ମାର୍କ 10
10
ଜିସୁ ୱିଅର୍କିଚ୍ଚନ୍ତି କୁଲାଟି ଗ୍ରାପନ୍
(ମାତିଉ ୧୯:୧–୧୨; ଲୁକ ୧୬:୧୨)
1ଜିସୁ ଏ ଗର୍ରିତାୱାଟି ହଚାନ୍ ଜର୍ଦ୍ଦନ ପେରେଏଜୁ ଗ୍ଡାଚାନ୍ ଜିହୁଦା ରାଜି ଇନ୍ଦେଟ୍ ୱାତେଞ୍ଜି; ଆଟେ ଦାଲ୍ଲା ହାବେ ରିହିକ୍ ତା ରେଃଏସ୍ ରପାଟ୍ଟେ ଆଅନେଃଏ, ଏୱାଞ୍ଜି ଦିନାଙ୍ଗ୍ ଗ୍ରାପେଚ୍ଚି ଡେହେଙ୍ଗ୍ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ।
2ଏମ୍ବାଟି ପାରୁସିଙ୍ଗ୍ ତା ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ୱେଚ୍ଚେରି, “ରଃଅଞ୍ଜି କୁଏଞ୍ଜି ତା କୁଆଲୁନିକି ୱିଅର୍ କିଚ୍ଚାନ୍ ତୁହ୍ପନ୍ ବାଗା ହାଜୁତାୱା ଇନ୍ନା ଅନୁମତି ମାନ୍ନେମା ?”
3ଜିସୁ ଏୱାରିକି ୱେସ୍ତେଞ୍ଜି “ମସା ମିଙ୍ଗେ ଇନ୍ନି ଆଦେସ୍ ହିଆଞ୍ଜାନେଞ୍ଜି ?”
4 #
ମାତି ୫:୩୧
ଏୱାରି ୱେସ୍ତେରି, “ୱିଅର୍କିଚ୍ଚନ୍ତି ଆକୁ ୱ୍ରିଗାନାହି କୁଆଲୁନିକି ତୁହ୍ପନ୍ ବାଗାଟି ମସା ୱେସାଞ୍ଜାନେଞ୍ଜି ।”
5ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ମି ହିଟ୍ଟାଗାଟି ହଡାଙ୍ଗ୍ ହୁଡ଼ାନ୍ ମସା ଇ ହାଜୁ ୱ୍ରିଗାନ୍ନେଞ୍ଜି । 6ମତ୍ର ପୁର୍ତି ପ୍ଲିଃଏଟେଃଏ ମୁଲାପେନୁ ଏୱାରିକି କୁଏଞ୍ଜି ଅଟେ କୁଆଲୁ କିଆନ୍ କ୍ଲେହିତେଞ୍ଜି । 7ଇଦାବାଗା ମ୍ଡେହେଞ୍ଜ୍ ତା ଇୟାଆବାନିକି ପିହ୍ନେଞ୍ଜି, ଆଟେ ଏ ରିଃଆରି ର ଗାଣ୍ଡି ଆନେରି, 8ଏମ୍ବାଟି ଏୱାର୍ ଆଟେ ରି ଗାଣ୍ଡି ଆଃଏରି, ମତ୍ର ର ଗାଣ୍ଡି ଆନେରି । 9ଇଦାବାଗା ମୁଲାପେନୁ ଇନ୍ଦାରିକି ପୁଟ୍ଚାନ୍ନେଞ୍ଜି, କୁଏଞ୍ଜି ଏଦା ଆଙ୍ଗେ କିଃଆକାଞ୍ଜି ।”
10ଡେଗ୍ଗା ଗ୍ରାମ୍ୱାଗାଟାରି ଇଜ୍ଜା ତାଙ୍ଗେ ଇ କୁଲାଟି ରିହିକ୍ ୱେନ୍ବନ୍ ମ୍ରାସ୍ତେରି । 11#ମାତି ୫:୩୨; ୧କ ୭:୧୦,୧୧ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏମ୍ବେନାଞ୍ଜିକି ତା କୁଆଲୁନିକି ତୁହାନାହି ବିହିତାଦାଡ଼ିକି ବିବା ଆଇନ୍ନେଞ୍ଜି, ଏୱାଞ୍ଜି ଏଦାଡ଼୍ତି ବିରୁଦଟି ଦାରି ଆଇନ୍ନେଞ୍ଜି । 12ଆଟେ ଜଦି କୁଆଲୁ ତା କୁଏଞ୍ଜିକି ପିହାନାହି ବିହିତାଞ୍ଜିନିକି ବିବା ଆଇନେ, ଏହେଙ୍ଗ୍ ଆତେସି ଏଦି ଦାରି ଆଇନେ ।”
ଜିସୁ ଡଟି ବଦାଙ୍ଗ୍ନିକି ମେଲା କିଅନ୍
(ମାତିଉ ୧୯:୧୩–୧୫; ଲୁକ ୧୮:୧୫–୧୭)
13ଜିସୁ ଇନିସ୍ ବଦାଙ୍ଗ୍ନିକି ଡିଗିନେଞ୍ଜି, ଏଦାବାଗା ଦାଲ୍ଲା ହାବେ ଏୱାରିକି ତା ରେଃଏସ୍ ତାପନ୍ ମ୍ରାସ୍ତେରି, ମତ୍ର ତା ଗ୍ରାମ୍ୱାଗାଟାରି ଏୱାରିକି ଆସ୍ପି କିତେରି । 14ଜିସୁ ଇଦା ହୁଡ଼ାନ୍ ରାଗା ଆନ୍ ଏୱାରିକି ୱେସ୍ତେଞ୍ଜି, “ବଦାଙ୍ଗ୍ନିକି ନା ଟାକ୍କେ ୱାଅନ୍ତିକି ହିଦୁ, ଏୱାରିକି ଆଃଏ କିଃଆଟୁ; ଇନାକି ମୁଲାପେନୁତି ରାଜି ଇହିଙ୍ଗ୍ତି ଦାଲ୍ଲାତାଦି । 15#ମାତି ୧୮:୩ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏମ୍ବେନାଞ୍ଜିକି ଡଟି ବଦାଙ୍ଗ୍ ଲାକ୍କାଟି ମୁଲାପେନୁତି ରାଜି ଗ୍ରହନ କିଃଏଞ୍ଜି, ଏୱାଞ୍ଜି ଇନିୱାହୁ ୱାଡ଼େ ଏଦିମ୍ୱା ହଲ୍ବନ୍ ମୁଃଏଞ୍ଜି ।” 16ଆଟେ ଏୱାଞ୍ଜି ବଦାଙ୍ଗ୍ନିକି ଏତାନ୍ ଏୱାର୍ କୁଃଏଟି କାଜ୍ଜୁ ଇଟ୍ଟାନ୍ ଏୱାରିକି ମେଲା କିତେଞ୍ଜି ।
ଦନିଗାଟାଞ୍ଜ୍ତି କୁଲାଟି
(ମାତିଉ ୧୯:୧୬–୩୦; ଲୁକ ୧୮:୧୮–୩୦)
17ଜିସୁ ଏ ଗର୍ରିତାୱାଟି ହାଲ୍ବନ୍ ବାଗା ହପିଚ୍ଚି ତୁକାତାୱା ରଃଅଞ୍ଜି ଡେହି ଡେହି ୱାନ୍ ମେଣ୍ଡାଙ୍ଗୁତାନ୍ ତାଙ୍ଗେ ୱେଚ୍ଚେଞ୍ଜି, “ଏ ନିଗ୍ଗା ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନା କିଃଇ ?”
18ଏମ୍ୱାଟି ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାଙ୍ଗେ ନିଗ୍ଗା ଇଞ୍ଜାନ୍ ଇନାକିଅନ୍ ୱେସ୍ପିଞ୍ଜାଦି ?” ରଃଅଞ୍ଜିକି ପିହାନ୍, ଇଚ୍ଚେସି ମୁଲାପେନୁନିକି ପିହାନ୍ ଆଟେ ଏମ୍ୱେ ନିଗ୍ଗା ଆଃଏ । 19ନିନୁ ତ ପୁତିତି ହାବେତ୍ ଆଗ୍ୟାଁ ପୁଞ୍ଜାଞ୍ଜି, “କୁଇଙ୍ଗିଆ ପାଃଗାଟୁ, ଦାରି ଆଃଆଟୁ, ମ୍ଡାମି କିଃଆଟୁ, କଲ ୱେଃସାଟୁ, ଟକ୍କି କିଃଆଟୁ, ମି ଇୟାଆବାନିକି ମାନି ଆଦୁ ।”
20ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ଏ ଗ୍ରାପାଗାଟାତି ଇ ହାବେତ୍ ହାଜୁ ନାନୁ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ ।”
21ଜିସୁ ତାଙ୍ଗେ ର କାନ୍ନୁଟି ମେହାନ୍ ଜେଡା କିତେଞ୍ଜି ଅଟେ ୱେସ୍ତେଞ୍ଜି, “ନିଙ୍ଗେ ଆଟେ ର କୁଲା କକ୍ଚି ମାନ୍ନେ, ନିନୁ ହାଜ୍ଜାନାହି ନି ଟାକ୍କେ ଇନ୍ନା ମାନ୍ନୁ ଏୱା ହାବେ ପ୍ରାଚାନ୍ ହାକ୍କିଗାଟାରିକି ହିମୁ, ଏହେଙ୍ଗ୍ ଆତେସି ନିନୁ ସର୍ଗତାୱା ଦନ ପାଁଣ୍ଡି । ଏମ୍ୱାଟି ନିନୁ ନା ବେତଟ୍ ୱାମୁ ।” 22ଇ କାତା ୱେଞ୍ଜାନ୍ ତାନୁ ମ୍ରୁମ୍ବୁ ହାପ୍ଚ୍ଚାନ୍ ଦୁଃକଟି ହାଚ୍ଚେଞ୍ଜି, ଇନାକି ତା ଟାକ୍କେ ଏଗେଲ୍ ଦନ ମାଚ୍ଚେ ।
23ଜିସୁ ଗୁଞ୍ଜେର୍ ମେହାନାହି ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଦନିଗାଟାରି ଗାପ୍ଚି କସ୍ଟଟି ମୁଲାପେନୁତି ରାଜି ହାନ୍ନେରି ।”
24ଏୱାଞ୍ଜ୍ତି କାତା ୱେଞ୍ଜାନ୍ ଗ୍ରାମ୍ୱାଗାଟାରି ଆକ୍କାବାଡ଼ାଙ୍ଗ୍ ଆତେରି, ମତ୍ର ଜିସୁ ରିହିକ୍ ତାଙ୍ଗେ ୱେସ୍ତେଞ୍ଜି, “ଏ ନା ବଦାଙ୍ଗ୍ନାତେରି, ମୁଲାପେନୁତି ରାଜି ହାଲ୍ବନ୍ ଗାପ୍ଚି କସ୍ଟ । 25ଉଟୁ ନିମା#୧୦:୨୫ ନିମା ଇଚ୍ଚେସି ହିଡ଼ି ଉନାତାୱା ହଲ୍ଜାନ୍ ହାଲ୍ବନ୍ ସହଜ, ମତ୍ର ଦନିଗାଟାରି ମୁଲାପେନୁତି ରାଜି ହାଲ୍ବନ୍ ଗାପ୍ଚି କସ୍ଟ ।”
26ଏମ୍ବାଟି ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆନାହି ତାରୁତାରୁ ୱେସ୍ପିଆତେରି, “ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?”
27ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ଇଦି କୁଇଙ୍ଗ୍ ବାଗା କସ୍ଟ ଆନେ, ମତ୍ର ମୁଲାପେନୁ ବାଗା କସ୍ଟ ଆଃଏ; ଇନାକି ମୁଲାପେନୁ ହାବେତ୍ କୁଲା କିଅନ୍ ମୁନେଞ୍ଜି ।”
28ପିତର ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ମାମୁ ହାବେତ୍ କୁଲା ପିହାନାହି ନି ବେତଟ୍ ୱାଇନାମୁ ।”
29ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ନା ବାଗା ଅଟେ ସୁସମାଚାର ବାଗା ଇଡ୍ଡୁ, ଆମ୍ୱେସ୍ଆଙ୍ଗିସ୍କା, ଇୟାଆବା ତା ମ୍ରିକାମ୍ରାଗାସ୍କା କି ମେରା ନେଡା ପିହାନ୍ନେଞ୍ଜି, 30ଇ କାଲାତାୱା ବିହାନପୁ ଡ଼ାହି, ସେଙ୍ଗୁଡ଼ି ଦୁଗୁଡ଼୍ ଇଡ୍ଡୁ, ଆମ୍ୱେସ୍, ଆଙ୍ଗିନାଦି, ଇୟା, ମ୍ରିକା, ମ୍ରାଗା ଅଟେ ମେରା ନେଡା ପାଁନେଞ୍ଜି ଆଟେ ୱାଇନି କାଲାତାୱା ଏୱାଞ୍ଜି ଟାକ୍କିଡ଼ହ୍ନାତି ପରନ୍ ନିଜ୍ଜାନେଃଏ ପାଁନେଞ୍ଜି । 31#ମାତି ୨୦:୧୬; ଲୁକ ୧୩:୩୦ମତ୍ର କାହେ ମାନ୍ନି ଗାପ୍ଚି ଦାଲ୍ଲା ଡେଗ୍ଗା ଆନେରି ଅଟେ ଡେଗ୍ଗା ମାନ୍ନି ଦାଲ୍ଲା ନକିନେରି ।”
ଜିସୁ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୨୦:୧୭–୧୯; ଲୁକ ୧୮:୩୧–୩୪)
32ଜିସୁ ଅଟେ ତା ଗ୍ରାମ୍ୱାଗାଟାରିକି ଜିରୁସାଲମଇନ୍ଦା ହାଜ୍ଜିଚ୍ଚି ତୁକାତାୱା, ଜିସୁ ଏୱାର୍ ନକେ ନକେସ୍ ହାଜ୍ଜିଚ୍ଚେଞ୍ଜି, ଆଟେ ଗ୍ରାମ୍ବାଗାଟାରି ଇନ୍ନି ଡୁଣ୍ଡେଲ୍ ଆନେ ଇଞ୍ଜାନ୍ ଆକ୍କାବାଡ଼ାଙ୍ଗ୍ ଆତେରି ଅଟେ ବେତଟ୍ ୱାଇଚ୍ଚି ଦାଲ୍ଲା ଆଜ୍ଜେଚ୍ଚେରି । ଏଦାବାଗା ରିହିକ୍ ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚାନ୍, ତାଙ୍ଗେ ଇନ୍ନା ଇନ୍ନା ଗଟିଆଅନ୍ତିକି ହାଜ୍ଜିନ୍ନେ, ଏଦା ହାବେ ଏୱାରିକି ୱେସ୍ତେଞ୍ଜି । 33ଜିସୁ ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ହୁଡ଼ାଟୁ ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି ଆଟେ ଏୱାରି ତାଙ୍ଗେ ହାଅନ୍ତି ଦଣ୍ଡ ହିଅନ୍ ବାଗା ଅନଜିହୁଦିଙ୍ଗ୍ତି କାଜ୍ଜୁତାୱା ଆହ୍ପି କିନେରି, 34ଆଟେ ଏୱାରି ତାଙ୍ଗେ ଗେରୁ କିନେରି, ତା କୁଃଏଟି ହୁପୁଡ଼୍ ହୁପିନେରି, ତାଙ୍ଗେ ହାପ୍କାନଡ଼ ଡ଼ାହି ୱେନେରି ଅଟେ ପାଗିନେରି, ଆଟେ ଏୱାଞ୍ଜି ମୁନେସିଆଟି ନିମ୍ୱାନ୍ନିଙ୍ଗିନେଞ୍ଜି ।”
ଜାକୁବ ଆଟେ ଜହନତି ଜିଗନ୍
(ମାତିଉ ୨୦:୨୦–୨୮)
35ଏମ୍ୱାଟି ଜେବଦିତି ମ୍ରିକା ଜାକୁବ ଅଟେ ଜହନ ଜିସୁ ଟାକ୍କେ ୱାନ୍ ୱେସ୍ତେରି, “ଏ ଗ୍ରାପାଗାଟାତି ମା ଇଚ୍ଚା ଜେ, ମାମୁ ନିଙ୍ଗେ ଇନ୍ନା ୱ୍ରିହ୍ତାନାମୁ, ଏଦା ମା ବାଗା ନିନୁ କିମୁ ।” 36ଏମ୍ୱାଟି ଜିସୁ ଏୱାରିକି ୱେଚ୍ଚେଞ୍ଜି, “ନାନୁ ମି ବାଗା ଇନ୍ନା କିଃଇ ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?”
37ଏୱାରି ତାଙ୍ଗେ ୱେସ୍ତେରି, “ନିନୁ ଏଚ୍ଚିକିଃଆ ଆକୁଡ଼୍କିଅନ୍ ବାଗା ନି ମହିମାତି ଗାଦିତାୱା କକ୍ତେସି ମା ତାୱାଟି ରଃଅଞ୍ଜିକି ନି ତିନ୍ନି ଇନ୍ଦେଟ୍ ଅଟେ ରଃଅଞ୍ଜିକି ନି ଗିଃଇ ଇନ୍ଦେଟ୍ କପ୍କନ୍ ବାଗା ମେଲା କିଆମୁ ।”
38 #
ଲୁକ ୧୨:୫୦
ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱ୍ରିହ୍ପିଞ୍ଜାଦେରି ଏଦା ପୁଞ୍ଜେହେଃଲ୍ଲେରି । ନାନୁ ଇମ୍ୱିନ୍ ଗିନ୍ନାତାୱା ଉନ୍ବନ୍ ବାଗାଟି ହାଜ୍ଜିମାଃଇ, ଏ ଗିନ୍ନାତାୱା ଇନ୍ନା ମିରୁ ଉନ୍ବନ୍ ମୁଦେରି ? କି ନାନୁ ଇମ୍ୱିନ୍ ଡୁବନ୍ତାୱା ଡୁବନ୍ ଆଇମାଃଇ ଏଦିମ୍ୱା ଇନ୍ନା ମିରୁ ଡୁବନ୍ ଆଅନ୍ ମୁଦେରି ?”
39ଏୱାରି ତାଙ୍ଗେ ୱେସ୍ତେରି, “ମାମୁ ମୁନାମୁ ।” ଜିସୁ ଏୱାରିକି ୱେସ୍ତେଞ୍ଜି, “ନାନୁ ଇମ୍ୱିନ୍ ଗିନ୍ନାତାୱା ଉଣ୍ଡିମାଃଇ, ମିରୁ ଏଦିମ୍ୱା ଉଣ୍ଡେରି, ଆଟେ ନାନୁ ଇମ୍ୱିନ୍ ଡୁବନ୍ତାୱା ଡୁବନ୍ ଆଇମାଃଇ ମିରୁ ଏଦିମ୍ୱା ଡୁବନ୍ ଆଦେରି । 40ମତ୍ର ନା ତିନ୍ନି କି ଗିଃଇ ଇନ୍ଦେଟ୍ କପ୍କନ୍ତିକି ଗର୍ରି ହିଅନ୍ ନା ହକତ୍ ହେଃଲ୍ଲେ, ମତ୍ର ଆବା ମୁଲାପେନୁ ଇନ୍ଦାରିକି ଆଚି କିଆନ୍ନେଞ୍ଜି, ଏୱାରି କକ୍ନେରି ।”
41ଆଟେ ବିହି ଦାସାଗାଣ୍ଡି ଗ୍ରାମ୍ବାଗାଟାରି ଇଦା ୱେଞ୍ଜାନ୍ ଜାକୁବ ଅଟେ ଜହନନିକି ରାଗା ଆଅନ୍ ମ୍ରାସ୍ତେରି । 42#ଲୁକ ୨୨:୨୫,୨୬ଏମ୍ୱାଟି ଜିସୁ ଏୱାରିକି ରେଃଏସ୍ ଆର୍ଚାନ୍ ୱେସ୍ତେଞ୍ଜି, “ଅନଜିହୁଦିଙ୍ଗ୍ ଦାଲ୍ଲାତାୱାଟି ଏଚ୍ଚେ ଜାଡ଼ା ଆକୁଡ଼୍ କିଅନ୍ତାରି ମାନ୍ନେରି, ଏୱାରି ଦାଲ୍ଲା କୁଃଏଟି ହକତ୍ ତସ୍ପନ୍ ନେହି ପାଁଣ୍ଡିନ୍ନେରି ଅଟେ ଏୱାର୍ତି ଗାମିନାରି ଦାଲ୍ଲାନିକି ଆକୁଡ଼୍ କିନ୍ନେରି ଇଦା ମିରୁ ପୁଞ୍ଜିଞ୍ଜେରି । 43#ମାତି ୨୩:୧୧; ମାର୍କ ୯:୩୫; ଲୁକ ୨୨:୨୬ମତ୍ର ମି ତାୱା ଏହେଙ୍ଗିସି ଆଃଏ, ମତ୍ର ମି ତାୱାଟି ଏମ୍ୱେନାଞ୍ଜି ବେର୍ରାନାଞ୍ଜି ଆଅନ୍ ବାଗା ମନ କିନେଞ୍ଜି, ଏୱାଞ୍ଜି ମି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି । 44ଆଟେ ଏମ୍ୱେନାଞ୍ଜି ବେର୍ରାଞ୍ଜି ଆଅନ୍ ଇଚ୍ଚା କିନ୍ନେଞ୍ଜି, ଏୱାଞ୍ଜି ମି କାମ୍ବାରେଏଞ୍ଜି ଆପାକାଞ୍ଜି। 45ଇନାକି, କୁଏଞ୍ଜି ମ୍ରିଃଏଞ୍ଜି ୱାଡ଼େ ଆଙ୍ଗୁଲ୍ ପାଁନ୍ବନ୍ ବାଗା ୱାହେଃଲ୍ଲେଞ୍ଜି, ମତ୍ର ଆଙ୍ଗୁଲ୍ ଆଅନ୍ତିକି ଅଟେ ଏଗେଲ୍ ଦାଲ୍ଲାନିକି ନିପନ୍ ବାଗା ତା ପରନ୍ ହିଅନ୍ ବାଗା ୱାନ୍ନେଞ୍ଜି ।”
ଜିସୁ କାଡ଼ାଙ୍ଗ୍ଗାଟି ବାର୍ଟିମୟନିକି ନେହି କିଅନ୍
(ମାତିଉ ୨୦:୨୯–୩୪; ଲୁକ ୧୮:୩୫–୪୩)
46ଡେଗ୍ଗା ଏୱାରି ଜିରିହଇନ୍ଦା ୱାତେରି, ଆଟେ ଜିସୁ ତା ଗ୍ରାମ୍ୱାଗାଟାରି ଅଟେ ଏଗେଲ୍ ଦାଲ୍ଲା ଡ଼ାହି ଜିରିହତାୱାଟି ହାଜ୍ଜିଚ୍ଚି ତୁକାତାୱା ଟିମାୟତି ମ୍ରିଃଏଞ୍ଜ୍ ବାର୍ଟିମୟ ପାରୁଟି ରଃଅଞ୍ଜି କାଡ଼ାଙ୍ଗ୍ଗାଟି ବିକ ୱ୍ରିହ୍ପନ୍ତାଞ୍ଜି ଗିଜ୍ଜୁ ଗ୍ରିଆତାୱା କକ୍ଚାଚ୍ଚେଞ୍ଜି । 47ଏୱାଞ୍ଜି ନାଜରିତତି ଜିସୁ ଇଞ୍ଜାନ୍ ୱେନ୍ବନେଃଏ ଏୱାଞ୍ଜି ଏଗେଲ୍ ଗଜେଲ୍ ଆନ୍ ଆର୍ପନି ମ୍ରାସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ଜିସୁ, ନାଙ୍ଗେ ପାପୁଅଲ୍ତାମୁ ।”
48ଏମ୍ୱାଟି ଏଗେଲ୍ ଦାଲ୍ଲା ତାଙ୍ଗେ ଡାମ୍ନା ମାନ୍ବନ୍ ବାଗା ଆସ୍ପି କିତେରି, ମତ୍ର ଏୱାଞ୍ଜି ଆଟେ ଏଗେଲ୍ ଗଜେଲ୍ ଆନ୍ ଆର୍ପନ୍ ମ୍ରାସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ନାଙ୍ଗେ ପାପୁଅଲ୍ତାମୁ ।”
49ଏମ୍ୱାଟି ଜିସୁ ଡିଡ୍ଡାନାହି ୱେସ୍ତେଞ୍ଜି, “ତାଙ୍ଗେ ଆର୍ଦୁ ।” ଏୱାରି ଏ କାଡ଼ାଙ୍ଗ୍ଗାଟାଞ୍ଜିକି ଆର୍ଚାନ୍ ୱେସ୍ତେରି, “ବରେସ୍ ଆହ୍ମୁ, ନିଙ୍ଗାମୁ ଏୱାଞ୍ଜି ନିଙ୍ଗେ ଆର୍ପିଞ୍ଜାନେଞ୍ଜି ।”
50ଏମ୍ୱାଟି ଏୱାଞ୍ଜି ତା ପର୍ଚ୍ଚାଚି ଜିରା ତୁହାନାହି ନିଙ୍ଗାନ୍ ଜିସୁ ଟାକ୍କେ ୱାତେଞ୍ଜି ।
51ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ନି ବାଗା ଇନ୍ନା କିଃଇ ଇଞ୍ଜାନ୍ ନିନୁ ମନ କିଞ୍ଜି ?” ଏ କାଡ଼ାଙ୍ଗ୍ଗାଟାଞ୍ଜି ତାଙ୍ଗେ ୱେସ୍ତେଞ୍ଜି,
“ଏ ଗ୍ରାପାଗାଟାତି,” ନାନୁ ଇନିସ୍ ହୁଡ଼ନ୍ ମୁଃଇ ।
52ଜିସୁ ତାଙ୍ଗେ ୱେସ୍ତେଞ୍ଜି, “ହାଲ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
ଏଚିୱାଡ଼େ ଏୱାଞ୍ଜି ହୁଡ଼ନ୍ ମୁଚାନ୍ ତା ବେତ ବେତଟ୍ ହାଲ୍ବନ୍ ମ୍ରାସ୍ତେଞ୍ଜି ।
Právě zvoleno:
ମାର୍କ 10: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 10
10
ଜିସୁ ୱିଅର୍କିଚ୍ଚନ୍ତି କୁଲାଟି ଗ୍ରାପନ୍
(ମାତିଉ ୧୯:୧–୧୨; ଲୁକ ୧୬:୧୨)
1ଜିସୁ ଏ ଗର୍ରିତାୱାଟି ହଚାନ୍ ଜର୍ଦ୍ଦନ ପେରେଏଜୁ ଗ୍ଡାଚାନ୍ ଜିହୁଦା ରାଜି ଇନ୍ଦେଟ୍ ୱାତେଞ୍ଜି; ଆଟେ ଦାଲ୍ଲା ହାବେ ରିହିକ୍ ତା ରେଃଏସ୍ ରପାଟ୍ଟେ ଆଅନେଃଏ, ଏୱାଞ୍ଜି ଦିନାଙ୍ଗ୍ ଗ୍ରାପେଚ୍ଚି ଡେହେଙ୍ଗ୍ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ।
2ଏମ୍ବାଟି ପାରୁସିଙ୍ଗ୍ ତା ରେଃଏସ୍ ୱାନ୍ ତାଙ୍ଗେ ପରିକ୍ୟା କିଅନ୍ ବାଗା ୱେଚ୍ଚେରି, “ରଃଅଞ୍ଜି କୁଏଞ୍ଜି ତା କୁଆଲୁନିକି ୱିଅର୍ କିଚ୍ଚାନ୍ ତୁହ୍ପନ୍ ବାଗା ହାଜୁତାୱା ଇନ୍ନା ଅନୁମତି ମାନ୍ନେମା ?”
3ଜିସୁ ଏୱାରିକି ୱେସ୍ତେଞ୍ଜି “ମସା ମିଙ୍ଗେ ଇନ୍ନି ଆଦେସ୍ ହିଆଞ୍ଜାନେଞ୍ଜି ?”
4 #
ମାତି ୫:୩୧
ଏୱାରି ୱେସ୍ତେରି, “ୱିଅର୍କିଚ୍ଚନ୍ତି ଆକୁ ୱ୍ରିଗାନାହି କୁଆଲୁନିକି ତୁହ୍ପନ୍ ବାଗାଟି ମସା ୱେସାଞ୍ଜାନେଞ୍ଜି ।”
5ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ମି ହିଟ୍ଟାଗାଟି ହଡାଙ୍ଗ୍ ହୁଡ଼ାନ୍ ମସା ଇ ହାଜୁ ୱ୍ରିଗାନ୍ନେଞ୍ଜି । 6ମତ୍ର ପୁର୍ତି ପ୍ଲିଃଏଟେଃଏ ମୁଲାପେନୁ ଏୱାରିକି କୁଏଞ୍ଜି ଅଟେ କୁଆଲୁ କିଆନ୍ କ୍ଲେହିତେଞ୍ଜି । 7ଇଦାବାଗା ମ୍ଡେହେଞ୍ଜ୍ ତା ଇୟାଆବାନିକି ପିହ୍ନେଞ୍ଜି, ଆଟେ ଏ ରିଃଆରି ର ଗାଣ୍ଡି ଆନେରି, 8ଏମ୍ବାଟି ଏୱାର୍ ଆଟେ ରି ଗାଣ୍ଡି ଆଃଏରି, ମତ୍ର ର ଗାଣ୍ଡି ଆନେରି । 9ଇଦାବାଗା ମୁଲାପେନୁ ଇନ୍ଦାରିକି ପୁଟ୍ଚାନ୍ନେଞ୍ଜି, କୁଏଞ୍ଜି ଏଦା ଆଙ୍ଗେ କିଃଆକାଞ୍ଜି ।”
10ଡେଗ୍ଗା ଗ୍ରାମ୍ୱାଗାଟାରି ଇଜ୍ଜା ତାଙ୍ଗେ ଇ କୁଲାଟି ରିହିକ୍ ୱେନ୍ବନ୍ ମ୍ରାସ୍ତେରି । 11#ମାତି ୫:୩୨; ୧କ ୭:୧୦,୧୧ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ଏମ୍ବେନାଞ୍ଜିକି ତା କୁଆଲୁନିକି ତୁହାନାହି ବିହିତାଦାଡ଼ିକି ବିବା ଆଇନ୍ନେଞ୍ଜି, ଏୱାଞ୍ଜି ଏଦାଡ଼୍ତି ବିରୁଦଟି ଦାରି ଆଇନ୍ନେଞ୍ଜି । 12ଆଟେ ଜଦି କୁଆଲୁ ତା କୁଏଞ୍ଜିକି ପିହାନାହି ବିହିତାଞ୍ଜିନିକି ବିବା ଆଇନେ, ଏହେଙ୍ଗ୍ ଆତେସି ଏଦି ଦାରି ଆଇନେ ।”
ଜିସୁ ଡଟି ବଦାଙ୍ଗ୍ନିକି ମେଲା କିଅନ୍
(ମାତିଉ ୧୯:୧୩–୧୫; ଲୁକ ୧୮:୧୫–୧୭)
13ଜିସୁ ଇନିସ୍ ବଦାଙ୍ଗ୍ନିକି ଡିଗିନେଞ୍ଜି, ଏଦାବାଗା ଦାଲ୍ଲା ହାବେ ଏୱାରିକି ତା ରେଃଏସ୍ ତାପନ୍ ମ୍ରାସ୍ତେରି, ମତ୍ର ତା ଗ୍ରାମ୍ୱାଗାଟାରି ଏୱାରିକି ଆସ୍ପି କିତେରି । 14ଜିସୁ ଇଦା ହୁଡ଼ାନ୍ ରାଗା ଆନ୍ ଏୱାରିକି ୱେସ୍ତେଞ୍ଜି, “ବଦାଙ୍ଗ୍ନିକି ନା ଟାକ୍କେ ୱାଅନ୍ତିକି ହିଦୁ, ଏୱାରିକି ଆଃଏ କିଃଆଟୁ; ଇନାକି ମୁଲାପେନୁତି ରାଜି ଇହିଙ୍ଗ୍ତି ଦାଲ୍ଲାତାଦି । 15#ମାତି ୧୮:୩ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଏମ୍ବେନାଞ୍ଜିକି ଡଟି ବଦାଙ୍ଗ୍ ଲାକ୍କାଟି ମୁଲାପେନୁତି ରାଜି ଗ୍ରହନ କିଃଏଞ୍ଜି, ଏୱାଞ୍ଜି ଇନିୱାହୁ ୱାଡ଼େ ଏଦିମ୍ୱା ହଲ୍ବନ୍ ମୁଃଏଞ୍ଜି ।” 16ଆଟେ ଏୱାଞ୍ଜି ବଦାଙ୍ଗ୍ନିକି ଏତାନ୍ ଏୱାର୍ କୁଃଏଟି କାଜ୍ଜୁ ଇଟ୍ଟାନ୍ ଏୱାରିକି ମେଲା କିତେଞ୍ଜି ।
ଦନିଗାଟାଞ୍ଜ୍ତି କୁଲାଟି
(ମାତିଉ ୧୯:୧୬–୩୦; ଲୁକ ୧୮:୧୮–୩୦)
17ଜିସୁ ଏ ଗର୍ରିତାୱାଟି ହାଲ୍ବନ୍ ବାଗା ହପିଚ୍ଚି ତୁକାତାୱା ରଃଅଞ୍ଜି ଡେହି ଡେହି ୱାନ୍ ମେଣ୍ଡାଙ୍ଗୁତାନ୍ ତାଙ୍ଗେ ୱେଚ୍ଚେଞ୍ଜି, “ଏ ନିଗ୍ଗା ଗ୍ରାପାଗାଟାତି, ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନାନୁ ଇନ୍ନା କିଃଇ ?”
18ଏମ୍ୱାଟି ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାଙ୍ଗେ ନିଗ୍ଗା ଇଞ୍ଜାନ୍ ଇନାକିଅନ୍ ୱେସ୍ପିଞ୍ଜାଦି ?” ରଃଅଞ୍ଜିକି ପିହାନ୍, ଇଚ୍ଚେସି ମୁଲାପେନୁନିକି ପିହାନ୍ ଆଟେ ଏମ୍ୱେ ନିଗ୍ଗା ଆଃଏ । 19ନିନୁ ତ ପୁତିତି ହାବେତ୍ ଆଗ୍ୟାଁ ପୁଞ୍ଜାଞ୍ଜି, “କୁଇଙ୍ଗିଆ ପାଃଗାଟୁ, ଦାରି ଆଃଆଟୁ, ମ୍ଡାମି କିଃଆଟୁ, କଲ ୱେଃସାଟୁ, ଟକ୍କି କିଃଆଟୁ, ମି ଇୟାଆବାନିକି ମାନି ଆଦୁ ।”
20ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ଏ ଗ୍ରାପାଗାଟାତି ଇ ହାବେତ୍ ହାଜୁ ନାନୁ ଲାୱେଞ୍ଜି ୱେଲାଟେଃଏ ପାଲ୍ନି ଆଏସ୍ ୱାଇମାଃଇ ।”
21ଜିସୁ ତାଙ୍ଗେ ର କାନ୍ନୁଟି ମେହାନ୍ ଜେଡା କିତେଞ୍ଜି ଅଟେ ୱେସ୍ତେଞ୍ଜି, “ନିଙ୍ଗେ ଆଟେ ର କୁଲା କକ୍ଚି ମାନ୍ନେ, ନିନୁ ହାଜ୍ଜାନାହି ନି ଟାକ୍କେ ଇନ୍ନା ମାନ୍ନୁ ଏୱା ହାବେ ପ୍ରାଚାନ୍ ହାକ୍କିଗାଟାରିକି ହିମୁ, ଏହେଙ୍ଗ୍ ଆତେସି ନିନୁ ସର୍ଗତାୱା ଦନ ପାଁଣ୍ଡି । ଏମ୍ୱାଟି ନିନୁ ନା ବେତଟ୍ ୱାମୁ ।” 22ଇ କାତା ୱେଞ୍ଜାନ୍ ତାନୁ ମ୍ରୁମ୍ବୁ ହାପ୍ଚ୍ଚାନ୍ ଦୁଃକଟି ହାଚ୍ଚେଞ୍ଜି, ଇନାକି ତା ଟାକ୍କେ ଏଗେଲ୍ ଦନ ମାଚ୍ଚେ ।
23ଜିସୁ ଗୁଞ୍ଜେର୍ ମେହାନାହି ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ଦନିଗାଟାରି ଗାପ୍ଚି କସ୍ଟଟି ମୁଲାପେନୁତି ରାଜି ହାନ୍ନେରି ।”
24ଏୱାଞ୍ଜ୍ତି କାତା ୱେଞ୍ଜାନ୍ ଗ୍ରାମ୍ୱାଗାଟାରି ଆକ୍କାବାଡ଼ାଙ୍ଗ୍ ଆତେରି, ମତ୍ର ଜିସୁ ରିହିକ୍ ତାଙ୍ଗେ ୱେସ୍ତେଞ୍ଜି, “ଏ ନା ବଦାଙ୍ଗ୍ନାତେରି, ମୁଲାପେନୁତି ରାଜି ହାଲ୍ବନ୍ ଗାପ୍ଚି କସ୍ଟ । 25ଉଟୁ ନିମା#୧୦:୨୫ ନିମା ଇଚ୍ଚେସି ହିଡ଼ି ଉନାତାୱା ହଲ୍ଜାନ୍ ହାଲ୍ବନ୍ ସହଜ, ମତ୍ର ଦନିଗାଟାରି ମୁଲାପେନୁତି ରାଜି ହାଲ୍ବନ୍ ଗାପ୍ଚି କସ୍ଟ ।”
26ଏମ୍ବାଟି ଏୱାରି ଏଗେଲ୍ ଆକ୍କାବାଡ଼ାଙ୍ଗ୍ ଆନାହି ତାରୁତାରୁ ୱେସ୍ପିଆତେରି, “ଏମ୍ୱେନାଞ୍ଜି ଜ୍ଡିପା ପାଁନ୍ବନ୍ ମୁନେଞ୍ଜି ?”
27ଜିସୁ ଏୱାରିକି ହୁଡ଼ାନ୍ ୱେସ୍ତେଞ୍ଜି, “ଇଦି କୁଇଙ୍ଗ୍ ବାଗା କସ୍ଟ ଆନେ, ମତ୍ର ମୁଲାପେନୁ ବାଗା କସ୍ଟ ଆଃଏ; ଇନାକି ମୁଲାପେନୁ ହାବେତ୍ କୁଲା କିଅନ୍ ମୁନେଞ୍ଜି ।”
28ପିତର ତାଙ୍ଗେ ୱେସ୍ତେଞ୍ଜି, “ହୁଡ଼ାମୁ, ମାମୁ ହାବେତ୍ କୁଲା ପିହାନାହି ନି ବେତଟ୍ ୱାଇନାମୁ ।”
29ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେନାଞ୍ଜି ନା ବାଗା ଅଟେ ସୁସମାଚାର ବାଗା ଇଡ୍ଡୁ, ଆମ୍ୱେସ୍ଆଙ୍ଗିସ୍କା, ଇୟାଆବା ତା ମ୍ରିକାମ୍ରାଗାସ୍କା କି ମେରା ନେଡା ପିହାନ୍ନେଞ୍ଜି, 30ଇ କାଲାତାୱା ବିହାନପୁ ଡ଼ାହି, ସେଙ୍ଗୁଡ଼ି ଦୁଗୁଡ଼୍ ଇଡ୍ଡୁ, ଆମ୍ୱେସ୍, ଆଙ୍ଗିନାଦି, ଇୟା, ମ୍ରିକା, ମ୍ରାଗା ଅଟେ ମେରା ନେଡା ପାଁନେଞ୍ଜି ଆଟେ ୱାଇନି କାଲାତାୱା ଏୱାଞ୍ଜି ଟାକ୍କିଡ଼ହ୍ନାତି ପରନ୍ ନିଜ୍ଜାନେଃଏ ପାଁନେଞ୍ଜି । 31#ମାତି ୨୦:୧୬; ଲୁକ ୧୩:୩୦ମତ୍ର କାହେ ମାନ୍ନି ଗାପ୍ଚି ଦାଲ୍ଲା ଡେଗ୍ଗା ଆନେରି ଅଟେ ଡେଗ୍ଗା ମାନ୍ନି ଦାଲ୍ଲା ନକିନେରି ।”
ଜିସୁ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୨୦:୧୭–୧୯; ଲୁକ ୧୮:୩୧–୩୪)
32ଜିସୁ ଅଟେ ତା ଗ୍ରାମ୍ୱାଗାଟାରିକି ଜିରୁସାଲମଇନ୍ଦା ହାଜ୍ଜିଚ୍ଚି ତୁକାତାୱା, ଜିସୁ ଏୱାର୍ ନକେ ନକେସ୍ ହାଜ୍ଜିଚ୍ଚେଞ୍ଜି, ଆଟେ ଗ୍ରାମ୍ବାଗାଟାରି ଇନ୍ନି ଡୁଣ୍ଡେଲ୍ ଆନେ ଇଞ୍ଜାନ୍ ଆକ୍କାବାଡ଼ାଙ୍ଗ୍ ଆତେରି ଅଟେ ବେତଟ୍ ୱାଇଚ୍ଚି ଦାଲ୍ଲା ଆଜ୍ଜେଚ୍ଚେରି । ଏଦାବାଗା ରିହିକ୍ ଜିସୁ ତା ବାରାଗାଣ୍ଡି ଗ୍ରାମ୍ୱାଗାଟାରିକି ରେପ୍ଚାନ୍, ତାଙ୍ଗେ ଇନ୍ନା ଇନ୍ନା ଗଟିଆଅନ୍ତିକି ହାଜ୍ଜିନ୍ନେ, ଏଦା ହାବେ ଏୱାରିକି ୱେସ୍ତେଞ୍ଜି । 33ଜିସୁ ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ହୁଡ଼ାଟୁ ମାରୁ ଜିରୁସାଲମଇନ୍ଦା ହାଜ୍ଜିନ୍ନା, ଆଟେ କୁଏଞ୍ଜ୍ ମ୍ରିଃଏଞ୍ଜି ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ କାଜ୍ଜୁତାୱା ସର୍ପି ଆନେଞ୍ଜି ଆଟେ ଏୱାରି ତାଙ୍ଗେ ହାଅନ୍ତି ଦଣ୍ଡ ହିଅନ୍ ବାଗା ଅନଜିହୁଦିଙ୍ଗ୍ତି କାଜ୍ଜୁତାୱା ଆହ୍ପି କିନେରି, 34ଆଟେ ଏୱାରି ତାଙ୍ଗେ ଗେରୁ କିନେରି, ତା କୁଃଏଟି ହୁପୁଡ଼୍ ହୁପିନେରି, ତାଙ୍ଗେ ହାପ୍କାନଡ଼ ଡ଼ାହି ୱେନେରି ଅଟେ ପାଗିନେରି, ଆଟେ ଏୱାଞ୍ଜି ମୁନେସିଆଟି ନିମ୍ୱାନ୍ନିଙ୍ଗିନେଞ୍ଜି ।”
ଜାକୁବ ଆଟେ ଜହନତି ଜିଗନ୍
(ମାତିଉ ୨୦:୨୦–୨୮)
35ଏମ୍ୱାଟି ଜେବଦିତି ମ୍ରିକା ଜାକୁବ ଅଟେ ଜହନ ଜିସୁ ଟାକ୍କେ ୱାନ୍ ୱେସ୍ତେରି, “ଏ ଗ୍ରାପାଗାଟାତି ମା ଇଚ୍ଚା ଜେ, ମାମୁ ନିଙ୍ଗେ ଇନ୍ନା ୱ୍ରିହ୍ତାନାମୁ, ଏଦା ମା ବାଗା ନିନୁ କିମୁ ।” 36ଏମ୍ୱାଟି ଜିସୁ ଏୱାରିକି ୱେଚ୍ଚେଞ୍ଜି, “ନାନୁ ମି ବାଗା ଇନ୍ନା କିଃଇ ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?”
37ଏୱାରି ତାଙ୍ଗେ ୱେସ୍ତେରି, “ନିନୁ ଏଚ୍ଚିକିଃଆ ଆକୁଡ଼୍କିଅନ୍ ବାଗା ନି ମହିମାତି ଗାଦିତାୱା କକ୍ତେସି ମା ତାୱାଟି ରଃଅଞ୍ଜିକି ନି ତିନ୍ନି ଇନ୍ଦେଟ୍ ଅଟେ ରଃଅଞ୍ଜିକି ନି ଗିଃଇ ଇନ୍ଦେଟ୍ କପ୍କନ୍ ବାଗା ମେଲା କିଆମୁ ।”
38 #
ଲୁକ ୧୨:୫୦
ମତ୍ର ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱ୍ରିହ୍ପିଞ୍ଜାଦେରି ଏଦା ପୁଞ୍ଜେହେଃଲ୍ଲେରି । ନାନୁ ଇମ୍ୱିନ୍ ଗିନ୍ନାତାୱା ଉନ୍ବନ୍ ବାଗାଟି ହାଜ୍ଜିମାଃଇ, ଏ ଗିନ୍ନାତାୱା ଇନ୍ନା ମିରୁ ଉନ୍ବନ୍ ମୁଦେରି ? କି ନାନୁ ଇମ୍ୱିନ୍ ଡୁବନ୍ତାୱା ଡୁବନ୍ ଆଇମାଃଇ ଏଦିମ୍ୱା ଇନ୍ନା ମିରୁ ଡୁବନ୍ ଆଅନ୍ ମୁଦେରି ?”
39ଏୱାରି ତାଙ୍ଗେ ୱେସ୍ତେରି, “ମାମୁ ମୁନାମୁ ।” ଜିସୁ ଏୱାରିକି ୱେସ୍ତେଞ୍ଜି, “ନାନୁ ଇମ୍ୱିନ୍ ଗିନ୍ନାତାୱା ଉଣ୍ଡିମାଃଇ, ମିରୁ ଏଦିମ୍ୱା ଉଣ୍ଡେରି, ଆଟେ ନାନୁ ଇମ୍ୱିନ୍ ଡୁବନ୍ତାୱା ଡୁବନ୍ ଆଇମାଃଇ ମିରୁ ଏଦିମ୍ୱା ଡୁବନ୍ ଆଦେରି । 40ମତ୍ର ନା ତିନ୍ନି କି ଗିଃଇ ଇନ୍ଦେଟ୍ କପ୍କନ୍ତିକି ଗର୍ରି ହିଅନ୍ ନା ହକତ୍ ହେଃଲ୍ଲେ, ମତ୍ର ଆବା ମୁଲାପେନୁ ଇନ୍ଦାରିକି ଆଚି କିଆନ୍ନେଞ୍ଜି, ଏୱାରି କକ୍ନେରି ।”
41ଆଟେ ବିହି ଦାସାଗାଣ୍ଡି ଗ୍ରାମ୍ବାଗାଟାରି ଇଦା ୱେଞ୍ଜାନ୍ ଜାକୁବ ଅଟେ ଜହନନିକି ରାଗା ଆଅନ୍ ମ୍ରାସ୍ତେରି । 42#ଲୁକ ୨୨:୨୫,୨୬ଏମ୍ୱାଟି ଜିସୁ ଏୱାରିକି ରେଃଏସ୍ ଆର୍ଚାନ୍ ୱେସ୍ତେଞ୍ଜି, “ଅନଜିହୁଦିଙ୍ଗ୍ ଦାଲ୍ଲାତାୱାଟି ଏଚ୍ଚେ ଜାଡ଼ା ଆକୁଡ଼୍ କିଅନ୍ତାରି ମାନ୍ନେରି, ଏୱାରି ଦାଲ୍ଲା କୁଃଏଟି ହକତ୍ ତସ୍ପନ୍ ନେହି ପାଁଣ୍ଡିନ୍ନେରି ଅଟେ ଏୱାର୍ତି ଗାମିନାରି ଦାଲ୍ଲାନିକି ଆକୁଡ଼୍ କିନ୍ନେରି ଇଦା ମିରୁ ପୁଞ୍ଜିଞ୍ଜେରି । 43#ମାତି ୨୩:୧୧; ମାର୍କ ୯:୩୫; ଲୁକ ୨୨:୨୬ମତ୍ର ମି ତାୱା ଏହେଙ୍ଗିସି ଆଃଏ, ମତ୍ର ମି ତାୱାଟି ଏମ୍ୱେନାଞ୍ଜି ବେର୍ରାନାଞ୍ଜି ଆଅନ୍ ବାଗା ମନ କିନେଞ୍ଜି, ଏୱାଞ୍ଜି ମି ଆଙ୍ଗୁଲ୍ଗାଟାଞ୍ଜି ଆପାକାଞ୍ଜି । 44ଆଟେ ଏମ୍ୱେନାଞ୍ଜି ବେର୍ରାଞ୍ଜି ଆଅନ୍ ଇଚ୍ଚା କିନ୍ନେଞ୍ଜି, ଏୱାଞ୍ଜି ମି କାମ୍ବାରେଏଞ୍ଜି ଆପାକାଞ୍ଜି। 45ଇନାକି, କୁଏଞ୍ଜି ମ୍ରିଃଏଞ୍ଜି ୱାଡ଼େ ଆଙ୍ଗୁଲ୍ ପାଁନ୍ବନ୍ ବାଗା ୱାହେଃଲ୍ଲେଞ୍ଜି, ମତ୍ର ଆଙ୍ଗୁଲ୍ ଆଅନ୍ତିକି ଅଟେ ଏଗେଲ୍ ଦାଲ୍ଲାନିକି ନିପନ୍ ବାଗା ତା ପରନ୍ ହିଅନ୍ ବାଗା ୱାନ୍ନେଞ୍ଜି ।”
ଜିସୁ କାଡ଼ାଙ୍ଗ୍ଗାଟି ବାର୍ଟିମୟନିକି ନେହି କିଅନ୍
(ମାତିଉ ୨୦:୨୯–୩୪; ଲୁକ ୧୮:୩୫–୪୩)
46ଡେଗ୍ଗା ଏୱାରି ଜିରିହଇନ୍ଦା ୱାତେରି, ଆଟେ ଜିସୁ ତା ଗ୍ରାମ୍ୱାଗାଟାରି ଅଟେ ଏଗେଲ୍ ଦାଲ୍ଲା ଡ଼ାହି ଜିରିହତାୱାଟି ହାଜ୍ଜିଚ୍ଚି ତୁକାତାୱା ଟିମାୟତି ମ୍ରିଃଏଞ୍ଜ୍ ବାର୍ଟିମୟ ପାରୁଟି ରଃଅଞ୍ଜି କାଡ଼ାଙ୍ଗ୍ଗାଟି ବିକ ୱ୍ରିହ୍ପନ୍ତାଞ୍ଜି ଗିଜ୍ଜୁ ଗ୍ରିଆତାୱା କକ୍ଚାଚ୍ଚେଞ୍ଜି । 47ଏୱାଞ୍ଜି ନାଜରିତତି ଜିସୁ ଇଞ୍ଜାନ୍ ୱେନ୍ବନେଃଏ ଏୱାଞ୍ଜି ଏଗେଲ୍ ଗଜେଲ୍ ଆନ୍ ଆର୍ପନି ମ୍ରାସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ଜିସୁ, ନାଙ୍ଗେ ପାପୁଅଲ୍ତାମୁ ।”
48ଏମ୍ୱାଟି ଏଗେଲ୍ ଦାଲ୍ଲା ତାଙ୍ଗେ ଡାମ୍ନା ମାନ୍ବନ୍ ବାଗା ଆସ୍ପି କିତେରି, ମତ୍ର ଏୱାଞ୍ଜି ଆଟେ ଏଗେଲ୍ ଗଜେଲ୍ ଆନ୍ ଆର୍ପନ୍ ମ୍ରାସ୍ତେଞ୍ଜି, “ଏ ଦାଉଦ ମ୍ରିଃଏଞ୍ଜି ନାଙ୍ଗେ ପାପୁଅଲ୍ତାମୁ ।”
49ଏମ୍ୱାଟି ଜିସୁ ଡିଡ୍ଡାନାହି ୱେସ୍ତେଞ୍ଜି, “ତାଙ୍ଗେ ଆର୍ଦୁ ।” ଏୱାରି ଏ କାଡ଼ାଙ୍ଗ୍ଗାଟାଞ୍ଜିକି ଆର୍ଚାନ୍ ୱେସ୍ତେରି, “ବରେସ୍ ଆହ୍ମୁ, ନିଙ୍ଗାମୁ ଏୱାଞ୍ଜି ନିଙ୍ଗେ ଆର୍ପିଞ୍ଜାନେଞ୍ଜି ।”
50ଏମ୍ୱାଟି ଏୱାଞ୍ଜି ତା ପର୍ଚ୍ଚାଚି ଜିରା ତୁହାନାହି ନିଙ୍ଗାନ୍ ଜିସୁ ଟାକ୍କେ ୱାତେଞ୍ଜି ।
51ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ନି ବାଗା ଇନ୍ନା କିଃଇ ଇଞ୍ଜାନ୍ ନିନୁ ମନ କିଞ୍ଜି ?” ଏ କାଡ଼ାଙ୍ଗ୍ଗାଟାଞ୍ଜି ତାଙ୍ଗେ ୱେସ୍ତେଞ୍ଜି,
“ଏ ଗ୍ରାପାଗାଟାତି,” ନାନୁ ଇନିସ୍ ହୁଡ଼ନ୍ ମୁଃଇ ।
52ଜିସୁ ତାଙ୍ଗେ ୱେସ୍ତେଞ୍ଜି, “ହାଲ୍ମୁ, ନି ମାଞ୍ଜାଡ଼ି ନିଙ୍ଗେ ନେହି କିଆଞ୍ଜାନେ ।”
ଏଚିୱାଡ଼େ ଏୱାଞ୍ଜି ହୁଡ଼ନ୍ ମୁଚାନ୍ ତା ବେତ ବେତଟ୍ ହାଲ୍ବନ୍ ମ୍ରାସ୍ତେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0