ମାର୍କ 3
3
ଜିସୁ କାଜ୍ଜୁ ୱାଚ୍ଚାଚ୍ଚି କୁଏଞ୍ଜିକି ନେହି କିଅନ୍
(ମାତିଉ ୧୨:୯–୧୪; ଲୁକ ୬:୬–୧୧)
1ଡେଗ୍ଗା ଏୱାଞ୍ଜି ରିହିକ୍ ହାଜା ଇଡ୍ଡୁତାୱା ହଟେଞ୍ଜି । ଏଦିମ୍ୱା ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜ୍ତି ରଣ୍ଡି କାଜ୍ଜୁ ୱାଚ୍ଚାଚ୍ଚେ । 2ଆଟେ ଜିସୁ ଏୱାଞ୍ଜିକି ୱାହୁଜାମ୍ବା ୱାରାତାୱା ନେହି କିନେଞ୍ଜି କିନାଙ୍ଗ୍ ଇଞ୍ଜାନ୍, ତା ବିରୁଦିଆଟି ଦୁସ ଆହ୍ପନ୍ ବାଗା ଏଚ୍ଚେ ଦାଲ୍ଲା ତାଙ୍ଗେ କାଚାନ୍ ମାଚ୍ଚେରି । 3ଏମ୍ୱାଟି ଇମ୍ୱିନ୍ କୁଏଞ୍ଜ୍ତି କାଜ୍ଜୁ ୱାଚ୍ଚାଚ୍ଚେ, ଏୱାଞ୍ଜିକି ଜିସୁ ୱେସ୍ତେଞ୍ଜି, “ୱାମୁ, ମାଦ୍ଦେ ଡିଡ୍ଡାମୁ ।” 4ଜିସୁ ଏୱାରିକି ୱେଚ୍ଚେଞ୍ଜି, “ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ମାନ୍ନେ ? ନେହି କିଅନ୍ ନା ଡ଼ଃଆନାଦା କିଅନ୍ ? ପରନ୍ ହିଅନ୍ ନା ପାଗନ୍ ?” ମତ୍ର ଏୱାରି ଇନ୍ନା ୱେସେଟେଃଏ ବାସାଆତେରି ।
5ଏମ୍ୱାଟି ଜିସୁ ଏୱାର୍ତି ହିଟ୍ଟାଗାଟି ହଡାଙ୍ଗ୍ ପୁଞ୍ଜାନ୍ ଜେଡା ନୱିକିଆନ୍ ରାଗା ଆତେଞ୍ଜି । ଆଟେ ଗୁଞ୍ଜେର୍ ଏୱାରିକି ମେହାନାହି ଏ କୁଏଞ୍ଜିକି ୱେସ୍ତେଞ୍ଜି, “କାଜ୍ଜୁ କହ୍ତାମୁ ।” ଏୱାଞ୍ଜି ତା କାଜ୍ଜୁ କହ୍ତେଞ୍ଜି, ଆଟେ ତା କାଜ୍ଜୁ ନେହି ଆତେ । 6ଏମ୍ୱାଟି ପାରୁସିଙ୍ଗ୍ କାଟ ହଚାନ୍ ହାଜ୍ଜାନ୍ ଏଚିୱାଡ଼େ ଜିସୁନିକି ପାଗନ୍ ବାଗା ତା ବିରୁଦିଆଟି ହେରଦିୟଙ୍ଗ୍ ଡ଼ାହି ଜୁଜନା କିଅନ୍ ମ୍ରାସ୍ତେରି ।
ଜିସୁ ବେତଟ୍ ଗାପ୍ଚି ଦାଲ୍ଲା ହାଲ୍ବନ୍
(ମାତିଉ ୪:୨୪; ମାର୍କ ୪:୧; ଲୁକ ୫:୧–୩)
7ଏମ୍ୱାଟି ଜିସୁ ତା ଗ୍ରାମ୍ୱାଗାଟାର୍ ଡ଼ାହି ଆଙ୍ଗେ ଆନ୍ ଗାଲିଲି ସାମ୍ନ୍ଦେର୍ ଇଡ଼ାଇନ୍ଦା ହଚାନ୍ ହାଚ୍ଚେଞ୍ଜି, ଆଟେ ଏଗେଲ୍ ଦାଲ୍ଲା ଗାଲିଲି ଅଟେ ଜିହୁଦା ରାଜି, 8ଆଟେ ଜିରୁସାଲମ ଗାଡ଼ାନାଜୁ, ଇଦମ ରାଜି, ଜର୍ଦ୍ଦନ ପେରେଏଜୁତି ୱେଲାରାଜି ଇନ୍ଦେଟି ମାଚ୍ଚି ନାସ୍କା, ଆଟେ ସର ଅଟେ ସିଦନତି ଗାଡ଼ାନାସ୍କା ଗୁଞ୍ଜେର୍ ମାଚ୍ଚି ନାସ୍କାଟି ଗାପ୍ଚି ଦାଲ୍ଲା ତା କିଆଚ୍ଚି ହାବେତ୍ କାମାତି କାତା ୱେଞ୍ଜାନାହି ତା ରେଃଏସ୍ ୱାତେରି । 9#ମାର୍କ ୪:୧; ଲୁକ ୫:୧–୩ଏଚିତୁକାତାୱା ଗାପ୍ଚି ଦାଲ୍ଲା ଉଜିତ୍ ବାଗାଟି, ଏ ଦାଲ୍ଲା ହାବେ ଇନିସ୍କି ତା କୁଃଏଟି ନାଚ୍ଚିତ୍ରଚି ଆଃଏରି, ଏଦାକି ଜିସୁ ତା ବାଗା ରଣ୍ଡା ହିତାନ୍ ଡଙ୍ଗା ହାମ୍ୱେର୍ କିଆନ୍ ରେଃଏସ୍ ଇଟ୍ଟନ୍ ବାଗା ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି । 10ଇନାକି ଜିସୁ ଏଗେଲ୍ ଦାଲ୍ଲାନିକି ନେହି କିଚ୍ଚି ବାଗାଟି ରଗୁଗାଟାରି ହାବେତାରି ଜିସୁନିକି ଡିଗନ୍ ବାଗା ନାଚ୍ଚିତ୍ରଚି ଆଇଚ୍ଚେରି । 11ଆଟେ କୁଇଙ୍ଗ୍ତାୱା ହଲ୍ଜାଚ୍ଚି ଡ଼ଃଆନ୍ ଡିଙ୍ଗାଙ୍ଗ୍ ଏଚ୍ଚିକିଃଆ ତାଙ୍ଗେ ହୁଡ଼େଚ୍ଚୁ, ଏୱା ତା ନକେସି ବ୍ଡିଆନ୍ ଗଲି ଆନ୍ ୱେସ୍ପିଚ୍ଚୁ, “ନିନୁ ମୁଲାପେନୁତି ମ୍ରିଃଏଞ୍ଜାତି ।”
12ଏମ୍ୱାଟି ଜିସୁ ଏ ଡ଼ଃଆନ୍ ଡିଙ୍ଗାଙ୍ଗ୍ତିଦି ତା ଗାଣ୍ଡି ପଃକାନ୍ ବାଗା ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି ।
ଜିସୁ ବାରାଗାଣ୍ଡିନିକି ଆଚି କିଅନ୍
(ମାତିଉ ୧୦:୧–୪; ଲୁକ ୬:୧୨–୧୬)
13ଜିସୁ ହରୁଇନ୍ଦା ହାଜ୍ଜାନାହି, ଇନ୍ଦାରିକି ଇଚ୍ଚା କିତେଞ୍ଜି, ଏୱାରିକି ଟାକ୍କେ ଆର୍ତେଞ୍ଜି ଅଟେ ଏୱାରି ତା ରେଃଏସ୍ ୱାତେରି । 14ଏମ୍ବାଟି ଏୱାଞ୍ଜି ବାରାଗାଣ୍ଡି ଗ୍ରାମ୍ବାଗାଟାରିକି ଇଚ୍ଚେସି ପେରିତଙ୍ଗ୍ନିକି ଆଚି କିତେଞ୍ଜି, ଇନିସ୍କି ଏୱାରି ତା ଡ଼ାହି ବାସାଆନେରି ଅଟେ ଜିସୁ ଏୱାରିକି ପ୍ରଚାର କିଅନ୍ତିକି ପାଣ୍ଡିନେଞ୍ଜି, 15ଆଟେ ଏୱାରି ବୁତଙ୍ଗ୍ ପିହ୍ପିକିଅନ୍ତି ହକତ୍ ପାଁନେରି ।
16ଜିସୁ ଇ ବାରାଗାଣ୍ଡିନିକି ଆଚି କିତେଞ୍ଜି, ଏୱାରି ଆଇନ୍ନେରି ସିମନ, ଇନ୍ଦାରିକି ଏୱାଞ୍ଜି ପିତର ଇଞ୍ଜାନାହି ପାରୁ ହିତେଞ୍ଜି । 17ଜେବଦିତି ମ୍ରିଃଏଞ୍ଜି ଜାକୁବ ଅଟେ ତା ଆମ୍ୱେସ୍ ଜହନ, ଇନ୍ଦାରିଆକି ଏୱାଞ୍ଜି ବିନେରିଗସ ଇଚ୍ଚେସି ଜାଗ୍ଗୁ ଗାର୍ଜନ୍ତି ମ୍ରିକା#୩:୧୭ ଜାଗ୍ଗୁ ଗାର୍ଜନ୍ତି ମ୍ରିକା ଇଚ୍ଚେସି ଏୱାର୍ତି ଗୁନ କି କାମା ଜାଗ୍ଗୁ ଗାର୍ଜନତି ଡେହେଙ୍ଗ୍ । ଇଞ୍ଜାନ୍ ପାରୁ ହିତେଞ୍ଜି; 18ଆନ୍ଦ୍ରିୟ, ପିଲିପ, ବାର୍ତଲମି, ମାତିଉ, ତମାସ, ଆଲପିତି ମ୍ରିଃଏଞ୍ଜି ଜାକୁବ, ତଦିୟ, କିନାନିୟତି ସିମନ#୩:୧୮ କିନାନିୟତି ସିମନ ଇଚ୍ଚେସି ଏମ୍ୱେନାଞ୍ଜି ଇସ୍ରାଏଲ ଦାଲ୍ଲାନିକି ରମତି ଆକୁଡ଼୍ ତାୱାଟି କୁଲ୍ଚାନ୍ ଇଟ୍ଟନ୍ ବାଗା ଏଲୁ କିଚ୍ଚି ଜିହୁଦିଙ୍ଗ୍ ତାୱାଟି ରଃଅଞ୍ଜି ମାଚ୍ଚେଞ୍ଜି । 19ଆଟେ ଜିସୁନିକି ସତ୍ରୁ କାଜ୍ଜୁତାୱା ସର୍ପି କିତି ଇସ୍କାରିୟତତି ଜିହୁଦା ।
ପିର୍ନି ଡିଙ୍ଗାତି ବିରୁଦିଆଟି ଅଡ୍ଡନ୍
(ମାତିଉ ୧୨:୨୨–୩୨; ଲୁକ ୧୧:୧୪–୨୩; ୧୨:୧୦)
20ଏମ୍ବାଟି ଜିସୁ ଇଜ୍ଜା ୱାତେଞ୍ଜି; ଆଟେ ରିହିକ୍ ଦାଲ୍ଲା ଏଦିମ୍ୱା ଉଜିତେରି ଜେ, ଜିସୁ ଅଟେ ତା ଗ୍ରାମ୍ବାଗାଟାରି ତିନ୍ବା ଉନ୍ବା କିଅନ୍ ୱାଡ଼େ ପାଃନାତେରି । 21ତା ଇଜ୍ଜାନ୍ ଦାଲ୍ଲା “ଜିସୁ ବାଡ଼ାଙ୍ଗ୍ ଆତେଞ୍ଜ୍ଦେ” ଇଞ୍ଜାନ୍ ୱେଞ୍ଜାନାହି ତାଙ୍ଗେ ଅପନ୍ ବାଗା ୱାତେରି ।
22 #
ମାତି ୯:୩୪; ୧୦:୨୫ ଆଟେ ଜିରୁସାଲମତାୱାଟି ୱାଚ୍ଚି ସାସ୍ତ୍ରିଙ୍ଗ୍ ୱେସ୍ତେରି, “ଇୱାଞ୍ଜିକି ବାଲ୍ଜିବୁଲ୍ ଆହାନ୍ନେ, ଆଟେ ବୁତଙ୍ଗ୍ତି ଗାମିନ୍ ବୁତ ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।”
23ଏଦାକି ଏୱାଞ୍ଜି ଏୱାରିକି ରେଃଏସ୍ ଆର୍ଚାନ୍ ତୁକାଙ୍ଗାତାଟି ଏୱାରିକି ୱେସ୍ତେଞ୍ଜି, “ସଇତାନ ଇନିସ୍ ସଇତାନତିଦି ପେରନ୍ ମୁନେ ?” 24ଜଦି ଇମ୍ୱିନ୍ ରାଜି ବାଗା ବାଗା ଆନାହି ତା ତା ବିରୁଦିଆଟି ନିଙ୍ଗିନେ, ଇଚ୍ଚେସି ଏ ରାଜି ରଞ୍ଜାନ୍ ବାସାଆଃଏ । 25ଆଟେ ଜଦି ର ଇଜ୍ଜାତାରି ବାଗା ଆନାହି ତା ତା ବିରୁଦିଆଟି ନିଙ୍ଗିନେରି ଇଚ୍ଚେସି, ଏ ଇଜ୍ଜାତାରି ରପାଟ୍ଟେ ବାସା ଆଅନ୍ ମୁଃଏରି । 26ଏଚିଡେହେଙ୍ଗ୍, ସଇତାନ ୱାଡ଼େ ଆଙ୍ଗେ ଆନାହି ତା ରାଜି ବିରୁଦିଆଟି ନିଙ୍ଗିନେ ଇଚ୍ଚେସି, ତାନୁ ରଞ୍ଜାନ୍ ବାସା ଆଅନ୍ ମୁଃଏ, ମତ୍ର ତା ନାହେଡ୍ ଆଅନ୍ତି ଦିନା ଏତାତ୍ଦେ ।
27ମତ୍ର ଏମ୍ୱେ ୱାଡ଼େ କାହେ ବଲଗାଟି କୁଏଞ୍ଜିକି ଗାସେଟେଃଏ ତା ଇଡ୍ଡୁ ଲାଃଇ ହଲ୍ଜାନ୍ ଇନିମିଡି ତା ଦନ ହାବେ ଜୁରି କିଅନ୍ ମୁଃଏଞ୍ଜି; ତାଙ୍ଗେ କାହେ ଗାସ୍ତେସ୍ ପାଃଏ ଏୱାଞ୍ଜି ତା ଇଡ୍ଡୁ ଲାଃଇ ହଲ୍ଜାନ୍ ଜୁରି କିଆନ୍ ଅନ୍ ମୁନେଞ୍ଜି ।
28ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, କୁଇଙ୍ଗ୍ତି ହାବେତ୍ ପାପ ଅଟେ ମୁଲାପେନୁ ବିରୁଦିଆଟି ୱେସାନ୍ନି ଅଡ୍ଡାଙ୍ଗାତା ହାବେ ମାକ୍ସାଡ଼ି ଆନେ; 29#ଲୁକ ୧୨:୧୦ମତ୍ର ଏମ୍ୱେନାଞ୍ଜିକି ପିର୍ନି ଡିଙ୍ଗା ବିରୁଦିଆଟି ଅଡ୍ଡାଙ୍ଗାତା ୱେସ୍ପିନ୍ନେଞ୍ଜି, ଏୱାଞ୍ଜ୍ତି ପାପ ଏଚ୍ଚେକ୍ୱାଡ଼େ ମାକ୍ସାଡ଼ି ଆଃଏ, ମତ୍ର ଏୱାଞ୍ଜି ଟାକ୍କିଡ଼ହ୍ନାତି ପାପତାୱା ଦୁସି ଆନେଞ୍ଜି । 30“ତାଙ୍ଗେ ଡ଼ଃଆନ୍ ଡିଙ୍ଗା ଆହାନ୍ନେ,” ଇଞ୍ଜାନ୍ ସାସ୍ତ୍ରିଙ୍ଗ୍ ୱେସ୍ତି ବାଗା ଜିସୁ ଇ କାତା ୱେସ୍ତେଞ୍ଜି ।
ଜିସୁତି ଇୟା ଅଟେ ତା ଆମ୍ୱେସାଙ୍ଗା
(ମାତିଉ ୧୨:୪୬–୫୦; ଲୁକ ୮:୧୯–୨୧)
31ଏଚିତୁକାତାୱା ଜିସୁତି ଇୟା ଅଟେ ତା ଆମ୍ୱେସାଙ୍ଗା ୱାନାହି କାଟ ଡିଡ୍ଡାନ୍ ଜିସୁନିକି ଆର୍ପନ୍ ବାଗା ପାଣ୍ଡିତେରି । 32ଏମ୍ୱାଟି ଜିସୁତି ଗୁଞ୍ଜେର୍ କକ୍ଚାଚ୍ଚି ଦାଲ୍ଲା ହାବେ ତାଙ୍ଗେ ୱେସ୍ତେରି, “ହୁଡ଼ାମୁ, ନି ଇୟା, ଆମ୍ୱେସ୍ ଅଟେ ଆଙ୍ଗିସ୍କା କାଟ ନିଙ୍ଗେ ଦାହ୍ପିଞ୍ଜାନେରି ।”
33ଜିସୁ ଇଚ୍ଚେଞ୍ଜି, “ନା ଇୟା ଅଟେ ଆମ୍ୱେସାଙ୍ଗା ଏମ୍ୱେନାରି ?” 34ଆଟେ ଜିସୁ ତା ଗୁଞ୍ଜେର୍ କକ୍ଚାଚ୍ଚି ଦାଲ୍ଲାନିକି ହୁଡ଼ାନାହି ୱେସ୍ତେଞ୍ଜି, “ହୁଡ଼ାଟୁ, ଇୱାରି ନା ଇୟା ଅଟେ ନା ଆମ୍ୱେସାଙ୍ଗା । 35ଏମ୍ୱେନାଞ୍ଜିକି ମୁଲାପେନୁତି ଇଚ୍ଚାତିଦି ମାନି ଆଇନ୍ନେଞ୍ଜି, ଏୱାଞ୍ଜି ନା ଆମ୍ୱେସ୍, ଆଙ୍ଗି ଅଟେ ନା ଇୟା ।”
Právě zvoleno:
ମାର୍କ 3: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 3
3
ଜିସୁ କାଜ୍ଜୁ ୱାଚ୍ଚାଚ୍ଚି କୁଏଞ୍ଜିକି ନେହି କିଅନ୍
(ମାତିଉ ୧୨:୯–୧୪; ଲୁକ ୬:୬–୧୧)
1ଡେଗ୍ଗା ଏୱାଞ୍ଜି ରିହିକ୍ ହାଜା ଇଡ୍ଡୁତାୱା ହଟେଞ୍ଜି । ଏଦିମ୍ୱା ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି, ଏୱାଞ୍ଜ୍ତି ରଣ୍ଡି କାଜ୍ଜୁ ୱାଚ୍ଚାଚ୍ଚେ । 2ଆଟେ ଜିସୁ ଏୱାଞ୍ଜିକି ୱାହୁଜାମ୍ବା ୱାରାତାୱା ନେହି କିନେଞ୍ଜି କିନାଙ୍ଗ୍ ଇଞ୍ଜାନ୍, ତା ବିରୁଦିଆଟି ଦୁସ ଆହ୍ପନ୍ ବାଗା ଏଚ୍ଚେ ଦାଲ୍ଲା ତାଙ୍ଗେ କାଚାନ୍ ମାଚ୍ଚେରି । 3ଏମ୍ୱାଟି ଇମ୍ୱିନ୍ କୁଏଞ୍ଜ୍ତି କାଜ୍ଜୁ ୱାଚ୍ଚାଚ୍ଚେ, ଏୱାଞ୍ଜିକି ଜିସୁ ୱେସ୍ତେଞ୍ଜି, “ୱାମୁ, ମାଦ୍ଦେ ଡିଡ୍ଡାମୁ ।” 4ଜିସୁ ଏୱାରିକି ୱେଚ୍ଚେଞ୍ଜି, “ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ମାନ୍ନେ ? ନେହି କିଅନ୍ ନା ଡ଼ଃଆନାଦା କିଅନ୍ ? ପରନ୍ ହିଅନ୍ ନା ପାଗନ୍ ?” ମତ୍ର ଏୱାରି ଇନ୍ନା ୱେସେଟେଃଏ ବାସାଆତେରି ।
5ଏମ୍ୱାଟି ଜିସୁ ଏୱାର୍ତି ହିଟ୍ଟାଗାଟି ହଡାଙ୍ଗ୍ ପୁଞ୍ଜାନ୍ ଜେଡା ନୱିକିଆନ୍ ରାଗା ଆତେଞ୍ଜି । ଆଟେ ଗୁଞ୍ଜେର୍ ଏୱାରିକି ମେହାନାହି ଏ କୁଏଞ୍ଜିକି ୱେସ୍ତେଞ୍ଜି, “କାଜ୍ଜୁ କହ୍ତାମୁ ।” ଏୱାଞ୍ଜି ତା କାଜ୍ଜୁ କହ୍ତେଞ୍ଜି, ଆଟେ ତା କାଜ୍ଜୁ ନେହି ଆତେ । 6ଏମ୍ୱାଟି ପାରୁସିଙ୍ଗ୍ କାଟ ହଚାନ୍ ହାଜ୍ଜାନ୍ ଏଚିୱାଡ଼େ ଜିସୁନିକି ପାଗନ୍ ବାଗା ତା ବିରୁଦିଆଟି ହେରଦିୟଙ୍ଗ୍ ଡ଼ାହି ଜୁଜନା କିଅନ୍ ମ୍ରାସ୍ତେରି ।
ଜିସୁ ବେତଟ୍ ଗାପ୍ଚି ଦାଲ୍ଲା ହାଲ୍ବନ୍
(ମାତିଉ ୪:୨୪; ମାର୍କ ୪:୧; ଲୁକ ୫:୧–୩)
7ଏମ୍ୱାଟି ଜିସୁ ତା ଗ୍ରାମ୍ୱାଗାଟାର୍ ଡ଼ାହି ଆଙ୍ଗେ ଆନ୍ ଗାଲିଲି ସାମ୍ନ୍ଦେର୍ ଇଡ଼ାଇନ୍ଦା ହଚାନ୍ ହାଚ୍ଚେଞ୍ଜି, ଆଟେ ଏଗେଲ୍ ଦାଲ୍ଲା ଗାଲିଲି ଅଟେ ଜିହୁଦା ରାଜି, 8ଆଟେ ଜିରୁସାଲମ ଗାଡ଼ାନାଜୁ, ଇଦମ ରାଜି, ଜର୍ଦ୍ଦନ ପେରେଏଜୁତି ୱେଲାରାଜି ଇନ୍ଦେଟି ମାଚ୍ଚି ନାସ୍କା, ଆଟେ ସର ଅଟେ ସିଦନତି ଗାଡ଼ାନାସ୍କା ଗୁଞ୍ଜେର୍ ମାଚ୍ଚି ନାସ୍କାଟି ଗାପ୍ଚି ଦାଲ୍ଲା ତା କିଆଚ୍ଚି ହାବେତ୍ କାମାତି କାତା ୱେଞ୍ଜାନାହି ତା ରେଃଏସ୍ ୱାତେରି । 9#ମାର୍କ ୪:୧; ଲୁକ ୫:୧–୩ଏଚିତୁକାତାୱା ଗାପ୍ଚି ଦାଲ୍ଲା ଉଜିତ୍ ବାଗାଟି, ଏ ଦାଲ୍ଲା ହାବେ ଇନିସ୍କି ତା କୁଃଏଟି ନାଚ୍ଚିତ୍ରଚି ଆଃଏରି, ଏଦାକି ଜିସୁ ତା ବାଗା ରଣ୍ଡା ହିତାନ୍ ଡଙ୍ଗା ହାମ୍ୱେର୍ କିଆନ୍ ରେଃଏସ୍ ଇଟ୍ଟନ୍ ବାଗା ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି । 10ଇନାକି ଜିସୁ ଏଗେଲ୍ ଦାଲ୍ଲାନିକି ନେହି କିଚ୍ଚି ବାଗାଟି ରଗୁଗାଟାରି ହାବେତାରି ଜିସୁନିକି ଡିଗନ୍ ବାଗା ନାଚ୍ଚିତ୍ରଚି ଆଇଚ୍ଚେରି । 11ଆଟେ କୁଇଙ୍ଗ୍ତାୱା ହଲ୍ଜାଚ୍ଚି ଡ଼ଃଆନ୍ ଡିଙ୍ଗାଙ୍ଗ୍ ଏଚ୍ଚିକିଃଆ ତାଙ୍ଗେ ହୁଡ଼େଚ୍ଚୁ, ଏୱା ତା ନକେସି ବ୍ଡିଆନ୍ ଗଲି ଆନ୍ ୱେସ୍ପିଚ୍ଚୁ, “ନିନୁ ମୁଲାପେନୁତି ମ୍ରିଃଏଞ୍ଜାତି ।”
12ଏମ୍ୱାଟି ଜିସୁ ଏ ଡ଼ଃଆନ୍ ଡିଙ୍ଗାଙ୍ଗ୍ତିଦି ତା ଗାଣ୍ଡି ପଃକାନ୍ ବାଗା ମାଞ୍ଜାଟି ଆଦେସ୍ ହିଆନ୍ ୱେସ୍ତେଞ୍ଜି ।
ଜିସୁ ବାରାଗାଣ୍ଡିନିକି ଆଚି କିଅନ୍
(ମାତିଉ ୧୦:୧–୪; ଲୁକ ୬:୧୨–୧୬)
13ଜିସୁ ହରୁଇନ୍ଦା ହାଜ୍ଜାନାହି, ଇନ୍ଦାରିକି ଇଚ୍ଚା କିତେଞ୍ଜି, ଏୱାରିକି ଟାକ୍କେ ଆର୍ତେଞ୍ଜି ଅଟେ ଏୱାରି ତା ରେଃଏସ୍ ୱାତେରି । 14ଏମ୍ବାଟି ଏୱାଞ୍ଜି ବାରାଗାଣ୍ଡି ଗ୍ରାମ୍ବାଗାଟାରିକି ଇଚ୍ଚେସି ପେରିତଙ୍ଗ୍ନିକି ଆଚି କିତେଞ୍ଜି, ଇନିସ୍କି ଏୱାରି ତା ଡ଼ାହି ବାସାଆନେରି ଅଟେ ଜିସୁ ଏୱାରିକି ପ୍ରଚାର କିଅନ୍ତିକି ପାଣ୍ଡିନେଞ୍ଜି, 15ଆଟେ ଏୱାରି ବୁତଙ୍ଗ୍ ପିହ୍ପିକିଅନ୍ତି ହକତ୍ ପାଁନେରି ।
16ଜିସୁ ଇ ବାରାଗାଣ୍ଡିନିକି ଆଚି କିତେଞ୍ଜି, ଏୱାରି ଆଇନ୍ନେରି ସିମନ, ଇନ୍ଦାରିକି ଏୱାଞ୍ଜି ପିତର ଇଞ୍ଜାନାହି ପାରୁ ହିତେଞ୍ଜି । 17ଜେବଦିତି ମ୍ରିଃଏଞ୍ଜି ଜାକୁବ ଅଟେ ତା ଆମ୍ୱେସ୍ ଜହନ, ଇନ୍ଦାରିଆକି ଏୱାଞ୍ଜି ବିନେରିଗସ ଇଚ୍ଚେସି ଜାଗ୍ଗୁ ଗାର୍ଜନ୍ତି ମ୍ରିକା#୩:୧୭ ଜାଗ୍ଗୁ ଗାର୍ଜନ୍ତି ମ୍ରିକା ଇଚ୍ଚେସି ଏୱାର୍ତି ଗୁନ କି କାମା ଜାଗ୍ଗୁ ଗାର୍ଜନତି ଡେହେଙ୍ଗ୍ । ଇଞ୍ଜାନ୍ ପାରୁ ହିତେଞ୍ଜି; 18ଆନ୍ଦ୍ରିୟ, ପିଲିପ, ବାର୍ତଲମି, ମାତିଉ, ତମାସ, ଆଲପିତି ମ୍ରିଃଏଞ୍ଜି ଜାକୁବ, ତଦିୟ, କିନାନିୟତି ସିମନ#୩:୧୮ କିନାନିୟତି ସିମନ ଇଚ୍ଚେସି ଏମ୍ୱେନାଞ୍ଜି ଇସ୍ରାଏଲ ଦାଲ୍ଲାନିକି ରମତି ଆକୁଡ଼୍ ତାୱାଟି କୁଲ୍ଚାନ୍ ଇଟ୍ଟନ୍ ବାଗା ଏଲୁ କିଚ୍ଚି ଜିହୁଦିଙ୍ଗ୍ ତାୱାଟି ରଃଅଞ୍ଜି ମାଚ୍ଚେଞ୍ଜି । 19ଆଟେ ଜିସୁନିକି ସତ୍ରୁ କାଜ୍ଜୁତାୱା ସର୍ପି କିତି ଇସ୍କାରିୟତତି ଜିହୁଦା ।
ପିର୍ନି ଡିଙ୍ଗାତି ବିରୁଦିଆଟି ଅଡ୍ଡନ୍
(ମାତିଉ ୧୨:୨୨–୩୨; ଲୁକ ୧୧:୧୪–୨୩; ୧୨:୧୦)
20ଏମ୍ବାଟି ଜିସୁ ଇଜ୍ଜା ୱାତେଞ୍ଜି; ଆଟେ ରିହିକ୍ ଦାଲ୍ଲା ଏଦିମ୍ୱା ଉଜିତେରି ଜେ, ଜିସୁ ଅଟେ ତା ଗ୍ରାମ୍ବାଗାଟାରି ତିନ୍ବା ଉନ୍ବା କିଅନ୍ ୱାଡ଼େ ପାଃନାତେରି । 21ତା ଇଜ୍ଜାନ୍ ଦାଲ୍ଲା “ଜିସୁ ବାଡ଼ାଙ୍ଗ୍ ଆତେଞ୍ଜ୍ଦେ” ଇଞ୍ଜାନ୍ ୱେଞ୍ଜାନାହି ତାଙ୍ଗେ ଅପନ୍ ବାଗା ୱାତେରି ।
22 #
ମାତି ୯:୩୪; ୧୦:୨୫ ଆଟେ ଜିରୁସାଲମତାୱାଟି ୱାଚ୍ଚି ସାସ୍ତ୍ରିଙ୍ଗ୍ ୱେସ୍ତେରି, “ଇୱାଞ୍ଜିକି ବାଲ୍ଜିବୁଲ୍ ଆହାନ୍ନେ, ଆଟେ ବୁତଙ୍ଗ୍ତି ଗାମିନ୍ ବୁତ ସାହାଜ୍ୟଟି ବୁତଙ୍ଗ୍ ପିହ୍ପିକିନ୍ନେଞ୍ଜି ।”
23ଏଦାକି ଏୱାଞ୍ଜି ଏୱାରିକି ରେଃଏସ୍ ଆର୍ଚାନ୍ ତୁକାଙ୍ଗାତାଟି ଏୱାରିକି ୱେସ୍ତେଞ୍ଜି, “ସଇତାନ ଇନିସ୍ ସଇତାନତିଦି ପେରନ୍ ମୁନେ ?” 24ଜଦି ଇମ୍ୱିନ୍ ରାଜି ବାଗା ବାଗା ଆନାହି ତା ତା ବିରୁଦିଆଟି ନିଙ୍ଗିନେ, ଇଚ୍ଚେସି ଏ ରାଜି ରଞ୍ଜାନ୍ ବାସାଆଃଏ । 25ଆଟେ ଜଦି ର ଇଜ୍ଜାତାରି ବାଗା ଆନାହି ତା ତା ବିରୁଦିଆଟି ନିଙ୍ଗିନେରି ଇଚ୍ଚେସି, ଏ ଇଜ୍ଜାତାରି ରପାଟ୍ଟେ ବାସା ଆଅନ୍ ମୁଃଏରି । 26ଏଚିଡେହେଙ୍ଗ୍, ସଇତାନ ୱାଡ଼େ ଆଙ୍ଗେ ଆନାହି ତା ରାଜି ବିରୁଦିଆଟି ନିଙ୍ଗିନେ ଇଚ୍ଚେସି, ତାନୁ ରଞ୍ଜାନ୍ ବାସା ଆଅନ୍ ମୁଃଏ, ମତ୍ର ତା ନାହେଡ୍ ଆଅନ୍ତି ଦିନା ଏତାତ୍ଦେ ।
27ମତ୍ର ଏମ୍ୱେ ୱାଡ଼େ କାହେ ବଲଗାଟି କୁଏଞ୍ଜିକି ଗାସେଟେଃଏ ତା ଇଡ୍ଡୁ ଲାଃଇ ହଲ୍ଜାନ୍ ଇନିମିଡି ତା ଦନ ହାବେ ଜୁରି କିଅନ୍ ମୁଃଏଞ୍ଜି; ତାଙ୍ଗେ କାହେ ଗାସ୍ତେସ୍ ପାଃଏ ଏୱାଞ୍ଜି ତା ଇଡ୍ଡୁ ଲାଃଇ ହଲ୍ଜାନ୍ ଜୁରି କିଆନ୍ ଅନ୍ ମୁନେଞ୍ଜି ।
28ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, କୁଇଙ୍ଗ୍ତି ହାବେତ୍ ପାପ ଅଟେ ମୁଲାପେନୁ ବିରୁଦିଆଟି ୱେସାନ୍ନି ଅଡ୍ଡାଙ୍ଗାତା ହାବେ ମାକ୍ସାଡ଼ି ଆନେ; 29#ଲୁକ ୧୨:୧୦ମତ୍ର ଏମ୍ୱେନାଞ୍ଜିକି ପିର୍ନି ଡିଙ୍ଗା ବିରୁଦିଆଟି ଅଡ୍ଡାଙ୍ଗାତା ୱେସ୍ପିନ୍ନେଞ୍ଜି, ଏୱାଞ୍ଜ୍ତି ପାପ ଏଚ୍ଚେକ୍ୱାଡ଼େ ମାକ୍ସାଡ଼ି ଆଃଏ, ମତ୍ର ଏୱାଞ୍ଜି ଟାକ୍କିଡ଼ହ୍ନାତି ପାପତାୱା ଦୁସି ଆନେଞ୍ଜି । 30“ତାଙ୍ଗେ ଡ଼ଃଆନ୍ ଡିଙ୍ଗା ଆହାନ୍ନେ,” ଇଞ୍ଜାନ୍ ସାସ୍ତ୍ରିଙ୍ଗ୍ ୱେସ୍ତି ବାଗା ଜିସୁ ଇ କାତା ୱେସ୍ତେଞ୍ଜି ।
ଜିସୁତି ଇୟା ଅଟେ ତା ଆମ୍ୱେସାଙ୍ଗା
(ମାତିଉ ୧୨:୪୬–୫୦; ଲୁକ ୮:୧୯–୨୧)
31ଏଚିତୁକାତାୱା ଜିସୁତି ଇୟା ଅଟେ ତା ଆମ୍ୱେସାଙ୍ଗା ୱାନାହି କାଟ ଡିଡ୍ଡାନ୍ ଜିସୁନିକି ଆର୍ପନ୍ ବାଗା ପାଣ୍ଡିତେରି । 32ଏମ୍ୱାଟି ଜିସୁତି ଗୁଞ୍ଜେର୍ କକ୍ଚାଚ୍ଚି ଦାଲ୍ଲା ହାବେ ତାଙ୍ଗେ ୱେସ୍ତେରି, “ହୁଡ଼ାମୁ, ନି ଇୟା, ଆମ୍ୱେସ୍ ଅଟେ ଆଙ୍ଗିସ୍କା କାଟ ନିଙ୍ଗେ ଦାହ୍ପିଞ୍ଜାନେରି ।”
33ଜିସୁ ଇଚ୍ଚେଞ୍ଜି, “ନା ଇୟା ଅଟେ ଆମ୍ୱେସାଙ୍ଗା ଏମ୍ୱେନାରି ?” 34ଆଟେ ଜିସୁ ତା ଗୁଞ୍ଜେର୍ କକ୍ଚାଚ୍ଚି ଦାଲ୍ଲାନିକି ହୁଡ଼ାନାହି ୱେସ୍ତେଞ୍ଜି, “ହୁଡ଼ାଟୁ, ଇୱାରି ନା ଇୟା ଅଟେ ନା ଆମ୍ୱେସାଙ୍ଗା । 35ଏମ୍ୱେନାଞ୍ଜିକି ମୁଲାପେନୁତି ଇଚ୍ଚାତିଦି ମାନି ଆଇନ୍ନେଞ୍ଜି, ଏୱାଞ୍ଜି ନା ଆମ୍ୱେସ୍, ଆଙ୍ଗି ଅଟେ ନା ଇୟା ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0