ମାର୍କ 9
9
1ରିହିକ୍ ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମୁଲାପେନୁତି ରାଜି ବଲଟି ୱାଅନ୍ତାଦା ହୁଃଡ଼ାନ୍ ଟିକ୍ନା ଇମ୍ୱା ଡିଡ୍ଡାନ୍ ମାନ୍ନି ଦାଲ୍ଲା ତାୱାଟି ଏଚ୍ଚେ ଦାଲ୍ଲା ହାଃଏରି ।”
ଜିସୁତି ୱାନ୍ନା ମ୍ଲିଅନ୍
(ମାତିଉ ୧୭:୧–୧୩; ଲୁକ ୯:୨୮–୩୬)
2 #
୨ପି ୧:୧୭,୧୮ ହାରା ଦିନା ହାଚ୍ଚି ଡେଗ୍ଗା ଜିସୁ ପିତର, ଜାକୁବ ଅଟେ ଜହନନିକି ଆର୍ଚାନ୍ ରଣ୍ଡା ପ୍ଡିତି ହରୁଇନ୍ଦା ଅତେଞ୍ଜି । 3ଆଟେ ଏୱାର୍ ନକେସି ତା ୱାନ୍ନା ମ୍ଲିତେ, ତା ଜିରା ଇହିଙ୍ଗିସି ଅଲା ଅଟେ ଏଗେଲ୍ ହୁକୁଲ୍ ଆତେ ଜେ, ପୁର୍ତିତି ଦବେଞ୍ଜି ୱାଡ଼େ ଏହେଙ୍ଗିସି ହୁକୁଲ୍ କିଅନ୍ ମୁଃଏଞ୍ଜି । 4ଏମ୍ୱାଟି ମସା ଅଟେ ଏଲିୟ ଡ଼ାହି ଜିସୁ କାତାବାର୍ତା ଆଇଚ୍ଚାଦାଃଆ ଏୱାରି ହୁଡ଼ିତେରି । 5ଏମ୍ୱାଟି ପିତର ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତାତି, ମାରୁ ମାନ୍ନି ଗର୍ରି ନିଗ୍ଗାଗାଟାଦି; ଏଦାକି ମାମୁ ଇଦିମ୍ୱା ମୁଞ୍ଜା କୁପ୍କା କ୍ଲେହିନାମୁ, ନି ବାଗା ରଣ୍ଡା, ମସା ବାଗା ରଣ୍ଡା ଅଟେ ଏଲିୟ ବାଗା ରଣ୍ଡା ।” 6ଏୱାରି ଗାପ୍ଚି ଆଜ୍ଜାଚ୍ଚେରି, ଏଦାକି ପିତର ଇନ୍ନା ୱେସି ଇଞ୍ଜାନ୍ ପୁନ୍ନେଟେଃଏ, ଇ କାତା ୱେସ୍ତେଞ୍ଜି ।
7 #
ମାତି ୩:୧୭; ମାର୍କ ୧:୧୧; ଲୁକ ୩:୨୨ ଆଟେ ହିତେ ଜାଗ୍ଗୁ ମୁଲ୍ଡେଞ୍ଜ୍ ୱାନାହି ଏୱାରିକି ହାବେ ମୁଚ୍ଚି କିତେ, ଏମ୍ୱାଟି ଏ ଜାଗ୍ଗୁଟି ଇ ଉକୁଡ଼୍ ଆତେ, “ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ତି କାତା ୱେଞ୍ଜୁ ।” 8ଆଟେ ଏଚିୱାଡ଼େ ଏୱାରି ଗୁଞ୍ଜେର୍ ମେହ୍ପାୱିଆନ୍ ଏୱାରିକି ହୁଡ଼ିତ୍ ତୁକାତାୱା, ଜିସୁନିକି ପିହାନ୍ ଆଟେ ଇନ୍ଦାରିକି ହୁଃଡ଼ାତେରି ।
9ଏୱାରି ହରୁତାୱାଟି ଜାଚାନ୍ ୱାଇଚ୍ଚାୱିଃଆ, ଜିସୁ ଏୱାରିକି ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି, “ମିରୁ ଇନ୍ନା ଇନ୍ନା ହୁଡ଼ାଞ୍ଜେରି, ଏ ହାବେ ହାନ୍ନାର୍ତାୱାଟି କୁଏଞ୍ଜି ମ୍ରିଃଏଞ୍ଜି ରିହିକ୍ ନିଃଙ୍ଗାନ୍ ଟିକ୍ନା ଇନ୍ଦାରିକି ୱେଃସାଟୁ ।”
10ଏମ୍ୱାଟି ଏୱାରି ଏ କାତାତିଦି ଆହାନାହି “ହାନ୍ନାରିଆଟି ରିହିକ୍ ନିଙ୍ଗନ୍ ଇଚ୍ଚେସି ଇନ୍ନି କୁଲା ଇଞ୍ଜାନ୍ ତାରୁ ତାରୁ କାତା ଆଅନ୍ ମ୍ରାସ୍ତେରି ।” 11#ମାତି ୧୧:୧୪ଆଟେ ଏୱାରି ଜିସୁନିକି ୱେଚ୍ଚେରି, “ଆତେସି ଏଲିୟ କାହେ ୱାନ୍ନେଞ୍ଜି ଇଞ୍ଜାନ୍ ସାସ୍ତ୍ରିଙ୍ଗ୍ ଇନାକିଅନ୍ ୱେସ୍ପିନ୍ନେରି ?”
12ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “କାହେ ଏଲିୟ ୱାନ୍ ହାବେତ୍ କୁଲା ରିହିକ୍ କ୍ଲେହନ୍ତାଦି ନିଜ୍ଜା, ମତ୍ର କୁଏଞ୍ଜି ମ୍ରିଃଏଞ୍ଜି ଏଗେଲ୍ ଦୁଃକ ପାଁଣ୍ଡାନ୍ ହିନି ପାଁନେଞ୍ଜି, ଏୱାଞ୍ଜ୍ କୁଲାଟି ଇଦି ଇନ୍ନିୱାହୁ ଦର୍ମପୁତିତାୱା ୱ୍ରିଗାଆନ୍ନେ ? 13ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏଲିୟ ୱାତେଞ୍ଜି ଅଟେ ଏୱାଞ୍ଜ୍ କୁଲାଟି ଇନିସ୍ ଦର୍ମପୁତିତାୱା ୱ୍ରିଗାଆନ୍ନେ, ଏହେଙ୍ଗିସି ଦାଲ୍ଲା ହାବେ ଇନ୍ନିୱାହୁ ଇଚ୍ଚା କିତେରି ଏଲିୟନିକି ଏହେଙ୍ଗ୍ ଡ଼ଃଆନ୍ ବେବାର୍ କିଆନ୍ନେରି ।”
ଜିସୁ ବୁତ ଆହାଚ୍ଚି ବଦାସ୍ନିକି ନେହି କିଅନି
(ମାତିଉ ୧୭:୧୪–୨୧; ଲୁକ ୯:୩୭–୪୩)
14ଏମ୍ୱାଟି ଜିସୁ, ପିତର, ଜାକୁବ ଅଟେ ଜହନ ବିହି ଗ୍ରାମ୍ୱାଗାଟାରି ଟାକ୍କେ ୱାନାହି ହୁଡ଼ିତେରି, ତା ଗୁଞ୍ଜେର୍ ଏଗେଲ୍ ଦାଲ୍ଲା ମାନ୍ନେରି ଅଟେ ସାସ୍ତ୍ରିଙ୍ଗ୍ ତା ଡ଼ାହି ବାଦେର୍ ଆଇଚ୍ଚେରି । 15ଏଚ୍ଚିକିଃଆ ଦାଲ୍ଲା ହାବେ ଏୱାଞ୍ଜିକି ହୁଡ଼ିତେରି ଏଚିୱାଡ଼େ ଏୱାରି ଗାପ୍ଚି ଆକ୍କାବାଡ଼ାଙ୍ଗ୍ ଆତେରି ଅଟେ ଡେହି ଡେହି ୱାନ୍ ତାଙ୍ଗେ ଜୁହାରି କିଅନ୍ ମ୍ରାସ୍ତେରି । 16ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେଚ୍ଚେଞ୍ଜି, “ମିରୁ ସାସ୍ତ୍ରିଙ୍ଗ୍ ଡ଼ାହି ଇନ୍ନା କିଅନ୍ ବାଦେର୍ ଆଇଞ୍ଜେରି ?”
17ଦାଲ୍ଲା ତାୱାଟି ରଃଅଞ୍ଜି ଜିସୁନିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ଗ୍ରାପାଗାଟାତାତି, ନାନୁ ନା ମ୍ରିଃଏଞ୍ଜିକି ନି ରେଃଏସ୍ ତାଚ୍ଚାଚେ, ତାଙ୍ଗେ ରଣ୍ଡି ଡ଼ଃଆନ୍ ଡିଙ୍ଗା ଆହାନ୍ନେ ଏୱାଞ୍ଜି କାତା ୱେସ୍ପନ୍ ମୁପେହେଃଲ୍ଲେଞ୍ଜି । 18ଇମ୍ୱିନ୍ ଗର୍ରିତାୱା ୱାଡ଼େ ଡ଼ଃଆନ୍ ଡିଙ୍ଗା ଏୱାଞ୍ଜିକି ଆହ୍ତେସ୍, ଏୱାଞ୍ଜିକି ନେତେ ବ୍ଡିପେନ୍ନେ, ତା ଗୁତିତାୱାଟି ପମ୍ୱେଲ୍ ହପିନ୍ନେ ଅଟେ ପାଟ୍କା ମ୍ରେଡେନ୍ନେଞ୍ଜି, ଆଟେ ଏୱାଞ୍ଜି ୱାଚ୍ଚେନ୍ନେଞ୍ଜି; ଏ ବୁତତିଦି ପେରନ୍ ବାଗା ନି ଗ୍ରାମ୍ୱାଗାଟାରିକି ୱେସାଚ୍ଚେଃଏ, ମତ୍ର ଏୱାରି ଏୱାଞ୍ଜିକି ନେହି କିଅନି ମୁଃଆତେରି।”
19ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ମାଞ୍ଜାଡ଼ି କିଃଆନ୍ ପୁଣ୍ଡି ଏଚ୍ଚେ କାଲା ଟିକ୍ନା ନାନୁ ମି ଡ଼ାହି ବାସାଆଃଇ ? ଏଚ୍ଚେ କାଲା ମି ବେବାର୍ ସହି ଆଃଇ ? ଏୱାଞ୍ଜିକି ନା ଟାକ୍କେ ତାଚ୍ଚିୱାଦୁ ।” 20ଏମ୍ୱାଟି ଏୱାରି ତାଙ୍ଗେ ଜିସୁ ଟାକ୍କେ ତାଚ୍ଚିୱାତେରି । ଏଚ୍ଚିକିଃଆ ଜିସୁନିକି ହୁଡ଼ିତେ ଏଚିୱାଡ଼େ ଏ ବୁତ ବଦାସ୍ନିକି ଆଚ୍ଚିହପାନ୍ ତ୍ଲିପାୱିତେ, ଏମ୍ୱାଟି ଏୱାଞ୍ଜି ନେତେ ତ୍ରଙ୍ଗାନ୍ ଗୁତିଟି ପମ୍ୱେଲ୍ ଉର୍ଚ୍ଚାନ୍ ଦୁରିମାଗି ଆତେଞ୍ଜି । 21ଏଚିତୁକାତାୱା ଜିସୁ ତା ଆବାନିକି ୱେଚ୍ଚେଞ୍ଜି, “ଇହିଙ୍ଗିସି ଆନ୍ ଏଚ୍ଚି ଦିନା ଆଇନେ ?” ଏୱାଞ୍ଜି ୱେସ୍ତେଞ୍ଜି, “ହିତାନ୍ୱେଲାଟି ।”
22ଏଦି ତାଙ୍ଗେ ହାପନ୍ ବାଗାଟି ରଲିତିକି ରଲି ଏଜୁତାୱା ଅଟେ ରଲିତିକି ରଲି ନାଡ଼ିତାୱା ନାଚ୍ଚେନ୍ନେ; ମତ୍ର ନିନୁ ଜଦି ଇନ୍ନା କିଅନ୍ ମୁଦି ଇଚ୍ଚେସ୍, ମାଙ୍ଗେ ପାପୁଅଲ୍ଚାନ୍ ସାହାଜ୍ୟ କିଆମୁ ।
23ଏମ୍ୱାଟି ଜିସୁ ତାଙ୍ଗେ ୱେସ୍ତେଞ୍ଜି, “ଇନ୍ନା ୱେସ୍ତାତି ? ଜଦି କିଅନ୍ ମୁଦି ! ଏହେଙ୍ଗ୍ ଆତେସି ମାଞ୍ଜାଡ଼ି କିନ୍ନାଞ୍ଜି ବାଗାଟି ହାବେତ୍ କୁଲା ଆଅନ୍ ମୁନେ ।”
24ଏଚିୱାଡ଼େ ବଦାସ୍ତି ଆବା ଗଜେଲ୍ ଆନ୍ ୱେସ୍ତେଞ୍ଜି, “ନାନୁ ମାଞ୍ଜାଡ଼ି କିମାଃଇ; ଆଟେ ଏଗେଲ୍ ମାଞ୍ଜାଡ଼ି କିଅନ୍ ବାଗା ନାଙ୍ଗେ ସାହାଜ୍ୟ କିଆମୁ ।”
25ଏମ୍ୱାଟି ଜିସୁ ଦାଲ୍ଲା ଡେହାନ୍ ୱାଅନ୍ତାଦା ହୁଡ଼ାନ୍, ଏ ଡ଼ଃଆନ୍ ଡିଙ୍ଗାତିଦି ୱ୍ଲିଚାନାହି ୱେସ୍ତେଞ୍ଜି, “ଏ ଡାଙ୍ଗ୍ଲା ଅଟେ ଜାଡ୍ଡାଗାଟି ଡ଼ଃଆନ୍ ଡିଙ୍ଗା, ନାନୁ ନିଙ୍ଗେ ଆଦେସ୍ ହିଞ୍ଜା, ନିନୁ ଇୱାଞ୍ଜ୍ତାୱାଟି ହଚାନ୍ ହାଲ୍ମୁ, ଆଟେ ଏଚ୍ଚେକ୍ୱାଡ଼େ ଇୱାଞ୍ଜ୍ତି ଗାଣ୍ଡିତାୱା ହଃଲାଆ ।”
26ଏମ୍ୱାଟି ଏ ଡ଼ଃଆନ୍ ଡିଙ୍ଗା ଏଗେଲ୍ ଗଜେଲ୍ ଆନ୍ ତାଙ୍ଗେ ତ୍ଲିପ୍କାୱିଆନ୍ ହଚାନ୍ ହାଚ୍ଚେ, ଆଟେ ବଦାସ୍ ହାତି ଡେହେଙ୍ଗ୍ ଆତେଞ୍ଜି, ଇଦା ହୁଡ଼ାନ୍ ଗାପ୍ଚି ଦାଲ୍ଲା ଇଚ୍ଚେରି ଜେ, “ଏୱାଞ୍ଜ୍ ହାତେଞ୍ଜି ।” 27ମତ୍ର ଜିସୁ ତା କାଜ୍ଜୁ ଆହାନାହି ଏୱାଞ୍ଜିକି ନିକ୍ତେଞ୍ଜି, ଆଟେ ଏୱାଞ୍ଜି ନିଙ୍ଗାନ୍ ଡିଡ୍ଡିତେଞ୍ଜି ।
28ଏଚ୍ଚିକିଃଆ ଜିସୁ ଇଡ୍ଡୁଇନ୍ଦା ୱାତେଞ୍ଜି, ତା ଗ୍ରାମ୍ୱାଗାଟାରି ଜିସୁନିକି ରଃଅଞ୍ଜେଃଏ ମାଚ୍ଚି ତୁକାତାୱା ମ୍ଡାମି ୱେଚ୍ଚେରି, “ମାମୁ ଇନ୍ନା କିଅନ୍ ଡ଼ଃଆନ୍ ଡିଙ୍ଗା ପେରନ୍ ମୁଃଆତାମୁ ?”
29ଜିସୁ ଏୱାରିକି ୱେସ୍ତେଞ୍ଜି, “ପ୍ରାତ୍ନା କିଃଏଟେଃଏ ଇନ୍ନିୱାହୁ ୱାଡ଼େ ଇହିଙ୍ଗ୍ତି ବୁତଙ୍ଗ୍ ପେରନ୍ ମୁପନ୍ ଆଃଏ ।”
ଜିସୁ ରିହିକ୍ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୧୭:୨୨–୨୩; ଲୁକ ୯:୪୩–୪୫)
30ଜିସୁ ଅଟେ ତା ଗ୍ରାମ୍ବାଗାଟାରି ଗାଲିଲି ରାଜି ଏସେନ୍ ହାଚ୍ଚେରି, ଆଟେ ଇ କାତା ଏମ୍ୱେ ୱାଡ଼େ ପୁଃନ୍ନାକାରି ଇଞ୍ଜାନ୍ ଜିସୁ ଏଲୁ କିଚ୍ଚେଞ୍ଜି, 31ଇନାକି ଜିସୁ ତା ଗ୍ରାମ୍ୱାଗାଟାରିକି ଇ କାତା ୱେସାନ୍ ଗ୍ରାପେଚ୍ଚେଞ୍ଜି, “କୁଏଞ୍ଜ୍ ମ୍ରିଃଏଞ୍ଜି କୁଇଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି, ଆଟେ ଏୱାରି ତାଙ୍ଗେ ପାଗିନେରି, ଅଟେ ହାନାହି ମୁ ଦିନାଟି ନିମ୍ୱାନ୍ନିଙ୍ଗିନେଞ୍ଜି ।”
32ମତ୍ର ଗ୍ରାମ୍ୱାଗାଟାରି ଏ କାତା ପୁଃନ୍ନାତେରି, ଆଟେ ଏୱାରି ଜିସୁନିକି ୱେନ୍ବନ୍ ବାଗା ଆଜ୍ଜେଚ୍ଚେରି ।
ଏମ୍ୱେନାଞ୍ଜି ହାବେତାୱାଟି ଗାମିନାଞ୍ଜି
(ମାତିଉ ୧୮:୧–୫; ଲୁକ ୯:୪୬–୪୮)
33ଏମ୍ୱାଟି ଜିସୁ ଅଟେ ଗ୍ରାମ୍ୱାଗାଟାରି କପର୍ନାହୁମ ନାଜୁଇନ୍ଦା ୱାତେରି । ଜିସୁ ଇଜ୍ଜା ଏଚ୍ଚାନାହି ତା ଗ୍ରାମ୍ବାଗାଟାରିକି ୱେଚ୍ଚେଞ୍ଜି, “ମିରୁ ଗିଜ୍ଜୁତାୱା ଇନ୍ନି କାତାବାର୍ତା ଆଇଚ୍ଚେରି ?”
34 #
ଲୁକ ୨୨:୨୪
ମତ୍ର ଏୱାରି ଇନ୍ନା ୱେଃସାତେରି, ଇନାକି ହାବେତାୱାଟି ଏମ୍ୱେନାଞ୍ଜି ଗାମିନାଞ୍ଜି, ଇ କୁଲାଟି ତାରୁ ତାରୁ କାତାବାର୍ତା ଆଇଚ୍ଚେରି ।
35 #
ମାତି ୨୦:୨୬,୨୭; ୨୩:୧୧; ମାର୍କ ୧୦:୪୩,୪୪; ଲୁକ ୨୨:୨୬ ଜିସୁ କକ୍ଚ୍ଚାନ୍ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆର୍ଚାନ୍ ୱେସ୍ତେଞ୍ଜି, “ଜଦି ଏମ୍ୱେନାଞ୍ଜି ଗାମନ୍ତିକି ଏଲୁ କିନ୍ନେଞ୍ଜି, ଏୱାଞ୍ଜି ହାବେତାୱାଟି ଡଟି ଅଟେ ହାବେତାରିତି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି ।” 36ଏମ୍ୱାଟି ଜିସୁ ରଃଅଞ୍ଜି ଡଟି ବଦାସିକି ଅଆନ୍ ଏୱାର୍ ମାଦ୍ଦି ଡିଡ୍ଡି କିତେଞ୍ଜି ଅଟେ ବଦାସ୍ନିକି ଏତାନ୍ ୱେସ୍ତେଞ୍ଜି, 37#ମାତି ୧୦:୪୦; ଲୁକ ୧୦:୧୬; ଜହ ୧୩:୨୦“ଏମ୍ୱେନାଞ୍ଜିକି ନା ପାରୁଟି ଇହିଙ୍ଗିସି ଡଟି ବଦାସ୍ନିକି ଗ୍ରହନ କିନ୍ନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି; ଏମ୍ୱେନାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି ଏୱାଞ୍ଜି ୱାର୍ରି ନାଙ୍ଗେ ଗ୍ରହନ କିହେଲ୍ଲାଦାଃଏଞ୍ଜି, ମତ୍ର ନାଙ୍ଗେ ଏମ୍ୱେନାଞ୍ଜି ପାଣ୍ଡାଞ୍ଜାନେଞ୍ଜି ଏୱାଞ୍ଜିକି ୱାଡ଼େ ଗ୍ରହନ କିନ୍ନେଞ୍ଜି ।”
ଏମ୍ୱେନାଞ୍ଜି ନା ବିରୁଦି ଆଃଏ ଏୱାଞ୍ଜି ନାପେଟ୍ତାଞ୍ଜି
(ଲୁକ ୯:୪୯–୫୦)
38ଜହନ ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତି, ମାମୁ ରଃଅଞ୍ଜିକି ନି ପାରୁଟି ବୁତଙ୍ଗ୍ ପେରେଚ୍ଚାଦାଃଆ ହୁଡ଼ିତାମୁ, ମତ୍ର ଏୱାଞ୍ଜି ମା ଡେହେଙ୍ଗ୍ ରଃଅଞ୍ଜ୍ ଗ୍ରାମ୍ବାଗାଟାଞ୍ଜି ଆହେଃଲ୍ଲାତାୱାଟି ମାମୁ ତାଙ୍ଗେ ଆଃଏ କିତାମୁ ।”
39ମତ୍ର ଜିସୁ ୱେସ୍ତେଞ୍ଜି, “ତାଙ୍ଗେ ଆଃଏ କିଃଆଟୁ,” ଇନାକି ନା ପାରୁଟି ବଲତି କାମା କିଆନାହି ଏଚିୱାଡ଼େ ନା ବିରୁଦିଆଟି ଡ଼ଃଆନ୍ କାତା ୱେସ୍ନେଞ୍ଜି, ଇହିଙ୍ଗ୍ତି କୁଏଞ୍ଜି ଏମ୍ୱେନାଞ୍ଜି ହେଃଲ୍ଲେଞ୍ଜି । 40#ମାତି ୧୨:୩୦; ଲୁକ ୧୧:୨୩ଇନାକି ଏମ୍ୱେନାଞ୍ଜି ମା ବିରୁଦିଗାଟାଞ୍ଜ୍ ଆଃଏ ଏୱାଞ୍ଜି ମାପେଟ୍ତାଞ୍ଜି । 41#ମାତି ୧୦:୪୨ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏମ୍ୱେନାଞ୍ଜି ମିଙ୍ଗେ କ୍ରିସ୍ଟ ପାରୁଟି ର ଗିନ୍ନା ଏଜୁ ଉନ୍ବନ୍ ବାଗା ହିଆନେଞ୍ଜି, ଏୱାଞ୍ଜି ନିଜ୍ଜାନେଃଏ ତା ପୁରସ୍କାର୍ ପାଁନେଞ୍ଜି ।
ବିହିତାରିନିକି ପାପ କିୱିକିଃଆନ୍ ବାଗା ଗ୍ରାପନି
(ମାତିଉ ୧୮:୬–୯; ଲୁକ ୧୭:୧–୨)
42ଆଟେ ନାଙ୍ଗେ ମାଞ୍ଜାଡ଼ି କିଞ୍ଜାନ୍ନି ଇ ହିତାନାରିତାୱାଟି ଏମ୍ୱେନାଞ୍ଜିକି ରଃଅଞ୍ଜିକି ୱାଡ଼େ ପାପ କାମା କିୱିକିନ୍ନେଞ୍ଜି, ଏୱାଞ୍ଜି ତା ବଟାତାୱା ରଣ୍ଡା ବେର୍ ଗୁରନ୍ ୱାଲ୍ଲି ଡ଼େଚ୍ଚାହିଆନ୍ ତାଙ୍ଗେ ସାମ୍ନ୍ଦେର୍ ଲାଃଇ ତୁହ୍ତେସି ତା ବାଗା ନେହି ଆନେ । 43#ମାତି ୫:୩୦ଆଟେ ଜଦି ନି ରଣ୍ଡି କାଜ୍ଜୁ ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ରାସାନ୍ ତୁହ୍ମୁ; ରିଣ୍ଡା କାସ୍କା ଡ଼ାହି ନର୍କ, ଇଚ୍ଚେସି ଡୁମ୍ବେହେଃଲ୍ଲାନ୍ ନାଡ଼ିକୁଟ୍ଟିତାୱା ୱେଅନ୍ ତାୱାଟି ରଣ୍ଡା କାଜ୍ଜୁ ଆହାନ୍ ପରନ୍ତାୱା ହଲ୍ବନ୍ ନି ବାଗାଟି ନେହି । 44ଇନାକି ନର୍କତାୱା ପ୍ଡିଉ ହାଃଏ ଅଟେ ନାଡ଼ି ୱାଡ଼େ ଡୁଃମ୍ବେଏ । 45ଆଟେ ଜଦି ନି କାଡୁ ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ରାସାନ୍ ତୁହ୍ମୁ; ରିଣ୍ଡା କାଟ୍କା ଡ଼ାହି ନର୍କଇନ୍ଦା ହାଲ୍ବନ୍ ତାୱାଟି ରଣ୍ଡା କାଡୁଟି ପରନ୍ତାୱା ହଲ୍ବନ୍ ନି ବାଗା ନେହି । 46ଇନାକି ନର୍କତାୱା ପ୍ଡିଉ ହାଃଏ, ଆଟେ ନାଡ଼ି ୱାଡ଼େ ଡୁଃମ୍ବେଏ । 47#ମାତି ୫:୨୯ଆଟେ ନି କାନ୍ନୁ ଜଦି ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ୱେଚାନ୍ ତୁହ୍ମୁ; ରିଣ୍ଡା କାଡ଼୍କାଟି ନର୍କତାୱା ୱେଅନ୍ ତାୱାଟି ରଣ୍ଡା କାନ୍ନୁଟି ମୁଲାପେନୁତି ରାଜିତାୱା ହଲ୍ବନ୍ ନି ବାଗା ନେହି । 48ଇନାକି ନର୍କତାୱା ପ୍ଡିଉ ହାଃଏ କି ନାଡ଼ି ଡୁଃମ୍ବେଏ ।
49ଇନାକି ବଲି ଇନିସ୍ ହାରୁ ଡ଼ାହି ପିର୍ରି ଆଇନେ ଏଚିଡେହେଙ୍ଗ୍ ହାବେତାରିନିକି ନାଡ଼ିଟି ପିର୍ରି କିୱା ଆନେ ।
50 #
ମାତି ୫:୧୩; ଲୁକ ୧୪:୩୪,୩୫ “ହାରୁ ନେହାଦି, ମତ୍ର ହାରୁ ଜଦି ହାରୁ ଡେହେଙ୍ଗ୍ ନାଙ୍ଗୁ ଆଃଏ, ଏହେଙ୍ଗ୍ ଆତେସି ଏ ହାରୁ ଇନ୍ନିକୁଲାତିଦି ହେପ୍ପି କିଃଏ । ମିରୁ ମି ତାୱା ହାରୁ ଡେହେଙ୍ଗ୍ତି ନାଙ୍ଗୁ ଇଟ୍ଟାଟୁ ଅଟେ ହାବେ ଦାଲ୍ଲା ଡ଼ାହି ଲୁତ୍ନା ବାସାଆଦୁ ।”
Právě zvoleno:
ମାର୍କ 9: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 9
9
1ରିହିକ୍ ଜିସୁ ଏୱାରିକି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମୁଲାପେନୁତି ରାଜି ବଲଟି ୱାଅନ୍ତାଦା ହୁଃଡ଼ାନ୍ ଟିକ୍ନା ଇମ୍ୱା ଡିଡ୍ଡାନ୍ ମାନ୍ନି ଦାଲ୍ଲା ତାୱାଟି ଏଚ୍ଚେ ଦାଲ୍ଲା ହାଃଏରି ।”
ଜିସୁତି ୱାନ୍ନା ମ୍ଲିଅନ୍
(ମାତିଉ ୧୭:୧–୧୩; ଲୁକ ୯:୨୮–୩୬)
2 #
୨ପି ୧:୧୭,୧୮ ହାରା ଦିନା ହାଚ୍ଚି ଡେଗ୍ଗା ଜିସୁ ପିତର, ଜାକୁବ ଅଟେ ଜହନନିକି ଆର୍ଚାନ୍ ରଣ୍ଡା ପ୍ଡିତି ହରୁଇନ୍ଦା ଅତେଞ୍ଜି । 3ଆଟେ ଏୱାର୍ ନକେସି ତା ୱାନ୍ନା ମ୍ଲିତେ, ତା ଜିରା ଇହିଙ୍ଗିସି ଅଲା ଅଟେ ଏଗେଲ୍ ହୁକୁଲ୍ ଆତେ ଜେ, ପୁର୍ତିତି ଦବେଞ୍ଜି ୱାଡ଼େ ଏହେଙ୍ଗିସି ହୁକୁଲ୍ କିଅନ୍ ମୁଃଏଞ୍ଜି । 4ଏମ୍ୱାଟି ମସା ଅଟେ ଏଲିୟ ଡ଼ାହି ଜିସୁ କାତାବାର୍ତା ଆଇଚ୍ଚାଦାଃଆ ଏୱାରି ହୁଡ଼ିତେରି । 5ଏମ୍ୱାଟି ପିତର ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତାତି, ମାରୁ ମାନ୍ନି ଗର୍ରି ନିଗ୍ଗାଗାଟାଦି; ଏଦାକି ମାମୁ ଇଦିମ୍ୱା ମୁଞ୍ଜା କୁପ୍କା କ୍ଲେହିନାମୁ, ନି ବାଗା ରଣ୍ଡା, ମସା ବାଗା ରଣ୍ଡା ଅଟେ ଏଲିୟ ବାଗା ରଣ୍ଡା ।” 6ଏୱାରି ଗାପ୍ଚି ଆଜ୍ଜାଚ୍ଚେରି, ଏଦାକି ପିତର ଇନ୍ନା ୱେସି ଇଞ୍ଜାନ୍ ପୁନ୍ନେଟେଃଏ, ଇ କାତା ୱେସ୍ତେଞ୍ଜି ।
7 #
ମାତି ୩:୧୭; ମାର୍କ ୧:୧୧; ଲୁକ ୩:୨୨ ଆଟେ ହିତେ ଜାଗ୍ଗୁ ମୁଲ୍ଡେଞ୍ଜ୍ ୱାନାହି ଏୱାରିକି ହାବେ ମୁଚ୍ଚି କିତେ, ଏମ୍ୱାଟି ଏ ଜାଗ୍ଗୁଟି ଇ ଉକୁଡ଼୍ ଆତେ, “ଇୱାଞ୍ଜି ନା ଜେଡାଗାଟି ମ୍ରିଃଏଞ୍ଜି, ଇୱାଞ୍ଜ୍ତି କାତା ୱେଞ୍ଜୁ ।” 8ଆଟେ ଏଚିୱାଡ଼େ ଏୱାରି ଗୁଞ୍ଜେର୍ ମେହ୍ପାୱିଆନ୍ ଏୱାରିକି ହୁଡ଼ିତ୍ ତୁକାତାୱା, ଜିସୁନିକି ପିହାନ୍ ଆଟେ ଇନ୍ଦାରିକି ହୁଃଡ଼ାତେରି ।
9ଏୱାରି ହରୁତାୱାଟି ଜାଚାନ୍ ୱାଇଚ୍ଚାୱିଃଆ, ଜିସୁ ଏୱାରିକି ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି, “ମିରୁ ଇନ୍ନା ଇନ୍ନା ହୁଡ଼ାଞ୍ଜେରି, ଏ ହାବେ ହାନ୍ନାର୍ତାୱାଟି କୁଏଞ୍ଜି ମ୍ରିଃଏଞ୍ଜି ରିହିକ୍ ନିଃଙ୍ଗାନ୍ ଟିକ୍ନା ଇନ୍ଦାରିକି ୱେଃସାଟୁ ।”
10ଏମ୍ୱାଟି ଏୱାରି ଏ କାତାତିଦି ଆହାନାହି “ହାନ୍ନାରିଆଟି ରିହିକ୍ ନିଙ୍ଗନ୍ ଇଚ୍ଚେସି ଇନ୍ନି କୁଲା ଇଞ୍ଜାନ୍ ତାରୁ ତାରୁ କାତା ଆଅନ୍ ମ୍ରାସ୍ତେରି ।” 11#ମାତି ୧୧:୧୪ଆଟେ ଏୱାରି ଜିସୁନିକି ୱେଚ୍ଚେରି, “ଆତେସି ଏଲିୟ କାହେ ୱାନ୍ନେଞ୍ଜି ଇଞ୍ଜାନ୍ ସାସ୍ତ୍ରିଙ୍ଗ୍ ଇନାକିଅନ୍ ୱେସ୍ପିନ୍ନେରି ?”
12ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “କାହେ ଏଲିୟ ୱାନ୍ ହାବେତ୍ କୁଲା ରିହିକ୍ କ୍ଲେହନ୍ତାଦି ନିଜ୍ଜା, ମତ୍ର କୁଏଞ୍ଜି ମ୍ରିଃଏଞ୍ଜି ଏଗେଲ୍ ଦୁଃକ ପାଁଣ୍ଡାନ୍ ହିନି ପାଁନେଞ୍ଜି, ଏୱାଞ୍ଜ୍ କୁଲାଟି ଇଦି ଇନ୍ନିୱାହୁ ଦର୍ମପୁତିତାୱା ୱ୍ରିଗାଆନ୍ନେ ? 13ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ଏଲିୟ ୱାତେଞ୍ଜି ଅଟେ ଏୱାଞ୍ଜ୍ କୁଲାଟି ଇନିସ୍ ଦର୍ମପୁତିତାୱା ୱ୍ରିଗାଆନ୍ନେ, ଏହେଙ୍ଗିସି ଦାଲ୍ଲା ହାବେ ଇନ୍ନିୱାହୁ ଇଚ୍ଚା କିତେରି ଏଲିୟନିକି ଏହେଙ୍ଗ୍ ଡ଼ଃଆନ୍ ବେବାର୍ କିଆନ୍ନେରି ।”
ଜିସୁ ବୁତ ଆହାଚ୍ଚି ବଦାସ୍ନିକି ନେହି କିଅନି
(ମାତିଉ ୧୭:୧୪–୨୧; ଲୁକ ୯:୩୭–୪୩)
14ଏମ୍ୱାଟି ଜିସୁ, ପିତର, ଜାକୁବ ଅଟେ ଜହନ ବିହି ଗ୍ରାମ୍ୱାଗାଟାରି ଟାକ୍କେ ୱାନାହି ହୁଡ଼ିତେରି, ତା ଗୁଞ୍ଜେର୍ ଏଗେଲ୍ ଦାଲ୍ଲା ମାନ୍ନେରି ଅଟେ ସାସ୍ତ୍ରିଙ୍ଗ୍ ତା ଡ଼ାହି ବାଦେର୍ ଆଇଚ୍ଚେରି । 15ଏଚ୍ଚିକିଃଆ ଦାଲ୍ଲା ହାବେ ଏୱାଞ୍ଜିକି ହୁଡ଼ିତେରି ଏଚିୱାଡ଼େ ଏୱାରି ଗାପ୍ଚି ଆକ୍କାବାଡ଼ାଙ୍ଗ୍ ଆତେରି ଅଟେ ଡେହି ଡେହି ୱାନ୍ ତାଙ୍ଗେ ଜୁହାରି କିଅନ୍ ମ୍ରାସ୍ତେରି । 16ଏମ୍ୱାଟି ଜିସୁ ତା ଗ୍ରାମ୍ୱାଗାଟାରିକି ୱେଚ୍ଚେଞ୍ଜି, “ମିରୁ ସାସ୍ତ୍ରିଙ୍ଗ୍ ଡ଼ାହି ଇନ୍ନା କିଅନ୍ ବାଦେର୍ ଆଇଞ୍ଜେରି ?”
17ଦାଲ୍ଲା ତାୱାଟି ରଃଅଞ୍ଜି ଜିସୁନିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ଗ୍ରାପାଗାଟାତାତି, ନାନୁ ନା ମ୍ରିଃଏଞ୍ଜିକି ନି ରେଃଏସ୍ ତାଚ୍ଚାଚେ, ତାଙ୍ଗେ ରଣ୍ଡି ଡ଼ଃଆନ୍ ଡିଙ୍ଗା ଆହାନ୍ନେ ଏୱାଞ୍ଜି କାତା ୱେସ୍ପନ୍ ମୁପେହେଃଲ୍ଲେଞ୍ଜି । 18ଇମ୍ୱିନ୍ ଗର୍ରିତାୱା ୱାଡ଼େ ଡ଼ଃଆନ୍ ଡିଙ୍ଗା ଏୱାଞ୍ଜିକି ଆହ୍ତେସ୍, ଏୱାଞ୍ଜିକି ନେତେ ବ୍ଡିପେନ୍ନେ, ତା ଗୁତିତାୱାଟି ପମ୍ୱେଲ୍ ହପିନ୍ନେ ଅଟେ ପାଟ୍କା ମ୍ରେଡେନ୍ନେଞ୍ଜି, ଆଟେ ଏୱାଞ୍ଜି ୱାଚ୍ଚେନ୍ନେଞ୍ଜି; ଏ ବୁତତିଦି ପେରନ୍ ବାଗା ନି ଗ୍ରାମ୍ୱାଗାଟାରିକି ୱେସାଚ୍ଚେଃଏ, ମତ୍ର ଏୱାରି ଏୱାଞ୍ଜିକି ନେହି କିଅନି ମୁଃଆତେରି।”
19ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏ ମାଞ୍ଜାଡ଼ି କିଃଆନ୍ ପୁଣ୍ଡି ଏଚ୍ଚେ କାଲା ଟିକ୍ନା ନାନୁ ମି ଡ଼ାହି ବାସାଆଃଇ ? ଏଚ୍ଚେ କାଲା ମି ବେବାର୍ ସହି ଆଃଇ ? ଏୱାଞ୍ଜିକି ନା ଟାକ୍କେ ତାଚ୍ଚିୱାଦୁ ।” 20ଏମ୍ୱାଟି ଏୱାରି ତାଙ୍ଗେ ଜିସୁ ଟାକ୍କେ ତାଚ୍ଚିୱାତେରି । ଏଚ୍ଚିକିଃଆ ଜିସୁନିକି ହୁଡ଼ିତେ ଏଚିୱାଡ଼େ ଏ ବୁତ ବଦାସ୍ନିକି ଆଚ୍ଚିହପାନ୍ ତ୍ଲିପାୱିତେ, ଏମ୍ୱାଟି ଏୱାଞ୍ଜି ନେତେ ତ୍ରଙ୍ଗାନ୍ ଗୁତିଟି ପମ୍ୱେଲ୍ ଉର୍ଚ୍ଚାନ୍ ଦୁରିମାଗି ଆତେଞ୍ଜି । 21ଏଚିତୁକାତାୱା ଜିସୁ ତା ଆବାନିକି ୱେଚ୍ଚେଞ୍ଜି, “ଇହିଙ୍ଗିସି ଆନ୍ ଏଚ୍ଚି ଦିନା ଆଇନେ ?” ଏୱାଞ୍ଜି ୱେସ୍ତେଞ୍ଜି, “ହିତାନ୍ୱେଲାଟି ।”
22ଏଦି ତାଙ୍ଗେ ହାପନ୍ ବାଗାଟି ରଲିତିକି ରଲି ଏଜୁତାୱା ଅଟେ ରଲିତିକି ରଲି ନାଡ଼ିତାୱା ନାଚ୍ଚେନ୍ନେ; ମତ୍ର ନିନୁ ଜଦି ଇନ୍ନା କିଅନ୍ ମୁଦି ଇଚ୍ଚେସ୍, ମାଙ୍ଗେ ପାପୁଅଲ୍ଚାନ୍ ସାହାଜ୍ୟ କିଆମୁ ।
23ଏମ୍ୱାଟି ଜିସୁ ତାଙ୍ଗେ ୱେସ୍ତେଞ୍ଜି, “ଇନ୍ନା ୱେସ୍ତାତି ? ଜଦି କିଅନ୍ ମୁଦି ! ଏହେଙ୍ଗ୍ ଆତେସି ମାଞ୍ଜାଡ଼ି କିନ୍ନାଞ୍ଜି ବାଗାଟି ହାବେତ୍ କୁଲା ଆଅନ୍ ମୁନେ ।”
24ଏଚିୱାଡ଼େ ବଦାସ୍ତି ଆବା ଗଜେଲ୍ ଆନ୍ ୱେସ୍ତେଞ୍ଜି, “ନାନୁ ମାଞ୍ଜାଡ଼ି କିମାଃଇ; ଆଟେ ଏଗେଲ୍ ମାଞ୍ଜାଡ଼ି କିଅନ୍ ବାଗା ନାଙ୍ଗେ ସାହାଜ୍ୟ କିଆମୁ ।”
25ଏମ୍ୱାଟି ଜିସୁ ଦାଲ୍ଲା ଡେହାନ୍ ୱାଅନ୍ତାଦା ହୁଡ଼ାନ୍, ଏ ଡ଼ଃଆନ୍ ଡିଙ୍ଗାତିଦି ୱ୍ଲିଚାନାହି ୱେସ୍ତେଞ୍ଜି, “ଏ ଡାଙ୍ଗ୍ଲା ଅଟେ ଜାଡ୍ଡାଗାଟି ଡ଼ଃଆନ୍ ଡିଙ୍ଗା, ନାନୁ ନିଙ୍ଗେ ଆଦେସ୍ ହିଞ୍ଜା, ନିନୁ ଇୱାଞ୍ଜ୍ତାୱାଟି ହଚାନ୍ ହାଲ୍ମୁ, ଆଟେ ଏଚ୍ଚେକ୍ୱାଡ଼େ ଇୱାଞ୍ଜ୍ତି ଗାଣ୍ଡିତାୱା ହଃଲାଆ ।”
26ଏମ୍ୱାଟି ଏ ଡ଼ଃଆନ୍ ଡିଙ୍ଗା ଏଗେଲ୍ ଗଜେଲ୍ ଆନ୍ ତାଙ୍ଗେ ତ୍ଲିପ୍କାୱିଆନ୍ ହଚାନ୍ ହାଚ୍ଚେ, ଆଟେ ବଦାସ୍ ହାତି ଡେହେଙ୍ଗ୍ ଆତେଞ୍ଜି, ଇଦା ହୁଡ଼ାନ୍ ଗାପ୍ଚି ଦାଲ୍ଲା ଇଚ୍ଚେରି ଜେ, “ଏୱାଞ୍ଜ୍ ହାତେଞ୍ଜି ।” 27ମତ୍ର ଜିସୁ ତା କାଜ୍ଜୁ ଆହାନାହି ଏୱାଞ୍ଜିକି ନିକ୍ତେଞ୍ଜି, ଆଟେ ଏୱାଞ୍ଜି ନିଙ୍ଗାନ୍ ଡିଡ୍ଡିତେଞ୍ଜି ।
28ଏଚ୍ଚିକିଃଆ ଜିସୁ ଇଡ୍ଡୁଇନ୍ଦା ୱାତେଞ୍ଜି, ତା ଗ୍ରାମ୍ୱାଗାଟାରି ଜିସୁନିକି ରଃଅଞ୍ଜେଃଏ ମାଚ୍ଚି ତୁକାତାୱା ମ୍ଡାମି ୱେଚ୍ଚେରି, “ମାମୁ ଇନ୍ନା କିଅନ୍ ଡ଼ଃଆନ୍ ଡିଙ୍ଗା ପେରନ୍ ମୁଃଆତାମୁ ?”
29ଜିସୁ ଏୱାରିକି ୱେସ୍ତେଞ୍ଜି, “ପ୍ରାତ୍ନା କିଃଏଟେଃଏ ଇନ୍ନିୱାହୁ ୱାଡ଼େ ଇହିଙ୍ଗ୍ତି ବୁତଙ୍ଗ୍ ପେରନ୍ ମୁପନ୍ ଆଃଏ ।”
ଜିସୁ ରିହିକ୍ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୧୭:୨୨–୨୩; ଲୁକ ୯:୪୩–୪୫)
30ଜିସୁ ଅଟେ ତା ଗ୍ରାମ୍ବାଗାଟାରି ଗାଲିଲି ରାଜି ଏସେନ୍ ହାଚ୍ଚେରି, ଆଟେ ଇ କାତା ଏମ୍ୱେ ୱାଡ଼େ ପୁଃନ୍ନାକାରି ଇଞ୍ଜାନ୍ ଜିସୁ ଏଲୁ କିଚ୍ଚେଞ୍ଜି, 31ଇନାକି ଜିସୁ ତା ଗ୍ରାମ୍ୱାଗାଟାରିକି ଇ କାତା ୱେସାନ୍ ଗ୍ରାପେଚ୍ଚେଞ୍ଜି, “କୁଏଞ୍ଜ୍ ମ୍ରିଃଏଞ୍ଜି କୁଇଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି, ଆଟେ ଏୱାରି ତାଙ୍ଗେ ପାଗିନେରି, ଅଟେ ହାନାହି ମୁ ଦିନାଟି ନିମ୍ୱାନ୍ନିଙ୍ଗିନେଞ୍ଜି ।”
32ମତ୍ର ଗ୍ରାମ୍ୱାଗାଟାରି ଏ କାତା ପୁଃନ୍ନାତେରି, ଆଟେ ଏୱାରି ଜିସୁନିକି ୱେନ୍ବନ୍ ବାଗା ଆଜ୍ଜେଚ୍ଚେରି ।
ଏମ୍ୱେନାଞ୍ଜି ହାବେତାୱାଟି ଗାମିନାଞ୍ଜି
(ମାତିଉ ୧୮:୧–୫; ଲୁକ ୯:୪୬–୪୮)
33ଏମ୍ୱାଟି ଜିସୁ ଅଟେ ଗ୍ରାମ୍ୱାଗାଟାରି କପର୍ନାହୁମ ନାଜୁଇନ୍ଦା ୱାତେରି । ଜିସୁ ଇଜ୍ଜା ଏଚ୍ଚାନାହି ତା ଗ୍ରାମ୍ବାଗାଟାରିକି ୱେଚ୍ଚେଞ୍ଜି, “ମିରୁ ଗିଜ୍ଜୁତାୱା ଇନ୍ନି କାତାବାର୍ତା ଆଇଚ୍ଚେରି ?”
34 #
ଲୁକ ୨୨:୨୪
ମତ୍ର ଏୱାରି ଇନ୍ନା ୱେଃସାତେରି, ଇନାକି ହାବେତାୱାଟି ଏମ୍ୱେନାଞ୍ଜି ଗାମିନାଞ୍ଜି, ଇ କୁଲାଟି ତାରୁ ତାରୁ କାତାବାର୍ତା ଆଇଚ୍ଚେରି ।
35 #
ମାତି ୨୦:୨୬,୨୭; ୨୩:୧୧; ମାର୍କ ୧୦:୪୩,୪୪; ଲୁକ ୨୨:୨୬ ଜିସୁ କକ୍ଚ୍ଚାନ୍ ତା ବାରାଗାଣ୍ଡି ଗ୍ରାମ୍ୱାଗାଟାରିକି ଆର୍ଚାନ୍ ୱେସ୍ତେଞ୍ଜି, “ଜଦି ଏମ୍ୱେନାଞ୍ଜି ଗାମନ୍ତିକି ଏଲୁ କିନ୍ନେଞ୍ଜି, ଏୱାଞ୍ଜି ହାବେତାୱାଟି ଡଟି ଅଟେ ହାବେତାରିତି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି ।” 36ଏମ୍ୱାଟି ଜିସୁ ରଃଅଞ୍ଜି ଡଟି ବଦାସିକି ଅଆନ୍ ଏୱାର୍ ମାଦ୍ଦି ଡିଡ୍ଡି କିତେଞ୍ଜି ଅଟେ ବଦାସ୍ନିକି ଏତାନ୍ ୱେସ୍ତେଞ୍ଜି, 37#ମାତି ୧୦:୪୦; ଲୁକ ୧୦:୧୬; ଜହ ୧୩:୨୦“ଏମ୍ୱେନାଞ୍ଜିକି ନା ପାରୁଟି ଇହିଙ୍ଗିସି ଡଟି ବଦାସ୍ନିକି ଗ୍ରହନ କିନ୍ନେଞ୍ଜି, ଏୱାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି; ଏମ୍ୱେନାଞ୍ଜି ନାଙ୍ଗେ ଗ୍ରହନ କିଞ୍ଜାନେଞ୍ଜି ଏୱାଞ୍ଜି ୱାର୍ରି ନାଙ୍ଗେ ଗ୍ରହନ କିହେଲ୍ଲାଦାଃଏଞ୍ଜି, ମତ୍ର ନାଙ୍ଗେ ଏମ୍ୱେନାଞ୍ଜି ପାଣ୍ଡାଞ୍ଜାନେଞ୍ଜି ଏୱାଞ୍ଜିକି ୱାଡ଼େ ଗ୍ରହନ କିନ୍ନେଞ୍ଜି ।”
ଏମ୍ୱେନାଞ୍ଜି ନା ବିରୁଦି ଆଃଏ ଏୱାଞ୍ଜି ନାପେଟ୍ତାଞ୍ଜି
(ଲୁକ ୯:୪୯–୫୦)
38ଜହନ ଜିସୁନିକି ୱେସ୍ତେଞ୍ଜି, “ଏ ଗ୍ରାପାଗାଟାତି, ମାମୁ ରଃଅଞ୍ଜିକି ନି ପାରୁଟି ବୁତଙ୍ଗ୍ ପେରେଚ୍ଚାଦାଃଆ ହୁଡ଼ିତାମୁ, ମତ୍ର ଏୱାଞ୍ଜି ମା ଡେହେଙ୍ଗ୍ ରଃଅଞ୍ଜ୍ ଗ୍ରାମ୍ବାଗାଟାଞ୍ଜି ଆହେଃଲ୍ଲାତାୱାଟି ମାମୁ ତାଙ୍ଗେ ଆଃଏ କିତାମୁ ।”
39ମତ୍ର ଜିସୁ ୱେସ୍ତେଞ୍ଜି, “ତାଙ୍ଗେ ଆଃଏ କିଃଆଟୁ,” ଇନାକି ନା ପାରୁଟି ବଲତି କାମା କିଆନାହି ଏଚିୱାଡ଼େ ନା ବିରୁଦିଆଟି ଡ଼ଃଆନ୍ କାତା ୱେସ୍ନେଞ୍ଜି, ଇହିଙ୍ଗ୍ତି କୁଏଞ୍ଜି ଏମ୍ୱେନାଞ୍ଜି ହେଃଲ୍ଲେଞ୍ଜି । 40#ମାତି ୧୨:୩୦; ଲୁକ ୧୧:୨୩ଇନାକି ଏମ୍ୱେନାଞ୍ଜି ମା ବିରୁଦିଗାଟାଞ୍ଜ୍ ଆଃଏ ଏୱାଞ୍ଜି ମାପେଟ୍ତାଞ୍ଜି । 41#ମାତି ୧୦:୪୨ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏମ୍ୱେନାଞ୍ଜି ମିଙ୍ଗେ କ୍ରିସ୍ଟ ପାରୁଟି ର ଗିନ୍ନା ଏଜୁ ଉନ୍ବନ୍ ବାଗା ହିଆନେଞ୍ଜି, ଏୱାଞ୍ଜି ନିଜ୍ଜାନେଃଏ ତା ପୁରସ୍କାର୍ ପାଁନେଞ୍ଜି ।
ବିହିତାରିନିକି ପାପ କିୱିକିଃଆନ୍ ବାଗା ଗ୍ରାପନି
(ମାତିଉ ୧୮:୬–୯; ଲୁକ ୧୭:୧–୨)
42ଆଟେ ନାଙ୍ଗେ ମାଞ୍ଜାଡ଼ି କିଞ୍ଜାନ୍ନି ଇ ହିତାନାରିତାୱାଟି ଏମ୍ୱେନାଞ୍ଜିକି ରଃଅଞ୍ଜିକି ୱାଡ଼େ ପାପ କାମା କିୱିକିନ୍ନେଞ୍ଜି, ଏୱାଞ୍ଜି ତା ବଟାତାୱା ରଣ୍ଡା ବେର୍ ଗୁରନ୍ ୱାଲ୍ଲି ଡ଼େଚ୍ଚାହିଆନ୍ ତାଙ୍ଗେ ସାମ୍ନ୍ଦେର୍ ଲାଃଇ ତୁହ୍ତେସି ତା ବାଗା ନେହି ଆନେ । 43#ମାତି ୫:୩୦ଆଟେ ଜଦି ନି ରଣ୍ଡି କାଜ୍ଜୁ ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ରାସାନ୍ ତୁହ୍ମୁ; ରିଣ୍ଡା କାସ୍କା ଡ଼ାହି ନର୍କ, ଇଚ୍ଚେସି ଡୁମ୍ବେହେଃଲ୍ଲାନ୍ ନାଡ଼ିକୁଟ୍ଟିତାୱା ୱେଅନ୍ ତାୱାଟି ରଣ୍ଡା କାଜ୍ଜୁ ଆହାନ୍ ପରନ୍ତାୱା ହଲ୍ବନ୍ ନି ବାଗାଟି ନେହି । 44ଇନାକି ନର୍କତାୱା ପ୍ଡିଉ ହାଃଏ ଅଟେ ନାଡ଼ି ୱାଡ଼େ ଡୁଃମ୍ବେଏ । 45ଆଟେ ଜଦି ନି କାଡୁ ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ରାସାନ୍ ତୁହ୍ମୁ; ରିଣ୍ଡା କାଟ୍କା ଡ଼ାହି ନର୍କଇନ୍ଦା ହାଲ୍ବନ୍ ତାୱାଟି ରଣ୍ଡା କାଡୁଟି ପରନ୍ତାୱା ହଲ୍ବନ୍ ନି ବାଗା ନେହି । 46ଇନାକି ନର୍କତାୱା ପ୍ଡିଉ ହାଃଏ, ଆଟେ ନାଡ଼ି ୱାଡ଼େ ଡୁଃମ୍ବେଏ । 47#ମାତି ୫:୨୯ଆଟେ ନି କାନ୍ନୁ ଜଦି ନିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ୱେଚାନ୍ ତୁହ୍ମୁ; ରିଣ୍ଡା କାଡ଼୍କାଟି ନର୍କତାୱା ୱେଅନ୍ ତାୱାଟି ରଣ୍ଡା କାନ୍ନୁଟି ମୁଲାପେନୁତି ରାଜିତାୱା ହଲ୍ବନ୍ ନି ବାଗା ନେହି । 48ଇନାକି ନର୍କତାୱା ପ୍ଡିଉ ହାଃଏ କି ନାଡ଼ି ଡୁଃମ୍ବେଏ ।
49ଇନାକି ବଲି ଇନିସ୍ ହାରୁ ଡ଼ାହି ପିର୍ରି ଆଇନେ ଏଚିଡେହେଙ୍ଗ୍ ହାବେତାରିନିକି ନାଡ଼ିଟି ପିର୍ରି କିୱା ଆନେ ।
50 #
ମାତି ୫:୧୩; ଲୁକ ୧୪:୩୪,୩୫ “ହାରୁ ନେହାଦି, ମତ୍ର ହାରୁ ଜଦି ହାରୁ ଡେହେଙ୍ଗ୍ ନାଙ୍ଗୁ ଆଃଏ, ଏହେଙ୍ଗ୍ ଆତେସି ଏ ହାରୁ ଇନ୍ନିକୁଲାତିଦି ହେପ୍ପି କିଃଏ । ମିରୁ ମି ତାୱା ହାରୁ ଡେହେଙ୍ଗ୍ତି ନାଙ୍ଗୁ ଇଟ୍ଟାଟୁ ଅଟେ ହାବେ ଦାଲ୍ଲା ଡ଼ାହି ଲୁତ୍ନା ବାସାଆଦୁ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0