ମାର୍କ 14
14
ଜିସୁ ବିରୁଦିଆଟି ଜିହୁଦିଙ୍ଗ୍ତି ଜୁଜନା
(ମାତିଉ ୨୬:୧–୫; ଲୁକ ୨୨:୧–୨; ଜହନ ୧୧:୪୫–୫୩)
1ନିସ୍ତାର ରେହାଙ୍ଗ୍ ଅଟେ କମିର ଆଡ୍ଡାହେଃଲ୍ଲାନ୍ ରୁଟିତି ରେହାଙ୍ଗ୍ ଆଅନ୍ ବାଗା ରି ଦିନା ମାଚ୍ଚେ । ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଇନିସ୍ ତାଙ୍ଗେ ଆହାନାହି ପାଗିନେରି ଏ ପେଜୁ ଦାହ୍ପିଚ୍ଚେରି । 2ଇନାକି ଏୱାରି ୱେସ୍ତେରି, “ରେହାଙ୍ଗ୍ ତୁକାତାୱା ଆଃଏ, ରେହାଙ୍ଗ୍ ତୁକାତାୱା ଆହ୍ତେସି ଦାଲ୍ଲା ହାବେ ରାଗା ଆନ୍ ହିଲାବାଦେର୍ ଆନେରି ।”
ବେତନିଆ ଗାଡ଼ାନାଜୁତାୱା ଜିସୁନିକି ନିଜ୍ଜୁଟି ଆଚି କିଅନ୍#୧୪:୩ ନିଜ୍ଜୁଟି ଆଚି କିଅନ୍ ଇଚ୍ଚେସି ଉଡ଼ିଆ କାତାଟି ଅବିସେକ କିଅନ୍ତାଦି
(ମାତିଉ ୨୬:୬–୧୩; ଜହନ ୧୨:୧–୮)
3 #
ଲୁକ ୭:୩୭,୩୮ ଜିସୁ ବେତନିଆ ଗାଡ଼ାନାଜୁତାୱା ମୁଟ୍ଡାଙ୍ଗ୍ ରଗୁଟି ନେହିଆଚ୍ଚି ସିମନ ଇଜ୍ଜା ଉନ୍ବନ୍ ବାଗା କକ୍ଚାଚ୍ଚି ତୁକାତାୱା ରଣ୍ଡି ଆଚାଲୁ ୱାନାହି ରଣ୍ଡା କାଞ୍ଚତାୱା ଗାପ୍ଚି ମର୍ଗଗାଟି ନେହିଗାନ୍ଦା ନିଜ୍ଜୁ ତାଚ୍ଚାନ୍ ଜିସୁତି ତ୍ଲାଉତାୱା ୱାକ୍ତେ । 4ମତ୍ର ଏଚ୍ଚେ ଦାଲ୍ଲା ଏଦା ହୁଡ଼ାନ୍ ରାଗା ଆନ୍ ତାରୁ ତାରୁ ୱେସ୍ପିଆତେରି, “ଏଦି ଇ ନେହିଗାନ୍ଦାଗାଟି ନିଜ୍ଜୁ ଇନାବାଗା ଇହିଙ୍ଗିସି ନାହେଡ୍ କିନ୍ନେ । 5ଇ ନିଜ୍ଜୁ ତ ପ୍ରାତେସି ଏଗେଲ୍ ଟାକ୍କାଙ୍ଗ୍ତାଦି, ଇଦା ପ୍ରାଚାନ୍ ହାକ୍କିଗାଟାରିକି ହିଅନ୍ ମୁପନ୍ ଆନେମା ।” ଏଦାକି ଏ ଆଚାଲୁନିକି ଏୱାରି କାତାଙ୍ଗ୍ କିତେରି ।
6ମତ୍ର ଜିସୁ ୱେସ୍ତେଞ୍ଜି, “ଏଦାଡ଼ିକି ପିହା ହିଦୁ ଇନ୍ନା କିଅନ୍ କସ୍ଟ ହିଞ୍ଜେରି ? ଏଦି ନା ବାଗା ନେହି କାମା କିଆନ୍ନେ । 7ଇନାକି ପାଃନାନାରି ତ ହାବେ ୱେଲା ମି ଟାକ୍କେ ମାନ୍ନେରି, ମିରୁ ଏଚ୍ଚିକିଃଆ ଇଚ୍ଚା କିତେସ୍ ତା ଉପକାର କିଅନ୍ ମୁଦେରି, ମତ୍ର ନାନୁ ହାବେ ଦିନା ମି ଡ଼ାହି ବାସାଆଃଏନୁ । 8ଏଦି ତା ମୁପନ୍ତି ଡେହେଙ୍ଗ୍ ନା ବାଗା ଇନ୍ନା କିଆନ୍ନେ ଏଦି ନା ବାଗା ପାଡ଼ି; ଏଦି ନାଙ୍ଗେ ଗ୍ରିପାଙ୍ଗୁଟିତାୱା ଗ୍ରିପନ୍ତି କାହେ ନା ଗାଣ୍ଡିତାୱା ନିଜ୍ଜୁ ମିସାଞ୍ଜାନେ । 9ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ପୁର୍ତିତି ଇମ୍ୱିନ୍ ଗର୍ରିତାୱା ୱାଡ଼େ ନା ସୁସମାଚାର ୱେସ୍ପା ଆନେ, ଏ ଗର୍ରିତାୱା ଇ ଆଚାଲୁନିକି ଏଲୁ କିଅନ୍ ବାଗା ଏଦି କିଆନ୍ନି ଇ କାମାତି କାତା ୱାଡ଼େ ୱେସ୍ପା ଆନେ ।”
ଜିସୁନିକି ଆହ୍ପି କିଅନ୍ ବାଗା ଜିହୁଦା ରାଜି ଆଅନି
(ମାତିଉ ୨୬:୧୪–୧୬; ଲୁକ ୨୨:୩–୬)
10ଏମ୍ବାଟି ବାରାଗାଣ୍ଡି ଗ୍ରାମ୍ବାଗାଟାରି ତାୱାଟି ଇସ୍କାରିୟତ ଜିହୁଦା ପାରୁଗାଟି ରଃଅଞ୍ଜି ଗ୍ରାମ୍ୱାଗାଟାଞ୍ଜି ହାଜ୍ଜାନ୍ ଜିସୁନିକି ଗାମିନ୍ ଜାଜକଙ୍ଗ୍ କାଜ୍ଜୁତାୱା ଆହ୍ପି କିଅନ୍ ବାଗା ଏୱାର୍ ଟାକ୍କେ ହାଚ୍ଚେଞ୍ଜି । 11ଏୱାରି ଇଦା ୱେଞ୍ଜାନାହି ଏଗେଲ୍ ରାହାଙ୍ଗ୍ ଆତେରି ଅଟେ ତାଙ୍ଗେ ଟାକ୍କାଙ୍ଗ୍ ହିଆନାମୁ ଇଞ୍ଜାନ୍ ଦିବ୍ବା କିଆନ୍ ୱେସ୍ତେରି । ଏମ୍ବାଟି ତାନୁ ସୁଜଗ ହୁଡ଼ାନ୍ ଆହ୍ପି କିଅନ୍ତିକି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ଗ୍ରାମ୍ୱାଗାଟାର୍ ଡ଼ାହି ନିସ୍ତାର ବୁଜି ପାଲ୍ନି ଆଅନ୍
(ମାତିଉ ୨୬:୧୭–୨୫; ଲୁକ ୨୨:୭–୧୪; ୨୨:୨୧–୨୩; ଜହନ ୧୩:୨୧–୩୦)
12କମିର ଆଡ୍ଡାହେଃଲ୍ଲାନ୍ ରୁଟିତି ରେହାଙ୍ଗ୍ ମ୍ରାସ୍ପନ୍ତି ଦିନାତାୱା ଜିହୁଦି ଦାଲ୍ଲା ମେଁଣ୍ଡାଡଟି ବଲି ହିଚ୍ଚେରି । ଏଚିୱେଲା ଗ୍ରାମ୍ୱାଗାଟାରି ଜିସୁନିକି ୱେଚ୍ଚେରି, “ମାମୁ ନି ବାଗା ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିନାମୁ ମାଙ୍ଗେ ୱେସ୍ତାମୁ ।”
13ଏମ୍ବାଟି ଜିସୁ ତା ଗ୍ରାମ୍ୱାଗାଟାରି ତାୱାଟି ରିଃଆରିକି ୱେସାନ୍ ପାଣ୍ଡିତେଞ୍ଜି, “ମିରୁ ରଣ୍ଡା ଗାଡ଼ାନାଜୁଇନ୍ଦା ହାଜ୍ଜୁ,” ଆଟେ ଏଦିମ୍ୱା ରଃଅଞ୍ଜି କ୍ଲାହିତାୱା ଏଜୁ ଆହାନ୍ ହାଜ୍ଜିନ୍ନାଞ୍ଜିକି ପୁଁଣ୍ଡିଦେରି, ଆଟେ ତା ବେତ ବେତଟ୍ ହାଜ୍ଜୁ । 14ଏୱାଞ୍ଜି ଇମ୍ୱିନ୍ ଇଜ୍ଜା ହଲ୍ନେଞ୍ଜି ଏ ଇଡ୍ଡୁତି ସକାରେଏଞ୍ଜିକି ୱେସ୍ଦେରି, “ମା ଗ୍ରାପାଗାଟାଞ୍ଜି ୱେଞ୍ଜିଞ୍ଜାନେଞ୍ଜି, ନାନୁ ନା ଗ୍ରାମ୍ୱାଗାଟାରି ଡ଼ାହି ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି କିଃଇ, ଏ ଇଡ୍ଡୁ ଇମ୍ୱିନାଦି ?” 15ଏମ୍ବାଟି ଏୱାଞ୍ଜି ମିଙ୍ଗେ ନେହେନ୍ ରହାନ୍ନି ୱାନ୍ଦେଟ୍ତି ବେର୍ ବାକ୍ରା ତସ୍ତାନେଞ୍ଜି, ଏ ଗର୍ରିତାୱା ମା ବାଗା ବୁଜି ହାମ୍ୱେର୍ କିଦୁ ।
16ଏମ୍ବାଟି ଗ୍ରାମ୍ୱାଗାଟାରି ଏ ନାଜୁଇନ୍ଦା ହାଚ୍ଚେରି, ଆଟେ ଜିସୁ ଏୱାରିକି ଇନିସ୍ ୱେସାଚ୍ଚେଞ୍ଜି ଟିକ୍ ଏହେଙ୍ଗିସି ଆତେ; ଆଟେ ଗ୍ରାମ୍ୱାଗାଟାରି ଏଦିମ୍ୱା ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିତେରି ।
17ଏଚ୍ଚିକିଃଆ ମିଡ୍ଡଡ଼୍ ଆତେ ଜିସୁ ଗ୍ରାମ୍ୱାଗାଟାରି ଡ଼ାହି ୱାତେଞ୍ଜି । 18ଏୱାରି କକ୍ଚ୍ଚାନ୍ ଉଣ୍ଡିଚ୍ଚି ତୁକାତାୱା ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମି ତାୱାଟି ରଃଅଞ୍ଜି, ଏମ୍ୱେନାଞ୍ଜିକି ହାଦାଡ଼ି ନା ଡ଼ାହି ତିନ୍ବା ଉନ୍ବା କିନ୍ନେଞ୍ଜି, ଏୱାଞ୍ଜି ନାଙ୍ଗେ ସତ୍ରୁଗାଟାର୍ତି କାଜ୍ଜୁତାୱା ସର୍ପି କିଆନେଞ୍ଜି ।”
19ଏମ୍ୱାଟି ଏୱାରି ଦୁଃକ କିଆନ୍ ରଃଅ ରଃଅଞ୍ଜି ଆନାହି ଜିସୁନିକି ୱେଚ୍ଚେରି, “ଏୱାଞ୍ଜ୍ ଇନ୍ନା ନାନୁ ମା ?”
20ଜିସୁ ଏୱାରିକି ୱେସ୍ତେଞ୍ଜି, “ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ରଃଅଞ୍ଜି, ଏମ୍ୱେନାଞ୍ଜିକି ନା ଡ଼ାହି ଗିନ୍ନାତାୱା କାଜ୍ଜୁ ମେସାନ୍ନେଞ୍ଜି । 21ଇନିସ୍କି ଦର୍ମପୁତିତାୱା ୱ୍ରିଗାଆନ୍ନେ, ଏହେଙ୍ଗିସି କୁଏଞ୍ଜି ମ୍ରିଃଏଞ୍ଜି ନିଜ୍ଜାନେଃଏ ହାନେଞ୍ଜି, ମତ୍ର ଏମ୍ୱେନାଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ଆହ୍ପି କିନେଞ୍ଜି ଏୱାଞ୍ଜି ପ୍ଲିଆହେଃଲ୍ଲାତେସି ତା ବାଗା ନେହି ଆନ୍ନେମା ।”
ଦାର୍ମୁ ବୁଜିତି ହାଜୁ
(ମାତିଉ ୨୬:୨୬–୩୦; ଲୁକ ୨୨:୧୪–୨୦)
22ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଜିସୁ ରୁଟି ଅଆନ୍ ମେଲା କିତେଞ୍ଜି ଅଟେ ଏଦା ପାହେଡ଼୍ କିଆନ୍ ଗ୍ରାମ୍ବାଗାଟାରିକି ହିଆନ୍ ୱେସ୍ତେଞ୍ଜି, “ଅଦୁ, ଇଦି ନା ଗାଣ୍ଡି ।”
23ଆଟେ ଉନ୍ବା ଗିନ୍ନା ଅଆନ୍ ଦନ୍ୟବାଦ ହିତେଞ୍ଜି ଅଟେ ହାବେ ଦାଲ୍ଲା ଏ ଗିନ୍ନାତାୱାଟି ଉଟ୍ଟେରି । 24ଆଟେ ଏୱାରିକି ୱେସ୍ତେଞ୍ଜି, “ଇମ୍ୱିନ୍ ଚୁକ୍ତିତି ରାକ୍କା ଏଗେଲ୍ ଦାଲ୍ଲା ବାଗାଟି ବଙ୍ଗାନ୍ନେ ଇଦି ନା ଏ ରାକ୍କା । 25ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇମ୍ୱିନ୍ ୱେଲା ନାନୁ ମୁଲାପେନୁତି ରାଜିତାୱା ରିହିକ୍ ଅଙ୍ଗୁରନିରୁ ଉଃନ୍ନେନୁ, ଏ ଦିନା ଟିକ୍ନା ଅଙ୍ଗୁରନିରୁ ଏଚ୍ଚେକ୍ୱାଡ଼େ ଉଃନ୍ନେନୁ ।”
26ଆଟେ ଏୱାର୍ ଗାଡ଼ିହେରୁ କିଆନ୍ ଜିତ ହରୁଇନ୍ଦା ହଚାନ୍ ହାଚ୍ଚେରି ।
ପିତର ଅସ୍ପିକାର କିଅନ୍ତି କୁଲାଟି ଜିସୁ ୱେସ୍ପନ୍
(ମାତିଉ ୨୬:୩୧–୩୫; ଲୁକ ୨୨:୩୧–୩୪; ଜହନ ୧୩:୩୬–୩୮)
27ଏଚିତୁକାତାୱା ଜିସୁ ଗ୍ରାମ୍ବାଗାଟାରିକି ୱେସ୍ତେଞ୍ଜି, ମିରୁ ହାବେ ପିହ୍ତାଦେରି, ଇନାକି ଦର୍ମପୁତିତାୱା ୱ୍ରିଗାଆନ୍ନେ,
“ନାନୁ ଗାଉଡ଼େଏଞ୍ଜିକି ଚାହିଇ,
ଆଟେ ମେଁଣ୍ଡାଅଡାଙ୍ଗ୍ ହାବେ ବାରାୱିତି ଆନୁ ।”
28 #
ମାତି ୨୮:୧୬
ମତ୍ର ନାନୁ ହାନ୍ ନିଙ୍ଗିନାୱାଟି ମି ନକେସି ଗାଲିଲିଇନ୍ଦା ହାଃଇ । 29ମତ୍ର ପିତର ଜିସୁନିକି ୱେସ୍ତେଞ୍ଜି, “ଜଦି ଗ୍ରାମ୍ବାଗାଟାରି ହାବେ ନିଙ୍ଗେ ପିହାନ୍ ହାଜ୍ଜାତେସି ୱାଡ଼େ, ନାନୁ ପିହ୍ତାଦାଃଏନୁ ।”
30ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିଞ୍ଜୁ ଡାଡ଼ିଙ୍ଗ୍ ରି ଅଲି କଜ୍ଜୁ କ୍ଲାଃଆନ୍ କାହେନେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” 31ମତ୍ର ପିତର ମାଞ୍ଜାଟି ୱେସ୍ତେଞ୍ଜି, “ନାନୁ ନି ଡ଼ାହି ଆଡ୍ଡାନ୍ ହାତେସ୍ ୱାଡ଼େ, ନାନୁ ନିଙ୍ଗେ ଏଚ୍ଚେକ୍ ଅସ୍ପିକାର କିଆଦାଃଏନୁ ।”
ଆଟେ ବିହି ଗ୍ରାମ୍ୱାଗାଟାରି ୱାଡ଼େ ଏଚିଡେହେଙ୍ଗ୍ ୱେସ୍ତେରି ।
ଗେତ୍ସିମନି ଗାଡ଼ାତାୱା ଜିସୁତି ପ୍ରାତ୍ନା
(ମାତିଉ ୨୬:୩୬–୪୬; ଲୁକ ୨୨:୩୯–୪୬)
32ଏମ୍ୱାଟି ଜିସୁ ଅଟେ ତା ଗ୍ରାମ୍ବାଗାଟାରି ଗେତ୍ସିମନି ପାରୁଟି ରଣ୍ଡା ଗର୍ରିଇନ୍ଦା ୱାତେରି, ଆଟେ ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ନାନୁ ଏଦିମ୍ୱା ହାଜ୍ଜାନ୍ ପ୍ରାତ୍ନା କିନି ଟିକ୍ନା ମିରୁ ଇଦିମ୍ୱା କକ୍ଚ୍ଚାଞ୍ଜୁ।” 33ଜିସୁ ପିତର, ଜାକୁବ ଅଟେ ଜହନନିକି ଆର୍ଚାନ୍ ଅତେଞ୍ଜି । ଏମ୍ୱାଟି ଜିସୁ ଏଗେଲ୍ ଦୁଃକ ଆନ୍ ରାହାପାହା ଆଅନ୍ ମ୍ରାସ୍ତେଞ୍ଜି । 34ଜିସୁ ଏୱାରିକି ୱେସ୍ତେଞ୍ଜି, “ନା ପରନ୍ ହାଇନ୍ନି ଲାକ୍କାଟି ଗାପ୍ଚି କଲିବିଲି ଆଇନେ; ଏଦାକି ମିରୁ ଇଦିମ୍ୱା କାଚାନ୍ ବାସାଆଦୁ ।”
35ଆଟେ ଜିସୁ ଏୱାର୍ତାୱାଟି ହିତେ ନକେସ୍ ହାଜ୍ଜାନ୍ ନେତେ ବ୍ଡିଆନ୍ ପ୍ରାତ୍ନା କିତେଞ୍ଜି, “ଜଦି ଆଅନ୍ ମୁପିନ୍ନେ, ଏହେଙ୍ଗ୍ ଆତେସି ଇ ଦୁଃକତି ତୁକା ନା ତାୱାଟି ଦେହା ଆପାକାଦି ।” 36ଆଟେ ଜିସୁ ୱେସ୍ତେଞ୍ଜି, “ଆବା, ଏ ଆବା ନିନୁ ହାବେ କିଅନ୍ ମୁଦି । ଇ ବିହାନପୁତି ଗିନ୍ନାତିଦି ନା ତାୱାଟି ଦେହା କିମୁ । ଆତେସ୍ୱାଡ଼େ ନା ଇଚ୍ଚାଟି ଆଃଏ, ମତ୍ର ନି ଇଚ୍ଚା ଆପାକାଦି ।”
37ଏମ୍ୱାଟି ଜିସୁ ୱାନ୍ ଏୱାର୍ ହାବେ ହୁଞ୍ଜାନାଦା ହୁଡ଼ିତେଞ୍ଜି ଅଟେ ପିତରନିକି ୱେସ୍ତେଞ୍ଜି, “ସିମନ, ମିରୁ ଇନ୍ନା ହୁଞ୍ଜିତେରି ? ମିରୁ ଇନ୍ନା ର ଗଣ୍ଟା ୱାଡ଼େ କାପନ୍ ମୁତାଦାଃଆତେରି ? 38ମିରୁ ପ୍ରାତ୍ନା କିଦୁ ଅଟେ ଜାଗ୍ରତ ଆନ୍ ବାସାଆଦୁ, ଇନିସ୍କି ମିରୁ ପରିକ୍ୟାତାୱା ଦିଃଏରି, ଡିଙ୍ଗା ଇଚ୍ଚା କିନ୍ନେ ନିଜ୍ଜା, ମତ୍ର ଗାଣ୍ଡି ଦୁର୍ବଲ ।”
39ଏମ୍ୱାଟି ଜିସୁ ଆଟେ ରଲି ହାଜ୍ଜାନ୍ କାହେ ଡେହେଙ୍ଗ୍ ୱେସାନ୍ ପ୍ରାତ୍ନା କିତେଞ୍ଜି । 40ରିହିକ୍ ଜିସୁ ୱାନାହି ଗ୍ରାମ୍ୱାଗାଟାରିକି ହୁଞ୍ଜାନ୍ନାଦାଃଆ ହୁଡ଼ିତେଞ୍ଜି, ଇନାକି ଏୱାରିକି ହାବେ ଏଗେଲ୍ ହୁଚି କାଡ଼୍କା ଆଇଚ୍ଚୁ, ଏଦାବାଗା ଇୱାରି ଇନ୍ନା ୱ୍ଡେପ୍ଚ୍ଚି ୱେସ୍ପନ୍ ପୁଃନ୍ନାତେରି ।
41ଜିସୁ ମୁଅଲି ଟିକ୍ନା ହାଜ୍ଜାନ୍ ପ୍ରାତ୍ନା ୱିହି କିଆନ୍ ୱାନ୍ ୱେସ୍ତେଞ୍ଜି, “ମିରୁ ହାଦାଡ଼ି ଟିକ୍ନା ହୁଞ୍ଜାନ୍ ୱାହୁ ଜାମ୍ୱେଞ୍ଜେରି ? ୱେଲା ଏଗେଲ୍ ଆତେଦେ, ଏ ୱେଲା ଏତାତେ, ହୁଡ଼ାଟୁ, କୁଏଞ୍ଜ୍ ମ୍ରିଃଏଞ୍ଜି ପାପିଗାଟାର୍ତି କାଜ୍ଜୁତାୱା ସର୍ପି ଆଇନ୍ନେଞ୍ଜି । 42ନିଙ୍ଗାଟୁ ମାରୁ ହାନ୍ନା, ହୁଡ଼ାଟୁ, ଏମ୍ୱେନାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ଏୱାଞ୍ଜି ଟାକ୍କେ ଏତାତେଞ୍ଜି ।”
ଜିସୁ ସତ୍ରୁ କାଜ୍ଜୁତାୱା ସର୍ପି ଆଅନ୍
(ମାତିଉ ୨୬:୪୭–୫୬; ଲୁକ ୨୨:୪୭–୫୩; ଜହନ ୧୮:୩–୧୨)
43ଆଟେ ଏଚିୱାଡ଼େ ଜିସୁ ଇ କାତା ୱେସ୍ପିଚ୍ଚି ତୁକାତାୱା ବାରାଗାଣ୍ଡି ଗ୍ରାମ୍ବାଗାଟାର୍ ତାୱାଟି ଜିହୁଦା ପାରୁଟି ରଃଅଞ୍ଜି ଗ୍ରାମ୍ବାଗାଟାଞ୍ଜି ୱାନ୍ ଏଦିମ୍ୱା ଏତାତେଞ୍ଜି, ଆଟେ ତା ଡ଼ାହି ଗାମିନ୍ ଜାଜକଙ୍ଗ୍, ସାସ୍ତ୍ରିଙ୍ଗ୍ ଅଟେ ଗାମିନାରି ତାୱାଟି ଦାଲ୍ଲା ହାବେ କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାତେରି । 44ସତ୍ରୁ କାଜ୍ଜୁତାୱା ଆହ୍ପି କିଅନ୍ତି ଜିହୁଦା ଜିସୁନିକି ପୁନ୍ବି କିଅନ୍ ବାଗା ରଣ୍ଡା ତୁର୍ରି ହିଆ ଇଞ୍ଜାନ୍ ୱେସାଚ୍ଚେଞ୍ଜି, “ଆଟେ ନାନୁ ଇନ୍ଦାରିକି ଜୁମ୍ୱିଇ ଇୱାଞ୍ଜି ଏ କୁଏଞ୍ଜି, ଏୱାଞ୍ଜିକି ଗାସାନ୍ ନେହେନ୍ ଆହାନ୍ ଅଦେରି ।”
45ଏମ୍ବାଟି ଏୱାଞ୍ଜି ଜିସୁ ରେଃଏସ୍ ହାଚ୍ଚେଞ୍ଜି ଆଟେ ଏଚିୱାଡ଼େ “ଏ ଗ୍ରାପାଗାଟାତି” ଇଞ୍ଜାନ୍ ଏୱାଞ୍ଜିକି ଜୁମ୍ୱିତେଞ୍ଜି । 46ଏମ୍ୱାଟି ଏୱାରି ଜିସୁନିକି ଆହାନାହି ଗାସ୍ତେରି । 47ଜିସୁ ଟାକ୍କେ ଡିଡ୍ଡାଚି ରଃଅଞ୍ଜି ଗ୍ରାମ୍ୱାଗାଟାଞ୍ଜି ତା କଣ୍ଡା ୱେଚାନାହି ମୁଲନ୍ ଜାଜକତି କାମ୍ବାରେଏଞ୍ଜ୍ତି କ୍ରିଉ କାତା ହିତେଞ୍ଜି । 48ଜିସୁ ଏ ଦାଲ୍ଲାନିକି ୱେସ୍ତେଞ୍ଜି, “ନାନୁ ଇନ୍ନା ମ୍ଡାମେଞ୍ଜ୍ତାନୁ ଜେ ମିରୁ ନାଙ୍ଗେ ଆହ୍ପନ୍ ବାଗା କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାଞ୍ଜେରି ? 49#ଲୁକ ୧୯:୪୭; ୨୧:୩୭ଦିନାଙ୍ଗେଃଏ ନାନୁ ଜିରୁସାଲମ ମନ୍ଦିରତାୱା ମିଙ୍ଗେ ଗ୍ରାପେଞ୍ଜାତେଃଏ, ଏଦିମ୍ୱା ନାଙ୍ଗେ ମିରୁ ଆହ୍ତାଦାଃଆତେରି; ମତ୍ର ବାବବାଦିଙ୍ଗ୍ତି ଦର୍ମପୁତି ଇନିମିଡି ସପଲ ଆନେ, ଏଦାବାଗା ଇ ହାବେ ଡୁଣ୍ଡେଲ୍ ଆଇନେ ।”
50ଏମ୍ୱାଟି ଜିସୁତି ଗ୍ରାମ୍ୱାଗାଟାରି ହାବେ ତାଙ୍ଗେ ତୁହାନ୍ ଡେହିତେରି ।
51ମତ୍ର ରଃଅଞ୍ଜି ଲାୱେଞ୍ଜି ୱାର୍ରି ଗାଣ୍ଡି ଜିରା ପର୍ଚ୍ଚାନ୍ ଜିସୁ ବେତ ବେତଟ୍ ହାଜ୍ଜିଚ୍ଚେଞ୍ଜି, ଦାଲ୍ଲା ଏୱାଞ୍ଜିକି ଆହ୍ତେରି । 52ମତ୍ର ତାନୁ ଜିରା ତୁହାନ୍ ୱାର୍ରି ଗାଣ୍ଡିଟି ଡେହିତେଞ୍ଜି ।
ଜିହୁଦିଙ୍ଗ୍ତି ବେର୍ ସବାତାୱା ଜିସୁନିକି ବିଚାର
(ମାତିଉ ୨୬:୫୭–୬୮; ଲୁକ ୨୨:୫୪–୫୫; ୨୨:୬୩–୭୧; ଜହନ ୧୮:୧୩–୧୪,୧୯–୨୪)
53ଏମ୍ୱାଟି ଦାଲ୍ଲା ଜିସୁନିକି ମୁଲନ୍ ଜାଜକ ଟାକ୍କେ ଅତେରି । ଏଦିମ୍ୱା ଗାମିନ୍ ଜାଜକ, ଗାମିନାରି ଅଟେ ସାସ୍ତ୍ରିଙ୍ଗ୍ ରପାଟ୍ଟେ ଉଜିତେରି । 54ପିତର ଜିସୁତାୱାଟି ଦେହା ମାଞ୍ଜାନ୍ ତା ବେତ ବେତଟ୍ ୱାନାହି ମୁଲନ୍ ଜାଜକତି ପିଣ୍ଡା ଲାଃଇ ହାଜ୍ଜାନ୍ ଜପନ୍ତି ସିପେଙ୍ଗ୍ ଡ଼ାହି ନାଡ଼ି କାନ୍ଦେଚ୍ଚେଞ୍ଜି । 55ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ଗାମିନ୍ ସବାତାୱା ମାଚ୍ଚି ହାବେ ଜିହୁଦି ଦାଲ୍ଲା ଜିସୁନିକି ପାଗନ୍ ବାଗାଟି ତା ବିରୁଦିଆଟି ଦୁସତି ପରମାନ ଦାହ୍ତେରି, ମତ୍ର ଇନ୍ନି ଦୁସ ପାଃନାତେରି । 56ଇନାକି ଏଗେଲ୍ ଦାଲ୍ଲା ୱାନାହି ଜିସୁ ବିରୁଦିଆଟି କଲ ସାକି ହିତେରି, ମତ୍ର ଇନ୍ଦାର୍ତି ସାକି ୱାଡ଼େ ଆଃଡ୍ଡାତେ ।
57ଏମ୍ବାଟି ଅଟେ ଏଗେଲ୍ ଦାଲ୍ଲା ଡିଡ୍ଡାନ୍ କଲ ସାକି ହିଅନ୍ ମ୍ରାସ୍ତେରି, 58#ଜହ ୨:୧୯“ମାମୁ ଜିସୁନିକି ଇହିଙ୍ଗିସି ୱେସ୍ପନ୍ତି କାତା ୱେଞ୍ଜାନାମୁ ଜେ, କୁଇଙ୍ଗ୍ କ୍ଲେହାନ୍ନି ଇ ମନ୍ଦିରତିଦି ଲେକ୍ଚାନ୍ କୁଇଙ୍ଗ୍ କ୍ଲେହାହେଃଲ୍ଲାନ୍ ଆଟେ ରଣ୍ଡା ମନ୍ଦିରତିଦି ନାନୁ ମୁନେସିଆଟି କ୍ଲେହିଇ ।” 59ମତ୍ର ଇଦିମ୍ୱା ୱାଡ଼େ ଏ ଦାଲ୍ଲାତି ସାକି ଆଃଡ୍ଡାତେ ।
60ଏମ୍ୱାଟି ମୁଲନ୍ ଜାଜକ ଦାଲ୍ଲା ମାଦ୍ଦି ଡିଡ୍ଡାନାହି ଜିସୁନିକି ୱେଚ୍ଚେଞ୍ଜି, “ଇ ଦାଲ୍ଲା ହାବେ ଇନ୍ନା ନି ବିରୁଦଟି ଦୁସି କିଆନ୍ ଇ ଇମ୍ୱିନ୍ କାତା ୱେସ୍ପିଞ୍ଜାନେରି, ଇଦି ଇନ୍ନା ନିଜ୍ଜା? ଏ କୁଲାଟି ନିଙ୍ଗେ ଇନା ୱେସ୍ପନ୍ ମାନ୍ନେମା ?”
61ମତ୍ର ଜିସୁ ଡାମ୍ନା ବାସାଆତେଞ୍ଜି, ଆଟେ ଇନ୍ନା ୱ୍ଡେପ୍ଚ୍ଚି ୱେଃସାତେଞ୍ଜି, ମୁଲନ୍ ଜାଜକ ଆଟେ ରଲି ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜୁଙ୍ଗନ୍ ପାଁଣ୍ଡିନ୍ନି ମୁଲାପେନୁତି ମ୍ରିଃଏଞ୍ଜି କ୍ରିସ୍ଟ ?”
62ଜିସୁ ୱେସ୍ତେଞ୍ଜି, “ହାଁ, ନାନୁ ଏୱାତାନୁ, ଆଟେ କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲ ଡ଼ାହି ତିନ୍ନି ଇନ୍ଦେଟ୍ କକ୍ଚ୍ଚାନାଦା ଅଟେ ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଅନ୍ତାଦା ହୁଡ଼ିଦେରି ।”
63ଏମ୍ୱାଟି ମୁଲନ୍ ଜାଜକ ରାଗା ଆନ୍ ତା ଜିରା ପ୍ରିକ୍ଚାନ୍ ୱେସ୍ତେଞ୍ଜି, “ମାଙ୍ଗେ ଅଟେ ଇନ୍ନି ସାକି ଦରକାର ? 64ଜିସୁ ମୁଲାପେନୁତି ବିରୁଦିଆଟି ୱେସ୍ତେଞ୍ଜି ମିରୁ ହାବେ ୱେଚ୍ଚେରି; ହାଦାଡ଼ି ମିରୁ ଇନ୍ନା ଇଞ୍ଜିଞ୍ଜେରି ?”
ଏମ୍ୱାଟି ଦାଲ୍ଲା ହାବେ ୱେସ୍ତେରି, “ଜିସୁ ହାଅନ୍ତି ଦଣ୍ଡ ପାଁନ୍ବନ୍ତିକି ଜୁଗ୍ୟ ।”
65ଆଟେ ଏମ୍ୱେ ଏମ୍ୱେ ଜିସୁ କୁଃଏଟି ହୁପୁଡ଼୍ ହୁପିତେରି, ତା ମ୍ରୁମ୍ୱୁ ମୁଚ୍ଚି କିଆନ୍ କୁତ୍କାୱିଆନ୍ ୱେସ୍ପନ୍ ମ୍ରାସ୍ତେରି, “ନିନୁ ଗିଃଆ ବାବବାଦି ! ନିଙ୍ଗେ ଏମ୍ୱେ ୱେତାତେ ମାଙ୍ଗେ ୱେସ୍ତାମୁ ।” ଆଟେ ଜପନ୍ତି ସିପେଙ୍ଗ୍ ଚାପ୍ଡ଼ା ୱେଚି ୱେଚି ତାଙ୍ଗେ ଆହାନ୍ ଅତେରି ।
ପିତର ଜିସୁନିକି ଅସ୍ପିକାର କିଅନ୍
(ମାତିଉ ୨୬:୬୯–୭୫; ଲୁକ ୨୨:୫୬–୬୨; ଜହନ ୧୮:୧୫–୧୮,୨୫–୨୭)
66ଏଚିତୁକାତାୱା ପିତର ୱାଡ଼େ ଏ ପିଣ୍ଡାତାୱା ମାଚ୍ଚେଞ୍ଜି, ଏଦିମ୍ୱା ମୁଲନ୍ ଜାଜକତି ରଣ୍ଡି କାମ୍ବାରାଲୁ ୱାନାହି ପିତର ନାଡ଼ି କାନ୍ଦେଚ୍ଚାଦା ହୁଡ଼ିତେ; 67ଆଟେ ପିତରନିକି କୁତାକିଆନ୍ ମେହାନ୍ ୱେସ୍ତେ, “ନିନୁ ୱାଡ଼େ ନାଜରିତତି ଜିସୁ ଡ଼ାହି ମାଚ୍ଚି ।”
68ମତ୍ର ଏୱାଞ୍ଜି ଅସ୍ପିକାର କିଆନ୍ ୱେସ୍ତେଞ୍ଜି “ନାନୁ ତାଙ୍ଗେ ପୁଞ୍ଜାହେଃଲ୍ଲାନୁ, ଆଟେ ନିନୁ ଇନ୍ନା ୱେସ୍ପିଞ୍ଜାଦି ନାନୁ ପୁନ୍ବନ୍ ମୁପେହେଃଲ୍ଲାନୁ ।” ଏମ୍ବାଟି ଏୱାଞ୍ଜି କାଟ ହଚାନ୍ ଆଟ୍ଟେଲ୍ତି ଦାରାଇନ୍ଦା ହାଚ୍ଚେଞ୍ଜି; ଏଚିୱାଡ଼େ କଜ୍ଜୁ କ୍ଲାତେ ।
69ଆଟେ ଏ କାମ୍ବାରାଲୁ ପିତରନିକି ହୁଡ଼ାନ୍ ରେଃଏସ୍ ଡିଡ୍ଡାଚି ଦାଲ୍ଲାନିକି ୱେସ୍ତେ, “ଇୱାଞ୍ଜ୍ ତ ଏୱାର୍ତାୱାଟି ରଃଅଞ୍ଜି ।” 70ମତ୍ର ପିତର ଆଟେ ରଲି ଅସ୍ପିକାର କିତେଞ୍ଜି ।
ବାଇକ୍ ଏଚିତୁକା ହାଚ୍ଚାୱିଃଆଟି ଏମ୍ୱା ଡିଡ୍ଡାଚି ଦାଲ୍ଲା ହାବେ ପିତରନିକି ୱେସ୍ତେରି, “ନିନୁ ନିଜ୍ଜାନେଃଏ ଜିସୁତି ଦାଲ୍ଲା ତାୱାଟି ରଃଅଞ୍ଜି, ଇନାକି ନିନୁ ତ ଗାଲିଲିତି କୁଏଞ୍ଜ୍ତାତି ।”
71ମତ୍ର ତାନୁ ତା ଗାଣ୍ଡି ୱ୍ଲିପା ହିଆନ୍ ଅଟେ ହାପ୍ପା କିଆନ୍ ୱେସ୍ତେଞ୍ଜି, “ମିରୁ ଇନ୍ଦାର୍ କୁଲାଟି କାତା କିଞ୍ଜେରି, ଏୱାଞ୍ଜିକି ନାନୁ ପୁଞ୍ଜାହେଃଲ୍ଲେନୁ ।”
72ଏଚିୱାଡ଼େ କଜ୍ଜୁ ଆଟେ ରି ଅଲି କ୍ଲାତେ । ଏମ୍ୱାଟି “ରି ଅଲି କଜ୍ଜୁ କ୍ଲାପ୍ନ୍ତି କାହେନେଃଏ ନିନୁ ନାଙ୍ଗେ ମୁଅଲି ପୁଞ୍ଜାହେଃଲ୍ଲାନୁ ଇଞ୍ଜାନ୍ ୱେସ୍ଦି,” ଇ କାତା ଜିସୁ ପିତରନିକି ୱେସାଚ୍ଚେଞ୍ଜି, ଏଦା ପିତର ଏଲୁ କିତେଞ୍ଜି । ଆଟେ ପିତର ଇ କାତା ଏଲୁ କିଆନ୍ ଏଗେଲ୍ ଡ଼ିଅନ୍ ମ୍ରାସ୍ତେଞ୍ଜି ।
Právě zvoleno:
ମାର୍କ 14: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 14
14
ଜିସୁ ବିରୁଦିଆଟି ଜିହୁଦିଙ୍ଗ୍ତି ଜୁଜନା
(ମାତିଉ ୨୬:୧–୫; ଲୁକ ୨୨:୧–୨; ଜହନ ୧୧:୪୫–୫୩)
1ନିସ୍ତାର ରେହାଙ୍ଗ୍ ଅଟେ କମିର ଆଡ୍ଡାହେଃଲ୍ଲାନ୍ ରୁଟିତି ରେହାଙ୍ଗ୍ ଆଅନ୍ ବାଗା ରି ଦିନା ମାଚ୍ଚେ । ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ସାସ୍ତ୍ରିଙ୍ଗ୍ ଇନିସ୍ ତାଙ୍ଗେ ଆହାନାହି ପାଗିନେରି ଏ ପେଜୁ ଦାହ୍ପିଚ୍ଚେରି । 2ଇନାକି ଏୱାରି ୱେସ୍ତେରି, “ରେହାଙ୍ଗ୍ ତୁକାତାୱା ଆଃଏ, ରେହାଙ୍ଗ୍ ତୁକାତାୱା ଆହ୍ତେସି ଦାଲ୍ଲା ହାବେ ରାଗା ଆନ୍ ହିଲାବାଦେର୍ ଆନେରି ।”
ବେତନିଆ ଗାଡ଼ାନାଜୁତାୱା ଜିସୁନିକି ନିଜ୍ଜୁଟି ଆଚି କିଅନ୍#୧୪:୩ ନିଜ୍ଜୁଟି ଆଚି କିଅନ୍ ଇଚ୍ଚେସି ଉଡ଼ିଆ କାତାଟି ଅବିସେକ କିଅନ୍ତାଦି
(ମାତିଉ ୨୬:୬–୧୩; ଜହନ ୧୨:୧–୮)
3 #
ଲୁକ ୭:୩୭,୩୮ ଜିସୁ ବେତନିଆ ଗାଡ଼ାନାଜୁତାୱା ମୁଟ୍ଡାଙ୍ଗ୍ ରଗୁଟି ନେହିଆଚ୍ଚି ସିମନ ଇଜ୍ଜା ଉନ୍ବନ୍ ବାଗା କକ୍ଚାଚ୍ଚି ତୁକାତାୱା ରଣ୍ଡି ଆଚାଲୁ ୱାନାହି ରଣ୍ଡା କାଞ୍ଚତାୱା ଗାପ୍ଚି ମର୍ଗଗାଟି ନେହିଗାନ୍ଦା ନିଜ୍ଜୁ ତାଚ୍ଚାନ୍ ଜିସୁତି ତ୍ଲାଉତାୱା ୱାକ୍ତେ । 4ମତ୍ର ଏଚ୍ଚେ ଦାଲ୍ଲା ଏଦା ହୁଡ଼ାନ୍ ରାଗା ଆନ୍ ତାରୁ ତାରୁ ୱେସ୍ପିଆତେରି, “ଏଦି ଇ ନେହିଗାନ୍ଦାଗାଟି ନିଜ୍ଜୁ ଇନାବାଗା ଇହିଙ୍ଗିସି ନାହେଡ୍ କିନ୍ନେ । 5ଇ ନିଜ୍ଜୁ ତ ପ୍ରାତେସି ଏଗେଲ୍ ଟାକ୍କାଙ୍ଗ୍ତାଦି, ଇଦା ପ୍ରାଚାନ୍ ହାକ୍କିଗାଟାରିକି ହିଅନ୍ ମୁପନ୍ ଆନେମା ।” ଏଦାକି ଏ ଆଚାଲୁନିକି ଏୱାରି କାତାଙ୍ଗ୍ କିତେରି ।
6ମତ୍ର ଜିସୁ ୱେସ୍ତେଞ୍ଜି, “ଏଦାଡ଼ିକି ପିହା ହିଦୁ ଇନ୍ନା କିଅନ୍ କସ୍ଟ ହିଞ୍ଜେରି ? ଏଦି ନା ବାଗା ନେହି କାମା କିଆନ୍ନେ । 7ଇନାକି ପାଃନାନାରି ତ ହାବେ ୱେଲା ମି ଟାକ୍କେ ମାନ୍ନେରି, ମିରୁ ଏଚ୍ଚିକିଃଆ ଇଚ୍ଚା କିତେସ୍ ତା ଉପକାର କିଅନ୍ ମୁଦେରି, ମତ୍ର ନାନୁ ହାବେ ଦିନା ମି ଡ଼ାହି ବାସାଆଃଏନୁ । 8ଏଦି ତା ମୁପନ୍ତି ଡେହେଙ୍ଗ୍ ନା ବାଗା ଇନ୍ନା କିଆନ୍ନେ ଏଦି ନା ବାଗା ପାଡ଼ି; ଏଦି ନାଙ୍ଗେ ଗ୍ରିପାଙ୍ଗୁଟିତାୱା ଗ୍ରିପନ୍ତି କାହେ ନା ଗାଣ୍ଡିତାୱା ନିଜ୍ଜୁ ମିସାଞ୍ଜାନେ । 9ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ପୁର୍ତିତି ଇମ୍ୱିନ୍ ଗର୍ରିତାୱା ୱାଡ଼େ ନା ସୁସମାଚାର ୱେସ୍ପା ଆନେ, ଏ ଗର୍ରିତାୱା ଇ ଆଚାଲୁନିକି ଏଲୁ କିଅନ୍ ବାଗା ଏଦି କିଆନ୍ନି ଇ କାମାତି କାତା ୱାଡ଼େ ୱେସ୍ପା ଆନେ ।”
ଜିସୁନିକି ଆହ୍ପି କିଅନ୍ ବାଗା ଜିହୁଦା ରାଜି ଆଅନି
(ମାତିଉ ୨୬:୧୪–୧୬; ଲୁକ ୨୨:୩–୬)
10ଏମ୍ବାଟି ବାରାଗାଣ୍ଡି ଗ୍ରାମ୍ବାଗାଟାରି ତାୱାଟି ଇସ୍କାରିୟତ ଜିହୁଦା ପାରୁଗାଟି ରଃଅଞ୍ଜି ଗ୍ରାମ୍ୱାଗାଟାଞ୍ଜି ହାଜ୍ଜାନ୍ ଜିସୁନିକି ଗାମିନ୍ ଜାଜକଙ୍ଗ୍ କାଜ୍ଜୁତାୱା ଆହ୍ପି କିଅନ୍ ବାଗା ଏୱାର୍ ଟାକ୍କେ ହାଚ୍ଚେଞ୍ଜି । 11ଏୱାରି ଇଦା ୱେଞ୍ଜାନାହି ଏଗେଲ୍ ରାହାଙ୍ଗ୍ ଆତେରି ଅଟେ ତାଙ୍ଗେ ଟାକ୍କାଙ୍ଗ୍ ହିଆନାମୁ ଇଞ୍ଜାନ୍ ଦିବ୍ବା କିଆନ୍ ୱେସ୍ତେରି । ଏମ୍ବାଟି ତାନୁ ସୁଜଗ ହୁଡ଼ାନ୍ ଆହ୍ପି କିଅନ୍ତିକି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ଗ୍ରାମ୍ୱାଗାଟାର୍ ଡ଼ାହି ନିସ୍ତାର ବୁଜି ପାଲ୍ନି ଆଅନ୍
(ମାତିଉ ୨୬:୧୭–୨୫; ଲୁକ ୨୨:୭–୧୪; ୨୨:୨୧–୨୩; ଜହନ ୧୩:୨୧–୩୦)
12କମିର ଆଡ୍ଡାହେଃଲ୍ଲାନ୍ ରୁଟିତି ରେହାଙ୍ଗ୍ ମ୍ରାସ୍ପନ୍ତି ଦିନାତାୱା ଜିହୁଦି ଦାଲ୍ଲା ମେଁଣ୍ଡାଡଟି ବଲି ହିଚ୍ଚେରି । ଏଚିୱେଲା ଗ୍ରାମ୍ୱାଗାଟାରି ଜିସୁନିକି ୱେଚ୍ଚେରି, “ମାମୁ ନି ବାଗା ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିନାମୁ ମାଙ୍ଗେ ୱେସ୍ତାମୁ ।”
13ଏମ୍ବାଟି ଜିସୁ ତା ଗ୍ରାମ୍ୱାଗାଟାରି ତାୱାଟି ରିଃଆରିକି ୱେସାନ୍ ପାଣ୍ଡିତେଞ୍ଜି, “ମିରୁ ରଣ୍ଡା ଗାଡ଼ାନାଜୁଇନ୍ଦା ହାଜ୍ଜୁ,” ଆଟେ ଏଦିମ୍ୱା ରଃଅଞ୍ଜି କ୍ଲାହିତାୱା ଏଜୁ ଆହାନ୍ ହାଜ୍ଜିନ୍ନାଞ୍ଜିକି ପୁଁଣ୍ଡିଦେରି, ଆଟେ ତା ବେତ ବେତଟ୍ ହାଜ୍ଜୁ । 14ଏୱାଞ୍ଜି ଇମ୍ୱିନ୍ ଇଜ୍ଜା ହଲ୍ନେଞ୍ଜି ଏ ଇଡ୍ଡୁତି ସକାରେଏଞ୍ଜିକି ୱେସ୍ଦେରି, “ମା ଗ୍ରାପାଗାଟାଞ୍ଜି ୱେଞ୍ଜିଞ୍ଜାନେଞ୍ଜି, ନାନୁ ନା ଗ୍ରାମ୍ୱାଗାଟାରି ଡ଼ାହି ଇମ୍ୱିନାୱା ନିସ୍ତାର ରେହାଙ୍ଗ୍ତି ବୁଜି କିଃଇ, ଏ ଇଡ୍ଡୁ ଇମ୍ୱିନାଦି ?” 15ଏମ୍ବାଟି ଏୱାଞ୍ଜି ମିଙ୍ଗେ ନେହେନ୍ ରହାନ୍ନି ୱାନ୍ଦେଟ୍ତି ବେର୍ ବାକ୍ରା ତସ୍ତାନେଞ୍ଜି, ଏ ଗର୍ରିତାୱା ମା ବାଗା ବୁଜି ହାମ୍ୱେର୍ କିଦୁ ।
16ଏମ୍ବାଟି ଗ୍ରାମ୍ୱାଗାଟାରି ଏ ନାଜୁଇନ୍ଦା ହାଚ୍ଚେରି, ଆଟେ ଜିସୁ ଏୱାରିକି ଇନିସ୍ ୱେସାଚ୍ଚେଞ୍ଜି ଟିକ୍ ଏହେଙ୍ଗିସି ଆତେ; ଆଟେ ଗ୍ରାମ୍ୱାଗାଟାରି ଏଦିମ୍ୱା ନିସ୍ତାର ରେହାଙ୍ଗ୍ତି ବୁଜି ହାମ୍ୱେର୍ କିତେରି ।
17ଏଚ୍ଚିକିଃଆ ମିଡ୍ଡଡ଼୍ ଆତେ ଜିସୁ ଗ୍ରାମ୍ୱାଗାଟାରି ଡ଼ାହି ୱାତେଞ୍ଜି । 18ଏୱାରି କକ୍ଚ୍ଚାନ୍ ଉଣ୍ଡିଚ୍ଚି ତୁକାତାୱା ଜିସୁ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମି ତାୱାଟି ରଃଅଞ୍ଜି, ଏମ୍ୱେନାଞ୍ଜିକି ହାଦାଡ଼ି ନା ଡ଼ାହି ତିନ୍ବା ଉନ୍ବା କିନ୍ନେଞ୍ଜି, ଏୱାଞ୍ଜି ନାଙ୍ଗେ ସତ୍ରୁଗାଟାର୍ତି କାଜ୍ଜୁତାୱା ସର୍ପି କିଆନେଞ୍ଜି ।”
19ଏମ୍ୱାଟି ଏୱାରି ଦୁଃକ କିଆନ୍ ରଃଅ ରଃଅଞ୍ଜି ଆନାହି ଜିସୁନିକି ୱେଚ୍ଚେରି, “ଏୱାଞ୍ଜ୍ ଇନ୍ନା ନାନୁ ମା ?”
20ଜିସୁ ଏୱାରିକି ୱେସ୍ତେଞ୍ଜି, “ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ରଃଅଞ୍ଜି, ଏମ୍ୱେନାଞ୍ଜିକି ନା ଡ଼ାହି ଗିନ୍ନାତାୱା କାଜ୍ଜୁ ମେସାନ୍ନେଞ୍ଜି । 21ଇନିସ୍କି ଦର୍ମପୁତିତାୱା ୱ୍ରିଗାଆନ୍ନେ, ଏହେଙ୍ଗିସି କୁଏଞ୍ଜି ମ୍ରିଃଏଞ୍ଜି ନିଜ୍ଜାନେଃଏ ହାନେଞ୍ଜି, ମତ୍ର ଏମ୍ୱେନାଞ୍ଜି ତାଙ୍ଗେ ସତ୍ରୁ କାଜ୍ଜୁତାୱା ଆହ୍ପି କିନେଞ୍ଜି ଏୱାଞ୍ଜି ପ୍ଲିଆହେଃଲ୍ଲାତେସି ତା ବାଗା ନେହି ଆନ୍ନେମା ।”
ଦାର୍ମୁ ବୁଜିତି ହାଜୁ
(ମାତିଉ ୨୬:୨୬–୩୦; ଲୁକ ୨୨:୧୪–୨୦)
22ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଜିସୁ ରୁଟି ଅଆନ୍ ମେଲା କିତେଞ୍ଜି ଅଟେ ଏଦା ପାହେଡ଼୍ କିଆନ୍ ଗ୍ରାମ୍ବାଗାଟାରିକି ହିଆନ୍ ୱେସ୍ତେଞ୍ଜି, “ଅଦୁ, ଇଦି ନା ଗାଣ୍ଡି ।”
23ଆଟେ ଉନ୍ବା ଗିନ୍ନା ଅଆନ୍ ଦନ୍ୟବାଦ ହିତେଞ୍ଜି ଅଟେ ହାବେ ଦାଲ୍ଲା ଏ ଗିନ୍ନାତାୱାଟି ଉଟ୍ଟେରି । 24ଆଟେ ଏୱାରିକି ୱେସ୍ତେଞ୍ଜି, “ଇମ୍ୱିନ୍ ଚୁକ୍ତିତି ରାକ୍କା ଏଗେଲ୍ ଦାଲ୍ଲା ବାଗାଟି ବଙ୍ଗାନ୍ନେ ଇଦି ନା ଏ ରାକ୍କା । 25ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇମ୍ୱିନ୍ ୱେଲା ନାନୁ ମୁଲାପେନୁତି ରାଜିତାୱା ରିହିକ୍ ଅଙ୍ଗୁରନିରୁ ଉଃନ୍ନେନୁ, ଏ ଦିନା ଟିକ୍ନା ଅଙ୍ଗୁରନିରୁ ଏଚ୍ଚେକ୍ୱାଡ଼େ ଉଃନ୍ନେନୁ ।”
26ଆଟେ ଏୱାର୍ ଗାଡ଼ିହେରୁ କିଆନ୍ ଜିତ ହରୁଇନ୍ଦା ହଚାନ୍ ହାଚ୍ଚେରି ।
ପିତର ଅସ୍ପିକାର କିଅନ୍ତି କୁଲାଟି ଜିସୁ ୱେସ୍ପନ୍
(ମାତିଉ ୨୬:୩୧–୩୫; ଲୁକ ୨୨:୩୧–୩୪; ଜହନ ୧୩:୩୬–୩୮)
27ଏଚିତୁକାତାୱା ଜିସୁ ଗ୍ରାମ୍ବାଗାଟାରିକି ୱେସ୍ତେଞ୍ଜି, ମିରୁ ହାବେ ପିହ୍ତାଦେରି, ଇନାକି ଦର୍ମପୁତିତାୱା ୱ୍ରିଗାଆନ୍ନେ,
“ନାନୁ ଗାଉଡ଼େଏଞ୍ଜିକି ଚାହିଇ,
ଆଟେ ମେଁଣ୍ଡାଅଡାଙ୍ଗ୍ ହାବେ ବାରାୱିତି ଆନୁ ।”
28 #
ମାତି ୨୮:୧୬
ମତ୍ର ନାନୁ ହାନ୍ ନିଙ୍ଗିନାୱାଟି ମି ନକେସି ଗାଲିଲିଇନ୍ଦା ହାଃଇ । 29ମତ୍ର ପିତର ଜିସୁନିକି ୱେସ୍ତେଞ୍ଜି, “ଜଦି ଗ୍ରାମ୍ବାଗାଟାରି ହାବେ ନିଙ୍ଗେ ପିହାନ୍ ହାଜ୍ଜାତେସି ୱାଡ଼େ, ନାନୁ ପିହ୍ତାଦାଃଏନୁ ।”
30ଜିସୁ ତାଙ୍ଗେ ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜା ୱେସ୍ପିଞ୍ଜା, ନିଞ୍ଜୁ ଡାଡ଼ିଙ୍ଗ୍ ରି ଅଲି କଜ୍ଜୁ କ୍ଲାଃଆନ୍ କାହେନେଃଏ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” 31ମତ୍ର ପିତର ମାଞ୍ଜାଟି ୱେସ୍ତେଞ୍ଜି, “ନାନୁ ନି ଡ଼ାହି ଆଡ୍ଡାନ୍ ହାତେସ୍ ୱାଡ଼େ, ନାନୁ ନିଙ୍ଗେ ଏଚ୍ଚେକ୍ ଅସ୍ପିକାର କିଆଦାଃଏନୁ ।”
ଆଟେ ବିହି ଗ୍ରାମ୍ୱାଗାଟାରି ୱାଡ଼େ ଏଚିଡେହେଙ୍ଗ୍ ୱେସ୍ତେରି ।
ଗେତ୍ସିମନି ଗାଡ଼ାତାୱା ଜିସୁତି ପ୍ରାତ୍ନା
(ମାତିଉ ୨୬:୩୬–୪୬; ଲୁକ ୨୨:୩୯–୪୬)
32ଏମ୍ୱାଟି ଜିସୁ ଅଟେ ତା ଗ୍ରାମ୍ବାଗାଟାରି ଗେତ୍ସିମନି ପାରୁଟି ରଣ୍ଡା ଗର୍ରିଇନ୍ଦା ୱାତେରି, ଆଟେ ଜିସୁ ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, “ନାନୁ ଏଦିମ୍ୱା ହାଜ୍ଜାନ୍ ପ୍ରାତ୍ନା କିନି ଟିକ୍ନା ମିରୁ ଇଦିମ୍ୱା କକ୍ଚ୍ଚାଞ୍ଜୁ।” 33ଜିସୁ ପିତର, ଜାକୁବ ଅଟେ ଜହନନିକି ଆର୍ଚାନ୍ ଅତେଞ୍ଜି । ଏମ୍ୱାଟି ଜିସୁ ଏଗେଲ୍ ଦୁଃକ ଆନ୍ ରାହାପାହା ଆଅନ୍ ମ୍ରାସ୍ତେଞ୍ଜି । 34ଜିସୁ ଏୱାରିକି ୱେସ୍ତେଞ୍ଜି, “ନା ପରନ୍ ହାଇନ୍ନି ଲାକ୍କାଟି ଗାପ୍ଚି କଲିବିଲି ଆଇନେ; ଏଦାକି ମିରୁ ଇଦିମ୍ୱା କାଚାନ୍ ବାସାଆଦୁ ।”
35ଆଟେ ଜିସୁ ଏୱାର୍ତାୱାଟି ହିତେ ନକେସ୍ ହାଜ୍ଜାନ୍ ନେତେ ବ୍ଡିଆନ୍ ପ୍ରାତ୍ନା କିତେଞ୍ଜି, “ଜଦି ଆଅନ୍ ମୁପିନ୍ନେ, ଏହେଙ୍ଗ୍ ଆତେସି ଇ ଦୁଃକତି ତୁକା ନା ତାୱାଟି ଦେହା ଆପାକାଦି ।” 36ଆଟେ ଜିସୁ ୱେସ୍ତେଞ୍ଜି, “ଆବା, ଏ ଆବା ନିନୁ ହାବେ କିଅନ୍ ମୁଦି । ଇ ବିହାନପୁତି ଗିନ୍ନାତିଦି ନା ତାୱାଟି ଦେହା କିମୁ । ଆତେସ୍ୱାଡ଼େ ନା ଇଚ୍ଚାଟି ଆଃଏ, ମତ୍ର ନି ଇଚ୍ଚା ଆପାକାଦି ।”
37ଏମ୍ୱାଟି ଜିସୁ ୱାନ୍ ଏୱାର୍ ହାବେ ହୁଞ୍ଜାନାଦା ହୁଡ଼ିତେଞ୍ଜି ଅଟେ ପିତରନିକି ୱେସ୍ତେଞ୍ଜି, “ସିମନ, ମିରୁ ଇନ୍ନା ହୁଞ୍ଜିତେରି ? ମିରୁ ଇନ୍ନା ର ଗଣ୍ଟା ୱାଡ଼େ କାପନ୍ ମୁତାଦାଃଆତେରି ? 38ମିରୁ ପ୍ରାତ୍ନା କିଦୁ ଅଟେ ଜାଗ୍ରତ ଆନ୍ ବାସାଆଦୁ, ଇନିସ୍କି ମିରୁ ପରିକ୍ୟାତାୱା ଦିଃଏରି, ଡିଙ୍ଗା ଇଚ୍ଚା କିନ୍ନେ ନିଜ୍ଜା, ମତ୍ର ଗାଣ୍ଡି ଦୁର୍ବଲ ।”
39ଏମ୍ୱାଟି ଜିସୁ ଆଟେ ରଲି ହାଜ୍ଜାନ୍ କାହେ ଡେହେଙ୍ଗ୍ ୱେସାନ୍ ପ୍ରାତ୍ନା କିତେଞ୍ଜି । 40ରିହିକ୍ ଜିସୁ ୱାନାହି ଗ୍ରାମ୍ୱାଗାଟାରିକି ହୁଞ୍ଜାନ୍ନାଦାଃଆ ହୁଡ଼ିତେଞ୍ଜି, ଇନାକି ଏୱାରିକି ହାବେ ଏଗେଲ୍ ହୁଚି କାଡ଼୍କା ଆଇଚ୍ଚୁ, ଏଦାବାଗା ଇୱାରି ଇନ୍ନା ୱ୍ଡେପ୍ଚ୍ଚି ୱେସ୍ପନ୍ ପୁଃନ୍ନାତେରି ।
41ଜିସୁ ମୁଅଲି ଟିକ୍ନା ହାଜ୍ଜାନ୍ ପ୍ରାତ୍ନା ୱିହି କିଆନ୍ ୱାନ୍ ୱେସ୍ତେଞ୍ଜି, “ମିରୁ ହାଦାଡ଼ି ଟିକ୍ନା ହୁଞ୍ଜାନ୍ ୱାହୁ ଜାମ୍ୱେଞ୍ଜେରି ? ୱେଲା ଏଗେଲ୍ ଆତେଦେ, ଏ ୱେଲା ଏତାତେ, ହୁଡ଼ାଟୁ, କୁଏଞ୍ଜ୍ ମ୍ରିଃଏଞ୍ଜି ପାପିଗାଟାର୍ତି କାଜ୍ଜୁତାୱା ସର୍ପି ଆଇନ୍ନେଞ୍ଜି । 42ନିଙ୍ଗାଟୁ ମାରୁ ହାନ୍ନା, ହୁଡ଼ାଟୁ, ଏମ୍ୱେନାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ଏୱାଞ୍ଜି ଟାକ୍କେ ଏତାତେଞ୍ଜି ।”
ଜିସୁ ସତ୍ରୁ କାଜ୍ଜୁତାୱା ସର୍ପି ଆଅନ୍
(ମାତିଉ ୨୬:୪୭–୫୬; ଲୁକ ୨୨:୪୭–୫୩; ଜହନ ୧୮:୩–୧୨)
43ଆଟେ ଏଚିୱାଡ଼େ ଜିସୁ ଇ କାତା ୱେସ୍ପିଚ୍ଚି ତୁକାତାୱା ବାରାଗାଣ୍ଡି ଗ୍ରାମ୍ବାଗାଟାର୍ ତାୱାଟି ଜିହୁଦା ପାରୁଟି ରଃଅଞ୍ଜି ଗ୍ରାମ୍ବାଗାଟାଞ୍ଜି ୱାନ୍ ଏଦିମ୍ୱା ଏତାତେଞ୍ଜି, ଆଟେ ତା ଡ଼ାହି ଗାମିନ୍ ଜାଜକଙ୍ଗ୍, ସାସ୍ତ୍ରିଙ୍ଗ୍ ଅଟେ ଗାମିନାରି ତାୱାଟି ଦାଲ୍ଲା ହାବେ କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାତେରି । 44ସତ୍ରୁ କାଜ୍ଜୁତାୱା ଆହ୍ପି କିଅନ୍ତି ଜିହୁଦା ଜିସୁନିକି ପୁନ୍ବି କିଅନ୍ ବାଗା ରଣ୍ଡା ତୁର୍ରି ହିଆ ଇଞ୍ଜାନ୍ ୱେସାଚ୍ଚେଞ୍ଜି, “ଆଟେ ନାନୁ ଇନ୍ଦାରିକି ଜୁମ୍ୱିଇ ଇୱାଞ୍ଜି ଏ କୁଏଞ୍ଜି, ଏୱାଞ୍ଜିକି ଗାସାନ୍ ନେହେନ୍ ଆହାନ୍ ଅଦେରି ।”
45ଏମ୍ବାଟି ଏୱାଞ୍ଜି ଜିସୁ ରେଃଏସ୍ ହାଚ୍ଚେଞ୍ଜି ଆଟେ ଏଚିୱାଡ଼େ “ଏ ଗ୍ରାପାଗାଟାତି” ଇଞ୍ଜାନ୍ ଏୱାଞ୍ଜିକି ଜୁମ୍ୱିତେଞ୍ଜି । 46ଏମ୍ୱାଟି ଏୱାରି ଜିସୁନିକି ଆହାନାହି ଗାସ୍ତେରି । 47ଜିସୁ ଟାକ୍କେ ଡିଡ୍ଡାଚି ରଃଅଞ୍ଜି ଗ୍ରାମ୍ୱାଗାଟାଞ୍ଜି ତା କଣ୍ଡା ୱେଚାନାହି ମୁଲନ୍ ଜାଜକତି କାମ୍ବାରେଏଞ୍ଜ୍ତି କ୍ରିଉ କାତା ହିତେଞ୍ଜି । 48ଜିସୁ ଏ ଦାଲ୍ଲାନିକି ୱେସ୍ତେଞ୍ଜି, “ନାନୁ ଇନ୍ନା ମ୍ଡାମେଞ୍ଜ୍ତାନୁ ଜେ ମିରୁ ନାଙ୍ଗେ ଆହ୍ପନ୍ ବାଗା କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାଞ୍ଜେରି ? 49#ଲୁକ ୧୯:୪୭; ୨୧:୩୭ଦିନାଙ୍ଗେଃଏ ନାନୁ ଜିରୁସାଲମ ମନ୍ଦିରତାୱା ମିଙ୍ଗେ ଗ୍ରାପେଞ୍ଜାତେଃଏ, ଏଦିମ୍ୱା ନାଙ୍ଗେ ମିରୁ ଆହ୍ତାଦାଃଆତେରି; ମତ୍ର ବାବବାଦିଙ୍ଗ୍ତି ଦର୍ମପୁତି ଇନିମିଡି ସପଲ ଆନେ, ଏଦାବାଗା ଇ ହାବେ ଡୁଣ୍ଡେଲ୍ ଆଇନେ ।”
50ଏମ୍ୱାଟି ଜିସୁତି ଗ୍ରାମ୍ୱାଗାଟାରି ହାବେ ତାଙ୍ଗେ ତୁହାନ୍ ଡେହିତେରି ।
51ମତ୍ର ରଃଅଞ୍ଜି ଲାୱେଞ୍ଜି ୱାର୍ରି ଗାଣ୍ଡି ଜିରା ପର୍ଚ୍ଚାନ୍ ଜିସୁ ବେତ ବେତଟ୍ ହାଜ୍ଜିଚ୍ଚେଞ୍ଜି, ଦାଲ୍ଲା ଏୱାଞ୍ଜିକି ଆହ୍ତେରି । 52ମତ୍ର ତାନୁ ଜିରା ତୁହାନ୍ ୱାର୍ରି ଗାଣ୍ଡିଟି ଡେହିତେଞ୍ଜି ।
ଜିହୁଦିଙ୍ଗ୍ତି ବେର୍ ସବାତାୱା ଜିସୁନିକି ବିଚାର
(ମାତିଉ ୨୬:୫୭–୬୮; ଲୁକ ୨୨:୫୪–୫୫; ୨୨:୬୩–୭୧; ଜହନ ୧୮:୧୩–୧୪,୧୯–୨୪)
53ଏମ୍ୱାଟି ଦାଲ୍ଲା ଜିସୁନିକି ମୁଲନ୍ ଜାଜକ ଟାକ୍କେ ଅତେରି । ଏଦିମ୍ୱା ଗାମିନ୍ ଜାଜକ, ଗାମିନାରି ଅଟେ ସାସ୍ତ୍ରିଙ୍ଗ୍ ରପାଟ୍ଟେ ଉଜିତେରି । 54ପିତର ଜିସୁତାୱାଟି ଦେହା ମାଞ୍ଜାନ୍ ତା ବେତ ବେତଟ୍ ୱାନାହି ମୁଲନ୍ ଜାଜକତି ପିଣ୍ଡା ଲାଃଇ ହାଜ୍ଜାନ୍ ଜପନ୍ତି ସିପେଙ୍ଗ୍ ଡ଼ାହି ନାଡ଼ି କାନ୍ଦେଚ୍ଚେଞ୍ଜି । 55ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ଗାମିନ୍ ସବାତାୱା ମାଚ୍ଚି ହାବେ ଜିହୁଦି ଦାଲ୍ଲା ଜିସୁନିକି ପାଗନ୍ ବାଗାଟି ତା ବିରୁଦିଆଟି ଦୁସତି ପରମାନ ଦାହ୍ତେରି, ମତ୍ର ଇନ୍ନି ଦୁସ ପାଃନାତେରି । 56ଇନାକି ଏଗେଲ୍ ଦାଲ୍ଲା ୱାନାହି ଜିସୁ ବିରୁଦିଆଟି କଲ ସାକି ହିତେରି, ମତ୍ର ଇନ୍ଦାର୍ତି ସାକି ୱାଡ଼େ ଆଃଡ୍ଡାତେ ।
57ଏମ୍ବାଟି ଅଟେ ଏଗେଲ୍ ଦାଲ୍ଲା ଡିଡ୍ଡାନ୍ କଲ ସାକି ହିଅନ୍ ମ୍ରାସ୍ତେରି, 58#ଜହ ୨:୧୯“ମାମୁ ଜିସୁନିକି ଇହିଙ୍ଗିସି ୱେସ୍ପନ୍ତି କାତା ୱେଞ୍ଜାନାମୁ ଜେ, କୁଇଙ୍ଗ୍ କ୍ଲେହାନ୍ନି ଇ ମନ୍ଦିରତିଦି ଲେକ୍ଚାନ୍ କୁଇଙ୍ଗ୍ କ୍ଲେହାହେଃଲ୍ଲାନ୍ ଆଟେ ରଣ୍ଡା ମନ୍ଦିରତିଦି ନାନୁ ମୁନେସିଆଟି କ୍ଲେହିଇ ।” 59ମତ୍ର ଇଦିମ୍ୱା ୱାଡ଼େ ଏ ଦାଲ୍ଲାତି ସାକି ଆଃଡ୍ଡାତେ ।
60ଏମ୍ୱାଟି ମୁଲନ୍ ଜାଜକ ଦାଲ୍ଲା ମାଦ୍ଦି ଡିଡ୍ଡାନାହି ଜିସୁନିକି ୱେଚ୍ଚେଞ୍ଜି, “ଇ ଦାଲ୍ଲା ହାବେ ଇନ୍ନା ନି ବିରୁଦଟି ଦୁସି କିଆନ୍ ଇ ଇମ୍ୱିନ୍ କାତା ୱେସ୍ପିଞ୍ଜାନେରି, ଇଦି ଇନ୍ନା ନିଜ୍ଜା? ଏ କୁଲାଟି ନିଙ୍ଗେ ଇନା ୱେସ୍ପନ୍ ମାନ୍ନେମା ?”
61ମତ୍ର ଜିସୁ ଡାମ୍ନା ବାସାଆତେଞ୍ଜି, ଆଟେ ଇନ୍ନା ୱ୍ଡେପ୍ଚ୍ଚି ୱେଃସାତେଞ୍ଜି, ମୁଲନ୍ ଜାଜକ ଆଟେ ରଲି ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜୁଙ୍ଗନ୍ ପାଁଣ୍ଡିନ୍ନି ମୁଲାପେନୁତି ମ୍ରିଃଏଞ୍ଜି କ୍ରିସ୍ଟ ?”
62ଜିସୁ ୱେସ୍ତେଞ୍ଜି, “ହାଁ, ନାନୁ ଏୱାତାନୁ, ଆଟେ କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲ ଡ଼ାହି ତିନ୍ନି ଇନ୍ଦେଟ୍ କକ୍ଚ୍ଚାନାଦା ଅଟେ ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଅନ୍ତାଦା ହୁଡ଼ିଦେରି ।”
63ଏମ୍ୱାଟି ମୁଲନ୍ ଜାଜକ ରାଗା ଆନ୍ ତା ଜିରା ପ୍ରିକ୍ଚାନ୍ ୱେସ୍ତେଞ୍ଜି, “ମାଙ୍ଗେ ଅଟେ ଇନ୍ନି ସାକି ଦରକାର ? 64ଜିସୁ ମୁଲାପେନୁତି ବିରୁଦିଆଟି ୱେସ୍ତେଞ୍ଜି ମିରୁ ହାବେ ୱେଚ୍ଚେରି; ହାଦାଡ଼ି ମିରୁ ଇନ୍ନା ଇଞ୍ଜିଞ୍ଜେରି ?”
ଏମ୍ୱାଟି ଦାଲ୍ଲା ହାବେ ୱେସ୍ତେରି, “ଜିସୁ ହାଅନ୍ତି ଦଣ୍ଡ ପାଁନ୍ବନ୍ତିକି ଜୁଗ୍ୟ ।”
65ଆଟେ ଏମ୍ୱେ ଏମ୍ୱେ ଜିସୁ କୁଃଏଟି ହୁପୁଡ଼୍ ହୁପିତେରି, ତା ମ୍ରୁମ୍ୱୁ ମୁଚ୍ଚି କିଆନ୍ କୁତ୍କାୱିଆନ୍ ୱେସ୍ପନ୍ ମ୍ରାସ୍ତେରି, “ନିନୁ ଗିଃଆ ବାବବାଦି ! ନିଙ୍ଗେ ଏମ୍ୱେ ୱେତାତେ ମାଙ୍ଗେ ୱେସ୍ତାମୁ ।” ଆଟେ ଜପନ୍ତି ସିପେଙ୍ଗ୍ ଚାପ୍ଡ଼ା ୱେଚି ୱେଚି ତାଙ୍ଗେ ଆହାନ୍ ଅତେରି ।
ପିତର ଜିସୁନିକି ଅସ୍ପିକାର କିଅନ୍
(ମାତିଉ ୨୬:୬୯–୭୫; ଲୁକ ୨୨:୫୬–୬୨; ଜହନ ୧୮:୧୫–୧୮,୨୫–୨୭)
66ଏଚିତୁକାତାୱା ପିତର ୱାଡ଼େ ଏ ପିଣ୍ଡାତାୱା ମାଚ୍ଚେଞ୍ଜି, ଏଦିମ୍ୱା ମୁଲନ୍ ଜାଜକତି ରଣ୍ଡି କାମ୍ବାରାଲୁ ୱାନାହି ପିତର ନାଡ଼ି କାନ୍ଦେଚ୍ଚାଦା ହୁଡ଼ିତେ; 67ଆଟେ ପିତରନିକି କୁତାକିଆନ୍ ମେହାନ୍ ୱେସ୍ତେ, “ନିନୁ ୱାଡ଼େ ନାଜରିତତି ଜିସୁ ଡ଼ାହି ମାଚ୍ଚି ।”
68ମତ୍ର ଏୱାଞ୍ଜି ଅସ୍ପିକାର କିଆନ୍ ୱେସ୍ତେଞ୍ଜି “ନାନୁ ତାଙ୍ଗେ ପୁଞ୍ଜାହେଃଲ୍ଲାନୁ, ଆଟେ ନିନୁ ଇନ୍ନା ୱେସ୍ପିଞ୍ଜାଦି ନାନୁ ପୁନ୍ବନ୍ ମୁପେହେଃଲ୍ଲାନୁ ।” ଏମ୍ବାଟି ଏୱାଞ୍ଜି କାଟ ହଚାନ୍ ଆଟ୍ଟେଲ୍ତି ଦାରାଇନ୍ଦା ହାଚ୍ଚେଞ୍ଜି; ଏଚିୱାଡ଼େ କଜ୍ଜୁ କ୍ଲାତେ ।
69ଆଟେ ଏ କାମ୍ବାରାଲୁ ପିତରନିକି ହୁଡ଼ାନ୍ ରେଃଏସ୍ ଡିଡ୍ଡାଚି ଦାଲ୍ଲାନିକି ୱେସ୍ତେ, “ଇୱାଞ୍ଜ୍ ତ ଏୱାର୍ତାୱାଟି ରଃଅଞ୍ଜି ।” 70ମତ୍ର ପିତର ଆଟେ ରଲି ଅସ୍ପିକାର କିତେଞ୍ଜି ।
ବାଇକ୍ ଏଚିତୁକା ହାଚ୍ଚାୱିଃଆଟି ଏମ୍ୱା ଡିଡ୍ଡାଚି ଦାଲ୍ଲା ହାବେ ପିତରନିକି ୱେସ୍ତେରି, “ନିନୁ ନିଜ୍ଜାନେଃଏ ଜିସୁତି ଦାଲ୍ଲା ତାୱାଟି ରଃଅଞ୍ଜି, ଇନାକି ନିନୁ ତ ଗାଲିଲିତି କୁଏଞ୍ଜ୍ତାତି ।”
71ମତ୍ର ତାନୁ ତା ଗାଣ୍ଡି ୱ୍ଲିପା ହିଆନ୍ ଅଟେ ହାପ୍ପା କିଆନ୍ ୱେସ୍ତେଞ୍ଜି, “ମିରୁ ଇନ୍ଦାର୍ କୁଲାଟି କାତା କିଞ୍ଜେରି, ଏୱାଞ୍ଜିକି ନାନୁ ପୁଞ୍ଜାହେଃଲ୍ଲେନୁ ।”
72ଏଚିୱାଡ଼େ କଜ୍ଜୁ ଆଟେ ରି ଅଲି କ୍ଲାତେ । ଏମ୍ୱାଟି “ରି ଅଲି କଜ୍ଜୁ କ୍ଲାପ୍ନ୍ତି କାହେନେଃଏ ନିନୁ ନାଙ୍ଗେ ମୁଅଲି ପୁଞ୍ଜାହେଃଲ୍ଲାନୁ ଇଞ୍ଜାନ୍ ୱେସ୍ଦି,” ଇ କାତା ଜିସୁ ପିତରନିକି ୱେସାଚ୍ଚେଞ୍ଜି, ଏଦା ପିତର ଏଲୁ କିତେଞ୍ଜି । ଆଟେ ପିତର ଇ କାତା ଏଲୁ କିଆନ୍ ଏଗେଲ୍ ଡ଼ିଅନ୍ ମ୍ରାସ୍ତେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0