ମାର୍କ 8
8
ଜିସୁ ନାଲ୍ ହଜାର୍ ଦାଲ୍ଲାନିକି ତିସ୍ପନ୍
(ମାତିଉ ୧୫:୩୨–୩୯)
1ଏଚିତୁକାତାୱା ରିହିକ୍ ଜିସୁ ରେଃଏସ୍ ଏଗେଲ୍ ଦାଲ୍ଲା ରପାଟ୍ଟେ ଆତେରି । ଏୱାରି ରେଃଏସ୍ ତିନ୍ବନ୍ ବାଗା ଇନ୍ନି କୁଲା ହେଃଲ୍ଲାତୁ, ଏମ୍ୱାଟି ଜିସୁ ଗ୍ରାମ୍ୱାଗାଟାରିକି ରେଃଏସ୍ ଆର୍ଚାନାହି ୱେସ୍ତେଞ୍ଜି, 2“ଦାଲ୍ଲାନିକି ହୁଡ଼ାନାହି ନାଙ୍ଗେ ପାପୁଜେଡା ଆଇନେ, ଇନାକି ଇୱାରି ମୁ ଦିନା ଆତେ ନା ଡ଼ାହି ମାନ୍ନେରି ଅଟେ ହାଦାଡ଼ି ଇୱାରି ରେଃଏସ୍ ଇନ୍ନିକୁଲା ତିନ୍ବନ୍ ବାଗା ହେଃଲ୍ଲ । 3ଜଦି ଏୱାରିକି ନାନୁ ଇନ୍ନା ତିସେଟେଃଏ ତା ଇଜ୍ଜା ପାଣ୍ଡି, ଏହେଙ୍ଗ୍ ଆତେସି ଏୱାରି ଗିଜ୍ଜୁତାୱା ହାକ୍କିଟି ମୁର୍ଚା ଆନ୍ ବ୍ଡିନେରି; ଏୱାର୍ତାୱାଟି ଏଚ୍ଚେ ଦାଲ୍ଲା ଗାପ୍ଚି ଦେହାଟ୍ ୱାନ୍ନେରି ।” 4ଗ୍ରାମ୍ୱାଗାଟାରି ତାଙ୍ଗେ ୱେସ୍ତେରି, “ଇ ଚିହ୍ପି ଗର୍ରିତାୱା ଏମ୍ୱେ ଇମ୍ୱିନାୱାଟି ରୁଟିଙ୍ଗ୍ ତାଚ୍ଚାନ୍ ଇୱାରିକି ତିନ୍ବନ୍ ବାଗା କ୍ଡିପା କ୍ଡିପା ହିଅନ୍ ମୁନେରି ?” 5ଜିସୁ ଏୱାରିକି ୱେଚ୍ଚେଞ୍ଜି, “ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ?” ଏୱାରି ୱେସ୍ତେରି, “ଅଡ଼ି ଗଟ୍ଟା ।” 6ଏମ୍ୱାଟି ଜିସୁ ଦାଲ୍ଲାନିକି ହାବେ ନେତେ କପ୍କନ୍ ବାଗା ୱେସ୍ତେଞ୍ଜି, ଆଟେ ଏୱାଞ୍ଜି ଏ ଅଡ଼ି ଗଟ୍ଟା ରୁଟିଙ୍ଗ୍ ଅଆନ୍ ମୁଲାପେନୁନିକି ଦନ୍ୟବାଦ ହିଆନ୍, ଏୱା ହାବେ ପାହେଡ଼୍ କିଆନ୍ ଦାଲ୍ଲାନିକି ହିପ୍କନ୍ ବାଗା ତା ଗ୍ରାମ୍ୱାଗାଟାରିକି ହିତେଞ୍ଜି, ଆଟେ ଏୱାରି ଦାଲ୍ଲାନିକି ହାବେ ଏୱା ହିପ୍କାୱିତେରି । 7ଆଟେ ଏୱାର୍ ରେଃଏସ୍ ଏଚ୍ଚଡ଼୍ ଡଟି ଡଟି ମିନ୍ଙ୍ଗା ୱାଡ଼େ ମାଚ୍ଚୁ; ଏୱା ହାବେ ଏୱାଞ୍ଜି ମେଲା କିଆନାହି ଦାଲ୍ଲାନିକି ହିଅନ୍ ବାଗା ୱେସ୍ତେଞ୍ଜି । 8ଏମ୍ୱାଟି ଏୱାରି ତିଞ୍ଜାନାହି କ୍ଡିତେରି ଅଟେ ହାରାଚ୍ଚି ପାହେଡ଼୍ ରୁଟିଙ୍ଗ୍ ଅଡ଼ି ହୁନ୍ଦା ପେଗ୍ଦେରି । 9ଏୱାରି ଏଦିମ୍ୱା ବାଇକ୍ ନାଲ୍ ହଜାର୍ ଦାଲ୍ଲା ମାଚ୍ଚେରି । ଏମ୍ବାଟି ଜିସୁ ଦାଲ୍ଲାନିକି ବଲା କିତେଞ୍ଜି, 10ଆଟେ ଏଚିୱାଡ଼େ ତା ଗ୍ରାମ୍ୱାଗାଟାରି ଡ଼ାହି ଡଙ୍ଗାତାୱା ଏଙ୍ଗାନାହି ଦଲ୍ମନୁତା ରାଜିଇନ୍ଦା ୱାତେରି ।
ପାରୁସିଙ୍ଗ୍ ତୁର୍ରି ହୁଡ଼ନ୍ ବାଗା ଜିସୁନିକି ୱେନ୍ବନ୍
(ମାତିଉ ୧୨:୩୮–୪୨; ୧୬:୧–୪)
11 #
ମାତି ୧୨:୩୮; ଲୁକ ୧୧:୧୬ ଡେଗ୍ଗା ପାରୁସି ଦାଲ୍ଲା ଜିସୁ ଟାକ୍କେ ୱାନାହି ତା ଡ଼ାହି ବାଦେର୍ ଆଅନ୍ ମ୍ରାସ୍ତେରି, ଆଟେ ତାଙ୍ଗେ ପରିକ୍ୟା କିଅନ୍ ବାଗା ଜାଗ୍ଗୁଟି ରଣ୍ଡା ତୁର୍ରି ୱ୍ରିହ୍ତେରି । 12#ମାତି ୧୨:୩୯; ଲୁକ ୧୧:୨୯ଏମ୍ୱାଟି ଏୱାଞ୍ଜି ନୱିକିଆନ୍ ଲାମ୍ୱା ନେସ୍ତେରି ପିହାନ୍ ୱେସ୍ତେଞ୍ଜି, “ଇ କାଲାତି ଦାଲ୍ଲା ଇନ୍ନା କିଅନ୍ ତୁର୍ରି ଦାହ୍ପିନ୍ନେରି ? ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ କାଲାତି କୁଇଙ୍ଗ୍ନିକି ଇନ୍ନି ତୁର୍ରି ହିଅନ୍ ଆଃଏ ।” 13ଏମ୍ବାଟି ଜିସୁ ଏୱାରିକି ପିହାନାହି ରିହିକ୍ ତା ଗ୍ରାମ୍ବାଗାଟାରି ଡ଼ାହି ଡଙ୍ଗାତାୱା ଏଙ୍ଗାନାହି ଆଟେ ରକଟ୍ ୱାଡୁ ହାଚ୍ଚେଞ୍ଜି ।
ହେରଦ ଆଟେ ପାରୁସିଙ୍ଗ୍ତି କମିର
(ମାତିଉ ୧୬:୫–୧୨)
14ଏଚିତୁକାତାୱା ଗ୍ରାମ୍ୱାଗାଟାରି ରୁଟିଙ୍ଗ୍ ଅନ୍ ବ୍ଡୁଜ୍ଜାଚ୍ଚେରି; ଡଙ୍ଗାତାୱା ଏୱାର୍ ରେଃଏସ୍ ୱାର୍ରି ରଣ୍ଡେ ମତ୍ର ରୁଟି ମାଚ୍ଚେ । 15#ଲୁକ ୧୨:୧ଡେଗ୍ଗା ଜିସୁ ଏୱାରିକି ମାଞ୍ଜାଟି ଆଗ୍ୟାଁ ହିଆନ୍ ୱେସ୍ତେଞ୍ଜି, “ରଞ୍ଜାନ୍ ବାସାଆଦୁ, ହେରଦଙ୍ଗ୍ ଅଟେ ପାରୁସିଙ୍ଗ୍ତି କମିରତାୱାଟି ଜାଗ୍ରତ ଆଦୁ ।” 16ଏମ୍ୱାଟି ଏୱାରି ତାରୁ ତାରୁ କାତାବାର୍ତା କିଆନାହି ୱେସ୍ପିଆତେରି, “ମା ରେଃଏସ୍ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଏୱାଞ୍ଜ୍ ଇହିଙ୍ଗିସି ୱେସ୍ପିଞ୍ଜାନେଞ୍ଜି ।” 17ଜିସୁ ଏଦା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ମି ଟାକ୍କେ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? ମିରୁ ଇନ୍ନା ହାଦାଡ଼ି ଟିକ୍ନା ପୁଞ୍ଜେହେଃଲ୍ଲେରି କି ବୁଜ୍ଜି ଆଇହେଃଲ୍ଲେରି ? ଇନ୍ନା କିଅନ୍ ମିରୁ ଇଦା ଏଲୁ କିଅନ୍ ମୁପେହେଃଲ୍ଲେରି ? 18#ମାର୍କ ୪:୧୨କାଡ଼୍କା ମାଞ୍ଜି ମାଞ୍ଜି ମିରୁ ହୁଡ଼େହେଃଲ୍ଲେରି ? କି କ୍ରିକା ମାଞ୍ଜି ମାଞ୍ଜି ମିରୁ ୱେଞ୍ଜେହେଃଲ୍ଲେରି ? 19ଏ ସେଙ୍ଗା ରୁଟିଙ୍ଗ୍ ସେ ହଜାର୍ ଦାଲ୍ଲାନିକି ନାନୁ ହିଆଚ୍ଚି ତୁକାତାୱା ମିରୁ ହାବେ ଏଚ୍ଚି ହୁନ୍ଦା ପାହେଡ଼୍ ରୁଟିଙ୍ଗ୍ ପେଗ୍ଜ୍ଜାଚ୍ଚେରି, ଏଦା ଇନ୍ନା ମିଙ୍ଗେ ଏଲୁ ହେଃଲ୍ଲେ ?” ଏୱାରି ତାଙ୍ଗେ ୱେସ୍ତେରି, “ବାରା ହୁନ୍ଦା ।” 20“ଆଟେ ଏ ଅଡ଼ିଗଟ୍ଟା ରୁଟିଙ୍ଗ୍ ତାୱାଟି ନାଲ୍ ହଜାର୍ ଦାଲ୍ଲାନିକି ତିନ୍ବନ୍ ହିଆଚ୍ଚି ତୁକାତାୱା, ମିରୁ ହାବେ ଏଚ୍ଚି ହୁନ୍ଦା ପାହେଡ଼୍ ରୁଟିଙ୍ଗ୍ ପେଗ୍ଜ୍ଜାଚ୍ଚେରି ?” ଏୱାରି ୱେସ୍ତେରି “ଅଡ଼ି ହୁନ୍ଦା ।” 21ଏଦାକି ଏୱାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ହାଦାଡ଼ି ଟିକ୍ନା ପୁଞ୍ଜେହେଃଲ୍ଲେରି ?”
ଜିସୁ ବେତ୍ସାଇଦା ଗାଡ଼ାନାଜୁତି ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ନେହି କିଅନ୍
22ଡେଗ୍ଗା ଜିସୁ ଆଟେ ତା ଗ୍ରାମ୍ବାଗାଟାରି ବେତ୍ସାଇଦା ଗାଡ଼ାନାଜୁଇନ୍ଦା ୱାତେରି । ଆଟେ ଦାଲ୍ଲା ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ତା ରେଃଏସ୍ ତାଚ୍ଚାନ୍ କାଡ଼ାଙ୍ଗ୍ଗାଟାଞ୍ଜିକି ଡିଗନ୍ ବାଗା ଜିସୁନିକି ଜିଗିତେରି । 23ଏଦାକି ଜିସୁ କାଡ଼ାଙ୍ଗ୍ଗାଟାଞ୍ଜ୍ତି କାଜ୍ଜୁ ଆହାନ୍ ନାଜୁଟିଆଟି କାଟକ୍ ଅତେଞ୍ଜି, ଆଟେ ତା କାଡ଼୍କାନାୱା ହୁପୁଡ଼୍ ମିସାନ୍ ଅଟେ ତା କୁଃଏଟି କାଜ୍ଜୁ କିଟ୍ଟାନ୍ ତାଙ୍ଗେ ୱେଚ୍ଚେଞ୍ଜି, “ନିନୁ ଇନ୍ନା ହୁଡ଼ନ୍ ମୁପିଞ୍ଜିମା ?” 24ଏୱାଞ୍ଜି ମେହାନ୍ ୱେସ୍ତେଞ୍ଜି, “ନାନୁ, କୁଇଙ୍ଗିଆ ହୁଡ଼େମାଃଇ, ମତ୍ର ଏୱାରିକି ତାକେନ୍ନି ମ୍ରାକା ଡେହେଙ୍ଗ୍ ହୁଡ଼େମାଃଇ ।” 25ଏମ୍ବାଟି ଜିସୁ ଆଟେ ୱାଡ଼େ ତା କାଡ଼୍କାନାୱା କାଜ୍ଜୁ ଇଟ୍ଟିତେଞ୍ଜି, ଏମ୍ୱାଟି ଏୱାଞ୍ଜି ନେହେନ୍ ହୁଡ଼ିତେଞ୍ଜି ଅଟେ ଏୱାଞ୍ଜି ନେହି ଆନ୍ ହାବେତ୍ କୁଲା ନେହେନ୍ ହୁଡ଼ନ୍ ମୁତେଞ୍ଜି । 26ଡେଗ୍ଗା ଜିସୁ ତାଙ୍ଗେ ତା ଇଜ୍ଜା ପାଣ୍ଡାନାହି ୱେସ୍ତେଞ୍ଜି, “ଇ ନାଜୁଇନ୍ଦା ହାଃଲ୍ଲା ।”
ପିତର ଜିସୁନିକି କ୍ରିସ୍ଟ ଇଞ୍ଜାନ୍ ୱେସ୍ପନ୍
(ମାତିଉ ୧୬:୧୩–୨୦; ଲୁକ ୯:୧୮–୨୧)
27ଏମ୍ୱାଟି ଜିସୁ ଅଟେ ତା ଗ୍ରାମ୍ୱାଗାଟାରି କାଇସରିଆ ପିଲିପି ରାଜି ଏସେନ୍ ମାନ୍ନି ନାସ୍କାଇନ୍ଦା ହାଚ୍ଚେରି, ଆଟେ ଗିଜ୍ଜୁତାୱା ଏୱାଞ୍ଜି ତା ଗ୍ରାମ୍ୱାଗାଟାରିକି ୱେନ୍ବନ୍ ମ୍ରାସ୍ତେଞ୍ଜି, “ନାନୁ ଏମ୍ୱେନାନୁ ଇଞ୍ଜାନ୍ ଦାଲ୍ଲା ଇନ୍ନା ଇଞ୍ଜିନ୍ନେରି ?” 28#ମାର୍କ ୬:୧୪,୧୫; ଲୁକ ୯:୭,୮ଏମ୍ୱାଟି ଏୱାରି ତାଙ୍ଗେ ୱେସ୍ତେରି, “ଡୁବନ୍ ହିଚ୍ଚି ଜହନ, ଆଟେ ଏମ୍ୱେ ଏମ୍ୱେ ଏଲିୟ, ମତ୍ର ତୁଲ୍ଲେତାରି ଇଞ୍ଜିନ୍ନେରି ବାବବାଦିଙ୍ଗ୍ତାୱାଟି ରଃଅଞ୍ଜି ।” 29#ଜହ ୬:୬୮,୬୯ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ମତ୍ର ନାନୁ ଏମ୍ୱେନାନୁ ଇଞ୍ଜାନ୍ ମିରୁ ଇଞ୍ଜିଞ୍ଜେରି ?” ପିତର ତାଙ୍ଗେ ୱେସ୍ତେଞ୍ଜି, “ନିନୁ କ୍ରିସ୍ଟ ।” 30ଏମ୍ୱାଟି ଜିସୁ ଏୱାରିକି ତା କାତା ଇନ୍ଦାରିକି ଇନାୱାଡ଼େ ୱେଃସାନ୍ ବାଗା ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି ।
ଜିସୁ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୧୬:୨୧–୨୮; ଲୁକ ୯:୨୨–୨୭)
31ଆଟେ ଜିସୁ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ଜେ, “କୁଏଞ୍ଜି ମ୍ରିଃଏଞ୍ଜି ନିଜ୍ଜାନେଃଏ ଦୁଃକ ପାଁନେଞ୍ଜି ଅଟେ ଗାମିନାରି, ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ତାୱାଟି ଅଗ୍ରାହ୍ୟ ଆନେଞ୍ଜି ଅଟେ ତାଙ୍ଗେ ପାଗିନେରି, ମତ୍ର ତାନୁ ମୁ ଦିନାଟି ରିହିକ୍ ନିଙ୍ଗିନେଞ୍ଜି ।” 32ଇ କାତା ଜିସୁ ନେହେନ୍ ୱେସ୍ପନେଃଏ, ପିତର ଜିସୁନିକି ବିହିଇନ୍ଦା ଆର୍ଚାନ୍ ଇହିଙ୍ଗିସି ୱେଙ୍ଗାନ୍ ୱେସ୍ତେଞ୍ଜି, ଏଦି ନି ପାଟ୍ଟି ଗଟି ଆଃଆକାଦି । 33ମତ୍ର ଜିସୁ ମ୍ଲିଆନ୍ ତା ଗ୍ରାମ୍ୱାଗାଟାରିକି ହୁଡ଼ାନ୍ ପିତରନିକି ୱ୍ଲିଚାନ୍ ୱେସ୍ତେଞ୍ଜି, “ନା ତାୱାଟି ଦେହା ହାଲ୍ମୁ ସଇତାନ, ଇନାକି ନିନୁ ମୁଲାପେନୁ କୁଲାଟି ଏଲୁ କିଃଏଟେଃଏ କୁଇଙ୍ଗ୍ କୁଲାଟି ଏଲୁ କିଞ୍ଜି ।”
34 #
ମାତି ୧୦:୩୮; ଲୁକ ୧୪:୨୭ ଏମ୍ୱାଟି ଏୱାଞ୍ଜି ତା ଗ୍ରାମ୍ୱାଗାଟାରି ଡ଼ାହି ଦାଲ୍ଲାତିଦି ହାବେ ରେଃଏସ୍ ଆର୍ଚାନ୍ ୱେସ୍ତେଞ୍ଜି, “ଏମ୍ୱେନାଞ୍ଜି ଜଦି ନା ବେତଟ୍ ୱାଅନ୍ ବାଗା ଇଚ୍ଚା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ତା ଗାଣ୍ଡି ବ୍ଡୁଜ୍ଜାକାଞ୍ଜି, ଆଟେ ତା କ୍ରୁସ ଡେକାନ୍ ନା ବେତଟ୍ ୱାପାକାଞ୍ଜି । 35#ମାତି ୧୦:୩୯; ଲୁକ ୧୭:୩୩; ଜହ ୧୨:୨୫ଇନାକି ଏମ୍ୱେନାଞ୍ଜି ତା ପରନ୍ ନିପନ୍ ବାଗା ସେସ୍ଟା କିନ୍ନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁଃଏଞ୍ଜି; ମତ୍ର ଏମ୍ୱେନାଞ୍ଜିକି ନା ବାଗା ଅଟେ ସୁସମାଚାର ବାଗାଟି ତା ପରନ୍ ହିନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁନେଞ୍ଜି । 36ଆଟେ କୁଏଞ୍ଜି ଜଦି ପୁର୍ତି ହାବେ ଜିତି ଆନାହି ତା ପରନ୍ ରକ୍ୟା କିଅନ୍ ମୁପେହେଃଲ୍ଲେଞ୍ଜି ଇଚ୍ଚେସି, ତାନ୍ଦି ଇନ୍ନି ଲାବା ? 37ଆଟେ କୁଏଞ୍ଜି ତା ପରନ୍ ପାଁନ୍ବନ୍ ବାଗା ଇନ୍ନି କୁଲା ହିଅନ୍ ମୁନେଞ୍ଜି ? 38ଏଦାକି ଏମ୍ୱେନାଞ୍ଜି ଇ କାଲାତି ଦାରି ଅଟେ ପାପିଗାଟି ଦାଲ୍ଲା ନକେସି ନାଙ୍ଗେ ଅଟେ ନା ବାକ୍ୟ କୁଲାଟି ଲେଜ୍ଜା ଆଇନ୍ନେଞ୍ଜି, ଇଚ୍ଚେସି କୁଏଞ୍ଜ୍ ମ୍ରିଃଏଞ୍ଜି ଏଚ୍ଚିକିଃଆ ଆବା ଅଟେ ପିର୍ନି ଦୁତଙ୍ଗ୍ତି ମହିମାଟି ୱାନେଞ୍ଜି, ଏଚିତୁକାତାୱା ଏୱାଞ୍ଜି ୱାଡ଼େ ଏୱାଞ୍ଜ୍ତି କୁଲାଟି ଲେଜ୍ଜା ଆନେଞ୍ଜି ।”
Právě zvoleno:
ମାର୍କ 8: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 8
8
ଜିସୁ ନାଲ୍ ହଜାର୍ ଦାଲ୍ଲାନିକି ତିସ୍ପନ୍
(ମାତିଉ ୧୫:୩୨–୩୯)
1ଏଚିତୁକାତାୱା ରିହିକ୍ ଜିସୁ ରେଃଏସ୍ ଏଗେଲ୍ ଦାଲ୍ଲା ରପାଟ୍ଟେ ଆତେରି । ଏୱାରି ରେଃଏସ୍ ତିନ୍ବନ୍ ବାଗା ଇନ୍ନି କୁଲା ହେଃଲ୍ଲାତୁ, ଏମ୍ୱାଟି ଜିସୁ ଗ୍ରାମ୍ୱାଗାଟାରିକି ରେଃଏସ୍ ଆର୍ଚାନାହି ୱେସ୍ତେଞ୍ଜି, 2“ଦାଲ୍ଲାନିକି ହୁଡ଼ାନାହି ନାଙ୍ଗେ ପାପୁଜେଡା ଆଇନେ, ଇନାକି ଇୱାରି ମୁ ଦିନା ଆତେ ନା ଡ଼ାହି ମାନ୍ନେରି ଅଟେ ହାଦାଡ଼ି ଇୱାରି ରେଃଏସ୍ ଇନ୍ନିକୁଲା ତିନ୍ବନ୍ ବାଗା ହେଃଲ୍ଲ । 3ଜଦି ଏୱାରିକି ନାନୁ ଇନ୍ନା ତିସେଟେଃଏ ତା ଇଜ୍ଜା ପାଣ୍ଡି, ଏହେଙ୍ଗ୍ ଆତେସି ଏୱାରି ଗିଜ୍ଜୁତାୱା ହାକ୍କିଟି ମୁର୍ଚା ଆନ୍ ବ୍ଡିନେରି; ଏୱାର୍ତାୱାଟି ଏଚ୍ଚେ ଦାଲ୍ଲା ଗାପ୍ଚି ଦେହାଟ୍ ୱାନ୍ନେରି ।” 4ଗ୍ରାମ୍ୱାଗାଟାରି ତାଙ୍ଗେ ୱେସ୍ତେରି, “ଇ ଚିହ୍ପି ଗର୍ରିତାୱା ଏମ୍ୱେ ଇମ୍ୱିନାୱାଟି ରୁଟିଙ୍ଗ୍ ତାଚ୍ଚାନ୍ ଇୱାରିକି ତିନ୍ବନ୍ ବାଗା କ୍ଡିପା କ୍ଡିପା ହିଅନ୍ ମୁନେରି ?” 5ଜିସୁ ଏୱାରିକି ୱେଚ୍ଚେଞ୍ଜି, “ମି ରେଃଏସ୍ ଏଚ୍ଚଡ଼୍ ରୁଟିଙ୍ଗ୍ ମାନ୍ନୁ ?” ଏୱାରି ୱେସ୍ତେରି, “ଅଡ଼ି ଗଟ୍ଟା ।” 6ଏମ୍ୱାଟି ଜିସୁ ଦାଲ୍ଲାନିକି ହାବେ ନେତେ କପ୍କନ୍ ବାଗା ୱେସ୍ତେଞ୍ଜି, ଆଟେ ଏୱାଞ୍ଜି ଏ ଅଡ଼ି ଗଟ୍ଟା ରୁଟିଙ୍ଗ୍ ଅଆନ୍ ମୁଲାପେନୁନିକି ଦନ୍ୟବାଦ ହିଆନ୍, ଏୱା ହାବେ ପାହେଡ଼୍ କିଆନ୍ ଦାଲ୍ଲାନିକି ହିପ୍କନ୍ ବାଗା ତା ଗ୍ରାମ୍ୱାଗାଟାରିକି ହିତେଞ୍ଜି, ଆଟେ ଏୱାରି ଦାଲ୍ଲାନିକି ହାବେ ଏୱା ହିପ୍କାୱିତେରି । 7ଆଟେ ଏୱାର୍ ରେଃଏସ୍ ଏଚ୍ଚଡ଼୍ ଡଟି ଡଟି ମିନ୍ଙ୍ଗା ୱାଡ଼େ ମାଚ୍ଚୁ; ଏୱା ହାବେ ଏୱାଞ୍ଜି ମେଲା କିଆନାହି ଦାଲ୍ଲାନିକି ହିଅନ୍ ବାଗା ୱେସ୍ତେଞ୍ଜି । 8ଏମ୍ୱାଟି ଏୱାରି ତିଞ୍ଜାନାହି କ୍ଡିତେରି ଅଟେ ହାରାଚ୍ଚି ପାହେଡ଼୍ ରୁଟିଙ୍ଗ୍ ଅଡ଼ି ହୁନ୍ଦା ପେଗ୍ଦେରି । 9ଏୱାରି ଏଦିମ୍ୱା ବାଇକ୍ ନାଲ୍ ହଜାର୍ ଦାଲ୍ଲା ମାଚ୍ଚେରି । ଏମ୍ବାଟି ଜିସୁ ଦାଲ୍ଲାନିକି ବଲା କିତେଞ୍ଜି, 10ଆଟେ ଏଚିୱାଡ଼େ ତା ଗ୍ରାମ୍ୱାଗାଟାରି ଡ଼ାହି ଡଙ୍ଗାତାୱା ଏଙ୍ଗାନାହି ଦଲ୍ମନୁତା ରାଜିଇନ୍ଦା ୱାତେରି ।
ପାରୁସିଙ୍ଗ୍ ତୁର୍ରି ହୁଡ଼ନ୍ ବାଗା ଜିସୁନିକି ୱେନ୍ବନ୍
(ମାତିଉ ୧୨:୩୮–୪୨; ୧୬:୧–୪)
11 #
ମାତି ୧୨:୩୮; ଲୁକ ୧୧:୧୬ ଡେଗ୍ଗା ପାରୁସି ଦାଲ୍ଲା ଜିସୁ ଟାକ୍କେ ୱାନାହି ତା ଡ଼ାହି ବାଦେର୍ ଆଅନ୍ ମ୍ରାସ୍ତେରି, ଆଟେ ତାଙ୍ଗେ ପରିକ୍ୟା କିଅନ୍ ବାଗା ଜାଗ୍ଗୁଟି ରଣ୍ଡା ତୁର୍ରି ୱ୍ରିହ୍ତେରି । 12#ମାତି ୧୨:୩୯; ଲୁକ ୧୧:୨୯ଏମ୍ୱାଟି ଏୱାଞ୍ଜି ନୱିକିଆନ୍ ଲାମ୍ୱା ନେସ୍ତେରି ପିହାନ୍ ୱେସ୍ତେଞ୍ଜି, “ଇ କାଲାତି ଦାଲ୍ଲା ଇନ୍ନା କିଅନ୍ ତୁର୍ରି ଦାହ୍ପିନ୍ନେରି ? ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇ କାଲାତି କୁଇଙ୍ଗ୍ନିକି ଇନ୍ନି ତୁର୍ରି ହିଅନ୍ ଆଃଏ ।” 13ଏମ୍ବାଟି ଜିସୁ ଏୱାରିକି ପିହାନାହି ରିହିକ୍ ତା ଗ୍ରାମ୍ବାଗାଟାରି ଡ଼ାହି ଡଙ୍ଗାତାୱା ଏଙ୍ଗାନାହି ଆଟେ ରକଟ୍ ୱାଡୁ ହାଚ୍ଚେଞ୍ଜି ।
ହେରଦ ଆଟେ ପାରୁସିଙ୍ଗ୍ତି କମିର
(ମାତିଉ ୧୬:୫–୧୨)
14ଏଚିତୁକାତାୱା ଗ୍ରାମ୍ୱାଗାଟାରି ରୁଟିଙ୍ଗ୍ ଅନ୍ ବ୍ଡୁଜ୍ଜାଚ୍ଚେରି; ଡଙ୍ଗାତାୱା ଏୱାର୍ ରେଃଏସ୍ ୱାର୍ରି ରଣ୍ଡେ ମତ୍ର ରୁଟି ମାଚ୍ଚେ । 15#ଲୁକ ୧୨:୧ଡେଗ୍ଗା ଜିସୁ ଏୱାରିକି ମାଞ୍ଜାଟି ଆଗ୍ୟାଁ ହିଆନ୍ ୱେସ୍ତେଞ୍ଜି, “ରଞ୍ଜାନ୍ ବାସାଆଦୁ, ହେରଦଙ୍ଗ୍ ଅଟେ ପାରୁସିଙ୍ଗ୍ତି କମିରତାୱାଟି ଜାଗ୍ରତ ଆଦୁ ।” 16ଏମ୍ୱାଟି ଏୱାରି ତାରୁ ତାରୁ କାତାବାର୍ତା କିଆନାହି ୱେସ୍ପିଆତେରି, “ମା ରେଃଏସ୍ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଏୱାଞ୍ଜ୍ ଇହିଙ୍ଗିସି ୱେସ୍ପିଞ୍ଜାନେଞ୍ଜି ।” 17ଜିସୁ ଏଦା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, “ମି ଟାକ୍କେ ରୁଟିଙ୍ଗ୍ ହେଃଲ୍ଲ ଇଞ୍ଜାନ୍ ଇନ୍ନା ବାଗା ମିରୁ ମିରୁ କାତାବାର୍ତା ଆଇଞ୍ଜେରି ? ମିରୁ ଇନ୍ନା ହାଦାଡ଼ି ଟିକ୍ନା ପୁଞ୍ଜେହେଃଲ୍ଲେରି କି ବୁଜ୍ଜି ଆଇହେଃଲ୍ଲେରି ? ଇନ୍ନା କିଅନ୍ ମିରୁ ଇଦା ଏଲୁ କିଅନ୍ ମୁପେହେଃଲ୍ଲେରି ? 18#ମାର୍କ ୪:୧୨କାଡ଼୍କା ମାଞ୍ଜି ମାଞ୍ଜି ମିରୁ ହୁଡ଼େହେଃଲ୍ଲେରି ? କି କ୍ରିକା ମାଞ୍ଜି ମାଞ୍ଜି ମିରୁ ୱେଞ୍ଜେହେଃଲ୍ଲେରି ? 19ଏ ସେଙ୍ଗା ରୁଟିଙ୍ଗ୍ ସେ ହଜାର୍ ଦାଲ୍ଲାନିକି ନାନୁ ହିଆଚ୍ଚି ତୁକାତାୱା ମିରୁ ହାବେ ଏଚ୍ଚି ହୁନ୍ଦା ପାହେଡ଼୍ ରୁଟିଙ୍ଗ୍ ପେଗ୍ଜ୍ଜାଚ୍ଚେରି, ଏଦା ଇନ୍ନା ମିଙ୍ଗେ ଏଲୁ ହେଃଲ୍ଲେ ?” ଏୱାରି ତାଙ୍ଗେ ୱେସ୍ତେରି, “ବାରା ହୁନ୍ଦା ।” 20“ଆଟେ ଏ ଅଡ଼ିଗଟ୍ଟା ରୁଟିଙ୍ଗ୍ ତାୱାଟି ନାଲ୍ ହଜାର୍ ଦାଲ୍ଲାନିକି ତିନ୍ବନ୍ ହିଆଚ୍ଚି ତୁକାତାୱା, ମିରୁ ହାବେ ଏଚ୍ଚି ହୁନ୍ଦା ପାହେଡ଼୍ ରୁଟିଙ୍ଗ୍ ପେଗ୍ଜ୍ଜାଚ୍ଚେରି ?” ଏୱାରି ୱେସ୍ତେରି “ଅଡ଼ି ହୁନ୍ଦା ।” 21ଏଦାକି ଏୱାଞ୍ଜି ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ହାଦାଡ଼ି ଟିକ୍ନା ପୁଞ୍ଜେହେଃଲ୍ଲେରି ?”
ଜିସୁ ବେତ୍ସାଇଦା ଗାଡ଼ାନାଜୁତି ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ନେହି କିଅନ୍
22ଡେଗ୍ଗା ଜିସୁ ଆଟେ ତା ଗ୍ରାମ୍ବାଗାଟାରି ବେତ୍ସାଇଦା ଗାଡ଼ାନାଜୁଇନ୍ଦା ୱାତେରି । ଆଟେ ଦାଲ୍ଲା ରଃଅଞ୍ଜି କାଡ଼ାଙ୍ଗ୍ଗାଟାଞ୍ଜିକି ତା ରେଃଏସ୍ ତାଚ୍ଚାନ୍ କାଡ଼ାଙ୍ଗ୍ଗାଟାଞ୍ଜିକି ଡିଗନ୍ ବାଗା ଜିସୁନିକି ଜିଗିତେରି । 23ଏଦାକି ଜିସୁ କାଡ଼ାଙ୍ଗ୍ଗାଟାଞ୍ଜ୍ତି କାଜ୍ଜୁ ଆହାନ୍ ନାଜୁଟିଆଟି କାଟକ୍ ଅତେଞ୍ଜି, ଆଟେ ତା କାଡ଼୍କାନାୱା ହୁପୁଡ଼୍ ମିସାନ୍ ଅଟେ ତା କୁଃଏଟି କାଜ୍ଜୁ କିଟ୍ଟାନ୍ ତାଙ୍ଗେ ୱେଚ୍ଚେଞ୍ଜି, “ନିନୁ ଇନ୍ନା ହୁଡ଼ନ୍ ମୁପିଞ୍ଜିମା ?” 24ଏୱାଞ୍ଜି ମେହାନ୍ ୱେସ୍ତେଞ୍ଜି, “ନାନୁ, କୁଇଙ୍ଗିଆ ହୁଡ଼େମାଃଇ, ମତ୍ର ଏୱାରିକି ତାକେନ୍ନି ମ୍ରାକା ଡେହେଙ୍ଗ୍ ହୁଡ଼େମାଃଇ ।” 25ଏମ୍ବାଟି ଜିସୁ ଆଟେ ୱାଡ଼େ ତା କାଡ଼୍କାନାୱା କାଜ୍ଜୁ ଇଟ୍ଟିତେଞ୍ଜି, ଏମ୍ୱାଟି ଏୱାଞ୍ଜି ନେହେନ୍ ହୁଡ଼ିତେଞ୍ଜି ଅଟେ ଏୱାଞ୍ଜି ନେହି ଆନ୍ ହାବେତ୍ କୁଲା ନେହେନ୍ ହୁଡ଼ନ୍ ମୁତେଞ୍ଜି । 26ଡେଗ୍ଗା ଜିସୁ ତାଙ୍ଗେ ତା ଇଜ୍ଜା ପାଣ୍ଡାନାହି ୱେସ୍ତେଞ୍ଜି, “ଇ ନାଜୁଇନ୍ଦା ହାଃଲ୍ଲା ।”
ପିତର ଜିସୁନିକି କ୍ରିସ୍ଟ ଇଞ୍ଜାନ୍ ୱେସ୍ପନ୍
(ମାତିଉ ୧୬:୧୩–୨୦; ଲୁକ ୯:୧୮–୨୧)
27ଏମ୍ୱାଟି ଜିସୁ ଅଟେ ତା ଗ୍ରାମ୍ୱାଗାଟାରି କାଇସରିଆ ପିଲିପି ରାଜି ଏସେନ୍ ମାନ୍ନି ନାସ୍କାଇନ୍ଦା ହାଚ୍ଚେରି, ଆଟେ ଗିଜ୍ଜୁତାୱା ଏୱାଞ୍ଜି ତା ଗ୍ରାମ୍ୱାଗାଟାରିକି ୱେନ୍ବନ୍ ମ୍ରାସ୍ତେଞ୍ଜି, “ନାନୁ ଏମ୍ୱେନାନୁ ଇଞ୍ଜାନ୍ ଦାଲ୍ଲା ଇନ୍ନା ଇଞ୍ଜିନ୍ନେରି ?” 28#ମାର୍କ ୬:୧୪,୧୫; ଲୁକ ୯:୭,୮ଏମ୍ୱାଟି ଏୱାରି ତାଙ୍ଗେ ୱେସ୍ତେରି, “ଡୁବନ୍ ହିଚ୍ଚି ଜହନ, ଆଟେ ଏମ୍ୱେ ଏମ୍ୱେ ଏଲିୟ, ମତ୍ର ତୁଲ୍ଲେତାରି ଇଞ୍ଜିନ୍ନେରି ବାବବାଦିଙ୍ଗ୍ତାୱାଟି ରଃଅଞ୍ଜି ।” 29#ଜହ ୬:୬୮,୬୯ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ମତ୍ର ନାନୁ ଏମ୍ୱେନାନୁ ଇଞ୍ଜାନ୍ ମିରୁ ଇଞ୍ଜିଞ୍ଜେରି ?” ପିତର ତାଙ୍ଗେ ୱେସ୍ତେଞ୍ଜି, “ନିନୁ କ୍ରିସ୍ଟ ।” 30ଏମ୍ୱାଟି ଜିସୁ ଏୱାରିକି ତା କାତା ଇନ୍ଦାରିକି ଇନାୱାଡ଼େ ୱେଃସାନ୍ ବାଗା ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି ।
ଜିସୁ ତା ହାଅନ୍ତି କୁଲାଟି ୱେସ୍ପନ୍
(ମାତିଉ ୧୬:୨୧–୨୮; ଲୁକ ୯:୨୨–୨୭)
31ଆଟେ ଜିସୁ ଏୱାରିକି ଗ୍ରାପନ୍ ମ୍ରାସ୍ତେଞ୍ଜି ଜେ, “କୁଏଞ୍ଜି ମ୍ରିଃଏଞ୍ଜି ନିଜ୍ଜାନେଃଏ ଦୁଃକ ପାଁନେଞ୍ଜି ଅଟେ ଗାମିନାରି, ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ତାୱାଟି ଅଗ୍ରାହ୍ୟ ଆନେଞ୍ଜି ଅଟେ ତାଙ୍ଗେ ପାଗିନେରି, ମତ୍ର ତାନୁ ମୁ ଦିନାଟି ରିହିକ୍ ନିଙ୍ଗିନେଞ୍ଜି ।” 32ଇ କାତା ଜିସୁ ନେହେନ୍ ୱେସ୍ପନେଃଏ, ପିତର ଜିସୁନିକି ବିହିଇନ୍ଦା ଆର୍ଚାନ୍ ଇହିଙ୍ଗିସି ୱେଙ୍ଗାନ୍ ୱେସ୍ତେଞ୍ଜି, ଏଦି ନି ପାଟ୍ଟି ଗଟି ଆଃଆକାଦି । 33ମତ୍ର ଜିସୁ ମ୍ଲିଆନ୍ ତା ଗ୍ରାମ୍ୱାଗାଟାରିକି ହୁଡ଼ାନ୍ ପିତରନିକି ୱ୍ଲିଚାନ୍ ୱେସ୍ତେଞ୍ଜି, “ନା ତାୱାଟି ଦେହା ହାଲ୍ମୁ ସଇତାନ, ଇନାକି ନିନୁ ମୁଲାପେନୁ କୁଲାଟି ଏଲୁ କିଃଏଟେଃଏ କୁଇଙ୍ଗ୍ କୁଲାଟି ଏଲୁ କିଞ୍ଜି ।”
34 #
ମାତି ୧୦:୩୮; ଲୁକ ୧୪:୨୭ ଏମ୍ୱାଟି ଏୱାଞ୍ଜି ତା ଗ୍ରାମ୍ୱାଗାଟାରି ଡ଼ାହି ଦାଲ୍ଲାତିଦି ହାବେ ରେଃଏସ୍ ଆର୍ଚାନ୍ ୱେସ୍ତେଞ୍ଜି, “ଏମ୍ୱେନାଞ୍ଜି ଜଦି ନା ବେତଟ୍ ୱାଅନ୍ ବାଗା ଇଚ୍ଚା କିନ୍ନେଞ୍ଜି, ଏହେଙ୍ଗ୍ ଆତେସି ଏୱାଞ୍ଜି ତା ଗାଣ୍ଡି ବ୍ଡୁଜ୍ଜାକାଞ୍ଜି, ଆଟେ ତା କ୍ରୁସ ଡେକାନ୍ ନା ବେତଟ୍ ୱାପାକାଞ୍ଜି । 35#ମାତି ୧୦:୩୯; ଲୁକ ୧୭:୩୩; ଜହ ୧୨:୨୫ଇନାକି ଏମ୍ୱେନାଞ୍ଜି ତା ପରନ୍ ନିପନ୍ ବାଗା ସେସ୍ଟା କିନ୍ନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁଃଏଞ୍ଜି; ମତ୍ର ଏମ୍ୱେନାଞ୍ଜିକି ନା ବାଗା ଅଟେ ସୁସମାଚାର ବାଗାଟି ତା ପରନ୍ ହିନେଞ୍ଜି, ଏୱାଞ୍ଜି ଏଦା ରକ୍ୟା କିଅନ୍ ମୁନେଞ୍ଜି । 36ଆଟେ କୁଏଞ୍ଜି ଜଦି ପୁର୍ତି ହାବେ ଜିତି ଆନାହି ତା ପରନ୍ ରକ୍ୟା କିଅନ୍ ମୁପେହେଃଲ୍ଲେଞ୍ଜି ଇଚ୍ଚେସି, ତାନ୍ଦି ଇନ୍ନି ଲାବା ? 37ଆଟେ କୁଏଞ୍ଜି ତା ପରନ୍ ପାଁନ୍ବନ୍ ବାଗା ଇନ୍ନି କୁଲା ହିଅନ୍ ମୁନେଞ୍ଜି ? 38ଏଦାକି ଏମ୍ୱେନାଞ୍ଜି ଇ କାଲାତି ଦାରି ଅଟେ ପାପିଗାଟି ଦାଲ୍ଲା ନକେସି ନାଙ୍ଗେ ଅଟେ ନା ବାକ୍ୟ କୁଲାଟି ଲେଜ୍ଜା ଆଇନ୍ନେଞ୍ଜି, ଇଚ୍ଚେସି କୁଏଞ୍ଜ୍ ମ୍ରିଃଏଞ୍ଜି ଏଚ୍ଚିକିଃଆ ଆବା ଅଟେ ପିର୍ନି ଦୁତଙ୍ଗ୍ତି ମହିମାଟି ୱାନେଞ୍ଜି, ଏଚିତୁକାତାୱା ଏୱାଞ୍ଜି ୱାଡ଼େ ଏୱାଞ୍ଜ୍ତି କୁଲାଟି ଲେଜ୍ଜା ଆନେଞ୍ଜି ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0