ମାର୍କ 2
2
ଜିସୁ କେରିୱାଚ୍ଚା ରଗୁଗାଟାଞ୍ଜିକି ନେହି କିଅନ୍
(ମାତିଉ ୯:୧–୮; ଲୁକ ୫:୧୭–୨୬)
1ଏଚ୍ଚି ଦିନା ହାଚ୍ଚାୱିଃଆଟି ଜିସୁ ରିହିକ୍ କପର୍ନାହୁମ ଗାଡ଼ାନାଜୁଇନ୍ଦା ୱ୍ଡେଚାନ୍ ୱାଅନେଃଏ, ଏୱାଞ୍ଜି ଇଡ୍ଡୁତାୱା ମାନ୍ନେଞ୍ଜି ଇଞ୍ଜାନ୍ ଦାଲ୍ଲା ପୁଚ୍ଚେରି । 2ଏମ୍ୱାଟି ଇହିଙ୍ଗିସି ଦାଲ୍ଲା ଉଜିତେରି ଜେ, ଇଡ୍ଡୁତାୱା ନେଞ୍ଜାନାହି, ଆଟେ ଦାରା ରେଃଏସ୍ ୱାଡ଼େ ଡିଡ୍ଡନ୍ ବାଗା ଗର୍ରି ବାସାଆଃଆତେ, ଆଟେ ଏୱାଞ୍ଜି ଏୱାରିକି ବାକ୍ୟ ୱେସ୍ପନ୍ ମ୍ରାସ୍ତେଞ୍ଜି । 3ଏଚିତୁକାତାୱା ଦାଲ୍ଲା ରଃଅଞ୍ଜି କେରିୱାଚ୍ଚା ରଗୁଗାଟାଞ୍ଜିକି ନାଲୁରି ଗାଡ୍ଡେଲ୍ତାୱା ଡେକାନ୍ ଜିସୁ ରେଃଏସ୍ ତାଚ୍ଚିୱାତେରି । 4ମତ୍ର ଗାପ୍ଚି ଦାଲ୍ଲା ମାଚ୍ଚାୱିଃଆଟି, ତା ରେଃଏସ୍ ତାପନ୍ ମୁଃଆତାୱାଟି, ଏୱାଞ୍ଜି ଇମ୍ୱିନ୍ ଇଡ୍ଡୁତାୱା ମାଚ୍ଚେଞ୍ଜି, ଏ ଇଡ୍ଡୁତି ଦଲାନ୍ କାର୍ଚାନ୍ ଇମ୍ୱିନ୍ ଗାଡ୍ଡେଲିଃଆ କେରିୱାଚ୍ଚା ରଗୁଗାଟାଞ୍ଜି ଡଚାଚ୍ଚେଞ୍ଜି, ଏ ଗାଡ୍ଡେଲ୍ ଡ଼ାହି ଏୱାଞ୍ଜିକି ଜାପ୍ତେରି । 5ଜିସୁ ଏୱାର୍ତି ମାଞ୍ଜାଡ଼ି ହୁଡ଼ାନାହି, ଏ କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, “ମ୍ରିଃଏଞ୍ଜାତି, ନି ପାପ ହାବେ ମାକ୍ସାଡ଼ି ଆତେ ।”
6ମତ୍ର ସାସ୍ତ୍ରିଙ୍ଗ୍ତାୱାଟି ଏଚ୍ଚେ ଦାଲ୍ଲା ଏ ଗର୍ରିତାୱା କକ୍ଚ୍ଚାନ୍ ତା ତା ମନତାୱା ଏଲୁ କିଚ୍ଚେରି । 7“ଇୱାଞ୍ଜି ଇନାବାଗା ଇହିଙ୍ଗିସି ୱେସ୍ପିନ୍ନେଞ୍ଜି ? ଏୱାଞ୍ଜି ମୁଲାପେନୁନିକି ଅଡ୍ଡେନ୍ନେଞ୍ଜି ! ୱାର୍ରି ରଃଅଞ୍ଜିକି ପିହାନ୍, ଇଚ୍ଚେସ୍ ମୁଲାପେନୁନିକି ପିହାନ୍ ଆଟେ ଏମ୍ୱେ ପାପ ମାକ୍ସାଡ଼ି କିଅନ୍ ମୁନେ ?”
8ଏୱାରି ତା ତା ମନତାୱା ଇହିଙ୍ଗିସି କାତା କିନ୍ନେରି, ଏଦା ଜିସୁ ଡିଙ୍ଗାଟି ପୁଞ୍ଜାନ୍ ଏଚିୱାଡ଼େ ଏୱାରିକି ୱେସ୍ତେଞ୍ଜି, “ମିରୁ ମି ମି ମନତାୱା ଇନାକିଅନ୍ ଇ ହାବେତ୍ କାତା ଏଲୁ କିଞ୍ଜେରି ?” 9କେରିୱାଚ୍ଚା ରଗୁଗାଟାଞ୍ଜିକି “ନି ପାପ ହାବେ ମାକ୍ସାଡ଼ି ଆତେ ଇଞ୍ଜାନ୍ ୱେସ୍ପନ୍ ଅଟେ ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ଇଞ୍ଜାନ୍ ୱେସ୍ପନ୍ତାଦି ଇନ୍ନା ସହଜ ?” 10“ମତ୍ର ପୁର୍ତିତାୱା ପାପ ମାକ୍ସାଡ଼ି କିଅନ୍ ବାଗା କୁଏଞ୍ଜି ମ୍ରିଃଏଞ୍ଜିକି ଜେ, ହକତ୍ ମାନ୍ନେ, ଇଦା ଇନିସ୍କି ମିରୁ ପୁଞ୍ଜେରି” ଏଦାବାଗା ଏୱାଞ୍ଜି କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, 11“ନାନୁ ନିଙ୍ଗେ ୱେସ୍ପିଞ୍ଜା, ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ଇଜ୍ଜା ହାଲ୍ମୁ ।”
12ଏମ୍ୱାଟି ଏୱାଞ୍ଜି ନିଙ୍ଗାନ୍ ଏଚିୱାଡ଼େ ଗାଡ୍ଡେଲ୍ ଆହାନାହି ଏ ହାବେତାରି ନକେସ୍ ହଚାନ୍ ହାଚ୍ଚେଞ୍ଜି, ଏମ୍ୱାଟି ହାବେତାରି ଆଜ୍ଜାନାହି ମୁଲାପେନୁନିକି ଜୁଙ୍ଗାନ୍ ୱେସ୍ତେରି, “ମାମୁ ଇହିଙ୍ଗ୍ ଏଚ୍ଚେକ୍ୱାଡ଼େ ହୁଡ଼ାହେଃଲ୍ଲାତାମୁ ।”
ଲେବି ପାରୁଗାଟି କୁଏଞ୍ଜିକି ଜିସୁ ଆର୍ପନ୍
(ମାତିଉ ୯:୯–୧୩; ଲୁକ ୫:୨୭–୩୨)
13ଜିସୁ ରିହିକ୍ ଗାଲିଲି ସାମ୍ନ୍ଦେର୍ ଗ୍ରିଆଇନ୍ଦା ହାଚ୍ଚେଞ୍ଜି, ଆଟେ ଦାଲ୍ଲା ହାବେ ତା ରେଃଏସ୍ ୱାଅନେଃଏ, ଏୱାଞ୍ଜି ଏୱାରିକି ଗ୍ରାପନ୍ ମ୍ରାସ୍ତେଞ୍ଜି । 14ଆଟେ ହାଜ୍ଜି ହାଜ୍ଜି ଏୱାଞ୍ଜି ଆଲପିତି ମ୍ରିଃଏଞ୍ଜି ଲେବିନିକି ସିସ୍ଟୁ ଗାସ୍ପନ୍ତି ଗର୍ରିତାୱା କକ୍ଚାଚ୍ଚାଦାଃଆ ହୁଡ଼ାନ୍ ତାଙ୍ଗେ ୱେସ୍ତେଞ୍ଜି, “ନା ବେତଟ୍ ୱାମୁ ।” ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ବେତଟ୍ ହାଚ୍ଚେଞ୍ଜି ।
15ଆଟେ ରନେସି ଜିସୁ ତିନ୍ବା ଉନ୍ବା କିଅନ୍ ବାଗା ଲେବି ଇଡ୍ଡୁତାୱା କକ୍ଚାଚ୍ଚି ତୁକାତାୱା, ଏଦିମ୍ୱା ଏଗେଲ୍ ସିସ୍ଟୁଅନ୍ତାରି ଅଟେ ପାପିଗାଟାରି ଜିସୁ ଅଟେ ତା ଗ୍ରାମ୍ୱାଗାଟାରି ଡ଼ାହି ଆଡ୍ଡାନ୍ କକ୍ତେରି; ଇନାକି ଏହେଙ୍ଗିସି ଗାପ୍ଚି ଦାଲ୍ଲା ତା ବେତଟ୍ ହାଜ୍ଜିଚ୍ଚେରି । 16ଏୱାଞ୍ଜି ପାପି ଅଟେ ସିସ୍ଟୁଅନ୍ତାରି ଡ଼ାହି ତିନ୍ବା ଉନ୍ବା କିନ୍ନେଞ୍ଜି, ଇଦା ହୁଡ଼ାନ୍ ପାରୁସି ଦାଲ୍ଲା ତାୱା ମାଚ୍ଚି ଏଚ୍ଚେ ଦାଲ୍ଲା ସାସ୍ତ୍ରିଙ୍ଗ୍ ତା ଗ୍ରାମ୍ୱାଗାଟାରିକି ୱେଚ୍ଚେରି, “ଜିସୁ ଇନ୍ନା ବାଗାଟି ସିସ୍ଟୁଅନ୍ତାରି ଅଟେ ପାପିଗାଟାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି ?”
17ଜିସୁ ଏଦା ୱେଞ୍ଜାନ୍ ଏୱାରିକି ୱେସ୍ତେଞ୍ଜି, “ନେହାର୍ ବାଗା ଅସାଗାଟାଞ୍ଜିକି ଆବସକ ଆଃଏ, ମତ୍ର ରଗୁଗାଟାର୍ ବାଗା ଅସାଗାଟାଞ୍ଜିକି ଆବସକ, ନାନୁ ଦାର୍ମିକଗାଟାରିକି ଆର୍ପନ୍ ବାଗା ୱାହେଃଲ୍ଲାନୁ, ମତ୍ର ପାପିଗାଟାରିକି ଆର୍ପନ୍ ବାଗା ୱାମାଃଇ ।”
ୱାରାଆଞ୍ଜନ୍ତି କୁଲାଟି
(ମାତିଉ ୯:୧୪–୧୭; ଲୁକ ୫:୩୩–୩୯)
18ଜହନତି ଗ୍ରାମ୍ୱାଗାଟାରି ଅଟେ ପାରୁସିଙ୍ଗ୍ ୱାରାଆଞ୍ଜେଚ୍ଚେରି । ଏଦାକି ଏଚ୍ଚେ ଦାଲ୍ଲା ଜିସୁ ଟାକ୍କେ ୱାନାହି ୱେଚ୍ଚେରି, “ଜହନତି ଗ୍ରାମ୍ୱାଗାଟାରି ଅଟେ ପାରୁସିଙ୍ଗ୍ତି ଗ୍ରାମ୍ୱାଗାଟାରି ୱାରାଆଞ୍ଜେନ୍ନେରି, ମତ୍ର ନି ଗ୍ରାମ୍ୱାଗାଟାରି ଇନ୍ନା ବାଗା ୱାରାଆଞ୍ଜେହେଃଲ୍ଲେରି ?”
19ଜିସୁ ଏୱାରିକି ୱେସ୍ତେଞ୍ଜି, “କୁଆଲୁ ତାପ୍କନ୍ତାରି ଡ଼ାହି ବିବା ଲାୱେଞ୍ଜି ମାନ୍ନି ତୁକାତାୱା କି ଏୱାରି ୱାରାଆଞ୍ଜନ୍ ମୁନେରି ? ବିବା ଲାୱେଞ୍ଜି ଏଚ୍ଚେ ଦିନା ଏୱାର୍ ଡ଼ାହି ମାନ୍ନେଞ୍ଜି, ଏଚ୍ଚେକ୍ ଟିକ୍ନା ଏୱାରି ୱାରାଆଞ୍ଜନ୍ ମୁଃଏରି ।” 20ମତ୍ର ଦିନା ୱାନେ, ଏଚ୍ଚିକିଃଆ ଏୱାର୍ତାୱାଟି ବିବା ଲାୱେଞ୍ଜିକି ୱେଚାନ୍ ଅୱାଆନେ, ଏଚିୱେଲା ଏୱାରି ୱାରାଆଞ୍ଜିନେରି ।
21ଏମ୍ୱେ ୱାଡ଼େ ପୁନି ଜିରାତି ଦାନ୍ଦା ପ୍ଡାଃଇ ଜିରାତାୱା ଆଟ୍ଚାନ୍ କୁଃତେରି, ଇନାକି ଏ ଦାନ୍ଦା ପ୍ଡାଃଇ ଜିରାତିଦି ଏଗେଲ୍ ଗେସ୍ନେ ଅଟେ ଏଦି ଏଗେଲ୍ ବେର୍ରାଦ୍ ଆନ୍ ଗେଞ୍ଜିନେ । 22ଆଟେ ଦାଲ୍ଲା ପୁନି ଅଙ୍ଗୁରନିରୁ ପ୍ଡାଃଇ ଟଡୁ କୁପାତାୱା ଇଟ୍ଟେରି; ଇଟ୍ଟିତେସି ଏ କୁପା ଗେଞ୍ଜିନେ, ଆଟେ ଅଙ୍ଗୁରନିରୁ ଅଟେ ଟଡୁ କୁପା ୱାଡ଼େ ନାହେଡ୍ ଆନେ; ମତ୍ର ପୁନି ଅଙ୍ଗୁରନିରୁ ପୁନି ଟଡୁ କୁପାତାୱା ଇଟ୍ଟନ୍ ଆବସକ ।
ୱାହୁଜାମ୍ବା ୱାରାତି ଦାର୍ମୁ
(ମାତିଉ ୧୨:୧–୮; ଲୁକ ୬:୧–୫)
23ରନେସି ଜିସୁ ୱାହୁଜାମ୍ବା ୱାରାତାୱା ୱେହା ମାଟ୍ଟାଚ୍ଚି ପାଙ୍ଗା ଏସେନ୍ ହାଜ୍ଜିଚ୍ଚେଞ୍ଜି, ଆଟେ ତା ଗ୍ରାମ୍ୱାଗାଟାରି ତା ଡ଼ାହି ହାଜ୍ଜି ହାଜ୍ଜି ୱେହାତି କେରାଙ୍ଗ୍ ଡାପନ୍ ମ୍ରାସ୍ତେରି । 24ଏଦାକି ପାରୁସିଙ୍ଗ୍ ଜିସୁନିକି ୱେସ୍ତେରି, “ହୁଡ଼ାମୁ, ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ହେଃଲ୍ଲେଏ । ଏଦା ନି ଗ୍ରାମ୍ୱାଗାଟାରି ଇନ୍ନା କିଅନ୍ କିନ୍ନେରି ?”
25ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ଦାଉଦ ରେଃଏସ୍ ତିନ୍ବା ପଡ଼ି ହେଃଲ୍ଲାତେ, ଏୱାଞ୍ଜି ଅଟେ ତା ଡ଼ାହି ମାଚ୍ଚି ଦାଲ୍ଲା ହାକ୍କି ଡ଼ାହି ମାଚ୍ଚେରି, ଏଦିମ୍ୱା ଏୱାଞ୍ଜି ଇନ୍ନା କିଆଚ୍ଚେଞ୍ଜି, ଏଦା ଇନ୍ନା ମିରୁ ଦର୍ମପୁତିତାୱା ଏଚ୍ଚେକ୍ୱାଡ଼େ ପଡ଼ି ଆହେଃଲ୍ଲେରିମା ? 26ଅବିୟାତର ମୁଲନ୍ ଜାଜକ ମାଚ୍ଚି ତୁକାତାୱା ଏୱାଞ୍ଜି ଇନିମିଡି ମୁଲାପେନୁତି ଇଡ୍ଡୁତାୱା ହଲ୍ଜାନାହି, ଉଚ୍ଚର୍ଗ କିଆଚ୍ଚି ରୁଟିତିଦି ମୁଲନ୍ ଜାଜକଙ୍ଗ୍ନିକି ପିହାନ୍ ଆଟେ ଏମ୍ୱେ ୱାଡ଼େ ଏଦା ତିନ୍ବନ୍ତିକି ହାଜୁ ହେଃଲ୍ଲାତେ, ଏଦା ଏୱାଞ୍ଜି ତିଞ୍ଜାଚ୍ଚେଞ୍ଜି, ଆଟେ ତା ଡ଼ାହି ମାଚ୍ଚି ଦାଲ୍ଲାନିକି ୱାଡ଼େ ହିଆଚ୍ଚେଞ୍ଜି ।”
27ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ୱାହୁଜାମ୍ବା ୱାରା କୁଇଙ୍ଗ୍ ବାଗା ଆନ୍ନେ, କୁଇଙ୍ଗ୍ ୱାହୁଜାମ୍ବା ୱାରା ବାଗା ଆହେଃଲ୍ଲେରି । 28ଏଦାକି କୁଏଞ୍ଜି ମ୍ରିଃଏଞ୍ଜି ୱାହୁଜାମ୍ବା ୱାରାତି ଦାର୍ମୁ ।”
Právě zvoleno:
ମାର୍କ 2: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 2
2
ଜିସୁ କେରିୱାଚ୍ଚା ରଗୁଗାଟାଞ୍ଜିକି ନେହି କିଅନ୍
(ମାତିଉ ୯:୧–୮; ଲୁକ ୫:୧୭–୨୬)
1ଏଚ୍ଚି ଦିନା ହାଚ୍ଚାୱିଃଆଟି ଜିସୁ ରିହିକ୍ କପର୍ନାହୁମ ଗାଡ଼ାନାଜୁଇନ୍ଦା ୱ୍ଡେଚାନ୍ ୱାଅନେଃଏ, ଏୱାଞ୍ଜି ଇଡ୍ଡୁତାୱା ମାନ୍ନେଞ୍ଜି ଇଞ୍ଜାନ୍ ଦାଲ୍ଲା ପୁଚ୍ଚେରି । 2ଏମ୍ୱାଟି ଇହିଙ୍ଗିସି ଦାଲ୍ଲା ଉଜିତେରି ଜେ, ଇଡ୍ଡୁତାୱା ନେଞ୍ଜାନାହି, ଆଟେ ଦାରା ରେଃଏସ୍ ୱାଡ଼େ ଡିଡ୍ଡନ୍ ବାଗା ଗର୍ରି ବାସାଆଃଆତେ, ଆଟେ ଏୱାଞ୍ଜି ଏୱାରିକି ବାକ୍ୟ ୱେସ୍ପନ୍ ମ୍ରାସ୍ତେଞ୍ଜି । 3ଏଚିତୁକାତାୱା ଦାଲ୍ଲା ରଃଅଞ୍ଜି କେରିୱାଚ୍ଚା ରଗୁଗାଟାଞ୍ଜିକି ନାଲୁରି ଗାଡ୍ଡେଲ୍ତାୱା ଡେକାନ୍ ଜିସୁ ରେଃଏସ୍ ତାଚ୍ଚିୱାତେରି । 4ମତ୍ର ଗାପ୍ଚି ଦାଲ୍ଲା ମାଚ୍ଚାୱିଃଆଟି, ତା ରେଃଏସ୍ ତାପନ୍ ମୁଃଆତାୱାଟି, ଏୱାଞ୍ଜି ଇମ୍ୱିନ୍ ଇଡ୍ଡୁତାୱା ମାଚ୍ଚେଞ୍ଜି, ଏ ଇଡ୍ଡୁତି ଦଲାନ୍ କାର୍ଚାନ୍ ଇମ୍ୱିନ୍ ଗାଡ୍ଡେଲିଃଆ କେରିୱାଚ୍ଚା ରଗୁଗାଟାଞ୍ଜି ଡଚାଚ୍ଚେଞ୍ଜି, ଏ ଗାଡ୍ଡେଲ୍ ଡ଼ାହି ଏୱାଞ୍ଜିକି ଜାପ୍ତେରି । 5ଜିସୁ ଏୱାର୍ତି ମାଞ୍ଜାଡ଼ି ହୁଡ଼ାନାହି, ଏ କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, “ମ୍ରିଃଏଞ୍ଜାତି, ନି ପାପ ହାବେ ମାକ୍ସାଡ଼ି ଆତେ ।”
6ମତ୍ର ସାସ୍ତ୍ରିଙ୍ଗ୍ତାୱାଟି ଏଚ୍ଚେ ଦାଲ୍ଲା ଏ ଗର୍ରିତାୱା କକ୍ଚ୍ଚାନ୍ ତା ତା ମନତାୱା ଏଲୁ କିଚ୍ଚେରି । 7“ଇୱାଞ୍ଜି ଇନାବାଗା ଇହିଙ୍ଗିସି ୱେସ୍ପିନ୍ନେଞ୍ଜି ? ଏୱାଞ୍ଜି ମୁଲାପେନୁନିକି ଅଡ୍ଡେନ୍ନେଞ୍ଜି ! ୱାର୍ରି ରଃଅଞ୍ଜିକି ପିହାନ୍, ଇଚ୍ଚେସ୍ ମୁଲାପେନୁନିକି ପିହାନ୍ ଆଟେ ଏମ୍ୱେ ପାପ ମାକ୍ସାଡ଼ି କିଅନ୍ ମୁନେ ?”
8ଏୱାରି ତା ତା ମନତାୱା ଇହିଙ୍ଗିସି କାତା କିନ୍ନେରି, ଏଦା ଜିସୁ ଡିଙ୍ଗାଟି ପୁଞ୍ଜାନ୍ ଏଚିୱାଡ଼େ ଏୱାରିକି ୱେସ୍ତେଞ୍ଜି, “ମିରୁ ମି ମି ମନତାୱା ଇନାକିଅନ୍ ଇ ହାବେତ୍ କାତା ଏଲୁ କିଞ୍ଜେରି ?” 9କେରିୱାଚ୍ଚା ରଗୁଗାଟାଞ୍ଜିକି “ନି ପାପ ହାବେ ମାକ୍ସାଡ଼ି ଆତେ ଇଞ୍ଜାନ୍ ୱେସ୍ପନ୍ ଅଟେ ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ଇଞ୍ଜାନ୍ ୱେସ୍ପନ୍ତାଦି ଇନ୍ନା ସହଜ ?” 10“ମତ୍ର ପୁର୍ତିତାୱା ପାପ ମାକ୍ସାଡ଼ି କିଅନ୍ ବାଗା କୁଏଞ୍ଜି ମ୍ରିଃଏଞ୍ଜିକି ଜେ, ହକତ୍ ମାନ୍ନେ, ଇଦା ଇନିସ୍କି ମିରୁ ପୁଞ୍ଜେରି” ଏଦାବାଗା ଏୱାଞ୍ଜି କେରିୱାଚ୍ଚା ରଗୁଗାଟାଞ୍ଜିକି ୱେସ୍ତେଞ୍ଜି, 11“ନାନୁ ନିଙ୍ଗେ ୱେସ୍ପିଞ୍ଜା, ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ଇଜ୍ଜା ହାଲ୍ମୁ ।”
12ଏମ୍ୱାଟି ଏୱାଞ୍ଜି ନିଙ୍ଗାନ୍ ଏଚିୱାଡ଼େ ଗାଡ୍ଡେଲ୍ ଆହାନାହି ଏ ହାବେତାରି ନକେସ୍ ହଚାନ୍ ହାଚ୍ଚେଞ୍ଜି, ଏମ୍ୱାଟି ହାବେତାରି ଆଜ୍ଜାନାହି ମୁଲାପେନୁନିକି ଜୁଙ୍ଗାନ୍ ୱେସ୍ତେରି, “ମାମୁ ଇହିଙ୍ଗ୍ ଏଚ୍ଚେକ୍ୱାଡ଼େ ହୁଡ଼ାହେଃଲ୍ଲାତାମୁ ।”
ଲେବି ପାରୁଗାଟି କୁଏଞ୍ଜିକି ଜିସୁ ଆର୍ପନ୍
(ମାତିଉ ୯:୯–୧୩; ଲୁକ ୫:୨୭–୩୨)
13ଜିସୁ ରିହିକ୍ ଗାଲିଲି ସାମ୍ନ୍ଦେର୍ ଗ୍ରିଆଇନ୍ଦା ହାଚ୍ଚେଞ୍ଜି, ଆଟେ ଦାଲ୍ଲା ହାବେ ତା ରେଃଏସ୍ ୱାଅନେଃଏ, ଏୱାଞ୍ଜି ଏୱାରିକି ଗ୍ରାପନ୍ ମ୍ରାସ୍ତେଞ୍ଜି । 14ଆଟେ ହାଜ୍ଜି ହାଜ୍ଜି ଏୱାଞ୍ଜି ଆଲପିତି ମ୍ରିଃଏଞ୍ଜି ଲେବିନିକି ସିସ୍ଟୁ ଗାସ୍ପନ୍ତି ଗର୍ରିତାୱା କକ୍ଚାଚ୍ଚାଦାଃଆ ହୁଡ଼ାନ୍ ତାଙ୍ଗେ ୱେସ୍ତେଞ୍ଜି, “ନା ବେତଟ୍ ୱାମୁ ।” ଏମ୍ୱାଟି ଏୱାଞ୍ଜି ନିଙ୍ଗାନ୍ ତା ବେତଟ୍ ହାଚ୍ଚେଞ୍ଜି ।
15ଆଟେ ରନେସି ଜିସୁ ତିନ୍ବା ଉନ୍ବା କିଅନ୍ ବାଗା ଲେବି ଇଡ୍ଡୁତାୱା କକ୍ଚାଚ୍ଚି ତୁକାତାୱା, ଏଦିମ୍ୱା ଏଗେଲ୍ ସିସ୍ଟୁଅନ୍ତାରି ଅଟେ ପାପିଗାଟାରି ଜିସୁ ଅଟେ ତା ଗ୍ରାମ୍ୱାଗାଟାରି ଡ଼ାହି ଆଡ୍ଡାନ୍ କକ୍ତେରି; ଇନାକି ଏହେଙ୍ଗିସି ଗାପ୍ଚି ଦାଲ୍ଲା ତା ବେତଟ୍ ହାଜ୍ଜିଚ୍ଚେରି । 16ଏୱାଞ୍ଜି ପାପି ଅଟେ ସିସ୍ଟୁଅନ୍ତାରି ଡ଼ାହି ତିନ୍ବା ଉନ୍ବା କିନ୍ନେଞ୍ଜି, ଇଦା ହୁଡ଼ାନ୍ ପାରୁସି ଦାଲ୍ଲା ତାୱା ମାଚ୍ଚି ଏଚ୍ଚେ ଦାଲ୍ଲା ସାସ୍ତ୍ରିଙ୍ଗ୍ ତା ଗ୍ରାମ୍ୱାଗାଟାରିକି ୱେଚ୍ଚେରି, “ଜିସୁ ଇନ୍ନା ବାଗାଟି ସିସ୍ଟୁଅନ୍ତାରି ଅଟେ ପାପିଗାଟାର୍ ଡ଼ାହି ତିନ୍ବା ଉନ୍ବା କିନ୍ନେଞ୍ଜି ?”
17ଜିସୁ ଏଦା ୱେଞ୍ଜାନ୍ ଏୱାରିକି ୱେସ୍ତେଞ୍ଜି, “ନେହାର୍ ବାଗା ଅସାଗାଟାଞ୍ଜିକି ଆବସକ ଆଃଏ, ମତ୍ର ରଗୁଗାଟାର୍ ବାଗା ଅସାଗାଟାଞ୍ଜିକି ଆବସକ, ନାନୁ ଦାର୍ମିକଗାଟାରିକି ଆର୍ପନ୍ ବାଗା ୱାହେଃଲ୍ଲାନୁ, ମତ୍ର ପାପିଗାଟାରିକି ଆର୍ପନ୍ ବାଗା ୱାମାଃଇ ।”
ୱାରାଆଞ୍ଜନ୍ତି କୁଲାଟି
(ମାତିଉ ୯:୧୪–୧୭; ଲୁକ ୫:୩୩–୩୯)
18ଜହନତି ଗ୍ରାମ୍ୱାଗାଟାରି ଅଟେ ପାରୁସିଙ୍ଗ୍ ୱାରାଆଞ୍ଜେଚ୍ଚେରି । ଏଦାକି ଏଚ୍ଚେ ଦାଲ୍ଲା ଜିସୁ ଟାକ୍କେ ୱାନାହି ୱେଚ୍ଚେରି, “ଜହନତି ଗ୍ରାମ୍ୱାଗାଟାରି ଅଟେ ପାରୁସିଙ୍ଗ୍ତି ଗ୍ରାମ୍ୱାଗାଟାରି ୱାରାଆଞ୍ଜେନ୍ନେରି, ମତ୍ର ନି ଗ୍ରାମ୍ୱାଗାଟାରି ଇନ୍ନା ବାଗା ୱାରାଆଞ୍ଜେହେଃଲ୍ଲେରି ?”
19ଜିସୁ ଏୱାରିକି ୱେସ୍ତେଞ୍ଜି, “କୁଆଲୁ ତାପ୍କନ୍ତାରି ଡ଼ାହି ବିବା ଲାୱେଞ୍ଜି ମାନ୍ନି ତୁକାତାୱା କି ଏୱାରି ୱାରାଆଞ୍ଜନ୍ ମୁନେରି ? ବିବା ଲାୱେଞ୍ଜି ଏଚ୍ଚେ ଦିନା ଏୱାର୍ ଡ଼ାହି ମାନ୍ନେଞ୍ଜି, ଏଚ୍ଚେକ୍ ଟିକ୍ନା ଏୱାରି ୱାରାଆଞ୍ଜନ୍ ମୁଃଏରି ।” 20ମତ୍ର ଦିନା ୱାନେ, ଏଚ୍ଚିକିଃଆ ଏୱାର୍ତାୱାଟି ବିବା ଲାୱେଞ୍ଜିକି ୱେଚାନ୍ ଅୱାଆନେ, ଏଚିୱେଲା ଏୱାରି ୱାରାଆଞ୍ଜିନେରି ।
21ଏମ୍ୱେ ୱାଡ଼େ ପୁନି ଜିରାତି ଦାନ୍ଦା ପ୍ଡାଃଇ ଜିରାତାୱା ଆଟ୍ଚାନ୍ କୁଃତେରି, ଇନାକି ଏ ଦାନ୍ଦା ପ୍ଡାଃଇ ଜିରାତିଦି ଏଗେଲ୍ ଗେସ୍ନେ ଅଟେ ଏଦି ଏଗେଲ୍ ବେର୍ରାଦ୍ ଆନ୍ ଗେଞ୍ଜିନେ । 22ଆଟେ ଦାଲ୍ଲା ପୁନି ଅଙ୍ଗୁରନିରୁ ପ୍ଡାଃଇ ଟଡୁ କୁପାତାୱା ଇଟ୍ଟେରି; ଇଟ୍ଟିତେସି ଏ କୁପା ଗେଞ୍ଜିନେ, ଆଟେ ଅଙ୍ଗୁରନିରୁ ଅଟେ ଟଡୁ କୁପା ୱାଡ଼େ ନାହେଡ୍ ଆନେ; ମତ୍ର ପୁନି ଅଙ୍ଗୁରନିରୁ ପୁନି ଟଡୁ କୁପାତାୱା ଇଟ୍ଟନ୍ ଆବସକ ।
ୱାହୁଜାମ୍ବା ୱାରାତି ଦାର୍ମୁ
(ମାତିଉ ୧୨:୧–୮; ଲୁକ ୬:୧–୫)
23ରନେସି ଜିସୁ ୱାହୁଜାମ୍ବା ୱାରାତାୱା ୱେହା ମାଟ୍ଟାଚ୍ଚି ପାଙ୍ଗା ଏସେନ୍ ହାଜ୍ଜିଚ୍ଚେଞ୍ଜି, ଆଟେ ତା ଗ୍ରାମ୍ୱାଗାଟାରି ତା ଡ଼ାହି ହାଜ୍ଜି ହାଜ୍ଜି ୱେହାତି କେରାଙ୍ଗ୍ ଡାପନ୍ ମ୍ରାସ୍ତେରି । 24ଏଦାକି ପାରୁସିଙ୍ଗ୍ ଜିସୁନିକି ୱେସ୍ତେରି, “ହୁଡ଼ାମୁ, ୱାହୁଜାମ୍ବା ୱାରାତାୱା ଇନ୍ନା କିଅନ୍ତି ହାଜୁ ହେଃଲ୍ଲେଏ । ଏଦା ନି ଗ୍ରାମ୍ୱାଗାଟାରି ଇନ୍ନା କିଅନ୍ କିନ୍ନେରି ?”
25ଜିସୁ ଏୱାରିକି ୱେସ୍ତେଞ୍ଜି, “ଏଚ୍ଚିକିଃଆ ଦାଉଦ ରେଃଏସ୍ ତିନ୍ବା ପଡ଼ି ହେଃଲ୍ଲାତେ, ଏୱାଞ୍ଜି ଅଟେ ତା ଡ଼ାହି ମାଚ୍ଚି ଦାଲ୍ଲା ହାକ୍କି ଡ଼ାହି ମାଚ୍ଚେରି, ଏଦିମ୍ୱା ଏୱାଞ୍ଜି ଇନ୍ନା କିଆଚ୍ଚେଞ୍ଜି, ଏଦା ଇନ୍ନା ମିରୁ ଦର୍ମପୁତିତାୱା ଏଚ୍ଚେକ୍ୱାଡ଼େ ପଡ଼ି ଆହେଃଲ୍ଲେରିମା ? 26ଅବିୟାତର ମୁଲନ୍ ଜାଜକ ମାଚ୍ଚି ତୁକାତାୱା ଏୱାଞ୍ଜି ଇନିମିଡି ମୁଲାପେନୁତି ଇଡ୍ଡୁତାୱା ହଲ୍ଜାନାହି, ଉଚ୍ଚର୍ଗ କିଆଚ୍ଚି ରୁଟିତିଦି ମୁଲନ୍ ଜାଜକଙ୍ଗ୍ନିକି ପିହାନ୍ ଆଟେ ଏମ୍ୱେ ୱାଡ଼େ ଏଦା ତିନ୍ବନ୍ତିକି ହାଜୁ ହେଃଲ୍ଲାତେ, ଏଦା ଏୱାଞ୍ଜି ତିଞ୍ଜାଚ୍ଚେଞ୍ଜି, ଆଟେ ତା ଡ଼ାହି ମାଚ୍ଚି ଦାଲ୍ଲାନିକି ୱାଡ଼େ ହିଆଚ୍ଚେଞ୍ଜି ।”
27ଆଟେ ଏୱାଞ୍ଜି ଏୱାରିକି ୱେସ୍ତେଞ୍ଜି, “ୱାହୁଜାମ୍ବା ୱାରା କୁଇଙ୍ଗ୍ ବାଗା ଆନ୍ନେ, କୁଇଙ୍ଗ୍ ୱାହୁଜାମ୍ବା ୱାରା ବାଗା ଆହେଃଲ୍ଲେରି । 28ଏଦାକି କୁଏଞ୍ଜି ମ୍ରିଃଏଞ୍ଜି ୱାହୁଜାମ୍ବା ୱାରାତି ଦାର୍ମୁ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0