ମାତିଉ 25
25
ଦାସାଗଟ୍ଟା ଲାଃଉସ୍କାତି ତୁକାଙ୍ଗାତା
1 #
ଲୁକ ୧୨:୩୫
ଏଚିତୁକାତାୱା ସର୍ଗ ରାଜି ଦାସାଗଟ୍ଟା ଲାଃଉସ୍କା ଲାକ୍କା ଆନେ; ଏୱା ତା ତା ଡୁବ୍ବିଙ୍ଗ୍ ଆହାନ୍ ବିବା ଲାୱେଞ୍ଜିକି ପୁଁଣ୍ଡନ୍ତିକି ହତୁ । 2ଏ ଲାଃଉସ୍କା ତାୱାଟି ସେଙ୍ଗି ବୁଦ୍ଦି ହେଃଲ୍ଲାନାଃଆ ଅଟେ ସେଙ୍ଗି ବୁଦ୍ଦିଗାଟା ମାଚ୍ଚୁ । 3ଏଚ୍ଚିକିଃଆ ବୁଦ୍ଦି ହେଃଲ୍ଲାନ୍ ଲାଃଉସ୍କା ଡୁବ୍ବିଙ୍ଗ୍ ଅତୁ ଏୱା ଅଟେ ଆଙ୍ଗେ ନିଜ୍ଜୁ ଆହାହେଃଲ୍ଲାତୁ, 4ମତ୍ର ବୁଦ୍ଦିଗାଟି ଲାଃଉସ୍କା ଡୁବ୍ବିଙ୍ଗ୍ ଡ଼ାହି ଆଙ୍ଗେ କାଞ୍ଚତାୱା ହାର୍କି ନିଜ୍ଜୁ ଆହାଚ୍ଚୁ । 5ବିବା ଲାୱେଞ୍ଜି ୱାଅନ୍ ଜୁକୁଡ଼୍ ଆଅନେଃଏ, ଏୱା ୱେପ୍କି ଆଇ ଆଇ ହୁଞ୍ଜିତୁ, 6ଏଚିତୁକାତାୱା ଡାଡ଼ିଙ୍ଗ୍ ତୁଲେକିଃଆ ରଃଅଞ୍ଜି ଗଜେଲ୍ ଆନ୍ ୱେସ୍ତେଞ୍ଜି, ବିବା ଲାୱେଞ୍ଜି ୱାଇନ୍ନେଞ୍ଜି, ଏୱାଞ୍ଜିକି ବେଟ୍ଟା ଆଅନ୍ କାଟ ହାଜ୍ଜୁ । 7ଏମ୍ବାଟି ଏ ଲାଃଉସ୍କା ହାବେ ନିଙ୍ଗାନ୍ ତା ତା ଡୁବ୍ବିଙ୍ଗ୍ ରହ୍ତୁ । 8ମତ୍ର ବୁଦ୍ଦି ହେଃଲ୍ଲାନାଃଆ ବୁଦ୍ଦିଗାଟାଡ଼ିକି ୱେସ୍ତୁ, ମି ନିଜ୍ଜୁ ମାଙ୍ଗେ ହିତେ ହିଆଟୁ, ଇନାକି ମା ଡୁବ୍ବିଙ୍ଗ୍ ହାବେ ଡୁମ୍ୱନ୍ତିକି ହାଜ୍ଜିନ୍ନୁ । 9ମତ୍ର ବୁଦ୍ଦିଗାଟା ୱ୍ଡେପ୍ଚ୍ଚି ୱେସ୍ତୁ, ବାଃଏ, ମି ବାଗା ଅଟେ ମା ବାଗା ଇ ନିଜ୍ଜୁ ପାଡ଼ି ଆଃଏ, ଏଦାକି ଦୁକାନ୍ଇନ୍ଦା ହାଜ୍ଜାନ୍ ମିରୁ ମି ବାଗା ନିଜ୍ଜୁ କଡ୍ଡାନ୍ ତାଚ୍ଚିୱାଦୁ । 10ମତ୍ର ଏୱା କଡ୍ଡନ୍ ବାଗାଟି ହାଜ୍ଜିଚ୍ଚି ତୁକାତାୱା ବିବା ଲାୱେଞ୍ଜି ୱାତେଞ୍ଜି, ଆଟେ ଏମ୍ୱେନାଃଆ ହାମ୍ୱେର୍ ଆନ୍ ମାଚ୍ଚୁ, ଏୱା ତା ଡ଼ାହି ବିବା ବୁଜିତାୱା ଆଡ୍ଡନ୍ ବାଗାଟି ଇଡ୍ଡୁ ଲାଃଇ ହଟୁ, ଏମ୍ବାଟି ଦାରା ଟୁଣ୍ଡାଆତେ । 11#ଲୁକ ୧୩:୨୫“ଏମ୍ୱାଟି ଏ ବୁଦ୍ଦି ହେଃଲ୍ଲାନ୍ ଲାଃଉସ୍କା ୱାଡ଼େ ୱାନ୍, ଏ ଦାର୍ମୁ, ଏ ଦାର୍ମୁ, ମା ବାଗାଟି ଦାରା ଗେର୍ତାମୁ ଇଞ୍ଜାନ୍ ୱେସ୍ତୁ ।” 12ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନାନୁ ମିଙ୍ଗେ ପୁଞ୍ଜାହେଲ୍ଲାଦାଃଏନୁ ।” 13ଏଦାକି, ହାମ୍ୱେର୍ ଆନ୍ ମାଞ୍ଜୁ, ଇନାକି ଏ ଦିନା କି ଏ ତୁକା ମିରୁ ପୁଞ୍ଜାହେଃଲ୍ଲେରି ।
ମୁ ଗାଣ୍ଡି କାମ୍ବାରାଙ୍ଗାତି ତୁକାଙ୍ଗାତା
(ଲୁକ ୧୯:୧୧–୨୭)
14 #
ଲୁକ ୧୯:୧୧–୨୭
ଆଟେ ୱାଡ଼େ ସର୍ଗ ରାଜି ଆଇନେ ଇହିଙ୍ଗିସି, ରନେସି ରଃଅଞ୍ଜି କୁଏଞ୍ଜି ବିହି ଦେସାଇନ୍ଦା ହାଃଇ ଇଞ୍ଜାନ୍ ତା କାମ୍ବାରାଙ୍ଗାନିକି ଆର୍ଚାନ୍ ଏୱାରିକି ତା ହାବେ ଦନ ସର୍ପି କିତେଞ୍ଜି । 15ଏୱାଞ୍ଜି ରଃଅଞ୍ଜିକି ସେଙ୍ଗା ରୁପା ଟାକ୍କାଙ୍ଗ୍#୨୫:୧୫ ଇଦିମ୍ୱା ଗ୍ରିକ୍ କାତାଟି ତାଲେନ୍ତ ମାନ୍ନେ ର ତାଲେନ୍ତ ଇଚ୍ଚେସି କଡ଼େ ଅଁଣ୍ଡୁତି କୁଲି ଟାକ୍କାଙ୍ଗ୍ ଆଟେ ରଃଅଞ୍ଜିକି ରିଣ୍ଡା ରୁପା ଟାକ୍କାଙ୍ଗ୍, ଆଟେ ରଃଅଞ୍ଜିକି ରଣ୍ଡା ରୁପା ଟାକ୍କା, ଇହିଙ୍ଗିସି ହାବେତାରିନିକି ତା ବଲ ଡେହେଙ୍ଗ୍ ଟାକ୍କାଙ୍ଗ୍ ହିଆନ୍ ଦେସାଇନ୍ଦା ହାଚ୍ଚେଞ୍ଜି । 16ଏମ୍ୱେନାଞ୍ଜି ସେଙ୍ଗା ରୁପା ଟାକ୍କାଙ୍ଗ୍, ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ଏଚିୱାଡ଼େ ଏୱା ଅଆନ୍ ବେପାର୍ କିଆନ୍ ଆଟେ ସେଙ୍ଗା ରୁପା ଟାକ୍କାଙ୍ଗ୍ ଲାବା କିତେଞ୍ଜି । 17ଏଚିଲାକ୍କାଟି ଏମ୍ୱେନାଞ୍ଜି ରିଣ୍ଡା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜି ୱାଡ଼େ ଏୱା ଅଆନ୍ ବେପାର୍ କିଆନ୍ ଆଟେ ରିଣ୍ଡା ରୁପା ଟାକ୍କାଙ୍ଗ୍ ଲାବା କିତେଞ୍ଜି । 18ମତ୍ର ଏମ୍ୱେନାଞ୍ଜି ରଣ୍ଡା ରୁପା ଟାକ୍କା ପାଁଣ୍ଡାଚ୍ଚେଞ୍ଜି, ଏୱାଞ୍ଜି ତା ସକାରତି ଟାକ୍କା ୱିର୍ରା କାର୍ଚାନ୍ ଏ ଲାଃଇ ମୁସାନ୍ ଆଡ଼୍ଚ୍ଚାନ୍ ଇଟ୍ଟିତେଞ୍ଜି ।
19ଏହେଙ୍ଗିସି ଗାପ୍ଚି ଅଁଣ୍ଡୁ ଆତି ଡେଗ୍ଗା ଏ କାମ୍ବାରାଙ୍ଗାତି ସକାର ୱ୍ଡେଚାନ୍ ୱାନ୍ ଏୱାରିକି ହିସାବ ୱ୍ରିହ୍ତେଞ୍ଜି । 20ଆଟେ ଏମ୍ୱେନାଞ୍ଜି ସେଙ୍ଗା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜି ଆଟେ ସେଙ୍ଗା ରୁପା ଟାକ୍କାଙ୍ଗ୍ ଆହାନ୍ ୱାନ୍ ୱେସ୍ତେଞ୍ଜି, ଏ ସକାର, ନିନୁ ନାଙ୍ଗେ ସେଙ୍ଗା ରୁପା ଟାକ୍କାଙ୍ଗ୍ ହିଆଞ୍ଜାତି; ହୁଡ଼ାମୁ, ହାଦାଡ଼ି ନାନୁ ଆଟେ ସେଙ୍ଗା ରୁପା ଟାକ୍କାଙ୍ଗ୍ ଲାବା କିଆମାଃଇ । 21ତା ସକାର ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା ଅଟେ ବିସ୍ୱସ୍ତଗାଟି କାମ୍ବାରେଏଞ୍ଜାତି, ନିନୁ ହିତେ କୁଲାଟି ମାଞ୍ଜାଡ଼ି କିତି, ଏଦାକି ନାନୁ ନିଙ୍ଗେ ଏଗେଲ୍ କୁଲା କୁଃଏଟି ଦାଇତ ହିଆ, ଆଟେ ୱାମୁ ନିନୁ ନା ରାହାଙ୍ଗ୍ତାୱା ଆଡ୍ଡାଦାମୁ ।
22ଆଟେ ଏମ୍ୱେନାଞ୍ଜି ରିଣ୍ଡା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ୱାଡ଼େ ୱାନ୍ ୱେସ୍ତେଞ୍ଜି, ଏ ସକାର ନିନୁ ନାଙ୍ଗେ ରିଣ୍ଡା ରୁପା ଟାକ୍କାଙ୍ଗ୍ ହିଆଞ୍ଜାତି; ହୁଡ଼ାମୁ, ହାଦାଡ଼ି ନାନୁ ଆଟେ ରିଣ୍ଡା ରୁପା ଟାକ୍କାଙ୍ଗ୍ ଲାବା କିଆମାଃଇ । 23ତା ସକାର ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା ଅଟେ ବିସ୍ୱସ୍ତଗାଟି କାମ୍ବାରେଏଞ୍ଜାତି, ନିନୁ ହିତେ କୁଲାଟି ମାଞ୍ଜାଡ଼ି କିତି, ଏଦାକି ନାନୁ ନିଙ୍ଗେ ଏଗେଲ୍ କୁଲା କୁଃଏଟି ଦାଇତ ହିଆ, ୱାମୁ ନିନୁ ନା ରାହାଙ୍ଗ୍ତାୱା ଆଡ୍ଡାଦାମୁ ।
24ଆଟେ ଏମ୍ୱେନାଞ୍ଜି ରଣ୍ଡା ରୁପା ଟାକ୍କା ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ୱାଡ଼େ ୱାନ୍ ୱେସ୍ତେଞ୍ଜି, ଏ ସକାର, ନିନୁ ରଃଅଞ୍ଜି ଆଣ୍ଟ କୁଏଞ୍ଜ୍ତାତି, ଇମ୍ୱିନାୱା ମାଟ୍ଟାହେଃଲ୍ଲା, ଏଦିମ୍ୱା ରେଗ୍ଗେଞ୍ଜି, ଆଟେ ଇମ୍ୱିନାୱା ୱେହା ୱ୍ଲିଉ କିଆହେଃଲ୍ଲା, ଏଦିମ୍ୱା ଉହି କିଞ୍ଜି ଇଞ୍ଜାନ୍ ନାନୁ ପୁଞ୍ଜାଚ୍ଚେ । 25ଏଦାକି ଆଜ୍ଜାନାହି ନାନୁ ହାଜ୍ଜାନ୍ ନି ରଣ୍ଡା ରୁପା ଟାକ୍କା ୱିର୍ରାତାୱା ମୁସାନ୍ ଆଡ଼୍ଚ୍ଚାନ୍ ଇଟ୍ଟାଚ୍ଚେଏ; ଇଦା ହୁଡ଼ାମୁ, ନିନୁ ଇନ୍ନା ହିଆଞ୍ଜାତି ଏଦା ଅମୁ ।
26ମତ୍ର ତା ସକାର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ଏ ଡ଼ଃଆନାତି ଅଟେ ହିଡେସ୍ଗାଟି କାମ୍ବାରେଏଞ୍ଜାତି, ନାନୁ ଇମ୍ୱିନାୱା ମାଟ୍ଟାହେଃଲ୍ଲେନୁ, ଏଦିମ୍ୱା ରେଗ୍ଗେମାଃଇ, ଆଟେ ଇମ୍ୱିନାୱା ୱେହା ୱ୍ଲିଉ କିଏହେଃଲ୍ଲେନୁ, ଏଦିମ୍ୱା ଉହି କିମାଃଇ ଇଞ୍ଜାନ୍ ଇନ୍ନା ପୁଞ୍ଜାଚ୍ଚି ? 27ଇଦାବାଗା ଜଦି ନିନୁ ଟାକ୍କାଙ୍ଗ୍ ବେପାର୍ଗାଟାରିକି ହିଆଞ୍ଜିମା ଇଚ୍ଚେସି, ନାନୁ ୱାନ୍ ୱାଡ୍ଡି#୨୫:୨୭ ୱାଡ୍ଡି ଇଚ୍ଚେସି “କଲନ୍ତର” ଡ଼ାହି ନା ମୁଲ ଦନ ପାଃଇମା । 28ଏଦାକି ଇୱାଞ୍ଜ୍ତାୱାଟି ଇ ରଣ୍ଡା ରୁପା ଟାକ୍କା ଅଆନ୍ ଇନ୍ଦାର୍ ପାଟ୍ଟି ଦାସାଗଟ୍ଟା ରୁପା ଟାକ୍କା ମାନ୍ନୁ, ଏୱାଞ୍ଜିକି ହିଦୁ । 29#ମାତି ୧୩:୧୨; ମାର୍କ ୪:୨୫; ଲୁକ ୮:୧୮ଇନାକି ଇନ୍ଦାରିକି ମାନ୍ନୁ ଏୱାରିକି ହିଅନ୍ ଆନେ, ଆଟେ ଏୱାରି ଗାପ୍ଚି ପାଁନେରି; ମତ୍ର ଇନ୍ଦାରିକି ହେଃଲ୍ଲ, ତା ରେଃଏସ୍ ଇନ୍ନା ମାନ୍ନୁ, ଏୱା ୱାଡ଼େ ଏୱାର୍ତାୱାଟି ଅନ୍ ଆନେ । 30#ମାତି ୮:୧୨; ୨୨:୧୩; ଲୁକ ୧୩:୨୮ଆଟେ ମିରୁ ଇ ଅଜୁଗ୍ୟ କାମ୍ବାରେଏଞ୍ଜିକି କାଟ କାଲକ୍ତାୱା ତୁହ୍ଦୁ, ଇମ୍ୱିନାୱାକି ଏୱାଞ୍ଜି ପାଟ୍କା ମ୍ରେଡିମ୍ରେଡି ଡ଼ିନେଞ୍ଜି ।
ୱିହାନ୍ଦୁକାତି ବିଚାର
31 #
ମାତି ୧୬:୨୭;
ମାତି ୧୯:୨୮
ଏଚ୍ଚିକିଃଆ କୁଏଞ୍ଜ୍ ମ୍ରିଃଏଞ୍ଜି ହାବେତ୍ ଦୁତଙ୍ଗ୍ ଡ଼ାହି ତା ମହିମାଟି ରିହିକ୍ ୱାନେଞ୍ଜି, ଏଚିତୁକାତାୱା ଏୱାଞ୍ଜି ତା ମହିମାତି ଗାଦି କୁଃଏଟ୍ କକ୍ନେଞ୍ଜି । 32ଆଟେ ତା ନକେସି ହାବେତ୍ ଜାତିତି ଦାଲ୍ଲା ରପାଟ୍ଟେ ଆନେରି, ଆଟେ ଗାଉଡ଼େଏଞ୍ଜି ଇନିମିଡି ଅଡାଙ୍ଗ୍ ତାୱାଟି ମେଁଣ୍ଡାଅଡାଙ୍ଗ୍ ଆଙ୍ଗେ କିନେଞ୍ଜି, ଏଚିଲାକ୍କା ଏୱାଞ୍ଜି ଏୱାରିକି ରଃଅଞ୍ଜି ତାୱାଟି ଆଟେ ରଃଅଞ୍ଜିକି ରେପ୍ନ୍ନେଞ୍ଜି, 33ଆଟେ ମେଁଣ୍ଡାଅଡାଙ୍ଗ୍ତିଦି ତା ତିନ୍ନି ଇନ୍ଦେଟ୍ ଅଟେ ଅଡାଙ୍ଗ୍ତିଦି ଗିଃଇ ଇନ୍ଦେଟ୍ ଇଟ୍ଟିନେଞ୍ଜି । 34ଏମ୍ବାଟି ରାଜେଞ୍ଜି ତା ତିନ୍ନି ଇନ୍ଦେଟ୍ତି ଦାଲ୍ଲାନିକି ୱେସ୍ନେଞ୍ଜି, ୱାଦୁ ନା ଆବାତି ମେଲା ପାଁନ୍ବନ୍ତାତେରି, ମି ବାଗାଟି ଇ ପୁର୍ତି ପ୍ଲିଅନ୍ତି କାହେତାୱାଟି ଇମ୍ୱିନ୍ ରାଜି ହାମ୍ୱେର୍ କିୱାଆନ୍ନେ, ଏ ରାଜି ହକତ୍ କିଦୁ; 35ଇନାକି ନାନୁ ହାକ୍କିଟି ମାଚ୍ଚେ, ମିରୁ ନାଙ୍ଗେ ତିନ୍ବନ୍ ବାଗାଟି ହିଆତେରି, ନାନୁ ଏସ୍କିଟି ମାଚ୍ଚେଏ, ନାଙ୍ଗେ ଉନ୍ବନ୍ ବାଗାଟି ଏଜୁ ହିଆତେରି; ନାନୁ ବିହି ଦେସାତାନୁ ମାଚ୍ଚେଏ, ମତ୍ର ମିରୁ ନାଙ୍ଗେ ଗ୍ରହନ କିଆତେରି, 36ନଙ୍ଗ୍ଲା ଆନ୍ ମାଚ୍ଚେଏ, ନାଙ୍ଗେ ଅଙ୍ଗିଙ୍ଗ୍ ମେଦ୍ଦି କିଆତେରି; ରଗୁ ଆନ୍ ମାଚ୍ଚେଏ, ନାଙ୍ଗେ ଆଙ୍ଗୁଲ୍ ଆଦାତେରି; ବନ୍ଦିତାୱା ମାଚ୍ଚେଏ, ମିରୁ ନାଙ୍ଗେ ହୁଡ଼ନ୍ ୱାତେରି ।
37ଏମ୍ୱାଟି ଦାର୍ମିକଗାଟାରି ଏୱାଞ୍ଜିକି ୱ୍ଡେଚିୱେସ୍ତେରି, ଏ ଦାର୍ମୁ, ଏଚ୍ଚେକ୍ ମାମୁ ନିଙ୍ଗେ ହାକ୍କିଟ୍ ମାନ୍ନାଦାଃଆ ହୁଡ଼ାନ୍ ତିନ୍ବନ୍ ହିଆତାମୁ ? ଆଟେ ଏସ୍କିଟି ମାନ୍ନାଦାଃଆ ହୁଡ଼ାନ୍ ଉନ୍ବନ୍ ବାଗାଟି ହିଆତାମୁ ? 38ଆଟେ ଏଚ୍ଚେକ୍ ନିନୁ ବିହି ଦେସାତାତି ଆନ୍ ମାଚ୍ଚାଦାଃଆ ହୁଡ଼ାନ୍ ମାମୁ ନିଙ୍ଗେ ଗ୍ରହନ କିଆତାମୁ ? ଆଟେ ଏଚ୍ଚେକ୍ ନିନୁ ନଙ୍ଗ୍ଲା ଆନ୍ ମାଚ୍ଚି ଜେ ନିଙ୍ଗେ ହୁଡ଼ାନ୍ ଜିରାଙ୍ଗ୍ ମେଦ୍ଦି କିଆତାମୁ ? 39ଆଟେ ଏଚ୍ଚେକ୍ ନିଙ୍ଗେ ରଗୁତାୱା ମାଚ୍ଚାୱିଃଆ ହୁଡ଼ିଦାତାମୁ ଅଟେ ବନ୍ଦି ଇଡ୍ଡୁତାୱା ମାନ୍ନାଦାଃଆ ପୁଞ୍ଜାନ୍ ନିଙ୍ଗେ ହୁଡ଼ନ୍ ୱାଚ୍ଚାମୁ ? 40ଏମ୍ବା ରାଜେଞ୍ଜି ଏୱାରିକି ୱ୍ଡେପ୍ଚ୍ଚି ୱେସ୍ନେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ମିରୁ ନା ଇ ଆମ୍ୱେସ୍ ଅଟେ ଆଙ୍ଗିସ୍କା ଟିଆଟି ରଃଅଞ୍ଜି ପାଟ୍ଟି ଇଦା କିଆନ୍ନି ବାଗାଟି ନା ପାଟ୍ଟି ୱାଡ଼େ ଏଦା କିଆଞ୍ଜାଦେରି । 41ଏମ୍ୱାଟି ଏୱାଞ୍ଜି ଗିଃଇ ଇନ୍ଦେଟ୍ତି ଦାଲ୍ଲାନିକି ୱାଡ଼େ ୱେସ୍ନେଞ୍ଜି, ଏ ୱ୍ଲିପା ପାଁଣ୍ଡାନ୍ନାତାତେରି, ନା ନକେସିଆଟି ଦେହା ଆନାହି ସଇତାନ ଅଟେ ତା ଦୁତଙ୍ଗ୍ ବାଗାଟି ହାମ୍ୱେର୍ ଆନ୍ନି ଟାକ୍କିଡ଼ହ୍ନାତି ନାଡ଼ିକୁଟ୍ଟିଇନ୍ଦା ହାଜ୍ଜୁ । 42ଇନାକି ଏଚ୍ଚିକିଃଆ ନାନୁ ହାକ୍କିଟ୍ ମାଚ୍ଚେଏ, ମିରୁ ନାଙ୍ଗେ ତିନ୍ବନ୍ ବାଗାଟି ଇନ୍ନା ହିଆଦାଃଆତେରି; ଏସ୍କିଟି ମାଚ୍ଚେଏ, ନାଙ୍ଗେ ଉନ୍ବନ୍ ବାଗାଟି ଇନ୍ନା ହିଆଦାଃଆତେରି; 43ନାନୁ ବିହି ଦେସାତାନୁ ମାଚ୍ଚେଏ, ମତ୍ର ନାଙ୍ଗେ ମିରୁ ଗ୍ରହନ କିଆଦାଃଆତେରି; ନାନୁ ନଙ୍ଗ୍ଲା ଆନ୍ ମାଚ୍ଚେଏ, ନାଙ୍ଗେ ଜିରାଙ୍ଗ୍ ମେଦ୍ଦି କିଆଦାଃଆତେରି; ରଗୁ ଆନ୍ ଅଟେ ବନ୍ଦି ଇଡ୍ଡୁତାୱା ମାଚ୍ଚେ, ନାଙ୍ଗେ ହୁଡ଼ନ୍ ୱାଃଆତେରି ।”
44ଏମ୍ୱାଟି ଏୱାରି ୱାଡ଼େ ୱ୍ଡେପ୍ଚ୍ଚି ୱେସ୍ନେରି, ଏ ଦାର୍ମୁ, ଏଚ୍ଚେକ୍ ମାମୁ ନିଙ୍ଗେ ହାକ୍କିଟି କି ଏସ୍କିଟି ହୁଡ଼ାଦାତାମୁ, କି ବିହି ଦେସାତାତି, ନଙ୍ଗ୍ଲା ଆନ୍ ମାଚ୍ଚାଦାଃଆ ଅଟେ ରଗୁତାୱା କି ବନ୍ଦିତାୱା ମାଚ୍ଚାଦାଃଆ ହୁଡ଼ାନ୍ ନିଙ୍ଗେ ଆଙ୍ଗୁଲ୍ କିଆଦାଃଆତାମୁ ?
45ଏମ୍ୱାଟି ଏୱାଞ୍ଜ୍ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନା ଇ ଆମ୍ୱେସ୍ ଅଟେ ଆଙ୍ଗିସ୍କା ଟିଆଟି ରଃଅଞ୍ଜି ପାଟ୍ଟି ଇଦା କିଆହେଃଲ୍ଲାନ୍ ବାଗାଟି ନା ପାଟ୍ଟି ୱାଡ଼େ ଏଦା କିଆହେଲ୍ଲାଦାଃଏରି । 46“ଆଟେ ଏୱାରି ଟାକ୍କିଡ଼ହ୍ନାତି ଦଣ୍ଡ ପାଁନ୍ବନ୍ ବାଗା ହାନ୍ନେରି, ମତ୍ର ଦାର୍ମିକଗାଟାରି ଟାକ୍କିଡ଼ହ୍ନାତି ପରନ୍ ପାଁନେରି ।”
Právě zvoleno:
ମାତିଉ 25: DWK
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0
ମାତିଉ 25
25
ଦାସାଗଟ୍ଟା ଲାଃଉସ୍କାତି ତୁକାଙ୍ଗାତା
1 #
ଲୁକ ୧୨:୩୫
ଏଚିତୁକାତାୱା ସର୍ଗ ରାଜି ଦାସାଗଟ୍ଟା ଲାଃଉସ୍କା ଲାକ୍କା ଆନେ; ଏୱା ତା ତା ଡୁବ୍ବିଙ୍ଗ୍ ଆହାନ୍ ବିବା ଲାୱେଞ୍ଜିକି ପୁଁଣ୍ଡନ୍ତିକି ହତୁ । 2ଏ ଲାଃଉସ୍କା ତାୱାଟି ସେଙ୍ଗି ବୁଦ୍ଦି ହେଃଲ୍ଲାନାଃଆ ଅଟେ ସେଙ୍ଗି ବୁଦ୍ଦିଗାଟା ମାଚ୍ଚୁ । 3ଏଚ୍ଚିକିଃଆ ବୁଦ୍ଦି ହେଃଲ୍ଲାନ୍ ଲାଃଉସ୍କା ଡୁବ୍ବିଙ୍ଗ୍ ଅତୁ ଏୱା ଅଟେ ଆଙ୍ଗେ ନିଜ୍ଜୁ ଆହାହେଃଲ୍ଲାତୁ, 4ମତ୍ର ବୁଦ୍ଦିଗାଟି ଲାଃଉସ୍କା ଡୁବ୍ବିଙ୍ଗ୍ ଡ଼ାହି ଆଙ୍ଗେ କାଞ୍ଚତାୱା ହାର୍କି ନିଜ୍ଜୁ ଆହାଚ୍ଚୁ । 5ବିବା ଲାୱେଞ୍ଜି ୱାଅନ୍ ଜୁକୁଡ଼୍ ଆଅନେଃଏ, ଏୱା ୱେପ୍କି ଆଇ ଆଇ ହୁଞ୍ଜିତୁ, 6ଏଚିତୁକାତାୱା ଡାଡ଼ିଙ୍ଗ୍ ତୁଲେକିଃଆ ରଃଅଞ୍ଜି ଗଜେଲ୍ ଆନ୍ ୱେସ୍ତେଞ୍ଜି, ବିବା ଲାୱେଞ୍ଜି ୱାଇନ୍ନେଞ୍ଜି, ଏୱାଞ୍ଜିକି ବେଟ୍ଟା ଆଅନ୍ କାଟ ହାଜ୍ଜୁ । 7ଏମ୍ବାଟି ଏ ଲାଃଉସ୍କା ହାବେ ନିଙ୍ଗାନ୍ ତା ତା ଡୁବ୍ବିଙ୍ଗ୍ ରହ୍ତୁ । 8ମତ୍ର ବୁଦ୍ଦି ହେଃଲ୍ଲାନାଃଆ ବୁଦ୍ଦିଗାଟାଡ଼ିକି ୱେସ୍ତୁ, ମି ନିଜ୍ଜୁ ମାଙ୍ଗେ ହିତେ ହିଆଟୁ, ଇନାକି ମା ଡୁବ୍ବିଙ୍ଗ୍ ହାବେ ଡୁମ୍ୱନ୍ତିକି ହାଜ୍ଜିନ୍ନୁ । 9ମତ୍ର ବୁଦ୍ଦିଗାଟା ୱ୍ଡେପ୍ଚ୍ଚି ୱେସ୍ତୁ, ବାଃଏ, ମି ବାଗା ଅଟେ ମା ବାଗା ଇ ନିଜ୍ଜୁ ପାଡ଼ି ଆଃଏ, ଏଦାକି ଦୁକାନ୍ଇନ୍ଦା ହାଜ୍ଜାନ୍ ମିରୁ ମି ବାଗା ନିଜ୍ଜୁ କଡ୍ଡାନ୍ ତାଚ୍ଚିୱାଦୁ । 10ମତ୍ର ଏୱା କଡ୍ଡନ୍ ବାଗାଟି ହାଜ୍ଜିଚ୍ଚି ତୁକାତାୱା ବିବା ଲାୱେଞ୍ଜି ୱାତେଞ୍ଜି, ଆଟେ ଏମ୍ୱେନାଃଆ ହାମ୍ୱେର୍ ଆନ୍ ମାଚ୍ଚୁ, ଏୱା ତା ଡ଼ାହି ବିବା ବୁଜିତାୱା ଆଡ୍ଡନ୍ ବାଗାଟି ଇଡ୍ଡୁ ଲାଃଇ ହଟୁ, ଏମ୍ବାଟି ଦାରା ଟୁଣ୍ଡାଆତେ । 11#ଲୁକ ୧୩:୨୫“ଏମ୍ୱାଟି ଏ ବୁଦ୍ଦି ହେଃଲ୍ଲାନ୍ ଲାଃଉସ୍କା ୱାଡ଼େ ୱାନ୍, ଏ ଦାର୍ମୁ, ଏ ଦାର୍ମୁ, ମା ବାଗାଟି ଦାରା ଗେର୍ତାମୁ ଇଞ୍ଜାନ୍ ୱେସ୍ତୁ ।” 12ମତ୍ର ଏୱାଞ୍ଜି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନାନୁ ମିଙ୍ଗେ ପୁଞ୍ଜାହେଲ୍ଲାଦାଃଏନୁ ।” 13ଏଦାକି, ହାମ୍ୱେର୍ ଆନ୍ ମାଞ୍ଜୁ, ଇନାକି ଏ ଦିନା କି ଏ ତୁକା ମିରୁ ପୁଞ୍ଜାହେଃଲ୍ଲେରି ।
ମୁ ଗାଣ୍ଡି କାମ୍ବାରାଙ୍ଗାତି ତୁକାଙ୍ଗାତା
(ଲୁକ ୧୯:୧୧–୨୭)
14 #
ଲୁକ ୧୯:୧୧–୨୭
ଆଟେ ୱାଡ଼େ ସର୍ଗ ରାଜି ଆଇନେ ଇହିଙ୍ଗିସି, ରନେସି ରଃଅଞ୍ଜି କୁଏଞ୍ଜି ବିହି ଦେସାଇନ୍ଦା ହାଃଇ ଇଞ୍ଜାନ୍ ତା କାମ୍ବାରାଙ୍ଗାନିକି ଆର୍ଚାନ୍ ଏୱାରିକି ତା ହାବେ ଦନ ସର୍ପି କିତେଞ୍ଜି । 15ଏୱାଞ୍ଜି ରଃଅଞ୍ଜିକି ସେଙ୍ଗା ରୁପା ଟାକ୍କାଙ୍ଗ୍#୨୫:୧୫ ଇଦିମ୍ୱା ଗ୍ରିକ୍ କାତାଟି ତାଲେନ୍ତ ମାନ୍ନେ ର ତାଲେନ୍ତ ଇଚ୍ଚେସି କଡ଼େ ଅଁଣ୍ଡୁତି କୁଲି ଟାକ୍କାଙ୍ଗ୍ ଆଟେ ରଃଅଞ୍ଜିକି ରିଣ୍ଡା ରୁପା ଟାକ୍କାଙ୍ଗ୍, ଆଟେ ରଃଅଞ୍ଜିକି ରଣ୍ଡା ରୁପା ଟାକ୍କା, ଇହିଙ୍ଗିସି ହାବେତାରିନିକି ତା ବଲ ଡେହେଙ୍ଗ୍ ଟାକ୍କାଙ୍ଗ୍ ହିଆନ୍ ଦେସାଇନ୍ଦା ହାଚ୍ଚେଞ୍ଜି । 16ଏମ୍ୱେନାଞ୍ଜି ସେଙ୍ଗା ରୁପା ଟାକ୍କାଙ୍ଗ୍, ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ଏଚିୱାଡ଼େ ଏୱା ଅଆନ୍ ବେପାର୍ କିଆନ୍ ଆଟେ ସେଙ୍ଗା ରୁପା ଟାକ୍କାଙ୍ଗ୍ ଲାବା କିତେଞ୍ଜି । 17ଏଚିଲାକ୍କାଟି ଏମ୍ୱେନାଞ୍ଜି ରିଣ୍ଡା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜି ୱାଡ଼େ ଏୱା ଅଆନ୍ ବେପାର୍ କିଆନ୍ ଆଟେ ରିଣ୍ଡା ରୁପା ଟାକ୍କାଙ୍ଗ୍ ଲାବା କିତେଞ୍ଜି । 18ମତ୍ର ଏମ୍ୱେନାଞ୍ଜି ରଣ୍ଡା ରୁପା ଟାକ୍କା ପାଁଣ୍ଡାଚ୍ଚେଞ୍ଜି, ଏୱାଞ୍ଜି ତା ସକାରତି ଟାକ୍କା ୱିର୍ରା କାର୍ଚାନ୍ ଏ ଲାଃଇ ମୁସାନ୍ ଆଡ଼୍ଚ୍ଚାନ୍ ଇଟ୍ଟିତେଞ୍ଜି ।
19ଏହେଙ୍ଗିସି ଗାପ୍ଚି ଅଁଣ୍ଡୁ ଆତି ଡେଗ୍ଗା ଏ କାମ୍ବାରାଙ୍ଗାତି ସକାର ୱ୍ଡେଚାନ୍ ୱାନ୍ ଏୱାରିକି ହିସାବ ୱ୍ରିହ୍ତେଞ୍ଜି । 20ଆଟେ ଏମ୍ୱେନାଞ୍ଜି ସେଙ୍ଗା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜି ଆଟେ ସେଙ୍ଗା ରୁପା ଟାକ୍କାଙ୍ଗ୍ ଆହାନ୍ ୱାନ୍ ୱେସ୍ତେଞ୍ଜି, ଏ ସକାର, ନିନୁ ନାଙ୍ଗେ ସେଙ୍ଗା ରୁପା ଟାକ୍କାଙ୍ଗ୍ ହିଆଞ୍ଜାତି; ହୁଡ଼ାମୁ, ହାଦାଡ଼ି ନାନୁ ଆଟେ ସେଙ୍ଗା ରୁପା ଟାକ୍କାଙ୍ଗ୍ ଲାବା କିଆମାଃଇ । 21ତା ସକାର ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା ଅଟେ ବିସ୍ୱସ୍ତଗାଟି କାମ୍ବାରେଏଞ୍ଜାତି, ନିନୁ ହିତେ କୁଲାଟି ମାଞ୍ଜାଡ଼ି କିତି, ଏଦାକି ନାନୁ ନିଙ୍ଗେ ଏଗେଲ୍ କୁଲା କୁଃଏଟି ଦାଇତ ହିଆ, ଆଟେ ୱାମୁ ନିନୁ ନା ରାହାଙ୍ଗ୍ତାୱା ଆଡ୍ଡାଦାମୁ ।
22ଆଟେ ଏମ୍ୱେନାଞ୍ଜି ରିଣ୍ଡା ରୁପା ଟାକ୍କାଙ୍ଗ୍ ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ୱାଡ଼େ ୱାନ୍ ୱେସ୍ତେଞ୍ଜି, ଏ ସକାର ନିନୁ ନାଙ୍ଗେ ରିଣ୍ଡା ରୁପା ଟାକ୍କାଙ୍ଗ୍ ହିଆଞ୍ଜାତି; ହୁଡ଼ାମୁ, ହାଦାଡ଼ି ନାନୁ ଆଟେ ରିଣ୍ଡା ରୁପା ଟାକ୍କାଙ୍ଗ୍ ଲାବା କିଆମାଃଇ । 23ତା ସକାର ଏୱାଞ୍ଜିକି ୱେସ୍ତେଞ୍ଜି, ବଡ଼ିଆ, ନିନୁ ନିଗ୍ଗା ଅଟେ ବିସ୍ୱସ୍ତଗାଟି କାମ୍ବାରେଏଞ୍ଜାତି, ନିନୁ ହିତେ କୁଲାଟି ମାଞ୍ଜାଡ଼ି କିତି, ଏଦାକି ନାନୁ ନିଙ୍ଗେ ଏଗେଲ୍ କୁଲା କୁଃଏଟି ଦାଇତ ହିଆ, ୱାମୁ ନିନୁ ନା ରାହାଙ୍ଗ୍ତାୱା ଆଡ୍ଡାଦାମୁ ।
24ଆଟେ ଏମ୍ୱେନାଞ୍ଜି ରଣ୍ଡା ରୁପା ଟାକ୍କା ପାଁଣ୍ଡାଚ୍ଚେଞ୍ଜି, ଏୱାଞ୍ଜ୍ ୱାଡ଼େ ୱାନ୍ ୱେସ୍ତେଞ୍ଜି, ଏ ସକାର, ନିନୁ ରଃଅଞ୍ଜି ଆଣ୍ଟ କୁଏଞ୍ଜ୍ତାତି, ଇମ୍ୱିନାୱା ମାଟ୍ଟାହେଃଲ୍ଲା, ଏଦିମ୍ୱା ରେଗ୍ଗେଞ୍ଜି, ଆଟେ ଇମ୍ୱିନାୱା ୱେହା ୱ୍ଲିଉ କିଆହେଃଲ୍ଲା, ଏଦିମ୍ୱା ଉହି କିଞ୍ଜି ଇଞ୍ଜାନ୍ ନାନୁ ପୁଞ୍ଜାଚ୍ଚେ । 25ଏଦାକି ଆଜ୍ଜାନାହି ନାନୁ ହାଜ୍ଜାନ୍ ନି ରଣ୍ଡା ରୁପା ଟାକ୍କା ୱିର୍ରାତାୱା ମୁସାନ୍ ଆଡ଼୍ଚ୍ଚାନ୍ ଇଟ୍ଟାଚ୍ଚେଏ; ଇଦା ହୁଡ଼ାମୁ, ନିନୁ ଇନ୍ନା ହିଆଞ୍ଜାତି ଏଦା ଅମୁ ।
26ମତ୍ର ତା ସକାର ଏୱାଞ୍ଜିକି ୱ୍ଡେପ୍ଚ୍ଚି ୱେସ୍ତେଞ୍ଜି, ଏ ଡ଼ଃଆନାତି ଅଟେ ହିଡେସ୍ଗାଟି କାମ୍ବାରେଏଞ୍ଜାତି, ନାନୁ ଇମ୍ୱିନାୱା ମାଟ୍ଟାହେଃଲ୍ଲେନୁ, ଏଦିମ୍ୱା ରେଗ୍ଗେମାଃଇ, ଆଟେ ଇମ୍ୱିନାୱା ୱେହା ୱ୍ଲିଉ କିଏହେଃଲ୍ଲେନୁ, ଏଦିମ୍ୱା ଉହି କିମାଃଇ ଇଞ୍ଜାନ୍ ଇନ୍ନା ପୁଞ୍ଜାଚ୍ଚି ? 27ଇଦାବାଗା ଜଦି ନିନୁ ଟାକ୍କାଙ୍ଗ୍ ବେପାର୍ଗାଟାରିକି ହିଆଞ୍ଜିମା ଇଚ୍ଚେସି, ନାନୁ ୱାନ୍ ୱାଡ୍ଡି#୨୫:୨୭ ୱାଡ୍ଡି ଇଚ୍ଚେସି “କଲନ୍ତର” ଡ଼ାହି ନା ମୁଲ ଦନ ପାଃଇମା । 28ଏଦାକି ଇୱାଞ୍ଜ୍ତାୱାଟି ଇ ରଣ୍ଡା ରୁପା ଟାକ୍କା ଅଆନ୍ ଇନ୍ଦାର୍ ପାଟ୍ଟି ଦାସାଗଟ୍ଟା ରୁପା ଟାକ୍କା ମାନ୍ନୁ, ଏୱାଞ୍ଜିକି ହିଦୁ । 29#ମାତି ୧୩:୧୨; ମାର୍କ ୪:୨୫; ଲୁକ ୮:୧୮ଇନାକି ଇନ୍ଦାରିକି ମାନ୍ନୁ ଏୱାରିକି ହିଅନ୍ ଆନେ, ଆଟେ ଏୱାରି ଗାପ୍ଚି ପାଁନେରି; ମତ୍ର ଇନ୍ଦାରିକି ହେଃଲ୍ଲ, ତା ରେଃଏସ୍ ଇନ୍ନା ମାନ୍ନୁ, ଏୱା ୱାଡ଼େ ଏୱାର୍ତାୱାଟି ଅନ୍ ଆନେ । 30#ମାତି ୮:୧୨; ୨୨:୧୩; ଲୁକ ୧୩:୨୮ଆଟେ ମିରୁ ଇ ଅଜୁଗ୍ୟ କାମ୍ବାରେଏଞ୍ଜିକି କାଟ କାଲକ୍ତାୱା ତୁହ୍ଦୁ, ଇମ୍ୱିନାୱାକି ଏୱାଞ୍ଜି ପାଟ୍କା ମ୍ରେଡିମ୍ରେଡି ଡ଼ିନେଞ୍ଜି ।
ୱିହାନ୍ଦୁକାତି ବିଚାର
31 #
ମାତି ୧୬:୨୭;
ମାତି ୧୯:୨୮
ଏଚ୍ଚିକିଃଆ କୁଏଞ୍ଜ୍ ମ୍ରିଃଏଞ୍ଜି ହାବେତ୍ ଦୁତଙ୍ଗ୍ ଡ଼ାହି ତା ମହିମାଟି ରିହିକ୍ ୱାନେଞ୍ଜି, ଏଚିତୁକାତାୱା ଏୱାଞ୍ଜି ତା ମହିମାତି ଗାଦି କୁଃଏଟ୍ କକ୍ନେଞ୍ଜି । 32ଆଟେ ତା ନକେସି ହାବେତ୍ ଜାତିତି ଦାଲ୍ଲା ରପାଟ୍ଟେ ଆନେରି, ଆଟେ ଗାଉଡ଼େଏଞ୍ଜି ଇନିମିଡି ଅଡାଙ୍ଗ୍ ତାୱାଟି ମେଁଣ୍ଡାଅଡାଙ୍ଗ୍ ଆଙ୍ଗେ କିନେଞ୍ଜି, ଏଚିଲାକ୍କା ଏୱାଞ୍ଜି ଏୱାରିକି ରଃଅଞ୍ଜି ତାୱାଟି ଆଟେ ରଃଅଞ୍ଜିକି ରେପ୍ନ୍ନେଞ୍ଜି, 33ଆଟେ ମେଁଣ୍ଡାଅଡାଙ୍ଗ୍ତିଦି ତା ତିନ୍ନି ଇନ୍ଦେଟ୍ ଅଟେ ଅଡାଙ୍ଗ୍ତିଦି ଗିଃଇ ଇନ୍ଦେଟ୍ ଇଟ୍ଟିନେଞ୍ଜି । 34ଏମ୍ବାଟି ରାଜେଞ୍ଜି ତା ତିନ୍ନି ଇନ୍ଦେଟ୍ତି ଦାଲ୍ଲାନିକି ୱେସ୍ନେଞ୍ଜି, ୱାଦୁ ନା ଆବାତି ମେଲା ପାଁନ୍ବନ୍ତାତେରି, ମି ବାଗାଟି ଇ ପୁର୍ତି ପ୍ଲିଅନ୍ତି କାହେତାୱାଟି ଇମ୍ୱିନ୍ ରାଜି ହାମ୍ୱେର୍ କିୱାଆନ୍ନେ, ଏ ରାଜି ହକତ୍ କିଦୁ; 35ଇନାକି ନାନୁ ହାକ୍କିଟି ମାଚ୍ଚେ, ମିରୁ ନାଙ୍ଗେ ତିନ୍ବନ୍ ବାଗାଟି ହିଆତେରି, ନାନୁ ଏସ୍କିଟି ମାଚ୍ଚେଏ, ନାଙ୍ଗେ ଉନ୍ବନ୍ ବାଗାଟି ଏଜୁ ହିଆତେରି; ନାନୁ ବିହି ଦେସାତାନୁ ମାଚ୍ଚେଏ, ମତ୍ର ମିରୁ ନାଙ୍ଗେ ଗ୍ରହନ କିଆତେରି, 36ନଙ୍ଗ୍ଲା ଆନ୍ ମାଚ୍ଚେଏ, ନାଙ୍ଗେ ଅଙ୍ଗିଙ୍ଗ୍ ମେଦ୍ଦି କିଆତେରି; ରଗୁ ଆନ୍ ମାଚ୍ଚେଏ, ନାଙ୍ଗେ ଆଙ୍ଗୁଲ୍ ଆଦାତେରି; ବନ୍ଦିତାୱା ମାଚ୍ଚେଏ, ମିରୁ ନାଙ୍ଗେ ହୁଡ଼ନ୍ ୱାତେରି ।
37ଏମ୍ୱାଟି ଦାର୍ମିକଗାଟାରି ଏୱାଞ୍ଜିକି ୱ୍ଡେଚିୱେସ୍ତେରି, ଏ ଦାର୍ମୁ, ଏଚ୍ଚେକ୍ ମାମୁ ନିଙ୍ଗେ ହାକ୍କିଟ୍ ମାନ୍ନାଦାଃଆ ହୁଡ଼ାନ୍ ତିନ୍ବନ୍ ହିଆତାମୁ ? ଆଟେ ଏସ୍କିଟି ମାନ୍ନାଦାଃଆ ହୁଡ଼ାନ୍ ଉନ୍ବନ୍ ବାଗାଟି ହିଆତାମୁ ? 38ଆଟେ ଏଚ୍ଚେକ୍ ନିନୁ ବିହି ଦେସାତାତି ଆନ୍ ମାଚ୍ଚାଦାଃଆ ହୁଡ଼ାନ୍ ମାମୁ ନିଙ୍ଗେ ଗ୍ରହନ କିଆତାମୁ ? ଆଟେ ଏଚ୍ଚେକ୍ ନିନୁ ନଙ୍ଗ୍ଲା ଆନ୍ ମାଚ୍ଚି ଜେ ନିଙ୍ଗେ ହୁଡ଼ାନ୍ ଜିରାଙ୍ଗ୍ ମେଦ୍ଦି କିଆତାମୁ ? 39ଆଟେ ଏଚ୍ଚେକ୍ ନିଙ୍ଗେ ରଗୁତାୱା ମାଚ୍ଚାୱିଃଆ ହୁଡ଼ିଦାତାମୁ ଅଟେ ବନ୍ଦି ଇଡ୍ଡୁତାୱା ମାନ୍ନାଦାଃଆ ପୁଞ୍ଜାନ୍ ନିଙ୍ଗେ ହୁଡ଼ନ୍ ୱାଚ୍ଚାମୁ ? 40ଏମ୍ବା ରାଜେଞ୍ଜି ଏୱାରିକି ୱ୍ଡେପ୍ଚ୍ଚି ୱେସ୍ନେଞ୍ଜି, “ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ମିରୁ ନା ଇ ଆମ୍ୱେସ୍ ଅଟେ ଆଙ୍ଗିସ୍କା ଟିଆଟି ରଃଅଞ୍ଜି ପାଟ୍ଟି ଇଦା କିଆନ୍ନି ବାଗାଟି ନା ପାଟ୍ଟି ୱାଡ଼େ ଏଦା କିଆଞ୍ଜାଦେରି । 41ଏମ୍ୱାଟି ଏୱାଞ୍ଜି ଗିଃଇ ଇନ୍ଦେଟ୍ତି ଦାଲ୍ଲାନିକି ୱାଡ଼େ ୱେସ୍ନେଞ୍ଜି, ଏ ୱ୍ଲିପା ପାଁଣ୍ଡାନ୍ନାତାତେରି, ନା ନକେସିଆଟି ଦେହା ଆନାହି ସଇତାନ ଅଟେ ତା ଦୁତଙ୍ଗ୍ ବାଗାଟି ହାମ୍ୱେର୍ ଆନ୍ନି ଟାକ୍କିଡ଼ହ୍ନାତି ନାଡ଼ିକୁଟ୍ଟିଇନ୍ଦା ହାଜ୍ଜୁ । 42ଇନାକି ଏଚ୍ଚିକିଃଆ ନାନୁ ହାକ୍କିଟ୍ ମାଚ୍ଚେଏ, ମିରୁ ନାଙ୍ଗେ ତିନ୍ବନ୍ ବାଗାଟି ଇନ୍ନା ହିଆଦାଃଆତେରି; ଏସ୍କିଟି ମାଚ୍ଚେଏ, ନାଙ୍ଗେ ଉନ୍ବନ୍ ବାଗାଟି ଇନ୍ନା ହିଆଦାଃଆତେରି; 43ନାନୁ ବିହି ଦେସାତାନୁ ମାଚ୍ଚେଏ, ମତ୍ର ନାଙ୍ଗେ ମିରୁ ଗ୍ରହନ କିଆଦାଃଆତେରି; ନାନୁ ନଙ୍ଗ୍ଲା ଆନ୍ ମାଚ୍ଚେଏ, ନାଙ୍ଗେ ଜିରାଙ୍ଗ୍ ମେଦ୍ଦି କିଆଦାଃଆତେରି; ରଗୁ ଆନ୍ ଅଟେ ବନ୍ଦି ଇଡ୍ଡୁତାୱା ମାଚ୍ଚେ, ନାଙ୍ଗେ ହୁଡ଼ନ୍ ୱାଃଆତେରି ।”
44ଏମ୍ୱାଟି ଏୱାରି ୱାଡ଼େ ୱ୍ଡେପ୍ଚ୍ଚି ୱେସ୍ନେରି, ଏ ଦାର୍ମୁ, ଏଚ୍ଚେକ୍ ମାମୁ ନିଙ୍ଗେ ହାକ୍କିଟି କି ଏସ୍କିଟି ହୁଡ଼ାଦାତାମୁ, କି ବିହି ଦେସାତାତି, ନଙ୍ଗ୍ଲା ଆନ୍ ମାଚ୍ଚାଦାଃଆ ଅଟେ ରଗୁତାୱା କି ବନ୍ଦିତାୱା ମାଚ୍ଚାଦାଃଆ ହୁଡ଼ାନ୍ ନିଙ୍ଗେ ଆଙ୍ଗୁଲ୍ କିଆଦାଃଆତାମୁ ?
45ଏମ୍ୱାଟି ଏୱାଞ୍ଜ୍ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ନା ଇ ଆମ୍ୱେସ୍ ଅଟେ ଆଙ୍ଗିସ୍କା ଟିଆଟି ରଃଅଞ୍ଜି ପାଟ୍ଟି ଇଦା କିଆହେଃଲ୍ଲାନ୍ ବାଗାଟି ନା ପାଟ୍ଟି ୱାଡ଼େ ଏଦା କିଆହେଲ୍ଲାଦାଃଏରି । 46“ଆଟେ ଏୱାରି ଟାକ୍କିଡ଼ହ୍ନାତି ଦଣ୍ଡ ପାଁନ୍ବନ୍ ବାଗା ହାନ୍ନେରି, ମତ୍ର ଦାର୍ମିକଗାଟାରି ଟାକ୍କିଡ଼ହ୍ନାତି ପରନ୍ ପାଁନେରି ।”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2023 NLCI CC BY-NC-ND 4.0