Rô-ma 1
1
Baak đoh kwaai đươm chưt jơrnơ
(1:1-17)
Baak chah nhjook
1Phao-lô, dêch Yaang Krist Jê-sus ri, kươt khuôl chôl lơh jơt jơng u kươt kraih êêng aan Baak Sroong Klanh Brah Ưn ri, 2laa Baak Sroong Klanh pa Brah Ưn lah pơn a noor rlach bơl grnưt noor Pang ri knông Sm'bưt Brah. 3Nei laa Baak Sroong Klanh teq u Koon Pang, lah Yaang baah teq u pêêk pai kươt lgơơch a mbaang snđach Đa-wit; 4nha wêêng sêch jrah, nei đươm baak rêh kươi Pang ri a ktôk chhưt, kươt tơmbơh chôôl laa Koon Brah Ưn dang kmheng, laa Brah Jê-sus Krist Brah bơl bơn. 5Chkhưm Pang, bơl hei ja pơih brêêng smlaang u kơrnan jơt jơng, jah đươm saak Pang liêu jôm raih bal han tơt baak chôh đươm chưt jơrnơ. 6Oh bi kot gôq knông nak pal bnih kươt khuôl jah pơơn teq u Brah Jê-sus Krist. 7Hei dan piyơ tơt leq sêch pal bnih êch srlanh Brah Ưn ri tu poh Rô-ma, lah pal bnih kươt khuôl lơh koon sơih.
R'bon dan Brah Ưn, Bươp bơl bơn, u Brah laa Brah Jê-sus Krist ươn brêêng smlaang u sroong boong aan oh bi!
Baak r'bon dan u or
8Noor leq, chkhôm Brah Jê-sus Krist, hei or Brah Ưn hei teq u leq sêch oh bi, đươm chưt jơrnơ oh bi ja kươt lư leq dơng teh. 9Brah Ưn, Yaang pa hei leq chưt jraih kaar rlach kaar chhuôr Baak Sroong Klanh teq u Koon Pang, lơh ndraanh aan hei laah hei krơơ yoot tơt oh bi 10kơơp wưt r'bon dan. Hei jjuh leh Brah Ưn, đươm rnđêch Pang, pơơk troong aan hei geh jơl tơt n'hai oh bi. 11Đươm hei ndưng han nhjook oh bi đat jah ta toon n'hai oh bi baak ươn aan wêêng brlơng, chkhôm nei oh bi kươt jap kơndang; 12rơih laa jah bơl bơn awap ta pơrlay dơng chưt jơrnơ bơl bơn ri, nei laa oh bi u hei ri.
13Ơi oh bi, hei êch oh bi gưt laah ja ơk wưt hei êch han nhjook oh bi jah pleh pơih ndêq ơk kao play knông oh bi, kot bei knông bơl raih agaih nday; dôh aan tơt nar au nha ơơm dol pơrkhaang.#Kênh 19:21. 14Hei knđi bnih Hi-lap leq bnih kraanh, leq bnih jhai rpach dơng bnih pơl khung. 15Bei nei, hei kot kmbưng kươt chhuôr Baak Sroong Klanh aan oh bi, laa pal bnih plah rêh a Rô-ma nha.
Dang kmheng Baak Sroong Klanh ri
16Ngan bei nei, hei 'bưn prêêng mat teq u Baak Sroong Klanh laang, đươm au laa dang kmheng Brah Ưn ri jah đoh jôm bnih jơ, noor laa bnih Jo-thai, a kươi lah bnih raih agaih#1:16 bnih raih agaih: Paich laa bnih Hi-lap. .#Mak 8:38. 17Đươm knông Baak Sroong Klanh au, baak sêch song Brah Ưn ri kươt tơrsau a chưt jơrnơ tơt chưt jơrnơ, bei geh baak 'bian: “Bnih sêch song a kươi rêh đươm chưt jơrnơ.”
Dôih 'baap koon bnih ri u baak pơrkat Brah Ưn ri
(1:18 – 3:20)
Dôih 'baap koon bnih ri
18Baak hao nuih Brah Ưn ri a lơ trôôk kươt tơrsau jah ta wal kươi jôm baak pnjrơm u đơơk đaak pal bah nhôq baak đơơk đaak baah pnđơơt song klanh. 19Đươm ntil ơơn bu nday awap gưt teq u Brah Ưn nei ja srlah srlom, đươm Brah Ưn ja tơrsau aan bu hơơi. 20Ntil ơơn u Brah Ưn baah mat rơơi 'bưn sau kươt, nei laa dang kmheng yoot yôw u kmlơơt wêêng Pang ri, nei kơndaal a bơh tơmbut bu nday ja grnưt srlah srlom tơt mơq rwach pal pai tơmbut Pang ri; nei mơ bu 'bưn pôn dmôw kươt. 21Đươm paich ja gưt Brah Ưn, bu nha 'bưn sang lơơk lư Pang laa Brah Ưn u 'bưn or Pang, dôh khang gênh ngrơi ntơi; chưt nuih kn'hung kn'hông bu ri but mang jơ ngôw.#Êph 4:17-18. 22Bu sơm êêng chhak nơơm laa jhai rpach, dôh ja but wơơng pniêm. 23Bu ja gơl chring chraang Brah Ưn ri 'bưn luôch jah pơih pơsun koon bnih ri luôch lêêk, paich jôm ntil chum chooch, pai gwaal, paich til pai rwin.
24Đươm mơ, Brah Ưn ja ndơơp bu aan pal sơ ôp chưt nơơm ri, a tup laap baak jrơơk jrơơm jah lơh pnjrơm chhak jan ta pôl, 25đươm bu ja gơl song klanh Brah Ưn ri jah pơih baak lhiat; bu tư wơơl u jraih kaar pai pơsun gơl đươm Yaang Tơmbut Pơsun, laa Yaang dip kươt pơt wơơl yoot yôw! A-men.
26Đươm rơ kheet nei baah Brah Ưn ja ndơơp bu aan jrôq jrơm prêêng mat. Leq dơng mei dơur kot ja gơl ndroong ta gôq ta dơk êêng ơơm lôh but ta wal kươi êêng ơơm. 27Bơl klau kot bei nei, teq ndroong ta gôq ta dơk êêng ơơm n'hai dơur jah ta jêr jrôq jrơm ta pôl, di klau lơh jrôq jrơm n'hai klau, u nơơm bu phrui dol baak phaat ta dip teq u baak tơrlêêng nơơm bu ri. 28Đươm bu 'bưn êch gưt Brah Ưn, mơ Brah Ưn ja teq lơơi bu aan chưt gơrninh khuit khwait jah lơh pal ntil 'bưn dip.
29Bu bêêng bơm jôm ntil 'bưn song, đơơk đaak, m'oh n'haan, kraanh đơơk; chưt bêêng skiêr, lưm bnih, rook baak, lhiat, ring khuich; 30mor waanh, ntơn baak, skiêr Brah Ưn, kưmbrut kưmbrot, uôt nhjơơl, ta pn'hal, rnđơơih lơh ntil ap, 'bưn iat baak mei bươp; 31kơrlung kơrlong, kơhok, 'bưn geh srlanh bnih, 'bưn geh chưt ta gmaak. 32Bu ngroh gưt ch'bap Brah Ưn ri ja waat laah bơl 'bơơn tih pal dôih bei au laa dip jah chhưt. Bei nei baah kơn ơơn bu lơh pal ntil nei, leet ta sruôl aan bu nday lơh nha.
Právě zvoleno:
Rô-ma 1: SBL2024
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.
Rô-ma 1
1
Baak đoh kwaai đươm chưt jơrnơ
(1:1-17)
Baak chah nhjook
1Phao-lô, dêch Yaang Krist Jê-sus ri, kươt khuôl chôl lơh jơt jơng u kươt kraih êêng aan Baak Sroong Klanh Brah Ưn ri, 2laa Baak Sroong Klanh pa Brah Ưn lah pơn a noor rlach bơl grnưt noor Pang ri knông Sm'bưt Brah. 3Nei laa Baak Sroong Klanh teq u Koon Pang, lah Yaang baah teq u pêêk pai kươt lgơơch a mbaang snđach Đa-wit; 4nha wêêng sêch jrah, nei đươm baak rêh kươi Pang ri a ktôk chhưt, kươt tơmbơh chôôl laa Koon Brah Ưn dang kmheng, laa Brah Jê-sus Krist Brah bơl bơn. 5Chkhưm Pang, bơl hei ja pơih brêêng smlaang u kơrnan jơt jơng, jah đươm saak Pang liêu jôm raih bal han tơt baak chôh đươm chưt jơrnơ. 6Oh bi kot gôq knông nak pal bnih kươt khuôl jah pơơn teq u Brah Jê-sus Krist. 7Hei dan piyơ tơt leq sêch pal bnih êch srlanh Brah Ưn ri tu poh Rô-ma, lah pal bnih kươt khuôl lơh koon sơih.
R'bon dan Brah Ưn, Bươp bơl bơn, u Brah laa Brah Jê-sus Krist ươn brêêng smlaang u sroong boong aan oh bi!
Baak r'bon dan u or
8Noor leq, chkhôm Brah Jê-sus Krist, hei or Brah Ưn hei teq u leq sêch oh bi, đươm chưt jơrnơ oh bi ja kươt lư leq dơng teh. 9Brah Ưn, Yaang pa hei leq chưt jraih kaar rlach kaar chhuôr Baak Sroong Klanh teq u Koon Pang, lơh ndraanh aan hei laah hei krơơ yoot tơt oh bi 10kơơp wưt r'bon dan. Hei jjuh leh Brah Ưn, đươm rnđêch Pang, pơơk troong aan hei geh jơl tơt n'hai oh bi. 11Đươm hei ndưng han nhjook oh bi đat jah ta toon n'hai oh bi baak ươn aan wêêng brlơng, chkhôm nei oh bi kươt jap kơndang; 12rơih laa jah bơl bơn awap ta pơrlay dơng chưt jơrnơ bơl bơn ri, nei laa oh bi u hei ri.
13Ơi oh bi, hei êch oh bi gưt laah ja ơk wưt hei êch han nhjook oh bi jah pleh pơih ndêq ơk kao play knông oh bi, kot bei knông bơl raih agaih nday; dôh aan tơt nar au nha ơơm dol pơrkhaang.#Kênh 19:21. 14Hei knđi bnih Hi-lap leq bnih kraanh, leq bnih jhai rpach dơng bnih pơl khung. 15Bei nei, hei kot kmbưng kươt chhuôr Baak Sroong Klanh aan oh bi, laa pal bnih plah rêh a Rô-ma nha.
Dang kmheng Baak Sroong Klanh ri
16Ngan bei nei, hei 'bưn prêêng mat teq u Baak Sroong Klanh laang, đươm au laa dang kmheng Brah Ưn ri jah đoh jôm bnih jơ, noor laa bnih Jo-thai, a kươi lah bnih raih agaih#1:16 bnih raih agaih: Paich laa bnih Hi-lap. .#Mak 8:38. 17Đươm knông Baak Sroong Klanh au, baak sêch song Brah Ưn ri kươt tơrsau a chưt jơrnơ tơt chưt jơrnơ, bei geh baak 'bian: “Bnih sêch song a kươi rêh đươm chưt jơrnơ.”
Dôih 'baap koon bnih ri u baak pơrkat Brah Ưn ri
(1:18 – 3:20)
Dôih 'baap koon bnih ri
18Baak hao nuih Brah Ưn ri a lơ trôôk kươt tơrsau jah ta wal kươi jôm baak pnjrơm u đơơk đaak pal bah nhôq baak đơơk đaak baah pnđơơt song klanh. 19Đươm ntil ơơn bu nday awap gưt teq u Brah Ưn nei ja srlah srlom, đươm Brah Ưn ja tơrsau aan bu hơơi. 20Ntil ơơn u Brah Ưn baah mat rơơi 'bưn sau kươt, nei laa dang kmheng yoot yôw u kmlơơt wêêng Pang ri, nei kơndaal a bơh tơmbut bu nday ja grnưt srlah srlom tơt mơq rwach pal pai tơmbut Pang ri; nei mơ bu 'bưn pôn dmôw kươt. 21Đươm paich ja gưt Brah Ưn, bu nha 'bưn sang lơơk lư Pang laa Brah Ưn u 'bưn or Pang, dôh khang gênh ngrơi ntơi; chưt nuih kn'hung kn'hông bu ri but mang jơ ngôw.#Êph 4:17-18. 22Bu sơm êêng chhak nơơm laa jhai rpach, dôh ja but wơơng pniêm. 23Bu ja gơl chring chraang Brah Ưn ri 'bưn luôch jah pơih pơsun koon bnih ri luôch lêêk, paich jôm ntil chum chooch, pai gwaal, paich til pai rwin.
24Đươm mơ, Brah Ưn ja ndơơp bu aan pal sơ ôp chưt nơơm ri, a tup laap baak jrơơk jrơơm jah lơh pnjrơm chhak jan ta pôl, 25đươm bu ja gơl song klanh Brah Ưn ri jah pơih baak lhiat; bu tư wơơl u jraih kaar pai pơsun gơl đươm Yaang Tơmbut Pơsun, laa Yaang dip kươt pơt wơơl yoot yôw! A-men.
26Đươm rơ kheet nei baah Brah Ưn ja ndơơp bu aan jrôq jrơm prêêng mat. Leq dơng mei dơur kot ja gơl ndroong ta gôq ta dơk êêng ơơm lôh but ta wal kươi êêng ơơm. 27Bơl klau kot bei nei, teq ndroong ta gôq ta dơk êêng ơơm n'hai dơur jah ta jêr jrôq jrơm ta pôl, di klau lơh jrôq jrơm n'hai klau, u nơơm bu phrui dol baak phaat ta dip teq u baak tơrlêêng nơơm bu ri. 28Đươm bu 'bưn êch gưt Brah Ưn, mơ Brah Ưn ja teq lơơi bu aan chưt gơrninh khuit khwait jah lơh pal ntil 'bưn dip.
29Bu bêêng bơm jôm ntil 'bưn song, đơơk đaak, m'oh n'haan, kraanh đơơk; chưt bêêng skiêr, lưm bnih, rook baak, lhiat, ring khuich; 30mor waanh, ntơn baak, skiêr Brah Ưn, kưmbrut kưmbrot, uôt nhjơơl, ta pn'hal, rnđơơih lơh ntil ap, 'bưn iat baak mei bươp; 31kơrlung kơrlong, kơhok, 'bưn geh srlanh bnih, 'bưn geh chưt ta gmaak. 32Bu ngroh gưt ch'bap Brah Ưn ri ja waat laah bơl 'bơơn tih pal dôih bei au laa dip jah chhưt. Bei nei baah kơn ơơn bu lơh pal ntil nei, leet ta sruôl aan bu nday lơh nha.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2024 Bible Society Vietnam. All rights reserved.