ମାତିଉ 26
26
ଜିସୁ ବିରୁଦିଆଟି କ୍ରଟ୍ପନ୍
(ମାର୍କ ୧୪:୧,୩; ଲୁକ ୨୨:୧,୨; ଜହନ ୧୧:୪୫–୫୩)
1ଏଚ୍ଚିକିଃଆ ଜିସୁ ଇ ହାବେତ୍ ଗ୍ରାପନ୍ ୱିହି କିତେଞ୍ଜି ଏୱାଞ୍ଜି ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, 2“ରିନେସ୍ ପିହାନ୍ ନିସ୍ତାର ରେହାଙ୍ଗ୍ ଆନେ ଇଞ୍ଜାନ୍ ମିରୁ ପୁଞ୍ଜାଞ୍ଜେରି, ଆଟେ କୁଏଞ୍ଜ୍ତି ମ୍ରିଃଏଞ୍ଜି କ୍ରୁସତାୱା ହାଅନ୍ ବାଗାଟି ସର୍ପି ଆନେଞ୍ଜି ।” 3ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାଞ୍ଜି କୟାପା ପାରୁଗାଟି ମୁଲନ୍ ଜାଜକତି ପିଣ୍ଡାତାୱା ରପାଟ୍ଟେ ଆତେରି, 4ଆଟେ ଏୱାରି ଜିସୁନିକି ଆହାନ୍ ପାଗନ୍ ବାଗା ମ୍ଡାମେସ୍ ଜୁଜନା କିତେରି । 5ମତ୍ର ଏୱାରି ୱେସ୍ତେରି, “ରେହାଙ୍ଗ୍ ତୁକାତାୱା ଏହେଙ୍ଗ୍ କିଃଆସୁ ଏହେଙ୍ଗିସି କିତେସି ଦାଲ୍ଲା ହିଲାବାଦେର୍ କିଆନେରି ।”
ବେତନିଆତାୱା ଜିସୁ ବାଗା ରଣ୍ଡି ଆଚାଲୁତି ବେର୍ କାମା
(ମାର୍କ ୧୪:୩–୯; ଜହନ ୧୨:୧–୮)
6ଜିସୁ ବେତନିଆତାୱା ମୁଟ୍ଡାଙ୍ଗ୍ ରଗୁଟି ନେହିଆଚ୍ଚି ସିମନତି ଇଡ୍ଡୁତାୱା ମାଚ୍ଚି ତୁକାତାୱା, 7#ଲୁକ ୭:୩୭,୩୮ରଣ୍ଡି ଆଚାଲୁ ରଣ୍ଡା କାଞ୍ଚତାୱା ଗାପ୍ଚି ଦାରାତି ନେହିଗାନ୍ଦା ନିଜ୍ଜୁ ତାଚ୍ଚାନ୍ ଜିସୁ ରେଃଏସ୍ ୱାତେ, ଏମ୍ୱାଟି ଏୱାଞ୍ଜି ହିମ୍ୱା ଉନ୍ବନ୍ ବାଗା କକ୍ଚ୍ଚାଚି ତୁକାତାୱା ଏୱାଞ୍ଜ୍ତି ତ୍ଲାଉତାୱା ୱାକ୍ତେ । 8ମତ୍ର ଏଦା ହୁଡ଼ାନ୍ ଗ୍ରାମ୍ୱାଗାଟାରି ବିସ୍କି ଆନ୍ ୱେସ୍ତେରି, “ଇନାବାଗା ଏଦି ଇଚେ ନିଜ୍ଜୁ ନାହେଡ୍ କିନ୍ନେ ?” 9“ଇ ନିଜ୍ଜୁ ତ ଗାପ୍ଚି ଦାରାଟିଆଟି ପ୍ରାଚାନାହି ପାଃନାନ୍ଗାଟାରିକି ହିଅନ୍ ମୁପନ୍ ଆନେମା ।” 10ଜିସୁ ଏଦା ପୁଞ୍ଜାନ୍ ଏୱାରକି ୱେସ୍ତେଞ୍ଜି, “ମିରୁ ଇନାକିଅନ୍ ଆଚାଲୁନିକି କସ୍ଟ ହିଞ୍ଜେରି ? ଏଦି ତ ନା ବାଗା ନେହି କାମା କିଆନ୍ନେ । 11ପାଃନାନାରି ତ ହାବେ ୱେଲା ମି ରେଃଏସ୍ ବାସାଆନେରି, ମତ୍ର ନାନୁ ହାବେ ୱେଲା ମି ରେଃଏସ୍ ବାସାଆଃଏନୁ । 12ଆଟେ ଏ ଆଚାଲୁ ନା ଗାଣ୍ଡିତାୱା ନେହିଗାନ୍ଦା ନିଜ୍ଜୁ ୱାକ୍ଚାଞ୍ଜାନେ, ନାଙ୍ଗେ ଗ୍ରିପନ୍ ଡେହେଙ୍ଗ୍ ଏଦି ଇଦା କିଆନ୍ନେ । 13ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ହାବେତ୍ ପୁର୍ତିତି ଇମ୍ୱିନ୍ ଗର୍ରିତାୱା ଇ ସୁସମାଚାର ୱେସ୍ପା ଆନେ, ଏ ଗର୍ରିତାୱା ଇ ଆଚାଲୁନିକି ଏଲୁ କିଅନ୍ ବାଗା ତା ଇ କାମାତି କାତା ୱାଡ଼େ ୱେସ୍ପା ଆନେ ।”
ଜିହୁଦା ଜିସୁନିକି ଆହ୍ପି କିଅନ୍ତିକି ରାଜି ଆଅନି
(ମାର୍କ ୧୪:୧୦,୧୧; ଲୁକ ୨୨:୩–୬)
14ଏଚିତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ଇସ୍କାରିୟତତି ଜିହୁଦା ପାରୁଗାଟି ରଃଅଞ୍ଜି, ଗାମିନ୍ ଜାଜକଙ୍ଗ୍ ରେଃଏସ୍ ହାଜ୍ଜାନ୍ ୱେସ୍ତେଞ୍ଜି, 15“ଜଦି ନାନୁ ତାଙ୍ଗେ ମି କାଜ୍ଜୁତାୱା ସର୍ପି କିଆ ଇଚ୍ଚେସି, ମିରୁ ନାଙ୍ଗେ ଇନ୍ନା ହିଆଦେରି ଇଞ୍ଜାନ୍ ଇଚ୍ଚା କିଞ୍ଜେରି ।” ଏମ୍ୱାଟି ଏୱାରି ଏୱାଞ୍ଜିକି ର କୁଡ଼ି ଦାସାଗଟ୍ଟା ରୁପା ଟାକ୍କାଙ୍ଗ୍ ହିତେରି । 16ଆଟେ ଏଚିୱେଲାତାୱାଟି ଏୱାଞ୍ଜି ଏୱାଞ୍ଜିକି ଆହ୍ପି କିଅନ୍ ବାଗାଟି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ଜିସୁ ଗ୍ରାମ୍ୱାଗାଟାରି ଡ଼ାହି ନିସ୍ତାର ରେହାଙ୍ଗ୍ ପାଲ୍ନି ଆଅନି
(ମାର୍କ ୧୪:୧୨–୨୧; ଲୁକ ୨୨:୭–୧୩,୨୧–୨୩; ଜହନ ୧୩:୨୧–୩୦)
17ଏଚ୍ଚିକିଃଆ କମିର ହେଃଲ୍ଲାନ୍ ରୁଟି ରେହାଙ୍ଗ୍ତି କାହେତ୍ ଦିନାତାୱା ଗ୍ରାମ୍ୱାଗାଟାରି ଜିସୁ ରେଃଏସ୍ ୱାନ୍ ୱେଚ୍ଚେରି, “ମାମୁ ଇମ୍ୱିନ୍ ଗର୍ରିତାୱା ନି ବାଗାଟି ନିସ୍ତାର ରେହାଙ୍ଗ୍ତି ତିନ୍ବା ହାମ୍ୱେର୍ କିନାମୁ ଇଞ୍ଜାନ୍ ନିନୁ ଇଚ୍ଚା କିଞ୍ଜି ?” 18ଜିସୁ ୱେସ୍ତେଞ୍ଜି, “ଗାଡ଼ାନାଜୁଇନ୍ଦା ହାଜ୍ଜାନ୍ ରଃଅଞ୍ଜି କୁଏଞ୍ଜିକି ୱେସ୍ଦୁ, ମା ଗ୍ରାପାଗାଟାଞ୍ଜି ୱେସ୍ପିଞ୍ଜାନେଞ୍ଜି, ନା କାଲା ଟାକ୍କେ ଆତେ, ନାନୁ ନା ଗ୍ରାମ୍ୱାଗାଟାର୍ ଡ଼ାହି ନି ଇଜ୍ଜା ନିସ୍ତାର ରେହାଙ୍ଗ୍ ପାଲ୍ନି ଆଅନ୍ ହାଜ୍ଜିମାଃଇ ।” 19ଏମ୍ୱାଟି ଗ୍ରାମ୍ୱାଗାଟାରିକି ଜିସୁ ଇନିସ୍ ୱେସାଚ୍ଚେଞ୍ଜି, ଏୱାରି ଏହେଙ୍ଗିସି ନିସ୍ତାର ରେହାଙ୍ଗ୍ତି ତିନ୍ବା ହାମ୍ୱେର୍ କିତେରି । 20ଏଚ୍ଚିକିଃଆ ମିଡ୍ଡଡ଼୍ ଆତେ, ଜିସୁ ବାରାଗାଣ୍ଡି ଗ୍ରାମ୍ୱାଗାଟାର୍ ଡ଼ାହି ତିନ୍ବନ୍ତିକି କକ୍ତେଞ୍ଜି । 21ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଏୱାଞ୍ଜି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ମି ତାୱାଟି ରଃଅଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ।” 22ଏମ୍ୱାଟି ଏୱାରି ଏଗେଲ୍ ଦୁଃକ କିଆନ୍ ହାବେତାରି ଏୱାଞ୍ଜିକି ୱେନ୍ବନ୍ ମ୍ରାସ୍ତେରି, “ଦାର୍ମୁ ନିଜ୍ଜାନେଃଏ ଏୱାତାନୁ ଇନ୍ନା ନାନୁ ?” 23ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ଏମ୍ୱେନାଞ୍ଜି ନା ଡ଼ାହି ଗିନ୍ନାତାୱା କାଜ୍ଜୁ ମେସାନ୍ନେଞ୍ଜି, ଏୱାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି । 24କୁଏଞ୍ଜି ମ୍ରିଃଏଞ୍ଜ୍ତି କୁଲାଟି ଇନିସ୍କି ଦର୍ମପୁତିତାୱା ୱ୍ରିଗାଆନ୍ନେ, ଏଚିଲାକ୍କା ଏୱାଞ୍ଜି ସେସ୍ଟା କିନ୍ନେଞ୍ଜି ନିଜ୍ଜା; ମତ୍ର ଇମ୍ୱିନ୍ କୁଏଞ୍ଜ୍ତାୱାଟି କୁଏଞ୍ଜ୍ତି ମ୍ରିଃଏଞ୍ଜି ସତ୍ରୁ କାଜ୍ଜୁତାୱା ସର୍ପି ଆଇନ୍ନେଞ୍ଜି, ଏୱାଞ୍ଜି ଏଗେଲ୍ ଦଣ୍ଡ ପାଁନେଞ୍ଜି; ଆଟେ ଏୱାଞ୍ଜି ପ୍ଲିଆହେଃଲ୍ଲାତେସି ତା ବାଗା ନେହି ଆନେମା ।” 25ଏମ୍ୱାଟି ଇମ୍ୱିନ୍ ଜିହୁଦା ଏୱାଞ୍ଜିକି ସତ୍ରୁଗାଟାର୍ତି କାଜ୍ଜୁତାୱା ଆହ୍ପି କିନେଞ୍ଜି, ଏୱାଞ୍ଜ୍ ୱାଡ଼େ ୱେଚ୍ଚେଞ୍ଜି, “ଏ ଗ୍ରାପାଗାଟାତି, ଏୱାଞ୍ଜ୍ ଇନ୍ନା ନାନୁ ?” ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିନୁ ୱେସାଞ୍ଜାଦି ।”
ଦାର୍ମୁତି ବୁଜି କୁଲାଟି
(ମାର୍କ ୧୪:୨୨–୨୬; ଲୁକ ୨୨:୧୪–୨୦; ୧ କରନ୍ତିୟ ୧୧:୨୩–୨୫)
26ଆଟେ ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଜିସୁ ରୁଟି ଅଆନ୍ ମେଲା କିତେଞ୍ଜି ଅଟେ ଏଦା ପାହେଡ଼୍ କିଆନ୍ ଗ୍ରାମ୍ୱାଗାଟାରିକି ହିଆନ୍ ୱେସ୍ତେଞ୍ଜି, “ଇନ୍ଦାଟୁ, ଇଦା ତିଞ୍ଜୁ, ଇଦି ନା ଗାଣ୍ଡି ।” 27ଆଟେ ଏୱାଞ୍ଜି ଉନ୍ବା ଗିନ୍ନା ଅଆନ୍ ଦନ୍ୟବାଦ ହିତେଞ୍ଜି ଅଟେ ଏୱାରିକି ହିଆନ୍ ୱେସ୍ତେଞ୍ଜି, “ଇମ୍ୱାଟି ହାବେତାତେରି ଉଣ୍ଡୁ, 28ଇନାକି ଇମ୍ୱିନ୍ ଚୁକ୍ତିତି ରାକ୍କା ଏଗେଲ୍ ଦାଲ୍ଲାତି ପାପ ମାକ୍ସାଡ଼ି ବାଗା ବଙ୍ଗାନ୍ନେ, ଇଦି ନା ଏ ରାକ୍କା । 29ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ନାନୁ ନା ଆବାତି ରାଜିତାୱା ମି ଡ଼ାହି ପୁନେସ୍ ଅଙ୍ଗୁରନିରୁ ଉଣ୍ଡାହେଃଲ୍ଲାନ୍ ଟିକ୍ନା ନିଞ୍ଜୁଟିଆଟି ଅଟେ ଅଙ୍ଗୁରନିରୁ ଏଚ୍ଚେକ୍ୱାଡ଼େ ଉଃନ୍ନେନୁ ।” 30ଏମ୍ବାଟି ଏୱାର୍ ଗାଡ଼ିହେରୁ କିଆନ୍ ଜିତ ହରୁଇନ୍ଦା ହଚାନ୍ ହାଚ୍ଚେରି।
ପିତରତି ଅସ୍ପିକାର କୁଲାଟି ଜିସୁତି ପପ୍କନ୍
(ମାର୍କ ୧୪:୩୨–୪୨; ଲୁକ ୨୨:୩୯–୪୬)
31ଏଚିତୁକାତାୱା ଜିସୁ ଏୱାରିକି ୱେସ୍ତେଞ୍ଜି, “ଇ ଡାଡ଼ିଙ୍ଗ୍ ମିରୁ ହାବେ ପିହ୍ତାଦେରି, ଇନାକି ଦର୍ମପୁତିତାୱା ୱ୍ରିଗାଆନ୍ନେ, ‘ନାନୁ ଗାଉଡ଼େଏଞ୍ଜିକି ଚାହିଇ, ଆଟେ ଗୁଟ୍ଟୁତି ମେଁଣ୍ଡାଅଡାଙ୍ଗ୍ ହାବେ ବାରାୱିତି ଆନୁ ।’#ଜିକ ୧୩:୭ 32#ମାତି ୨୮:୧୬ମତ୍ର ନାନୁ ହାନ୍ ନିଙ୍ଗିନାୱାଟି ମି ନକେସି ଗାଲିଲିଇନ୍ଦା ହାଃଇ ।” 33ମତ୍ର ପିତର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଜଦି ହାବେତାରି ନିଙ୍ଗେ ପିହାନ୍ ହାଜ୍ଜାତେସି ୱାଡ଼େ, ନାନୁ ନିଙ୍ଗେ ଏଚ୍ଚେକ୍ୱାଡ଼େ ପିହ୍ତାଦାଃଏନୁ ।” 34ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ଡାଡ଼ିଙ୍ଗ୍ କଜ୍ଜୁ କ୍ଲାଃଆନ୍ କାହେ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” 35ପିତର ଏୱାଞ୍ଜିକି ୱେସ୍ତେଞ୍ଜି, ନାନୁ ନି ଡ଼ାହି ଆଡ୍ଡାନ୍ ହାତେସ୍ ୱାଡ଼େ, ନାନୁ ନିଙ୍ଗେ ଏଚ୍ଚେକ୍ ଅସ୍ପିକାର କିଆଦାଃଏନୁ । ହାବେତ୍ ଗ୍ରାମ୍ୱାଗାଟାରି ୱାଡ଼େ ଏଚିଲାକ୍କାଟି ୱେସ୍ତେରି ।
ଗେତ୍ସିମନିତାୱା ଜିସୁତି ପ୍ରାତ୍ନା
(ମାର୍କ ୧୪:୩୨–୪୨; ଲୁକ ୨୨:୩୯–୪୬)
36ଏମ୍ବାଟି ଜିସୁ ତା ଗ୍ରାମ୍ୱାଗାଟାରି ଡ଼ାହି ଗେତ୍ସିମନି ପାରୁତି ରଣ୍ଡା ଗର୍ରିଇନ୍ଦା ହାଜ୍ଜାନ୍ ଏୱାରିକି ୱେସ୍ତେଞ୍ଜି, “ନାନୁ ଏଦିମ୍ୱା ହାଜ୍ଜାନ୍ ପ୍ରାତ୍ନା କିନି ଟିକ୍ନା ମିରୁ ଇଦିମ୍ୱା କକ୍ଚ୍ଚାଞ୍ଜୁ ।” 37ଆଟେ ଏୱାଞ୍ଜି ପିତର ଅଟେ ଜେବଦିତି ରିଃଆରି ମ୍ରିକାନିକି ରପାଟ୍ଟେ ଅଆନ୍ ଏଗେଲ୍ ଦୁଃକ ଆନ୍ ରାହାପାହା ଆଅନ୍ ମ୍ରାସ୍ତେଞ୍ଜି । 38ଏଚିତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି, “ନା ପରନ୍ ହାଇନ୍ନି ଲାକ୍କାଟି ଗାପ୍ଚି କଲିବିଲି ଆଇନେ, ଏଦାକି ମିରୁ ଇଦିମ୍ୱା ମାଞ୍ଜାନାହି ନା ଡ଼ାହି ହୁଞ୍ଜେଟେଃଏ କାତାଟୁ ।” 39ଆଟେ ଏୱାଞ୍ଜ୍ ହିତେ ଦେହା ହାଜ୍ଜାନ୍ ୱିର୍ରାତାୱା ପାଟ୍ଟିମ୍ଲାଙ୍ଗାନ୍ ପ୍ରାତ୍ନା କି କି ୱେସ୍ତେଞ୍ଜି, “ଏ ନା ଆବା, ଜଦି ଆଅନ୍ ମୁନେ ଇଚ୍ଚେସ୍ ଇ ଉନ୍ବା ଗିନ୍ନା ନା ତାୱାଟି ଦେହା ଆପାକାଦି; ମତ୍ର ନା ଇଚ୍ଚା ଆଃଆକାଦି, ମତ୍ର ନି ଇଚ୍ଚା ଆପାକାଦି ।” 40ଆଟେ ଏୱାଞ୍ଜ୍ ଗ୍ରାମ୍ୱାଗାଟାରି ରେଃଏସ୍ ୱାନ୍ ଏୱାରିକି ହୁଞ୍ଜାଚ୍ଚା ହୁଡ଼ିତେଞ୍ଜି ଅଟେ ପିତରନିକି ୱେସ୍ତେଞ୍ଜି, “ମିରୁ ର ଗଣ୍ଟା ୱାଡ଼େ ହୁଞ୍ଜେଟେଃଏ ନା ଡ଼ାହି ମାନ୍ବନ୍ ମୁଃଆତେରିମା ?” 41“ପରିକ୍ୟାତାୱା ଇନିମିଡି ଦିଃଏରି, ଏଦାବାଗା ଜାଗ୍ରତ ଆନ୍ ପ୍ରାତ୍ନା କିଦୁ; ଡିଙ୍ଗା ଇଚ୍ଚା କିନ୍ନେ ନିଜ୍ଜା, ମତ୍ର ଗାଣ୍ଡି ଦୁର୍ବଲ ।” 42ଆଟେ ୱାଡ଼େ ଏୱାଞ୍ଜ୍ ଆଟେ ରଲି ହାଜ୍ଜାନ୍ ପ୍ରାତ୍ନା କିତେଞ୍ଜି, ଏ ନା ଆବା, ଜଦି ଇ ଦୁଃକତି ଉନ୍ବା ଗିନ୍ନା ନା ତାୱାଟି ଦେହା ଆଅନ୍ ମୁଃଏ ଅଟେ ଇଦା ନାନୁନେଃଏ ଉଃଇ ଏହେଙ୍ଗ୍ ଆତେସି ନି ଇଚ୍ଚା ସପଲ ଆପାକାଦି । 43ଆଟେ ଏୱାଞ୍ଜି ୱାନାହି ରିହିକ୍ ଏୱାରିକି ହୁଞ୍ଜାଚ୍ଚାଆ ହୁଡ଼ିତେଞ୍ଜି, ଇନାକି ଏୱାରି ୱେପ୍କି ଆଇଚ୍ଚେରି । 44ଏମ୍ୱାଟି ଏୱାଞ୍ଜି ଏୱାରିକି ପିହାନ୍ ଆଟେ ୱାଡ଼େ ହାଜ୍ଜାନ୍ ଏ ହାବେତ୍ କୁଲାଟି ୱେସାନ୍ ଆଟେ ରଲି ପ୍ରାତ୍ନା କିତେଞ୍ଜି । 45ଡେଗ୍ଗା ଏୱାଞ୍ଜି ଗ୍ରାମ୍ୱାଗାଟାରି ରେଃଏସ୍ ୱାନ୍ ୱେସ୍ତେଞ୍ଜି, “ମିରୁ ହାଦାଡ଼ି ଟିକ୍ନା ହୁଞ୍ଜାନ୍ ୱାହୁଜାମ୍ବେଞ୍ଜେରି ? ହୁଡ଼ାଟୁ, ଏ ତୁକା ଏଚ୍ଚାଞ୍ଜାନେ, ଆଟେ କୁଏଞ୍ଜ୍ ମ୍ରିଃଏଞ୍ଜି ପାପିଗାଟାର୍ତି କାଜ୍ଜୁତାୱା ସର୍ପି ଆଇନ୍ନେଞ୍ଜି । 46ନିଙ୍ଗାଟୁ, ମାରୁ ହାନ୍ନା, ହୁଡ଼ାଟୁ, ଏମ୍ୱେନାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି, ଏୱାଞ୍ଜି ଟାକ୍କେ ଏତାତେଞ୍ଜି ।”
ଜିସୁନିକି ଆହ୍ପନ୍
(ମାର୍କ ୧୪:୪୩–୫୦; ଲୁକ ୨୨:୪୭–୫୩; ଜହନ ୧୮:୩–୧୨)
47ଜିସୁ ଇ କାତା ୱେସ୍ପିଚ୍ଚି ତୁକାତାୱା, ହୁଡ଼ାଟୁ, ବାରାଗାଣ୍ଡି ଟିଆଟି ଜିହୁଦା ପାରୁଗାଟି ରଃଅଞ୍ଜି ଅଟେ ତା ଡ଼ାହି ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରିଟିଆଟି ପାଣ୍ଡାଚ୍ଚି ଏଗେଲ୍ ଦାଲ୍ଲା କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାତେରି । 48ଆଟେ ଏୱାଞ୍ଜିକି ସତ୍ରୁ କାଜ୍ଜୁତାୱା ସର୍ପି କିଅନ୍ତାଞ୍ଜି ଏୱାରିକି ଇ ରୁକା ହିଆନ୍ ୱେସାଚ୍ଚେଞ୍ଜି, “ନାନୁ ଇନ୍ଦାରିକି ଜୁମ୍ୱିଇ, ଏୱାଞ୍ଜ୍ ଏ କୁଏଞ୍ଜି, ଏୱାଞ୍ଜିକି ଆହ୍ଦେରି ।” 49ଆଟେ ଏୱାଞ୍ଜି ଏଚିୱାଡ଼େ ଜିସୁ ରେଃଏସ୍ ୱାନ୍, ଏ ଗ୍ରାପାଗାଟାତି, ଜୁହାରି, ଇଞ୍ଜାନ୍ ଏୱାଞ୍ଜିକି ଜୁମ୍ୱିତେଞ୍ଜି । 50ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏ ତଡ଼େ ଇନ୍ନା କିଅନ୍ ୱାଞ୍ଜି, ଏଦା କିମୁ ।” ଏମ୍ୱାଟି ଏୱାରି ଟାକ୍କେ ୱାନ୍ ଜିସୁ କୁଃଏଟି କାଜ୍ଜୁ କହାନ୍ ଏୱାଞ୍ଜିକି ଆହ୍ତେରି । 51ଆଟେ ହୁଡ଼ାଟୁ, ଜିସୁ ଡ଼ାହି ମାଚ୍ଚି ଦାଲ୍ଲାତାୱାଟି ରଃଅଞ୍ଜି କଣ୍ଡା ୱେଚାନ୍ ମୁଲନ୍ ଜାଜକତି କାମ୍ବାରେଏଞ୍ଜ୍ତି କ୍ରିଉ ଡ଼ାଙ୍ଗ୍ନା କାତିତେଞ୍ଜି । 52ଏମ୍ୱାଟି ଜିସୁ ପିତରନିକି ୱେସ୍ତେଞ୍ଜି, “ନି କଣ୍ଡା ଇମ୍ୱିନ୍ ଗର୍ରିତାୱାଟି ୱେଚାଚି ଏ ଗର୍ରିତାୱା ଇଟ୍ଟାମୁ, ଇନାକି ଏମ୍ୱେନାରି କଣ୍ଡା ଆହ୍ପିନେରି, ଏ ହାବେତାରି କଣ୍ଡା ଡ଼ାହି ନାହେଡ୍ ଆନେରି । 53ଆତେସ୍ ନିନୁ ଇନ୍ନା ଏଲୁ କିଞ୍ଜି, ନାନୁ ନା ଆବାନିକି ଜିଗନ୍ ମୁଃଏନ୍ମା ଅଟେ ଏୱାଞ୍ଜ୍ ଏଚିୱାଡ଼େ ନା ବାଗାଟି ବାରାଗଟ୍ଟା ବାହିନି#୨୬:୫୩ ବାହିନି ଇଚ୍ଚେସି ହାରା ହଜାର୍ ସିପେଙ୍ଗ୍ତି ଗୁଟ୍ଟୁ ସିପେଙ୍ଗ୍ତାୱାଟି ଏଗେଲ୍ ଦୁତଙ୍ଗ୍ନିକି ପାଣ୍ଡାଦାଃଏଞ୍ଜ୍ମା ? 54ଏହେଙ୍ଗ୍ ଆତେସି ଇହିଙ୍ଗିସି ନିଜ୍ଜାନେଃଏ ଡୁଣ୍ଡେଲ୍ ଆନେ ଇଞ୍ଜାନ୍ ଦର୍ମପୁତିତା ୱ୍ରିଗାନ୍ନି ବାକ୍ୟ ଇନିମିଡି ସପଲ ଆନେ ?” 55#ଲୁକ ୧୯:୪୭; ୨୧:୩୭ଏ ତୁକାତାୱା ଜିସୁ ହାବେ ଦାଲ୍ଲାନିକି ୱେସ୍ତେଞ୍ଜି, “ଟ୍ଡକେଙ୍ଗ୍ନିକି ଆହ୍ପିନ୍ନି ଲାକ୍କାଟି କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ମିରୁ ଇନାବାଗା ନାଙ୍ଗେ ଆହ୍ପନ୍ ୱାତେରି ? ନାନୁ ତ ହାବେ ଦିନା ମନ୍ଦିରତାୱା କକ୍ଚ୍ଚାନ୍ ଗ୍ରାପେଞ୍ଜାତେଃଏ, ମତ୍ର ମିରୁ ନାଙ୍ଗେ ଆହ୍ତାଦାଃଆତେରି, 56ମତ୍ର ବାବବାଦିଙ୍ଗ୍ତି ଦର୍ମପୁତି ଇନିମିଡି ସପଲ ଆନେ ।” ଏଦାବାଗା ଇ ହାବେ ଡୁଣ୍ଡେଲ୍ ଗଟି ଆନ୍ନେ । ଏଚିତୁକାତାୱା ଗ୍ରାମ୍ୱାଗାଟାରି ହାବେ ଏୱାଞ୍ଜିକି ପିହାନ୍ ହାଚ୍ଚେରି ।
ଗାମିନ୍ ସବାତାୱା ଜିସୁତି ବିଚାର
(ମାର୍କ ୧୪:୫୩–୬୫; ଲୁକ ୨୨:୫୪,୬୩–୭୧; ଜହନ ୧୮:୧୩,୧୪,୧୯–୨୪)
57ଡେଗ୍ଗା ଏମ୍ୱେନାରି ଜିସୁନିକି ଆହାଚ୍ଚେରି, ଏୱାରି ଜିସୁନିକି କୟାପା ମୁଲନ୍ ଜାଜକ ରେଃଏସ୍ ଆହାନ୍ ଅତେରି; ଏ ଗର୍ରିତାୱା ସାସ୍ତ୍ରି ଅଟେ ଗାମିନାରି ରପାଟ୍ଟେ ମାଚ୍ଚେରି । 58ମତ୍ର ପିତର ଦେହା ମାଞ୍ଜାନ୍ ମୁଲନ୍ ଜାଜକତି ପିଣ୍ଡା ଟିକ୍ନା ଏୱାର୍ ବେତ ବେତଟ୍ ହାଚ୍ଚେଞ୍ଜି, ଆଟେ ୱିହାନ୍ଦୁକାତାୱା ଇନ୍ନି ଡୁଣ୍ଡେଲ୍ ଆନେ, ଏଦା ହୁଡ଼ନ୍ ବାଗାଟି ଏୱାଞ୍ଜି ଲାଃଇ ହାଜ୍ଜାନ୍ ଜପନ୍ତାରି ଡ଼ାହି କକ୍ଚ୍ଚାନ୍ ବାସାଆତେଞ୍ଜି । 59ଏମ୍ୱାଟି ଗାମିନ୍ ଜାଜକଙ୍ଗ୍ ଅଟେ ଗାମିନ୍ ସବାତାୱା ମାଚ୍ଚି ହାବେତାରି ଜିସୁନିକି ପାଗନ୍ ବାଗାଟି ତା ବିରୁଦିଆଟି କଲ ସାକି ଦାହ୍ପନ୍ ମ୍ରାସ୍ତେରି, 60ଆଟେ ଦାଲ୍ଲା କଲ ସାକି ୱେସ୍ତେସ୍ ୱାଡ଼େ ଏୱାରି ଏୱାଞ୍ଜ୍ତାୱାଟି ଇନ୍ନି ଦୁସ ପାଃନାତେରି । ୱିହାଡେଗ୍ଗା ରିଃଆରି ହଚାନ୍ ୱେସ୍ତେରି, 61#ଜହ ୨:୧୯ଇ କୁଏଞ୍ଜି ଇହିଙ୍ଗିସି ୱେସ୍ପିନ୍ନେଞ୍ଜି, ନାନୁ ମୁଲାପେନୁତି ମନ୍ଦିରତିଦି ଲେକ୍ଚାନ୍ ଏଦା ମୁ ଦିନାଟି କ୍ଲେହନ୍ ମୁଃଇ । 62ଏମ୍ୱାଟି ହାବେତାୱାଟି ମୁଲନ୍ ଜାଜକ ନିଙ୍ଗାନ୍ ଏୱାଞ୍ଜିକି ୱେସ୍ତେଞ୍ଜି, “ନିନୁ ଇନ୍ନା ୱେସ୍ପେହେଃଲ୍ଲାଆ, ଇୱାରି ନି ବିରୁଦଟି ଦୁସି କିଆନ୍ ଇ ଇମ୍ୱିନ୍ କାତା ୱେସ୍ପିଞ୍ଜାନେରି, ଇଦି ଇନ୍ନା ନିଜ୍ଜା?” 63ମତ୍ର ଜିସୁ ଡାମ୍ନା ବାସାଆତେଞ୍ଜି । ଏମ୍ୱାଟି ମୁଲନ୍ ଜାଜକ ଏୱାଞ୍ଜିକି ୱେସ୍ତେଞ୍ଜି, “ନାନୁ ନିଙ୍ଗେ ନିମ୍ବାନ୍ନି ମୁଲାପେନୁତି ପାରୁଟି ହାପ୍ପା କିୱିକିଞ୍ଜା, ମାଙ୍ଗେ ୱେସ୍ତାମୁ, ନିନୁ କି ମୁଲାପେନୁତି ମ୍ରିଃଏଞ୍ଜି କ୍ରିସ୍ଟ ?” 64ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିନୁ ୱେସାଞ୍ଜି; ଆଟେ ନାନୁ ମିଙ୍ଗେ ୱେସ୍ପିଞ୍ଜା, ହାଦାଡ଼ି ତାୱାଟି ମିରୁ କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲ ଡ଼ାହି ତିନ୍ନି ଇନ୍ଦେଟ୍ କକ୍ଚ୍ଚାନାଦା ଅଟେ ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଅନ୍ତାଦା ହୁଡ଼ିଦେରି ।”#ଗାଡ଼େ ୧୧୦:୧ 65ଏମ୍ୱାଟି ମୁଲନ୍ ଜାଜକ ତା ଜିରା ପ୍ରିକ୍ଚାନ୍ ୱେସ୍ତେଞ୍ଜି, “ଇୱାଞ୍ଜି ମୁଲାପେନୁନିକି ଅଡ୍ଡିତେଞ୍ଜି, ଆଟେ ମାଙ୍ଗେ ଇନ୍ନି ସାକି ଦରକାର ? ହୁଡ଼ାଟୁ, ମିରୁ ହାଦାଡ଼ି ମୁଲାପେନୁନିକି ଅଡ୍ଡନ୍ତାଦା ୱେଚ୍ଚେରି, 66ମି ମତ ଇନ୍ନା ?” ଏମ୍ୱାଟି ଏୱାରି ୱ୍ଡେପ୍ଚ୍ଚି ୱେସ୍ତେରି, “ଏୱାଞ୍ଜି ହାଅନ୍ତି ଦଣ୍ଡ ପାଁନ୍ବନ୍ ବାଗା ଜୁଗ୍ୟ ।” 67ଏମ୍ବାଟି ଏୱାରି ଏୱାଞ୍ଜ୍ତି ମ୍ରୁମ୍ୱୁତା ହୁପୁଡ଼ି ହୁପାନାହି ଏୱାଞ୍ଜିକି ମୁଟ୍ଟା ପଜ୍ଜାନ୍ କୁତିତେରି; ଆଟେ ଏମ୍ୱେ ଏମ୍ୱେ ଏୱାଞ୍ଜିକି ଚାପ୍ଡ଼ା ୱେଚାନ୍ ୱେଚ୍ଚେରି, 68ଆଡ଼େ କ୍ରିସ୍ଟ, ନିନୁ ଗିଃଆ ବାବବାଦିତାତି, ମାଙ୍ଗେ ୱେସ୍ତାମୁ, ନିଙ୍ଗେ ଏମ୍ୱେ ୱେତାତେ ?
ପିତର ଜିସୁନିକି ଅସ୍ପିକାର କିଅନ୍
(ମାର୍କ ୧୪:୬୬–୭୨; ଲୁକ ୨୨:୫୬–୬୨; ଜହନ ୧୮:୧୫–୧୮; ଜହନ ୧୮:୨୫–୨୭)
69ଏମ୍ବାଟି ପିତର କାଟ ପିଣ୍ଡାତାୱା କକ୍ଚାଚ୍ଚେଞ୍ଜି, ଆଟେ ରଣ୍ଡି କାମ୍ବାରାଲୁ ଏୱାଞ୍ଜ୍ ରେଃଏସ୍ ୱାନ୍ ୱେସ୍ତେ, “ନିନୁ ୱାଡ଼େ ଗାଲିଲିୟ ଜିସୁ ଡ଼ାହି ମାଚ୍ଚି ।” 70ମତ୍ର ଏୱାଞ୍ଜି ହାବେତାରି ନକେସି ଅସ୍ପିକାର କିଆନ୍ ୱେସ୍ତେଞ୍ଜି, “ନିନୁ ଇନ୍ନା ୱେସ୍ପିଞ୍ଜାଦି, ନାନୁ ଏଦା ପୁଞ୍ଜାହେଃଲ୍ଲାନୁ ।” 71ଏମ୍ବାଟି ଏୱାଞ୍ଜି ପିଣ୍ଡା ଦାରାଇନ୍ଦା ହଚାନ୍ ହାଲ୍ବନେଃଏ ଆଟେ ରଣ୍ଡି କାମ୍ୱାରାଲୁ ତାଙ୍ଗେ ହୁଡ଼ାନ୍ ଏ ଗର୍ରିତାୱା ଦାଲ୍ଲାନିକି ୱେସ୍ତେ, “ଇ କୁଏଞ୍ଜି ତ ନାଜରିତତି ଜିସୁ ଡ଼ାହି ମାଚ୍ଚେଞ୍ଜି ।” 72ଆଟେ ଏୱାଞ୍ଜ୍ ହାପ୍ପା କିଆନ୍ ଆଟେ ରଲି ଅସ୍ପିକାର କିଆନ୍ ୱେସ୍ତେଞ୍ଜି, “ନାନୁ ଏ କୁଏଞ୍ଜିକି ପୁଞ୍ଜାହେଃଲ୍ଲାନୁ ।” 73ହିତେ ମାଞ୍ଜାନାହି ତା ଡ଼ାହି ଡିଡ୍ଡାଚି ଦାଲ୍ଲା ପିତର ରେଃଏସ୍ ୱାନ୍ ଏୱାଞ୍ଜିକି ୱେସ୍ତେରି, ନିନୁ ୱାଡ଼େ ନିଜ୍ଜାନେଃଏ ଏୱାର୍ତାୱାଟି ରଃଅଞ୍ଜି, ଇନାକି ନି କାତାଟି ତ ପୁନ୍ବନ୍ ଆଇନେ । 74ଏମ୍ୱାଟି ଏୱାଞ୍ଜି ତା ଗାଣ୍ଡି ୱ୍ଲିପା ହିଆନ୍ ଦିବ୍ବା କିଆନ୍ ୱେସ୍ପନ୍ ମ୍ରାସ୍ତେଞ୍ଜି, “ନାନୁ ଏ କୁଏଞ୍ଜିକି ପୁଞ୍ଜାହେଃଲ୍ଲାନୁ ।” ଆଟେ ଏଚିୱାଡ଼େ କଜ୍ଜୁ କ୍ଲାତେ । 75ଏମ୍ୱାଟି “କଜ୍ଜୁ କ୍ଲାଃଟେଃଏ, ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” ଇମ୍ୱିନ୍ କାତା ଜିସୁ ପିତରନିକି ୱେସାଚ୍ଚେଞ୍ଜି, ଏ କାତା ପିତରନିକି ଏଲୁ ଦିତେ । ଆଟେ ଏୱାଞ୍ଜି କାଟ ହାଜ୍ଜାନ୍ ଏଗେଲେଃଏ କଲିବିଲି ଆନାହି ଡ଼ିତେଞ୍ଜି ।
Právě zvoleno:
ମାତିଉ 26: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 26
26
ଜିସୁ ବିରୁଦିଆଟି କ୍ରଟ୍ପନ୍
(ମାର୍କ ୧୪:୧,୩; ଲୁକ ୨୨:୧,୨; ଜହନ ୧୧:୪୫–୫୩)
1ଏଚ୍ଚିକିଃଆ ଜିସୁ ଇ ହାବେତ୍ ଗ୍ରାପନ୍ ୱିହି କିତେଞ୍ଜି ଏୱାଞ୍ଜି ତା ଗ୍ରାମ୍ୱାଗାଟାରିକି ୱେସ୍ତେଞ୍ଜି, 2“ରିନେସ୍ ପିହାନ୍ ନିସ୍ତାର ରେହାଙ୍ଗ୍ ଆନେ ଇଞ୍ଜାନ୍ ମିରୁ ପୁଞ୍ଜାଞ୍ଜେରି, ଆଟେ କୁଏଞ୍ଜ୍ତି ମ୍ରିଃଏଞ୍ଜି କ୍ରୁସତାୱା ହାଅନ୍ ବାଗାଟି ସର୍ପି ଆନେଞ୍ଜି ।” 3ଏଚିତୁକାତାୱା ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାଞ୍ଜି କୟାପା ପାରୁଗାଟି ମୁଲନ୍ ଜାଜକତି ପିଣ୍ଡାତାୱା ରପାଟ୍ଟେ ଆତେରି, 4ଆଟେ ଏୱାରି ଜିସୁନିକି ଆହାନ୍ ପାଗନ୍ ବାଗା ମ୍ଡାମେସ୍ ଜୁଜନା କିତେରି । 5ମତ୍ର ଏୱାରି ୱେସ୍ତେରି, “ରେହାଙ୍ଗ୍ ତୁକାତାୱା ଏହେଙ୍ଗ୍ କିଃଆସୁ ଏହେଙ୍ଗିସି କିତେସି ଦାଲ୍ଲା ହିଲାବାଦେର୍ କିଆନେରି ।”
ବେତନିଆତାୱା ଜିସୁ ବାଗା ରଣ୍ଡି ଆଚାଲୁତି ବେର୍ କାମା
(ମାର୍କ ୧୪:୩–୯; ଜହନ ୧୨:୧–୮)
6ଜିସୁ ବେତନିଆତାୱା ମୁଟ୍ଡାଙ୍ଗ୍ ରଗୁଟି ନେହିଆଚ୍ଚି ସିମନତି ଇଡ୍ଡୁତାୱା ମାଚ୍ଚି ତୁକାତାୱା, 7#ଲୁକ ୭:୩୭,୩୮ରଣ୍ଡି ଆଚାଲୁ ରଣ୍ଡା କାଞ୍ଚତାୱା ଗାପ୍ଚି ଦାରାତି ନେହିଗାନ୍ଦା ନିଜ୍ଜୁ ତାଚ୍ଚାନ୍ ଜିସୁ ରେଃଏସ୍ ୱାତେ, ଏମ୍ୱାଟି ଏୱାଞ୍ଜି ହିମ୍ୱା ଉନ୍ବନ୍ ବାଗା କକ୍ଚ୍ଚାଚି ତୁକାତାୱା ଏୱାଞ୍ଜ୍ତି ତ୍ଲାଉତାୱା ୱାକ୍ତେ । 8ମତ୍ର ଏଦା ହୁଡ଼ାନ୍ ଗ୍ରାମ୍ୱାଗାଟାରି ବିସ୍କି ଆନ୍ ୱେସ୍ତେରି, “ଇନାବାଗା ଏଦି ଇଚେ ନିଜ୍ଜୁ ନାହେଡ୍ କିନ୍ନେ ?” 9“ଇ ନିଜ୍ଜୁ ତ ଗାପ୍ଚି ଦାରାଟିଆଟି ପ୍ରାଚାନାହି ପାଃନାନ୍ଗାଟାରିକି ହିଅନ୍ ମୁପନ୍ ଆନେମା ।” 10ଜିସୁ ଏଦା ପୁଞ୍ଜାନ୍ ଏୱାରକି ୱେସ୍ତେଞ୍ଜି, “ମିରୁ ଇନାକିଅନ୍ ଆଚାଲୁନିକି କସ୍ଟ ହିଞ୍ଜେରି ? ଏଦି ତ ନା ବାଗା ନେହି କାମା କିଆନ୍ନେ । 11ପାଃନାନାରି ତ ହାବେ ୱେଲା ମି ରେଃଏସ୍ ବାସାଆନେରି, ମତ୍ର ନାନୁ ହାବେ ୱେଲା ମି ରେଃଏସ୍ ବାସାଆଃଏନୁ । 12ଆଟେ ଏ ଆଚାଲୁ ନା ଗାଣ୍ଡିତାୱା ନେହିଗାନ୍ଦା ନିଜ୍ଜୁ ୱାକ୍ଚାଞ୍ଜାନେ, ନାଙ୍ଗେ ଗ୍ରିପନ୍ ଡେହେଙ୍ଗ୍ ଏଦି ଇଦା କିଆନ୍ନେ । 13ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ହାବେତ୍ ପୁର୍ତିତି ଇମ୍ୱିନ୍ ଗର୍ରିତାୱା ଇ ସୁସମାଚାର ୱେସ୍ପା ଆନେ, ଏ ଗର୍ରିତାୱା ଇ ଆଚାଲୁନିକି ଏଲୁ କିଅନ୍ ବାଗା ତା ଇ କାମାତି କାତା ୱାଡ଼େ ୱେସ୍ପା ଆନେ ।”
ଜିହୁଦା ଜିସୁନିକି ଆହ୍ପି କିଅନ୍ତିକି ରାଜି ଆଅନି
(ମାର୍କ ୧୪:୧୦,୧୧; ଲୁକ ୨୨:୩–୬)
14ଏଚିତୁକାତାୱା ବାରାଗାଣ୍ଡି ଗ୍ରାମ୍ୱାଗାଟାରି ତାୱାଟି ଇସ୍କାରିୟତତି ଜିହୁଦା ପାରୁଗାଟି ରଃଅଞ୍ଜି, ଗାମିନ୍ ଜାଜକଙ୍ଗ୍ ରେଃଏସ୍ ହାଜ୍ଜାନ୍ ୱେସ୍ତେଞ୍ଜି, 15“ଜଦି ନାନୁ ତାଙ୍ଗେ ମି କାଜ୍ଜୁତାୱା ସର୍ପି କିଆ ଇଚ୍ଚେସି, ମିରୁ ନାଙ୍ଗେ ଇନ୍ନା ହିଆଦେରି ଇଞ୍ଜାନ୍ ଇଚ୍ଚା କିଞ୍ଜେରି ।” ଏମ୍ୱାଟି ଏୱାରି ଏୱାଞ୍ଜିକି ର କୁଡ଼ି ଦାସାଗଟ୍ଟା ରୁପା ଟାକ୍କାଙ୍ଗ୍ ହିତେରି । 16ଆଟେ ଏଚିୱେଲାତାୱାଟି ଏୱାଞ୍ଜି ଏୱାଞ୍ଜିକି ଆହ୍ପି କିଅନ୍ ବାଗାଟି ପେଜୁ ଦାହ୍ପନ୍ ମ୍ରାସ୍ତେଞ୍ଜି ।
ଜିସୁ ଗ୍ରାମ୍ୱାଗାଟାରି ଡ଼ାହି ନିସ୍ତାର ରେହାଙ୍ଗ୍ ପାଲ୍ନି ଆଅନି
(ମାର୍କ ୧୪:୧୨–୨୧; ଲୁକ ୨୨:୭–୧୩,୨୧–୨୩; ଜହନ ୧୩:୨୧–୩୦)
17ଏଚ୍ଚିକିଃଆ କମିର ହେଃଲ୍ଲାନ୍ ରୁଟି ରେହାଙ୍ଗ୍ତି କାହେତ୍ ଦିନାତାୱା ଗ୍ରାମ୍ୱାଗାଟାରି ଜିସୁ ରେଃଏସ୍ ୱାନ୍ ୱେଚ୍ଚେରି, “ମାମୁ ଇମ୍ୱିନ୍ ଗର୍ରିତାୱା ନି ବାଗାଟି ନିସ୍ତାର ରେହାଙ୍ଗ୍ତି ତିନ୍ବା ହାମ୍ୱେର୍ କିନାମୁ ଇଞ୍ଜାନ୍ ନିନୁ ଇଚ୍ଚା କିଞ୍ଜି ?” 18ଜିସୁ ୱେସ୍ତେଞ୍ଜି, “ଗାଡ଼ାନାଜୁଇନ୍ଦା ହାଜ୍ଜାନ୍ ରଃଅଞ୍ଜି କୁଏଞ୍ଜିକି ୱେସ୍ଦୁ, ମା ଗ୍ରାପାଗାଟାଞ୍ଜି ୱେସ୍ପିଞ୍ଜାନେଞ୍ଜି, ନା କାଲା ଟାକ୍କେ ଆତେ, ନାନୁ ନା ଗ୍ରାମ୍ୱାଗାଟାର୍ ଡ଼ାହି ନି ଇଜ୍ଜା ନିସ୍ତାର ରେହାଙ୍ଗ୍ ପାଲ୍ନି ଆଅନ୍ ହାଜ୍ଜିମାଃଇ ।” 19ଏମ୍ୱାଟି ଗ୍ରାମ୍ୱାଗାଟାରିକି ଜିସୁ ଇନିସ୍ ୱେସାଚ୍ଚେଞ୍ଜି, ଏୱାରି ଏହେଙ୍ଗିସି ନିସ୍ତାର ରେହାଙ୍ଗ୍ତି ତିନ୍ବା ହାମ୍ୱେର୍ କିତେରି । 20ଏଚ୍ଚିକିଃଆ ମିଡ୍ଡଡ଼୍ ଆତେ, ଜିସୁ ବାରାଗାଣ୍ଡି ଗ୍ରାମ୍ୱାଗାଟାର୍ ଡ଼ାହି ତିନ୍ବନ୍ତିକି କକ୍ତେଞ୍ଜି । 21ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଏୱାଞ୍ଜି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ମି ତାୱାଟି ରଃଅଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି ।” 22ଏମ୍ୱାଟି ଏୱାରି ଏଗେଲ୍ ଦୁଃକ କିଆନ୍ ହାବେତାରି ଏୱାଞ୍ଜିକି ୱେନ୍ବନ୍ ମ୍ରାସ୍ତେରି, “ଦାର୍ମୁ ନିଜ୍ଜାନେଃଏ ଏୱାତାନୁ ଇନ୍ନା ନାନୁ ?” 23ଜିସୁ ୱ୍ଡେପ୍ଚ୍ଚି ୱେସ୍ତେଞ୍ଜି, “ଏମ୍ୱେନାଞ୍ଜି ନା ଡ଼ାହି ଗିନ୍ନାତାୱା କାଜ୍ଜୁ ମେସାନ୍ନେଞ୍ଜି, ଏୱାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି । 24କୁଏଞ୍ଜି ମ୍ରିଃଏଞ୍ଜ୍ତି କୁଲାଟି ଇନିସ୍କି ଦର୍ମପୁତିତାୱା ୱ୍ରିଗାଆନ୍ନେ, ଏଚିଲାକ୍କା ଏୱାଞ୍ଜି ସେସ୍ଟା କିନ୍ନେଞ୍ଜି ନିଜ୍ଜା; ମତ୍ର ଇମ୍ୱିନ୍ କୁଏଞ୍ଜ୍ତାୱାଟି କୁଏଞ୍ଜ୍ତି ମ୍ରିଃଏଞ୍ଜି ସତ୍ରୁ କାଜ୍ଜୁତାୱା ସର୍ପି ଆଇନ୍ନେଞ୍ଜି, ଏୱାଞ୍ଜି ଏଗେଲ୍ ଦଣ୍ଡ ପାଁନେଞ୍ଜି; ଆଟେ ଏୱାଞ୍ଜି ପ୍ଲିଆହେଃଲ୍ଲାତେସି ତା ବାଗା ନେହି ଆନେମା ।” 25ଏମ୍ୱାଟି ଇମ୍ୱିନ୍ ଜିହୁଦା ଏୱାଞ୍ଜିକି ସତ୍ରୁଗାଟାର୍ତି କାଜ୍ଜୁତାୱା ଆହ୍ପି କିନେଞ୍ଜି, ଏୱାଞ୍ଜ୍ ୱାଡ଼େ ୱେଚ୍ଚେଞ୍ଜି, “ଏ ଗ୍ରାପାଗାଟାତି, ଏୱାଞ୍ଜ୍ ଇନ୍ନା ନାନୁ ?” ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିନୁ ୱେସାଞ୍ଜାଦି ।”
ଦାର୍ମୁତି ବୁଜି କୁଲାଟି
(ମାର୍କ ୧୪:୨୨–୨୬; ଲୁକ ୨୨:୧୪–୨୦; ୧ କରନ୍ତିୟ ୧୧:୨୩–୨୫)
26ଆଟେ ଏୱାରି ତିନ୍ବା ଉନ୍ବା କିଚ୍ଚି ତୁକାତାୱା ଜିସୁ ରୁଟି ଅଆନ୍ ମେଲା କିତେଞ୍ଜି ଅଟେ ଏଦା ପାହେଡ଼୍ କିଆନ୍ ଗ୍ରାମ୍ୱାଗାଟାରିକି ହିଆନ୍ ୱେସ୍ତେଞ୍ଜି, “ଇନ୍ଦାଟୁ, ଇଦା ତିଞ୍ଜୁ, ଇଦି ନା ଗାଣ୍ଡି ।” 27ଆଟେ ଏୱାଞ୍ଜି ଉନ୍ବା ଗିନ୍ନା ଅଆନ୍ ଦନ୍ୟବାଦ ହିତେଞ୍ଜି ଅଟେ ଏୱାରିକି ହିଆନ୍ ୱେସ୍ତେଞ୍ଜି, “ଇମ୍ୱାଟି ହାବେତାତେରି ଉଣ୍ଡୁ, 28ଇନାକି ଇମ୍ୱିନ୍ ଚୁକ୍ତିତି ରାକ୍କା ଏଗେଲ୍ ଦାଲ୍ଲାତି ପାପ ମାକ୍ସାଡ଼ି ବାଗା ବଙ୍ଗାନ୍ନେ, ଇଦି ନା ଏ ରାକ୍କା । 29ମତ୍ର ନାନୁ ମିଙ୍ଗେ ୱେସ୍ପିଞ୍ଜା, ନାନୁ ନା ଆବାତି ରାଜିତାୱା ମି ଡ଼ାହି ପୁନେସ୍ ଅଙ୍ଗୁରନିରୁ ଉଣ୍ଡାହେଃଲ୍ଲାନ୍ ଟିକ୍ନା ନିଞ୍ଜୁଟିଆଟି ଅଟେ ଅଙ୍ଗୁରନିରୁ ଏଚ୍ଚେକ୍ୱାଡ଼େ ଉଃନ୍ନେନୁ ।” 30ଏମ୍ବାଟି ଏୱାର୍ ଗାଡ଼ିହେରୁ କିଆନ୍ ଜିତ ହରୁଇନ୍ଦା ହଚାନ୍ ହାଚ୍ଚେରି।
ପିତରତି ଅସ୍ପିକାର କୁଲାଟି ଜିସୁତି ପପ୍କନ୍
(ମାର୍କ ୧୪:୩୨–୪୨; ଲୁକ ୨୨:୩୯–୪୬)
31ଏଚିତୁକାତାୱା ଜିସୁ ଏୱାରିକି ୱେସ୍ତେଞ୍ଜି, “ଇ ଡାଡ଼ିଙ୍ଗ୍ ମିରୁ ହାବେ ପିହ୍ତାଦେରି, ଇନାକି ଦର୍ମପୁତିତାୱା ୱ୍ରିଗାଆନ୍ନେ, ‘ନାନୁ ଗାଉଡ଼େଏଞ୍ଜିକି ଚାହିଇ, ଆଟେ ଗୁଟ୍ଟୁତି ମେଁଣ୍ଡାଅଡାଙ୍ଗ୍ ହାବେ ବାରାୱିତି ଆନୁ ।’#ଜିକ ୧୩:୭ 32#ମାତି ୨୮:୧୬ମତ୍ର ନାନୁ ହାନ୍ ନିଙ୍ଗିନାୱାଟି ମି ନକେସି ଗାଲିଲିଇନ୍ଦା ହାଃଇ ।” 33ମତ୍ର ପିତର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଜଦି ହାବେତାରି ନିଙ୍ଗେ ପିହାନ୍ ହାଜ୍ଜାତେସି ୱାଡ଼େ, ନାନୁ ନିଙ୍ଗେ ଏଚ୍ଚେକ୍ୱାଡ଼େ ପିହ୍ତାଦାଃଏନୁ ।” 34ଜିସୁ ଏୱାଞ୍ଜିକି ୱେସ୍ତେଞ୍ଜି, “ନାନୁ ନିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇ ଡାଡ଼ିଙ୍ଗ୍ କଜ୍ଜୁ କ୍ଲାଃଆନ୍ କାହେ ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” 35ପିତର ଏୱାଞ୍ଜିକି ୱେସ୍ତେଞ୍ଜି, ନାନୁ ନି ଡ଼ାହି ଆଡ୍ଡାନ୍ ହାତେସ୍ ୱାଡ଼େ, ନାନୁ ନିଙ୍ଗେ ଏଚ୍ଚେକ୍ ଅସ୍ପିକାର କିଆଦାଃଏନୁ । ହାବେତ୍ ଗ୍ରାମ୍ୱାଗାଟାରି ୱାଡ଼େ ଏଚିଲାକ୍କାଟି ୱେସ୍ତେରି ।
ଗେତ୍ସିମନିତାୱା ଜିସୁତି ପ୍ରାତ୍ନା
(ମାର୍କ ୧୪:୩୨–୪୨; ଲୁକ ୨୨:୩୯–୪୬)
36ଏମ୍ବାଟି ଜିସୁ ତା ଗ୍ରାମ୍ୱାଗାଟାରି ଡ଼ାହି ଗେତ୍ସିମନି ପାରୁତି ରଣ୍ଡା ଗର୍ରିଇନ୍ଦା ହାଜ୍ଜାନ୍ ଏୱାରିକି ୱେସ୍ତେଞ୍ଜି, “ନାନୁ ଏଦିମ୍ୱା ହାଜ୍ଜାନ୍ ପ୍ରାତ୍ନା କିନି ଟିକ୍ନା ମିରୁ ଇଦିମ୍ୱା କକ୍ଚ୍ଚାଞ୍ଜୁ ।” 37ଆଟେ ଏୱାଞ୍ଜି ପିତର ଅଟେ ଜେବଦିତି ରିଃଆରି ମ୍ରିକାନିକି ରପାଟ୍ଟେ ଅଆନ୍ ଏଗେଲ୍ ଦୁଃକ ଆନ୍ ରାହାପାହା ଆଅନ୍ ମ୍ରାସ୍ତେଞ୍ଜି । 38ଏଚିତୁକାତାୱା ଏୱାଞ୍ଜି ଏୱାରିକି ୱେସ୍ତେଞ୍ଜି, “ନା ପରନ୍ ହାଇନ୍ନି ଲାକ୍କାଟି ଗାପ୍ଚି କଲିବିଲି ଆଇନେ, ଏଦାକି ମିରୁ ଇଦିମ୍ୱା ମାଞ୍ଜାନାହି ନା ଡ଼ାହି ହୁଞ୍ଜେଟେଃଏ କାତାଟୁ ।” 39ଆଟେ ଏୱାଞ୍ଜ୍ ହିତେ ଦେହା ହାଜ୍ଜାନ୍ ୱିର୍ରାତାୱା ପାଟ୍ଟିମ୍ଲାଙ୍ଗାନ୍ ପ୍ରାତ୍ନା କି କି ୱେସ୍ତେଞ୍ଜି, “ଏ ନା ଆବା, ଜଦି ଆଅନ୍ ମୁନେ ଇଚ୍ଚେସ୍ ଇ ଉନ୍ବା ଗିନ୍ନା ନା ତାୱାଟି ଦେହା ଆପାକାଦି; ମତ୍ର ନା ଇଚ୍ଚା ଆଃଆକାଦି, ମତ୍ର ନି ଇଚ୍ଚା ଆପାକାଦି ।” 40ଆଟେ ଏୱାଞ୍ଜ୍ ଗ୍ରାମ୍ୱାଗାଟାରି ରେଃଏସ୍ ୱାନ୍ ଏୱାରିକି ହୁଞ୍ଜାଚ୍ଚା ହୁଡ଼ିତେଞ୍ଜି ଅଟେ ପିତରନିକି ୱେସ୍ତେଞ୍ଜି, “ମିରୁ ର ଗଣ୍ଟା ୱାଡ଼େ ହୁଞ୍ଜେଟେଃଏ ନା ଡ଼ାହି ମାନ୍ବନ୍ ମୁଃଆତେରିମା ?” 41“ପରିକ୍ୟାତାୱା ଇନିମିଡି ଦିଃଏରି, ଏଦାବାଗା ଜାଗ୍ରତ ଆନ୍ ପ୍ରାତ୍ନା କିଦୁ; ଡିଙ୍ଗା ଇଚ୍ଚା କିନ୍ନେ ନିଜ୍ଜା, ମତ୍ର ଗାଣ୍ଡି ଦୁର୍ବଲ ।” 42ଆଟେ ୱାଡ଼େ ଏୱାଞ୍ଜ୍ ଆଟେ ରଲି ହାଜ୍ଜାନ୍ ପ୍ରାତ୍ନା କିତେଞ୍ଜି, ଏ ନା ଆବା, ଜଦି ଇ ଦୁଃକତି ଉନ୍ବା ଗିନ୍ନା ନା ତାୱାଟି ଦେହା ଆଅନ୍ ମୁଃଏ ଅଟେ ଇଦା ନାନୁନେଃଏ ଉଃଇ ଏହେଙ୍ଗ୍ ଆତେସି ନି ଇଚ୍ଚା ସପଲ ଆପାକାଦି । 43ଆଟେ ଏୱାଞ୍ଜି ୱାନାହି ରିହିକ୍ ଏୱାରିକି ହୁଞ୍ଜାଚ୍ଚାଆ ହୁଡ଼ିତେଞ୍ଜି, ଇନାକି ଏୱାରି ୱେପ୍କି ଆଇଚ୍ଚେରି । 44ଏମ୍ୱାଟି ଏୱାଞ୍ଜି ଏୱାରିକି ପିହାନ୍ ଆଟେ ୱାଡ଼େ ହାଜ୍ଜାନ୍ ଏ ହାବେତ୍ କୁଲାଟି ୱେସାନ୍ ଆଟେ ରଲି ପ୍ରାତ୍ନା କିତେଞ୍ଜି । 45ଡେଗ୍ଗା ଏୱାଞ୍ଜି ଗ୍ରାମ୍ୱାଗାଟାରି ରେଃଏସ୍ ୱାନ୍ ୱେସ୍ତେଞ୍ଜି, “ମିରୁ ହାଦାଡ଼ି ଟିକ୍ନା ହୁଞ୍ଜାନ୍ ୱାହୁଜାମ୍ବେଞ୍ଜେରି ? ହୁଡ଼ାଟୁ, ଏ ତୁକା ଏଚ୍ଚାଞ୍ଜାନେ, ଆଟେ କୁଏଞ୍ଜ୍ ମ୍ରିଃଏଞ୍ଜି ପାପିଗାଟାର୍ତି କାଜ୍ଜୁତାୱା ସର୍ପି ଆଇନ୍ନେଞ୍ଜି । 46ନିଙ୍ଗାଟୁ, ମାରୁ ହାନ୍ନା, ହୁଡ଼ାଟୁ, ଏମ୍ୱେନାଞ୍ଜି ନାଙ୍ଗେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି, ଏୱାଞ୍ଜି ଟାକ୍କେ ଏତାତେଞ୍ଜି ।”
ଜିସୁନିକି ଆହ୍ପନ୍
(ମାର୍କ ୧୪:୪୩–୫୦; ଲୁକ ୨୨:୪୭–୫୩; ଜହନ ୧୮:୩–୧୨)
47ଜିସୁ ଇ କାତା ୱେସ୍ପିଚ୍ଚି ତୁକାତାୱା, ହୁଡ଼ାଟୁ, ବାରାଗାଣ୍ଡି ଟିଆଟି ଜିହୁଦା ପାରୁଗାଟି ରଃଅଞ୍ଜି ଅଟେ ତା ଡ଼ାହି ଗାମିନ୍ ଜାଜକଙ୍ଗ୍ ଅଟେ ଦାଲ୍ଲାତି ଗାମିନାରିଟିଆଟି ପାଣ୍ଡାଚ୍ଚି ଏଗେଲ୍ ଦାଲ୍ଲା କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ୱାତେରି । 48ଆଟେ ଏୱାଞ୍ଜିକି ସତ୍ରୁ କାଜ୍ଜୁତାୱା ସର୍ପି କିଅନ୍ତାଞ୍ଜି ଏୱାରିକି ଇ ରୁକା ହିଆନ୍ ୱେସାଚ୍ଚେଞ୍ଜି, “ନାନୁ ଇନ୍ଦାରିକି ଜୁମ୍ୱିଇ, ଏୱାଞ୍ଜ୍ ଏ କୁଏଞ୍ଜି, ଏୱାଞ୍ଜିକି ଆହ୍ଦେରି ।” 49ଆଟେ ଏୱାଞ୍ଜି ଏଚିୱାଡ଼େ ଜିସୁ ରେଃଏସ୍ ୱାନ୍, ଏ ଗ୍ରାପାଗାଟାତି, ଜୁହାରି, ଇଞ୍ଜାନ୍ ଏୱାଞ୍ଜିକି ଜୁମ୍ୱିତେଞ୍ଜି । 50ମତ୍ର ଜିସୁ ଏୱାଞ୍ଜିକି ୱେସ୍ତେଞ୍ଜି, “ଏ ତଡ଼େ ଇନ୍ନା କିଅନ୍ ୱାଞ୍ଜି, ଏଦା କିମୁ ।” ଏମ୍ୱାଟି ଏୱାରି ଟାକ୍କେ ୱାନ୍ ଜିସୁ କୁଃଏଟି କାଜ୍ଜୁ କହାନ୍ ଏୱାଞ୍ଜିକି ଆହ୍ତେରି । 51ଆଟେ ହୁଡ଼ାଟୁ, ଜିସୁ ଡ଼ାହି ମାଚ୍ଚି ଦାଲ୍ଲାତାୱାଟି ରଃଅଞ୍ଜି କଣ୍ଡା ୱେଚାନ୍ ମୁଲନ୍ ଜାଜକତି କାମ୍ବାରେଏଞ୍ଜ୍ତି କ୍ରିଉ ଡ଼ାଙ୍ଗ୍ନା କାତିତେଞ୍ଜି । 52ଏମ୍ୱାଟି ଜିସୁ ପିତରନିକି ୱେସ୍ତେଞ୍ଜି, “ନି କଣ୍ଡା ଇମ୍ୱିନ୍ ଗର୍ରିତାୱାଟି ୱେଚାଚି ଏ ଗର୍ରିତାୱା ଇଟ୍ଟାମୁ, ଇନାକି ଏମ୍ୱେନାରି କଣ୍ଡା ଆହ୍ପିନେରି, ଏ ହାବେତାରି କଣ୍ଡା ଡ଼ାହି ନାହେଡ୍ ଆନେରି । 53ଆତେସ୍ ନିନୁ ଇନ୍ନା ଏଲୁ କିଞ୍ଜି, ନାନୁ ନା ଆବାନିକି ଜିଗନ୍ ମୁଃଏନ୍ମା ଅଟେ ଏୱାଞ୍ଜ୍ ଏଚିୱାଡ଼େ ନା ବାଗାଟି ବାରାଗଟ୍ଟା ବାହିନି#୨୬:୫୩ ବାହିନି ଇଚ୍ଚେସି ହାରା ହଜାର୍ ସିପେଙ୍ଗ୍ତି ଗୁଟ୍ଟୁ ସିପେଙ୍ଗ୍ତାୱାଟି ଏଗେଲ୍ ଦୁତଙ୍ଗ୍ନିକି ପାଣ୍ଡାଦାଃଏଞ୍ଜ୍ମା ? 54ଏହେଙ୍ଗ୍ ଆତେସି ଇହିଙ୍ଗିସି ନିଜ୍ଜାନେଃଏ ଡୁଣ୍ଡେଲ୍ ଆନେ ଇଞ୍ଜାନ୍ ଦର୍ମପୁତିତା ୱ୍ରିଗାନ୍ନି ବାକ୍ୟ ଇନିମିଡି ସପଲ ଆନେ ?” 55#ଲୁକ ୧୯:୪୭; ୨୧:୩୭ଏ ତୁକାତାୱା ଜିସୁ ହାବେ ଦାଲ୍ଲାନିକି ୱେସ୍ତେଞ୍ଜି, “ଟ୍ଡକେଙ୍ଗ୍ନିକି ଆହ୍ପିନ୍ନି ଲାକ୍କାଟି କଣ୍ଡା ଅଟେ ଡେଙ୍ଗଙ୍ଗ୍ ଆହାନ୍ ମିରୁ ଇନାବାଗା ନାଙ୍ଗେ ଆହ୍ପନ୍ ୱାତେରି ? ନାନୁ ତ ହାବେ ଦିନା ମନ୍ଦିରତାୱା କକ୍ଚ୍ଚାନ୍ ଗ୍ରାପେଞ୍ଜାତେଃଏ, ମତ୍ର ମିରୁ ନାଙ୍ଗେ ଆହ୍ତାଦାଃଆତେରି, 56ମତ୍ର ବାବବାଦିଙ୍ଗ୍ତି ଦର୍ମପୁତି ଇନିମିଡି ସପଲ ଆନେ ।” ଏଦାବାଗା ଇ ହାବେ ଡୁଣ୍ଡେଲ୍ ଗଟି ଆନ୍ନେ । ଏଚିତୁକାତାୱା ଗ୍ରାମ୍ୱାଗାଟାରି ହାବେ ଏୱାଞ୍ଜିକି ପିହାନ୍ ହାଚ୍ଚେରି ।
ଗାମିନ୍ ସବାତାୱା ଜିସୁତି ବିଚାର
(ମାର୍କ ୧୪:୫୩–୬୫; ଲୁକ ୨୨:୫୪,୬୩–୭୧; ଜହନ ୧୮:୧୩,୧୪,୧୯–୨୪)
57ଡେଗ୍ଗା ଏମ୍ୱେନାରି ଜିସୁନିକି ଆହାଚ୍ଚେରି, ଏୱାରି ଜିସୁନିକି କୟାପା ମୁଲନ୍ ଜାଜକ ରେଃଏସ୍ ଆହାନ୍ ଅତେରି; ଏ ଗର୍ରିତାୱା ସାସ୍ତ୍ରି ଅଟେ ଗାମିନାରି ରପାଟ୍ଟେ ମାଚ୍ଚେରି । 58ମତ୍ର ପିତର ଦେହା ମାଞ୍ଜାନ୍ ମୁଲନ୍ ଜାଜକତି ପିଣ୍ଡା ଟିକ୍ନା ଏୱାର୍ ବେତ ବେତଟ୍ ହାଚ୍ଚେଞ୍ଜି, ଆଟେ ୱିହାନ୍ଦୁକାତାୱା ଇନ୍ନି ଡୁଣ୍ଡେଲ୍ ଆନେ, ଏଦା ହୁଡ଼ନ୍ ବାଗାଟି ଏୱାଞ୍ଜି ଲାଃଇ ହାଜ୍ଜାନ୍ ଜପନ୍ତାରି ଡ଼ାହି କକ୍ଚ୍ଚାନ୍ ବାସାଆତେଞ୍ଜି । 59ଏମ୍ୱାଟି ଗାମିନ୍ ଜାଜକଙ୍ଗ୍ ଅଟେ ଗାମିନ୍ ସବାତାୱା ମାଚ୍ଚି ହାବେତାରି ଜିସୁନିକି ପାଗନ୍ ବାଗାଟି ତା ବିରୁଦିଆଟି କଲ ସାକି ଦାହ୍ପନ୍ ମ୍ରାସ୍ତେରି, 60ଆଟେ ଦାଲ୍ଲା କଲ ସାକି ୱେସ୍ତେସ୍ ୱାଡ଼େ ଏୱାରି ଏୱାଞ୍ଜ୍ତାୱାଟି ଇନ୍ନି ଦୁସ ପାଃନାତେରି । ୱିହାଡେଗ୍ଗା ରିଃଆରି ହଚାନ୍ ୱେସ୍ତେରି, 61#ଜହ ୨:୧୯ଇ କୁଏଞ୍ଜି ଇହିଙ୍ଗିସି ୱେସ୍ପିନ୍ନେଞ୍ଜି, ନାନୁ ମୁଲାପେନୁତି ମନ୍ଦିରତିଦି ଲେକ୍ଚାନ୍ ଏଦା ମୁ ଦିନାଟି କ୍ଲେହନ୍ ମୁଃଇ । 62ଏମ୍ୱାଟି ହାବେତାୱାଟି ମୁଲନ୍ ଜାଜକ ନିଙ୍ଗାନ୍ ଏୱାଞ୍ଜିକି ୱେସ୍ତେଞ୍ଜି, “ନିନୁ ଇନ୍ନା ୱେସ୍ପେହେଃଲ୍ଲାଆ, ଇୱାରି ନି ବିରୁଦଟି ଦୁସି କିଆନ୍ ଇ ଇମ୍ୱିନ୍ କାତା ୱେସ୍ପିଞ୍ଜାନେରି, ଇଦି ଇନ୍ନା ନିଜ୍ଜା?” 63ମତ୍ର ଜିସୁ ଡାମ୍ନା ବାସାଆତେଞ୍ଜି । ଏମ୍ୱାଟି ମୁଲନ୍ ଜାଜକ ଏୱାଞ୍ଜିକି ୱେସ୍ତେଞ୍ଜି, “ନାନୁ ନିଙ୍ଗେ ନିମ୍ବାନ୍ନି ମୁଲାପେନୁତି ପାରୁଟି ହାପ୍ପା କିୱିକିଞ୍ଜା, ମାଙ୍ଗେ ୱେସ୍ତାମୁ, ନିନୁ କି ମୁଲାପେନୁତି ମ୍ରିଃଏଞ୍ଜି କ୍ରିସ୍ଟ ?” 64ଜିସୁ ଏୱାଞ୍ଜିକି ୱେସ୍ତେଞ୍ଜି, “ନିନୁ ୱେସାଞ୍ଜି; ଆଟେ ନାନୁ ମିଙ୍ଗେ ୱେସ୍ପିଞ୍ଜା, ହାଦାଡ଼ି ତାୱାଟି ମିରୁ କୁଏଞ୍ଜ୍ ମ୍ରିଃଏଞ୍ଜିକି ବେର୍ ବଲ ଡ଼ାହି ତିନ୍ନି ଇନ୍ଦେଟ୍ କକ୍ଚ୍ଚାନାଦା ଅଟେ ଜାଗ୍ଗୁ ମୁଲ୍ଡେଙ୍ଗ୍ତାୱା ୱାଅନ୍ତାଦା ହୁଡ଼ିଦେରି ।”#ଗାଡ଼େ ୧୧୦:୧ 65ଏମ୍ୱାଟି ମୁଲନ୍ ଜାଜକ ତା ଜିରା ପ୍ରିକ୍ଚାନ୍ ୱେସ୍ତେଞ୍ଜି, “ଇୱାଞ୍ଜି ମୁଲାପେନୁନିକି ଅଡ୍ଡିତେଞ୍ଜି, ଆଟେ ମାଙ୍ଗେ ଇନ୍ନି ସାକି ଦରକାର ? ହୁଡ଼ାଟୁ, ମିରୁ ହାଦାଡ଼ି ମୁଲାପେନୁନିକି ଅଡ୍ଡନ୍ତାଦା ୱେଚ୍ଚେରି, 66ମି ମତ ଇନ୍ନା ?” ଏମ୍ୱାଟି ଏୱାରି ୱ୍ଡେପ୍ଚ୍ଚି ୱେସ୍ତେରି, “ଏୱାଞ୍ଜି ହାଅନ୍ତି ଦଣ୍ଡ ପାଁନ୍ବନ୍ ବାଗା ଜୁଗ୍ୟ ।” 67ଏମ୍ବାଟି ଏୱାରି ଏୱାଞ୍ଜ୍ତି ମ୍ରୁମ୍ୱୁତା ହୁପୁଡ଼ି ହୁପାନାହି ଏୱାଞ୍ଜିକି ମୁଟ୍ଟା ପଜ୍ଜାନ୍ କୁତିତେରି; ଆଟେ ଏମ୍ୱେ ଏମ୍ୱେ ଏୱାଞ୍ଜିକି ଚାପ୍ଡ଼ା ୱେଚାନ୍ ୱେଚ୍ଚେରି, 68ଆଡ଼େ କ୍ରିସ୍ଟ, ନିନୁ ଗିଃଆ ବାବବାଦିତାତି, ମାଙ୍ଗେ ୱେସ୍ତାମୁ, ନିଙ୍ଗେ ଏମ୍ୱେ ୱେତାତେ ?
ପିତର ଜିସୁନିକି ଅସ୍ପିକାର କିଅନ୍
(ମାର୍କ ୧୪:୬୬–୭୨; ଲୁକ ୨୨:୫୬–୬୨; ଜହନ ୧୮:୧୫–୧୮; ଜହନ ୧୮:୨୫–୨୭)
69ଏମ୍ବାଟି ପିତର କାଟ ପିଣ୍ଡାତାୱା କକ୍ଚାଚ୍ଚେଞ୍ଜି, ଆଟେ ରଣ୍ଡି କାମ୍ବାରାଲୁ ଏୱାଞ୍ଜ୍ ରେଃଏସ୍ ୱାନ୍ ୱେସ୍ତେ, “ନିନୁ ୱାଡ଼େ ଗାଲିଲିୟ ଜିସୁ ଡ଼ାହି ମାଚ୍ଚି ।” 70ମତ୍ର ଏୱାଞ୍ଜି ହାବେତାରି ନକେସି ଅସ୍ପିକାର କିଆନ୍ ୱେସ୍ତେଞ୍ଜି, “ନିନୁ ଇନ୍ନା ୱେସ୍ପିଞ୍ଜାଦି, ନାନୁ ଏଦା ପୁଞ୍ଜାହେଃଲ୍ଲାନୁ ।” 71ଏମ୍ବାଟି ଏୱାଞ୍ଜି ପିଣ୍ଡା ଦାରାଇନ୍ଦା ହଚାନ୍ ହାଲ୍ବନେଃଏ ଆଟେ ରଣ୍ଡି କାମ୍ୱାରାଲୁ ତାଙ୍ଗେ ହୁଡ଼ାନ୍ ଏ ଗର୍ରିତାୱା ଦାଲ୍ଲାନିକି ୱେସ୍ତେ, “ଇ କୁଏଞ୍ଜି ତ ନାଜରିତତି ଜିସୁ ଡ଼ାହି ମାଚ୍ଚେଞ୍ଜି ।” 72ଆଟେ ଏୱାଞ୍ଜ୍ ହାପ୍ପା କିଆନ୍ ଆଟେ ରଲି ଅସ୍ପିକାର କିଆନ୍ ୱେସ୍ତେଞ୍ଜି, “ନାନୁ ଏ କୁଏଞ୍ଜିକି ପୁଞ୍ଜାହେଃଲ୍ଲାନୁ ।” 73ହିତେ ମାଞ୍ଜାନାହି ତା ଡ଼ାହି ଡିଡ୍ଡାଚି ଦାଲ୍ଲା ପିତର ରେଃଏସ୍ ୱାନ୍ ଏୱାଞ୍ଜିକି ୱେସ୍ତେରି, ନିନୁ ୱାଡ଼େ ନିଜ୍ଜାନେଃଏ ଏୱାର୍ତାୱାଟି ରଃଅଞ୍ଜି, ଇନାକି ନି କାତାଟି ତ ପୁନ୍ବନ୍ ଆଇନେ । 74ଏମ୍ୱାଟି ଏୱାଞ୍ଜି ତା ଗାଣ୍ଡି ୱ୍ଲିପା ହିଆନ୍ ଦିବ୍ବା କିଆନ୍ ୱେସ୍ପନ୍ ମ୍ରାସ୍ତେଞ୍ଜି, “ନାନୁ ଏ କୁଏଞ୍ଜିକି ପୁଞ୍ଜାହେଃଲ୍ଲାନୁ ।” ଆଟେ ଏଚିୱାଡ଼େ କଜ୍ଜୁ କ୍ଲାତେ । 75ଏମ୍ୱାଟି “କଜ୍ଜୁ କ୍ଲାଃଟେଃଏ, ନିନୁ ନାଙ୍ଗେ ମୁଅଲି ଅସ୍ପିକାର କିଆଦି ।” ଇମ୍ୱିନ୍ କାତା ଜିସୁ ପିତରନିକି ୱେସାଚ୍ଚେଞ୍ଜି, ଏ କାତା ପିତରନିକି ଏଲୁ ଦିତେ । ଆଟେ ଏୱାଞ୍ଜି କାଟ ହାଜ୍ଜାନ୍ ଏଗେଲେଃଏ କଲିବିଲି ଆନାହି ଡ଼ିତେଞ୍ଜି ।
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0