Rô-ma 2
2
Baak pơrkat Brah Ưn ri
1Bei nei, ơi bnih tôw, paich ay laa 'bơơn đôôi, tơt pnđing bu nday nei gnasaal 'bưn geh koh roong aan bơn kươt; đươm knông pnđing bu, gnasaal kot pnđing êêng chhak nơơm, đươm gnasaal pnđing bu baah kot lơh pal kaar bei bu.#Mat 7:1; Lu 6:37. 2Bơl bơn gưt laah baak pơrkat Brah Ưn ri teq u pal 'bơơn lơh pal kaar bei au laa dip n'hai song klanh. 3Ơi bnih tôw, tơt gnasaal pnđing bu nday lơh pal kaar bei nei baah nơơm gnasaal kot lơh, nei gnasaal kơn ơơn laah a kươi het kươt baak pơrkat Brah Ưn ri neh? 4Paich laa gnasaal mơq ngrơi ntơi baak ngroh ngri chưt bnih l'ưt, ơt ơl u ta krôih Pang ri? Gnasaal 'bưn grnưt laah chưt bnih l'ưt Brah Ưn ri laa jah liêu gnasaal tơt baak teq lơi dôih laang? 5Dôh chưt nuih m'ưl m'uôl, gnasaal ri 'bưn teq lơi dôih êch prap ơn aan bơn hao nuih knông nar hao hơng, laa tơt baak pơrkat ta drơơl Brah Ưn ri kươt tơrsau, 6đươm Pang a kươi taang aan jôm bnih tênh kaar bu lơh. 7'Bơơn jap juôn lơh klanh, wơng joi a sroh a srong, đing u 'bưn chhưt nei Pang ươn aan baak rêh yoot yôw. 8Nha 'bơơn nuih dơơl, 'bưn chôh song klanh, baah chôh baak 'bưn song nei nhôq pơih hao nuih u baak hao hơng. 9R'baak u kro rngiêl a kươi jưr aan jôm bnih lơh đơơk, noor aan bnih Jo-thai, di kơơi aan bnih Hi-lap. 10Dôh chring chraang, đing u sroong boong a kươi ươn aan jôm bnih lơh klanh, noor aan bnih Jo-thai, di kơơi aan bnih Hi-lap. 11Đươm Brah Ưn 'bưn a chhon 'bơơn leq.
12Pal 'bơơn 'bưn geh ch'bap#2:12 ch'bap: Au lah ch'bap Môi-se. baah lơh dôih, a kươi kot 'bưn geh ch'bap baah saap luôch; nha pal 'bơơn geh ch'bap baah lơh dôih, nei a kươi dol pơrkat đươm ch'bap. 13Đươm 'bưn geh bnih ttang chôôl ch'bap kươt kơơp laa sêch song di mat Brah Ưn, dôh bnih lơh tênh ch'bap mơ lah bnih kươt chôôl sêch song. 14Raih agaih ơơm 'bưn geh ch'bap, dôh êêng ơơm lơh pal kaar ch'bap mbơh kne nei paich 'bưn geh ch'bap, bu laa ch'bap aan nơơm bơn hơơi. 15Bu aan sau laah ntil ơơn ch'bap drơnan ja kươt klap chian knông chưt bu; chưt nuih nơơm bu kot tơrsau ntil nei, nha gơrninh bu jơl nei pnđing, jơl nei koh roong aan bu. 16Laap Nar nei, Brah Ưn a kươi pơrkat pal kaar a kơndơp koon bnih ri rlach Yaang Krist Jê-sus, tênh bei Baak Sroong Klanh hei ri.
Baak ta glơm lwah bnih Jo-thai u ch'bap
17Dôh mơq ay chôl êêng bơn laa bnih Jo-thai, ndươn kơơi ch'bap, a uôt teq u Brah Ưn, 18gưt jhai rnđêch Pang u gưt chưrleek ntil klanh ntil dip, đươm ay ja kươt mbơh kne a knông ch'bap; 19u mơq ay jơ jap bơn laah bnih liêu troong aan bnih tiah, laa rơn aang aan pal 'bơơn plah gôq knông jơ ngôw, 20laa yau gru bah pơl, lah bnih kne ndrôw ndrei. Ay kơn ơơn laah lơh tơrsau gưt jhai u song klanh gôq knông ch'bap, 21Bei nei a hay ay kne bnih nday baah 'bưn kne nơơm bơn na? Ay chhuôr khơơm ttung baah a hay ay leet ttung? 22Ay mor laah khơơm lơh dôih ta tưr baah a hay ay leet ta tưr? Ay briêk kiêr pơsun baah a hay ay han pơih pi griêng ktôk kwaai pơsun? 23Ay a uôt teq u ch'bap baah a hay ay lơh tih ch'bap, lơh pnjrơm Brah Ưn? 24Bei geh baak 'bian: “Đươm bơl 'bei baah saak Brah Ưn dol đam điêl lwah pal bnih nggoor agaih.”
25Mơq ay prap ơn ch'bap nei kaar kat pêêk a ngan geh thlay; dôh mơq ay lơh tih ch'bap nei paich ay geh kat pêêk kot bei 'bưn. 26Bei nei, mơq mbu bnih 'bưn sang kat pêêk baah ơn prap pal baak ch'bap, nei kaar 'bưn sang kat pêêk bnih nei ri leet 'bưn kươt ndap bei ja dol kat pêêk hơơi laang? 27Pal bnih rnđơơih 'bưn kat pêêk tênh pêêk pai dôh ơn prap ch'bap, a kươi pơrkat ay, laa bnih geh ch'bap but 'bian kơrđaih u baak kat pêêk, baah leet lơh tih ch'bap. 28Đươm mbu bnih dơơn di gaaih laa bnih Jo-thai nei 'bưn geh laa bnih Jo-thai ngan, nha baak kat pêêk teq u pêêk pai mak gaaih nei 'bưn geh laa baak kat pêêk ngan. 29Dôh mbu bnih mak klung laa bnih Jo-thai a ngan mơ laa bnih Jo-thai, baak kat pêêk lôh a chưt nuih, đươm Brah Wêêng, dôh 'bưn tênh sêr rpach. Mbu bnih bei nei a kươi kươt tư wơơl, 'bưn geh lôh a koon bnih, dôh lôh a Brah Ưn.
Právě zvoleno:
Rô-ma 2: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 2
2
Baak pơrkat Brah Ưn ri
1Bei nei, ơi bnih tôw, paich ay laa 'bơơn đôôi, tơt pnđing bu nday nei gnasaal 'bưn geh koh roong aan bơn kươt; đươm knông pnđing bu, gnasaal kot pnđing êêng chhak nơơm, đươm gnasaal pnđing bu baah kot lơh pal kaar bei bu.#Mat 7:1; Lu 6:37. 2Bơl bơn gưt laah baak pơrkat Brah Ưn ri teq u pal 'bơơn lơh pal kaar bei au laa dip n'hai song klanh. 3Ơi bnih tôw, tơt gnasaal pnđing bu nday lơh pal kaar bei nei baah nơơm gnasaal kot lơh, nei gnasaal kơn ơơn laah a kươi het kươt baak pơrkat Brah Ưn ri neh? 4Paich laa gnasaal mơq ngrơi ntơi baak ngroh ngri chưt bnih l'ưt, ơt ơl u ta krôih Pang ri? Gnasaal 'bưn grnưt laah chưt bnih l'ưt Brah Ưn ri laa jah liêu gnasaal tơt baak teq lơi dôih laang? 5Dôh chưt nuih m'ưl m'uôl, gnasaal ri 'bưn teq lơi dôih êch prap ơn aan bơn hao nuih knông nar hao hơng, laa tơt baak pơrkat ta drơơl Brah Ưn ri kươt tơrsau, 6đươm Pang a kươi taang aan jôm bnih tênh kaar bu lơh. 7'Bơơn jap juôn lơh klanh, wơng joi a sroh a srong, đing u 'bưn chhưt nei Pang ươn aan baak rêh yoot yôw. 8Nha 'bơơn nuih dơơl, 'bưn chôh song klanh, baah chôh baak 'bưn song nei nhôq pơih hao nuih u baak hao hơng. 9R'baak u kro rngiêl a kươi jưr aan jôm bnih lơh đơơk, noor aan bnih Jo-thai, di kơơi aan bnih Hi-lap. 10Dôh chring chraang, đing u sroong boong a kươi ươn aan jôm bnih lơh klanh, noor aan bnih Jo-thai, di kơơi aan bnih Hi-lap. 11Đươm Brah Ưn 'bưn a chhon 'bơơn leq.
12Pal 'bơơn 'bưn geh ch'bap#2:12 ch'bap: Au lah ch'bap Môi-se. baah lơh dôih, a kươi kot 'bưn geh ch'bap baah saap luôch; nha pal 'bơơn geh ch'bap baah lơh dôih, nei a kươi dol pơrkat đươm ch'bap. 13Đươm 'bưn geh bnih ttang chôôl ch'bap kươt kơơp laa sêch song di mat Brah Ưn, dôh bnih lơh tênh ch'bap mơ lah bnih kươt chôôl sêch song. 14Raih agaih ơơm 'bưn geh ch'bap, dôh êêng ơơm lơh pal kaar ch'bap mbơh kne nei paich 'bưn geh ch'bap, bu laa ch'bap aan nơơm bơn hơơi. 15Bu aan sau laah ntil ơơn ch'bap drơnan ja kươt klap chian knông chưt bu; chưt nuih nơơm bu kot tơrsau ntil nei, nha gơrninh bu jơl nei pnđing, jơl nei koh roong aan bu. 16Laap Nar nei, Brah Ưn a kươi pơrkat pal kaar a kơndơp koon bnih ri rlach Yaang Krist Jê-sus, tênh bei Baak Sroong Klanh hei ri.
Baak ta glơm lwah bnih Jo-thai u ch'bap
17Dôh mơq ay chôl êêng bơn laa bnih Jo-thai, ndươn kơơi ch'bap, a uôt teq u Brah Ưn, 18gưt jhai rnđêch Pang u gưt chưrleek ntil klanh ntil dip, đươm ay ja kươt mbơh kne a knông ch'bap; 19u mơq ay jơ jap bơn laah bnih liêu troong aan bnih tiah, laa rơn aang aan pal 'bơơn plah gôq knông jơ ngôw, 20laa yau gru bah pơl, lah bnih kne ndrôw ndrei. Ay kơn ơơn laah lơh tơrsau gưt jhai u song klanh gôq knông ch'bap, 21Bei nei a hay ay kne bnih nday baah 'bưn kne nơơm bơn na? Ay chhuôr khơơm ttung baah a hay ay leet ttung? 22Ay mor laah khơơm lơh dôih ta tưr baah a hay ay leet ta tưr? Ay briêk kiêr pơsun baah a hay ay han pơih pi griêng ktôk kwaai pơsun? 23Ay a uôt teq u ch'bap baah a hay ay lơh tih ch'bap, lơh pnjrơm Brah Ưn? 24Bei geh baak 'bian: “Đươm bơl 'bei baah saak Brah Ưn dol đam điêl lwah pal bnih nggoor agaih.”
25Mơq ay prap ơn ch'bap nei kaar kat pêêk a ngan geh thlay; dôh mơq ay lơh tih ch'bap nei paich ay geh kat pêêk kot bei 'bưn. 26Bei nei, mơq mbu bnih 'bưn sang kat pêêk baah ơn prap pal baak ch'bap, nei kaar 'bưn sang kat pêêk bnih nei ri leet 'bưn kươt ndap bei ja dol kat pêêk hơơi laang? 27Pal bnih rnđơơih 'bưn kat pêêk tênh pêêk pai dôh ơn prap ch'bap, a kươi pơrkat ay, laa bnih geh ch'bap but 'bian kơrđaih u baak kat pêêk, baah leet lơh tih ch'bap. 28Đươm mbu bnih dơơn di gaaih laa bnih Jo-thai nei 'bưn geh laa bnih Jo-thai ngan, nha baak kat pêêk teq u pêêk pai mak gaaih nei 'bưn geh laa baak kat pêêk ngan. 29Dôh mbu bnih mak klung laa bnih Jo-thai a ngan mơ laa bnih Jo-thai, baak kat pêêk lôh a chưt nuih, đươm Brah Wêêng, dôh 'bưn tênh sêr rpach. Mbu bnih bei nei a kươi kươt tư wơơl, 'bưn geh lôh a koon bnih, dôh lôh a Brah Ưn.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.