွိုက်မစော်။ 40ကောပ့်နယ့်ညော့ မဆူလေကော့် ကူမေ့ အဆင်သင့် မဲထဟင်း။ ဟေဟောင်းဆီပေါဝါလော့် အောင်းပေးလူ့သားတော် ကောန အချီန်မဆူမထန် တကြွပေါက်မားညော့” ဆီ ဝါကော်ဝိုက်။ 41မေနယ့်လော့် ပေတရုလ အောင်းစောင့်ယေရှု “စောင့်၊ ပွန်ဥပမာအောင်းထိုင့်လ ဝါအောင်းစဟောနဲဟော်လေး။ နယ့်ပေါမစော် ဝါအောင်းကွန်းတောင်းလုန်လေး” ဆီ ထန်မ်ကော်ဝိုက်။ 42မေနယ့်လော့် “စောင့်ယေရှုလ ရာဟုန်းစောင့် သစ္စာရောင်းဆီ အောင်းပညာရောင်း တောင်းမန်နေဂျာတောင်းအောင်းတူ အောင်းမောတောင်း အောင်းကွန်းတန်းတီလေတောင်းလုန် ကောနယ့်ဝါနောင်နယ့်လ။ စောင့်မွန်းလ ရာဟုန်းမွန်း အောင်းခတန်းတီလေ ဟပေါနယ့်အုပ်ချုပ်တောင်း အောင်းခေါင်ကျဉ်းလေ အချီန်မွန်းတောင်းမွန်း ဟပေါနယ့်လိန့် စောင့်ဝိုက်ရောင့်ဝ်ကော်လော့် စောင့်လ အောက်ပိုင်းတန်းရာတီအောင်းကိုင်းကော်ဝိုက်။ 43အချီန်စောင့်မွန်းပေါက်မား ခဟောန့်န အောင်းလောင်မွန်း နီးနီးငမ်းငမ်း အောင်းဟေ ဟောင်ပေါခေါက်ပ်ကော်လော့် ခဟောန့်န အိုက်ကမ်နီး။ 44ကောခဝါအောင်းစော်အောင်းမဆူလ၊ စောင့်လ ပစ္စည်းအောင်းရောင်းရာမွန်းလေတောင်းလုန်ကော့် အောင်းခဟောန့် အပ်ဆီ တဟတွဲနွေ့။ 45တော်နယ်ကော့် ခဟောန့်လ ‘စောင့်ကော အောင်းတပေါက်မားအွန်မစော်’ ဆီ ထန်ဆီ အောင်းခတန်းတီလေ တင်ဆီ ဆိုလောင်ဝ်ဆိုကမ်းဆီ ဟောင်ပေါအူလော့် 46စောင့်ခဟောန့်န အချီန်ဝမ်းမွန်းမထန် ထီန်မားဆီ အောင်းစမွန်း ဟောင့်ဝ်အပြစ်လုန်ဆီ တောင်းကွန်းသစ္စာမရောင်းလေတောင်း တဟအူနွေ့ဟင်း။ 47အောင်းစောင့်မွန်းလိုလေ ဟုဆီ ခအောင်းမမဲဝိုက်၊ ခအောင်းမဟေဝိုက်လ အောင်းတင်ကြမ်းကြမ်း တနယ့်ခမ်။ 48တော်နယ်ကော့် အောင်းအလိုစောင့် မဟုဆီ ခအောင်းဟေဖစ်ပေါဝါလော့် စောင်နိန်နဲဟော် အောင်းဟောင့်ဝ်အပြစ် တနယ့်ခမ်ဟော။ ဆီမေကွန်းနမ်နမ်နွိုက်ဝိုက်လ နမ်နမ်အောင်းရောန်းတနယ့်ခမ်။ ဆီမေကွန်းနမ်နမ်အပ်ဝိုက်လ ဆာဆီနမ်နမ်တရောန်းဟင်း” ဆီ ဝါကော်ဝိုက်။
အောင်းစငြိမ်းချမ်းရေးမစော်
(စောင့်မဿဲ ၁၀:၃၄-၃၆)
49နောက်လောင်ဟာနိမ် မွန်းစောင့်လ “ကောန အောင်းစကမ္ဘာနောင်နဉ်းဟိုက် အောင်းဝ်မားအောင်းဖိုင်း။#12:49 ကောန အောင်းစကမ္ဘာနောင်နဉ်းဟိုက် အောင်းဝ်မားအောင်းဖိုင်း။ ကောလ အောင်းစလောကဟိုက် အောင်းဝ်မားအောင်းဖိုင်းဝါလ အောင်းအပြစ်ကွန်းလေ တောင်းဖိုင်းတောင်း ဟပေါနယ့်စီရင်တလား၊ အောင်းကွန်းလေ ဟပေါနယ့်ခွဲခြား နယ့်မားဝိုက်။ စောင့်ဖလားလ အောင်းကွန်းလေ အချီန်ဟပေါနယ့်စီရင် အောင်းစရောင့်ဝ်နဲဟော် ကောအလိုရောင်းဝ်။ အောင်းတီဟိုက် တော်ပေါပေးအောင်းဖိုင်းမိုက်ရောင့်ဝ်ကိုးသကော့် ကောအလိုရောင်း။ 50တော်နယ်ကော့် ကောန မဟူခွေတ် ရေနှစ်မင်္ဂလာတူးနိမ် တနယ့်ခမ်အွန်။ တော်အချီန်အောင်းဟောန့်လေမရောင့်ဝ်အွန်ပွန့် ကော အောင်းစောဝ်ဒုက္ခ တနယ့်ခမ်အွန်။ 51ကောန အောင်းကမ္ဘာနောင်နဉ်းဟိုက် ဟပေါငြိမ်းချမ်းဆီ မားဆီထန်ဟင်းလေး။ နောင်နယ့်မစော်။ အောင်းမဆူကောတဝါ ကောန အောင်းကွန်းလေ ဟပေါနယ့်ခွဲခြားဆီ ကောမား။ 52ဆီမေအစောင်စဆီ ဟုန်းစောင့်ဟုန်းဟာ့ကော့်ရောင်းလ ကွန်းဆမ်ကော့်န အောင်းကွန်းဆောင်န်ကော့်ကော့်ခရောင့်ဝ်၊ ကွန်းဆောင်န်ကော့်န အောင်းကွန်းဆမ်ကော့်ကော့်ခရောင့်ဝ် အချန်းချန်း ဆန့်ကျင်ဆီ တကွဲပြားဟင်း။ 53ပေါ်တောင်းလုစိုင်း၊ မယ်တောင်းလုဆောင်ဝ်၊ မယ်စောင့်တောင်းလုပေါင့်ဝ်ကော့် အချန်းချန်း ဆန့်ကျင်ဆီ တကွဲပြားဟင်း” ဆီ ဝါကော်ဝိုက်။
အောင်းဟုထောင်မ် အချီန်
(စောင့်မဿဲ ၁၆:၂-၃)
54နောက်လောင်နော့် စောင့်ယရှုလ အောင်းကွန်းဖွန်လေ “မဆူလေန ဆီမေဝမ်းတို အောင်းချီဖလေခွန့်မား ဟောင်ပေါနယ့်ဟောန် ဖွန်သတိုကော့်ဆီ ချချန်း စန်ဝါဟင်း။ နောင်မဆူဝါကျဉ်းနော့် ပေးမား။ 55တောင်းပါ့နာ့စမ်း ဖပေါလုန်းမားကော့် တနေမားကော့်ဆီ စန်ဝါဟင်း။ နောင်မဆူဝါကျဉ်းနော့် ပေးမား။ 56ကွန်းယောင်ဆောင်ကွန်းနီးလေ၊ မဆူလေန အောင်းတောင့်ဖတောင်း အောင်းနောင်နဉ်းတွဲဆီ နာ့ဖနာ့ဖုန်လေ မဆူခန့်မှန်းပဲ့မေကော့် အချီန်အစောင် ပေးအဟောင်းလေဆီအူဝါလ ဟေဟောင်းဆီ ခွဲခြားဆီ မဟုပဲ့ဟင်းန။ 57မဆူလေန ဟပေါနယ့်ဟေအောင်းစော်လေ လိတ်ဆီဟပေါနယ့်ဟေ အောင်းစောင့်ကော်ဝ်တောင်းကော်ဝ် ဟေဟောင်းဆီ မဆုံးဖြတ်ပဲ့ဟင်းန။ 58ကွန်းကော်နိမ်မကော်နိမ်လ အောင်းစမော တလားစွဲဆီ ဟောင်ပေါဟောင့်ကော်ရာတလားရုံးလော့် ရာခွန်တန်းကွာဟောန့် ညှိဟင်းဆီ ဟပေါကျေအေး ဟေဟင်း။ နောင်နယ့်ပေါမစော် မွန်းန အောင်းစမော ဟောင့်ကော်ရာတလားသူကြီးကော်ညော့ တလားသူကြီးလ အောင်းစမော အပြစ်ရောင်းဆီ သတ်မှတ်ရောင့်ဝ် ခနောဝ်မေးရဲလေ အပ်ဆီ အောင်းစမော တဆောင်ဝ်ခေါင့်ဝ်ထောင်။ 59ကောဟောင်တနယ့်ဝါပေါလော့် အကြွေးအောင်းမောတနယ့်ဟောင့်ဝ်လေတောင်းလုန် ကာမဆိုင့်ပေါက်ပဲ့လ မောန ဆီမေခနောဝ်ထောင် အောင်းတနယ့်အောက်မစော်” ဆီ ဝါကော်ဝိုက်။
Právě zvoleno:
စောင့်လုကာ 12: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 12
12
ဟောင့် (၁၂)
အောင်းကွန်းလေ တနယ့်အူနောင်နူးဝါလ စောင့်ယေရှုဆောန်ဟောင့်ဝ်
(စောင့်မဿဲ ၁၀:၂၆-၂၇)
1မေအချီန်ဟောန့် ကွန်းဖွန်မကျေးမလေန စူးဟင်းမားညော့ ကော်နိမ်တောင်းကော်နိမ် နောင်သရေစပ်တော်ဟင်းကော် ပေးဟင်းဝိုက်။ မွန်းစောင့်န အောင်းတပဲ့မွန်းလေ ဝါအောင်တိုင်းကော်လ “နောင်တဆေး#12:1 တဆေး တဆေးဝါလ ဟောင်ပေါဟေခေါင့်ဝ်မွန်း ပေါင်းဆီဟပေါရောင်ဝ် ပေးရာ့အောင်းဆောင်ဝ်မျိုးနိမ်ဆီ ရာတီဟိုက် အောင်းဖာရိရှဲလေယောင်ဆောင်န နောင်တဆေးညော့ အောင်းကွန်းလေ စပ်ဆီအကြောင်းစန်ပြန့် ခဝါဝိုက်။ဆီ အောင်းဖာရိရှဲလေ ယောင်ဆောင်ကွန်းနီးလေ ဟေအလေးဆီ ရှောင်ဟင်း။ 2အောင်းလောက်ဆိဉ်ဆီနွိုက်ဝါလ မရောင်း။ အောင်းဟောန့်လေန ဟာနိမ်မစော်ဟာနိမ် နယ့်ပေါ်အောက်ကျဉ်းနော့်။ 3ကောပ့်နယ့်ညော့ ရိန်းစမ့်စမ့်အင် ကာအောင်းမဆူတန့် ခနောဝ်နပ်ဆိဉ်လေကော့် ခနောဝ်အောင်းလိန်း တနယ့်ဟဉ်းဟင်း။ နာ့ဆတ်ပ်တူးဟုန်း တော်ပေါလွန်အပ်ဆီ ရိန်းစမ့်စမ့်အင် ကာအောင်းတန့်ကော့် ခွန့်ခနေခေါင်ဆီ နောင်စေကျဉ်းနော့်တပေး” ဆီ ဝါကော်ဝိုက်။
ကွန်းအောင်းတနယ့်ကိုး
(စောင့်မဿဲ ၁၀:၂၈-၃၁)
4နောက်လောင်ဟာနိမ် မွန်းစောင့်န “အိုက်ကော့်လေ၊ ကောခဝါအောင်းမဆူလေန အောင်းကွန်းတအောင်းဝ်သိုင်း အောင်းတိုးမဆူလေ စနီးနီးကိုး မလို။ မနော်လေန အောင်းတိုးမဆူနဲဟော် အောင်းဝ်သိုင်းပဲ့မေကော့် အောင်းကျန်အောင်းထောကော့် မနော်မအောင်းဝ်သိုင်းပဲ့။ 5တော်နယ်ကော့် အောင်းမဆူတနယ့်ကိုးလ စောင့်ဖလားပါးနိမ်နဲဟော်။ စောင့်ဖလားလ အောင်းအဆတ်မဆူ အောင်းဝ်သိုင်းပဲ့ဆီမကား တော်ပေါထီန်ငလိုင်းကော့် အခွင့်အာဏာအောင်းဟွတ်ခေါင့်ဝ်ပဲ့လေ ရောင်း။ ကောပ့်နယ့်ညော့ အောင်းစောင့်ဖလားနဲဟော် မဆူတနယ့်ကိုးလ။ 6အောင်းနုတ်ပလီ#12:6 နုတ်ပလီ နုတ်ပလီဝါလ မေခေတ်ဟောန့် အောင်းကွန်းဖန်လေကျဉ်း နုတ်မျိုးနိမ်ဝိုက်။ဟာ့တူး တောင်းအဿရိဒင်္ဂါးဆောင်န်ဖတ်#12:6 အဿရိဒင်္ဂါးဆောင်န်ဖတ် ဝမ်းနိမ်တောင်းကာဟေလောင်တောင်းအောင်းတူ ငွန်း၁၆ပွန်န ပွန်နိမ်တောင်းအောင်းညီ ငွန်းရောမဝိုက်။တောင်း ခိုင်ဟင်းလ မဆူမဟုဟင်းလေး။ တော်နယ်ကော့် စောင့်ဖလားလ အောင်းနုတ်ပလီတူးနိမ်ကိုးသကော့် မလိဉ်းမ်။ 7စောင့်ဖလားလ ခေါင်ဟိုအောင်းခနေဟိုမဆူ ခလောဆိန့်ရောင်းဝါလ ဟုညော့ မဆူပီကိုးဟင်း။ မဆူလေန နောင်နုတ်ပလီလေမကား ခေါန်ရောင်း” ဆီ ဝါကော်ဝိုက်။
ဝန်ခမ် အောင်းခရစ်တော်
(စောင့်မဿဲ ၁၀:၃၂-၃၃။ စောင့်မဿဲ ၁၂:၃၂။ စောင့်မဿဲ ၁၀:၁၉-၂၀)
8မွန်းစောင့်လ ဆက်ဆီ “ကောတဝါအောင်းမဆူ။ အနေတပဲ့ကောတောင်း ရာခနာ့ကွန်းလေ ကွန်းဝန်ခမ်လ အောင်းပေးလူ့သားတော် ကောကော့် ခနာ့ဖီဒေဝါစောင့်ဖလားလေ ကွန်းဟောန့်လ အကြောင်းပေးတပဲ့ကော ကောတဝန်ခမ်။ 9တော်နယ်ကော့် အောင်းကော ခနာ့ကွန်းလေ တပဲ့ကောမစော်ဆီ ဟောင်ပေါဝါလော့် အောင်းကွန်းဟောန့် ခနာ့ဖီဒေဝါစောင့်ဖလား တပဲ့ကောမစော်ဆီ ကောတဝါ။ 10အောင်းလူ့သားတော် ကွန်းစောင့်စော်ကားဆီတန့်လ စောင့်ဖလားန ခွင့်လွှတ်ပဲ့မေကော့် ဟောင်ပေါစော်ကား အောင်းဉာဏ်အလင်းတော်မွန်းစောင့်လော့် အောင်းတခွင့်လွှတ်မစော်။ 11အောင်းစမဆူ ရာတလားစလပ်လေ၊ ရာခနာ့ကွန်းရောင်ဝ်ကွန်းလုန်လေတောင်း ရာခနာ့ကွန်းအုပ်ချုပ်လေ ဟပေါနယ်စီရင်ဆီ အောင်းဟောင့်ဟောင်ပေါနယ့်ခမ်ကော့် တနယ့်တန့်ပေါက်နောင်နူးဝါလ ပီးကြာပါဟင်း။ 12မေအချီန်ဟောန့်န မဆူတနယ့်တန့်ပေါက်နောင်နူးဝါလ ဉာဏ်အလင်းတော်လ တဆောန်ဟောင့်ဝ်” ဆီ ဝါကော်ဝိုက်။
လောဖားဟပေါမရောင်ဝ် စောင့်ယေရှုဆောန်ပြား
13နော်လောင်နော့် ဆီမေခနောဝ်ကွန်းဖွန်လ ကွန်းကော်နိမ်န “ဆရာ၊ အောင်းပေါ်ဟောဝိုင့်ဝိုက် အမွေလေ အောင်းစဟော ဟပေါမိုင်ဟောင့်ဝ် အောင်းစပီစိုင်းကော ကွာဝါဟောင့်ဝ်အီ့” ဆီ အောင်းမွန်းစောင့် ဝါကော်ဝိုက်။ 14မေနယ့်လော့် မွန်းစောင့်န “အိုက်ကော့်၊ အောင်းအမွေမဆူလေ ဟပေါနယ့်မိုင်ဟောင့်ဝ် အောင်းစကော အနေတလားသူကြီးမဆူတောင်း ဖောစောင့်ဝိုက်” ဆီ ဝါပေါက်ကော်ဝိုက်။ 15နောက်လောင်နော့် မွန်းစောင့်လ ဆက်ဆီ အောင်းကွန်းဖွန်လေ “ပီလောဖားဟင်း။ အဆတ်မဆူလ ခနေပစ္စည်းဥစ္စာလေ အခြေခမ်ဝိုက်မစော်ဝါလ ဟေအလေးဟင်း” ဆီ ဝါကော်ဝိုက်။ 16နောက်လောင်နော့် စောင့်ယေရှုလ အောင်းကွန်းဖွန်လေ တောင်းပွန်ဥပမာပုဒ်နိမ်တောင်း လောင်ဝ်ပြားကော်လ “မေဟာနိမ်လော့် ဆဌေးကော်နိမ်လ ရာတုန်နားမွန်း မတ်မိုက်မတ်တောက်လေ အိုက်အောက်ညော့ 17မွန်းန ‘အောင်းမတ်မိုက်မတ်တောက်ဟိုက်လေ စနီးဝိုက်တီကော့်မရောင်းကော့်ညော့ ကောတနယ့်ဟေနောင်နူး’ ဆီ စဉ်းစားဆီအူဝိုက်။ 18နောက်လောင်နော့် မွန်းန ‘ကောတနယ့်ဟေနောင်နူးဝါလ ကောဟုကော်။ အောင်းရေးခေါင့်ဝ်ကောအောင်းကောင်ဝ်လေ ဖျတ်ဆီ အောင်းတအောက်မား ခေါင့်ဝ်လေတောင်း ပစ္စည်းလေတောင်းလုန် ဟပေါနယ့်ဆိဉ်း ဆာဆီရေးခေါင့်ဝ်အောင်းရောင်ဝ် တတောင့်။ 19နောင်နယ့်ပေါဝါလော့် ကောလ အတွုက်ပီးနော်ကော့်ခရောင့်ဝ် အောင်းလိုလေ ဆိဉ်းဝိုက်ရောင့်ဝ်ကော်ညော့ စနီးဟေလောင်မလိုဆီ ဆတ်ဆတ်ဆာဆာ ဆောင်းဝ်ဆီ ကျဉ်းကော်ဆို့ကော်ဆီ ဟောင်မ်ဟောင်မ်စွုမ်းစွုမ်း တအူကော့်’ ဆီ စဉ်းစားကော်ဝိုက်။ 20တော်နယ်ကော့် စောင့်ဖလားလ အောင်းမွန်း ‘မောလ ကွန်းဆောပ်ကျဉ်းနော့်။ ကမ်းခမ်စောင် မောတနယ့်သိုင်းကော့်။ ကောပ့်နယ့်ညော့ အောင်းမောစူးဝိုက်လေ တထီန်ခနောဝ်မေးပွန်ကော့်’ ဆီ ဝါကော်ဝိုက်။ 21အနယ့်လ အောင်းချမ်းသာ ခနာ့စောင့်ဖလားမစော်ဆီ အောင်းစောင့်ကောင်ဝ်နဲဟော် ဥစ္စာပစ္စည်းလေ စူးဆီ အောင်းစောင့်ကောင်ဝ်တောင်းကောင်ဝ် ချမ်းသာဆီ ကွန်းစောင့်ထန်လေ အောင်းတနယ့်ကြုံ” ဆီ ဝါကော်ဝိုက်။
အောင်းကြာပါလေရပ်ဆီ အောင်းစောင့်ဖလား ယွန်မ်ဟင်း
(စောင့်မဿဲ ၆:၂၅-၃၄)
22နောက်လောင်နော့် စောင့်ယေရှုလ အောင်းတပဲ့မွန်းလေ “ကောပ့်နယ့်ညော့ အောင်းမဆူကောခဝါလ အဆတ်မဆူဟပေါခွန်း တနယ့်ကျဉ်းအဟောင်း။ အောင်းစတိုးမဆူ တနယ့်နွန်အဟောင်းဝါလ ပီကြာပါဟင်း။ 23ဟေဟောင်းဆီပေါဝါလော့် အဆတ်န ဆာဆီအောင်းကျဉ်း ချဉ်းအရေးရောင်ဝ်မစော်လေး။ တိုးန ဆာဆီဆေဖ ချဉ်းအရေးရောင်ဝ်မစော်လေး။ 24အောင်းနုတ်လကားလေ တွဲကော်နူ။ မနော်လေန မနယ့်ပွတ်၊ မနယ့်ပတ်ဆီမကား အောင်းစဆောင်ဝ် ရေးခေါင့်ဝ်ကော့်မရောင်း။ နယ့်ကိုးသကော့် စောင့်ဖလားလ အောင်းစမနော် လိမ့်ဟောင့်ဝ်ဝိုက်။ မဆူလေန ဆာဆီနုတ်လေမကား ခေါန်ရောင်းမစော်လေး။ 25ကောပ့်မဆူကြာပါဆီ အဆတ်မဆူမောင်းနိမ် ဆာဆီဟူဟူ နယ့်အူလေး။ 26မဆူလေန လောင်အောင်းဆေးအင်ကော့် ပေါမဟေပဲ့လော့် စလောင်အောင်းတန်းတီလေ ဟေဟောင်းကွာပူပန်ဟင်းန။ 27အောင်းမောက်ရထိန်လေ တွဲကော်နူ။ မနော်လေန လောင်ကော့် မဟေဟင်း။ ဆေလေကော့် မယပ်ဟင်း။ တော်နယ် အောင်းမဆူကောခဝါလ မေတန်ဟာ စည်းစိမ်လေ အောင်းရောင်းမား အောင်းစောင့်ခွန်ဟော်ခမ်းရှောလမုန်နွန် ဆေဖအောင်းနီးလေန နောင်မောက်ရထိန်လေကိုးသကော့် မဆန်း။ 28အို ကွန်းစောင့်ယွန်မ်အိအိအင်လေ၊ စောင့်ဖလားန အချီန်အောင့်အောင့်အင်ဟော် အဆတ်ခွန်းဆီ နောက်လောင်ဝမ်းနိမ်လော့် တနယ့်ခမ်အောင်းဆောင်ဝ်ခေါင့်ဝ်ခနောဝ်ဖိုင်း အောင်းမိရလေကိုးသကော့် ဟပေါဆန်း ဖန်စန်းမားအွန်န အောင်းမဆူပေါဝါလော့် နောင်နယ့်မကား ဆာဆီတဖန်စန်းဟောင့်ဝ်မစော်လေး။ 29တနယ့်ကျဉ်းအဟောင်းဝါလ ပီပူပန်ဟင်း။ 30ကွန်းမဟုအောင်းစောင့်ဖလားလေနဲဟော် နောင်နယ့်ဆီ ကူမေ့ နယ့်ပူဟင်းန။ စောင့်ဖလားအောင်းရာမှိန်းခမ်းလ မဆူလိုအောင်းဟောန့်ဝါလ ဟုညော့ မဆူစနီးပူပန်လို။ 31ကောပ့်နယ့်ညော့ အောင်းသာသနာတော်စောင့်ဖလားနဲဟော် အရေးဝိုက်ဆီ ဟေဟင်း။ နောင်နယ့်ဟောင်ဝါမှ အောင်းမဆူလိုလေတောင်းလုန် စောင့်ဖလားလ တဟေဟောင့်ဝ်” ဆီ ဝါကော်ဝိုက်။
ဘဏ္ဍာတိုက် အောင်းရာမှိန်းခမ်း
(စောင့်မဿဲ ၆:၁၉-၂၁)
32နောက်လောင်ဟာနိမ် မွန်းစောင့်လ “ဖွန်တိုးအောင်#12:32 ဖွန်တိုးအောင် ဖွန်တိုးအောင်ဝါလ ခဝါအောင်းတပဲ့တော်လေဝိုက်။လေ ပီကိုးဟင်း။ ဟေဟောင်းဆီပေါဝါလော့် စောင့်ဖလားန အောင်းသာသနာတော်စောင့်ဖလား ဟပေါနယ့်ဟောင့်ဝ်အောင်းစမဆူ အလိုရောင်း။ 33ပစ္စည်းမဆူ ကာအောင်းရောင်းလေ ခိုင်ဆီ အောင်းကွန်းဖန်လေ ဟောင့်ဝ်ကော်။ ထုန်ဝ်အောင်းမစန်နောက်လေ ဟေဟင်းဆီ အောင်းရတနာပစ္စည်းမဆူလေ ရာဖလောက်လေမထီန်၊ ရာမိုလေမိုင်းလေ အောင်းမဖျတ်ပဲ့ ရာမှိန်းခမ်းဟောန့် ဆိဉ်းဝိုက်ဟင်းကော်။ 34ဟေဟောင်းဆီပေါဝါလော့် စောဝ်မဆူလေကော့် ရာပစ္စည်းမဆူလေရောင်းနဲဟော် စန်ထီန်ဟင်းညော့” ဆီ ဝါကော်ဝိုက်။
ခအောင်း ဆတိရောင်း
35မွန်းစောင့်လ ဆက်ဆီ “မဆူလေန အောင်းဖာ့ဟတ်အိုင် ကွဉ်းမ်ကွဉ်းမ်ဟတ်ဆီ#12:35 အောင်းဖာ့ဟတ်အိုင် ကွဉ်းမ်ကွဉ်းမ်ဟတ်ဆီ ဖာ့ဟတ်အိုင်ကွဉ်းမ်ကွဉ်းမ်ဟတ်ဆီဝါလ မေခေတ်ဟောန့် ကွန်းဂျူးလေန တော်တားတဉ်းပွန့် အောင်းရောင်း ဆေလုန်လေ စန်နွန်ဟင်းဝိုက်။ အောင်းဆေလုန် တော်လောင်အိုင်ပွန့်မတန်ဆီ ဟပေါနယ့်ချိဝိုက် အောင်းဖာ့ဟတ်အိုင် ဆွန်းကော်ညော့ နီးနီးငမ်းငမ်း ကွာပဲ့မားပဲ့ဝိုက်။ အောင်းကလောက်ဖိုင်း အဆင်သင့် စပ်ဆီ အချီန်အောင်းစောင့်သပေါက်မား နောင်ခကော်နိမ်ဆီ ထဆီ အူဟင်း။ 36နောင်နယ့်ဟောင်ဝါမှ စောင့်န ဆီမေပွဲခေါင်းချိုက် ပေါက်မားဆီ ဟောင်ပေါမားခေါက်နာ့ဆပ်တူးလော့် ချရှ်ချန်း လုဆီ တပူဟောင့်ဝ်ပဲ့။ 37စောင့်မနော်လ အောင်းမွန်းပေါက်မား တောင်းဆတိတောင်း အောင်းခအောင်းထထလေ ဟောန်ကော်လော့် ခဟောန့်လ အိုက်တကမ်နီး။ ကောဟောင်တနယ့်ဝါအောင်းစော်ပေါဝါလော့် စောင့်န အောင်းခါးပတ် ပတ်ဆီ အောင်းခဟောန့်လေ ရာစားပွဲဟနှောင်ဆီ ခေါင်ကျဉ်းခေါင်ဝါလေ တလိမ့်ဟောင့်ဝ်။ 38စောင့်န အချီန်ကန်းခွန်းကော့်ခရောင့်ဝ်၊ အချီန်ဖတကောင့်ဝ်လိန်းကော့်ခရောင့်ဝ် ဟောင်ပေါပေါက်မားလော့် အောင်းခအဆင်သင့်ပေးထ စောင့်န ဟောင်ပေါနယ့်ခေါက်ပ်ကော်လော့် ခဟောန့်န အိုက်တကမ်နီး။ 39အောင်းဟိုက်ပါ စမ်းစဉ်းစားနူ။ ဖလောက်မေနောတမားဝါလ ဟောင်ပေါဟုထ စောင့်ဟုန်းန တအူနိုးနိုးကြားကြားညော့ ဖလောက်န ခနောဝ်ဟုန်း ခေါင့်ဝ်ဆီ လောက်ဆီအောင်းတနွိုက်မစော်။ 40ကောပ့်နယ့်ညော့ မဆူလေကော့် ကူမေ့ အဆင်သင့် မဲထဟင်း။ ဟေဟောင်းဆီပေါဝါလော့် အောင်းပေးလူ့သားတော် ကောန အချီန်မဆူမထန် တကြွပေါက်မားညော့” ဆီ ဝါကော်ဝိုက်။ 41မေနယ့်လော့် ပေတရုလ အောင်းစောင့်ယေရှု “စောင့်၊ ပွန်ဥပမာအောင်းထိုင့်လ ဝါအောင်းစဟောနဲဟော်လေး။ နယ့်ပေါမစော် ဝါအောင်းကွန်းတောင်းလုန်လေး” ဆီ ထန်မ်ကော်ဝိုက်။ 42မေနယ့်လော့် “စောင့်ယေရှုလ ရာဟုန်းစောင့် သစ္စာရောင်းဆီ အောင်းပညာရောင်း တောင်းမန်နေဂျာတောင်းအောင်းတူ အောင်းမောတောင်း အောင်းကွန်းတန်းတီလေတောင်းလုန် ကောနယ့်ဝါနောင်နယ့်လ။ စောင့်မွန်းလ ရာဟုန်းမွန်း အောင်းခတန်းတီလေ ဟပေါနယ့်အုပ်ချုပ်တောင်း အောင်းခေါင်ကျဉ်းလေ အချီန်မွန်းတောင်းမွန်း ဟပေါနယ့်လိန့် စောင့်ဝိုက်ရောင့်ဝ်ကော်လော့် စောင့်လ အောက်ပိုင်းတန်းရာတီအောင်းကိုင်းကော်ဝိုက်။ 43အချီန်စောင့်မွန်းပေါက်မား ခဟောန့်န အောင်းလောင်မွန်း နီးနီးငမ်းငမ်း အောင်းဟေ ဟောင်ပေါခေါက်ပ်ကော်လော့် ခဟောန့်န အိုက်ကမ်နီး။ 44ကောခဝါအောင်းစော်အောင်းမဆူလ၊ စောင့်လ ပစ္စည်းအောင်းရောင်းရာမွန်းလေတောင်းလုန်ကော့် အောင်းခဟောန့် အပ်ဆီ တဟတွဲနွေ့။ 45တော်နယ်ကော့် ခဟောန့်လ ‘စောင့်ကော အောင်းတပေါက်မားအွန်မစော်’ ဆီ ထန်ဆီ အောင်းခတန်းတီလေ တင်ဆီ ဆိုလောင်ဝ်ဆိုကမ်းဆီ ဟောင်ပေါအူလော့် 46စောင့်ခဟောန့်န အချီန်ဝမ်းမွန်းမထန် ထီန်မားဆီ အောင်းစမွန်း ဟောင့်ဝ်အပြစ်လုန်ဆီ တောင်းကွန်းသစ္စာမရောင်းလေတောင်း တဟအူနွေ့ဟင်း။ 47အောင်းစောင့်မွန်းလိုလေ ဟုဆီ ခအောင်းမမဲဝိုက်၊ ခအောင်းမဟေဝိုက်လ အောင်းတင်ကြမ်းကြမ်း တနယ့်ခမ်။ 48တော်နယ်ကော့် အောင်းအလိုစောင့် မဟုဆီ ခအောင်းဟေဖစ်ပေါဝါလော့် စောင်နိန်နဲဟော် အောင်းဟောင့်ဝ်အပြစ် တနယ့်ခမ်ဟော။ ဆီမေကွန်းနမ်နမ်နွိုက်ဝိုက်လ နမ်နမ်အောင်းရောန်းတနယ့်ခမ်။ ဆီမေကွန်းနမ်နမ်အပ်ဝိုက်လ ဆာဆီနမ်နမ်တရောန်းဟင်း” ဆီ ဝါကော်ဝိုက်။
အောင်းစငြိမ်းချမ်းရေးမစော်
(စောင့်မဿဲ ၁၀:၃၄-၃၆)
49နောက်လောင်ဟာနိမ် မွန်းစောင့်လ “ကောန အောင်းစကမ္ဘာနောင်နဉ်းဟိုက် အောင်းဝ်မားအောင်းဖိုင်း။#12:49 ကောန အောင်းစကမ္ဘာနောင်နဉ်းဟိုက် အောင်းဝ်မားအောင်းဖိုင်း။ ကောလ အောင်းစလောကဟိုက် အောင်းဝ်မားအောင်းဖိုင်းဝါလ အောင်းအပြစ်ကွန်းလေ တောင်းဖိုင်းတောင်း ဟပေါနယ့်စီရင်တလား၊ အောင်းကွန်းလေ ဟပေါနယ့်ခွဲခြား နယ့်မားဝိုက်။ စောင့်ဖလားလ အောင်းကွန်းလေ အချီန်ဟပေါနယ့်စီရင် အောင်းစရောင့်ဝ်နဲဟော် ကောအလိုရောင်းဝ်။ အောင်းတီဟိုက် တော်ပေါပေးအောင်းဖိုင်းမိုက်ရောင့်ဝ်ကိုးသကော့် ကောအလိုရောင်း။ 50တော်နယ်ကော့် ကောန မဟူခွေတ် ရေနှစ်မင်္ဂလာတူးနိမ် တနယ့်ခမ်အွန်။ တော်အချီန်အောင်းဟောန့်လေမရောင့်ဝ်အွန်ပွန့် ကော အောင်းစောဝ်ဒုက္ခ တနယ့်ခမ်အွန်။ 51ကောန အောင်းကမ္ဘာနောင်နဉ်းဟိုက် ဟပေါငြိမ်းချမ်းဆီ မားဆီထန်ဟင်းလေး။ နောင်နယ့်မစော်။ အောင်းမဆူကောတဝါ ကောန အောင်းကွန်းလေ ဟပေါနယ့်ခွဲခြားဆီ ကောမား။ 52ဆီမေအစောင်စဆီ ဟုန်းစောင့်ဟုန်းဟာ့ကော့်ရောင်းလ ကွန်းဆမ်ကော့်န အောင်းကွန်းဆောင်န်ကော့်ကော့်ခရောင့်ဝ်၊ ကွန်းဆောင်န်ကော့်န အောင်းကွန်းဆမ်ကော့်ကော့်ခရောင့်ဝ် အချန်းချန်း ဆန့်ကျင်ဆီ တကွဲပြားဟင်း။ 53ပေါ်တောင်းလုစိုင်း၊ မယ်တောင်းလုဆောင်ဝ်၊ မယ်စောင့်တောင်းလုပေါင့်ဝ်ကော့် အချန်းချန်း ဆန့်ကျင်ဆီ တကွဲပြားဟင်း” ဆီ ဝါကော်ဝိုက်။
အောင်းဟုထောင်မ် အချီန်
(စောင့်မဿဲ ၁၆:၂-၃)
54နောက်လောင်နော့် စောင့်ယရှုလ အောင်းကွန်းဖွန်လေ “မဆူလေန ဆီမေဝမ်းတို အောင်းချီဖလေခွန့်မား ဟောင်ပေါနယ့်ဟောန် ဖွန်သတိုကော့်ဆီ ချချန်း စန်ဝါဟင်း။ နောင်မဆူဝါကျဉ်းနော့် ပေးမား။ 55တောင်းပါ့နာ့စမ်း ဖပေါလုန်းမားကော့် တနေမားကော့်ဆီ စန်ဝါဟင်း။ နောင်မဆူဝါကျဉ်းနော့် ပေးမား။ 56ကွန်းယောင်ဆောင်ကွန်းနီးလေ၊ မဆူလေန အောင်းတောင့်ဖတောင်း အောင်းနောင်နဉ်းတွဲဆီ နာ့ဖနာ့ဖုန်လေ မဆူခန့်မှန်းပဲ့မေကော့် အချီန်အစောင် ပေးအဟောင်းလေဆီအူဝါလ ဟေဟောင်းဆီ ခွဲခြားဆီ မဟုပဲ့ဟင်းန။ 57မဆူလေန ဟပေါနယ့်ဟေအောင်းစော်လေ လိတ်ဆီဟပေါနယ့်ဟေ အောင်းစောင့်ကော်ဝ်တောင်းကော်ဝ် ဟေဟောင်းဆီ မဆုံးဖြတ်ပဲ့ဟင်းန။ 58ကွန်းကော်နိမ်မကော်နိမ်လ အောင်းစမော တလားစွဲဆီ ဟောင်ပေါဟောင့်ကော်ရာတလားရုံးလော့် ရာခွန်တန်းကွာဟောန့် ညှိဟင်းဆီ ဟပေါကျေအေး ဟေဟင်း။ နောင်နယ့်ပေါမစော် မွန်းန အောင်းစမော ဟောင့်ကော်ရာတလားသူကြီးကော်ညော့ တလားသူကြီးလ အောင်းစမော အပြစ်ရောင်းဆီ သတ်မှတ်ရောင့်ဝ် ခနောဝ်မေးရဲလေ အပ်ဆီ အောင်းစမော တဆောင်ဝ်ခေါင့်ဝ်ထောင်။ 59ကောဟောင်တနယ့်ဝါပေါလော့် အကြွေးအောင်းမောတနယ့်ဟောင့်ဝ်လေတောင်းလုန် ကာမဆိုင့်ပေါက်ပဲ့လ မောန ဆီမေခနောဝ်ထောင် အောင်းတနယ့်အောက်မစော်” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.