ମାର୍କ 13
13
ଜିରୁସାଲମ ମନ୍ଦିର ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧–୪୪; ଲୁକ ୨୧:୫–୩୩)
1ଜିସୁ ଜିରୁସାଲମ ମନ୍ଦିରତାୱାଟି ହଚାନ୍ ହାଜ୍ଜିଚ୍ଚି ତୁକାତାୱା ତା ଗ୍ରାମ୍ୱାଗାଟାରି ତାୱାଟି ରଃଅଞ୍ଜି ତାଙ୍ଗେ ୱେସ୍ତେଞ୍ଜି, “ଏ ଗ୍ରାପାଗାଟାତି, ହୁଡ଼ାମୁ, ଇନିମିଡି ବେର୍ ବେର୍ ୱାଲ୍ଲିଙ୍ଗ୍ ଅଟେ ଆଡାନ୍ନି ଦଲାନ୍ ଇଟ୍କା” 2ଏମ୍ବାଟି ଜିସୁ ତାଙ୍ଗେ ୱେସ୍ତେଞ୍ଜି, “ମିରୁ ଇନ୍ନା ଇ ହାବେତ୍ ବେର୍ ଇଟ୍କା ହୁଡ଼େଞ୍ଜେରି ? ରଣ୍ଡି ୱାଲ୍ଲି ବିହି ୱାଲ୍ଲି କୁଃଏଟି ବାସାଆଃଏ, ହାବେ ରେଙ୍ଗାୱିଆନ୍ ନେତେ ସ୍ରୁନୁ ।”
ୱିହାନ୍ଦୁକାତି ତୁର୍ରି କୁଲାଟି
(ମାତିଉ ୨୪:୩–୧୪; ଲୁକ ୨୧:୭–୧୯)
3ଡେଗ୍ଗା ଜିସୁ ଜିରୁସାଲମ ମନ୍ଦିର ନକେସ୍ ମାନ୍ନି ଜିତ ହରୁତାୱା କପ୍କନେଃଏ ପିତର, ଜାକୁବ, ଜହନ ଅଟେ ଆନ୍ଦ୍ରିୟ ତାଙ୍ଗେ ମ୍ଡାମି ୱେନ୍ବନ୍ ମ୍ରାସ୍ତେରି, “ଇଦି ହାବେ ଏଚ୍ଚେକ୍ ଆନେ, 4ଆଟେ ଇମ୍ୱିନ୍ ତୁକାତାୱା ଇୱାହାବେ ଲେର୍ ଆଅନ୍ତି ତୁକା ଟାକ୍କେ ଏତାନେ, ଏ ତୁକାତି ତୁର୍ରି ଇନ୍ନାଦି ? ଏଦା ମାଙ୍ଗେ ୱେସ୍ତାମୁ ।”
5ଏମ୍ବାଟି ଜିସୁ ଏୱାରିକି ୱେସ୍ପନ୍ ମ୍ରାସ୍ତେଞ୍ଜି, ନେହେନ୍ ମାଞ୍ଜୁ, ଏମ୍ୱେ ଇନିସ୍ ମିଙ୍ଗେ କ୍ରଟ୍ପାଦାଃଆକାରି । 6ଏଗେଲ୍ ଦାଲ୍ଲା ନା ପାରୁଟି ୱାନାହି ନାନୁ କ୍ରିସ୍ଟ ଇଞ୍ଜାନ୍ ୱେସାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି । 7ମତ୍ର ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି, ଏଚିତୁକାତାୱା କଲିବିଲି ଆଃଆଟୁ; ଇୱାହାବେ ଗଟି ଆନୁ, ମତ୍ର ଏଦି ୱିହାନ୍ଦୁକା ଆଃଏ । 8ଇନାକି ଜାତି ବିରୁଦିଆଟି ଜାତି ଅଟେ ରାଜି ବିରୁଦିଆଟି ରାଜି ନିଙ୍ଗିନେ, ଆଟେ ବିହି ବିହି ଗର୍ରିତାୱା ୱିର୍ରା ତ୍ରେଗିନେ ଅଟେ କାରି ଦିନେ; ଇୱାହାବେ ବଦା ମାରନ୍ତି ବିହା ମ୍ରାନ୍ଦେନ୍ନି ଡେହେଙ୍ଗ୍ ।
9 #
ମାତି ୧୦:୧୭–୨୦; ଲୁକ ୧୨:୧୧,୧୨ ମତ୍ର ମିରୁ ମି ମି କୁଲାତାୱା ନେହେନ୍ ବାସାଆଦୁ; ଦାଲ୍ଲା ମିଙ୍ଗେ ବିଚାର ଗର୍ରିଙ୍ଗ୍ତାୱା ଆହ୍ପି କିଆନେରି, ଆଟେ ମିଙ୍ଗେ ହାଜା ଇଟ୍କା ଏସେନ୍ ଚାହ୍ତାନେରି ଅଟେ ନା ବାଗାଟି ଆକୁଡ଼୍ କିଅନ୍ତାରି ଅଟେ ରାଜେଙ୍ଗ୍ ନକେସ୍ ସାକ୍ୟ ହିଅନ୍ ବାଗାଟି ମିଙ୍ଗେ ଡିଡ୍ଡି କିଆନେରି । 10ଆଟେ ହାବେତ୍ ଜାତି ରେଃଏସ୍ ସୁସମାଚାର ନିଜ୍ଜାନେଃଏ ୱେସ୍ପନ୍ ଆନେ । 11ଇଦାବାଗା ଏଚ୍ଚିକିଃଆ ଦାଲ୍ଲା ମିଙ୍ଗେ ଅଆନ୍ ବିହାନପୁ ହିଅନ୍ ବାଗାଟି ସର୍ପି କିଆନେରି, ଏଚିତୁକାତାୱା ମିରୁ ଇନ୍ନା ୱେସ୍ଦେରି, ଏ କୁଲାଟି ୱେଲେନେଃଏ ଏଲୁ କିଃଆଟୁ, ମତ୍ର ଏ ତୁକାତାୱା ମିଙ୍ଗେ ଇନ୍ନା ୱେସ୍ପା ଆନେ ଏଦା ୱେସ୍ଦୁ; ଇନାକି ମିରୁ ବକ୍ତା ଆଃଏ, ମତ୍ର ପିର୍ନି ଡିଙ୍ଗା ବକ୍ତା ଆନେଞ୍ଜି । 12ଆମ୍ୱେସ୍ ଆମ୍ବେସ୍ନିକି ଅଟେ ଆବା ମ୍ରିଃଏଞ୍ଜିକି ପାଗନ୍ ବାଗାଟି ସର୍ପି କିନେଞ୍ଜି; ଆଟେ ମ୍ରିକା ଇୟାଆବାତି ବିରୁଦିଆଟି ନିଙ୍ଗାନ୍ ଏୱାରିକି ପାଗିନେରି । 13#ମାତି ୧୦:୨୨ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି; ମତ୍ର ଏମ୍ୱେନାଞ୍ଜି ୱିହାନ୍ଦୁକା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି ।
ବିହାନପୁ କୁଲାଟି ଜିସୁ ୱେସ୍ପନି
(ମାତିଉ ୨୪:୧୫–୨୮; ଲୁକ ୨୧:୨୦–୨୪)
14ମିରୁ ଏଚ୍ଚିକିଃଆ ଏ ନାହେଡ୍ କିଅନ୍ତି ଅସୁଚି କୁଲାତିଦି, ଇମ୍ୱିନାୱା ବାସାଆଅନ୍ତିକି ନେହି ଆଃଏମା, ଏଦିମ୍ୱା ମାନ୍ନାଦାଃଆ ହୁଡ଼ିଦେରି (ପଡ଼ିଆଅନ୍ତାରି ବୁଜ୍ଜି ଆପାକାରି) ଏଚିତୁକାତାୱା ଏମ୍ବେନାରି ଜିହୁଦା ରାଜିତାୱା ମାନ୍ନେରି, ଏୱାରି ହର୍କାଇନ୍ଦା ଡେହାକାରି । 15#ଲୁକ ୧୭:୩୧ଏମ୍ୱେନାଞ୍ଜି ଦଲାନ୍ ୱାନ୍ଦା ମାନ୍ନେଞ୍ଜି, ଏୱାଞ୍ଜି ତା ଇଡ୍ଡୁଟି ଇନ୍ନି କୁଲା ଅନ୍ ବାଗାଟି ଜାଚାନ୍ ୱାଃଆକାଞ୍ଜି କି ଲାଃଇ ହାଃଲ୍ଲାକାଞ୍ଜି । 16ଆଟେ ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ଏୱାଞ୍ଜି ତା ଜିରାଙ୍ଗ୍ ତାପ୍କନ୍ ବାଗା ୱ୍ଡେଚାନ୍ ୱାଃଆକାଞ୍ଜି । 17ଏଚିତୁକାତାୱା ଏମ୍ୱେନାଃଆ ଟୁଟୁମାନ୍ନୁ ଅଟେ ରାଙ୍ଗୁ ଉଟ୍ପିନ୍ନି ଇୟାସ୍କା ହାବେ ଦୁଃକ ପାଁନୁ । 18ମତ୍ର ଇଦି ଇନିସ୍ ପେନି ଦିନାତାୱା ଆଃଆକାଦି, ଏଦାବାଗା ମୁଲାପେନୁ ଟାକ୍କେ ପ୍ରାତ୍ନା କିଦୁ । 19#ପ୍ରକା ୭:୧୪ଇନାକି ଏ କାଲାତାୱା ଇହିଙ୍ଗିସି କସ୍ଟ ଆନେ ଜେ, ମୁଲାପେନୁ ପୁର୍ତି କ୍ଲେହାହେଃଲ୍ଲାତ୍ କାହେତାୱାଟି ନିଞ୍ଜୁ ଟିକ୍ନା ଏହେଙ୍ଗିସି ଆହେଃଲ୍ଲେ, ଆଟେ ଏଚ୍ଚେକ୍ୱାଡ଼େ ଆଃଏ । 20ଆଟେ ଦାର୍ମୁ ଜଦି ଏ ବିହାନପୁ ତୁକା କକ୍ଚି କିଆହେଃଲ୍ଲେଞ୍ଜ୍ମା, ଇଚ୍ଚେସି ର ଗାଣ୍ଡି ୱାଡ଼େ ଜ୍ଡିପା ପାଁନ୍ବନ୍ ମୁଃଏର୍ମା; ମତ୍ର ଏୱାଞ୍ଜି ଇନ୍ଦାରିକି ଆଚି କିଆନ୍ନେଞ୍ଜି, ଏୱାର୍ ବାଗାଟି ଇ ତୁକା କକ୍ଚି କିଆନ୍ନେଞ୍ଜି ।
21ଏଚିତୁକାତାୱା ହୁଡ଼ାଟୁ, କ୍ରିସ୍ଟ ଇମ୍ୱା ଅଟେ ଉମ୍ବା ମାନ୍ନେଞ୍ଜି ଇଞ୍ଜାନ୍, ଏମ୍ୱେନାଞ୍ଜି ଜଦି ମିଙ୍ଗେ ୱେସ୍ତାନେଞ୍ଜି, ଏହେଙ୍ଗ୍ ଆତେସି ଏଦା ମାଞ୍ଜାଡ଼ି କିଃଆଟୁ । 22ଇନାକି କଲ କ୍ରିସ୍ଟଙ୍ଗା ଅଟେ କଲ ବାବବାଦିଙ୍ଗ୍ ୱାନ୍ ଇହିଙ୍ଗିସି ବେର୍ ବେର୍ ତୁର୍ରି ଅଟେ ଆକ୍କାବାଡ଼ାଙ୍ଗ୍ତି କାମା ତସ୍ନେରି ଜେ, ଜଦି ଆଅନ୍ ମୁନେ ଇଚ୍ଚେସି, ଏୱାରି ଆଚି ପାଁଣ୍ଡାନ୍ନି ଦାଲ୍ଲାନିକି ୱାଡ଼େ କ୍ରଟ୍ପାୱିନେରି । 23ମତ୍ର ମିରୁ ନେହେନ୍ ବାସାଆଦୁ, ନାନୁ କାହେଟେଃଏ ମିଙ୍ଗେ ହାବେ କୁଲା ୱେସାଞ୍ଜା ।
ଜିସୁ ତା ରିହିକ୍ ୱାଅନ୍ତି କାତା ୱେସ୍ପନ୍
(ମାତିଉ ୨୪:୨୯–୩୧; ଲୁକ ୨୧:୨୫–୨୮)
24 #
ପ୍ରକା ୬:୧୨
“ମତ୍ର ଏଚିତୁକାତାୱା ଏ ବିହାନପୁ ପାଁନାୱିଃଆଟି
ୱେଲା ଆନ୍ଦେର୍ ଆନେ
ଅଟେ ଡାଁଞ୍ଜୁ ଅଲା ଆଃଏ ।
25 #
ପ୍ରକା ୬:୧୩
ଆଟେ ଜାଗ୍ଗୁତି ସୁକାଙ୍ଗ୍ ନେତେ ସ୍ରୁଆନୁ
ଅଟେ ଜାଗ୍ଗୁତି ବଲ ହାବେ କଲିବିଲି ଆନେ ।
26 #
ପ୍ରକା ୧:୭
ଏଚିତୁକାତାୱା ଦାଲ୍ଲା କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲଟି ଅଟେ ମହିମା ଡ଼ାହି ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଇନାଦାଃଆ ହୁଡ଼ିନେରି । 27ଏଚିତୁକାତାୱା ଏୱାଞ୍ଜି ଦୁତଙ୍ଗ୍ନିକି ପାଣ୍ଡାନ୍ ପୁର୍ତିତି ମୁଦ୍ଲାଟି ଜାଗ୍ଗୁତି ମୁଦ୍ଲା ଟିକ୍ନା ଗୁଞ୍ଜେର୍ ମାନ୍ନି ତା ଆଚି କିଆନ୍ନି ଦାଲ୍ଲାନିକି ରପାଟ୍ଟେ କିନେଞ୍ଜି ।”
ଜିସୁ ତଗା ମ୍ରାନୁଟି ଗ୍ରାପନି
(ମାତିଉ ୨୪:୩୨–୩୫; ଲୁକ ୨୧:୨୯–୩୩)
28“ତଗା ମ୍ରାନୁଟି ତୁକାଙ୍ଗାତା ଗ୍ରାମ୍ୱାଟୁ; ଏଚ୍ଚିକିଃଆ ତା କାମ୍ୱାଙ୍ଗ୍ କ୍ଡଗି ଆକା ଆଇନୁ, ଏଚିତୁକାତାୱା ମିରୁ ପୁଞ୍ଜୁ ଜେ କାର୍ରା ତୁକା ଟାକ୍କେ ଏତାତେ । 29ଏଚିଲାକ୍କାଟି ମିରୁ ୱାଡ଼େ ଇ ହାବେତ୍ କୁଲା ହୁଡ଼ିତେସି, ଏ ଦାରା ଟାକ୍କେ ଏତାତେ, ଇଞ୍ଜାନ୍ ପୁଞ୍ଜୁ । 30ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇୱାହାବେ ଗଟିଆଃଆନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନିୱାହୁ ୱାଡ଼େ ନାହେଡ୍ ଆଃଏରି । 31ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।”
ଜିସୁ ୱାଅନ୍ତି ଦିନା ଏମ୍ୱେ ପୁଃନ୍ନେରି
(ମାତିଉ ୨୪:୩୬–୪୪)
32 #
ମାତି ୨୪:୩୬
“ମତ୍ର ଏ ଦିନା କି ତୁକା କୁଲାଟି ଏମ୍ୱେ ପୁଞ୍ଜାହେଃଲ୍ଲେରି, ସର୍ଗତି ଦୁତଙ୍ଗ୍ କି କୁଏଞ୍ଜି ମ୍ରିଃଏଞ୍ଜି ୱାଡ଼େ ପୁଞ୍ଜାହେଃଲ୍ଲେଞ୍ଜି, ୱାର୍ରି ଆବା ପୁଞ୍ଜାନ୍ନେଞ୍ଜି । 33ମିରୁ ନେହେନ୍ ଆନ୍ କାଚାନ୍ ମାଞ୍ଜୁ; ଇନାକି ଏ ଦିନା ଏଚ୍ଚିକିଃଆ ୱାନେ, ଏଦା ମିରୁ ପୁଞ୍ଜାହେଃଲ୍ଲେରି । 34#ଲୁକ ୧୨:୩୬–୩୮ଏଦି ଇହିଙ୍ଗିସି, ଇନିମିଡିକି ରଃଅଞ୍ଜି ତା ଇଡ୍ଡୁ ପିହାନ୍ ବିହି ରାଜିଇନ୍ଦା ହାଜ୍ଜିନ୍ନେଞ୍ଜି, ଆଟେ ଏୱାଞ୍ଜି ତା କାମ୍ବାରାଙ୍ଗାନିକି ତା ଇଡ୍ଡୁତି ହାବେତ୍ ହକତ୍ ହିଆନାହି ହାବେତାରିନିକି ତା ତା କାମା ହିଆନ୍ନେଞ୍ଜି ଅଟେ ଇଡ୍ଡୁ ଜପନ୍ତାଞ୍ଜିନିକି ୱାଡ଼େ କାଚାନ୍ ମାନ୍ବନ୍ତିକି ଆଦେସ୍ ହିଆନ୍ନେଞ୍ଜି । 35ଏଦାକି କାଲେ ଇଡ୍ଡୁତି ସକାର ବୁଡ଼୍ବାଡ଼୍ନା ୱାନାହି ମିଙ୍ଗେ ହୁଞ୍ଜାନ୍ନାଦାଃଆ ହୁଡ଼ିଦାନ୍ନେଞ୍ଜି, 36ଇଦାବାଗା କାଚାନ୍ ବାସାଆଦୁ, ଇନାକି ଏୱାଞ୍ଜି ମିଡ୍ଡଡ଼୍ କି ଡାଡ଼ିଙ୍ଗ୍ କି କଜ୍ଜୁ କ୍ଲାପାତାୱା କି ଡାଃଏସ୍ ତୁକାତାୱା, ଏୱାଞ୍ଜି ଏଚ୍ଚିକିଃଆ ୱାନେଞ୍ଜି, ଏଦା ମିରୁ ପୁଃନ୍ନେରି । 37ନାନୁ ମିଙ୍ଗେ ଇନ୍ନା ୱେସ୍ପିଞ୍ଜା, ଏଦା ହାବେତାରିନିକି ୱେସ୍ପିମାଃଇ, କାଚାନ୍ ବାସାଆଦୁ ।”
Právě zvoleno:
ମାର୍କ 13: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 13
13
ଜିରୁସାଲମ ମନ୍ଦିର ନାହେଡ୍ ଆଅନ୍ତି କୁଲାଟି ୱେସ୍ପନ୍
(ମାତିଉ ୨୪:୧–୪୪; ଲୁକ ୨୧:୫–୩୩)
1ଜିସୁ ଜିରୁସାଲମ ମନ୍ଦିରତାୱାଟି ହଚାନ୍ ହାଜ୍ଜିଚ୍ଚି ତୁକାତାୱା ତା ଗ୍ରାମ୍ୱାଗାଟାରି ତାୱାଟି ରଃଅଞ୍ଜି ତାଙ୍ଗେ ୱେସ୍ତେଞ୍ଜି, “ଏ ଗ୍ରାପାଗାଟାତି, ହୁଡ଼ାମୁ, ଇନିମିଡି ବେର୍ ବେର୍ ୱାଲ୍ଲିଙ୍ଗ୍ ଅଟେ ଆଡାନ୍ନି ଦଲାନ୍ ଇଟ୍କା” 2ଏମ୍ବାଟି ଜିସୁ ତାଙ୍ଗେ ୱେସ୍ତେଞ୍ଜି, “ମିରୁ ଇନ୍ନା ଇ ହାବେତ୍ ବେର୍ ଇଟ୍କା ହୁଡ଼େଞ୍ଜେରି ? ରଣ୍ଡି ୱାଲ୍ଲି ବିହି ୱାଲ୍ଲି କୁଃଏଟି ବାସାଆଃଏ, ହାବେ ରେଙ୍ଗାୱିଆନ୍ ନେତେ ସ୍ରୁନୁ ।”
ୱିହାନ୍ଦୁକାତି ତୁର୍ରି କୁଲାଟି
(ମାତିଉ ୨୪:୩–୧୪; ଲୁକ ୨୧:୭–୧୯)
3ଡେଗ୍ଗା ଜିସୁ ଜିରୁସାଲମ ମନ୍ଦିର ନକେସ୍ ମାନ୍ନି ଜିତ ହରୁତାୱା କପ୍କନେଃଏ ପିତର, ଜାକୁବ, ଜହନ ଅଟେ ଆନ୍ଦ୍ରିୟ ତାଙ୍ଗେ ମ୍ଡାମି ୱେନ୍ବନ୍ ମ୍ରାସ୍ତେରି, “ଇଦି ହାବେ ଏଚ୍ଚେକ୍ ଆନେ, 4ଆଟେ ଇମ୍ୱିନ୍ ତୁକାତାୱା ଇୱାହାବେ ଲେର୍ ଆଅନ୍ତି ତୁକା ଟାକ୍କେ ଏତାନେ, ଏ ତୁକାତି ତୁର୍ରି ଇନ୍ନାଦି ? ଏଦା ମାଙ୍ଗେ ୱେସ୍ତାମୁ ।”
5ଏମ୍ବାଟି ଜିସୁ ଏୱାରିକି ୱେସ୍ପନ୍ ମ୍ରାସ୍ତେଞ୍ଜି, ନେହେନ୍ ମାଞ୍ଜୁ, ଏମ୍ୱେ ଇନିସ୍ ମିଙ୍ଗେ କ୍ରଟ୍ପାଦାଃଆକାରି । 6ଏଗେଲ୍ ଦାଲ୍ଲା ନା ପାରୁଟି ୱାନାହି ନାନୁ କ୍ରିସ୍ଟ ଇଞ୍ଜାନ୍ ୱେସାନ୍ ଗାପ୍ଚି ଦାଲ୍ଲାନିକି କ୍ରଟ୍ପାୱିନେରି । 7ମତ୍ର ମିରୁ ଏଚ୍ଚିକିଃଆ ଜୁଜ୍ଜି ଆଅନ୍ତି କୁଲା ଅଟେ ହିଲାଗଲି ଆଅନ୍ତି ଗଜେଲ୍ ୱେଞ୍ଜେରି, ଏଚିତୁକାତାୱା କଲିବିଲି ଆଃଆଟୁ; ଇୱାହାବେ ଗଟି ଆନୁ, ମତ୍ର ଏଦି ୱିହାନ୍ଦୁକା ଆଃଏ । 8ଇନାକି ଜାତି ବିରୁଦିଆଟି ଜାତି ଅଟେ ରାଜି ବିରୁଦିଆଟି ରାଜି ନିଙ୍ଗିନେ, ଆଟେ ବିହି ବିହି ଗର୍ରିତାୱା ୱିର୍ରା ତ୍ରେଗିନେ ଅଟେ କାରି ଦିନେ; ଇୱାହାବେ ବଦା ମାରନ୍ତି ବିହା ମ୍ରାନ୍ଦେନ୍ନି ଡେହେଙ୍ଗ୍ ।
9 #
ମାତି ୧୦:୧୭–୨୦; ଲୁକ ୧୨:୧୧,୧୨ ମତ୍ର ମିରୁ ମି ମି କୁଲାତାୱା ନେହେନ୍ ବାସାଆଦୁ; ଦାଲ୍ଲା ମିଙ୍ଗେ ବିଚାର ଗର୍ରିଙ୍ଗ୍ତାୱା ଆହ୍ପି କିଆନେରି, ଆଟେ ମିଙ୍ଗେ ହାଜା ଇଟ୍କା ଏସେନ୍ ଚାହ୍ତାନେରି ଅଟେ ନା ବାଗାଟି ଆକୁଡ଼୍ କିଅନ୍ତାରି ଅଟେ ରାଜେଙ୍ଗ୍ ନକେସ୍ ସାକ୍ୟ ହିଅନ୍ ବାଗାଟି ମିଙ୍ଗେ ଡିଡ୍ଡି କିଆନେରି । 10ଆଟେ ହାବେତ୍ ଜାତି ରେଃଏସ୍ ସୁସମାଚାର ନିଜ୍ଜାନେଃଏ ୱେସ୍ପନ୍ ଆନେ । 11ଇଦାବାଗା ଏଚ୍ଚିକିଃଆ ଦାଲ୍ଲା ମିଙ୍ଗେ ଅଆନ୍ ବିହାନପୁ ହିଅନ୍ ବାଗାଟି ସର୍ପି କିଆନେରି, ଏଚିତୁକାତାୱା ମିରୁ ଇନ୍ନା ୱେସ୍ଦେରି, ଏ କୁଲାଟି ୱେଲେନେଃଏ ଏଲୁ କିଃଆଟୁ, ମତ୍ର ଏ ତୁକାତାୱା ମିଙ୍ଗେ ଇନ୍ନା ୱେସ୍ପା ଆନେ ଏଦା ୱେସ୍ଦୁ; ଇନାକି ମିରୁ ବକ୍ତା ଆଃଏ, ମତ୍ର ପିର୍ନି ଡିଙ୍ଗା ବକ୍ତା ଆନେଞ୍ଜି । 12ଆମ୍ୱେସ୍ ଆମ୍ବେସ୍ନିକି ଅଟେ ଆବା ମ୍ରିଃଏଞ୍ଜିକି ପାଗନ୍ ବାଗାଟି ସର୍ପି କିନେଞ୍ଜି; ଆଟେ ମ୍ରିକା ଇୟାଆବାତି ବିରୁଦିଆଟି ନିଙ୍ଗାନ୍ ଏୱାରିକି ପାଗିନେରି । 13#ମାତି ୧୦:୨୨ଆଟେ ନା ପାରୁ ବାଗାଟି ହାବେତାରି ମିଙ୍ଗେ ସ୍ରିଞ୍ଜାଦାନେରି; ମତ୍ର ଏମ୍ୱେନାଞ୍ଜି ୱିହାନ୍ଦୁକା ଟିକ୍ନା ଦର୍ଜ୍ୟ ଆହାନ୍ ବାସାଆନେଞ୍ଜି, ଏୱାଞ୍ଜି ଜ୍ଡିପା ପାଁନେଞ୍ଜି ।
ବିହାନପୁ କୁଲାଟି ଜିସୁ ୱେସ୍ପନି
(ମାତିଉ ୨୪:୧୫–୨୮; ଲୁକ ୨୧:୨୦–୨୪)
14ମିରୁ ଏଚ୍ଚିକିଃଆ ଏ ନାହେଡ୍ କିଅନ୍ତି ଅସୁଚି କୁଲାତିଦି, ଇମ୍ୱିନାୱା ବାସାଆଅନ୍ତିକି ନେହି ଆଃଏମା, ଏଦିମ୍ୱା ମାନ୍ନାଦାଃଆ ହୁଡ଼ିଦେରି (ପଡ଼ିଆଅନ୍ତାରି ବୁଜ୍ଜି ଆପାକାରି) ଏଚିତୁକାତାୱା ଏମ୍ବେନାରି ଜିହୁଦା ରାଜିତାୱା ମାନ୍ନେରି, ଏୱାରି ହର୍କାଇନ୍ଦା ଡେହାକାରି । 15#ଲୁକ ୧୭:୩୧ଏମ୍ୱେନାଞ୍ଜି ଦଲାନ୍ ୱାନ୍ଦା ମାନ୍ନେଞ୍ଜି, ଏୱାଞ୍ଜି ତା ଇଡ୍ଡୁଟି ଇନ୍ନି କୁଲା ଅନ୍ ବାଗାଟି ଜାଚାନ୍ ୱାଃଆକାଞ୍ଜି କି ଲାଃଇ ହାଃଲ୍ଲାକାଞ୍ଜି । 16ଆଟେ ଏମ୍ୱେନାଞ୍ଜି ପାଙ୍ଗାତାୱା ମାନ୍ନେଞ୍ଜି, ଏୱାଞ୍ଜି ତା ଜିରାଙ୍ଗ୍ ତାପ୍କନ୍ ବାଗା ୱ୍ଡେଚାନ୍ ୱାଃଆକାଞ୍ଜି । 17ଏଚିତୁକାତାୱା ଏମ୍ୱେନାଃଆ ଟୁଟୁମାନ୍ନୁ ଅଟେ ରାଙ୍ଗୁ ଉଟ୍ପିନ୍ନି ଇୟାସ୍କା ହାବେ ଦୁଃକ ପାଁନୁ । 18ମତ୍ର ଇଦି ଇନିସ୍ ପେନି ଦିନାତାୱା ଆଃଆକାଦି, ଏଦାବାଗା ମୁଲାପେନୁ ଟାକ୍କେ ପ୍ରାତ୍ନା କିଦୁ । 19#ପ୍ରକା ୭:୧୪ଇନାକି ଏ କାଲାତାୱା ଇହିଙ୍ଗିସି କସ୍ଟ ଆନେ ଜେ, ମୁଲାପେନୁ ପୁର୍ତି କ୍ଲେହାହେଃଲ୍ଲାତ୍ କାହେତାୱାଟି ନିଞ୍ଜୁ ଟିକ୍ନା ଏହେଙ୍ଗିସି ଆହେଃଲ୍ଲେ, ଆଟେ ଏଚ୍ଚେକ୍ୱାଡ଼େ ଆଃଏ । 20ଆଟେ ଦାର୍ମୁ ଜଦି ଏ ବିହାନପୁ ତୁକା କକ୍ଚି କିଆହେଃଲ୍ଲେଞ୍ଜ୍ମା, ଇଚ୍ଚେସି ର ଗାଣ୍ଡି ୱାଡ଼େ ଜ୍ଡିପା ପାଁନ୍ବନ୍ ମୁଃଏର୍ମା; ମତ୍ର ଏୱାଞ୍ଜି ଇନ୍ଦାରିକି ଆଚି କିଆନ୍ନେଞ୍ଜି, ଏୱାର୍ ବାଗାଟି ଇ ତୁକା କକ୍ଚି କିଆନ୍ନେଞ୍ଜି ।
21ଏଚିତୁକାତାୱା ହୁଡ଼ାଟୁ, କ୍ରିସ୍ଟ ଇମ୍ୱା ଅଟେ ଉମ୍ବା ମାନ୍ନେଞ୍ଜି ଇଞ୍ଜାନ୍, ଏମ୍ୱେନାଞ୍ଜି ଜଦି ମିଙ୍ଗେ ୱେସ୍ତାନେଞ୍ଜି, ଏହେଙ୍ଗ୍ ଆତେସି ଏଦା ମାଞ୍ଜାଡ଼ି କିଃଆଟୁ । 22ଇନାକି କଲ କ୍ରିସ୍ଟଙ୍ଗା ଅଟେ କଲ ବାବବାଦିଙ୍ଗ୍ ୱାନ୍ ଇହିଙ୍ଗିସି ବେର୍ ବେର୍ ତୁର୍ରି ଅଟେ ଆକ୍କାବାଡ଼ାଙ୍ଗ୍ତି କାମା ତସ୍ନେରି ଜେ, ଜଦି ଆଅନ୍ ମୁନେ ଇଚ୍ଚେସି, ଏୱାରି ଆଚି ପାଁଣ୍ଡାନ୍ନି ଦାଲ୍ଲାନିକି ୱାଡ଼େ କ୍ରଟ୍ପାୱିନେରି । 23ମତ୍ର ମିରୁ ନେହେନ୍ ବାସାଆଦୁ, ନାନୁ କାହେଟେଃଏ ମିଙ୍ଗେ ହାବେ କୁଲା ୱେସାଞ୍ଜା ।
ଜିସୁ ତା ରିହିକ୍ ୱାଅନ୍ତି କାତା ୱେସ୍ପନ୍
(ମାତିଉ ୨୪:୨୯–୩୧; ଲୁକ ୨୧:୨୫–୨୮)
24 #
ପ୍ରକା ୬:୧୨
“ମତ୍ର ଏଚିତୁକାତାୱା ଏ ବିହାନପୁ ପାଁନାୱିଃଆଟି
ୱେଲା ଆନ୍ଦେର୍ ଆନେ
ଅଟେ ଡାଁଞ୍ଜୁ ଅଲା ଆଃଏ ।
25 #
ପ୍ରକା ୬:୧୩
ଆଟେ ଜାଗ୍ଗୁତି ସୁକାଙ୍ଗ୍ ନେତେ ସ୍ରୁଆନୁ
ଅଟେ ଜାଗ୍ଗୁତି ବଲ ହାବେ କଲିବିଲି ଆନେ ।
26 #
ପ୍ରକା ୧:୭
ଏଚିତୁକାତାୱା ଦାଲ୍ଲା କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲଟି ଅଟେ ମହିମା ଡ଼ାହି ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଇନାଦାଃଆ ହୁଡ଼ିନେରି । 27ଏଚିତୁକାତାୱା ଏୱାଞ୍ଜି ଦୁତଙ୍ଗ୍ନିକି ପାଣ୍ଡାନ୍ ପୁର୍ତିତି ମୁଦ୍ଲାଟି ଜାଗ୍ଗୁତି ମୁଦ୍ଲା ଟିକ୍ନା ଗୁଞ୍ଜେର୍ ମାନ୍ନି ତା ଆଚି କିଆନ୍ନି ଦାଲ୍ଲାନିକି ରପାଟ୍ଟେ କିନେଞ୍ଜି ।”
ଜିସୁ ତଗା ମ୍ରାନୁଟି ଗ୍ରାପନି
(ମାତିଉ ୨୪:୩୨–୩୫; ଲୁକ ୨୧:୨୯–୩୩)
28“ତଗା ମ୍ରାନୁଟି ତୁକାଙ୍ଗାତା ଗ୍ରାମ୍ୱାଟୁ; ଏଚ୍ଚିକିଃଆ ତା କାମ୍ୱାଙ୍ଗ୍ କ୍ଡଗି ଆକା ଆଇନୁ, ଏଚିତୁକାତାୱା ମିରୁ ପୁଞ୍ଜୁ ଜେ କାର୍ରା ତୁକା ଟାକ୍କେ ଏତାତେ । 29ଏଚିଲାକ୍କାଟି ମିରୁ ୱାଡ଼େ ଇ ହାବେତ୍ କୁଲା ହୁଡ଼ିତେସି, ଏ ଦାରା ଟାକ୍କେ ଏତାତେ, ଇଞ୍ଜାନ୍ ପୁଞ୍ଜୁ । 30ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ଇୱାହାବେ ଗଟିଆଃଆନ୍ ଟିକ୍ନା ଇ ହାଦାଡ଼୍ତି ଇ ଦାଲ୍ଲା ଇନିୱାହୁ ୱାଡ଼େ ନାହେଡ୍ ଆଃଏରି । 31ଜାଗ୍ଗୁ ଅଟେ ପୁର୍ତି ନାହେଡ୍ ଆନେ, ମତ୍ର ନା ବାକ୍ୟ ଏଚ୍ଚେକ୍ୱାଡ଼େ ନାହେଡ୍ ଆଃଏ ।”
ଜିସୁ ୱାଅନ୍ତି ଦିନା ଏମ୍ୱେ ପୁଃନ୍ନେରି
(ମାତିଉ ୨୪:୩୬–୪୪)
32 #
ମାତି ୨୪:୩୬
“ମତ୍ର ଏ ଦିନା କି ତୁକା କୁଲାଟି ଏମ୍ୱେ ପୁଞ୍ଜାହେଃଲ୍ଲେରି, ସର୍ଗତି ଦୁତଙ୍ଗ୍ କି କୁଏଞ୍ଜି ମ୍ରିଃଏଞ୍ଜି ୱାଡ଼େ ପୁଞ୍ଜାହେଃଲ୍ଲେଞ୍ଜି, ୱାର୍ରି ଆବା ପୁଞ୍ଜାନ୍ନେଞ୍ଜି । 33ମିରୁ ନେହେନ୍ ଆନ୍ କାଚାନ୍ ମାଞ୍ଜୁ; ଇନାକି ଏ ଦିନା ଏଚ୍ଚିକିଃଆ ୱାନେ, ଏଦା ମିରୁ ପୁଞ୍ଜାହେଃଲ୍ଲେରି । 34#ଲୁକ ୧୨:୩୬–୩୮ଏଦି ଇହିଙ୍ଗିସି, ଇନିମିଡିକି ରଃଅଞ୍ଜି ତା ଇଡ୍ଡୁ ପିହାନ୍ ବିହି ରାଜିଇନ୍ଦା ହାଜ୍ଜିନ୍ନେଞ୍ଜି, ଆଟେ ଏୱାଞ୍ଜି ତା କାମ୍ବାରାଙ୍ଗାନିକି ତା ଇଡ୍ଡୁତି ହାବେତ୍ ହକତ୍ ହିଆନାହି ହାବେତାରିନିକି ତା ତା କାମା ହିଆନ୍ନେଞ୍ଜି ଅଟେ ଇଡ୍ଡୁ ଜପନ୍ତାଞ୍ଜିନିକି ୱାଡ଼େ କାଚାନ୍ ମାନ୍ବନ୍ତିକି ଆଦେସ୍ ହିଆନ୍ନେଞ୍ଜି । 35ଏଦାକି କାଲେ ଇଡ୍ଡୁତି ସକାର ବୁଡ଼୍ବାଡ଼୍ନା ୱାନାହି ମିଙ୍ଗେ ହୁଞ୍ଜାନ୍ନାଦାଃଆ ହୁଡ଼ିଦାନ୍ନେଞ୍ଜି, 36ଇଦାବାଗା କାଚାନ୍ ବାସାଆଦୁ, ଇନାକି ଏୱାଞ୍ଜି ମିଡ୍ଡଡ଼୍ କି ଡାଡ଼ିଙ୍ଗ୍ କି କଜ୍ଜୁ କ୍ଲାପାତାୱା କି ଡାଃଏସ୍ ତୁକାତାୱା, ଏୱାଞ୍ଜି ଏଚ୍ଚିକିଃଆ ୱାନେଞ୍ଜି, ଏଦା ମିରୁ ପୁଃନ୍ନେରି । 37ନାନୁ ମିଙ୍ଗେ ଇନ୍ନା ୱେସ୍ପିଞ୍ଜା, ଏଦା ହାବେତାରିନିକି ୱେସ୍ପିମାଃଇ, କାଚାନ୍ ବାସାଆଦୁ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0