ମାତିଉ 27
27
ଆକୁଡ଼୍ କିଅନ୍ତି ପିଲାତ ନକେସି ଜିସୁ
(ମାର୍କ ୧୫:୧; ଲୁକ ୨୩:୧–୨; ଜହନ ୧୮:୨୮–୩୨)
1ଡାଃଏସ୍ ଆଅନେଃଏ, ହାବେତ୍ ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରି ଜିସୁନିକି ଇନିମିଡି, ପାଗିନେରି ଏଦା ଜୁଜନା କିତେରି । 2ଆଟେ ଏୱାରି ତାଙ୍ଗେ ଗାସାନ୍ ଅଆନ୍ ରୁମିୟ ରାଜି ଆକୁଡ଼୍ କିଅନ୍ତି ପିଲାତ କାଜ୍ଜୁତାୱା ସର୍ପି କିତେରି ।
ଇସ୍କାରିୟତ ଜିହୁଦାତି ହାଅନ୍
(ପେରିତ ୧:୧୮–୧୯)
3 #
ପେରି ୧:୧୮,୧୯ ଏଚିତୁକାତାୱା ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଆଚ୍ଚି ଜିହୁଦା, ଜିସୁ ହାଅନ୍ତି ଦଣ୍ଡ ପାଁଣ୍ଡାନ୍ନେଞ୍ଜି, ଏଦା ହୁଡ଼ାନ୍ ଏଲୁୱ୍ଡେପ୍ଚାନ୍ ଗାମିନ୍ ଜାଜକଙ୍ଗ୍ ଅଟେ ଗାମିନାରିତି ରେଃଏସ୍ ୱାନାହି କଡ଼େକ୍ ଦାସାଗଟ୍ଟା ରୁପା ଟାକ୍କାଙ୍ଗ୍ ୱ୍ଡେପ୍ଚ୍ଚାନ୍ ୱେସ୍ତେଞ୍ଜି, 4“ନାନୁ ଦୁସ କିଆହେଃଲ୍ଲାନ୍ ରାକ୍କା ସର୍ପି କିଆନ୍ ପାପ କିଆମାଃଇ । ମତ୍ର ଏୱାର୍ ୱେସ୍ତେରି, ଏଦିମ୍ୱା ମାଙ୍ଗେ ଇନ୍ନା ମାନ୍ନେ ? ଏଦା ନିନୁ ପୁନ୍ମୁ ।” 5ଏମ୍ୱାଟି ଏୱାଞ୍ଜି ରୁପାଟାକ୍କାଙ୍ଗ୍ ମନ୍ଦିର ଲାଃଇ ତୁହାହିଆନ୍ ହାଜ୍ଜାନ୍ ଡେଜାନ୍#୨୭:୫ ଡେଜାନ୍ ଇଚ୍ଚେସି କୁତାଆହାନ୍ ହାଅନ୍ତାଦା ବୁଜ୍ଜେ କିନେ । ହାତେଞ୍ଜି । 6ମତ୍ର ଗାମିନ୍ ଜାଜକଙ୍ଗ୍ ଏ ରୁପାଟାକ୍କାଙ୍ଗ୍ ଅଆନ୍ ୱେସ୍ତେରି, ଇୱା ମନ୍ଦିରତି କୁଟୁତାୱା କିଟ୍ଟନ୍ ହାଜୁ ହେଃଲ୍ଲେ, ଇନାକି ଇୱା ତ ରାକ୍କାତି ଟାକ୍କାଙ୍ଗ୍ । 7ଆଟେ ଏୱାରି କାତାବାର୍ତା କିଆନ୍ ଏ ରୁପାଟାକ୍କାଙ୍ଗ୍ ଡ଼ାହି ବିହି ଦେସାତାରି ବାଗାଟି ୱିଚାଙ୍ଗାଜୁ କିଅନ୍ ବାଗା କୁମ୍ବାରେଏଞ୍ଜ୍ତି ପାଙ୍ଗା କଡ୍ଡିତେରି । 8ଏଦାବାଗା ନିଞ୍ଜୁ ଟିକ୍ନା ଏ ପାଙ୍ଗାତିଦି “ରାକ୍କା ପାଙ୍ଗା” ଇଞ୍ଜାନ୍ ୱେସ୍ପିନ୍ନେରି । 9ଏମ୍ବାଟି ଜିରିମିୟ ବାବବାଦି ତାୱାଟି ୱ୍ରିଗାନ୍ନି ଇ ବାକ୍ୟ ସପଲ ଆତେ, ଇସ୍ରାଏଲ ମ୍ରିକା ଏଚେ ହିଆନ୍ ଏଦା କଡ୍ଡିନ୍ ଇଞ୍ଜାନ୍ କାତା କିଆଚ୍ଚେରି ଏଚିଡେହେଙ୍ଗ୍ ଏୱାରି କଡ଼େକ୍ ଦାସାଗଟ୍ଟା ରୁପା ଟାକ୍କାଙ୍ଗ୍ ଅଆନ୍,
10ନାଙ୍ଗେ ଦାର୍ମୁ ଇନିସ୍ ଆଦେସ୍ କିଆଞ୍ଜାତେଞ୍ଜି, ଏଚିଡେହେଙ୍ଗ୍ କୁମ୍ବାରେଏଞ୍ଜ୍ତି ପାଙ୍ଗା ବାଗାଟି ହିତେରି ।
ପିଲାତ ଜିସୁନିକି ୱେନ୍ବନ୍
(ମାର୍କ ୧୫:୨–୫; ଲୁକ ୨୩:୩–୫; ଜହନ ୧୮:୩୩–୩୮)
11ଏମ୍ୱାଟି ଜିସୁନିକି ଆକୁଡ଼୍ କିଅନ୍ତାଞ୍ଜିତି ପିଲାତ ନକେସ୍ ଡିଡ୍ଡି କିତେରି, ଆଟେ ଆକୁଡ଼୍ କିଅନ୍ତି ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?” ଜିସୁ ୱେସ୍ତେଞ୍ଜି, “ନିନୁ ୱେସ୍ପିଞ୍ଜି ।” 12ମତ୍ର ଏଚ୍ଚିକିଃଆ ଗାମିନ୍ ଜାଜକଙ୍ଗ୍ ଅଟେ ଗାମିନାରି ତା ବିରୁଦିଆଟି କାତା ୱେସ୍ତେରି, ଏଚିତୁକାତାୱା ଏୱାଞ୍ଜି ଇନ୍ନା ୱ୍ଡେପ୍ଚ୍ଚି ୱେଃସାତେଞ୍ଜି । 13ଏମ୍ୱାଟି ପିଲାତ ତାଙ୍ଗେ ୱେସ୍ତେଞ୍ଜି, ଇୱାରି ନିଙ୍ଗେ ଦୁସ ହିଆନ୍ ଏଚ୍ଚେ କାତା ୱେସ୍ପିଞ୍ଜାନେରି, ଏଦା ଇନ୍ନା ନିନୁ ୱେଞ୍ଜେହେଃଲ୍ଲା ? 14ମତ୍ର ଏୱାଞ୍ଜି ଏୱାର୍ତି କାତାଟି ରଣ୍ଡା ପଦ ୱାଡ଼େ ୱ୍ଡେପ୍ଚ୍ଚି ୱେଃସାତେଞ୍ଜି, ଏମ୍ୱାଟି ଆକୁଡ଼୍ କିଅନ୍ତାଞ୍ଜି ଏଗେଲ୍ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁତି ହାଅନ୍ତି ଦଣ୍ଡ
(ମାର୍କ ୧୫:୬–୧୫; ଲୁକ ୨୩:୧୩–୨୫; ଜହନ ୧୮:୩୯; ୧୯:୧୬)
15ମତ୍ର ରେହାଙ୍ଗ୍ ତୁକାତାୱା ହାବେ ଦାଲ୍ଲାତି ଇଚ୍ଚାଟି ରଃଅଞ୍ଜି ବନ୍ଦିଗାଟାଞ୍ଜିକି ଏୱାର୍ ବାଗାଟି ପିହ୍ପନ୍ ଆକୁଡ଼୍ କିଅନ୍ତାଞ୍ଜିତି ହାଜୁ ମାଚ୍ଚେ । 16ଏଚିତୁକାତାୱା ବାରବ୍ବା#୨୭:୧୬ ବାରବ୍ବା ବାରବ୍ବାନିକି “ଜିସୁ-ବାରବ୍ବା” ଇଞ୍ଜାନ୍ ୱାଡ଼େ ଆର୍ପିଚ୍ଚେରି । ପାରୁଟି ରଃଅଞ୍ଜି ଗାପ୍ଚି ଡ଼ଃଆନାଞ୍ଜି ବନ୍ଦିତାୱା ମାଚ୍ଚେଞ୍ଜି । 17ଏମ୍ୱାଟି ଏୱାରି ରପାଟ୍ଟେ ଆଚ୍ଚି ତୁକାତାୱା ପିଲାତ ଏୱାରିକି ୱେଚ୍ଚେଞ୍ଜି, ନାନୁ ମି ବାଗାଟି ଇନ୍ଦାରିକି ପିହିଃଇ ଇଞ୍ଜାନ୍ ମିରୁ ମନ କିଞ୍ଜେରି ? ବାରବ୍ବାନିକି ନା ଇନ୍ଦାରିକି କ୍ରିସ୍ଟ ଇଞ୍ଜାନ୍ ୱେସ୍ପିନ୍ନେରି, ଏ ଜିସୁନିକି ? 18ଇନାକି ଏୱାରି ଜେ ଅକାରିଆଟି ତାଙ୍ଗେ ସର୍ପି କିଆଚ୍ଚେରି ଏଦା ପିଲାତ ପୁଞ୍ଜାଚ୍ଚେଞ୍ଜି । 19ଆଟେ ପିଲାତ ବିଚାର ଗାଦିତାୱା କକ୍ଚାଚ୍ଚି ତୁକାତାୱା ତା କୁଆଲୁ ତା ଟାକ୍କେ ୱେସାନ୍ ପାଣ୍ଡିତେ; ଏ ଦାର୍ମିକ କୁଏଞ୍ଜ୍ତି କାତାତାୱା ନିନୁ ହିତେ ୱାଡ଼େ କାଜ୍ଜୁ ହିଃଆ, ଇନାକି ଏୱାଞ୍ଜ୍ ବାଗାଟି ନାନୁ ନିଞ୍ଜୁ ହାପେଞ୍ଜିଆଟି ଏଗେଲ୍ କସ୍ଟ ପାଁଣ୍ଡାମାଃଇ । 20ମତ୍ର ଗାମିନ୍ ଜାଜକଙ୍ଗ୍ ଅଟେ ଗାମିନାରି ବାରବ୍ବାନିକି ପିହ୍ପନ୍ ବାଗା ଅଟେ ଜିସୁନିକି ପାଗନ୍ ବାଗା ଦାଲ୍ଲାନିକି କ୍ରଟ୍ପାୱିତେରି । 21ମତ୍ର ଆକୁଡ଼୍ କିଅନ୍ତାଞ୍ଜି ଆଟେ ରଲି ଏୱାରିକି ୱେଚ୍ଚେଞ୍ଜି, “ନାନୁ ରିଃଆର୍ ତାୱାଟି ଇନ୍ଦାରିକି ପିହି ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?” ଏୱାରି ୱେସ୍ତେରି, ବାରବ୍ବାନିକି । 22ପିଲାତ ଏୱାରିକି ୱେଚ୍ଚେଞ୍ଜି, “ଏହେଙ୍ଗ୍ ଆତେସି ଇନ୍ଦାରିକି କ୍ରିସ୍ଟ ଇଞ୍ଜିନ୍ନେରି, ଏ ଜିସୁନିକି ନାନୁ ଇନ୍ନା କିଃଇ ?” ଏମ୍ୱାଟି ଦାଲ୍ଲା ହାବେ “ତାଙ୍ଗେ କ୍ରୁସତାୱା ଏକ୍ଦୁ” ଇଞ୍ଜାନ୍ ୱେସ୍ତେରି । 23ଏମ୍ୱାଟି ଏୱାଞ୍ଜି ୱେଚ୍ଚେଞ୍ଜି, “ଇନାକିଅନ୍, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ?” ମତ୍ର ଏୱାରି ଏଗେଲ୍ ଗଲି ଆନାହି ୱେସ୍ତେରି, “ଏୱାଞ୍ଜିକି କ୍ରୁସତାୱା ଏପ୍କା ଆପାକାଦି” ଇଞ୍ଜାନ୍ ୱେସ୍ତେରି । 24ଏଚ୍ଚିକିଃଆ ପିଲାତ ହୁଡ଼ିତେଞ୍ଜି ଜେ ଏୱାଞ୍ଜି ଇନ୍ନା କିଅନ୍ ମୁପେହେଃଲ୍ଲେଞ୍ଜି, ମତ୍ର ଆଟେ ୱାଡ଼େ ଏଗେଲ୍ ହିଲାବାଦେର୍ ଆଇନ୍ନେରି, ଏଚିତୁକାତାୱା ଏୱାଞ୍ଜି ଏଜୁ ଅଆନ୍ ଦାଲ୍ଲା ନକେସି କାଜ୍ଜୁ ନଗ୍ଦେଞ୍ଜି, ଇୱାଞ୍ଜିକି ପାଗନ୍ତାୱା ନାନୁ ଦୁସି ଆଃଏ, ଏଦା ମିରୁ ପୁଞ୍ଜୁ । 25ଏମ୍ୱାଟି ହାବେ ଦାଲ୍ଲା ୱ୍ଡେପ୍ଚ୍ଚି ୱେସ୍ତେରି, “ତା ରାକ୍କା ମା କୁଃଏଟି ଅଟେ ମା ମ୍ରିକା କୁଃଏଟି ଆପାକାଦି ।” 26ଏମ୍ୱାଟି ଏୱାଞ୍ଜି ଏୱାର୍ ବାଗାଟି ବାରବ୍ବାନିକି ପିହ୍ତେଞ୍ଜି, ମତ୍ର ଜିସୁନିକି ହାପ୍କାନଡ଼ ଡ଼ାହି ଚାହ୍ପି କିଆନ୍ କ୍ରୁସତାୱା ଏପ୍କନ୍ ବାଗାଟି ସର୍ପି କିତେଞ୍ଜି ।
ଜିସୁନିକି ଗେରୁ କିଅନ୍
(ମାର୍କ ୧୫:୧୬–୨୦; ଜହନ ୧୯:୨–୩)
27ଏମ୍ୱାଟି ପିଲାତତି ସିପେଙ୍ଗ୍ ଜିସୁନିକି ତା ପ୍ରାସାଦ ଲାଃଇ ଅଆନ୍ ହାବେତ୍ ସିପେଙ୍ଗ୍ନିକି ତା ଗୁଞ୍ଜେର୍ ରପାଟ୍ଟେ କିତେରି । 28ଆଟେ ଏୱାରି ତା ଗତା କ୍ଡୁହାନାହି ତାଙ୍ଗେ ରାଜେଞ୍ଜି ମେଦ୍ଦେଚ୍ଚି ରାକ୍କା ପାଟୁ ଡେହେଙ୍ଗ୍ତି ଗତା ମେଦ୍ଦିକିତେରି, 29ଆଟେ ହାପ୍କା ମୁକୁଟ୍ କ୍ଲେହାନ୍ ତା ତ୍ଲାଉତାୱା ମେଦ୍ଦିକିତେରି ଅଟେ ତା ତିନ୍ନି କାଜ୍ଜୁତାୱା ରଣ୍ଡା ଡେଙ୍ଗ ହିତେରି, ଆଟେ ତା ନକେସି ମେଣ୍ଡାଙ୍ଗୁତାନ୍, “ଏ ଜିହୁଦି ଦାଲ୍ଲାତି ରାଜେଞ୍ଜି ଜୁହାରି, ଇହିଙ୍ଗ୍ ୱେସାନ୍ ତାଙ୍ଗେ ଗେରୁ କିତେରି ।” 30ଆଟେ ଏୱାରି ତା କୁଃଏଟି ହୁପୁଡ଼୍ ହୁପିତେରି ଅଟେ ଏ ଡେଙ୍ଗ ଅଆନ୍ ତା ତ୍ଲାଉତାୱା ୱେପନ୍ ମ୍ରାସ୍ତେରି । 31ଆଟେ ଏୱାରି ଜିସୁନିକି ଗେରୁ କିତାୱିଃଆଟି ତା ଅଙ୍ଗି କ୍ଡୁହାନାହି ତା ଅଙ୍ଗି ମେଦ୍ଦିକିତେରି ଅଟେ ତାଙ୍ଗେ କ୍ରୁସତାୱା ଏପ୍କନ୍ ବାଗା ଅତେରି ।
ଜିସୁନିକି କ୍ରୁସତାୱା ଏପ୍କନ୍
(ମାର୍କ ୧୫:୨୧–୩୨; ଲୁକ ୨୩:୨୬–୩୯; ଜହନ ୧୯:୧୭–୧୯)
32ଏଚ୍ଚିକିଃଆ ଏୱାରି ଜିସୁନିକି ଆହାନ୍ ଗାଡ଼ାନାଜୁଟିଆଟି ହପିଚ୍ଚି ତୁକାତାୱା ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ହୁଡ଼ାନାହି ଜିସୁତି କ୍ରୁସ ଡେକନ୍ ବାଗା ତାଙ୍ଗେ ବାଦ୍ୟ କିତେରି । 33ଆଟେ ଏୱାରି ଗଲ୍ଗତା ପାରୁଟି ରଣ୍ଡା ଗର୍ରି, ଇଚ୍ଚେସି ଡାମ୍ୱେର୍ ଗର୍ରି#୨୭:୩୩ ଡାମ୍ୱେର୍ ଗର୍ରି ଇଚ୍ଚେସି, ଉଡ଼ିଆ ବାଇବଲତାୱା କପାଲସ୍ତଲ ଇଞ୍ଜାନ୍ ୱ୍ରିଗାଆନ୍ନେ । ଇଞ୍ଜାନ୍ ୱେସ୍ପିନ୍ନେରି, ଏଦିମ୍ୱା ଏଚ୍ଚାନାହି, 34ତାଙ୍ଗେ କାପେଲ୍ ଆଡ୍ଡାଚି ଅଙ୍ଗୁରନିରୁ ଉନ୍ବନ୍ ବାଗା ହିତେରି, ମତ୍ର ଏୱାଞ୍ଜି ଏଦା ନାକାନାହି ଉନ୍ବନ୍ତିକି ମନ କିଃଆତେଞ୍ଜି ।
35ଡେଗ୍ଗା ଏୱାରି ତାଙ୍ଗେ କ୍ରୁସତାୱା ଏକ୍ଚ୍ଚାନାହି ତା ଜିରାଙ୍ଗ୍ ହାବେ ଗୁଲ୍ଲିଙ୍ଗ୍ କିଆନାହି ତା ତା ତାୱା ବାଗା କିଆନ୍ ଅତେରି, 36ଆଟେ ଏଦିମ୍ୱା କକ୍ଚ୍ଚାନାହି ତାଙ୍ଗେ କାଚାନ୍ ବାସାଆତେରି । 37ଆଟେ ଏୱାରି ତା ତ୍ଲାଉ କୁଃଏଟି ଇ ଦାବା ଆକୁ ୱ୍ରିଗାନ୍ ଡ଼େଚ୍ଚାହିତେରି, “ଇୱାଞ୍ଜି ଜିହୁଦି ଦାଲ୍ଲାତି ରାଜେଞ୍ଜି ଜିସୁ ।” 38ଏଚିତୁକାତାୱା ଜିସୁତି ତିନ୍ନି ଇନ୍ଦେଟ୍ ରଃଅଞ୍ଜି ଅଟେ ଗିଃଇ ଇନ୍ଦେଟ୍ ରଃଅଞ୍ଜି, ଇହିଙ୍ଗିସି ରିଃଆରି ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏପ୍କାଆତେ ।
39ଆଟେ ଏ ଗିଜ୍ଜୁ ଏସେନ୍ ହାଜ୍ଜିଚ୍ଚି ଦାଲ୍ଲା ତା ତା ତ୍ଲାଉ ଦ୍ଲାକ୍ଚ୍ଚାନାହି ତାଙ୍ଗେ ଅଡ୍ଡାନାହି ୱେସ୍ପନ୍ ମ୍ରାସ୍ତେରି, 40#ମାତି ୨୬:୬୧; ଜହ ୨:୧୯“ଏ ମନ୍ଦିର ଲେପ୍କନ୍ତାତି ଅଟେ ମୁନେସିଆଟି ଏଦା କ୍ଲେହନ୍ତାତି, ନିନୁ ଜଦି ମୁଲାପେନୁତି ମ୍ରିଃଏଞ୍ଜି, ଏହେଙ୍ଗ୍ ଆତେସି ନି ଗାଣ୍ଡି ରକ୍ୟା କିଆନ୍ କ୍ରୁସତାୱାଟି ଜାଚାନ୍ ୱାମୁ ।” 41ଗାମିନ୍ ଜାଜକଙ୍ଗ୍ ୱାଡ଼େ ଏହେଙ୍ଗିସି ସାସ୍ତ୍ରି ଅଟେ ଗାମିନାରି ଡ଼ାହି ଜିସୁନିକି ଗେରୁ କିଅନ୍ ମ୍ରାସ୍ତେରି, 42“ଏୱାଞ୍ଜି ବିହି ଦାଲ୍ଲାନିକି ରକ୍ୟା କିତେଞ୍ଜି, ତା ଗାଣ୍ଡି ରକ୍ୟା କିଅନ୍ ମୁପେହେଃଲ୍ଲେଞ୍ଜି । ଏୱାଞ୍ଜି ଗିଃଆ ଇସ୍ରାଏଲତି ରାଜେଞ୍ଜି, ଏୱାଞ୍ଜି ଏଚିୱାଡ଼େ କ୍ରୁସତାୱାଟି ଜାଚାନ୍ ୱାପାକାଞ୍ଜି, ଏହେଙ୍ଗ୍ ଆତେସି ମାମୁ ତା ପାଟ୍ଟି ମାଞ୍ଜାଡ଼ି କିନାମୁ । 43ଏୱାଞ୍ଜି ମୁଲାପେନୁ କୁଃଏଟି ନାର୍ରା କିଟ୍ଟେନ୍ନେଞ୍ଜି; ଆଟେ ୱାଡ଼େ ନାନୁ ମୁଲାପେନୁତି ମ୍ରିଃଏଞ୍ଜି ଇଞ୍ଜାନ୍ ୱେସାଚ୍ଚେଞ୍ଜି । ଏଦାକି ମୁଲାପେନୁ ଜଦି ଇୱାଞ୍ଜ୍ ପାଟ୍ଟି ରାହାଙ୍ଗ୍ ଆଇନ୍ନେଞ୍ଜି, ଏହେଙ୍ଗ୍ ଆତେସି ହାଦାଡ଼ି ଇୱାଞ୍ଜିକି ରକ୍ୟା କିପାକାଞ୍ଜି ।”
44ଆଟେ ଇମ୍ୱିନ୍ ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏକ୍ଚାଚ୍ଚେରି, ଏୱାର୍ ୱାଡ଼େ ଜିସୁନିକି ଏହେଙ୍ଗିସି ଅଡ୍ଡନ୍ ମ୍ରାସ୍ତେରି ।
ଜିସୁତି ହାଅନ୍
(ମାର୍କ ୧୫:୩୩–୪୧; ଲୁକ ୨୩:୪୪–୪୯; ଜହନ ୧୯:୨୮–୩୦)
45ଡେଗ୍ଗା ବାର୍ଟାତାୱାଟି ମୁ ଗଣ୍ଟା ଟିକ୍ନା ଦେସା ହାବେ ଆନ୍ଦେର୍ ଆତେ ।
46ଆଟେ ବାଇକ୍ ମୁ ଗଣ୍ଟା ତୁକାତାୱା ଜିସୁ ବେର୍ ଉକୁଡ଼ିଆଟି ୱେସ୍ତେଞ୍ଜି, “ଏଲି, ଏଲି, ଲାମା ସାବକତାନି ?” ଇଚ୍ଚେସି ଏ ନା ମୁଲାପେନୁ, ଏ ନା ମୁଲାପେନୁ, ନିନୁ ନାଙ୍ଗେ ଇନ୍ନା କିଅନ୍ ପିହ୍ତାତି ?
47ଇଦା ୱେଞ୍ଜାନ୍ ଏଦିମ୍ୱା ଡିଡ୍ଡାଚି ଦାଲ୍ଲା ତାୱାଟି ତୁଲ୍ଲେତାରି ୱେସ୍ତେରି, “ଇ କୁଏଞ୍ଜି ଏଲିୟନିକି ଆର୍ପିନ୍ନେଞ୍ଜି ।” 48ଆଟେ ଏଚିୱାଡ଼େ ଏୱାର୍ତାୱାଟି ରଃଅଞ୍ଜି ଡେହାନ୍ ହାଜ୍ଜାନ୍ ପାର୍ତି ତାଚ୍ଚାନ୍ ଏଦା କାପେଲ୍ ନିରୁତାୱା ମେସ୍ତେଞ୍ଜି, ଆଟେ ଏଦା ରଣ୍ଡା ଡେଙ୍ଗତାୱା ଗାସାନ୍ ତାଙ୍ଗେ ଉନ୍ବନ୍ ବାଗା ହିତେଞ୍ଜି ।
49ମତ୍ର ବିହି ଦାଲ୍ଲା ୱେସ୍ତେରି, “ହିତେ ପିହା ହିଦୁ, ଏଲିୟ ଇୱାଞ୍ଜିକି ରକ୍ୟା କିଅନ୍ ୱାଇନ୍ନେଞ୍ଜି କି ଆଃଏ, ହୁଡ଼ିନା ।”
50ମତ୍ର ଜିସୁ ରିହିକ୍ ଏଗେଲ୍ ବେର୍ ଉକୁଡ଼୍ କିଆନ୍ ତା ପରନ୍ ପିହ୍ତେଞ୍ଜି । 51ଆଟେ ହୁଡ଼ାଟୁ, ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ୱାନ୍ଦାତାୱାଟି#୨୭:୫୧ ୱାନ୍ଦାତାୱାଟି ଇଚ୍ଚେସି “ଡ଼ିପେଟିଆଟି” ନେତେ ଟିକ୍ନା ଗେଞ୍ଜାନ୍ ରି ପାହେଡ଼୍ ଆତେ, 52ଆଟେ ୱିର୍ରା ତ୍ରେଗିତେ ଅଟେ ୱାଲ୍ଲିଙ୍ଗ୍ ହାବେ ପାହେଡ଼୍କା ଆତୁ, ଆଟେ ଗ୍ରିପାଙ୍ଗୁଟିଙ୍ଗ୍ ହାବେ ଗେର୍ପା ଆତୁ ଅଟେ ହାଚ୍ଚାରି ଏଚ୍ଚେ ପିର୍ନିଗାଟାର୍ ଗାଣ୍ଡିଟି ନିଙ୍ଗିତେରି, 53ଆଟେ ଏୱାର୍ ନିମ୍ୱାନ୍ନିଙ୍ଗିତାୱାଟି ଗ୍ରିପାଙ୍ଗୁଟିଙ୍ଗ୍ ତାୱାଟି ହତେରି ଆଟେ ଏୱାରି ପିର୍ନି ଗାଡ଼ାନାଜୁତାୱା ହଟେରି ଅଟେ ଏଗେଲ୍ ଦାଲ୍ଲା ଏୱାରିକି ହୁଡ଼ିତେରି ।
54ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଅଟେ ତା ଡ଼ାହି ଏମ୍ୱେନାରି ଜିସୁନିକି ଜଚାଚ୍ଚେରି, ଏୱାରି ୱିର୍ରା ତ୍ରେଗନ୍ତାଦା ହୁଡ଼ାନ୍ ଏଗେଲ୍ ଆଜ୍ଜାନାହି ୱେସ୍ତେରି, ନିଜ୍ଜାନେଃଏ, “ଇୱାଞ୍ଜି ମୁଲାପେନୁତି ମ୍ରିଃଏଞ୍ଜି ମାଚ୍ଚେଞ୍ଜି ।”
55 #
ଲୁକ ୮:୨,୩ ଆଟେ ଏଗେଲ୍ ଆଚାସ୍କା ଏ ଗର୍ରିତାୱା ମାଞ୍ଜାନ୍ ଦେହାଟି ହୁଡ଼େଚ୍ଚୁ; ଏୱା ଜିସୁନିକି ଆଙ୍ଗୁଲ୍ ଆଇ ଆଇ ଗାଲିଲିତାୱାଟି ତା ଡ଼ାହି ୱାଚ୍ଚୁ; 56ଏୱାଡ଼୍ତାୱାଟି ମଗ୍ଦଲିନି ମରିୟମ, ଜାକୁବ ଅଟେ ଜସେପତି ଇୟା ମରିୟମ ଅଟେ ଜେବଦିତି ମ୍ରିକାତି ଇୟା ମାଚ୍ଚେ ।
ଜିସୁତି ଗ୍ରିପାଙ୍ଗୁଟି
(ମାର୍କ ୧୫:୪୨–୪୭; ଲୁକ ୨୩:୫୦–୫୬; ଜହନ ୧୯:୩୮–୪୨)
57ୱେଲା ମେଦ୍ଦେସ୍ ୱାଅନେଃଏ, ଜସେପ ପାରୁଟି ହାରାମାତିଆତି ରଃଅଞ୍ଜି ପାଁନ୍ବାଗାଟି କୁଏଞ୍ଜି ୱାତେଞ୍ଜି, ଏୱାଞ୍ଜି ୱାଡ଼େ ଜିସୁତି ରଃଅଞ୍ଜି ଗ୍ରାମ୍ୱାଗାଟାଞ୍ଜି ମାଚ୍ଚେଞ୍ଜି । 58ଏୱାଞ୍ଜି ପିଲାତତି ଟାକ୍କେ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି । ଏମ୍ବାଟି ପିଲାତ ଏଦା ହିଅନ୍ତିକି ଆଦେସ୍ ହିତେଞ୍ଜି । 59ଜସେପ ଜିସୁତି ହାତିଗାଣ୍ଡି ଅଆନ୍ ଦାରାଗାଟି ପିର୍ରି ହୁକୁଲ୍ ଜିରା ମୁଚ୍ଚି କିଆନ୍, 60ଇମ୍ୱିନ୍ ପୁନି ଗ୍ରିପାଙ୍ଗୁଟି ହରୁତାୱା ଏୱାଞ୍ଜି ତା ବାଗା କାର୍ଚାଚ୍ଚେଞ୍ଜି, ଏଦିମ୍ୱା ଏ ହାତିଗାଣ୍ଡି ଇଟ୍ଟିତେଞ୍ଜି, ଆଟେ ଗ୍ରିପାଙ୍ଗୁଟିତାୱା ରଣ୍ଡା ବେର୍ ୱାଲ୍ଲି ମୁଚ୍ଚି କିଆନ୍ ହାଚ୍ଚେଞ୍ଜି । 61ମଗ୍ଦଲିନି ମରିୟମ ଅଟେ ବିହି ମରିୟମ ଏ ଗର୍ରିତାୱା ୱିଚାଙ୍ଗାଜୁ ନକେସି କକ୍ଚ୍ଚାନ୍ ବାସାଆତୁ ।
ଗ୍ରିପାଙ୍ଗୁଟିତାୱା ଜପନ୍ତାରି
62ଏ ୱେଃଇତ୍ ୱାହୁଜାମ୍ୱାୱାରାତାୱା ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ପିଲାତତି ରେଃଏସ୍ ରପାଟ୍ଟେ ଆନାହି ୱେସ୍ତେରି, 63#ମାତି ୧୬:୨୧; ୧୭:୨୩; ୨୦:୧୯; ମାର୍କ ୮:୩୧; ୯:୩୧; ୧୦:୩୩,୩୪; ଲୁକ ୯:୨୨; ୧୮:୩୧–୩୩“ଆଗ୍ୟାଁ” ମାଙ୍ଗେ ଏଲୁ ୱାଇନେ, ଏ କଲଗାଟାଞ୍ଜି ନିମ୍ୱାନ୍ ମାଚ୍ଚି ତୁକାତାୱା ୱେସାଚ୍ଚେଞ୍ଜି ମୁ ଦିନାଟି ନାନୁ ରିହିକ୍ ନିଙ୍ଗି । 64ଏଦାବାଗା ମୁନେସ୍ ଟିକ୍ନା ୱିଚାଙ୍ଗାଜୁ ନେହେନ୍ ଜପନ୍ ବାଗା ଆଦେସ୍ ହିମୁ, ଏହେଙ୍ଗ୍ ଆତେସି ତା ଗ୍ରାମ୍ୱାଗାଟାରି ୱାନାହି ତାଙ୍ଗେ ମ୍ଡାମି କିଆନାହି ଦାଲ୍ଲାନିକି ୱେସ୍ନେରି, ଏୱାଞ୍ଜି ହାନ୍ନି ଦାଲ୍ଲାତାୱାଟି ନିଙ୍ଗାନ୍ ୱାନ୍ନେଞ୍ଜି; ଏହେଙ୍ଗ୍ ଆତେସି କାହେତି କଲତାୱାଟି ଡେଗ୍ଗାତି କଲ ଗାପ୍ଚି ଡ଼ଃଆନାଦି ଆନେ ।
65ପିଲାତ ଏୱାରିକି ୱେସ୍ତେଞ୍ଜି, ଜପନ୍ତାରି ମାନ୍ନେରି, ମିରୁ ହାଜ୍ଜାନାହି ମି ମୁପନ୍ତି ବଲ ଡେହେଙ୍ଗ୍ ସିଲ୍ କିଆନ୍ ଜଦୁ ।
66ଏମ୍ୱାଟି ଏୱାରି ହାଜ୍ଜାନାହି ଜପନ୍ତି ଦାଲ୍ଲା ଡ଼ାହି ୱିଚାଙ୍ଗାଜୁତାୱା ସିଲ୍ କିଆନ୍ ୱାଲ୍ଲି ମୁଚ୍ଚି କିଆନ୍ ଜତେରି ।
Právě zvoleno:
ମାତିଉ 27: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 27
27
ଆକୁଡ଼୍ କିଅନ୍ତି ପିଲାତ ନକେସି ଜିସୁ
(ମାର୍କ ୧୫:୧; ଲୁକ ୨୩:୧–୨; ଜହନ ୧୮:୨୮–୩୨)
1ଡାଃଏସ୍ ଆଅନେଃଏ, ହାବେତ୍ ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରି ଜିସୁନିକି ଇନିମିଡି, ପାଗିନେରି ଏଦା ଜୁଜନା କିତେରି । 2ଆଟେ ଏୱାରି ତାଙ୍ଗେ ଗାସାନ୍ ଅଆନ୍ ରୁମିୟ ରାଜି ଆକୁଡ଼୍ କିଅନ୍ତି ପିଲାତ କାଜ୍ଜୁତାୱା ସର୍ପି କିତେରି ।
ଇସ୍କାରିୟତ ଜିହୁଦାତି ହାଅନ୍
(ପେରିତ ୧:୧୮–୧୯)
3 #
ପେରି ୧:୧୮,୧୯ ଏଚିତୁକାତାୱା ଜିସୁନିକି ସତ୍ରୁ କାଜ୍ଜୁତାୱା ସର୍ପି କିଆଚ୍ଚି ଜିହୁଦା, ଜିସୁ ହାଅନ୍ତି ଦଣ୍ଡ ପାଁଣ୍ଡାନ୍ନେଞ୍ଜି, ଏଦା ହୁଡ଼ାନ୍ ଏଲୁୱ୍ଡେପ୍ଚାନ୍ ଗାମିନ୍ ଜାଜକଙ୍ଗ୍ ଅଟେ ଗାମିନାରିତି ରେଃଏସ୍ ୱାନାହି କଡ଼େକ୍ ଦାସାଗଟ୍ଟା ରୁପା ଟାକ୍କାଙ୍ଗ୍ ୱ୍ଡେପ୍ଚ୍ଚାନ୍ ୱେସ୍ତେଞ୍ଜି, 4“ନାନୁ ଦୁସ କିଆହେଃଲ୍ଲାନ୍ ରାକ୍କା ସର୍ପି କିଆନ୍ ପାପ କିଆମାଃଇ । ମତ୍ର ଏୱାର୍ ୱେସ୍ତେରି, ଏଦିମ୍ୱା ମାଙ୍ଗେ ଇନ୍ନା ମାନ୍ନେ ? ଏଦା ନିନୁ ପୁନ୍ମୁ ।” 5ଏମ୍ୱାଟି ଏୱାଞ୍ଜି ରୁପାଟାକ୍କାଙ୍ଗ୍ ମନ୍ଦିର ଲାଃଇ ତୁହାହିଆନ୍ ହାଜ୍ଜାନ୍ ଡେଜାନ୍#୨୭:୫ ଡେଜାନ୍ ଇଚ୍ଚେସି କୁତାଆହାନ୍ ହାଅନ୍ତାଦା ବୁଜ୍ଜେ କିନେ । ହାତେଞ୍ଜି । 6ମତ୍ର ଗାମିନ୍ ଜାଜକଙ୍ଗ୍ ଏ ରୁପାଟାକ୍କାଙ୍ଗ୍ ଅଆନ୍ ୱେସ୍ତେରି, ଇୱା ମନ୍ଦିରତି କୁଟୁତାୱା କିଟ୍ଟନ୍ ହାଜୁ ହେଃଲ୍ଲେ, ଇନାକି ଇୱା ତ ରାକ୍କାତି ଟାକ୍କାଙ୍ଗ୍ । 7ଆଟେ ଏୱାରି କାତାବାର୍ତା କିଆନ୍ ଏ ରୁପାଟାକ୍କାଙ୍ଗ୍ ଡ଼ାହି ବିହି ଦେସାତାରି ବାଗାଟି ୱିଚାଙ୍ଗାଜୁ କିଅନ୍ ବାଗା କୁମ୍ବାରେଏଞ୍ଜ୍ତି ପାଙ୍ଗା କଡ୍ଡିତେରି । 8ଏଦାବାଗା ନିଞ୍ଜୁ ଟିକ୍ନା ଏ ପାଙ୍ଗାତିଦି “ରାକ୍କା ପାଙ୍ଗା” ଇଞ୍ଜାନ୍ ୱେସ୍ପିନ୍ନେରି । 9ଏମ୍ବାଟି ଜିରିମିୟ ବାବବାଦି ତାୱାଟି ୱ୍ରିଗାନ୍ନି ଇ ବାକ୍ୟ ସପଲ ଆତେ, ଇସ୍ରାଏଲ ମ୍ରିକା ଏଚେ ହିଆନ୍ ଏଦା କଡ୍ଡିନ୍ ଇଞ୍ଜାନ୍ କାତା କିଆଚ୍ଚେରି ଏଚିଡେହେଙ୍ଗ୍ ଏୱାରି କଡ଼େକ୍ ଦାସାଗଟ୍ଟା ରୁପା ଟାକ୍କାଙ୍ଗ୍ ଅଆନ୍,
10ନାଙ୍ଗେ ଦାର୍ମୁ ଇନିସ୍ ଆଦେସ୍ କିଆଞ୍ଜାତେଞ୍ଜି, ଏଚିଡେହେଙ୍ଗ୍ କୁମ୍ବାରେଏଞ୍ଜ୍ତି ପାଙ୍ଗା ବାଗାଟି ହିତେରି ।
ପିଲାତ ଜିସୁନିକି ୱେନ୍ବନ୍
(ମାର୍କ ୧୫:୨–୫; ଲୁକ ୨୩:୩–୫; ଜହନ ୧୮:୩୩–୩୮)
11ଏମ୍ୱାଟି ଜିସୁନିକି ଆକୁଡ଼୍ କିଅନ୍ତାଞ୍ଜିତି ପିଲାତ ନକେସ୍ ଡିଡ୍ଡି କିତେରି, ଆଟେ ଆକୁଡ଼୍ କିଅନ୍ତି ପିଲାତ ଜିସୁନିକି ୱେଚ୍ଚେଞ୍ଜି, “ନିନୁ ଇନ୍ନା ଜିହୁଦିଙ୍ଗ୍ତି ରାଜେଞ୍ଜାତି?” ଜିସୁ ୱେସ୍ତେଞ୍ଜି, “ନିନୁ ୱେସ୍ପିଞ୍ଜି ।” 12ମତ୍ର ଏଚ୍ଚିକିଃଆ ଗାମିନ୍ ଜାଜକଙ୍ଗ୍ ଅଟେ ଗାମିନାରି ତା ବିରୁଦିଆଟି କାତା ୱେସ୍ତେରି, ଏଚିତୁକାତାୱା ଏୱାଞ୍ଜି ଇନ୍ନା ୱ୍ଡେପ୍ଚ୍ଚି ୱେଃସାତେଞ୍ଜି । 13ଏମ୍ୱାଟି ପିଲାତ ତାଙ୍ଗେ ୱେସ୍ତେଞ୍ଜି, ଇୱାରି ନିଙ୍ଗେ ଦୁସ ହିଆନ୍ ଏଚ୍ଚେ କାତା ୱେସ୍ପିଞ୍ଜାନେରି, ଏଦା ଇନ୍ନା ନିନୁ ୱେଞ୍ଜେହେଃଲ୍ଲା ? 14ମତ୍ର ଏୱାଞ୍ଜି ଏୱାର୍ତି କାତାଟି ରଣ୍ଡା ପଦ ୱାଡ଼େ ୱ୍ଡେପ୍ଚ୍ଚି ୱେଃସାତେଞ୍ଜି, ଏମ୍ୱାଟି ଆକୁଡ଼୍ କିଅନ୍ତାଞ୍ଜି ଏଗେଲ୍ ଆକ୍କାବାଡ଼ାଙ୍ଗ୍ ଆତେଞ୍ଜି ।
ଜିସୁତି ହାଅନ୍ତି ଦଣ୍ଡ
(ମାର୍କ ୧୫:୬–୧୫; ଲୁକ ୨୩:୧୩–୨୫; ଜହନ ୧୮:୩୯; ୧୯:୧୬)
15ମତ୍ର ରେହାଙ୍ଗ୍ ତୁକାତାୱା ହାବେ ଦାଲ୍ଲାତି ଇଚ୍ଚାଟି ରଃଅଞ୍ଜି ବନ୍ଦିଗାଟାଞ୍ଜିକି ଏୱାର୍ ବାଗାଟି ପିହ୍ପନ୍ ଆକୁଡ଼୍ କିଅନ୍ତାଞ୍ଜିତି ହାଜୁ ମାଚ୍ଚେ । 16ଏଚିତୁକାତାୱା ବାରବ୍ବା#୨୭:୧୬ ବାରବ୍ବା ବାରବ୍ବାନିକି “ଜିସୁ-ବାରବ୍ବା” ଇଞ୍ଜାନ୍ ୱାଡ଼େ ଆର୍ପିଚ୍ଚେରି । ପାରୁଟି ରଃଅଞ୍ଜି ଗାପ୍ଚି ଡ଼ଃଆନାଞ୍ଜି ବନ୍ଦିତାୱା ମାଚ୍ଚେଞ୍ଜି । 17ଏମ୍ୱାଟି ଏୱାରି ରପାଟ୍ଟେ ଆଚ୍ଚି ତୁକାତାୱା ପିଲାତ ଏୱାରିକି ୱେଚ୍ଚେଞ୍ଜି, ନାନୁ ମି ବାଗାଟି ଇନ୍ଦାରିକି ପିହିଃଇ ଇଞ୍ଜାନ୍ ମିରୁ ମନ କିଞ୍ଜେରି ? ବାରବ୍ବାନିକି ନା ଇନ୍ଦାରିକି କ୍ରିସ୍ଟ ଇଞ୍ଜାନ୍ ୱେସ୍ପିନ୍ନେରି, ଏ ଜିସୁନିକି ? 18ଇନାକି ଏୱାରି ଜେ ଅକାରିଆଟି ତାଙ୍ଗେ ସର୍ପି କିଆଚ୍ଚେରି ଏଦା ପିଲାତ ପୁଞ୍ଜାଚ୍ଚେଞ୍ଜି । 19ଆଟେ ପିଲାତ ବିଚାର ଗାଦିତାୱା କକ୍ଚାଚ୍ଚି ତୁକାତାୱା ତା କୁଆଲୁ ତା ଟାକ୍କେ ୱେସାନ୍ ପାଣ୍ଡିତେ; ଏ ଦାର୍ମିକ କୁଏଞ୍ଜ୍ତି କାତାତାୱା ନିନୁ ହିତେ ୱାଡ଼େ କାଜ୍ଜୁ ହିଃଆ, ଇନାକି ଏୱାଞ୍ଜ୍ ବାଗାଟି ନାନୁ ନିଞ୍ଜୁ ହାପେଞ୍ଜିଆଟି ଏଗେଲ୍ କସ୍ଟ ପାଁଣ୍ଡାମାଃଇ । 20ମତ୍ର ଗାମିନ୍ ଜାଜକଙ୍ଗ୍ ଅଟେ ଗାମିନାରି ବାରବ୍ବାନିକି ପିହ୍ପନ୍ ବାଗା ଅଟେ ଜିସୁନିକି ପାଗନ୍ ବାଗା ଦାଲ୍ଲାନିକି କ୍ରଟ୍ପାୱିତେରି । 21ମତ୍ର ଆକୁଡ଼୍ କିଅନ୍ତାଞ୍ଜି ଆଟେ ରଲି ଏୱାରିକି ୱେଚ୍ଚେଞ୍ଜି, “ନାନୁ ରିଃଆର୍ ତାୱାଟି ଇନ୍ଦାରିକି ପିହି ଇଞ୍ଜାନ୍ ମିରୁ ଇଚ୍ଚା କିଞ୍ଜେରି ?” ଏୱାରି ୱେସ୍ତେରି, ବାରବ୍ବାନିକି । 22ପିଲାତ ଏୱାରିକି ୱେଚ୍ଚେଞ୍ଜି, “ଏହେଙ୍ଗ୍ ଆତେସି ଇନ୍ଦାରିକି କ୍ରିସ୍ଟ ଇଞ୍ଜିନ୍ନେରି, ଏ ଜିସୁନିକି ନାନୁ ଇନ୍ନା କିଃଇ ?” ଏମ୍ୱାଟି ଦାଲ୍ଲା ହାବେ “ତାଙ୍ଗେ କ୍ରୁସତାୱା ଏକ୍ଦୁ” ଇଞ୍ଜାନ୍ ୱେସ୍ତେରି । 23ଏମ୍ୱାଟି ଏୱାଞ୍ଜି ୱେଚ୍ଚେଞ୍ଜି, “ଇନାକିଅନ୍, ଏୱାଞ୍ଜି ଇନ୍ନି ଦୁସ କିଆନ୍ନେଞ୍ଜି ?” ମତ୍ର ଏୱାରି ଏଗେଲ୍ ଗଲି ଆନାହି ୱେସ୍ତେରି, “ଏୱାଞ୍ଜିକି କ୍ରୁସତାୱା ଏପ୍କା ଆପାକାଦି” ଇଞ୍ଜାନ୍ ୱେସ୍ତେରି । 24ଏଚ୍ଚିକିଃଆ ପିଲାତ ହୁଡ଼ିତେଞ୍ଜି ଜେ ଏୱାଞ୍ଜି ଇନ୍ନା କିଅନ୍ ମୁପେହେଃଲ୍ଲେଞ୍ଜି, ମତ୍ର ଆଟେ ୱାଡ଼େ ଏଗେଲ୍ ହିଲାବାଦେର୍ ଆଇନ୍ନେରି, ଏଚିତୁକାତାୱା ଏୱାଞ୍ଜି ଏଜୁ ଅଆନ୍ ଦାଲ୍ଲା ନକେସି କାଜ୍ଜୁ ନଗ୍ଦେଞ୍ଜି, ଇୱାଞ୍ଜିକି ପାଗନ୍ତାୱା ନାନୁ ଦୁସି ଆଃଏ, ଏଦା ମିରୁ ପୁଞ୍ଜୁ । 25ଏମ୍ୱାଟି ହାବେ ଦାଲ୍ଲା ୱ୍ଡେପ୍ଚ୍ଚି ୱେସ୍ତେରି, “ତା ରାକ୍କା ମା କୁଃଏଟି ଅଟେ ମା ମ୍ରିକା କୁଃଏଟି ଆପାକାଦି ।” 26ଏମ୍ୱାଟି ଏୱାଞ୍ଜି ଏୱାର୍ ବାଗାଟି ବାରବ୍ବାନିକି ପିହ୍ତେଞ୍ଜି, ମତ୍ର ଜିସୁନିକି ହାପ୍କାନଡ଼ ଡ଼ାହି ଚାହ୍ପି କିଆନ୍ କ୍ରୁସତାୱା ଏପ୍କନ୍ ବାଗାଟି ସର୍ପି କିତେଞ୍ଜି ।
ଜିସୁନିକି ଗେରୁ କିଅନ୍
(ମାର୍କ ୧୫:୧୬–୨୦; ଜହନ ୧୯:୨–୩)
27ଏମ୍ୱାଟି ପିଲାତତି ସିପେଙ୍ଗ୍ ଜିସୁନିକି ତା ପ୍ରାସାଦ ଲାଃଇ ଅଆନ୍ ହାବେତ୍ ସିପେଙ୍ଗ୍ନିକି ତା ଗୁଞ୍ଜେର୍ ରପାଟ୍ଟେ କିତେରି । 28ଆଟେ ଏୱାରି ତା ଗତା କ୍ଡୁହାନାହି ତାଙ୍ଗେ ରାଜେଞ୍ଜି ମେଦ୍ଦେଚ୍ଚି ରାକ୍କା ପାଟୁ ଡେହେଙ୍ଗ୍ତି ଗତା ମେଦ୍ଦିକିତେରି, 29ଆଟେ ହାପ୍କା ମୁକୁଟ୍ କ୍ଲେହାନ୍ ତା ତ୍ଲାଉତାୱା ମେଦ୍ଦିକିତେରି ଅଟେ ତା ତିନ୍ନି କାଜ୍ଜୁତାୱା ରଣ୍ଡା ଡେଙ୍ଗ ହିତେରି, ଆଟେ ତା ନକେସି ମେଣ୍ଡାଙ୍ଗୁତାନ୍, “ଏ ଜିହୁଦି ଦାଲ୍ଲାତି ରାଜେଞ୍ଜି ଜୁହାରି, ଇହିଙ୍ଗ୍ ୱେସାନ୍ ତାଙ୍ଗେ ଗେରୁ କିତେରି ।” 30ଆଟେ ଏୱାରି ତା କୁଃଏଟି ହୁପୁଡ଼୍ ହୁପିତେରି ଅଟେ ଏ ଡେଙ୍ଗ ଅଆନ୍ ତା ତ୍ଲାଉତାୱା ୱେପନ୍ ମ୍ରାସ୍ତେରି । 31ଆଟେ ଏୱାରି ଜିସୁନିକି ଗେରୁ କିତାୱିଃଆଟି ତା ଅଙ୍ଗି କ୍ଡୁହାନାହି ତା ଅଙ୍ଗି ମେଦ୍ଦିକିତେରି ଅଟେ ତାଙ୍ଗେ କ୍ରୁସତାୱା ଏପ୍କନ୍ ବାଗା ଅତେରି ।
ଜିସୁନିକି କ୍ରୁସତାୱା ଏପ୍କନ୍
(ମାର୍କ ୧୫:୨୧–୩୨; ଲୁକ ୨୩:୨୬–୩୯; ଜହନ ୧୯:୧୭–୧୯)
32ଏଚ୍ଚିକିଃଆ ଏୱାରି ଜିସୁନିକି ଆହାନ୍ ଗାଡ଼ାନାଜୁଟିଆଟି ହପିଚ୍ଚି ତୁକାତାୱା ସିମନ ପାରୁଟି ରଃଅଞ୍ଜି କୁରିନିୟ ଗାଡ଼ାନାଜୁତି କୁଏଞ୍ଜିକି ହୁଡ଼ାନାହି ଜିସୁତି କ୍ରୁସ ଡେକନ୍ ବାଗା ତାଙ୍ଗେ ବାଦ୍ୟ କିତେରି । 33ଆଟେ ଏୱାରି ଗଲ୍ଗତା ପାରୁଟି ରଣ୍ଡା ଗର୍ରି, ଇଚ୍ଚେସି ଡାମ୍ୱେର୍ ଗର୍ରି#୨୭:୩୩ ଡାମ୍ୱେର୍ ଗର୍ରି ଇଚ୍ଚେସି, ଉଡ଼ିଆ ବାଇବଲତାୱା କପାଲସ୍ତଲ ଇଞ୍ଜାନ୍ ୱ୍ରିଗାଆନ୍ନେ । ଇଞ୍ଜାନ୍ ୱେସ୍ପିନ୍ନେରି, ଏଦିମ୍ୱା ଏଚ୍ଚାନାହି, 34ତାଙ୍ଗେ କାପେଲ୍ ଆଡ୍ଡାଚି ଅଙ୍ଗୁରନିରୁ ଉନ୍ବନ୍ ବାଗା ହିତେରି, ମତ୍ର ଏୱାଞ୍ଜି ଏଦା ନାକାନାହି ଉନ୍ବନ୍ତିକି ମନ କିଃଆତେଞ୍ଜି ।
35ଡେଗ୍ଗା ଏୱାରି ତାଙ୍ଗେ କ୍ରୁସତାୱା ଏକ୍ଚ୍ଚାନାହି ତା ଜିରାଙ୍ଗ୍ ହାବେ ଗୁଲ୍ଲିଙ୍ଗ୍ କିଆନାହି ତା ତା ତାୱା ବାଗା କିଆନ୍ ଅତେରି, 36ଆଟେ ଏଦିମ୍ୱା କକ୍ଚ୍ଚାନାହି ତାଙ୍ଗେ କାଚାନ୍ ବାସାଆତେରି । 37ଆଟେ ଏୱାରି ତା ତ୍ଲାଉ କୁଃଏଟି ଇ ଦାବା ଆକୁ ୱ୍ରିଗାନ୍ ଡ଼େଚ୍ଚାହିତେରି, “ଇୱାଞ୍ଜି ଜିହୁଦି ଦାଲ୍ଲାତି ରାଜେଞ୍ଜି ଜିସୁ ।” 38ଏଚିତୁକାତାୱା ଜିସୁତି ତିନ୍ନି ଇନ୍ଦେଟ୍ ରଃଅଞ୍ଜି ଅଟେ ଗିଃଇ ଇନ୍ଦେଟ୍ ରଃଅଞ୍ଜି, ଇହିଙ୍ଗିସି ରିଃଆରି ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏପ୍କାଆତେ ।
39ଆଟେ ଏ ଗିଜ୍ଜୁ ଏସେନ୍ ହାଜ୍ଜିଚ୍ଚି ଦାଲ୍ଲା ତା ତା ତ୍ଲାଉ ଦ୍ଲାକ୍ଚ୍ଚାନାହି ତାଙ୍ଗେ ଅଡ୍ଡାନାହି ୱେସ୍ପନ୍ ମ୍ରାସ୍ତେରି, 40#ମାତି ୨୬:୬୧; ଜହ ୨:୧୯“ଏ ମନ୍ଦିର ଲେପ୍କନ୍ତାତି ଅଟେ ମୁନେସିଆଟି ଏଦା କ୍ଲେହନ୍ତାତି, ନିନୁ ଜଦି ମୁଲାପେନୁତି ମ୍ରିଃଏଞ୍ଜି, ଏହେଙ୍ଗ୍ ଆତେସି ନି ଗାଣ୍ଡି ରକ୍ୟା କିଆନ୍ କ୍ରୁସତାୱାଟି ଜାଚାନ୍ ୱାମୁ ।” 41ଗାମିନ୍ ଜାଜକଙ୍ଗ୍ ୱାଡ଼େ ଏହେଙ୍ଗିସି ସାସ୍ତ୍ରି ଅଟେ ଗାମିନାରି ଡ଼ାହି ଜିସୁନିକି ଗେରୁ କିଅନ୍ ମ୍ରାସ୍ତେରି, 42“ଏୱାଞ୍ଜି ବିହି ଦାଲ୍ଲାନିକି ରକ୍ୟା କିତେଞ୍ଜି, ତା ଗାଣ୍ଡି ରକ୍ୟା କିଅନ୍ ମୁପେହେଃଲ୍ଲେଞ୍ଜି । ଏୱାଞ୍ଜି ଗିଃଆ ଇସ୍ରାଏଲତି ରାଜେଞ୍ଜି, ଏୱାଞ୍ଜି ଏଚିୱାଡ଼େ କ୍ରୁସତାୱାଟି ଜାଚାନ୍ ୱାପାକାଞ୍ଜି, ଏହେଙ୍ଗ୍ ଆତେସି ମାମୁ ତା ପାଟ୍ଟି ମାଞ୍ଜାଡ଼ି କିନାମୁ । 43ଏୱାଞ୍ଜି ମୁଲାପେନୁ କୁଃଏଟି ନାର୍ରା କିଟ୍ଟେନ୍ନେଞ୍ଜି; ଆଟେ ୱାଡ଼େ ନାନୁ ମୁଲାପେନୁତି ମ୍ରିଃଏଞ୍ଜି ଇଞ୍ଜାନ୍ ୱେସାଚ୍ଚେଞ୍ଜି । ଏଦାକି ମୁଲାପେନୁ ଜଦି ଇୱାଞ୍ଜ୍ ପାଟ୍ଟି ରାହାଙ୍ଗ୍ ଆଇନ୍ନେଞ୍ଜି, ଏହେଙ୍ଗ୍ ଆତେସି ହାଦାଡ଼ି ଇୱାଞ୍ଜିକି ରକ୍ୟା କିପାକାଞ୍ଜି ।”
44ଆଟେ ଇମ୍ୱିନ୍ ମ୍ଡାମେଙ୍ଗ୍ନିକି ତା ଡ଼ାହି କ୍ରୁସତାୱା ଏକ୍ଚାଚ୍ଚେରି, ଏୱାର୍ ୱାଡ଼େ ଜିସୁନିକି ଏହେଙ୍ଗିସି ଅଡ୍ଡନ୍ ମ୍ରାସ୍ତେରି ।
ଜିସୁତି ହାଅନ୍
(ମାର୍କ ୧୫:୩୩–୪୧; ଲୁକ ୨୩:୪୪–୪୯; ଜହନ ୧୯:୨୮–୩୦)
45ଡେଗ୍ଗା ବାର୍ଟାତାୱାଟି ମୁ ଗଣ୍ଟା ଟିକ୍ନା ଦେସା ହାବେ ଆନ୍ଦେର୍ ଆତେ ।
46ଆଟେ ବାଇକ୍ ମୁ ଗଣ୍ଟା ତୁକାତାୱା ଜିସୁ ବେର୍ ଉକୁଡ଼ିଆଟି ୱେସ୍ତେଞ୍ଜି, “ଏଲି, ଏଲି, ଲାମା ସାବକତାନି ?” ଇଚ୍ଚେସି ଏ ନା ମୁଲାପେନୁ, ଏ ନା ମୁଲାପେନୁ, ନିନୁ ନାଙ୍ଗେ ଇନ୍ନା କିଅନ୍ ପିହ୍ତାତି ?
47ଇଦା ୱେଞ୍ଜାନ୍ ଏଦିମ୍ୱା ଡିଡ୍ଡାଚି ଦାଲ୍ଲା ତାୱାଟି ତୁଲ୍ଲେତାରି ୱେସ୍ତେରି, “ଇ କୁଏଞ୍ଜି ଏଲିୟନିକି ଆର୍ପିନ୍ନେଞ୍ଜି ।” 48ଆଟେ ଏଚିୱାଡ଼େ ଏୱାର୍ତାୱାଟି ରଃଅଞ୍ଜି ଡେହାନ୍ ହାଜ୍ଜାନ୍ ପାର୍ତି ତାଚ୍ଚାନ୍ ଏଦା କାପେଲ୍ ନିରୁତାୱା ମେସ୍ତେଞ୍ଜି, ଆଟେ ଏଦା ରଣ୍ଡା ଡେଙ୍ଗତାୱା ଗାସାନ୍ ତାଙ୍ଗେ ଉନ୍ବନ୍ ବାଗା ହିତେଞ୍ଜି ।
49ମତ୍ର ବିହି ଦାଲ୍ଲା ୱେସ୍ତେରି, “ହିତେ ପିହା ହିଦୁ, ଏଲିୟ ଇୱାଞ୍ଜିକି ରକ୍ୟା କିଅନ୍ ୱାଇନ୍ନେଞ୍ଜି କି ଆଃଏ, ହୁଡ଼ିନା ।”
50ମତ୍ର ଜିସୁ ରିହିକ୍ ଏଗେଲ୍ ବେର୍ ଉକୁଡ଼୍ କିଆନ୍ ତା ପରନ୍ ପିହ୍ତେଞ୍ଜି । 51ଆଟେ ହୁଡ଼ାଟୁ, ଜିରୁସାଲମ ମନ୍ଦିରତାୱା ଆଙ୍ଗାଚ୍ଚି ପରଦା ୱାନ୍ଦାତାୱାଟି#୨୭:୫୧ ୱାନ୍ଦାତାୱାଟି ଇଚ୍ଚେସି “ଡ଼ିପେଟିଆଟି” ନେତେ ଟିକ୍ନା ଗେଞ୍ଜାନ୍ ରି ପାହେଡ଼୍ ଆତେ, 52ଆଟେ ୱିର୍ରା ତ୍ରେଗିତେ ଅଟେ ୱାଲ୍ଲିଙ୍ଗ୍ ହାବେ ପାହେଡ଼୍କା ଆତୁ, ଆଟେ ଗ୍ରିପାଙ୍ଗୁଟିଙ୍ଗ୍ ହାବେ ଗେର୍ପା ଆତୁ ଅଟେ ହାଚ୍ଚାରି ଏଚ୍ଚେ ପିର୍ନିଗାଟାର୍ ଗାଣ୍ଡିଟି ନିଙ୍ଗିତେରି, 53ଆଟେ ଏୱାର୍ ନିମ୍ୱାନ୍ନିଙ୍ଗିତାୱାଟି ଗ୍ରିପାଙ୍ଗୁଟିଙ୍ଗ୍ ତାୱାଟି ହତେରି ଆଟେ ଏୱାରି ପିର୍ନି ଗାଡ଼ାନାଜୁତାୱା ହଟେରି ଅଟେ ଏଗେଲ୍ ଦାଲ୍ଲା ଏୱାରିକି ହୁଡ଼ିତେରି ।
54ସେଙ୍ଗୁଡ଼ି ସିପେଙ୍ଗ୍ତି ଗାମିନାଞ୍ଜି ଅଟେ ତା ଡ଼ାହି ଏମ୍ୱେନାରି ଜିସୁନିକି ଜଚାଚ୍ଚେରି, ଏୱାରି ୱିର୍ରା ତ୍ରେଗନ୍ତାଦା ହୁଡ଼ାନ୍ ଏଗେଲ୍ ଆଜ୍ଜାନାହି ୱେସ୍ତେରି, ନିଜ୍ଜାନେଃଏ, “ଇୱାଞ୍ଜି ମୁଲାପେନୁତି ମ୍ରିଃଏଞ୍ଜି ମାଚ୍ଚେଞ୍ଜି ।”
55 #
ଲୁକ ୮:୨,୩ ଆଟେ ଏଗେଲ୍ ଆଚାସ୍କା ଏ ଗର୍ରିତାୱା ମାଞ୍ଜାନ୍ ଦେହାଟି ହୁଡ଼େଚ୍ଚୁ; ଏୱା ଜିସୁନିକି ଆଙ୍ଗୁଲ୍ ଆଇ ଆଇ ଗାଲିଲିତାୱାଟି ତା ଡ଼ାହି ୱାଚ୍ଚୁ; 56ଏୱାଡ଼୍ତାୱାଟି ମଗ୍ଦଲିନି ମରିୟମ, ଜାକୁବ ଅଟେ ଜସେପତି ଇୟା ମରିୟମ ଅଟେ ଜେବଦିତି ମ୍ରିକାତି ଇୟା ମାଚ୍ଚେ ।
ଜିସୁତି ଗ୍ରିପାଙ୍ଗୁଟି
(ମାର୍କ ୧୫:୪୨–୪୭; ଲୁକ ୨୩:୫୦–୫୬; ଜହନ ୧୯:୩୮–୪୨)
57ୱେଲା ମେଦ୍ଦେସ୍ ୱାଅନେଃଏ, ଜସେପ ପାରୁଟି ହାରାମାତିଆତି ରଃଅଞ୍ଜି ପାଁନ୍ବାଗାଟି କୁଏଞ୍ଜି ୱାତେଞ୍ଜି, ଏୱାଞ୍ଜି ୱାଡ଼େ ଜିସୁତି ରଃଅଞ୍ଜି ଗ୍ରାମ୍ୱାଗାଟାଞ୍ଜି ମାଚ୍ଚେଞ୍ଜି । 58ଏୱାଞ୍ଜି ପିଲାତତି ଟାକ୍କେ ହାଜ୍ଜାନାହି ଜିସୁତି ହାତି ଗାଣ୍ଡି ୱ୍ରିହ୍ତେଞ୍ଜି । ଏମ୍ବାଟି ପିଲାତ ଏଦା ହିଅନ୍ତିକି ଆଦେସ୍ ହିତେଞ୍ଜି । 59ଜସେପ ଜିସୁତି ହାତିଗାଣ୍ଡି ଅଆନ୍ ଦାରାଗାଟି ପିର୍ରି ହୁକୁଲ୍ ଜିରା ମୁଚ୍ଚି କିଆନ୍, 60ଇମ୍ୱିନ୍ ପୁନି ଗ୍ରିପାଙ୍ଗୁଟି ହରୁତାୱା ଏୱାଞ୍ଜି ତା ବାଗା କାର୍ଚାଚ୍ଚେଞ୍ଜି, ଏଦିମ୍ୱା ଏ ହାତିଗାଣ୍ଡି ଇଟ୍ଟିତେଞ୍ଜି, ଆଟେ ଗ୍ରିପାଙ୍ଗୁଟିତାୱା ରଣ୍ଡା ବେର୍ ୱାଲ୍ଲି ମୁଚ୍ଚି କିଆନ୍ ହାଚ୍ଚେଞ୍ଜି । 61ମଗ୍ଦଲିନି ମରିୟମ ଅଟେ ବିହି ମରିୟମ ଏ ଗର୍ରିତାୱା ୱିଚାଙ୍ଗାଜୁ ନକେସି କକ୍ଚ୍ଚାନ୍ ବାସାଆତୁ ।
ଗ୍ରିପାଙ୍ଗୁଟିତାୱା ଜପନ୍ତାରି
62ଏ ୱେଃଇତ୍ ୱାହୁଜାମ୍ୱାୱାରାତାୱା ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ପିଲାତତି ରେଃଏସ୍ ରପାଟ୍ଟେ ଆନାହି ୱେସ୍ତେରି, 63#ମାତି ୧୬:୨୧; ୧୭:୨୩; ୨୦:୧୯; ମାର୍କ ୮:୩୧; ୯:୩୧; ୧୦:୩୩,୩୪; ଲୁକ ୯:୨୨; ୧୮:୩୧–୩୩“ଆଗ୍ୟାଁ” ମାଙ୍ଗେ ଏଲୁ ୱାଇନେ, ଏ କଲଗାଟାଞ୍ଜି ନିମ୍ୱାନ୍ ମାଚ୍ଚି ତୁକାତାୱା ୱେସାଚ୍ଚେଞ୍ଜି ମୁ ଦିନାଟି ନାନୁ ରିହିକ୍ ନିଙ୍ଗି । 64ଏଦାବାଗା ମୁନେସ୍ ଟିକ୍ନା ୱିଚାଙ୍ଗାଜୁ ନେହେନ୍ ଜପନ୍ ବାଗା ଆଦେସ୍ ହିମୁ, ଏହେଙ୍ଗ୍ ଆତେସି ତା ଗ୍ରାମ୍ୱାଗାଟାରି ୱାନାହି ତାଙ୍ଗେ ମ୍ଡାମି କିଆନାହି ଦାଲ୍ଲାନିକି ୱେସ୍ନେରି, ଏୱାଞ୍ଜି ହାନ୍ନି ଦାଲ୍ଲାତାୱାଟି ନିଙ୍ଗାନ୍ ୱାନ୍ନେଞ୍ଜି; ଏହେଙ୍ଗ୍ ଆତେସି କାହେତି କଲତାୱାଟି ଡେଗ୍ଗାତି କଲ ଗାପ୍ଚି ଡ଼ଃଆନାଦି ଆନେ ।
65ପିଲାତ ଏୱାରିକି ୱେସ୍ତେଞ୍ଜି, ଜପନ୍ତାରି ମାନ୍ନେରି, ମିରୁ ହାଜ୍ଜାନାହି ମି ମୁପନ୍ତି ବଲ ଡେହେଙ୍ଗ୍ ସିଲ୍ କିଆନ୍ ଜଦୁ ।
66ଏମ୍ୱାଟି ଏୱାରି ହାଜ୍ଜାନାହି ଜପନ୍ତି ଦାଲ୍ଲା ଡ଼ାହି ୱିଚାଙ୍ଗାଜୁତାୱା ସିଲ୍ କିଆନ୍ ୱାଲ୍ଲି ମୁଚ୍ଚି କିଆନ୍ ଜତେରି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0