ମାତିଉ 28
28
ଜିସୁତି ନିମ୍ୱାନ୍ନିଙ୍ଗାନ୍
(ମାର୍କ ୧୬:୧–୮; ଲୁକ ୨୪:୧–୧୨; ଜହନ ୨୦:୧–୧୦)
1ୱାହୁଜାମ୍ବା ୱାରା ୱିହିତ୍ ଡେଗ୍ଗା ଏ ପାଲୁତି କାହେତ୍ ଦିନାତି ଡାଃଏସ୍ ମାହୁ ମାହୁତାୱା ମଗ୍ଦଲିନି ମରିୟମ ଅଟେ ବିହି ମରିୟମ ୱିଚାଙ୍ଗାଜୁ, ହୁଡ଼ନ୍ ହାଜ୍ଜାଚ୍ଚୁ । 2ଆଟେ ହୁଡ଼ାଟୁ, ଗାପ୍ଚି ୱିର୍ରା ତ୍ରେଗିତେ, ଇନାକି ଦାର୍ମୁତି ରଣ୍ଡି ଦୁତ ସର୍ଗଟିଆଟି ଜାଚାନ୍ ୱାନାହି ୱିଚାଙ୍ଗାଜୁତାୱା ଟୁଣ୍ଡାନ୍ ମାଚ୍ଚି ୱାଲ୍ଲିତିଦି ଦୁର୍ଚାନାହି ଏ କୁଃଏଟି କକ୍ତେଞ୍ଜି । 3ତା ମ୍ରୁମ୍ୱୁ ବିଜ୍ଜି ଡେହେଙ୍ଗ୍ ଅସ୍ପିଚ୍ଚେ ଅଟେ ତା ଜିରା ଆଜି ଡେହେଙ୍ଗ୍ ହୁକୁଲ୍ ଆନ୍ ମାଚ୍ଚେ, 4ଆଟେ ତାଙ୍ଗେ ଆଜ୍ଜାନାହି ଜପନ୍ତି ସିପେଙ୍ଗ୍ ହାତି କୁଇଙ୍ଗ୍ ଡେହେଙ୍ଗ୍ ଆତେରି । 5ମତ୍ର ଦୁତ ଆଚାସ୍କାନିକି ୱେସ୍ତେଞ୍ଜି, “ମିରୁ ଆଃଜ୍ଜାଟୁ, ଇନାକି ମିରୁ କ୍ରୁସତାୱା ହାଚି ଜିସୁନିକି ଦାହ୍ପିଞ୍ଜେରି, ଇଞ୍ଜାନ୍ ନାନୁ ପୁଞ୍ଜାମାଃଇ । 6ଏୱାଞ୍ଜି ଇଦିମ୍ୱା ହେଃଲ୍ଲେଞ୍ଜି, ଇନାକି ଏୱାଞ୍ଜି ଇନିମିଡି ୱେସାଚ୍ଚେଞ୍ଜି, ଏହେଙ୍ଗିସି ନିଙ୍ଗାନ୍ନେଞ୍ଜି । ୱାଦୁ, ଏୱାଞ୍ଜିକି ଇମ୍ୱିନାୱା ଇଟ୍ଟାଚ୍ଚେରି, ଏ ଗର୍ରି ହୁଡ଼ିୱାଦୁ । 7ଆଟେ ମିରୁ କାର୍ବେକ୍ ହାଜ୍ଜାନାହି ତା ଗ୍ରାମ୍ୱାଗାଟାରିକି ୱେସ୍ଦୁ, ଏୱାଞ୍ଜି ହାନ୍ନି ଦାଲ୍ଲାତାୱାଟି ନିଙ୍ଗାନ୍ନେଞ୍ଜି, ଆଟେ ହୁଡ଼ାଟୁ, ଏୱାଞ୍ଜି ମି ନକେସ୍ ଗାଲିଲିଇନ୍ଦା ହାଜ୍ଜିନ୍ନେଞ୍ଜି, ଏଦିମ୍ୱା ମିରୁ ତାଙ୍ଗେ ହୁଡ଼ନ୍ ପାଁଣ୍ଡେରି; ହୁଡ଼ାଟୁ, ଇଦା ନାନୁ ମିଙ୍ଗେ ୱେସ୍ତାତେଃଏ ।” 8ଏମ୍ୱାଟି ଏୱା ଆଜ୍ଜିତୁ ଆଟେ ୱାଡ଼େ ଗାପ୍ଚି ରାହାଙ୍ଗ୍ ଆନ୍ ଗ୍ରିପାଙ୍ଗୁଟିତାୱାଟି କାର୍ବେକ୍ ହାଜ୍ଜାନାହି ତା ଗ୍ରାମ୍ୱାଗାଟାରିକି ୱେସ୍ପନ୍ ବାଗାଟି ଡେହିତୁ । 9ଆଟେ ହୁଡ଼ାଟୁ, ଜିସୁ ଏୱାଡ଼ିକି ତଞ୍ଜୁଆନାହି ୱେସ୍ତେଞ୍ଜି, “ମିରୁ ଲତୁନା ବାସାଆଦୁ” ଏମ୍ୱାଟି ଏୱା ତା ଟାକ୍କେ ୱାନାହି ଅଲ୍ଗି ଆନ୍ ତାଙ୍ଗେ ଜୁହାରି କିତୁ । 10ଏମ୍ୱାଟି ଜିସୁ ଏୱାଡ଼ିକି ୱେସ୍ତେଞ୍ଜି, ମିରୁ ଆଃଜ୍ଜାଟୁ, ନା ଆମ୍ୱେସାଙ୍ଗା ଟାକ୍କେ ହାଜ୍ଜାନାହି ୱେସ୍ଦୁ, ଏୱାରି ଗାଲିଲିଇନ୍ଦା ହାଲ୍ଲାକାରି; ଏଦିମ୍ୱା ଏୱାରି ନାଙ୍ଗେ ହୁଡ଼ିଦାନେରି ।
ଜପନ୍ତି ସିପେଙ୍ଗ୍ ଜିସୁତି ଡୁଣ୍ଡେଲ୍ କୁଲାଟି ୱେସ୍ପନି
11ଏୱା ହାଜ୍ଜିଚ୍ଚି ତୁକାତାୱା, ହୁଡ଼ାଟୁ, ଜପନ୍ତାରି ତାୱାଟି ଏଚ୍ଚେ ଦାଲ୍ଲା ଗାଡ଼ାନାଜୁଇନ୍ଦା ହାଜ୍ଜାନ୍ ଏ ହାବେ ଡୁଣ୍ଡେଲ୍ତି କୁଲାଟି ଗାମିନ୍ ଜାଜକଙ୍ଗ୍ନିକି ୱେସ୍ତେରି । 12ଏମ୍ୱାଟି ଗାମିନ୍ ଜାଜକଙ୍ଗ୍ ଅଟେ ଗାମିନାରି ରପାଟ୍ଟେ ଆଡ୍ଡାନ୍ କାତାବାର୍ତା କିଆନ୍, ଏ ସିପେଙ୍ଗ୍ନିକି ଏଗେଲ୍ ଟାକ୍କାଙ୍ଗ୍ ହିଆନାହି ୱେସ୍ତେରି, 13ମିରୁ ଦାଲ୍ଲାନିକି ୱେସ୍ଦୁ, ମାମୁ ହୁଞ୍ଜାଚ୍ଚି ତୁକାତାୱା ତା ଗ୍ରାମ୍ୱାଗାଟାରି ଡାଡ଼ିଙ୍ଗ୍ ୱାନାହି ତାଙ୍ଗେ ମ୍ଡାମି କିଆନ୍ ଅଆନ୍ନେରି । 14ଆଟେ ଜଦି ଇ କାତା ଆକୁଡ଼୍ କିଅନ୍ତାଞ୍ଜି ୱେନେଞ୍ଜି, ଇଚ୍ଚେସି ମାମୁ ତାଙ୍ଗେ ବୁଜ୍ଜେ କିଆନ୍, ମିଙ୍ଗେ ଚିନ୍ତାଟି କୁଲ୍ତାନାମୁ । 15ଏମ୍ୱାଟି ଜପନ୍ତାରି ଟାକ୍କାଙ୍ଗ୍ ଅଆନ୍ ଏୱାର୍ତାୱାଟି ଇନିମିଡି ଗ୍ରାମ୍ୱାଚ୍ଚେରି, ଏହେଙ୍ଗିସି କିତେରି, ଏମ୍ୱାଟି ଇ କାତା ଜିହୁଦି ଦାଲ୍ଲା ତାୱା ପ୍ରେଜାନାହି ନିଞ୍ଜୁ ଟିକ୍ନା ପଙ୍ଗାନାହି ମାନ୍ନେ ।
ଜିସୁ ଗ୍ରାମ୍ୱାଗାଟାରିକି ବେର୍ ଆଦେସ୍ ହିଅନ୍
(ମାର୍କ ୧୬:୧୪–୧୮; ଲୁକ ୨୪:୩୬–୪୯; ଜହନ ୨୦:୧୯–୨୩; ପେରିତ ୧:୬–୮)
16 #
ମାତି ୨୬:୩୨; ମାର୍କ ୧୪:୨୮ ଏମ୍ୱାଟି ଏଗାର ଗାଣ୍ଡି ଗ୍ରାମ୍ୱାଗାଟାରି ଗାଲିଲିଇନ୍ଦା ହାଜ୍ଜାନାହି, ଜିସୁ ଇମ୍ୱିନ୍ ହରୁଇନ୍ଦା ହାଲ୍ବନ୍ ବାଗା ଏୱାରିକି ୱେସାଚ୍ଚେଞ୍ଜି, ଏ ହରୁଇନ୍ଦା ହାଚ୍ଚେରି । 17ଆଟେ ଗ୍ରାମ୍ବାଗାଟାରି ତାଙ୍ଗେ ହୁଡ଼ାନାହି ଗାଡ଼ିହେରୁ କିତେରି, ମତ୍ର ତୁଲ୍ଲେତାରି ସନ୍ଦେହ କିତେରି । 18ଆଟେ ଜିସୁ ଏୱାର୍ ଟାକ୍କେ ୱାନାହି ୱେସ୍ତେଞ୍ଜି, “ସର୍ଗ ରାଜି ଅଟେ ପୁର୍ତିତି ହାବେତ୍ ହକତ୍ ନାଙ୍ଗେ ହିୱା ଆନ୍ନେ । 19#ପେରି ୧:୮ଏଦାବାଗା ମିରୁ ହାଜ୍ଜାନାହି ହାବେତ୍ ଜାତିତି ଦାଲ୍ଲାନିକି ଆବା, ମ୍ରିଃଏଞ୍ଜି ଅଟେ ପିର୍ନି ଡିଙ୍ଗା ପାରୁଟି ଡୁବନ୍ ହିଆନ୍, ଏୱାରିକି ଗ୍ରାମ୍ବାଗାଟାରି କିଦୁ; 20ଆଟେ ନାନୁ ମିଙ୍ଗେ ଇମ୍ୱିନ୍ ଆଦେସ୍ ହିଆଞ୍ଜା, ଏ ହାବେ ପାଲ୍ନି ଆଅନ୍ତିକି ଗ୍ରାପ୍ଦୁ ଆଟେ ହୁଡ଼ାଟୁ, ୱିହାନ୍ଦୁକା ଟିକ୍ନା ହାବେ ୱେଲା ନାନୁ ମି ଡ଼ାହି ବାସାଆଃଇ ।”
Právě zvoleno:
ମାତିଉ 28: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 28
28
ଜିସୁତି ନିମ୍ୱାନ୍ନିଙ୍ଗାନ୍
(ମାର୍କ ୧୬:୧–୮; ଲୁକ ୨୪:୧–୧୨; ଜହନ ୨୦:୧–୧୦)
1ୱାହୁଜାମ୍ବା ୱାରା ୱିହିତ୍ ଡେଗ୍ଗା ଏ ପାଲୁତି କାହେତ୍ ଦିନାତି ଡାଃଏସ୍ ମାହୁ ମାହୁତାୱା ମଗ୍ଦଲିନି ମରିୟମ ଅଟେ ବିହି ମରିୟମ ୱିଚାଙ୍ଗାଜୁ, ହୁଡ଼ନ୍ ହାଜ୍ଜାଚ୍ଚୁ । 2ଆଟେ ହୁଡ଼ାଟୁ, ଗାପ୍ଚି ୱିର୍ରା ତ୍ରେଗିତେ, ଇନାକି ଦାର୍ମୁତି ରଣ୍ଡି ଦୁତ ସର୍ଗଟିଆଟି ଜାଚାନ୍ ୱାନାହି ୱିଚାଙ୍ଗାଜୁତାୱା ଟୁଣ୍ଡାନ୍ ମାଚ୍ଚି ୱାଲ୍ଲିତିଦି ଦୁର୍ଚାନାହି ଏ କୁଃଏଟି କକ୍ତେଞ୍ଜି । 3ତା ମ୍ରୁମ୍ୱୁ ବିଜ୍ଜି ଡେହେଙ୍ଗ୍ ଅସ୍ପିଚ୍ଚେ ଅଟେ ତା ଜିରା ଆଜି ଡେହେଙ୍ଗ୍ ହୁକୁଲ୍ ଆନ୍ ମାଚ୍ଚେ, 4ଆଟେ ତାଙ୍ଗେ ଆଜ୍ଜାନାହି ଜପନ୍ତି ସିପେଙ୍ଗ୍ ହାତି କୁଇଙ୍ଗ୍ ଡେହେଙ୍ଗ୍ ଆତେରି । 5ମତ୍ର ଦୁତ ଆଚାସ୍କାନିକି ୱେସ୍ତେଞ୍ଜି, “ମିରୁ ଆଃଜ୍ଜାଟୁ, ଇନାକି ମିରୁ କ୍ରୁସତାୱା ହାଚି ଜିସୁନିକି ଦାହ୍ପିଞ୍ଜେରି, ଇଞ୍ଜାନ୍ ନାନୁ ପୁଞ୍ଜାମାଃଇ । 6ଏୱାଞ୍ଜି ଇଦିମ୍ୱା ହେଃଲ୍ଲେଞ୍ଜି, ଇନାକି ଏୱାଞ୍ଜି ଇନିମିଡି ୱେସାଚ୍ଚେଞ୍ଜି, ଏହେଙ୍ଗିସି ନିଙ୍ଗାନ୍ନେଞ୍ଜି । ୱାଦୁ, ଏୱାଞ୍ଜିକି ଇମ୍ୱିନାୱା ଇଟ୍ଟାଚ୍ଚେରି, ଏ ଗର୍ରି ହୁଡ଼ିୱାଦୁ । 7ଆଟେ ମିରୁ କାର୍ବେକ୍ ହାଜ୍ଜାନାହି ତା ଗ୍ରାମ୍ୱାଗାଟାରିକି ୱେସ୍ଦୁ, ଏୱାଞ୍ଜି ହାନ୍ନି ଦାଲ୍ଲାତାୱାଟି ନିଙ୍ଗାନ୍ନେଞ୍ଜି, ଆଟେ ହୁଡ଼ାଟୁ, ଏୱାଞ୍ଜି ମି ନକେସ୍ ଗାଲିଲିଇନ୍ଦା ହାଜ୍ଜିନ୍ନେଞ୍ଜି, ଏଦିମ୍ୱା ମିରୁ ତାଙ୍ଗେ ହୁଡ଼ନ୍ ପାଁଣ୍ଡେରି; ହୁଡ଼ାଟୁ, ଇଦା ନାନୁ ମିଙ୍ଗେ ୱେସ୍ତାତେଃଏ ।” 8ଏମ୍ୱାଟି ଏୱା ଆଜ୍ଜିତୁ ଆଟେ ୱାଡ଼େ ଗାପ୍ଚି ରାହାଙ୍ଗ୍ ଆନ୍ ଗ୍ରିପାଙ୍ଗୁଟିତାୱାଟି କାର୍ବେକ୍ ହାଜ୍ଜାନାହି ତା ଗ୍ରାମ୍ୱାଗାଟାରିକି ୱେସ୍ପନ୍ ବାଗାଟି ଡେହିତୁ । 9ଆଟେ ହୁଡ଼ାଟୁ, ଜିସୁ ଏୱାଡ଼ିକି ତଞ୍ଜୁଆନାହି ୱେସ୍ତେଞ୍ଜି, “ମିରୁ ଲତୁନା ବାସାଆଦୁ” ଏମ୍ୱାଟି ଏୱା ତା ଟାକ୍କେ ୱାନାହି ଅଲ୍ଗି ଆନ୍ ତାଙ୍ଗେ ଜୁହାରି କିତୁ । 10ଏମ୍ୱାଟି ଜିସୁ ଏୱାଡ଼ିକି ୱେସ୍ତେଞ୍ଜି, ମିରୁ ଆଃଜ୍ଜାଟୁ, ନା ଆମ୍ୱେସାଙ୍ଗା ଟାକ୍କେ ହାଜ୍ଜାନାହି ୱେସ୍ଦୁ, ଏୱାରି ଗାଲିଲିଇନ୍ଦା ହାଲ୍ଲାକାରି; ଏଦିମ୍ୱା ଏୱାରି ନାଙ୍ଗେ ହୁଡ଼ିଦାନେରି ।
ଜପନ୍ତି ସିପେଙ୍ଗ୍ ଜିସୁତି ଡୁଣ୍ଡେଲ୍ କୁଲାଟି ୱେସ୍ପନି
11ଏୱା ହାଜ୍ଜିଚ୍ଚି ତୁକାତାୱା, ହୁଡ଼ାଟୁ, ଜପନ୍ତାରି ତାୱାଟି ଏଚ୍ଚେ ଦାଲ୍ଲା ଗାଡ଼ାନାଜୁଇନ୍ଦା ହାଜ୍ଜାନ୍ ଏ ହାବେ ଡୁଣ୍ଡେଲ୍ତି କୁଲାଟି ଗାମିନ୍ ଜାଜକଙ୍ଗ୍ନିକି ୱେସ୍ତେରି । 12ଏମ୍ୱାଟି ଗାମିନ୍ ଜାଜକଙ୍ଗ୍ ଅଟେ ଗାମିନାରି ରପାଟ୍ଟେ ଆଡ୍ଡାନ୍ କାତାବାର୍ତା କିଆନ୍, ଏ ସିପେଙ୍ଗ୍ନିକି ଏଗେଲ୍ ଟାକ୍କାଙ୍ଗ୍ ହିଆନାହି ୱେସ୍ତେରି, 13ମିରୁ ଦାଲ୍ଲାନିକି ୱେସ୍ଦୁ, ମାମୁ ହୁଞ୍ଜାଚ୍ଚି ତୁକାତାୱା ତା ଗ୍ରାମ୍ୱାଗାଟାରି ଡାଡ଼ିଙ୍ଗ୍ ୱାନାହି ତାଙ୍ଗେ ମ୍ଡାମି କିଆନ୍ ଅଆନ୍ନେରି । 14ଆଟେ ଜଦି ଇ କାତା ଆକୁଡ଼୍ କିଅନ୍ତାଞ୍ଜି ୱେନେଞ୍ଜି, ଇଚ୍ଚେସି ମାମୁ ତାଙ୍ଗେ ବୁଜ୍ଜେ କିଆନ୍, ମିଙ୍ଗେ ଚିନ୍ତାଟି କୁଲ୍ତାନାମୁ । 15ଏମ୍ୱାଟି ଜପନ୍ତାରି ଟାକ୍କାଙ୍ଗ୍ ଅଆନ୍ ଏୱାର୍ତାୱାଟି ଇନିମିଡି ଗ୍ରାମ୍ୱାଚ୍ଚେରି, ଏହେଙ୍ଗିସି କିତେରି, ଏମ୍ୱାଟି ଇ କାତା ଜିହୁଦି ଦାଲ୍ଲା ତାୱା ପ୍ରେଜାନାହି ନିଞ୍ଜୁ ଟିକ୍ନା ପଙ୍ଗାନାହି ମାନ୍ନେ ।
ଜିସୁ ଗ୍ରାମ୍ୱାଗାଟାରିକି ବେର୍ ଆଦେସ୍ ହିଅନ୍
(ମାର୍କ ୧୬:୧୪–୧୮; ଲୁକ ୨୪:୩୬–୪୯; ଜହନ ୨୦:୧୯–୨୩; ପେରିତ ୧:୬–୮)
16 #
ମାତି ୨୬:୩୨; ମାର୍କ ୧୪:୨୮ ଏମ୍ୱାଟି ଏଗାର ଗାଣ୍ଡି ଗ୍ରାମ୍ୱାଗାଟାରି ଗାଲିଲିଇନ୍ଦା ହାଜ୍ଜାନାହି, ଜିସୁ ଇମ୍ୱିନ୍ ହରୁଇନ୍ଦା ହାଲ୍ବନ୍ ବାଗା ଏୱାରିକି ୱେସାଚ୍ଚେଞ୍ଜି, ଏ ହରୁଇନ୍ଦା ହାଚ୍ଚେରି । 17ଆଟେ ଗ୍ରାମ୍ବାଗାଟାରି ତାଙ୍ଗେ ହୁଡ଼ାନାହି ଗାଡ଼ିହେରୁ କିତେରି, ମତ୍ର ତୁଲ୍ଲେତାରି ସନ୍ଦେହ କିତେରି । 18ଆଟେ ଜିସୁ ଏୱାର୍ ଟାକ୍କେ ୱାନାହି ୱେସ୍ତେଞ୍ଜି, “ସର୍ଗ ରାଜି ଅଟେ ପୁର୍ତିତି ହାବେତ୍ ହକତ୍ ନାଙ୍ଗେ ହିୱା ଆନ୍ନେ । 19#ପେରି ୧:୮ଏଦାବାଗା ମିରୁ ହାଜ୍ଜାନାହି ହାବେତ୍ ଜାତିତି ଦାଲ୍ଲାନିକି ଆବା, ମ୍ରିଃଏଞ୍ଜି ଅଟେ ପିର୍ନି ଡିଙ୍ଗା ପାରୁଟି ଡୁବନ୍ ହିଆନ୍, ଏୱାରିକି ଗ୍ରାମ୍ବାଗାଟାରି କିଦୁ; 20ଆଟେ ନାନୁ ମିଙ୍ଗେ ଇମ୍ୱିନ୍ ଆଦେସ୍ ହିଆଞ୍ଜା, ଏ ହାବେ ପାଲ୍ନି ଆଅନ୍ତିକି ଗ୍ରାପ୍ଦୁ ଆଟେ ହୁଡ଼ାଟୁ, ୱିହାନ୍ଦୁକା ଟିକ୍ନା ହାବେ ୱେଲା ନାନୁ ମି ଡ଼ାହି ବାସାଆଃଇ ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0