ମାର୍କ 1
1
ଡୁବନ୍ ହିନ୍ନି ଜହନତି ପ୍ରଚାର
(ମାତିଉ ୩:୧–୧୨; ଲୁକ ୩:୧–୧୮; ଜହନ ୧:୧୯–୨୮)
1ମୁଲାପେନୁତି ମ୍ରିଃଏଞ୍ଜି ଜିସୁ କ୍ରିସ୍ଟତି ସୁସମାଚାର ମ୍ରାନ୍ଦନି । 2ଜିସାୟ ବାବବାଦିତି ଦର୍ମପୁତିତାୱା ଇନିସ୍ ୱ୍ରିଗାଆନ୍ନେ,
“ହୁଡ଼ାମୁ, ନାନୁ ଦୁତନିକି ନି ନକେସ୍ ପାଣ୍ଡେଞ୍ଜା,
ଏୱାଞ୍ଜି ନି ପାହେର୍ ହାମ୍ୱେର୍ କିନେଞ୍ଜି ।
3ଚିହ୍ପି ଗର୍ରିତାୱା ଗଲି ଆଇନି ରଃଅଞ୍ଜ୍ତି ଉକୁଡ଼୍,
ଦାର୍ମୁତି ପାହେର୍ ହାମ୍ୱେର୍ କିଦୁ,
ଅଟେ ତା ପାହେର୍ ତିହ୍ଦୁ ।”
4ଏମ୍ୱାଟି ଡୁବନ୍ ହିନ୍ନି ଜହନ ଚିହ୍ପି ଗର୍ରିତାୱା ମାଞ୍ଜାନ୍ ପାପ ମାକ୍ସାଡ଼ି ବାଗାଟି ଏଲୁୱ୍ଡେପ୍ଚାନାହି ଡୁବନ୍ ଆଅନ୍ ବାଗା ୱେସ୍ପିଚ୍ଚେଞ୍ଜି ।
5ଏଦାକି ହାବେତ୍ ଜିହୁଦା ରାଜି ଅଟେ ଜିରୁସାଲମ ଗାଡ଼ାନାଜୁତି ହାବେଦାଲ୍ଲା ହଚାନାହି ତା ଟାକ୍କେ ୱାଅନ୍ ମ୍ରାସ୍ତେରି ଅଟେ ତା ତା ପାପ ୱେସାନାହି, ଜହନତାୱାଟି ଜର୍ଦ୍ଦନ ପେରେଏଜୁତାୱା ଡୁବନ୍ ଆତେରି ।
6ଜହନ ଉଟୁ କାଡ୍ଡିଙ୍ଗ୍ତି ଗତା ମେଦ୍ଦେଚ୍ଚେଞ୍ଜି ଅଟେ ତା ଡାଡ୍ଡିତାୱା ଟଡୁତି ନଡ଼ ଗାସ୍ପିଚ୍ଚେଞ୍ଜି, ଆଟେ କାପେର୍ୱିଟାଙ୍ଗ୍ ଅଟେ କାମ୍ୱଡ଼୍ତି ପୁକି ତିଞ୍ଜିଚ୍ଚେଞ୍ଜି । 7ଜହନ ଦାଲ୍ଲାନିକି ପ୍ରଚାର କିଆନ୍ ୱେସ୍ତେଞ୍ଜି, “ଏମ୍ୱେନାଞ୍ଜି ନା ଡେଗ୍ଗା ୱାଇନ୍ନେଞ୍ଜି, ଏୱାଞ୍ଜି ନା ତାୱାଟି ଗାପ୍ଚି ଗାମିନାଞ୍ଜି । ନାନୁ ତା କାଟ୍କାତି ପାଣ୍ଡେଙ୍ଗ୍ କ୍ଡୁହ୍ପନ୍ ବାଗା ଜୁଗ୍ୟ ଆଃଏ ।
8ନାନୁ ମିଙ୍ଗେ ଏଜୁତାୱା ଡୁବନ୍ ହିଞ୍ଜା, ମତ୍ର ଏୱାଞ୍ଜି ମିଙ୍ଗେ ପିର୍ନି ଡିଙ୍ଗାଟି ଡୁବନ୍ ହିଆନେଞ୍ଜି ।”
ଜିସୁତି ଡୁବନ୍ ଅଟେ ପରିକ୍ୟା
(ମାତିଉ ୩:୧୩; ୪:୧୧; ଲୁକ ୩:୨୧–୨୨; ୪:୧–୧୩)
9ଏଚିତୁକାତାୱା ଜିସୁ ଗାଲିଲି ରାଜିତି ନାଜରିତ ଗାଡ଼ାନାଜୁଟି ୱାନାହି ଜର୍ଦ୍ଦନ ପେରେଏଜୁତାୱା ଜହନତାୱାଟି ଡୁବନ୍ ଆତେଞ୍ଜି । 10ଆଟେ ଏଚିୱାଡ଼େ ଜିସୁ ଏଜୁତାୱାଟି ହଚାନ୍ ୱାଇଚ୍ଚେଞ୍ଜି, ଏଚିତୁକାତାୱା ଜାଗ୍ଗୁ ଗେର୍ପା ଆତେ ଅଟେ ପିର୍ନି ଡିଙ୍ଗା ଗୁଗୁର୍ ଲାକ୍କା ତା କୁଃଏଟି ଜାପନ୍ତାଦା ହୁଡ଼ିତେଞ୍ଜି । 11#ମାତି ୩:୧୭; ୧୨:୧୮; ମାର୍କ ୯:୭; ଲୁକ ୩:୨୨ଆଟେ ସର୍ଗଟିଆଟି ଇ ଉକୁଡ଼୍ ଆତେ, “ନିନୁ ନା ଜେଡାଗାଟି ମ୍ରିଃଏଞ୍ଜାତି, ନାନୁ ନି ବାଗାଟି ଗାପ୍ଚି ରାହାଙ୍ଗ୍ ଆଇମାଃଇ ।”
12ଏଚିୱାଡ଼େ ତାଙ୍ଗେ ପିର୍ନି ଡିଙ୍ଗା ଚିହ୍ପି ଗର୍ରିଇନ୍ଦା ଅତେ । 13ଜିସୁ ଚିହ୍ପି ଗର୍ରିତାୱା ରି କୁଡ଼ି ଦିନା ମାଚ୍ଚି ତୁକାତାୱା ସଇତାନ ତାଙ୍ଗେ ପରିକ୍ୟା କିଚ୍ଚେଞ୍ଜି, ଆଟେ ଜିସୁ କାମ୍ବଡ଼୍ତି କାସ୍କୁଲା ଡ଼ାହି ବାସାଆଇଚ୍ଚେଞ୍ଜି, ଆଟେ ତାଙ୍ଗେ ସର୍ଗ ଦୁତଙ୍ଗ୍ ୱାନାହି ଆଙ୍ଗୁଲ୍ ଆଇଚ୍ଚୁ ।
ଜିସୁ ଗ୍ରାମ୍ବାଗାଟାରିକି ଆର୍ପନି
(ମାତିଉ ୪:୧୨–୧୭; ଲୁକ ୪:୧୪–୧୫; ୫:୧–୧୧)
14ଜହନ ବନ୍ଦି ଆତାୱିଃଆଟି ଜିସୁ ଗାଲିଲି ରାଜିଇନ୍ଦା ୱାନାହି ମୁଲାପେନୁତି ସୁସମାଚାର ପ୍ରଚାର କିଅନ୍ ମ୍ରାସ୍ତେଞ୍ଜି ।
15 #
ମାତି ୩:୨
“ଦିନା ୱିହେସ୍ ୱାତେ, ମୁଲାପେନୁତି ରାଜି ଟାକ୍କେ ୱାତେ, ପାପଟି ଏଲୁୱ୍ଡେପ୍ଦୁ, ଆଟେ ସୁସମାଚାରତାୱା ମାଞ୍ଜାଡ଼ି କିଦୁ ।”
16ଜିସୁ ଗାଲିଲି ସାମ୍ନ୍ଦେର୍ ଗ୍ରିଆ ଏସେନ୍ ହାଜ୍ଜିଚ୍ଚି ତୁକାତାୱା ସିମନ ଅଟେ ତା ଆମ୍ୱେସ୍ ଆନ୍ଦ୍ରିୟନିକି ସାମ୍ନ୍ଦେର୍ତାୱା ତୁହ୍ପା ଜାଲଟି ମିନ୍ଙ୍ଗା ଆହ୍ପିଚ୍ଚାଦାଃଆ ହୁଡ଼ିତେଞ୍ଜି, ଇନାକି ଏୱାରି ମିନ୍ଙ୍ଗା ଆହ୍ପନ୍ତାରି ମାଚ୍ଚେରି । 17ଜିସୁ ଏୱାରିକି ୱେସ୍ତେଞ୍ଜି, “ନା ବେତଟ୍ ୱାଦୁ, ନାନୁ ମିଙ୍ଗେ କୁଇଙ୍ଗ୍ନିକି ଆହ୍ପନ୍ ଗ୍ରାପ୍ତାଆ ।” 18ଏମ୍ୱାଟି ଏୱାରି ଏଚିୱାଡ଼େ ଜାଲ ତୁହାନାହି ତା ବେତଟ୍ ହାଚ୍ଚେରି ।
19ଆଟେ ଏୱାଞ୍ଜି ହିତେ ନକେସ୍ ହାଜ୍ଜାନାହି ଜେବଦିତି ମ୍ରିକା ଜାକୁବ ଅଟେ ତା ଆମ୍ୱେସ୍ ଜହନନିକି ଡଙ୍ଗାତାୱା ଜାଲ ରହ୍ପିଚାଦାଃଆ ହୁଡ଼ିତେଞ୍ଜି । 20ଏଚିୱାଡ଼େ ଏୱାଞ୍ଜି ଏୱାରିକି ଆର୍ତେଞ୍ଜି, ଆଟେ ଏୱାରି ତା ଆବା ଜେବଦିନିକି ଅଟେ ତା କାମ୍ୱାରାଙ୍ଗାନିକି ଡଙ୍ଗାତାୱା ପିହାନ୍ ତା ବେତଟ୍ ହାଚ୍ଚେରି ।
ଜିସୁ ବୁତ ଆହାଚାଞ୍ଜିକି ନେହି କିଅନି
(ଲୁକ ୪:୩୧–୩୭)
21ଜିସୁ ଅଟେ ଗ୍ରାମ୍ୱାଗାଟାର୍ କପର୍ନାହୁମ ଗାଡ଼ାନାଜୁଇନ୍ଦା ହାଚ୍ଚେରି, ଆଟେ ଏଚିୱାଡ଼େ ଏୱାଞ୍ଜି ୱାହୁଜାମ୍ବା ୱାରାତାୱା, ହାଜା ଇଡ୍ଡୁତାୱା ହଲ୍ଜାନାହି ଗ୍ରାପନ୍ ମ୍ରାସ୍ତେଞ୍ଜି । 22#ମାତି ୭:୨୮,୨୯ଦାଲ୍ଲା ତା ଗ୍ରାପନ୍ତାୱା ଆକ୍କାବାଡ଼ାଙ୍ଗ୍ ଆତେରି, ଇନାକି ଏୱାଞ୍ଜି ସାସ୍ତ୍ରିଙ୍ଗ୍ ଡେହେଙ୍ଗ୍ ଗ୍ରାପେଟେଃଏ ହକତ୍ ପାଁଣ୍ଡାନ୍ନି କୁଏଞ୍ଜି ଡେହେଙ୍ଗ୍ ଏୱାରିକି ଗ୍ରାପେଚ୍ଚେଞ୍ଜି ।
23ଏଚିୱାଡ଼େ ଏୱାର୍ତି ଏ ହାଜା ଇଡ୍ଡୁତାୱା ମାଚ୍ଚି ଡ଼ଃଆନ୍ ଡିଙ୍ଗା ଆହାଚ୍ଚି ରଃଅଞ୍ଜି କୁଏଞ୍ଜି ଗଲି ଆନ୍ ୱେସ୍ତେଞ୍ଜି,
24“ଏ ନାଜରିତତି ଜିସୁ, ନି ଡ଼ାହି ମାନ୍ଦି ଇନ୍ନି ବିଡ଼ା ମାନ୍ନେ ? ନିନୁ କି ମାଙ୍ଗେ ନାହେଡ୍ କିଅନ୍ ବାଗାଟି ୱାତି ? ନିନୁ ଏମ୍ବେନାତି, ନାନୁ ଏଦା ପୁଞ୍ଜାମାଃଇ; ନିନୁ ମୁଲାପେନୁତି ଏ ପିର୍ନି କୁଏଞ୍ଜ୍ତାତି।”
25ଜିସୁ ତାଙ୍ଗେ ଆସ୍ପି କିଆନ୍ ୱେସ୍ତେଞ୍ଜି, “ଡାମ୍ନା ବାସାଆମୁ, ଆଟେ ଇୱାଞ୍ଜ୍ତାୱାଟି ହଚାନ୍ ହାଲ୍ମୁ ।”
26ଏମ୍ୱାଟି ଏ ଡ଼ଃଆନ୍ ଡିଙ୍ଗା ଏୱାଞ୍ଜିକି ତ୍ଲିଚାନାହି, ଏଗେଲ୍ ଗଲି ଆନ୍ ଏୱାଞ୍ଜ୍ତାୱାଟି ହଚାନ୍ ହାଚ୍ଚେ ।
27ଏମ୍ୱାଟି ହାବେତାରି ଇହିଙ୍ଗିସି ଆଜ୍ଜିତେରି ଜେ, ଏୱାରି ତା ତା ଲାଃଇ କାତା ଆନାହି ୱେସ୍ପିଆଅନ୍ ମ୍ରାସ୍ତେରି, “ଇଦି ଇନ୍ନିକୁଲା ? ଇଦି ଆଟେ ରଣ୍ଡି ପୁନି ଗ୍ରାପା ! ଏୱାଞ୍ଜି ଏ ଡ଼ଃଆନ୍ ଡିଙ୍ଗାଙ୍ଗ୍ତିଦି ୱାଡ଼େ ହକତ୍ ଡ଼ାହି ଆଦେସ୍ ହିଆନ୍ ୱେସ୍ପନ୍ ମୁପିନେଞ୍ଜି, ଆଟେ ଡ଼ଃଆନ୍ ଡିଙ୍ଗାଙ୍ଗ୍ ତା କାତା ମାନି ଆଇନୁ ।”
28ଏମ୍ବାଟି ଏୱାଞ୍ଜ୍ କୁଲାଟି ସୁସମାଚାର ଗାଲିଲି ରାଜିତି ହାବେତ୍ଇନ୍ଦା ଏଚିୱାଡ଼େ ପ୍ରେଜିତେ ।
ଜିସୁ ଏଗେଲ୍ ଦାଲ୍ଲାନିକି ନେହି କିଅନ୍
(ମାତିଉ ୮:୧୪–୧୭; ଲୁକ ୪:୩୮–୪୧)
29ଏଚିୱାଡ଼େ ଜିସୁ ଅଟେ ଗ୍ରାମ୍ୱାଗାଟାରି ହାଜା ଇଡ୍ଡୁତାୱାଟି ହଚାନାହି ଜାକୁବ ଅଟେ ଜହନ ଡ଼ାହି ସିମନ ଅଟେ ଆନ୍ଦ୍ରିୟତି ଇଡ୍ଡୁଇନ୍ଦା ହାଚ୍ଚେରି । 30ସିମନତି ପଦା ନମେର୍ ଆନ୍ ଗାଡ୍ଡେଲ୍ତାୱା ଡଚାନ୍ ମାଚ୍ଚେ, ଆଟେ ଏୱାରି ଏଚିୱାଡ଼େ ଏଦାଡ଼୍ତି କାତା ଜିସୁନିକି ୱେସ୍ତେରି ।
31ଆଟେ ଜିସୁ ରେଃଏସ୍ ହାଜ୍ଜାନ୍ ଏଦାଡ଼୍ କାଜ୍ଜୁ ଆହାନ୍ ତାଙ୍ଗେ ନିକ୍ତେଞ୍ଜି, ଆଟେ ଏଦାଡ଼ିକି ନମେର୍ ପିହ୍ତେ, ଏମ୍ୱାଟି ଏଦି ଏୱାରିକି ଆଙ୍ଗୁଲ୍ ଆଅନ୍ ମ୍ରାସ୍ତେ ।
32ଏଚିୱେଲା ମିଡ୍ଡଡ଼୍, ୱେଲା ହାଚ୍ଚାୱିଃଆଟି ଦାଲ୍ଲା ଜିସୁ ରେଃଏସ୍ ହାବେତ୍ କୁଲାତି ରଗୁଗାଟାରିକି ଅଟେ ବୁତଙ୍ଗ୍ ଆହାଚ୍ଚି ହାବେତ୍ ଦାଲ୍ଲାନିକି ତାଚ୍ଚିୱାତେରି । 33ଆଟେ ଏ ଗାଡ଼ାନାଜୁତି ହାବେତାରି ସିମନ ଇଡ୍ଡୁତି ଦାରା ରେଃଏସ୍ ରପାଟ୍ଟେ ଉଜିତେରି ।
34ଏମ୍ୱାଟି ଏୱାଞ୍ଜି ବିହି ବିହି ରଗୁଟି ମାଚ୍ଚି ରଗୁଗାଟାରିକି ନେହି କିତେଞ୍ଜି ଅଟେ ଏଗେଲ୍ ବୁତଙ୍ଗ୍ ପେରିତେଞ୍ଜି, ଆଟେ ଜିସୁ ବୁତଙ୍ଗ୍ତିଦି କାତା ୱେସ୍ପନ୍ ବାଗା ହିଃଆତେଞ୍ଜି, ଇନାକି ବୁତଙ୍ଗ୍ ତାଙ୍ଗେ ପୁଞ୍ଜିଚୁ ।
ଗାଲିଲି ରାଜିତାୱା ଜିସୁତି ପ୍ରଚାର
(ଲୁକ ୪:୪୨–୪୪)
35ଏ ୱେଃଇତ୍ ଡାଃଏସ୍ ମାହୁ ତୁକାତାୱା ଜିସୁ ନିଙ୍ଗାନ୍ ଚିହ୍ପି ଗର୍ରିଇନ୍ଦା ହାଜ୍ଜାନ୍ ପ୍ରାତ୍ନା କିଅନ୍ ମ୍ରାସ୍ତେଞ୍ଜି । 36ଆଟେ ସିମନ ଅଟେ ତା ଡ଼ାହି ମାଚ୍ଚି ଦାଲ୍ଲା ଜିସୁନିକି ଦାହାନ୍,
37ତାଙ୍ଗେ ପୁଁଣ୍ଡାନ୍ ୱେସ୍ତେରି, “ହାବେ ଦାଲ୍ଲା ନିଙ୍ଗେ ଦାହ୍ପିଞ୍ଜାନେରି ।”
38ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, “ୱାଦୁ ମାରୁ ରେଃଏସ୍ ମାନ୍ନି ନାସ୍କାଇନ୍ଦା ହାନ୍ନା; ଏମ୍ୱା ୱାଡ଼େ ନାନୁ ବାକ୍ୟ ୱେସିଃଇ, ଇନାକି ନାନୁ ବାକ୍ୟ ୱେସ୍ପନ୍ ବାଗା ୱାମାଃଇ ।”
39 #
ମାତି ୪:୨୩; ୯:୩୫ ଆଟେ ଜିସୁ ଗାଲିଲିତି ହାବେତ୍ଇନ୍ଦା ତ୍ରେଜି ତ୍ରେଜି ଏୱାର୍ତି ହାବେତ୍ ହାଜା ଇଟ୍କା ଏସେନ୍ ପ୍ରଚାର କିତେଞ୍ଜି ଅଟେ ବୁତଙ୍ଗ୍ ପେରିତେଞ୍ଜି ।
ଜିସୁ ମୁଟ୍ଡାଙ୍ଗ୍ ରଗୁଗାଟାଞ୍ଜିକି ନେହି କିଅନ୍
(ମାତିଉ ୮:୧–୪; ଲୁକ ୫:୧୨–୧୬)
40ରନେସି ରଃଅଞ୍ଜି ମୁଟ୍ଡାଙ୍ଗ୍ ରଗୁଗାଟାଞ୍ଜି ଜିସୁ ରେଃଏସ୍ ୱାନାହି ମେଣ୍ଡାଙ୍ଗୁତାନ୍ ତାଙ୍ଗେ ଜିଗାନ୍ ୱେସ୍ତେଞ୍ଜି, “ନିନୁ ଜଦି ଇଚ୍ଚା କିଦି ଇଚ୍ଚେସି, ନାଙ୍ଗେ ନେହି କିଅନ୍ ମୁତାଦି ।”
41ଏମ୍ବାଟି ଜିସୁ ପାପୁଅଲ୍ଚାନ୍ ରାହାପାହା ଆନାହି କାଜ୍ଜୁ କହାନ୍ ତାଙ୍ଗେ ଡିଗିତେଞ୍ଜି ଅଟେ ୱେସ୍ତେଞ୍ଜି, “ନାନୁ ଇଚ୍ଚା କିମାଃଇ ନିନୁ ସୁଚି ଆମୁ ।” 42ଏଚିୱାଡ଼େ ମୁଟ୍ଡାଙ୍ଗ୍ ରଗୁ ଏୱାଞ୍ଜ୍ତାୱାଟି ଦେହା ଆତେ ଅଟେ ଏୱାଞ୍ଜି ନେହିଆତେଞ୍ଜି । 43ଆଟେ ଜିସୁ ଏୱାଞ୍ଜିକି ମାଞ୍ଜାଟି ଆଗ୍ୟାଁ ହିଆନ୍ ଏଚିୱାଡ଼େ ବଲା କିଆନ୍ ୱେସ୍ତେଞ୍ଜି,
44“ହୁଡ଼ାମୁ, ଇ କୁଲାଟି ଇନ୍ଦାରିକି ଇନ୍ନା ୱେଃସାଆ, ମତ୍ର ନିନୁ ଜାଜକନିକି ନି ଗାଣ୍ଡି ତସ୍କାମୁ, ନିନୁ ଜେ ନେହିଆଞ୍ଜି ଏଦା ଦାଲ୍ଲା ନକେସ୍ ତସ୍ପନ୍ ବାଗାଟି ମସାତି ହାଜୁ ଡେହେଙ୍ଗ୍ ନି ନେହି ଆନ୍ନାଦାଃଆ ଏୱାର୍ ରେଃଏସ୍ ସାକ୍ୟ ହିଅନ୍ ବାଗାଟି ନଇବେଦ୍ୟ ଉଚ୍ଚର୍ଗ କିମୁ ।”
45ମତ୍ର ଏ କୁଏଞ୍ଜି ହଚାନ୍ ହାଜ୍ଜାନ୍ ଏ କୁଲାଟି ଏଗେଲ୍ ପକ୍ଚାନ୍ ଗୁଞ୍ଜେର୍ ହାବେ ୱେସ୍ପନ୍ ମ୍ରାସ୍ତେଞ୍ଜି ଜେ, ଆଟେ ଜିସୁ କାହେ ନାସ୍କା ହଲ୍ବିଚି ଡେହେଙ୍ଗ୍ ଆଟେ ଇମ୍ୱିନ୍ ନାଜୁତାୱା ହଲ୍ବନ୍ ମୁଃଆତେଞ୍ଜି, ମତ୍ର କାଟ ଚିହ୍ପି ଗର୍ରିଙ୍ଗ୍ନାୱା ବାସାଆତେଞ୍ଜି; ଆଟେ ଦାଲ୍ଲା ଗୁଞ୍ଜେର୍ ମାନ୍ନି ନାସ୍କାତାୱାଟି ତା ରେଃଏସ୍ ୱାଅନ୍ ମ୍ରାସ୍ତେରି ।
Právě zvoleno:
ମାର୍କ 1: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 1
1
ଡୁବନ୍ ହିନ୍ନି ଜହନତି ପ୍ରଚାର
(ମାତିଉ ୩:୧–୧୨; ଲୁକ ୩:୧–୧୮; ଜହନ ୧:୧୯–୨୮)
1ମୁଲାପେନୁତି ମ୍ରିଃଏଞ୍ଜି ଜିସୁ କ୍ରିସ୍ଟତି ସୁସମାଚାର ମ୍ରାନ୍ଦନି । 2ଜିସାୟ ବାବବାଦିତି ଦର୍ମପୁତିତାୱା ଇନିସ୍ ୱ୍ରିଗାଆନ୍ନେ,
“ହୁଡ଼ାମୁ, ନାନୁ ଦୁତନିକି ନି ନକେସ୍ ପାଣ୍ଡେଞ୍ଜା,
ଏୱାଞ୍ଜି ନି ପାହେର୍ ହାମ୍ୱେର୍ କିନେଞ୍ଜି ।
3ଚିହ୍ପି ଗର୍ରିତାୱା ଗଲି ଆଇନି ରଃଅଞ୍ଜ୍ତି ଉକୁଡ଼୍,
ଦାର୍ମୁତି ପାହେର୍ ହାମ୍ୱେର୍ କିଦୁ,
ଅଟେ ତା ପାହେର୍ ତିହ୍ଦୁ ।”
4ଏମ୍ୱାଟି ଡୁବନ୍ ହିନ୍ନି ଜହନ ଚିହ୍ପି ଗର୍ରିତାୱା ମାଞ୍ଜାନ୍ ପାପ ମାକ୍ସାଡ଼ି ବାଗାଟି ଏଲୁୱ୍ଡେପ୍ଚାନାହି ଡୁବନ୍ ଆଅନ୍ ବାଗା ୱେସ୍ପିଚ୍ଚେଞ୍ଜି ।
5ଏଦାକି ହାବେତ୍ ଜିହୁଦା ରାଜି ଅଟେ ଜିରୁସାଲମ ଗାଡ଼ାନାଜୁତି ହାବେଦାଲ୍ଲା ହଚାନାହି ତା ଟାକ୍କେ ୱାଅନ୍ ମ୍ରାସ୍ତେରି ଅଟେ ତା ତା ପାପ ୱେସାନାହି, ଜହନତାୱାଟି ଜର୍ଦ୍ଦନ ପେରେଏଜୁତାୱା ଡୁବନ୍ ଆତେରି ।
6ଜହନ ଉଟୁ କାଡ୍ଡିଙ୍ଗ୍ତି ଗତା ମେଦ୍ଦେଚ୍ଚେଞ୍ଜି ଅଟେ ତା ଡାଡ୍ଡିତାୱା ଟଡୁତି ନଡ଼ ଗାସ୍ପିଚ୍ଚେଞ୍ଜି, ଆଟେ କାପେର୍ୱିଟାଙ୍ଗ୍ ଅଟେ କାମ୍ୱଡ଼୍ତି ପୁକି ତିଞ୍ଜିଚ୍ଚେଞ୍ଜି । 7ଜହନ ଦାଲ୍ଲାନିକି ପ୍ରଚାର କିଆନ୍ ୱେସ୍ତେଞ୍ଜି, “ଏମ୍ୱେନାଞ୍ଜି ନା ଡେଗ୍ଗା ୱାଇନ୍ନେଞ୍ଜି, ଏୱାଞ୍ଜି ନା ତାୱାଟି ଗାପ୍ଚି ଗାମିନାଞ୍ଜି । ନାନୁ ତା କାଟ୍କାତି ପାଣ୍ଡେଙ୍ଗ୍ କ୍ଡୁହ୍ପନ୍ ବାଗା ଜୁଗ୍ୟ ଆଃଏ ।
8ନାନୁ ମିଙ୍ଗେ ଏଜୁତାୱା ଡୁବନ୍ ହିଞ୍ଜା, ମତ୍ର ଏୱାଞ୍ଜି ମିଙ୍ଗେ ପିର୍ନି ଡିଙ୍ଗାଟି ଡୁବନ୍ ହିଆନେଞ୍ଜି ।”
ଜିସୁତି ଡୁବନ୍ ଅଟେ ପରିକ୍ୟା
(ମାତିଉ ୩:୧୩; ୪:୧୧; ଲୁକ ୩:୨୧–୨୨; ୪:୧–୧୩)
9ଏଚିତୁକାତାୱା ଜିସୁ ଗାଲିଲି ରାଜିତି ନାଜରିତ ଗାଡ଼ାନାଜୁଟି ୱାନାହି ଜର୍ଦ୍ଦନ ପେରେଏଜୁତାୱା ଜହନତାୱାଟି ଡୁବନ୍ ଆତେଞ୍ଜି । 10ଆଟେ ଏଚିୱାଡ଼େ ଜିସୁ ଏଜୁତାୱାଟି ହଚାନ୍ ୱାଇଚ୍ଚେଞ୍ଜି, ଏଚିତୁକାତାୱା ଜାଗ୍ଗୁ ଗେର୍ପା ଆତେ ଅଟେ ପିର୍ନି ଡିଙ୍ଗା ଗୁଗୁର୍ ଲାକ୍କା ତା କୁଃଏଟି ଜାପନ୍ତାଦା ହୁଡ଼ିତେଞ୍ଜି । 11#ମାତି ୩:୧୭; ୧୨:୧୮; ମାର୍କ ୯:୭; ଲୁକ ୩:୨୨ଆଟେ ସର୍ଗଟିଆଟି ଇ ଉକୁଡ଼୍ ଆତେ, “ନିନୁ ନା ଜେଡାଗାଟି ମ୍ରିଃଏଞ୍ଜାତି, ନାନୁ ନି ବାଗାଟି ଗାପ୍ଚି ରାହାଙ୍ଗ୍ ଆଇମାଃଇ ।”
12ଏଚିୱାଡ଼େ ତାଙ୍ଗେ ପିର୍ନି ଡିଙ୍ଗା ଚିହ୍ପି ଗର୍ରିଇନ୍ଦା ଅତେ । 13ଜିସୁ ଚିହ୍ପି ଗର୍ରିତାୱା ରି କୁଡ଼ି ଦିନା ମାଚ୍ଚି ତୁକାତାୱା ସଇତାନ ତାଙ୍ଗେ ପରିକ୍ୟା କିଚ୍ଚେଞ୍ଜି, ଆଟେ ଜିସୁ କାମ୍ବଡ଼୍ତି କାସ୍କୁଲା ଡ଼ାହି ବାସାଆଇଚ୍ଚେଞ୍ଜି, ଆଟେ ତାଙ୍ଗେ ସର୍ଗ ଦୁତଙ୍ଗ୍ ୱାନାହି ଆଙ୍ଗୁଲ୍ ଆଇଚ୍ଚୁ ।
ଜିସୁ ଗ୍ରାମ୍ବାଗାଟାରିକି ଆର୍ପନି
(ମାତିଉ ୪:୧୨–୧୭; ଲୁକ ୪:୧୪–୧୫; ୫:୧–୧୧)
14ଜହନ ବନ୍ଦି ଆତାୱିଃଆଟି ଜିସୁ ଗାଲିଲି ରାଜିଇନ୍ଦା ୱାନାହି ମୁଲାପେନୁତି ସୁସମାଚାର ପ୍ରଚାର କିଅନ୍ ମ୍ରାସ୍ତେଞ୍ଜି ।
15 #
ମାତି ୩:୨
“ଦିନା ୱିହେସ୍ ୱାତେ, ମୁଲାପେନୁତି ରାଜି ଟାକ୍କେ ୱାତେ, ପାପଟି ଏଲୁୱ୍ଡେପ୍ଦୁ, ଆଟେ ସୁସମାଚାରତାୱା ମାଞ୍ଜାଡ଼ି କିଦୁ ।”
16ଜିସୁ ଗାଲିଲି ସାମ୍ନ୍ଦେର୍ ଗ୍ରିଆ ଏସେନ୍ ହାଜ୍ଜିଚ୍ଚି ତୁକାତାୱା ସିମନ ଅଟେ ତା ଆମ୍ୱେସ୍ ଆନ୍ଦ୍ରିୟନିକି ସାମ୍ନ୍ଦେର୍ତାୱା ତୁହ୍ପା ଜାଲଟି ମିନ୍ଙ୍ଗା ଆହ୍ପିଚ୍ଚାଦାଃଆ ହୁଡ଼ିତେଞ୍ଜି, ଇନାକି ଏୱାରି ମିନ୍ଙ୍ଗା ଆହ୍ପନ୍ତାରି ମାଚ୍ଚେରି । 17ଜିସୁ ଏୱାରିକି ୱେସ୍ତେଞ୍ଜି, “ନା ବେତଟ୍ ୱାଦୁ, ନାନୁ ମିଙ୍ଗେ କୁଇଙ୍ଗ୍ନିକି ଆହ୍ପନ୍ ଗ୍ରାପ୍ତାଆ ।” 18ଏମ୍ୱାଟି ଏୱାରି ଏଚିୱାଡ଼େ ଜାଲ ତୁହାନାହି ତା ବେତଟ୍ ହାଚ୍ଚେରି ।
19ଆଟେ ଏୱାଞ୍ଜି ହିତେ ନକେସ୍ ହାଜ୍ଜାନାହି ଜେବଦିତି ମ୍ରିକା ଜାକୁବ ଅଟେ ତା ଆମ୍ୱେସ୍ ଜହନନିକି ଡଙ୍ଗାତାୱା ଜାଲ ରହ୍ପିଚାଦାଃଆ ହୁଡ଼ିତେଞ୍ଜି । 20ଏଚିୱାଡ଼େ ଏୱାଞ୍ଜି ଏୱାରିକି ଆର୍ତେଞ୍ଜି, ଆଟେ ଏୱାରି ତା ଆବା ଜେବଦିନିକି ଅଟେ ତା କାମ୍ୱାରାଙ୍ଗାନିକି ଡଙ୍ଗାତାୱା ପିହାନ୍ ତା ବେତଟ୍ ହାଚ୍ଚେରି ।
ଜିସୁ ବୁତ ଆହାଚାଞ୍ଜିକି ନେହି କିଅନି
(ଲୁକ ୪:୩୧–୩୭)
21ଜିସୁ ଅଟେ ଗ୍ରାମ୍ୱାଗାଟାର୍ କପର୍ନାହୁମ ଗାଡ଼ାନାଜୁଇନ୍ଦା ହାଚ୍ଚେରି, ଆଟେ ଏଚିୱାଡ଼େ ଏୱାଞ୍ଜି ୱାହୁଜାମ୍ବା ୱାରାତାୱା, ହାଜା ଇଡ୍ଡୁତାୱା ହଲ୍ଜାନାହି ଗ୍ରାପନ୍ ମ୍ରାସ୍ତେଞ୍ଜି । 22#ମାତି ୭:୨୮,୨୯ଦାଲ୍ଲା ତା ଗ୍ରାପନ୍ତାୱା ଆକ୍କାବାଡ଼ାଙ୍ଗ୍ ଆତେରି, ଇନାକି ଏୱାଞ୍ଜି ସାସ୍ତ୍ରିଙ୍ଗ୍ ଡେହେଙ୍ଗ୍ ଗ୍ରାପେଟେଃଏ ହକତ୍ ପାଁଣ୍ଡାନ୍ନି କୁଏଞ୍ଜି ଡେହେଙ୍ଗ୍ ଏୱାରିକି ଗ୍ରାପେଚ୍ଚେଞ୍ଜି ।
23ଏଚିୱାଡ଼େ ଏୱାର୍ତି ଏ ହାଜା ଇଡ୍ଡୁତାୱା ମାଚ୍ଚି ଡ଼ଃଆନ୍ ଡିଙ୍ଗା ଆହାଚ୍ଚି ରଃଅଞ୍ଜି କୁଏଞ୍ଜି ଗଲି ଆନ୍ ୱେସ୍ତେଞ୍ଜି,
24“ଏ ନାଜରିତତି ଜିସୁ, ନି ଡ଼ାହି ମାନ୍ଦି ଇନ୍ନି ବିଡ଼ା ମାନ୍ନେ ? ନିନୁ କି ମାଙ୍ଗେ ନାହେଡ୍ କିଅନ୍ ବାଗାଟି ୱାତି ? ନିନୁ ଏମ୍ବେନାତି, ନାନୁ ଏଦା ପୁଞ୍ଜାମାଃଇ; ନିନୁ ମୁଲାପେନୁତି ଏ ପିର୍ନି କୁଏଞ୍ଜ୍ତାତି।”
25ଜିସୁ ତାଙ୍ଗେ ଆସ୍ପି କିଆନ୍ ୱେସ୍ତେଞ୍ଜି, “ଡାମ୍ନା ବାସାଆମୁ, ଆଟେ ଇୱାଞ୍ଜ୍ତାୱାଟି ହଚାନ୍ ହାଲ୍ମୁ ।”
26ଏମ୍ୱାଟି ଏ ଡ଼ଃଆନ୍ ଡିଙ୍ଗା ଏୱାଞ୍ଜିକି ତ୍ଲିଚାନାହି, ଏଗେଲ୍ ଗଲି ଆନ୍ ଏୱାଞ୍ଜ୍ତାୱାଟି ହଚାନ୍ ହାଚ୍ଚେ ।
27ଏମ୍ୱାଟି ହାବେତାରି ଇହିଙ୍ଗିସି ଆଜ୍ଜିତେରି ଜେ, ଏୱାରି ତା ତା ଲାଃଇ କାତା ଆନାହି ୱେସ୍ପିଆଅନ୍ ମ୍ରାସ୍ତେରି, “ଇଦି ଇନ୍ନିକୁଲା ? ଇଦି ଆଟେ ରଣ୍ଡି ପୁନି ଗ୍ରାପା ! ଏୱାଞ୍ଜି ଏ ଡ଼ଃଆନ୍ ଡିଙ୍ଗାଙ୍ଗ୍ତିଦି ୱାଡ଼େ ହକତ୍ ଡ଼ାହି ଆଦେସ୍ ହିଆନ୍ ୱେସ୍ପନ୍ ମୁପିନେଞ୍ଜି, ଆଟେ ଡ଼ଃଆନ୍ ଡିଙ୍ଗାଙ୍ଗ୍ ତା କାତା ମାନି ଆଇନୁ ।”
28ଏମ୍ବାଟି ଏୱାଞ୍ଜ୍ କୁଲାଟି ସୁସମାଚାର ଗାଲିଲି ରାଜିତି ହାବେତ୍ଇନ୍ଦା ଏଚିୱାଡ଼େ ପ୍ରେଜିତେ ।
ଜିସୁ ଏଗେଲ୍ ଦାଲ୍ଲାନିକି ନେହି କିଅନ୍
(ମାତିଉ ୮:୧୪–୧୭; ଲୁକ ୪:୩୮–୪୧)
29ଏଚିୱାଡ଼େ ଜିସୁ ଅଟେ ଗ୍ରାମ୍ୱାଗାଟାରି ହାଜା ଇଡ୍ଡୁତାୱାଟି ହଚାନାହି ଜାକୁବ ଅଟେ ଜହନ ଡ଼ାହି ସିମନ ଅଟେ ଆନ୍ଦ୍ରିୟତି ଇଡ୍ଡୁଇନ୍ଦା ହାଚ୍ଚେରି । 30ସିମନତି ପଦା ନମେର୍ ଆନ୍ ଗାଡ୍ଡେଲ୍ତାୱା ଡଚାନ୍ ମାଚ୍ଚେ, ଆଟେ ଏୱାରି ଏଚିୱାଡ଼େ ଏଦାଡ଼୍ତି କାତା ଜିସୁନିକି ୱେସ୍ତେରି ।
31ଆଟେ ଜିସୁ ରେଃଏସ୍ ହାଜ୍ଜାନ୍ ଏଦାଡ଼୍ କାଜ୍ଜୁ ଆହାନ୍ ତାଙ୍ଗେ ନିକ୍ତେଞ୍ଜି, ଆଟେ ଏଦାଡ଼ିକି ନମେର୍ ପିହ୍ତେ, ଏମ୍ୱାଟି ଏଦି ଏୱାରିକି ଆଙ୍ଗୁଲ୍ ଆଅନ୍ ମ୍ରାସ୍ତେ ।
32ଏଚିୱେଲା ମିଡ୍ଡଡ଼୍, ୱେଲା ହାଚ୍ଚାୱିଃଆଟି ଦାଲ୍ଲା ଜିସୁ ରେଃଏସ୍ ହାବେତ୍ କୁଲାତି ରଗୁଗାଟାରିକି ଅଟେ ବୁତଙ୍ଗ୍ ଆହାଚ୍ଚି ହାବେତ୍ ଦାଲ୍ଲାନିକି ତାଚ୍ଚିୱାତେରି । 33ଆଟେ ଏ ଗାଡ଼ାନାଜୁତି ହାବେତାରି ସିମନ ଇଡ୍ଡୁତି ଦାରା ରେଃଏସ୍ ରପାଟ୍ଟେ ଉଜିତେରି ।
34ଏମ୍ୱାଟି ଏୱାଞ୍ଜି ବିହି ବିହି ରଗୁଟି ମାଚ୍ଚି ରଗୁଗାଟାରିକି ନେହି କିତେଞ୍ଜି ଅଟେ ଏଗେଲ୍ ବୁତଙ୍ଗ୍ ପେରିତେଞ୍ଜି, ଆଟେ ଜିସୁ ବୁତଙ୍ଗ୍ତିଦି କାତା ୱେସ୍ପନ୍ ବାଗା ହିଃଆତେଞ୍ଜି, ଇନାକି ବୁତଙ୍ଗ୍ ତାଙ୍ଗେ ପୁଞ୍ଜିଚୁ ।
ଗାଲିଲି ରାଜିତାୱା ଜିସୁତି ପ୍ରଚାର
(ଲୁକ ୪:୪୨–୪୪)
35ଏ ୱେଃଇତ୍ ଡାଃଏସ୍ ମାହୁ ତୁକାତାୱା ଜିସୁ ନିଙ୍ଗାନ୍ ଚିହ୍ପି ଗର୍ରିଇନ୍ଦା ହାଜ୍ଜାନ୍ ପ୍ରାତ୍ନା କିଅନ୍ ମ୍ରାସ୍ତେଞ୍ଜି । 36ଆଟେ ସିମନ ଅଟେ ତା ଡ଼ାହି ମାଚ୍ଚି ଦାଲ୍ଲା ଜିସୁନିକି ଦାହାନ୍,
37ତାଙ୍ଗେ ପୁଁଣ୍ଡାନ୍ ୱେସ୍ତେରି, “ହାବେ ଦାଲ୍ଲା ନିଙ୍ଗେ ଦାହ୍ପିଞ୍ଜାନେରି ।”
38ମତ୍ର ଏୱାଞ୍ଜି ଏୱାରିକି ୱେସ୍ତେଞ୍ଜି, “ୱାଦୁ ମାରୁ ରେଃଏସ୍ ମାନ୍ନି ନାସ୍କାଇନ୍ଦା ହାନ୍ନା; ଏମ୍ୱା ୱାଡ଼େ ନାନୁ ବାକ୍ୟ ୱେସିଃଇ, ଇନାକି ନାନୁ ବାକ୍ୟ ୱେସ୍ପନ୍ ବାଗା ୱାମାଃଇ ।”
39 #
ମାତି ୪:୨୩; ୯:୩୫ ଆଟେ ଜିସୁ ଗାଲିଲିତି ହାବେତ୍ଇନ୍ଦା ତ୍ରେଜି ତ୍ରେଜି ଏୱାର୍ତି ହାବେତ୍ ହାଜା ଇଟ୍କା ଏସେନ୍ ପ୍ରଚାର କିତେଞ୍ଜି ଅଟେ ବୁତଙ୍ଗ୍ ପେରିତେଞ୍ଜି ।
ଜିସୁ ମୁଟ୍ଡାଙ୍ଗ୍ ରଗୁଗାଟାଞ୍ଜିକି ନେହି କିଅନ୍
(ମାତିଉ ୮:୧–୪; ଲୁକ ୫:୧୨–୧୬)
40ରନେସି ରଃଅଞ୍ଜି ମୁଟ୍ଡାଙ୍ଗ୍ ରଗୁଗାଟାଞ୍ଜି ଜିସୁ ରେଃଏସ୍ ୱାନାହି ମେଣ୍ଡାଙ୍ଗୁତାନ୍ ତାଙ୍ଗେ ଜିଗାନ୍ ୱେସ୍ତେଞ୍ଜି, “ନିନୁ ଜଦି ଇଚ୍ଚା କିଦି ଇଚ୍ଚେସି, ନାଙ୍ଗେ ନେହି କିଅନ୍ ମୁତାଦି ।”
41ଏମ୍ବାଟି ଜିସୁ ପାପୁଅଲ୍ଚାନ୍ ରାହାପାହା ଆନାହି କାଜ୍ଜୁ କହାନ୍ ତାଙ୍ଗେ ଡିଗିତେଞ୍ଜି ଅଟେ ୱେସ୍ତେଞ୍ଜି, “ନାନୁ ଇଚ୍ଚା କିମାଃଇ ନିନୁ ସୁଚି ଆମୁ ।” 42ଏଚିୱାଡ଼େ ମୁଟ୍ଡାଙ୍ଗ୍ ରଗୁ ଏୱାଞ୍ଜ୍ତାୱାଟି ଦେହା ଆତେ ଅଟେ ଏୱାଞ୍ଜି ନେହିଆତେଞ୍ଜି । 43ଆଟେ ଜିସୁ ଏୱାଞ୍ଜିକି ମାଞ୍ଜାଟି ଆଗ୍ୟାଁ ହିଆନ୍ ଏଚିୱାଡ଼େ ବଲା କିଆନ୍ ୱେସ୍ତେଞ୍ଜି,
44“ହୁଡ଼ାମୁ, ଇ କୁଲାଟି ଇନ୍ଦାରିକି ଇନ୍ନା ୱେଃସାଆ, ମତ୍ର ନିନୁ ଜାଜକନିକି ନି ଗାଣ୍ଡି ତସ୍କାମୁ, ନିନୁ ଜେ ନେହିଆଞ୍ଜି ଏଦା ଦାଲ୍ଲା ନକେସ୍ ତସ୍ପନ୍ ବାଗାଟି ମସାତି ହାଜୁ ଡେହେଙ୍ଗ୍ ନି ନେହି ଆନ୍ନାଦାଃଆ ଏୱାର୍ ରେଃଏସ୍ ସାକ୍ୟ ହିଅନ୍ ବାଗାଟି ନଇବେଦ୍ୟ ଉଚ୍ଚର୍ଗ କିମୁ ।”
45ମତ୍ର ଏ କୁଏଞ୍ଜି ହଚାନ୍ ହାଜ୍ଜାନ୍ ଏ କୁଲାଟି ଏଗେଲ୍ ପକ୍ଚାନ୍ ଗୁଞ୍ଜେର୍ ହାବେ ୱେସ୍ପନ୍ ମ୍ରାସ୍ତେଞ୍ଜି ଜେ, ଆଟେ ଜିସୁ କାହେ ନାସ୍କା ହଲ୍ବିଚି ଡେହେଙ୍ଗ୍ ଆଟେ ଇମ୍ୱିନ୍ ନାଜୁତାୱା ହଲ୍ବନ୍ ମୁଃଆତେଞ୍ଜି, ମତ୍ର କାଟ ଚିହ୍ପି ଗର୍ରିଙ୍ଗ୍ନାୱା ବାସାଆତେଞ୍ଜି; ଆଟେ ଦାଲ୍ଲା ଗୁଞ୍ଜେର୍ ମାନ୍ନି ନାସ୍କାତାୱାଟି ତା ରେଃଏସ୍ ୱାଅନ୍ ମ୍ରାସ୍ତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0