Rô-ma 3
3
1Bei nei lơh bnih Jo-thai geh peh thlay ơơn 'bưn? Paich baak kat pêêk geh thlay ơơn? 2Preh thlay sơp ntil. Noor leq, bnih Jo-thai kươt ndơơp baak Brah Ưn ri. 3Dôh kaar ơơn a kươi lôh mơq mbu baar du knông nak bu 'bưn jơ? Awap baak 'bưn jơ bu ri geh 'bưn pơrsup baak pleh tur Brah Ưn ri 'bưn? 4'Bưn dơơn bei nei! Brah Ưn laa ngan nguôn, paich jôm bnih kot lhiat, bei geh baak 'bian:
“Jah Brah kươt mơq gưt laa sêch song knông baak Pang lah,
U jn'ah tơt dol pơrkat.”
5Dôh mơq baak 'bưn sêch song bơl bơn ri tơrsau baak sêch song Brah Ưn ri nei bơl bơn a kươi mor lơh bei êch? Geh lah Brah Ưn 'bưn sêch song tơt Pang jưr baak hao nuih lơ bơl bơn 'bưn? (Hei mor tênh ndroong mor bnih swich teh ri). 6'Bưn dơơn bei nei! Đươm mơq bei nei lơh bei êch Brah Ưn pơrkat swich teh kươt? 7Nha mơq chkhôm baak lhiat hei ri baah song klanh Brah Ưn ri top chring chraang, nei a hay hei nha dol pơrkat bei mbu bnih dôih? 8Bei nei a hay bơl bơn 'bưn “lơh ntil đơơk jah geh ntil klanh”? — bei m'baak bnih ja pnđing laah bơl hei kne bei nei — Bu dol pơrkat laa dip đat.
'Bưn geh 'bơơn sêch song
9Bei nei a hay? Bơl bơn geh ntil ơơn klanh huôih 'bưn? Sơp leq 'bưn; đươm bơl hei ja draanh laah bnih Ju-đa u bnih Hi-lap kot gôq a teh dôih 'baap ri kan bôôk, 10bei geh baak 'bian:
“'Bưn geh mbu 'bơơn sêch song leq,
Paich di mbu kot 'bưn.
11'Bưn geh mbu bnih êch gưt jhai,
'Bưn geh mbu bnih êch wơng joi Brah Ưn.
12Leq sêch kot tơrlêêng, kot but 'bưn thlay;
'Bưn geh mbu 'bơơn lơh ntil klanh,
Paich mbu bnih kot 'bưn.”
13“Rglôông bơl bu bei kmôôch a pơơk;”
“Bu nhôq lpiat nơơm jah lhiat;
Daak jaar pi bêh ruk a teh bơr wiêm bu ri.”
14“Wiêm bơl bu bêêng pal baak pơđaai sa u tang hươr.”
15“Bu chwaat gway jah lơh chai mhaam,
16Bơl siêm baak luôch lêêk u r'baak,
17'Bưn khal êch gưt troong sroong boong.”
18“'Bưn geh baak đing mbaanh Brah Ưn di mat bơl.”
19Bơl bơn gưt laah pal ntil ch'bap mor, laa mor aan pal 'bơơn a teh ch'bap jah jôm wiêm kot phrui ơt rngơt, u leq dơng teh kot dol dôih di mat Brah Ưn; 20đươm 'bưn geh mbu bnih êch đươm kaar lơh tênh ch'bap baah kươt kơơp laa sêch song di mat Pang, đươm chkhôm ch'bap bu nday grnưt kươt dôih 'baap.
Baak sêch song Brah Ưn ri. – Chôôl sêch song đươm chưt jơrnơ
(3:21–5:21)
Baak sêch song Brah Ưn ri
21Dôh bei au, baak sêch song Brah Ưn ri ja kươt tơrsau di gaaih ch'bap. Ntil au ja kươt ch'bap u bơl grnưt noor lơh ndraanh. 22Nei laa baak sêch song Brah Ưn ri, đươm chưt jơrnơ lơ Brah Jê-sus Krist, aan jôm bnih geh chưt jơ, 'bưn chưrleek 'bơơn ơơm;#Ja 2:16. 23đươm jôm bnih kot ja geh dôih, khwaq 'bat baak chring chraang Brah Ưn ri; 24chkhôm brêêng smlaang Pang, đươm baak đoh kwaai knông Yaang Krist Jê-sus, bu kươt chôôl laa sêch song baah 'bưn kah di ndêq êch. 25Brah Ưn ja ldơk Pang lơh pai thwaai doh dôih aan pal 'bơơn geh chưt jơrnơ knông mhaam Pang. Kaar au tơrsau baak sêch song Brah Ưn ri, đươm Pang pơih chưt ơt ơl baah teq rlach pal dôih 'baap knông khal ndơm. 26Knông nar au, Pang kot tơrsau nơơm Pang laa sêch song u chôôl sêch song aan bnih êch teq chưt jơ lơ Brah Jê-sus.
27Bei nei geh ơơn jah pn'hal 'bưn? 'Bưn geh ơơn jah pn'hal leq. Chhing teq u ch'bap êch? Ch'bap kaar lơh ri pan? 'Bưn geh, dôh chhing teq u ch'bap chưt jơrnơ ri. 28Đươm bơl bơn jơ laah bnih bu kươt chôôl sêch song đươm chưt jơrnơ, 'bưn geh đươm kaar lơh tênh ch'bap. 29Paich laa Brah Ưn dơơn laa Brah Ưn raih Jo-thai ri ei? Paich laa Pang kot laa Brah Ưn raih agaih ri nha 'bưn? Ngan, Pang kot laa Brah Ưn raih agaih ri nha; 30đươm Brah Ưn laa mlơm, lah Yaang a kươi lơh aan bnih dol kat pêêk kươt chôôl sêch song đươm chưt jơrnơ, kot lơh aan pal bnih 'bưn sang kat pêêk kươt chôôl sêch song đươm chưt jơrnơ nha. 31Bei nei, bơl bơn đươm chưt jơrnơ baah gơrwat teq ch'bap nei laang? 'Bưn geh bei nei! Mat a kươi, bơl bơn lơh jap juôn ch'bap.
Právě zvoleno:
Rô-ma 3: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 3
3
1Bei nei lơh bnih Jo-thai geh peh thlay ơơn 'bưn? Paich baak kat pêêk geh thlay ơơn? 2Preh thlay sơp ntil. Noor leq, bnih Jo-thai kươt ndơơp baak Brah Ưn ri. 3Dôh kaar ơơn a kươi lôh mơq mbu baar du knông nak bu 'bưn jơ? Awap baak 'bưn jơ bu ri geh 'bưn pơrsup baak pleh tur Brah Ưn ri 'bưn? 4'Bưn dơơn bei nei! Brah Ưn laa ngan nguôn, paich jôm bnih kot lhiat, bei geh baak 'bian:
“Jah Brah kươt mơq gưt laa sêch song knông baak Pang lah,
U jn'ah tơt dol pơrkat.”
5Dôh mơq baak 'bưn sêch song bơl bơn ri tơrsau baak sêch song Brah Ưn ri nei bơl bơn a kươi mor lơh bei êch? Geh lah Brah Ưn 'bưn sêch song tơt Pang jưr baak hao nuih lơ bơl bơn 'bưn? (Hei mor tênh ndroong mor bnih swich teh ri). 6'Bưn dơơn bei nei! Đươm mơq bei nei lơh bei êch Brah Ưn pơrkat swich teh kươt? 7Nha mơq chkhôm baak lhiat hei ri baah song klanh Brah Ưn ri top chring chraang, nei a hay hei nha dol pơrkat bei mbu bnih dôih? 8Bei nei a hay bơl bơn 'bưn “lơh ntil đơơk jah geh ntil klanh”? — bei m'baak bnih ja pnđing laah bơl hei kne bei nei — Bu dol pơrkat laa dip đat.
'Bưn geh 'bơơn sêch song
9Bei nei a hay? Bơl bơn geh ntil ơơn klanh huôih 'bưn? Sơp leq 'bưn; đươm bơl hei ja draanh laah bnih Ju-đa u bnih Hi-lap kot gôq a teh dôih 'baap ri kan bôôk, 10bei geh baak 'bian:
“'Bưn geh mbu 'bơơn sêch song leq,
Paich di mbu kot 'bưn.
11'Bưn geh mbu bnih êch gưt jhai,
'Bưn geh mbu bnih êch wơng joi Brah Ưn.
12Leq sêch kot tơrlêêng, kot but 'bưn thlay;
'Bưn geh mbu 'bơơn lơh ntil klanh,
Paich mbu bnih kot 'bưn.”
13“Rglôông bơl bu bei kmôôch a pơơk;”
“Bu nhôq lpiat nơơm jah lhiat;
Daak jaar pi bêh ruk a teh bơr wiêm bu ri.”
14“Wiêm bơl bu bêêng pal baak pơđaai sa u tang hươr.”
15“Bu chwaat gway jah lơh chai mhaam,
16Bơl siêm baak luôch lêêk u r'baak,
17'Bưn khal êch gưt troong sroong boong.”
18“'Bưn geh baak đing mbaanh Brah Ưn di mat bơl.”
19Bơl bơn gưt laah pal ntil ch'bap mor, laa mor aan pal 'bơơn a teh ch'bap jah jôm wiêm kot phrui ơt rngơt, u leq dơng teh kot dol dôih di mat Brah Ưn; 20đươm 'bưn geh mbu bnih êch đươm kaar lơh tênh ch'bap baah kươt kơơp laa sêch song di mat Pang, đươm chkhôm ch'bap bu nday grnưt kươt dôih 'baap.
Baak sêch song Brah Ưn ri. – Chôôl sêch song đươm chưt jơrnơ
(3:21–5:21)
Baak sêch song Brah Ưn ri
21Dôh bei au, baak sêch song Brah Ưn ri ja kươt tơrsau di gaaih ch'bap. Ntil au ja kươt ch'bap u bơl grnưt noor lơh ndraanh. 22Nei laa baak sêch song Brah Ưn ri, đươm chưt jơrnơ lơ Brah Jê-sus Krist, aan jôm bnih geh chưt jơ, 'bưn chưrleek 'bơơn ơơm;#Ja 2:16. 23đươm jôm bnih kot ja geh dôih, khwaq 'bat baak chring chraang Brah Ưn ri; 24chkhôm brêêng smlaang Pang, đươm baak đoh kwaai knông Yaang Krist Jê-sus, bu kươt chôôl laa sêch song baah 'bưn kah di ndêq êch. 25Brah Ưn ja ldơk Pang lơh pai thwaai doh dôih aan pal 'bơơn geh chưt jơrnơ knông mhaam Pang. Kaar au tơrsau baak sêch song Brah Ưn ri, đươm Pang pơih chưt ơt ơl baah teq rlach pal dôih 'baap knông khal ndơm. 26Knông nar au, Pang kot tơrsau nơơm Pang laa sêch song u chôôl sêch song aan bnih êch teq chưt jơ lơ Brah Jê-sus.
27Bei nei geh ơơn jah pn'hal 'bưn? 'Bưn geh ơơn jah pn'hal leq. Chhing teq u ch'bap êch? Ch'bap kaar lơh ri pan? 'Bưn geh, dôh chhing teq u ch'bap chưt jơrnơ ri. 28Đươm bơl bơn jơ laah bnih bu kươt chôôl sêch song đươm chưt jơrnơ, 'bưn geh đươm kaar lơh tênh ch'bap. 29Paich laa Brah Ưn dơơn laa Brah Ưn raih Jo-thai ri ei? Paich laa Pang kot laa Brah Ưn raih agaih ri nha 'bưn? Ngan, Pang kot laa Brah Ưn raih agaih ri nha; 30đươm Brah Ưn laa mlơm, lah Yaang a kươi lơh aan bnih dol kat pêêk kươt chôôl sêch song đươm chưt jơrnơ, kot lơh aan pal bnih 'bưn sang kat pêêk kươt chôôl sêch song đươm chưt jơrnơ nha. 31Bei nei, bơl bơn đươm chưt jơrnơ baah gơrwat teq ch'bap nei laang? 'Bưn geh bei nei! Mat a kươi, bơl bơn lơh jap juôn ch'bap.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.