Rô-ma 4
4
Ryơơng chưt jơrnơ Ap-ra-ham ri
1Bei nei, bơl bơn a kươi mor Ap-ra-ham, yau yi teq u pêêk pai bơl bơn ri, ja pơih kươt ơơn?#4:1 Bei nei... pơih kươt ơơn?: Knông m'baak plơơp 'bian ti laa Bei nei, bơl hei a kươi mor Ap-ra-ham, yau yi bơl hei ri, ja pơih kươt pi ơơn tênh pêêk pai? Knông m'baak plơơp 'bian ti laa Bei nei, bơl hei a kươi mor ơơn teq u Ap-ra-ham, yau yi teq u pêêk pai bơl hei ri. 2Mơq Ap-ra-ham ja kươt chôôl sêch song đươm kaar lơh nei bu geh rơ kheet jah pn'hal nơơm, dôh di mat Brah Ưn nei 'bưn geh bei nei. 3Đươm Sm'bưt Brah mor ơơn? “Ap-ra-ham jơ Brah Ưn, u chkhôm nei bu kươt kơơp laa sêch song.” 4Teq u bnih lơh kaar, prak lơh kaar 'bưn kươt kơơp laa smlaang, dôh phrui kơơp laa knđi; 5nha n'hai bnih 'bưn lơh kaar, dôh jơ teq u Yaang chôôl sêch song aan bnih geh dôih#4:5 bnih geh dôih: Knông baak Hi-lap lah asebe geh rơih lah bah 'bưn đing, 'bưn ch'bap. nei chưt jơrnơ bnih nei ri kươt kơơp laa sêch song. 6Đươm bei nei, tơt pơrgap lah teq u smlaang bnih ri kươt Brah Ưn kơơp laa sêch song 'bưn đươm kaar lơh, Đa-wit mor:
7“Smlaang aan bnih êch dôih 'baap kươt ta krôih,
Dôih 'baap kươt rôôp bôôr!
8Smlaang aan bnih pa Brah 'bưn kơơp laa geh dôih!”
9Bei nei smlaang nei dơơn ơn aan bơl 'bơơn dol kat pêêk ei ait aan leq bnih 'bưn sang kat pêêk nha? Đươm bơl bơn mor laah đươm chưt jơrnơ, Ap-ra-ham kươt kơơp laa sêch song. 10Dôh bu kươt kơơp laa sêch song bei êch? A mat lah di kươi dol kat pêêk? 'Bưn geh laa di kươi baah lah a mat ndah dol kat pêêk. 11Bu ja chơp kn'hap kat pêêk bei lah kơt kơwanh baak sêch song ri pa bu ja geh kươt đươm chưt jơrnơ a bu ndah dol kat pêêk. Bei nei bu but bươp leq sêch pal bnih ri baah 'bưn kat pêêk, bu kot kươt kơơp laa sêch song, 12u kot lơh bươp pal bnih dol kat pêêk, laa pal bnih 'bưn dơơn dol kat pêêk ei, dôh nha buôt têl chưt jơrnơ baah Ap-ra-ham, yau yi bơl bơn, ja geh noor dol kat pêêk.
Baak pơn Brah Ưn ri kươt lơh rlach chưt jơrnơ
13Baak pơn aan Ap-ra-ham u mbaang bu kươt chơp swich teh lơh griêng mlơ, 'bưn geh lôh a ch'bap dôh chkhôm baak sêch song chưt jơrnơ ri. 14Đươm mơq chkhôm ch'bap baah kươt dơơn griêng mlơ nei chưt jơrnơ but 'bưn thlay u baak pơn kot rôôp bôôr saap.#Ga 3:18. 15Đươm ch'bap liêu tơt baak hao nuih, dôh ktôk êch 'bưn geh ch'bap nei kot 'bưn geh baak lơh tih.
16Nei mơ, đươm chưt jơrnơ baah baak pơn đươm brêêng smlaang kươt kơnjap aan leq mbaang Ap-ra-ham, 'bưn dơơn aan mbaang a teh khmheng ch'bap baah aan leq mbaang chưt jơrnơ Ap-ra-ham ri, kot laa yau yi leq sêch bơl bơn ri,#Ga 3:7. 17bei geh baak 'bian: “Hei ja ldơk koon lơh bươp ơk raih bal ri.” Di mat Brah Ưn, Yaang bu ja jơ, laa Yaang ươn baak rêh aan bah chhưt, u khuôl pal ntil 'bưn geh bei ja geh. 18Bu ja kơndưng paich 'bưn geh rơ kheet jah kơndưng; bu nha jơ u but bươp ơk raih bal ri, tênh bei baak ja lah n'hai bu laah: “Mbaang 'bei a kươi bei nei.” 19Bu sau chhak jan nơơm chhưt rooh 'boh sar đươm êch dơơh di riêng snam, u sau Sa-ra 'bưn geh lgơơch koon kươt hôm, dôh chưt jơrnơ 'bưn geh ndêch. 20Bu 'bưn teq chưt 'bưn jơ lơh aan bơn nggich nggưl baak pơn Brah Ưn ri, dôh dươn moh dang knông chưt jơrnơ u tư wơơl Brah Ưn, 21Leq sêch jơ jap laah Brah Ưn geh dang kmheng jah lơh ntil ơơn Pang ja pơn. 22Nei mơ, chưt jơrnơ bu ri kươt kơơp laa sêch song. 23Dôh ndroong: “chưt jơrnơ bu ri kươt kơơp laa sêch song” 'bưn geh dơơn kươt 'bian kơơi aan mbu nơơm ay 24baah kot aan bơl bơn hih. chưt jơrnơ a kươi kươt kơơp laa sêch song aan bơl bơn, pal bnih jơ lơ Yaang ja lơh aan Brah Jê-sus, Brah bơl bơn, rêh kươi a ktôk chhưt, 25Pang ja nhôp ndơơp jah dol chhưt đươm dôih 'baap bơl bơn, u rêh kươi jah bơl bơn kươt chôôl laa sêch song.
Právě zvoleno:
Rô-ma 4: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 4
4
Ryơơng chưt jơrnơ Ap-ra-ham ri
1Bei nei, bơl bơn a kươi mor Ap-ra-ham, yau yi teq u pêêk pai bơl bơn ri, ja pơih kươt ơơn?#4:1 Bei nei... pơih kươt ơơn?: Knông m'baak plơơp 'bian ti laa Bei nei, bơl hei a kươi mor Ap-ra-ham, yau yi bơl hei ri, ja pơih kươt pi ơơn tênh pêêk pai? Knông m'baak plơơp 'bian ti laa Bei nei, bơl hei a kươi mor ơơn teq u Ap-ra-ham, yau yi teq u pêêk pai bơl hei ri. 2Mơq Ap-ra-ham ja kươt chôôl sêch song đươm kaar lơh nei bu geh rơ kheet jah pn'hal nơơm, dôh di mat Brah Ưn nei 'bưn geh bei nei. 3Đươm Sm'bưt Brah mor ơơn? “Ap-ra-ham jơ Brah Ưn, u chkhôm nei bu kươt kơơp laa sêch song.” 4Teq u bnih lơh kaar, prak lơh kaar 'bưn kươt kơơp laa smlaang, dôh phrui kơơp laa knđi; 5nha n'hai bnih 'bưn lơh kaar, dôh jơ teq u Yaang chôôl sêch song aan bnih geh dôih#4:5 bnih geh dôih: Knông baak Hi-lap lah asebe geh rơih lah bah 'bưn đing, 'bưn ch'bap. nei chưt jơrnơ bnih nei ri kươt kơơp laa sêch song. 6Đươm bei nei, tơt pơrgap lah teq u smlaang bnih ri kươt Brah Ưn kơơp laa sêch song 'bưn đươm kaar lơh, Đa-wit mor:
7“Smlaang aan bnih êch dôih 'baap kươt ta krôih,
Dôih 'baap kươt rôôp bôôr!
8Smlaang aan bnih pa Brah 'bưn kơơp laa geh dôih!”
9Bei nei smlaang nei dơơn ơn aan bơl 'bơơn dol kat pêêk ei ait aan leq bnih 'bưn sang kat pêêk nha? Đươm bơl bơn mor laah đươm chưt jơrnơ, Ap-ra-ham kươt kơơp laa sêch song. 10Dôh bu kươt kơơp laa sêch song bei êch? A mat lah di kươi dol kat pêêk? 'Bưn geh laa di kươi baah lah a mat ndah dol kat pêêk. 11Bu ja chơp kn'hap kat pêêk bei lah kơt kơwanh baak sêch song ri pa bu ja geh kươt đươm chưt jơrnơ a bu ndah dol kat pêêk. Bei nei bu but bươp leq sêch pal bnih ri baah 'bưn kat pêêk, bu kot kươt kơơp laa sêch song, 12u kot lơh bươp pal bnih dol kat pêêk, laa pal bnih 'bưn dơơn dol kat pêêk ei, dôh nha buôt têl chưt jơrnơ baah Ap-ra-ham, yau yi bơl bơn, ja geh noor dol kat pêêk.
Baak pơn Brah Ưn ri kươt lơh rlach chưt jơrnơ
13Baak pơn aan Ap-ra-ham u mbaang bu kươt chơp swich teh lơh griêng mlơ, 'bưn geh lôh a ch'bap dôh chkhôm baak sêch song chưt jơrnơ ri. 14Đươm mơq chkhôm ch'bap baah kươt dơơn griêng mlơ nei chưt jơrnơ but 'bưn thlay u baak pơn kot rôôp bôôr saap.#Ga 3:18. 15Đươm ch'bap liêu tơt baak hao nuih, dôh ktôk êch 'bưn geh ch'bap nei kot 'bưn geh baak lơh tih.
16Nei mơ, đươm chưt jơrnơ baah baak pơn đươm brêêng smlaang kươt kơnjap aan leq mbaang Ap-ra-ham, 'bưn dơơn aan mbaang a teh khmheng ch'bap baah aan leq mbaang chưt jơrnơ Ap-ra-ham ri, kot laa yau yi leq sêch bơl bơn ri,#Ga 3:7. 17bei geh baak 'bian: “Hei ja ldơk koon lơh bươp ơk raih bal ri.” Di mat Brah Ưn, Yaang bu ja jơ, laa Yaang ươn baak rêh aan bah chhưt, u khuôl pal ntil 'bưn geh bei ja geh. 18Bu ja kơndưng paich 'bưn geh rơ kheet jah kơndưng; bu nha jơ u but bươp ơk raih bal ri, tênh bei baak ja lah n'hai bu laah: “Mbaang 'bei a kươi bei nei.” 19Bu sau chhak jan nơơm chhưt rooh 'boh sar đươm êch dơơh di riêng snam, u sau Sa-ra 'bưn geh lgơơch koon kươt hôm, dôh chưt jơrnơ 'bưn geh ndêch. 20Bu 'bưn teq chưt 'bưn jơ lơh aan bơn nggich nggưl baak pơn Brah Ưn ri, dôh dươn moh dang knông chưt jơrnơ u tư wơơl Brah Ưn, 21Leq sêch jơ jap laah Brah Ưn geh dang kmheng jah lơh ntil ơơn Pang ja pơn. 22Nei mơ, chưt jơrnơ bu ri kươt kơơp laa sêch song. 23Dôh ndroong: “chưt jơrnơ bu ri kươt kơơp laa sêch song” 'bưn geh dơơn kươt 'bian kơơi aan mbu nơơm ay 24baah kot aan bơl bơn hih. chưt jơrnơ a kươi kươt kơơp laa sêch song aan bơl bơn, pal bnih jơ lơ Yaang ja lơh aan Brah Jê-sus, Brah bơl bơn, rêh kươi a ktôk chhưt, 25Pang ja nhôp ndơơp jah dol chhưt đươm dôih 'baap bơl bơn, u rêh kươi jah bơl bơn kươt chôôl laa sêch song.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.