ମାର୍କ 15
15
ପିଲାତ ନକେସି ଜିସୁ
(ମାତିଉ ୨୭:୧–୨; ୨୭:୧୧–୧୪; ଲୁକ ୨୩:୧–୫; ଜହନ ୧୮:୨୮–୩୮)
1ଡାଃଏସ୍ ଆଅନେଃଏ ହାବେତ୍ ବେର୍ ସବା ଇଚ୍ଚେସି, ଗାମିନାରି ଅଟେ ସାସ୍ତ୍ରିଙ୍ଗ୍ ଡ଼ାହି ଗାମିନ୍ ଜାଜକଙ୍ଗ୍ ସବା କିଆନାହି ଜିସୁନିକି ଗାସାନ୍ ଅଆନ୍ ପିଲାତ କାଜ୍ଜୁତାୱା ସର୍ପି କିତେରି । 2ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?”
ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନିନୁ ତ ୱେସ୍ପିଞ୍ଜି ।”
3ଆଟେ ଗାମିନ୍ ଜାଜକଙ୍ଗ୍ ତା ବିରୁଦିଆଟି ଏଗେଲ୍ ଦାବା ତାଚ୍ଚାନ୍ ୱେସ୍ପନ୍ ମ୍ରାସ୍ତେରି । 4ଏମ୍ୱାଟି ପିଲାତ ରିହିକ୍ ତାଙ୍ଗେ ୱେଚ୍ଚେଞ୍ଜି, “ନିନୁ ହିତେ ୱାଡ଼େ ୱେସ୍ପେହେଃଲ୍ଲା ? ହୁଡ଼ାମୁ, ଇୱାରି ନି ବିରୁଦିଆଟି ଏଚ୍ଚେ ଦାବା କିଞ୍ଜାନ୍ନେରି ।”
5ମତ୍ର ଜିସୁ ଆଟେ ଇନାୱାଡ଼େ ୱେଃସାତେଞ୍ଜି, ଏମ୍ୱାଟି ପିଲାତ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁ ହାଅନ୍ତି ଦଣ୍ଡ କୁଲାଟି
(ମାତିଉ ୨୭:୧୫–୨୬; ଲୁକ ୨୩:୧୩–୨୫; ଜହନ ୧୮:୩୯; ୧୯:୧୬)
6ମତ୍ର ନିସ୍ତାର ରେହାଙ୍ଗ୍ ତୁକାତାୱା ଦାଲ୍ଲା ରଃଅଞ୍ଜି ବନ୍ଦିଗାଟାଞ୍ଜିକି ୱ୍ରିହ୍ପିଚ୍ଚେରି, ପିଲାତ ଏୱାଞ୍ଜିକି ଏୱାରି ବାଗା କୁଲ୍ଚା ହିଚ୍ଚେଞ୍ଜି । 7ବାରବ୍ବା ପାରୁଟି ରଃଅଞ୍ଜି ବନ୍ଦି ମାଚ୍ଚେଞ୍ଜି । ଏମ୍ବେନାଞ୍ଜିକି ସରକାର ବିରୁଦିଆଟି ଜୁଜ୍ଜି ଆଇଚ୍ଚି ତୁକାତାୱା ଗାଣ୍ଡିଙ୍ଗ୍ ପାଗନ୍ତାରିତାୱାଟି ରଃଅଞ୍ଜି । 8ଏଦାକି ଦାଲ୍ଲା ହାବେ ୱାନ୍ଦା ହାଜ୍ଜାନ୍ ପିଲାତନିକି ତା ହାଜୁ ଡେହେଙ୍ଗ୍ ରଃଅଞ୍ଜିକି କୁଲ୍ପନ୍ ବାଗାଟି ଜିଗନ୍ ମ୍ରାସ୍ତେରି । 9ଏମ୍ୱାଟି ପିଲାତ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ଇଚ୍ଚା କିଞ୍ଜେରି ? ନାନୁ ଇନ୍ନା ମି ବାଗାଟି ଜିହୁଦିଙ୍ଗ୍ତି ରାଜେଞ୍ଜିକି ପିହାହିଇମା ?” 10ଇନାକି ଗାମିନ୍ ଜାଜକଙ୍ଗ୍ ଅକାରିଆଟି ତାଙ୍ଗେ ସର୍ପି କିଆଚ୍ଚେରି, ଏଦା ଏୱାଞ୍ଜି ପୁଚ୍ଚେଞ୍ଜି ।
11ମତ୍ର ଏୱାଞ୍ଜି ଇନିମିଡି ଏୱାର୍ ବାଗାଟି ୱାର୍ରି ବାରବ୍ବାନିକି ପିହ୍ନେଞ୍ଜି ଏଦାବାଗା ଗାମିନ୍ ଜାଜକଙ୍ଗ୍ ଦାଲ୍ଲାନିକି ହାବେ କ୍ରଟ୍ପିତେରି । 12ମତ୍ର ପିଲାତ ରିହିକ୍ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇନ୍ଦାରିକି ମିରୁ ଜିହୁଦିଙ୍ଗ୍ତି ରାଜେଞ୍ଜି ଇଞ୍ଜାନାହି ୱେସ୍ପିଞ୍ଜେରି, ଏୱାଞ୍ଜିକି ନାନୁ ଇନ୍ନା କିଃଇ ?”
13ଦାଲ୍ଲା ଏଗେଲ୍ ଗଲି ଆନ୍ ୱେସ୍ତେରି, “ତାଙ୍ଗେ କ୍ରୁସତାୱା ଏକ୍ଦୁ ।”
14ଏମ୍ୱାଟି ପିଲାତ ଏୱାରିକି ୱେଚ୍ଚେଞ୍ଜି, “ଇନ୍ନା ବାଗା ଜିସୁନିକି କ୍ରୁସତାୱା ଏକ୍ଦୁ ଇଞ୍ଜିଞ୍ଜେରି, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ?”
ମତ୍ର ଦାଲ୍ଲା ହାବେ ଏଗେଲ୍ ଗଲି ଆନାହି ୱେସ୍ତେରି, “ଜିସୁନିକି କ୍ରୁସତାୱା ଏକ୍ଦୁ ।”
15ଏଦାକି ପିଲାତ ହାବେ ଦାଲ୍ଲାନିକି ରାହାଙ୍ଗ୍ କିଅନ୍ତିକି ମନ କିଆନ୍ ଏୱାର୍ ବାଗା ବାରବ୍ବାନିକି କୁଲ୍ଚା ହିତେଞ୍ଜି, ଆଟେ ଜିସୁନିକି ହାପ୍କାନଡ଼ ଡ଼ାହି ଚାହ୍ପି କିଆନ୍ କ୍ରୁସତାୱା ଏପ୍କନ୍ ବାଗାଟି ସିପେଙ୍ଗ୍ନିକି ସର୍ପି କିତେଞ୍ଜି ।
ଜିସୁନିକି ଗେରୁ କିଅନ୍
(ମାତିଉ ୨୭:୨୭–୩୧; ଜହନ ୧୯:୨–୩)
16ଏମ୍ୱାଟି ସିପେଙ୍ଗ୍ ଜିସୁନିକି ପିଲାତତି ପ୍ରାସାଦ ଲାଃଇ ଅଆନ୍ ହାବେତ୍ ସିପେଙ୍ଗ୍ନିକି ଆର୍ଚାନାହି ରପାଟ୍ଟେ କିତେରି । 17ଏୱାରି ଜିସୁନିକି ହେଜେ ପାଟୁଗାଟି ଅଙ୍ଗି ମେଦ୍ଦିକିତେରି ଅଟେ ହାପ୍କା ମୁକୁଟ୍ କ୍ଲେହାନାହି ଜିସୁତି ତ୍ଲାଉତାୱା ମେଦ୍ଦିକିତେରି; 18ଆଟେ “ଏ ଜିହୁଦିଙ୍ଗ୍ତି ରାଜେଞ୍ଜି, ଜୁହାରି” ଇଦା ୱେସାନ୍ ତାଙ୍ଗେ ଜୁହାରି କିଅନ୍ ମ୍ରାସ୍ତେରି । 19ଆଟେ ଏୱାରି ରଣ୍ଡା ଡେଙ୍ଗ ଅଆନ୍ ଜିସୁତି ତ୍ଲାଉତାୱା ୱେତେରି ଅଟେ ଜିସୁ କୁଃଏଟି ହୁପୁଡ଼ି ହୁପାନ୍, ଆଟେ ଗେରୁ କିଆନ୍ ମେଣ୍ଡାଙ୍ଗୁତାନ୍ ଜିସୁନିକି ଜୁହାରି କିଅନ୍ ମ୍ରାସ୍ତେରି । 20ଏୱାରି ଜିସୁନିକି ଗେରୁ କିତାୱିଃଆଟି ଏ ହେଜେ ପାଟୁଗାଟି ଅଙ୍ଗି କ୍ଡୁହାନାହି ତା ଅଙ୍ଗି ମେଦ୍ଦିକିତେରି । ଆଟେ ଏୱାରି ତାଙ୍ଗେ କ୍ରୁସତାୱା ଏପ୍କନ୍ ବାଗା କାଟ ଅତେରି ।
ଜିସୁନିକି କ୍ରୁସତାୱା ଏପ୍କନ୍
(ମାତିଉ ୨୭:୩୨–୪୪; ଲୁକ ୨୩:୨୬–୪୩; ଜହନ ୧୯:୧୭–୨୭)
21 #
ରୁମି ୧୬:୧୩
ଏଚିତୁକାତାୱା ଆଲେକ୍ଜାଣ୍ଡେର ଅଟେ ରୁପତି ଆବା ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ରଣ୍ଡା ନାଜୁତାୱାଟି ୱାନାହି, ଏ ଗିଜ୍ଜୁ ଏସେନ୍ ହାଜ୍ଜିଚ୍ଚେଞ୍ଜି, ଏୱାରି ତାଙ୍ଗେ ଜିସୁତି କ୍ରୁସ ଡେକନ୍ ବାଗା ବାଦ୍ୟ କିତେରି । 22ଆଟେ ଏୱାରି ତାଙ୍ଗେ ଗଲ୍ଗତା, ଇଚ୍ଚେସି, ଡାମ୍ୱେର୍ ଗର୍ରି ପାରୁତି ଗର୍ରିଇନ୍ଦା ତାଚ୍ଚିୱାତେରି । 23ଆଟେ ଏୱାରି ଜିସୁନିକି କାପେଲ୍ଗାଟି କାଲୁ ଆଡ୍ଡାଚି ଅଙ୍ଗୁରନିରୁ ଉନ୍ବନ୍ ବାଗା ହିତେରି, ମତ୍ର ଜିସୁ ଏଦା ଉଃନ୍ନାତେଞ୍ଜି । 24ଡେଗ୍ଗା ଏୱାରି ଜିସୁନିକି କ୍ରୁସତାୱା ଏକ୍ତେରି, ଆଟେ ଏମ୍ୱେ ଇନ୍ନା ପାଁନେ ଇଞ୍ଜାନ୍, ଏୱା ଗୁଲ୍ଲିଙ୍ଗ୍ କିଆନାହି ଏୱାଞ୍ଜ୍ତି ଜିରାଙ୍ଗ୍ ହାବେ ତାରୁ ତାରୁ ବାଗା କିଆନ୍ ଅତେରି । 25ଡାଃଏସ୍ ନଅଟା ଆଚ୍ଚାୱିଃଆ ଏୱାରି ଜିସୁନିକି କ୍ରୁସତାୱା ଏକ୍ତେରି । 26ଆଟେ ଜିସୁତି ବିରୁଦିଆଟି ପାଟ୍ଟାତାୱା ଇହିଙ୍ଗ୍ ୱ୍ରିଗାଆଚ୍ଚେ, “ଜିହୁଦି ଦାଲ୍ଲାତି ରାଜେଞ୍ଜି ।” 27ଆଟେ ଜିସୁତି ତିନ୍ନି ଇନ୍ଦେଟ୍ ରଃଅଞ୍ଜି ଅଟେ ଗିଃଇ ଇନ୍ଦେଟ୍ ରଃଅଞ୍ଜି, ଇହିଙ୍ଗିସି ରିଃଆରି ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏକ୍ତେରି । 28ଏମ୍ୱାଟି ଦର୍ମପୁତିତି ଇ କାତା ଲେର୍ ଆତେ, ଜିସୁ ଅଦାର୍ମିକଙ୍ଗ୍ ଡ଼ାହି ଲେକା ଆତେଞ୍ଜି । 29#ମାର୍କ ୧୪:୫୮; ଜହ ୨:୧୯ଏ ଗିଜ୍ଜୁ ଏସେନା ହାଜ୍ଜିଚ୍ଚି ଦାଲ୍ଲା ତା ତା ତ୍ଲାଉ ଦ୍ଲାକ୍ଚ୍ଚାନାହି ତାଙ୍ଗେ ଅଡ୍ଡାନାହି ୱେସ୍ପନ୍ ମ୍ରାସ୍ତେରି, “ବାଃ ! ଏ ମନ୍ଦିର ଲେପ୍କନ୍ତାତି ଅଟେ ମୁନେସିଆଟି ଏଦା କ୍ଲେହନ୍ତାତି; 30କ୍ରୁସତାୱାଟି ଜାଚାନାହି ନି ଗାଣ୍ଡି ରକ୍ୟା କିମୁ ।”
31ଗାମିନ୍ ଜାଜକଙ୍ଗ୍ ୱାଡ଼େ ଏହେଙ୍ଗିସି ସାସ୍ତ୍ରିଙ୍ଗ୍ ଡ଼ାହି ତାରୁ ତାରୁ ଜିସୁନିକି ଗେରୁ କିଆନାହି ୱେସ୍ପନ୍ ମ୍ରାସ୍ତେରି, “ଜିସୁ ବିହି ଦାଲ୍ଲାନିକି ରକ୍ୟା କିତେଞ୍ଜି, ତା ଗାଣ୍ଡି ରକ୍ୟା କିଅନ୍ ମୁପେହେଃଲ୍ଲେଞ୍ଜି ।” 32“ଜଦି ନିନୁ ଇସ୍ରାଏଲତି ରାଜେଞ୍ଜି କ୍ରିସ୍ଟ, ଏହେଙ୍ଗ୍ ଆତେସି ହାଦାଡ଼ି କ୍ରୁସତାୱାଟି ଜାଚାନାହି ୱାମୁ, ଆଟେ ଏଦା ହୁଡ଼ାନାହି ମାମୁ ମାଞ୍ଜାଡ଼ି କିନାମୁ ।”
ଆଟେ ଇନ୍ଦାରିକି ଜିସୁ ଡ଼ାହି କ୍ରୁସତାୱା ଏକ୍ଚାଚ୍ଚେରି, ଏୱାର୍ ୱାଡ଼େ ଜିସୁନିକି ଅଡ୍ଡନ୍ ମ୍ରାସ୍ତେରି ।
ଜିସୁତି ହାଅନ୍
(ମାତିଉ ୨୭:୪୫–୫୬; ଲୁକ ୨୩:୪୪–୪୯; ଜହନ ୧୯:୨୮–୩୦)
33ୱେଣ୍ଡାଙ୍ଗାର୍ରା ବାର୍ଟା ତୁକାତାୱା ଦେସା ହାବେ ଆନ୍ଦେର୍ ଆନ୍ ମୁ ଗଣ୍ଟା ଟିକ୍ନା ବାସାଆତେ । 34ଏମ୍ବାଟି ଲୁଃଉ ୱେଲା ମୁ ଗଣ୍ଟା ତୁକାତାୱା ଜିସୁ ବେର୍ ଉକୁଡ଼ିଆଟି ଇଚ୍ଚେଞ୍ଜି, “ଏଲି, ଏଲି ଲାମା ସବକ୍ତାନି ?” ଇଚ୍ଚେସି ଏ ନା ମୁଲାପେନୁ, ଏ ନା ମୁଲାପେନୁ ନିନୁ ନାଙ୍ଗେ ଇନ୍ନା କିଅନ୍ ପିହ୍ତାତି ?
35ଇଦା ୱେଞ୍ଜାନାହି ରେଃଏସ୍ ଡିଡ୍ଡାଚି ଦାଲ୍ଲା ତାୱାଟି ତୁଲ୍ଲେତାରି ୱେସ୍ତେରି, “ହୁଡ଼ାଟୁ, ଜିସୁ ଏଲିୟନିକି ଆର୍ପିନ୍ନେଞ୍ଜି ।” 36ଆଟେ ରଃଅଞ୍ଜି ଡେହି ଡେହି ହାଜ୍ଜାନାହି ରଣ୍ଡା ପାର୍ତିତାୱା କାପେଲ୍ ନିରୁ ନେସାନାହି ଏଦା ରଣ୍ଡା ଡେଙ୍ଗତାୱା ଗାସାନ୍ ଜିସୁନିକି ଉନ୍ବନ୍ ହିଆନ୍ ୱେସ୍ତେଞ୍ଜି, “ହିତେ କାଦୁ, ଏଲିୟ ଇୱାଞ୍ଜିକି ନେତେ ଜାପନ୍ ବାଗା ୱାନେଞ୍ଜି କି ଆଃଏ ହୁଡ଼ିନା ।”
37ମତ୍ର ଜିସୁ ଏଗେଲ୍ ଗଲି ଆନାହି ତା ପରନ୍ ପିହ୍ତେଞ୍ଜି ।
38ଆଟେ ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ୱାନ୍ଦେଟି ନେତେ ଟିକ୍ନା ପ୍ରିଙ୍ଗାନାହି ରି ପାହେଡ଼୍ ଆତେ । 39ଜିସୁ ନକେସି ଡିଡ୍ଡାଚି ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଜିସୁ ଇହିଙ୍ଗିସି ହାଅନ୍ତାଦା ହୁଡ଼ାନାହି ୱେସ୍ତେଞ୍ଜି, “ନିଜ୍ଜାନେଃଏ ଇୱାଞ୍ଜି ମୁଲାପେନୁତି ମ୍ରିଃଏଞ୍ଜି ମାଚ୍ଚେଞ୍ଜି ।”
40 #
ଲୁକ ୮:୨,୩ ଇ ଡୁଣ୍ଡେଲ୍ତିଦି ଏଚ୍ଚଡ଼୍ ଆଚାସ୍କା ୱାଡ଼େ ଦେହାଟି ହୁଡ଼େଚ୍ଚୁ; ଏୱାଡ଼୍ତାୱାଟି ମଗ୍ଦଲିନି ମରିୟମ, ହିତାନ୍ ଜାକୁବ ଅଟେ ଜସିତି ଇୟା ମରିୟମ, ଆଟେ ସଲମି ୱାଡ଼େ ମାଚ୍ଚେ; 41ଜିସୁ ଗାଲିଲିତାୱା ମାଚ୍ଚାୱିଃଆ ଇ ଆଚାସ୍କା ଜିସୁତି ବେତଟ୍ ହାଜ୍ଜାନାହି ଜିସୁନିକି ଆଙ୍ଗୁଲ୍ ଆଇଚ୍ଚୁ; ଏ ଆଚାସ୍କା ଡ଼ାହି ଜିରୁସାଲମଇନ୍ଦା ୱାଚି ଆଟେ ଏଗେଲ୍ ଆଚାସ୍କା ୱାଡ଼େ ହୁଡ଼େଚ୍ଚୁ ।
ଜିସୁନିକି ଗ୍ରିପନ୍ତି କୁଲାଟି
(ମାତିଉ ୨୭:୫୭–୬୧; ଲୁକ ୨୩:୫୦–୫୬; ଜହନ ୧୯:୩୮–୪୨)
42ମିଡ୍ଡଡ଼୍ ଆଅନେଃଏ, ଏଚିୱେଲା ହାମ୍ୱେର୍ ଆଅନ୍ତି ଦିନା ମାଚ୍ଚାୱିଃଆଟି, ଇଚ୍ଚେସି, ତା ୱେଃଇତ୍ ୱାହୁଜାମ୍ବା ୱାରା ମାଚ୍ଚାୱିଃଆଟି, 43ହାରାମାତିଆ ଗାଡ଼ାନାଜୁତି ଜସେପ ପାରୁଟି ଜିହୁଦି ବେର୍ ସବାତି ରଃଅଞ୍ଜି ସନ୍ମାନ୍ ପାଁନ୍ବାଗାଟାଞ୍ଜି, ଏମ୍ୱେନାଞ୍ଜିକି ମୁଲାପେନୁତି ରାଜିତିଦି କାଚାନ୍ ମାଚ୍ଚେଞ୍ଜି, ଏୱାଞ୍ଜି ଆଜ୍ଜେଟେଃଏ ପିଲାତ ଟାକ୍କେ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି । 44ଜିସୁ ହାତେଞ୍ଜି ଇଞ୍ଜାନ୍ ୱେଞ୍ଜାନାହି ପିଲାତ ଆକ୍କାବାଡ଼ାଙ୍ଗ୍ ଆତେଞ୍ଜି, ଆଟେ ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜିନିକି ରେଃଏସ୍ ଆର୍ଚାନାହି ତାଙ୍ଗେ ୱେଚ୍ଚେଞ୍ଜି, “ଜିସୁ ହାନ୍ ଇନ୍ନା ଏଗେଲ୍ ତୁକା ଆତେମା ?” 45ଜିସୁ ହାନ୍ନି କାତା ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜିତାୱାଟି ପୁଞ୍ଜାନାହି ପିଲାତ ହାତି ଗାଣ୍ଡିତିଦି ଜସେପନିକି ହିତେଞ୍ଜି । 46ଜସେପ ରଣ୍ଡା ହୁକୁଲ୍ ଜିରା କଡ୍ଡାନ୍ ତାଚ୍ଚାନାହି ଜିସୁତି ହାତିଗାଣ୍ଡି କ୍ରୁସତାୱାଟି ଜାପ୍ତେଞ୍ଜି, ଆଟେ ଏ ଜିରା ଡ଼ାହି ଜିସୁନିକି ମୁଚ୍ଚି କିତେଞ୍ଜି ଅଟେ ହରୁତାୱା କାର୍ଚାଚ୍ଚି ରଣ୍ଡା ଗ୍ରିପାଙ୍ଗୁଟିତାୱା ଜିସୁନିକି ଇଟ୍ଟାନାହି ଏ ହାଲୁ ନକେସି ରଣ୍ଡା ବେର୍ ୱାଲ୍ଲି ମୁଚ୍ଚି କିତେଞ୍ଜି । 47ଜିସୁନିକି ଇମ୍ୱିନାୱା ଇଟ୍ଟିତେରି, ଏଦା ମଗ୍ଦଲିନି ମରିୟମ, ଅଟେ ଜସିତି ଇୟା ମରିୟମ ହୁଡ଼ିତୁ ।
Právě zvoleno:
ମାର୍କ 15: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 15
15
ପିଲାତ ନକେସି ଜିସୁ
(ମାତିଉ ୨୭:୧–୨; ୨୭:୧୧–୧୪; ଲୁକ ୨୩:୧–୫; ଜହନ ୧୮:୨୮–୩୮)
1ଡାଃଏସ୍ ଆଅନେଃଏ ହାବେତ୍ ବେର୍ ସବା ଇଚ୍ଚେସି, ଗାମିନାରି ଅଟେ ସାସ୍ତ୍ରିଙ୍ଗ୍ ଡ଼ାହି ଗାମିନ୍ ଜାଜକଙ୍ଗ୍ ସବା କିଆନାହି ଜିସୁନିକି ଗାସାନ୍ ଅଆନ୍ ପିଲାତ କାଜ୍ଜୁତାୱା ସର୍ପି କିତେରି । 2ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?”
ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନିନୁ ତ ୱେସ୍ପିଞ୍ଜି ।”
3ଆଟେ ଗାମିନ୍ ଜାଜକଙ୍ଗ୍ ତା ବିରୁଦିଆଟି ଏଗେଲ୍ ଦାବା ତାଚ୍ଚାନ୍ ୱେସ୍ପନ୍ ମ୍ରାସ୍ତେରି । 4ଏମ୍ୱାଟି ପିଲାତ ରିହିକ୍ ତାଙ୍ଗେ ୱେଚ୍ଚେଞ୍ଜି, “ନିନୁ ହିତେ ୱାଡ଼େ ୱେସ୍ପେହେଃଲ୍ଲା ? ହୁଡ଼ାମୁ, ଇୱାରି ନି ବିରୁଦିଆଟି ଏଚ୍ଚେ ଦାବା କିଞ୍ଜାନ୍ନେରି ।”
5ମତ୍ର ଜିସୁ ଆଟେ ଇନାୱାଡ଼େ ୱେଃସାତେଞ୍ଜି, ଏମ୍ୱାଟି ପିଲାତ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁ ହାଅନ୍ତି ଦଣ୍ଡ କୁଲାଟି
(ମାତିଉ ୨୭:୧୫–୨୬; ଲୁକ ୨୩:୧୩–୨୫; ଜହନ ୧୮:୩୯; ୧୯:୧୬)
6ମତ୍ର ନିସ୍ତାର ରେହାଙ୍ଗ୍ ତୁକାତାୱା ଦାଲ୍ଲା ରଃଅଞ୍ଜି ବନ୍ଦିଗାଟାଞ୍ଜିକି ୱ୍ରିହ୍ପିଚ୍ଚେରି, ପିଲାତ ଏୱାଞ୍ଜିକି ଏୱାରି ବାଗା କୁଲ୍ଚା ହିଚ୍ଚେଞ୍ଜି । 7ବାରବ୍ବା ପାରୁଟି ରଃଅଞ୍ଜି ବନ୍ଦି ମାଚ୍ଚେଞ୍ଜି । ଏମ୍ବେନାଞ୍ଜିକି ସରକାର ବିରୁଦିଆଟି ଜୁଜ୍ଜି ଆଇଚ୍ଚି ତୁକାତାୱା ଗାଣ୍ଡିଙ୍ଗ୍ ପାଗନ୍ତାରିତାୱାଟି ରଃଅଞ୍ଜି । 8ଏଦାକି ଦାଲ୍ଲା ହାବେ ୱାନ୍ଦା ହାଜ୍ଜାନ୍ ପିଲାତନିକି ତା ହାଜୁ ଡେହେଙ୍ଗ୍ ରଃଅଞ୍ଜିକି କୁଲ୍ପନ୍ ବାଗାଟି ଜିଗନ୍ ମ୍ରାସ୍ତେରି । 9ଏମ୍ୱାଟି ପିଲାତ ଏୱାରିକି ୱେସ୍ତେଞ୍ଜି, “ମିରୁ ଇନ୍ନା ଇଚ୍ଚା କିଞ୍ଜେରି ? ନାନୁ ଇନ୍ନା ମି ବାଗାଟି ଜିହୁଦିଙ୍ଗ୍ତି ରାଜେଞ୍ଜିକି ପିହାହିଇମା ?” 10ଇନାକି ଗାମିନ୍ ଜାଜକଙ୍ଗ୍ ଅକାରିଆଟି ତାଙ୍ଗେ ସର୍ପି କିଆଚ୍ଚେରି, ଏଦା ଏୱାଞ୍ଜି ପୁଚ୍ଚେଞ୍ଜି ।
11ମତ୍ର ଏୱାଞ୍ଜି ଇନିମିଡି ଏୱାର୍ ବାଗାଟି ୱାର୍ରି ବାରବ୍ବାନିକି ପିହ୍ନେଞ୍ଜି ଏଦାବାଗା ଗାମିନ୍ ଜାଜକଙ୍ଗ୍ ଦାଲ୍ଲାନିକି ହାବେ କ୍ରଟ୍ପିତେରି । 12ମତ୍ର ପିଲାତ ରିହିକ୍ ଏୱାରିକି ୱେସ୍ତେଞ୍ଜି, “ଏହେଙ୍ଗ୍ ଆତେସି ଇନ୍ଦାରିକି ମିରୁ ଜିହୁଦିଙ୍ଗ୍ତି ରାଜେଞ୍ଜି ଇଞ୍ଜାନାହି ୱେସ୍ପିଞ୍ଜେରି, ଏୱାଞ୍ଜିକି ନାନୁ ଇନ୍ନା କିଃଇ ?”
13ଦାଲ୍ଲା ଏଗେଲ୍ ଗଲି ଆନ୍ ୱେସ୍ତେରି, “ତାଙ୍ଗେ କ୍ରୁସତାୱା ଏକ୍ଦୁ ।”
14ଏମ୍ୱାଟି ପିଲାତ ଏୱାରିକି ୱେଚ୍ଚେଞ୍ଜି, “ଇନ୍ନା ବାଗା ଜିସୁନିକି କ୍ରୁସତାୱା ଏକ୍ଦୁ ଇଞ୍ଜିଞ୍ଜେରି, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ?”
ମତ୍ର ଦାଲ୍ଲା ହାବେ ଏଗେଲ୍ ଗଲି ଆନାହି ୱେସ୍ତେରି, “ଜିସୁନିକି କ୍ରୁସତାୱା ଏକ୍ଦୁ ।”
15ଏଦାକି ପିଲାତ ହାବେ ଦାଲ୍ଲାନିକି ରାହାଙ୍ଗ୍ କିଅନ୍ତିକି ମନ କିଆନ୍ ଏୱାର୍ ବାଗା ବାରବ୍ବାନିକି କୁଲ୍ଚା ହିତେଞ୍ଜି, ଆଟେ ଜିସୁନିକି ହାପ୍କାନଡ଼ ଡ଼ାହି ଚାହ୍ପି କିଆନ୍ କ୍ରୁସତାୱା ଏପ୍କନ୍ ବାଗାଟି ସିପେଙ୍ଗ୍ନିକି ସର୍ପି କିତେଞ୍ଜି ।
ଜିସୁନିକି ଗେରୁ କିଅନ୍
(ମାତିଉ ୨୭:୨୭–୩୧; ଜହନ ୧୯:୨–୩)
16ଏମ୍ୱାଟି ସିପେଙ୍ଗ୍ ଜିସୁନିକି ପିଲାତତି ପ୍ରାସାଦ ଲାଃଇ ଅଆନ୍ ହାବେତ୍ ସିପେଙ୍ଗ୍ନିକି ଆର୍ଚାନାହି ରପାଟ୍ଟେ କିତେରି । 17ଏୱାରି ଜିସୁନିକି ହେଜେ ପାଟୁଗାଟି ଅଙ୍ଗି ମେଦ୍ଦିକିତେରି ଅଟେ ହାପ୍କା ମୁକୁଟ୍ କ୍ଲେହାନାହି ଜିସୁତି ତ୍ଲାଉତାୱା ମେଦ୍ଦିକିତେରି; 18ଆଟେ “ଏ ଜିହୁଦିଙ୍ଗ୍ତି ରାଜେଞ୍ଜି, ଜୁହାରି” ଇଦା ୱେସାନ୍ ତାଙ୍ଗେ ଜୁହାରି କିଅନ୍ ମ୍ରାସ୍ତେରି । 19ଆଟେ ଏୱାରି ରଣ୍ଡା ଡେଙ୍ଗ ଅଆନ୍ ଜିସୁତି ତ୍ଲାଉତାୱା ୱେତେରି ଅଟେ ଜିସୁ କୁଃଏଟି ହୁପୁଡ଼ି ହୁପାନ୍, ଆଟେ ଗେରୁ କିଆନ୍ ମେଣ୍ଡାଙ୍ଗୁତାନ୍ ଜିସୁନିକି ଜୁହାରି କିଅନ୍ ମ୍ରାସ୍ତେରି । 20ଏୱାରି ଜିସୁନିକି ଗେରୁ କିତାୱିଃଆଟି ଏ ହେଜେ ପାଟୁଗାଟି ଅଙ୍ଗି କ୍ଡୁହାନାହି ତା ଅଙ୍ଗି ମେଦ୍ଦିକିତେରି । ଆଟେ ଏୱାରି ତାଙ୍ଗେ କ୍ରୁସତାୱା ଏପ୍କନ୍ ବାଗା କାଟ ଅତେରି ।
ଜିସୁନିକି କ୍ରୁସତାୱା ଏପ୍କନ୍
(ମାତିଉ ୨୭:୩୨–୪୪; ଲୁକ ୨୩:୨୬–୪୩; ଜହନ ୧୯:୧୭–୨୭)
21 #
ରୁମି ୧୬:୧୩
ଏଚିତୁକାତାୱା ଆଲେକ୍ଜାଣ୍ଡେର ଅଟେ ରୁପତି ଆବା ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ରଣ୍ଡା ନାଜୁତାୱାଟି ୱାନାହି, ଏ ଗିଜ୍ଜୁ ଏସେନ୍ ହାଜ୍ଜିଚ୍ଚେଞ୍ଜି, ଏୱାରି ତାଙ୍ଗେ ଜିସୁତି କ୍ରୁସ ଡେକନ୍ ବାଗା ବାଦ୍ୟ କିତେରି । 22ଆଟେ ଏୱାରି ତାଙ୍ଗେ ଗଲ୍ଗତା, ଇଚ୍ଚେସି, ଡାମ୍ୱେର୍ ଗର୍ରି ପାରୁତି ଗର୍ରିଇନ୍ଦା ତାଚ୍ଚିୱାତେରି । 23ଆଟେ ଏୱାରି ଜିସୁନିକି କାପେଲ୍ଗାଟି କାଲୁ ଆଡ୍ଡାଚି ଅଙ୍ଗୁରନିରୁ ଉନ୍ବନ୍ ବାଗା ହିତେରି, ମତ୍ର ଜିସୁ ଏଦା ଉଃନ୍ନାତେଞ୍ଜି । 24ଡେଗ୍ଗା ଏୱାରି ଜିସୁନିକି କ୍ରୁସତାୱା ଏକ୍ତେରି, ଆଟେ ଏମ୍ୱେ ଇନ୍ନା ପାଁନେ ଇଞ୍ଜାନ୍, ଏୱା ଗୁଲ୍ଲିଙ୍ଗ୍ କିଆନାହି ଏୱାଞ୍ଜ୍ତି ଜିରାଙ୍ଗ୍ ହାବେ ତାରୁ ତାରୁ ବାଗା କିଆନ୍ ଅତେରି । 25ଡାଃଏସ୍ ନଅଟା ଆଚ୍ଚାୱିଃଆ ଏୱାରି ଜିସୁନିକି କ୍ରୁସତାୱା ଏକ୍ତେରି । 26ଆଟେ ଜିସୁତି ବିରୁଦିଆଟି ପାଟ୍ଟାତାୱା ଇହିଙ୍ଗ୍ ୱ୍ରିଗାଆଚ୍ଚେ, “ଜିହୁଦି ଦାଲ୍ଲାତି ରାଜେଞ୍ଜି ।” 27ଆଟେ ଜିସୁତି ତିନ୍ନି ଇନ୍ଦେଟ୍ ରଃଅଞ୍ଜି ଅଟେ ଗିଃଇ ଇନ୍ଦେଟ୍ ରଃଅଞ୍ଜି, ଇହିଙ୍ଗିସି ରିଃଆରି ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏକ୍ତେରି । 28ଏମ୍ୱାଟି ଦର୍ମପୁତିତି ଇ କାତା ଲେର୍ ଆତେ, ଜିସୁ ଅଦାର୍ମିକଙ୍ଗ୍ ଡ଼ାହି ଲେକା ଆତେଞ୍ଜି । 29#ମାର୍କ ୧୪:୫୮; ଜହ ୨:୧୯ଏ ଗିଜ୍ଜୁ ଏସେନା ହାଜ୍ଜିଚ୍ଚି ଦାଲ୍ଲା ତା ତା ତ୍ଲାଉ ଦ୍ଲାକ୍ଚ୍ଚାନାହି ତାଙ୍ଗେ ଅଡ୍ଡାନାହି ୱେସ୍ପନ୍ ମ୍ରାସ୍ତେରି, “ବାଃ ! ଏ ମନ୍ଦିର ଲେପ୍କନ୍ତାତି ଅଟେ ମୁନେସିଆଟି ଏଦା କ୍ଲେହନ୍ତାତି; 30କ୍ରୁସତାୱାଟି ଜାଚାନାହି ନି ଗାଣ୍ଡି ରକ୍ୟା କିମୁ ।”
31ଗାମିନ୍ ଜାଜକଙ୍ଗ୍ ୱାଡ଼େ ଏହେଙ୍ଗିସି ସାସ୍ତ୍ରିଙ୍ଗ୍ ଡ଼ାହି ତାରୁ ତାରୁ ଜିସୁନିକି ଗେରୁ କିଆନାହି ୱେସ୍ପନ୍ ମ୍ରାସ୍ତେରି, “ଜିସୁ ବିହି ଦାଲ୍ଲାନିକି ରକ୍ୟା କିତେଞ୍ଜି, ତା ଗାଣ୍ଡି ରକ୍ୟା କିଅନ୍ ମୁପେହେଃଲ୍ଲେଞ୍ଜି ।” 32“ଜଦି ନିନୁ ଇସ୍ରାଏଲତି ରାଜେଞ୍ଜି କ୍ରିସ୍ଟ, ଏହେଙ୍ଗ୍ ଆତେସି ହାଦାଡ଼ି କ୍ରୁସତାୱାଟି ଜାଚାନାହି ୱାମୁ, ଆଟେ ଏଦା ହୁଡ଼ାନାହି ମାମୁ ମାଞ୍ଜାଡ଼ି କିନାମୁ ।”
ଆଟେ ଇନ୍ଦାରିକି ଜିସୁ ଡ଼ାହି କ୍ରୁସତାୱା ଏକ୍ଚାଚ୍ଚେରି, ଏୱାର୍ ୱାଡ଼େ ଜିସୁନିକି ଅଡ୍ଡନ୍ ମ୍ରାସ୍ତେରି ।
ଜିସୁତି ହାଅନ୍
(ମାତିଉ ୨୭:୪୫–୫୬; ଲୁକ ୨୩:୪୪–୪୯; ଜହନ ୧୯:୨୮–୩୦)
33ୱେଣ୍ଡାଙ୍ଗାର୍ରା ବାର୍ଟା ତୁକାତାୱା ଦେସା ହାବେ ଆନ୍ଦେର୍ ଆନ୍ ମୁ ଗଣ୍ଟା ଟିକ୍ନା ବାସାଆତେ । 34ଏମ୍ବାଟି ଲୁଃଉ ୱେଲା ମୁ ଗଣ୍ଟା ତୁକାତାୱା ଜିସୁ ବେର୍ ଉକୁଡ଼ିଆଟି ଇଚ୍ଚେଞ୍ଜି, “ଏଲି, ଏଲି ଲାମା ସବକ୍ତାନି ?” ଇଚ୍ଚେସି ଏ ନା ମୁଲାପେନୁ, ଏ ନା ମୁଲାପେନୁ ନିନୁ ନାଙ୍ଗେ ଇନ୍ନା କିଅନ୍ ପିହ୍ତାତି ?
35ଇଦା ୱେଞ୍ଜାନାହି ରେଃଏସ୍ ଡିଡ୍ଡାଚି ଦାଲ୍ଲା ତାୱାଟି ତୁଲ୍ଲେତାରି ୱେସ୍ତେରି, “ହୁଡ଼ାଟୁ, ଜିସୁ ଏଲିୟନିକି ଆର୍ପିନ୍ନେଞ୍ଜି ।” 36ଆଟେ ରଃଅଞ୍ଜି ଡେହି ଡେହି ହାଜ୍ଜାନାହି ରଣ୍ଡା ପାର୍ତିତାୱା କାପେଲ୍ ନିରୁ ନେସାନାହି ଏଦା ରଣ୍ଡା ଡେଙ୍ଗତାୱା ଗାସାନ୍ ଜିସୁନିକି ଉନ୍ବନ୍ ହିଆନ୍ ୱେସ୍ତେଞ୍ଜି, “ହିତେ କାଦୁ, ଏଲିୟ ଇୱାଞ୍ଜିକି ନେତେ ଜାପନ୍ ବାଗା ୱାନେଞ୍ଜି କି ଆଃଏ ହୁଡ଼ିନା ।”
37ମତ୍ର ଜିସୁ ଏଗେଲ୍ ଗଲି ଆନାହି ତା ପରନ୍ ପିହ୍ତେଞ୍ଜି ।
38ଆଟେ ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ୱାନ୍ଦେଟି ନେତେ ଟିକ୍ନା ପ୍ରିଙ୍ଗାନାହି ରି ପାହେଡ଼୍ ଆତେ । 39ଜିସୁ ନକେସି ଡିଡ୍ଡାଚି ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଜିସୁ ଇହିଙ୍ଗିସି ହାଅନ୍ତାଦା ହୁଡ଼ାନାହି ୱେସ୍ତେଞ୍ଜି, “ନିଜ୍ଜାନେଃଏ ଇୱାଞ୍ଜି ମୁଲାପେନୁତି ମ୍ରିଃଏଞ୍ଜି ମାଚ୍ଚେଞ୍ଜି ।”
40 #
ଲୁକ ୮:୨,୩ ଇ ଡୁଣ୍ଡେଲ୍ତିଦି ଏଚ୍ଚଡ଼୍ ଆଚାସ୍କା ୱାଡ଼େ ଦେହାଟି ହୁଡ଼େଚ୍ଚୁ; ଏୱାଡ଼୍ତାୱାଟି ମଗ୍ଦଲିନି ମରିୟମ, ହିତାନ୍ ଜାକୁବ ଅଟେ ଜସିତି ଇୟା ମରିୟମ, ଆଟେ ସଲମି ୱାଡ଼େ ମାଚ୍ଚେ; 41ଜିସୁ ଗାଲିଲିତାୱା ମାଚ୍ଚାୱିଃଆ ଇ ଆଚାସ୍କା ଜିସୁତି ବେତଟ୍ ହାଜ୍ଜାନାହି ଜିସୁନିକି ଆଙ୍ଗୁଲ୍ ଆଇଚ୍ଚୁ; ଏ ଆଚାସ୍କା ଡ଼ାହି ଜିରୁସାଲମଇନ୍ଦା ୱାଚି ଆଟେ ଏଗେଲ୍ ଆଚାସ୍କା ୱାଡ଼େ ହୁଡ଼େଚ୍ଚୁ ।
ଜିସୁନିକି ଗ୍ରିପନ୍ତି କୁଲାଟି
(ମାତିଉ ୨୭:୫୭–୬୧; ଲୁକ ୨୩:୫୦–୫୬; ଜହନ ୧୯:୩୮–୪୨)
42ମିଡ୍ଡଡ଼୍ ଆଅନେଃଏ, ଏଚିୱେଲା ହାମ୍ୱେର୍ ଆଅନ୍ତି ଦିନା ମାଚ୍ଚାୱିଃଆଟି, ଇଚ୍ଚେସି, ତା ୱେଃଇତ୍ ୱାହୁଜାମ୍ବା ୱାରା ମାଚ୍ଚାୱିଃଆଟି, 43ହାରାମାତିଆ ଗାଡ଼ାନାଜୁତି ଜସେପ ପାରୁଟି ଜିହୁଦି ବେର୍ ସବାତି ରଃଅଞ୍ଜି ସନ୍ମାନ୍ ପାଁନ୍ବାଗାଟାଞ୍ଜି, ଏମ୍ୱେନାଞ୍ଜିକି ମୁଲାପେନୁତି ରାଜିତିଦି କାଚାନ୍ ମାଚ୍ଚେଞ୍ଜି, ଏୱାଞ୍ଜି ଆଜ୍ଜେଟେଃଏ ପିଲାତ ଟାକ୍କେ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି । 44ଜିସୁ ହାତେଞ୍ଜି ଇଞ୍ଜାନ୍ ୱେଞ୍ଜାନାହି ପିଲାତ ଆକ୍କାବାଡ଼ାଙ୍ଗ୍ ଆତେଞ୍ଜି, ଆଟେ ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜିନିକି ରେଃଏସ୍ ଆର୍ଚାନାହି ତାଙ୍ଗେ ୱେଚ୍ଚେଞ୍ଜି, “ଜିସୁ ହାନ୍ ଇନ୍ନା ଏଗେଲ୍ ତୁକା ଆତେମା ?” 45ଜିସୁ ହାନ୍ନି କାତା ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜିତାୱାଟି ପୁଞ୍ଜାନାହି ପିଲାତ ହାତି ଗାଣ୍ଡିତିଦି ଜସେପନିକି ହିତେଞ୍ଜି । 46ଜସେପ ରଣ୍ଡା ହୁକୁଲ୍ ଜିରା କଡ୍ଡାନ୍ ତାଚ୍ଚାନାହି ଜିସୁତି ହାତିଗାଣ୍ଡି କ୍ରୁସତାୱାଟି ଜାପ୍ତେଞ୍ଜି, ଆଟେ ଏ ଜିରା ଡ଼ାହି ଜିସୁନିକି ମୁଚ୍ଚି କିତେଞ୍ଜି ଅଟେ ହରୁତାୱା କାର୍ଚାଚ୍ଚି ରଣ୍ଡା ଗ୍ରିପାଙ୍ଗୁଟିତାୱା ଜିସୁନିକି ଇଟ୍ଟାନାହି ଏ ହାଲୁ ନକେସି ରଣ୍ଡା ବେର୍ ୱାଲ୍ଲି ମୁଚ୍ଚି କିତେଞ୍ଜି । 47ଜିସୁନିକି ଇମ୍ୱିନାୱା ଇଟ୍ଟିତେରି, ଏଦା ମଗ୍ଦଲିନି ମରିୟମ, ଅଟେ ଜସିତି ଇୟା ମରିୟମ ହୁଡ଼ିତୁ ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0