ମାର୍କ 4
4
ବିଚ୍ଚା ମାଟ୍ଟନ୍ତାଞ୍ଜିତି ତୁକାଙ୍ଗାତା
(ମାତିଉ ୧୩:୧–୯; ଲୁକ ୮:୪–୮)
1 #
ଲୁକ ୫:୧–୩
ଜିସୁ ଗାଲିଲି ସାମ୍ନ୍ଦେର୍ ଗ୍ରିଆତାୱା ରିହିକ୍ ଗ୍ରାପନ୍ ମ୍ରାସ୍ତେଞ୍ଜି, ଆଟେ ଏଦିମ୍ୱା ଇହିଙ୍ଗିସି ଗାପ୍ଚି ଦାଲ୍ଲା ତା ରେଃଏସ୍ ଉଜିତେରି ଜେ, ଜିସୁ ସାମ୍ନ୍ଦେର୍ ଗ୍ରିଆ ଏଜୁତାୱା ମାଚ୍ଚି ରଣ୍ଡା ଡଙ୍ଗାତାୱା ହାଜ୍ଜାନ୍ କକ୍ତେଞ୍ଜି ଅଟେ ଦାଲ୍ଲା ହାବେ ସାମ୍ନ୍ଦେର୍ ଗ୍ରିଆତାୱା ବାସାଆତେରି । 2ଏଚ୍ଚିକିଃଆ ଏୱାଞ୍ଜି ରଣ୍ଡା ତୁକାଙ୍ଗାତାଟି ଏୱାରିକି ବିହି ବିହି କୁଲା ଗ୍ରାପନ୍ ମ୍ରାସ୍ତେଞ୍ଜି, ଏଚିତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି,
3“ହୁଡ଼ାଟୁ, ରଃଅଞ୍ଜି ବିଚ୍ଚା ମାଟ୍ଟନ୍ତାଞ୍ଜି ମାଟ୍ଟନ୍ ବାଗା ହତେଞ୍ଜି । 4ଏୱାଞ୍ଜି ମାଟ୍ଟି ମାଟ୍ଟି ଏଚ୍ଚଡ଼୍ ବିଚ୍ଚା ଗିଜ୍ଜୁ ରେଃଏସ୍ ଦିତୁ, ଆଟେ ପଟ୍ଟାଙ୍ଗ୍ ୱାନ୍ ଏ ବିଚ୍ଚାତିଦି ତିଚ୍ଚୁ । 5ଆଟେ ଏଚ୍ଚଡ଼୍ ବିଚ୍ଚା ୱାଲ୍ଲିତ୍ ମାନ୍ନି ୱିର୍ରାତାୱା#୪:୫ ୱାଲ୍ଲି ୱିର୍ରାତାୱା ଇଚ୍ଚେସି ୱାଲ୍ଲିବୁରୁ କୁଃଏଟି ହିତେ ୱିର୍ରା ମାନ୍ନି ଗର୍ରି । ଦିତୁ ଅଟେ ଏଗେଲ୍ ୱିର୍ରା ହେଃଲ୍ଲାତାୱାଟି କାର୍ବେକ୍ କଡ଼ ଆତୁ, 6ମତ୍ର ୱେଲା ହପନେଃଏ କାର୍ରା ରାଗ୍ଗାଟି ଦୁକିତୁ ଅଟେ ହିର୍କା ପିତା ହେଃଲ୍ଲାତାୱାଟି ୱାଚ୍ଚିତୁ । 7ଆଟେ ଏଚ୍ଚଡ଼୍ ବିଚ୍ଚା ହାପ୍କା ଲାଟ୍ଟିତାୱା ଦିତୁ, ଆଟେ ହାପ୍କା ଲାଟ୍ଟି ବାଡ୍ଡି ଆନ୍ ଏ ବିଚ୍ଚାତିଦି ନାଚ୍ଚିତୁ । ଏମ୍ୱାଟି ଏୱା ଇନ୍ନା ଆଗନ୍ ମୁଃଆତୁ । 8ଆଟେ ଏଚ୍ଚଡ଼୍ ବିଚ୍ଚା ନେହି ୱିର୍ରାତାୱା ଦିତୁ, ଏୱା କଡ଼ ଆନାହି ବାଡ୍ଡିଆତୁ, ଆଟେ କଡ଼େକ୍ ଦାସା ଦୁଗୁଡ଼୍, ମୁ କୁଡ଼ି ଦୁଗୁଡ଼୍ ଅଟେ ସେଙ୍ଗୁଡ଼ି ଦୁଗୁଡ଼୍ ଆଗିତୁ ।”
9ଏମ୍ବାଟି ଏୱାଞ୍ଜି ୱେସ୍ତେଞ୍ଜି, “ଇନ୍ଦାରିଆ ୱେନ୍ବନ୍ ବାଗା କ୍ରିକା ମାନ୍ନୁ ଏୱାଞ୍ଜି ୱେନ୍ନାକାଞ୍ଜି ।”
ତୁକାଙ୍ଗାତାତି ଉଦେସ
(ମାତିଉ ୧୩:୧୦–୧୭; ଲୁକ ୮:୯–୧୦)
10ଜିସୁ ରଃଅଞ୍ଜେଃଏ ମାଚ୍ଚି ତୁକାତାୱା ତା ବାରାଗାଣ୍ଡି ଗ୍ରାମ୍ୱାଗାଟାରି ଅଟେ ତା ଡ଼ାହି ମାଚ୍ଚି ବିହି ଦାଲ୍ଲା ତାଙ୍ଗେ ଏ ତୁକାଙ୍ଗାତା କୁଲାଟି ୱେନ୍ବନ୍ ମ୍ରାସ୍ତେରି । 11ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ମୁଲାପେନୁ ରାଜିତି ଲାଃଇତ୍ କାତା ପୁନ୍ବନ୍ ବାଗା, ମିଙ୍ଗେ ବଲ ହିୱାଆଞ୍ଜାନେ, ମତ୍ର ବିହି ଦାଲ୍ଲାନିକି ହାବେତ୍ କୁଲା ତୁକାଙ୍ଗାତାଟି ୱେସ୍ପା ଆଇନେ ।” 12ଇନିସ୍କି
ଏୱାରି ହୁଡ଼ି ହୁଡ଼ି
ପୁଞ୍ଜେହେଃଲ୍ଲେରି,
ଆଟେ ୱେଞ୍ଜି ୱେଞ୍ଜି
ବୁଜ୍ଜି ଆଏହେଃଲ୍ଲେରି,
ଜଦି ଏୱାରି ନିଜ୍ଜାନେଃଏ ୱେନ୍ନେର୍ମା ଅଟେ ବୁଜ୍ଜି ଆନ୍ନେର୍ମା ଇଚ୍ଚେସି ମୁଲାପେନୁ ଟାକ୍କେ ୱ୍ଡେଚାନ୍ ୱାନେର୍ମା,
ଅଟେ ମାକ୍ସାଡ଼ି ପାଁନେର୍ମା ।
ଜିସୁ ବିଚ୍ଚା ମାଟ୍ଟନ୍ତାଞ୍ଜିତି ତୁକାଙ୍ଗାତାତି ଅର୍ତ ୱେସ୍ପନ୍
(ମାତିଉ ୧୩:୧୮–୨୩; ଲୁକ ୮:୧୧–୧୫)
13ଜିସୁ ଆଟେ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ଇ ତୁକାଙ୍ଗାତାତି ଅର୍ତ ପୁଞ୍ଜେହେଃଲ୍ଲେରି ? ଏହେଙ୍ଗ୍ ଆତେସି ଇନିସ୍ ହାବେତ୍ ତୁକାଙ୍ଗାତାତି ଅର୍ତ ପୁଞ୍ଜେରି ? 14ମୁଲାପେନୁତି ଆଙ୍ଗୁଲ୍ଗାଟାଞ୍ଜି ଆଇନ୍ନେଞ୍ଜି ବିଚ୍ଚା ମାଟ୍ଟନ୍ତାଞ୍ଜି ଡେହେଙ୍ଗ୍, ଏମ୍ବେନାଞ୍ଜିକି ବାକ୍ୟ ମାଟ୍ଟେନ୍ନେଞ୍ଜି । 15ଏମ୍ବେନାରି ବାକ୍ୟ ୱେଞ୍ଜିନ୍ନେରି, ଆଟେ ଏଚିୱାଡ଼େ ସଇତାନ ୱାନାହି ମାଟ୍ଟାଚ୍ଚି ବାକ୍ୟ ଏୱାର୍ତାୱାଟି ମିଞ୍ଜାନ୍ ଅଇନେ । ଏୱାରି ପାହେର୍ ଗ୍ରିଆତି ୱିର୍ରା ଡେହେଙ୍ଗ୍ । 16ଏହେଙ୍ଗିସି ତୁଲ୍ଲେତାରି ବାକ୍ୟ ୱେଞ୍ଜିନ୍ନେରି ଆଟେ ଏଚିୱାଡ଼େ ରାହାଙ୍ଗିଃଆଟି ଏଦା ହଡାଙ୍ଗିଃଆ ଅଇନ୍ନେରି, 17ମତ୍ର ଏୱାର୍ତାୱା ଏ ବାକ୍ୟତି ହିର୍କା ପିତାତାୱାଟି ଏଗେଲ୍ ଦିନା ରଞ୍ଜାନ୍ ବାସା ଆଅନ୍ ମୁପେହେଃଲ୍ଲେରି, ଆଟେ ଏଚ୍ଚେକ୍ ଏଦାବାଗା ଅଡ୍ଡନ୍ କି ବିହାନପୁ ୱାତେସି ଏଚିୱାଡ଼େ ଏୱାରି ବେତକ୍ ୱ୍ଡେନେରି, ଏୱାରି ୱାଲ୍ଲିତ୍ ମାନ୍ନି ୱିର୍ରା ଡେହେଙ୍ଗ୍ । 18ଏମ୍ବେନାରି ବାକ୍ୟ ୱେଞ୍ଜିନ୍ନେରି, ଏୱାରି ଆଇନ୍ନେରି ହାପ୍କା ମାନ୍ନି ୱିର୍ରା ଡେହେଙ୍ଗ୍ । 19ଆଟେ ଏୱାରିକି ପୁର୍ତିତି ଚିନ୍ତା, ଦନତି ବାଉଡ଼ି ଅଟେ ହାବେତ୍ କୁଲାତି ଲୁବୁ ବାକ୍ୟତିଦି ନାଚ୍ଚାନ୍ କିଟ୍ଟେନ୍ନେ, ଏଦାକି ଏୱା ଏଚ୍ଚେକ୍ ୱାଡ଼େ ଆଗନ୍ ମୁପେହେଃଲ୍ଲ। 20ଆଟେ ଏମ୍ବେନାରିକି ବାକ୍ୟ ୱେଞ୍ଜାନାହି ଏଦା ହଡାଙ୍ଗିଃଆ ଇଟ୍ଟେନ୍ନେରି, ଏୱାରି କଡ଼େକ୍ ଦାସା ଦୁଗୁଡ଼୍, ମୁ କୁଡ଼ି ଦୁଗୁଡ଼୍ ଅଟେ ସେଙ୍ଗୁଡ଼ି ଦୁଗୁଡ଼୍ କାଉ ଆଗେନ୍ନେରି, ଏୱାରି ନେହି ୱିର୍ରା ଡେହେଙ୍ଗ୍ ।”
ମାଡ଼ା ନେତେ ଡୁବ୍ବି
(ଲୁକ ୮:୧୬–୧୮)
21 #
ମାତି ୫:୧୫; ଲୁକ ୧୧:୩୩ ଜିସୁ ରିହିକ୍ ଏୱାରିକି ୱେସ୍ତେଞ୍ଜି, “ଏମ୍ୱେନାଞ୍ଜି ଏଚ୍ଚେକ୍ ଡୁବ୍ବି ପ୍ରୁସାନାହି ଇନ୍ନା ମାଡ଼ା ନେତେ କି ଗାଡ୍ଡେଲ୍ ନେତେ ଇଟ୍ଟେନ୍ନେଞ୍ଜି ? ଡୁବ୍ବି ଇଟ୍ଟନ୍ତି ଗର୍ରିତାୱା ଇଟ୍ଟନ୍ ବାଗାଟି ଏଦା ତାପନ୍ ଆହେଃଲ୍ଲେମା ? 22#ମାତି ୧୦:୨୬; ଲୁକ ୧୨:୨ଇନାକି ଇନ୍ନିକୁଲା ପଙ୍ଗେଟେଃଏ ବାସା ଆଅନ୍ ବାଗା ହୁଟ୍ଟାନାହି ହେଃଲ୍ଲେ, ଆଟେ ଇନ୍ନିକୁଲା ହୁଟ୍ଟାନାହି ମାନ୍ନେ ଏଦି ନିଜ୍ଜାନେଃଏ ପଙ୍ଗିନେ । 23ଜଦି ଇନ୍ଦାରିକି ୱେନ୍ବନ୍ ବାଗା କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।”
24 #
ମାତି ୭:୨; ଲୁକ ୬:୩୮ ଜିସୁ ଆଟେ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱେଞ୍ଜିଞ୍ଜେରି, ଏ କୁଲାଟି ନେହେନ୍ ୱେଞ୍ଜୁ । ଇମ୍ୱିନାଦା ଡ଼ାହି ଡାଚିଦେରି, ଏଦା ଡ଼ାହି ମିଙ୍ଗେ ୱାଡ଼େ ଡାଚାଆନେ, ଅଟେ ମିଙ୍ଗେ ଏଗେଲ୍ ହିୱା ଆନେ । 25#ମାତି ୧୩:୧୨; ୨୫:୨୯; ଲୁକ ୧୯:୨୬ଇନାକି ଇନ୍ଦାରିକି ମାନ୍ନୁ, ଏୱାଞ୍ଜିକି ହିୱା ଆନେ, ଆଟେ ଇନ୍ଦାରିକି ହେଃଲ୍ଲ, ତା ରେଃଏସ୍ ଇନ୍ନି କୁଲା ମାନ୍ନୁ ଏଦା ୱାଡ଼େ ତା ତାୱାଟି ଅୱାଆନେ ।”
ବିଚ୍ଚା ନେଜାନ୍ ବାଡ୍ଡି ଆଅନ୍ତି ତୁକାଙ୍ଗାତା
26ଆଟେ ଏୱାଞ୍ଜି ୱେସ୍ତେଞ୍ଜି, “ମୁଲାପେନୁତି ରାଜି ଇହିଙ୍ଗ୍ତାଦି । ରଃଅଞ୍ଜି କୁଏଞ୍ଜି ପାଙ୍ଗାତାୱା ବିଚ୍ଚା ମାଟ୍ଟେନ୍ନେଞ୍ଜି । 27ଆଟେ ଡାଡ଼ିଙ୍ଗ୍ ହୁଞ୍ଜେନ୍ନେଞ୍ଜି ଅଟେ କାର୍ରାତାୱା ଜପିନ୍ନେଞ୍ଜି, ମତ୍ର ବିଚ୍ଚା ଇନିସ୍ ନେଜାନାହି ବାଡ୍ଡି ଆଇନେ, ଏଦା ଏୱାଞ୍ଜି ପୁଞ୍ଜେହେଃଲ୍ଲେଞ୍ଜି । 28ୱିର୍ରାନେଃଏ ମ୍ରାନୁତିଦି ନେଜି କିଆନ୍ ପଲ ଆଗି କିନ୍ନେ, କାହେ ଆକୁ, ଏମ୍ବାଟି ଗ୍ରେଙ୍ଗୁ, ଡେଗ୍ଗା କେରାତାୱା ୱେହା ବକ୍ନା ଆଇନେ । 29ମତ୍ର ୱେହା କାମ୍ୱାନାହି ରେଗାନ୍ଦୁକା ୱାତେସି, ଏଚିୱାଡ଼େ ଏୱାଞ୍ଜି କେଲେ#୪:୨୯ କେଲେ ଇଚ୍ଚେସି କାଟ୍ରା ୱାଡ଼େ ଇଞ୍ଜିନ୍ନେରି ଡ଼ାହି ୱେହା ରେଗେନ୍ନେଞ୍ଜି ।”
ରିଚ୍ଚ ପନ୍ନତି ତୁକାଙ୍ଗାତା
(ମାତିଉ ୧୩:୩୧–୩୨; ୧୩:୩୪; ଲୁକ ୧୩:୧୮–୧୯)
30ଆଟେ ଜିସୁ ୱେସ୍ତେଞ୍ଜି “ମାରୁ ଇନ୍ନି କୁଲା ଡ଼ାହି ମୁଲାପେନୁ ରାଜିତିଦି ତୁକା କିନା ?” ଆଟେ ଇମ୍ୱିନ୍ ତୁକାଙ୍ଗାତାଟି ଏଦା ଗ୍ରାପ୍ନା ? 31ମତ୍ର ମୁଲାପେନୁତି ରାଜି ରଣ୍ଡି ରିଚ୍ଚ ପନ୍ନ ଡେହେଙ୍ଗ୍, ଏଦି ପୁର୍ତିତାୱା ମାଟ୍ଟେନ୍ନି ହାବେତ୍ ପନ୍ନଙ୍ଗ୍ ତାୱାଟି ହିତାନାଦି, 32ମତ୍ର ମାଟ୍ଟିତେସି ଏଦି ବାଡ୍ଡିଆନ୍ ହାବେତ୍ କୁଚ୍ଚା ମ୍ରାକାତାୱାଟି ବେର୍ରାଦ୍ ଆଇନେ, ଆଟେ ଏ ମ୍ରାନୁ ଇହିଙ୍ଗ୍ ବେର୍ ବେର୍ କାମ୍ୱାଙ୍ଗ୍ ଆଇନେ ଜେ, ଜାଗ୍ଗୁତି ପଟ୍ଟାଙ୍ଗ୍ ବଡ଼ା ରହାନ୍ ଏ ମ୍ରାନୁତି ଡ଼ୁଗାତାୱା ବାସାଆଇନୁ ।
33ଜିସୁ ଇହିଙ୍ଗିସି ବିହି ବିହି ତୁକାଙ୍ଗାତାଟି ଏୱାର୍ତି ପୁନ୍ବନ୍ତି ବଲ ମାନ୍ନି ଏଚ୍ଚେ, ଏୱାରିକି ମୁଲାପେନୁତି ବାକ୍ୟ ୱେସ୍ପିଚ୍ଚେଞ୍ଜି । 34ଆଟେ ତୁକାଙ୍ଗାତା ପିହାନ୍ ଜିସୁ ଏୱାରିକି ଇନ୍ନି କାତା ୱେସ୍ପେହେଃଲ୍ଲାତେଞ୍ଜି । ମତ୍ର ଜିସୁ ମ୍ଡାମେସ୍ ତା ଗ୍ରାମ୍ୱାଗାଟାରିକି ହାବେତ୍ କୁଲା ନେହେନ୍ ବୁଜ୍ଜେ କିଚ୍ଚେଞ୍ଜି ।
ୱ୍ଲିକା ପିସ୍କା କୁଃଏଟି ଜିସୁତି ହକତ୍
(ମାତିଉ ୮:୨୩–୨୭; ଲୁକ ୮:୨୨–୨୫)
35ଏଚିୱେଲା ମିଡ୍ଡଡ଼୍ ଆଅନେଃଏ, ଜିସୁ ତା ଗ୍ରାମ୍ବାଗାଟାରିକି ୱେସ୍ତେଞ୍ଜି “ୱାଦୁ ସାମ୍ନ୍ଦେର୍ତି ଆନେଟ୍ ୱାଡୁ ହାନ୍ନା ।” 36ଏମ୍ୱାଟି ଗ୍ରାମ୍ୱାଗାଟାରି ଦାଲ୍ଲାନିକି ପିହାନ୍, ଜିସୁ ଇମ୍ୱିନ୍ ଡଙ୍ଗାତାୱା ମାଚ୍ଚେଞ୍ଜି, ଏମ୍ୱା ଏଙ୍ଗିତେରି ଅଟେ ଜିସୁନିକି ତା ଡ଼ାହି ଅତେରି, ଆଟେ ବିହି ଡଙ୍ଗାଙ୍ଗ୍ ୱାଡ଼େ ଏଦିମ୍ୱା ମାଚ୍ଚୁ । 37ଆଟେ ଏଗେଲ୍ ୱ୍ଲିକା ପିସ୍କା ଆତାୱିଃଆଟି, ଆଟେ ଲହଡ଼ା ଏଜୁଟି ଡଙ୍ଗା ନେଞ୍ଜନ୍ ମ୍ରାସ୍ତେ । 38ଏଚିତୁକାତାୱା ଏୱାଞ୍ଜି ଡଙ୍ଗାତି ଆଟେ ରକଟ୍ତି ମୁଜ୍ଜୁତାୱା ମୁଚ୍ଲା କିଆନ୍ ହୁଞ୍ଜାଚ୍ଚେଞ୍ଜି, ଆଟେ ଗ୍ରାମ୍ବାଗାଟାରି ତାଙ୍ଗେ ନିକ୍ଚାନ୍ ୱେସ୍ତେରି, “ଏ ଗ୍ରାପାଗାଟାତି, ମାମୁ ହାତାମୁ, ନିଙ୍ଗେ ଇନ୍ନା ମା କୁଲାଟି ଚିନ୍ତା ଆଃଏ ?”
39ଏମ୍ୱାଟି ଜିସୁ ନିଙ୍ଗାନ୍ ୱ୍ଲିକାତିଦି ଆଦେସ୍ ହିଆନ୍ ସାମ୍ନ୍ଦେର୍ତିଦି ୱେସ୍ତେଞ୍ଜି, “ଡାମ୍ନା ଲତ୍ନା ବାସାଆମୁ ।” ଏମ୍ୱାଟି ୱ୍ଲିକା ଡାମ୍ ଇଚ୍ଚୁ ଅଟେ ହାବେ କିନ୍ଲତ୍ ଇଚ୍ଚୁ । 40ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ବାଗା ଇଚେ ଆଜ୍ଜେଞ୍ଜେରି ? ହାଦାଡ଼ି ଟିକ୍ନା ମି ତାୱା ମାଞ୍ଜାଡ଼ି ହେଃଲ୍ଲେମା ?”
41ଏମ୍ୱାଟି ଏୱାରି ଗାପ୍ଚି ଆଜ୍ଜାନାହି ତାରୁ ତାରୁ ୱେସ୍ପିଆତେରି, ଏହେଙ୍ଗ୍ ଆତେସି ଇୱାଞ୍ଜି ଏମ୍ୱେନାଞ୍ଜି ଜେ, ୱ୍ଲିକା ଅଟେ ସାମ୍ନ୍ଦେର୍ ୱାଡ଼େ ଇୱାଞ୍ଜ୍ତି କାତା ମାନି ଆଇନୁ ।
Právě zvoleno:
ମାର୍କ 4: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 4
4
ବିଚ୍ଚା ମାଟ୍ଟନ୍ତାଞ୍ଜିତି ତୁକାଙ୍ଗାତା
(ମାତିଉ ୧୩:୧–୯; ଲୁକ ୮:୪–୮)
1 #
ଲୁକ ୫:୧–୩
ଜିସୁ ଗାଲିଲି ସାମ୍ନ୍ଦେର୍ ଗ୍ରିଆତାୱା ରିହିକ୍ ଗ୍ରାପନ୍ ମ୍ରାସ୍ତେଞ୍ଜି, ଆଟେ ଏଦିମ୍ୱା ଇହିଙ୍ଗିସି ଗାପ୍ଚି ଦାଲ୍ଲା ତା ରେଃଏସ୍ ଉଜିତେରି ଜେ, ଜିସୁ ସାମ୍ନ୍ଦେର୍ ଗ୍ରିଆ ଏଜୁତାୱା ମାଚ୍ଚି ରଣ୍ଡା ଡଙ୍ଗାତାୱା ହାଜ୍ଜାନ୍ କକ୍ତେଞ୍ଜି ଅଟେ ଦାଲ୍ଲା ହାବେ ସାମ୍ନ୍ଦେର୍ ଗ୍ରିଆତାୱା ବାସାଆତେରି । 2ଏଚ୍ଚିକିଃଆ ଏୱାଞ୍ଜି ରଣ୍ଡା ତୁକାଙ୍ଗାତାଟି ଏୱାରିକି ବିହି ବିହି କୁଲା ଗ୍ରାପନ୍ ମ୍ରାସ୍ତେଞ୍ଜି, ଏଚିତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି,
3“ହୁଡ଼ାଟୁ, ରଃଅଞ୍ଜି ବିଚ୍ଚା ମାଟ୍ଟନ୍ତାଞ୍ଜି ମାଟ୍ଟନ୍ ବାଗା ହତେଞ୍ଜି । 4ଏୱାଞ୍ଜି ମାଟ୍ଟି ମାଟ୍ଟି ଏଚ୍ଚଡ଼୍ ବିଚ୍ଚା ଗିଜ୍ଜୁ ରେଃଏସ୍ ଦିତୁ, ଆଟେ ପଟ୍ଟାଙ୍ଗ୍ ୱାନ୍ ଏ ବିଚ୍ଚାତିଦି ତିଚ୍ଚୁ । 5ଆଟେ ଏଚ୍ଚଡ଼୍ ବିଚ୍ଚା ୱାଲ୍ଲିତ୍ ମାନ୍ନି ୱିର୍ରାତାୱା#୪:୫ ୱାଲ୍ଲି ୱିର୍ରାତାୱା ଇଚ୍ଚେସି ୱାଲ୍ଲିବୁରୁ କୁଃଏଟି ହିତେ ୱିର୍ରା ମାନ୍ନି ଗର୍ରି । ଦିତୁ ଅଟେ ଏଗେଲ୍ ୱିର୍ରା ହେଃଲ୍ଲାତାୱାଟି କାର୍ବେକ୍ କଡ଼ ଆତୁ, 6ମତ୍ର ୱେଲା ହପନେଃଏ କାର୍ରା ରାଗ୍ଗାଟି ଦୁକିତୁ ଅଟେ ହିର୍କା ପିତା ହେଃଲ୍ଲାତାୱାଟି ୱାଚ୍ଚିତୁ । 7ଆଟେ ଏଚ୍ଚଡ଼୍ ବିଚ୍ଚା ହାପ୍କା ଲାଟ୍ଟିତାୱା ଦିତୁ, ଆଟେ ହାପ୍କା ଲାଟ୍ଟି ବାଡ୍ଡି ଆନ୍ ଏ ବିଚ୍ଚାତିଦି ନାଚ୍ଚିତୁ । ଏମ୍ୱାଟି ଏୱା ଇନ୍ନା ଆଗନ୍ ମୁଃଆତୁ । 8ଆଟେ ଏଚ୍ଚଡ଼୍ ବିଚ୍ଚା ନେହି ୱିର୍ରାତାୱା ଦିତୁ, ଏୱା କଡ଼ ଆନାହି ବାଡ୍ଡିଆତୁ, ଆଟେ କଡ଼େକ୍ ଦାସା ଦୁଗୁଡ଼୍, ମୁ କୁଡ଼ି ଦୁଗୁଡ଼୍ ଅଟେ ସେଙ୍ଗୁଡ଼ି ଦୁଗୁଡ଼୍ ଆଗିତୁ ।”
9ଏମ୍ବାଟି ଏୱାଞ୍ଜି ୱେସ୍ତେଞ୍ଜି, “ଇନ୍ଦାରିଆ ୱେନ୍ବନ୍ ବାଗା କ୍ରିକା ମାନ୍ନୁ ଏୱାଞ୍ଜି ୱେନ୍ନାକାଞ୍ଜି ।”
ତୁକାଙ୍ଗାତାତି ଉଦେସ
(ମାତିଉ ୧୩:୧୦–୧୭; ଲୁକ ୮:୯–୧୦)
10ଜିସୁ ରଃଅଞ୍ଜେଃଏ ମାଚ୍ଚି ତୁକାତାୱା ତା ବାରାଗାଣ୍ଡି ଗ୍ରାମ୍ୱାଗାଟାରି ଅଟେ ତା ଡ଼ାହି ମାଚ୍ଚି ବିହି ଦାଲ୍ଲା ତାଙ୍ଗେ ଏ ତୁକାଙ୍ଗାତା କୁଲାଟି ୱେନ୍ବନ୍ ମ୍ରାସ୍ତେରି । 11ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “ମୁଲାପେନୁ ରାଜିତି ଲାଃଇତ୍ କାତା ପୁନ୍ବନ୍ ବାଗା, ମିଙ୍ଗେ ବଲ ହିୱାଆଞ୍ଜାନେ, ମତ୍ର ବିହି ଦାଲ୍ଲାନିକି ହାବେତ୍ କୁଲା ତୁକାଙ୍ଗାତାଟି ୱେସ୍ପା ଆଇନେ ।” 12ଇନିସ୍କି
ଏୱାରି ହୁଡ଼ି ହୁଡ଼ି
ପୁଞ୍ଜେହେଃଲ୍ଲେରି,
ଆଟେ ୱେଞ୍ଜି ୱେଞ୍ଜି
ବୁଜ୍ଜି ଆଏହେଃଲ୍ଲେରି,
ଜଦି ଏୱାରି ନିଜ୍ଜାନେଃଏ ୱେନ୍ନେର୍ମା ଅଟେ ବୁଜ୍ଜି ଆନ୍ନେର୍ମା ଇଚ୍ଚେସି ମୁଲାପେନୁ ଟାକ୍କେ ୱ୍ଡେଚାନ୍ ୱାନେର୍ମା,
ଅଟେ ମାକ୍ସାଡ଼ି ପାଁନେର୍ମା ।
ଜିସୁ ବିଚ୍ଚା ମାଟ୍ଟନ୍ତାଞ୍ଜିତି ତୁକାଙ୍ଗାତାତି ଅର୍ତ ୱେସ୍ପନ୍
(ମାତିଉ ୧୩:୧୮–୨୩; ଲୁକ ୮:୧୧–୧୫)
13ଜିସୁ ଆଟେ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ଇ ତୁକାଙ୍ଗାତାତି ଅର୍ତ ପୁଞ୍ଜେହେଃଲ୍ଲେରି ? ଏହେଙ୍ଗ୍ ଆତେସି ଇନିସ୍ ହାବେତ୍ ତୁକାଙ୍ଗାତାତି ଅର୍ତ ପୁଞ୍ଜେରି ? 14ମୁଲାପେନୁତି ଆଙ୍ଗୁଲ୍ଗାଟାଞ୍ଜି ଆଇନ୍ନେଞ୍ଜି ବିଚ୍ଚା ମାଟ୍ଟନ୍ତାଞ୍ଜି ଡେହେଙ୍ଗ୍, ଏମ୍ବେନାଞ୍ଜିକି ବାକ୍ୟ ମାଟ୍ଟେନ୍ନେଞ୍ଜି । 15ଏମ୍ବେନାରି ବାକ୍ୟ ୱେଞ୍ଜିନ୍ନେରି, ଆଟେ ଏଚିୱାଡ଼େ ସଇତାନ ୱାନାହି ମାଟ୍ଟାଚ୍ଚି ବାକ୍ୟ ଏୱାର୍ତାୱାଟି ମିଞ୍ଜାନ୍ ଅଇନେ । ଏୱାରି ପାହେର୍ ଗ୍ରିଆତି ୱିର୍ରା ଡେହେଙ୍ଗ୍ । 16ଏହେଙ୍ଗିସି ତୁଲ୍ଲେତାରି ବାକ୍ୟ ୱେଞ୍ଜିନ୍ନେରି ଆଟେ ଏଚିୱାଡ଼େ ରାହାଙ୍ଗିଃଆଟି ଏଦା ହଡାଙ୍ଗିଃଆ ଅଇନ୍ନେରି, 17ମତ୍ର ଏୱାର୍ତାୱା ଏ ବାକ୍ୟତି ହିର୍କା ପିତାତାୱାଟି ଏଗେଲ୍ ଦିନା ରଞ୍ଜାନ୍ ବାସା ଆଅନ୍ ମୁପେହେଃଲ୍ଲେରି, ଆଟେ ଏଚ୍ଚେକ୍ ଏଦାବାଗା ଅଡ୍ଡନ୍ କି ବିହାନପୁ ୱାତେସି ଏଚିୱାଡ଼େ ଏୱାରି ବେତକ୍ ୱ୍ଡେନେରି, ଏୱାରି ୱାଲ୍ଲିତ୍ ମାନ୍ନି ୱିର୍ରା ଡେହେଙ୍ଗ୍ । 18ଏମ୍ବେନାରି ବାକ୍ୟ ୱେଞ୍ଜିନ୍ନେରି, ଏୱାରି ଆଇନ୍ନେରି ହାପ୍କା ମାନ୍ନି ୱିର୍ରା ଡେହେଙ୍ଗ୍ । 19ଆଟେ ଏୱାରିକି ପୁର୍ତିତି ଚିନ୍ତା, ଦନତି ବାଉଡ଼ି ଅଟେ ହାବେତ୍ କୁଲାତି ଲୁବୁ ବାକ୍ୟତିଦି ନାଚ୍ଚାନ୍ କିଟ୍ଟେନ୍ନେ, ଏଦାକି ଏୱା ଏଚ୍ଚେକ୍ ୱାଡ଼େ ଆଗନ୍ ମୁପେହେଃଲ୍ଲ। 20ଆଟେ ଏମ୍ବେନାରିକି ବାକ୍ୟ ୱେଞ୍ଜାନାହି ଏଦା ହଡାଙ୍ଗିଃଆ ଇଟ୍ଟେନ୍ନେରି, ଏୱାରି କଡ଼େକ୍ ଦାସା ଦୁଗୁଡ଼୍, ମୁ କୁଡ଼ି ଦୁଗୁଡ଼୍ ଅଟେ ସେଙ୍ଗୁଡ଼ି ଦୁଗୁଡ଼୍ କାଉ ଆଗେନ୍ନେରି, ଏୱାରି ନେହି ୱିର୍ରା ଡେହେଙ୍ଗ୍ ।”
ମାଡ଼ା ନେତେ ଡୁବ୍ବି
(ଲୁକ ୮:୧୬–୧୮)
21 #
ମାତି ୫:୧୫; ଲୁକ ୧୧:୩୩ ଜିସୁ ରିହିକ୍ ଏୱାରିକି ୱେସ୍ତେଞ୍ଜି, “ଏମ୍ୱେନାଞ୍ଜି ଏଚ୍ଚେକ୍ ଡୁବ୍ବି ପ୍ରୁସାନାହି ଇନ୍ନା ମାଡ଼ା ନେତେ କି ଗାଡ୍ଡେଲ୍ ନେତେ ଇଟ୍ଟେନ୍ନେଞ୍ଜି ? ଡୁବ୍ବି ଇଟ୍ଟନ୍ତି ଗର୍ରିତାୱା ଇଟ୍ଟନ୍ ବାଗାଟି ଏଦା ତାପନ୍ ଆହେଃଲ୍ଲେମା ? 22#ମାତି ୧୦:୨୬; ଲୁକ ୧୨:୨ଇନାକି ଇନ୍ନିକୁଲା ପଙ୍ଗେଟେଃଏ ବାସା ଆଅନ୍ ବାଗା ହୁଟ୍ଟାନାହି ହେଃଲ୍ଲେ, ଆଟେ ଇନ୍ନିକୁଲା ହୁଟ୍ଟାନାହି ମାନ୍ନେ ଏଦି ନିଜ୍ଜାନେଃଏ ପଙ୍ଗିନେ । 23ଜଦି ଇନ୍ଦାରିକି ୱେନ୍ବନ୍ ବାଗା କ୍ରିକା ମାନ୍ନୁ, ଏୱାଞ୍ଜି ୱେନ୍ନାକାଞ୍ଜି ।”
24 #
ମାତି ୭:୨; ଲୁକ ୬:୩୮ ଜିସୁ ଆଟେ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ୱେଞ୍ଜିଞ୍ଜେରି, ଏ କୁଲାଟି ନେହେନ୍ ୱେଞ୍ଜୁ । ଇମ୍ୱିନାଦା ଡ଼ାହି ଡାଚିଦେରି, ଏଦା ଡ଼ାହି ମିଙ୍ଗେ ୱାଡ଼େ ଡାଚାଆନେ, ଅଟେ ମିଙ୍ଗେ ଏଗେଲ୍ ହିୱା ଆନେ । 25#ମାତି ୧୩:୧୨; ୨୫:୨୯; ଲୁକ ୧୯:୨୬ଇନାକି ଇନ୍ଦାରିକି ମାନ୍ନୁ, ଏୱାଞ୍ଜିକି ହିୱା ଆନେ, ଆଟେ ଇନ୍ଦାରିକି ହେଃଲ୍ଲ, ତା ରେଃଏସ୍ ଇନ୍ନି କୁଲା ମାନ୍ନୁ ଏଦା ୱାଡ଼େ ତା ତାୱାଟି ଅୱାଆନେ ।”
ବିଚ୍ଚା ନେଜାନ୍ ବାଡ୍ଡି ଆଅନ୍ତି ତୁକାଙ୍ଗାତା
26ଆଟେ ଏୱାଞ୍ଜି ୱେସ୍ତେଞ୍ଜି, “ମୁଲାପେନୁତି ରାଜି ଇହିଙ୍ଗ୍ତାଦି । ରଃଅଞ୍ଜି କୁଏଞ୍ଜି ପାଙ୍ଗାତାୱା ବିଚ୍ଚା ମାଟ୍ଟେନ୍ନେଞ୍ଜି । 27ଆଟେ ଡାଡ଼ିଙ୍ଗ୍ ହୁଞ୍ଜେନ୍ନେଞ୍ଜି ଅଟେ କାର୍ରାତାୱା ଜପିନ୍ନେଞ୍ଜି, ମତ୍ର ବିଚ୍ଚା ଇନିସ୍ ନେଜାନାହି ବାଡ୍ଡି ଆଇନେ, ଏଦା ଏୱାଞ୍ଜି ପୁଞ୍ଜେହେଃଲ୍ଲେଞ୍ଜି । 28ୱିର୍ରାନେଃଏ ମ୍ରାନୁତିଦି ନେଜି କିଆନ୍ ପଲ ଆଗି କିନ୍ନେ, କାହେ ଆକୁ, ଏମ୍ବାଟି ଗ୍ରେଙ୍ଗୁ, ଡେଗ୍ଗା କେରାତାୱା ୱେହା ବକ୍ନା ଆଇନେ । 29ମତ୍ର ୱେହା କାମ୍ୱାନାହି ରେଗାନ୍ଦୁକା ୱାତେସି, ଏଚିୱାଡ଼େ ଏୱାଞ୍ଜି କେଲେ#୪:୨୯ କେଲେ ଇଚ୍ଚେସି କାଟ୍ରା ୱାଡ଼େ ଇଞ୍ଜିନ୍ନେରି ଡ଼ାହି ୱେହା ରେଗେନ୍ନେଞ୍ଜି ।”
ରିଚ୍ଚ ପନ୍ନତି ତୁକାଙ୍ଗାତା
(ମାତିଉ ୧୩:୩୧–୩୨; ୧୩:୩୪; ଲୁକ ୧୩:୧୮–୧୯)
30ଆଟେ ଜିସୁ ୱେସ୍ତେଞ୍ଜି “ମାରୁ ଇନ୍ନି କୁଲା ଡ଼ାହି ମୁଲାପେନୁ ରାଜିତିଦି ତୁକା କିନା ?” ଆଟେ ଇମ୍ୱିନ୍ ତୁକାଙ୍ଗାତାଟି ଏଦା ଗ୍ରାପ୍ନା ? 31ମତ୍ର ମୁଲାପେନୁତି ରାଜି ରଣ୍ଡି ରିଚ୍ଚ ପନ୍ନ ଡେହେଙ୍ଗ୍, ଏଦି ପୁର୍ତିତାୱା ମାଟ୍ଟେନ୍ନି ହାବେତ୍ ପନ୍ନଙ୍ଗ୍ ତାୱାଟି ହିତାନାଦି, 32ମତ୍ର ମାଟ୍ଟିତେସି ଏଦି ବାଡ୍ଡିଆନ୍ ହାବେତ୍ କୁଚ୍ଚା ମ୍ରାକାତାୱାଟି ବେର୍ରାଦ୍ ଆଇନେ, ଆଟେ ଏ ମ୍ରାନୁ ଇହିଙ୍ଗ୍ ବେର୍ ବେର୍ କାମ୍ୱାଙ୍ଗ୍ ଆଇନେ ଜେ, ଜାଗ୍ଗୁତି ପଟ୍ଟାଙ୍ଗ୍ ବଡ଼ା ରହାନ୍ ଏ ମ୍ରାନୁତି ଡ଼ୁଗାତାୱା ବାସାଆଇନୁ ।
33ଜିସୁ ଇହିଙ୍ଗିସି ବିହି ବିହି ତୁକାଙ୍ଗାତାଟି ଏୱାର୍ତି ପୁନ୍ବନ୍ତି ବଲ ମାନ୍ନି ଏଚ୍ଚେ, ଏୱାରିକି ମୁଲାପେନୁତି ବାକ୍ୟ ୱେସ୍ପିଚ୍ଚେଞ୍ଜି । 34ଆଟେ ତୁକାଙ୍ଗାତା ପିହାନ୍ ଜିସୁ ଏୱାରିକି ଇନ୍ନି କାତା ୱେସ୍ପେହେଃଲ୍ଲାତେଞ୍ଜି । ମତ୍ର ଜିସୁ ମ୍ଡାମେସ୍ ତା ଗ୍ରାମ୍ୱାଗାଟାରିକି ହାବେତ୍ କୁଲା ନେହେନ୍ ବୁଜ୍ଜେ କିଚ୍ଚେଞ୍ଜି ।
ୱ୍ଲିକା ପିସ୍କା କୁଃଏଟି ଜିସୁତି ହକତ୍
(ମାତିଉ ୮:୨୩–୨୭; ଲୁକ ୮:୨୨–୨୫)
35ଏଚିୱେଲା ମିଡ୍ଡଡ଼୍ ଆଅନେଃଏ, ଜିସୁ ତା ଗ୍ରାମ୍ବାଗାଟାରିକି ୱେସ୍ତେଞ୍ଜି “ୱାଦୁ ସାମ୍ନ୍ଦେର୍ତି ଆନେଟ୍ ୱାଡୁ ହାନ୍ନା ।” 36ଏମ୍ୱାଟି ଗ୍ରାମ୍ୱାଗାଟାରି ଦାଲ୍ଲାନିକି ପିହାନ୍, ଜିସୁ ଇମ୍ୱିନ୍ ଡଙ୍ଗାତାୱା ମାଚ୍ଚେଞ୍ଜି, ଏମ୍ୱା ଏଙ୍ଗିତେରି ଅଟେ ଜିସୁନିକି ତା ଡ଼ାହି ଅତେରି, ଆଟେ ବିହି ଡଙ୍ଗାଙ୍ଗ୍ ୱାଡ଼େ ଏଦିମ୍ୱା ମାଚ୍ଚୁ । 37ଆଟେ ଏଗେଲ୍ ୱ୍ଲିକା ପିସ୍କା ଆତାୱିଃଆଟି, ଆଟେ ଲହଡ଼ା ଏଜୁଟି ଡଙ୍ଗା ନେଞ୍ଜନ୍ ମ୍ରାସ୍ତେ । 38ଏଚିତୁକାତାୱା ଏୱାଞ୍ଜି ଡଙ୍ଗାତି ଆଟେ ରକଟ୍ତି ମୁଜ୍ଜୁତାୱା ମୁଚ୍ଲା କିଆନ୍ ହୁଞ୍ଜାଚ୍ଚେଞ୍ଜି, ଆଟେ ଗ୍ରାମ୍ବାଗାଟାରି ତାଙ୍ଗେ ନିକ୍ଚାନ୍ ୱେସ୍ତେରି, “ଏ ଗ୍ରାପାଗାଟାତି, ମାମୁ ହାତାମୁ, ନିଙ୍ଗେ ଇନ୍ନା ମା କୁଲାଟି ଚିନ୍ତା ଆଃଏ ?”
39ଏମ୍ୱାଟି ଜିସୁ ନିଙ୍ଗାନ୍ ୱ୍ଲିକାତିଦି ଆଦେସ୍ ହିଆନ୍ ସାମ୍ନ୍ଦେର୍ତିଦି ୱେସ୍ତେଞ୍ଜି, “ଡାମ୍ନା ଲତ୍ନା ବାସାଆମୁ ।” ଏମ୍ୱାଟି ୱ୍ଲିକା ଡାମ୍ ଇଚ୍ଚୁ ଅଟେ ହାବେ କିନ୍ଲତ୍ ଇଚ୍ଚୁ । 40ଆଟେ ଜିସୁ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ବାଗା ଇଚେ ଆଜ୍ଜେଞ୍ଜେରି ? ହାଦାଡ଼ି ଟିକ୍ନା ମି ତାୱା ମାଞ୍ଜାଡ଼ି ହେଃଲ୍ଲେମା ?”
41ଏମ୍ୱାଟି ଏୱାରି ଗାପ୍ଚି ଆଜ୍ଜାନାହି ତାରୁ ତାରୁ ୱେସ୍ପିଆତେରି, ଏହେଙ୍ଗ୍ ଆତେସି ଇୱାଞ୍ଜି ଏମ୍ୱେନାଞ୍ଜି ଜେ, ୱ୍ଲିକା ଅଟେ ସାମ୍ନ୍ଦେର୍ ୱାଡ଼େ ଇୱାଞ୍ଜ୍ତି କାତା ମାନି ଆଇନୁ ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0