စောင့်လုကာ 11
11
ဟောင့် (၁၁)
စောင့်ယေရှုလ အကြောင်းရောန်းဆု ဆောန်ဟောင့်ဝ်အောင်းတပဲ့မွန်းလေ
(စောင့်မဿဲ ၆:၉-၁၃၊ ၇:၇-၁၁)
1ဝမ်းနိမ့်လော့် စောင့်ယေရှုလ ရာတီတီနိမ် ရောန်းဆုဆီအူဝိုက်။ ရောန်းဆုဆီရောင့်ဝ်ကော်လော့် တပဲ့မွန်းကော်နိမ်လ “စောင့်၊ ဆရာရေနှစ်မင်္ဂလာယောဟန်လ အောင်းတပဲ့မွန်းလေ တနယ့်ရောန်းဆုနောင်နူးဝါလ နောင်ဆောန်ဟောင့်ဝ်ညော့ အောင်းဟောခကော့် ဆောန်ဟောင့်ဝ်အွန်” ဆီ ဝါကော်ဝိုက်။ 2မေနယ့်လော့် မွန်းစောင့်လ အောင်းမနော်လေ “မဆူဟောင်ပေါရောန်းဆုလော့်
‘စောင့်ဖလားအောင်းရောင်းရာမှိန်းခမ်း၊ နာမယ်မောစောင့်လ အောင်းရိုသေ ဟနယ့်ခမ်အီ့အွန်။ သာသနာတော်မောစောင့် ဟပေါ်အီ့အွန်။
3ဝမ်းနိမ် အောင်းဟောလို ခေါင်ကျဉ်းခေါင်ဝါလေ ကူဝမ်းကူဝမ်း ဟောင့်ဝ်အီ့စောင့်။
4ခနေဟော ကွန်းဟေအပြစ်လေတောင်းလုန် နောင်ဟောခခွင့်လွှတ်ဆီ
အောင်းအပြစ်ဟောခလေကော့် ခွင့်လွှတ်ဟောင့်ဝ်အွန်စောင့်။
အောင်းဟော ဟပေါဟေအပြစ်လေ ကာအောင်းလိဉ်လေကော့် ဆီးဟောင့်ဝ်အွန်စောင့်’ ဆီ ရောန်းဆုဟင်း” ဆီ ဝါကော်ဝိုက်။
ရောန်းဟင်း၊ ခါဟင်း၊ အောင်းနာ့ဆပ်တူး ခေါက်ဟင်း
5နောက်လောင်ဟာနိမ် မွန်းစောင့်လ အောင်းတပဲ့မွန်းလေ “ဆီမေခနောဝ်မဆူန ကော်နိမ်လ လကော့်ကော်နိမ်ဟောင်ပေါရောင်း ကန်းခွန်းဖဖ ရာလကော့်ဟောန့် ကွာဆီ ‘အိုက်ကော့်၊ 6လကော့်ကောကော်နိမ်လ ဆီမေခရီးအောင်းကိုင်း ထီန်မားညော့ စလိမ့်အောင်းစမွန်း အဟောင်းကော့်မရောင်းကော့်ညော့ အောင်းစကော ခေါင့်ဝ်မွန်းဆမ်ဟွေ ကူဟောင့်ဝ်အွန်’ ဆီ ဟောင်ပေါဝါကော် 7လကော့်မောလ ‘အောင်းကော ပီမားနှောက်ယှက်၊ နာ့ဆပ်တူးလေကော့် အတ်ပ်ရောင့်ဝ်ကော်၊ ကောတောင်း လအောင်ကောလေကော့် ခနောဝ်စနွမ်း ခေါင့်ဝ်ဟင်းကော်၊ ကောလုဆီ အဟောင်းကော့် မဟေဟောင့်ဝ်ပဲ့’ ဆီ ဆီမေခနောဝ်ဟုန်း တဝါပေါက်မားအောင်းစမော။ 8အောင်းမဆူကောခဝါလ ကွန်းဟောန့်န လကော့်မောမေကော့် လုဆီ အဟောင်းကော့် အောင်းတမားဟောင့်ဝ်မစော်။ တော်နယ် မောန အားမလျှောဆီ ဆက်ဆီဟောင်ပေါရောန်းနော့် မွန်းန ခထီန်းအောင်းနာမယ်နီးမွန်းညော့ ဆီမေစနွမ်း လုဆီ အောင်းမောလိုလေတောင်းလုန် တမားဟောင့်ဝ်။ 9ကောပ့်နယ့်ညော့ အောင်းမဆူကောခဝါလ ရောန်းဟင်း၊ ဟောင်ပေါရောန်း တနွိုက်။ ခါဟင်း ဟောင်ပေါခါ တခေါက်ပ်ဟင်း။ အောင်းန့ာဆပ်တူးလေ ခေါက်ဟင်း၊ ဟောင်ပေါခေါက် တပူဟောင့်ဝ်။ 10ကွန်းရောန်းလေတောင်းလုန် တနွိုက်ဟင်း။ ကွန်းခါလေတောင်းလုန် တခေါက်ပ်ဟင်း။ အောင်းကွန်းခေါက်န့ာဆပ်တူးလေတောင်းလုန်ကော့် တပူဟောင့်ဝ်။ 11တော်နယ်ဆီ လုစိုင်းလ ဟောင်ရောန်းပါးလော့် ပေါ်ထောလာတဟောင့်ဝ်ငူး။ 12တော်နယ်ဆီ လုစိုင်းလ ဟောင်ပေါရောန်းခိုင်ကိုင် ပေါ်ထော လာတဟောင့်ဝ်မိုင်းငေါလေ။ 13ကောပ့်နယ့်ညော့ မဆူလေန ပေးကွန်းမနီးလေမေကော့် အောင်းလအောင်မဆူ အောင်းနီးအောင်းငမ်းလေ ပေါစန်ဟောင့်ဝ် စောင့်ဖလားအောင်းရောင်းရာမှိန်းခမ်းလ အောင်းကွန်းရောန်းရာမွန်း အောင်းဖောကော့်ခရောင့်ဝ် အောင်းဉာဏ်အလင်းတော်ကိုးသကော့် ဟပေါနယ့်ဟောင့်ဝ် ဆာဆီအဆင့်သင့်ရောင်း” ဆီ ဝါကော်ဝိုက်။
စောင့်ယေရှုတောင်း ဗေလဇေဗုလ
(စောင့်မဿဲ ၁၂:၂၂-၃၀။ စောင့်မာကု ၃:၂၀-၂၇)
14ဝမ်းနိမ်လော့် စောင့်ယေရှုန အောင်းကွန်းကော်နိမ် တော်ပေါအာ အောင်းဟေဝိုက် အောင်းဖီမနီး ဟော့်အောက်ကော်ဝိုက်။ ဖီမနီးဟောန့် အောက်ကွာကော်လော့် ကွန်းအာဟောန့်န ခွမ်းတန့်ပေါက်မားပဲ့ကော်ညော့ ကွန်းဖွန်လေကော့် အမ်းဟင်းကော်ဝိုက်။ 15#11:15 မဿဲ ၁၂း၃၈၊ ၁၆း၁။ မာကု ၈း၁၁။တော်နယ်ကော့် ကွန်းကမ်ဖောင်လ “ကွန်းဟိုက်လ စောင့်ခွန်ဟော်ခမ်းဖီမနီး တောင်းအစွမ်းဗေလဇေဗုလ#11:15 ဗေလဇေဗုလ (မဿဲ ၉း၃၄၊ ၁၀း၂၅)၊ ဗေလဇေဗုလဝါလ မေခေတ်ဟောန့် အောင်းစောင့်ဖလားအာဗြဟံ ဆီမေကွန်းမဝိုင်ယ်လေန ခနောဝ်ဖီဒေဝါအောင်းကွန်းလေဝိုင်ယ်န ပါးနိမ်ပေးဆီ ကွန်းလေန အောင်းနာမယ်ဟောန့် ခဝါအောင်းမာရ်နတ်ဆီကော့် ဆွန်းဟင်းဝိုက်။တောင်း အောင်းဖီမနီးဟိုက် ဟော့်အောက်တနယ့်ပေး” ဆီ ဝါဟင်းကော်ဝိုက်။ 16ကွန်းတန်းတီလေကော့် အောင်းစောင့်ယေရှု ခစမ်းဟင်းညော့ အစွမ်းမွန်းစောင့်လ အကြောင်းဆီမေစောင့်ဖလားမားဝါလ ဟပေါနယ့်ပြား လောင်အောင်းခနီးအမ်း ဟပေါဟေ ရောန်းဟင်းကော်ဝိုက်။ 17မွန်းစောင့်လ အောင်းစောဝ်ကွန်းဟောန့်လေ ဟုညော့ အောင်းစမနော် “ခနောဝ်မှိန်းမှိန်းနိမ်လ ကွန်းလေ စောဝ်မတူဆီ အချန်းချန်း ပေါဆန့်ကျင်ဟင်းလော့် မှိန်းဟောန့်လ မဟူခွေတ် တနယ့်ပျတ်စီး။ နောင်နယ့်ကျဉ်းနော့် ရာဟုန်းဟုန်းနိမ် ကွန်းစောင့်အူနွေ့ဟင်းလေကော့် စောဝ်မတူဆီ အချန်းချန်း ပေါပေးရန်ဟင်းလော့် စောင့်ဟုန်းဟောန့်လေန တနယ့်ပျတ်စီး။ 18နောင်နယ့်ကျဉ်းနော့် မာရ်နတ်ကော့် တောင်းဖီမနီးမွန်းလေတောင်း ပေါဆန့်ကျင်လော့် မှိန်းမွန်းန နောင်နူးဆီ တတည်မြဲပဲ့။ ကောနယ့်ဝါနောင်နယ့်လ မဆူလေန အောင်းကော အစွမ်းဗေလဇေဗုလတောင်း ဟော့်ဝေအောင်းဖီမနီးလေဆီ မဆူဝါဟင်း။ 19တော်နယ်ဆီ နောင်မဆူဝါဆီ ကောလ တောင်းအစွမ်းဗေလဇေဗုလတောင်း ဟောင်ပေါဟော့်ဝေအောင်းဖီမနီးပေါလော့် တပဲ့မဆူလေကော့် ဟော့်အောက်အောင်းဖီမနီးဟင်းမစော်လေး။ နောင်နယ့်ပေါဝါလော့် မနော်လေန တောင်အစွမ်းဖောတောင်း ဟော့်အောက်အောင်းဖီမနီးလ။ အောင်းစော်လော့် တောင်းအခွင့်အာဏာစောင့်ဖလားတောင်းနဲဟော် နောင်နယ့်ဆီ ဟေပဲ့မစော်လေး။ ကောပ့်နယ့်ညော့ အောင်းမဆူစွပ်စွဲလ ဖစ်ဝါလ တပဲ့မဆူလေန သက်သေကျဉ်းနော့်ဆဲ။ 20တော်နယ်ကော့် ကောလ အစွမ်းစောင့်ဖလားလေတောင်း ဆွန်းဆီ ဟော့်အောက်အောင်းဖီမနီးလေညော့ သာသနာတော်စောင့်ဖလားလ ရာမဆူ ထီန်ရောင့်ဝ်ကော်ဝါလ ပြားဆီအူကော့်” ဆီ ဝါကော်ဝိုက်။ 21နောက်လောင်နော့် မွန်းစောင့်လ ကောပ့်ဟော့်အောက်အောင်းဖီမနီးလေညော့ ဆာဆီမာရ်နတ် အကြောင်းအစွမ်းလုန်ရောင်း ဟပေါနယ့်ပြား တောင်းပွန်ဥပမာတောင်း လောင်ဝ်ပြားကော်လ “ကွန်းအားရောင်ဝ်လ လတ်နတ်စွန်စွန်လန်လန်တောင်း အောင်းဟုန်းမွန်း မေပေါင့်ဝ်လော့် ပစ္စည်းမွန်းလေတောင်းလုန်န လွန်။ 22တော်နယ်ကော့် ဆာဆီမွန်း အောင်းအားရောင်ဝ်လ မားတွိုက်အောင်းမွန်းဆီ ဟောင်ပေါပဲ့ကော်လော့် အောင်းမွန်းနယ့်အားကိုး အောင်းလတ်နတ်လေ ဆဉ်းကော်ဆီ အောင်းပစ္စည်းမွန်းလေပါ အောင်းဝ်ဆီ အောင်းကွန်းတန်းတီလေ တမိုင်ဟောင့်ဝ်။ 23တောင်းပါ့ကော ကွန်းမအူ ဖောကော့်ခရောင့်ဝ် ကွန်းဆန့်ကျင်အောင်းကောကျဉ်းနော့်။ အတွုက်စောင့်ဖလား အောင်းကွန်းလေ ဟပေါနယ့်စူး အောင်းစကော ကွန်းမစွယ်လ အောင်းကွန်းလ ဆီမေစောင့်ဖလား ပေးကွန်းတဟဆိန်ကော်ရာအောင်းကိုင်း” ဆီ ပေးဝိုက်။
အောင်းဖီမနီးပေါက်မား
24နောက်လောင်နော့် မွန်းစောင့်လ “ဖီမနီးလ ဆီမေကွန်းအောင်းမွန်းပူးလ အောက်ဆီ ရာခနောဝ်ကန္တာရ ကွာခွန့်ကွာလောင်ဆီ စောင်းမ်ခါတီအောင်းစဆောင်းဝ်ဝိုက်။ တော်နယ်ကော့် စဆောင်းဝ် တီတီနိမ်ကိုးသကော့် ခါမဟောန်ညော့ ‘ရာတီကောအူမားကောင်ဝ်နဲဟော် တပေါက်ဟော’ ဆီ ဝါဆီ ပေါက်ကွာကော်ဝိုက်။ 25မွန်းထီန်ပေါက်ကော်လော့် တိုးကွန်းအောင်းမွန်းပူးမားမေစောင့်လ နောင်ပေါက်ဝိုက်ညော့ သပ်ရပ်ဆီ နောင်ဟုန်းကွန်းအူမရောင်းဟုန်းနိမ်ညော့ ပေးဆီအူလ နယ့်ခေါက်ပ်ကော်ဝိုက်။ 26မေနယ့်လော့် ဖီမနီးလ ဆာဆီမွန်း အောင်းဖီချဉ်းမနီးစေတိုး ဟောင့်မားဆီ အူဟင်းကော်လော့် ကွန်းဟောန့်န နောင်မေစောင့်မကား ဆာဆီပေးထိုင့်မားကော်” ဆီ ဝါကော်ဝိုက်။
ကွန်းကမ်နီးလေ
27မွန်းစောင့်န တကြားဟောပြားအောင်းကွန်းဖွန်လ ဆီမေခနောဝ်ကွန်းဖွန်န ကော့်ယဉ်းကော်နိမ်လ “ကော့်ယဉ်းအောင်းလိမ့်မားအောင်းမောစောင့်ဆီ အောင်းအွယ်စော်မားလ ကွန်းကမ်နီး” ဆီ ကြမ်းကြမ်း ဝါကော်ဝိုက်။ 28မေနယ့်လော့် မွန်းစောင့်လ “စော်။ တော်နယ်ကော့် အောင်းနှုတ်ကပတ်တော်စောင့်ဖလားလေ ထောင်မ်ဆီ ကွန်းစောင့်စောင်းမ်ဟေလေန ဆာဆီကမ်နီး” ဆီ ဝါပေါက်ကော်ဝိုက်။
ကွန်းလေရောန်းတွဲ အောင်းခနီးအမ်းလေ
(စောင့်မဿဲ ၁၂:၃၈-၄၂)
29တကြားကွန်းဖွန်လေ ဆာဆီစူးမားလော့် မွန်းစောင့်လ “ကွန်းခေတ်အစောင်လေန ပေးကွန်းမနီးလေ။ ဟေဟောင်းဆီပေါဝါလော့် မဆူလေန အောင်းစကော စောင့်ဖလားပွယ်မားဝါလ အနေသက်သေတောင်း အောင်းခနီးအမ်းနိမိတ်လက္ခဏာ ခဟပြားဟင်း။ တော်နယ်ကော့် အောင်းမဆူတနယ့်ဟောန့် နိမိတ်လက္ခာအောင်းတူးနိမ်အင်လ မေတန်ဟာ ရာပရောဖက်ယောန#11:29 ယောနလ မေတန်ဟာပွန့် အောင်းရောင်းမား ပေးပရောဖက်ပါးနိမ်ဝိုက်။ ပါးလုန်တူးနိမ်လ အောင်းစမွန်း အွန်းကော်ဆီ ဆမ်ဝမ်းဟူကော်လော့် စောင့်ဖလားလ အောင်းပါးလုန် ရာခနေကွန်း အောင်းယောန ဟဟတ်အောက်ကော်ဝိုက်။ အောင်းပေးမား နိမိတ်လက္ခာနဲဟော် တပေးဟော။ 30ပရောဖက်ယောနလ အောင်းစကွန်းမှိန်းနိနေဝေလေ အကြောင်းစောင့်ဖလားပွယ်မား နောင်ပြားသက်သေမားညော့ ကော လူ့သားတော်ကော့် အကြောင်းစောင့်ဖလားပွယ်မားအောင်းစကော အောင်းစမဆူ တပြားသက်သေ။ 31ဝမ်းစီရင်တလားဟောင်ပေါထီန်လော့် စောင့်ခွန်ဟော်ခမ်းမယ်မှိန်းရှေဘလ တောင်းကွန်းခေတ်အစောင်လေတောင်း အဆတ်ခွန်းပေါက်မားဆီ အောင်းကွန်းမျိုးဆတ်အစောင်ဖစ်လေ တန်အပြစ်ဆီ တဆွဲတလား။ ဟေဟောင်းဆီပေါဝါလော့် စောင့်ခွန်ဟော်ခမ်းမယ်မှိန်းရှေဘ#11:31 စောင့်ခွန်ဟော်ခမ်းမယ်မှိန်းရှေဘ စောင့်ခွန်ဟော်ခမ်းမယ်မှိန်းရှေဘန ပေးစောင့်ခွန်ဟော်ခမ်းမယ် မှိန်းတောင်းပါ့နာ့စန်းဆီကော့် ရာငေါင့်ကျမ်း ပြားဝိုက်။ မှိန်းမွန်းနယ့်အုပ်ချုပ်န တောင်းပါ့နာ့စန်းအစ္စရေး ရောင်းဝိုက်။ (ဓမ္မရာဇဝင် ပထမစာစောင် ၁၀း၁-၁၃)လ ဟပေါနယ့်ထောင်မ် အောင်းခွမ်းကွန်းပညာရောင်းရှောလမုန်ဆီ ဆီမေမှိန်းအောင်းကိုင်းတန်းတီပွန့် နယ့်မား။ အောင်းမဆူကောတဝါ ဆာဆီစောင့်ခွန်ဟော်ခမ်းရှောလမုန်လ ကွန်းအောင်းဆာဆီမြတ်တ အစောင် ရာတီဟိုက် တောင်းမဆူတောင်း ရောင်း။ တော်နယ်ကော့် မဆူလေန အောင်းခွမ်းမွန်း မထောင်မ်ဟင်း။ 32နောင်နယ့်ကျဉ်းနော့် ဝမ်းစီရင်တလားလော့် ကွန်းမှိန်းနိနေဝေလေကော့် တောင်းကွန်းခေတ်အစောင်လေတောင်း အဆတ်ခွန်းပေါက်မားဆီ အောင်းကွန်းခေတ်အစောင်လေဖစ်လေ တန်အပြစ်ဆီ တဆွဲတလား။ ဟေဟောင်းဆီပေါဝါလော့် ကွန်းမှိန်းနိနေဝေလေန အောင်းယောနဟောပြားဆောန်ပြားလေ မေနယ့်ဟဉ်းဟင်းကော်လော့် နောင်တသံဝေဂနွိုက်ဟင်းမားညော့။ အောင်းစမဆူ ကောဟောင်တနယ့်ဝါပေါဝါလော့် အစောင် ရာတီဟိုက် ဆာဆီယောန ကွန်းဆာဆီမြတ်တ တောင်းမဆူတောင်း ရောင်း။ တော်နယ်ကော့် မဆူလေန အောင်းခွမ်းမွန်းလေ နယ့်ဟဉ်းမားမေကော့် နောင်တသံဝေဂမနွိုက်ဟင်း” ဆီ ဝါကော်ဝိုက်။
အောင်းလိန်း တိုး
(စောင့်မဿဲ ၅:၁၅၊ ၆:၂၂-၂၃)
33နောက်လောင်နော့် မွန်းစောင့်လ “အောင်းကလောက်ဖိုင်း အောင်းဖိုင်းစပ်ဝိုက် ကွန်းစောင့်လောက်ဆိဉ် နောင်နယ့်ပေါမစော် ကွန်းစောင့်ဝိုက်ခတောင့်မွန်းဝါလ မရောင်း။ အစားဟောန့် ကွန်းခေါင့်ဝ်ခနောဝ်ဟုန်းလေတောင်းလုန် အောင်းလိန်းဟပေါနွိုက် အောင်းကလောက်ဖိုင်း ရာချိန်ဖိုင်းနဲဟော် စန်ချိဝိုက်ဟင်း။ 34ဟွေတားမဆူလေန အောင်းတိုးမဆူ နောင်ကလောက်ဖိုင်းကျဉ်းနော့်။ ဟွေတားမောဟောင်ပေါနီး တိုးမောလ အောင်းလိန်းလေ တနွိုက်။ တော်နယ် ဟွေတားဟောင်ပေါမနီးလော့် တိုးမောလ တနပ်ဆိဉ်။ 35ကော့ပ်နယ့်ညော့ အောင်းလိန်းအောင်းရောင်းရာခနောဝ်မောလ ဟပေါမပေးအောင်းနပ်ဆိဉ် ဟေအလေးဟင်း။ 36ကောပ့်နယ့်ညော့ တိုးမောတောင်းတိုးတိုးလ အောင်းနပ်ဆိဉ်မရောင်းဆီ ဟောင်ပေါလိန်းလော့် ဆီမေကလောက်ဖိုင်း အောင်းလိန်းလ ခနေမော နောင်လိန်းညော့ တိုးမောတောင်းတိုးတိုးကော့် တလိန်း” ဆီ ဝါကော်ဝိုက်။
စောင့်ယေရှုဆုံးမ အောင်းဖာရိရှဲလေတောင်း အောင်းဆရာကျမ်းစန်လေ
(စောင့်မဿဲ ၂၃:၁-၃၆။ စောင့်မာကု ၁၂:၃၈-၄၀)
37နောင်နယ့်ဆီ စောင့်ယေရှုဝါရောင့်ဝ် ဖာရိရှဲကော်နိမ်လ အောင်းစောင့်ယေရှု ဟမားကျဉ်းခေါင်ကျဉ်းဆီ ရာဟုန်းမွန်း ပန်းကော်ညော့ မွန်းစောင့်ကော့် ကြွကွာကော်ဆီ ရာစာပွဲ နှောင်ကော်ဝိုက်။ 38ခေါင်ကျဉ်းလေမကျဉ်းခွေတ် နောင်စလေ့ထွုံးစံဂျူးလေဆီ အောင်းတနယ့်ဟေ အောင်းဆွတ်မေးလေ စောင့်ယေရှုမဟေအောင်းတိုင်းလ ဖာရိရှဲလေဟောန်ကော်လော့် အမ်းဟင်းကော်ဝိုက်။ 39ကောပ့်နယ့်ညော့ စောင့်ယေရှုလ “ဖာရိရှဲမဆူလေန ခနောက်ပကန်ဝမ်လေနဲဟော် တောင်းကွန်းလန့်တောင်း တူမေကော့် တောင်းပါ့ခနောဝ် အောင်းပတ်ဆတ်လေပေါဝါလော့် မလန့်ဆီ ဝိုက်ဝိုက်ဟင်း။ အောင်းမေးမဆူ ဆွတ်ဟင်းမေကော့် စောဝ်မဆူပေါဝါလော့် လောဖားအောင်းမနီးလေတောင်း တေးမ်ဆီအူ။ 40ကွန်းမနီးလေ၊ စောင့်ဖလားအောင်းဖန်းစန်းတိုးမဆူလ အောင်းစောဝ်မဆူပါ ဖန်စန်မားဝါလ မဆူမဟုဟင်းလေး။ 41ကောပ့်နယ့်ညော့ လောဖားရောင်ဝ်ဆီ အကျန်းမနီးလေ ပီကျန်းဟင်း၊ အောင်းကွန်းဖန်လေ လှူဟင်း။ နောင်နယ့်ဟောင်ပေါဟေလော့် မောလ ရာခနာ့စောင့်ဖလား တပေးကွန်းသန့်ရှင်း။ 42ဖာရိရှဲလေ၊ မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် ဖေပူစီနံ၊ ဖေလျှူ#11:42 ဖေပူစီနံ၊ ဖေလျှူ ပူစီနံတောင်းဖေလျှူဝါလ နောင်ဖေအဉ်းမ်ချဉ်းတောင်း နောင်ဖေပကျီးညော့ ဆီမေခနောဝ်တိန့်ရာ့ခေါင့်ဝ်လေန အောင်းချဉ်းဆေးတောင်း ခေါန်အောင်းချဉ်းဆတ်ဆာဝိုက်။တောင်း ဆီမေဆွုန် အောင်းအောက် အောင်းမတ်မိုက်မတ်တောက်လေ ဟူပွန်မွန်းဆစ်ပ်နိမ်လ ပွန်နိမ် အောင်းစောင့်ဖလား လှူဟင်းမေကော့် မဆူလေန ခနေပေ မတလားဆက်ဆံဟင်းဆီ အောင်းစောင့်ဖလားကော့် မဟောက်ဟင်း။ မဆူလေန အောင်းစောင့်ဖလား ဟူပွန်မွန်းဆစ်ပ်နိမ်လပွန်နိမ် တနယ့်လှူဆီမကား အောင်းပွန်လေကော့် တလားမျှမျှတတ ဆက်ဆံဆီ အောင်းစောင့်ဖလားကော့် တနယ့်ဟောက်ဟင်း။ 43ဖာရိရှဲလေ၊ မဆူလေန ကွန်းတနယ့်ခမ်ဒုက္ခဆင်းရဲလေ။ မဆူလေန ရာတလားစလပ်လေကော့် ခနှောင်ဟင်းရာအောင်းချဉ်းနီးလေ။ ခနောဝ်ဈေးလေကော့် အောင်းကွန်းလေဟောက်နဲဟော် မဆူလိုဟော။ 44မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် မဆူလေန ခနောဝ်တုန် တောင်းဂူချန်းချိန်းအောင်းမှတ်ဝိုက်မရောင်းတောင်းတူ။ ကွန်းလေန ခနေအောင်းဟောန့်လေ မဟုဆီ စန်ကွာစန်မားဟင်း။ ကွန်းဟောန့်လေကော့် တထီန်ရာအောင်းမစင်ကြယ်ဟင်း” ဆီ ဝါကော်ဝိုက်။ 45မေနယ့်လော့် ဆရာကျမ်းစန်ကော်နိမ်လ “ဆရာ၊ မောစောင့်ဝါနောင်နယ့်လ နောင်စော်ကားအောင်းဟောကျဉ်းနော့်” ဆီ ဝါကော်ဝိုက်။ 46မေနယ့်လော့် စောင့်ယေရှုကော့် “ဆရာကျမ်းစန်လေ၊ မဆူလေကော့် ကွန်းတနယ့်ခမ်ဒုက္ခဆင်းရဲလေ။ မဆူလေန အောင်းကွန်းလေ ပုတ်အောင်းနောက်လေ ဟဟပ်ဟင်းဆီ မဆူကိုယ်တိုင်လ အောင်းဟောန့်လေ တောင်းပိုင်းမေးအင်တောင်းကိုးကော့် မကွာထိဟင်း။ 47မဆူလေန အောင်းတဲ့တဲ့ကော့် ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် မေတန်ဟာ အောင်းပူလဉ်ရာလဉ်မဆူလေအောင်းဝ်သိုင်းမား အောင်းစပရောဖက်လေ မဆူ ဂူချန်းချိန်းလေ တော်ပေါဆန်း နယ့်ဟေဟောင့်ဝ်။ 48နောင်နယ့်ဆီ မဆူဟေလ အောင်းပူလဉ်ရာလဉ်မဆူဟေမားလေန စော်ဆီ ထောက်ခမ်ဟင်းကျဉ်းနော့်။ မဆူဟောင်ပေါမထောက်ခမ်လော့် အောင်းပူလဉ်မဆူလေအောင်းသိုင်းမား အောင်းစပရောဖက်လေ နောင်နယ့်ဆီ ချန်းချိန်းဂူလေ တဟေဟောင့်ဝ်ဟင်းမစော်။ 49ကောပ့်နယ့်ညော့ ကာအောင်းရောင်းတောင်းလုန် အောင်းဟု စောင့်ဖလားလ ‘ရာမဆူ အောင်းပရောဖက်လေတောင်း အောင်းတပဲ့လေ တပွယ်ကော်။ တော်နယ်ကော့် မဆူလေန အောင်းပရောဖက်ဟောန့်လေတောင်း အောင်းတပဲ့မောင်းဖောင်လေ အောင်းဝ်သိုင်းဆီ အောင်းမောင်းဖောင်လေပေါဝါလော့် တနိစတ်ဟင်း’ ဆီ ဝါကော်ဝိုက်။ 50ကောပ့်နယ့်ညော့ ကွန်းမျိုးဆတ်ခေတ်အစောင်လေန ဆီမေကမ္ဘာအစပွန့်နော့် ပူလဉ်ရာလဉ်မနော်လေန အောင်းပရောဖက်လေ ကောပ့်အောင်းဝ်သိုင်းမားညော့ တနယ်ခမ် အောင်းစီရင်အပြစ်ဟင်း။ 51အောင်းစမဆူ ကောဟောင်နယ့်ဝါအောင်းစော်ပေါဝါလော့် ဆီမေပရောဖက်အာဗေလ#11:51 ပရောဖက်အာဗေလ ကာဣနန အောင်းနောင့်စိုင်းမွန်း အာဗေလ အောင်းဝ်သိုင်းဆီ မနော်လေန ပေးလုစိုင်းအာဒံဟင်းဝိုက်။ ပရောဖက်အာဗေလန ရာဖွန်လိဓမ္မကျမ်းအောင်းကောင်ဝ် ပထဆုံး ကွန်းအောင်းအောင်းဝ်သိုင်းနယ့်ခမ်မားဝိုက်။ (ကမ္ဘာဦးကျမ်း ၄း၈)စဆီ တကြားဗိမာန်တော်တောင်း တကြားပလန်အောင်းကပ် အောင်းအောင်းဝ်သိုင်း အောင်းနယ့်ခမ်မား တော်ပရောဖက်ဇာခရိ#11:51 ပရောဖက်ဇာခရိ ပရောဖက်ဇာခရိန အောင်းနှုတ်ကပတ်တော်စောင့်ဖလားလေ ကြေငြာမားညော့ အောင်းအောင်းဝ်သိုင်းနယ့်ခမ်မားဝိုက်။ မွန်းန နောက်ဆုံး ကွန်းအောင်းအောင်းဝ်သိုင်းနယ့်ခမ်မားဝိုက်။ (ရာဇဝင်ချုပ် ဒုတိယစာစောင် ၂၄း၂၀-၂၂)ပွန့် ကောပ့်အောင်းပူလဉ်ရာလဉ်မဆူလေဟေမားညော့ စောင့်ဖလားလ အောင်းစမဆူ တဟောင့်ဝ်အပြစ်လ အောင်းတဲ့တဲ့ကော့်။ 52ဆရာကျမ်းစန်လေ၊ မဆူလေန အောင်းကွန်းလေ ရာစောင့်ဖလား ခွန်တန်းအောင်းစော် မခဟဟုဆီ ပိဝိုက်ညော့ အောင်းဒုက္ခလုန် တနယ့်ခမ်။ မဆူကိုယ်တိုင်ကော့် အောင်းခွန်တန်းဟောန့် မစောင်းမ်ဟင်း၊ အောင်းကွန်းစောင်းမ်လေကော့် မဆူဆီးဟင်း” ဆီ ဝါကော်ဝိုက်။ 53နောက်လောင်နော့် စောင့်ယေရှုန ဆီမေဟုန်းဖာရိရှဲ အောက်ကွာကော်လော့် ဆရာကျမ်းစန်လေတောင်း ဖာရိရှဲလေန ခနေမွန်းစောင့် ခါဖစ်တန်အပြစ်ဟင်းဆီ အောင်းမွန်းစောင့် တောင်းအကြောင်းမကျေးမလေတောင်းအောင်းဆိုင် မေးခွန်းလေ ထန်မ်ဟင်းကော်ဝိုက်။ 54ကွန်းဟောန့်လေန ခနောဝ်ခွမ်းမွန်းစောင့်တန့်လ အောင်းဖစ်ကမ်းနိမ်မကမ်းနိမ် ဟောင်ပေါပါ အပြစ်တန်ဆီ ဟပေါနယ့်စွပ်စွဲ နောင်နယ့်ဆီ နယ့်ထန်မ်ဝိုက်။
Právě zvoleno:
စောင့်လုကာ 11: TJL
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.
စောင့်လုကာ 11
11
ဟောင့် (၁၁)
စောင့်ယေရှုလ အကြောင်းရောန်းဆု ဆောန်ဟောင့်ဝ်အောင်းတပဲ့မွန်းလေ
(စောင့်မဿဲ ၆:၉-၁၃၊ ၇:၇-၁၁)
1ဝမ်းနိမ့်လော့် စောင့်ယေရှုလ ရာတီတီနိမ် ရောန်းဆုဆီအူဝိုက်။ ရောန်းဆုဆီရောင့်ဝ်ကော်လော့် တပဲ့မွန်းကော်နိမ်လ “စောင့်၊ ဆရာရေနှစ်မင်္ဂလာယောဟန်လ အောင်းတပဲ့မွန်းလေ တနယ့်ရောန်းဆုနောင်နူးဝါလ နောင်ဆောန်ဟောင့်ဝ်ညော့ အောင်းဟောခကော့် ဆောန်ဟောင့်ဝ်အွန်” ဆီ ဝါကော်ဝိုက်။ 2မေနယ့်လော့် မွန်းစောင့်လ အောင်းမနော်လေ “မဆူဟောင်ပေါရောန်းဆုလော့်
‘စောင့်ဖလားအောင်းရောင်းရာမှိန်းခမ်း၊ နာမယ်မောစောင့်လ အောင်းရိုသေ ဟနယ့်ခမ်အီ့အွန်။ သာသနာတော်မောစောင့် ဟပေါ်အီ့အွန်။
3ဝမ်းနိမ် အောင်းဟောလို ခေါင်ကျဉ်းခေါင်ဝါလေ ကူဝမ်းကူဝမ်း ဟောင့်ဝ်အီ့စောင့်။
4ခနေဟော ကွန်းဟေအပြစ်လေတောင်းလုန် နောင်ဟောခခွင့်လွှတ်ဆီ
အောင်းအပြစ်ဟောခလေကော့် ခွင့်လွှတ်ဟောင့်ဝ်အွန်စောင့်။
အောင်းဟော ဟပေါဟေအပြစ်လေ ကာအောင်းလိဉ်လေကော့် ဆီးဟောင့်ဝ်အွန်စောင့်’ ဆီ ရောန်းဆုဟင်း” ဆီ ဝါကော်ဝိုက်။
ရောန်းဟင်း၊ ခါဟင်း၊ အောင်းနာ့ဆပ်တူး ခေါက်ဟင်း
5နောက်လောင်ဟာနိမ် မွန်းစောင့်လ အောင်းတပဲ့မွန်းလေ “ဆီမေခနောဝ်မဆူန ကော်နိမ်လ လကော့်ကော်နိမ်ဟောင်ပေါရောင်း ကန်းခွန်းဖဖ ရာလကော့်ဟောန့် ကွာဆီ ‘အိုက်ကော့်၊ 6လကော့်ကောကော်နိမ်လ ဆီမေခရီးအောင်းကိုင်း ထီန်မားညော့ စလိမ့်အောင်းစမွန်း အဟောင်းကော့်မရောင်းကော့်ညော့ အောင်းစကော ခေါင့်ဝ်မွန်းဆမ်ဟွေ ကူဟောင့်ဝ်အွန်’ ဆီ ဟောင်ပေါဝါကော် 7လကော့်မောလ ‘အောင်းကော ပီမားနှောက်ယှက်၊ နာ့ဆပ်တူးလေကော့် အတ်ပ်ရောင့်ဝ်ကော်၊ ကောတောင်း လအောင်ကောလေကော့် ခနောဝ်စနွမ်း ခေါင့်ဝ်ဟင်းကော်၊ ကောလုဆီ အဟောင်းကော့် မဟေဟောင့်ဝ်ပဲ့’ ဆီ ဆီမေခနောဝ်ဟုန်း တဝါပေါက်မားအောင်းစမော။ 8အောင်းမဆူကောခဝါလ ကွန်းဟောန့်န လကော့်မောမေကော့် လုဆီ အဟောင်းကော့် အောင်းတမားဟောင့်ဝ်မစော်။ တော်နယ် မောန အားမလျှောဆီ ဆက်ဆီဟောင်ပေါရောန်းနော့် မွန်းန ခထီန်းအောင်းနာမယ်နီးမွန်းညော့ ဆီမေစနွမ်း လုဆီ အောင်းမောလိုလေတောင်းလုန် တမားဟောင့်ဝ်။ 9ကောပ့်နယ့်ညော့ အောင်းမဆူကောခဝါလ ရောန်းဟင်း၊ ဟောင်ပေါရောန်း တနွိုက်။ ခါဟင်း ဟောင်ပေါခါ တခေါက်ပ်ဟင်း။ အောင်းန့ာဆပ်တူးလေ ခေါက်ဟင်း၊ ဟောင်ပေါခေါက် တပူဟောင့်ဝ်။ 10ကွန်းရောန်းလေတောင်းလုန် တနွိုက်ဟင်း။ ကွန်းခါလေတောင်းလုန် တခေါက်ပ်ဟင်း။ အောင်းကွန်းခေါက်န့ာဆပ်တူးလေတောင်းလုန်ကော့် တပူဟောင့်ဝ်။ 11တော်နယ်ဆီ လုစိုင်းလ ဟောင်ရောန်းပါးလော့် ပေါ်ထောလာတဟောင့်ဝ်ငူး။ 12တော်နယ်ဆီ လုစိုင်းလ ဟောင်ပေါရောန်းခိုင်ကိုင် ပေါ်ထော လာတဟောင့်ဝ်မိုင်းငေါလေ။ 13ကောပ့်နယ့်ညော့ မဆူလေန ပေးကွန်းမနီးလေမေကော့် အောင်းလအောင်မဆူ အောင်းနီးအောင်းငမ်းလေ ပေါစန်ဟောင့်ဝ် စောင့်ဖလားအောင်းရောင်းရာမှိန်းခမ်းလ အောင်းကွန်းရောန်းရာမွန်း အောင်းဖောကော့်ခရောင့်ဝ် အောင်းဉာဏ်အလင်းတော်ကိုးသကော့် ဟပေါနယ့်ဟောင့်ဝ် ဆာဆီအဆင့်သင့်ရောင်း” ဆီ ဝါကော်ဝိုက်။
စောင့်ယေရှုတောင်း ဗေလဇေဗုလ
(စောင့်မဿဲ ၁၂:၂၂-၃၀။ စောင့်မာကု ၃:၂၀-၂၇)
14ဝမ်းနိမ်လော့် စောင့်ယေရှုန အောင်းကွန်းကော်နိမ် တော်ပေါအာ အောင်းဟေဝိုက် အောင်းဖီမနီး ဟော့်အောက်ကော်ဝိုက်။ ဖီမနီးဟောန့် အောက်ကွာကော်လော့် ကွန်းအာဟောန့်န ခွမ်းတန့်ပေါက်မားပဲ့ကော်ညော့ ကွန်းဖွန်လေကော့် အမ်းဟင်းကော်ဝိုက်။ 15#11:15 မဿဲ ၁၂း၃၈၊ ၁၆း၁။ မာကု ၈း၁၁။တော်နယ်ကော့် ကွန်းကမ်ဖောင်လ “ကွန်းဟိုက်လ စောင့်ခွန်ဟော်ခမ်းဖီမနီး တောင်းအစွမ်းဗေလဇေဗုလ#11:15 ဗေလဇေဗုလ (မဿဲ ၉း၃၄၊ ၁၀း၂၅)၊ ဗေလဇေဗုလဝါလ မေခေတ်ဟောန့် အောင်းစောင့်ဖလားအာဗြဟံ ဆီမေကွန်းမဝိုင်ယ်လေန ခနောဝ်ဖီဒေဝါအောင်းကွန်းလေဝိုင်ယ်န ပါးနိမ်ပေးဆီ ကွန်းလေန အောင်းနာမယ်ဟောန့် ခဝါအောင်းမာရ်နတ်ဆီကော့် ဆွန်းဟင်းဝိုက်။တောင်း အောင်းဖီမနီးဟိုက် ဟော့်အောက်တနယ့်ပေး” ဆီ ဝါဟင်းကော်ဝိုက်။ 16ကွန်းတန်းတီလေကော့် အောင်းစောင့်ယေရှု ခစမ်းဟင်းညော့ အစွမ်းမွန်းစောင့်လ အကြောင်းဆီမေစောင့်ဖလားမားဝါလ ဟပေါနယ့်ပြား လောင်အောင်းခနီးအမ်း ဟပေါဟေ ရောန်းဟင်းကော်ဝိုက်။ 17မွန်းစောင့်လ အောင်းစောဝ်ကွန်းဟောန့်လေ ဟုညော့ အောင်းစမနော် “ခနောဝ်မှိန်းမှိန်းနိမ်လ ကွန်းလေ စောဝ်မတူဆီ အချန်းချန်း ပေါဆန့်ကျင်ဟင်းလော့် မှိန်းဟောန့်လ မဟူခွေတ် တနယ့်ပျတ်စီး။ နောင်နယ့်ကျဉ်းနော့် ရာဟုန်းဟုန်းနိမ် ကွန်းစောင့်အူနွေ့ဟင်းလေကော့် စောဝ်မတူဆီ အချန်းချန်း ပေါပေးရန်ဟင်းလော့် စောင့်ဟုန်းဟောန့်လေန တနယ့်ပျတ်စီး။ 18နောင်နယ့်ကျဉ်းနော့် မာရ်နတ်ကော့် တောင်းဖီမနီးမွန်းလေတောင်း ပေါဆန့်ကျင်လော့် မှိန်းမွန်းန နောင်နူးဆီ တတည်မြဲပဲ့။ ကောနယ့်ဝါနောင်နယ့်လ မဆူလေန အောင်းကော အစွမ်းဗေလဇေဗုလတောင်း ဟော့်ဝေအောင်းဖီမနီးလေဆီ မဆူဝါဟင်း။ 19တော်နယ်ဆီ နောင်မဆူဝါဆီ ကောလ တောင်းအစွမ်းဗေလဇေဗုလတောင်း ဟောင်ပေါဟော့်ဝေအောင်းဖီမနီးပေါလော့် တပဲ့မဆူလေကော့် ဟော့်အောက်အောင်းဖီမနီးဟင်းမစော်လေး။ နောင်နယ့်ပေါဝါလော့် မနော်လေန တောင်အစွမ်းဖောတောင်း ဟော့်အောက်အောင်းဖီမနီးလ။ အောင်းစော်လော့် တောင်းအခွင့်အာဏာစောင့်ဖလားတောင်းနဲဟော် နောင်နယ့်ဆီ ဟေပဲ့မစော်လေး။ ကောပ့်နယ့်ညော့ အောင်းမဆူစွပ်စွဲလ ဖစ်ဝါလ တပဲ့မဆူလေန သက်သေကျဉ်းနော့်ဆဲ။ 20တော်နယ်ကော့် ကောလ အစွမ်းစောင့်ဖလားလေတောင်း ဆွန်းဆီ ဟော့်အောက်အောင်းဖီမနီးလေညော့ သာသနာတော်စောင့်ဖလားလ ရာမဆူ ထီန်ရောင့်ဝ်ကော်ဝါလ ပြားဆီအူကော့်” ဆီ ဝါကော်ဝိုက်။ 21နောက်လောင်နော့် မွန်းစောင့်လ ကောပ့်ဟော့်အောက်အောင်းဖီမနီးလေညော့ ဆာဆီမာရ်နတ် အကြောင်းအစွမ်းလုန်ရောင်း ဟပေါနယ့်ပြား တောင်းပွန်ဥပမာတောင်း လောင်ဝ်ပြားကော်လ “ကွန်းအားရောင်ဝ်လ လတ်နတ်စွန်စွန်လန်လန်တောင်း အောင်းဟုန်းမွန်း မေပေါင့်ဝ်လော့် ပစ္စည်းမွန်းလေတောင်းလုန်န လွန်။ 22တော်နယ်ကော့် ဆာဆီမွန်း အောင်းအားရောင်ဝ်လ မားတွိုက်အောင်းမွန်းဆီ ဟောင်ပေါပဲ့ကော်လော့် အောင်းမွန်းနယ့်အားကိုး အောင်းလတ်နတ်လေ ဆဉ်းကော်ဆီ အောင်းပစ္စည်းမွန်းလေပါ အောင်းဝ်ဆီ အောင်းကွန်းတန်းတီလေ တမိုင်ဟောင့်ဝ်။ 23တောင်းပါ့ကော ကွန်းမအူ ဖောကော့်ခရောင့်ဝ် ကွန်းဆန့်ကျင်အောင်းကောကျဉ်းနော့်။ အတွုက်စောင့်ဖလား အောင်းကွန်းလေ ဟပေါနယ့်စူး အောင်းစကော ကွန်းမစွယ်လ အောင်းကွန်းလ ဆီမေစောင့်ဖလား ပေးကွန်းတဟဆိန်ကော်ရာအောင်းကိုင်း” ဆီ ပေးဝိုက်။
အောင်းဖီမနီးပေါက်မား
24နောက်လောင်နော့် မွန်းစောင့်လ “ဖီမနီးလ ဆီမေကွန်းအောင်းမွန်းပူးလ အောက်ဆီ ရာခနောဝ်ကန္တာရ ကွာခွန့်ကွာလောင်ဆီ စောင်းမ်ခါတီအောင်းစဆောင်းဝ်ဝိုက်။ တော်နယ်ကော့် စဆောင်းဝ် တီတီနိမ်ကိုးသကော့် ခါမဟောန်ညော့ ‘ရာတီကောအူမားကောင်ဝ်နဲဟော် တပေါက်ဟော’ ဆီ ဝါဆီ ပေါက်ကွာကော်ဝိုက်။ 25မွန်းထီန်ပေါက်ကော်လော့် တိုးကွန်းအောင်းမွန်းပူးမားမေစောင့်လ နောင်ပေါက်ဝိုက်ညော့ သပ်ရပ်ဆီ နောင်ဟုန်းကွန်းအူမရောင်းဟုန်းနိမ်ညော့ ပေးဆီအူလ နယ့်ခေါက်ပ်ကော်ဝိုက်။ 26မေနယ့်လော့် ဖီမနီးလ ဆာဆီမွန်း အောင်းဖီချဉ်းမနီးစေတိုး ဟောင့်မားဆီ အူဟင်းကော်လော့် ကွန်းဟောန့်န နောင်မေစောင့်မကား ဆာဆီပေးထိုင့်မားကော်” ဆီ ဝါကော်ဝိုက်။
ကွန်းကမ်နီးလေ
27မွန်းစောင့်န တကြားဟောပြားအောင်းကွန်းဖွန်လ ဆီမေခနောဝ်ကွန်းဖွန်န ကော့်ယဉ်းကော်နိမ်လ “ကော့်ယဉ်းအောင်းလိမ့်မားအောင်းမောစောင့်ဆီ အောင်းအွယ်စော်မားလ ကွန်းကမ်နီး” ဆီ ကြမ်းကြမ်း ဝါကော်ဝိုက်။ 28မေနယ့်လော့် မွန်းစောင့်လ “စော်။ တော်နယ်ကော့် အောင်းနှုတ်ကပတ်တော်စောင့်ဖလားလေ ထောင်မ်ဆီ ကွန်းစောင့်စောင်းမ်ဟေလေန ဆာဆီကမ်နီး” ဆီ ဝါပေါက်ကော်ဝိုက်။
ကွန်းလေရောန်းတွဲ အောင်းခနီးအမ်းလေ
(စောင့်မဿဲ ၁၂:၃၈-၄၂)
29တကြားကွန်းဖွန်လေ ဆာဆီစူးမားလော့် မွန်းစောင့်လ “ကွန်းခေတ်အစောင်လေန ပေးကွန်းမနီးလေ။ ဟေဟောင်းဆီပေါဝါလော့် မဆူလေန အောင်းစကော စောင့်ဖလားပွယ်မားဝါလ အနေသက်သေတောင်း အောင်းခနီးအမ်းနိမိတ်လက္ခဏာ ခဟပြားဟင်း။ တော်နယ်ကော့် အောင်းမဆူတနယ့်ဟောန့် နိမိတ်လက္ခာအောင်းတူးနိမ်အင်လ မေတန်ဟာ ရာပရောဖက်ယောန#11:29 ယောနလ မေတန်ဟာပွန့် အောင်းရောင်းမား ပေးပရောဖက်ပါးနိမ်ဝိုက်။ ပါးလုန်တူးနိမ်လ အောင်းစမွန်း အွန်းကော်ဆီ ဆမ်ဝမ်းဟူကော်လော့် စောင့်ဖလားလ အောင်းပါးလုန် ရာခနေကွန်း အောင်းယောန ဟဟတ်အောက်ကော်ဝိုက်။ အောင်းပေးမား နိမိတ်လက္ခာနဲဟော် တပေးဟော။ 30ပရောဖက်ယောနလ အောင်းစကွန်းမှိန်းနိနေဝေလေ အကြောင်းစောင့်ဖလားပွယ်မား နောင်ပြားသက်သေမားညော့ ကော လူ့သားတော်ကော့် အကြောင်းစောင့်ဖလားပွယ်မားအောင်းစကော အောင်းစမဆူ တပြားသက်သေ။ 31ဝမ်းစီရင်တလားဟောင်ပေါထီန်လော့် စောင့်ခွန်ဟော်ခမ်းမယ်မှိန်းရှေဘလ တောင်းကွန်းခေတ်အစောင်လေတောင်း အဆတ်ခွန်းပေါက်မားဆီ အောင်းကွန်းမျိုးဆတ်အစောင်ဖစ်လေ တန်အပြစ်ဆီ တဆွဲတလား။ ဟေဟောင်းဆီပေါဝါလော့် စောင့်ခွန်ဟော်ခမ်းမယ်မှိန်းရှေဘ#11:31 စောင့်ခွန်ဟော်ခမ်းမယ်မှိန်းရှေဘ စောင့်ခွန်ဟော်ခမ်းမယ်မှိန်းရှေဘန ပေးစောင့်ခွန်ဟော်ခမ်းမယ် မှိန်းတောင်းပါ့နာ့စန်းဆီကော့် ရာငေါင့်ကျမ်း ပြားဝိုက်။ မှိန်းမွန်းနယ့်အုပ်ချုပ်န တောင်းပါ့နာ့စန်းအစ္စရေး ရောင်းဝိုက်။ (ဓမ္မရာဇဝင် ပထမစာစောင် ၁၀း၁-၁၃)လ ဟပေါနယ့်ထောင်မ် အောင်းခွမ်းကွန်းပညာရောင်းရှောလမုန်ဆီ ဆီမေမှိန်းအောင်းကိုင်းတန်းတီပွန့် နယ့်မား။ အောင်းမဆူကောတဝါ ဆာဆီစောင့်ခွန်ဟော်ခမ်းရှောလမုန်လ ကွန်းအောင်းဆာဆီမြတ်တ အစောင် ရာတီဟိုက် တောင်းမဆူတောင်း ရောင်း။ တော်နယ်ကော့် မဆူလေန အောင်းခွမ်းမွန်း မထောင်မ်ဟင်း။ 32နောင်နယ့်ကျဉ်းနော့် ဝမ်းစီရင်တလားလော့် ကွန်းမှိန်းနိနေဝေလေကော့် တောင်းကွန်းခေတ်အစောင်လေတောင်း အဆတ်ခွန်းပေါက်မားဆီ အောင်းကွန်းခေတ်အစောင်လေဖစ်လေ တန်အပြစ်ဆီ တဆွဲတလား။ ဟေဟောင်းဆီပေါဝါလော့် ကွန်းမှိန်းနိနေဝေလေန အောင်းယောနဟောပြားဆောန်ပြားလေ မေနယ့်ဟဉ်းဟင်းကော်လော့် နောင်တသံဝေဂနွိုက်ဟင်းမားညော့။ အောင်းစမဆူ ကောဟောင်တနယ့်ဝါပေါဝါလော့် အစောင် ရာတီဟိုက် ဆာဆီယောန ကွန်းဆာဆီမြတ်တ တောင်းမဆူတောင်း ရောင်း။ တော်နယ်ကော့် မဆူလေန အောင်းခွမ်းမွန်းလေ နယ့်ဟဉ်းမားမေကော့် နောင်တသံဝေဂမနွိုက်ဟင်း” ဆီ ဝါကော်ဝိုက်။
အောင်းလိန်း တိုး
(စောင့်မဿဲ ၅:၁၅၊ ၆:၂၂-၂၃)
33နောက်လောင်နော့် မွန်းစောင့်လ “အောင်းကလောက်ဖိုင်း အောင်းဖိုင်းစပ်ဝိုက် ကွန်းစောင့်လောက်ဆိဉ် နောင်နယ့်ပေါမစော် ကွန်းစောင့်ဝိုက်ခတောင့်မွန်းဝါလ မရောင်း။ အစားဟောန့် ကွန်းခေါင့်ဝ်ခနောဝ်ဟုန်းလေတောင်းလုန် အောင်းလိန်းဟပေါနွိုက် အောင်းကလောက်ဖိုင်း ရာချိန်ဖိုင်းနဲဟော် စန်ချိဝိုက်ဟင်း။ 34ဟွေတားမဆူလေန အောင်းတိုးမဆူ နောင်ကလောက်ဖိုင်းကျဉ်းနော့်။ ဟွေတားမောဟောင်ပေါနီး တိုးမောလ အောင်းလိန်းလေ တနွိုက်။ တော်နယ် ဟွေတားဟောင်ပေါမနီးလော့် တိုးမောလ တနပ်ဆိဉ်။ 35ကော့ပ်နယ့်ညော့ အောင်းလိန်းအောင်းရောင်းရာခနောဝ်မောလ ဟပေါမပေးအောင်းနပ်ဆိဉ် ဟေအလေးဟင်း။ 36ကောပ့်နယ့်ညော့ တိုးမောတောင်းတိုးတိုးလ အောင်းနပ်ဆိဉ်မရောင်းဆီ ဟောင်ပေါလိန်းလော့် ဆီမေကလောက်ဖိုင်း အောင်းလိန်းလ ခနေမော နောင်လိန်းညော့ တိုးမောတောင်းတိုးတိုးကော့် တလိန်း” ဆီ ဝါကော်ဝိုက်။
စောင့်ယေရှုဆုံးမ အောင်းဖာရိရှဲလေတောင်း အောင်းဆရာကျမ်းစန်လေ
(စောင့်မဿဲ ၂၃:၁-၃၆။ စောင့်မာကု ၁၂:၃၈-၄၀)
37နောင်နယ့်ဆီ စောင့်ယေရှုဝါရောင့်ဝ် ဖာရိရှဲကော်နိမ်လ အောင်းစောင့်ယေရှု ဟမားကျဉ်းခေါင်ကျဉ်းဆီ ရာဟုန်းမွန်း ပန်းကော်ညော့ မွန်းစောင့်ကော့် ကြွကွာကော်ဆီ ရာစာပွဲ နှောင်ကော်ဝိုက်။ 38ခေါင်ကျဉ်းလေမကျဉ်းခွေတ် နောင်စလေ့ထွုံးစံဂျူးလေဆီ အောင်းတနယ့်ဟေ အောင်းဆွတ်မေးလေ စောင့်ယေရှုမဟေအောင်းတိုင်းလ ဖာရိရှဲလေဟောန်ကော်လော့် အမ်းဟင်းကော်ဝိုက်။ 39ကောပ့်နယ့်ညော့ စောင့်ယေရှုလ “ဖာရိရှဲမဆူလေန ခနောက်ပကန်ဝမ်လေနဲဟော် တောင်းကွန်းလန့်တောင်း တူမေကော့် တောင်းပါ့ခနောဝ် အောင်းပတ်ဆတ်လေပေါဝါလော့် မလန့်ဆီ ဝိုက်ဝိုက်ဟင်း။ အောင်းမေးမဆူ ဆွတ်ဟင်းမေကော့် စောဝ်မဆူပေါဝါလော့် လောဖားအောင်းမနီးလေတောင်း တေးမ်ဆီအူ။ 40ကွန်းမနီးလေ၊ စောင့်ဖလားအောင်းဖန်းစန်းတိုးမဆူလ အောင်းစောဝ်မဆူပါ ဖန်စန်မားဝါလ မဆူမဟုဟင်းလေး။ 41ကောပ့်နယ့်ညော့ လောဖားရောင်ဝ်ဆီ အကျန်းမနီးလေ ပီကျန်းဟင်း၊ အောင်းကွန်းဖန်လေ လှူဟင်း။ နောင်နယ့်ဟောင်ပေါဟေလော့် မောလ ရာခနာ့စောင့်ဖလား တပေးကွန်းသန့်ရှင်း။ 42ဖာရိရှဲလေ၊ မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် ဖေပူစီနံ၊ ဖေလျှူ#11:42 ဖေပူစီနံ၊ ဖေလျှူ ပူစီနံတောင်းဖေလျှူဝါလ နောင်ဖေအဉ်းမ်ချဉ်းတောင်း နောင်ဖေပကျီးညော့ ဆီမေခနောဝ်တိန့်ရာ့ခေါင့်ဝ်လေန အောင်းချဉ်းဆေးတောင်း ခေါန်အောင်းချဉ်းဆတ်ဆာဝိုက်။တောင်း ဆီမေဆွုန် အောင်းအောက် အောင်းမတ်မိုက်မတ်တောက်လေ ဟူပွန်မွန်းဆစ်ပ်နိမ်လ ပွန်နိမ် အောင်းစောင့်ဖလား လှူဟင်းမေကော့် မဆူလေန ခနေပေ မတလားဆက်ဆံဟင်းဆီ အောင်းစောင့်ဖလားကော့် မဟောက်ဟင်း။ မဆူလေန အောင်းစောင့်ဖလား ဟူပွန်မွန်းဆစ်ပ်နိမ်လပွန်နိမ် တနယ့်လှူဆီမကား အောင်းပွန်လေကော့် တလားမျှမျှတတ ဆက်ဆံဆီ အောင်းစောင့်ဖလားကော့် တနယ့်ဟောက်ဟင်း။ 43ဖာရိရှဲလေ၊ မဆူလေန ကွန်းတနယ့်ခမ်ဒုက္ခဆင်းရဲလေ။ မဆူလေန ရာတလားစလပ်လေကော့် ခနှောင်ဟင်းရာအောင်းချဉ်းနီးလေ။ ခနောဝ်ဈေးလေကော့် အောင်းကွန်းလေဟောက်နဲဟော် မဆူလိုဟော။ 44မဆူလေန ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် မဆူလေန ခနောဝ်တုန် တောင်းဂူချန်းချိန်းအောင်းမှတ်ဝိုက်မရောင်းတောင်းတူ။ ကွန်းလေန ခနေအောင်းဟောန့်လေ မဟုဆီ စန်ကွာစန်မားဟင်း။ ကွန်းဟောန့်လေကော့် တထီန်ရာအောင်းမစင်ကြယ်ဟင်း” ဆီ ဝါကော်ဝိုက်။ 45မေနယ့်လော့် ဆရာကျမ်းစန်ကော်နိမ်လ “ဆရာ၊ မောစောင့်ဝါနောင်နယ့်လ နောင်စော်ကားအောင်းဟောကျဉ်းနော့်” ဆီ ဝါကော်ဝိုက်။ 46မေနယ့်လော့် စောင့်ယေရှုကော့် “ဆရာကျမ်းစန်လေ၊ မဆူလေကော့် ကွန်းတနယ့်ခမ်ဒုက္ခဆင်းရဲလေ။ မဆူလေန အောင်းကွန်းလေ ပုတ်အောင်းနောက်လေ ဟဟပ်ဟင်းဆီ မဆူကိုယ်တိုင်လ အောင်းဟောန့်လေ တောင်းပိုင်းမေးအင်တောင်းကိုးကော့် မကွာထိဟင်း။ 47မဆူလေန အောင်းတဲ့တဲ့ကော့် ကွန်းတနယ့်ခမ်ဒုက္ခဆင်းရဲလေ။ ဟေဟောင်းဆီပေါဝါလော့် မေတန်ဟာ အောင်းပူလဉ်ရာလဉ်မဆူလေအောင်းဝ်သိုင်းမား အောင်းစပရောဖက်လေ မဆူ ဂူချန်းချိန်းလေ တော်ပေါဆန်း နယ့်ဟေဟောင့်ဝ်။ 48နောင်နယ့်ဆီ မဆူဟေလ အောင်းပူလဉ်ရာလဉ်မဆူဟေမားလေန စော်ဆီ ထောက်ခမ်ဟင်းကျဉ်းနော့်။ မဆူဟောင်ပေါမထောက်ခမ်လော့် အောင်းပူလဉ်မဆူလေအောင်းသိုင်းမား အောင်းစပရောဖက်လေ နောင်နယ့်ဆီ ချန်းချိန်းဂူလေ တဟေဟောင့်ဝ်ဟင်းမစော်။ 49ကောပ့်နယ့်ညော့ ကာအောင်းရောင်းတောင်းလုန် အောင်းဟု စောင့်ဖလားလ ‘ရာမဆူ အောင်းပရောဖက်လေတောင်း အောင်းတပဲ့လေ တပွယ်ကော်။ တော်နယ်ကော့် မဆူလေန အောင်းပရောဖက်ဟောန့်လေတောင်း အောင်းတပဲ့မောင်းဖောင်လေ အောင်းဝ်သိုင်းဆီ အောင်းမောင်းဖောင်လေပေါဝါလော့် တနိစတ်ဟင်း’ ဆီ ဝါကော်ဝိုက်။ 50ကောပ့်နယ့်ညော့ ကွန်းမျိုးဆတ်ခေတ်အစောင်လေန ဆီမေကမ္ဘာအစပွန့်နော့် ပူလဉ်ရာလဉ်မနော်လေန အောင်းပရောဖက်လေ ကောပ့်အောင်းဝ်သိုင်းမားညော့ တနယ်ခမ် အောင်းစီရင်အပြစ်ဟင်း။ 51အောင်းစမဆူ ကောဟောင်နယ့်ဝါအောင်းစော်ပေါဝါလော့် ဆီမေပရောဖက်အာဗေလ#11:51 ပရောဖက်အာဗေလ ကာဣနန အောင်းနောင့်စိုင်းမွန်း အာဗေလ အောင်းဝ်သိုင်းဆီ မနော်လေန ပေးလုစိုင်းအာဒံဟင်းဝိုက်။ ပရောဖက်အာဗေလန ရာဖွန်လိဓမ္မကျမ်းအောင်းကောင်ဝ် ပထဆုံး ကွန်းအောင်းအောင်းဝ်သိုင်းနယ့်ခမ်မားဝိုက်။ (ကမ္ဘာဦးကျမ်း ၄း၈)စဆီ တကြားဗိမာန်တော်တောင်း တကြားပလန်အောင်းကပ် အောင်းအောင်းဝ်သိုင်း အောင်းနယ့်ခမ်မား တော်ပရောဖက်ဇာခရိ#11:51 ပရောဖက်ဇာခရိ ပရောဖက်ဇာခရိန အောင်းနှုတ်ကပတ်တော်စောင့်ဖလားလေ ကြေငြာမားညော့ အောင်းအောင်းဝ်သိုင်းနယ့်ခမ်မားဝိုက်။ မွန်းန နောက်ဆုံး ကွန်းအောင်းအောင်းဝ်သိုင်းနယ့်ခမ်မားဝိုက်။ (ရာဇဝင်ချုပ် ဒုတိယစာစောင် ၂၄း၂၀-၂၂)ပွန့် ကောပ့်အောင်းပူလဉ်ရာလဉ်မဆူလေဟေမားညော့ စောင့်ဖလားလ အောင်းစမဆူ တဟောင့်ဝ်အပြစ်လ အောင်းတဲ့တဲ့ကော့်။ 52ဆရာကျမ်းစန်လေ၊ မဆူလေန အောင်းကွန်းလေ ရာစောင့်ဖလား ခွန်တန်းအောင်းစော် မခဟဟုဆီ ပိဝိုက်ညော့ အောင်းဒုက္ခလုန် တနယ့်ခမ်။ မဆူကိုယ်တိုင်ကော့် အောင်းခွန်တန်းဟောန့် မစောင်းမ်ဟင်း၊ အောင်းကွန်းစောင်းမ်လေကော့် မဆူဆီးဟင်း” ဆီ ဝါကော်ဝိုက်။ 53နောက်လောင်နော့် စောင့်ယေရှုန ဆီမေဟုန်းဖာရိရှဲ အောက်ကွာကော်လော့် ဆရာကျမ်းစန်လေတောင်း ဖာရိရှဲလေန ခနေမွန်းစောင့် ခါဖစ်တန်အပြစ်ဟင်းဆီ အောင်းမွန်းစောင့် တောင်းအကြောင်းမကျေးမလေတောင်းအောင်းဆိုင် မေးခွန်းလေ ထန်မ်ဟင်းကော်ဝိုက်။ 54ကွန်းဟောန့်လေန ခနောဝ်ခွမ်းမွန်းစောင့်တန့်လ အောင်းဖစ်ကမ်းနိမ်မကမ်းနိမ် ဟောင်ပေါပါ အပြစ်တန်ဆီ ဟပေါနယ့်စွပ်စွဲ နောင်နယ့်ဆီ နယ့်ထန်မ်ဝိုက်။
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Tai Laing Bible by Beyond Translation is licensed under Creative Commons Attribution-ShareAlike 4.0 License.