စောင့်လုကာ 13
13
ဟောင့် (၁၃)
လှည့်ဟင်း တောင်းပါ့စောင့်ဖလား
1မေနယ့်လော့် ကွန်းမောင်းဖောင်လေန ရာစောင့်ယေရှု မားဟင်းဆီ မေမဟူအွန်န အောင်းစောင့်ခွန်ဟော်ငွန်းပိလတ်အောင်းဝ်သိုင်းမား အကြောင်းကွန်းမှိန်းဂါလိလဲမောင်းဖောင် တန်းပြားဟင်းကော်ဝိုက်။ ရာဗိမာန်တော်အောင်းရောင်းရာမှိန်းဂျေရုဆလင်န တကြားမနော်ကပ်လ ကောပ့်အောင်းအောင်းဝ်သိုင်းနယ့်ခမ်မားညော့ လေ့မနော်လေန တောင်းလေ့တိုးတိရိစ္ဆာန်အောင်းမနော်ကပ်တောင်း လိုင်ကော်နွေ့ဟင်းကော်ဝိုက်။ 2မေနယ့်လော့် မွန်းစောင့်လ “ကွန်းမှိန်းဂါလိလဲဟောန့်လေန နောင်းကွန်းမှိန်းဂါလိလဲတန်းတီလေမကား ဆာဆီအပြစ်နမ်ညော့ နယ့်ကြုံနောင်နယ့်လဆီ မဆူထန်ဟင်းလေး။ 3နောင်နယ့်မစော်။ အောင်းမဆူကောတဝါ။ မဆူတောင်းလုန်ကော့် ဆီမေအပြစ်မဆူန နောင်တသံဝေဂဟောင်ပေါမနွိုက် နောင်နောင့်ကျဉ်းနော့် တနယ့်သိုင်းဟင်း။ 4ကွန်းဆစ်ပ်ပက်ကော့်လ မေရှိလောင်မျှော်စန်#13:4 ရှိလောင်မျှော်စန် ရှိလောင်မျှော်စန်န ခနောက်မှိန်းဂျေရုဆလင် ရာခန့်နောင်ရှိလောင် မျှော်စန်အောင်းတောင့်ဝိုက်ဝိုက်။ပြိုန သိမ်းစပ်ကော်ဆီ နယ့်သိုင်းဟင်းမား။ ကွန်းဟောန့်လေန နောင်ကွန်းအူရာမှိန်းဂျေရုဆလင် နောင်ကွန်းတန်းတီမကား ဆာဆီအပြစ်နမ်ဆာညော့ဆီ မဆူထန်ဟင်းလေး။ 5နောင်နယ့် လုံးဝမစော်။ အောင်းမဆူကောတဝါ။ မဆူလေကော့် ဆီမေအပြစ်မဆူ နောင်တသံဝေဂဟောင်ပေါမနွိုက်ဟင်းလော့် နောင်ကွန်းဟောန့်လေညော့ တနယ့်သိုင်းဟင်း” ဆီ လောင်ဝ်ပြားကော်ဝိုက်။
ပွန်ဥပမာတိန့်ဖနေ မတ်အောင်းမမတ်
6နောက်လောင်နော့် မွန်းစောင့်န အောင်းတပဲ့မွန်းလေ တောင်းပွန်ဥပမာတောင်း အောင်းလောင်ဝ်ပြားကော်လ “ကွန်းကော်နိမ်လ ရာဆွုန်အစ်မွန်း တိန့်ဖနေတိန့်နိမ် ပူဝိုက်ဝိုက်။ ဝမ်းနိမ်လော့် မွန်းန ခနွိုက်အောင်းမတ်ဖနေဆီ မားခါလော့် အောင်းမတ်ဖနေလေ မနယ့်ခေါက်ပ်ဝိုက်။ 7ကောပ့်နယ့်ညော့ မွန်းန အောင်းစောင့်ပေါက်ဝ်ဆွုန် ဟောင့်ဆီ ‘ဆီမေတိန့်ဖနေဟိုင့် မတ်မွန်းလေတမတ်ကျေ့ဆီ ကောထမားလ ဆမ်ပီးရောင်းမားကော်။ ဟွေနိမ်ကော့် မမတ်အွန်။ တိန့်ဟိုင့်လ အကျိုးကော့်မရောင်းဆီ အောင်းဝ်တီနောင်နဉ်းညော့ တက်ပ်ဝေကော်’ ဆီ ဝါကော်ဝိုက်။ 8တော်နယ်ကော့် စောင့်ပေါက်ဝ်ဆွုန်လ ‘အောင်းတိန့်ဟိုင့် တော်ပီးနာ့အင် ထအွန်စောင့်။ ကော ရာတောင့်တဉ်းတိန့်ဟိုင့် ကွန်ဆီ အော်လေတောင်း တစမ်းဆောင်ဝ်စမ်းအွန်စောင့်။ 9နောင်နယ့်ပေါဝါလော် ပီးနာ့ မတ်ပဲ့အွန်။ တော်နယ် ဟောင်ပေါမမတ်လော့် တတက်ပ်ဝေစောင့်’ ဆီ ဝါကော်” ဆီ လောင်ဝ်ပြားကော်ဝိုက်။
ဝမ်းဥပုန ရားဟောင့်ဝ် အောင်းကော့်ယဉ်းကော်နိမ်
10ဝမ်းဥပုဝမ်းနိမ်လော့် ရာတလားစလပ်ဆောင်နိမ် စောင့်ယေရှုန ဟောပြားဆောန်ပြားဝိုက်။ 11ရာတီဟောန့် ကော့်ယဉ်းအောင်းဖီမနီးပူးနယ့်ခမ် ကော်နိမ်ရောင်းဝိုက်။ မွန်းန ကောပ့်ဖီမနီးပူးညော့ ဆစ်ပ်ပက်ပီးဟူ ပေးမအူနီးဆီ လောင်ကုံညော့ တဲတဲအောင်းမစိန်ပဲ့ဝိုက်။ 12အောင်းကော့်ယဉ်းဟောန့် မွန်းစောင့်ဟောန်ကော်လော့် အောင်းစမွန်း ဟောင့်ဆီ “အီယန်၊ စောင့်ဖလားလ ဆီမေမောမအူနီးလ ရားဟောင့်ဝ်ကော်” ဆီ ဝါကော်ဝိုက်။ 13နောက်လောင်နော့် ခနေကော့်ယဉ်းဟောန့် တောင်းမေးမွန်းစောင့်တောင်း တန်ကော်လော့် ချရှ်ချန်း လောင်အိုင့်ကော့်ယဉ်းဟောန့် နောင်မားကော်ညော့ စိန်ဆီ အောင်းစောင့်ဖလား ချီးမွမ်းကော်ဝိုက်။ 14တော်နယ်ကော့် ဝမ်းဥပုလော့် စောင့်ယေရှုန အောင်းအနာရောဂါလေ ဟဟိုင်ကော်ညော့ ကော့်စိုင်းတာဝန်ခမ်တလားစလပ်လ သောဆားအောက်ဆီ အောင်းကွန်းဖွန်လေ “ဝမ်းတနယ့်ဟေလောင် ဟုတ်ဝမ်းရောင်း။ ဝမ်းဟောန့်လေနဲဟော် အောင်းနာရောဂါလေ ဟပေါနယ့်ရား မားဟင်း။ ဝမ်းဥပုပေါဝါလော့် ပီမားဟင်း” ဆီ ဝါကော်ဝိုက်။ 15မေနယ့်လော့် မွန်းစောင့်လ “ကွန်းယောင်ဆောင်ကွန်းနီးလေ၊ ဝမ်းဥပုလ အောင်းမြည်းမဆူလေ၊ အောင်းငိုးမဆူလေ ဆီမေဆိဉ်မနော် ပွယ်ဆီ ဟပေါနယ့်အွယ်နမ့် ဟောင့်ကွာဟင်းမစော်လေး။ 16နောင်နယ့်ပေါဝါလော့် ဆစ်ပ်ပက်ပီးဟူ အောင်းမာရ်နတ်ပူးနယ့်ခမ် အောင်းပေးလုဆောင်ဝ်အာဗြဟံ အောင်းကော့်ယဉ်းဟိုင့်ကော့် ဝမ်းဥပုလော့် ပွယ်ဟောင့်ဝ်သင့်မစော်လေး” ဆီ ဝါကော်ဝိုက်။ 17ခွမ်းမွန်းစောင့်လ အောင်းကွန်းခါဖစ်အောင်းမွန်းစောင့်လေ ဟနွိုက်နီးအိုင်းကော်ဆီ ကွန်းဖွန်တန်းတီတောင်းလုန်ပေါဝါလော့် ကောပ့်အောင်းမွန်းစောင့်ဟေ အောင်းခနီးအမ်းလေညော့ စွုမ်းဟင်းကော်ဝိုက်။
မက်ပကပ်တောင်း တဆေး
(စောင့်မဿဲ ၁၃:၃၁-၃၂။ စောင့်မာကု ၄:၃၀-၃၂)
18နောက်လောင်နော့် မွန်းစောင့်ကော့် “သာသနာတော်စောင့်ဖလားလ တောင်းအဟောင်းတောင်းတူဝါလ တောင်းပွန်ပုဒ်နိမ်တောင်း အောင်းမဆူ ကောဟောင်တနယ့်လောင်ဝ်ပြားပေါဝါလော့် 19အောင်းအနယ့်လ တောင်းမက်ပကပ်#13:19 မက်ပကပ် ရာတီဟိုက် မက်ပကပ်ဝါလ အောင်းစကွန်းဂျူးလေ တောင်းအောင်းဆေးလေတောင်းပေါတန့်လော့် အနေစနီးမှတ်တူးနိမ်ဝိုက်။ တော်နယ်ကော့် ရာစယ်ဂျူးလေအူပေါဝါလော့် မက်ပကပ်လ အောင်းဆွန် တော်ဆမ်မီတာပွန့် ရောင်ဝ်မားကော်ဝိုက်။တောင်းတူ။ ကွန်းကော်နိမ်လ အောင်းမက်ပကပ် အောင်းဝ်ဆီ ခနောဝ်ဆွုန် ပူကော်ဝိုက်။ ဆီမေဟိုင့်လ တိန့်ရောင်ဝ်မားကော်ဆီ ရာခို့မွန်းခါမွန်းအောင်းအောက်မား နုတ်လေမားတယ်ဟန်းဆီ အူပဲ့” ဆီ ဝါကော်ဝိုက်။ 20နောက်လောင်ဟာနိမ် မွန်းစောင့်လ “သာသနာတော်စောင့်ဖလားလ နောက်လောင်တနယ့်ပြားနောင်နူးပေါဝါလော့် 21အောင်းအနယ့်လ တောင်းတဆေးတောင်းတူ။ ကော့်ယဉ်းကော်နိမ်လ အောင်းတဆေးစောင်နိန် အောင်းဝ်ဆီ ရာမွန်ဂျုံလေ ဆောင်ဝ်ခေါင့်ဝ်ကော်လော့် တောင်းပွန်စံခေါင့်ဝ်မွန်ပေါင်းမားတောင်း တူ” ဆီ ဝါကော်ဝိုက်။
နာ့ဆပ်တူးဟီ့ပ်
(စောင့်မဿဲ ၇:၁၃-၁၄၊ ၂၁-၂၃)
22နောက်လောင်နော့် မွန်းစောင့်န ရာခွန်တန်းမွန်းစောင့်ကွာ အောင်းကွန်းရောင်းရာမှိန်းမန့်လေတောင်းလုန် လောင်ဝ်ပြားဆောန်ပြားဆီ ကြွကွာမှိန်းဂျေရုဆလင်ကော်ဝိုက်။ 23ကွန်းကော်နိမ်လ အောင်းမွန်းစောင့် “စောင့်၊ ကွန်းအောင်းကယ်တနယ့်ခမ်လ စောင်နိန်အင်ဟော်လေး” ဆီ ထန်မ်ကော်ဝိုက်။ 24မေနယ်လော့် မွန်းစောင့်လ “သာသနာတော်စောင့်ဖလားလ တောင်းနာ့ဆပ်တူးဟုန်းအောင်းဟီပ်တောင်းတူ။ အောင်းနာ့ဆပ်တူးဟောန့် ဟပေါနယ့်ခေါင့်ဝ်ပဲ့ အိုက်တနယ့်ကျိုးကျားဟင်း။ တော်နယ်ကော့် ကွန်းတောင်းလုန်န အောင်းနာ့ဆပ်တူးဟောန့် ခခေါင့်ဝ်ဟင်းမေကော့် အောင်းတခေါင့်ဝ်ဟင်းပဲ့မစော်။ 25စောင့်ဟုန်းန လုမားဆီ အောင်းနာ့ဆပ်တူး ဟောင်ပေါမားအပ်ကော် မဆူလ ဆီမေခနောက် စိန်ဆီ ‘စောင့်ဟုန်း၊ နာ့ဆပ်တူးပူဟောင့်ဝ်အီ့’ ဆီ တနယ့်ဝါဟင်း။ တော်နယ်ကော့် စောင့်ဟုန်းလ ‘မဆူ ဆီမေထောမားဝါလ ကောမဟု’ ဆီ တဝါပေါက်မား။ 26မေနယ့်လော့် မဆူကော့် ‘ဟောလေန တောင်းမောတောင်း ကျဉ်းနွေ့ဟင်းမားကောင်ဝ်။ မောလ ရာခွန်တန်းမှိန်းဟောအူလေ အောင်းစဟော ဟောပြားဆောန်ပြားမားကောင်ဝ်’ ဆီ မဆူဝါမေကော့် 27 မွန်းန ‘ကောတဝါအောင်းစမဆူ။ မဆူ ဆီမေထောမားဝါလ ကောမဟုအောင်းတဲ့တဲ့ကော့်။ ကွန်းအောင်းမနီးမငမ်းလေ ဆီမေကော အောက်ဟင်းကော်’ ဆီ တဝါမား။ 28မေနယ့်လော့် အာဗြဟံ#13:28 အာဗြဟံ နာမယ်အာဗြဟံအရန်းန ပေးအာဗြံဆီ ပူလဉ်ရာလဉ်အမျိုးကွန်းကော့် ပေးအွန်ဝိုက်။၊ ဣဇက်၊ ယာကုပ်တောင်း အောင်းပရောဖက်တန်းတီလေ ခနောဝ်သာသနာတော်စောင့်ဖလား နယ့်ဟောန်ဟင်းဆီ မဆူပေါဝါလော့် အောင်းဟော့်အောက်ခနောက် နယ့်ခမ်ဟင်းညော့ မဆူလေန ကောန့်စောဝ်ဆီ စောဝ်ဆွေ့ဆီ တနယ့်ဟိုင့်ဟင်း။ 29နောက်လောင်နော့် တောင်းပါ့ခနာ့၊ တောင်းပါ့ခလောင်၊ တောင်းပါ့နာ့ဟောင်၊ တောင်းပါ့နာ့စမ်း ကွန်းတောင်းလုန်န ခနောဝ်သာသနာတော်စောင့်ဖလား နှောင်ဆီ တကျဉ်းဟင်း။ 30မွန်းစောင့်န ဆက်ဆီ စောင့်ဖလားလ အစောင် အရေးမပါဆီ ကွန်းအောင်းနယ့်ထန်မောင်းဖောင်လ မေအချီန်ဟောန့် တဟပေးကွန်းအောင်းချဉ်းအရေးပါဆီ အစောင် အောင်းချဉ်းအရေးပါဆီ ကွန်းအောင်းထန်နယ့်ခမ်မောင်းဖောင်ကော့် မေအချီန်ဟောန့် တဟပေးကွန်းအရေးမပါလေ” ဆီ ဝါကော်ဝိုက်။
စောင့်ယေရှုနယ့်ဟိုင့် အောင်းစကွန်းအူရာမှိန်းဂျေရုဆလင်
(စောင့်မဿဲ ၂၃:၃၇-၃၉)
31မေအချီန်ဟောန့်လော့် ရာစောင့်ယေရှု ဖာရိရှဲမောင်းဖောင် ထီန်မားဆီ “ဟေရုဒ်လ ခအောင်းဝ်သိုင်းအောင်းမောညော့ ဆီမေဟိုင့်လ အောက်ကော်ရာအောင်းကိုင်းကော်” ဆီ ဝါဟင်းကော်ဝိုက်။ 32မေနယ့်လော့် မွန်းစောင့်လ အောင်းကွန်းဟောန့်လေ “တောင်းမာနဉ်းအောင်းမနီးတောင်းတူ အောင်းဟေရုဒ် ကွာဝါဟင်းကော်။ ကော တကြားအချီန်အောင့်အောင့်အင်န အောင်းဖီမနီးလေ တဟော့်အောက်ဆီ အောင်းအနာရောဂါလေကော့် တဟာ့ဟိုင်အွန်။ မဟူခွေတ် လောင်ကောတရောင့်ဝ်။ 33တော်နယ်ကော့် ပရောဖက်လေန ရာမှိန်းဂျေရုဆလင်နဲဟော် အောင်းကျန်ရာတီထောကော့် မနယ့်သိုင်းညော့ ကောလ ဝမ်းစောန်နိမ် ဆက်ဆီ သနယ့်ကွာအွန်” ဆီ ဝါကော်ဝိုက်။
အောင်းဟိုင့် အောင်းစမှိန်းဂျေရုဆလင်
34နောက်လောင်နော့် မွန်းစောင့်လ “အို ကွန်းမှိန်းဂျေရုဆလင်လေ၊ ကွန်းမှိန်းဂျေရုဆလင်လေ၊ မဆူလေန အောင်းပရောဖက်လေ အောင်းဝ်သိုင်းဟင်းဆီ အောင်းကွန်းစောင့်ဖလားပွယ်မားလေကော့် တောင်းကောင့်ဟဉ်တောင်း ဟွတ်သိုင်းဟင်းမား။ ကိုင်မယ်လုန်လ အောင်းလအောင်မွန်းလေ တောင်းပီမွန်းတောင်းအုဆီ နောင်အောန်းအူဟောင့်ဝ်ညော့ ကောကော့် အောင်းမဆူတောင်းလုန် ခအောန်းအူဟောင့်ဝ်ညော့ ပေးဟာပေးဟာ ကျိုးကျားမားမေကော့် မဆူလ အောင်းကော လက်မခမ်ဟင်း။ 35ထောင်မ်ဟင်း။ ဗိမာန်တော်မဆူလေန အောင်းဝေတနယ့်ခမ်။ မဆူလေန ‘အခွင့်အာဏာစောင့်ဖလားတောင်း ကွန်းအောင်းကွန်းကြွမားလ ကမ်နီး’ ဆီ ကာမဝါလ မဆူန ဆီမေအစောင်စဆီ အောင်းကော နောက်လောင်ဟာနိမ် အောင်းတနယ့်ခေါက်ပ်ကော့်မစော်” ဆီ ဝါကော်ဝိုက်။
Právě zvoleno:
စောင့်လုကာ 13: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 13
13
ဟောင့် (၁၃)
လှည့်ဟင်း တောင်းပါ့စောင့်ဖလား
1မေနယ့်လော့် ကွန်းမောင်းဖောင်လေန ရာစောင့်ယေရှု မားဟင်းဆီ မေမဟူအွန်န အောင်းစောင့်ခွန်ဟော်ငွန်းပိလတ်အောင်းဝ်သိုင်းမား အကြောင်းကွန်းမှိန်းဂါလိလဲမောင်းဖောင် တန်းပြားဟင်းကော်ဝိုက်။ ရာဗိမာန်တော်အောင်းရောင်းရာမှိန်းဂျေရုဆလင်န တကြားမနော်ကပ်လ ကောပ့်အောင်းအောင်းဝ်သိုင်းနယ့်ခမ်မားညော့ လေ့မနော်လေန တောင်းလေ့တိုးတိရိစ္ဆာန်အောင်းမနော်ကပ်တောင်း လိုင်ကော်နွေ့ဟင်းကော်ဝိုက်။ 2မေနယ့်လော့် မွန်းစောင့်လ “ကွန်းမှိန်းဂါလိလဲဟောန့်လေန နောင်းကွန်းမှိန်းဂါလိလဲတန်းတီလေမကား ဆာဆီအပြစ်နမ်ညော့ နယ့်ကြုံနောင်နယ့်လဆီ မဆူထန်ဟင်းလေး။ 3နောင်နယ့်မစော်။ အောင်းမဆူကောတဝါ။ မဆူတောင်းလုန်ကော့် ဆီမေအပြစ်မဆူန နောင်တသံဝေဂဟောင်ပေါမနွိုက် နောင်နောင့်ကျဉ်းနော့် တနယ့်သိုင်းဟင်း။ 4ကွန်းဆစ်ပ်ပက်ကော့်လ မေရှိလောင်မျှော်စန်#13:4 ရှိလောင်မျှော်စန် ရှိလောင်မျှော်စန်န ခနောက်မှိန်းဂျေရုဆလင် ရာခန့်နောင်ရှိလောင် မျှော်စန်အောင်းတောင့်ဝိုက်ဝိုက်။ပြိုန သိမ်းစပ်ကော်ဆီ နယ့်သိုင်းဟင်းမား။ ကွန်းဟောန့်လေန နောင်ကွန်းအူရာမှိန်းဂျေရုဆလင် နောင်ကွန်းတန်းတီမကား ဆာဆီအပြစ်နမ်ဆာညော့ဆီ မဆူထန်ဟင်းလေး။ 5နောင်နယ့် လုံးဝမစော်။ အောင်းမဆူကောတဝါ။ မဆူလေကော့် ဆီမေအပြစ်မဆူ နောင်တသံဝေဂဟောင်ပေါမနွိုက်ဟင်းလော့် နောင်ကွန်းဟောန့်လေညော့ တနယ့်သိုင်းဟင်း” ဆီ လောင်ဝ်ပြားကော်ဝိုက်။
ပွန်ဥပမာတိန့်ဖနေ မတ်အောင်းမမတ်
6နောက်လောင်နော့် မွန်းစောင့်န အောင်းတပဲ့မွန်းလေ တောင်းပွန်ဥပမာတောင်း အောင်းလောင်ဝ်ပြားကော်လ “ကွန်းကော်နိမ်လ ရာဆွုန်အစ်မွန်း တိန့်ဖနေတိန့်နိမ် ပူဝိုက်ဝိုက်။ ဝမ်းနိမ်လော့် မွန်းန ခနွိုက်အောင်းမတ်ဖနေဆီ မားခါလော့် အောင်းမတ်ဖနေလေ မနယ့်ခေါက်ပ်ဝိုက်။ 7ကောပ့်နယ့်ညော့ မွန်းန အောင်းစောင့်ပေါက်ဝ်ဆွုန် ဟောင့်ဆီ ‘ဆီမေတိန့်ဖနေဟိုင့် မတ်မွန်းလေတမတ်ကျေ့ဆီ ကောထမားလ ဆမ်ပီးရောင်းမားကော်။ ဟွေနိမ်ကော့် မမတ်အွန်။ တိန့်ဟိုင့်လ အကျိုးကော့်မရောင်းဆီ အောင်းဝ်တီနောင်နဉ်းညော့ တက်ပ်ဝေကော်’ ဆီ ဝါကော်ဝိုက်။ 8တော်နယ်ကော့် စောင့်ပေါက်ဝ်ဆွုန်လ ‘အောင်းတိန့်ဟိုင့် တော်ပီးနာ့အင် ထအွန်စောင့်။ ကော ရာတောင့်တဉ်းတိန့်ဟိုင့် ကွန်ဆီ အော်လေတောင်း တစမ်းဆောင်ဝ်စမ်းအွန်စောင့်။ 9နောင်နယ့်ပေါဝါလော် ပီးနာ့ မတ်ပဲ့အွန်။ တော်နယ် ဟောင်ပေါမမတ်လော့် တတက်ပ်ဝေစောင့်’ ဆီ ဝါကော်” ဆီ လောင်ဝ်ပြားကော်ဝိုက်။
ဝမ်းဥပုန ရားဟောင့်ဝ် အောင်းကော့်ယဉ်းကော်နိမ်
10ဝမ်းဥပုဝမ်းနိမ်လော့် ရာတလားစလပ်ဆောင်နိမ် စောင့်ယေရှုန ဟောပြားဆောန်ပြားဝိုက်။ 11ရာတီဟောန့် ကော့်ယဉ်းအောင်းဖီမနီးပူးနယ့်ခမ် ကော်နိမ်ရောင်းဝိုက်။ မွန်းန ကောပ့်ဖီမနီးပူးညော့ ဆစ်ပ်ပက်ပီးဟူ ပေးမအူနီးဆီ လောင်ကုံညော့ တဲတဲအောင်းမစိန်ပဲ့ဝိုက်။ 12အောင်းကော့်ယဉ်းဟောန့် မွန်းစောင့်ဟောန်ကော်လော့် အောင်းစမွန်း ဟောင့်ဆီ “အီယန်၊ စောင့်ဖလားလ ဆီမေမောမအူနီးလ ရားဟောင့်ဝ်ကော်” ဆီ ဝါကော်ဝိုက်။ 13နောက်လောင်နော့် ခနေကော့်ယဉ်းဟောန့် တောင်းမေးမွန်းစောင့်တောင်း တန်ကော်လော့် ချရှ်ချန်း လောင်အိုင့်ကော့်ယဉ်းဟောန့် နောင်မားကော်ညော့ စိန်ဆီ အောင်းစောင့်ဖလား ချီးမွမ်းကော်ဝိုက်။ 14တော်နယ်ကော့် ဝမ်းဥပုလော့် စောင့်ယေရှုန အောင်းအနာရောဂါလေ ဟဟိုင်ကော်ညော့ ကော့်စိုင်းတာဝန်ခမ်တလားစလပ်လ သောဆားအောက်ဆီ အောင်းကွန်းဖွန်လေ “ဝမ်းတနယ့်ဟေလောင် ဟုတ်ဝမ်းရောင်း။ ဝမ်းဟောန့်လေနဲဟော် အောင်းနာရောဂါလေ ဟပေါနယ့်ရား မားဟင်း။ ဝမ်းဥပုပေါဝါလော့် ပီမားဟင်း” ဆီ ဝါကော်ဝိုက်။ 15မေနယ့်လော့် မွန်းစောင့်လ “ကွန်းယောင်ဆောင်ကွန်းနီးလေ၊ ဝမ်းဥပုလ အောင်းမြည်းမဆူလေ၊ အောင်းငိုးမဆူလေ ဆီမေဆိဉ်မနော် ပွယ်ဆီ ဟပေါနယ့်အွယ်နမ့် ဟောင့်ကွာဟင်းမစော်လေး။ 16နောင်နယ့်ပေါဝါလော့် ဆစ်ပ်ပက်ပီးဟူ အောင်းမာရ်နတ်ပူးနယ့်ခမ် အောင်းပေးလုဆောင်ဝ်အာဗြဟံ အောင်းကော့်ယဉ်းဟိုင့်ကော့် ဝမ်းဥပုလော့် ပွယ်ဟောင့်ဝ်သင့်မစော်လေး” ဆီ ဝါကော်ဝိုက်။ 17ခွမ်းမွန်းစောင့်လ အောင်းကွန်းခါဖစ်အောင်းမွန်းစောင့်လေ ဟနွိုက်နီးအိုင်းကော်ဆီ ကွန်းဖွန်တန်းတီတောင်းလုန်ပေါဝါလော့် ကောပ့်အောင်းမွန်းစောင့်ဟေ အောင်းခနီးအမ်းလေညော့ စွုမ်းဟင်းကော်ဝိုက်။
မက်ပကပ်တောင်း တဆေး
(စောင့်မဿဲ ၁၃:၃၁-၃၂။ စောင့်မာကု ၄:၃၀-၃၂)
18နောက်လောင်နော့် မွန်းစောင့်ကော့် “သာသနာတော်စောင့်ဖလားလ တောင်းအဟောင်းတောင်းတူဝါလ တောင်းပွန်ပုဒ်နိမ်တောင်း အောင်းမဆူ ကောဟောင်တနယ့်လောင်ဝ်ပြားပေါဝါလော့် 19အောင်းအနယ့်လ တောင်းမက်ပကပ်#13:19 မက်ပကပ် ရာတီဟိုက် မက်ပကပ်ဝါလ အောင်းစကွန်းဂျူးလေ တောင်းအောင်းဆေးလေတောင်းပေါတန့်လော့် အနေစနီးမှတ်တူးနိမ်ဝိုက်။ တော်နယ်ကော့် ရာစယ်ဂျူးလေအူပေါဝါလော့် မက်ပကပ်လ အောင်းဆွန် တော်ဆမ်မီတာပွန့် ရောင်ဝ်မားကော်ဝိုက်။တောင်းတူ။ ကွန်းကော်နိမ်လ အောင်းမက်ပကပ် အောင်းဝ်ဆီ ခနောဝ်ဆွုန် ပူကော်ဝိုက်။ ဆီမေဟိုင့်လ တိန့်ရောင်ဝ်မားကော်ဆီ ရာခို့မွန်းခါမွန်းအောင်းအောက်မား နုတ်လေမားတယ်ဟန်းဆီ အူပဲ့” ဆီ ဝါကော်ဝိုက်။ 20နောက်လောင်ဟာနိမ် မွန်းစောင့်လ “သာသနာတော်စောင့်ဖလားလ နောက်လောင်တနယ့်ပြားနောင်နူးပေါဝါလော့် 21အောင်းအနယ့်လ တောင်းတဆေးတောင်းတူ။ ကော့်ယဉ်းကော်နိမ်လ အောင်းတဆေးစောင်နိန် အောင်းဝ်ဆီ ရာမွန်ဂျုံလေ ဆောင်ဝ်ခေါင့်ဝ်ကော်လော့် တောင်းပွန်စံခေါင့်ဝ်မွန်ပေါင်းမားတောင်း တူ” ဆီ ဝါကော်ဝိုက်။
နာ့ဆပ်တူးဟီ့ပ်
(စောင့်မဿဲ ၇:၁၃-၁၄၊ ၂၁-၂၃)
22နောက်လောင်နော့် မွန်းစောင့်န ရာခွန်တန်းမွန်းစောင့်ကွာ အောင်းကွန်းရောင်းရာမှိန်းမန့်လေတောင်းလုန် လောင်ဝ်ပြားဆောန်ပြားဆီ ကြွကွာမှိန်းဂျေရုဆလင်ကော်ဝိုက်။ 23ကွန်းကော်နိမ်လ အောင်းမွန်းစောင့် “စောင့်၊ ကွန်းအောင်းကယ်တနယ့်ခမ်လ စောင်နိန်အင်ဟော်လေး” ဆီ ထန်မ်ကော်ဝိုက်။ 24မေနယ်လော့် မွန်းစောင့်လ “သာသနာတော်စောင့်ဖလားလ တောင်းနာ့ဆပ်တူးဟုန်းအောင်းဟီပ်တောင်းတူ။ အောင်းနာ့ဆပ်တူးဟောန့် ဟပေါနယ့်ခေါင့်ဝ်ပဲ့ အိုက်တနယ့်ကျိုးကျားဟင်း။ တော်နယ်ကော့် ကွန်းတောင်းလုန်န အောင်းနာ့ဆပ်တူးဟောန့် ခခေါင့်ဝ်ဟင်းမေကော့် အောင်းတခေါင့်ဝ်ဟင်းပဲ့မစော်။ 25စောင့်ဟုန်းန လုမားဆီ အောင်းနာ့ဆပ်တူး ဟောင်ပေါမားအပ်ကော် မဆူလ ဆီမေခနောက် စိန်ဆီ ‘စောင့်ဟုန်း၊ နာ့ဆပ်တူးပူဟောင့်ဝ်အီ့’ ဆီ တနယ့်ဝါဟင်း။ တော်နယ်ကော့် စောင့်ဟုန်းလ ‘မဆူ ဆီမေထောမားဝါလ ကောမဟု’ ဆီ တဝါပေါက်မား။ 26မေနယ့်လော့် မဆူကော့် ‘ဟောလေန တောင်းမောတောင်း ကျဉ်းနွေ့ဟင်းမားကောင်ဝ်။ မောလ ရာခွန်တန်းမှိန်းဟောအူလေ အောင်းစဟော ဟောပြားဆောန်ပြားမားကောင်ဝ်’ ဆီ မဆူဝါမေကော့် 27 မွန်းန ‘ကောတဝါအောင်းစမဆူ။ မဆူ ဆီမေထောမားဝါလ ကောမဟုအောင်းတဲ့တဲ့ကော့်။ ကွန်းအောင်းမနီးမငမ်းလေ ဆီမေကော အောက်ဟင်းကော်’ ဆီ တဝါမား။ 28မေနယ့်လော့် အာဗြဟံ#13:28 အာဗြဟံ နာမယ်အာဗြဟံအရန်းန ပေးအာဗြံဆီ ပူလဉ်ရာလဉ်အမျိုးကွန်းကော့် ပေးအွန်ဝိုက်။၊ ဣဇက်၊ ယာကုပ်တောင်း အောင်းပရောဖက်တန်းတီလေ ခနောဝ်သာသနာတော်စောင့်ဖလား နယ့်ဟောန်ဟင်းဆီ မဆူပေါဝါလော့် အောင်းဟော့်အောက်ခနောက် နယ့်ခမ်ဟင်းညော့ မဆူလေန ကောန့်စောဝ်ဆီ စောဝ်ဆွေ့ဆီ တနယ့်ဟိုင့်ဟင်း။ 29နောက်လောင်နော့် တောင်းပါ့ခနာ့၊ တောင်းပါ့ခလောင်၊ တောင်းပါ့နာ့ဟောင်၊ တောင်းပါ့နာ့စမ်း ကွန်းတောင်းလုန်န ခနောဝ်သာသနာတော်စောင့်ဖလား နှောင်ဆီ တကျဉ်းဟင်း။ 30မွန်းစောင့်န ဆက်ဆီ စောင့်ဖလားလ အစောင် အရေးမပါဆီ ကွန်းအောင်းနယ့်ထန်မောင်းဖောင်လ မေအချီန်ဟောန့် တဟပေးကွန်းအောင်းချဉ်းအရေးပါဆီ အစောင် အောင်းချဉ်းအရေးပါဆီ ကွန်းအောင်းထန်နယ့်ခမ်မောင်းဖောင်ကော့် မေအချီန်ဟောန့် တဟပေးကွန်းအရေးမပါလေ” ဆီ ဝါကော်ဝိုက်။
စောင့်ယေရှုနယ့်ဟိုင့် အောင်းစကွန်းအူရာမှိန်းဂျေရုဆလင်
(စောင့်မဿဲ ၂၃:၃၇-၃၉)
31မေအချီန်ဟောန့်လော့် ရာစောင့်ယေရှု ဖာရိရှဲမောင်းဖောင် ထီန်မားဆီ “ဟေရုဒ်လ ခအောင်းဝ်သိုင်းအောင်းမောညော့ ဆီမေဟိုင့်လ အောက်ကော်ရာအောင်းကိုင်းကော်” ဆီ ဝါဟင်းကော်ဝိုက်။ 32မေနယ့်လော့် မွန်းစောင့်လ အောင်းကွန်းဟောန့်လေ “တောင်းမာနဉ်းအောင်းမနီးတောင်းတူ အောင်းဟေရုဒ် ကွာဝါဟင်းကော်။ ကော တကြားအချီန်အောင့်အောင့်အင်န အောင်းဖီမနီးလေ တဟော့်အောက်ဆီ အောင်းအနာရောဂါလေကော့် တဟာ့ဟိုင်အွန်။ မဟူခွေတ် လောင်ကောတရောင့်ဝ်။ 33တော်နယ်ကော့် ပရောဖက်လေန ရာမှိန်းဂျေရုဆလင်နဲဟော် အောင်းကျန်ရာတီထောကော့် မနယ့်သိုင်းညော့ ကောလ ဝမ်းစောန်နိမ် ဆက်ဆီ သနယ့်ကွာအွန်” ဆီ ဝါကော်ဝိုက်။
အောင်းဟိုင့် အောင်းစမှိန်းဂျေရုဆလင်
34နောက်လောင်နော့် မွန်းစောင့်လ “အို ကွန်းမှိန်းဂျေရုဆလင်လေ၊ ကွန်းမှိန်းဂျေရုဆလင်လေ၊ မဆူလေန အောင်းပရောဖက်လေ အောင်းဝ်သိုင်းဟင်းဆီ အောင်းကွန်းစောင့်ဖလားပွယ်မားလေကော့် တောင်းကောင့်ဟဉ်တောင်း ဟွတ်သိုင်းဟင်းမား။ ကိုင်မယ်လုန်လ အောင်းလအောင်မွန်းလေ တောင်းပီမွန်းတောင်းအုဆီ နောင်အောန်းအူဟောင့်ဝ်ညော့ ကောကော့် အောင်းမဆူတောင်းလုန် ခအောန်းအူဟောင့်ဝ်ညော့ ပေးဟာပေးဟာ ကျိုးကျားမားမေကော့် မဆူလ အောင်းကော လက်မခမ်ဟင်း။ 35ထောင်မ်ဟင်း။ ဗိမာန်တော်မဆူလေန အောင်းဝေတနယ့်ခမ်။ မဆူလေန ‘အခွင့်အာဏာစောင့်ဖလားတောင်း ကွန်းအောင်းကွန်းကြွမားလ ကမ်နီး’ ဆီ ကာမဝါလ မဆူန ဆီမေအစောင်စဆီ အောင်းကော နောက်လောင်ဟာနိမ် အောင်းတနယ့်ခေါက်ပ်ကော့်မစော်” ဆီ ဝါကော်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.