ମାର୍କ 12
12
ଅଙ୍ଗୁରପାଙ୍ଗା ବାଗା ଡ଼ୁଇଚି ରଃଅଞ୍ଜି ଡ଼ଃଆନାଞ୍ଜିତି ତୁକାଙ୍ଗାତା
(ମାତିଉ ୨୧:୩୩–୪୬; ଲୁକ ୨୦:୯–୧୯)
1ଏମ୍ୱାଟି ଜିସୁ ଏୱାରିକି ତୁକାଙ୍ଗାତାଟି ୱେସ୍ପନ୍ ମ୍ରାସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଣ୍ଡା ଅଙ୍ଗୁରପାଙ୍ଗା କିତେଞ୍ଜି ଆଟେ ତା ଗୁଞ୍ଜେର୍ ଜାଟ୍ଟା#୧୨:୧ ଜାଟ୍ଟା ଇଚ୍ଚେସି ତୁଲ୍ଲେତାରି “ଗଲି” ଇଞ୍ଜିନ୍ନେରି । ଗ୍ରୁଚାନ୍ ଅଙ୍ଗୁର ଡଙ୍ଗି#୧୨:୧ ଅଙ୍ଗୁର ଡଙ୍ଗି ବାଇବଲତାୱା ଇଦାଡ଼୍ତି ଅର୍ତ ଆଇନେ ଇସ୍ରାଏଲ ଦେସାତାୱା ଦାଲ୍ଲା ଅଙ୍ଗୁର ସ୍ଡିପନ୍ ବାଗା ଏ ପାଙ୍ଗା ମାଦ୍ଦି କ୍ଲେହେଚ୍ଚି ରଣ୍ଡି ଡଙ୍ଗି ବା ଦଡ଼ିତିକି ବୁଜ୍ଜେ କିନ୍ନେ । କ୍ଲେହିତେଞ୍ଜି ଅଟେ ଜପନ୍ତି ବାଦି#୧୨:୧ ବାଦି “ବାଦି” ଇଚ୍ଚେସି ଜପା ଡାଡ଼ି ବା କୁଡ଼ି । ୱାଡ଼େ କ୍ଲେହିତେଞ୍ଜି, ଏମ୍ବାଟି ହେରୁ ଡ଼ୁଅନ୍ତାରିନିକି ଏ ପାଙ୍ଗା ବାଗା ଡ଼ୁଅନ୍ ବାଗାଟି ହିଆନ୍ ବିହି ରାଜି ହାଚ୍ଚେଞ୍ଜି ।” 2ଡେଗ୍ଗା ଏୱାଞ୍ଜି ଅଙ୍ଗୁର ଏସ୍ପନ୍ତି ତୁକା ୱାଅନେଃଏ ବାଗା ଡ଼ୁଅନ୍ତାରି ଟିଆଟି ଅଙ୍ଗୁରତି ବାଗା ପାଁନ୍ବନ୍ ବାଗାଟି, ଏୱାଞ୍ଜି ରଃଅଞ୍ଜ୍ କାମ୍ବାରେଏଞ୍ଜିକି ଏୱାର୍ ଟାକ୍କେ ପାଣ୍ଡିତେଞ୍ଜି । 3ମତ୍ର ଏୱାରି ତାଙ୍ଗେ ଆହାନ୍ ଚାହ୍ତେରି ଅଟେ ଇନ୍ନା ହିଃଏଟେଃଏ ୱାର୍ରି କାସ୍କାଟି ପାଁଣ୍ଡାହିତେରି । 4ଏମ୍ବାଟି ଏୱାଞ୍ଜି ଆଟେ ରଃଅଞ୍ଜ୍ କାମ୍ବାରେଏଞ୍ଜିକି ଏୱାର୍ ଟାକ୍କେ ପାଣ୍ଡିତେଞ୍ଜି; ଏୱାରି ଏୱାଞ୍ଜିକି ୱାଡ଼େ ତ୍ଲାଉ ଅହାହିତେରି ଅଟେ ତାଙ୍ଗେ ଲେଜ୍ଜା କିତେରି । 5ଏୱାଞ୍ଜି ଅଟେ ରଃଅଞ୍ଜିକି ପାଣ୍ଡିତେଞ୍ଜି, ଏୱାରି ଏୱାଞ୍ଜିକି ପାଗିତେରି । ଏମ୍ବାଟି ଏୱାଞ୍ଜି ଏଗେଲ୍ କାମ୍ବାରାଙ୍ଗାନିକି ପାଣ୍ଡିତେଞ୍ଜି; ଏୱାରି ଏ ଦାଲ୍ଲା ତାୱାଟି ତୁଲ୍ଲେତାରିନିକି ଚାହ୍ତେରି ଅଟେ ଏଚ୍ଚେ ଦାଲ୍ଲାନିକି ପାଗିତେରି । 6ତା ଟାକ୍କେ ରଃଅଞ୍ଜି ମତ୍ର ବାସାଆତେଞ୍ଜି, ଏୱାଞ୍ଜି ଆଇନ୍ନେଞ୍ଜି ତା ଜେଡାଗାଟି ମ୍ରିଃଏଞ୍ଜି । ଏୱାଞ୍ଜି ୱିହାଡେଗ୍ଗା ନା ମ୍ରିଃଏଞ୍ଜିକି ମାନି ଆନେରି ଇଞ୍ଜାନ୍ ତାଙ୍ଗେ ଏୱାର୍ ରେଃଏସ୍ ପାଣ୍ଡିତେଞ୍ଜି । 7ମତ୍ର ଏ ବାଗା କାମାଗାଟାରି ତାରୁ ତାରୁ ୱେସ୍ପିଆତେରି, ଇୱାଞ୍ଜ୍ ତ ତା ମ୍ରିଃଏଞ୍ଜି ଇ ପାଙ୍ଗାତି ହକଗାଟାଞ୍ଜି#୧୨:୭ ହକଗାଟାଞ୍ଜି ଇଚ୍ଚେସି ଉଡ଼ିଆ ବାଇବଲତା “ଉତରାଦିକାରି” ଇଞ୍ଜାନ୍ ୱ୍ରିଗାଆନ୍ନେ, ଇଦାଡ଼୍ତି ଅର୍ତ ଆଇନେ ଏମ୍ବେନାଞ୍ଜିକି ଆବାତି ମେରା ନେଡା, ପାଙ୍ଗାବାଟ୍ଟା ତିନ୍ବନ୍ତାଞ୍ଜିନିକି ବୁଜ୍ଜେ କିନେ ।, ୱାଦୁ ଇୱାଞ୍ଜିକି ପାଗିନା, ଏହେଙ୍ଗ୍ ଆତେସି ଇ ଅଙ୍ଗୁର ପାଙ୍ଗାତିଦି ମାରୁ ହକ କିଅନ୍ ମୁନା । 8ଏମ୍ବାଟି ଏୱାରି ତାଙ୍ଗେ ଆହାନ୍ ପାଗିତେରି ଅଟେ ଅଙ୍ଗୁରପାଙ୍ଗାତି କାଟ ଅଆନ୍ ତୁହ୍ତେରି । 9ଏଦାକି ହାଦାଡ଼ି ଅଙ୍ଗୁରପାଙ୍ଗାତି ସକାରେଏଞ୍ଜି ଇନ୍ନା କିନେଞ୍ଜି ? ଏୱାଞ୍ଜି ୱାନାହି ଏ କାମାଗାଟାରିକି ପାଗିନେଞ୍ଜି ଅଟେ ବିହିତାରିନିକି ଅଙ୍ଗୁରପାଙ୍ଗା ହିନେଞ୍ଜି । 10ମିରୁ କି ଦର୍ମପୁତିତି ଇ ବାକ୍ୟ ୱାଡ଼େ ପଡ଼ି ଆହେଃଲ୍ଲେରି,
“ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ନିଗାଡ଼୍ ହୁଡ଼ାନ୍ ଅଗ୍ରାହ୍ୟ କିତେରି,”
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ ।
11ଦାର୍ମୁତାୱାଟି ଇଦି ଆତେ,
ଆଟେ ଏଦି ମା ବାଗାଟି ଆକ୍କାବାଡ଼ାଙ୍ଗ୍ତି କୁଲା ଆତେ ।
12“ଏମ୍ୱାଟି ଜିହୁଦିଙ୍ଗ୍ତି ଗାମିନାରି ତାଙ୍ଗେ ଆହ୍ପନ୍ ବାଗା ସେସ୍ଟା କିତେରି, ମତ୍ର ଏୱାରି ଦାଲ୍ଲାତିଦି ଆଜ୍ଜେଚ୍ଚେରି, ଇନାକି ଏୱାଞ୍ଜି ଏ ତୁକାଙ୍ଗାତା ଏୱାରିକି ହୁଡ଼ାନ୍ ୱେସାଚ୍ଚେଞ୍ଜି ଇଞ୍ଜାନ୍ ଏୱାରି ପୁଚ୍ଚେରି, ଏଦାକି ଏୱାରି ଏୱାଞ୍ଜିକି ପିହାନ୍ ହାଚ୍ଚେରି ।”
ସିସ୍ଟୁ ହିଅନ୍ତି କୁଲାଟି
(ମାତିଉ ୨୨:୧୫–୨୨; ଲୁକ ୨୦:୨୦–୨୬)
13ଡେଗ୍ଗା ଜିହୁଦିଙ୍ଗ୍ତି ଗାମିନାରି ଜିସୁତି କାତାତାୱା ବୁଲ୍ ଆହ୍ପନ୍ ବାଗା ପାରୁସି ଅଟେ ହେରଦତି ଦାଲ୍ଲାତାୱାଟି ଏଚ୍ଚେ ଦାଲ୍ଲାନିକି ତା ଟାକ୍କେ ପାଣ୍ଡିତେରି । 14ଏୱାରି ୱାନ୍ ତାଙ୍ଗେ ୱେସ୍ତେରି, “ଏ ଗ୍ରାପାଗାଟାତି, ମାମୁ ପୁଞ୍ଜିଞ୍ଜାନାମୁ ଜେ, ନିନୁ ନିଜ୍ଜା ୱେସ୍ପିଞ୍ଜି ଅଟେ ଇନ୍ଦାରିକି ଆଜ୍ଜେହେଃଲ୍ଲା, ଇନାକି ନିନୁ କୁଇଙ୍ଗ୍ନିକି ମ୍ରୁମ୍ବୁ ହୁଡ଼ାନ୍ କାତା ୱେସ୍ପେହେଃଲ୍ଲା, ମତ୍ର ମୁଲାପେନୁତି ନିଜ୍ଜା ଗିଜ୍ଜୁ କୁଲାଟି ଗ୍ରାପେଞ୍ଜି । ମାଙ୍ଗେ ୱେସ୍ତାମୁ କାଇସରନିକି ସିସ୍ଟୁ ଗାସ୍ପନ୍ତି ହାଜୁ ମାନ୍ନେ ନା ଆଃଏ ? 15ମତ୍ର ଜିସୁ ଏୱାର୍ତି କୁଟୁ କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, ଇନ୍ନା କିଅନ୍ ନାଙ୍ଗେ ପରିକ୍ୟା କିଞ୍ଜାଦେରି ? ରଣ୍ଡା ରୁପା ଟାକ୍କା ନା ଟାକ୍କେ ତାଚ୍ଚିୱାଦୁ, ନାନୁ ଏଦା ହୁଡ଼ି ।”
16ଏମ୍ବାଟି ଏୱାରି ଏଦା ତାଚ୍ଚିୱାତେରି, ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ଇ ମୁର୍ତି ଅଟେ ପାରୁ ଇନ୍ଦାର୍ତାଦି ?”
ଏୱାରି ତାଙ୍ଗେ ୱେସ୍ତେରି, “କାଇସରତାଦି ।”
17ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “କାଇସରତାଦି ଇମ୍ୱିନାଦି ଏଦା କାଇସରନିକି ହିଦୁ; ଆଟେ ମୁଲାପେନୁତାଦି ଇମ୍ୱିନାଦି ଏଦା ମୁଲାପେନୁନିକି ହିଦୁ ।”
ଏମ୍ୱାଟି ଏୱାରି ଏୱାଞ୍ଜ୍ତି ଏ କାତା ୱେଞ୍ଜାନ୍ ଗାପ୍ଚି ଆକ୍କାବାଡ଼ାଙ୍ଗ୍ ଆତେରି ।
ସାଦୁକିଙ୍ଗ୍ ନିମ୍ୱାନ୍ନିଙ୍ଗନ୍ତି କୁଲାଟି ୱେନ୍ବନ୍
(ମାତିଉ ୨୨:୨୩–୩୩; ଲୁକ ୨୦:୨୭–୪୦)
18 #
ପେରି ୨୩:୮
ଏମ୍ବାଟି ନିମ୍ୱାନ୍ନିଙ୍ଗନ୍ତି କୁଲାଟି ମାଞ୍ଜାଡ଼ି କିହେଃଲ୍ଲାତି ସାଦୁକି ଦାଲ୍ଲା ଜିସୁ ଟାକ୍କେ ୱାନାହି ୱେନ୍ବନ୍ ମ୍ରାସ୍ତେରି, 19“ଏ ଗ୍ରାପାଗାଟାତି, ମସା ମା ବାଗାଟି ହାଜୁତାୱା ୱ୍ରିଗାନ୍ନେଞ୍ଜି ଜେ, ଜଦି ରଃଅଞ୍ଜ୍ କୁଏଞ୍ଜ୍ ବଦାମିଡା ଆଃଏଟେଃଏ ହାତେଞ୍ଜି, ଆଟେ ତା କୁଆଲୁ ନିମ୍ୱାନ୍ ମାନ୍ନେ, ଏହେଙ୍ଗ୍ ଆତେସି ତା ଆମ୍ୱେସ୍ ତା କୁଆଲୁନିକି ବିବା ଆନାହି ତା ଆମ୍ୱେସ୍ ବାଗାଟି ପୁଣ୍ଡି ଏପା କିନେଞ୍ଜି । 20ହୁଡ଼ାମୁ, ଅଡ଼ି ଗାଣ୍ଡି ଆମ୍ୱେସାଙ୍ଗା ମାଚ୍ଚେରି, ଗାମିନାଞ୍ଜି ରଣ୍ଡା କୁଆଲୁନିକି ବିବା ଆତେଞ୍ଜି ଅଟେ ବଦାମିଡା ଆଃଏଟେଃଏ ହାତେଞ୍ଜି, 21ଆଟେ ତା ଡେଗ୍ଗାତି ଆମ୍ୱେସ୍ ଏଦାଡ଼ିକି ବିବା ଆନାହି ବଦାମିଡା ଆଃଏଟେଃଏ ହାତେଞ୍ଜି; ତା ଡେଗ୍ଗାତ୍ ଆମ୍ୱେସ୍ ୱାଡ଼େ ଏହେଙ୍ଗିସି ଆତେଞ୍ଜି, 22ଆଟେ ଇହିଙ୍ଗିସି ଅଡ଼ି ଗାଣ୍ଡି ଆମ୍ବେସାଙ୍ଗା ହାବେ ବଦାମିଡା ଆଃଏଟେଃଏ ହାତେରି; ଏ ହାବେତାରି ହାତି ଡେଗ୍ଗା କୁଆଲୁ ୱାଡ଼େ ହାତେ । 23ନିମ୍ୱାନ୍ନିଙ୍ଗନ୍ତି ତୁକାତାୱା ଏଚ୍ଚିକିଃଆ ଏୱାରି ନିଙ୍ଗିନେରି, ଏଚିୱେଲା ଏଦି ଇନ୍ଦାର୍ତି କୁଆଲୁ ଆନେ ? ଅଡ଼ି ଗାଣ୍ଡି ହାବେ ତ ତାଙ୍ଗେ ବିବା ଆଚ୍ଚେରି ।”
24ଜିସୁ ଏୱାରିକି ୱେସ୍ତେଞ୍ଜି, “ଦର୍ମପୁତି ଆଟେ ମୁଲାପେନୁତି ବଲ ୱାଡ଼େ ପୁନ୍ନେଟେଃଏ ମିରୁ ଡ଼ଃଆନ୍ ପାହେରିଃଆ ମାଞ୍ଜେରି । 25ଇନାକି ଏଚ୍ଚେକ୍ ହାନ୍ନାରି ନିମ୍ୱାନ୍ନିଙ୍ଗିନେରି ଏୱାରି ବିବା ଆଃଏରି କି ବିବା କିୱିକିଃଏରି, ମତ୍ର ସର୍ଗତି ଦୁତଙ୍ଗ୍ ଡେହେଙ୍ଗ୍ ବାସାଆନେରି । 26ମତ୍ର, ହାନ୍ନାରି ଜେ ନିଙ୍ଗିନେରି, ଏ କୁଲାଟି ମିରୁ ମସାତି ପୁତିତାୱା ମୁଲାପେନୁ ନାଡ଼ି ୱେଇଚ୍ଚି ଲାଟ୍ଟିତାୱାଟି ଇନ୍ନା ୱେସାନ୍ନେଞ୍ଜି ଏଦା ପଡ଼ି ଆହେଃଲ୍ଲେରି, ନାନୁ ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ । 27ଏୱାଞ୍ଜି ନିମ୍ୱାନ୍ନାର୍ତି ମୁଲାପେନୁ, ମତ୍ର ହାନ୍ନାର୍ତି ମୁଲାପେନୁ ଆଃଏ । ମିରୁ ହାବେ ଡ଼ଃଆନ୍ ପାହେର୍ତାୱା ମାଞ୍ଜେରି ।”
ହାବେତାୱାଟି ବେର୍ ଆଗ୍ୟାଁ
(ମାତିଉ ୨୨:୩୪–୪୦; ଲୁକ ୧୦:୨୫–୨୮)
28ଏଚିତୁକାତାୱା ସାସ୍ତ୍ରିଙ୍ଗ୍ତାୱାଟି ରଃଅଞ୍ଜି ଏଦିମ୍ୱା ଟାକ୍କେ ୱାନାହି ଏୱାର୍ତି ବାଦେର୍ତି କାତା ୱେଞ୍ଜାନ୍, ଜିସୁ ଏୱାରିକି ଟିକ୍ ୱେସାନ୍ନେଞ୍ଜି ଇଞ୍ଜାନ୍ ପୁଞ୍ଜାନାହି ତାଙ୍ଗେ ୱେଚ୍ଚେଞ୍ଜି, “ହାବେତ୍ ଆଗ୍ୟାଁତାୱାଟି ଇମ୍ୱିନ୍ ଆଗ୍ୟାଁ ବେର୍ରାନାଦି ?”
29ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ବେର୍ ଆଗ୍ୟାଁ ଇଦି, ଏ ଇସ୍ରାଏଲ, ୱେଞ୍ଜୁ, ଦାର୍ମୁ ମା ମୁଲାପେନୁ ରଃଅଞ୍ଜେଃଏ; 30ଆଟେ ମିରୁ ମି ହଡାଙ୍ଗ୍, ପରନ୍, ମନ ଅଟେ ବଲ ହାବେ ହିଆନ୍ ମି ଦାର୍ମୁ ମୁଲାପେନୁନିକି ଜେଡା କିଦୁ । 31ଆଟେ ରଣ୍ଡି ଆଗ୍ୟାଁ ଆଇନେ, ମିରୁ ମି ଗାଣ୍ଡି ଇନିସ୍ ଜେଡା କିଞ୍ଜେରି, ଏହେଙ୍ଗିସି ମି ହଡ଼୍ଗି ଦାଲ୍ଲାନିକି ୱାଡ଼େ ଜେଡା କିଦୁ । ଇ ରିଣ୍ଡି ଆଗ୍ୟାଁତାୱାଟି ଅଟେ ଇମ୍ୱିନ୍ ଆଗ୍ୟାଁ ହେଃଲ୍ଲେଏ ।”
32ଏମ୍ୱାଟି ଏ ସାସ୍ତ୍ରି ଜିସୁନିକି ଇଚ୍ଚେଞ୍ଜି, “ଏ ଗ୍ରାପାଗାଟାତି, ଏଦି ନିଜ୍ଜା, ଏୱାଞ୍ଜି ରଃଅଞ୍ଜେଃଏ ଅଟେ ତାଙ୍ଗେ ପିହାନ୍ ଆଟେ ଏମ୍ୱେ ହେଃଲ୍ଲେ, ଏଦା ନିନୁ ଟିକ୍ ୱେସାଞ୍ଜି । 33ଆଟେ ମିରୁ ମି ହଡାଙ୍ଗ୍, ମନ, ଅଟେ ବଲ ହାବେ ହିଆନ୍ ତାଙ୍ଗେ ଜେଡା କିଦେରି ଅଟେ ମି ଗାଣ୍ଡିତିଦି ଜେଡା କିନ୍ନି ଡେହେଙ୍ଗ୍ ହଡ଼୍ଗି ଦାଲ୍ଲାନିକି ଜେଡା କିନ୍ନାଦି ହାବେ ହମ ବଲି ଅଟେ ବିହି ବଲି ତାୱାଟି ୱାଡ଼େ ଗାପ୍ଚି ବେର୍ରାନାଦି ।”
34 #
ଲୁକ ୧୦:୨୫–୨୮
ଏୱାଞ୍ଜ୍ ବୁଦ୍ଦି ଡ଼ାହି ୱ୍ଡେପ୍ଚ୍ଚି ୱେସାନ୍ନାଦା ପୁଞ୍ଜାନ୍ ଜିସୁ ତାଙ୍ଗେ ୱେସ୍ତେଞ୍ଜି, “ନିନୁ ମୁଲାପେନୁତି ରାଜିତାୱାଟି ଦେହା ହେଃଲ୍ଲା ।”
ଏମ୍ୱାଟି ତାଙ୍ଗେ ଏମ୍ୱେ ୱାଡ଼େ ଇନ୍ନା ୱେନ୍ବନ୍ତିକି ବରେସ୍ କିଃଆତେରି ।
କ୍ରିସ୍ଟ ଇନ୍ଦାର୍ତି ମ୍ରିଃଏଞ୍ଜି
(ମାତିଉ ୨୨:୪୧–୪୬; ଲୁକ ୨୦:୪୧–୪୪)
35ମତ୍ର ଜିସୁ ଜିରୁସାଲମ ମନ୍ଦିରତାୱା ଗ୍ରାପେଚ୍ଚି ତୁକାତାୱା ୱେଚ୍ଚେରି, “କ୍ରିସ୍ଟ ଜେ ଦାଉଦତି ମ୍ରିଃଏଞ୍ଜି, ଇଦା ସାସ୍ତ୍ରିଙ୍ଗ୍ ଇନିସ୍ ୱେସ୍ପିନ୍ନେରି ?” 36ଦାଉଦ ତାନୁନେଃଏ ପିର୍ନି ଡିଙ୍ଗାଟି ୱେସାଚ୍ଚେଞ୍ଜି,
ଦାର୍ମୁ, ନା ଦାର୍ମୁନିକି ୱେସ୍ତେଞ୍ଜି,
ନାନୁ ମି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନ୍ ଟିକ୍ନା,
ନିନୁ ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।
37ଦାଉଦ ୱାଡ଼େ ନିଜେ ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି; ଏହେଙ୍ଗ୍ ଆତେସି ଏୱାଞ୍ଜି ଇନିସ୍ ତା ମ୍ରିଃଏଞ୍ଜି ଆନେଞ୍ଜି ?
ସାସ୍ତ୍ରିଙ୍ଗ୍ତାୱାଟି ଜାଗ୍ରତ ଆନ୍ ବାସାଆଦୁ
(ମାତିଉ ୨୩:୧–୩୬; ଲୁକ ୨୦:୪୫–୪୭)
38ରିହିକ୍ ଏୱାଞ୍ଜି ଦାଲ୍ଲାନିକି ଗ୍ରାପ୍ଚାନ୍ ୱେସ୍ତେଞ୍ଜି, “ସାସ୍ତ୍ରିଙ୍ଗ୍ତାୱାଟି ଜାଗ୍ରତ ଆନ୍ ବାସାଆଦୁ ! ଏୱାରି ଲାମ୍ୱା ଗତାଙ୍ଗ୍ #୧୨:୩୮ ଗତାଙ୍ଗ୍ ଇଦିମ୍ୱା ଗତାଙ୍ଗ୍ ଇଚ୍ଚେସ୍ ଲାଲ୍ଚି ଡେହଙ୍ଗ୍ତି ଲାମ୍ବାଗାଟି ଅଙ୍ଗିଙ୍ଗ୍ ଇମ୍ୱିନାଃଆକି ଜିହୁଦି ଦାଲ୍ଲା ମେଦ୍ଦେଚ୍ଚେରି । ମେଦ୍ଦାନାହି ତ୍ରେବନ୍ ବାଗାଟି, ଆଟେ ହାଟ୍ଟୁ ଗର୍ରିଙ୍ଗ୍ ଏସେନ୍ ଜୁହାରି ପାଁନ୍ବନ୍ ବାଗା, 39ହାଜା ଇଡ୍ଡୁତାୱା ବେର୍ ଗର୍ରି ଅଟେ ବୁଜିଙ୍ଗ୍ତାୱା ବେର୍ ଗର୍ରି ପାଁନ୍ବନ୍ ବାଗା ରାହାଙ୍ଗ୍ ଆଇନ୍ନେରି । 40ଏୱାରି ୱାଟ୍ଟାଗାଟାଡ଼୍ତି ଇଟ୍କା ହାବେ ନାହେଡ୍ କିନ୍ନେରି ଅଟେ କଲଟି ଲାମ୍ୱା ପ୍ରାତ୍ନା କିନ୍ନେରି; ଏୱାରି ଏଗେଲ୍ ଦଣ୍ଡ ପାଁନେରି ।”
ୱାଟ୍ଟାଗାଟାଡ଼୍ତି ଦାନ କୁଲାଟି
(ଲୁକ ୨୧:୧–୪)
41ଡେଗ୍ଗା ଜିସୁ ମନ୍ଦିରତି ଦାନ ହାକୁସ୍ ନକେସ୍ କକ୍ଚ୍ଚାନ୍ ଦାଲ୍ଲା ଇନିମିଡି ଏମ୍ୱା ଲେବୁଙ୍ଗ୍ ମେସ୍ପିନ୍ନେରି, ଏଦା ହୁଡ଼େଚ୍ଚେଞ୍ଜି । ଏଚିତୁକାତାୱା ଏଗେଲ୍ ଦନିଗାଟାରି ଏଦିମ୍ୱା ଏଗେଲ୍ ମେସ୍ତେରି । 42ଆଟେ ରଣ୍ଡି ହାକ୍କିଗାଟି ୱାଟ୍ଟାଗାଟାଦି ୱାନାହି ରିଣ୍ଡା ଡଟି ତମ୍ବା ଟାକ୍କାଙ୍ଗ୍ ମେସ୍ତେ ।
43ଏମ୍ବାଟି ଜିସୁ ତା ଗ୍ରାମ୍ୱାଗାଟାରିକି ଟାକ୍କେ ଆର୍ଚାନ୍ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ହାକ୍କିଗାଟି ୱାଟ୍ଟାଗାଟାଦି ଇ ହାକୁସ୍ତାୱା ମେସ୍ପିନ୍ନି ହାବେ ଦାଲ୍ଲାତାୱାଟି ଏଗେଲ୍ ଦାନ ହିତେ। 44ଇନାକି ହାବେ ଦାଲ୍ଲା ତା ତା ହାର୍କି ମାଚ୍ଚି ଦନଟି ହିତେ ହିତେ ଦାନ ହିତେରି, ମତ୍ର ଇ ହାକ୍କିଗାଟି ୱାଟ୍ଟାଗାଟାଦି ତା ନିମ୍ୱନ୍ ବାଗା ଇନ୍ନା ମାଚ୍ଚୁ, ଏୱା ହାବେ ହିତେ ।”
Právě zvoleno:
ମାର୍କ 12: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାର୍କ 12
12
ଅଙ୍ଗୁରପାଙ୍ଗା ବାଗା ଡ଼ୁଇଚି ରଃଅଞ୍ଜି ଡ଼ଃଆନାଞ୍ଜିତି ତୁକାଙ୍ଗାତା
(ମାତିଉ ୨୧:୩୩–୪୬; ଲୁକ ୨୦:୯–୧୯)
1ଏମ୍ୱାଟି ଜିସୁ ଏୱାରିକି ତୁକାଙ୍ଗାତାଟି ୱେସ୍ପନ୍ ମ୍ରାସ୍ତେଞ୍ଜି, “ରଃଅଞ୍ଜି କୁଏଞ୍ଜି ରଣ୍ଡା ଅଙ୍ଗୁରପାଙ୍ଗା କିତେଞ୍ଜି ଆଟେ ତା ଗୁଞ୍ଜେର୍ ଜାଟ୍ଟା#୧୨:୧ ଜାଟ୍ଟା ଇଚ୍ଚେସି ତୁଲ୍ଲେତାରି “ଗଲି” ଇଞ୍ଜିନ୍ନେରି । ଗ୍ରୁଚାନ୍ ଅଙ୍ଗୁର ଡଙ୍ଗି#୧୨:୧ ଅଙ୍ଗୁର ଡଙ୍ଗି ବାଇବଲତାୱା ଇଦାଡ଼୍ତି ଅର୍ତ ଆଇନେ ଇସ୍ରାଏଲ ଦେସାତାୱା ଦାଲ୍ଲା ଅଙ୍ଗୁର ସ୍ଡିପନ୍ ବାଗା ଏ ପାଙ୍ଗା ମାଦ୍ଦି କ୍ଲେହେଚ୍ଚି ରଣ୍ଡି ଡଙ୍ଗି ବା ଦଡ଼ିତିକି ବୁଜ୍ଜେ କିନ୍ନେ । କ୍ଲେହିତେଞ୍ଜି ଅଟେ ଜପନ୍ତି ବାଦି#୧୨:୧ ବାଦି “ବାଦି” ଇଚ୍ଚେସି ଜପା ଡାଡ଼ି ବା କୁଡ଼ି । ୱାଡ଼େ କ୍ଲେହିତେଞ୍ଜି, ଏମ୍ବାଟି ହେରୁ ଡ଼ୁଅନ୍ତାରିନିକି ଏ ପାଙ୍ଗା ବାଗା ଡ଼ୁଅନ୍ ବାଗାଟି ହିଆନ୍ ବିହି ରାଜି ହାଚ୍ଚେଞ୍ଜି ।” 2ଡେଗ୍ଗା ଏୱାଞ୍ଜି ଅଙ୍ଗୁର ଏସ୍ପନ୍ତି ତୁକା ୱାଅନେଃଏ ବାଗା ଡ଼ୁଅନ୍ତାରି ଟିଆଟି ଅଙ୍ଗୁରତି ବାଗା ପାଁନ୍ବନ୍ ବାଗାଟି, ଏୱାଞ୍ଜି ରଃଅଞ୍ଜ୍ କାମ୍ବାରେଏଞ୍ଜିକି ଏୱାର୍ ଟାକ୍କେ ପାଣ୍ଡିତେଞ୍ଜି । 3ମତ୍ର ଏୱାରି ତାଙ୍ଗେ ଆହାନ୍ ଚାହ୍ତେରି ଅଟେ ଇନ୍ନା ହିଃଏଟେଃଏ ୱାର୍ରି କାସ୍କାଟି ପାଁଣ୍ଡାହିତେରି । 4ଏମ୍ବାଟି ଏୱାଞ୍ଜି ଆଟେ ରଃଅଞ୍ଜ୍ କାମ୍ବାରେଏଞ୍ଜିକି ଏୱାର୍ ଟାକ୍କେ ପାଣ୍ଡିତେଞ୍ଜି; ଏୱାରି ଏୱାଞ୍ଜିକି ୱାଡ଼େ ତ୍ଲାଉ ଅହାହିତେରି ଅଟେ ତାଙ୍ଗେ ଲେଜ୍ଜା କିତେରି । 5ଏୱାଞ୍ଜି ଅଟେ ରଃଅଞ୍ଜିକି ପାଣ୍ଡିତେଞ୍ଜି, ଏୱାରି ଏୱାଞ୍ଜିକି ପାଗିତେରି । ଏମ୍ବାଟି ଏୱାଞ୍ଜି ଏଗେଲ୍ କାମ୍ବାରାଙ୍ଗାନିକି ପାଣ୍ଡିତେଞ୍ଜି; ଏୱାରି ଏ ଦାଲ୍ଲା ତାୱାଟି ତୁଲ୍ଲେତାରିନିକି ଚାହ୍ତେରି ଅଟେ ଏଚ୍ଚେ ଦାଲ୍ଲାନିକି ପାଗିତେରି । 6ତା ଟାକ୍କେ ରଃଅଞ୍ଜି ମତ୍ର ବାସାଆତେଞ୍ଜି, ଏୱାଞ୍ଜି ଆଇନ୍ନେଞ୍ଜି ତା ଜେଡାଗାଟି ମ୍ରିଃଏଞ୍ଜି । ଏୱାଞ୍ଜି ୱିହାଡେଗ୍ଗା ନା ମ୍ରିଃଏଞ୍ଜିକି ମାନି ଆନେରି ଇଞ୍ଜାନ୍ ତାଙ୍ଗେ ଏୱାର୍ ରେଃଏସ୍ ପାଣ୍ଡିତେଞ୍ଜି । 7ମତ୍ର ଏ ବାଗା କାମାଗାଟାରି ତାରୁ ତାରୁ ୱେସ୍ପିଆତେରି, ଇୱାଞ୍ଜ୍ ତ ତା ମ୍ରିଃଏଞ୍ଜି ଇ ପାଙ୍ଗାତି ହକଗାଟାଞ୍ଜି#୧୨:୭ ହକଗାଟାଞ୍ଜି ଇଚ୍ଚେସି ଉଡ଼ିଆ ବାଇବଲତା “ଉତରାଦିକାରି” ଇଞ୍ଜାନ୍ ୱ୍ରିଗାଆନ୍ନେ, ଇଦାଡ଼୍ତି ଅର୍ତ ଆଇନେ ଏମ୍ବେନାଞ୍ଜିକି ଆବାତି ମେରା ନେଡା, ପାଙ୍ଗାବାଟ୍ଟା ତିନ୍ବନ୍ତାଞ୍ଜିନିକି ବୁଜ୍ଜେ କିନେ ।, ୱାଦୁ ଇୱାଞ୍ଜିକି ପାଗିନା, ଏହେଙ୍ଗ୍ ଆତେସି ଇ ଅଙ୍ଗୁର ପାଙ୍ଗାତିଦି ମାରୁ ହକ କିଅନ୍ ମୁନା । 8ଏମ୍ବାଟି ଏୱାରି ତାଙ୍ଗେ ଆହାନ୍ ପାଗିତେରି ଅଟେ ଅଙ୍ଗୁରପାଙ୍ଗାତି କାଟ ଅଆନ୍ ତୁହ୍ତେରି । 9ଏଦାକି ହାଦାଡ଼ି ଅଙ୍ଗୁରପାଙ୍ଗାତି ସକାରେଏଞ୍ଜି ଇନ୍ନା କିନେଞ୍ଜି ? ଏୱାଞ୍ଜି ୱାନାହି ଏ କାମାଗାଟାରିକି ପାଗିନେଞ୍ଜି ଅଟେ ବିହିତାରିନିକି ଅଙ୍ଗୁରପାଙ୍ଗା ହିନେଞ୍ଜି । 10ମିରୁ କି ଦର୍ମପୁତିତି ଇ ବାକ୍ୟ ୱାଡ଼େ ପଡ଼ି ଆହେଃଲ୍ଲେରି,
“ଇଡ୍ଡୁ କ୍ଲେହନ୍ତାରି ଇମ୍ୱିନ୍ ୱାଲ୍ଲିତିଦି ନିଗାଡ଼୍ ହୁଡ଼ାନ୍ ଅଗ୍ରାହ୍ୟ କିତେରି,”
ଏଦି ମୁଜ୍ଜୁତି ଗାମିନ୍ ୱାଲ୍ଲି ଆତେ ।
11ଦାର୍ମୁତାୱାଟି ଇଦି ଆତେ,
ଆଟେ ଏଦି ମା ବାଗାଟି ଆକ୍କାବାଡ଼ାଙ୍ଗ୍ତି କୁଲା ଆତେ ।
12“ଏମ୍ୱାଟି ଜିହୁଦିଙ୍ଗ୍ତି ଗାମିନାରି ତାଙ୍ଗେ ଆହ୍ପନ୍ ବାଗା ସେସ୍ଟା କିତେରି, ମତ୍ର ଏୱାରି ଦାଲ୍ଲାତିଦି ଆଜ୍ଜେଚ୍ଚେରି, ଇନାକି ଏୱାଞ୍ଜି ଏ ତୁକାଙ୍ଗାତା ଏୱାରିକି ହୁଡ଼ାନ୍ ୱେସାଚ୍ଚେଞ୍ଜି ଇଞ୍ଜାନ୍ ଏୱାରି ପୁଚ୍ଚେରି, ଏଦାକି ଏୱାରି ଏୱାଞ୍ଜିକି ପିହାନ୍ ହାଚ୍ଚେରି ।”
ସିସ୍ଟୁ ହିଅନ୍ତି କୁଲାଟି
(ମାତିଉ ୨୨:୧୫–୨୨; ଲୁକ ୨୦:୨୦–୨୬)
13ଡେଗ୍ଗା ଜିହୁଦିଙ୍ଗ୍ତି ଗାମିନାରି ଜିସୁତି କାତାତାୱା ବୁଲ୍ ଆହ୍ପନ୍ ବାଗା ପାରୁସି ଅଟେ ହେରଦତି ଦାଲ୍ଲାତାୱାଟି ଏଚ୍ଚେ ଦାଲ୍ଲାନିକି ତା ଟାକ୍କେ ପାଣ୍ଡିତେରି । 14ଏୱାରି ୱାନ୍ ତାଙ୍ଗେ ୱେସ୍ତେରି, “ଏ ଗ୍ରାପାଗାଟାତି, ମାମୁ ପୁଞ୍ଜିଞ୍ଜାନାମୁ ଜେ, ନିନୁ ନିଜ୍ଜା ୱେସ୍ପିଞ୍ଜି ଅଟେ ଇନ୍ଦାରିକି ଆଜ୍ଜେହେଃଲ୍ଲା, ଇନାକି ନିନୁ କୁଇଙ୍ଗ୍ନିକି ମ୍ରୁମ୍ବୁ ହୁଡ଼ାନ୍ କାତା ୱେସ୍ପେହେଃଲ୍ଲା, ମତ୍ର ମୁଲାପେନୁତି ନିଜ୍ଜା ଗିଜ୍ଜୁ କୁଲାଟି ଗ୍ରାପେଞ୍ଜି । ମାଙ୍ଗେ ୱେସ୍ତାମୁ କାଇସରନିକି ସିସ୍ଟୁ ଗାସ୍ପନ୍ତି ହାଜୁ ମାନ୍ନେ ନା ଆଃଏ ? 15ମତ୍ର ଜିସୁ ଏୱାର୍ତି କୁଟୁ କାତା ପୁଞ୍ଜାନ୍ ଏୱାରିକି ୱେସ୍ତେଞ୍ଜି, ଇନ୍ନା କିଅନ୍ ନାଙ୍ଗେ ପରିକ୍ୟା କିଞ୍ଜାଦେରି ? ରଣ୍ଡା ରୁପା ଟାକ୍କା ନା ଟାକ୍କେ ତାଚ୍ଚିୱାଦୁ, ନାନୁ ଏଦା ହୁଡ଼ି ।”
16ଏମ୍ବାଟି ଏୱାରି ଏଦା ତାଚ୍ଚିୱାତେରି, ଏୱାଞ୍ଜି ଏୱାରିକି ୱେଚ୍ଚେଞ୍ଜି, “ଇ ମୁର୍ତି ଅଟେ ପାରୁ ଇନ୍ଦାର୍ତାଦି ?”
ଏୱାରି ତାଙ୍ଗେ ୱେସ୍ତେରି, “କାଇସରତାଦି ।”
17ଏମ୍ୱାଟି ଜିସୁ ଏୱାରିକି ୱେସ୍ତେଞ୍ଜି, “କାଇସରତାଦି ଇମ୍ୱିନାଦି ଏଦା କାଇସରନିକି ହିଦୁ; ଆଟେ ମୁଲାପେନୁତାଦି ଇମ୍ୱିନାଦି ଏଦା ମୁଲାପେନୁନିକି ହିଦୁ ।”
ଏମ୍ୱାଟି ଏୱାରି ଏୱାଞ୍ଜ୍ତି ଏ କାତା ୱେଞ୍ଜାନ୍ ଗାପ୍ଚି ଆକ୍କାବାଡ଼ାଙ୍ଗ୍ ଆତେରି ।
ସାଦୁକିଙ୍ଗ୍ ନିମ୍ୱାନ୍ନିଙ୍ଗନ୍ତି କୁଲାଟି ୱେନ୍ବନ୍
(ମାତିଉ ୨୨:୨୩–୩୩; ଲୁକ ୨୦:୨୭–୪୦)
18 #
ପେରି ୨୩:୮
ଏମ୍ବାଟି ନିମ୍ୱାନ୍ନିଙ୍ଗନ୍ତି କୁଲାଟି ମାଞ୍ଜାଡ଼ି କିହେଃଲ୍ଲାତି ସାଦୁକି ଦାଲ୍ଲା ଜିସୁ ଟାକ୍କେ ୱାନାହି ୱେନ୍ବନ୍ ମ୍ରାସ୍ତେରି, 19“ଏ ଗ୍ରାପାଗାଟାତି, ମସା ମା ବାଗାଟି ହାଜୁତାୱା ୱ୍ରିଗାନ୍ନେଞ୍ଜି ଜେ, ଜଦି ରଃଅଞ୍ଜ୍ କୁଏଞ୍ଜ୍ ବଦାମିଡା ଆଃଏଟେଃଏ ହାତେଞ୍ଜି, ଆଟେ ତା କୁଆଲୁ ନିମ୍ୱାନ୍ ମାନ୍ନେ, ଏହେଙ୍ଗ୍ ଆତେସି ତା ଆମ୍ୱେସ୍ ତା କୁଆଲୁନିକି ବିବା ଆନାହି ତା ଆମ୍ୱେସ୍ ବାଗାଟି ପୁଣ୍ଡି ଏପା କିନେଞ୍ଜି । 20ହୁଡ଼ାମୁ, ଅଡ଼ି ଗାଣ୍ଡି ଆମ୍ୱେସାଙ୍ଗା ମାଚ୍ଚେରି, ଗାମିନାଞ୍ଜି ରଣ୍ଡା କୁଆଲୁନିକି ବିବା ଆତେଞ୍ଜି ଅଟେ ବଦାମିଡା ଆଃଏଟେଃଏ ହାତେଞ୍ଜି, 21ଆଟେ ତା ଡେଗ୍ଗାତି ଆମ୍ୱେସ୍ ଏଦାଡ଼ିକି ବିବା ଆନାହି ବଦାମିଡା ଆଃଏଟେଃଏ ହାତେଞ୍ଜି; ତା ଡେଗ୍ଗାତ୍ ଆମ୍ୱେସ୍ ୱାଡ଼େ ଏହେଙ୍ଗିସି ଆତେଞ୍ଜି, 22ଆଟେ ଇହିଙ୍ଗିସି ଅଡ଼ି ଗାଣ୍ଡି ଆମ୍ବେସାଙ୍ଗା ହାବେ ବଦାମିଡା ଆଃଏଟେଃଏ ହାତେରି; ଏ ହାବେତାରି ହାତି ଡେଗ୍ଗା କୁଆଲୁ ୱାଡ଼େ ହାତେ । 23ନିମ୍ୱାନ୍ନିଙ୍ଗନ୍ତି ତୁକାତାୱା ଏଚ୍ଚିକିଃଆ ଏୱାରି ନିଙ୍ଗିନେରି, ଏଚିୱେଲା ଏଦି ଇନ୍ଦାର୍ତି କୁଆଲୁ ଆନେ ? ଅଡ଼ି ଗାଣ୍ଡି ହାବେ ତ ତାଙ୍ଗେ ବିବା ଆଚ୍ଚେରି ।”
24ଜିସୁ ଏୱାରିକି ୱେସ୍ତେଞ୍ଜି, “ଦର୍ମପୁତି ଆଟେ ମୁଲାପେନୁତି ବଲ ୱାଡ଼େ ପୁନ୍ନେଟେଃଏ ମିରୁ ଡ଼ଃଆନ୍ ପାହେରିଃଆ ମାଞ୍ଜେରି । 25ଇନାକି ଏଚ୍ଚେକ୍ ହାନ୍ନାରି ନିମ୍ୱାନ୍ନିଙ୍ଗିନେରି ଏୱାରି ବିବା ଆଃଏରି କି ବିବା କିୱିକିଃଏରି, ମତ୍ର ସର୍ଗତି ଦୁତଙ୍ଗ୍ ଡେହେଙ୍ଗ୍ ବାସାଆନେରି । 26ମତ୍ର, ହାନ୍ନାରି ଜେ ନିଙ୍ଗିନେରି, ଏ କୁଲାଟି ମିରୁ ମସାତି ପୁତିତାୱା ମୁଲାପେନୁ ନାଡ଼ି ୱେଇଚ୍ଚି ଲାଟ୍ଟିତାୱାଟି ଇନ୍ନା ୱେସାନ୍ନେଞ୍ଜି ଏଦା ପଡ଼ି ଆହେଃଲ୍ଲେରି, ନାନୁ ଅବ୍ରାହାମତି ମୁଲାପେନୁ, ଇସାକତି ମୁଲାପେନୁ ଅଟେ ଜାକୁବତି ମୁଲାପେନୁ । 27ଏୱାଞ୍ଜି ନିମ୍ୱାନ୍ନାର୍ତି ମୁଲାପେନୁ, ମତ୍ର ହାନ୍ନାର୍ତି ମୁଲାପେନୁ ଆଃଏ । ମିରୁ ହାବେ ଡ଼ଃଆନ୍ ପାହେର୍ତାୱା ମାଞ୍ଜେରି ।”
ହାବେତାୱାଟି ବେର୍ ଆଗ୍ୟାଁ
(ମାତିଉ ୨୨:୩୪–୪୦; ଲୁକ ୧୦:୨୫–୨୮)
28ଏଚିତୁକାତାୱା ସାସ୍ତ୍ରିଙ୍ଗ୍ତାୱାଟି ରଃଅଞ୍ଜି ଏଦିମ୍ୱା ଟାକ୍କେ ୱାନାହି ଏୱାର୍ତି ବାଦେର୍ତି କାତା ୱେଞ୍ଜାନ୍, ଜିସୁ ଏୱାରିକି ଟିକ୍ ୱେସାନ୍ନେଞ୍ଜି ଇଞ୍ଜାନ୍ ପୁଞ୍ଜାନାହି ତାଙ୍ଗେ ୱେଚ୍ଚେଞ୍ଜି, “ହାବେତ୍ ଆଗ୍ୟାଁତାୱାଟି ଇମ୍ୱିନ୍ ଆଗ୍ୟାଁ ବେର୍ରାନାଦି ?”
29ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ବେର୍ ଆଗ୍ୟାଁ ଇଦି, ଏ ଇସ୍ରାଏଲ, ୱେଞ୍ଜୁ, ଦାର୍ମୁ ମା ମୁଲାପେନୁ ରଃଅଞ୍ଜେଃଏ; 30ଆଟେ ମିରୁ ମି ହଡାଙ୍ଗ୍, ପରନ୍, ମନ ଅଟେ ବଲ ହାବେ ହିଆନ୍ ମି ଦାର୍ମୁ ମୁଲାପେନୁନିକି ଜେଡା କିଦୁ । 31ଆଟେ ରଣ୍ଡି ଆଗ୍ୟାଁ ଆଇନେ, ମିରୁ ମି ଗାଣ୍ଡି ଇନିସ୍ ଜେଡା କିଞ୍ଜେରି, ଏହେଙ୍ଗିସି ମି ହଡ଼୍ଗି ଦାଲ୍ଲାନିକି ୱାଡ଼େ ଜେଡା କିଦୁ । ଇ ରିଣ୍ଡି ଆଗ୍ୟାଁତାୱାଟି ଅଟେ ଇମ୍ୱିନ୍ ଆଗ୍ୟାଁ ହେଃଲ୍ଲେଏ ।”
32ଏମ୍ୱାଟି ଏ ସାସ୍ତ୍ରି ଜିସୁନିକି ଇଚ୍ଚେଞ୍ଜି, “ଏ ଗ୍ରାପାଗାଟାତି, ଏଦି ନିଜ୍ଜା, ଏୱାଞ୍ଜି ରଃଅଞ୍ଜେଃଏ ଅଟେ ତାଙ୍ଗେ ପିହାନ୍ ଆଟେ ଏମ୍ୱେ ହେଃଲ୍ଲେ, ଏଦା ନିନୁ ଟିକ୍ ୱେସାଞ୍ଜି । 33ଆଟେ ମିରୁ ମି ହଡାଙ୍ଗ୍, ମନ, ଅଟେ ବଲ ହାବେ ହିଆନ୍ ତାଙ୍ଗେ ଜେଡା କିଦେରି ଅଟେ ମି ଗାଣ୍ଡିତିଦି ଜେଡା କିନ୍ନି ଡେହେଙ୍ଗ୍ ହଡ଼୍ଗି ଦାଲ୍ଲାନିକି ଜେଡା କିନ୍ନାଦି ହାବେ ହମ ବଲି ଅଟେ ବିହି ବଲି ତାୱାଟି ୱାଡ଼େ ଗାପ୍ଚି ବେର୍ରାନାଦି ।”
34 #
ଲୁକ ୧୦:୨୫–୨୮
ଏୱାଞ୍ଜ୍ ବୁଦ୍ଦି ଡ଼ାହି ୱ୍ଡେପ୍ଚ୍ଚି ୱେସାନ୍ନାଦା ପୁଞ୍ଜାନ୍ ଜିସୁ ତାଙ୍ଗେ ୱେସ୍ତେଞ୍ଜି, “ନିନୁ ମୁଲାପେନୁତି ରାଜିତାୱାଟି ଦେହା ହେଃଲ୍ଲା ।”
ଏମ୍ୱାଟି ତାଙ୍ଗେ ଏମ୍ୱେ ୱାଡ଼େ ଇନ୍ନା ୱେନ୍ବନ୍ତିକି ବରେସ୍ କିଃଆତେରି ।
କ୍ରିସ୍ଟ ଇନ୍ଦାର୍ତି ମ୍ରିଃଏଞ୍ଜି
(ମାତିଉ ୨୨:୪୧–୪୬; ଲୁକ ୨୦:୪୧–୪୪)
35ମତ୍ର ଜିସୁ ଜିରୁସାଲମ ମନ୍ଦିରତାୱା ଗ୍ରାପେଚ୍ଚି ତୁକାତାୱା ୱେଚ୍ଚେରି, “କ୍ରିସ୍ଟ ଜେ ଦାଉଦତି ମ୍ରିଃଏଞ୍ଜି, ଇଦା ସାସ୍ତ୍ରିଙ୍ଗ୍ ଇନିସ୍ ୱେସ୍ପିନ୍ନେରି ?” 36ଦାଉଦ ତାନୁନେଃଏ ପିର୍ନି ଡିଙ୍ଗାଟି ୱେସାଚ୍ଚେଞ୍ଜି,
ଦାର୍ମୁ, ନା ଦାର୍ମୁନିକି ୱେସ୍ତେଞ୍ଜି,
ନାନୁ ମି ସତ୍ରୁ ଦାଲ୍ଲାନିକି ନି କାଟ୍କା ନେତେ କିଟ୍ଟାହେଃଲ୍ଲାନ୍ ଟିକ୍ନା,
ନିନୁ ନା ତିନ୍ନି ଇନ୍ଦେଟ୍ କକ୍ଚ୍ଚାନ୍ମୁ ।
37ଦାଉଦ ୱାଡ଼େ ନିଜେ ଏୱାଞ୍ଜିକି ଦାର୍ମୁ ଇଞ୍ଜାନ୍ ୱେସ୍ପିନ୍ନେଞ୍ଜି; ଏହେଙ୍ଗ୍ ଆତେସି ଏୱାଞ୍ଜି ଇନିସ୍ ତା ମ୍ରିଃଏଞ୍ଜି ଆନେଞ୍ଜି ?
ସାସ୍ତ୍ରିଙ୍ଗ୍ତାୱାଟି ଜାଗ୍ରତ ଆନ୍ ବାସାଆଦୁ
(ମାତିଉ ୨୩:୧–୩୬; ଲୁକ ୨୦:୪୫–୪୭)
38ରିହିକ୍ ଏୱାଞ୍ଜି ଦାଲ୍ଲାନିକି ଗ୍ରାପ୍ଚାନ୍ ୱେସ୍ତେଞ୍ଜି, “ସାସ୍ତ୍ରିଙ୍ଗ୍ତାୱାଟି ଜାଗ୍ରତ ଆନ୍ ବାସାଆଦୁ ! ଏୱାରି ଲାମ୍ୱା ଗତାଙ୍ଗ୍ #୧୨:୩୮ ଗତାଙ୍ଗ୍ ଇଦିମ୍ୱା ଗତାଙ୍ଗ୍ ଇଚ୍ଚେସ୍ ଲାଲ୍ଚି ଡେହଙ୍ଗ୍ତି ଲାମ୍ବାଗାଟି ଅଙ୍ଗିଙ୍ଗ୍ ଇମ୍ୱିନାଃଆକି ଜିହୁଦି ଦାଲ୍ଲା ମେଦ୍ଦେଚ୍ଚେରି । ମେଦ୍ଦାନାହି ତ୍ରେବନ୍ ବାଗାଟି, ଆଟେ ହାଟ୍ଟୁ ଗର୍ରିଙ୍ଗ୍ ଏସେନ୍ ଜୁହାରି ପାଁନ୍ବନ୍ ବାଗା, 39ହାଜା ଇଡ୍ଡୁତାୱା ବେର୍ ଗର୍ରି ଅଟେ ବୁଜିଙ୍ଗ୍ତାୱା ବେର୍ ଗର୍ରି ପାଁନ୍ବନ୍ ବାଗା ରାହାଙ୍ଗ୍ ଆଇନ୍ନେରି । 40ଏୱାରି ୱାଟ୍ଟାଗାଟାଡ଼୍ତି ଇଟ୍କା ହାବେ ନାହେଡ୍ କିନ୍ନେରି ଅଟେ କଲଟି ଲାମ୍ୱା ପ୍ରାତ୍ନା କିନ୍ନେରି; ଏୱାରି ଏଗେଲ୍ ଦଣ୍ଡ ପାଁନେରି ।”
ୱାଟ୍ଟାଗାଟାଡ଼୍ତି ଦାନ କୁଲାଟି
(ଲୁକ ୨୧:୧–୪)
41ଡେଗ୍ଗା ଜିସୁ ମନ୍ଦିରତି ଦାନ ହାକୁସ୍ ନକେସ୍ କକ୍ଚ୍ଚାନ୍ ଦାଲ୍ଲା ଇନିମିଡି ଏମ୍ୱା ଲେବୁଙ୍ଗ୍ ମେସ୍ପିନ୍ନେରି, ଏଦା ହୁଡ଼େଚ୍ଚେଞ୍ଜି । ଏଚିତୁକାତାୱା ଏଗେଲ୍ ଦନିଗାଟାରି ଏଦିମ୍ୱା ଏଗେଲ୍ ମେସ୍ତେରି । 42ଆଟେ ରଣ୍ଡି ହାକ୍କିଗାଟି ୱାଟ୍ଟାଗାଟାଦି ୱାନାହି ରିଣ୍ଡା ଡଟି ତମ୍ବା ଟାକ୍କାଙ୍ଗ୍ ମେସ୍ତେ ।
43ଏମ୍ବାଟି ଜିସୁ ତା ଗ୍ରାମ୍ୱାଗାଟାରିକି ଟାକ୍କେ ଆର୍ଚାନ୍ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ହାକ୍କିଗାଟି ୱାଟ୍ଟାଗାଟାଦି ଇ ହାକୁସ୍ତାୱା ମେସ୍ପିନ୍ନି ହାବେ ଦାଲ୍ଲାତାୱାଟି ଏଗେଲ୍ ଦାନ ହିତେ। 44ଇନାକି ହାବେ ଦାଲ୍ଲା ତା ତା ହାର୍କି ମାଚ୍ଚି ଦନଟି ହିତେ ହିତେ ଦାନ ହିତେରି, ମତ୍ର ଇ ହାକ୍କିଗାଟି ୱାଟ୍ଟାଗାଟାଦି ତା ନିମ୍ୱନ୍ ବାଗା ଇନ୍ନା ମାଚ୍ଚୁ, ଏୱା ହାବେ ହିତେ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0